Heblu Lẹ

¹JIWHEYẸWHE, mẹhe sọn ojlẹ hóhó mẹ, podọ To jijọ hunkọhunkọ mẹ ko gbọn yẹwhegán lẹ me dọhó hlan otọ́ lẹ to whenẹnu, ²to opòdo azán helẹ tọn ko dọhó hlan mí to ovi etọn mẹ, mẹhe é do dè whédutọ onú popo tọn, gbọn mẹhe mẹ ga é basi aihọn lẹ; ³mẹhe yín hinhọ́n gigo etọn tọn, podọ ojlẹmọ dodo odohia etọn tọn, bọ é sọ yí ohó huhlọn etọn tọn do hẹn onú lẹpo go, whenuena ewlọsu ko lẹ́ ylando mítọn lẹ sè, bo sọ sinai to adusilọ yẹyi Ganhunupo tọn ji to aga; ⁴sọle yè hẹn ẹn pónte hú angeli lẹ do dile é ko mọ oyín he gbọnvò de yí hú yé. ⁵Na angeli tẹ lẹ wẹ é ko dọ hlan tọ ojlẹ de mẹ, dọ,

¹ENẸWUTU é je mí ni nọ do ayi onú he mí ko sè lẹ go talala, na mí sọ dike yé dùdú kọnyinai to whedepopenu blo. ²Na eyín ohó he yè gbọn angẹli lẹ mẹ dọ nọte, bọ osénmejẹ podọ tólivivẹ dopodopo sọ to ale ahosu he jẹ tọn yí; ³nawẹ mìwlẹ na hòngán do, eyín mí gbẹkọ whlẹngan daho di ehe hunkọ go, he yè to dido sọn whéwhéwhenu gbọn Oklunọ me, bọ yè sọ to didọ hlan mí sọn yé he ko sè to onù etọn mẹ lẹ de; ⁴Jiwheyẹwhe ga sọ to ohia, azón dabla, huhlon alọpalọpa le, po nunina Gbigbọ Wiwe tọn po jí do to kunnudena yé, kẹdedi ojlo etọn.

⁵Na angẹli lẹ wẹ é ma yí aihọn he ja do oglọ na, ehe tọn mìwlẹ to didọ ⁶Ṣigba mẹde do to ofi de, dọ,

⁸Hiẹ ko yí onu lepo do afọ etọn glo. Na ehe é yí onú lẹpo do afọ ètọn glọ, é ma pò onú de he yè ma yí do oglọ etọn. Ṣigba dinvie mìwlẹ ma ko mo yè yí onú lẹpo do oglọ etọn gba. ⁹Ṣigba mìwlẹ mọ Jesu, mẹhe yè hẹn whè pẹvide hú angẹli lẹ, na yajiji okú tọn wutu yè yí gigo po yẹyí po do ṣinyọn ojẹgbakun nẹ; na gbọn ojọmiọn Jiwheyẹwhe tọn dali ewọ nidó dó okú pọn na gbẹtọ le dopodopo. ¹⁰Na é jẹ hẹ ẹ, mehe onú lẹpo tin na, podọ mẹhe dali onú lẹpo gbọn, to hinhẹn ovi susu wá gigo mẹ, nado hẹn awhangán whlẹngan yetọn tọn sọgbè gbọn yajiji dali. ¹¹Na mẹhe to omẹ hẹn zùn wiwe, po mẹhe yè to hinhen zùn wiwe po, omẹ dopo ton wẹ ye omẹ pó: na enẹwutu wẹ é ma do kuwinyan nado ylọ yé dọ mẹmẹsunnu, ¹²dọmọ,

¹ENẸWUTU, mẹmẹsunnu wiwe emi, máhẹtọ oylọ olọn tọn de, mì len Apọsteli, podọ Yẹwhenọ Daho ogbèyí mítọn tọn lọ pọ́n, yèdo Jesu. ²Mẹhe yín nugbonọ hlan mẹhe dè e, dile Moṣe ga yín to owhé etọn lepo gbè do. ³Na yè hia dawe he je na gigo hú Moṣe, dile mẹhe wàhò doyẹyi hú ohò lọ dò. ⁴Na mẹde dali wẹ yè gbọn do dó ohò lẹ dopodopo; ṣigba mẹhe dó onú popo we Jiwheyẹwhe. ⁵Nugbo wẹ Mosè yín nugbonọ to owhé etọn lẹpo gbedi devi de, na kunnu onú nẹlẹ tọn he yè na to ohó etọn dọ to godo. ⁶Ṣigba Klisti di Ovi to owhe etọn titi ji, owhé mẹhetọn mìwlẹ yín, eyín mí hẹn tudido, po ayajijẹ tódido mítọn tọn po go gligli kaka jẹ opòdo. ⁷Enẹwutu, dile Gbigbọ Wiwe dọ, dọmọ,

¹ENẸWUTU mì gbo mí ni sinú, na opagbe bibiọ ogbọjẹ etọn mẹ tọn yè dai na mí, depope mìtọn nikã sọawúhia nado wá whète do e go blọ. ²Na mìwlẹ wẹ yè dọyẹwheho wẹndagbe tọn hlan, kẹdẹdi hlan yewlẹ ga; ṣigba ohó he ye dọyẹwheho etọn ma doalena yé gba, na é ma flusọ yise to yé he ko sè le mẹ wutu. ³Na mí he yise lẹ tọ gbọjẹ mẹ biọ, dile é dọ, dọmọ,

¹⁴Be le mìwlẹ tindo yẹwhenọ daho de, he ko juyì olọn lẹ mẹ, Jesu Ovi Jiwheyẹwhe tọn, mì gbọ mí ni hẹn ogbèyí mítọn gò gligli. ¹⁵Na mìwlẹ ma tindo yẹwhenọ daho he ma yón vivẹ madogán mìton lẹ tọn; ṣigba to onú lẹpo mẹ he yè whlepón kẹdedi mìwlẹ, ṣigba to matin ylando mẹ. ¹⁶Enẹwutu mì gbọ mí ni yi tugbigbo do wá ofìn ojomiọn tọn kòn na mí nido mọ lẹblanu yí, na mí nido mọ ojọmiọn yí nado nọ gọalọnamẹ to nukunbibia whenu.

¹NA yẹwhenọ daho he yè dè dopo dopo sọn gbẹtọ lẹ mẹ, yè dè na gbẹtọ lẹ to onú he yín Jiwheyẹwhe tọn mẹ, na é nido nọ na nunina po avọ po na ylando: ²mẹhe sọgan wàlẹblanuna wunvinọ lẹ, podọ na yé he klán sọn aliho ji lẹ; na yè hẹn madogán he lédo ewlosu ga. ³Na ehewutu wẹ é jẹ, dile é to bibasi na gbẹtọ lẹ tọn do, mọwẹ na ewọ ni na na ylando ewlosu tọn ga. ⁴Mẹde ma sọ nọ yí yeyi he na ede, adavo yé he yè ylọ sọn Jiwheyẹwhe de kededi Aalọn. ⁵Mọwẹ Klisti ga ma sọ dogigo ogo na edelọsu nado yí i do do yẹwhenọ daho de gba; adavo mẹhe dọ hlan ẹn, dọ,

¹¹Na mehe tọn mìwlẹ tindo onú susu nado dọ, ehe sọ sinyẹnawú didọ, na mìwlẹ tlitó sisè tọn wutu. ¹²Na ojlẹ he mẹ é jẹ dọ mì do yín mẹplọntọ, mì sọ tin to yé he mẹde nasọ nọ vẹ́ onú he yín ojọgbè ohó Jiwheyẹwhe tọn he dabla tọn plón; bo sọ wá di mẹhe hunkọ ma sọgan no oyìnnọ ma tindo lẹ, ehe ma yín núdùdù sinsinyẹn. ¹³Na yé he to oyìnnọ zán lẹpo yín mawhẹn to ohó dódó tọn me, na ovi to akòn wẹ ewọ. ¹⁴Ṣigba nudùdù sinsinyẹn yín yé he tindo, azán susu to ota lẹ tọn, yé he gbọn linlẹn-zinzán tọn dali yí nuyọnẹn yetọn do to dagbe po oylan po yọnẹn.

¹ENẸWUTU mì gbó mí ni jo ohó whẹwhẹwhenù Klisti tọn tọn dai, mì gbọ mí ni yì gbèsisọ kòn; to ma vó dodó azónkuku lẹnvọjọ tọn doai ba, po yise hlan Jiwheyẹwhe dali tọn po, ²oplọ́n baptẹm tọn, po alọdomẹji po tọn, fọ́nsonku osiọ tọn po whẹ̀dida madopodo ton po. ³Ehe wẹ mìwlẹ na wà eyín Jiwheyẹwhe dike. ⁴Na yé he yè ko hùn nukun na dai lẹ, bọ yé ko dó nunina olon tọn pọ́n yé he yè yí do basi máhetọ Gbigbọ Wiwe tọn, ⁵bọ yé ko sọ dó ohó dagbe Jiwheyẹwhe tọn pón, po huhlọn aihọn he ja tọn po, ⁶eyín yé diọkọ, é glo nado vó yélé yọyó do lenvojọ me; na yé to Ovi Jiwheyẹwhe tọn whè do satin go yọyọ hlan yéde, bo sọ to winyando e gbangba ⁷Na aigba he to osìn ojikun tọn he to jija do ẹ ji whẹ̃whẹ̃ zé nù, bo é sọ nọ wú omá he jẹ na yé he nọ jla ẹ do le, é mọ dona yí to Jiwheyẹwhe de: ⁸ṣigba ehe to wẹwun po tewun po sẹn, yè gbẹ́ e, é ma dẹn do ovivà; opòdo mẹhetọn yè na simiyon.

⁹Ṣigba, mẹyiwanna emi, mí to onú he yónwhanpẹ humọ lẹn do mì go, pọdọ onú he no zọnpọ hẹ whlẹngan, eyín mìwlẹ to didọ do mọ. ¹⁰Na Jiwheyẹwhe ma yín mawàdódónọ nado wọn azón mìtọn po tukla owanyi mìtọn tọn po, he mì ko sọhia gbọn oyín etọn dali, na le mì to devizónwà hlan mẹwiwe lẹ do, bo sọ to bibasi i. ¹¹Mìwlẹ sọ jlo dọ mì omẹ dopodopo ni to magbọjẹ mọtọn hunkọ sọhia jẹ yinyọnẹn he diun to tódido mẹ kaka je opòdo: ¹²dọ mìwlẹ sọ wàdidọ blo, ṣigba dọ mì ni yín mẹhodotọ yé he gbọn yise po homẹfa po dali dugú opagbe lẹ tọn lẹ.

¹³Na whenuena Jiwheyẹwhe dopagbe hlan Ablaham, le é ma mọ mẹhe hú i nado yí do whlé, é yi ede do whlé, ¹⁴dọmọ, Nugbonugbo, na dìdona, yẹn na dona we, na jideji, yẹn na hẹn we jideji. ¹⁵Mọ sọ wẹ, to ehegodo le é yí homẹfa do doakónna, é mo opagbe lọ yí. ¹⁶Nugbo wẹ gbẹtọ nọ yí mẹhe hú i do whlé; podọ to nudindọn yetọn lẹpo mẹ whiwhleyínolado nahinhẹnlódo. ¹⁷Ehe mẹ Jiwheyẹwhe to jijlo talala nado sọhia dogó hlan whédutọ opagbe tọn lẹ madiọ ohónamẹ etọn tọn, é yí whiwhlé do ṣẹnṣẹn. ¹⁸Na, gbọn onú madiọ awe dali, ehe mẹ é glo Jiwheyẹwhe nado dolalo, mí; sogan tindo awusinyẹnhẹnfua he hẹnaì, mẹhe họ̀nyì lẹ na ofìbètádo nado hen tódido he yè ze dai to nukọn mítọn go. ¹⁹Tódido he mí tindo di húnsíngàn ayiha tọn, ehe diun bo sọ nọte gligli ehe sọ biọ ofi yè yí avọ̀ do gbòabò te mẹ yì; ²⁰fie nukọntọ mítọn ko biọ yì na mí, yèdo Jesu, mẹhe yè yí do do yẹwhenọ; daho kakadoi kẹdẹdi ohukan Mẹlkizedẹki tọn.

¹NA Mẹlkizedeki he, ahọlu Salẹm ton, yẹwhenọ Jiwheyẹwhe gigogan ton, meùe pé Ablaham gò sọn ahọlu lẹ hùhù tẹnmẹ, bo sọ dona ẹn; ²mẹhe Ablaham yí vlọndao ọnú popo tọn hlan; gbọn yínkọdena dali whẹ, Ahọlu dodo tọn, podọ to godome ga, Ahọlu Salem tọn, he basi Ahọlu jijọho tọn; ³e mẹ tindo otọ́, é ma tindo onọ, é ma tindo ajitẹn, mọ éma tindo azán jiji tọn, kavi opòdo ogbè-tọn; ṣigba yè da ẹ di Ọvi Jiwheyẹwhe tọn; é sọ to yẹwhenọ yín kakadoi.

⁴Be mí lẹn le dawe he klo sọ tọn pọ́n, mẹhe Ablaham otọ́-daho do vlọndao ogblàn lẹ tọn hlan ⁵Podọ nugbo wẹ mẹhe yín ovi Levi tọn lẹ, he yí yẹwhenọ ganduta tindo osén nado nọ yí vlọndao to gbẹtọ lẹ dẹ kẹdẹdi osén tọn, enẹ wẹ sọn mẹmẹsunnu yetọn lẹ de, eyín yé tlẹ tọ́n sọn Ablaham mẹ: ⁶ṣigba ewọ, mẹhe yè ma hia ajitẹn etọn sọn ogbla yetọn mẹ, yí, vlọndao to Ablaham de, bo sọ dona ewọ he tindo opagbe lẹ. ⁷Matin núdindọn depope, yọ̀pọ godo wẹ yè nọ dona sọn mẹpọnte de. ⁸Podọ to ofì gbẹtọ hẹ nọ kú yí vlọndao; ṣigba to fìnẹ mẹhe yè dẹkunnuna dọ, é tin to ogbé, wẹ yí yé. ⁹Dile yẹn sọgan dọ mọ do, Levi ga, he nọ yí vlọndao, é sú vlọndao họ to Ablaham mẹ. ¹⁰Na ẹwọ tin to, otọ́ Ablaham mẹ, whenuena Mẹlkizedẹki pé e.

¹¹Be eyín gbèsisọ tin gbọn Levi yẹwhenọ gánduta dali, (na oglọ etọn wẹ gbẹtọ lẹ yí osén tẹ wutu,) ete ka wẹ sọ pò bo yẹwhenọ gánduta devo nado fọ́n kẹdẹdi ohukan Mẹlkizedẹki tọn, bọ yè ma sọ ylọ ẹ gbọn ohukan Aalọn tọn dali? ¹²Le yè diọ yẹwhenọ gánduta, yè ma sọgan nọ osén ma diọ ga. ¹³Na mẹhe go yè to ohó onú helẹ tọn dọ dọ, whẹndo devo mẹ wẹ é sọn, ehe tọn mẹde ma nọ; nọte to agbà kòn. ¹⁴Na yè mọ onú jẹ e mẹ dọ, whẹndo Juda tọn mẹ wẹ Oklunọ mítọn, tọn sọn; whẹndo he mẹ Moṣe ma do ohó gbọn yẹwhenọ gánduta tọn dali. ¹⁵Yè sọ mọ onú jẹ e mẹ humọ dọ: na, kẹdẹdi opajlẹ Mẹlkizedeki tọn, yẹwhenọ devo fọ́n wutu, ¹⁶mẹhe yè yí do do, é ma yín di ogbè osén agbasanọ gbèdide tọn gba, ṣigba di huhlọn ogbè madopodo tọn wẹ. ¹⁷Na é dekunnu dọ, Hiẹ wẹ yẹwhenọ de kakadoi Kẹdẹdi ohukan Mẹlkizedẹki tọn. ¹⁸Na odèsè osén hóhó tọn tin, na madogan po madoale etọn po tọn wutu, ¹⁹na osén ma sọgan hen nudepope sogbè, ṣigba hinhẹn tódido he yọnwhanpẹ humọ wá e mẹ nọ basi i; gbọn ehe dali mìwlẹ to sisẹpé hlan Jiwheyẹwhe de. ²⁰Podọ é ma yín to mawhlé núde mẹ wẹ yè yí i do do yẹwhenọ te gba: ²¹(na yè do yẹwhenọ lẹ to mawhlé núde mẹ; ṣigba ehe po whiwhlé po gbọn mẹhe dọ hlan ẹn dali, dọmọ,

²⁶Na yẹwhenọ daho mọtọn hunkọ wẹ jẹ mí, mẹwiwe, madoblu, magble, mẹhe jela na ylandonọ lẹ, he yè zé daga hú olọn lẹ. ²⁷Mẹhe ma do onú wiwà egbésọegbésọ di yẹwhenọ daho nẹlẹ, nado sánvọ́ na ylando ede tọn whé, whẹpo é na do basi na gbẹtọ lẹ: na whladopo wẹ é wà ehe, whẹnuẹna é yí ede do sánvọ́. ²⁸Na osén nọ yí mẹhe hlọnhlọn ma to olan me na lẹ do do yẹwhenọ daho: ṣigba ohó whiwhlé tọn he ko tin sọn osẹ́n whenu gbọn, ko yí Ovi do do, mẹhe yè dè do pipé dovo kakadoi.

¹DINVIE ota onú he mí to didọ nẹlẹ tọn wẹ ehe: Mìwlẹ tindo yẹwhenọ daho mọtọn; hunkọ de, he sinai to adusilọ yẹyi ofìn Ganhunupo tọn tọn ji to olọn mẹ; ²devizọ́nwàtọ fiwiwe tọn de po gohò nugbo tọn po, he Oklunọ pọ́n, é ma yín gbẹtọ gba. ³Na yè do yẹwhenọ daho lẹ dopodopo nado nọ na nunina, podo nado nọ sánvẹ́: enẹwutu dawe he ma sọgan nọma tindo onú he é na do sánvọ́ gba. ⁴Na eyíndọ ewọ tin to aihọn mẹ é ma na yín yẹwhenọ gba, na yẹwhenọ he to nunina zán kẹdẹdi osén tọn lẹ tin: ⁵yé he to sinsẹ́n hlán ohia po oyẹ onú olọn tọn nẹlẹ po, dile Jiwheyẹwhe plọ́n Moṣe do, whenuena é wleawu nado pọ́n gohọ odè tọn, é dọmọ, Pọ́n, na hiẹ ni basi onú lẹpo kẹdẹdi ohia he yè sohia we to osé ji. ⁶Ṣigba dinvie le é tindo devizọn he doyẹyi hú enẹ, nawẹ é ma na yín hóyidọtọ whẹgbọtọ alènu he yọnwhanpẹ hú tọn do, ehe yè hẹn lódo do opagbe he bọawu humọ tọn ji. ⁷Na eyín alẹnu tintan lọ ko sọgbè, yè ma do din otẹn na awetọ gba. ⁸Na mimọ dọ yé ma pégan, wẹ é do dọmọ,

¹YÈDỌ dinvie alènu tintan tindo osén doai núwiwa sinsẹ̀n wiwe tọn, po fiwiwe aihọn he mẹ tọn po ²Na yè gbá gohọtúntún de, nukọn tọn, to ofi; zogbántin, po tafo po, po akla sọhia tọn po te, he yè nọ ylọ dọ fiwiwe ³To avọ̀ yè do gbòabò awetọ godó, wẹ gohọ̀túntún he yè nọ ylọ dọ Ofi Wiwe hú popo lẹpo. ⁴Ehe tindo sika siklẹ nuwhenwan tọn, po apotin alènu tọn po he yè kòn sika lédo, ehe mẹ sika-zén mana tọn te, po opò Aalọn tọn he joamà po, po tafo alènu tọn lẹ po. ⁵Podo to e ji wẹ kelubin gigo tọn he ṣinyọn oyẹ̀ aisintẹn lẹblanu tọn ji te; ehe yè ma sọgan yí onù do dọ hézéhézé dinvie gba. ⁶Dinvie le yè wleawu onú helẹ tọn do mọ, yẹwhenọ lẹ nọ biọ gohò he ji ye na plọnjẹ mẹ to whepoponu, bo no yì basi sinsẹ̀n Jiwheyẹwhe tọn. ⁷Ṣigba awetọ lọ mẹ wẹ yẹwhenọ daho dopokẹdẹ nọ biọ whladopo to owhè mẹ, é ma yín to ma hẹn ohùn to alọ mẹ gba, ehe é yi do sánvẹ́ na ede whẹ́, podọ na alíbubu gbẹtọ lẹ tọn: ⁸Gbigbọ Wiwe sọ yí ehe do dohia dọ, ali biọ ofi wiwe he hú popo lẹpo mẹ ma ko sọawúhia gba, whenuena gohò tintan tin to ote: ⁹ehe yín ohia na ojlẹ whenẹnu tọn, ehe mẹ yè na nunina po avọ́ po te, ehe ma sọgan hen mẹhe to sinsẹ̀n basi lọ sọgbè gbọn ehe yín ayiha tọn dali; ¹⁰ehe nọte to dùdù po nùnù po kẹdẹ mẹ, podọ to nukiklọ alọpalọpa tọn mẹ, po to nudoai agbasa tọn lẹ po mẹ, ehe yè zé do ote na yé kaka é na do jẹ vọwà whenu.

¹¹Ṣigba Klisti ko wá nado yín yẹwhenọ daho onú dagbe he ja tọn, gbọn gohò he klo bo sọ sọgbè gbahú dali, ehe yè ma yí alọ do basi, enẹ wẹ nado dọ, é ma sọn dida he mẹ gba; ¹²mọ é ma yín gbọn ohùn gbọgbọẹ po oyìnvu tọn po dali, ṣigba gbọn ohùn etọn titi mẹ wẹ é biọ fiwiwe nẹ mẹ whladopo, to ehegodo é mọ ofligọ̀ madopodo yí na mí. ¹³Na eyín ohùn oyìnsu tọn po gbọgbọẹ tọn po, po afín oyìnasiwhe tọn he yè nọ húnhún do mawenọ lẹ go po, nọ hẹn omẹ zùn wiwe na olèwé agbasalan tọn: ¹⁴nẹmunẹmu wẹ ohùn Klisti tọn, mẹhe gbon Gbigbọ madopodo mẹ yí agbasa ede tọn do sánvẹ madodiho hlan Jiwheyẹwhe, ma na lè ayiha mìton wé sọn azon kúkú mẹ nado sẹn Jiwheyẹwhe ogbẹ̀nọ lọ? ¹⁵Na ehe tọn wutu wẹ é yín whẹgbotọ alènu yoyo tọn, na gbọn okú mẹ, na ofligọ̀ ylando hóhó tọn he tin to alẹ nu tintan glọ, yé he yè ylọ lẹ nido mọ opagbe ogú madopodo tọn yí. ¹⁶Na fie owé alẹ̀nu ton te, okú alẹnutọ tọn ma sọgan nọma tin to finẹ ga. ¹⁷Na owé alènu tọn tindo huhlọn to whenuena gbẹtọ kú godo; eyín é ma yín mọ, é ma tindo huhlọn lala whenuena alènuto tin to, ogbẹ̀. ¹⁸Enẹwutu yèdọ yè ma klán alènú tintan do wiwe matin ohùn gba. ¹⁹Na whenuena Moṣe dọhó osẹn dopodopo tọn hlan gbẹtọ lẹpo kededile osẹn te é yí ohùn oyinvu po gbogboe tọn po, po osìn po, sekanvẹ, po hibọpu po, bo mi do owhe po gbẹtọ lẹpo po go, ²⁰bo dọmọ, Ehe wẹ ohùn alènu ton he Jiwheyewhe degbèna hlan mi dali. ²¹Humọ e sọ yí ohùn do yìn gohò, po núzinzán he yẹwhenọ lẹ do nọ sèn po ²²E blà yín onu lẹpo gbọn osen dali wẹ yè yí ohùn do lèwẹ́, podọ matin ohùn kọ̀ndai odèsẹ̀ ylando tọn ma tin.

²³Enẹwutu é jẹ dọ yè ni yí ehelẹ do klọ́ onú he yín ohia olọn tọn lẹ, ṣigba onú olọn tọn lẹ lọsu wẹ yè ni yí avọ he yónwhanpẹ hú ehẹlẹ do kló. ²⁴Na Klisti ma biọ fiwiwe he yè yí alo lẹ do basi mẹ gba, ehe basi ohia nugbo ton; ṣigba é biọ olọn lọsu mẹ, dinvie nado tọn wá Jiwheyẹwhe nukọn na mí: ²⁵na é ma sọ yín dọ é nido to ede yí do to avọsán whẹwhẹ gba, dile yẹwhenọ daho lẹ nọ biọ fiwiwe mẹ do to whèmẹ whèmẹ, pọ ohùn mẹdevo tọn po to alọ mẹ gba; ²⁶be ewọ ma sọgan nọma to yaji whẹ̃whẹ̃ sọn aihọn dòdó whenu wá: ṣigba dinvie é sọawúhia whladopo to aihọn pòdọ nado dè ylando sè gbọn avọ́ sinsán ede tọn dali. ²⁷Podọ sọle yè dè hlan gbẹtọ whladopo nado kú, ṣigba to enegodo whẹ̀dida: ²⁸mọwẹ yè yí Klisti do sánvọ́ whladopo nado zé ylando mẹsusu tọn hen: podọ hlan yé he sọ to nukundo: aliho nẹ lẹ wẹ é na sọawúhia whlawetọ jẹla sọn ylando mẹ hlan whlẹngan.

¹NA osén tintindo oyè onú dagbe he ja lẹ tọn, ma yín ojlẹmọ onú lẹ lọ tọn, gbọn avọ́ he yè to sinsan whepọponu to whèmẹ-whèmẹ le dali sọgan hẹn yé he dọn sẹpọ lẹ: sọgbè gbà. ²Be enẹwutu yè ma do gbọ yé yí do sánvọ gbá; na sinẹnto he yè lẹ̀wé whladopo lẹ ma do sọ tindo ayi ylando ton ba gba. ³Ṣigba to avọ́ nẹlẹ mẹ wẹ yè sọ to ylando nẹlẹ flin to whèmẹ-whèmẹ. ⁴Na é glo do ohùn oyìnsu tọn po gbọgbọẹ tọn po nado dè ylando sè. ⁵Enẹwutu, whenuena é wá aihọn mẹ, é dọmọ,

¹⁹Mẹmesunnu, be le mí tindo tugbigbo nado bio ofì he we gbahú mẹ gbọn ohùn Jesu tọn dali ²⁰gbon ali yọ́yọ́ ogbènọ de ji ehe yè lèwé na mí, gbọn avọ̀ yè do gbòabò lọ mẹ, enẹ wẹ nado dọ agbasalan etọn; ²¹podọ le mí tindo yẹwhenọ daho de to owhè Jiwheyẹwhe tọn ji; ²²mì gbọ mí ni yí ayiha nugbo de do dòn sepo ẹ, to ogigó yise tọn mẹ, na yè ni yí nuyìnnú do kló ayiha ylankan mítọn mẹ, bo sọ yí osìn wiwe do kló agbasa mítọn wé. ²³Mì gbọ mí ni hẹn ogbèyí yise mítọn tọn go gligli to mado ayi awe mẹ; (na nugbonọ wẹ ewọ he dopagbe;) ²⁴mì gbọ mí ni sọ nọ lẹn mìnọzo tọn pọ́n nado nọ jlahomẹdona to owanyi po azọ́n dagbe lẹ po mẹ: ²⁵to ma gbé opli mìde tọn mẹ, dile jijo mẹdelẹ tọn te; ṣigba mí ni nọ to homẹjladona mìnọzo; humọ na le mì mọ dọ azán lọ to sisepó.

²⁶Na eyín mìwlẹ yọnẹn gàn bo wà oylan whenuena mìwlẹ ko mọ oyọnẹn nugbo tọn yí godo, avọ́ na ylando ma tin ba gba, ²⁷ṣigba nukundido he dóbu owhẹdida tọn de, po homegble he hùnzo tọn po, he na hù kèntọ lẹ súdo. ²⁸Mẹhe gbẹwanna osén Moṣe tọn, kú matin lẹblanu to kunnudetọ awe kavi atọ̀n glọ: ²⁹nẹmunẹmu wẹ mìwlẹ lẹn dọ, yè na lẹn ẹn dọ é jẹ na oya he vé, mẹhe yí afọ do zín Ovi Jiwheyẹwhe tọn dai, bo sọ hia ohùn alènu tọn lọ, he yè do hẹn ẹn zùn wiwe, di onú mawé de, bo sọ wà ovlẹ hlan Gbigbọ ojọmiọn tọn go? ³⁰Na mìwlẹ yón ewọ he dọmọ, Ahọsuyí wẹ ṣie, yẹn na suahọ. Podọ, Oklunọ na dawhèna omẹ etọn lẹ. ³¹Onú dobu wẹ nado jai jẹ alọ Jiwheyẹwhe ogbènọ tọn mẹ.

³²Ṣigba mì ni flin azán nukọn tọn lẹ, ehe mẹ, ehegodo yè hùnnukunna mì vò, mì sinyẹnlin do doakónna avùn daho nukunbibia tọn; ³³to apade, whenuena yé yí mì do basi núpinpón na kiko po nukunbibia po; podọ to apade, whenuena mì sọ lẹzun ogbé yé he yè to zinzán gbọn mọ lẹ tọn ga. ³⁴Na mìwlẹ do awubla na mi to ogàn ṣie mẹ, mì sọ yí homẹhùnhùn do yí agbàn mìtọn yè hẹngble le, na le mì ko yọnẹn to mìde home dọ, mì tindo adọkun he pọ́nte he ma nọ gble humọ to olọn mẹ. ³⁵Enẹwutu mì zé tudido mìtọn dlan blo, ehe tindo ahọsu ale daho tọn. ³⁶Na mì ma sọgan nọma tindo homẹfa, dọ, ehegodo mìwlẹ wà ojlo Jiwheyẹwhe tọn vọ̀, mì nido mọ opagbe yi.

¹DINVIE yise wẹ dòdó onú yè to tódo tọn, okunnu onú he mí ma mọ tọn. ²Na é mẹ wẹ mẹho lẹ mọ kunnude dagbe yí te. ³Gbọn yise dali mìwlẹ yọnẹn dọ gbọn ohó jiwhey ẹwhe tọn dali wẹ yè tò owhenu lẹ do hajihaji te, sọmọ bọ yè ma yí onú he yè ma mọ do da onú he yè mọ le gba. ⁴Gbọn yise dali Abẹli sánvọ́ dagbedagbe de hlan Jiwheyẹwhe hú Kaini: gbọn ehe dali é mọ kunnude yí dọ dódónọ wẹ ewọ, Jiwheyẹwhe sọ dekunnuna nunina etọn: gbọn ehe dali, le é kú, dinvie é to hódọ. ⁵Gbọn yise dali yè diọtẹnna Enọku, bọ é ma nado mọ okú; yè ma sọ mọ ẹn, na Jiwheyẹwhe ko diọtẹn nẹ̃ wutu; na jẹnukọnna tẹndidiọ etọn é tindo kunnude he dọ, e hẹn homẹ Jiwheyẹwhe tọn hùn. ⁶Ṣigba matin yise, é glo nado hẹn homẹ etọn hùn: na ewọ he ja Jiwheyẹwhe de, ma sọgan nọma yise dọ é tin, podọ ewọ wẹ ahọsutọ yé he whèsọ do din i lẹ tọn ⁷Gbọn yise dali Noa, whenuena yè dohia onú hè yè ma kó mọ lẹ tọn nẹ sọn Jiwheyẹwhe; de, le obu di i, é wleawu ohún (aki) tọn dai na whlẹngan owhẹ́ etọn tọn: gbọn ehe tọn dali é gblewhẹdo aihọn, bo sọ lẹzun whédutọ dódó he tin gbọn yisè dali tọn. ⁸Gbọn yise dali Ablaham, whenuena yè ylọ ẹ nado tón yì ofi de he é na yí to godomẹ na ogú, é yise: bo sọ tọ́n yì, é ma yọ́n fie é jei. ⁹Gbọn yise dali é wáwási tọ aigba opagbe tọn lọ ji, di ojonọ to otò me, bo nọnọ̀ gohò mẹ po Isaki po, po Jakobu po, yé gúdutọ opagbe dopolọ tọn hẹ ẹ: ¹⁰na é to nukundo otò daho de he tindo dòdó, ewọ he dó e bo sọ basi i wẹ Jiwheyẹwhe. ¹¹Gbọn yise dali Sala lọsu ga tindo huhlọn nado mọhò, bo sọ jivi whenuena é ko pòyọnho vọ̀, na é hia ewọ he dopagbe na nugbonọ. ¹²Enẹwutu wẹ mẹsusu do tọ́nkun sọn omẹ dopo go, yèdọ to ewọ he di oṣiọ, mẹsusu gege di sunwhlẹvu he to aga lẹ, bo sọ di otòkẹn he tin to ohùtó madohihia.

¹³Yé omẹ helẹ pó wẹ kú to yise mẹ, bo ma mọ opagbe lọ yí, ṣigba yé ko mọ ẹn to aganu boboe, bo yọnẹn to yéde mẹ, bọ sọ jlẹgbèna yé, bo sọ yígbe dọ jonọ, towiwehisizọnlinnọ wẹ yé to aihọn mẹ ¹⁴Na yé he nọ dọ onú mọhunkọ tọn lẹ, yé dọ ẹ họn un dọ, yé to otóyigba de din pé. ¹⁵Nugbo wẹ, eyín yé ko flin otò he mẹ yé tòn sọn lọ, yé na ko din ali nado lẹgọ̀ yì. ¹⁶Ṣigba dinvie yé to otò he yọnwhanpẹ humọ de din, enẹ wẹ, olọn tọn de: enẹwutu Jiwheyẹwhe ma kuwinyan dọ yè ni ylọ ẹ dọ jiwheyẹwhe yetọn gba: na é ko jla otò de do dai na yé wutu.

¹⁷Gbọn yise dali Ablaham, whenuena yè whle ẹ pọn, é yi Isaki do sánvọ́: ewọ he sọ yí opagbe lẹ yí Ovi dètọ́n etọn dopo akàn lọ do sánvọ̀, ¹⁸na ewọ he tọn mẹ yè dọ, dọmọ, To Isaki mẹ wẹ yè na nọ ylọ okún towe te: ¹⁹ehe é hia dọ, Jiwheyẹwhe tlẹ sọgan fọ́n ẹn dote sọn osiọ mẹ; sọn ehe mẹ é yí i to ọpajlẹ mẹ. ²⁰Gbọn yise dali Isaki dona Jakobu po Esau po gbọn onú he ja lẹ tọn dali. ²¹Gbọn yise dali Jakobu, whenuena é to azọ̀nzàn ji, é dona ovi Josẹfu tọn awe lẹ, é litai bo zẹ̀nmenú alọnupọ etọn ji. ²²Gbọn yise dali Josefu, whenuena é to na kú, é flin tintọn ovi Islaeli tọn lẹ tọn; bo sọ degbèna yé gbọn ohú etọn dali. ²³Gbọn yise dali Moṣe, whenuena yè ji i, yè sọ ẹ whlá họ̀ osùn atọ̀n to mẹjitọ etọn le de, na yé mọ é yín ovi whanpenọ wutu; yéma sọ dibuna osén aholu tọn. ²⁴Gbọn yise dali Moṣe, whenuena é whẹ́n, é kọ́ nado yín yiylọ ovi viyọnnu Falo tọn lọ tọn; ²⁵é tlẹ jlo na jiya nukunbibia tọn hẹ omẹ Jiwheyẹwhe tọn lẹ, hú nado dugbè ylando ton to ojlẹ pevide mẹ; ²⁶é hia ovlẹ Khsti tọn na adọkun daho hú adọkunnu Egipti tọn lẹ: na é pòn hlan ahọsu ale lọ tọn. ²⁷Gbọn yise dali, é gbé Egipti dai, bo ma sọ dibuna homẹgble ahọlu tọn: é doakọ́n nẹ̃ taidi e mọ ewo he yín mamọ lọ. ²⁸Gbọn yise dali é sánvò juwayì, po ohùn yìn do onú go ton po, na ewọ he to ovi plọnji lẹ hù nikã do alọ yé go. ²⁹Gbọn yise dali yé gbọn Ohù Vẹ̃ mẹ yì taidi to aigba húhú ji; ehe Egiptitọ lẹ whlepón nado basi, yé siọ. ³⁰Gbọn yise dali dòkọ Jẹliko tọn họ súai ehegodo yé lédo ye azán ṣinawe. ³¹Gbọn yise dali Lekabu yọnnu gàlọto ma dọ̀n po tólivẹtọ lẹ po, whenuena é kẹalọyi amẹ́ lẹ po jìjọhọ po. ³²Etẹ wẹ yẹn nasọ to vivọ dọ? na whenu na fẹ́ do mi nado dọ Gidiọni tọn, Balaki tọn, Samsọni tọn, Jẹfta tọn, Davidi tọn, Samuẹli tọn, po yẹwhegán le po tọn: ³³yé he gbawhàn aholu yigba tọn gbọn yise dali, he wàzọ́n dódó tọn, he yí opagbe lẹ lọ, bo sọ bla onù kinnikinni lẹ tọn, ³⁴he sizò huhlon miyọn tọn, he họ̀ngán sọn onù ohi tọn mẹ, to madogán mẹ ye hẹn yé zùn huhlọnnọ, yé lẹzun adantọ to avùn me, yé yàn awhan jonọ le tọn yì. ³⁵Yọnnusi lẹ to osiọ yẹtọn lẹ mọyí gbọn fònsọnku de dali: yè to yasahẹ mẹdelẹ, yé gbẹ́ whlẹngan; na ye nido mọ fọ́nsọnku he yọ́nwhanpẹ hú yí: ³⁶yé mẹdelẹ tindo whlepọ́n vlẹko oka tọn, hihò tọn, nugbo, bibla po ogàndomẹ tọn po ga. ³⁷Yè to zannu dlan do yé, yè yí ayinyòn de do yé sán doawe, yè to yé whlepón, yè yí ohi do to yé hù: yé to dindanpe to ayú lẹngbọ po gbọgbọe po tọn mẹ; ye zùn agbátọno, nukunbibiano, awufiẹsanọ. ³⁸(Mehe aihọn ma jẹhẹ:) yé to dindanpé to zùngbo mẹ, to osé daho lẹ ji, to odo mẹ, podọ to aigba slo glọ. ³⁹Ehelẹ pó he mọ kunnude dagbe yí gbọn yise dali, ma mọ opagbe lọ yí: ⁴⁰Jiwheyẹwhe ko sọ wleawu onú he yọ́nwhanpẹ humọ tọn dai na mí, dọ to mìwlẹ godo yè ma sọgan hẹn yé sọgbè gba.

¹BE enẹwutu sọle yè yí aslọ kunnude tọn susu lẹ́do mí pé ga di ehe, mì gbọ mí ni dè ọnú pinpẹ̀n lepo do apadopo, po ylando he ma sinyẹnawú nado tẹ́ do omẹ go po, bo sọ gbọ mí ni nọ yí homefa do hòn alewezun he yè zé do mí nukọn, ²bo nọ pọ́n hlan Jesu he yín dòdó po opòdo yise mìton tọn po, mehe na ayajẹ he ye zé do nukọn eton wutu é doakọ́nna satin lọ, ma hò winyan lọ pòn, bo sọ sinai to adusilọ ofìn Jiwheyẹwhe tọn ji. ³Bo sọ lẹn ewọ he doakónna hódọdomẹgo ylandonọ lẹ tọn he hunkọ tọn pọn, na onú nikã dikọna mì, na agbọ́ nikã pé ajiha mìtọn. ⁴Miwlẹ ma sà ko pànnukọn avùn jẹ ohùn to avùnhiho mìtọn mẹ hẹ ylando. ⁵Mì ko sọ wòn homẹjladohó he é to didọ hlan mì di hlan ovi lẹ, dọ,

¹⁴Mì nọ yí jijọho do zọ̀nhẹ gbẹtọ lẹpo, po owalọ wiwe po, eyín enẹ ma tin, mẹde ma sọgan mọ Oklunọ: ¹⁵to vivẹnu mẹ talala dọ mẹdepope pòali ojomiọn Jiwheyewhe tọn tọn blo; na adò vivẹ tọn de nikã tónkun jẹgbonu bo dotukla mì, mẹsusu bo nasọ gbọn e dali gble; ¹⁶na gàlọtọ kavi omẹ gbigbletọ di Esau tin blo, ewọ he sa jijihuhlọn etọn lọsu na núdùdù nudo dopo. ¹⁷Na mì yọnẹn dọ to godomẹ, whenuena ewọ jlo nado dugú mọ dona lọ tọn, yè gbẹ́ ẹ dlanai na é ma sọ otẹnmẹ nado lẹnvọjọ), eyín é tlẹ yí dasìn do whèsọ din i talala.

¹⁸Na mì ma wá osọ́ he yè sọgan do alọ e go ji gba, ehe to miyọn ji, kavi wá oyú, zinvlu, po jẹhọn po kòn, ¹⁹ogbè opẹ̀n tọn, po ogbè ohó tọn po; ogbè he yé he sè lẹ vẹvẹ dọ, yè sọ dọ ohó lọ hlan yé ba blo: ²⁰(na agbasa yetọn ma sọgan hẹn onú he yè degbè etọn, E sọ sọmọ, bọ eyín kanlin de liagba osọ́ lọ, zannu wẹ yè na yín do ẹ hù, kavi yè na sọwhán ẹ hù: 3 ²¹onú pinpọ́n lọ dobu sọmọ, bọ Moṣe dọmọ, Yẹn savo talala bọ sọ sisọ:) ²²ṣigba osọ́ Ziọni tọn ji wẹ mì wá jẹ, podọ, otòdaho Jiwheyẹwhe ogbènọ lọ tọn mẹ, Jelusalẹm olọn tọn, podọ ogbé angeli le tọn he madohìhia mẹ; ²³wá ogbé daho, agùn plọnji lẹ tọn mẹ, he yè ko wlanwe etọn to olọn mẹ, to Jiwheyẹwhe Whẹdatọ gbẹtọ lẹpo tọn de, podọ to gbigbọ gbẹtọ dódónọ lẹ tọn de, he yè ko basi sọgbè, ²⁴podọ jẹ Jesu avùndatọ alènu yọ́yọ́ tọn de, podọ jẹ ohùn yìnyìn do omẹ go tọn, ehe to onú dagbe dọ hú Abẹli tọn. ²⁵Mì payi e go dọ mì sọ gbẹ́ ewọ he to hódọ blo. Na eyín yé he gbẹ́ ewọ he to hódọ to aihọn mẹ ma gán, nẹmunẹmu wẹ mìwlẹ ma na sọgan hòngan, eyín míwlẹ lé sọn ewọ he to hódọ sọn olon mẹ de: ²⁶ogbè mẹhetọn whàn aigba to whenẹnu, ṣigba to dinvie é ko dopagbe dọmọ, Whladopo dogọ́ yẹn ma to aigba kẹde na whàn ba, ṣigba olọn ga. ²⁷Ohó he lo, Whladopo dogó, bibẹsè onú he yè ko whàn lẹ tọn dohia, di onú he yè da tọn lẹ mẹ, dọ onú he yè ma whàn nẹlẹ nido nọ mọ. ²⁸Enẹwutu le mìwlẹ to ahọlu yigba he yè ma sọgan whàn yí, mì gbọ mí ni hẹn ojọmiọn go, ehe mẹ mí sọgan nọ basi sinsẹ̀n homẹhùnnọ hlan Jiwheyẹwhe te po yẹyi po, po osi po. ²⁹Na miyọn dusúdo de wẹ Jiwheyẹwhe mítọn.

¹GBỌ owanyi mẹmẹsunnu tọn ni tin to ote jeijei. ²Mi wọn nado nọ do owanyi hia hlan jonọ lẹ blo; na gbọn enẹ dali mẹdelẹ hẹjo angẹli lẹ mayọnẹn. ³Mì nọ flin yé he tin to ogàn mẹ lẹ, di mẹhe to ogàn mẹ po yé po; podọ mẹhe yè yí oylan do to zinzán hẹ dile mìlọsu ga tin to agbasa mẹ do. ⁴Mì gbọ alọwle ni yín tintindo to ogbégbigbo mẹ to omẹ popo mẹ, mì sọ dike ye hẹn adọ̀ flu blo: na gàlọtọ po ayòdetọ lẹ po wẹ Jiwheyẹwhe na dawhẹna. ⁵Mì gbọ owalọ mìtọn ni tin matin nukunkẹn; onú he mì tindo ni pé mì: na é ko dọmọ, Yẹn ma to na jo we dai gbède, kavi gbẹ́ we gba. ⁶Sọmọ bọ mìwlẹ po tugbigbo po do dọmọ,

⁷Mì flin yé he yín ogán to mì ji lẹ, yé he to ohó Jiwheyẹwhe tọn dọ hlan mì lẹ: mì nọ hodo yise yeton, bo sọ nọ lẹn opòdo owalọ yetọn tọn pọ́n. ⁸Jesu Klisti dopolọ to osọ, egbé, mọwẹ podọ kakadoidoi. ⁹Mì yin omẹ yè yí oplọ́n wunmẹdẽvo he jagọ̀ do dọ̀n danpé blo. Na onú dagbe wẹ, eyín yè yí ojọmiọn do hẹn ayiha mìtọn lódo; é ma yín gbọn núdùdù dali gba, ehe ma doale na yé he yè to zinzán to e mẹ lẹ. ¹⁰Mìwlẹ tindo agbà de, ehe mẹ yé he to sinsẹ̀n to gohò mẹ lẹ ma tindo huhlọn nado nọ dù te. ¹¹Na olan kanlin nẹlẹ ton, ohùn ehe tọn yè hẹnwá fiwiwe mẹ gbọn alọ yẹwhenọ daho tọn mẹ na ylando, dokọ godo wẹ yè nọ mè yé te. ¹²Enẹwutu Jesu ga, dọ é nido lè gbẹtọ lẹ wé gbọn ohún ede tọn mẹ jiya to dòkọ godo ga. ¹³Enewutu mì gbọ mi ni jẹgbonu yì jẹ e de to osla lọ godo, bo to ovlẹ etọn hẹn. ¹⁴Na mìwlẹ ma tindo otòdaho he na nọte dẹn kaka to ofi gba, sigba mí to todaho he ja lọ din. ¹⁵Enẹwutu gbọn ewọ mẹ, mìgbọ mí ni nọ sánvọ́ pipa tọn de hlan Jiwheyẹwhe whepoponu, enẹ wẹ, sinsẹ́n nuflo mí tọn tọn, he basi ogbèyíyí hlan oyín etọn. ¹⁶Ṣigba nado nọ wàdagbe podọ nado nọ mánamẹ, mì wọn blo: na avọ́ mọtọ hunkọ go wẹ homẹ Jiwheyẹwhe tọn nọ vivi do talala. ¹⁷Mì nọ yí mẹhe dugán to mì ji lẹ se, bo nọ litai hlan yé: na yé to alindọn mìtọn lẹ hẹó, yé he ma sọgan nọma dogbè onú yè wà lẹ tọn, na ye nido yí ayajijẹ do basi i, é yín po homẹgble po blo: na enẹ ma yín alenú na mì gba.

¹⁸Mì nọ hodẹ́ na mí: na mí dotu dọ mí tindo ayiha dagbe bo sọ jlo nado tin to owalọ dagbe mẹ to onú lẹpo mẹ. ¹⁹Ṣigba yẹn kúkú gbọ bo vẹ́ mì nado nọ basi ehe, na yè nido yawu dè mi dote na mì.

²⁰Dinvie Jiwheyẹwhe jijọho tọn, mẹhe hẹn Jesu Oklunọ mítọn sọn osiọ mẹ wá ogbẹ́, Lẹngbọhọtọ daho lẹngbọ lẹ tọn lọ, po ohùn alènu madopodo tọn po, ²¹ni hẹn mì sọgbè to azọ́n dagbe lẹpo mẹ nado nọ wà ojlo etọn, bo sọ wàzón to mì mẹ nado basi onú he yín homẹvivi talala to nukun etọn mẹ, gbọn Jesu Klisti dali; mẹhe gigo tin na kakadoidoi. Niṣẹ.

²²Yẹn sọ vẹ́ mì, mẹmẹsunnu emi, mì yí ohó homẹjlado tọn, na yẹn ko wlanwe hlan mì to ohó vude mẹ. ²³Na mì ni yọnẹn dọ, yè dè Timoti mẹmẹsunnu mítọn dote; yẹn po mẹhe po, eyín é yawu wá, na mọ mì.

²⁴Mì dọnúdo omẹ he yín ogán to mì ji le, po mẹwiwe lepo po. Omẹ he tin to Itali lẹ dọnúdo mì.

²⁵Ojọmiọn ni tin to mì omẹ popo de. Niṣẹ.