Ẹzla

¹DINVIE to owhè tintan Kilusi ahọlu Pẹlsia tọn tọn mẹ, na ohó OKLUNỌ tọn gbọn onù Jẹlemia tọn mẹ yè nido hẹn di, OKLUNỌ fọ́n gbigbọ Kilusi ahọlu Pẹlsia tọn tọn daga, bọ é do basi mìsẽlu de lédo ahọludu etọn lẹpo pó, bo sọ yí ì do owéwlan mẹ ga, dọmọ, ²Le wẹ Kilusi ahọlu Pẹlsia tọn dọ, dọmọ, Ahọludu aigba tọn lẹpo wẹ OKLUNỌ, Jiwheyẹwhe olọn tọn, na mì; é ko sọ naṣẹ mi nado dó ohọ̀ de nẹ̃ to Jelusalẹm mẹ, he tin to Juda mẹ. ³Mẹdepope tin finẹ to mì ṣẹnṣẹn sọn omẹ etọn lẹpo mẹ, Jiwheyẹwhe etọn ni tin po e po, bo sọ gbọ é ni hẹji yì jẹ Jelusalẹm, he tin to Juda mẹ, bo dó ohò OKLUNỌ tọn lọ, Jiwheyẹwhe Islaeli tọn, (ewọ wẹ Jiwheyẹwhe,) he tin to Jelusalẹm mẹ. ⁴Podọ mẹdepope yè pòdai, to otẹn depope mẹ fie é wáwáṣi te, gbọ omẹ otẹn etọn tọn lẹ ni yí fataka do gọalọ nẹ̃, po sika po, po agbàn lẹ po, po okanlin lẹ po, gọ́na avọ́ nunina ojlonọ na ohọ̀ Jiwheyẹwhe tọn lọ he tin to Jelusalẹm mẹ. ⁵Whenẹnu wẹ nukọntọ owhé otọ́ Judapo Bẹnjamini po tọn lẹ tọn tọn lẹ, po yẹwhenọ lẹ po, po Levinu lẹ po, yèdọ gbigbọ mẹhetọn Jiwheyẹwhe fọ́n lẹpo nado hẹji yì nado dó ohọ̀ OKLUNỌ tọn lọ he tin to Jelusalẹm mẹ ⁶Yé he tin lẹ́do yé lẹpo sọ yí nuzinzán fataka tọn lẹ, po sika po, po agbàn lẹ po, po okanlin lẹ po, po onú akuẹgégénu lẹ po, do nahublọn alọ yetọn lẹ, gọ́na ehe yè yí ojlo do na lẹpo. ⁷Kilusi ahọlu lọ ga hẹn nuzinzán ohò OKLUNỌ tọn tọn lẹ wá, he Nẹbukadnẹzali ko hẹn tọ́n sọn Jelusalẹm mẹ, bé ko bó yé do ohọ̀ yẹwhe etọn lẹ tọn mẹ; ⁸Yèdọ enẹlẹ wẹ Kilusi ahọlu Pẹlsia tọn bẹ́ tọ́n gbọn alọ Metleda kuẹyíhẹntọ lọ tọn mẹ, bo sọ hia yé hlan Ṣẹṣibazali, ahọvi Juda tọn lọ. ⁹Ehe sọ wẹ osọha yé tọn: agbánvla sika tọn ogbàn, agbánvla fataka tọn fọtọ́n dopo, ohi kòatọ̀nnukunenẹ; ¹⁰kọfo sika tọn ogbàn, kọfo fataka tọn hunkọ awetọ tọn de fowe po ao po, po nuzinzán devo le po fọtọ́n dopo. ¹¹Nuzinzán sika tọn lepo po fataka tọn lẹ po yín fọtọ́n atọ́n po fowe po. ¹²Ehe lẹpo wẹ Ṣẹṣibazali hẹn hẹji wá whenuena yè hẹn yé mẹglọnọ tọn lẹ hẹji sọn Babilọni wá jẹ Jelusalẹm.

¹DINVIE ehelẹ wẹ ovi ogbeta tọn lẹ, he hẹji tọ́n yì sọn mẹglọnọ enẹlẹ he yè ko bẹ́ yì lẹ tọn mẹ, mẹhe Nẹbukadnẹzali ahọlu Babilọni tọn ko bẹ́ yì jẹ Babilọni, ehe sọ lẹ́gọ̀ do Jelusalẹm po Juda po, mẹdopodopo jẹ tòdaho etọn mẹ; ²he wá po Zelubabẹli po, Jeṣua, Nẹhemia, Selaia, Leẹlaia, Mọldekai, Bilsani, Mispali, Bigvai, Lẹhumi, po Baana po. Osọha sunnusi le tọn sọn omẹ Islaeli tọn lẹ mẹ: ³ovi Palosi tọn lẹ fọtọ́n awe po kẹnnẹwiawe po ⁴Ovi Sẹfatia tọn lẹ, fọdekẹnnẹnukunawe. ⁵Ovi Àla tọn lẹ, nuọntọ̀nkẹnnẹfọtọ̀n. ⁶Ovi Pahati moabi tọn lẹ, sọn ovi Jeṣua po Joabì po tọn lẹ mẹ, fọtọ́n awe po fẹnẹwiawe po. ⁷Ovi Elami tọn lẹ fọtọ́n dopo po fọdekandewiẹnẹ po. ⁸Ovi Zatu tọn lẹ, fẹnẹkàntọ̀nkòatọ́n. ⁹Ovi Zakai tọn lẹ, nuọntọ̀nkẹnnẹ. ¹⁰Ovi Bani tọn lẹ, nuọntọ̀nkandenukunawe. ¹¹Ovi Bẹbai tọn lẹ, nuọntọ̀nkònukunatọ̀n. ¹²Ovi Azgadi tọn lẹ, fọtọ́n dopo po fọdekònukunawe po. ¹³Ovi Adonikami tọn lẹ, nuọntọ̀n kandekoatọ́nnukundopo. ¹⁴Ovi Bigvai tọn lẹ, fọtọ́n awe po kandefọtọ̀nnukundopo po. ¹⁵Ovi Adini tọn lẹ, fowe kandewiẹnẹ. ¹⁶Ovi Ateli tọn lẹ, sọn Hẹzekia mẹ, kànwefọtọ̀nnukunatọ̀n. ¹⁷Ovi Bẹzai tọn lẹ, fọdekàntọ̀nnukunatọ̀n. ¹⁸Ovi Jola tọn lẹ, kànwegbànnukunawe. ¹⁹Ovi Hasumi tọn lẹ, fọdekònukunatọ̀n. ²⁰Ovi Gibali tọn lẹ, kànwefọtọ̀n. ²¹Ovi Bẹti-lehẹm tọn lẹ, kàntọ̀nnukunatọ̀n. ²²Ovi Netofa tọn lẹ, kàndefọtọ́nnukundopo. ²³Omẹ Anatoli tọn lẹ, kantọ̀nsinatọ̀n. ²⁴Ovi Azmavẹ tọn lẹ, kàndenukunawe. ²⁵Ovi Kiliati-aliml tọn lẹ, Kẹfila, po Beẹloti po, nuọntọ̀nkantọ̀n-kònukunatọ̀n. ²⁶Ovi Lama po Geba po tọn lẹ, nuọntọ̀nkònukundopo. ²⁷Omẹ Mikinasi tọn le, kàntọ̀nnukunawe. ²⁸Omẹ Bet-ẹli po Ai po tọn lẹ, fọdekònukunatọ̀n. ²⁹Ovi Nebo tọn lẹ, kàndewiawe. ³⁰Ovi Magbisì tọn lẹ, kàntọ̀n gbàtọ́nnukundopo. ³¹Ovi Elami awetọ lọ tọn lọ, fọtọ́n dopo po fọdekandewiẹnẹ po. ³²Ovi Halimi tọn lẹ, fọdekàntọ̀n. ³³Ovi Lọdì, Hadidi, po Onọ po tọn lẹ, nuọntọ̀n kàntọ̀natọ́n. ³⁴Ovi Jẹliko tọn lẹ, fọdekàntọ̀n-kòatún. ³⁵Ovi Sẹnaa tọn lẹ, fọtọ́n atọ̀n po nuọntọ̀ngbàn po. ³⁶Yẹwhenọ lẹ: ovi Jedaia tọn lẹ, sọn owhé Jeṣua tọn gbè, fẹnẹkẹnnẹwiatọ̀n. ³⁷Ovi Immeli tọn lẹ, fọtọ́n dopo po kandewiawe po. ³⁸Ovi Pashuli tọn lẹ, fọtọ́n dopo po fọdekandesinawe po. ³⁹Ovi Halimi tọn lẹ, fọtọ́n dopo po fọtọ́nnukunawe po. ⁴⁰Levinu lẹ: ovi Jeṣua po Kadiniẹli po tọn lẹ, sọn ovi Hodavia tọn lẹ mẹ, kandegbànnukunẹnẹ. ⁴¹Hànjitọ lẹ: ovi Asafi tọn lẹ, kantọ̀nsinatọ̀n. ⁴²Ovi họnjinọtọ lẹ tọn lẹ: ovi Ṣalumi tọn lẹ, ovi Ateli tọn lẹ, ovi Talmọni tọn le, ovi Akubi tọn lẹ, ovi Hatita tọn lẹ, ovi Sobai tọn lẹ, to popo lẹpo mẹ kàntọ̀nfọtọ̀nnukunẹnẹ. ⁴³Nẹtinimi lẹ lọ: ovi Ziha tọn lẹ, ovi Hasufa tọn le, ovi Tabaoti tọn lẹ; ⁴⁴ovi Kelosi tọn lẹ, ovi Siaha tọn lẹ, ovi Padọni tọn lẹ; ⁴⁵ovi Lebana tọn lẹ, ovi Hagaba tọn lẹ, ovi Akubi tọn lẹ; ⁴⁶ovi Hagabi tọn lẹ, ovi Samlai tọn lẹ, ovi Hanani tọn lẹ; ⁴⁷ovi Gidẹli tọn lẹ, ovi Gahali tọn lẹ, ovi Leaia tọn lẹ; ⁴⁸ovi Lẹzini tọn lẹ, ovi Nekoda tọn lẹ, ovi Gazami tọn lẹ; ⁴⁹ovi Uza tọn lẹ, ovi Pasea tọn le, ovi Besai tọn lẹ; ⁵⁰ovi Asna tọn le, ovì Mẹunimi tọn lẹ, ovi Nẹfisimi tọn lẹ; ⁵¹ovi Bakbuki tọn lẹ, ovi Hakufa tọn lẹ, ovi Halhuli tọn lẹ; ⁵²ovi Bazluti tọn lẹ, ovi Mẹhida ton lẹ, ovi Halsa tọn lẹ; ⁵³ovi Balkosi tọn lẹ, ovi Sisela tọn le, ovi Tema tọn lẹ; ⁵⁴ovi Nẹzia tọn lẹ, ovi Hatifa tọn lẹ. ⁵⁵Ovi mẹmẹsi Sọlọ-mọnì tọn lẹ tọn lẹ; ovi Sotai tọn lẹ, ovi Hasofelẹti tọn lẹ, ovi Pẹluda tọn lẹ; ⁵⁶ovi Jaala tọn lẹ, ovi Dalkọni tọn lẹ, ovi Gideli tọn lẹ; ⁵⁷ovi Sefatia tọn lẹ, ovi Hatilì tọn lẹ, ovi Pọkeleti-hazebaimi tọn lẹ, ovi Ami tọn lẹ. ⁵⁸Nẹtinimi lẹpo, po ovi mẹmẹsi Sọlọmọni tọn lẹ tọn lẹ po, yín fọdekẹnnẹ gbànhukunawe. ⁵⁹Ehelẹ sọ wẹ yé he hẹji yì son Tẹlimela, Tẹli-halsa, Kẹlubi, Adani, po Immeli po: ṣigba yé ma sọgan do owhé otọ́ yetọn lẹ tọn hia, po okún yetọn po, eyín yé tin sọn Islaeli mẹ gba: ⁶⁰Ovi Dẹlaia tọn lẹ, ovi Tobia tọn lẹ, ovi Nekoda tọn lẹ, nuọntọ̀n-kandewiawe. ⁶¹Sọn ovi yẹwhenọ lẹ tọn lẹ mẹ: ovi Habaia tọn lẹ, ovi Hakozi tọn lẹ, ovi Balzilai tọn lẹ, he dà asi de sọn viyọnnu Balzilai Gileadinu lọ tọn lẹ mẹ bọ yè nọ ylọ kẹdẹdi oyín yetọn. ⁶²Ehelẹ din otòwé yetọn to enẹlẹ he yè hia gbọn whédo dali lẹ ṣẹnṣẹn, ṣigba yè ma mọ yé gba: enẹwutu wẹ yè hẹn yé sọawuhia mẹfuflu bo sọ dè yé sọn yẹwhenọduta lọ mẹ. ⁶³Tilsata sọ dọ hlan yé, nà yé ma na do dù sọn onú wiwe gbahugbahu lẹ lọ mẹ, kaka yẹwhenọ de do ṣite po Ulimi po po Tumimi po. ⁶⁴Agùn lẹpo pete dopọ yín fọtọ́n kandenukunawe po fọdekẹnnẹ po. ⁶⁵Gọ́na mẹmẹsisunnu yetọn lẹ po mẹmẹsiyọnnu yetọn lọ po, mẹhe mẹ fọtọ́n ṣinawe po fọdekàntọ̀n fọtọ̀nhukunawe po sọn: yé sọ tindo fọde sunnusi hànjitọ lẹ po yọnnusi hànjitọ lẹ po. ⁶⁶Osọ́ yetọn lẹ yín nuọntọ́n kàntọ̀nfọtọ̀nnukundopo; otlo yetọn lẹ fọdekandeatọ́n; ⁶⁷kanklosọ-póawenọ yetọn lẹ fowegbãntọ̀n; kẹtẹkẹtẹ yetọn lẹ, fọtọ́n ṣidopo po nuọntọ̀nkàntọ̀n po. ⁶⁸Podọ mẹdẽlẹ son nukọntọ owhé otọ́ lẹ tọn lẹ tọn gbè, whenuena yé wá jẹ ohọ̀ OKLUNỌ tọn he tin to Jelusalẹm mẹ kọ̀n, na nunina po ojlo po na ohọ̀ Jiwheyẹwhe tọn lọ nado zé e dote to otẹn etọn mẹ: ⁶⁹Yé na kẹdẹdile huhlọn yetọn sọ do adọkunpótin azón lọ tọn mẹ dahki sika tọn fọtọ́n kandekònukundopo, po pánun fọtọ́n atọ́n fataka tọn po, po awu yẹwhenọ lẹ tọn kanweko po. ⁷⁰Mowẹ yẹwhenọ lẹ, po Levinu lẹ po, po mẹdẽlẹ po sọn gbẹtọ lẹ mẹ, po hànjitọ lẹ po, po họ̀njinọtọ lẹ po, po Nẹtinimi lẹ lọ po, nọ̀ tòdaho yetọn lẹ mẹ, po Islaeli lẹpo po to tòdaho yetọn lẹ mẹ.

¹WHENUENA yè hẹn osùn sinawetọ lọ wá, bọ ovi Islaeli tọn lẹ tin to tòdaho lẹ mẹ, gbẹtọ lẹ bẹ́ yéde plidopọ di gbẹtọ dopo do Jelusalẹm. ²Whenẹnu wẹ Jeṣua visunnu Jozadaki tọn tite, po mẹmẹsunnu etọn yẹwhenọ lẹ po, po Zelubabẹli visunnu Ẹealtiẹlì tọn po, po mẹmẹsunnu etọn lẹ po, bo dó agbà Jiwheyẹwhe Islaeli tọn tọn lọ, nado nọ na avọ́ nunina mimẹ̀ lẹ to e ji, dile yè wlan ẹn do to osẹ́n Mọse omẹ Jiwheyẹwhe tọn tọn lọ mẹ. ³Yé sọ zé agbà lọ do pòtin etọn ji; na obu tin to yé ji na omẹ otò lẹ lọ tọn lẹ tọn wutu: yé sọ na avọ́ nunina mimẹ̀ lẹ to e ji hlan OKLUNỌ, yèdọ avọ́ nunina mimẹ̀ afọnnu po whèjai po tọn lẹ. ⁴Yé sọ payi hùnwhẹ gohọ̀túntún lẹ tọn go, dile yè wlan do, bo sọ na avọ̀ nunina mimẹ̀ egbesọegbesọ tọn lẹ gbọn osọha dali, kẹdẹdi ogbèdai lọ, dile sinsẹnzón azán dopodopo tọn biọ do; ⁵to enẹgodo avọ́ nunina mimẹ̀ whẹ whẹ tọn, po avọ́ nunina osùn yọ́yọ́ lẹ tọn lẹ po, podọ sọn hùnwhẹ dido OKLUNỌ tọn he yè hẹnzùnwiwe lẹpo mẹ, podọ son omẹ dopodopo mẹ he yí ojlo do na avọ́ nunina ojlonọ de hlan OKLUNỌ. ⁶Sọn azán tintan osùn ṣinawetọ tọn me wẹ yé sọ́ nado na nunina mimẹ̀ lẹ hlan OKLUNỌ: ṣigba yè ma ko do dòdo tẹmpli OKLUNỌ tọn tọn ai gba. ⁷Yé na akuẹ hlan họ̀dótọ lẹ ga, podọ hlan atinpatọ lẹ; po núdùdù po, po núnùnù po, po amì po, hlan yé Zidọni tọn lẹ, podọ hlan yé Tile tọn lẹ, nado hẹn atin kedali lẹ sọn Lẹbanọni mẹ wá jẹ ohù tó, jẹ Jọpa kẹdẹdi aṣẹ he yé tindo sọn Kilusi ahọlu Pẹlsia tọn de.

⁸Dinvie to owhè awetọ wiwá jẹ ohọ̀ Jiwheyẹwhe tọn lọ mẹ yetọn tọn, to Jelusalẹm, to osùn awetọ mẹ, wẹ Zelubabẹli visunnu Sealtiẹli tọn lẹ ṣẹ̀, po Jeṣua visunnu Jozadaki tọn lọ po, po pipòtọ mẹmẹsunnu yetọn yẹwhenọ lẹ po, po Levinu lẹ po, po yé he yè hẹn sọn mẹglọnọ mẹ wá jẹ Jelusalẹm lẹpo po; bo sọ dè Levinu lẹ, sọn owhè òko mẹho lẹ mẹ podọ yìaga, nado tindo nugopọ́n azọ́n ohọ́ OKLUNỌ tọn lọ tọn. ⁹Whenẹnu wẹ Joṣua po visunnu eton lẹ po po mẹmẹsunnu etọn lẹ po, Kadiniẹli po visunnu etọn lẹ po, visunnu Juda tọn lọ, di dopo site, nado tindo nugopón azọ́ntọ lẹ tọn to ohò Jiwheyẹwhe tọn lọ mẹ: visunnu Hẹnadadi tọn lẹ, po visunnu yetọn lẹ po po mẹmẹsunnu yetọn Levinu lẹ po. ¹⁰Whenuena didótọ lẹ do dòdo tẹmpli OKLUNỌ tọn lọ tọn ai, yé tò yẹwhenọ lẹ to awù yetọn lẹ mẹ po opẹn lẹ po, po Levinu visunnu Asafi ton lẹ lọ po, po ajogàn lẹ po, nado pà OKLUNỌ, kẹdẹdi titò Davidi ahọlu Islaeli tọn tọn lọ. ¹¹Yé sọ to hànji omẹ de hlan awetọ to pipà mẹ, podọ to opẹ́ lẹ nina hlan OKLUNỌ mẹ, dọmọ, Na dagbe wẹ ewọ, na lẹblanu etọn tote doidoi hlan Islaeli dali. Gbẹtọ lẹpo sọ yí ogbè lélé de do dabóbó whenuena yé to OKLUNỌ pà, na yè do dòdo ohọ̀ OKLUNỌ tọn lọ tọn wutu. ¹²Ṣigba susu sọn yẹwhenọ lẹ mẹ po Levinu lẹ po, po nukọntọ owhé otọ́ lẹ tọn lẹ po, omẹ hóhó tọn lẹ he ko mọ ohọ̀ tintan lọ, whenuena yè do dòdo ohọ̀ he tọn ai to nukun yetọn lẹ nukọn, yí ogbè lélé de do viavi; susu sọ to abóbódo na ayajẹ: ¹³sọmọ bọ gbẹtọ lẹ ma do sọgan yọ́n awhá abóbó ayajẹ tọn lọ tọn sọn awhá avivivi gbẹtọ lẹ tọn lọ ton mẹ: na gbẹtọ lẹ yí awhá daho de do to abóbódo, yè sọ sè linlin lọ to aganu boboe.

¹DINVIE whenuena mẹglatọ Juda po Bẹnjamini po tọn lẹ sè dọ ovi meglọnọ tọn lẹ to tẹmpli de dó hlan OKLUNỌ, Jiwheyẹwhe Islaeli tọn; ²whenẹnu wẹ yé dọ̀n sẹpọ́ jẹ Zelubabẹli de, po nukọntọ owhé otọ́ le tọn lẹ po de, bo dọ hlan yé dọmọ, Mì gbọ mí ni dó hẹ mì: na mìwlẹ to Jiwheyẹwhe mítọn din, dile míwlẹ to wiwà do; míwlẹ sọ to avọ́ basi hlan e de, sọn azán Èsali-hadọni ahọlu Asilia tọn lẹ tọn mẹ gbọn, he hẹn mí hẹji wá file. ³Ṣigba Zelubabẹli, po Jeṣua po, po pipòtọ nukọntọ owhé otọ́ Islaeli tọn lẹ tọn lẹ tọn po, dọ hlan yé dọmọ, Míwlẹ ma tindo núde nado wà po mí po nado dó ohò de hlan Jiwheyẹwhe mítọn gba; ṣigba mí lọsu dopọ na dó ohọ̀ lọ hlan OKLUNỌ, Jiwheyẹwhe Islaeli tọn, dile ahọlu Kilusi ahọlu Pẹlsia tọn lọ ko degbèna mí do. ⁴Whenẹnu wẹ omẹ aigba lọ ji tọn lẹ doalọtúnna alọ omẹ Juda tọn lẹ tọn, bo sọ dotukla yé to didó mẹ. ⁵Bo sọ dàpà hónamẹtọ lẹ do yé ji, nado vọ́ núyiwà yetọn, to azán Kilusi ahọlu Pẹlsia tọn lẹpo gbè, yèdọ kakajẹ ahọludu Daliusi ahọlu Pẹlsia tọn mẹ. ⁶Podọ to ahọludu Ahasuelusi tọn mẹ, to whewhẹwhenu ahọludu etọn tọn mẹ, yé wlanwé mẹsislẹ tọn de do tòmẹnu Juda po Jelusalẹm po tọn lẹ ji.

⁷Podọ to azán Altakẹlkesi tọn lẹ mẹ, Bislami, Mitledati, Tabeẹli, po pipòtọ ogbẹ́ etọn lẹ tọn po wlanwé hlan Altakẹlkesi ahọlu Pẹlsia tọn; podọ winwlan ohówé lọ tọn yín winwlan to ohiawinwlan Silianu lẹ tọn mẹ, bo sọ dè e tọ́n to ogbè Silianu lẹ tọn mẹ. ⁸Lehumi whépọ́ntọ lọ po Simsai wékantọ lọ po sọ wlan ohówé de do Jelusalẹm ji hlan Altakẹlkesi ahọlu lọ to alọpa he mẹ: ⁹whenẹnu wẹ Lehumi whépọ́ntọ lọ, po Simsai wékantọ lọ po, po pipòtọ ogbẹ yetọn lẹ tọn po, Dinanu lẹ lọ, po Afalsatikinu lẹ lọ po, Tapelinu lẹ lọ, Afalsinu lẹ lọ, Alkevinu lẹ lọ, Babilọninu lẹ lọ, Susankinu lẹ lọ, Dehanu lẹ lọ, Elaminu lẹ lọ, ¹⁰po pipòtọ akọta lẹ tọn lọ po, mẹhe Ouiapali daho yẹyinọ lọ hẹn hẹji wálẹ, bo do yé tòdaho Samalia tọn mẹ, podọ to pipòtọ otò lọ tọn mẹ to otò lọ gododọ̃n, po mẹmonkọ lẹ po. ¹¹Éhe wẹ opẹ́n wlan ohówé lọ tọn he yé dohlan Altakẹlkesi ahọlu; Mẹmẹsi towe lẹ omẹ otò lọ gododọ̃n tọn lẹ lọ, po memọnkọ lẹ po. ¹²E ni yín yínyọnẹn hlan ahọlu lọ, dọ Ju he hẹji sọn de we wá lẹ yè hẹn yé jẹ mí de jẹ Jelusalẹm; yé sọ to tòdaho atẹ̀nọ po ylanylan lọ tọn lọ po dó, bo ko vọ̀ adó lẹ, bo ko sọ jla dòdo lẹ lọ do. ¹³E ni yín yínyọnẹn hlan ahọlu lọ, dọ, eyín tòdaho he yín didó, bọ yè vò adó lẹ, yé ma to na sọ na otakuẹ, odèkuẹ, kavi gbonukuẹ ba, podọ to ọpodo etọn mẹ é na do ahọlu lẹ owù mẹ. ¹⁴Dinvie na míwlẹ dù ojó ohọ̀nmẹ tọn wutu, é ma tin jẹ na mí nado nọ magbògbóna ahọlu tọn lọ, enẹwutu wẹ mìwlẹ do domẹhlan bo sọ napékọ ahọlu lọ; ¹⁵na dinpón nido yín bibasi to owé nuflin otọ́ lẹ tọn tọn lẹ mẹ; mọ wẹ hiẹ na mọ to owó nuflin lẹ tọn lọ mẹ, bo sọ yọnẹn dọ tòdaho atẹ́nọ de wẹ tòdaho he, po awugblenu po hlan ahọlu lẹ po ogbeta lẹ po, podọ yé ko nọ da sẹ́nhẹngbà dai to dopolọ mẹ sọn hóhó whenu: na ehe tọn wutu yè do hẹn tòdaho he zùn gbigbà. ¹⁶Mí napékọ ahọlu lọ dọ, eyín tòdaho he yín didó, bọ adó lẹ yín vivọ̀, gbọn awuwle he dali hiẹ ma na sọ tindo mimá de to otọ̀ lọ gododọ̃n gba. ¹⁷Whenẹnu wẹ ahọlu lọ do ogbègblọn de hlan Lehumi whépọ́ntọ lọ, podọ hlan Ṣimṣai wékantọ lọ, podọ hlan pipòtọ ogbẹ́ yetọn lẹ tọn he nọ nọ́ Samalia mẹ lẹ lọ, podọ to pipòtọ otò lọ tọn mẹ to otọ́ lọ gododọ̃n, Jijọho, po mọnkọ lẹ po. ¹⁸Ohówé he míwlẹ dohlan mí yè ko hia diun to nukọn ṣie ¹⁹Yẹn naṣẹ, dinpọ́n ko sọ yín bibasi, é ko sọ yín mimọ dọ tòdaho he sọn hóhó whenu ko basi núbla do ahọlu lẹ go, podọ yè ko basi atẹ́ po sẹ́nhẹngbà po to e mẹ. ²⁰Ahọlu hlọnhlọnnọ lẹ ko tin to Jelusalẹm ji ga, he ko dùahọlu to otò lọ lẹpo ji to ótò lọ gododọ̃n; yè ko sọ nọ jó otakuẹ, odèkuẹ, po gbonukuẹ po hlan yé. ²¹Míwlẹ ni basi aṣẹ de dinvie nado hẹn omẹ helẹ nado doalọte, podọ è sọ dó tòdaho he blo, kaka yè na ko do asi aṣẹ de gbọn dẽ. ²²Mìwlẹ ni sọ payi na mì yín awuwhlenọ to ehmẹ blo: etẹwutu wẹ owù na wú hlan awugble ahọlu lẹ lọ tọn? ²³Whenẹnu whenuena yè hia opón wlan ohówé ahọlu Altakẹlkesi tọn tọn lọ to Lehumi nukọn, po Ṣimṣai wékantọ lọ po, po ogbé yetọn lẹ po, yé yì to yiya mẹ jẹ Jelusalẹm jẹ Ju lẹ lọ de, bo hẹn yé nado doalọte gbọn gánhumẹ po huhlọn po dali. ²⁴Whenẹnu wẹ azọ́n ohọ̀ Jiwheyẹwhe tọn lọ tọn he tin to Jelusalẹm doalọte; é doalọte jẹ owhè awetọ ahọludu Daliusi ahọlu Pẹlsia tọn lọ tọn tọn mẹ.

¹DINVIE yẹwhegán lẹ, Hagai yẹwhegán lọ, po Zekalia visunnu Iddo tọn lọ po, dọdọdai hlan Ju lẹ he tin to Juda po Jelusalẹm po mẹ; to oyín Jiwheyẹwhe Islaeli; tọn tọn mẹ wẹ yé dọdọdai hlan yé. ²Whenẹnu wẹ Zelubabẹli visunnu Ṣealtlẹli tọn lọ fọ́n tite, po Jeṣua visunnu Jozadaki tọn lọ po, bo ṣẹ̀ nado to ohọ̀ Jiwheyẹwhe tọn he tin to Jelusalẹm dó; podọ yẹwhegán Jiwheyẹwhe tọn lẹ tin to yé de, to alọgọna yé. ³To ojlẹ dopolọ mẹ wẹ Tatenai, otògán lọ to otọ lọ gododọ̃n, wá jẹ yé de, po Setali-bozẹnai po, po ogbé yetọn lẹ po, bo dọ hlan ji dọmọ, Mẹnu wẹ nasẹ de mìwlẹ nado to ohọ̀ he dó, podọ nado vọ́ adó he? ⁴Whenẹnu wẹ míwlẹ dọ hlan yé kẹdẹdi alọpa he nkọ, dọmọ, Etẹ́ wẹ oyín omẹ ewlẹ tọn he basi didó he? ⁵Ṣigba nukun Jiwheyẹwhe yetọn tọn tin to mẹho Ju lẹ tọn lẹ lọ go, yé ma sọ hẹn yé doalọte gba, kaka owhẹ́hó lọ na do jẹ Daliusi de, podọ whenẹnu na yè na do gọ̀ ogbègblọn wá gbọn ohówé mẹ gbọn e tọn dali.

⁶Opọnwlan ohówé lọ tọn he Tatenai, otògán lọ to otọ́ lọ gododọ̃n, po Ṣetalibozẹnai po, po ogbẹ́ etọn Afalsakinu lẹ lọ po, he tin to otọ̀ lọ gododọ̃n, domẹhlan Daliusi ahọlu lọ: ⁷yé do ohówó de hlan ẹn, ehemẹ yè wlan dole; Hlan Daliusi ahọlu lọ, Jijọho lẹpo. ⁸E ni yín yínyọnẹn hlan ahọlu lọ, dọ mìwlẹ biọ ogbeta Juda tọn mẹ yi, jẹ ohọ̀ Jiwheyẹwhe daho lọ tọn kọ̀n, he yè yí Zannu daho lẹ do to didó, yè sọ tó whlẹlidemẹ do adó lẹ mẹ, azọ́n he sọ yí sọwhiwhe do to yìyì bo sọ doale to alọ yetọn lẹ mẹ. ⁹Whenẹnu wẹ mìwlẹ kanbiọ mẹho nẹlẹ, bo sọ dọ hlan yé dole-dọmọ, Menu wẹ nasẹ de mìwlẹ nado to ohò he dó, podọ nado vọ̀ adó he? ¹⁰Mí kàn oyín yetọn lẹ biọ yé ga, nado napékọ we, na míwlẹ nido wlan oyín omẹ ewlẹ tọn lẹ he tin to nukọn yé tọn. ¹¹Le wẹ yé gọ̀ ogbègblọn na mí, dọmọ, Mìwlẹ wẹ mẹmẹsi Jiwheyẹwhe olọn po aigba po tọn lọ, bo sọ to ohọ̀ lọ dó he yè ko dó to owhè susu he wáyì helẹ mẹ, he ahọlu daho Islaeli tọn de ko dó bo sọ vó ẹ. ¹²Ṣigba to ehe godo otọ́ mítọn lẹ dadihomẹna Jiwheyẹwhe olọn tọn lọ jẹ homẹgbleji, é jó yé do alọ Nẹbukadnẹzali ahọlu Babilọni, Kaldianu lọ tọn tọn mẹ, mẹhe và ohó he, bo sọ bé omẹ ewlẹ yì biọ Babilọni mẹ. ¹³Ṣigba to owhè tintan Kilusi ahọlu Babilọni tọn tọn lọ mẹ, Kilusi ahọlu lọ basi aṣẹ de nado dó ohọ̀ Jiwheyẹwhe tọn he. ¹⁴Podọ nuzinzán sika po fataka tọn lẹ lọ po ga sọn ohò Jiwheyẹwhe tọn lọ mẹ, he Nẹbukadnẹzali bé tón sọn tẹmpli he tin Jelusalẹm mẹ, bo sọ hẹn yé wá biọ tẹmpli Babilọni tọn lọ mẹ, enẹlẹ wẹ Kilusi sọ bé tón sọn tẹmpli Babilọni tọn lọ mẹ, yè sọ jó yé hlan mẹde oyín mẹhetọn yín Ṣẹṣi-bazali, mẹhe é do basi otògán; ¹⁵E sọ dọ hlan ẹn dọmọ, Bé nuzinzán helẹ yì, bẹ́ yé do tẹmpli mẹ he tin to Jelusalẹm mẹ, bo sọ gbọ ohò Jiwheyẹwhe tọn lọ ni yín didó to otẹn etọn mẹ. ¹⁶Whenẹnu wẹ Sẹsibazali dopolọ wá, bo dó dòdo ohọ̀ Jiwheyẹwhe tọn tọn lọ he tin to Jelusalẹm mẹ: podọ sọn ojlẹ nẹ gbọ̃n yèdọ kakajẹ dinvie wẹ é ko tin to didó mẹ, podọ gãnṣo é ma yín didotanapó. ¹⁷Enẹwutu dinvie, eyín é sọawuhia dagbe hlan ahọlu lọ, gbọ odinpọ́n ni yín bibasi to finẹ to ohọ̀ adọkunnu ahọlu lọ tọn mẹ, he tin to Babilọni finẹ, eyín mọ wẹ é yín, dọ yè basi aṣẹ de son Kilusi ahọlu lọ de nado dó ohọ̀ Jiwheyẹwhe tọn he to Jelusalẹm, bo sọ gbọ ahọlu lọ ni do homẹhùn etọn hlan mí gbọn owhẹ́hó he tọn dali.

¹WHENẸNU wẹ Daliusi ahọlu lọ basi aṣẹ de, yè sọ basi odinpọ́n to ohọ̀ tòwédotẹn lẹ tọn mẹ, fie yè bẹ́ adọkunnu lẹ pli do to Babilọni mẹ. ²Yè sọ mọ to finẹ to Akinẹta, to ohọ́nmẹ he tin to ogbeta Media tọn mẹ, otòwé de, podọ to e mẹ wẹ yè wlan dole na onúflin de. ³To owhè tintan Kilusi ahọlu lọ tọn mẹ, Kilusi ahọlu lọ basi aṣẹ de; Gbọn ohọ́ Jiwheyẹwhe tọn to Jelusalẹm tọn lọ dali, gbọ ohọ̀ lọ ni yín didó, otẹn fie yé nọ na avọ́ nunina lẹ te, bo sọ gbọ yè ni hẹn dòdo etọn sinyẹn gbángbán; jiyìyì etọn awàgbà kandeko, po ogblo etọn po awàgbà kandeko; ⁴Po titò zannu lẹ tọn atọ̀n po, po titò whlẹlidemẹ yọ́yọ́ tọn po: bo sọ gbọ yè ni na akuẹzinzán lẹ sọn ohọ́ ahọlu tọn lọ mẹ: ⁵podọ ga gbọ nuzinzán sika po fataka tọn po sọn ohò Jiwheyẹwhe tọn mẹ, he Nẹbukadnẹzali bẹ́ tón sọn tẹmpli he tin to Jelusalẹm mẹ, bo hẹnwá jẹ Babilọni, ni yín gọ̀jó, bo sọ vọ́ hẹn wá jẹ tẹmpli he tin to Jelusalẹm kọ̀n, omẹ dopodopo jẹ otẹn etọn mẹ, hiẹ na sọ yí yé do ohọ̀ Jiwheyẹwhe tọn lọ mẹ. ⁶Enẹwutu dinvie, Tatenai, otogán to otọ́ lọ gododọ̃n, Ṣẹtalibozenai, po ogbẹ́ mítọn Afalsakinu lẹ lọ po, he tin to otọ̀ lọ gododọ̃n, mì ni tin dẹn sọn finẹ. ⁷Mì gbọ sọn azọ́n ohọ̀ Jiwheyẹwhe tọn he tọn go; sọ gbọ otògán Ju tọn lẹ po mẹho Ju lẹ tọn lẹ po ni dó ohọ́ Jiwheyẹwhe tọn he to otẹn etọn mẹ. ⁸Humọga yẹn basi aṣẹ de núhe mìwlẹ na wà hlan mẹho Ju lẹ tọn helẹ́ na didó ohọ̀ Jiwheyẹwhe tọn he tọn; dọ sọn agbàn ahọlu tọn lọ mẹ yèdọ sọn odèkuẹ mẹ to otọ̀ lọ gododọ̃n, yè ni yí sọwhiwhe lẹpo do na kuẹzinzán lẹ hlan omẹ helẹ, dọ yè glọnalina yé blo. ⁹Podọ enẹ he yé tindo ojlo na lẹ, oyìnsú winyanwinyan lẹ, po agbò lẹ po, po lẹngbọvu le po, na avọ́ nunina mimẹ̀ lẹ hlan Jiwheyẹwhe olọn tọn, oli, ojẹ̀, ovẹ̃n, amì, kẹdẹdi ohó yẹwhenọ he tin to Jelusalẹm lẹ tọn, gbọ yè ni to nina yé egbesọegbesọ matin awugbopò: ¹⁰na yé nido na avọ́sánnu owán vivinọ le hlan Jiwheyẹwhe olọn tọn lọ, bo sọ hodẹ̀ na ogbẹ́ ahọlu tọn, po visunnu etọn lẹ tọn po. ¹¹Yẹn ko sọ basi aṣẹ de ga, dọ mẹdepope he na diọ ohó he, gbọ yè ni dè whlelidemẹ tọ́n sọn ohọ̀ etọn go, bo sọ gbọ yè ni zé e daga bo whè e do e ji; bo sọ gbọ yè ni yí owhé etọn do basi ogbóji na ehe: ¹²Jiwheyẹwhe lọ he hẹn oyín etọn nado nọ̀ finẹ ni gbà ahọlu lẹ po gbẹtọ lẹpo po he na dè alọ yetọn tón nado diọ dopolọ, nado vọ̀ ohò Jiwheyẹwhe tọn lọ he tin to Jelusalẹm. Yẹn Daliusi ko basi aṣẹ de; gbọ yè ni yí wà po sọwhiwhe lẹpo po.

¹³Whenẹnu wẹ Tatenai otògán lọ to otọ̀ lọ gododọ̃n, Sẹtah-bozẹnai, po ogbẹ́ yetọn lẹ po na Daliusi ahọlu lọ ko dowẹnhlan wutu, wà do mọkẹdẹ po sọwhiwhe lẹpo po. ¹⁴Mẹho Ju lẹ tọn lẹ to didó bo sọ duale, gbọn didọdai Hagai yẹwhegán lọ tọn mẹ po Zekalia visunnu Iddo tọn lọ po Yé sọ dó bo vọ́ ẹ, kẹdẹdi gbèdide Jiwheyẹwhe Islaeli tọn tọn lọ, podọ kẹdẹdi asẹ Kilusi tọn, po Daliusi po, po Altakẹlikesi ahọlu Pẹlsia tọn po. ¹⁵Yè sọ vó ohò he to azán atọ̀ntọ osùn Adali tọn ji, he tin to owhè ṣidopotọ aholudu Daliusi ahọlu lọ tọn lọ tọn mẹ. ¹⁶Ovi Islaeli tọn lẹ, yẹwhenọ lẹ po Levinu lẹ po podọ pipòtọ sọn ovi mẹglọnọ tọn lẹ me, sọ yí ayajẹ do payi oklandowiwe ohọ́ Jiwheyẹwhe tọn he tọn go. ¹⁷Yé sọ na nunina to oklandowiwe ohọ̀ Jiwheyẹwhe tọn he tọn kòn oyìnsú kanweko, agbò fọde, lẹngbọvu fowe; podọ na avọ́ nunina ylando de tọn na Islaeli lẹpo, alunkùn wiawe, kẹdẹdi osọha whẹndo Islaeli tọn lẹ tọn. ¹⁸Yé sọ dè yẹwhenọ lẹ do mimátẹn yetọn lẹ mẹ, po Levinu lẹ po do okànta yetọn lẹ mẹ, na sinsẹ̀n Jiwheyẹwhe tọn lọ, he tin to Jelusalẹm; dile yè wlan ẹn do to owé Moṣe tọn mẹ.

¹⁹Ovi mẹglọnọ tọn lẹ sọ payi ojuwayi lọ go to azán kònukunẹnetọ osùn tintan tọn ji. ²⁰Na yẹwhenọ le po Levinu lẹ po ko lè yéde wé dopọ; popo yé tọn sọ yín wiwe: yé sọ hù ojuwayi lọ na ovi meglọnọ tọn lepo podọ na mẹmẹsunnu yetọn yẹwheno lẹ lọ, podọ na yéde. ²¹Podọ ovi Islaeli tọn lẹ, he yè sọ vọ́ hẹn tón wá sọn mẹglọnọ mẹ lẹ, podọ popo mọnkọ lẹ he ko klán yéde dovò hlan yé de sọn odihó okosi aigba lọ tọn lọ tọn mẹ lẹ nado to OKLUNỌ din, Jiwheyẹwhe Islaeli tọn lọ, wẹ dù, ²²bo sọ payi hùnwhẹ akla madotọ́n tọn lọ go azán ṣinawe po ayajẹ po: na OKLUNỌ ko basi yé ayajẹnọ, bo ko sọ ló ayiha ahọlu Asilia tọn tọn hlan yé de, nado nahuhlọn alọ yetọn lẹ to azón ohọ̀ Jiwheyẹwhe tọn tọn lọ mẹ, Jiwheyẹwhe Islaeli tọn lọ.

¹DINVIE to onú helẹ godo, to ahọludu Altakẹlikesi ahọlu Pẹlsia tọn tọn mẹ, Ezla visunnu Selaia tọn lọ, visunnu Azalia tọn lọ, visunnu Hilkia tọn lọ, ²visunnu Ṣalumi tọn lọ, visunnu Zadọki tọn lọ, visunnu Ahitubi tọn lọ, ³visunnu Amalia tọn lọ, visunnu Azalia tọn lọ, visunnu Mẹlaiọti tọn lọ, ⁴visunnu Zẹlahia tọn lọ, visunnu Uzi tọn lọ, visunnu Buki tọn lọ, ⁵visunnu Abisua tọn lọ, visunnu Finehasi tọn lọ, visunnu Eleazali tọn lọ, visunnu Aalọn ogán yẹwhenọ lọ tọn lọ: ⁶Ezla he wẹ hẹji yì sọn Babi-lọni; é sọ yín wékantọ alọyatọ de to osén Moṣe tọn mẹ, he OKLUNỌ, Jiwheyẹwhe Islaeli tọn, ko na: ahọlu sọ na kanbiọ etọn lẹpo e, kẹdẹdi alọ OKLUNỌ Jiwheyẹwhe etọn tọn to e ji. ⁷Mẹdẽlẹ sọn ovi Islaeli tọn lẹ mẹ hẹji yì, podọ sọn yẹwhenọ lọ mẹ, po Levinu lẹ po, po hànjitọ lẹ po, po họ̀njinọtọ lẹ po, po Nẹtinimi lẹ po, jẹ Jelusalẹm, to owhè ṣinawetọ Altakẹlikesi ahọlu lọ tọn mẹ. ⁸E sọ wá jẹ Jelusalẹm to osùn atọ́ntọ mẹ, he tin to owhè ṣinawetọ ahọlu lọ tọn mẹ. ⁹Na azán tintan osùn tintan tọn ji wẹ é ṣẹ̀ nado hẹji yì sọn Babilọni, podọ to azán tintan ji osùn atọ́ntọ tọn mẹ wẹ é wá jẹ Jelusalẹm, kẹdẹdi alọ dagbe Jiwheyẹwhe etọn tọn to e ji. ¹⁰Na Ezla ko zé ayiha etọn do nado to osén OKLUNỌ tọn din, podọ nado nọ basi i, podọ nado nọ plọnmẹ oséndoai lẹ po whẹ̀dida lẹ po to Islaeli mẹ.

¹¹Dinvie ehe wẹ opón wlan ohówé lọ tọn he Altakẹlikesi ahọlu lọ na hlan Ezla yẹwhenọ lọ, wékantọ lọ, yèdọ wékantọ ohó gbèdide OKLUNỌ tọn lẹ tọn lẹ lọ tọn, po osẹ́ndoai etọn lẹ ton po hlan Islaeli ¹²Altakẹlikesi, ahọlu ahọlu lẹ tọn, hlan Ezla yẹwhenọ lọ, wékantọ osén Jiwheyẹwhe olọn tọn lọ tọn, pipé po mọnkọ lẹ po. ¹³Yẹn basi asẹ de, dọ yé sọn omẹ Islaeli tọn lẹpo mẹ, po yẹwhenọ yetọn lẹ po po Levinu lẹ lọ po, to ahọludutẹn ṣie mẹ, he yín ayipatọ sọn ojlo vivẹ̀ yetọn titi mẹ nado yi jẹ Jelusalẹm, ni yì hẹ we. ¹⁴Na sọle yè do hiẹ hlan sọn ahọlu lọ de po hónamẹtọ etọn ṣinawe lẹ po, nado kanbiọ gbọn Juda po Jelusalẹm po tọn dali, kẹdẹdi osẹ́n Jiwheyẹwhe tọn he tin to alọ etọn mẹ; ¹⁵podọ nado hẹn fataka po sika po, he ahọlu lọ po hónamẹtọ etọn lẹ po, ko yí ojlo do sánvọ́ hlan Jiwheyẹwhe Islaeli tọn lọ yì, fìninò mẹhetọn tin to Jelusalẹm mẹ. ¹⁶Podọ fataka po sika lẹpo po he hiẹ na mọ to ogbeta Babilọni tọn lẹpo mẹ, po avósinsán ojlonọ lọ po sọn gbẹtọ lẹ de, podọ sọn yẹwhenọ lẹ de, nunina ojlomẹ tọn na ohò Jiwheyẹwhe yetọn tọn lọ he tin to Jelusalẹm mẹ; ¹⁷enẹwutu hiẹ na yí sọwhiwhe lẹpo do yí akuẹ he do họ̀ oyìnsú lẹ, agbò lẹ, lẹngbọvu lẹ, po avọ́ nunina jinulili yetọn lẹ po po avọ́ nunina nùnù yetọn lẹ po, bo na yí yé do sánvọ́ to agbà ohò Jiwheyẹwhe mítọn tọn lọ tọn ji he tin to Jelusalẹm mẹ. ¹⁸Podọ nudepope he na sọawuhia dagbe hlan we podọ hlan mẹmẹsunnu towe lẹ nado yí pipòtọ fataka po sika lọ po tọn do wà, enẹ mì ni wà kẹdẹdi ojlo Jiwheyẹwhe mítọn lọ tọn. ¹⁹Podọ nuzinzán lẹ he yè na we na sinsẹ̀n ohò Jiwheyẹwhe towe tọn lọ tọn, wẹ hiẹ ni jó to Jiwheyẹwhe Jelusalẹm tọn lọ nukọn. ²⁰Podọ nudepope he yè na jlo dogọ́ na ohò Jiwheyẹwhe towe tọn lọ, he hiẹ na tindo tẹnmẹna nado zankuẹ na, zankuẹna ẹn sọn ohò adọkunnu ahọlu lọ tọn mẹ. ²¹Podọ yẹn, yèdọ yẹn Altakẹlikesi ahọlu, wẹ basi aṣẹ de hlan adọkunnugopọ́ntọ lẹ he tin to otọ́ lọ gododọ̃n, dọ nudepope Ezla yẹwhenọ lọ, wékantọ osẹ́n Jiwheyẹwhe olọn tọn lọ tọn tọn, na kanbiọ sọn mì si, yè ni wà ẹ po sọwhiwhe lẹpo po, ²²jẹ talẹnti fataka tọn kanweko, podọ jẹ ojlẹ oli tọn lẹ kanweko, podọ jẹ bati ovẹ̃n tọn kanweko, podọ jẹ bati amì tọn kanweko, po ojó po matin jijlẹ sù sọ na. ²³Nudepope yè degbèna gbọn Jiwheyẹwhe olọn tọn lọ dali, gbọ é ni yín wiwà domọgẽ na ohò Jiwheyẹwhe olọn tọn lọ tọn; na etẹwutu wẹ homẹgble na do tin to ahọludutẹn ahọlu lọ tọn po visunnu etọn lẹ po ji? ²⁴Mí sọ napékọ mì ga, dọ gbọn depope sọn yẹwhenọ lẹ mẹ po Levinu lẹ po, hànjitọ lẹ, họ̀njinọtọ lẹ, Nẹtinimi lẹ, kavi devi ohò Jiwheyẹwhe tọn he tọn lẹ, é ma to na yín nubiọsẹ́nmẹ nado doagbàn otakuẹ, odèkuẹ, kavi gbonukuẹ tọn do yé ji gba. ²⁵Podọ hiẹ, Ezla, kẹdẹdi nuyọnẹn Jiwheyẹwhe towe tọn he tin to alọ towe mẹ, ni dè gbonugán lẹ po whèdatọ lẹ po, he sọgan dawhẹ́na gbẹtọ he tin to otọ̀ lọ gododọ̃n lẹpo, popo mọnkọ he yón osén Jiwheyẹwhe towe tọn lẹ, mì ni bo sọ nọ plọn ewọ he ma yọ́n yé lẹ. ²⁶Podọ mẹdepope he ma na basi osẹ́n Jiwheyẹwhe towe tọn lọ, po osẹ́n ahọlu lọ tọn po, gbọ yè ni yí sọwhiwhe lẹpo do hẹn whẹ̀dida ṣẹ to e ji, eyín é yín jẹ okú, kavi jẹ yàndogbé, kavi jẹ azàndomẹ agbàn lẹ tọn, kavi jẹ ogàndomẹ.

²⁷Donanọ wẹ OKLUNỌ yín, Jiwheyẹwhe otọ́ mítọn lẹ tọn, he yí onú di ehe nkọ de do ayiha ahọlu tọn mẹ, nado doaṣọna ohọ̀ OKLUNỌ tọn hetin to Jelusalẹm mẹ; ²⁸bo ko sọ dotena lẹblanu jẹ dẽ to ahọlu nukọn, po hónamẹtọ etọn lẹ po, podọ to ahọvi hlọnhlọnnọ ahọlu lọ tọn lẹpo nukọn. Yè sọ nahuhlọn mi kẹdẹdi alọ OKLUNỌ Jiwheyẹwhe ṣie tọn to oji e, yẹn sọ bé omẹ nukọntọ lẹ sọn Islaeli mẹ pli dopọ nado hẹji yì hẹ mi.

¹DINVIE ehelẹ̃ wẹ nukọntọ owhé otọ́ yetọn lẹ tọn lẹ tọn, ehe sọ wẹ whéndo yé he heji hẹ mi yì lẹ tọn sọn Babilọni, to ahọludu Altakẹlikesi ahọlu lọ tọn mẹ. ²Sọn visunnu Finehasi tọn lẹ mẹ, Gẹlṣọmi: sọn visunnu Itamli tọn lẹ mẹ, Daniẹli: sọn visunnu Davidi tọn lẹ mẹ, Hatusi. ³Sọn visunnu Ṣekania tọn lẹ mẹ; sọn visunnu Zekalia tọn lẹ mẹ: to ewọ de wẹ yè hia gbọn whédo dali kantọ̀ngbàn sọn asú lẹ mẹ ⁴Sọn visunnu Pahati-moabi lẹ mẹ, Eliẹhoenai: visunnu Zelahia tọn: podọ to ewọ de asú fọde. ⁵Sọn visunnu Sẹkania tọn lẹ mẹ, visunnu Jahazlẹh tọn; podọ to ewọ de asú fọdekanweko. ⁶Sọn visunnu Adini tọn lẹ mẹ, Ebẹdi visunnu Jonatani tọn; podọ to e de asú kandeao. ⁷Sọn visunnu Elami tọn lẹ mẹ, Jesaia visunnu Atalia tọn lọ; podọ to e de asú kandegbàn. ⁸Sọn visunnu Sẹfatia tọn lẹ mẹ, Zebadia visunnu Mikaẹli tọn; podọ to e de asú kanwe. ⁹Sọn visunnu Joabi tọn lẹ mẹ, Obadia visunnu Jehlẹli tọn lọ; podọ to e de, asu fọde po fọtọ̀nnukunatọ̀n po. ¹⁰Podọ sọn visunnu Ṣelomiti tọn lẹ mẹ, visunnu Josifia tọn; podọ to e de asú kẹnnẹ. ¹¹Sọn visunnu Bebai tọn lẹ mẹ, Zekalia, visunnu Bebai tọn; podọ to e de asú kòatọ́nnukunatọ̀n. ¹²Podọ sọn visunnu Azgadi tọn lẹ mẹ, Johanani visunnu Hakatani tọn; podọ to e de asú kanwegbàn. ¹³Sọn visunnu Adonikami tọn lẹ mẹ, he yín godotọn; ehelẹ sọ wẹ oyín yetọn lẹ, Elifẹlẹti, Jeuẹli, po Ṣemaia po, podọ to yé de asú kandeko. ¹⁴Podọ sọn visunnu Bigvai tọn lẹ mẹ, Utai po Zabudi po; podọ to yé de asú kandegbàn.

¹⁵Yẹn sọ bẹ́ yé plidopọ jẹ otọ̀ lọ kọ̀n he to sisa jẹ Ahava; finẹ wẹ mí dosla do azán atọ̀n: Yẹn sọ pọ́n gbẹtọ lẹ, po yẹwhenọ lẹ po, bo ma sọ mọ mẹde sọn visunnu Levi tọn lẹ mẹ. ¹⁶Whenẹnu wẹ yẹn dowẹnhlan na Eliezeli, na Aliẹli, na Ṣemaia, podọ na Elnatani, podọ na Jalibi, podọ na Elnatani, podọ na Natani, podọ na Zekalia, podọ na Mẹṣulami, sunnusi ogán lẹ; na Joialibi ga, podọ na Elnatani, he yín mẹplọntọ lẹ. ¹⁷Yẹn sọ do yé hlan jẹ Iddo ogán lọ de to otẹn Kasifia mẹ; yẹn sọ dọ na yé núhe yé do dọ hlan Iddo, po mẹmẹsunnu etọn Nẹtinimi lẹ lọ po, to otẹn Kasifia lọ mẹ, na yé na do hẹn devizọ́nwàtọ lẹ wá jẹ mí de na ohọ̀ Jiwheyẹwhe mítọn tọn. ¹⁸Podọ kẹdẹdi alọ dagbe Jiwheyẹwhe mítọn tọn to mi ji yé hẹn dawe hóyọnẹn tọn de wá mí de, sọn visunnu Mahli tọn lẹ mẹ, visunnu Levi tọn, visunnu Islaeli tọn; po Ṣelebia po, gọ́na visunnu etọn lẹ po mẹmẹsunnu etọn lẹ po, fọtọ̀nnukunatọ̀n; ¹⁹po Haṣabia po, podọ to e de Jesaia sọn visunnu Mẹlali tọn lẹ mẹ, mẹmẹsunnu etọn lẹ po visunnu yetọn lẹ po, òko: ²⁰podọ sọn Netinimi lẹ mẹ, mẹhe Davidi po ahọvi etọn lẹ po ko jó na sinsẹ̀n Levinu lẹ tọn, Nẹtinimi fọdeko: popo yé tọn wẹ yè ylọ gbọn oyín dali. ²¹Whenẹnu wẹ yẹn demìsẽluna núbibla de to finẹ, to otò Ahava kòn, na mí nido whiwhẹ mìde to Jiwheyẹwhe mítọn nukọn, nado nọ din alọ jlọjlọ de sọn ewọ mẹ, na mí, podọ na omẹ flinflin mítọn lẹ, podọ na agbàn mítọn lẹpo. ²²Na yè hẹn winyanhu mi nado biọ ogbẹ́ awhànvipẹ lẹ tọn de po osọ́nọ lẹ po sọn ahọlu lọ si nado gọalọna mí to kẹ̀ntọ ji to aliho: na mí ko dọhó hlan ahọlu lọ wutu, dọmọ, alọ Jiwheyẹwhe mítọn tọn tin to yé he to dindin in lẹpo ji na dagbe; ṣigba huhlọn etọn po homẹgble etọn po tin to yé he gbẹ́ ẹ dai lẹpo ji, ²³Mowẹ mí blanú bo sọ vẹ́ Jiwheyẹwhe mítọn na ehe: é sọ yín mẹvẹ́vèna sọn mí de. ²⁴Whenẹnu wẹ yẹn klán wiawe sọn ogán yẹwhenọ lẹ tọn lẹ mẹ, yèdọ Ṣelebia, Hasabia, po ao po sọn mẹmẹsunnu etọn lẹ mẹ gọ́na yé, ²⁵bo sọ jlẹ fataka lọ hlan yé, po sika lọ po, po nuzinzán lẹ lọ po, yèdọ avọ́ nunina lọ na ohọ́ Jiwheyẹwhe mítọn tọn lọ, he ahọlu lọ, po hónamẹtọ etọn lẹ po, po ahọvi etọn lẹ po, po Islaeli lẹpo po ko na to finẹ: ²⁶Yèdọ yẹn jlẹ talẹnti nuọntọ̀nkandeao fataka tọn do alọ yetọn mẹ, po talẹnti kanweko nuzinzán lẹ tọn po; talẹnti kanweko sọn sika mẹ; ²⁷po apánko òko sika tọn po, daliki fọtọ́n tọn; po nuzinzán awe gànvẹ̃ sisẹ́ dagbedagbe tọn po, akuẹgégénu di sika. ²⁸Yẹn sọ dọ hlan yé dọmọ Wiwe wẹ mìwlẹ yín hlan OKLUNỌ, wiwe wẹ núzinzán lẹ sọ yín; fataka lọ po sika lọ po wẹ avọ́ nunina ojlonọ de hlan OKLUNỌ, Jiwheyẹwhe ọtó mítọn lẹ tọn. ²⁹Mì ni nọ họ́, bo sọ pọ́n yé go, kaka míwlẹ do jlẹ yé to ogán yẹwhenọ lẹ tọn lẹ nukọn po Levinu lẹ po, po ahọvi owhé otọ́ Islaeli tọn lẹ tọn tọn po, to Jelusalẹm, to abò ohọ̀ OKLUNỌ tọn tọn lẹ mẹ. ³⁰Mọwẹ yẹwhenọ lẹ lọ po Levinu lẹ lọ po mọ ojlẹ fataka lọ po sika lọ tọn po yí, po nuzinzán lẹ lọ po, nado hẹn yé wá jẹ Jelusalẹm jẹ ohó Jiwheyẹwhe mítọn tọn lọ mẹ.

³¹Whenẹnu wẹ mí fọ́nyì sọn otò Ahava tọn lọ tó to azán wiawetọ osún tintan lọ tọn ji, nado yì jẹ Jelusalẹm: alọ Jiwheyẹwhe mítọn tọn sọ tin to mí ji, é sọ whlẹn mí sọn alọ kẹ̀ntọ lọ tọn mẹ podọ sọn owuvàtọ lẹ si to aliho. ³²Míwlẹ sọ wá je Jelusalẹm, bo sọ nò finẹ azán atọ̀n. ³³Podọ to azán ẹnẹtọ gbè wẹ yè jlẹ fataka lọ po sika lọ po po nuzinzán lẹ lọ po to ohọ̀ Jiwheyẹwhe mítọn tọn mẹ do alọ Melemoti visunnu Ulia yẹwhenọ lọ tọn tọn mẹ; podọ Eleazali visunnu Finehasi tọn tin to e de; podọ Jozabadi visunnu Jeṣua tọn lọ, po Noadia visunnu Binnui tọn, Livinu lẹ lọ po tin to yé de; ³⁴pete lọ gbọn osọha po jijlọ po dali: jijlẹ lẹpo lọ wẹ yè sọ wlan to ojlẹ nẹ mẹ. ³⁵Ovi mẹglọnọ tọn lẹ lọ, he yè hẹn tọ́n wá sọn ogbéji, sọ na avọ́ nunina mimẹ̀ lẹ hlan Jiwheyẹwhe Islaeli tọn, oyìnsú wiawe na Islaeli Ìẹpo, agbò kanwefọtọ̀nnukundopo, lẹngbọvu kandegbãntọ̀nnukunawe, alunkùn wiawe na avọ́ nunina ylando de tọn: ehe lẹpo wẹ avọ́ nunina mimẹ̀ blan OKLUNỌ. ³⁶Yé sọ na asẹ ahọlu lọ tọn lẹ hlan otògán ahọlu lọ tọn lẹ, podọ hlan otògán to otọ́ lọ gododọ̃n lẹ: yé sọ gọalọna gbẹtọ ewlẹ po ohọ́ Jiwheyẹwhe tọn lọ po.

¹DINVIE whenuena yè ko wà onú helẹ pó wẹ ahọvi lẹ dọ̀n sẹpọ́ dẽ, dọmọ, Omẹ Islaeli tọn lẹ, po yẹwhenọ lẹ po po Levinu lẹ po, ma ko klán yéde dovò sọn omẹ aigba lọ lẹ tọn mẹ gba, to wiwà mẹ kẹdẹdi osùnú yetọn lẹ, yèdọ sọn Kananinu lẹ lọ, Hitinu lẹ lọ, Pẹlizinu lọ lọ, Jẹbusinu lẹ lọ, Ammọninu lẹ lọ, Moabinu lẹ lọ, Egiptinu lẹ lọ, po Amọlinu lẹ lọ po mẹ gba. ²Na yé ko yí sọn viyọnnu yetọn lẹ mẹ na yéde podọ na visunnu yetọn lẹ; mọ bọ okun wiwe lọ ko yí omẹ aigba lẹ lọ tọn lẹ do flusọ yéde: nugbo, alọ ahọvi lẹ lọ tọn po whépọ́ntọ lẹ po ko yín gángánsú to ylando he mẹ. ³Whenuena yẹn sọ sè onú he, yẹn tlẹn awugbó ṣie po avọ̀kọdo ṣie po, bo sọ sùn odà ota ṣie tọn sẹ̀ po ogbi ṣie tọn po, bo sọ sinai awújinọ. ⁴Whenẹnu wẹ yè hẹn pli do dẽ omẹ dopodopo he sisọ na ohọ́ Jiwheyẹwhe Islaeli tọn lọ tọn lẹ, na ylando yé mẹglọnọ lẹ tọn tọn lọ wutu; yẹn sinai awújinọ kakajẹ avọ́ whèjai tọn jlẹmẹ. ⁵Podọ to avọ́ whèjai tọn lọ jlẹmẹ yẹn fọ́n tite sọn awúbla ṣie mẹ, yèdọ po awugbó ṣie po po avọ́kọdo ṣie po tintlẹn; yẹn sọ hó do oklò ṣie lẹ ji, bo sọ dlẹn alọ ṣie lẹ jẹgbonu hlan OKLUNỌ Jiwheyẹwhe ṣie; ⁶Yẹn sọ dọmọ. Jiwheyẹwhe ṣie È, yè hẹn winyanhù mi po wùnpẹn po nado zé nukunmẹ ṣie daga hlan de we, Jiwheyẹwhe ṣie: na yè hẹn oylanwà mítọn lẹ sudeji do ota mítọn, yè sọ hẹn owhèylan whẹ́n daga jẹ olọn lẹ mẹ. ⁷Sọn azán otọ́ mítọn lẹ tọn mẹ gbọ̀n wẹ mí ko yín whẹ̀gbledonọ susu jẹ azán he gbè; podọ na oylanwà mítọn lẹ wẹ yè ko do jó mìwlẹ, ahọlu mítọn lẹ, po yẹwhenọ mítọn lẹ po do alọ aholu aigba lẹ tọn lẹ ton mẹ, jẹ ohi, jọ mẹglọnọ, podọ jẹ hẹngble, podọ jẹ oflu nukunmẹ tọn, dile é yín to azán he gbè. ⁸Podọ dinvie na osã pẹvi de wẹ yè ko do do nukundagbe hia sọn OKLUNỌ Jiwheyẹwhe mítọn de, nado pò pipòtọ de dai na mí nado họ̀ngán, podọ nado na osé de mí to otẹn wiwe etọn mẹ, na Jiwheyẹwhe mítọn nido nahinhón nukun mítọn lẹ, bo sọ na wùnhinhọ́n pẹvi de mí to kanlinmọgbénu mítọn mẹ. ⁹Na mẹmẹglọ wẹ mí lẹ; gãnṣo Jiwheyẹwhe mítọn ma ko gbẹ́ mí dai to kanlinmọgbénu mítọn mẹ gba, ṣigba bo ko dotena lẹblanu jẹ mí de to nukun ahọlu Pẹlsia tọn lẹ tọn mẹ, nado na wùnhinhọ́n de mìwlẹ nado zé ohọ̀ Jiwheyẹwhe mítọn tọn lọ daga, podọ nado vọ́ gbigbà etọn lẹ jlado, podọ nado na adó de mí to Juda mẹ podọ to Jelusalẹm mẹ. ¹⁰Podọ dinvie, Jiwheyẹwhe mítọn È, etẹ́ wẹ mí na dọ to ehe godo? na mí ko gbẹ́ gbèdide towe lẹ dai, ¹¹he hiẹ ko degbèna gbọn mẹmẹsi towe yẹwhegán lẹ lọ dali, dọmọ, Aigba lọ, he mì yì jẹ nado tindo e, yín aigba mawé de gbọn omawé omẹ aigba lẹ lọ tọn lẹ mẹ, gbọn osùnú yetọn lẹ mẹ, he ko yí odiho yetọn do gó ẹ sọn opodo ode jẹ awetọ. ¹²Enẹwutu dinvie, mì jó viyọnnu mítọn lẹ hlan visunnu yetọn lẹ blo, mọ mì sọ yí viyọnnu yetọn lẹ hlan visunnu mítọn lẹ blo, mì sọ din jijọho yetọn blo kavi nuyọnnamẹ yetọn gbède blo: na mì nido yín huhlọnnọ, bo sọ dù dagbe aigba lọ tọn, bo sọ jódai na ogú de hlan ovi mítọn lẹ doidoi. ¹³Podọ to enẹ lẹpo godo yè hẹn enẹ wá mí ji na owàlọ ylanylan mítọn lẹ, podọ na whèyìnylan daho mítọn, mimọ hiẹ Jiwheyẹwhe mítọn ko doyana mí whè hú le oylanwà mítọn lẹ biọ do, bo ko sọ na pipòtọ mọnkọ de mí. ¹⁴Míwlẹ na ka sọ vọ́ gbèdide towe lẹ gbà wẹ, bo kọndopọ tó asijakó mẹ hẹ gbẹtọ he nọ wà osùnú helẹ̃? hiẹ ma ka na yín adinọ to mí de kaka hiẹ ko do súkundona mí, mọ bọ pipòtọ de ma na do tin finẹ, kavi depope nado hòngán? ¹⁵OKLUNỌ E. Jiwheyẹwhe Islaeli tọn, dódónọ wẹ hiẹ; na yè pòdaina mí pipòtọ de he yè hẹn hóngán, dile é yín to azán he gbè: dayi e go, mí tin nukọn towe to whẹ̀yinylan mítọn mẹ; na mẹde ma sọgan ṣite nukọn towe gba na ehe wutu.

¹DINVIE whenuena Ezla hodẹ̀ bo sọ basi ọgbèyí, bo to avivi bo to ede zéliai to ohọ́ Jiwheyẹwhe tọn lọ nukọn, finẹ yè bẹ́ plí jẹ e de sọn Islaeli mẹ agùn daho talala sunnusi po yọnnusi lọ po po yọ̀pọ lẹ po tọn de: na gbẹtọ ewlẹ to avivi susu badabada. ²Ṣekania visunnu Jẹhiẹli tọn lọ, dopo sọn visunnu Elami tọn lẹ mẹ, gblọn bo dọ hlan Ezla dọmọ, Mí ko wàylando do Jiwheyẹwhe mítọn, bo ko wlealọhẹ yọnnu ojonọ gbẹtọ aigba lọ tọn tọn lẹ: gãnṣo dinvie tódido tin finẹ na Islaeli gbọn onú he tọn dali. ³Enẹwutu dinvie gbọ mí ni basi alẹ̀nù de po Jiwheyẹwhe mítọn po nado gbẹ́ asi lẹpo dai, po mọnkọ he yè ji sọn yé mẹ lẹpo po, kẹdẹdi hónamẹ klunọ ṣie tọn lọ, po enẹlẹ tọn po he sisọ na gbèdide Jiwheyẹwhe mítọn tọn lẹ; bo sọ gbọ é ni yín wiwà kẹdẹdi osẹ́n lọ. ⁴Tite; na towe wẹ owhẹ̀hó lọ, míwlẹ sọ tin to de we: yín tudotọ dagbe tọn, bo sọ wà ẹ. ⁵Whenẹnu wẹ Ezla tite, bo hen ogán yẹwhenọ lẹ tọn lẹ lọ Levinu lẹ lọ, po Islaeli lẹpo po, nado whle dọ yé na wà kẹdẹdi ohó he. Mọwe yé sọ whle. ⁶Whenẹnu wẹ Ezla fọ́n tite sọn ohò Jiwheyẹwhe tọn lọ nukọn, bo yì biọ abo Jehobanani visunnu Eliasibi tọn lọ tọn mẹ: whenuena é sọ wá finẹ, é ma dù akla de, kavi nù osìn: na é to awubla na ylando yé mẹglọnọ lẹ tọn lọ tọn tọn wutu. ⁷Yé sọ basi mìsẽlu lẹ́do Juda po Jelusalẹm po jẹ ovi mẹglonọ tọn lẹpo de, na yé na do pli yéde dopọ jẹ Jelusalẹm; ⁸podọ mẹdepope he ma wá to azán atọ̀n helẹ mẹ, kẹdẹdi hónamẹ ahọvi lẹ po mẹho lẹ po tọn, agbàn etọn wẹ yè na hẹnsiai, bo sọ klán ewlọsu dovò sọn agùn mẹglọnọ lọ tọn mẹ. ⁹Whenẹnu wẹ omẹ Juda po Benjamini po tọn lẹ bẹ́ yéde pli dopọ jẹ Jelusalẹm to azán atọ̀n lọ mẹ; osùn ṣinẹnẹtọ wẹ, to azán òkotọ osùn lọ tọn ji: gbẹtọ lẹpo sinai to otẹn gbigblo lọ mẹ to ohò Jiwheyẹwhe tọn nukọn, bo to sisọsisọ na owhèhó he tọn wutu, podọ na jikun daho lọ. ¹⁰Ezla yẹwhegán lọ sọ fọ́n ṣite, bo dọ hlan yé dọmọ, Mìwlẹ ko wàylando, bo ko sọ wlealọhẹ yọnnu ojonọ lẹ, nado hẹn owhèylan Islaeli tọn sudeji. ¹¹Enẹwutu dinvie mì ni basi ogbèyí hlan OKLUNỌ, Jiwheyẹwhe otọ́ mítọn lẹ tọn lọ, bo sọ wà homẹhùn etọn: bo klán mìde dovò sọn omẹ aigba lọ tọn lẹ mẹji podọ sọn yọnnu ojonọ lẹ de. ¹²Whenẹnu wẹ agùn lẹpo sọ gblọn bo yi ogbè lélé de do dọmọ, Le hiẹ ko dọ gbọn mí tọn dali do, mọwẹ míwlẹ na wà. ¹³Ṣigba susu wẹ gbẹtọ ewlẹ, é sọ yín ojlẹ ojikun susu tọn de, mí ma sọ tin sọgan nado ṣite to gbonu, mọ ehe ma sọ yín azón azán dopo kavi awe tọn gba: na mí ko wàylando dahodaho to owhẹ̀hó he mẹ. ¹⁴Dinvie gbọ yè ni dè ahọvi mítọn lẹ na agùn lọ lẹpo, bo sọ gbọ yé he tin to tòdaho mítọn lẹ mẹ lẹpo he ko wlealọhẹ yọnnu ojonọ lẹ ni wá to ojlẹ didè lẹ ji, podọ gọ́na yé mẹho tòdaho dopodopo tọn lọ, po whẹ̀datọ etọn lẹ po, kaka yè do diọ homẹgble zògbe Jiwheyẹwhe mítọn tọn sọn mí de, kaka yè do vọ̀ owhẹ̀hó he, ¹⁵Jonatani visunnu Asahẹli tọn lọ po Jazeia visunnu Tikva tọn lọ po kẹdẹ wẹ tite do owhẹ̀hó he ji: Mẹṣulami po Sabbetai Levinu lọ po sọ to alọgọna yé. ¹⁶Ovi mẹglọnọ tọn lẹ lọ sọ wà mọ. Ezla yẹwhenọ lọ, po nukọntọ owhé otọ́ lẹ tọn lẹ tọn dẽlẹ po, kẹdẹdi owhé otọ́ yetọn lẹ tọn lẹ, podọ sọn popo yé tọn mẹ gbọn oyín yetọn lẹ dali, wẹ yè klandovò; yé sọ sinai to azán tintan osùn aotọ tọn mẹ nado whle owhẹ̀hó lọ pọ́n. ¹⁷Yé sọ basi opòdo de po sunnusi ewlẹ po he ko wlealọhẹ yọnnu ojonọ lẹ to azán tintan osùn tintan tọn lọ mẹ. ¹⁸Podọ to visunnu yẹwhenọ lẹ tọn lẹ ṣẹnṣẹn yè mọ finẹ he ko wlealọhẹ yọnnu ojonọ lẹ: yínylọ, sọn visunnu Jeṣua tọn lẹ mẹ, visunnu Jozadaki tọn lọ, po mẹmẹsunnu etọn lẹ po, Maaseia, po Eliezeli po, po Jaìibi po, po Gedalia po. ¹⁹Yé sọ na alọ yetọn dọ yé na bẹ́ asi yetọn lọ sẹ̀; podọ yínyín whèylannọ, yé yí agbò de sọn lẹngbọpa mẹ do sánvọ́ na whẹ̀yìnylan yetọn. ²⁰Podọ sọn visunnu Immẹli tọn lẹ mẹ; Hanani po Zebalia po. ²¹Podọ sọn visunnu Halimi tọn lẹ mẹ; Maaseia, po Elija po, po Ṣemaia po, po Jehiẹli po, po Uzia po. ²²Podọ sọn visunnu Pashuli tọn lẹ mẹ; Elioẹnai, Maaseia, Iṣmaẹli, Nẹtanẹli, Jozabadi, po Elasa po. ²³Podọ sọn Levinu lẹ mẹ; Jozabadi, Ṣimei, po Kelaia po (dopolọ wẹ Kelita), Petahia, Juda, po Eliezeli po. ²⁴Podọ sọn hànjitọ lẹ mẹ; Eliasibi: podọ sọn họ̀njinọtọ lẹ mẹ; Ṣalumi, po Tẹlẹmi po, po Uli po. ²⁵Podọ sọn Islaeli mẹ: sọn visunnu Paloṣi tọn lẹ mẹ; Lamia, po Izia po, po Malkija po, po Mijamini po, po Eleazali po, pọ Malkija po, po Bẹnaia po. ²⁶Podọ sọn visunnu Elami tọn lẹ mẹ; Matania, Zekalia, po Jehiẹli po, po Abdi po, po Jẹlemoti po, po Elija po. ²⁷Podọ sọn visunnu Zatu tọn lẹ mẹ; Elioẹnai, Eliaṣibi, Matania, po Jelemoti po, po Zabadi po, po Aziza po. ²⁸Podọ sọn visunnu Bebai tọn lẹ mẹ; Jehohanani, Hanania, Zabai, Atlai. ²⁹Podọ sọn visunnu Bani tọn lẹ mẹ; Mẹṣulami, Maluki, po Adaia po, Jasubi, po ṣeali po, Jelemoti ³⁰Podọ sọn visunnu Pahati-moabi tọn lẹ mẹ; Adna, Kelali, Benaia, Maaseia, Matania, Bezalẹli, po Binnui po, po Manassẹ po. ³¹Podọ sọn visunnu Halimi tọn lẹ mẹ; Eliezeli, Isija, Malkija, Ṣemaia, Ṣimeọni; ³²Bẹnjamini, Maluki, Ṣemalia. ³³Podọ sọn visunnu Hasumi tọn lẹ me; Matenaì, Matata, Zobadi, Elefẹti, Jelemai, Manassẹ, Ṣimei. ³⁴Podọ sọn visunnu Bani tọn lẹ mẹ; Maadai, Amlarni, po Uẹli po; ³⁵Benaia, Bedeia, Keluhi; ³⁶Vania, Mẹlẹmọti, Eliasibi; ³⁷Matania, Matenai, po Jaasu po; ³⁸po Bani po, po Binnui po, ṣimei; ³⁹po Selẹmia po, po Natani po, po Adaia po; ⁴⁰Maknadebai, Sasai, Salai; ⁴¹Azalẹli, po Selemia po, Ṣemalia; ⁴²Ṣalumi, Amalia, Josẹfu. ⁴³Sọn visunnu Nebo tọn lẹ mẹ; Jeiẹli, Matitia, Zabadi, Zẹbina, Iddo, po Joẹli po, Benaia. ⁴⁴Ehe lẹpo wẹ ko dà asi ojonọ lẹ: dẽlẹ sọn yé mẹ ko tindo asi lẹ gbọn mẹhe dali yé tindo ovi lẹ.