1DINVIE é sọ wá jọ to owhè ogbàntọ mẹ, to osùn ẹnẹtọ mẹ, to azán atóntọ osùn lọ tọn mẹ, le yẹn tin to mẹmẹglọ ṣẹnṣẹn to otò Kẹbali dali, wẹ yè hùn olọn lẹ, yẹn sọ mọ númimọ Jiwheyẹwhe tọn lẹ. 2To azán atóntọ osùn lọ tọn mẹ, he yìn owhè atọ̀ntọ mẹmẹglọ ahọlu Jehọiakini tọn tọn, 3ohó OKLUNỌ tọn gbọntitegbe wá jẹ Ezeklẹli yẹwhenọ lọ de, visunnu Buzi tọn, to aigba Kaldeanu lẹ tọn mẹ to otò Kẹbali dali; podọ alọ OKLUNỌ tọn sọ tin finẹ to e ji. 4Podọ yẹn pọ́n, bo, dayi e go, oyú jẹhọn de sọn agéwaji wá, aslọ daho de, po miyọn he hùnhùn bilabila de po, po sisé de po lédo e pé, podọ sọn ogblagbla etọn mẹ di ambeli nado dèkọpọn, sọn ogblagbla miyọn lọ tọn mẹ. 5Podọ sọn ogblagbla etọn mẹ wẹ apajlẹ núdida gbète ẹnẹ tọn sọn wá. Ehe sọ wẹ awusọhia yetọn; yé tindo apajle gbẹtọ de tọn. 6Podọ omẹ dopodopo tindo nukunmẹ ẹnẹ, omẹ dọpodopo yé tọn sọ tindo awà ẹnẹ. 7Afọ yetọn lẹ sọ yín afọ he jlọwhete lẹ; afọpàhomẹ afọ yetọn lẹ tọn tlii taidi afọpàhomẹ afọ oyìnvú de tọn: yé sọ to siségbà taidi whẹkàn ogànvẹ̃ yè hẹn sẹ́ tọn. 8Yé sọ tindo alọ gbẹtọ de tọn lẹ to awà yetọn lẹ glọ to adà yetọn ẹnẹ lẹ go: yé omẹ ẹnẹ lẹ sọ tindo nukunmẹ yetọn lẹ po awà yetọn lẹ po do le; 9yè pé awà yetọn le dopọ ode do ode go; yé ma lẹ́ whenuena yé to yìyì gba; yé to yìyl omẹ dopodopo to titegbe gẽ. 10Na apajlẹ nukunmẹ yetọn lẹ tọn, yé tindo nukunmẹ gbẹtọ de tọn; podọ yé omẹ ẹnẹ lẹ tindó nukunmẹ kinnikinni de tọn to adà adusi ji; podọ yé omẹ ẹnẹ lẹ sọ tindo nukunmẹ oyín de tọn to adà amiyọn ji; yé omẹ ẹnẹ lẹ sọ tindo nukunmẹ akùn de tọn ga. 11Podọ le wẹ nukunmẹ yetọn lẹ te; awà yetọn lẹ yín kinklan to aga; yè pé awà awe omẹ dopodopo tọn ode do ode go, podọ awe ṣinyọn agbasa yetọn lẹ. 12Yé sọ to yìyì omẹ dopodopo to titegbe gẽ: fiedali gbigbọ lọ tin nado yì, wẹ yé yìyì; yé ma lẹ́ whenuena yé to yìyì gba. 13Podọ na apajlẹ núdida gbète lẹ lọ tọn, àwusọhia yetọn tin di akán jiji miyọn tọn lẹ, taidi awusọhia ozòwhán lẹ tọn; é to aga po odò po yì to núdida gbẹ̀te ẹnẹ lẹ ṣẹnṣẹn: podọ miyọn lọ sọ yín sisẹ́, podọ miyọn lọ mẹ wẹ abi jẹgbonu yì sọn. 14Podọ núdida gbẹ̀te lẹ lọ to wèzundo bo sọ to lilẹ́gò di awusọhia didè abi tọn de. 15Dinvie le yẹn to núdida gbète lẹ lọ pọ́n, dayi e go, kẹkẹfọ dopo to aigba ji to núdida gbẹ̀te lẹ lọ dali, na dopodopo nukunmẹ ẹnẹ etọn lẹ tọn. 16Awusọhia kẹkẹfọ lẹ lọ tọn po azón yetọn po tin jijlẹ do owhèkàn belili de tọn go: podọ yé omẹ ẹnẹ lẹ tindo apajlẹ dopo: podọ awusọhia yetọn po azọ́n yetọn po tin di é yín kẹkẹfọ de to gblagbla kẹkẹfọ de tọn mẹ. 17Whenuena yé to yìyì, yé to yìyì to adà yetọn ẹnẹ lẹ ji: yé ma ló whenuena yé to yìyì gba. 18Na okòkle yetọn lẹ tọn, yé tin yìji bo dobu; podọ yé omẹ ẹnẹ lẹ tindo okòkle yetọn lẹ gọ́ na nukun lẹ lédo pé. 19Whenuena núdida gbẹte lẹ lọ to yìyì, kẹkẹfọ lẹ lọ sọ to yìyì to adà yetọn mẹ: podọ whenuena núdida gbète lẹ lọ yín zizé daga sọn aigba, kẹkẹfọ lẹ lọ sọ yín zizé daga. 20Fidepopedali gbigbọ lọ tin nado yì, yé nọ yì; fìnẹdali wẹ gbigbọ lọ tin nado yì: podọ kẹkẹfọ lẹ lọ sọ nọ yín zizé daga to yé ji; na gbigbọ ogbẹ̀ nudida gbẹ̀te lọ tọn tin to kẹkẹfọ lẹ lọ mẹ. 21Whenuena enẹlẹ yìyì, ehelẹ yìyì; podọ whenuena enẹlẹ site, ehelẹ site; podọ whenuena yè zé enẹlẹ daga sọn aigba, kẹkẹfọ lẹ yín zizé daga to yé ji: na gbigbọ ogbẹ̀ núdida gbẹ̀te lọ tọn tin to kẹkẹfọ lẹ lọ mẹ. 22Podọ to ota núdida gbẹ̀te lọ tọn wẹ apajlẹ dovlomẹ de tọn te, taidi owhèkan osìhago he dobu tọn, he dlẹn jẹgbonu to ota yetọn lẹ to aga. 23Podọ to dovlomẹ lọ glọ wẹ awà yetọn lẹ te titegbe, ode hlan ode dali: omẹ dopodopo tindo awe he sinyọn adà he ji, podọ omẹ dopodopo sọ tindo awe hé ẹinyọn adà nẹ ji, agbasa yetọn lẹ. 24Podọ whenuena yé to yìyì, yẹn sè hùnhlungbè awà yetọn lẹ tọn taidi hùnhlungbè osìn daho le tọn, taidi ogbè Ganhunupo tọn, hùnhlungbè zingidi tọn de taidi hùnhlungbè awhànpa de tọn: whenuena yé site, yé jó awà yetọn lẹ do odò. 25Ogbè de sọ tin to dovlomẹ lọ ji aga he tin to ota yetọn lẹ: whenuena yé site, yé jó awà yetọn lẹ do odò. 26Podọ to dovlomẹ lọ to aga he tin to ota yeton lẹ wẹ apajlẹ ofìn de tọn te, di awusọhia ozannu sapfile de tọn: podọ to apajlẹ ofìn lọ tọn ji wẹ apajlẹ de te di awusọhia gbẹtọ de tọn to e ji aga. 27Yẹn bọ mọ di owhẹ̀kan ambeli tọn, di awusọhia miyọn tọn to e homẹ lẹ́do pé, sọn awusọhia adaja etọn tọn mẹ podọ hlanaga; podọ sọn awusọhia adaja etọn tọn mẹ podọ hlandò yẹn mọ di é yín awusọhia miyọn tọn, osisẹ́ sọ tin finẹ lédọ e pe. 28Di awusọhia ayídowhẹdo tọn he tin to aslọ mẹ to azán ojikun tọn mẹ, mọwẹ awusohia osisé lọ tọn te lẹ́do pé. Ehe wẹ awusọhia apajlẹ sọn gigo OKLUNỌ tọn lọ tọn mẹ. Podọ whenuena yẹn mọ ẹn, yẹn jai to nukunmẹ ṣie ji, podọ yẹn sọ sè ogbè omẹ de tọn he to hódọ.
21EWỌ sọ dọ hlan mi dọ, Visunnu gbẹtọ tọn, nọte to afọ towe lẹ ji, yẹn bo na sọ dọhó hẹ we. 2Gbigbọ lọ sọ biọ yẹn mẹ whenuena é dọhó hlan mi, bo sọ zé mi do afọ ṣie lẹ ji; yẹn sọ sè ewọ he to hódọ hlan mi. 3Ewọ sọ dọ hlan mi, dọ, Visunnu gbẹtọ tọn, yẹn do we hlan ovi Islaeli tọn lẹ de, hlan akọta he yín atẹsitọ lẹ, he ko ṣiatẹ do ogo e; yé po otọ́ yetọn lẹ po ko jẹsénmẹ do ogo e, yèdọ kaka jẹ azán he gbè. 4Podọ ovi lẹ sọ yín unzètọ kọsinsinyẹnnọ; yẹn do we hlan yé: hiẹ na sọ dọ hlan yé dọ, Le wẹ OKLUNỌ JIWHEYẸWHE dọ. 5Podọ yewlẹ, eyín yé na sè, kavi eyín yé na gbọ, (na owhé atẹsitọ de wẹ yè,) gãnṣo na yọnẹn dọ yẹwhegán de ko tin to yé ṣẹnṣẹn. 6Podọ hiẹ, visunnu gbẹtọ tọn, yín obuditọ na yé tọn blo, kavi yín obuditọ na ohó yetọn lẹ tọn blo, yín ovéun po owun lẹ po tlẹ tin to de wé, bọ hiẹ sọ nò yèdùmẹlan lẹ ṣẹnṣẹn; a yín obuditọ na ohó yetọn lẹ tọn blo, kavi yín avosatọna mẹpinpọ́n yetọn lẹ blo, yín yé tlẹ yín owhé atẹsitọ de. 7Hiẹ na sọ dọ ohó ṣie lẹ hlan yé, eyín yé na sè, kavi eyín yé na gbọ: na atẹsitọ petepete wẹ yé 8Ṣigba hiẹ visunnu gbẹtọ tọn, sè nuhe yẹn didọ hlan we; hiẹ yín atẹsitọ taidi owhé atesitọ nẹ blo: kè onù towe, bo dù enẹ he yẹn na we. 9Podọ whenuena yẹn sọ pọn, dayi e go, yè dè alọ de jẹgbonu hlan mi; bo, pọ́n, hiha odi owe de tọn de tin to e mẹ; 10Ewọ sọ dlẹn ẹn to nukọn ṣie; é sọ yín winwlan to homẹ po gbonu po yè sọ wlan avigbè lẹ, po awubibla po, po dindọn po do e mẹ.
31EWO sọ dọ hlan mi dọ, Visunnu gbẹtọ tọn, dù ehe hiẹ mọ; dù owedi he, bo yì, dọhó hlan owhé Islaeli tọn. 2Mọwẹ yẹn kè onù ṣie, ewọ sọ hẹn mi nado dù: owedi lọ. 3Ewọ sọ dọ hlan mi dọ, Visunnu gbẹto ton, hen adọgo towe nado dù, bo sọ yí owedi he yẹn na we he do gọ́ ahúnkẹnmẹ towe. Whenẹnu wẹ yẹn dùi; é bo sọ tin to onù ṣie mẹ di owin na vivi.
4Ewọ sọ dọ hlan mi dọ, Visunnu gbẹto tọn, yì, hẹn dewe jẹ owhé Islaeli tọn gbè, bo yí ohó ṣie lẹ do dọhó hlan yé. 5Na yè ma do hiẹ hlan gbẹtọ he siso son nùflo mẹ bo sọ pèn sọn odé mẹ lẹ de gba, ṣigba hian owhe Islaeli tọn; 6hlan akota susu oliógbè jonọ de ton po akògbè sinsinyẹn dẹ tọn po, ohó mẹhetọn hiẹ ma sọgan tùnwun, ma gba Nugbonugbo, eyin yẹn do we hlan yé, yé na tùntóai hlan we. 7Ṣigba owhé Islaeli tọn ma na tùntóai hlan we gba; naye ma na tùntóai hlan mi: na owhe Islaeli tọn lepo yín nukọn sinsinyennọ de tọn po ayiha sinsinyẹnnọ de tọn po. 8Dayi e go, yẹn ko hẹn nukunmẹ towe zùn sinsinyẹn do nukunmẹ yetọn lẹ go, podọ nukọn towe zùn sinsinyen do nukọn yetọn lẹ gó. 9Dile ozannu diamọndi de yín sinsinyẹn hugan okẹn wẹ yẹn ko basi nukọn towe do: a si yé blo, mọ a sọ yín avosatọna mẹpinpón yetọn lẹ blo, le yé tlẹ yín owhé atẹsitọ de sọ. 10Humọ ewọ sọ dọ hlan mi dọ, Visunnu gbẹtọ tọn, ohó ṣie lẹpo he yẹn na dọ hlan we yí do ayiha towe mẹ, bo sọ yí otọ́ towe lẹ do sè. 11Bo yì, hẹn dewe jẹ yé mẹmẹglọ tọn lẹ de, jẹ ovi omẹ towe le tọn lẹ de, bo dọhó hlan yé, bo dọ na yé dọ, Le wẹ OKLUNỌ JIWHEYẸWHE dọ; eyín yé na sè, kavi eyín yé na gbọ.
12Whenẹnu wẹ gbigbọ lọ zé mi daga, yẹn sọ sè to godo ṣie ogbè zínyìnyen daho de tọn, didọmọ, Donanọ gigo OKLUNỌ tọn yín sọn otẹn he mẹ. 13Yẹn sọ sè hùnhlungbè awà núdida gbẹ́te lẹ lọ tọn di yé jẹ yénọzo go, podọ hùnhlungbè kẹkẹfọ lẹ lọ tọn to ye ji aga, yèdọ hùnhlungbè zínyìnyẹn daho de tọn. 14Mowẹ gbigbọ lọ sọ zé mi daga, bo zé mi yi: yẹn sọ to yìyì to ovivé mẹ, to yózo gbigbọ ṣie tọn mẹ, podọ alọ OKLUNỌ tọn sọ to sinsinyẹn to oji e. 15Whenẹnu we yen wá jẹ yé mẹmẹglọ tọn lẹ de to Tẹli abibi, he sín otọ Kebali dali, yẹn sọ sín fie yé sín; yẹn sọ sinai finẹ awujinọ azán ṣinawe.
16E sọ wá jọ to opòdo azán ṣinawe lọ tọn, wẹ ohó OKLUNỌ tọn wá jẹ dẽ, dọmọ, 17Visunnu gbẹtọ tọn, yẹn ko hen we zùn hihọtọ de hlan owhé Islaẹli tọn: enẹwutu sè ohó to onù ṣie mẹ, bo sọ na núkọ́namẹ yé sọn dẽ. 18Whenuena yẹn dọ hlan mẹylankan dọ, Hiẹ na kú nugbonugbo; bọ hiẹ ma na núkọ́namẹ ewọ gba, bo ma sọ dọho nado kọ́nuna mẹylankan sọn aliho ylankan etọn mẹ, nado whlẹn ogbẹ̀ etọn; omẹ ylankan dopolọ na kú to oylanwà etọn mẹ; ṣigba ohùn etọn we yẹn na kanbiọ to alọ towe mẹ. 19Adavo eyín hiẹ kọnúna mẹylankan lọ, bọ ewọ ma lẹ́ sọn ylankan etọn mẹ, kavi sọn aliho ylankan etọn mẹ gba, ewọ na kú to oylanwà etọn me; ṣigba hiẹ ko whlẹn alindọn towe. 20Podọ, whenuena omẹ dódónọ de sọ lẹ́ sọn dódó etọn mẹ, bo sọ wà oylanwà, bọ yẹn sọ yí zannuagbali de do nukọn nẹ̃, ewọ na kú: na hiẹ ma ko na núkọ́namẹ ewọ wutu, ewọ na kú to ylando etọn mẹ, podọ owàlọ dódónọ he ewọ ko wà lẹ wẹ yè ma to na sọ flin; ṣigba ohùn etọn wẹ yẹn na sọ kanbio to alọ towe mẹ. 21Adavo eyin hiẹ kọnuna omẹ dódónọ lọ, dọ dódónọ lọ wàylando blo, bọ ewọ ma sọ wàylando gba, ewọ na nọgbè nugbonugbo, na ewọ ko yí núkọ́namẹ wutu; hiẹ ko sọ whlẹn alindọn towe.
22Alọ OKLUNỌ tọn lọ sọ tin to oji e to finẹ; ewọ sọ dọ hlan mi dọ, Tite, jegbonu yì biọ agbàdo lọ mẹ, yẹn na sọ dọhó hẹ we to finẹ. 23Whenẹnu wẹ yẹn tite, bo jẹgbonu yì biọ agbàdo lọ mẹ: bo, dayi e go, gigo OKLUNỌ tọn nọte to fìne, di gigo he yen mọ to otọ̀ Kẹbali lọ dali: yẹn sọ jai do nukunmẹ ṣie ji. 24Whenẹnu wẹ gbigbọ lọ biọ yẹn mẹ, bo zé mi do afọ ṣie lẹ ji; ewọ sọ dọhó hẹ mi, bo dọ hlan mi dọ, Yì, sú dewe do họmẹ towe. 25Ṣigba hie, visunnu gbẹtọ tọn, dayi e go, yé na yí ogandomẹ lẹ do oji we, bo na yí ye do sín we, hiẹ ma na sọ yì sọn yé ṣẹnṣẹn gba: 26yẹn na sọ hẹn odé towe do aga onù towe tọn go, bọ hiẹ na yin unbọpẹn, bo ma na sọ yín hlan yé oplónlọnamẹtọ de gba: na owhé atẹsitọ de wẹ yé. 27Ṣigba whenuena yẹn dọhó hẹ we, yẹn na onù towe, hiẹ na sọ dọ hlan yé dọ, Le wẹ OKLUNỌ JIWHEYẸWHE dọ: Ewọ he sè, gbọ é ni sè; podọ ewọ he gbọ, gbọ é ni gbọ: na owhé atẹsitọ de wẹ yé.
41HIẸ ga, visunnu gbẹtọ tọn, yí agbán yè do nọ gbáhò de na dewe, bo yí i do nukọn towe, bo basi ojlẹmọ tòdaho de tọn do e ji, yèdọ Jelusalẹm: 2bo basi oglọndo do oji nẹ̃, bo dó agbó lẹ do oji nẹ̃, bo dó okiti de daga do oji nẹ; do osla lẹ ga do oji nẹ, bo sọ tùn agbòvùn lẹ lédo e pé. 3Bo sọ yí agbán vla ogànyu tọn de hlan we, bo zé e do na adó ogànyu tọn de do hiẹ po tòdaho lọ po ṣẹnṣẹn: bo zé nukunmẹ towe hlan e dali, é bo na sọ yín oglọndo, hiẹ na sọ zé glọndo do e ji. Ehe na yín ohia de hlan owhé Islaeli tọn.
4Humọ hiẹ na mlọn adà amiyọn tọn towe ji, bo sọ té oylanwà owhé Islaeli tọn tọn do e ji: kẹdẹdi osọha azán he hiẹ na do mlọn e ji, hiẹ na hẹn oylanwà yetọn. 5Na yẹn ko dè owhè oylanwà yetọn lẹ tọn nado yín hlan we osọha azán lẹ tọn de, yèdọ azán fọdekẹnnẹgbàn: mọwẹ hiẹ na hẹn oylanwà owhe Islaeli tọn tọn. 6Podọ, whenuena hiẹ ko hẹn ehelẹ ṣẹ, hiẹ na sọ mlọn adà adusi towe tọn ji, bo na sọ hẹn oylanwà owhé Juda tọn tọn: azán kande, azán dopodòpo na owhè de, wẹ yẹn ko do dè e hlan we. 7Hiẹ na sọ zé nukunmẹ towe hlan glọndo Jelusalẹm tọn dali, po awà towe po maṣinyọnnudo; hiẹ na sọ dọdọdai do e go. 8Bo, dayi e go, yẹn zé mẹsíngàn lẹ do oji we, podọ hiẹ ma na lẹ́ dèwe sọn adà de ji hlan awetọ ji, kaka hiẹ ko do hẹn azán oglọndo towe tọn lẹ sẹ 9Hiẹ ni yí oli hlan dewe de ga, po ayòlikún po, po aivi lẹ po, po lẹntile lẹ po, po milẹti po, po apada po, bo bẹ́ yé do núzinzán dopo mẹ, bo do basi akla etọn na dewe; kẹdẹdi osọha azán lẹ tọn he hiẹ na do mlọn adà towe ji, yèdọ azán fọdekẹn nẹgbàn wẹ hiẹ na dù sọn e mẹ. 10Podọ núdùdù towe he hiẹ na nọ dù na tin gbọn jlẹnú dali, ṣẹkle oko gbèdopo: sọn ojlẹ de jẹ ojlẹ de wẹ hiẹ na nọ dù i. 11Podọ hiẹ na sọ nọ nù osìn gbọn jijlẹ dali, odá Bidopotọ hinni de tọn: sọn ojlẹ de jẹ ojlẹ de wẹ hiẹ na nọ nù. 12Hiẹ na sọ nọ dù! di aklahihi oli tọn lẹ, hiẹ na sọ yí omí he sọn gbẹtọ homẹ do sò ẹ to nukun yetọn mẹ. 13OKLUNỌ sọ dọmọ Yèdọ le wẹ ovi Islaeli tọn lẹ na dù akla yetọn mawé, to akọta lẹ ṣẹnṣẹn to fiedali yẹn na yan yé hlan. 14Whenẹnu wẹ yẹn dọmọ, Ah OKLUNỌ JIWHEYẸWHE! dayi e go, dọ alindọn ṣie ma ko yín hinhẹnflu gba: na sọn ovú ṣie wá yèdọ kakajẹ dinvie yẹn ma ko dù sọn enẹ he kú sọn ede si tọn mẹ, kavi yè dòntlẹn sọn gbékanlin lẹ de; mọ olàn osùnúnọ de ma biọ onù ṣie mẹ wá. 15Whenẹnu wẹ ewọ dọ hlan mi dọ, Pọ́n, Yẹn ko na omí oyín tọn we na omí gbẹtọ tọn, hiẹ na sọ wleawu akla towe tọn to enẹji. 16Humọ ewọ sọ dọ hlan mì dọ, Visunnu gbẹtọ tọn, dayi e go, Yẹn na wén opò akla tọn to Jelusalẹm mẹ: Yé na sọ nọ dù akla gbọn ojlẹnu dali, podọ po tuklajẹ po; yé na sọ nọ nù osìn gbọn jijlẹ dali, podọ po awujiji po: 17na yé nido bà akla po osìn po pò, bo sọ yín awujino ode po awetọ po, bo sọ sakọnyìngbe to oylanwà yetọn mẹ.
51Podọ hiẹ, visunnu gbẹtọ tọn, yí ohi dida de na dewe, di odalunhi odapàtọ de tọn wẹ hiẹ na yí i hlan we, bo na sọ hẹn ẹn nado gbọn ota towe ji podọ gbọn agbakọ towe ji: whenẹnu bo yí na we nujlẹnu lẹ nado jlẹ, bo má yé. 2Odá atọ̀ntọ wẹ hiẹ na mè to miyọn mẹ to gblagbla tòdaho lọ tọn mẹ, whenuena yè hẹn azán oglọndo lọ tọn pé; podọ hiẹ na sọ yí odá otòntọ de, bo yí ohi do hò lédo e pé; podọ odá atọ̀ntọ de wẹ hiẹ na vúnvún hlan ojẹhọn mẹ, yẹn na sọ dòn ohi de jẹgbonu hodo ye. 3Hiẹ na sọ yi vude sọnfinẹ to osọha mẹ, bo sìn yé do avọ̀tónu towe lẹ mẹ. 4Podọ ehelẹ mẹ wẹ hiẹ na sọ vó yí sọn, bo zé yé dlan biọ gblagbla miyọn lọ tọn mẹ, bo mẹ yé to mìyọn lọ mẹ; finẹ wẹ miyọn de na jẹgbonu wá biọ owhé Islaeli tọn lẹpo gbè.
5Le wẹ OKLUNỌ JIWHEYẸWHE dọ: Ehe wẹ Jelusalẹm: Yẹn ko zé e do gblagbla akọta lẹ tọn mẹ, bọ otò lẹ tin lédo ewọ pé. 6Bọ ewọ ko sọ diọ whẹ̀dida ṣie lẹ do yìnylan mẹ hugan akọta lẹ, podọ do oséndoai ṣie lẹ go hugan otò he tin lédo ewọ pé lẹ: na yé ko gbẹ́ whẹ̀dida ṣie lẹ dai, podọ na oséndoai ṣie lẹ tọn, yé ma ko zinzọnlin to yé mẹ gba. 7Enẹwutu le wẹ OKLUNỌ JIWHEYẸWHE dọ: Na mìwlẹ yín tukladomẹtọ hugan akọta he tin lédo mì pé lẹ wutu, bo ma ko sọ zinzọnlin to oséndoai ṣie lẹ mẹ, bo ma ko sọ yìn whẹ̀dida ṣie lẹ, bo ma ko sọ wà hodo whẹ̀dida akọta he tin lédo mì pé lẹ gba; 8enẹwutu le wẹ OKLUNỌ JIWHEYẸWHE dọ: Dayi e go, Yẹn, yèdọ Yẹn, tin agọ̀ do ogo we; yẹn na sọ hẹn whẹdìdà le sẹ to gblagbla towe mẹ to nukun akọta lẹ tọn mẹ. 9Yẹn na sọ wà to hiẹ mẹ enẹ he yẹn ma ko wà, podọ hlan ehe yẹn ma sọ to na wà di mọnko ba, na osùnú towe lẹpo lẹ tọn wutu. 10Enẹwutu otọ́ lẹ na dù visunnu lẹ to gblagbla towe mẹ, visunnu lẹ na sọ dù otọ́ yetọn lẹ; yẹn na sọ hẹn whẹ̀dida lẹ sẹ to hiẹ mẹ, podọ pipòtọ pete sọn hiẹ mẹ lẹ wẹ yẹn na vunvún hlan o jẹhọn lẹpo mẹ 11Enẹwutu, le yẹn togbẹ, wẹ OKLUNỌ JIWHEYẸWHE dọ, nugbonugbo, na hiẹ ko yí onú hiọawu towe lẹpo, po osùnú towe lẹpo po do flu fiwiwe ṣie wutu, enẹwutu wẹ yẹn ga na sán we liai; mọ nukun ṣie ma na hladai, yẹn ga ma na tindo awublanamẹ de. 12Oda atọ̀ntọ de sọn hiẹ mẹ na kú po azònylankan lọ po, podọ ohùvé wẹ yè na do và yé súdo to gblagbla towe mẹ; podọ odá atọ̀ntọ de na sọ jai gbọn ohi lọ dali lédo we pé; podọ odá atọ̀ntọ 1 de wẹ yẹn na sọ vúnvún hlan ojéhọn lepo mẹ, bo na sọ dòn ohi de jẹgbonu hodo yé. 13Le we yè na hẹn adi ṣie sẹ do, yẹn na sọ hẹn homẹwlu ṣie wá yé ji, yẹn na sọ yin homẹmiọnnọ: yé na sọ yọnẹn dọ yẹn OKLUNỌ ko dọhó to vivẹnu ṣie mẹ, whenuena yẹn ko hẹn homẹwlu ṣie wá yé ji. 14Humọ yẹn na hẹn we zùn ovójẹ de po ovlẹ de po, to akọta he tin lédo we pé lẹ ṣẹnṣẹn, to nukun mẹhe juwájei lẹpo tọn mẹ. 15Mọwẹ é na sọ yín ovlẹ de po mẹkiko de po, oplọ́n de po awujiji de po, hlan akọta he tin lẹ́do we pé lẹ, whenuena yẹn na hẹn whẹ̀dida lẹ ṣe to hiẹ mẹ to adi mẹ podọ to homẹwlu mẹ, podọ to owọhẹ ofìẹnọ lẹ mẹ: yẹn OKLUNỌ wẹ ko dọ ẹ: 16whenuena yẹn na do ogá ylankan ohùvé tọn lẹ hlan yé ji, he tin na vivà, he yẹn na dohlan nado và mì súdo; bọ yẹn na sọ hẹn ohùvé lọ sudeji to mì ji, bo na wón opò mitọn akla tọn; 17bọ yẹn na sọ do ohùvé po gbékanlin ylankan lẹ po hlan mì ji, bọ yé na sọ fò mì yì; bọ azònylankan po ohùn po na sọ gbọn de we luntọ́n; bọ yẹn na sọ hẹn ohi wa oji we: Yẹn OKLUNỌ wẹ ko dọ ẹ.
61OHÓ OKLUNỌ tọn sọ wá jẹ dẽ, dọmọ, 2Visunnu gbẹtọ tọn, zé nukunmẹ towe hlan osó Islaeli tọn lẹ dali, bo dọdọdai do yé go, 3bo dọmọ, Mì osé Islaeli tọn lẹ, mì sè, ohó OKLUNỌ JIWHEYẸWHE tọn: Le wẹ Oklunọ JIWHEYẸWHE dọ hlan osé lẹ lọ podọ hlan okọta lẹ lọ, hlan osìnwhín lẹ podọ hlan agbàdo le lọ Dayi e go, Yẹn, yèdọ yẹn, na hẹn ohi de wá mì ji, yẹn na sọ và otẹn yìaga mitọn lẹ. 4Agbà mitọn lẹ na sọ lẹzùn ojẹvọ́, owhè-bosiọ mitọn lẹ na sọ yín gbigbà: yẹn na sọ zé omẹ alántosiọ mitọn lẹ liái to ovodun mitọn lẹ nukọn. 5Yẹn na sọ tó osiọ ovi Islaeli tọn lẹ tọn lẹ do ovodun yetọn lẹ nukọn; yẹn na sọ vúnvún ohú mitọn lẹ lẹ́do agbà mìton lẹ pé. 6To otẹn ninọ̀ mitọn lẹpo mẹ wẹ yè na hẹn tòdaho lẹ yín ogbọ̀gbe te; podọ otẹn yìaga lẹ na yín ojẹvọ́; na agbà mitọn lẹ nido yín ogbọ̀gbé bo sọ hẹn whègbledo yetọn, podọ ovodun mitọn lẹ nido yín gbigbà bo gbòdò, podọ owhè-bosiọ mitọn lẹ nido yín sinsán liai, podọ azón mitọn lẹ nido yín gbidigbidi sẹ. 7Alántọsiọ lẹ na jai to gblagbla mitọn mẹ, mìwlẹ na sọ yọnẹn dọ yẹn wẹ OKLUNỌ. 8Gãnṣo yẹn na jo pipotọ de dai, to ehe mẹ mì na tindo pẹvi he họnganna ohi to akọta lẹ ṣẹnṣẹn, whenuena yè na vúnvún mì pé to otò lẹ mẹ. 9Podọ yé he hòngan sọn mì mẹ lẹ na flin mi to akọta lẹ ṣẹnṣẹn fiedali yè na bé yé yì mẹglọnọ te, Ìe yẹn ko gbà ayiha ogàlilọ yetọn tọn do, he ko fọ́nyì sọn dè, po nukun yetọn lẹ po, he yi ogàgbó de hodo ovodun yetọn lẹ: yé na sọ gbẹwanna yéde to nukun yetọn titi mẹ na oylan he yé ko wà to ósùnú yetọn lẹpo mẹ. 10Yé na sọ yọnẹn dọ yẹn wẹ OKLUNỌ: Yẹn ma ko dọ to, ovọ mẹ gba dọ yẹn na wà oylan he hlan yé.
11Le wẹ OKLUNỌ JIWHEYẸWHE dọ: Yí alo towe do hòpẹ, bo sọ yí afọ towe do slẹgète, bo dọmọ, So na osùnú ylanylan owhé Islaeli tọn tọn lẹpo tọn wutu: na yé na jai gbọn ohì lọ dali, gbọn ohùvé lọ dali, podọ gbọn azònylankan lọ dali. 12Ewọ he tin to aganu boboe na kú gbọn azònylankan lọ dali; podọ ewọ he tin sẹpó na jai gbọn ohi lọ dali; podọ ewo he pòai bọ yè glọndo na kú gbọn ohùvé lọ dali: le wẹ yẹn na hẹn homẹwlu ṣie sẹ do to yé ji. 13Míwlẹ na sọ yọnẹn dọ yẹn wẹ OKLUNỌ, whenuena omẹ alántọsiọ yetọn lẹ na tin to ovodun yetọn lẹ ṣẹnṣẹn lẹ́do agbà yetọn lẹ pé, to okọta yìaga lẹpo ji, to aga osé lẹ tọn lẹpo mẹ, podọ to atin omú lẹpo glọ, podọ to oaki, titli lẹpo glọ, to otẹn fie yé na avọ́ nunina nuyọnwan vivinọ lẹ te hlan ovodun yetọn lẹpo. 14Podọ yẹn na sọ dlẹn alọ ṣie jẹgbonu do yé ji, bo sọ hẹn aigba lọ zùn ojẹvó bo sọ gbọgbé, sọn zùngbo lọ mẹ hlan Dibla dali, gbọn fininò yetọn lẹpo mẹ lẹ́do: yé na sọ yọnẹn dọ yẹn wẹ OKLUNỌ.
71HUMỌ ohó OKLUNỌ tọn sọ wá dẽ, dọmọ, 2Podọ hiẹ, visunnu gbẹtọ tọn, le wẹ OKLUNỌ JIWHEYẸWHE dọ hlan aigba Islaeli tọn, Opòdo de: yè hẹn opòdo lọ wá lọnglọnẹn ẹnẹ aigba lọ tọn lẹ ji. 3Dinvie wẹ opòdo lọ tin to oji we, yẹn na sọ do adi ṣie hlan oji we, bo sọ dawhẹna we kẹdẹdi aliho towe lẹ; yẹn na sọ hẹn osùnú towe lẹpo wá oji we. 4Podọ nukun ṣie ma na hla we dote gba, mọ yẹn ma na tindo awubla gba: aigba yẹn na hẹn aliho towe lẹpo wá oji we, podọ osùnú towe lẹ na tin to gblagbla hiẹ tọn mẹ: mìwlẹ na sọ yọnẹn dọ yẹn wẹ OKLUNỌ.
5Le wẹ OKLUNỌ Jiwheyẹwhe dọ: Opòdo de, oylan de sokẹdẹ; dayi e go, é wá 6Yè hẹn opòdo de wá, yè hẹn opòdo lọ wá, é fọ́n do oji we; dayi e go, é wá. 7Yè hẹn dindọn towe wá de we, hiẹ tòmẹnu aigba lọ tọn È; yè hẹn ojlẹ lọ wá, azán lọ tin sẹpọ: azán zingidi tọn de, bo ma yín abobo ayajẹ tọn de sọn osé lẹ mẹ gba. 8Dinvie wẹ yẹn kòn homẹwlu ṣie jẹgbonu zàndevie do oji we, bo sọ hẹn adi ṣie sọ do ogo we, bo na sọ dawhèna we kẹdẹdi aliho towe lẹ: yẹn na sọ hẹn osùnú towe lẹpo wá oji we. 9Nukun ṣie ma sọ to na hladote, mọ yẹn ma na sọ tindo awubla gba: yẹn na hẹn wá oji we kẹdẹdi aliho towe lẹ, podọ osùnú towe lẹ na sọ tin to gblagbla hiẹ tọn mẹ; mìwlẹ na sọ yọnẹn dọ yẹn OKLUNỌ nọ hòmẹ 10Dayi e go, azán lọ, dayi e go, é wá: yè hẹn dindọn towe jẹgbonu yì: opò lọ ko gbàsé, jakla ko tọ́nkùn. 11Yè hẹn huhlọn fọ́ntite do opò yinylan tọn de mẹ; sọn yé mẹ ma gba, kavi sọn ogégé yetọn mẹ ma gba, kavi sọn adọkun yetọn mẹ ma gba: mọ aviwhá de ma na tin na yé to finẹ. 12Yè hẹn ojlẹ lọ wá, azán lọ dọ̀n sẹpọ́: a dike hihọtọ jaya blo, kavi sisàtọ blawu blo: na homẹgble tin to ogegé etọn lẹpo ji 13Na sisàtọ ma na lẹ́gọ̀ do enẹ he yè sà de, yín ogbè yetọn tlẹ gbẹ́ sọ tin to megbẹ lẹ lọ ṣẹnṣẹn: na numimọ lọ jẹ ogege etọn pete go, é ma to na lẹ́ godo gba; mọ mẹdepope ma na nahuhlọn ede to ogbè mẹhetọn tin to oylanwa etọn mẹ. 14Yé ko kún opẹn lọ, bo ko hẹn popo wleawudote; ṣigba mẹde ma yì awhànfuntẹn gba; na homẹgble ṣie tin to ogégé etọn lẹpo ji. 15Ohi lọ tin to gbonu, azònylankan lọ po ohùvẹ́ lọ po to họmẹ: ewọ he tin to danji na kú po ohi lọ po; podọ ewọ he tin to tòdaho lọ mẹ ohùvé po azònylankan po na và ẹ súdo. 16Ṣigba yé he hòngan sọn yé mẹ lẹ na hòngan, bo na tin to osé lẹ go, taidi owhle agbadò lẹ mẹ tọn lẹ, popo yé tọn wẹ to awubla, omẹ dopodopo to oylanwà etọn mẹ. 17Alọ lẹpo na yín kúyẹ, okligo lẹpo na yín madogannọ di osìn. 18Yé na yí odẹ́vọ̀ do gbàn yede ga, obudaho na sọ ṣinyọn yé; owinyan na sọ tin to nukunmẹ lẹpo ji, po otapipa po to ota yetọn lẹpo ji. 19Yé na zé fataka yetọn dlẹn to alihogbo lẹ mẹ, podọ sika yetọn na sọ yín onú mawé de; fataka yetọn po sika yetọn po ma na tin sọgan nado whlẹn yé to azán homẹgble OKLUNỌ tọn tọn gbè: yé ma na pekọna alindọn yetọn lẹ gba, kavi gọ́ adọ̀mẹ yetọn gba: na é ko yín zannuagbali oylanwà yetọn tọn wutu. 20Na owhanpẹ aṣọdonú etọn tọn, yé lẹ́ ẹ do osakla mẹ; yé sọ basi boṣiọ osùnú yetọn lẹ tọn po onú hiọawu yetọn etọn lẹ po: enẹwutu wẹ yẹn ko do hẹn ẹn di onú mawé de hlan yé 21Yẹn na sọ jó e do alọ ojonọ lẹ tọn lẹ mẹ na nuyanwẹnna de, podọ hlan mẹylankan aigba tọn lọ na ogblannu de; yé bo na sọ flu i. 22Nukunmẹ ṣie ga wẹ yẹn na lẹ́ sọn yé de, yé na sọ flu adọkunnu whìwhla ṣie; ajotọ lẹ na sọ biọ e mẹ, bo flu i. 23Basi ogàn lọ: na aigba lọ tin gọ́ na whẹ̀dida ohùn tọn, podọ tòdaho lọ tin gọ́ na huhlọn. 24Enẹwutu wẹ yẹn na hẹn yinylanpete kosi lẹ tọn wá, yé na sọ yí ohò yetọn lẹ na nútindo: yẹn na sọ hẹn osakla huhlọntọ lọ tọn nado doalote; yé na so hen yé he klan yé do wiwe lẹ flu. 25Nukunbibia wá; yé na sọ din jijọho, ode ma na sọ tin. 26Danuwiwà na wá danuwiwà ji, linlin na tin to linlin ji; yé na sọ din númimọ yẹwhegán tọn de; ṣigba osén na súdo sọn yẹwhenọ lọ de, podọ ohónamẹ sọn hóhótọ lẹ me. 27Ahọlu lọ na blawu, yè na sọ yí ovọ́jẹ do sinyonavọna ahọvi lọ, podọ yè na dotukla alọ gbẹtọ aigba lọ tọn tọn le: yẹn na wà hlan ye hodo aliho yetọn, podo kẹdẹdi nújẹhe yetọn lẹ wẹ yẹn na dawhèna yé; ye na sọ yọnẹn dọ yẹn wẹ OKLUNỌ.
81E sọ wá jọ to owhè ṣidopotọ mẹ, to osùn sidopotọ mẹ, to azán atóntọ osùn lọ tọn mẹ, le yẹn sinai to ohò ṣie mẹ, bọ meho Juda tọn lẹ sinai to nukọn ṣie, wẹ alọ Okluno Jiwheyẹwhe tọn flẹ finẹ do oji e. 2Whenẹnu wẹ yẹn dayi e go, bo, pon, apajle de di awusọhia miyọn ton; sọn awusọhia adajamẹ etọn tọn po hlandodali po, miyọn: podọ sọn awusọhia adajimẹ etọn podọ hlanagadali, di awusọhia osisẹ tọn, di ambeli na pinpẹ̀n. 3Ewọ sọ dè ojlẹmọ alọ de tọn jẹgbonu, bo hẹn mi gbọn odasislo ota ṣie tọn de dali: gbigbọ lọ sọ zé mi daga do aigba po olọn po ṣẹnṣẹn, bo sọ hẹn mi to numimọ Jiwheyẹwhe tọn lẹ lọ mẹ wá Jelusalẹm, jẹ ohòn ohọngbo awánu nukọnnukọn tọn lọ tọn kòn he pọ́n hlan agéwaji dali; fie aisinnu bosiọ awuwhàn tọn lọ tọn te, he gblehomẹ hlan awuwhàn mẹ. 4Bo, dayi e go, gigo Jiwheyẹwhe Islaeli tọn tọn tin fìne, kẹdẹdi awusọhia mimimọ he yẹn mọ to fivotẹn lọ mẹ. 5Whenẹnu wẹ ewọ dọ hlan mi dọ, Visunnu gbẹtọ tọn, zé nukun towe lẹ daga dinvie do aliho hlan agéwaji dali. Mowẹ yẹn zé nukun ṣie lẹ daga do aliho hlan agéwaji dali, bo sọ pọ́n agéwaji sọn ohọngbo agbà bosiọ awuwhàn tọn tọn mẹ to họmẹbiọ me. 6Ewọ sọ dọ hlan mi dọ, Visunnu gbẹtọ tọn, hiẹ mọ núhe yé to wiwà? yèdọ osùnú daho lẹ he owhé Islaeli tọn wà to ofi, nado hẹn yé yì aganu boboe sọn fìwiwe ṣie mẹ? ṣigba hiẹ ni sọ vó lé, hiẹ na sọ mọ osùnú dahodaho lẹ 7Ewọ sọ hẹn mi wá jẹ ohòn awánu lọ tọn ji; whenuena yẹn sọ pọ́n, dayi e go odò de to adó lọ mẹ. 8Whenẹnu wẹ é dọ hlan mi dọ, Visunnu gbẹtọ tọn, kùndò dinvie to adó lọ mẹ: whenuena yẹn ko sọ kùndò to adó lọ mẹ, dayi ohòn de go. 9Ewọ sọ dọ hlan mi dọ, Yì hòmẹ, bo pọ́n osùnú ylankan he yé to wiwà to ofi. 10Mowẹ yẹn yì hòmẹ bo sọ mọ; bo sọ pọn ojlẹmọ onú he nọ lin lẹ tọn lẹpo, po gbékanlin osùnúnọ lẹ po, po ovodun owhé Islaeli tọn tọn lẹpo po, he yè basiojlẹmọna to adó lọ ji lédo pé. 11Sunnusi kandegban sọn mẹho owhé Islaeli tọn gbè lẹ tọn site to finẹ to yé nukọn, podọ to gblagbla yé tọn mẹ wẹ Jaazania visunnu Ọafani tọn site te, omẹ dopodopo po nuyọnwangbán etọn po to alọ etọn mẹ; owánvivi sọn azọtiti nuyọnwan lọ tọn mẹ tọn sọ hẹaga yì. 12Whenẹnu wẹ ewọ dọ hlan mi dọ, Visunnu gbẹtọ tọn, hiẹ ko mọ núhe mẹho owhé Islaeli tọn gbè tọn lẹ to wiwà to zinvlu mẹ omẹ dopodopo to abò bosiọ tọn etọn lẹ mẹ? na yé dọmọ, OKLUNỌ ma mọ mí gba; OKLUNỌ ko gbé aigba lọ dai. 13Ewọ sọ dọ hlan mi ga dọ, Hiẹ na gbẹ́ sọ vọ́ mọ osùnú daho dẽvo lẹ he yé to wiwà. 14Whenẹnu wẹ ewọ sọ hẹn mi wá jẹ ohọ̀n hòngbo ohọ̀ OKLUNỌ tọn lọ tọn tọn ji, he tin hlan agewaji dali; bo dayi e go, yọnnusi lẹ sinai to finẹ to avivi na Tamuzi. 15Whenẹnu wẹ ewọ sọ dọ hlan mi dọ, Hiẹ ko mọ ehe, hiẹ visunnu gbẹtọ tọn È? hiẹ na gbẹ sọ vọ̀ mọ osùnú daho hugan ehelẹ. 16Ewọ sọ hẹn mi wá biọ awánu nukọnnukọn ohọ̀ OKLUNỌ tọn lọ tọn mẹ, bo dayi e go, to ohòn tẹmpli OKLUNỌ tọn tọn ji, to agbogàngàn po agbà lọ po ṣẹnṣẹn, wẹ sunnusi koatọ́n nkọ te po nẹgbe yetọn lẹ po hlan tẹmpli OKLUNỌ tọn dali, podọ nukunmẹ yetọn lẹ hlan whìzẹtẹn dali; yé sọ to taliaina owhè hlan whèzẹtẹn dali. 17Whenẹnu we ewọ sọ dọ hìan mi dọ, Hiẹ, ko mọ ehe, hiẹ visunnu gbẹtọ tọn E? Bé onú fufua de wẹ hlan owhé Juda tọn dọ yéwlẹ wà osùnú lẹ he yé to wiwà to ofi lẹ? na yé ko yí huhlọn do gọ́ aigba lọ, bo ko sọ vọ́ lẹ́ nado hẹnhomẹgble mi hlan adi: bo, pọn, yé zé atinla lọ jẹ awọntin yetọn. 18Enẹwutu wẹ yen ga na zán to homẹwlu mẹ: nukun ṣie ma na hladote gba, mọ yẹn ma na sọ tindo awubla: podọ yín yé tlẹ yí ogbè lélé do dawhá to otó ṣie lẹ mẹ, gãnṣo yẹn ma na sè yé gba.
91WHENẸNU wẹ é yí ogbè lélé de do dawhá to otó ṣie lẹ mẹ, dọmọ, Mi hẹn yé he tindo aṣẹ to tòdaho lọ ji Ìẹ nado dọ̀n sẹpó, omẹ dopodopo po adánwànu etọn he nọ và omẹ po to alọ etọn mẹ. 2Bo dayi e go, sunnusi ṣidopo sọn aliho hòngbo aga tọn mẹ wá, he tin hlan agéwaji dali, omẹ dopodopo po awhànsiọvi etọn po to alọ etọn mẹ; podọ omẹ dopo to gblagbla yé tọn mẹ yè yí alàvọ ṣinyọ̀navọ̀na, po wesìnzo wékantọ de tọn po to adaja etọn ji. Yé sọ yì họ̀mẹ, bo ṣite to agbà oganvẹ̃ tọn lọ dali. 3Yè sọ hẹn gigo Jiwheyẹwhe Islaeli tọn tọn hẹji yì sọn kelubi lọ de, ehe ji é ko te, jẹ hòntònu ohò lọ tọn, é sọ dawhá ylọ dawe he yè yi alà do ṣinyọ̀navọ̀na lọ, he tindo wesìnzo wékantọ lọ tọn to adaja etọn mẹ. 4OKLUNỌ sọ dọ hlan ẹn dọ, Gbọn gblagbla tòdaho lọ tọn mẹ luntọn, yì, gbọn gblagbla Jelusalẹm tọn mẹ luntọn, bo zé ohiadonu de do nukọn dawe lẹ lọ tọn ji he to hunwèn podọ he to awhádo na osùnú lẹpo he yín wiwà to gblagbla etọn mẹ. 5Podọ hlan mẹdèvo lẹ lọ é dọ to sisè ṣie mẹ dọ, Mi gbọn tòdaho Jọ mẹ yì hodo e, bo to hihò: mì dike nukun mitọn hladote blo, mọ mì sọ tindo awubla blo: 6mì hù dawe yọnhonọ lọ, yọ̀pọ sunnu lọ po yọ̀pọ yọnnu lọ po, po yọpọvu lẹ po po yọnnusi lẹ po: ṣigba mì wá sẹpọ́ omẹ depope hiadonulọ te ji blo; bo sọ sọn fiwiwe ṣie ji. 7Ewọ sọ dọ hlan yé dọmọ, Mì flu ohó lọ, bo sọ yí alántọsiọ lẹ do gó awánu lẹ: mì jẹgbonu yi Yé sọ jẹgbonu yì, bo họ̀ to tòdaho lọ mẹ. 8E sọ wá jọ, whenuena yé to hihọ̀, bọ yè jó yẹn dai, wẹ yẹn flẹ jẹ nukunmẹ ṣie ji, bo dawhá, bo dọmọ, Ṣó OKLUNỌ JIWHEYẸWHE bé hiẹ na và pipòtọ Islaeli tọn lẹ to kinkọ̀n homẹwlu towe jẹgbonu do Jelusalẹm ji mẹ wẹ? 9Whenẹnu wẹ é dọ hlan mi dọmọ, Oylanwà owhé Islaeli po Juda po tọn tọn yín kiklo glanglan, podọ aigba lọ sọ tin gọ́ na ohùn, bọ tòdaho lọ sọ gọ́ na odiọdo whẹ̀dida tọn: na yé to didọmọ, OKLUNỌ ko gbẹ́ aigba lọ dai, OKLUNỌ ma mọ gba. 10Podọ na yẹn tọn ga, nukun ṣie ma na hladote gba, mọ yẹn ma sọ to na tindo awubla gba, ṣigba yẹn na hẹn aliho yetọn wá ota yetọn ji 11Bo dayi e go, dawe he yè yí alà do ṣinyọ̀navọ̀na lọ, he tindo wesìnzo to dali etọn, hẹn owhẹ̀hó lọ wá dọ, dọmọ, Yẹn ko wà dile hiẹ degbèna mi do.
101WHENẸNU wẹ yẹn pọ́n, bo dayi e go, to odòvlo he tin to ota kẹlubimi lọ tọn ji mẹ, finẹ sọawuhia to aga yé tọn di é yín zannu safile de, di awusọhia apajlẹ ofìn de tọn tọn. 2Ewọ sọ dọhó hlan dawe yè yí, alà do ṣinyọ̀navọ̀na lọ, bo dọmọ, Biọ kẹkẹfọ lilópó lẹ lọ ṣẹnṣẹn, yèdọ to kẹlubi lọ glọ, bo yí akán miyọn tọn lẹ sọn kẹlubimi lẹ lọ ṣẹnṣẹn do gó alọ towe awelẹ, bo mì yé do tòdaho lọ ta. Ewọ sọ biọ hòmẹ yì to nukun ṣie mẹ 3Dinvie kẹlubimi lẹ lọ site to adà adusi ohò lọ tọn ji, whenuena dawe lọ yì hòmẹ; aslọ sọ gọ awánu hòmenukọn tọn lọ mẹ. 4Gigo OKLUNỌ tọn so hẹji sọn kẹlubi lọ de yìaga, bo site to hòntonu ohò lọ tọn ta; yè sọ hẹn ohọ̀ lọ gọ na aslọ lọ, podọ awánu lọ sọ tin gọ́ na osisé gigo OKLUNỌ tọn tọn. 5Podọ hùnhlungbè awà kẹlubimi lẹ lọ tọn lẹ sọ yín sisè yèdọ jẹ awánu gbonunukọn tọn lọ mẹ, di ogbè Jiwheyẹwhe Ganhunupo tọn whenuena é to hódọ. 6E sọ wá jọ, whenuena é degbèna dawe yèyi alà do ṣinyọ̀navọ̀na lọ, dọmọ, Yí miyọn sọn kẹkẹfọ lilépó lẹ lọ ṣẹnṣẹn, sọn kẹlubimi lẹ lọ ṣẹnṣẹn, wẹ ewọ yì họmẹ, bo sọ site to kẹkẹfọ de dali. 7Kẹlubi lọ sọ dlẹn alọ etọn jẹgbonu sọn kẹlubimi lẹ lọ ṣẹnṣẹn hlan miyọn he tin to kẹlubimi lẹ lọ ṣẹnṣẹn, bo yí sọn e mẹ, bo sọ yí i do alọ ewọ he yè yí alà ṣinyọnna tọn lẹ mẹ, mẹhe yí i bo sọ tón yì. 8Ojlẹmọ alọ gbẹtọ de tọn sọawuhia finẹ to kẹlubimi lẹ lọ mẹ to awà etọn lẹ glọ. 9Yẹn sọ pọ́n, bo dayi e go, kẹkẹfọ ẹnẹ to kẹlubimi lẹ lọ dali, kẹkẹfọ to kẹlubi dopo dali, podọ kẹkẹfọ dẽvo to kẹlubi dẽvo dali: podọ awusọhia kẹkẹfọ lẹ lọ tọn tin di whèkan zannu Talsisi tọn de. 10Podọ na awusọhia yetọn tọn, yé ẹnẹ lẹ tindo apajlẹ doponẹ, di eyín kẹkẹfọ de ko tin to gblagbla kẹkẹfọ de tọn mẹ. 11Whenuena yé to yìyì yé nọ to yìyì hlan adà yetọn ẹnẹ lẹ dali: yé ma lé le yé to yìyì gba, ṣigba otẹn fiedali ota pọn hlan yé nọ hodo e; yé ma lẹ́ le yé to yìyì gba. 12Agbasa yetọn pete, po nẹgbó yetọn lẹ po, po alọ yetọn lẹ po, po awà yetọn lẹ po, po kẹkẹfọ lẹ po, tin gọ́ na nukun lẹ lẹ́do pé, yèdọ kẹkẹfọ lẹ he yé ẹnẹ lẹ tindo. 13Na kẹkefo lẹ lọ tọn, yè ylọ yé to sisè ṣie mẹ dọ kẹkẹfọ lilépé lẹ. 14Podọ dopodopo tindo nukunmẹ ẹnẹẹnẹ; nukunmẹ tintan wẹ nukunmẹ kẹlubi tọn, nukunmẹ awetọ wẹ nukunmẹ gbẹtọ de tọn, podọ atóntọ nukunmẹ kinnikinni de tọn, podọ ẹnẹtọ nukunmẹ akùn de tọn. 15Kẹlubimi lẹ lọ sọ hẹji yìaga; ehe wẹ núdida gbète lọ he yẹn mọ to otò Kebali dali. 16Podọ whenuena kẹlubimi lẹ lọ yì, kẹkẹfọ lẹ lọ to yìyì to yé dali: podọ whenuena kẹlubimi lẹ lọ zé awà yetọn lẹ daga nado hẹji son aigba yìaga, kẹkẹfọ lẹ ga ma lé son yé dali gba. 17Whenuena ye nọte, ehelẹ nọte; podọ whenuena yé hẹji yìaga, eheiẹ hẹji yìaga po yé po: na gbigbọ ogbó tọn tin to yé mẹ. 18Gigo OKLUNỌ ton sọ jẹgbonu yì sọn hòntònu ohò OKLUNỌ tọn ta, bo nọte to kẹlubimi lẹ lọ ta. 19Kẹlubimi lẹ lọ sọ zé awà yetọn lẹ daga, bo hẹji sọn aigba yìaga to nukun ṣie mẹ whenuena yé jẹgbonu yì, po kekẹfọ lẹ lọ po to yé ta gẽ: yé sọ site to ohọ̀n họ̀ngbo whèzẹtẹn tọn ohọ̀ OKLUNỌ tọn lọ tọn ji; bọ gigo Jiwheyẹwhe Islaeli tọn ton sọ tin to yé ta aga 20Ehe we núdida gbẹ̀te he yẹn mọ to Jiwheyẹwhe Islaeli tọn glọ to otò Kebali dali, yẹn sọ yọnẹn dọ kelubimi lẹ wẹ yé. 21Omẹ dopodopo tindo nukunmẹ ẹnẹ dovõvo, podọ omẹ dopodopo tindo awà ẹne; podọ apajlẹ alọ gbẹtọ de tọn tin to awà yetọn lẹ glọ. 22Podọ na apajlẹ nukunme yetọn le tọn, yé wẹ nukunmẹ he yẹn mọ to otọ Kebali dali, awusọhia yetọn lẹ po yélọsu po; yé omẹ dopodopo to yìyì to titegbè gẽ.
111HUMỌ gbigbọ zé mi daga, bo hẹn mi wá jẹ hòngbo whèzẹtẹn ohò OKLUNỌ tọn tọn ji, he to pinpọ́n hlan whèzẹtẹn dali; bo dayi e go, to ohòn hòngbo lọ tọn ji sunnusi koatọ́n site; yẹn mọ to gblagbla yé tọn mẹ Jaazania visunnu Azuli tọn, po Pẹlatia visunnu Bẹnaia tọn po, ahọvi gbẹtọ lẹ tọn lẹ lọ. 2Ewọ sọ dọ hlan mi dọ, Visunnu gbẹtọ tọn, ehelẹ wẹ omẹ hebla-oylanwà dọ, podọ he na ohónamẹ yinylan to todaho he mẹ: 3he dọmo, Bé ojlẹ lọ ma sẹpọ́ nado dó ohọ̀ lẹ: todaho he wẹ ogọ̀gbo lọ, míwlẹ wẹ agbasalan. 4Enẹwutu dọdọdai do yé go, dọdọdai, hiẹ visunnu gbẹtọ tọn E. 5Gbigbọ OKLUNỌ tọn flẹ do oji e, ewọ sọ dọ hlan mi dọ, Dọhó, Le wẹ OKLUNỌ dọ: Le wẹ mìwlẹ ko dọ, mì owhé Islaeli tọn emi; na yẹn yón onú he biọ otù mitọn mẹ wá lẹ. 6Mìwlẹ ko hẹn alántọsiọ mitọn lẹ sudeji to todaho he mẹ, mì ko sọ yi alántọsiọ lẹ do gó alihogbo etọn lẹ. 7Enẹwutu le wẹ Okiunọ JIWHEYẸWHE dọ: Alántọṣiọ mitọn lẹ mẹhe mì ko tó do gblagbla etọn mẹ, yéwlẹ wẹ agbasalan, podọ tòdaho he wẹ ogògbo lọ: ṣigba yẹn na hẹn mì jegbonu sọn gblagbla e tọn mẹ wá. 8Mìwlẹ ko sí na ohi lọ; yẹn na sọ hẹn ohi lọ wá mì ji, wẹ OKLUNỌ JIWHEYẸWHE dọ. 9Yẹn na sọ hẹn mì jegbonu sọn gblagbla etọn mẹ wá, bo jó mì do alọ ojonọ lẹ tọn lẹ mẹ, bo na sọ hẹn whẹ̀dida lẹ ṣẹ to mì ṣẹnṣẹn. 10Míwlẹ na jai gbọn ohi lọ dali; yẹn na dawhèna mì to agbó Islaeli tọn ji; mìwlẹ na sọ yọnẹn dọ yen wẹ OKLUNỌ. 11Tòdaho he ma na yín ogògbo mitọn gba, mọ míwlẹ ma na sọ yín agbasalan to gblagbla etọn mẹ gba; yẹn na dawhèna mì to agbó Islaeli tọn lọ ji; 12mìwlẹ na sọ yọnẹn dọ yen wẹ OKLUNỌ: na míwlẹ ma ko zinzọnlin to osẹ́ndoai ṣie lẹ mẹ gba, mọ mì ma ko sọ hẹn whẹ̀dida ṣie lẹ ṣẹ gba, ṣigba ko wà hodo whẹ̀dida akota he tin lẹ́do mì pé lẹ tọn. 13E sọ wá jọ, whenuena yẹn dọdọdai, wẹ Pẹlatia visunnu Bẹnaia tọn kú. Whenẹnu wẹ yẹn họ́ do nukunmẹ ṣie ji, bo yí ogbè lélé de do dawhá, bo dọmọ, ṣò OKLUNỌ JIWHEYẸWHE Bé hiẹ na basi opòdo gigọ pipòtọ Islaeli tọn tọn de wẹ?
14Ohó OKLUNỌ tọn sọ wá dẽ, dọmọ, 15Visunnu gbẹtọ tọn, mẹmẹsunnu towe lẹ, yèdọ mẹmẹsunnu towe lẹ, sunnusi sọn ofligò towe lẹ mẹ, po owhé Islaeli tọn lẹpo po, popo yé tọn, wẹ yé mẹhe tòmẹnu Jelusalẹm tọn le ko dọ hlan dọ, Mì hẹn míde dẹn do OKLUNỌ; mìwlẹ we yè yí aigba he na na nutindo de: 16enẹwutu dọ, Le wẹ OKLUNỌ Jiwheyẹwhe dọ: Le yen tlẹ ko diọtẹnna yé dẹn boboe to akota lẹ ṣẹnṣẹn sọ, podọ le yẹn tlẹ ko sọ vúnvún yé do otò lẹ ṣẹnṣẹn sọ, gãnṣo yẹn ko yín fiwiwe de hlan yé na ojlẹ vude to otò fie yè hẹn yé wá lẹ lọ mẹ. 17Enẹwutu dọ, Le wẹ OKLUNỌ Jiwheyẹwhe dọ: Yẹn na ṣinyan mì pli sọn akọta lẹ mẹ, bo sọ bẹ́ mì pli sọn otò fie yè ko vúnvún mì do lẹ mẹ, yẹn na sọ na aigba Islaẹli tọn mì. 18Yé na wá finẹdali, yé na sọ bẹ́ onú awuhiọ etọn lẹpo po osùnú etọn lẹpo po yì sọn finẹ. 19Yẹn bo na sọ na ayiha dopo yé, yẹn bo na sọ yi gbigbọ yọ́yọ́ de do mì hòmẹ; yẹn bo na sọ dè ayiha zannunọ sọn agbasalan yetọn mẹ, bo na na ayiha agbasalan tọn de yé: 20na yé nido nọ zinzọnlin to oséndoai ṣie lẹ mẹ, bo sọ yìn gbèdoai ṣie lẹ, bo basi yé: yéwlẹ bo na sọ yín omẹ ṣie lẹ, yẹn bo na sọ yín Jiwheyẹwhe yetọn. 21Ṣigba na yé ayiha mẹhetọn to zọnlinzin hodo ayiha onú hiọawu yetọn lẹ, po osùnú yetọn lẹ po tọn, yẹn na hẹn aliho yetọn wá ota yetọn titi lẹ ji, wẹ OKLUNỌ Jiwheyẹwhe dọ. 22Whenenu wẹ kẹlubimi lẹ lọ zé awà yetọn lẹ daga, kẹkẹfọ lẹ lọ sọ tin to yé ta gẽ; gigo Jiwheyẹwhe Islaẹli tọn tọn sọ tin to yé ta aga. 23Gigo OKLUNỌ tọn lọ sọ hẹji yìaga sọn gblagbla tòdaho lọ tọn mẹ, bo ṣite to osé he tin to whèzẹtẹn tòdaho lọ tọn dali ji 24Gbigbọ lọ sọ zé mi daga, bo hẹn mi to numimọ lọ mẹ gbọn gbigbọ Jiwheyẹwhe tọn dali wá biọ Kaldea mẹ, jẹ yé mẹmẹglọ lẹ tọn de. Mowẹ numimọ he yẹn ko mọ hẹji yì sọn dẽ. 25Whenẹnu wẹ yẹn dọ onú he OKLUNỌ ko dohia mi lẹpo hlan mẹmẹglọ tọn lẹ lọ.
121OHÓ OKLUNỌ tọn ga sọ wá dẽ, dọmọ, 2Visunnu gbẹtọ tọn, gblagbla owhé atẹsitọ lẹ tọn gbè wẹ hiẹ to ninò, he tindo nukun lẹ nado mọ, bo ma mọ, he tindo otò lẹ nado sè, bo ma sọ sè; na owhé atẹsitọ de wẹ yé. 3Enewutu, hiẹ visunnu gbẹtọ tọn, wleawu núwànù tọn na dewe na oyàndogbé, bo sọ diọtẹn to okle to nukun yetọn mẹ; hiẹ na sọ diọtẹn sọn otẹn towe mẹ jẹ otẹn dẽvo mẹ to nukun yetọn mẹ: é sọgan yín yé na mọhlan dọ yé yín owhé atẹsitọ de. 4Hiẹ bo na sọ hẹn núwànú towe jẹgbonu wá to okle to nukun yetọn mẹ, di núwànú na oyàndogbé: hiẹ lọsu bo na sọ jẹgbonu yì to whèjai to nukun yetọn mẹ, di whenuena omẹ de jẹgbonu yì bio oyàndogbé mẹ. 5Hiẹ ni kùn adó lọ luntón to nukun yetọn mẹ, bo bẹ́ jẹgbonu gbọnfìnẹ yì. 6To nukun yetọn mẹ wẹ hiẹ na zé e hẹn to abò towe ji, bo bé ẹ jẹgbonu yì to zinvlu mẹ; hiẹ na ṣinyọn nukunmẹ towe, bọ hiẹ ma na do mọ aigba lọ: na yẹn ko zé we do na ohia de hlan owhé Islaeli tọn. 7Yẹn sọ wà mọ dole yè degbèna mi do: Yen hẹn núwànú ṣie jẹgbonu to okle, di núwànú na oyàndogbé, podọ to whèjai yẹn sọ yí alọ ṣie do kùn adó lọ luntón; yẹn hẹn ẹn jẹgbonu wá to zinvlu mẹ, bo sọ zé e hẹn to abó ṣie ji to nukun yetọn mẹ. 8To afọnnu lọ ohó OKLUNỌ tọn wá dẽ, dọmọ, 9Visunnu gbẹtọ tọn, bé owhé Islaeli tọn, owhé atẹsitọ lọ ma ko dọ hlan we dọ, Etẹ́ hiẹ to wiwà? 10Hiẹ ni dọ hlan yé dọ, Le wẹ OKLUNỌ JIWHEYẸWHE dọ: ozònji he dù ahọvi lọ to Jelusalẹm mẹ, po owhé Islaeli tọn lẹpo po he tin to yé ṣẹnṣẹn. 11Dọ, yẹn wẹ ohia mitọn: taidi le yẹn ko wà do, mọwẹ yè na wà hlan mìdo: yé na biọ oyàndogbé mẹ yì, biọ mẹmẹglọ mẹ. 12Podọ ahọvi lọ he tin tó yé ṣẹnṣẹn na nọ hẹn to abò etọn ji to zinvlu mẹ, bo na jẹgbonu yì: yé na kùn adó lọ luntòn nado bẹ́ jẹgbonu gbọnfìnẹ: ewọ na ṣinyọn nukunmẹ etọn, na ewọ ma na yí nukun etọn lẹ do mọ aigba lọ wutu. 13Yẹn na sọ dlẹn odò ṣie do e ji ga, ewọ na sọ yín wiwle to omọ ṣie mẹ: yẹn na sọ hẹn ewọ wá Babilọni je aigba Kaldeanu lẹ tọn ji; gãnṣo ewọ ma to na mọ ẹn, le ewọ na tlẹ kú to finẹ sọ. 14Yẹn bo na sọ vúnvún hlan ojẹhọn lẹpo dali ehe tin lédo e lẹpo nado gọalọna ẹn, po awhànfuntọ etọn lẹpo po; yẹn na sọ dòn ohi lọ hodo yé. 15Yé na sọ yọnẹn dọ yẹn wẹ OKLUNỌ, whenuena yẹn na kija yé do akọta lẹ ṣẹnṣẹn, bo sọ vúmún yé gbọn otò lẹ mẹ. 16Ṣigba yẹn na jó omẹ pẹvi de sọn yé mẹ dai sọn ohi lọ si, sọn ohùvé lọ si, podọ sọn azònylankan lọ si; na yé nido nọ lá osùnú yetọn lẹ to akọta lẹ ṣẹnṣẹn to fiedali yé wá; yé na sọ yọnẹn dọ yẹn wẹ OKLUNỌ. 17Humọ ohó OKLUNỌ tọn sọ wá dẽ dọmọ, 18Visunnu gbẹtọ tọn, yí sisọpàpà do dù akla towe, bo so yí sìsọsisọ po awuhihò po do nù osìn towe; 19bo sọ dọ hlan omẹ aigba lọ ton lẹ dọ, Le wẹ OKLUNỌ JIWHEYẸWHE dọ gbọn tòmenu Jelusalẹm tọn lẹ tọn, po aigba Islaeli ton po dali do: Yé na yí awuhihọ́ do dù akla yetọn, bo sọ yi awujiji do nù osìn yetọn, na aigba yetọn nido yín ojẹvó sọn ogigọ́ etọn mẹ, na huhlon yé he nọ nò e mẹ finẹ lẹpo tọn tọn wutu. 20Podọ tòdaho he mẹ yè ko nọnọ̀ lẹ na sọ yín ogbògbé, aigba lọ na sọ yín ovọ́jẹ de; mìwlẹ na sọ yọnẹn dọ yẹn wẹ OKLUNỌ.
21Ohó OKLUNỌ tọn SỌ wá dẽ, dọmọ, 22Visunnu gbẹtọ tọn, eté wẹ hówhinwhén he he mì tindo to aigba Islaeli tọn mẹ, dọmọ, Yè hẹn azán lẹ dite, númimọ lẹpo bo sọ gbọ̀vọ? 23Enẹwutu dọ na yé dọ, Le wẹ OKLUNỌ Jiwheyẹwhe dọ: Yẹn na hẹn hówhinwhén he nado doalọte, bọ yé ma na sọ zán ẹn di hówhinwhén de tó Islaeli mẹ gbède ba; ṣigba dọ hlan yé dọ, Azán le tin sẹpọ́, po ohó númimọ lẹpo tọn po. 24Na númimọ vọtọ po odose mẹkike tọn pọ depope ma na sọ tin to owhé Islaeli tọn hòmẹ gbède ba. 25Na yen wẹ OKLUNỌ; yẹn na dọhó, podọ ohó he yẹn na dọ na yín yíyíwà; é ma na sọ yín ogàdona ba gba: pa to azán mitọn lẹ mẹ, hiẹ owhé atẹsitọ È, wẹ yẹn na dọ ohó lọ, bo na sọ yí i basi, wẹ OKLUNỌ JIWHEYẸWHE dọ.
26Ohó OKLUNỌ tọn vọ wá dẽ, dọmọ́, 27Visunnu gbẹtọ tọn, dayi e go, yé owhe Islaeli tọn tọn lẹ to didọmọ, Númimọ he ewọ mọ tin na azán he ja, podọ ewọ dọdọdai ojlẹ he tin aganu boboe lẹ tọn. 28Enẹwutu dọ hlan ye dọ, Le wẹ OKLUNỌ JIWHEYẸWHE dọ: Ode sọn ohó ṣie lẹ mẹ ma na sọ yín ogádona depope ba gba, ṣigba ohó he yẹn na dọ na yín yíyíwà, wẹ OKLUNỌ JIWHEYẸWHE dọ.
131OHO OKLUNỌ tọn sọ wá dẽ, dọmọ, 2Visunnu gbẹtọ tọn, dọdọdai do yewhegán Islaeli tọn lẹ go he dodaidọ, hiẹ ni bo dọ hlan yé he dọdọdai sọn ayiha yetọn titi mẹ dọ, Mi sè ohó OKLUNỌ tọn; 3Le we OKLUNỌ JIWHEYẸWHE dọ: Dindọn hlan yẹwhegán klenọ lẹ he hodo gbigbọ yetọn titi, po onú he yé ma ko mọ lẹ po! 4Islaeli E, yẹwhegán towe lẹ ko tin taidi wọtupọẹ lẹ to otẹn gbògbó lẹ me. 5Mìwlẹ ma ko hẹji yì biọ fìkẹwhè lẹ mẹ gba, kavi basi opá yìaga na owhé Islaeli ton gba nado nọte to awhànfuntẹn to azán OKLUNỌ tọn gbè. 6Yé ko mọ ovó po odọsẹ lalonọ po, he dọmọ, OKLUNỌ dọmọ; bọ OKLUNỌ ma ko do yé hlan: yé ko sọ hẹn gbẹtọ lẹ nado dotódìdo dọ ohó OKLUNỌ tọn lẹ do yín hẹnlòdo. 7Bé mìwlẹ ma ko mọ númimọ ovótọ de, podọ bé mìwlẹ ma ko dọdọṣẹ lalonọ de, le mì tlẹ to didọ sọ dọ, OKLUNỌ dọmọ; ṣogan yẹn ma ko dọhó gba?
8Enẹwutu le wẹ OKLUNỌ Jiwheyẹwhe dọ: Na mìwlẹ ko dọ ovó wutu, bo sọ mọ lalo lẹ, enẹwutu, dayi e go, yẹn tin agọ̀ do mì go, wẹ Okluno Jiwheyẹwhe dọ. 9Podọ alọ ṣie na sọ tin to yẹwhegán he mọ ovọ́ go, po he dọdọṣẹ lalo lẹ po: yé ma na tin to aṣli omẹ ṣie lẹ tọn mẹ gba, mọ yé ma na yín winwlan to otòwé owhé Islaẹli tọn tọn mẹ gba, mọ yé ma sọ to na biọ aigba Islaeli tọn lọ me gba; mìwlẹ na sọ yọnẹn dọ yẹn wẹ OKLUNỌ Jiwheyẹwhe. 10Na, yèdọ na yé ko doalọtún omẹ ṣie lẹ wutu, dọmọ, Jijọho: bọ jijọho de ma tin; podọ whenuena mẹde do adó he ma tli de yìaga, dayi e go, yé nọ yí obó mayànmayàn do gọ́? 11dọ hlan yé he yí obọ́ mayànmayàn do to gigọ́ ẹ lẹ, dọ é na jai: jikun ṣònnọnọ de na tin; podọ mì, kenjikun daho emi, na sọ flẹ; podọ oyu jẹhọn de na sọ tlẹn ẹn. 12Pọn, whenuena yè hẹn adó lọ jai, bó yè ma na dọ ẹ hlan mì dọ, Fie wẹ obọ́ he mì ko yí do gọ́ ẹ te! 13Enẹwutu le wẹ OKLUNỌ Jiwheyẹwhe dọ; yèdọ yẹn na yí oyu jẹhọn de do tlẹn ẹn to homẹwlu ṣie mẹ; podọ jikun sònnọnọ de na sọ tin finẹ to adi ṣie mẹ, po kẹnjikun daho lẹ po to homẹwlu mẹ nado và ẹ súdo. 14Mọwẹ yẹn na gbà adó he míwlẹ ko yí obọ́ mayànmayàn do gọ́ lọ liai, bo na hẹn ẹn wá odò jẹ aigba, mọ bọ yè na hẹnodòdonu etọn yín númọdòna: é bo na hó, mìwlẹ na sọ yín vivàsúdo to gblagbla etọn mẹ; mìwlẹ na sọ yọnẹn dọ yẹn wẹ OKLUNỌ. 15Le wẹ yẹn na hẹn homẹwlu ṣie sọ to adó lọ ji do, podọ to yé he yí obó mayànmayàn do gó ẹ lẹ ji; Yẹn bo na sọ dọ hlan mì dọ, Adó lọ ma sọ tin ba, kavi yé he gọ́ ẹ lẹ; 16nado dọ, Yẹwhegán Islaeli tọn lẹ he dọdọdai gbọn Jelusalẹm tọn dali, podọ he mọ númimọ jijọho tọn na ewọ le, bọ jijọho de matin, wẹ OKLUNỌ JIWHEYẸWHE dọ.
17Podọ hiẹ, visunnu gbẹtọ tọn, zé nukunmẹ towe do viyọnnu omẹ towe lẹ tọn go, he to dọdaidọ sọn ayiha yetọn titi mẹ; bo dọdọdai do yé go, 18Bo dọmọ, Le wẹ OKLUNỌ JIWHEYẸWHE dọ: Dindọn hlan yọnnu he tò okòdo le to opétẹn alọ lẹ tọn lẹpo ji, bo sọ basi odukù le na ota gbẹtọ otè lẹpo tọn tọn nado yànwènna alindọn lẹ! Mì to wènyanna alindọn omẹ ṣie lẹ tọn, mì sọ to alindọn he ma yín mitọn lẹ whlẹngan. 19Mìwlẹ ko sọ flu mi to omẹ ṣie le ṣẹnṣẹn na alogògò oli tọn lẹ podọ na okánpò akla tọn, nado hù alindọn he ma do kú lẹ, podọ nado whlẹn alindon he ma do nogbè lẹ gán, gbọn lalodido mìtọn dali hlan omẹ ṣie he tuntóai hlan lalo lẹ. 20Enẹwutu le wẹ OKLUNỌ JIWHEYẸWHE dọ: Dayi e go, yẹn tin agọ̀ do okọ̀do mìtọn lẹ go, fie mì to wẹ̀nyanna alindon lẹ te, di ohẹ́ yen na sọ tlẹn yé sọn awa mìtọn lẹ mẹ; yẹn na sọ gbọ alindọn lẹ lọ ni yì, yèdọ alindọn he mì to wènyanna di ohẹ̀ lẹ. 21Odukù mìtọn lẹ ga wẹ yẹn na tlẹn, bo sọ whlẹn omẹ ṣie lẹ sọn alọ mìtọn mẹ, yé ma na sọ tin to alọ mìtọn mẹ ba gba nado yín wènyanna; mìwlẹ na sọ yọnen dọ yẹn wẹ OKLUNỌ. 22Na lalo lẹ wẹ mì ko yí do hẹnhomẹgble ayiha dódónọ lẹ tọn wutu, mẹhe yẹn ma ko hẹn zùn homẹgblenọ; bo sọ nahuhlọn alọ mẹylankan tọn lẹ, na ewọ ma na do lẹ́gọ̀ sọn aliho ylankan etọn mẹ, gbọn ogbè pagbèdido nẹ dali: 23enẹwutu mìwlẹ ma na mọ ovọ́ ba, kavi dọdọṣẹ asẹ lẹ gba: yen bo na sọ whlẹn omẹ ṣie lẹ sọn alọ mìton mẹ; míwlẹ na sọ yọnẹn dọ yẹn wẹ OKLUNỌ.
141WHENẸNU wẹ dẹ̃lẹ sọn mẹho Islaeli tọn lẹ mẹ wá dẽ, bo sinai to nukọn ṣie. 2Òhó OKLUNỌ tọn sọ wá dẽ, dọmọ, 3Visunnu gbẹtọ tọn, omẹ helẹ ko hẹn ovodun yetọn lẹ nado hẹaga wá biọ ayiha yetọn mẹ, bo sọ yi zannúagbali oylanwà yetọn tọn do nukunmẹ yetọn nukọn: bọ́ yẹn ni gbẹ́ sọ yín kanbiọ gbọn yé dali dodo jãnwẹ? 4Enẹwutu dọhó hlan yé, bo sọ dọ hlan yé dọ, Le wẹ OKLUNỌ JIWHEYẸWHE dọ: Omẹ dopodopo sọn owhe Islaeli tọn gbè he yí ovodun etọn lẹ biọ ayiha etọn mẹ, bo sọ yí zannuagbali oylanwà etọn tọn do nukunmẹ etọn nukọn, bo sọ wá jẹ yẹwhegán lọ de; yẹn OKLUNỌ na gblọnhóna ẹn di enẹ kẹdẹ; 5na yẹn nido wle owhé Islaeli tọn to ayiha yetọn titi mẹ, na yè hẹn yé mẹpó jẹlá sọn dẽ gbọn ovodun yetọn lẹ mẹ wutu. 6Enẹwutu dọ hlan owhé Islaeli tọn dọ, Le wẹ OKLUNỌ JIWHEYẸWHE dọ: Mì lẹ́gọ̀, bo lé míde sọn ovodun lẹ de; bo sọ lé nukunmẹ mìtọn lẹ sé sọn osùnú mìtọn lẹpo kọ̀n. 7Na omẹ dopodopo sọn owhé Islaeli tọn gbè, kavi sọn ọjonọ he wáwáṣi to Islaeli mẹ lẹ, he klan ede sọn dẽ, bo yí ovodun etọn lẹ biọ ayiha etọn mẹ, bo sọ yí zannúagbali oylanwà etọn tọn do nukunmẹ etọn nukọn, bo sọ wá jẹ yẹwhegán lọ de nado kanbiọ sọn ewọ de gbọn ṣie tọn dali; yẹn OKLUNỌ na gblọnhóna ẹn gbọn dẽ dali: 8yẹn na sọ zé nukunmẹ ṣie do omẹ nẹ ji, bo nasọ hẹn zùn awujinu dej na ohia de, podọ na hówhinwhén de, podọ yẹn bo na sọ sán ẹn sẹ́ sọn gblagbla omẹ ṣie lẹ tọn mẹ; mìwlẹ bo na sọ yọnẹn dọ yẹn wẹ OKLUNỌ. 9Podọ eyín yẹwhegán lọ yín dido bo sọ dọ ohó de, yẹn OKLUNỌ ko do yẹwhegán nẹ, yẹn na sọ dlẹn alọ ṣie tón do e ji, bo na và ewọ sọn gblagbla omẹ ṣie Islaeli lẹ tọn mẹ. 10Yé na sọ hẹn oyajiji oylanwà yetọn tọn: oylanwà yẹwhegán lọ tọn ná tin yèdọ di oylanwà ewọ he din jẹ e de tọn; 11na owhé Islaeli tọn ni ma do sọ danbu yì sọn dẽ ba blo, kavi yí sénmẹjijẹ yetọn lẹpo do flu yéde depope ba blo; ṣigba dọ yé nido yín omẹ ṣie lẹ, podọ yẹn nido yín Jiwheyẹwhe yetọn, wẹ OKLUNỌ JIWHEYẸWHE dọ.
12Ohó OKLUNỌ tọn sọ wá dẽ, dọmọ, 13Visunnu gbẹtọ tọn, whenuena aigba de wàylando do ogo e gbọn osẹ́nmẹjẹ de dali, bọ yẹn dlẹn alọ ṣiẹ tọ́n do e ji, bo wén opò akla etọn tọn, bo sọ do ohùvẹ́ hlan e ji, bo sán gbẹtọ po gbékanlin po sọn e mẹ; 14yín dawe atọ̀n helẹ, Noa, Daniẹli, po Job po, tlẹ tin to e mẹ, yé do gbọ whlẹn alindọn yetọn titi lẹ gbọn dódó yetọn dali, wẹ OKLUNỌ JIWHEYẸWHE dọ. 15Eyín yẹn hẹn gbékanlin hùnhlungbènọ lẹ wá nado da gbọn aigbá lọ mẹ luntón, bọ yé hẹn ẹn gble, mọ bọ é yín ojẹvó, bọ omẹ de ma do sọgan da luntón na gbékanlin lẹ lọ tọn wutu; 16yín dawe atọ̀n helẹ tlẹ tin to e mẹ, le yẹn tògbẹ́, wẹ OKLUNỌ JIWHEYẸWHE dọ, yé ma na whlẹn visunnu lẹ kavi viyọnnu lẹ gba; yéwlẹ ṣó wẹ yè na whlẹn, ṣigba aigba lọ na yín ojẹvó. 17Kavi eyín yẹn hẹn ohi de wá aigba nẹ ji, bo dọmọ, Gbọ ohi lọ ni yì; mọ bọ yẹn sán gbẹtọ po gbékanlin po sọn e mẹ; 18yín dawe atọn helẹ tlẹ tin to e mẹ, le yẹn togbẹ̀, wẹ OKLUNỌ JIWHEYẸWHE dọ, yé ma na whlẹn visunnu lẹ kavi viyọnnu lẹ gba, ṣigba y é lọsu só wẹ y na whlẹn. 19Kavi eyín yẹn do azònylankan de hlan aigba nẹ mẹ, bo sọ kọ̀n homẹwlu ṣie jẹgbonu do é-ji to ohùn mẹ, nado sán gbẹtọ po gbékanlin posẹ sọn e mẹ: 20yín Noa, Daniẹli, po Job po tlẹ tin tó e mẹ, le yẹn togbẹ̀, wẹ OKLUNỌ JIWHEYẸWHE dọ, yé ma na whlẹn visunnu kavi viyọnnu; alindọn yetọn titi lẹ wẹ yé na whlẹn gbọn dódó yetọn dali. 21Na le wẹ OKLUNỌ JIWHEYẸWHE dọ: Nẹmunẹmu whenuena yẹn do whẹ̀dida sinsinyẹn ẹnẹ ṣie lẹ hlan Jelusalẹm ji, ohi lọ, po ohùvẹ́ lọ po, po gbékanlin hùnhlungbènọ lẹ lọ po, po azònylankan lọ po, nado sán gbẹtọ po gbékanlin po sẹ́ sọn e mẹ? 22Gãnṣo, dayi e go, yè na jódai to e mẹ finẹ yé he hòngan lẹ, visunnu lẹ po viyọnnu lẹ po: dayi e go, yé na jẹgbonu wá mì de, míwlẹ na sọ mọ aliho yetọn po wiwà yétọn lẹ po: míwlẹ na sọ yín homẹmiọnnanọ gbọn oylan he yẹn ko hẹnwá Jelusalẹm ji tọn dali, yèdọ gbọn ehe yẹn ko hẹnwá e ji lẹpo tọn dali. 23Yé na sọ hẹnhomẹmiọn mì, whenuena mì mọ aliho yetọn po wiwà yetọn lẹ pò: míwlẹ na sọ yọnẹn dọ yẹn ma ko wà èhé yẹn wà to e mẹ lẹpo matin owhẹ̀hó gba, wẹ OKLUNỌ JIWHEYẸWHE dọ.
151OHÓ OKLUNỌ tọn sọ wá dẽ, dọmọ, 2Visunnu gbẹtọ tọn, eté wẹ atin ovẹ̃n tọn yín hugan atin dẽvo, alà vẹntin tọn he tin to atin zùnkanmẹ tọn lẹ ṣẹnṣẹn? 3Bé yè sọgan yí atin etọn nado basi azọ́n depope? Kavi gbẹtọ lẹ nọ yí osé e tọn de nado yí núzinzán depope pla do e ji finẹ? 4Dayi e gó, yè zé e dlan biọ miyọn mẹ ná nake: miyọn ko dù opòdo e tọn awelẹ súdo, podọ yè sọ fiọ ṣẹnṣẹn e tọn; bé é yín alènọ na azón depope? 5Dayi e go, whenuena é tin to blebu, yè ma yí do basi azón de: nẹmunẹmu whenuena miyọn ko dù i và, bọ yè fiọ ẹ wẹ é na yín yíyi do basi azón de? 6Enẹwutu le wẹ OKLUNỌ Jiwheyẹwhe dọ: Di atin ovẹ̃n tọn to atin zùnkanmẹ tọn lẹ ṣẹnṣẹn, he yẹn ko na hlan miyọn na nake, mọwẹ yẹn ko jó tòmẹnu Jelusalẹm tọn lẹ do. 7Yẹn na sọ zé nukunmẹ ṣie do yé ji; yé ko jẹgbonu yì, ṣigba miyọn na dù yé và; mìwlẹ na sọ yọnẹn dọ yẹn wẹ OKLUNỌ, whenuena yẹn zé nukunmẹ ṣie do do ye ji. 8Podọ yẹn na sọ hẹn aigba lọ zùn ojẹvó, na yé ko wà osẹ́nmẹjẹ de wutu, wẹ OKLUNỌ Jiwheyẹwhe dọ.
161OHÓ OKLUNỌ tọn sọ vọ́ dé wá, dọmọ, 2Visunnu gbẹtọ tọn, hẹn Jelusalẹm nado yón osùnú etọn lẹ, 3Bo dọmọ, Le wẹ OKLUNỌ Jiwheyẹwhe dọ hlan Jelusalẹm: Ojọtẹn towe po ajitẹn towe po wẹ sọn aigba Kananinu lẹ tọn mẹ; Ámọlinu lẹ wẹ otọ́ towe podọ onọ towe wẹ Hitinu de. 4Podọ na ajitẹn towe tọn, to azán he gbè yè ji we yè ma gbò ahón towe, mọ yè ma sọ lẹ́awuna hiẹ to osìn mẹ nado lẹ́ we wẹ́ gba; yè ma dojẹ hiẹ depope gba, kavi gbànjana depope gba. 5Nukun de ma blawuna we, nado wà sọn ehelẹ depope mẹ hlan we, nado tindo lẹblanu to oji we gba; aigba yè zé hiẹ dlan gbonu do odanji, na dọ yè gbẹwanna agbasa towe to azán he mẹ yè ji hiẹ te. 6Podọ whenuena yẹn jugbon dali towe, bo mọ we to hihopatapata to ohùn towe mẹ yẹn dọ hlan we dọ, Yín hiẹ tlẹ tin to ohùn mẹ, gán; mọwẹ, yẹn dọ hlan we, Yín hiẹ tlẹ tin to ohùn towe mẹ, gán. 7Yẹn hẹn we zùn sọhadahogédegéde de di sédido danji tọn, hiẹ sọ sudeji bo klo pèvè, hiẹ sọ jẹ̀ asọdonú asọdonú lẹ tọn kòn; yè mlin anó towe lẹ, yè sọ hẹn odà towe wú; gãnṣo yè hẹn hiẹ jẹmẹ́ bo sọ gbògbé. 8Dinvie whenuena yẹn jugbọn dali towe, bọ pọ́n we, dayi e go, ojlẹ owanyi tọn wẹ ojlẹ towe; yẹn sọ dlẹn avọ̀tónu ṣie do ta na we, bo sọ ṣinyọn ómọ́ towe: mọwẹ, yẹn whle hlan we, bo sọ biọ alẹ̀nù de mẹ yì po hiẹ po, wẹ OKLUNỌ JIWHEYẸWHE dọ, hiẹ sọ lẹzùn ṣie. 9Whenẹnu wẹ yẹn yí osìn do lẹ̀ we; mọwẹ, yẹn klọ ohùn towe sẹ́ sọn ogo we mlẹnmlẹn, yẹn bo sọ yí amisisá do sámina we. 10Yẹn yí azón yẹnvinanọ do ṣinyọ̀navọ̀na we ga bo sọ yí oklòyú do doufọpana we, yẹn sọ yí alá dagbedagbe do gbàn we, bo sọ yí oséda do ṣinyọn we. 11Yẹn sọ yí asọdonú Jẹ do va we ga, yẹn bo sọ yí alọgàn lẹ do alọ towe le ji, po ogẹ̀dẹ de po do okó towe go. 12Yẹn sọ yí alọkẹ de do awọntin towe ji, po tómẹnú lẹ po do otọ́ towe lẹ mẹ, po ojẹgbakun whanpẹnọ de po do ota towe ji. 13Le wẹ yè yí sika po fataka po do và we do; bọ avọ̀dido towe tin sọn alà dagbedagbe mẹ, po oséda po, po azọ́n Yẹnvinanọ po; hiẹ to olinfin dagbedagbe dù, po owín po, po amì po: hiẹ bo sọ yín whanpẹnọ tála, hiẹ bo sọ doale jẹ ohá ahọlu tọn mẹ. 14Linlin towe bo sọ jẹgbonu yì akọta lẹ ṣẹnṣẹn na whanpẹ towe; na é yín pipé, gbọn gigodaho hiẹ he yẹn yí do oji we mẹ, wẹ OKLUNỌ JIWHEYẸWHE dọ.
15Ṣigba hiẹ dotudo whanpẹ towe go, bo sọ to gàlilọ basi na yíndidi towe tọn wutu, bó sọ kòn ayòdide towe lẹ jẹgbonu do omẹ he jujei lẹpo go: etọn é yín. 16Hiẹ bo sọ yí sọn awugbo towe lẹ mẹ, bo basi otẹn yìaga lẹ na we he yè yí owhèkan hùnkọbùnkọ lẹ do và, bo sọ to gàlilọ basi to yé ji: onú lẹ lọ hunkọ ma na sọ wá, mọ é ma sọ mọ na yín. 17Hiẹ yí núzinzán whanpẹnọ towe lẹ ga sọn sika ṣie mẹ podọ sọn fataka ṣie he yen ko na we mẹ, bo do basi bosiọ lẹ na we, bo sọ to gàlilọ basi po ye po; 18hiẹ sọ yí awugbo yẹnvinanọ towe lẹ, bo ṣinyọn yé, bo sọ zé ami ṣie po nuyọnwan ṣie po do yé nukọn. 19Akla ṣie ga he yẹn na we, olinfìn dagbedagbe, po amì po, po owín po, he yẹn do to yìnyìn we, yèdọ hiẹ zé e do yé nukọn na nuyọnwan vivi de, podọ le wẹ é te; wẹ OKLUNỌ JIWHEYẸWHE dọ. 20Humọ hiẹ ko yi visunnu towe lẹ po viyọnnu towe lẹ po, mẹhe hiẹ ko hẹnwá jẹ dẽ lẹ, podọ ehelẹ wẹ hiẹ do sánvọ hlan yé nado yín dùdù Bọ́ ayodide towe lẹ yín owhẹ̀hó pẹvi de, 21dọ hiẹ ko hù ovi ṣie lẹ, bo so jó yé do, to hinhẹn yé gbọn miyọn ta jẹ yé de mẹ? 22Podọ to osùnú towe lẹpo po ayọdide towe lẹ po mẹ hiẹ ma ko flin azán ovú towe tọn lẹ gba, whenuena hiẹ yín oménọ po ogbògbé po, bo sọ to patapatahò to ohùn towe mẹ. 23Yè sọ hẹn ẹn wá nado jọ to kanyinylan towe lẹpo godo, (dindọn, dindọn hlan we wẹ OKLUNỌ Jiwheyẹwhe dọ,) 24bọ hiẹ ko do abò de to aigbaglọ hlan we, bo ko sọ basi otẹn zéyìaga de na we to alihogbo lẹpo mẹ, 25Hiẹ ko do otẹn zéyìaga towe to ota aliho tọn lẹpo ji, bo ko sọ hẹn whanpẹ towe zùn osùnú de, bo ko sọ hùn afọ towe le hlan ome he juwajei lẹpo, bo sọ hen ayòdide towe sudeji. 26Hiẹ ko basi gàlilọ po Egiptinu lọ po ga, kọmẹnu towe lẹ agbasalan daho tọn lẹ; bo ko sọ hen ayòdide towe sudeji nado hẹnhomegble mi hlan adi. 27Enẹwutu dayi e go, yẹn ko dlẹn alọ ṣie do ta na we, bo ko sọ dè núdègbèhlanmẹ towe pò, bo sọ jó we hlan ojlo yé he gbẹwanna we lẹ tọn, viyọnnu Filistini le tọn, he yè hẹn winyan aliho owantún towe tọn hù lẹ. 28Hie ko sọ basi ogàlilọ ga he Asilianu lẹ, na hiẹ ko yín mapékọnọ wutu; mọwẹ, hiẹ ko basi ogàlilọ hẹ yé, podọ gãnṣo hiẹ ma yín pékọnọ gba. 29Humọ hie ko hen ayòdide towe sudeji to aigba Kanani tọn mẹ, jẹ Kaldea; gãnṣo hiẹ ma yin pékọnọ po ehe po gba. 30Nawẹ ayiha towe jin madogannọ dole, wẹ Oklunọ JIWHEYẸWHE dọ, mimọ hiẹ wà onú he lẹpo, azọ́n yọnnu ayọ̀detọ adingbànnọ de tọn; 31to ehe mẹ hiẹ do otẹn yìaga towe to ota aliho lẹpo tọn mẹ, bo sọ basi otẹn zéyìaga towe to alihogbo lẹpo mẹ; bo ma ko sọ tin di gàlọtọ de gba, he vlẹ opadèmẹ etọn. 32Asi he deayò de he yi ojonọ le to otẹn asú etọn tọn mẹ! 33Yé na nunina lẹ hlan gàlọtọ lẹpo: ṣigba hiẹ na nunina towe lẹ hlan wanyitọ towe lẹpo, bo blanúhẹ yé, na yé nido wá jẹ de we to awà lẹpo ji na ayòdide towe. 34Podọ olẹ́jẹ lọ tin to hiẹ mẹ sọn yọnnu dẽvo lẹ mẹ to ayòdide towe lẹ mẹ, to e mẹ dọ mẹde ma hodo we nado basi ayòdide gba: podọ le hiẹ dapàme, bọ yè ma padàmẹ de hlan hiẹ gba, enẹwutu hiẹ yín olẹ́jẹnọ.
35Enẹwutu, hiẹ ogàlotọ È, sè ohó OKLUNỌ tọn: 36Le wẹ OKLUNỌ JIWHEYẸWHE dọ, Na yè kòn ogànvẹ̃ towe jẹgbonu wutu, bọ yè sọ dè omé towe hia gbọn ayòdide towe le mẹ hẹ wanyitọ towe lẹ; podọ na ovodun osùnú towe tọn lẹpo tọn wutu, podọ na ohùn ovi towe lẹ́ tọn he hiẹ na hìan yé, he hiẹ jó hlan yé; 37enẹwutu dayi e go, yẹn na bé wanyitọ towe lepo pli, mẹhe hie yí gbèdùdù hẹ po yé he hiẹ ko yiwanna lẹpo po, po yé he hiẹ ko gbẹwanna lẹpo po; yèdọ yẹn na bẹ́ yé pli do oji we to awà lẹpo ji, bo na dè omẹ́ towe hia hlan yé, na yé nido mọ omé towe lẹpo. 38Podọ yẹn na sọ dawhẹ̀na we, dile yè nọ dawhèna yọnnu he hẹn alọ wle gbà bo sọ kòn ohùn dai do; yen na sọ hen ohùn homẹwlu po awuwhàn po tọn wá oji we 39Yẹn na jó we do alọ yetọn mẹ ga, yé na sọ họ́ otẹn yìaga towe liai, bo sọ gbà otẹn zéyìaga towe lẹ liai; podo yé na so dè avọ̀ towe lẹ sọn ogo we, bo sọ bẹ́ sikanú dagbedagbe towe lẹ: yé na sọ jó we dai omẹ́nọ, ogbọ̀gbó. 40Yé na hẹn obépli de hẹji wá oji we ga, yé na sọ yí zannu lẹ do dlanzannu do we bo so yí ohi yetọn le do do we luntón 41Yé na sọ yí miyọn do mẹ́ ohò towe lẹ bo sọ hẹn whẹ̀dida lẹ sẹ to oji we to nukun yọnnu susu tọn mẹ; podọ yen na sọ hen we nado doalọte sọn ogàlilọ lọ bibasì me, podọ ga hiẹ ma na sọ na padàmẹ depope ba gba. 42Mowẹ yẹn na hẹn homewlu ṣie jẹ ogbọjẹ me hlandali towe, podọ awuwhàn ṣie na sọ fọ́nyì sọn de we, yẹn na sọ yín aboenọ bo ma na sọ yín adinọ ba gba. 43Na hiẹ ma ko flin azán ovú towe tọn lẹ wutu, ṣigba ko hẹn mi fiẹ to onú he lẹpo mẹ; enẹwutu dayi e go, yẹn ga na hẹn aliho towe wá ota towe ji, wẹ OKLUNỌ JIWHEYẸWHE dọ: hiẹ ma ko wà wantúnnú he hugan osùnú towe lẹpo?
44Dayi e go, omẹ he nọ zán hówhinwhén lẹpo na nọ zán hówhinwhén he do ogo we, dọmọ, Le onọ te, mọwẹ viyọnnu etọn te. 45Viyọnnu onọ towe tọn wẹ hiẹ, he gbẹwanna asú etọn po ovi etọn lẹ́ po; podọ nọviyọnnu noviyọnnu towe lẹ tọn wẹ hiẹ, he gbẹwanna asú yetọn lẹ po ovi yetọn lẹ po: Hitinu de wẹ onọ towe, podọ otọ́ towe Amọlinu de. 46Podọ Samalia wẹ nọviyọnnu towe daho, he nọ nọ̀ alọ amiyọn towe mẹ, ewọ po viyọnnu etọn lẹ po: podọ nọviyọnnu towe pevi he nọ nò alọ adusi towe mẹ, wẹ Sọdọmi po viyọnnu etọn lẹ po. 47Gãnṣo hiẹ ma ko zinzọnlin to aliho yetọn lẹ mẹ, kavi wà hodo osùnú yetọn lẹ gba; ṣigba, di eyín enẹ wẹ yín onú pevi talala de, hiẹ yín gbigbletọ hú yé to aliho towe lẹpo mẹ. 48Le yẹn togbẹ̀, wẹ Oklunọ JIWHEYẸWHE dọ, Sọdọmi nọviyọnnu towe ma ko Wà, èwọ kavi viyọnnu etọn lẹ, dile hiẹ ko wà do gba, hiẹ po viyọnnu towe lẹ po. 49Dayi e go, ehe wẹ oylanwà Sọdọmi nọviyọnnu towe tọn; osakla, gigọ́ akla tọn, po vivo gbódùdù tọn po tin to ewọ mẹ podọ to viyọnnu etọn lẹ mẹ; mọ ewọ ma sọ nahuhlọn alọ wamọnọ po agbatọnọ po tọn gba. 50Podọ yé sọ yín kiklatọ, bo to osùnú wà to nukọn ṣie: enẹwutu wẹ yẹn bẹ́ yé yì whenuena yẹn mọ ẹn. 51Mọ Samalia ma tlẹ ko wà odá sọn ylando towe lẹ mẹ gba; ṣigba hiẹ ko hẹn osùnú towe lẹ sudeji húgan yé, bo ko sọ sùwhẹ́na nọviyọnnu towe lẹ gbọn osùnú towe he hiẹ ko wà lepo dali. 52Hiẹ ga, ni hẹn owinyan towe titi, to ehe mẹ hiẹ ko na whẹ̀dida na nọviyọnnu towe te; gbọn ylando towe lẹ mẹ dọ hiẹ ko wà osùnú hú yé, yéwlẹ yín dódónọ hú hiẹ: mọwe, hiẹ ni yín oflunọ ga, bo sọ hẹn owinyan towe, to ehe mẹ hiẹ ko sùwhèna nọviyọnnu towe lẹ te. 53Yẹn bo na sọ lẹ́gọ̀ jẹ mẹmẹglọ yetọn ji, mẹmẹglọ Sọdọmi po viyonnu etọn lẹ po tọn, po mẹmẹglọ Samalia po viyọnnu etọn lẹ po tọn, po mẹmẹglọ mẹglọnọ towe lẹ tọn po to gblagbla yé tọn mẹ: 54Na hiẹ nido hẹn owinyan towe titi, podọ bo do yín mẹmọwinyan na popo he hiẹ ko wà lẹpo tọn wutu, to ehe mẹ hie yín ohọmemiọn de hlan yé te. 55Podọ nọviyọnnu towe, Sọdọmi po viyọnnu etọn lẹ po, na lẹ́gọ̀ do otẹn nukọnton yetọn me, podọ Samalia po viyọnnu etọn le po na sọ lẹ́gọ̀ do otẹn nukọntọn yetọn me, podo hiẹ po viyọnnu towe lẹ po na sọ legò do oten nukọntọn mìtọn mẹ. 56Na yè ma dọhó Sọdọmi nọviyọnnu towe tọn gbọn onù towe dali to azán osakla towe tọn mẹ gba; 57whẹpo yè do dè kanyinylan towe hia, di to ojlẹ ovle viyọnnu Silia tọn lẹ tọn mẹ tọn, po yé he tin lẹ́do we lẹpo tọn po, viyọnnu Filistini lẹ ton lẹ, he wà Ovlẹ hlan we lédo pó 58Hiẹ ko hẹn wantúntún towe po osùnú towe lẹ po, wẹ OKLUNỌ dọ. 59Na le wẹ OKLUNỌ Jiwheyẹwhe dọ: Yèdọ yẹn na zán hẹ we dile hiẹ ko wà do, he ko vlẹ whiwhle lọ to gbigbà alẹ̀nù lọ mẹ. 60Ṣogãn yẹn na flin alẹ̀nù ṣie hẹ we to azán ovú towe tọn lẹ mẹ, yẹn na sọ hen alẹ̀nù madopodo de lódo hlan we. 61Whenẹnu wẹ hiẹ na flin aliho, towe lẹ, bo sọ yín mẹmọwinyan, whenuena hiẹ na mọ nọ-viyọnnu towe lẹ yí, nọviyọnnu towe daho lẹ po pẹvi towe po: bọ yen na jó yé hlan we na viyọnnu lẹ, ṣigba gbon alẹ̀nù towe dali ma gba. 62Podọ yẹn na sọ hẹn alẹ̀nù ṣie lódo to de we; hiẹ bo na sọ yọnẹn dọ yẹn wẹ OKLUNỌ; 63na hiẹ nido flin, bo sọ yín oflunọ, bo ma sọ do kó onù towe gbède ba, na owinyan towe tọn wutu; whenuena yẹn ko na ehe hiẹ ko wà lẹpo we, wẹ OKLUNỌ JIWHEYẸWHE dọ.
171OHÓ OKLUNỌ tọn sọ wá dẽ, dọmọ, 2Visunnu gbẹtọ tọn, Yí ojlu de jẹgbonu, bo sọ dọ oló de hlan owhé Islaeli tọn; 3bo dọmọ, Le wẹ OKLUNỌ JIWHEYẸWHE dọ: Akùn daho de po awà daho lẹ po po awà gblẹlẹ lẹ po, he gó na ofún lẹ, he tindo whẹ̀kan wunmẹwunme, wá jẹ Lebanọni, bo sọ zé adadanu kedali tọn: 4ewọ so via adadanu alà mawhẹ́n etọn lẹ tọn sẹ, bo sọ hẹn ẹn yì biọ aigba Kanani tọn mẹ; ewọ zé e do tòdaho ajọtọ lẹ tọn de mẹ. 5Ewọ yí ga sọn okún aigba lọ tọn mẹ, bo do e do ogle okún tọn de mẹ; é dotẹnna ẹn to osìn daho lẹ dali; ewọ zé e do di atin wilo de. 6E sọ whẹ́n, bo lẹzùn vẹntin vùnvùn okẹ́tẹ tọn de, alà mẹhetọn lọ́ lẹ́ hlan ewọ dali, podọ adò etọn lẹ tin to oglọ nẹ́: mọwe é lẹzùn vẹntin de, bo sọ hen alà lẹ jegbonu, bo sọ wú nùfẹ́ lẹ jẹgbonu. 7Akùn daho dẽvo sọ tin to finẹ ga, po awà daho lẹ po po ofún susu po: bo, dayi e go, vẹ̃ntin he dé adọ̀ etọn lẹ hlan ewọ dali, bo wú alà etọn lẹ jegbonu hlan ewọ dali, son okiti dido etọn lẹ tọn mẹ, na ewọ nido húsìnna ẹn. 8Yè do e do ogle dagbe de mẹ to osìn daho lẹ dali, na é nido sẹ́n osinsẹ́n, na é nido yín vẹntin dagbedagbe de. 9Hiẹ ni dọmọ, Le we OKLUNỌ JIWHEYẸWHE dọ: bọ́ é na doale? bé ewọ ma na sisẹ́ adó etọn lẹ daga, bo sọ sán osinsẹ́n etọn jẹgbonu sẹ́, na é nido wlo; na agbasalan etọn lẹpo tintón amà nido wlo; yèdọ matin huhlọn daho kavi gbẹtọ lẹ, gbingben ẹn daga gbọn adò etọn lẹ dali? 10Mowẹ, dayi e go, yínyín dido, bé é na doale? bé é ma na wlo gbidigbidi, whenuena jẹhọn whèzizẹ dali tọn jẹ e go? é na wlo to okiti le lọ mẹ fie é whén te.
11Humo ohó OKLUNỌ tọn sọ wá dè, dọmọ, 12Dọ dinvie hlan owhé atesitọ lọ dọ, Be mì ma yọ́n núhe onú helẹ dohia? dọ na yé, Dayi e go, ahọlu Babilọni tọn wá jẹ Jelusalẹm, bo wle ahọlu etọn, po ahọvi etọn lẹ po, bo hẹn yé wá e de jẹ Babilọni; 13e sọ yí sọn okún ahọlu tọn me, bo basi alẹ̀nù de po e po; ewọ sọ hen en ga wá whiwhle de glọ, bo sọ bẹ́ hlọnhlọnnọ aigba lọ tọn lẹ yì: 14na ahọludu lọ nido yín madota, na é ma na do zé ede daga, ṣigba gbọn yìnyìn alẹ̀nù etọn tọn dali é nido nọte. 15Ṣigba ewọ ṣiatẹ hẹ ẹ to dido mẹdagun etọn lẹ hlan mẹ biọ Egipti mẹ, na yé nido na osé ewọ po gbẹtọ susu po. Bé ewọ na doale? bé ewọ he wà onú mọnkọ na hòngan wẹ? bé ewọ na gbà alẹ̀nù lọ gãnṣo bó sọ hòngan wẹ? 16Le yẹn togbẹ̀, wẹ OKLUNỌ JIWHEYẸWHE dọ, nugbo otẹn lọ mẹ fie ahọlu lọ he hẹn ẹn zùn ahọlu nẹ, whiwhle mẹhetọn ewọ vlẹ, podọ alẹ̀nù mẹhetọn ewọ gbà, yèdọ ewọ na kú to e de to gblagbla Babilọni tọn mẹ. 17Mọ Falo po awhànfuntọ hlọnhlọnnọ etọn lẹ po po ogbẹ́ daho po ma na basi na ẹn to awhàn lọ mẹ gba, whenuena yé dódòkọ lẹ yìaga bo sọ do osòhọ́ lẹ, nado sán gbẹtọ susu sẹ́. 18Na ewọ ko vlẹ whiwhle lọ gbọn gbigbà alẹ̀nù lọ dali; bo dayi e go, ewọ ko na alọ etọn, gãnṣo bo ko sọ wà onú he lẹpo; ewọ ma na hòngan gba. 19Enẹwutu le Wẹ OKLUNỌ JIWHEYẸWHE dọ: Le yẹn togbẹ̀, nugbonugbo whiwhle ṣie he ewọ ko vlẹ, po alẹ̀nù ṣie he ewọ ko gbà po, yèdọ yẹn na hẹn ẹn wá ota etọn lọsu ji. 20Yẹn na sọ dlẹn odò ṣie do e ji, ewọ na yín wiwle to omọ ṣie mẹ, yẹn na sọ hẹn ewọ wá jẹ Babilọni, bo na dowhẹ̀gbè hẹ ewọ to finẹ na osẹ́nmẹjẹ etọn he ewọ ko do jẹsénmẹ do ogo e. 21Podọ gbéjinu etọn lẹpo to ogbẹ́ etọn lẹpo mẹ na jai gbọn ohi lọ dali, pòdọ yé he pò lẹ wẹ yè na sọ vúnvún hlan ojẹhọn lẹpo dali: mìwlẹ na sọ yọnẹn dọ yẹn OKLUNỌ ko dọ e.
22Le wẹ OKLUNỌ JIWHEYẸWHE dọ: Yẹn na yí sọn adadanu kedali lọ tọn mẹ, bo na zé e do; yẹn na via sẹ̀ sọn adadanu etọn lọ mẹ sọn alà mawhén etọn lẹ de mẹ, yẹn bo na sọ do e to osé yìaga dahogbo de ji: 23to osé agayì Islaeli tọn tọn lọ ji wẹ yẹn na do e do: é bo na sọ hẹn alà lẹ jẹgbonu bo sén sinsẹ́n, bo sọ yín kedali dagbedagbe de: podọ oglọ etọn wẹ ohè awà lẹpo tọn lẹpo na nọ nọ̀; to oyẹ́ alà etọn lẹ tọn mẹ wẹ yé na nọ nọ̀. 24Podọ atin danji tọn lẹpo na sọ yọnẹn dọ yẹn OKLUNỌ ko hẹn atin yìaga lọ wá odò, ko zé atin yìdò lọ daga, ko hẹn atin omú lọ hú, bo ko sọ hẹn atin húhú lọ nado kóamà: Yẹn OKLUNỌ ko dọ bo ko sọ wà ẹ.
181OHÓ OKLUNỌ tọn sọ vó wá dẽ, dọmọ, 2Eté míwlẹ lẹn, bọ mì do nọ zán hówhinwhén he to aigba Islaeli tọn mẹ, dọmọ, Otọ́ lẹ ko dù ovẹ̃nsinsẹ́n odéwhá lẹ, yè sọ hẹn adú ovi lẹ tọn jó? 3Le yẹn togbẹ̀, wẹ OKLUNỌ JIWHEYẸWHE dọ, mìwlẹ ma na sọ tindo omọdọ depope ba nado nọ zán howhinwhẹ́n he to Islaeli mẹ gba. 4Dayi e go, ṣie wẹ alindọn lẹpo; le alindọn otọ́ tọn te, mọ ga alindọn visunnu tọn yín ṣie: alindọn he wàylando, é na kú 5Ṣigba eyín omẹ de yín nugbonọ, bo wà whẹ̀dida po dódó po, 6bo ma ko dù to osé lẹ ji gba, mọ ma ko zé nukun etọn lẹ daga hlan ovodun owhé Islaeli tọn tọn, lẹ gba, mọ ma ko flu asi kọmẹnu etọn tọn gba, mọ ma ko wá sẹpọ́ jẹ yọnnu de de to ọlajijẹ etọn mẹ gba; 7bo ma ko sọ jagọ̀do mẹdepope go gba, ṣigba ko gọ̀ ogodènú ahọtọnọ etọn tọn jó nẹ, bo, ma ko hẹn mẹde gble gbọn huhlọn dali gba, ko na akla etọn hlan hùvétọnọ, bo ko yí awugbo etọn do ṣinyọn omẹ́nọ; 8ewọ he ma ko na jẹgbonu to alemasẹnmẹ ji, mọ ma ko yí ojideji depope, he ko dòn alọ etọn dogodo sọn oylanwà mẹ, ko hẹn whẹ̀dida nugbo ṣẹ to mẹde po mẹde po ṣẹnṣẹn, 9ko zinzọnlin to oséndoai ṣie lẹ mẹ, bo ko yìn whẹ̀dida ṣie lẹ, nado nọ yí nugbo do zán; nugbonọ wẹ ewọ, ewọ na nọgbè nugbonugbo wẹ OKLUNỌ JIWHEYẸWHE dọ. 10Eyín ewọ dè visunnu de tọ́n he yín ajotọ de, kinkòntọ ohùn tọn de, podọ he wà depope to onú helẹ mẹ hlan nọvisunnu de, 11podọ he ma wà to azọ́n nẹlẹ depope mẹ gba, ṣigba yèdọ ko dù to osé lẹ ji, bo flu asi kọmenu etọn tọn, 12ko jagòdo wamọnọ po agbatọnọ po go, ko hẹngble gbọn huhlọn dali, ma ko gọ̀ ogodènu jó gba, bo ko zé nukun etọn lẹ daga hlan ovodun lẹ, ko wà osùnú, 13ko na jẹgbonu to alemasénmẹ ji, bo ko yí ojideji: bé ewọ na nọgbè mọ? ewọ ma na nọgbẹ́ gba: ewọ ko wà osùnú he lẹpo: ewọ na yín hùhù nugbonugbo; ohùn etọn na sọ tin to e ji, 14Dinvie, pọ́n, eyín ewọ dè visunnu de tón, he mọ ylando otọ́ etọn tọn lẹpo, he ewọ ko wà, bo sọ lẹnpọ́n, bo ma sọ wà di mọnkọ gba, 15he ma ko dù to osé lẹ ji, mọ ma ko zé nukun etọn lẹ daga hlan, vọdun owhẹ́ Islaeli tọn tọn lẹ, ma ko flu asi kọmẹnu etọn tọn, 16mọ ma ko jagọ̀do mẹdepope go, ma ko yí núde na ogòdènú, mọ ma ko hẹngble gbọn huhlọn dali, ṣigba ko na akla etọn hlan hùvẹ́tọ, bo ko sọ yí awugbo etọn de ṣinyọnna oménọ, 17hè ko dọ̀n alọ etọn son wamọnọ de, he ma ko yí alemasénmẹ kavi ojideji, ko hẹn whẹ̀dida ṣie lẹ ṣẹ, ko zinzọnlin to osẹ́ndoai ṣie lẹ mẹ; ewọ ma na kú na oylanwà otọ́ etọn tọn gba, ewọ na nọgbé nugbonugbo. 18Na otọ́ etọn tọn, na ewọ yí okà do bianukunnamẹ, hẹn nọvisunnu etọn gble gbọn huhlọn dali, bo sọ wà enẹ he ma yín dagbe to omẹ etọn lẹ ṣẹnṣẹn wutu, dayi e go, ewọ na kú na oylanwà etọn. 19Gãnṣo míwlẹ dọmọ, Etẹwutu wẹ visunnu ma nọ hẹn oylanwà, otọ́ tọn? Whenuena visunnu lọ ko wà enẹ he yín osẹ́nnọ po ojlọjẹ po, bo ko sọ yìn osẹ́ndoai ṣie lẹpo, bo ko sọ basi yé, ewọ na nọgbẹ́ nugbonugbo. 20Alindọn he wàylando, e na kú: visunnu lọ ma na hẹn oylanwà otọ́ tọn, mọ otọ́ ma na sọ hẹn oylanwà visunnu lọ tọn gba; dódó dódónọ lọ tọn na tin to e ji, podọ kan-yinylan mẹylankan lọ tọn na sọ tin to e ji. 21Ṣigba eyín mẹylankan lé sọn ylando etọn he é ko wà lẹpo mẹ, bo sọ yìn osẹ́ndoai ṣie lẹpo, bo sọ wà enẹ he yín osénnọ po ojlọjẹ po, ewọ na nọgbẹ́ nugbonugbo, ewọ ma na kú gba. 22Depope sọn osénmẹjijẹ etọn lẹ mẹ he é ko wà ma na yín finflin do e go gbà: to dódó etọn he é ko wà mẹ wẹ é na nọgbẹ́ te. 23Bé yẹn tindo homẹhùn depope to okú mẹylankan tọn mẹ? wẹ OKLUNỌ Jiwheyẹwhe dọ: bo ma kúkú yín dọ ewọ do légọ sọn aliho etọn mẹ, bo nọgbẹ́? 24Ṣigba whenuena dódónọ lọ lé sọn dódó etọn mẹ, bo wà oylanwà, bo sọ wà kẹdẹdi osùnú he omẹ ylankan lọ ko wà lẹpo lẹ, bé ewọ na nọgbẹ́ mọ? Depope to owàlọ dódónọ etọn he é ko wà lẹ mẹ ma na yín finflin gba: to osẹ́nmẹjẹ etọn mẹ he ewọ ko do jẹsénmẹ, podọ to ylando etọn mẹ he ewọ ko do wàylando, yé mẹ wẹ ewọ na kú te. 25Gãnṣo mìwlẹ dọmọ, Aliho OKLUNỌ tọn ma yín jijlọ gba. Sè dinvie, hiẹ owhé Islaeli tọn E: Bé aliho ṣie ma yín jijlọ gba? bé aliho mìwlẹ tọn lẹ ma wẹ yín majlọ? 26Whenuena omẹ dódónọ lọ lé yì sọn dódó etọn mẹ, bo sọ wà oylanwà ewọ na kú na e tọn wutu; oylanwà etọn he ewọ ko wà wẹ é na kú na. 27Podọ, whenuena omẹ ylankan lọ lé yì sọn yinylan etọn he ewọ ko wà mẹ, bo sọ wà enẹ he yín osénnọ po ojlọjẹ po, ewọ na whlẹn alindọn etọn dogbẹ́. 28Na ewọ lẹnpón wutu, bo sọ lẹ́ yì sọn osénmejijẹ etọn he é ko wà lẹpo mẹ, ewọ na nọgbè nugbonugbo, ewọ ma na kú gba. 29Gãnṣo wẹ owhé Islaeli tọn dọmọ, Aliho OKLUNỌ tọn ma yín jijlọ gba. Owhé Islaeli tọn E, bé aliho ṣie lẹ ma yín jijlọ la? bé aliho mìwlẹ tọn ma wẹ yín majlọ? 30Enẹwutu yẹn na dawhèna mì, mì owhé Islaeli tọn emi, omẹ dopodopo kẹdẹdi aliho etọn lẹ, wẹ OKLUNỌ JIWHEYẸWHE dọ. Mì légó, bo lé míde sọn osénmejijẹ mìtọn lẹpo mẹ; mọwẹ yé ma na yín zannuagbali oylanwà tọn de hlan mì gba 31Dlan osẹ́nmẹjẹ mìtọn lẹpo sẹ́ sọn mì de, ehemẹ mì ko jẹsénmẹ te; bo sọ basi ayiha yọ́yọ́ de na míde po gbigbọ yọ́yọ́ de po: na etẹwutu wẹ mì na kú, mì owhé Islaeli tọn emi? 32Na yẹn ma tindo homẹhùn de to okú ewọ he kú tọn mẹ gba, wẹ OKLUNỌ JIWHEYẸWHE dọ: enẹwutu mì lẹ́ míde, bo nọgbẹ́.
191HUMỌ, hiẹ ni zé avigbè de daga na ahọvi Islaeli tọn lẹ, 2Bo dọmọ, Etẹ́ onọ mìtọn yín? Kinnisi de: é jẹgènu to kinnisú lẹ ṣẹnṣẹn, to gblagbla kinnivú lẹ tọn mẹ é to anọ́dona ovi etọn lẹ. 3E sọ pọ́n dopọ́ go sọn ovi etọn lẹ mẹ; ewọ sọ lẹzùn kìnni winyanwinyan de: ewọ sọ plón nado nọ wle nuyànwẹ́nna lọ, é nọ dòn gbẹtọ lẹ tlẹn. 4Akọta lẹ ga sè linlin e tọn; yè sọ wle e to odò yetọn mẹ: yé sọ yí omlẹn lẹ do hẹn ẹn wá jẹ aigba Egipti tọn mẹ. 5Dinvie whenuena ewọ mọ dọ ewọ ko nọte, bọ yè hẹn tódido etọn bú, whenẹnu wẹ é sọ yí dẽvo sọn ovi etọn lẹ mẹ, bo hẹn ẹn zùn kinni winyanwinyan de. 6Ewọ sọ to jihẹ bo to tejẹ to kinni lẹ ṣẹnṣẹn, é lẹzùn kinni winyanwinyan de: é sọ plón nado nọ wle nuyanwènna, é to gbẹtọ dòntlẹn. 7Ewọ sọ yón asúsiọsi yetọn lẹ, bo sọ hẹn tòdaho yetọn lẹ zùn ogbọ̀gbé; aigba lẹ sọ yín ojẹ́vọ́, podọ ogigọ etọn, podọ na hùnhlungbè lili etọn tọn wutu. 8Whenẹnu wẹ akọta lẹ dè do e ji sọn awà lẹpo ji sọn gbetatò lẹ mẹ: yé sọ dlẹn odọ̀ yetọn do ta nẹ̃; é sọ yín wiwle to odò yetọn mẹ. 9Yé sọ yí i do ajà de mẹ po omlẹn lẹ po, bo sọ hẹn ẹn wá jẹ ahọlu Babilọni tọn de; yé hẹn ẹn wá biọ ofigángán lẹ mẹ, na ogbè etọn ma na sọ do yín sisè to osé Islaeli tọn lẹ ji gbède ba.
10Onọ towe tin taidi vẹntin yè do do osìn lẹ dali: to apajlẹ towe mẹ: ewọ yín sinsẹ́nnọ bo sọ gó na alà lẹ gbọn osìn susu lẹ tọn dali. 11Ewọ sọ tindo opò sinsinyẹn lẹ na ogánpò yé he dùgán lẹ tọn, yè sọ zé pislọdidè yetọn daga to aslọ lẹ ṣẹnṣẹn, yè sọ mọ ewọ to pislọdidè mẹ po susugégé pislọdidè tọn po. 12Ṣigba ewọ yín dindònsún to homewlu mẹ, yè zé e dlan jẹ aigba, ojẹhọn whèzẹtẹn tọn sọ hẹn sinsẹ́n etọn hú: opò sinsinyen etọn lẹ yín winwén ṣó bo sọ wlo, miyọn sọ dù yé và. 13Podọ dinvie yè sọ dọ e to zùngbo lọ mẹ, to aigba húhú nugblanọ de mẹ. 14Yè sọ hẹn opò de jegbonu sọn alà etọn lẹ me, é ko dòn sinsẹ́n etọn tlẹndù, mọ bọ opò sinsinyẹn de ma sọ tin to e mẹ finẹ ba nado yín ogánpò de nado dùgán gba. Ehe wẹ avigbè de, bo na sọ tin na avigbè de.
201E sọ wá jọ to owhè sinawetọ mẹ, to osùn otóntọ mẹ, azán aoto osùn lọ tọn, wẹ dẽlẹ sọn mẹho Islaeli tọn lẹ mẹ wá nado kanbiọ sọn OKLUNỌ de, bo sọ sín nukọn ṣie. 2Ohó OKLUNỌ tọn sọ wá dè, dọmọ, 3Visunnu gbẹtọ tọn, dọhó hlan mẹho Islaeli ton lẹ, bo dọ hlan yé dọ, Le wẹ OKLUNỌ Jiwheyẹwhe dọ: Yè hẹn mìwlẹ wá nado kanbiọ sọn dẽ wẹ? Le yẹn togbẹ̀, wẹ OKLUNỌ Jiwheyẹwhe dọ, yẹn ma na yín mẹkanbiọ sọn e de gbọn mì dali gba. 4Hiẹ na dawhèna yé, visunnu gbẹtọ tọn, hiẹ na dawhèna yé? hẹn yé nado yón osùnú otọ́ yetọn lẹ tọn lẹ; 5bo sọ dọ hlan yé dọ, Le wẹ OKLUNỌ Jiwheyẹwhe dọ: To azán lọ gbè whenuena yẹn dè Islaeli, bo sọ zé alọ ṣie daga hlan okún owhé Jakob tọn tọn, bo sọ hẹn dẽ zùn yinyọnen hlan yé to aigba Egipti tọn mẹ, whenuena yẹn zé alọ ṣie daga hlan yé, dọmọ, Yẹn wẹ OKLUNỌ Jiwheyẹwhe mìtọn; 6to azán nẹ gbè yẹn zé alọ ṣie daga hlan yé, nado hẹn yé jegbonu wá sọn aigba Egipti tọn mẹ biọ aigba he yẹn ko pó dai na yé de mẹ, he yí oyìnnọ́ po owín po do to sisa, he yín gigo aigba lẹpo ton: 7bọ yẹn sọ dọ hlan yé dọ, Mì ni zédlangbé omẹ dopodopo osùnú nukun etọn lẹ tọn lẹ, bo ma yí ovodun Egipti tọn lẹ do hẹn míde flu blo; yẹn wẹ OKLUNỌ Jiwheyẹwhe mìtọn, 8Ṣigba yé ṣiatẹ do ogo e, bo ma sọ jlo tuntóai hlan mi gba; yé omẹ depope ma zé osùnú nukun yetọn lẹ tọn lẹ dlangbé gba, mọ yé ma sọ gbé ovodun Egipti tọn lẹ dai gba: whenẹnu wẹ yẹn dọ yẹn na kon homẹwlu ṣie jẹgbonu do yé ji, nado hẹn adi ṣie sẹ to yé go to gblagbla aigba Egipti tọn tọn mẹ. 9Ṣigba yẹn basi na oyín ṣie tọn wutu, na e ma na do yín hinhẹn flu to nukun akọta lẹ lọ tọn mẹ, mẹhe ṣẹnṣẹn yé te lẹ, to nukun mẹhetọn mẹ yẹn hen dẽ zùn yinyọnẹn hlan yé te lẹ, to hinhẹn yé jegbonu mẹ sọn aigba Egipti tọn mẹ. 10Mọwe yẹn hẹn yé nado jẹgbonu yì sọn aigba Egipti tọn mẹ, bo hẹn yé wá biọ zùngbo lọ mẹ. 11Yen sọ na oséndoai ṣie lẹ yé, bo sọ hẹn yé nado yón whẹ̀dida ṣie lẹ, ehe eyín omẹ de basi, ewọ na nọgbè gbọn yé dali 12Humọ ga yen na gbọjẹzán ṣie lẹ yé, nado yín ohia de to yẹn po yé po ṣẹnṣẹn, na yé nido yọnẹn dọ yen OKLUNỌ wẹ klan yé do wiwe. 13Ṣigba owhé Islaeli tọn ṣiatẹ do ogo e to zùngbo lọ mẹ: yé ma zinzọnlin to oséndoai ṣie lẹ me, yé sọ gbé whẹ̀dida ṣie lẹ dai, ehe eyín omẹ de basi, é na nọgbè gbọn yé dali; podo yé sọ hẹn gbọjẹzán ṣie lẹ flu: whenẹnu wẹ yẹn dọ yẹn na kòn homẹwlu ṣie jegbonu do yé ji to zùngbo lọ mẹ, nado và yé súdo. 14Ṣigba yẹn basi na oyín ṣie tọn wutu, na é ma na do yín hinhẹn flu to nukun akọta lẹ lọ tọn mẹ, nukun mẹhetọn mẹ yẹn hẹn yé jẹgbonu wá te lẹ. 15Humọ ga yẹn zé alọ ṣie daga hlan yé to zungbo lọ mẹ, dọ yẹn ma na hẹn yé wá biọ aigba he yẹn na yé mẹ gba, he yí oyìnnọ́ po owín po do to sisa, he yín gigo aigba lẹpo tọn; 16na yé gbé whẹ̀dida ṣie le dai wutu, bo ma zinzọnlin to oséndoai ṣie lẹ mẹ, bo sọ flu gbojezán ṣie lẹ: na ayiha yetọn yì hodo vodun yetọn lẹ. 17Sogán nukun ṣie hla yé dai sọn vivà yé mẹ, mọ yẹn ma sọ basi vivò yé tọn de to zùngbo lọ mẹ gba. 18Podọ yẹn sọ dọ hlan ovi yetọn lẹ to zùngbo lọ mẹ dọ, Mì zinzọnlin to oséndoai otọ́ mìtọn lẹ tọn lẹ mẹ blo, kavi payi whẹ̀dida yetọn lẹ go blo, kavi yí ovodun yetọn lẹ do flu míde blo: 19yẹn wẹ OKLUNỌ Jiwheyẹwhe mìtọn; mì nọ zinzọnlin to oséndoai ṣie le mẹ, bo sọ nọ yìn whẹ̀dida ṣie lẹ, bo sọ nọ basi yé: 20bo sọ nọ hiọ gbọjẹzán ṣie lẹ; yé bo na sọ yín ohia de to yẹn po mì po ṣẹnṣẹn, na mì nido yọnẹn dọ yẹn wẹ OKLUNỌ Jiwheyẹwhe mìtọn. 21Ṣigba ovi lẹ lọ ṣiatẹ do ogo e; yé ma zinzọnlin to osẹ́ndoai ṣie lẹ mẹ, mọ ma sọ yìn whẹ̀dida ṣie lẹ nado nọ basi yé gba, ehe eyín omẹ de basi, é na nọgbè gbọn yé dali; yé flu gbojezán ṣie le: whenenu we yẹn dọmọ yẹn na kòn homẹwlu ṣie jẹgbonu do ye ji, nado hẹn adi ṣie sẹ to ye ji to zùngbo lọ mẹ. 22Sogan yẹn don alo ṣie dogodo, bo sọ basi na oyín ṣie tọn wutu, na e ma na do yín hinhen flu to nukun akota lẹ lọ tọn mẹ, nukun mẹheton mẹ yẹn hẹn yé jẹgbonu wá te lẹ. 23Humọ yẹn zé àlọ ṣie daga hlan yé to zùngbo lọ me, dọ yẹn na vúnvún yé to akọta lẹ lọ ṣẹnṣẹn, bo kija yé pé otò lẹ mẹ; 24na yé ma ko hẹn whẹ̀dida ṣie lẹ ṣe wutu, ṣigba ko gbé oséndoai ṣie lẹ dai, bo ko sọ flu gbọjezán ṣie lẹ, podọ nukun yetọn lẹ tin to ovodun otọ́ yetọn lẹ ton lẹ godo. 25Humọ ga yẹn sọ na oséndoai lẹ yé ga he ma yín dagbe, po whẹ̀dida lẹ po, gbọn ehe dali yé ma na nọgbè te; 26yẹn sọ hẹn ye flu to nunina yetọn titi lẹ mẹ, to ehe mẹ ye dè dola nado jugbọn miyọn lọ mẹ ehe hùn adọ̀ lọ lẹpo, na yẹn nido hẹn ye zùn ojẹvó, hlan opòdo na yé nido yọnẹn dọ yẹn wẹ OKLUNỌ.
27Enewutu, visunnu gbẹtọ tọn, dọhó hlan owhe Islaeli tọn, bo dọ hlan yé dọ, Le we OKLUNỌ JIWHEYẸVHE dọ: To ehe mẹ humọ otọ́ mìton le ko zannù do ogo e to ehe mẹ ye ko wà osénmẹjẹ de do ogo e 28Na whenuena yen ko hẹn yé biọ àigbalọ mẹ, he yẹn zé alọ ṣie daga nado na hlan yé, whenenu wẹ yé din okọta yìaga lẹpo, po atin titli lẹpo po, yé sọ yí avósánnú yetọn lẹ do na alọ nunina to fì, podọ finẹ wẹ yé zé adidohomẹnamẹ avọ nunina yetọn tọn tón te, finẹ ga wẹ yé basi nuwhénwan vivi yetọn te, yé sọ kọn avọ nunina nùnù yetọn lẹ jẹgbonu to fìne. 29Whenẹnu wẹ yẹn dọ hlan yé dọ; Etẹ́ wẹ otẹn yìaga lọ na fie mì yì jẹ lọ po oyín fie tọn po yè yiylọ Bama jẹ egbé? 30Enẹwutu dọ hlan owhé Islaeli tọn dọ, Le wẹ OKLUNỌ JIWHEYẸWHE dọ: Bé mìwlẹ flu míde kẹdẹdi owàlọ otọ́ mìtọn lẹ tọn wẹ? bo sọ yìyì ogalọtọ de hodo osùnú yetọn lẹ? 31podọ whenuena mì na nunina mìtọn lẹ, whenuena mì hẹn visunnu mitọn lẹ nado jugbọn miyọn lọ mẹ, bé mìwlẹ yí vodun mìtọn lẹpo do hẹn míde flu jẹ egbé he? bọ yẹn na sọ yín mekanbiọ sọn e de gbọn mì dali wẹ, mì owhé Islaeli tọn emi? Le yẹn togbẹ̀, wẹ OKLUNỌ JIWHEYẸWHE dọ, yẹn ma na yín mẹkanbiọ sọn e de gbọn mì dali gba: 32podọ enẹ he wá biọ otù mìtọn mẹ ma na sọ tin lala; to ehe mẹ mìwlẹ dọmọ, Míwlẹ na tin di akọta lẹ, di owhédo otò lẹ ton lẹ, nado nọ sẹ̀n atin po zannu po. 33Le yen togbẹ̀, wẹ OKLUNỌ JIWHEYẸWHE dọ, nugbonugbo po alọ hlonhlọnnọ de po, po awa dindlẹn jẹgbonu de po, po homẹwlu kòn jẹgbonu po, wẹ yẹn na yín ahọlu to mì ji: 34yẹn bo na sọ hẹn mì jẹgbonu sọn akọta lẹ mẹ wá, bo na sọ bé mì pli sọn otò le mẹ fiemẹ yè vúnvún mì do lẹ, po alọ hlọnhlọnnọ de po, po awà dindlen jẹgbonu de po, po homẹwlù kọn jẹgbonu po: 35yẹn na sọ hẹn mì wá biọ zùngbo akọta lẹ lọ tọn mẹ, finẹ wẹ yen na dowhègbè hẹ mì te nukunmẹ hlan nukunmẹ. 36Taidi le yẹn dowhẹ́gbè hẹ otọ́ mìtọn lẹ to zùngbo aigba Egipti tọn tọn mẹ do, mọwẹ yẹn na dowhègbè hẹ mì do, wẹ OKLUNỌ JIWHEYẸWHE dọ. 37Yẹn bo na sọ hẹn mì jugbọn opò lọ glọ, Yẹn bo na sọ hẹn mì wá biọ sínsíndopọ alẹnù lọ tọn mẹ; 38yẹn bo na sọ fìnyọn atẹnọ lẹ jegbonu sọn mì mẹ, po yé he jẹsénmẹ do ogo e le po; yẹn na hen yé jẹgbonu wá son aigba lọ mẹ fie ye wáwási te, ṣigba ye ma na biọ aigba Islaeli tọn lọ mẹ gba: mìwlẹ bo na sọ yọnẹn dọ yẹn wẹ OKLUNỌ. 39Na mìwlẹ tọn, mì owhé Islaeli ton emi, le wẹ OKLUNỌ JIWHEYẸWHE dọ: Mì yì, sèn omẹ dopodopo vodun etọn lẹ, ṣigba ehegodo nugbonugbo mìwlẹ na tuntóai hlan mi podọ oyín wiwe ṣie wẹ mìwlẹ ma na sọ yi nunina mìtọn lẹ po vodun mìtọn lẹ po do flu ba gba. 40Na to osé ṣie wiwe mẹ, to osé jiyìyì Islaeli tọn tọn mẹ, wẹ OKLUNỌ JIWHEYẸWHE dọ, finẹ wẹ owhé Islaeli tọn lẹpo, popo yé tọn na nọ sèn mi te to aigba lọ mẹ: finẹ wẹ yẹn na kẹaloyí yé te, podọ finẹ wẹ yẹn na biọ avọ nunina mìtọn lẹ te, po daho ọsẹ́njọ mìtọn tọn po, po onú wiwe mìtọh lẹpo po. 41Po núwhénwan vivi de po wẹ yẹn na kẹalọyí mì, whenuena yẹn hẹn mì jẹgbonu sọn akọta lẹ mẹ wá, bo sọ hó mì pli sọn otò lẹ mẹ ehemẹ yè ko vúnvún mì do; yẹn na sọ yín klando wiwe to mì mẹ to nukun akọta lẹ tọn mẹ. 42Mìwlẹ bo na sọ yọnẹn dọ yẹn wẹ OKLUNỌ, whenuena yẹn na hẹn mì wá biọ aigba Islaeli tọn mẹ, biọ otò he yẹn zé alọ ṣie daga nado na hlan otọ́ mìtọn lẹ. 43Finẹ wẹ mìwlẹ na sọ flin aliho mìtọn lẹ te, po wiwà mìtọn lẹpo po, ehemẹ míwlẹ ko flu míde te; miwlẹ bo na sọ gbẹwanna mide to nukun mìtọn titi mẹ na oylan mìtọn he mì ko wà lẹpo. 44Mìwlẹ bo na sọ yọnẹn dọ yẹn wẹ OKLUNỌ whenuena yẹn ko basi hẹ mì na oyín ṣie tọn wutu, kẹdẹdi aliho ylanylan mìtọn lẹ ma gba, mọ kẹdẹdi wiwà gbigble mìtọn lẹ ma gba, mì owhé Islaeli tọn emi.
45Ohó OKLUNỌ tọn sọ wá dẽ, dọmọ, 46Visunnu gbẹtọ tọn, zé nukunmẹ towe do hlan ohùwaji dali, bo dlẹn ohó towe hlan ohùwaji dali, bo dọdọdai do zùnkan danji tọn lọ go to hùwaji mẹ; 47bo dọ hlan zùnkan hùwaji tọn dọ, Sè ohó OKLUNỌ tọn; Le wẹ OKLUNỌ JIWHEYẸWHE dọ: Dayi e go, yẹn na pla miyọn de to hiẹ mẹ, é na sọ dù atin omú lẹpo súdo to hiẹ mẹ, po atin húhú lẹpo po: miyọnlọ jiji lọ ma na yín siṣi, podọ nukunmẹ lẹpo sọn hùwaji jẹ agéwaji na yín fifiọ gbọn e dali. 48Agbasalan lẹpo na sọ mọ dọ yẹn OKLUNỌ ko pla ẹ: é ma na yín ṣiṣi gba. 49Whenẹnu wẹ yẹn dọmọ, Ṣó OKLUNỌ JIWHEYẸWHE yé to didọ na yẹn tọn dọ, Bé ewọ ma we didọtọ oló lẹ tọn de?
211OHÓ OKLUNỌ tọn sọ wá dẽ, dọmọ, 2Visunnu gbẹtọ tọn, zé nukunmẹ towe do hlan Jelusalẹm dali bo dlẹn ohó towe hlan fiwiwe lẹ dali, bo dọdọdai do aigba Islaeli tọn go; 3bo dọ hlan aigba Islaeli tọn dọ, Le wẹ OKLUNỌ dọ, Dayi e go, yẹn tin agò dòogo we, bo na sọ dòn ohi ṣie jẹgbonu sọn apà etọn mẹ, bo sán dódónọ lọ po mẹylankan lọ po sè sọn hiẹ mẹ. 4Mimọ whenẹnu dọ yẹn na sán dódónọ po mẹylankan po só sọn hiẹ mẹ, enẹwutu we ohi ṣie na jẹgbonu sọn apà etọn mẹ yì do agbasalan lẹpo ji sọn hùwaji jẹ agéwaji; 5bọ agbasalan lẹpo na sọ yọnẹn dọ yẹn OKLUNỌ ko dòn ohi ṣie jẹgbonu sọn apà etọn mẹ; é ma na sọ íégò ba gba. 6Enẹwutu wónhùn, hiẹ visunnu gbẹtọ tọn; po gbigbà adaja towe tọn po po ovivó po wẹ hiẹ na wènhùn to nukun yetọn lẹ nukọn. 7E na sọ yín, whenuena yé dọ hlan we dọ, Etẹwutu hiẹ to hùnwón? wẹ hiẹ na dọmọ, Na owèn lọ tọn wutu, na é wá: ayiha lẹpo bo na sọ yé, alọ lẹpo bo na sọ yín tún tún, gbigbọ lẹpo bo na sọ yín madogán, gbigbọ lẹpo bo na sọ yín zíndo, kligonu lepo bo na sọ yín masinyẹn di osìn: dayi e go, é wá, é bo na sọ yín wiwà, wẹ OKLUNỌ Jiwheyẹwhe de.
8Obó OKLUNỌ tọn sọ wá dẽ, dọmọ, 9Visunnu gbẹtọ tọn, dọdọdai, bo dọmọ, Le wẹ OKLUNỌ dọ: Dọ, ohi de, ohi de, yè gàn ẹn, yè bo sọ sún in ga: 10yè gàn ẹn na é nido basi hùhù de; yè sún in na é nido tin di osisó: bé míwlẹ na to ajogidi basi lò? é vlẹ opò visunnu ṣie tọn di atin lẹ dopodopo. 11Yè bo sọ jó e nado yín súnsún, na é nido yín dònhẹn: ohi lọ, yè gàn ẹn, mọwẹ, yè sún in, nado jó e do alọ mẹhùtọ lọ tọn mẹ. 12Visunnu gbẹtọ tọn, dawhá bo dohukúhlu: na é tin to omẹ ṣie lẹ ji, é tin to ahọvi Islaeli tọn lẹpo ji: budaho gbọn ohi lọ tọn dali tin to omẹ ṣie lẹ ji: enẹwutu hò to asapada towe ji. 13Na whlepón de tin finẹ: eté yèdọ eyín ohi he vlẹ opò lọ é ma sọ to na tin ba? wẹ OKLUNỌ JIWHEYẸWHE dọ. 14Enẹwutu hie, visunnu gbẹtọ tọn, dọdọdai, bo hò alo doalọ go dopọ; bo sọ gbọ ohi lọ ni yín yẹndawe whlatọ̀ntọ, ohi alánhọ̀tọ lẹ tọn lọ: ohi omẹ daho he yè doalán ogo na de tọn wẹ, he lẹ́do yé pó. 15Yẹn ko zé obénu ohi lọ tọn do hòngbo yetọn lẹpo ji, na ayiha yetọn nido yọ́, bo sọ hẹn samùmù yetọn lẹ sudeji: ṣọ́ yè basi i di osisé, yè hẹn ẹn tlón na hùhù. 16Hẹn dewe zùn dopo, yì adusi dali; do dewe do ohaji, yì amiyọn mẹ dali; fiedali wẹ yè hẹn nukunmẹ towe sókọ? 17Yẹn ga na sọ hò alọ ṣie do alọ go dopọ, yẹn bo na sọ hẹnwá jẹ gbọjẹ mẹ: yẹn OKLUNỌ ko dọ ẹ.
18Ohó OKLUNỌ tọn sọ vó wá dẽ, dọmọ, 19Hiẹ ga, visunnu gbẹtọ tọn, dè aliho awe na we, na ohi ahọlu Babilọni tọn lọ tọn nido wá; Yé mẹawe lẹ na jẹgbonu sọn aigba dopo mẹ wá: bo dè otẹn de hia, dè e hia to aga aliho lọ tọn jẹ tòdaho lọ kọ̀n. 20Hiẹ na dè aliho de, na ohi lọ nado wá jẹ Laba ovi Amọni tọn lẹ tọn mẹ, podọ jẹ Juda kòn to Jelusalẹm odòkọnọ lọ mẹ. 21Na ahọlu Babilọni tọn ṣite to kinklan aliho lọ tọn ji, to aga aliho awelẹ lọ tọn, nado zán odọsẹ: ewọ mímí ogá etọn yìgodo yìnukọn, é kangbèbiọ asányin lọ, é sọ pọ́n ahún lọ mẹ. 22Odọsẹ tin to alọ adusi etọn mẹ na Jelusalẹm, nado zé agbòvùn lẹ do, nado kẹ́ onù lọ na hùhù, nado zé ogbè lọ daga po abóbó po, nado zé agbòvùn lẹ do họngbo lẹ ji, nado bẹ́ okiti lẹ pli, nado dó osòhò lẹ. 23E bo na sọ tin hlan yé di odọsẹ vọtọ de to nukun yetọn mẹ, he yí whiwhle lẹ whle hlan yé: ṣigba ewọ hẹn oylanwà wá oflin mẹ, na yé nido yín wiwle.
24Enẹwutu le wẹ OKLUNỌ JIWHEYẸWHE dọ: Na mìwlẹ ko hẹn oylanwà mìtọn nado yín finflin wutu, to ehe mẹ osẹ́nmẹjijẹ mìtọn lẹ yín didèhia, mọ dọ to wiwà mìtọn lẹpo mẹ ylando mìtọn lẹ sọawuhia; na dọ yè hẹn mì wá jẹ oflin mẹ wutu, wẹ yè na yí alọ do bẹ́ mì. 25Podọ hiẹ, omẹ ylankan alántọnọ lọ È, ahọvi Islaeli tọn lọ, azán mẹhetọn yè hẹn wá, to ojlẹ oyajiji opòdo tọn lọ tọn mẹ; 26le wẹ OKLUNỌ JIWHEYẸWHE dọ: Yẹn na diọtẹnna ogángbakun lọ, bo sọ dè ojẹgbakun lọ sẹ: ehe wẹ na tin, ehe ma gba: zé enẹ he yìdò daga, bo whiwhẹ́ enẹ he yìaga dai. 27Gòhùnna de, gòhùnna, gòhunna, wẹ yẹn na basi i do: ehe ga ma na sọ tin ba, kaka ewọ do wá ojlọjẹ mẹhetọn é yín; yẹn na sọ yí i nẹ.
28Podọ hiẹ, visunnu gbẹtọ tọn, dọdọdai, bo dọmọ, Le wẹ OKLUNỌ JIWHEYẸWHE dọ gbọn ovi Àmọni tọn lẹ tọn dali, podọ gbọn ovlẹ yetọn tọn dali; hie ni bo dọmọ, Yè dọ̀n ohi de, ohi de, na hùhù lọ yé sún in, hlan opòdopatapata, na é nido tin di osisẹ́: 29whenuena yé mọ ovọ́jẹ de we, whenuena yé dọdọṣẹ lalo lẹ hlan we, nado hù we to okò mẹylankan he yè doalán ogo na lọ tọn lẹ ji, azán mẹhetọn yè hẹn wá, to ojlẹ oya jiji opòdo tọn lọ tọn mẹ. 30Hẹn ẹn nado lẹ́gọ̀ do apà etọn mẹ. To otẹn fie yè dá we sọn lọ mẹ, to aigba ojọtẹn towe tọn mẹ, wẹ yẹn na dawhẹ̀na we te. 31Yẹn bo na sọ kọ̀n homẹgble ṣie jegbonu do oji we; yẹn na yí miyọn homẹgble ṣie tọn do flọ do oji we: Yẹn bo na sọ jó we do alọ gbẹtọ kanlinjọmẹ lẹ tọn mẹ, he yónana nado và. 32Hiẹ na tin na nake hlan miyọn lọ; ohùn towe na sọ tin to gblagbla aigba lọ tọn mẹ; yè ma na sọ flin we ba: na yẹn OKLUNỌ ko dọ ẹ.
221HUMỌ ohó OKLUNỌ tọn sọ wá dẽ, dọmọ, 2bé hiẹ, visunnu gbẹtọ tọn, hiẹ na dawhẹ̀na, hiẹ na dawhèna tòdaho ohùnnọ lọ? bo hẹn ewọ nado yọ́n osùnú etọn lẹpo. 3Hiẹ bo nasọ dọmọ, Le wẹ OKLUNỌ Jiwheyẹwhe dọ: Tòdaho he kọ̀n ohùn to gblagbla ewọ tọn mẹ de, na ojlẹ etọn nido wá, podọ he basi vodun lẹ do ede ji nado flu i! 4Hiẹ tin lẹzùn whèylantọ to ohùn towe he hiẹ ko kọ̀n mẹ, bo sọ yín fuflu to vodun towe he hiẹ ko basi lẹ mẹ; podọ hiẹ ko sọ hẹn azán towe lẹ nado dòn sẹpọ́, bo sọ yín hinhẹn wá yèdọ jẹ owhẹ̀ towe lẹ mẹ: enẹwutu wẹ yẹn do hẹn we zùn ọvlẹ de hlan akọta lẹ, podọ ṣinṣànkò de hlan otò lẹpo. 5Enẹlẹ he tin sẹpọ́, podọ enẹlẹ he tin to aganu sọn de we, na ṣàn we kò, hiẹ mẹfuflu oyín tọn bo sọ gọ́na zinzidi. 6Dayi e go, ahọvi Islaeli tọn lẹ, omẹ dopodopo kẹdẹdi awà etọn, ko tin to hiẹ mẹ nado kọ̀n ohùn. 7Hiẹ mẹ wẹ yé ma ko hò otọ́ po onọ po pọ́n te: to gblagbla hiẹ tọn mẹ wẹ yé ko zán gbọn awusinyẹnnamẹ dali hẹ ojonọ lọ: to hiẹ mẹ wẹ yé ko jagọ̀do tọ́ṣiọvi po asúṣiọsi po go. 8Hiẹ ko vlẹ onú wiwe ṣie lẹ, bo ko sọ flu gbọjẹzán ṣie lẹ. 9Gbẹtọ mẹslẹtọ lẹ ko tin to hiẹ mẹ nado kòn ohùn: podọ to hiẹ mẹ wẹ yé ko dù to osé lẹ ji de: to gblagbla hiẹ tọn mẹ wẹ yé ko wà wántúnnú te. 10Hiẹ mẹ wẹ yé ko dè omẹ́ otọ́ yetọn lẹ tọn hia te: to hiẹ mẹ wẹ yé ko whiwhẹ́ ewọ he yín màwé to olájìjẹ etọn mẹ. 11Podọ ode ko wà osùnú hẹ asi kọmẹnu etọn tọn; podọ mẹdevo ko yí wántúntún do flu asi ovi etọn tọn; podọ mẹdevo to hiẹ mẹ ko whiwhé nọviyọnnu etọn, viyọnnu otọ́ etọn tọn. 12To hiẹ mẹ wẹ yé ko yí nùbibla te nado kòn ohùn; hiẹ ko yí alemasónmẹ po jideji po, podọ hiẹ yí wọnkúkú do duale sọn kọmẹnu towe de gbọn awusinyẹnnamẹ dali, bo ko sọ wọn yẹn, wẹ OKLUNỌ JIWHEYẸWHE dọ. 13Dayi e go, enẹwutu wẹ yẹn ko hò alọ ṣie do alọ go do ale mayínnugbo towe he hiẹ ko basi ji, podọ do ohùn towe he ko tin to gblagbla hiẹ tọn mẹ ji. 14Bé ayiha towe sọgan doakọ́nna, kavi alọ towe lẹ sọgan yín sinsinyẹn, to azán he gbè yẹn na zán hẹ we? Yẹn OKLUNỌ ko dọ ẹ, bo na sọ basi i. 15Yẹn bo na sọ vúnvún we to akọta lẹ ṣẹnṣẹn, bo sọ kata we pó otò lẹ mẹ; yẹn bo na sọ và wàlọmawé towe súdo sọn hiẹ mẹ. 16Hiẹ bo na sọ yín fuflu to dewe mẹ, to nukun akọta lẹ tọn mẹ; hiẹ bo na sọ yọnen dọ yẹn wẹ OKLUNỌ.
17Ohó OKLUNỌ tọn sọ wá dẽ, dọmọ, 18Visunnu gbẹtọ tọn owhé Islaeli tọn tin lẹzùn ayamí hlan mi: ogànvẹ̃ po flẹlẹ po po ogànyu po, po osùnmí po, wẹ yé popo yé tọn, to gblagbla ozohọ̀ tọn mẹ; ayamí fataka tọ̀n wẹ yé. 19Enẹwutu le wẹ OKLUNỌ JIWHEYẸWHE dọ; Na mì mẹpó tin lẹzùn ayamí wutu, enẹwutu dayi e go yẹn na bẹ́ mì pli biọ gblagbla Jelusalẹm tọn mẹ. 20Le yé nọ bẹ́ fataka po ogànvẹ̃ po po ogànyu po po osùnmi po po flele po biọ gblagbla ozohò lọ tọn mẹ do, nado flọ miyọn do e ji, nado yọ́ ẹ; mọ wẹ yẹn na bẹ́ mì pli do to adi ṣie mẹ podọ to homẹwlu ṣie mẹ, yẹn bo na sọ tó mí do finẹ, bo yọ́ mì. 21Mowẹ, yẹn na bẹ́ mì pli, bo sọ yí miyọn homẹgble ṣie tọn do flọzò do mì ji, mìwlẹ na sọ yín yiyọ́ to gblagbla etọn mẹ. 22Le fataka nọ yín yíyọ́ to gblagbla ozohọ́ tọn mẹ do, mọwẹ míwlẹ na yín yíyó to gblagbla etọn mẹ do; mìwlẹ bo na sọ yọnẹn dọ yẹn OKLUNỌ ko kón homẹwlu ṣie jẹgbonu do mì ji.
23Ohó OKLUNỌ tọn sọ wá dẽ, dọmọ, 24Visunnu gbẹtọ tọn, dọ hlan ewọ dọmọ, Aigba he yè ma lẹ̀wé de wẹ hiẹ, he yè ma jajikun do e ji to azán homẹgble tọn lọ mẹ. 25Onúbla yẹwhegán etọn lẹ tọn de tin to gblagbla etọn mẹ, taidi kinni lilitọ to nuyanwẹnna tlẹndù: yé ko tlẹn alindọn lẹ dù; yé bẹ́ adọkunnu po onú họakuẹ lẹ po; yé ko hẹn asusiọsi etọn zùn susu to gblagbla etọn mẹ. 26Yẹwhenọ etọn lẹ ko wà huhlọnnu hlan osén ṣie, bo ko sọ flu onú wiwe ṣie lẹ: yé ma ko yí ovògbingbọn de do wiwe po vọtọ po ṣẹnṣẹn gba, mọ yé ma ko sọ hẹn gbẹtọ lẹ nado dèdó to mawé po wiwe po ṣẹnṣẹn, bo ko sọ whla nukun yetọn lẹ sọn gbọjẹzán ṣie lẹ mẹ, podọ yè sọ flu mi to yé ṣẹnṣẹn. 27Ahọvi etọn lẹ to gblagbla etọn mẹ tin taidi ohia to nuyanwẹnna tlẹndù; nado kọ́n ohùn, podọ nado và alindọn lẹ, na yé nido tindo ale mayínnugbo. 28Podọ yẹwhegán etọn lẹ ko yí okọ̀ mayanmayan do gó na yé, mimọ ovọ́, podọ didọdọsẹ lalo lẹ hlan yé, dọmọ, Le wẹ OKLUNỌ JIWHEYẸWHE dọ, whenuena OKLUNỌ ma ko dọ. 29Omẹ aigba lọ tọn lẹ ko zán awusinyẹnnamẹ, bo sọplọn ajojijẹ; mọwẹ, yé ko hẹnhomẹgble wamọnọ po agbatọnọ po, bo ko sọ yí agọ̀jijẹ do hẹnawusinyẹn ojonọ. 30Yẹn bo sọ din na omẹ dopo to yé ṣẹnṣẹn, he do vọ́ agbó lọ basi, bo sọ nọte to fitintlẹn lọ mẹ to nukọn ṣie na aigba lọ, na yẹn ma na do và ẹ: ṣigba yẹn ma mọ mẹde gba. 31Enẹwutu wẹ yẹn ko kọ́n homẹgble ṣie jẹgbonu do yé ji; yẹn ko yí miyọn homẹgble ṣie tọn do và yé súdo: aliho yetọn titi lẹ wẹ yẹn ko hẹnwá ota yetọn lẹ ji, wẹ OKLUNỌ JIWHEYẸWHE dọ.
231OHÓ OKLUNỌ tọn sọ vọ́ wá dẽ, dọmọ, 2Visunnu gbẹtọ tọn, yọnnusi awe tin finẹ, viyọnnu onọ dopo tọn: 3yé sọ basi ayọ̀dide lẹ to Fgipti mẹ; yé basi ayòdide to ovú yetọn mẹ: finẹ wẹ yè hẹn anọ́ yetọn le tó, podọ finẹ wẹ yé sọ kinkọ́n anọ́ta awhlimẹ yetọn tọn lẹ. 4Podọ oyín yetọn lẹ wẹ Ohola omẹho lọ po Oholiba nọviyọnnu etọn po yé sọ lẹzùn ṣie, yé ji visunnu lẹ po viyọnnu lẹ po. Podọ na oyín yetọn lẹ tọn, Samalia, wẹ Ohola, podọ Jelusalẹm Oholiba. 5Ohola sọ basi ogàlilọ whenuena ewọ yín ṣie; ewọ sọ dọafù do wanyitọ etọn lẹ go, do Asilianu kọmẹnu etọn lẹ go, 6he yè yí avọ̀ ofẹ́nọ ṣinyọnna, otògan lẹ po whépọ́ntọ lẹ po, popo yé tọn yọ̀pọ sunnu he jlomẹ, osọ́nọ lẹ hé osọ́ 7Ewọ sọ kòn ayòdide etọn lẹ do yé ji, omẹ ṣinyanṣinyan Asilia tọn lẹ popo yé tọn: podọ mẹdepope ewọ dọafù do e go, po vodun yetọn lẹ po ewọ flu ede. 8Mọ ewọ ma ko jó ayọ̀dide etọn hẹn sọn Egipti wá lẹ dai gba; na to ovú etọn mẹ wẹ yé dó po e po, yé sọ kinkọ́n anọ́ta awhlimẹ etọn tọn lẹ: yé sọ kòn ayọ̀dide yetọn lẹ jẹgbonu do e ji. 9Enẹwutu wẹ yẹn jo e do alọ wanyitọ etọn lẹ tọn mẹ, do alọ Asilianu lẹ tọn mẹ, mẹhe ji ewọ dọafù do. 10Ehelẹ dè omọ́ etọn hia: yé bẹ́ visunnu etọn lẹ po viyọnnu etọn lẹ po, podọ ewọ wẹ yé sọ yí ohi do hù: ewọ sọ lezùn oyín de to yé ṣẹnṣẹn; na yé hẹn whẹ̀dida lẹ ṣẹ to e ji. 11Òholiba nọviyọnnu etọn mọ ehe, gãnṣo ewọ gble to afùdọ etọn mẹ hugan ewọ, podọ to ayọ̀dide etọn mẹ he tin hugan ayọdide nọviyọnnu etọn tọn lẹ. 12Ewọ dọafù do Asilianu lẹ ji, otògán lẹ po whépọ́ntọ lẹ po, kọmẹnu etọn lẹ he yè yí avọ̀ do vàsọna talala lẹ, osọ́nọ lẹ he hẹ́ osọ́ lẹ ji, popo yé tọn yọ̀pọ sunnu jlomẹ. 13Yẹn sọ mọ dọ yè hẹn ewọ flu; yé omẹ awelẹ yí aliho dopo. 14Ewọ sọ hẹn ayọ̀dide etọn lẹ sudeji; na ewọ mọ sunnu yè dojlẹmọna lẹ to adó ji, boṣiọ Kaldeanu lẹ tọn lẹ he yè yí aṣọ̀vàwunmẹ do dojlẹmona, 15yè yí homẹbla lẹ do gbàn adaja yetọn, po tabla ahóvẹ̃ lẹ po to ota yetọn, popo yé tọn ahọvi lẹ na pinpọ́n, kẹdẹdi apajlẹ Babilọninu lẹ tọn to aigba ajitẹn mẹhetọn tọn wẹ Kaldea. 16Podọ saun le ewọ mọ yé wẹ é dọafù do yé ji, bo sọ do mẹdagun lẹ hlan yé biọ Kaldea mẹ. 17Babilọninu lẹ sọ wá e de biọ adọtẹn wanyi tọn lọ mẹ, yé sọ yí ayòdide yetọn do flu i, ewọ sọ yín fuflu po yé po, yè sọ hẹn alindọn etọn tónsọn yé mẹ. 18Mọwẹ ewọ dè ayọ̀dide etọn le hia, bo sọ dè omẹ́ etọn hia: whenẹnu we ye hẹn alindọn ṣie tọ́nsọn ewọ mẹ, taidi le yè hẹn alindọn ṣie tónsọn nọviyọnnu etọn mẹ do. 19Gãnṣo ewọ to ayọ̀dide etọn le hẹn jideji, bo to azán ovú etọn tọn le flin, ehemẹ ewọ ko basi gàlilọ te to aigba Egipti tọn mẹ. 20Ewọ sọ to afùdọ do wanyitọ yetọn lẹ ji, agbasalan meheton tin di agbasalan kẹtẹkẹtẹ lẹ tọn, podọ okún mẹhetọn tin taidi okún osé lẹ ton. 21Le wẹ hiẹ ylọ wantuntun ovú towe ton hlan oflin, to kinkọ́n anọ́ta towe lẹ mẹ gbọn Egiptinu lẹ dali na anọ́ ovú towe tọn lẹ.
22Enẹwutu, Oholiba E, le wẹ OKLUNỌ JIWHEYẸWHE dọ: Dayi e go, yẹn na zé wanyitọ towe lẹ fọ́n do oji we, mẹhe mẹ yè hen alindọn towe tọ́nsọn, yẹn na sọ hẹn yé wá oji we to awa lepo ji; 23Babilọninu lẹ po Kaldeanu lẹpo po, Pekodi po Soa po po Koa po, po Asilianu lẹpo po po yé po: yọpọ sunnu jlomẹ lẹ, otògán lẹ po whépọ́ntọ le po popo yé tọn, ahọvi lẹ podọ sọn sunnu yínditọ le mẹ, popo yé tọn hẹ́ osọ́ lẹ ji. 24Yé bo na sọ wá oji we po adánwànu lẹ po, kẹkẹ lẹ, po agbànkẹkẹ lẹ po po obẹ́pli akọta lẹ tọn de po; yé na zé yéde do oji we po gáglo po po awọyínu po po awhàngbakun po lẹ́do pé: yẹn na sọ jó whẹ̀dida lọ do hlan yé, yé bo na sọ dawhẹ̀na we kẹdẹdi whẹ̀dida yetọn lẹ. 25Yẹn na sọ zé awuwhàn ṣie do ogo we, yé na sọ zán hẹ we to homẹwlu mẹ; yé na yí awọntin towe po otọ́ towe lẹ po sẹ̀; podọ pipòtọ towe na sọ jai gbọn ohi lọ dali: yé na bẹ́ visunnu towe lẹ po viyọnnu towe lẹ po; podọ pipòtọ towe lọ na sọ yín dùsúdo gbọn miyọn dali 26Yé na klọn avọ̀ towe lẹ sọn ogo we ga, bo sọ bẹ́ sikanu towe dagbedagbe lẹ yì. 27Le wẹ yẹn na hẹn wantúntún towe nado gbodò sọn hiẹ mẹ, po ayọ̀dide towe hẹn sọn aigba Egipti tọn mẹ wá po: mọ bọ hiẹ ma na sọ zé nukun towe lẹ daga hlan ye, kavi sọ flin Egipti gbède ba gba. 28Na le wẹ OKLUNỌ JIWHEYẸWHE dọ: Dayi e go, yẹn na jó we do alọ yé mẹhe hiẹ gbẹwanna lẹ tọn mẹ, do alọ yé mẹhe mẹ yè hẹn alindọn towe tọ́nsọn lẹ tọn mẹ: 29yé na sọ zán hẹ we po wangbẹna po, bo na sọ bẹ́ tukla jẹ towe lẹpo yi, bo na sọ jó we dai omẹ́ ogbọ̀gbé: yè bo na sọ dè omé ayọ̀dide towe tọn hia, wantúntún towe po ayọ̀dide towe lẹ po. 30Onú helẹ wẹ yè na wà hlan we; na ehe hiẹ ko yì ayọ̀gbe de hodo kosi lẹ, podọ yè yí ovodun lẹ do flu hiẹ wutu. 31Hiẹ ko zinzọnlin to aliho nọviyọnnu towe tọn mẹ; enẹwutu wẹ yẹn na yí kọfo etọn do alọ towe mẹ. 32Le wẹ OKLUNỌ JIWHEYẸWHE dọ: dọ, Hiẹ na nù sọn kọfo nọviyọnnu towe tọn mẹ, he tin siso bo sọ klo: yè na kò hiẹ je osànkò bo sọ hẹn we to vlẹko mẹ; gbahugbahu nado doakọ́nna. 33Yè na yí osàmùmù po awubla po do gọ́ hiẹ, po kofo awujiji tọn po po ovọ́jẹ po, po kọfo Samalia nọviyọnnu towe tọn po. 34Yèdọ hiẹ na nù in bo kọnwhàna ẹn jẹgbonu, hiẹ na kli aklá etọn dù, bo na sọ tlẹn anọ́ towe lẹ: na yẹn ko dọ ẹ, wẹ OKLUNỌ JIWHEYẸWHE dọ. 35Enẹwutu le wẹ OKLUNỌ JIWHEYẸWHE dọ: Na hiẹ ko wọn mi wutu, bo zé mi dlan nẹgbé towe godo, enẹwutu hiẹ ni hẹn wantúntún towe ga po ayọ̀dide towe lẹ po.
36Okluno sọ dọ humọ hlan mi dọ: Visunnu gbẹtọ tọn, Bé hiẹ na dawhèna Ohola po Oholiba po la? whenẹnu bo lá osùnú yetọn le hlan yé. 37Na yé ko dèayọ̀, podọ ohùn sọ tin to alọ yetọn lẹ mẹ, podọ yé ko dèayọ̀ he vodun yetọn lẹ; podọ yé ga ko hẹn visunnu yetọn le mẹhe yé ji hlan mi lẹ nado jugbọn miyọn mẹ jẹ yé de nado yín vivàsúdo. 38Humọ ehe wẹ yé ko wà hlan mi: yé ko flu fiwiwe ṣie to azán dopolọ mẹ, bo ko sọ flu gbọjẹzán ṣie lẹ. 39Na whenuena yé ko hù ovi yetọn lẹ hlan vodun yetọn lẹ, whenẹnu wẹ yé wá to azán dopolọ gbè biọ fiwiwe ṣie mẹ nado flu i; bo, pọ́n, le wẹ yé ko wà do to gblagbla ohò ṣie tọn mẹ. 40Podọ donukọn mìwlẹ ko domẹhlan na sunnu lẹ nado sọn aganu wá: mẹhe yè do mẹdagun de hlan, bo, pọ́n, yé wá; mehe hiẹ lẹ̀ dewe na, sánúdo nukun towe lẹ, bo sọ yí aṣọdonu lẹ do và dewe; 41bo sọ sín adọzàn dido de ji, po tafo titẹ́ de po to e nukọn, eheji hiẹ zé nuyọnwan ṣie po amì ṣie po do. 42Podo ogbẹ̀ agùndaho de tọn he tin abọẹgún tin to e de: podọ po gbẹtọ le po sọn omẹ alòpalopá lẹ mẹ wẹ yé hẹn ahànnùmúno lẹ sọn wá zùngbo lọ mẹ; yé sọ yí alọgàn le do alọ yé tọn awelẹ mẹ, po ojẹgbakun whanpẹnọ lẹ po do ota yetọn lẹ ji. 43Whenẹnu wẹ yẹn dọ ewọ he yín yọ̀nhonọ na dèayọ lẹ, Dinvie wẹ yé na nọ dèayọ etọn lẹ, yèdọ po e po. 44Yé sọ biọ họ́mẹ yì jẹ e de, dile yé nọ biọ họ̀mẹ yì jẹ gàlọtọ de de do: mọwẹ yé biọ hòmẹ yì jẹ Ohola de podọ jẹ Oholiba de, yọnnu wantúntọ lẹ. 45Podọ sunnu dódónọ lẹ yé na yí whẹ̀dida yọnnuayọ̀detọ lẹ tọn do dawhẹ̀na yé, po whẹ̀dida yọnnusi he nọ kòn ohùn lẹ tọn po; na yọnnu-ayọ̀detọ lẹ wẹ yé wutu, ohùn sọ tin to alọ yetọn lẹ mẹ. 46Na le wẹ OKLUNỌ Jiwheyẹwhe dọ: Yẹn na hẹn obẹpli de hẹji wá yé ji, bo sọ jó yé nado yín mìmì hlan nukọn podọ hlan godo po hinhen gble po. 47Podọ obẹ́pli lọ na yí zannu lẹ do dlanzannu do yé, bo sọ yí ohi yetọn lẹ do do yé hlan; yé na hù visunnu yetọn lẹ po viyọnnu yetọn lẹ po, bo sọ yi miyọn do mẹ́ ohọ̀ yetọn lẹ. 48Le wẹ yẹn na hẹn wantúntún nado gbòdò sọn aigba lọ mẹ do, na yè nido plọ́n yọnnu lẹpo ma nado nọ wà hodo wantúntún mìtọn gba. 49Yé na sọ suahọna wantúntún mìtọn to mì ji, míwlẹ na sọ hẹn ylando vodun mìtọn lẹ tọn lẹ: mìwlẹ na sọ yọnẹn dọ yẹn wẹ OKLUNỌ Jiwheyẹwhe.
241PODỌ, to owhè ṣinẹnẹtọ mẹ, to osùn aotọ mẹ, to azán aotọ osùn lọ tọn mẹ, ohó OKLUNỌ tọn sọ wá dẽ, dọmọ, 2Visunnu gbẹtọ tọn, hiẹ wlan oyín azán lọ tọn, yèdọ azán dopo he lọ tọn: ahọlu Babilọni tọn dó do Jelusalẹm ji to azán dopo he lọ mẹ. 3Bo dọ oló de hlan owhe atẹnọ lọ, bo dọ hlan yé dọmọ, Le wẹ OKLUNỌ Jiwheyẹwhe dọ, dọ, Zé odla lọ dàdòji, zé e dàdòji, bo sọ kọ̀n osìn do e mẹ ga: 4bẹ́ jaja etọn do e mẹ, yèdọ jaja dagbedagbe lẹpo, asá lọ, po abọ́ lọ po; yí ohú ṣinṣinyan lẹ do gó ẹ. 5Yí ṣinṣinyan sọn lẹngbọpa lọ mẹ, bo bẹ́ ohú lẹ lọ pli do oglọ nẹ̃ ga: gbọ e ni fiẹ dagbedagbe; mọwẹ, gbọ yè ni sọakunsìn ohú etọn lẹ to gblagbla e tọn mẹ.
6Enẹwutu le wẹ OKLUNỌ JIWHEYẸWHE dọ: Dindọn hlan tòdaho ohùnnọ lọ, hlan odla lọ funyinyẹn mẹhetọn tin to e mẹ, podọ funyinyẹn mẹhetọn yè ma hẹn yì sọn e mẹ hẹn ẹn jẹgbonu whèyín whèyín; yè ma hẹn mimá de flẹ jẹ e ji gba. 7Na ohùn etọn tin to gblagbla ewọ tọn mẹ; ewọ zé e do osé gbògbó lọ ji; ewọ ma kọ̀n ẹn do aigba lọ ji gba, nado yí kọgudu do ṣinyọn ẹn; 8na é nido hẹn homẹwlu nado hẹji wá nado yí ahọsuyí, yẹn ko zé ohùn etọn do osé gbògbó ji, na é ma na do yín nuṣinyọndo gba. 9Enẹwutu le wẹ OKLUNỌ JIWHEYẸWHE dọ: Dindọn hlan tòdaho ohùnnọ lọ yẹn ga na hẹn okiti lọ klo. 10Okiti do nake lọ ji, hẹn miyọn lọ jì, sọakunsìn agbasalan lọ dagbedagbe, bo sọ basi odònpàn lọ titli, bo sọ gbọ yè ni mè ohú lẹ lọ. 11Whenẹnu zé e do akán etọn lẹ ji vọtó, na é nido yín miyọnawu, podọ ogànvẹ̃ etọn nido jì, podọ na odihó e tọn nido yín yiyó to e mẹ, na funyinyẹn e tọn nido yín vivàsúdo 12Ewọ ko yí azón do hẹn agbópó mi: gãnṣo funyinyẹn etọn daho ma jẹgbonu yì sọn ewọ mẹ gba; funyinyẹn etọn tin to miyọn lọ mẹ. 13Na wantúntún dihónọ towe: na yẹn ko klọ we bọ hiẹ ma yín kiklọ wutu, hiẹ ma na sọ yín kiklọ sọn odihó towe mẹ ba gba, kaka yẹn ko do hẹn wá jẹ gbọjẹ mẹ hlan hiẹ dali. 14Yẹn OKLUNỌ ko dọ ẹ: é na wá jọ, yẹn na sọ basi i; yẹn ma na yì godo gba, mọ yẹn ma na hla dai, mọ yẹn ma sọto linlẹn na diọ; kẹdẹdi aliho towe lẹ, podọ kẹdẹdi wiwà towe le, wẹ yé na dawhóna we wẹ OKLUNỌ Jiwheyẹwhe dọ.
15Ohó OKLUNỌ tọn sọ wá dẽ ga, dọmọ, 16Visunnu gbẹtọ tọn, dayi e go, yẹn yí núlimẹ dopo do yí ojlo nukun towe lẹ tọn sọn de we: gãnṣo mọ hiẹ ma na blawu kavi viavi, mọ odasìn towe ma na sa. 17Wónhùn, yín abọẹnọ; a basi awubibla de na osiọ blo, bla tabla towe do oji we, bo yí afọpa towe do afọ towe lẹ, a sinyon nùflo towe lẹ blo, a sọ dù akla gbẹtọ tọn blo. 18Mowẹ yẹn dọhó hlan gbẹtọ ewlẹ to afọnnu; podọ to whèjai asi ṣie kú: yẹn sọ wà to afọnnu, dile yè degbèna mi do. 19Gbẹtọ ewlẹ sọ dọ hlan mi dọ, bó hiẹ ma na dọ na mí núhe onú hele yín hlan mìwlẹ, bọ hiẹ do wà mọ? 20Whenẹnu wẹ yẹn dọ hlan yé dọ, Ohó OKLUNỌ tọn wá dẽ, dọmọ, 21Dọhó hlan owhé Islaeli tọn dọ, Le wẹ OKLUNỌ Jiwheyẹwhe dọ: Dayi e go, yẹn na flu fiwiwe ṣie, osakla huhlọn mìtọn tọn, ojlo nukun mìtọn lẹ tọn, podọ awublanu alindọn mìtọn tọn; podọ visunnu mìtọn lẹ po viyọnnu mìtọn lẹ po mẹhe mìwlẹ jodai dogodo lẹ na jai gbọn ohi lọ dali. 22Mìwlẹ na sọ wà dile yẹn ko wà do: mìwlẹ ma na ṣinyọn nùflo mìtọn lẹ gba, kavi dù akla gbẹtọ lẹ tọn gba. 23Otabla mìtọn lẹ na tin to ota mìtọn lẹ, po afọpa mìtọn lẹ po to afọ mìtọn lẹ: mìwlẹ ma na blawu kavi viavi gba; ṣigba míwlẹ na dùnpò yì to oylanwà mìtọn lẹ mẹ, bo sọ nọ doavihàn ode hlan mẹdevo dali. 24Le wẹ Ezeklẹli na yín ohia de hlan mì do; kededi ehe ewọ ko wà lẹpo wẹ mìwlẹ na wà: whenuena ehe wá, whenẹnu wẹ mìwlẹ na yọnẹn dọ yẹn wẹ OKLUNỌ JIWHEYẸWHE.
25Podọ hiẹ, visunnu gbẹtọ tọn, bé é ma na yín to azán lọ mẹ whenuena yẹn yí figángán yetọn sọn yé si, ayajẹ gigo yetọn tọn, ojlo nukun yetọn lẹ tọn, podọ zizé daga alindọn yetọn tọn, visunnu yetọn lẹ po viyọnnu yetọn lẹ po, 26na to azán nẹ mẹ ewọ he hòngán na wá jẹ de we, nado hẹn we nado yí otọ́ towe lẹ do sè? 27To azán nẹ mẹ wẹ yè na hùn onù towe hlan ewọ he yè hẹn họ̀ngán, hiẹ na sọ dọhó bo ma na sọ yín unbọpẹn ba gba: mọwẹ hiẹ na yín ohia de hlan yé do; bọ yé na sọ yọnẹn dọ yẹn wẹ OKLUNỌ.
251OHÓ OKLUNỌ tọn sọ wá dẽ, dọmọ, 2Visunnu gbẹtọ tọn, zé nukunmẹ towe do hlan ovi Amọni tọn lẹ, bo dọdọdai gbọn yé tọn dali: 3bo dọ hlan ovi Amọni tọn lẹ dọ, Sè ohó OKLUNỌ JIWHEYẸWHE tọn; Le wẹ OKLUNỌ JIWHEYẸWHE dọ: Na hiẹ dọ wutu dọ, Aha, do fiwiwe ṣie go, whenuena yè flu i; podọ do aigba Islaeli tọn go, whenuena yè hẹn ẹn zùn ovọ́jẹ; podọ do owhé Juda tọn go, whenuena yé jì biọ mẹmẹglọ mẹ; 4enẹwutu dayi e go, yẹn na jó we hlan ovi whèzẹtẹn tọn lẹ, na nutindo de, yé na sọ ze oslahò yetọn lẹ do hiẹ mẹ, bo sọ basi ninò yetọn lẹ to hiẹ mẹ; yé na dù osinsẹ́n towe, yé na sọ nù oyìnnọ́ towe. 5Yẹn na sọ hẹn Laba zùn kanlinhò de na kanklosọ lẹ, podọ ovi Amọni tọn lẹ avàjẹtẹn de na lẹngbọpa lẹ: mìwlẹ na sọ yọnẹn dọ yẹn wẹ OKLUNỌ. 6Na le wẹ OKLUNỌ JIWHEYẸWHE dọ: Na hiẹ ko hò alọ towe lẹ do alọ go wutu, bo sọ yí afọ towe lẹ do tùnafọte, bo sọ jaya po mahopón alindọn towe tọn lẹpo po do aigba Islaeli tọn lọ go; 7enẹwutu dayi e go, yẹn ko dlẹn alọ ṣie jẹgbonu do hiẹ ji, bo na sọ jó hiẹ na ogblan de hlan akọta lẹ; yẹn na sọ sán we sẹ̀ sọn akọta lẹ mẹ, yẹn bo na sọ hẹn we nado súdo sọn otò lẹ mẹ: yẹn na và we; hiẹ na sọ yọnẹn dọ yẹn wẹ OKLUNỌ. 8Le wẹ OKLUNỌ JIWHEYẸWHE dọ: Na dọ Moabi po Seili po dọ wutu dọ, Dayi e go, owhé Juda tọn tin jlẹdo akọta lẹpo go: 9enẹwutu dayi e go, yẹn na hùn adà Moabi tọn sọn tòdaho lẹ mẹ, sọn tòdaho tọn lẹ mẹ he tin to agbegbè lẹpo ji, ogigo otò lọ tọn, Bẹti-jẹsimọti, Baalimeọni, po Kiliataimi po, 10po ovi Amọni tọn lẹ po dopọ, jẹ ovi whèzẹtẹn tọn lẹ de, nado yì agó do ovi Amọni tọn lẹ go, yẹn na sọ jó yé na nutindo de, na yè ma nido flin ovi Amọni tọn lẹ to akọta lẹ mẹ ba: 11yẹn na sọ hẹn whẹ̀dida lẹ sọ to Moabi ji; yé bo na sọ yọnẹn dọ yẹn wẹ OKLUNỌ. 12Le wẹ OKLUNỌ JIWHEYẸWHE dọ: Na dọ Edọmi ko zán agọ̀ do owhé Juda tọn go wutu, gbọn ahọsuyíyí dali, bo ko sọ wàylando dahodaho, bo sọ yíahọsuna ede to yé ji; 13enẹwutu le wẹ OKLUNỌ JIWHEYẸWHE dọ dọ, Yẹn na dlẹn alọ ṣie do Edọmi ji, bo na sán gbẹtọ po kanlin po sọn e mẹ: Yẹn bo na sọ hẹn en zùn ovọ́jẹ sọn Temani mẹ; yèdọ jẹ Jodani wẹ yé na jai gbọn ohi lọ dali. 14Yẹn bo na sọ zé ahọsuyí ṣie do Edọmi ji gbọn alọ Islaeli omẹ ṣie lẹ tọn mẹ; yé na sọ wà to Edọmi mẹ kẹdẹdi adi ṣie podọ kẹdẹdi homẹwlu ṣie: yé bo na sọ yón ahọsuyí ṣie, wẹ OKLUNỌ JIWHEYẸWHE dọ. 15Le wẹ OKLUNỌ JIWHEYẸWHE dọ: Na Filistini lẹ ko zán gbọn ahọsuyí dali wutu, bo ko sọ yí ahọsuyí po mahòmepón alindọn tọn po nado yí wangbéna mapòte de do và ẹ súdo; 16enẹwutu le wẹ OKLUNỌ JIWHEYẸWHE dọ, Dayi e go, Yẹn na dlẹn alọ ṣie jẹgbonu do Filistini lẹ ji, yẹn na sọ sán Keletinu lẹ sẹ̀, bo và pipòtọ ohùtó tọn lẹ súdo 17Yẹn na sọ hẹn ahọ́suyi daho sẹ do yé ji po owọhẹ sinsinyẹn lẹ po; yé bo na sọ yọnẹn dọ yẹn wẹ OKLUNỌ, whenuena yẹn na zé ahọsuyí ṣie do yé ji.
261E sọ wá jọ to owhè widopotọ mẹ, to azán tintan osùn lọ tọn mẹ, wẹ ohó OKLUNỌ tọn wá dẽ, dọmọ, 2Visunnu gbẹtọ tọn, na dọ Tile ko dọ do Jelusalẹm go wutu, dọ, Aha, yè gbà ewọ he yín họ̀ngbo akọta lẹ tọn; yè lẹ́ ewọ hlan yẹn de: yè na sọ hẹn yẹn yín gigọ́, dinvie wẹ yè zé ewọ do ogbọ̀gbe: 3enẹwutu le wẹ OKLUNỌ JIWHEYẸWHE dọ: Iayi e go, yẹn tin agò do ogo we hie Tile E, bo na sọ hẹn akọta susu nado hẹji wá oji we, dile ohù nọ hẹn agbówhẹn etọn lẹ nado hẹ́aga wá do. 4Yé na sọ và odòkọ Tile tọn lẹ, bo sọ họ́ atọhò etọn lẹ liai: yẹn na sọ whlẹ kọgudu etọn sọn ewọ mẹ, bo sọ hẹn ẹn zùn osé ogbògbe de. 5Ewọ na yín otẹn de na dindlẹn odò lẹ tọn to gblagbla ohù tọn mẹ; na yẹn ko dọ ẹ, wẹ OKLUNỌ JIWHEYẸWHE dọ: ewọ bo na sọ lẹzùn ogblan de hlan akọta lẹ. 6Podọ viyọnnu etọn lẹ he tin to danji wẹ yè na yí ohi do hù: Yé bo na sọ yọnẹn dọ yen wẹ Okluhọ. 7Na le wẹ OKLUNỌ JIWHEYẸWHE dọ: Dayi e go, yẹn na hẹn Nẹbukadlẹzali ahọlu Babiloni tọn, ahọlu ahọlu lẹ tọn wá Tile ji, sọn agéwaji, po osó lẹ po, po kẹkẹ lẹ po, po osọnọ lẹ po, po ogbé daho de po, po gbẹtọ susu po. 8Ewọ na yí ohi do hù viyọnnu towe lẹ to danji: ewọ na sọ basi osòhò do oji we, bo sọ do ogáglo yìaga do oji we. 9E na sọ ze adaun awhàn tọn lẹ do odòkọ lẹ ji, bo na sọ yí asíọvi lẹ do hó atọhò towe lẹ liai. 10Na ogegé osọ etọn lẹ tọn kọgudu yeton na ṣinyọn oji we: odokọ towe lẹ na whàn na hùnhlungbè osọnọ lẹ lọ tọn, po agbàn kẹkẹ lẹ ton po, po kẹkẹ lẹ tọn po, whenuena e na biọ họngbo towe lẹ mẹ, dile gbẹtọ lẹ nọ biọ tòdaho de he mẹ yè basi okikè de te mẹ do. 11Ofẹ̀n osé etọn lẹ tọn lẹ wẹ é na yí do zín alihogbo towe lẹpo do odò: é na yí hhi do hù omẹ towe lẹ, podọ odotin huhlọn towe tọn lẹ na sọ jẹte yì jẹ aigba. 12Yé na yí adọkun towe lẹ do dùgbànna, bo sọ yí ajọ́nú towe do basi nújawla de: yé na họ́ odòkọ towe lẹ liai, bo sọ sú ohò whanpẹnọ towe lẹ do: yé na bẹ́ zannu towe lẹ po whlẹlidemẹ towe po po kọgudu towe po do ogblagbla osìn lẹ tọn mẹ. 13Yẹn bo na sọ hẹn hùnhlungbè ohàn towe lẹ tọn nado gbòdò; podọ ogbè ajalẹn towe lẹ tọn ma na sọ yín sisè ba. 14Yẹn na sọ hẹn we zùn osé ogbògbe de: hiẹ na sọ yín otẹn de na dindlan odò lẹ tọn; yè ma na sọ do hiẹ ba: na yẹn OKLUNỌ ko dọ ẹ, wẹ OKLUNỌ JIWHEYẸWHE dọ.
15Le wẹ OKLUNỌ JIWHEYẸWHE dọ hlan Tile: Bé olopó lẹ ma na whàn na nudidọ aijẹ towe tọn, whenuena alántọ lẹ to azọ̀nwèn, whenuena yè basi hùhù lọ tó gblagbla hiẹ tọn mẹ? 16Whenẹnu wẹ ahọvi ohù tọn lẹ na jẹte sọn ofìn yetọn lẹ ji, bo sọ dè otewu yetọn lẹ do apadopo, bo sọ klọ́n awugbo yẹnvinanọ yetọn lẹ sè: yé na yí sisọsisọ lẹ do ṣinyọnavọ̀na yéde; yé bo na sọ sín aigba, bo na to sisọsisọ to whepoponu, bo sọ yín awujinọ na towe tọn. 17Yé bo na sọ zé avigbè de daga na hie, bo dọ hlan we dọ, Nawẹ yè và hiẹ súdo dole, he mẹ yè nọnọ̀ gbọn omẹ ohù mẹ tọn lẹ dali, tòdaho he diyín, he yín sinsinyẹn to ohù mẹ, ewọ po tòmẹnu etọn lẹ po, he hẹn obudaho yetọn nada tin to ehe nọnọ̀ e me lẹpo ji! 18Dinvie wẹ olopó lẹ na sisọ to azán aijẹ towe tọn mẹ; mọwẹ, yè na hẹn olopó he tin to ohù mẹ yín avosatọ na ofọ́nyì towe tọn 19Na le wẹ OKLUNỌ JIWHEYẸWHE dọ. Whenuena yẹn na hẹn hiẹ zùn tòdaho ojẹvọ́ de, taidi tòdaho he mẹ yè ma to ninọ̀; whenuena yẹn na hẹn odògbo lẹ hẹji wá oji we, bọ osìn daho lẹ na ṣinyọn we; 20whenẹnu wẹ yẹn na hẹn we jẹte po yé he tejẹ biọ odò mẹ lẹ po, je gbẹtọ ojlẹ hóhó tọn lẹ de, bo na sọ hẹn we nado nò adà yèdọ aigba tọn lẹ mẹ, taidi otẹn he tin ojẹvó sọn hóhówhenu le, po yé he tejẹ yì jẹ odò mẹ lẹ po, na hiẹ mẹ ma na do yín ninọ̀; kavi zé ogigo towe do aigba ogbènọ lẹ tọn mẹ: 21Yen na hẹn we zùn budaho lẹ, hiẹ ma na sọ tin ba: Yín yè tlẹ din hiẹ, gãnṣo hiẹ ma na yín mimọ ba gba, wẹ OKLUNỌ Jiwheyẹwhe dọ.
271OHÓ OKLUNỌ tọn SỌ VỌ dẽ wá, dọmọ, 2Podọ hiẹ, visunnu gbẹtọ tọn, zé avigbè de daga na Tile; 3bo dọ hlan Tile dọ, Ṣó hiẹ he nọnọ̀ bibiọ ohù tọn lẹ mẹ, he yín ajótọ akọta lẹ tọn hlan olopó susu, le wẹ OKLUNỌ JIWHEYẸWHE dọ: Tile E, hiẹ ko dọmọ, Mẹpipé wẹ yẹn to whanpẹ mẹ. 4Agboji towe lẹ tin to ohò ohù lẹ tọn mẹ, didotọ towe lẹ ko hẹn whanpẹ towe zùn pipé. 5Yé ko do owhlẹ atin fili lẹ tọn towe lẹpo sọn Semli mẹ: yé ko bẹ́ kedali lẹ sọn Lẹbalọnì mẹ nado basi alàtin de na we. 6Atin oaki Baṣani tọn lẹ mẹ wẹ y é ko basi azọ̀n towe lẹ sọn; yé ko basi aisínnú towe lẹ sọn ajlankúdú yè yí atinbọski do tẹ́homẹna, Sọn olopó Kitimi tọn lẹ mẹ. 7Alà dagbedàgbe po azọ́n yẹnvinanọ po sọn Egipti mẹ wẹ yè basi alà towe sọn, na é nido tin hlan we na asia de; ofẹ́nọ po gèfunwunmẹ po sọn olopó Eliṣa tọn lẹ mẹ wẹ yèhẹnú towe. 8Tòmẹnu Zidọni tọn lẹ po Alvadi po wẹ azẹnkùntọ towe lẹ: gbẹtọ nuyọnẹntọ towe lẹ, Tile È, tin to hiẹ mẹ, yé lẹ wẹ húndotọ towe lẹ. 9Mẹho Gebali tọn lẹ po gbẹtọ nuyọnẹntọ etọn lẹ po to hiẹ mẹ wẹ húnkútọ towe lẹ: ohún Ohù tọn lẹpo po húnmẹzọ́nwàtọ yetọn lẹ po tin to hiẹ mẹ nado yí núdiọnúna ajónú towe. 10Pẹlsia po Ludi po po Putì po tin to awhànfuntọ towe lẹ mẹ, omẹ awhàn tọn towe lẹ: yé zé awọyinú lọ po awhàngbakun po pla do hiẹ mẹ; yé zé whanpẹ towe jẹgbonu. 11Omẹ Ahadì tọn lẹpo awhànfuntọ towe lẹ po tin to odòko towe lẹ ji lẹdo, po gbẹtọ otudotọ lẹ po tin to atọhò towe lẹ me: yé zé awọyinú yeton lẹ pla do odòkọ towe lẹ go lédo; ye ko hẹn owhanpẹ towe zùn pipé. 12Talsisi we ajọtọ towe na gégé wunmẹwunmẹ adọkun lẹ tọn tọn lẹpo tọn; fataka, ogànyú, flele, po osùnmi po, wẹ yé yí do wajọ na nusisá towe lẹ. 13Javani, Tubali, po Meseki po, yéwle wẹ ajọwàhẹmẹtọ towe lẹ: ye yí agbasa gbẹtọ lẹ tọn po alàhún gànvẹ̃ tọn lẹ po do wàjọ na ajọnu towe. 14Yé sọn owhó Togalma tọn mẹ lẹ yí osé lẹ po awhànsó lẹ po po otlò le po do wàjó na nusìsà towe lẹ. 15Omẹ Dedani tọn lẹ wẹ ajówàhẹmẹtọ towe lẹ: olopó susu wẹ ajówàtẹn alọ towe tọn: yé nọ hẹn azò ajlankúdú tọn po atin ẹboni po wá na we na núnina de. 16Silia wẹ aj otọ towe na gége alọnuzọ́n towe lẹ tọn tọn: ye yi emẹlaldi lẹ, gèfunwunmẹ po azón yẹnvinanọ po, po alà dagbedagbe po, po ayọn po, po lubi lẹ po do wàjọ na nusìsà towe lẹ. 17Juda po aigba Islaeli tọn po, yé wẹ ajówàhẹmẹtọ towe: yé yí oli Mmiti tọn, po panagi po, po owín po, po amì po, po alangblenu po do wàjó na ajónú towe. 18Damasku wẹ ajọtọ towe na gégó alọnuzọ́n towe lẹ tọn, na gégé wunmẹwunmẹ adọkun tọn lẹpo tọn; po ovẹ̃n Hebọni tọn po po lẹngbofún wówé po. 19Vedani po Javani po wàjó sọn Uzali na nusìsà towe lẹ: ogànyu tùntùn, kasia, po kalamusi po, tin to ajónú towe lẹ ṣẹnṣẹn. 20Dedani we ajówàhemetọ towe to avọ̀ lẹ mẹ na núdido. 21Alabia po ahọvi Kedali tọn lepo po, yé wẹ ajọtọ alọ towe tọn lẹ; to lẹngbọvu le mẹ, po agbò lẹ po, po alúnkùn le po, ehelẹ mẹ wẹ yé yín ajótọ towe lẹ te. 22Ajówàhẹmẹtọ Ṣeba po Laama po ton lẹ ye we ajówàhẹmẹtọ towe lẹ: yé yí nuwhẹnwan dagbe lẹpo tọn lẹ, po zannu akuẹgégé tọn lẹpo po, po sika po, do wàjó na nusìsà towe lẹ. 23Halani po Kanẹ po po Edẹni po, ajowàhẹmetọ Seba tọn, Asuli po Kilmadi po, wẹ ajówàhẹmẹtọ towe lẹ. 24Ehelẹ wẹ ajówàhẹmẹtọ towe lẹ to nusìsà sinsinyan lẹ mẹ, to odi ofé tọn lẹ mẹ po azón yẹnvinanọ po, podọ to apoti avọ̀dido he họakuẹ tọn lẹ mẹ, he yè yí okàn lẹ do bla bo sọ basi sọn kedali mẹ, to ajónú towe lẹ ṣẹnṣẹn 25Ohún Talsisi tọn lẹ wẹ ahisi towe lẹ na ajọ́nú towe lẹ: yè sọ hẹn hiẹ yín gigọ́, bo sọ hẹn zùn gigonọ to ohò ohù lẹ tọn mẹ. 26Azònkùntọ towe lẹ ko hẹn we wa biọ osìn daho lẹ mẹ: ojẹhọn whèzẹtẹn tọn ko gba we to ohò ohù lẹ tọn mẹ. 27Adọkun towe lẹ, po nusìsà towe lẹ po, ajónu towe lẹ, húnmọzọ́nwàtọ towe lẹ, po hundotọ towe lẹ po, hunsútọ towe lẹ, po nudiọtọ ajọnú towe tọn lẹ po, po omẹ awhàn tọn towe lẹpo po, he tin to hiẹ mẹ, podọ to ogbẹ́ towe lẹpo mẹ he tin to gblagbla hiẹ tọn mẹ, na jai biọ ohò ohù lẹ tọn mẹ to azán vivà towe tọn mẹ. 28To ogbè awhá húndotọ towe lẹ tọn tọn mẹ agbówhẹn lẹ na whàn. 29Podọ ome he hẹn azèn lọ go lẹpo, húnmẹzọnwàtọ le, po húndotọ ohù lọ tọn lẹpo po, na jete sọn ohún yetọn lẹ mẹ wá, yé na site to agó ji, 30Bo na hẹn ogbè yetọn nado yín sisè to hiẹ ta, bo na sọ yí vivé do dawhá, bo sọ bà kogudu daga do ota yetọn ji, yé na sọ bli yéde to afin mẹ: 31yé na sọ hẹn yéde zùn mẹmọda na hiẹ bo sọ yí odẹvò do blahomẹna yé, yé bo na sọ viavi na hiẹ to ovivé alindọn tọn mẹ po awubibla vivé po. 32Podọ to kuefinfan yetọn mẹ yé na zé avigbè de daga na hiẹ, bo na vi to hiẹ ta, dọmọ, Mẹnu wẹ tin finẹ taidi Tile, taidi ewọ he yè hẹnwá jẹ abéninọ to gblagbla ohù lọ tọn mẹ? 33Whenuena nusìsà towe lẹ jẹgbonu yì sọn ohù lẹ mẹ, hiẹ góhòna omẹ susu; hiẹ yí gégé adọkun towe lẹ tọn po ajónú towe lẹ po do hẹn ahọlu aigba tọn lẹ wàdọkun. 34Dinvie yè gbà hiẹ gbọn ohù lẹ lọ dali to odògbo osìn lẹ tọn mẹ, yè sọ hẹn ajónú towe lẹ po ogbé towe lepo po jai to gblagbla hiẹ tọn mẹ. 35Yè hẹn tòmẹnu olopó lẹ tọn lẹ lọ yín awujinọ na we, ahọlu yetọn lẹ sọ yi obudaho do yín avosato, yè hẹn yé yín tuklanọ to nukunta yetọn mẹ. 36Ajọ́wàtọ lẹ to akọta le ṣẹnṣẹn dèpislọ do ta na hiẹ; hiẹ tin lẹzùn onúsisi lẹ, podọ hiẹ ma na sọ tin gbède ba.
281OHÓ OKLUNỌ tọn sọ vó wá dẽ, dọmọ, 2Visunnu gbẹtọ tọn, dọ hlan ahọvi Tile tọn lẹ dọ, Le wẹ OKLUNỌ JIWHEYẸWHE dọ: Na ayiha towe yín zédaga wutu, bọ hiẹ ko sọ dọmọ, Yẹwhe de wẹ yẹn, yẹn sinai to aisinnú Jiwheyẹwhe tọn mẹ, to gblagbla ohù lẹ tọn mẹ; gãnṣo gbẹtọ de wẹ hie, Jiwheyẹwhe ma gba, yín hiẹ tlẹ zé ayiha towe do di ayiha Jiwheyẹwhe tọn: 3dayi e go, hiẹ yín nuyọnẹntọ hú Daniẹli; asli de ma tin finẹ he yé sọgan whla sọn hiẹ de: 4gbọn nuyọnẹn towe dali podọ gbọn wuntùntùn towe dali hiẹ ko tindo huhlọn na we, bo ko sọ tindo sika po fataka po do adọkunnu towe lẹ mẹ: 5gbọn nuyọnẹn daho towe dali podọ gbọn ajó towe dali wẹ hiẹ ko hẹn huhlọn towe sudeji, bọ ayiha towe sọ yín zizé daga na huhlọn towe wutu: 6enẹwutu le wẹ OKLUNỌ Jiwheyẹwhe dọ, Na hiẹ ko zé ayiha towe do di ayiha Jiwheyẹwhe tọn wutú; 7enẹwutu dayi e go, yẹn na hẹn ojonọ lẹ wá oji we: núsisi akọta lẹ tọn; yé bo na sọ dọ̀n ohi yetọn lẹ do owhanpẹ nuyọnẹn towe tọn ji, yé na sọ flu osisé towe. 8Yé na hẹn we jẹte wá jẹ odò lọ mẹ; hiẹ na sọ kú okú yé he yín alántọsiọ lẹ tọn lẹ, to ohò ohù lẹ tọn mẹ. 9Bé hiẹ na gbẹ́ sọ dọ to ewọ he hùhù we nukọn dọ, Jiwheyẹwhe wẹ yẹn? ṣigba gbẹtọ wẹ hiọ, Jiwheyẹwhe ma gba, to alọ ewọ he flu we tọn mẹ. 10Hiẹ na kú okú magbòwhẹ̀nọ lẹ tọn lẹ gbọn alọ ojonọ lọ tọn dali; na yẹn ko dọ ẹ, wẹ OKLUNỌ Jiwheyẹwhe dọ.
11Humọ ohó OKLUNỌ tọn sọ wá dó, dọmọ, 12Visunnu gbẹtọ tọn, zé avigbè de daga na ahọlu Tile tọn, bo dọ hlan ẹn dọ, Le wẹ OKLUNỌ Jiwheyẹwhe dọ: Hiẹ yí hiadonu do dohia osọha lọ, he gó na nuyọnẹn, bo sọ pó to owhànpẹ mẹ. 13Hiẹ tin to Edẹni mẹ ojipa Jiwheyẹwhe tọn lọ; zannu akuẹgógónu lẹpo wẹ oṣinyọn towe, saldiusi, topazi, po diamọndi po, belili, oniksi, po jaspeli po, sapfìli, ẹmelaldi, po kalbunkle po, po sika po: anatózón ohún towe lẹ tọn po okète towe lẹ tọn po tin to hiẹ mẹ; to azán he mẹ yè dá hiẹ te yè ko wleawuna yé. 14Hiẹ wẹ kẹlubi yíamisisádodè he ṣinyọn: yẹn sọ zé we do, mọ bọ hiẹ tin to osé wiwe Jiwheyẹwhe tọn ji; hiẹ ko zinzọnlin hẹji bo to tejẹ to gblagbla zannu miyọn lẹ tọn tọn mẹ. 15Hiẹ yín mẹpipó to aliho towe lẹ mẹ sọn azán he gbè yè dá hiẹ, kaka yè do mọ mawàdódó to hiẹ mẹ. 16Gbọn gégé ajọ́ towe tọn dali, yé yí huhlọn do gọ́ ogblagbla hiẹ tọn mẹ, hiẹ ko sọ wàylando: enẹwutu wẹ yẹn ko do dlan we di mẹfuflu sọn osé Jiwheyẹwhe tọn mẹ; yẹn bo ko sọ và we, hiẹ kẹlubi ṣinṣinyọn È, sọn ogblagbla zannu miyọn tọn lẹ tọn mẹ. 17Ayiha towe yín zé daga na owhanpẹ towe tọn wutu hiẹ ko gble nuyọnẹn towe na osisẹ towe tọn: yẹn ko dlan we hlan aigba, yẹn ko tó we do ahọlu lẹ nukọn, na yé nido pọ́n we. 18Gbọn ogégé oylanwà towe lẹ tọn dali, to mawàdódó ajọ́ towe tọn mẹ, hiẹ ko flu wiwe towe lẹ; enẹwutu wẹ yẹn ko hẹn miyọn de jẹgbonu wá sọn ogblagbla hiẹ tọn mẹ, é ko dù we súdo, yẹn ko sọ lẹ́ we zùn afín to aigba ji to nukun yé he pọ́n we lẹpo tọn mẹ. 19Yé he yọ́n we lẹpo to akọta lẹ mẹ na yín awujinọ na hiẹ: hiẹ tin lẹzùn núsisi lẹ, podọ hiẹ ma na sọ tin gbède ba.
20Ohó OKLUNỌ tọn sọ wá dẹ, dọmọ, 21Visunnu gbẹtọ tọn, zé nukunmẹ towe do hlan Ziọni dali, bo dọdọdai do e go, 22bo dọmọ, Le wẹ OKLUNỌ JIWHEYẸWHE dọ: Dayi e go, Yẹn tin agọ̀ do ogo we, hiẹ Ziọni È; podọ yẹn na sọ yín gigonọ to gblagbla hiẹ tọn mẹ: yé bo na sọ yọnẹn dọ yẹn wẹ OKLUNỌ, whenuena yẹn na ko hẹn whẹ̀dida lẹ ṣẹ to hiẹ mẹ, bo na sọ yín klandowiwe to hiẹ mẹ. 23Na yẹn na do azònylankan po ohùn po hlan biọ ewọ mẹ to alihogbo etọn lẹ mẹ; bọ alántọ lẹ na sọ jai to gblagbla hiẹ tọn mẹ, po ohi lọ po to ewọ ji to awà lẹpo ji; yé bo na sọ yọnẹn dọ yẹn wẹ OKLUNỌ. 24Ovẹun tlọ́ntlọ́n de ma na sọ tin finẹ hlan owhé Islaeli tọn ba, kavi oun adínọ de sọn mẹhe tin lẹ́do yé depope de, he basi ovlẹ hlan yé lẹ; yé bo na sọ yọnẹn dọ yẹn wẹ OKLUNỌ JIWHEYẸWHE.
25Le wẹ OKLUNỌ Jiwheyẹwhe dọ: Whenuena yẹn na ko bẹ́ owhẹ́ Islaeli tọn pli sọn akọta lẹ mẹ mẹhe ṣẹnṣẹn yè vúnvún yé do lẹ, bo na sọ yín klandowiwe to yé mẹ to nukun akọta lẹ lọ tọn mẹ, whenẹnu wẹ yé na nọ nọ̀ aigba yetọn titi mẹ he yẹn na hlan dẹvi ṣie Jakob. 26Yé na sọ yí tujai do nọ̀ e mẹ; mọwẹ, yé na do ohọ̀ lẹ, bo sọ do vẹ̃ngle lẹ, bo na sọ yí tujai do nọ̀; whenuena yẹn ko hẹn whẹ̀dida lẹ ṣẹ to enẹlẹ he basi ovlẹ na yé lẹpo ji lédo yé pé; yé bo na sọ yọnẹn dọ yẹn wẹ OKLUNỌ Jiwheyẹwhe yetọn.
291TO owhè aotọ mẹ, to osùn aotọ mẹ, to azán wiawetọ osùn lọ tọn mẹ, ohó OKLUNỌ tọn sọ wá dẽ, dọmọ, 2Visunnu gbẹtọ tọn, zé nukunmẹ towe do Falo ahọlu Egipti tọn go, bo dọdọdai do ewọ go, podọ do Egipti lẹpo go: 3dọhó, bo dọmọ, Le wẹ OKLUNỌ JIWHEYẸWHE dọ: Dayi e go, yẹn tin agọ̀ do hiẹ go, Falo ahọlu Egipti tọn, odanawànọ daho he mlọnai to gblagbla otọ̀ etọn lẹ tọn mẹ, he ko dọmọ, Ṣie titi wẹ otọ ṣie, podọ yẹn ko basi i na dẽ. 4Podọ yen na yi omlẹn lẹ do alaka towe lẹ mẹ, yẹn bo na sọ hẹn whèvi otọ́ towe lẹ tọn nado tédo ofió: towe lẹ go; yẹn bo na sọ hẹn hiẹ hẹji wá sọn gblagbla otọ̀ towe lẹ tọn mẹ, po whèvi otọ̀ towe lẹ ton lẹpo po he tẹ́do ofló towe lẹ go. 5Yẹn na sọ jó hie dai zizédlan biọ zùngbo lọ mẹ, hiẹ po whèvi otò towe lẹ tọn lẹpo po; hiẹ na jai do nukunmẹ odangbo lọ tọn ji; hie ma na yín hinhẹn wá plidopọ, kavi bépli gba: yẹn ko jó we na núdùdù hlan gbékanlin aigba tọn lẹ podọ hlan ohó olọn tọn lẹ. 6Tòmenu Egipti tọn lẹpo bo na sọ yọnẹn dọ yẹn wẹ OKLUNỌ, na yé ko yín opo ofán tọn de hlan owhé Islaeli tọn wutu. 7Whenuena yé yí alọ do hẹn ogo we, hiẹ gbà, bo sọ tlẹn abó yetọn lẹ: podọ whenuena yé dé do hiẹ JI, hiẹ gbà, bo sọ hẹn adaja yetọn lẹpo nado to whinwhàn. 8Enẹwutu le wẹ OKLUNỌ Jiwheyẹwhe dọ: Dayi e go, yẹn na hẹn ohi de wá oji we, bo na sán gbẹtọ po gbékanlin po sè sọn hiẹ mẹ. 9Aigba Egipti tọn bo na sọ yín ojẹvó de po ogbògbé dè po; yé bo na sọ yọnẹn dọ yẹn wẹ OKLUNỌ: na ewọ ko dọ wutu dọ, Sie wẹ otò lọ, podọ yẹn wẹ basi i. 10Enẹwutu dayi e go, Yẹn tin agọ́ do hiẹ go, podọ do otọ̀ towe lẹ go, podọ yẹn na sọ hẹn aigba Egipti tọn zùn ogbọ̀gbé patapata de po ojẹvọ́ po, sọn Magdọli mẹ jẹ Siene mẹ, yèdọ podọ jẹ agboji Etiopia tọn. 11Afọ gbẹtọ de tọn ma na gbọn e mẹ wáyì, mọ é mẹ ma na yín ninọ̀ owhè kande. 12Podọ yẹn na sọ hẹn aigba Egipti tọn zùn ojẹvọ́ de to gblagbla otò le lọ tọn mẹ he yín ovọ́jẹ lọ, podọ tòdaho etọn lẹ to tòdaho he yè hẹn gbọ̀gbé lẹ ṣẹnṣẹn na yín ojẹvọ́ de owhè kande: podọ yẹn na sọ vúnvún Egiptinu lẹ to akọta lẹ ṣẹnṣẹn bo na sọ kija yé pé otò lẹ mẹ. 13Na le wẹ OKLUNỌ Jiwheyẹwhe dọ: To opodo owhè kande lẹ tọn wẹ yẹn na bẹ́ Egiptinu lẹ pli sọn akọta lẹ mẹ fiedali yè ko vúnvún yé hlan: 14yẹn bo na sọ vọ́ mẹmẹglọ Egipti tọn hẹnwá, bo na sọ hẹn yé nado lẹ́gọ̀ biọ aigba Patlosi tọn mẹ, biọ aigba ojòtẹn yetọn tọn mẹ; yé bo na sọ tin finẹ ahọludu ovọtó de. 15E na yín ahọludu ovọtó pete tọ́n lẹ; mọ: é ma na sọ zé ede daga to akọta lẹ ji gbède ba: podọ yẹn na sọ hẹn yé whè, bọ yé ma na sọ dugán to akọtá lẹ ta gbède ba. 16Podọ e ma na sọ yín tudonu owhé Islaeli tọn tọn gbède ba, hinhẹn oylanwà wá jẹ oflin mẹ, whenuena yé lé nado pọn yé godo: ye bo na sọ yọnẹn dọ yẹn wẹ OKLUNỌ JIWHEYẸWHE.
17E sọ wá jọ to owhè kòatọ́nnukunawetọ mẹ, to osùn tintan mẹ, toazán tintan osùn lọ tọn me, ohó OKLUNỌ tọn sọ wa dẹ, domọ, 18Visunnu gbẹtọ tọn, Nẹbukadlẹzáli ahọlu Babilọni tọn hẹn awhànfuntọ etọn lẹ nado sèn osinsẹ́n daho de do Tile go: ota lẹpo wẹ yè hẹn zùn pipá, abó lepo we ye sọ hen kinkọn: gãnṣo wẹ ewọ ma tindo azọnkuẹ de, kavi awhànfuntọ etọn lẹ, sọn Tile mẹ, na osinsẹ́n he ewọ ko sẹ̀n do e gò: 19enẹwutu le wẹ OKLUNỌ JIWHEYẸWHE dọ: Dayi e go, yẹn na jó aigba Egipti tọn hlan Nẹbukadlezali ahọlu Babilọni tọn; ewo bo na sọ bó ogégó etọn yí, bo sọ bé ogblannu etọn lẹ, bo sọ lẹ́ àmánanu: eton lẹ; é bo na sọ yín azọ́nkuẹ na awhànfuntọ etọn lẹ. 20Yẹn ko na aigha Egipti tọn ewọ na tuklajẹ etọn ehè ewọ do sọ́n, na yé wàzọ́n na mi wutu, wẹ OKLUNỌ JIWHEYẸWHE dọ.
21To azán nẹ mẹ wẹ yẹn na hẹn azò de nado tónkùn jẹgbonu hlan owhé Islaeli tọn, yẹn bo na sọ na kìkẹ onù tọn de hiẹ to gblagbla yé tọn mẹ; yé bo na sọ yọnẹn dọ yẹn wẹ OKLUNỌ.
301OHÓ OKLUNỌ tọn sọ vọ́ wá dẽ, dọmọ, 2Visunnu gbẹtọ tọn, dọdọdai, bo domọ, Le wẹ OKLUNỌ JIWHEYẸWHE dọ: Mì dohùkuhlu, Dindòn jẹna azán lọ! 3Na azán lọ tin sẹpo, yèdọ azán OKLUNỌ tọn lọ tin sepó, azán àslo lẹ tọn; é na yín ojlẹ okosi lẹ tọn. 4Ohi de na sọ wá Egipti ji, podọ apò na tin to Kusi mẹ, whenuena alántọṣiọ lẹ na jai tò Egipti me; bọ yé na sọ bẹ ógégé etọn lẹ yì, bọ dòdonù etọn lẹ na sọ yín gbigbà liai. 5Kusi po Puti po, po Ludi po, po gbẹtọ oflusọ lẹpo po, po Kubì po, po ovi aigba alẹ̀nù lọ tọn lẹ po, na jai po yé po gbọn ohi lọ dali.
6Le wẹ OKLUNỌ dọ: Yé ga he jlọ Egipti dote na jai, osakla huhlọn etọn tọn na sọ wá odò: sọn Magdọli mẹ jẹ Siene mẹ wẹ yé na jai to e mẹ gbọn ohi lọ dali, wẹ OKLUNỌ JIWHEYẸWHE dọ. 7Yé bo na sọ yín ojẹvó to gblagbla otò he yín ojẹvó lẹ tọn mẹ, podọ tòdaho etọn lẹ na sọ tin to gblagbla tòdaho he yín ogbọ̀gbé lẹ tọn mẹ. 8Yé bo na sọ yọnẹn dọ yẹn wẹ OKLUNỌ, whenuena yẹn ko zé miyọn de do Egipti mẹ, bọ yè sọ gbà alọgọtọ etọn lẹpo. 9To azán nẹ mẹ wẹ mẹdagun lẹ na jẹgbonu yì sọn nukọn ṣie to ohún lẹ mẹ nado hẹn Etiopianu mayínawuvivinọ lẹ savo; apò ná sọ tin to yé ji to finẹ, di to azán Egipti tọn mẹ; na, pọ́n, é ja.
10Le wẹ OKLUNỌ Jiwheyẹwhe dọ: Yẹn na hẹn ogégé Egipti tọn ga nado gbòdò, gbọn alọ Nẹbukadlẹzali ahọlu Babilọni tọn tọn dali. 11Ewọ po omẹ etọn lẹ po po e po, núsisi akọta lẹ tọn wẹ yè na hẹnwá hòmẹ nado và aigba lọ; yé na sọ dòn ohi yetọn lẹ do Egipti ji, bo sọ yi aiántọsiọ lẹ do gó aigba lọ. 12Podọ yẹn na sọ hẹn otọ́ lẹ hú, bo na sọ sà aigba lọ do alọ omẹ ylankan lẹ tọn mẹ; yẹn bo na sọ hẹn aigba lọ zùn ojẹvó, po ogigó etọn po, gbọn alọ ojonọ lẹ tọn dali; yẹn OKLUNỌ ko dọ ẹ.
13Le wẹ OKLUNỌ JIWHEYẸWHE dọ: Yẹn na sọ và vodun lẹ ga, yẹn bo na so hẹn onú ovó tọn lẹ nado gbodò sọn Nọfi mẹ; ahọvi de ma na sọ tin finẹ sọn aigba Egipti tọn mẹ gbède ba. 14Yẹn na sọ hẹn Patlosi zùn ojẹvọ́, bo na sọ zé miyọn de do Zoani mẹ, bo na sọ hẹn whẹ̀dida lẹ sọ to No mẹ. 15Yẹn na sọ kòn homẹwlu ṣie do Sini ji, ofigángán Egipti ton; yẹn bo na sọ sán ogégó No tọn só. 16Yẹn na sọ zé miyọn de do Egipti mẹ; Sini na tin to apó daho mẹ, No na sọ yín gbigbà: Nọfi bo na sọ tindo mẹglatọ lẹ to azán lẹpo gbè. 17Yọpọ sunnu Avẹni tọn lẹ po Pi-besẹti tọn lẹ po na jai gbọn ohi lọ dali: tòdaho helẹ na sọ yì biọ mẹmẹglọ mẹ. 18To Tehafnẹhẹsi ga okle na yín zíndo, whenuena yẹn na gbà oglepònu Egipti tọn lẹ to finẹ, osakla huhlọn etọn tọn bo na sọ gbòdò to ewọ mẹ: na ewọ tọn, aslọ de na ṣinyọn ẹn, viyọnnu etọn lẹ bo na sọ yì biọ mẹmẹglọ mẹ. 19Le wẹ yẹn na hẹn whẹ̀dida lẹ sẹ do to Egipti mẹ; yé bo na sọ yọnẹn dọ yẹn wẹ OKLUNỌ.
20E bo sọ wá jọ to owhè widopotọ mẹ, to osùn tintan mẹ, to azán sinawetọ osùn lọ tọn mẹ, wẹ ohó OKLUNỌ tọn wá dẽ, dọmọ, 21Visunnu gbẹtọ tọn, Yẹn ko wón awà Falo ahọlu Egipti tọn tọn; bo, pọ́n, é ma ko yín bibla nado zán obó azònhẹngbọ tọn lẹ nẹ, nado yí atin de do nado bla ẹ, na é nido yín sinsinyẹn nado hẹn ohi lọ. 22Enẹwutu le wẹ OKLUNỌ JIWHEYẸWHE dọ: Dayi e go, yẹn tin agò do Falo ahọlu Egipti tọn go, bo na wén awà etọn lẹ, sinsinyẹn lẹ lọ, podọ enẹ he yè wón; yẹn bo na sọ hẹn ohi lo nado fie tón sọn alọ etọn mẹ. 23Yẹn bo na sọ vúnvún Egiptinu lẹ to akọta lẹ ṣẹnṣẹn, bo na sọ kija yé gbọn otò lẹmẹ. 24Podọ yẹn na sọ nahuhlọn awà ahọlu Babilọni tọn tọn lẹ, bo sọ yí ohi ṣie do alọ etọn mẹ: ṣigba yẹn na wén awà Falo tọn lẹ, ewọ bo na sọ yí azònwinwón dawe alántọ he pó kúdònù de tọn lẹ do wènazòn to nukọn ẹwọ tọn. 25Podọ yẹn na sọ jlọ awà ahọlu Babilọni tọn tọn lẹ dote, awà Falo tọn lẹ na sọ flẹ jai; yé bo na sọ yọnẹn dọ yẹn wẹ OKLUNỌ, whenuena yẹn na yí ohi ṣie do alọ ahọlu Babilọni tọn tọn mẹ, ewọ bo na sọ dlẹn ẹn tọn do aigba Egipti tọn ji. 26Yẹn bo na sọ vúnvún Egiptinu lẹ to akọta lẹ ṣẹnṣẹn, bo sọ kija yé gbọn otò lẹ mẹ; yé bo na sọ yọnẹn dọ yẹn wẹ OKLUNỌ.
311E sọ wá jọ to owhè widopotọ mẹ, to osùn atọ̀ntọ mẹ, to azán tintan osùn lọ tọn mẹ, wẹ ohó OKLUNỌ tọn wá dẽ, dọmọ, 2Visunnu gbẹtọ tọn, dọ hlan Falo ahọlu Egipti tọn, podọ hlan ogegó etọn dọ; Mẹnu wẹ hiẹ di to kiklo towe mẹ? 3Dayi e go, Asilianu lọ wẹ kedali de to Lẹbanọni mẹ, po alà dagbedagbe lẹ po, po oṣinyọn yẹtẹnnọ de po, po ote agayi de tọn po; adadanu etọn sọ tin to aslọ lẹ ṣẹnṣẹn. 4Osìn lẹ hẹn ewọ wú, odogbó lọ sọ hẹn ewọ nado whén: otò etọn lẹ sà lédo ogle etọn pó; ewọ sọ do tòpẹsẹ etọn lẹ hlan jẹ atin danji tọn lẹpo de. 5Enẹwutu wẹ yè do zé ote etọn daga to atin danji tọn lẹpo ji; yè sọ hẹn alàdaho etọn lẹ sudeji, alàflinflin etọn lẹ sọ lẹzùn ogá gbọn osìn daho lẹ tọn dali, whenuena ewọ hẹn yé tónkùn jẹgbonu. 6Ohè olọn tọn lẹpo basi adó yetọn lẹ to alàdaho etọn lẹ mẹ, podọ to alàflinflin etọn lẹ glọ wẹ gbékanlin danji tọn lẹ nọ hẹn pẹvipẹvi yetọn lẹ jẹgbonu wá, podọ to oyó etọn glọ wẹ akọta lẹpo nọ nò. 7Le wẹ ewọ yín whanpẹnọ to kiklo etọn mẹ, to otedidi alàflinflin etọn lẹ tọn mẹ: na adọ̀ etọn tin gbọn osìn daho lẹ dali. 8Kedali lẹ to ojipa Jiwheyẹwhe tọn mọ ma sọgan whla ewọ gba: atin fili lẹ ma tin jijlẹ do alàdaho etọn lẹ go gba, podọ atin plani lẹ ma tin di alàflinflin etọn lẹ gba; mọ atin depope to ojipa Jiwheyẹwhe tọn mẹ de ma tin jijlẹ do ewọ go to owhanpẹ eton mẹ gba. 9Yẹn hẹn ewọ zùn whanpẹnọ gbọn ogégé alàflinflin etọn lẹ tọn dali: mọ bọ atin Edẹni tọn lẹpo, he tin to ojipa Jiwheyẹwhe tọn mẹ ewọ núvẹunna yé.
10Le wẹ OKLUNỌ JIWHEYẸWHE dọ: Na yè ze hiẹ daga to ote mẹ wutu, podọ ewọ ko zé adadanu etọn do aslọ lẹ ṣẹnṣẹn, bọ yè sọ zé ayiha daga to agayì etọn mẹ; 11yèdọ yẹn na jó ewọ do alọ hlọnhlọnnọ akọta lẹ tọn de tọn mẹ; ewọ na zán hẹ ẹ nugbonugbo: yẹn ko yàn ewọ jẹgbonu na yinylan etọn. 12Podọ ojonọ lẹ, núsisi akọta lẹ tọn, ko sán ewọ sè, bo ko sọ jó ewọ dai: yè hen alàflinflin etọn le fén to osé lẹ ji podọ to agbàdò lẹpo mẹ, podọ yè fén alàdaho etọn lẹpo gbọn osìnwhin aigba lọ tọn lẹpo dali; yè sọ hen akọta aigba tọn lẹpo jẹte yí sọn oyèten etọn mẹ, bo ko sọ jó ewo dai. 13Ohè olọn tọn lepo wẹ nọnọ̀ gbigbasúdo etọn ji, podọ gbekanlin danji tọn lepo na sọ tin to alàflinflin etọn lẹ ji: 14Hlan opòdo dọ depope sọn atin lẹpo mẹ to osìn lẹ dali de zé yéde daga to ote yetọn mẹ blo, mọ zé adadanu yetọn do alàdaho lẹ ṣẹnṣẹn blo, kavi dọ hlọnhlọnnọ yetọn lẹ de sọ site to agayì yetọn mẹ blo, yedọ ehe nọ nù osìn lẹpo: na yé mẹpó wẹ yè jó hlan okú, hlan adà dòdomẹ aigba tọn lẹ, to gblagbla ovi gbẹtọ lẹ tọn tọn lẹ mẹ, he po ye po jẹte yì jẹ odò lọ mẹ lẹ.
15Le wẹ OKLUNỌ JIWHEYẸWHE dọ: To azán mẹ whenuena ewọ jẹte yì jẹ okútòmẹ yẹn hẹn awubibla de jo: yẹn ṣinyọn odogbó lọ na ewọ, yẹn sọ glon otò etọn le, yè sọ hẹn osìn dahodaho lẹ dote: podọ yẹn sọ hẹn Lẹbanọni nado yín oyu, atin danji tọn lepo sọ kusiọ na ewọ 16Yẹn hẹn akọta lẹ whàn na núdidọ aijijẹ etọn tọn, whenuena yẹn zé ewọ dlẹn odò jẹ okútòmẹ po ye he tejẹ biọ odò lọ mẹ po: Yè bo sọ hẹn atin Edẹni tọn lẹpo, sinsinyan po yinyọnpete Lẹbanọni tọn po, ehe nọ nù osìn lẹpo, yín homẹmionno to adà dodòmẹ aigba tọn lẹ mẹ. 17Yé ga jẹte yì biọ okútòmẹ po ewọ pojẹyé heyín alántọsiọ gbọn ohi lọ dali lẹ de; mọwẹ, yé he yín awà etọn, he nọ nò oyẹtẹn etọn glọ to gblagbla akọta lẹ lọ ton mẹ.
18Mẹnu hie tin jijlẹ hlan dole to ogigo mẹ podọ to kiklo mẹ to atin Edeni tọn lẹ ṣẹnṣẹn? gãnṣo hie na yín hinhẹn jẹte wa po atin Edẹni tọn lẹ po jẹ adà dòdòmẹ aigba tọn le lo: hiẹ na mlọnai to gblagbla whẹ̀magbònọ lẹ tọn mẹ, po yé he yín alántọsiọ gbọn ohi lọ dali lẹ po. Ehe wẹ Falo po ogégé etọn lẹpo po, wẹ OKLUNỌ JIWHEYẸWHE dọ.
321E sọ wá jọ to owhè wiawetọ mẹ, to osùn wlẹwetọ mẹ, to azán tintan osùn lọ tọn mẹ, wẹ ohó OKLUNỌ tọn wá dẹ̃, dọmọ, 2Visunnu gbẹto tọn, zé avigbè de daga na Falo ahọlu Egipti tọn, bo sọ dọ hlan ewọ dọ, Hiẹ yín yíyíjlẹ hlan okinmvú akọta lẹ tọn de: gãnṣo hiẹ tin di odanawànọ de to ohù lẹ mẹ; hiẹ sọ gbà jẹgbonu to otò towe lẹ mẹ, bo sọ yí afọ towe lẹ do dotukla osìn lẹ, bo sọ hẹn otò yetọn lẹ wlu. 3Le wẹ OKLUNỌ JIWHEYẸWHE dọ: Yẹn na dlẹn odò ṣie jegbonu do hiẹ ta po ogbó akọta susu tọn de po; yé na sọ hẹn hiẹ hẹji wá to odò ṣie mẹ. 4Yẹn na sọ jó hiẹ dai to aigba lọ ji, yẹn na ze hie dlẹn gbonu to odanji wedédé, bo na sọ hẹn ohè olọn tọn lẹpo nado jè do oji we, yẹn bo na sọ yí hiẹ do pékọna gbékanlin aigba pete lọ tọn lẹ. 5Yẹn na sọ tè agbasalan towe do osé lẹ ji, bo sọ yí owó towe lẹ do gó agbàdò lẹ mẹ. 6Yẹn na sọ yí ohùn towe do húsìn aigba lọ ehemẹ hiẹ to sìnlin te, yèdọ hlan osé le; podọ osìnwhín lẹ na sọ yín gigọ́ na hiẹ. 7Podọ whenuena yẹn na fú hiẹ sè, yẹn na ṣinyọn olọn lọ, bo sọ hẹn sunwhlẹvu etọn lẹ nado blawu; yẹn na yí aslọ de do ṣinyọn owhè, osùn ma na sọ na hinhọ́n etọn gba. 8Hinhọ́n sisó olọn tọn lẹpo wẹ yẹn na hẹn nado blawu to oji we, bo sọ zé zinvlu do aigba towe ji, wẹ OKLUNỌ JIWHEYẸWHE dọ. 9Yẹn na hẹnhomẹgblena ayiha akọta susu tọn, whenuena yẹn na hẹn vivà towe wá to akọta lẹ lọ ṣẹnṣẹn, biọ otò he hiẹ ma ko yọnẹn lẹ mẹ. 10Mowẹ, yẹn na hẹn akọta susu kẹ̀hẹ̃li do ta na we, ahọlu yetọn lẹ bo na sọ yí obudaho do savo na hiẹ tọn, whenuena yẹn na mimí ohi ṣie to yé nukọn; yé na to sisọsisọ whẹwhè, omẹ dopodopo na ogbè etọn titi, to azán aijẹ towe tọn lọ mẹ. 11Na le wẹ Okiunọ JIWHEYẸWHE dọ: Ohi ahọlu Babilọni tọn tọn lọ na wá hiẹ ji. 12Gbọn ohi hlọnhlọnnọ lẹ lọ tọn lẹ dali wẹ yẹn na hẹn ogégé towe nado jai; núsisi akọta lẹ tọn wẹ yé mẹpó: yé bo na sọ gble osakla Egipti tọn, ogógó etọn lepo wẹ yè na sọ vàsúdo. 13Yẹn na và gbékanlin etọn lẹpo ga sọn osìn daho lẹ dali; mọ afọ gbẹtọ tọn ma na dotukla yé gbède ba, mọ ofèn gbékanlin lẹ tọn ma na dotukla yé. 14Whenẹnu wẹ yẹn na hẹn osìn yetọn lẹ nado whiwhé, bo sọ hẹn otọ́ yetọn lẹ nado sà taidi amì, wẹ OKLUNỌ Jiwheyẹwhe dọ: 15Whenuena yen na hẹn aigba Egipti tọn zùn ojẹvọ́ ogbògbé, aigba gbọagba ogigè etọn tọn de, whenuena yẹn na hò yé he nọ nọ̀ e mẹ lẹpo, whenẹnu wẹ yé na yọnẹn dọ yẹn wẹ ỌKLUNỌ. 16Ehe wẹ avigbè he yé na do doavigbè; viyọnnu akọta lẹ tọn lẹ na do doavigbè: na Egipti, podọ ná ogégé etọn lẹpo, wẹ yé na do doavigbè, wẹ OKLUNỌ JIWHEYẸWHE dọ.
17E sọ wá jọ ga to owhè wiavetọ mẹ, to azán fọtọ̀ntọ osùn lọ tọn mẹ, wẹ ohó OKLUNỌ tọn sọ wá dè, dọmọ, 18Visunnu gbẹtọ tọn, doavihàn na ogégé Egipti tọn, bo zé yé dlẹn odò, yèdọ ewọ, po viyọnnu akọta he diyín lẹ tọn lẹ po, jẹ adàdòdòmẹ aigba tọn lẹ, po yé he tejẹ biọ odò lọ mẹ yì lẹ po. 19Mẹnu wẹ húgan to owhanpẹ mẹ? jẹte yì, hiẹ ni bo yín tité do whẹ̀magbònọ lẹ de. 20Yé na jai to gblagbla yé he yín alántọsiọ gbọn ohi lọ dali lẹ tọn mẹ: yè kó dè ohi lọ: dòn ewọ yì po ogégé etọn lẹpo po. 21Mẹsinsinyẹn to hlọnhlọnnọ lẹ ṣẹnṣẹn na dọhó hlan ẹn sọn gblagbla okútòmẹ tọn mẹ po yé he to alọgọ nẹ lẹ po: yè hẹn yé jẹte yì, yé mlọnai abẹ, yèdọ whẹ̀magbònọ lẹ, alántọsiọ lẹ gbọn ohi lọ dali. 22Ásuli tin finẹ po ogbé etọn lẹpo po; oyòdò etọn lẹ tin lédo e pé: popo yé lọn wẹ alántọsiọ, he yè hẹn jai gbọn ohi lọ dali: 23oyòdò mẹhetọn lẹ yè zé do agapete ad, à odó lọ tọn mẹ, podọ ogbó etọn lẹ tin lèdo yòdò etọn pé: popo yé tọn alántọsiọ lẹ he yè hẹn jai gbọn ohi lọ dali, he hẹn núsisi jọ to aigba ogbènọ lẹ; tọn mẹ. 24Elami tin finẹ po ogégé etọn le po lédo oyòdò etọn pó: popo yé tọn alántọsiọ lẹ he yè hẹn jai gbọn ohi lọ dali, he yè hẹn jẹte yì magbowhèna biọ dòdòmẹ adà aigba tọn lẹ mẹ, he hẹn núsisọ jọ to aigba ogbènọ lẹ tọn mẹ, bo ko sọ hẹn owinyan yetọn po yé hẹ tejẹ yì jẹ odò lọ mẹ lẹ po. 25Yé ko zé adọzan de do gblagbla alántọsiọ lẹ tọn mẹ nè po ogégé etọn lẹpo po; oyòdò etọn lẹ tin lédo e pé: popo yé tọn whèmagbonọ alántọsiọ gbọn ohi lọ dali; na yè hẹn núsisi yetọn jọ to aigba ogbènọ le tọn mẹ, yé ko sọ hẹn owinyan yetọn po yé he to tejẹ yì jẹ odò lẹ mẹ lẹ po: yè yí ewọ do gblagbla yé he yín alántọsiọ lẹ tọn mẹ. 26Meseki tin finẹ, Tubalí, po ogégé etọn lẹpo po; oyòdò etọn lẹ tin lèdo e pó: popo yé tọn whẹ̀magbònọ, alántọsiọ gbọn ohi lọ dali; na yé hẹn núsisi yetọn to aigba ogbènọ lẹ tọn mẹ. 27Yé ma ka na mlọnai po hlọnhlọnnọ he yè hẹn jài sọn whẹ̀magbònọ lẹ mẹ, he yè hẹn jẹte yì jẹ okútòmẹ po adanwànú yetọn awhàn tọn lẹ po, bo ko sọ zé ohi yetọn lẹ do ota yetọn lẹ glọ, podọ oylanwà yetọn lẹ tin to ọhú yetọn lẹ ji; na yé wẹ núsisi hlọnhlọnnọ lẹ tọn to aigba ogbènọ lẹ tọn mẹ. 28Ṣigba hiẹ na yín gbigbà to gblagbla whẹ̀magbònọ lẹ tọn mẹ, bo na sọ mlọnai po jó he yín alántọsiọ gbọn ohi lọ dali lẹ po. 29Edọmi tin finẹ, ahọlu etọn lẹ po ahọvi etọn lẹpo po he yè tó na hlọnhlọn yetọn lẹpo po yé he yín alántọsiọ gbọn ohi lọ dali lẹ po; yé na mlọnai po whẹ̀magbònọ lẹ po podọ hẹ yé he tejẹ yì jẹ odò lọ mẹ lẹ. 30Ahọvi: agewaji tọn lẹ tin finẹ, popo yé tọn, po Zìdọninu lẹ po, he yè hẹn jẹte yì po alántọsiọ lẹ po; na núsisi he yé hẹn jọ gbọn hlọnhlọn yetọn dali lẹpo, yè hẹn winyanhù yé; yé sọ mlọnai whẹ̀magbònọ po yé he yín alántọsiọ gbọn ohi lọ dali lẹ po, bo sọ hẹn owinyan yetọn po yé he tejẹ yì jẹ odò lọ mẹ lẹ po. 31Falo na mọ yé bo na sọ yín homẹmiọnnanọ to ogégé etọn lẹpo ji: alántọsiọ wẹ Falo po awhànfuntọ etọn lẹpo po, alántọsiọ gbọn ohi lọ dali, wẹ OKLUNỌ Jiwheyẹwhe dọ. 32Na yẹn ko yí núsisi: ṣie do aigba ogbènọ lẹ tọn mẹ: ewọ na sọ yín titó to gblagbla whẹ̀magbònọ lẹ tọn mẹ, po yé he yín alántọsiọ gbọn ohi lọ dali lẹ po, yèdọ Falo po ogégé etọn lẹpo po, wẹ OKLUNỌ Jiwheyẹwhe dọ.
331OHÓ OKLUNỌ tọn sọ wá dè, dọmọ, 2Visunnu gbẹtọ tọn, dọhó hlan ovi omẹ towe lẹ tọn, bo dọ hlan yé dọ, Whenuena yẹn hẹn ohi lọ wá aigba de ji, eyín omẹ aigba lọ tọn lẹ yí omẹ de sọn yé ṣẹnṣẹn, bo zé ewọ do na hihètọ yetọn: 3eyín, whenuena ewọ mọ yè hẹn ohi lọ ja aigba lọ ji, ewọ kún opèn lọ, bo sọ hẹn gbẹtọ ewlẹ sèavà; 4whenẹnu mẹhe sè ogbè opèn lọ tọn depope, bo ma yí avàsisè, eyín ohi lọ wá, bo yí ewọ yì, ohùn etọn na tin tọ ota ewọ lọsu tọn. 5Ewọ sè ogbè opèn lọ tọn, bo ma yí avàsisè gba, ohùn etọn na tin to e ji: yidomọ eyín ewọ ko yi avàsisè ewọ do ko whlẹn alindọn etọn. 6Ṣigba eyín hihótọ lọ mọ yè hẹn ohi lọ ja, bo ma kún opèn lọ gba, bọ gbẹtọ ewlẹ ma yín hinhẹnsèavà gba, bọ yè hẹn ọhi lọ wá, bo yí gbẹtọ depope sọn yé ṣẹnṣẹn; yè dè ewọ sè na oylanwà etọn, ṣigba ohùn etọn wẹ yẹn na kanbiọ to alọ hihótọ lọ tọn mẹ. 7Mọwẹ hiẹ, visunnu gbẹtọ tọn, yẹn ko zé hiẹ do do ohihọtọ de hlan owhó Islaeli tọn; enẹwutu sè ohó to onù ṣie, bo na hinhẹnsèavà yé sọn yẹn de. 8Whenuena yẹn dọ hlan mẹylankan lọ dọ, hiẹ omẹ ylankan E, hiẹ na kú nugbonugbo, bọ hiẹ ma dọhó nado hẹn meylankan lọ sèavà, sọn aliho etọn mẹ gba, ome ylankan nẹ na kú na oylanwà etọn, ṣigba ohùn etọn wẹ yẹn na kanbiọ to alọ towe mẹ 9Adavo, eyín hie hẹn mẹylankan lọ sèavà aliho etọn tọn nado ló sọn e mẹ, bọ ewọ ma sọ lé sọn aliho etọn mẹ gba; ewọ na kú na oylanwa: etọn, ṣigba hiẹ ko whlẹn alindọn towe.
10Podọ hiẹ, visunnu gbẹtọ tọn, dọ hlan owhe Islaeli tọn dọ: Le we mìwlẹ to didọ, dọmọ, Nugbonugbo osénmẹjijẹ mítọn lẹ po ylando mítọn lẹ po tin to mí ji, míwlẹ sọ to kangble yì na yé; nawẹ míwlẹ do nọgbè do lò? 11Dọ hlan yé dọ, Le yẹn togbè, wẹ OKLUNỌ JIWHEYẸWHE dọ, Yẹn ma tindo homẹhùn de to okú mẹylankan tọn mẹ gba, adavo dọ me-ylankan lọ ni lẹ́ sọn aliho etọn mẹ bo nọgbè: mì ló, mì lé sọn aliho ylankan mitọn lẹ mẹ; na etẹwutu we mì na kú, mì owhé Islaeli tọn emi? 12Podọ hiẹ, visunnu gbẹtọ tọn, dọ hlan ovi omẹ towe lẹ tọn lẹ dọ, Dódó dódónọ tọn ma na whlẹn ewọ to azán osénmẹjijẹ etọn tọn mẹ gba: podọ na kanyinylan mẹylẹnkan tọn tọn, ewọ ma na jai gbọn e dali to azán he mẹ ewọ lé sọn kanyinylan etọn mẹ gba: mọ ewọ he yín dódónọ ma na tin sọgan nọgbè gbọn e dali to azán he mẹ ewọ waylando te gba. 13Whenuena yẹn dọ hlan dódónọ, dọ ewọ na kú nugbonugbo; eyín ewọ dotudo dódó etọn go, bo sọ wà oylanwà, depope sọn owàlọ dódónọ etọn lẹ mẹ ma na yín finflin gba; ṣigba na oylanwà etọn he ewọ ko wà ewọ na kú nẹ̃. 14Podọ, whenuena yẹn sọ dọ hlan mẹylankan, dọ, Hiẹ na kú nugbonugbo; eyín ewọ lé sọn ylando etọn mẹ, bo basi whẹ̀dida po dódó po; 15eyín mẹylankan lọ gò ogòdènú lọ jó, sọ jó ehe ewọ ko yí gbọn fìnfìn dali, zinzọnlin oséndoai ogbẹ tọn lẹ mẹ, ma sọ to oylanwà de wà; ewọ na nọgbè Dugbonugbo, ewọ ma na kú gba. 16Depope sọn ylando etọn he ewọ ko wà mẹ ma na yín finflin do ewọ go gba: ewọ ko wà ehe yín osénnú po ojlọjẹ po; ewọ na nọgbè nugbonugbo. 17Gànẹo ovi omẹ ṣie lẹ tọn lẹ to didọ, dọmọ, Aliho OKLUNỌ tọn ma yín jijlọ gba: ṣigba na yéwlẹ tọn, aliho yetọn ma yín jijlọ. 18Whenuena dódónọ ló sọn dódó etọn mẹ, bo wà oylanwà, yèdọ ewọ na kú na yé. 19Podọ whenuena mẹylankan ló sọn kanyinylan etọn mẹ, bo sọ wà ehe yín oséúnú po ojlọjẹ po, ewọ na nọgbè gbọn e dali. 20Gãnṣo mìwlẹ to didọmọ, Aliho OKLUNỌ tọn ma yín jijlọ gba. Mì owhé Islaeli tọn emi, yen na dawhèna mì omẹ dopodopo kẹdẹdi aliho etọn lẹ.
21E sọ wá jọ to owhè wlawetọ mẹmẹglọ mítọn tọn mẹ, to osùn aotọ mẹ, to azán atọ̀ntọ osùn lọ tọn mẹ, wẹ omẹ he ko hòngán sọn Jelusalẹm mẹ de wá dẽ, dọmọ, Yè hò tòdaho lọ. 22Dinvie alọ OKLUNỌ tọn ko tin to oji e to whèjai lọ mẹ, whépo ewọ he yè hẹn hòngán lọ do wá; é ko hùn onù ṣie kaka ewọ do wá dẽ to afọnnu lọ mẹ; yè sọ hẹn onù ṣie hùn, yẹn ma sọ yín unbọpẹn ba. 23Ohó OKLUNỌ tọn sọ wá dẹ̃, dọmọ, 24Visunnu gbẹtọ tọn, yé he nọnọ̀ otẹn ogbògbé nẹlẹ mẹ to aigba Islaeli tọn mẹ lẹ dọhó, dọmọ, Dopo wẹ Ablaham, ewọ bo sọ yí aigba lọ do dùgú: ṣigba susu wẹ míwlẹ; yè sọ na aigba lọ mí na ogú. 25Enẹwutu dọ hlan yé dọ, Le wẹ OKLUNỌ JIWHEYẸWHE dọ, Míwlẹ to dùdù po ohùn po, bo sọ zé nukun mìtọn lẹ daga hlan vodun mìtọn lẹ, bo sọ kòn ohùn: bó míwlẹ na yí aigba lọ na nutindo wọ? 26Míwlẹ site to ohi mìtọn ji, mì to osùnú zónwà, míwlẹ omẹ dopodopo sọ to asi kọmẹnu etọn tọn flu: bó míwlẹ na yí aigba lọ na nutindo wẹ? 27Le wẹ hiẹ na dọ hlan yé, Le wẹ OKLUNỌ JIWHEYẸWHE dọ: Le yẹn togbè, nugbonugbo yé he tin to otẹn ogbògbé lẹ lọ mẹ lẹ na jai gbọn ohi lọ dali, podọ ewọ he tin to odan wédéde ji wẹ yẹn na jó hlan gbékanlin lẹ nado yín vivàsúdo, podọ yé he sọ tin to ofigángán lẹ mẹ lẹ podọ to oséslo lẹ mẹ na kú na azònylankan lọ. 28Yẹn bo na sọ hẹn aigba lọ zùn ojẹvọ de po awujinu de po, osakla huhlọn etọn tọn bo na sọ gbòdò; podọ osé Islaeli tọn lẹ na sọ yín ovọ́jẹ, bọ mẹde ma na jugbọn e mẹ. 29Whenẹnu wẹ ye na yọnẹn dọ yẹn wẹ OKLUNỌ, whenuena yẹn ko hẹn aigba lọ zùn ojẹvó de po awujinú de po, na osùnú yetọn he yé ko wà lẹpo tọn wutu. 30Podọ na hiẹ tọn, visunnu gbẹtọ tọn, ovi omẹ towe lẹ tọn lẹ to ohó hiẹ tọn dọ to adó lẹ go podọ to ohòn ohò lẹ tọn lẹ mẹ, bo to hódọ omẹde hlan meawetọ, omẹ dopodopo hlan nọvisunnu etọn, dọmọ, Yẹn vó we, wá, bo sọ sè núhe ohó he jẹgbonu sọn OKLUNỌ de wá lọ yín. 31Yé bo sọ wá de we le gbẹtọ lẹ nọ wá do, yé sọ sinai to nukọn towe di omẹ ṣie lẹ, yé sọ sè ohó towe lẹ, ṣigba ma basi yé gba: na onù yetọn wẹ yé yí do do owanyi hia, ṣigba ayiha yetọn yì hodo ale yetọn. 32Bo, pọ́n, hiẹ tin hlan yé di ohàn owanyi omẹ he tindo ogbè jlomẹ tọn de, bo sọ sọgan hò to anàzón de ji dagbedagbe: na yé sè ohó towe lẹ ṣigba yé ma wà yé gba. 33Podọ whenuena ehe wá jọ, (dayi e go, é ja,) whenẹnu wẹ yé na yọnẹn dọ yẹwhegán de ko tin to yé ṣẹnṣẹn.
341OHÓ OKLUNỌ tọn sọ wá dẽ, dọmọ, 2Visunnu gbẹtọ tọn, dọdọdai do lẹngbọhótọ Islaeli tọn lẹ go, dọdọdai, bo dọ hlan yé, yèdọ hlan lẹngbọhótọ lọ dọ, Le wẹ OKLUNỌ JIWHEYẸWHE dọ: Dindọn hlan lẹngbọhótọ Islaeli tọn, he to yéde yìn lẹl bó lẹngbọhótọ lẹ ma do yìn lẹngbọ lẹ lọ? 3Míwlẹ dù ojó, míwlẹ yí ofún do ṣinyọnavọ̀, mì hù winyanwinyan lẹ; ṣigba mì ma yìn lẹngbọ lẹ lọ gba. 4Mì ma ko nahuhlọn awutunọ lẹ gba, mọ mì ma ko sọ hẹnazọ̀ngbọna ehe jelànmẹzòn lẹ gba, mọ mì ma ko bla ehe yè wén gba, mọ mì ma ko sọ hẹn enẹ he yè yàn yì wá gba, mọ mì ma ko din enẹ he yè hẹnbu gba; ṣigba huhlọn po fifiẹ po wẹ mì ko do dùgán to yé ji. 5Yè sọ vúnvún yé, na lẹngbọhótọ de ma tin wutu: yé bo sọ lẹzùn núdùdù hlan gbékanlin danji tọn lẹpo, yè bo sọ vúnvún yé. 6Lẹngbọ ṣie lẹ to dindanbu gbọn osé lẹpo ji pó, podọ to okọta lẹpo ji: mọwẹ, yè vúnvún lẹngbọ ṣie lẹ to nukunmẹ aigba tọn lẹpo ji; mẹde ma sọ tin finẹ he din yé mọ kavi dinyì to yé godo gba. 7Enẹwutu mì lẹngbọhótọ emi, mì sè ohó OKLUNỌ tọn: 8Le yẹn togbẹ̀, OKLUNỌ JIWHEYẸWHE dọ, nugbonugbo sọle lẹngbọ ṣie lẹ lẹzùn àmánanú de, bọ lẹngbọ ṣie lẹ sọ lẹzùn núdùdù hlan gbékanlin danji tọn lẹ, na lẹngbohotọ de ma tin finẹ wutu, mọ lẹngbọhotọ ṣie lẹ ma dinmọ na lẹngbọ ṣie lẹ gba, ṣigba lẹngbọhótọ lẹ to yóde yìn, bo ma yìn lẹngbọ ṣie lẹ gba; 9Enẹwutu, mì lẹngbọhótọ emi, mì sè ohó OKLUNỌ tọn; 10le wẹ OKLUNỌ Jiwheyẹwhe dọ: Dayi e go, yẹn tin agò do lẹngbọhótọ lẹ go; yẹn na sọ kan lẹngbọ ṣie lẹ biọ to àlọ yetọn mẹ, bo sọ hẹn yé nado doalọte sọn lẹngbọ lẹ lọ yìnyin mẹ; mọ lẹngbọhótọ lẹ lọ ma na sọ yìn yéde ba; yẹn bo na sọ dè lẹngbọ ṣie lẹ sọn onù yetọn mẹ, na yé ma na sọ do yín núdùdù na yé gba. 11Na le wẹ OKLUNỌ Jiwheyẹwhe dọ: Dayi e go, Yẹn lọsu, yèdọ Yẹn, na din lẹngbọ ṣie lẹ mọ, bo sọ din yé yì. 12Le lẹngbọhotọ de nọ din lẹngbọpa etọn yì do to azán he mẹ ewọ tin to lẹngbọ etọn he yè hẹn vúnvún pó lẹ ṣẹnṣẹn, mọwẹ yẹn na din lẹngbọ ṣie lẹ ji do; yẹn bo na sọ whlẹn yé sọn otẹn fiedali yè ko vúnvún yé hlan lẹpo mẹ to azán aslọ lẹ tọn mẹ po zinvlu tlitli po. 13Yẹn bo na sọ hẹn yé tón sọn akọta lẹ mẹ, bo sọ sinyan yé sọn otò lẹ mẹ, bo na sọ hẹn yé wá biọ aigba yetọn titi mẹ; yẹn bo na sọ yìn yé to osé Islaeli tọn lẹ ji, to osìnwhin lẹ kòn, podọ to otẹn ninò otò tọn lẹpo mẹ. 14Yẹn bo na sọ yí kanlinmadùdù dagbedagbe do yìn yé, podọ to osé yìaga Islaeli tọn lẹ ji wẹ apó yetọn na te: finẹ wẹ yé na mlọnai do to apó dagbedagbe de mẹ, podọ kanlinmadùdù jónọ wẹ yé na nọ dù to osé Islaeli tọn lẹ ji. 15Yẹn lọsu wẹ na dọ yìn lẹngbọ ṣie lẹ, yẹn bo na sọ hẹn yé nado mlọnai, wẹ OKLUNỌ Jiwheyẹwhe dọ. 16Yẹn bo na sọ din enẹ he yè hẹn bú yì, bo sọ vó enẹ he yè yàn yì hẹnwá, bo na sọ bla enẹ he yè wén, bo sọ nahuhlọn enẹ he yín awutuzònnọ: ojónọ po huhlọnnọ lẹ po wẹ yẹn na súdo; yẹn na yìn yé to whẹ̀dida mẹ. 17Podọ na mìlẹ tọn, hiẹ lẹngbọpa ṣie E, le wẹ OKLUNỌ Jiwheyẹwhe dọ: Dayi e go, yẹn to whẹ̀da to kanlinpa po kanlinpa po ṣẹnṣẹn, na agbò lẹ di alúnkùn lẹ 18E sọáwuhia onú pẹvi de hlan mìwlẹ nado ko dù kanlinmadùdù dagbedagbe, adavo mìwlẹ yí afọ mìtọn lẹ do zín pipòtọ kanlinmadùdù mìtọn tọn? podọ nado ko nù sọn osìn didi lẹ mẹ, adavo míwlẹ yí afọ mìtọn lẹ do wlu pipòtọ lọ? 19Podọ na lẹngbọ ṣie lẹ tọn, enẹ he mìwlẹ ko yí afọ mìtọn lẹ do zín wẹ yé to dùdù, podọ enẹ he mìwlẹ ko yí afọ mìtọn lẹ do wlu wẹ yé to nùnù.
20Enẹwutu le wẹ OKLUNỌ JIWHEYẸWHE dọ hlan yé: Dayi e go, Yẹn, yèdọ Yẹn, na dawhè to kanlinpa agbasagbónọ lẹ po kanlinpa agbasawhiwhenọ lẹ po ṣẹnṣẹn 21Na mìwlẹ yí adaja po abó po do tùn wutu, bo sọ yí azò mìtọn lẹ do sisó awutunọ lẹpo, kaka mìwlẹ ko do vúnvún yé pó; 22enẹwutu wẹ yẹn na whlẹn lẹngbọ ṣie lẹ, bọ yé ma na sọ yín àmananú de ba gba; yen bo na so dawhẹ̀ to kanlinpa po kanlinpa po ṣẹnṣẹn. 23Yẹn bo na sọ zé lẹngbọhọtọ dopo daga do yé ji, ewọ na sọ nọ yìn yé, yèdọ devi ṣie Davidi; ewọ na nọ yìn yé, ewọ bo na sọ yin lẹngbọhọ́tọ yetọn. 24Yẹn OKLUNỌ bo na sọ yín Jiwheyẹwhe yetọn, podọ devi ṣie Davidi ahọvi to yé ṣẹnṣẹn; Yẹn OKLUNỌ ko dọ ẹ. 25Yẹn bo na sọ basi alẹ̀nù jijọho ton de po yé po, bo sọ hẹn gbékanlin ylankan lẹ nado gbòdò sọn aigba lọ mẹ: yé bo na sọ yí avọ̀masa do nò zùngbo lo mẹ, bo sọ damlọn to atin lẹ mẹ. 26Yẹn na sọ hẹn yéwlẹ po otẹn he lédo okọta ṣie lọ lẹ po zùn odona de; yẹn bo na sọ nọ hẹn jikunfinfán jẹte wá to osã etọn mẹ; jikunfìnfán odona tọn lẹ na tin to fine. 27Atin danji tọn lọ na nọ jó osinsẹ́n etọn, podọ aigba lọ na sọ nọ jó ojideji etọn, yé bo na sọ yín masavonọ to aigba yetọn mẹ; yé bo na sọ yọnẹn dọ yẹn wẹ OKLUNỌ, whenuena yẹn ko wén opatin oglepònú yetọn tọn lẹ, bo ko sọ whlẹn ye sọn alọ enẹlẹ he hẹn yé zùn mẹmẹglọ tọn mẹ. 28Podọ yé ma sọ to na yín àmánanú de hlan okosi lẹ ba gba, mọ gbékanlin aigba tọn lọ ma na sọ và yé súdo gba; ṣigba yé na yí avọ̀masa do nọ nò, podọ mẹde ma na sọ hẹn yé savo gba. 29Podọ yẹn na sọ zé atindido de daga hlan yé na oyíndi, bọ yè ma na sọ yí ohùvó do bó yé yì to aigba lọ mẹ gbède ba, kavi hẹn owinyan okosi lẹ tọn gbèdegbède ba gba. 30Yé bo na sọ yọnẹn dọ yen OKLUNỌ Jiwheyẹwhe yetọn tin po yé po, podọ yewlẹ, owhé Islaeli tọn lọ, yín omẹ ṣie lẹ, wẹ Okluno JIWHEYẸWHE dọ. 31Podọ mì lẹngbọ ṣie lẹ, lẹngbọ kanlindùgbo ṣie tọn lẹ, wẹ gbẹtọ lẹ, podọ yen wẹ Jiwheyẹwhe yetọn, wẹ OKLUNỌ JIWHEYẸWHE dọ.
351HUMỌ ohó OKLUNỌ tọn sọ wá dẽ, dọmọ, 2Visunnu gbẹtọ tọn, zé nukunmẹ towe do osé Seili gó, bo dọdọdai do e go, 3bo dọ hlan ẹn dọ, Le wẹ OKLUNỌ Jiwheyẹwhe dọ: Dayi e go, Yẹn tin agò do ogo we, hiẹ osé Seili È, podọ yẹn na dlẹn alọ ṣie jẹgbonu do ogo we, yẹn bo na sọ hẹn hiẹ zùn ojẹvó de po awujinú de po. 4Yẹn na hẹn tòdaho towe lẹ zùn ogbògbé, hiẹ bo na sọ yín ojẹvó; hiẹ bo na sọ yọnen dọ yen wẹ OKLUNỌ. 5Na hiẹ ko tindo okèn mapote de wutu, bo ko sọ jó ovi Islaeli tọn lẹ do hlan huhlọn ohi lọ tọn to ojlẹ oflu yetọn tọn mẹ, to ojlẹ oya opòdo tọn lọ tọn mẹ: 6enẹwutu, le yẹn togbè, wẹ OKLUNỌ Jiwheyẹwhe dọ, yẹn na wleawuna we hlan ohùn, ohùn bo na sọ domọna we: mimọ hiẹ ma gbẹwanna ohùn, enẹwutu ohùn na domọna we. 7Le wẹ yẹn na hen osé Seili zùn awujinú de po ojẹvó de po; yẹn bo na sọ sán sẹ̀ sọn e mẹ ewọ he dayi po ewọ he lẹ́gọ̀ po. 8Yẹn bo na sọ yí alántọsiọ lẹ do gó osé etọn lẹ: to okota towe lẹ mẹ podọ to agbàdo towe lẹ mẹ to òsìnwhìn towe lẹ mẹ wẹ yé he yín alántọsiọ lẹ na jai te po ohi lọ po. 9Yẹn na hẹn we zùn ojẹvó mapòte lẹ, podọ tòdaho towe lẹ ma na yín ninò e mẹ: mìwlẹ bo na sọ yọnẹn dọ yẹn wẹ OKLUNỌ. 10Na hiẹ ko dọ wutu dọ, Akọta awe helẹ po otò awe helẹ po na yín ṣie, míwlẹ bo na sọ yí i na nutindo; yín OKLUNỌ tlẹ tin to finẹ: 11enẹwutu, le yẹn togbè, wẹ OKLUNỌ Jiwheyẹwhe dọ, yen na wà kẹdedi adi ṣie, podọ kẹdẹdi núvẹun he hie ko dohia sọn wangbénamẹ towe mẹ do yé gò; yẹn bo na sọ hen dẹ̃ zùn yinyọnen to yé ṣẹnṣẹn, kẹdẹdi le yẹn na dawhẹ̀na we do. 12Hiẹ bo na sọ yọnẹn dọ yẹn wẹ OKLUNỌ; yẹn ko sè núzinzán towe lẹpo he hiẹ ko dọ do osé Islaeli tọn lẹ go, dọmọ, yè hen ẹn zùn ovójẹ, yè na yé mi nado dùsúdo. 13Míwlẹ ko sọ yí onù mìtọn do jlayínna míde do oji e, bo ko sọ hẹn ohó mìtọn le sùdeji do oji e: Yẹn ko sè e. 14Le wẹ OKLUNỌ Jiwheyẹwhe dọ: Whenuena aigba pete to ayajẹ, yẹn na hẹn hie zùn ovójẹ. 15Diìe hiẹ jaya to ogú owhó Islaeli tọn lọ tọn ji do, na é yín ovọ́jẹ wutu, mọwẹ yẹn na wà hlan hiẹ do: hiẹ na yín ovójọ, hiẹ osé Seili E, po Edọmi lẹpo po, yèdọ popo e tọn: yé bo na sọ yọnẹn dọ yẹn wẹ OKLUNỌ.
361PODỌ hiẹ, visunnu gbẹtọ tọn, dọdọdai hlan osé Islaeli tọn lẹ, bo dọmọ, Mì osé Islaeli tọn emi, sè ohó OKLUNỌ tọn. 2Le wẹ OKLUNỌ Jiwheyẹwhe dọ: Na okẹ̀ntọ lọ ko dọ do mì go wutu dọ, Aha podọ, otẹn yìaga hóhó lẹ wẹ mítọn to nutindo me: 3enẹwutu dọdọdai, bo dọ, Le wẹ OKLUNỌ Jiwheyẹwhe dọ: Na, yèdọ na yé ko hẹn mì zùn ovọ́jẹ wutu, bo zé mì mì to awà lẹpo ji, na mì nido yín nutindo de hlan pipòtọ akọta lẹ tọn, bọ yè sọ bé mì to nùfio hódọtọ lẹ tọn lẹ mẹ, po hẹnwádọ ylankan gbẹtọ lẹ tọn po: 4enẹwutu, mì osé Islaeli tọn emi, mì sè ohó OKLUNỌ Jiwheyẹwhe tọn: Le wẹ OKLUNỌ Jiwheyẹwhe dọ hlan osé lẹ podọ hlan ókota lẹ, hlan osìnwhin lẹ podọ hlan agbàdo lẹ, hlan ogbògbé ojẹvọ́ lẹ podọ hlan tòdaho he yè gbódai lẹ, he tin lẹzùn àmánanú de po avledanú po hlan pipòtọ akọta he tin lódo lẹ tọn: 5Enẹwutu le wẹ OKLUNỌ Jiwheyẹwhe dọ: nugbonugbo to miyọn awuwhàn ṣie tọn mẹ wẹ yẹn ko dọhó do pipotọ akọta lẹ lọ tọn go, podọ do Edọmi lẹpo go, he ko dè aigba ṣie hlan yéde na nútindo de po ayajẹ ayiha yetọn lẹpo tọn po, po ovlẹ alindọn tọn po, nado dlẹn ẹn do gbonu na àmánanú de: 6enẹwutu dọdọdai gbọn aigba Islaeli tọn tọn dali, bo dọ hlan osé lẹ podọ hlan okọta lẹ, hlan osìnwhin lẹ podọ hlan agbàdo lẹ, Le wẹ OKLUNỌ Jiwheyẹwhe dọ: Dayi e go, yẹn ko dọhó to awuwhàn ṣie mẹ podọ to homẹwlu ṣie mẹ, na mìwlẹ ko hẹn owinyan okosi lẹ tọn wutu: 7enẹwutu le wẹ OKLUNỌ Jiwheyẹwhe dọ: Yẹn ko zé alọ ṣie daga, dọmọ, Nugbonugbo okosi he tin lédo mì lẹ, yé na hẹn owinyan yetọn. 8Ṣigba mì, osé Islaeli tọn lẹ emi, mìwlẹ na tlón alà mìtọn lẹ jẹgbonu, bo sọ jó osinsẹ́n mìtọn lẹ hlan Islaeli omẹ ṣie lẹ; na yé tin yakẹ nado wá. 9Na, dayi e go, yẹn tin na mìwlẹ, podọ yẹn na ló hlan mì de, mìwlẹ na sọ yín pipó po dido po: 10podọ yẹn na hẹn gbẹtọ lẹ jideji to mì ji, owhé Islaeli tọn lẹpo; yèdọ popo e tọn; tòdaho lẹ mẹ bo na sọ yín ninó, otẹn gbògbó lẹ bo na sọ yín dido: 11yẹn bo na sọ hẹn gbẹtọ po gbékanlin po jideji to mì ji; yé na sọ sudeji bo yín sinsẹ́nnọ: yẹn bo na sọ hẹn mì mẹ yín ninò kẹdẹdi otẹn mìtọn nukọntọn, bo na sọ wà dagbe hlan mì hú to ṣaunṣaun whenu mìtọn lẹ: mìwlẹ bo na sọ yọnẹn dọ yẹn wẹ OKLUNỌ. 12Mowẹ, yẹn na hẹn gbẹtọ lẹ nado zinzọnlin to mì jì, yèdọ Islaeli omẹ ṣie lẹ: yé na sọ yí we na nutindo, hiẹ na sọ yín ogú yetọn, podọ hiẹ sọn dinvieyì ma na sọ fò ovi yetọn lẹ yì ba. 13Le wẹ OKLUNỌ JIWHEYẸWHE dọ: Na yé dọ hlan mì wutu dọ, Hiẹ aigba wẹ vàsúdotọ gbẹtọ lẹ tọn de, bo ko sọ yín fifọyìtọ akọta towe lẹ tọn de; 14enẹwutu hiẹ ma na sọ và omẹ súdo gbède ba, kavi hẹn akọta towe lẹ nado mùsà gba, wọ OKLUNỌ JIWHEYẸWHE dọ; 15mọ yẹn ma na sọ dike hiẹ ni sè owinyan okosi lẹ tọn depope ba, mọ hiẹ ma sọ to ovlẹ akọta lẹ tọn na hẹn gbède ba, mọ hiẹ ma na sọ hẹn akọta towe lẹ nado mùsà gbède ba, wẹ OKLUNỌ JIWHEYẸWHE dọ.
16Humọ ohó OKLUNỌ tọn sọ wá dó, dọmọ, 17Visunnu gbẹtọ tọn, whenuena ovi Islaeli tọn nọ nò aigba yetọn titi mẹ, yé flu i gbọn aliho yetọn lẹ dali podọ gbọn wiwà yetọn lẹ dali: aliho yetọn to nukọn ṣie tin di omawé yọnnu de tọn to olájẹ etọn mẹ. 18Enẹwutu wẹ yẹn kòn homẹwlu sìe jẹgbonu do yé ji na ohùn he yé ko kòn jẹgbonu to aigba lọ ji, podọ yé ko yí vodun yetọn lẹ do flu i wutu: 19yẹn bo sọ vúnvún yé to akọta lẹ ṣẹnṣẹn; yè sọ kija yé gbọn otò lẹ mẹ: kẹdẹdi aliho yetọn podọ kẹdẹdi wiwà yetọn lẹ wẹ yẹn do dawhóna yé. 20Podọ whenuena yé wá jẹ akọta lẹ dè, fiedali ye yì, yé flu oyín wiwe ṣie; to ehe mẹ gbẹtọ le dọ na yé tọn dọ, Ehelẹ wẹ omẹ OKLUNỌ tọn lẹ, bọ yè hẹn jẹgbonu yì sọn aigba etọn mẹ. 21Ṣigba yẹn tindo awubla na oyín ṣie, he owhó Islaeli tọn flu to akọta lẹ ṣẹnṣẹn, fiedali yé yò. 22Enẹwutu dọ hlan owhé Islaeli tọn, Le wẹ OKLUNỌ JIWHEYẸWHE dọ: Yẹn ma wà ehe na mìtọn wutu gba, hiẹ owhé Islaeli tọn È, adavo na oyín ṣie, he mì flu to akọta lẹ ṣẹnṣẹn, fiedali mì yì. 23Yẹn bo na sọ klan oyín daho ṣie do wiwe, he yè ko flu to akọta lẹ ṣẹnṣẹn, he mìwlẹ ko flu to gblagbla yé tọn mẹ; akọta lẹ bo na sọ yọnẹn dọ yẹn wẹ OKLUNỌ, wẹ OKLUNỌ JIWHEYẸWHE dọ, whenuena yè na klan mì do wiwe to mí mẹ to nukun yetọn lẹ nukọn. 24Na yẹn na dè mì sọn akọta lẹ ṣẹnṣẹn, bo sọ sinyan mì sọn otò lẹ mẹ, bo hẹn mì wá biọ aigba mìtọn titi mẹ. 25Yẹn bo na sọ mì osìn didi do mì ji, mìwlẹ na sọ yín wiwe: odihó mìtọn lẹpo mẹ podọ vodun mìtọn lẹpo mẹ, wẹ yẹn na lè mì wé sọn. 26Ayiha yọ́yọ́ de ga wẹ yẹn na na mìwlẹ, podọ gbigbọ yọyọ́ de wẹ yẹn na yí do mì homẹ: yẹn bo na sọ dè ayiba zannu tọn sẹ̀ sọn agbasalan mìtọn mẹ, yẹn bo na sọ na ayiha agbasalan tọn de mì. 27Yen bo na sọ yí gbigbọ ṣie do mì homẹ, bo sọ bẹn mì nado nọ zinzọnlin to osẹ́ndoai ṣie lẹ mẹ, mìwlẹ bo na sọ yìn whẹ̀dida ṣie lẹ bo sọ nọ basi yé. 28Mìwlẹ bo na so nọ nò aigba lọ mẹ he yẹn na hlan otọ́ mìtọn lẹ; mìwlẹ na sọ yín omẹ ṣie yẹn bo na sọ yín Jiwheyẹwhe mìton. 29Yẹn bo na sọ whlẹn mì sọn omawe mìtọn lẹpo mẹ yẹn bo na sọ ylọ na ogbadó, bo sọ hẹn ẹn jideji, bo ma so zé ohùvé de do mì jí gba 30Podo yẹn na sọ hẹn osinsẹ́n atin lọ tọn jideji, po sudeji danji tọn po, na mì ma na do mọ ovlẹ ohùvé tọn yí to akọta lẹ mẹ ba gba. 31Whenẹnu wẹ mì na flin aliho ylankan mìtọn lẹ, po wiwà mìtọn he ma yín dagbe lẹ po; mìwlẹ na so gbẹwanna míde to nukun mì lọsu ton mẹ na oylanwà mìtọn lẹ podọ na ọsùnú mìtọn lẹ. 32Na mìtọn wutu ma wẹ yẹn wà ehe gba, wẹ OKLUNỌ Jiwheyẹvhe dọ, é ni yín yínyonẹn hlan mì mì yín winyannọ po oflunọ po na aliho mìton le, mì owhé Islaeli tọn emi. 33Le wẹ OKLUNỌ Jiwheyẹwhe dọ: To azán he gbè yẹn lè mì wé sọn oylanwà mìtọn lẹpo mẹ, yẹn na hẹn tòdaho lẹ mẹ nado yín ninọ̀ yè bo na sọ do otẹn ogbọ̀gbé lẹ. 34Podọ aigba he yín ovọ́jẹ na yin pipò, sọle é yín ojẹvọ́ de do to nukun yé he jujei lẹpo tọn mẹ. 35Yé bo na sọ domọ, Aigba hẹ he yín ovọ́jẹ tin lẹzun taidi ojipa Edẹni tọn; podọ tòdaho ogbògbé lọ ovójẹ gbigbà le yínsúsú podọ ninọ e mẹ. 36Whenẹnu akọta he yè pòdai lédo mì pé le na yọnẹn dọ yẹn OKLUNỌ ko do otẹn gbigbà lẹ, bo sọ do enẹ he yín ovójẹ. Yẹn OKLUNỌ ko dọ ẹ, yẹn bo na sọ basi i.
37Whenẹnu wẹ Okluno Jiwheyẹwhe dọmọ: Na ehe humo wẹ yẹn na yín kinkanbiọ sọn e de gbọn owhé Islaeli tọn dali, nado basi i na yé; yẹn na yí gbẹtọ do hẹn ye sudeji taidi lẹngbọpa de. 38Di lẹngbopa onú wiwe lẹ tọn, di lengbọpa Jelusalẹm tọn to hùnwhẹ didè etọn lẹ mẹ; mọwẹ yè na yí lẹngbọpa gbẹtọ lẹ tọn lẹ do gọ̀ tòdaho ogbọgbe le: yé bo na sọ yọnẹn dọ yẹn wẹ OKLUNỌ.
371ALỌ OKLUNỌ tọn tin to oji e, é sọ hẹn mi tòn yì to gbigbọ OKLUNỌ tọn mẹ, bo ze mi do gblagbla agbado lọ tọn mẹ; é tin gọ̀ na ohú le; 2é bo sọ hẹn mi nado gbọn ye mẹ lẹ́do pé: bo dayi e go, susu talala wẹ to fine to nukunmẹ agbàdo lọ tọn ji; bo pon, húhú talala wẹ yé. 3Ewọ sọ dọ hlan mi dọ, Visunnu gbẹtọ tọn, ohú helẹ sọgan sọ nọgbẹ̀? Yẹn bo sọ gblọn dọ, OKLUNỌ Jiwheyẹwhe È, hiẹ we yọnẹn. 4E sọ vó dọ hlan mi dọ, Dọdọdai do ohú helẹ ta, bo dọ hlan yé dọ, Mì ohú húhú lẹ emi, mì sè ohó OKLUNỌ tọn. 5Le wẹ OKLUNỌ Jiwheyẹwhe dọ hlan ohú húhú helẹ: Dayi e go, yẹn na hẹn gbigbọ wá nado biọ mì homẹ, mìwlẹ na sọ nọgbẹ́. 6Yẹn bo na sọ yi okan lẹ do mì ji, bo sọ hẹn agbasalan hẹaga wá mì ji, bo sọ yí ayú ṣinyọn mì, bo sọ yí gbọfufu do mì mẹ, mìwlẹ bo na nọgbẹ̀; mì bo na sọ yọnen dọ yẹn wẹ OKLUNỌ. 7Mọwẹ yẹn dọdọdai le yè degbèna mi do; podọ le yẹn dọdaidọ, wanyinyẹn de tin finẹ, bo dayi e go, aigbawhinwhàn de, ohú lẹ sọ wá plidopọ, ohú jẹ ohú etọn de. 8Yẹn sọ dayi e go, bo pọ̀n, okàn lẹ tin to yé ji, agbasalan sọ wá aga, ayú sọ ṣinyọn yé taga: ṣigba gbọfufu de ma tin to yé mẹ gba. 9Whenenu wẹ ewọ dọ hlan mi dọ, Dọdọdai hlan gbọfufu lọ, dọdọdai, visunnu gbẹtọ tọn, bo dọ hlan gbọfufu dọ, Lẹ wẹ OKLUNỌ Jiwheyẹwhe dọ: Gbigbọ E, wá sọn ojẹhọn ẹnẹ lẹ mẹ, bo gbò do alántọsiọ helẹ ji, na yé nido nọgbò. 10Mọwẹ yẹn dọdọdai le ewọ degbèna mi do, gbọfufu sọ wá biọ yé mẹ, yé sọ nọgbè, bo ṣite to afọ yeton lẹ ji, awhanfuntọ daho gégé de. 11Whenẹnu wẹ e dọ hlan mi dọ, Visunnu gbẹtọ tọn, ohú helẹ wẹ owhé Islaeli tọn pete: dayi e go, yé dọmọ, Yè hẹn ohú mítọn lẹ hú, yè sọ hẹn tódido mítọn bú; yè sán mí sẹ̀ mlẹnmlẹn. 12Enẹwutu dodọdaì, bo sọ dọ hlan yé dọ, Le wẹ OKLUNỌ Jiwheyẹwhe dọ: Dayi e go, yen na hùn oyọdo mìtọn lẹ, bo sọ hẹn mì nado hẹji tòn sọn oyọ̀dò mìtọn lẹ mẹ wá, mì gbẹtọ ṣie lẹ emi; yẹn bo na sọ hẹn mì wá biọ aigba Islaeli tọn mẹ. 13Mìwlẹ bo na sọ yọnen dọ yẹn wẹ Okluno, whenuena yẹn ko hùn oyòdò mìtọn lẹ, bo sọ hẹn mì nado wá hẹji tọ̀n sọn oyọ̀do mìtọn lẹ mẹ wá, mì omẹ ṣie lẹ emi. 14Yẹn na sọ yí gbọfufu ṣie do mì mẹ, míwlẹ na sọ nọgbè, yẹn na sọ dotẹnna mì to aigba mìtọn titi mẹ: míwlẹ na sọ yọnẹn dọ yẹn OKLUNỌ ko dọ ẹ, bo sọ yí i basi, wẹ OKLUNỌ dọ.
15Ohó OKLUNỌ tọn sọ vọ́ wá dẽ, dọmọ, 16Podọ hiẹ, visunnu gbẹtọ tọn, Hiẹ ni yi atin dopo, bo wlanwé do e ji, Na Juda, podọ na ovi Islaeli ogbẹ́ etọn lẹ tọn lẹ: whenẹnu sọ yí atin dẽvo, bo sọ wlanwé do e ji, Na Josẹfu, atin Eflaimi tọn, podọ owhé Islaeli ogbé etọn lẹpo tọn: 17bo sọ pó yé na we ode do ode nu do atin dopo, na yé nido lẹzùn dopo to alọ towe mẹ. 18Whenuena ovi omẹ towe lẹ tọn bo na dọhó hlan we, dọmọ, Bé hiẹ ma na do núhe hiẹ lò gbọn ehelẹ dali hia mí? 19Dọ hlan yé dọ, Le wẹ OKLUNỌ Jiwheyẹwhe dọ: Dayi e go, Yẹn na yí atin Josẹfu tọn lọ, he tin to alọ Eflaimi tọn mẹ, po whẹndo Islaeli ogbé etọn lẹ tọn lẹ po; yẹn bo na sọ yí yé dopọ do e de, yèdọ atin Juda tọn, bo sọ hẹn yé zùn dopo, yé na sọ yín dopo to alọ towe mẹ. 20Atin lẹ lọ eheji hiẹ wlanwé do na sọ tin to alọ towe mẹ to nukun yetọn lẹ nukọn. 21Bo sọ dọ hlan yé dọ, Le wẹ OKLUNỌ Jiwheyẹwhe dọ: Dayi e go, Yẹn na dè ovi Islaeli tọn lẹ sọn akọta lẹ ṣẹnṣẹn, fiedali yè hen yé yì, bo na sọ sinyan yé pli to awà lẹpo ji, bo hẹn yé wá biọ aigba yétọn titi mẹ: 22yẹn bo na sọ hẹn yé zùn akọta dopo to aigba lọ mẹ, to osé Islaeli tọn lẹ ji; podọ ahọlu dopo wẹ na sọ yín ahọlu hlan yé mẹpó: bọ yé ma na sọ yín akọta awe gbède ba gba, mọ yè ma na sọ vùn yé do ahọludu awe gbèdegbède ba: 23mọ yé ma na sọ yí vodun yetọn lẹ do flu yéde gbède ba, kavi po onú hiọawu yetọn lẹ po gba, kavi po osẹ́nmẹjẹ yetọn lẹ tọn depope po: ṣigba yẹn na whlen yé sọn agòjodogodo yetọn lẹpo mẹ, ehemẹ yé ko wàylando te, bo na sọ lẹ̀ yé wé: mọwẹ yé na nọ yín omẹ ṣie lẹ, yẹn bo na sọ yín Jiwheyẹwhe yetọn. 24Bọ devi ṣie Davidi na sọ yín ahọlu to yé ta; yé mẹpó bo na sọ tindo lẹngbọhọ́tọ dopo: yé na nọ zinzọnlin ga tó whẹ̀dida ṣie lẹ mẹ, bo sọ nọ payi osẹ́ndoai ṣie lẹ go, bo nọ basi yé. 25Yé bo na sọ nọnọ̀ aigba lọ mẹ he yẹn ko na hlan Jakob devi ṣie, ehemẹ otọ́ mìtọn lẹ nọ̀; yéwlẹ na sọ nọnọ̀ finẹmẹ, yéwlẹ, po ovi yetọn lẹ po, kakadoi: devi ṣie Davidi na sọ yín ahọvi yetọn kakadoi. 26Humọ yẹn na basi alẹ̀nù jijọho tọn de po yé po: é na yín alẹnù madopodo de to yé de: yẹn bo na sọ na ẹn yé, bo hẹn yé jideji, bo na sọ zé fiwiwe ṣie do gblagbla yé tọn mẹ kakadoìdoi. 27Ogohọ̀túntún ṣie ga na tin to yé ta; yẹn bo na sọ yín Jiwheyẹwhe yetọn, yéwlẹ bo na sọ nọ yín omẹ ṣie lẹ. 28Akọta lẹ lọ bo na sọ yọnẹn dọ yẹn OKLUNỌ wẹ klan Islaeli do wiwe, whenuena fiwiwe ṣie na tin to gblagbla yé tọn mẹ kakadoidoi.
381OHÓ OKLUNỌ tọn sọ wá dẽ dọmọ, 2Visunnu gbẹtọ tọn, zé nukunmẹ towe do hlan Gọgi dali, sọn aigba Magọgi tọn mẹ, ahọvi daho Mesẹki tọn, po Tubali po, bo dọdọdai do e go, 3bo dọmọ, Le wẹ OKLUNỌ JIWHEYẸWHE dọ: Dayi, e go, yẹn tin agò do ogo we, hiẹ Gọgi E, ahọvi daho Losi tọn, Mesẹki, po Tubali po: 4 4yẹn bo na sọ lé we pé, bo yí omlẹn lẹ do alaka towe lẹ mẹ, yẹn bo na sọ hẹn we jẹgbonu wá, po awhànfuntọ towe lẹ po, osé towe lẹ po osónọ lẹ po, popo yé tọn sìnṣinyọnavọ̀na to awhànfunnu gigọ́ mẹ, ogbó daho de po ogáglo po po awọyinu po, popo yé tọn he hẹn ohi lẹ go: 5Pẹlsia, Kusi po Puti po to yé de; popo yé tọn po awọyinu po po awhàngbakun po: 6Gomeli, po awhànpadaho etọn lẹpo po; owhó Togalma tọn to adà agéwaji patapata tọn lẹ mẹ, po awhànpadaho etọn lẹ po: yèdọ akọta susu po e po. 7Hiẹ yín awuwletọ, mọwẹ, wleawuna dewe, hiẹ po ogbó towe he yè bépli hlan de we lẹpo po, hiẹ ni bo sọ yín ogbèdètọ de hlan yé. 8To azán susu godo yè na dla hiẹ pọ́n: to owhè gódotọn lẹ mẹ hiẹ na wá biọ aigba lọ mẹ he yè gòjó sọn ohi lọ mẹ, he yè sinyan sọn akọta susu mẹ pli, to osé Islaeli tọn lẹ ji, he ko yín ogbògbé jeijei de: ṣigba yè hẹn ẹn jẹgbonu tón sọn akọta lẹ mẹ, yé bo na sọ yí blẹo do nọ nò popo yé tọn. 9Hiẹ na sọ yìaga, hiẹ na sọ wá taidi jẹhọnsinsinyẹn de, hiẹ na tin taidi aslọ de nado ṣinyọn aigba lọ ji, hiẹ, po awhànpadaho towe lẹpo po, po akọta susu po to de we. 10Le wẹ OKLUNỌ JIWHEYẸWHE dọ: é na wá jọ to azán ne mẹ, bọ onú lẹ na wá biọ ayiha towe mẹ, hiẹ bọ na sọ bla núbladọ oylan tọn de dọ: 11hiẹ na dọmọ, Yẹn na hẹji yì otò wedédó de mẹ; yẹn na yì yé he tin abọẹ lẹ de, he yí oblẹo do to ninò, popo yé tọn he nọnọ̀ matin adó lẹ, bo ma tindo opatin lẹ kavi hòngbo le gba: 12nado bó ogblannu podọ nado bó àmánamú lọ; nado lé alọ towe do oten gbògbé he mẹ yè ninò dinvie lẹ go, podọ do gbẹtọ he yè sinyan tón sọn akọta lẹ mẹ go, he ko tindo kanlinpa po agbàn lẹ po, he nọnọ̀ ṣẹnṣẹn aigba lọ tọn mẹ. 13Seba, po Dedani po, ajótọ Tasisi tọn lẹ, po kinnivú etọn lẹpo po, na dọ hlan we dọ, Yè hẹn hiẹ wá nado bé ogblannú lọ wẹ? hiẹ ko bé ogbó towe pli nado bé àmánanú lọ? nado bé fataka po sika po yì, nado bé kanlinpa po agbàn lẹ po yì, nado bó ogblannú susu?
14Enẹwutu, visunnu gbẹtọ tọn, dọdọdai, bo dọ hlan Gọgi dọ, Le wẹ OKLUNỌ Jiwheyẹwhe dọ: To azán nẹ mẹ whenuena omẹ ṣie lẹ na yí obleo do nọnọ̀, bé hiẹ ma na yón ẹn? 15Hiẹ bo na sọ sọn otẹn towe mẹ wá sọn adà agéwaji petepete tọn lẹ ji, hiẹ, po akọta susu po to de we, popo yé he hé osé lẹ ji lẹ tọn, ogbó daho de po awhànfuntọ hlọnhlọnnọ de po: 16hiẹ bo na sọ hẹji wá Islaeli omẹ ṣie lẹ ji, di aslọ de nado ṣinyọn aigba lọ ji; é na sọ wá jọ, to azán godotọn lẹ mẹ, wẹ yẹn na sọ vò we hẹnwá aigba lọ ji, na akọta lẹ nido yón mi, whenuena yè, na klan mi do wiwe to hiẹ mẹ, hiẹ Gọgi, È, to nukun towe lẹ nukọn. 17Le wẹ OKLUNỌ Jiwheyẹwhe dọ: Hiẹ wẹ ewọ ohó mẹhe tọn yẹn dọ to ojlẹ hóhó mẹ gbọn devi ṣie yẹwhegán Islaeli tọn lẹ dali, he dọdọdai to azán nẹlẹ mẹ na owhè susu dọ yẹn na hẹn we wá yé ji? 18E na sọ wá jọ to azán nẹ mẹ, whenuena Gọgi na wá aigba Islaeli tọn ji, wẹ OKLUNỌ Jiwheyẹwhe dọ, dọ homẹwlu ṣie na hẹji wá biọ awọntinslo ṣie lẹ mẹ. 19Na to awuwhàn ṣie mẹ podọ to miyọn homẹgble ṣie tọn mẹ wẹ yẹn ko dọhó, nugbonugbo to azán nẹ mẹ whinwhàn daho de na tin fìnẹ to aigba Islaeli tọn mẹ; 20mọ bọ owhèvi ohù tọn lẹ, po ohè olọn tọn lẹ po, po gbékanlin danji tọn lẹ po, po onú linlin he nọ tin to aigba ji po, po gbẹtọ he tin to nukunmẹ aigba tọn ji lẹpo po, na whàn to nukọn ṣie, yè na sọ sisé osé lẹ liai, otẹn poplonọ le na hò, adó íẹpo na sọ hó jẹ aigba. 21Yẹn na sọ ylọ na ohi de do ewọ ji jẹ osé ṣie lẹpo de, wẹ OKLUNỌ Jiwheyẹwhe dọ: ohi omẹ dopodopo tọn na sọ tin to nọvìsunnu etọn ji. 22Yẹn na sọ yí azònylankan po ohùn po do dowhègbè do ewọ ji: yẹn bo na sọ jà do e jì, podọ do awhànpadaho etọn lẹ ji, podọ do akọta susu he tin to e de lẹ ji, jikunfinfán wududu de, po kẹnjikun daho lẹ po, miyọn, po owhèmi po. 23Yẹn bo na sọ jlayinna dè, bo sọ klan dẽ do wiwe, yẹn na sọ hẹn dẽ zùn yinyọnẹn to nukun akọta susu tọn mẹ; yé bo na sọ yọnẹn dọ yẹn wẹ OKLUNỌ.
391PODỌ hiẹ, visunnu gbẹtọ tọn, dọdọdai do Gọgi go, bo dọmọ, Le wẹ OKLUNỌ JIWHEYẸWHE dọ: Dyi e go, yẹn tin agò do ogo we, hiẹ Gọgi E, ahọvi daho Losi tọn, Mesẹki, po Tubali po: 2Yẹn bo na sọ ló we pé, bo plan we yì, bo sọ hẹn we nado hẹji sọn adà agéwaji lẹ tọn petepete wá; yẹn na sọ hẹn we wá osé Islaeli tọn lẹ ji: 3yẹn bo na sọ hò ogába towe sọn alọ towe mẹ, yẹn na sọ hẹn ogá towe lẹ nado flẹ́ sọn alọ adusi towe mẹ. 4Hiẹ na jai tọ osò Islaeli tọn lẹ ji, hiẹ, po awhànpadaho towe lẹ po, po akọta he tin to de we lẹ po: yẹn na jó we hlan ohè wẹnyantọ hunkọ lẹpo tọn, podọ hlan gbékanlin danji tọn lẹ nado yín dùdùsúdo. 5Hiẹ na jai to odàn wedédó ji: na yẹn ko dọ ẹ, wẹ OKLUNỌ JIWHEYẸWHE dọ. 6Yẹn bo ná sọ do miyọn de hlan Magọgi ji, podọ do yé he nọ yí oblẹo do nò to hùtóigba lẹ mẹ: yé bo na sọ j; nẹn dọ yẹn wẹ OKLUNỌ. 7Podọ oyín wiwe ṣie wẹ yẹn na sọ hẹn zùn yinyọnẹn to gblagbla omẹ Islaeli tọn lẹ tọn mẹ; mọ yẹn ma na dike oyín wiwe ṣie nado yín fuíìu ba gba: akọta Íẹ na sọ yọnẹn dọ yẹn wẹ OKLUNỌ, Òmẹ wiwe lọ to Islaeli mẹ. 8Dayi e go, é ja, é na sọ yín wiwà, wẹ OKLUNỌ Jiwheyẹwhe dọ: ehe wẹ azán lọ ohó ehetọn yẹn ko dọ. 9Bọ yé he nọ nò tòdaho Islaeli tọn lẹ mẹ lẹ na jẹgbonu yì, bọ na yí adánwànú lẹ do basi miyọn bo fiọ yé, awọyinú lẹ po ogáglo lẹ po, ogába lẹ po ogá lẹ po, po alọnupò lẹ po, po owhán lẹ po, yé bo na yí yé do basi miyọn owhè ṣinawe: 10mọ bọ yé ma na sọ yí nake sọn danji ba, mọ sán atin depope liai sọn núkan mẹ ba; na yé na basi miyọn adanwànú lẹ tọn lẹ: yé bo na sọ hẹn enẹlẹ he hẹn yé gble le gble, bo fìn enẹlẹ he fìn yé, wẹ OKLUNỌ JIWHEYẸWHE dọ.
11E na sọ wá jọ to azán nẹ mẹ, wẹ yẹn na na otẹn de hlan Gọgi na siọdidi to Islaeli mẹ, agbàdo yé he juwajei to nukọn ohù tọn lẹ tọn: é bo na sọ hẹn yé he juwajei lẹ dote: finẹ wẹ yé na sọ di Gọgi to, po ogégé etọn lẹpo po: yé na sọ nọ ylọ ẹ dọ Agbàdo Hamọni-gọgi tọn 12Podọ osùn ṣinawe wẹ ovi Islaeli tọn lẹ na do diẹiọ yé tọn, na yé nido IỌ aigba lọ wé. 13Mowẹ, omẹ aigba lọ tọn lẹpo wẹ na dì yé; é bo na sọ yín oyíndi de hlan yé to azán lọ mẹ he yè na pagigona mi, wẹ OKLUNỌ JIWHEYẸWHE dọ. 14Yé na sọ klan sunnu núwiwà whepoponu tọn lẹ dote, he na gbọn aigba lọ ji yì nado di po yé he pò to nukunmẹ aigba lọ tọn ji po, nado lẹ ẹ wé: to godo osùn ṣinawe tọn pòdo wẹ yé na dinyì. 15Podọ yé he gbọn aigba lọ mẹ luntón lẹ na gbọn luntón; podọ whenuena omẹ de mọ ohú gbẹtọ tọn de, whenẹnu wẹ ewọ na do ohia de do e kòn, kaka siọditọ lẹ ko dì i to agbàdo Hamọni-gọgì tọn mẹ. 16Podọ oyín tòdaho de tọn ga na nọ yín Hamọna. Le wẹ yé na lọ aigba lọ wé do.
17Podọ hiẹ, visunnu gbẹtọ tọn, le wẹ OKLUNỌ JIWHEYẸWHE dọ: Dọhó hlan ohè hunkọ lẹpo tọn, podọ hlan gbékanlin danji tọn lẹpo, dọ, Bó míde plidopọ, bo wá; sinyan míde pli to awà lẹpo ji hlan avọ́ ṣie kòn he yẹn na sán na mì, yèdọ avọ́ daho de to osé Islaeli tọn lẹ ji, na mì nido dù agbasalan bo sọ nù ohùn. 18Mìwlẹ na dù agbasalan hlọnhlọnnọ lẹ tọn, bo sọ nù ohùn ahọvi aigba tọn lẹ tọn, agbò lẹ tọn, lẹngbọvulẹ tọn, po alunkùn lẹ po tọn, oyìnsú lẹ tọn, popo yé tọn kanlinyinyìn Basáni tón lẹ. 19Mìwlẹ na sọ dù òjó kaka mì do yín gigọ́, bo sọ nù ohùn kaka mì do yín múmúnọ, sọn avọ́ ṣie he yẹn ko sán na mì mẹ. 20Yè na sọ yí osọ́ lẹ po kẹkẹ lẹ po do gó nai, po ome hlọnhlọnnọ lẹ po, po omẹ awhàn tọn lẹpo po, to tafo ṣie ji, wẹ OKLUNỌ JIWHEYẸWHE dọ. 21Yẹn bo na sọ zé gigo ṣie do akọta lẹ ṣẹnṣẹn, akọta lẹpo na sọ mọ whẹ̀dida ṣie he yẹn ko hẹn sọ, po alọ po he yẹn ko zé do yé ji. 22Mowẹ owhó Islaeli tọn na sọ yọnẹn dọ yẹn wẹ OKLUNỌ Jiwheyẹwhe yetọn, sọn azán nẹ mẹ jeinukọn. 23Akọta lẹ bo na sọ yọnẹn dọ owhó Islaeli tọn biọ mẹmẹglọ mẹ yì na oylanwà yetọn; na yé jẹsénmẹ do ogo e wutu, bọ yẹn sọ whla nukunmẹ ṣie sọn yé de: mọwẹ yẹn jó yé do alọ mẹglatọ yetọn lẹ tọn mẹ, yé popo yé tọn sọ jai gbọn ohi lọ dali. 24Kẹdẹdi omawó yétọn podọ kẹdẹdi sénmẹjijẹ yetọn lẹ wẹ yẹn wà hlan yé; yẹn bo sọ whla nukunmẹ ṣie sọn yé de.
25Enẹwutu le wẹ OKLUNỌ JIWHẸYẸWHB dọ: Dinvie wẹ yẹn na sọ vó mẹmẹglọ Jakob tọn hẹnwá, bo sọ tindo lẹblanu to owhé Islaeli tọn pete ji; yẹn bo na sọ yín awuwhànnọ na oyín wiwe ṣie. 26Yé bo na sọ hẹn owinyan yetọn, po kinklẹn yetọn lẹpo po hedali yé ko gbọn klẹn do ogo e, whenuena yé na yí oblẹo do nò aigba yetọn mẹ, bọ mede ma na hẹn yé savo; 27whenuena yen ko sọ vó yé hẹnwá sọn akọta lẹ mẹ, bo sọ sinyan yé sọn aigba kẹ̀ntọ yetọn lẹ tọn le mẹ, bọ yè sọ klan mi do wiwe to ye mẹ to nukun akọta susu tọn mẹ. 28Yé bo na sọ yọnẹn dọ yẹn wẹ OKLUNỌ Jiwheyẹwhe yetọn, to ehe yẹn hẹn yé nado yì biọ mẹmẹglọ mẹ to akọta lẹ ṣẹnṣẹn, bo ko sọ sinyan yé hlan aigba yetọn titi ji; podọ yẹn ma na sọ jó ode yé tọn dai finẹ gbède ba; 29mọ yẹn ma na sọ whla nukunmẹ ṣie sọn yé de gbède ba: na yẹn kòn gbigbọ ṣie jẹgbonu do owhé Islaeli tọn ji, wẹ OKLUNỌ JIWHEYẸWHE dọ.
401TO owhè kòatọ́ntọ mẹmẹglọ mítọn tọn mẹ, to sẹdeji owhè lọ tọn mẹ, to azán aotọ osùn lọ tọn mẹ, to owhè wiẹnẹtọ mẹ godo yè ko hò tòdaho lọ, to azán dopolọ mẹ, alọ OKLUNỌ tọn tin to oji e, ewọ sọ hẹn mi wá finẹlọ. 2To númimọ Jiwheyẹwhe tọn lẹ mẹ wẹ é hẹn mi wá biọ aigba Islaèli tọn mẹ, bo zé mi dai do osé yìaga talala de ji, eheji tin di dido tòdaho de tọn to ohuwàji. 3Ewọ sọ hẹn mi wá finelọ, bo dayi e go, dawe de tin finẹ, awusọhia mẹhetọn tin taidi awusọhia ogànvẹ̃ tọn po okàn azó tọn de po to alọ etọn mọ, po ofán nújlẹnú tọn de po; ewọ sọ site to hòngbo lọ mẹ. 4Dawe lọ sọ dọ hlan mi dọ, Visunnu gbẹtọ tọn, yí nukun towe lẹ do pọ́n, bo sọ yí otọ́ towe lẹ do sè, bo sọ zé ayiha towe do ehe yẹn na dohia we lẹpo go; na hlan ayipanúgo na yẹn nido do yé hia hlan we wẹ yè do hẹn hiẹ wá filelọ: lá ehe hiẹ mọ lẹpo hlan ewhó Islaeli tọn.
5Bo dayi e go, adó de tin to adàgòonu ohò lọ tọn go lédo pé, podọ to alọ dawe lọ tọn mẹ ofán nújlẹnú awàgbà ṣidopo na ote, awàgbà dopo po alọpàhomegbigblo dopo po na dopodopo: mọwẹ ewọ jlẹ otitli dido lọ tọn, ofán dopo; po ojiyì lọ po, ofán dopo. 6Whenenu wẹ ewọ wá jẹ hòngbo he pọ́n hlan whèzẹtẹn tọn kòn, bo sọ he agayìnú etọn le ji yì; é bo sọ jlẹ hòntonu họngboji lọ tọn, ofán dopo gbigblo: yèdọ hòntonu awetọ ofán dopo gbigblo. 7Podọ abò ogànwhé tọn dopodopo yín ofán dopo tedidi, po ofán dopo gbigblo po; podọ hvoto lọ to ojẹtẹn lẹ ṣẹnṣẹn yín awàgbà atón; podọ hòntònu họngboji lọ tọn to awá họngboji lọ ton dali hlan ohò lọ dali yín ofán dopo. 8E sọ jlẹ awá hongboji lo tọn ga hlan oho lọ dali, ofán dopo 9Whenẹnu wẹ é sọ jlẹ awá họngboji lọ tọn, awagbà sinatọn; podọ ohọnte etọn lẹ, awàgbà aweawe; podọ awá hòngboji lọ tọn tin hlan ohò lọ dáli. 10Podọ ojetẹn họngboji lọ tọn lẹ hlan whèzẹtẹn dali yín atọ̀n to adà he ji, podọ atọ̀n to adà ne ji; ye atọ̀n lẹ yín ojlẹ dopone tọn: podọ ohọnte lẹ lọ tindo ojlẹ doponẹ to ada he ji podọ to adà nẹ ji. 11Ewọ sọ jlẹ gbigblo hùnhùn họngbo lọ tọn tọn, awàgbà ao; podọ oga họngbo lọ tọn, awàgbà wiatọn; 12podọ agboji de to ojetẹn lẹ lọ nukọn, awàgbà dopo to adà he ji, podọ agboji de awagbà dopo to ada nẹ ji. 13E sọ jle họngboji lọ sọn ohota ojetẹn dopo tọn jẹ ohòta awetọ tọn, ogblo awàgbà kòatọ́n tọn; ohòn pannukọn ohòn. 14E basi ohònte lẹ ga, awàgbà kandeko; podọ otogùn lọ sọ jẹ ọjẹten lọ kòn, hongbo lọ tin lédo pé. 15Podọ sọn nukọn họngbo lọ tọn to bibiọwhegbè jẹ nukọn awánu họngbo homẹnukọn tọn ji yín awàgbà kandeao. 16Ovẹ́sẹ́ súsú sọ tin finẹ hlan ojẹtẹn lẹ lọ, podọ jẹ ohònte yetọn lẹ kòn to họngbo lọ home lẹdo pé, podọ mọdoponẹ jẹ họntònuhademẹ lẹ kọn: podọ ovẹ́sẹ́ lẹ tin to home lédo pé: podọ odétin lẹ tin to ohònte dopodopo ji.
17Whẹnẹnu wẹ é sọ hen mi wá biọ otògùn gbonu tọn mẹ, bo, pọ́n, abò lẹ tin finẹ po agbàtité de po, yè basi na otògùn lọ lédo pó: abò ogbàn wẹ to agbàtité lọ ji. 18Podọ agbàtité lọ tin to awà họngbo lẹ lọ tọn ji, jlọdo ote họngbo lẹ lọ tọn ji, yèdọ agbàtité odo tọn. 19Whenẹnu wẹ é jlẹ ogblo lọ sọn nukọn họngbo odò tọn jẹ nukọn otògùn homẹ tọn to gbonu, awàgbà kanweko, to whèzẹten ji podọ to agewàji. 20Podọ họngbo otògùn gbonu tọn fimọnújẹ eheton tin hlan agewàji dali, é sọ jlẹ ote etọn po ogblo etọn po. 21Ojẹtẹn etọn lẹ yín atọ̀n to adà he ji podọ atọ̀n to ádà nẹ ji; podọ ohònte etọn lẹ po hòntònuhademẹ etọn lẹ po tin di ojlẹ họngbo tintan tọn: ote etọn yín awàgbà kandeao, podọ ogblo awàgbà kòatọ́n. 22Podọ ovẹ́sẹ́ etọn lẹ, po hòntònuhademẹ etọn lẹ po, po odétin etọn le po, yín ojlẹ họngbo lọ tọn fimọnújẹ ehetọn tin hlan whèzẹtẹn dali; yé bó sọ no hẹji yì jẹ e de gbọn agahénú ṣinawe ji; hòntònuhademẹ etọn lẹ sọ tin to yé nukọn. 23Họngboji de sọ tin finẹ hlan otògùn homẹtọn taga pannukọn họngbo awetọ awelẹ to agewaji ji podọ to wheyihọ ji; e so jlẹ sọn họngboji jẹ họngboji awàgbà kanweko. 24E sọ plan mi jẹ huwaji dali, bo dayi e go họngbo de to huwaji dali; é sọ jlẹ ohọnte etọn lẹ po họntònuhademẹ etọn lẹ po kẹdẹdi ojlẹ helẹ 25Ovẹ́sẹ́ lẹ sọ tin to finẹ to e mẹ podọ to hòntonuhademẹ etọn lẹ mẹ lédo pé, taidi ovẹ́sẹ́ helẹ: ote yín awàgbà kandeao, podọ ogblo lọ awàgbà koatọ́n. 26Ágahénu ṣinawe tin finẹ nado hẹji yì jẹ e kòn, họntònuhademẹ etọn le sọ tin to yé nukọn: é sọ tindo odétin lẹ, ode tò adà he ji, awetọ to odà nẹ ji, to ohònte etọn lẹ ji. 27Họngboji de sọ tin jẹ otògùn homẹ tọn hlan huwaji dali: ewọ sọ jlẹ sọn họngboji jẹ họngboji hlan huwaji dali awàgbà kan weko;
28Whenẹnu wẹ é sọ hẹn mi wá jẹ otògùn homẹ tọn mẹ to huwaji họngboji dali: é sọ jíẹ huwaji họngboji lọ kẹdẹdi ojlẹ helẹ; 29podọ ojẹten etọn lẹ, po ohònte etọn lẹ po, kẹdẹdi ojlẹ helẹ: ovẹ́sẹ́ lẹ sọ tin finẹ to e mẹ po hòntònuhademẹ etọn lẹ po lédo pé: é yín awàgbà kandeao tedidi, podọ awàgbà koatọ́n gbigblo. 30Hòntònuhademẹ lẹ sọ tin finẹ lédo, awàgbà koatọ́n tedidi, podọ awàgbà atón gbigblo. 31Hòntònuhademẹ etọn lẹ tin hlan otògùn gbonu tọn dali; odétin lẹ sọ tin to ohònte etọn lẹ ji: podọ jei aga hlan e de tindo agayìnú sinatòn. 32E sọ hẹn mi wá biọ otogùn homẹ tọn me hlan whèzẹtẹn dali: é sọ jlẹ họngboji lọ kẹdẹdi ojlẹ helẹ; 33podọ ojẹtẹn etọn lẹ, po ohònte etọn lẹ po, po họntònuhademẹ etọn lẹ po, kẹdẹdi ojlẹ helẹ: ovẹ́sẹ́ lẹ sọ tin finẹmẹ podọ to hòntònuhademẹ etọn lẹ mẹ lédo pé: é yín awàgbà kandeao tedidi podọ awàgbà koatọ́n gbigblo. 34Podọ hòntònuhade mẹ etọn lẹ tin hlan otògùn gbonu tọn dali; odétin lẹ sọ tin to ohònte etọn lẹ ji, to adà he ji, podọ to adà nẹ ji: podọ jei aga jẹ e de tindo agayìnú sinatòn. 35E sọ hẹn mi wá jẹ agéwaji họngboji: é sọ jlẹ ẹ kẹdẹdi ojlẹ helẹ; 36ojẹtẹn etọn lẹ, ohònte etọn lẹ, po hòntònuhademẹ etọn lẹ po; ovẹ́sẹ́ lẹ sọ tin finẹmẹ lédo pó: otedidi yín awàgbà kandeao, podọ ogbigblo awàgbà koatọ́n, 37Ohònte etọn lẹ bo sọ tin hlan otògùn gbonu tọn dali; odétin lẹ sọ tin to ohònte etọn lẹ ji, to adà he ji, podọ to adà nẹ ji: jei aga jẹ e de sọ tindo agayìnú sinatòn.
38Podọ abò de po ohòn etọn po tin to ohònte lẹ dali to họngboji; finẹ wẹ yé nọ kló avọ́ nunina mimẹ̀ te. 39Podọ to awánu họngboji lọ tọn dali wẹ tafo awe te to adà he ji, podọ awe to adà nẹ ji, nado nọ hù avọ́ nunina mimẹ̀ lọ po avọ́ nunina ylando tọn po po avọ́ nunina whèylan tọn po to finẹji. 40Podọ to adà dopo ji to gbonu, to aila bibiọ tọn lẹ kòn hlan agéwaji dali, wẹ tafo awe te; podọ to adà awetọ ji, he yín awánu họngboji lọ tọn wẹ tafo awe te. 41Tafo ẹnẹ tin to adà he ji, podọ tafo ẹnẹ sọ tin to adà nẹ ji, to adà họngboji lọ tọn dali; tafo sinatòn, eheji yé nọ hù avsánnu lẹ te. 42Tafo ẹnẹ wẹ finẹ na avọ́ nunina mimẹ̀, zannu pipa tọn, awàgbà dopo po odá po tedidi, podọ awàgbà dopo po odá po gbigblo, podọ awàgbà dopo jiyìyì: eheji yé nọ bó núzinzán lẹ he yé do nọ hù avù nunina mimẹ̀ po avọ́sánnu lẹ po do. 43Po opla lẹ po, alọpàhomẹ gbigblo dopo tedidi, yè whè do dido lọ mẹ lédo pó: podọ to tafo lẹ lọ ji wẹ olàn avọ́ tọn te. 44Podọ to gbonu họngboji homẹ wẹ abò lẹ te na ohànjitọ lẹ to awánu homẹ tọn mẹ, he tin to agéwaji họngbo lọ tọn mẹ; podọ fimọnújẹ yetọn tin hlan huwaji dali: dopo to adà whèzẹtẹn họngboji dali he tindo fimọnújẹ hlan agéwaji dali. 45Ewọ sọ dọ hlan mi dọ, Abò he, fimọnújẹ ehetọn tin hlan huwaji dali, tin na yẹwhenọ lẹ, pinpẹ̀n asẹ ohọ̀ lọ tọn go tẹ́ lẹ tọn. 46Podọ abò fimọnújẹ ehetọn tin hlan agéwaji dali tin na yẹwhenọ lẹ, pinpẹ̀n asẹ agbà lọ tọn go tọ́ lẹ tọn: ehelẹ wẹ visunnu Zadọki tọn lẹ, he wá sẹpọ́ jẹ OKLUNỌ de sọn visunnu Levi tọn lẹ ṣẹnṣẹn nado nọ wàdevizẹ́n hlan ẹn lẹ. 47Ewọ bo sọ jlẹ awánu lọ, awàgbà kanweko tedidi, podọ awàgbà kanweko gbigblo, adàẹnẹsọzẹn; agbà lọ bo sọ tin to ohò lọ nukọn.
48Whenẹnu wẹ é hẹn mi jẹ awánu ohò lọ tọn, bo sọ jlẹ ohònte dopodopo awánu lọ tọn, awàgbà atón to adà he ji, podọ awàgbà atọ̀n to adà nẹ ji: podọ ogblo họngboji lọ tọn yín awàgbà atọ̀n to adà he ji, podọ awàgbà atọ̀n to adà nẹ ji. 49Ote awánu lọ tọn yín awàgbà okò, podọ ogblo awàgbà widopo; yèdọ gbọn agayìnú lẹ dali he yé do nọ hẹji yì jẹ e kòn; odòtin lẹ sọ tin finẹ to ohònte lẹ dali, dopo to adà he ji, podọ awetọ to adà nẹ ji.
411EWỌ sọ hẹn mi wá jẹ tẹmpli lọ mẹ, bo jlẹ ohònte lẹ, awàgbà ṣidopo gbigblo to adà dopo ji, podọ awàgbà ṣidopo gbigblo to adà awetọ ji, he yín ogblo gohọ̀túntún lọ tọn. 2Ogblo bibiọ lọ tọn yín awàgbà ao; podọ adà bibiọ lọ tọn yín awàgbà atọ́n to adà dopo ji, podọ awàgbà atọ́n to adà dèvo ji: é sọ jlẹ tedidi etọn, awàgbà kande, podọ ogblo awàgbà okò. 3Whenẹnu wẹ ewọ yì hòmẹ, bo jlẹ ohònte bibiọ lọ tọn dopodopo, awàgbà awe: po bibiọ lọ po, awàgbà ṣidopo; podọ ogblo bibiọ lọ tọn, awàgbà ṣinawe. 4E sọ jlẹ ote etọn, awàgbà okò, podọ ogblo lọ awàgbà okò, to tẹmpli lọ nukọn: é bo sọ dọ hlan mi dọ, Ehe wẹ otẹn wiwe petepete. 5Whenẹnu wẹ é sọ jlẹ adó ohò lọ tọn, awàgbà ṣidopo; podọ ogblo abò adàmẹ tọn dopodopo awàgbà ẹnẹ, lódo ohò lọ pé to adà lẹpo ji. 6Podọ abò adàmẹ tọn lẹ, tin to agà atọ̀n mẹ, ode to awetọ ji, podọ ogbàn to titò mẹ; yé bo sọ biọ adó he tin na ohò lọ mẹ na abò adàmẹ lẹ tọn lédo pé, na yé nido hẹn yónọzo go to e mẹ, bo ma hẹn yénọzo to adó ohò lọ tọn mẹ blo. 7Podọ abò adàmẹ tọn lẹ yín gbigblohu dile yé léhla ohò lọ do fiófió; na liléhla ohò lọ tọn yìaga fio lédo ohò lọ pé: enẹwutu wẹ ogblo ohò lọ tọn nọte jlọ hlan aga: mọwẹ mẹde hẹji yì sọn abò odò tọn pete mẹ jẹ aga petepete tọn mẹ gbọn abò ṣẹnṣẹn tọn mẹ. 8Yẹn sọ mọ ga dọ ohò lọ tindo jiyìyì de lédo pó: odòdónu abò adàmẹ tọn lẹ yín ofán gigọ́ awàgbà daho ṣidopo tọn. 9Titli adó lọ tọn, he tin na abò adàmẹ tọn lẹ, to adàgbonu tọn go, yín awàgbà atẹ́n: podọ enẹ he yè jódai yín otẹn abò adàmẹ lẹ tọn he tin na ohò lo. 10Podọ to abó lẹ ṣẹnṣẹn wẹ ogblo awàgbà oko tọn de te lódo okò lọ pé to adà lẹpo ji. 11Podọ ohón abò adàmẹ tọn lẹ tin hlan otẹn he yè jódai lọ dali, ohòn hlan agéwaji dali, ohòn dẽvo hlan huwaji dali: podọ ogblo otẹn he yè jódai lọ tọn yín awàgbà atón lódo pe. 12Podọ dido he tin to otẹn klandovo lọ mẹ to adà whèyihọ tọn dali yín awàgbà kandegbàn gbigblo; podọ adó dido lọ tọn yín awàgbà atón titli lódo pé, podọ ote etọn awàgbà kanweao. 13Mọwẹ ewọ jlẹ ohọ̀ lọ, awàgbà kanweko tedidi; podọ otẹn klandovo lọ, po dido lọ po, po adó etọn lẹ po, awàgbà kanweko tedidi; 14ogblo nukunmẹ ohò lọ tọn tọn ga, po otẹn klandovo lọ tọn po hlan whèzẹtẹn dali, awàgbà kanweko.
15Ewọ sọ jlẹ ote dido lọ tọn to otẹn klandovo he tin to godo etọn nukọn, po aisintẹnaga etọn lẹ po to adà dopo ji podọ to adà awetọ ji, awàgbà kanweko; podọ tẹmpli homẹ tọn, po awánu otogùn tọn lẹ po, 16họntònu lẹ, po ovẹ́sẹ́ bibó lẹ po, po aisintẹnaga lẹ po lédo pé to agà yetọn atón lẹ ji, pannukọn họntònu lọ, yè yí atin do tézana lódo pó, podọ sọn aigba yìaga jẹ ovésó lẹ kòn; dinvie ovẹ́sẹ́ lẹ yín súsú; 17jẹ otẹnvivo ohòn lọ jiaga, yèdọ jẹ ohó homẹ, podọ to gbonu, podọ to adó lọ dali lódo pé homẹ po gbonu po, gbọn jijlẹ lẹ dali. 18Podọ yè sọ yí i do basi kẹlubimi po odétin lẹ po; podọ odétin de tin to kẹlubi po kẹlubi po ṣẹnṣẹn, kẹlubi dopodopo sọ tindo nukunmẹ awe; 19mọ bọ nukunmẹ gbẹtọ de tọn tin finẹ hlan odétin lọ dali to adà dopo ji, podọ nukunmẹ kinnivú de tọn hlan odétin lọ dali to adà awetọ ji: le wẹ yè basi i do lódo ohó lọ lẹpo petó. 20Sọn aigba jẹ ohòn lọ jiaga wẹ yè basi kẹlubimi po odetin lẹ po do: podọ na adó tẹmpli lọ tọn, opòtin ohòn lọ tọn lẹ yín adàẹnẹsọzẹn. 21Na tẹmpli lọ tọn, adàẹnẹsọzẹn wẹ opòtin ohòn lọ tọn lẹ; podọ na nukunmẹ fiwiwe lọ tọn tọn, awusọhia etọn tin di awusọhia nukọntọn. 22Agbà lọ yín atin tọn, awàgbà atọ̀n jiyìyì, podọ ote etọn awàgbà awe; podọ olọnglọnẹn etọn lẹ, po ote etọn po, po adó etọn lẹ po, yín atin tọn: ewọ sọ dọ hlan mi dọ, Ehe wẹ tafo lọ he tin to OKLUNỌ nukọn. 23Podọ tẹmpli lọ po fiwiwe lọ po tindo ohòn awe. 24Ohòn lẹ lọ sọ tindo owhó awe whẹyínwhèyín, owhè lúé awe; owhè awe na ohòn dopo, podọ owhè awe na awetọ. 25Yè sọ basi do yé ji, do ohòn tẹmpli lọ tọn lẹ ji, kẹlubimi lẹ po odétin lẹ po, taidi lẹ yè basi do adó lẹ jì do; lidemẹ atin tọn titli sọ tin finẹ to awánu lọ nukọn. 26Ovẹ́sẹ́ bibó lẹ po odétin lẹ po sọ tin finẹ to adà dopo ji podọ to adà awetọ ji, to adà awánu lọ tọn ji: le wẹ abò adàmẹ ohò lọ tọn te po lidemẹ titli lẹ po.
421WHENẸNU wẹ é sọ hẹn mi jẹgbonu wá biọ otògùn gbonutọn mẹ, aliho hlan agéwaji dali: é bo sọ hẹn mi wá biọ abò he tin pannukọn otẹn klandovo lọ mẹ, podọ ehe tin pannukọn dido lọ hlan agéwaji dali. 2To nukọn ote awàgbà kanweko tọn wẹ ohòn agewaji tọn, podọ ogblo yín awàgbà kandeao, 3pannukọn awàgbà okò lọ he tin na otogùn homẹ tọn, podọ pannukọn agbàtitó lọ he tin na otògùn gbonutọn, wẹ aisintẹnaga te pannukọn aisintẹnaga to agà atọ̀n mẹ. 4Podọ to abò lẹ nukọn wẹ ozọnlin awàgbà ao gbigblo tọn de te hlan homẹ dali, aliho awàgbà dopo tọn; ohòn yetọn lẹ bo sọ tin hlan agéwaji dali. 5Dinvie abò agatọn lẹ yín tewhèhú: na aisintẹnaga lẹ yí sọn ehelẹ mẹ hú sọn odòtọn po sẹnsẹnpetetọn po mẹ, to dido lọmẹ. 6Na yé tin to agà atọ̀n mẹ, yé ma tindo odòtin lẹ di odòtin otògùnmẹ tọn lẹ gba: enẹwutu wẹ yè hẹn agapetetọn jlọ sọn aigba hú odòpetetọn po ẹẹnsẹnpetetọn po tọn. 7Podọ adó he tin to gbonu to adà abò lẹ lọ tọn dali, hlan otògùn gbonu tọn dali to abò lẹ lọ nukọn, ote etọn yín awàgbà kandeao, 8Na otọ́ abò he tin to otògùn gbonu tọn lẹ mẹ yín awàgbà kandeao: bo, pọ́n, awàgbà kanweko tin to tẹmpli lọ nukọn. 9Podọ oglọ abò helẹ tọn mẹ wẹ okule sọn to adà whèzẹtẹn tọn ji, di mẹde biọ yé mẹ jei sọn otògùn gbonu tọn mẹ. 10To titli adó otògùn lọ tọn tọn mẹ hlan whèzẹtẹn dali, to otẹn klandovo lọ nukọn, podọ to dido lọ nukọn, wẹ abò lẹ te. 11Podọ aliho to yé nukọn lin taidi awusọhia aliho abò lẹ tọn tọn he tin hlan agéwaji dali; yé yín ogã di yé podọ gbigblo di yé: podọ tintón dogbonu yetọn lẹ tin kẹdẹdi dido yetọn lẹ, podọ kẹdẹdi ohòn yetọn lẹ. 12Podọ kẹdẹdi ohón abò lẹ tọn lẹ he tin hlan huwaji dali wẹ ohòn de te to ota aliho lọ tọn mẹ, yèdọ aliho titegbè to adó lọ nukọn hlan whèzẹtẹn dali, di mẹde biọ yé mẹ jei. 13Whenẹnu wẹ é dọ hlan mi dọ, Abò agéwaji tọn lẹ po abò huwaji tọn lẹ po, he tin to oiẹn klandovo lọ nukọn, yé tin na abò wiwe lẹ, fie yẹwhenọ he tin sẹpò jẹ OKLUNỌ de lẹ na nọ dù onú wiwe gbahu lẹ te: finẹ wẹ yé na nọ bé onú wiwe lẹ do, po avọ́ nunina jinulili tọn po, po avọ̀ nunina ylando tọn po, po avọ̀ nunina owhèylan tọn po; na wiwe wẹ otẹn lọ. 14Whenuena yẹwhenọ lẹ biọ hòmẹ, whenẹnu wẹ yé ma na sọ jẹgbonu yí sọn otẹn wiwe lọ mẹ biọ otògùn gbonutọn mẹ gba, ṣigba finẹ wẹ yé na dè awugbo yetọn lẹ hemẹ yé wàdevizòn te do; na wiwe wẹ yé: yé bo na sọ yí awugbo dẽvo lẹ do ogo, bo na sẹpọ́ jẹ enẹ he yín gbẹtọ lẹ tọn kòn.
15Dinvie whenuena é ko hẹn jijlẹ ohò homẹ tọn tọn jẹ opòdo, ewọ hẹn mi jẹgbonu gbọn aliho họngboji lọ tọn dali fimọnújẹ ehetọn tin hlan whèzẹtẹn dali, bo sọ jlẹ ẹ lédo pó. 16E yí ofán nújijlẹ tọn lọ do jlẹ to whèzetẹn jẹhọn ji, ofán fowekanweko, po ofán jijlẹ tọn po lédo pé. 17E sọ jlẹ to agéwaji jẹhọn ji, ofán fowekanweko, po ofán jijlẹ tọn lọ po lédo pé. 18E jlẹ to huwaji jehọn ji, ofán fowekanweko, po ofán jijlẹ tọn lọ po. 19E sọ lé hlan whèyihọ, jẹhọn ji, bo jlẹ pfán fowekanweko po ofán jijlẹ tọn lọ po. 20E jlẹ ẹ hlan ojẹhọn ẹnẹ lẹ dali: é tindo adó de lédo pé, ote lọ fowekanweko, podọ ogblo lọ fowekanweko, nado basi klandovo de to enẹ he yín wiwe po enẹ he tin ayà po ṣẹnṣẹn.
431ENẸGODO é sọ hẹn mi wá jẹ họngbo lọ ji, yèdọ họngbo he pòn hlan whèzẹtẹn dali: 2bo dayi e gọ, gigo Jiwheyẹwhe Islaeli tọn tọn sọn aliho whèzẹtẹn tọn mẹ wá: ogbè etọn bo sọ tin taidi núdidọ osìn susu tọn: aigba sọ yí gigo etọn do to sisé. 3E sọ tin kẹdẹdi awusọhia númimọ he yẹn mọ tọn, yèdọ kẹdẹdi numimọ he, yẹn mọ whenuena yẹn wá nado và tòdaho lọ; podọ númimọ lẹ lọ sọ tin taidi númimọ he yẹn mọ to otò Kebali dali: yẹn bo sọ hò jẹ nukunmẹ ṣie ji. 4Gigo OKLUNỌ tọn sọ wá biọ ohò lọ mẹ gbọn aliho họngboji lọ tọn fimọnújẹ ehetọn tin hlan whèzẹtẹn dali. 5Gbigbọ lọ sọ zé mi hẹji, bo hẹn mi wá biọ otògùn homẹ tọn lọ mẹ; bo dayi e go, gigo OKLUNỌ tọn sọ gò ohò lọ. 6Yẹn sọ sè mẹde to hódọ hlan mi sọn ohò lọ mẹ: dawe de sọ site to dali ṣie. 7E sọ dọ hlan mi dọ, Visunnu gbẹtọ tọn, ehe wẹ otẹn ofìn ṣie tọn, podọ otẹn afọgbẹn afọ ṣie lẹ tọn tọn, fie yẹn na nọ nò; to gblagbla ovi Islaeli; tọn lẹ tọn mẹ kakadoi: podọ owhé Islaeli tọn ma na sọ flu oyín wiwe ṣie gbède Jba, yéwle, kavi ahọlu yetọn lẹ, gbọn ayòdide yetọn dali gba, podọ gbọn osiọ ahọlu yetọn lẹ tọn lẹ dali to okú yetọn mẹ; 8to dido họntònu yetọn tọn me to họntònu ṣie dali, podọ ohòn dòtin yetọn to ohòn dòtin ṣie dali, adó sọ tin to yẹn po yé po ṣẹnṣẹn; yé ko sọ flu oyín wiwe ṣie gbọn osùnú he yé ko wà lẹ dali: enẹwutu wẹ yẹn ko và yé súdo to adi ṣie mẹ. 9Dinvie gbọ yé ni dè ayòdide yetọn sè, po osiọ ahọlu yetọn lẹ tọn lẹ po, dẹn sọn dẽ, yẹn na sọ nọ nò gblagbla yé tọn mẹ kakadoi.
10Hiẹ, visunnu gbẹtọ tọn, do ohò lọ hiẹ owhé Islaeli tọn, na yè nido hẹn winyan oylanwà yetọn lẹ tọn hù yé: bo sọ gbọ yé ni jlẹ ohiamọ lọ. 11Podọ eyín yè hẹn winyan ehe yé ko wà lẹpo tọn hù yé, hẹn ohiamo; óhò lọ tọn zùn yinyọnẹn hlan yé, po obasi etọn po, po ogbonu yì etọn le po, po whégbè wá etọn lẹ pó, po ojlẹmọ etọn lẹpo po, po asẹdai etọn lẹpo po, po ójlẹinọ etọn lẹpo po, po osén etọn lẹpo po, bo sọ wlan ẹn to nukun yetọn mẹ: na yé nido yìn ojlẹmọ etọn pete, po asedai etọn lẹpo po, bo sọ nọ basi yé. 12Ehe wẹ osén ohò lọ tọn: to aga osé lọ tọn ji obónu etọn pete lédo pé na yín wiwe petepete Dayi e go, ehe wẹ osén ohò lọ tọn.
13Ehelẹ sọ wẹ ojlẹ agbà lọ tọn gbọn awàgbà dali: (awàgbà lọ wẹ awagbà dopo po alọhomẹgbigblo dopo po:) Oglọ na yín awàgbà dopo, podọ ogblo lọ awàgbà dopo, podọ olédo etọn gbọn otónu etọn dali lédo pó alọkikẹ dopo: ehe na yín nẹgbé agbà lọ tọn. 14Podọ sọn oglọ to aigba jẹ apèpẹ odòtọn go na yín awàgbà awe, podọ ogblo awàgbà dopo; podọ sọn apèpẹ pẹvi jẹ apèpẹ daho go na yín awàgbà ẹnẹ, podọ ogblo awàgbà dopo. 15Podọ agbà agatọn na yín awàgbà ẹnẹ; podọ sọn adò agbà lọ tọn kòn podọ hlanagadali azò ẹnẹ na tin finẹ. 16Podọ adò agbà lọ tọn na yín awàgbà wiawe tẹdidi podọ wiawegbigblo, ẹnẹsọzẹn to adà etọn ẹnẹ lẹ mẹ; 17Podọ apèpẹ lọ na yín awàgbà wiẹnẹ tedidi podọ wiẹnẹ gbigblo to adà etọn enẹ lẹ mẹ; podọ olédo e tọn na yín awàgbàda dopo; podọ oglọ etọn na yín awàgbà dopo nkọ; podọ agahénu etọn lẹ na pèn hlan whèyihọ dali.
18E sọ dọ hlan mi dọ, Visunnu gbẹtọ tọn, le wẹ OKLUNỌ JIWHEYẸWHE dọ: Ehelẹ wẹ asẹdai agbà lọ tọn lẹ to azán lọ mẹ whenuena ye na basi i, nado nọ na avọ̀ nunina mimẹ̀ lẹ to finẹji, podọ nado nọ mì ohùn to finẹji. 19Hiẹ na na hlan yẹwhenọ lẹ Levinu lẹ lọ he tin sọn okún Zadọki tọn mẹ, he tin sẹpè hlan dẽ lẹ, nado nọ wàdevizén hlan mi, wẹ OKLUNỌ JIWHEYẸWHE dọ, oyìnsú winyanwinyan dopo na avè nunina ylando de tọn. 20Hiẹ bo na sọ yí sọn ohùn etọn mẹ, bo yí i do azò e tọn ẹnẹ lẹ ji, podọ do olọnglọnẹn ẹnẹ apèpẹ lọ tọn lẹ ji, podọ do olédo lọ ji lédo pé: le wẹ hiẹ na lè ẹ wé do bo sọ basi ovésè na ẹn. 21Hiẹ na sọ yi oyìnsú avọ́ nunina ylando tọn lọ ga, ewọ na sọ mè ẹn to otẹn didè ohò lọ tọn mẹ, to gbonu fiwiwe lọ tọn. 22Podọ to azán awetọ gbè hiẹ na yí alunkùn dopo matin azọ̀n do na avọ́ nunina ylando de tọn; yé na sọ lè agbà lọ wé dile yé yí oyìnsú lọ do lè ẹ wé do. 23Whenuena hiẹ ko basi opòdo lìlè ẹ wé tọn de vò, hiẹ na yí oyìnsú winyanwinyan de matin azọ̀n do na nunina, po agbò de po matin azọ̀n sọn lẹngbọpa mẹ. 24Hiẹ na sọ hẹn yé wá sẹpè to OKLUNỌ nukọn, yẹwhenọ lẹ lọ bo na dlẹn ojè do yé ji, yé bo na sọ yí yé jó na avọ́ nunina mimẹ̀ de hlan OKLUNỌ. 25Azán ṣinawe wẹ hiẹ na do wleawuna alunkùn dopo egbesọ na avọ́ nunina ylando de tọn: yé na sọ wleawu oyìnsú dopo tọn ga, po agbò dopo po sọn lẹngbọpa lọ mẹ matin azọ̀n. 26Azán ṣinawe wẹ yé na do basi ovèsè na agbà lọ bo sọ hẹn en zùn wiwe; mọwẹ yé na hẹn alọ etọn le gó do. 27Podọ whenuena yé ko hẹn azán le lọ pé pó, é na tin dọ to azán sinatọntọ ji, podọ hlannukọn, yẹwhenọ lẹ na nọ basi avẹ́ nunina mimẹ̀ mìtọn lẹ to agbà lọ ji, pọ avọ́ nunina jijọho tọn mìton lẹ po; yẹn bo na sọ kẹalọyi mì, wẹ OKLUNỌ JIWHEYẸWHE dọ.
441WHENẸNU wẹ é sọ hẹn mi gè gbọn aliho họngboji gbonu fiwiwe lọ tọn tọn, he pọ́n hlan whèyihọ dali; é sọ tin súsú. 2OKLUNỌ sọ dọ hlan mi dọ, Họngbo he na tin susú, é ma na yín hùnhùn gba, mọ omẹ de ma na gbọn e dali biọ whégbè, na OKLUNỌ, Jiwheyẹwhe Islaeli tọn, ko gbọn e dali biọ whégbè; enẹwutu é na tin súsú. 3Na ahọvi lọ tọn, é na sín finẹmẹ di ahọ, vi nado nọ dù akla to OKLUNỌ nukọn; ewọ na gbọn aliho awánu họngboji lọ tọn tọn biọhọmẹ, bo na sọ gbọn aliho dopolọ tọn jẹgbonu yì. 4Whenẹnu wẹ é sọ hen mi wá gbọn aliho agéwaji tọn to ohò lọ nukọn; yẹn sọ pọ́n, bo dayi e go, gigo OKLUNỌ tọn gè ohò OKLUNỌ tọn lọ mẹ: yẹn bo sọ hó do nukunmẹ ṣie ji. 5OKLUNỌ sọ dọ hlan mi dọ, Zé ayiha towe doji, bo sọ yí nukun towe lẹ do pọ́n, bo sọ yí otọ́ towe lẹ do sè ehe yẹn do hlan we lẹpo gbọn asẹdai ohò OKLUNỌ tọn tọn lẹpo tọn dali, po osén etọn lẹpo po; bo ze ayiha towe do obiọ ohò lọ mẹ tọn ji, po gbonu jẹ yì fiwiwe lọ ton lẹpo po. 6Hiẹ na sọ dọ hlan atènọ lẹ, yèdọ hlan owhé Islaeli tọn dọ, Le wẹ OKLUNỌ JIWHEYẸWHE dọ: Mì owhé Islaeli tọn emi, gbọ é ni pékòna mì sọn osùnú mìtọn lẹpo mẹ, 7to ehe mì ko hẹn akọ̀dẽvo le wá whegbè mẹ, whẹ̀magbònọ to ayiha me podọ whẹ̀magbònọ to agbasalan mẹ, nado tin to fiwiwe ṣie mẹ, nado flu i, yèdọ ohò ṣie, whenuena mìwlẹ yí akla ṣie do sánvè, ojó lọ po ohùn lọ po, bọ mì ko gbà alẹ̀nù ṣie to osùnú mìtọn lẹpo mẹ. 8Podọ mìwlẹ ma ko sọ yìn asẹ onú wiwe ṣie lẹ tọn gba: ṣigba mìwiẹ ko zé nugopèntọ asẹ ṣie tọn lẹ to fiwiwe ṣie mẹ dote na míde. 9Le wẹ OKLUNỌ JIWHEYẸWHE dọ, Akọ̀dẽvo de, whèmagbonọ to ayiha mẹ podọ to agbasalan mẹ, ma na biọ fiwiwe ṣie mẹ, sọn akọ̀dẽvo depope mẹ he tin to ovi Islaeli tọn lẹ ṣẹnṣẹn. 10Adavo Levinu he yì dẹn sọn dẽ lẹ, whenuena Islaeli buali yì, he buali yì sọn dẽ hodo vodun yetọn lẹ; yé na sọ hẹn oylanwà yetọn. 11Gãnṣo yé na nọ yín devizénwàtọ lẹ to fiwiwe ṣie mẹ, bo tindo núgopèn to họngbo ohò ṣie tọn lẹ lọ ji, bo sọ to devizọnwà to ohò ṣie mẹ: yé na sọ nọ hù a vè nunina mimẹ̀ po avọ́sánnu po na gbẹtọ lẹ, yé bo na sọ nọ site to yé nukọn nado nọ wàdevizọ́n hlan yé. 12Na yé wàdevizèn hlan yé tọ vodun yetọn lẹ nukọn wutu, bo sọ lẹzùn zannúagbali oylanwà tọn de hlan ọwhó Islaeli tọn; enẹwutu wẹ yẹn zé alọ ṣie daga do yé ji, wẹ OKLUNỌ JIWHEYẸWHE dọ, yé na sọ hẹn oylanwà yetọn. 13Yé ma na sọ wá sẹpé jẹ dẽ, nado hẹn sin enzón yẹwhenọ tọn sọ hlan mi gba, kavi nado wá sẹpọ́ jẹ depope sọn onú wiwe ṣie lẹ de mẹ gba, jẹ onú he yín wiwe petepete lẹ kòn: ṣigba yé na hẹn owinyan yetọn, po osùnú yetọn he yé ko wà lẹ po. 14Gãnṣo yẹn na yí yé do basi nugopòntọ asẹ ohò lọ tọn tọn lẹ, na sinsẹ̀nzọ́n etọn lepo, podọ na ehe na yín wiwà to finẹmẹ lẹpo.
15Ṣigba yẹwhenọ Levinu lẹ lọ, visunnu Zadọki tọn lẹ, he yìn asẹ fiwiwe ṣie tọn lọ whenuena ovi Islaeli tọn lẹ buali yì sọn dẽ, yewlẹ na wá sẹpò jẹ dẽ nado nọ wàdevizòn hlan mi; yé na sọ nọ ṣite to nukọn ṣie nado nọ yí ojó po ohùn lọ po do sánvò hlan mi, wẹ OKLUNỌ JIWHEYẸWHE dọ: 16yé na nọ biọ fiwiwe ṣie mẹ, yé na sọ wá sẹpò jẹ tafo ṣie kòn, nado nọ wàdevizòn hlan mi, yé bo na sọ nọ yìn asẹ ṣie. 17E na sọ wá yín dọ whenuena yé biọ họngbo otògùn homẹtọn lẹ mẹ, yè na yí awugbo alavọ̀ tọn lẹ do ṣinyọ̀navọ̀na yé; lẹngbọfun de ma na wá yé go, whenuena yé to deviznwà to họngbo otògùn homẹtọn tọn lẹ mẹ, podọ to ohò lọ mẹ. 18Yé na tindo zínvò alà tọn lẹ to ota yetọn lẹ ji, bò sọ tindo vàliya alà tọn to alinkan yetọn; yé ma na yí onú depope he na henmẹ jẹdẹn do blagbajana yéde gba. 19Podọ whenuena yé jẹgbonu yì biọ otògùn gbonutọn mẹ, yèdọ biọ otògùn gbonutọn mẹ jẹ gbẹtọ lẹ de, yé na dè awugbo yetọn he mẹ yé wàdevizòn te lẹ sè, bo bé yé do abò wiwe lẹ lọ me, yé bo na sọ yí awugbo dẽvo lẹ do ogo, na yé ma na do yí awugbo yetọn lẹ do klan gbẹtọ lẹ do wiwe gba. 20Mọ yé ma na lùn odà yetọn gba, kavi jó ahòndòmẹda yetọn lẹ do nado wú dite gba; yé na gbó nọ dè odà yetọn lẹ pò kẹdẹ wẹ. 21Mọ yẹwhenọ depope ma na nù ovẹ̃n, whenuena yé biọ otògùn homẹtọn mẹ. 22Mọ yé ma na yí asusiọsi de na asi yetọn lẹ gba, kavi ewọ he yè dè sẹ̀: ṣigba yé na nọ dè awhli lẹ sọn okún owhé Islaeli tọn tọn lẹ mẹ, kavi asusiọsi de he yín asúsiọsi yẹwhenọ de tọn. 23Yé bo na sọ nọ plọ̀n omẹ ṣie lẹ ovogbìngbọn he to wiwe po ovọtò po ṣẹnṣẹn, bo sọ hẹn yé nado fọ̀yẹ̀ to mawé po wiwe po ṣẹnṣẹn. 24Podọ to nuindọn de me yé na nọte nado dawhẹ̀; kẹdẹdi whẹ̀dida ṣie wẹ yé na do da ẹ: yé na sọ nọ yìn osẹ́n ṣie lẹ po osẹ́ndoai ṣie lẹ po to ohùnwhẹ didè ṣie lẹpo mẹ; yé na sọ nọ hiọ gbọjẹzán ṣie lẹ. 25Yé ma na wá gbẹtọ oṣiọ de kọ̀n nado flu yéde gba: aigba na otọ́, kavi na onọ, kavi na visunnu, kavi na viyọnnu, na nọvisunnu, kavi na nọviyọnnu he ma ko tindo asú de, yé sọgan flu yéde. 26Podọ godo yè lẹ̀ ewọ wé, yé na hia azán ṣinawe hlan ẹn. 27Podọ azán he mẹ ewọ yì biọ fiwiwe lọ mẹ, biọ otògùn homẹtọn mẹ, nado wàdevizọ̀n to fiwiwe lọ mẹ, ewọ na na avọ́ nunina ylando etọn tọn, wẹ OKLUNỌ Jiwheyẹwhe dọ. 28Yé bo na sọ tindo ogú de; Yẹn wẹ ogú yetọn: mìwlẹ ma na na nutindo de yé to Islaeli mẹ gba; yẹn wẹ nutindo yetọn. 29Yé na nọ dù avọ̀ nunina jinulili tọn, po avọ̀ nunina ylando tọn po, po avọ̀ nunina whẹ̀ylan tọn po; podọ onú do dopà to Islaeli mẹ lẹpo na yín yetọn. 30Podọ tintan sọn sinsẹ́ntintan onú lẹpo tọn lẹpo mẹ, po avọ̀ nunina zédlanga tọn lẹpo po, sọn avọ̀sánnu mìtọn lẹpo mẹ, na tin na yẹwhenọ lẹ: míwlẹ na na sọn tintan ojmu ginglin mìtọn mẹ hlan yẹwhenọ lọ ga, nado hẹn odona de nado jẹ do owhó towe ji, 31Yẹwhenọ lẹ ma na dù sọn onú he kú ededenu depope mẹ, kavi yè dòn tlẹn, yín é yín ohò kavi gbékanlin.
451HUMỌ, whenuena míwlẹ na má aigba lọ na ogú gbọn ovòdidè dali, mìwlẹ na na avọ̀sánnu de hlan OKLUNỌ, owiwe sọn aigba lọ mẹ: ote lọ na yín ote ofán fọtọ̀n kòatòn tọn: é na yín wiwe to olẹ́do etọn lẹpo mẹ lẹ́do pé. 2Sọn ehe mẹ fowekanweko to ote mẹ podọ fowekanweko to ogblo mẹ na tin finẹ na otẹn wiwe lọ, adàẹnẹsọzen lédo pó; podọ awàgbà kandeao na otẹnmọ vọtọ̀ etọn lẹ́do pé. 3Podọ jijlẹ he mẹ wẹ hiẹ na jlẹ sọn, ote fọtọ́n kòatòn tọn de, podọ ogblo fọtọ́n ao tọn de: podọ é mẹ wẹ fiwiwe lọ na te, he yín wiwe petepete. 4Mimá wiwe aigba lọ tọn de wẹ; é na tin na yẹwhenọ lẹ, devizọ̀nwàtọ fiwiwe lọ tọn lẹ, he wá sẹpò nado wàdevizọ̀n hlan OKLUNỌ; é bo na sọ yín otẹnmẹ de na ohọ̀ yetọn lẹ, podọ otẹnmẹ wiwe de na fiwiwe lọ. 5Podọ fọtọ̀n koatọ́n to ote mẹ, podọ fọtọ̀n ao to ogblo mẹ, na tin hlan Levinu lẹ lọ, devizọ̀nwàtọ ohọ̀ lọ tọn lẹ, na nutindo de hlan yéde, na tòdaho lẹ nado nọ nọ̀ e mẹ. 6Míwlẹ na sọ dè nutindo fọtọ̀n atọ́n gbigblo sọn tòdaho lọ mẹ, podọ fọtọ́n koatọ́n tedidi, to oha dopo jì po avọ̀sánnu wiwe lọ po sọn mimá wiwe lo mẹ: é na tin na owhé Islaeli tọn lẹ pete. 7Podọ nudepope he tin na ahọvi lọ na tin to awà dopo ji podọ to awà awetọ ji sọn avọ̀sánnu wiwe lọ mẹ podọ sọn nutindo tòdaho lọ tọn mẹ, to nukọn avọ̀sánnu wiwe lọ tọn podọ to nukọn nutindo tòdaho lọ tọn tọn, to adà whèyihọ tọn ji hlan whèyihọ dali, pòdọ to whèzẹtẹn ji hlan whèzẹtẹn dali: podọ to ote mẹ pẹ̀nhlan jẹ dopo mimá lẹ tọn dali, sọn olẹ́do whèyihọ tọn jẹ olẹ́do whèzẹtẹn tọn. 8To aigba lọ mẹ é na tin hlan ewọ na nutindo de tò Islaeli mẹ: bọ ahovi ṣie lẹ ma na sọ bianukunna omẹ ṣie lẹ gbede ba; ṣigba yé na na aigba lọ hlan owhe Islaeli tọn kẹdẹdi whẹndo yetọn lẹ.
9Le wẹ OKLUNỌ JIWHEYẸWHE dọ: Gbọ é ni pékọna mì, mì ahọvi Islaeli tọn emi: dè huhlọnnu po ogble pò sẹ̀, bo hen whẹ̀dida po dódówà po sẹ; mì dè mẹhòdù mìtọn lẹ sò sọn omẹ ṣie lẹ mẹ, wẹ OKLUNỌ JIWHEYẸWHE dọ. 10Mìwlẹ na tindo nújlẹnú jijlọ lẹ, po ẹfa jijlọ de po, po bati jijlọ de po. 11Ẹfa lọ po bati lọ po na yín ojlẹ dopo lọ tọn, na bati lọ nido hẹn madaotọ homẹli de ton, podọ ẹfa lọ madaotọ homẹli de tọn: ojlẹ etọn na tin kẹdẹdi homẹli lọ. 12Podọ Bẹkeli lọ na yín gela okò: sẹkeli okò, sẹkeli koatọ́n, sẹkeli fọtọ̀n, na yín manẹ mìtọn. 13Ehe wẹ avọ̀sánnu mìtọn he mì na do nọ sánvọ́; mádoṣidopotọ ẹfa dopo tọn sọn homẹli dopo oli tọn mẹ, mìwlẹ na sọ nọ na madoṣidopoto ẹfa dopò tọn sọn homẹli bali dopo tọn mẹ: 14podọ mimá amì tọn dido de, sọn bati amì tọn mẹ, na yín mádaotọ bati dopo tọn sọn kọli lọ mẹ, he yín bati ao, yèdọ homẹli dopọ́; na bati ao wẹ homẹli dopo: 15podọ lẹngbọvu dopo sọn lẹngbopa mẹ, sọn fọde mẹ, sọn kanlindùgbo húsìnna dagbedagbe Islaeli tọn lẹ mẹ; na avọ̀ nunina jinulili tọn de, pòdọ na avọ̀ nunina mimẹ̀ de, podọ na avọ́ nunina jijọho tọn lẹ de, nado basi ovẹ̀sè na yé, wẹ OKLUNỌ JIWHEYẸWHE dọ. 16Gbẹtọ aigba lọ tọn lẹpo na tin na avọ̀sánnu he na ahọvi lọ to Islaeli mẹ. 17E na sọ yín ahọvi lọ tọn nado nọ na avọ̀ nunina mimẹ lẹ, po avọ̀ nunina jinulili tọn lẹ po, po avọ̀ nunina nùhiì tọn lẹ po, to hùnwhẹ lẹ mẹ, podọ to osùn yọyò le mẹ, podọ to gbọjezán lẹ mẹ, to hùnwhẹ didè owhé Islaeli tọn tọn lẹ me: ewọ na wleawuna avọ̀ nunina ylando tọn, po avọ̀ nunina jinulili tọn po, po avọ̀ nunina mimẹ̀ tọn po, po avọ̀ nunina jijọho tọn lẹ po, nado basi ovẹ̀se na owhé Islaeli tọn.
18Le wẹ OKLUNỌ JIWHEYẸWHE dọ: To Osùn tintan mẹ, to azán tintan osùn lọ tọn mẹ, hiẹ na yí oyìnsú winyanwinyan de matin azọ̀n; hiẹ bo na sọ lẹ̀ fiwiwe lẹ wé. 19Yẹwhenọ lọ na sọ yí sọn ohùn avọ́ nunina ylando tọn lọ me, bo yi i do odòtin ohòn ohò lọ tọn lẹ ji, podọ do olọnglọnẹn ẹnẹ apèpẹ agbà lọ tọn tọn lẹ ji, podọ do odòtin ohọ̀ngbo otògùn homẹtọn lẹ tọn tọn ji. 20Podọ mọwẹ hiẹ na sọ wà to azán ṣinawetọ osùn lọ tọn mẹ na omẹ he buali lẹ dopodopo, podọ na ewọ he yín olẹ̀nnọ: mọwẹ mìwlẹ na basi ovèsè na owhe lọ. 21To osùn tintan me, to azán wiẹnẹtọ osùn lọ ton me, mìwlẹ na tindo juwayi lọ, hùnwhẹ azán ṣinawe tọn de; akla madotòn wẹ yè na dù. 22Podọ to azán nẹ ji wẹ ahọvi lọ na wleawu oyìnsú dopo tọn na avọ̀ nunina ylando de tọn na ede podọ na omẹ aigba lọ ton lẹpo 23Podọ azán hùnwhẹ lọ tọn gbè, ewọ na wleawu avọ̀ nunina tọn de hlan OKLUNỌ, oyìnsú ṣinawe po agbo ṣinawe po matin azọ̀n egbesọegbesọ azán ṣinawe; po alunkùn dopo po egbesọegbtsọ na avọ̀ nunina ylando de tọn 24Podọ ewọ na sọ wleawu avọ́ nunina jinulili tọn de, ẹfa dopo na oyìnsú dopo, podọ ẹfa dopo na agbò dopo, podọ hini amì tọn dopo hlan ẹfa dopo 25To osùn sinawetọ mẹ, to azán fọtọ̀ntọ osùn lọ tọn mẹ, to hùnwhẹ lọ mẹ, we ewọ na sọ Wà mọnkọtọn azán ṣinawe; kedẹdi avọ́ nunina ylando tọn, kẹdedi avọ́ nunina mimẹ̀ tọn, podọ kẹdẹdi avọ̀ nunina jinulili tọn, podọ kẹdedi amì lọ.
461LE wẹ OKLUNỌ JIWHEYẸWHE dọ: Họngboji otògùn homẹtọn tọn he pọ̀n hlan whèzẹtẹn dali na tin súsú azán ṣidopo azọ́nwà tọn lẹ mẹ; ṣigba to ogbọjẹzán ji é na yín hùnhùn, podọ to azán osùn yọ́yọ́ lọ na yin hùnhùn, 2Podọ ahọvi lọ na gbọn aliho awánu họngboji gbonu tọn tọn mẹ biọwhégbè, bo na ṣite to odòtin họngbo lọ tọn dali, yẹwhenọ lẹ na sọ wleawu avọ̀ nunina mìmẹ etọn etọn po avọ̀ nunina jijọho tọn etọn lẹ po, ewọ na sọ litai to ohọ̀ntònu họngbo lọ tọn ji; whenẹnu wẹ ewọ na jẹgbonu yì: ṣigba họngbo lọ ma na yín súsú kakajẹ whèjai. 3Gbẹtọ aigba lọ ji tọn lẹ na sọ nọ Titái to ohọ̀n họngbo nẹ tọn go to OKLUNỌ nukọn to gbọjezán lẹ mẹ podọ to osùn yọ́yọ̀ lẹ mẹ. 4Podọ avọ́ nunina mimẹ̀ tọn he ahọvi lọ na do sánvọ́ hlan OKLUNỌ na yín to gbọjẹzán lọ mẹ lẹngbọvú ṣidopo matin azọ̀n po agbò dòpo po matin azọ̀n; 5podọ avọ́ nunina jinulili tọn lọ na sọ yín ẹfa dopo na agbò dopo, podọ avọ̀ nunina jinulili tọn lọ na lẹngbọvú lẹ dole ewọ tin sọgan nado na do, po hini amì tọn dopo po hlan ẹfa dopo. 6Podọ to azán osùn yọ́yọ́ lọ tọn mẹ é na yín oyìnsú winyanwinyan dopo matin azọ̀n; po lẹngbọvú ṣidopo po, po agbò dopo po; yé na yín matin azọ̀n: 7ewọ na sọ wleawu avọ nunina jinulili de tọn, ẹfa dopo na oyìnsú lọ, po ẹfa dopo po na agbò lọ, podọ na lẹngbọvú le kẹdẹdi le alọ etọn na pé e go do, po hini dopo amì tọn po hlan ẹfa dopo. 8Podọ whenuena ahọvi lọ na biọ whégbè, ewọ na gbọn aliho awánu họngboji lọ tọn ton mẹ biọ whégbè yì, é bo na sọ gbọn aliho etọn lọ mẹ jẹgbonu yì. 9Ṣigba whenuena gbẹtọ aigba lọ tọn lẹ na wá OKLUNỌ nukọn to hùnwhẹ didè le lọ mẹ, ewọ he gbọn aliho họngbo agéwaji tọn jibiọ whégbè nado litai na gbọn aliho họngbo huwàji tọnji jegbonu yì; podọ ewọ he sọ gbọn aliho họngbo huwàji tọn ji biọ whégbè na gbọn aliho họngbo agéwaji tọn ji jẹgbonu yì; ewo ma na gbọn aliho họngbo fie ewọ gbọn biọ whégbè tọn lọ ji lẹ́gọ̀ gba, ṣigba na jẹgbonu yì titegbe to ewọ nukọn. 10Pòdọ ahọvi lọ, whenuena yéwlẹ yì whégbè, na yì whégbè to gblagbla yé tọn mẹ; podọ whenuena yéwlẹ jẹgbonu yì, ewọ na sọ jẹgbonu yì. 11Podọ to hùnwhẹ lẹ lọ mẹ podọ to hùnwhẹ didè lẹ lọ mẹ avọ̀ nunina jinulili tọn lọ na yín ẹfa dopo na oyìnsú dopo, po ẹfa dopo po na agbò dopo, podọ na lẹngbọvú lẹ dole ewọ tin sọgan nado na do, po hini amì ton dopo po hlan ẹfa dopo. 12Podọ whenuena ahọvi lọ na wleawu avọ́ nunina ojlomẹ tọn de tọn, avọ̀ nunina mimẹ̀ tọn de kavi avọ nunina jijọho tọn lẹ di avọ̀ nunina ojlomẹ tọn de hlan OKLUNỌ, mede na hùn họngbo he pòn hlan whèzẹtẹn dali tọn na ẹn, ewọ bo na sọ wleawu avọ̀ nunina mimẹ̀ tọn étọn po avọ̀ nunina jijọho tọn etọn po, dole ewọ wà to azán ogbọjẹ tọn ji do; whenẹnu ewọ na jẹgbonu yì; podọ to gbonujẹ yì etọn godo mẹde na sọ sú họngbo lọ. 13Hiẹ bo na; sọ wleawu lengbọvú owhè tintan tọn de matin azọ̀n na avọ̀ nunina mimẹ̀ tọn de hlan OKLUNỌ egbesọegbesọ: afọnnu-afọnnu wẹ hiẹ na nọ wleawu e tọn. 14Hiẹ bo na sọ wleawu avọ́ nunina jinulili tọn de po e po to afọnnuafọnnu, mádosidopotọ ẹfa dopo tọn, po mádatòntọ sọn hini amì tọn dopo mẹ, nado yí do hò linfin dagbedagbe lọ; avọ́ nunina jinulili tọn de hlan OKLUNỌ jeijei gbọn asẹdai de dali whẹ̃whẹ̀. 15Le wẹ yé ná wleawu lẹngbọvú lọ tọn do, po avọ́ nunina Jinulili lọ tọn po, po amì lọ po, to afọnnu-afọnnu, ná avọ́ nunina jei jei de.
16Le wẹ OKLUNỌ JIWHEYẸWHE dọ: Eyín ahọvi lọ na nunina de hlan depope sọn visunnu etọn lẹ mẹ, ogú ewọ tọn wẹ, é na sọ yín visunnu etọn lẹ tọn; nutindo yetọn é yín gbọn ogú dali. 17Ṣigba eyín ewọ na nunina de hlan dopo sọn devi etọn lẹ mẹ sọn ogú etọn mẹ, é na yín etọn jẹ owhè mẹdekannujẹ tọn lọ mẹ; whenẹnu é na lẹ́gọ̀ jẹ ahọvi lọ de; ṣigba na ogú etọn tọn, é na tin na visunnu etọn lẹ. 18Humọ ahọvi lọ ma na yí sọn ogú gbẹtọ lẹ tọn mẹ; nado tùn yé jẹgbonu sọn nutindo yetọn mẹ gba; ewọ na na ogú hlan visunnu eton lẹ sọn nutindo etọn titi mẹ: na yè ma na do vúnvún omẹ ṣie lẹ omẹ dopodopo sọn nutindo etọn mẹ gba.
19Whenẹnu wẹ é sọ hẹn mi gbọn okule mẹ wá, he tin to adà họngbo lọ tọn ji, biọ abò wiwe na yẹwhenọ, lẹ jlẹ mẹ, he pọ́n hlan agéwaji dali: bo dayi e go, otẹn de tin finẹ to godo wàji hlan whèyihọ dali. 20Ewọ bo sọ dọ hlan mi dọ, Ehe wẹ otẹn lọ fie yẹwhenọ lẹ na nọ sọakusìn avọ̀ nunina whẹ̀ylan tọn po avọ̀ nunina ylando tọn po te, fie yé na nọ hi avọ nunina jinulili tọn te; na yé ma na do hẹn yé jẹgbonu wá biọ otògùn gbonutọn mẹ blo, nado klan gbẹtọ lẹ do wiwé. 21Whenẹnu wẹ é sọ hẹn mi jẹgbonu wá biọ, otògùn gbonutọn mẹ, bo sọ hẹn mi nado juyì gbọn olọnglọnẹn ẹnẹ otògùn lọ tọn lẹ mẹ; bo dayi e go, olọnglọnẹn otògùn de tọn tin finẹ to olọnglọnẹn otògùn dopodopo tọn mẹ. 22To olọnglọnẹn ẹnẹ otògùn lọ tọn lẹ mẹ otògùn yè dódedodego lẹ tin? finẹ, awàgbà kande tedidi podọ awàgbà ogbàn gbigblo: ẹnẹ helẹ to olọnglọnẹn, lẹ lọ mẹ yín ojlẹ dopo tọn. 23Podọ oha dido tọn de sọ tin fine lẹ́do podọ to yé mẹ, lẹ̀do ẹnẹ lẹ pe, yè sọ basi i po otẹn akusìnsọnú tọn lẹ po to hatito lẹ lọ glọ lẹ́do pé. 24Whenẹnu wẹ é dọ hlan mi dọ, Ehelẹ wẹ ohọ̀ akusìnsọnú tọn lẹ, fie devizọnwàtọ ohọ̀ lọ tọn lẹ na nọ sọakusìn avọ̀sánnu gbẹtọ lẹ tọn te.
471E sọ hen mi wá godo jẹ ohọ̀n ohọ̀ lọ tọn kọ̀n; bo dayi e go, osìn lẹ to vivi jẹgbonu sọn oglọ họ̀ntònu ohò lọ tọn mẹ hlan whèzẹtẹn dali, na onukọn ohọ̀ lọ tọn tin hlan whèzẹtẹn dali: osìn lẹ sọ jẹte sọn oglọ wà, sọn adà adusi ohọ̀ lọ tọn mẹ, to huwàji agbà lọ tọn go. 2Whenẹnu wẹ ewọ sọ hẹn mi gbọn aliho họngbo agewàji dali tọn ji jẹgbonu wá, bo plan mi lédo gbọn aliho gbonu jẹ họngbo gbonutọn ji, gbọn aliho họngbo he pọ́n hlan whèzẹtẹn dali tọn ji; bo dayi e go, osìn lẹ to sisa jẹgbonu to awà adusi ji. 3Whenuena dawe lọ jẹgbonu yì whèzẹtẹn dali po okàn lọ po to alọ etọn mẹ, é jlẹ awàgbà fọtọ́n dopo, é sọ hẹn mi nado ju gbọn osìn lẹ lọ mẹ wáyi, osìn he tin jẹ afọgomẹ lẹ. 4E sọ jlẹ fọtọ́n dẽvo, bo hen mi nado ju gbọn osìn lẹ lọ mẹ wáyi, osìn lẹ he tin jẹ okligonu lẹ. E sọ vó fọtọ́n dẽvo jlẹ, bo hẹn mi nado ju gbọn osìn lẹ lọ mẹ wáyi, osìn lọ tin jẹ adàmẹ. 5Hlangodo é sọ jlẹ fọtọ́n dopo; é bo sọ yín otò de he yẹn ma sogan ju gbọn e mẹ wáyi: na yè to osìn lẹ lọ hẹn fọ́n, osìn lẹ nado nọ linsìn to e mẹ, otò he yè ma sọgan gbigbopla. 6Ewọ sọ dọ hlan mi dọ, Visunnu gbẹtọ tọn, hiẹ ko mọ ehe? whenẹnu wẹ é sọ hẹn mi wá, bo hẹn mi nado lẹ́gọ̀ jẹ otónu otò lọ tọn. 7Dinvie whenuena yẹn ko lẹ́gọ̀, dayi e go, atin susu tin to otónu otọ̀ lọ tọn to adà ode ji podọ to awetọ ji. 8Whenẹnu wẹ é dọ hlan mi dọ, Osìn helẹ sà jẹgbonu hlan agbègbè whèzẹtẹn tọn dali, bo na jẹte yì biọ Àlaba mẹ: yé bo na sọ sọkọ̀ yì ohù dali; ohù mẹ wẹ osìn lẹ lọ he yè hẹn nado to sisà jẹgbonu na biọ yì; yè bo na sọ hẹnazọngbọna osìn lẹ lọ. 9E na sọ wá jọ, dọ núdida gbẹ̀te dopodopo he to sìnlìn, to otẹn fie otò awe lẹ wá lẹpo mẹ, na nọgbẹ̀; ogégé susu talala owhèvi lọ tọn de na sọ tin to finẹ: na yè hẹn osìn helẹ wá finẹdali, na onú lẹpo nido yín azọ̀nhẹngbọna bo sọ nọgbẹ̀, onú lẹpo na sọ nọgbẹ̀ to fidepope otọ̀ lọ wá. 10E na sọ wá jọ, dọ owhèvi lọ na ṣite to e go: sọn Ẹni-gẹdl mẹ yèdọ jẹ Ẹni-ẹglaimi na yín otẹn de na dindlẹn odọ̀ lẹ tọn; owhèvi yetọn lẹ na tin kẹdẹdi hùnkọ yetọn lẹ, di owhèvi ohù daho tọn lẹ, susu pọ́gégé. 11Ṣigba otẹn ogbọ̀n etọn tọn lẹ po ogbàmẹ etọn lẹ po, wẹ yè ma na hẹnazọ̀ngbọna gba; yè na jó e na ojẹ̀. 12Podọ to otò lọ go to otónu etọn ji, to adà he ji podọ to adà nẹ ji, wẹ atin lẹpo na wú te na núdùdù, amà ehetọn ma to na yé, mọ sinsẹ́n etọn ma to na pòali: é na nọ hẹn sinsẹ́ntintan lẹ jẹgbonu wá, na osìn etọn lẹ to sisa sọn fiwiwe mẹ wutu: sinsẹ́n etọn bo na sọ tin na núdùdù, podọ amà etọn na azọ̀nhẹngbọ.
13Le wẹ OKLUNỌ Jiwheyẹwhe dọ: Ehe wẹ na yín olẹ́do lọ, he míwlẹ na do má aigba lọ na ogú kẹdẹdi owhèndo Islaeli tọn wiawe lẹ: Josẹfu na tindo mimá awe. 14Mìwlẹ na sọ yí i do dùgú, mẹde kedẹdi mẹawetọ; na enẹ yẹn zé alọ ṣie daga nado na ẹn hlan otọ́ mìtọn lẹ: aigba he bo na sọ flẹ jẹ mì de na ogú. 15Ehe wẹ na sọ yín olẹ́do aigba lọ tọn: to adà agéwaji tọn ji, sọn ohù daho lọ mẹ, to aliho Hẹtlọni tọn dali, jẹ bibiọ whégbè Zedadi tọn ji; 16Hamati, Belota, Siblaìmi, he tin to olẹ́do Damasku tọn po olédo Hamati tọn po ṣẹnṣẹn; Hazelihatikọni, he tin to olẹ́do Haulani tọn dali. 17Podọ olẹ́do lọ sọn ohù lọ mẹ na yín Hazali-enọni to olẹ́do Damasku tọn kọ̀n, podọ to agewàji hlan agéwaji dali wẹ olẹ̀do Hamati tọn. Ehe wẹ adà agewàji tọn. 18Podọ adà whèzẹtẹn tọn, to Haulani po Damasku po ṣẹnṣẹn po Gileadi po, po aigba Islaeli tọn po, na yín Jọdani; sọn olẹ́do agéwaji tọn jẹ ohù whèzẹtẹn tọn ji wẹ mì na jlẹ. Ehe wẹ adà whèzẹtẹnji tọn. 19Podọ adà huwaji tọn hlan huwaji dali na tin sọn Tamali me kakajẹ osìn Mẹlibotikadeṣi tọn lẹ kọ̀n, jẹ otọ̀pẹ́ṣẹ́ Egipti tọn kòn, jẹ ohù daho lọ kọ̀n. Ehe wẹ adà huwàji tọn hlan huwàji dali. 20Podọ adà whèyihọ tọn na yín ohù daho lọ, sọn olédo huwàji lọ tọn kakajẹ titegbè bibiọ Hamati mẹ tọn Ehe wẹ adà whèyihọji tọn. 21Mowẹ míwlẹ na má aigba he do hlan mì kẹdẹdi owhẹ̀ndo Islaeli tọn wiawe lẹ. 22E na sọ wá jọ, dọ mì na má ẹn gbọn vodidè dali na ogú de hlan mì podọ hlan ojonọ he wáwaṣi to mì ṣẹnṣẹn lẹ, he na dè ovi lẹ tọ́n to mì ṣẹnṣẹn; yé na sọ tin hlan míwlẹ di ojidowhé to ovi Islaeli tọn lẹ ṣẹnṣẹn; yé na tindo ogú po mì po to owhẹ̀ndo Islaeli tọn lẹ ṣẹnṣẹn. 23E na sọ wá jọ, dọ owhèndo he mẹ ojonọ wáwáṣi te finẹ wẹ mì na na ogú etọn ẹn te, wẹ OKLUNỌ JIWHEYẸWHE dọ.
481DINVIE ehelẹ wẹ oyín owhèndo lẹ lọ tọn le: sọn opòdo agéwaji tọn, tọ adà aliho Hẹtlọni tọn ji jẹ bibio Hamati mẹ tọn, Hazali-enani to olẹ́do Damasku tọn ji, hlan agéwaji dali to adà Hamati tọn ji; yé bo na sọ tindo adà yetọn lẹ to whèzẹtẹn po whèyihọ po ji; Dani, mimá dopo. 2Podọ to olédo Dani tọn dali, sọn adà whèzẹtẹn tọn ji jẹ adà whèyihọ tọn ji; Aṣeli, mimá dopo. 3Podọ to olẹ́do Aṣeli tọn lọ dali, sọn adà whèzẹtẹn tọn ji yèdọ jẹ adà whèyihọ tọn ji; Naftali, mimá dopo. 4Podọ to olẹ́do Naftali tọn dali, sọn adà whèzẹtẹn tọn ji jẹ adà whèyihọ tọn ji; Manasẹ, mimá dopo. 5Podọ to olẹ́do Manasẹ tọn dali, sọn adà whèzẹtẹn tọn ji jẹ adà whèyihọ: tọn ji; Eflaimi, mimá dopo. 6Podọ to olẹ́do Eflaimi tọn dali, sọn adà whèzẹtẹn tọn ji yèdọ jẹ adà whèyihọ tọn ji; Leubẹni, mimá dopo. 7Podọ to olẹ́do Leubẹni tọn dali, sọn adà whèzẹtẹn tọn ji jẹ adà whèyihọ tọn ji; Juda, mimá dopo.
8Podọ to olẹ́do Juda tọn dali, sọn adà whèzẹtẹn tọn ji jẹ adà whèyihọ tọn ji, na yín avọ̀sánnu he mìwlẹ na do sánvọ̀, ofán fọtọ́n koatọ́n to ogblo mẹ, podọ to ote mẹ di dopo sọn mimá lẹ mẹ, sọn adà whèzẹtẹn ton ji jẹ adà whèyihọ tọn ji: fiwiwe lọ na sọ tin to gblagbla e tọn mẹ 9Avọsánnu he mìwlẹ na do sánvọ́ hlan OKLUNỌ na yín ofán fọtọ̀n koatọ́n to ote mẹ podọ fọtọ́n ao to ogblo mẹ. 10Podọ na ehelẹ, yèdọ na yẹwhenọ lẹ tọn wẹ avọ̀sánnu wiwe lọ na yín; hlan agéwaji dali fọtọ́n koatọ́n to ote mẹ, podọ hlan whèyihọ dali fọtọ̀n ao to ogblo mẹ, podọ hlan whèzẹtẹn dali fọtọ̀n ao to ogblo mẹ, podọ hlan huwaji dali fọtọ̀n koatọ́n to ote mẹ; fiwiwe OKLUNỌ tọn lọ bo na sọ tin to gblagbla etọn mẹ. 11E na tin na yẹwhenọ lẹ heyè klandowiwe sọn visunnu Zadọki tọn lẹ mẹ, he ko yìn asẹ ṣie; he ma buali yì whenuena ovi Islaeli tọn lẹ buali yì, dole Levinu lẹ buali yì do. 12E na sọ yín avọ̀sánnu de hlan yé sọn avọ̀sánnu aigba lọ tọn mẹ, onú wiwe petepete de, to olẹ́do Leyinu lẹ lọ tọn dali. 13Bọ sọ pọ́n hlan olẹ́do yẹwhenọ lẹ lọ tọn dali, Levinu lẹ lọ na sọ tindo fọtọ́n koatọ́n to ote mẹ podọ fọtọ́n ao to ogblo mẹ: ote lẹpo na yín fọtọ̀n kòatọ́n podọ ogblo fọtọ̀n ao. 14Podọ yé ma na sà sọn e mẹ gba, kavi diọ ẹ gba, mọ sinsẹ́ntintan aigba lọ tọn ma na yín núyídohọ̀n gba: na wiwe wẹ é yín hlan OKLUNỌ. 15Podọ fọtọ́n atọ́n to ogblọ mẹ he yè jódai, to nukọn fọtọ̀n koatọ́n lọ tọn, na tin na zinzán vọtọ́, na tòdaho lọ, na ninọ̀ podọ na agbègbèji lẹ: tòdaho lọ na sọ tin to gblagbla etọn mẹ. 16Podọ ehelẹ wẹ na sọ yín jijlẹ etọn lẹ: adà agéwaji tọn fọtọ́n ẹnẹ po fowekanweko po, podọ adà huwaji tọn fọtọ̀n ẹnẹ po fowekanweko po, podọ to adà whèzẹten tọn ji fọtọ́n ẹnẹ po fowekanweko po, podọ to adà whèyihọ ton ji fọtọ̀n ẹnẹ po fowekanweko po. 17Tòdaho lọ na sọ tindo agbègbèji lẹ; hlan agéwaji dali fọdekandeao, podọ hlan huwàji dali fọdekandeao, podọ hlan whèzẹtẹn dali fọdekandeao, podọ hlan whèyilọ dali fọdekandeao. 18Podọ pipòtọ lọ to ote mẹ, pẹ̀n hlan avọ̀sánnu wiwe lọ dali, na yín fọtọ̀n ao hlan whèzẹtẹnwaji, podọ fọtọ́n ao hlan whèyihọ waji: é na so tin pọ̀n hlan avọsánnu wiwe lọ dali; podọ jideji etọn na tin na núdùdù hlan yé he to tuklajẹ to tòdaho lọ mẹ lẹ. 19Podọ yé he tọ tuklajẹ to tòdaho lọ mẹ lẹ, sọn owhẹ̀ndo Islaeli tọn lẹpo mẹ, nanọ pòyẹn. 20Avọ̀sánnu lẹpo na yín fọtọ̀n koatọ́n tedidi podọ fọtọ́n koatọ́n gbigblo: mìwlẹ na na avọ̀sánnu wiwe lọ adàẹnẹsọzẹn, po nutindo tòdaho lọ tọn po.
21Podọ pipòtọ lọ na tin na ahọvi lọ, to adà de ji podọ to adà awetọ ji sọn avọ̀sánnu wiwe lọ mẹ podọ sọn nutindo tòdaho lọ tọn mẹ, to nukọn fọtọ̀n koatọ́n avọ̀sánnu lọ tọn tọn hían olẹ́do whèzẹtẹnji tọn dali, podọ to whèyihọ dali ji to nukọn fọtọ́n koatọ́n, lọ tọn hlan olẹ́do whèyihọ tọn ji, pẹ̀n hlan mimá lẹ lọ, é na tin na ahọvi lọ: podọ avọ̀sánnu wiwe lọ po fiwiwe ohò lọ tọn lọ po na sọ tin to gblagbla etọn mẹ. 22Humọ sọn nutindo Levinu lẹ lọ tọn mẹ, podọ sọn nutindo tòdaho lọ tọn mẹ, he tin to gblagbla enẹ he yín ahọvi lọ tọn tọn mẹ, to olẹ́do Juda tọn po olẹ́do Bẹnjamini tọn po ṣẹnṣẹn, na tin na ahọvi lọ.
23Podọ na pipòtọ owhèndo lẹ lọ tọn tọn: sọn adà whèzẹtẹn tọn ji jẹ adà whèyihọ tọn ji; Bẹnjamini, mimá dopo. 24Podọ to olédo Bẹnjamini tọn dali, sọn adà whèzẹtẹn tọn ji jẹ adà whèyihọ tọn ji; Simeọni, mimá dopo. 25Podọ to olẹ́do Simeọni tọn dali, sọn adà whèzẹtẹn tọn ji jẹ adà whèyihọ ton jì; Isakali, mimá dopo. 26To olédo Isakali tọn dali, sọn adà whèzeten tọn ji je ada whèyihọ tọn jì; Zebuluhi, mimá dopo. 27To olẹ́do Zebuluni tọn dali, sọn adà whèzẹtẹn tọn ji jẹ ada whèyihọ tọn ji; Gadi, mimá dopo. 28To olẹ́do Gadi tọn dali, to adà huwaji tọn ji hlan huwaji dali, olẹ́do lọ na tin yèdọ sọn Tamali mẹ jẹ osìn Mẹlibati-kadẹsi tọn lẹ lọ kọ̀n, jẹ otòpẹse Egipti tọn kọ̀n, jẹ ohù daho lọ kọ̀n. 29Ehe wẹ aigba he mì na má lọ gbọn vodidè dali hlan owhèndo Islaeli tọn lẹ na ogú, podọ ehelẹ sọ wẹ mimá hùnkọ yetọn lẹ, wẹ OKLUNỌ Jiwheyẹwhe dọ.
30Podọ ehelẹ sọ wẹ gbonujẹ yi tòdaho lọ tọn lẹ; to ada agéwaji tọn go ofán fọtọ́n ẹnẹ po fowekanweko po gbọn jijlẹ dali: 31podọ họngbo tòdaho lọ tọn lẹ na tin kẹdẹdi Oyín owhẹ̀ndo Islaeli tọn lẹ tọn le; họngbo atọ̀n to agéwaji dali: họngbo Leubẹni tọn, dopo; họngbo Juda ton, dopo; họngbo Levi tọn dopo: 32podọ to adà whèzẹtẹn tọn go ofán fọtọ́n ẹnẹ po fowekanweko po; po họngbo atọ̀n po: yèdo họngbo Josẹfu tọn, dopo; họngbo Benjamini tọn, dopo; họngbo Dani tọn, dopo: 33podọ to adà huwaji tọn go, ofán fọtọ̀n ẹnẹ po fowekanweko po gbọn jijlẹ dali; po họngbo atọ̀n po: họngbo Simeọni tọn, dopo; họngbo Isakali tọn, dopo; họngbo Zebuluni tọn, dopo: 34to adà whèyihọ tọn go ofán fọtọ́n ẹnẹ po fowekanwèko po, po họngbo yetọn atọ̀n lẹ po: họngbo Gadi tọn, dopo; họngbo Aṣeli tọn, dopo; họngbo Naftali tọn, dopo. 35E na yín ofán fọtón fọtọ̀nnukunatọ̀n lẹ́do pé podọ oyín tòdaho lọ tọn sọn azán nẹ gbè na yín, OKLUNỌ lọ tin finẹ.