1EHELẸ wẹ yín ohó lẹ lọ he Moṣe dọ hlan Islaeli lẹpo to Jọdani gododọ̃n to zùngbo lọ mẹ to Alaba lọ mẹ pannukọn Sufi, to Palani, po Tofeli po, po Labani po, po Hazeloti po, po Di-zahabi po ṣẹnṣẹn 2Gbéjizọnlin azán widopo tọn wẹ sọn Holebi mẹ gbọn aliho osé Seili tọn-lọ dali jẹ Kadesi-balnea. 3E sọ wá jọ to owhè kandetọ lọ mẹ, to osùn widopotọ lọ mẹ, to azán tintan osùn lọ tọn gbè, wẹ Moṣe dọhó hlan ovi Islaeli tọn lẹ lọ, kẹdẹdi ehe OKLUNỌ lọ ko na ẹn to gbèdide mẹ lẹpo hlan yé; 4godo ewọ ko hò Sihoni ahọlu Amolinu lẹ lọ tọn lọ, he nọnó Heṣboni mẹ, po Ogi ahọlu Baṣani tọn lọ po, he nọnó Astaloti mẹ, to Edlei: 5to Jọdani gododọ̃n to aigba Moabi tọn ji, wẹ Moṣe sè nado to osẹ́po he la, dọmọ, 6OKLUNỌ lọ Jiwheyẹwhe mítọn dọhó hlan mí to Holebi mẹ, dọmọ, Mìlẹ ko nò dẹn sù to osé he mẹ: 7mì lé, bo yí gbéjizọnlin mìtọn, bo yì jẹ oto okọta Amolinu lẹ lọ tọn, podọ jẹ otẹn lọ lẹpo mẹ he sẹpọ́ enẹ lẹ lọ, to Alaba mẹ, to otò okọta tọn mẹ, podọ to dòdòklido mẹ, to huwaji ọ mẹ, podọ to ohù tó dali, to aigba Kananinu lẹ tọn ji, po Lebanoni po, yì kaka jẹ otọ́ daho lọ kón, otò Eufelati lọ.
8Dayi e go, yẹn ko zé aigba lọ do mì nukọn: mì yì e mẹ bo tindo aigba lọ he OKLUNỌ lọ whle hlan otọ́ mìtọn lẹ, hlan Ablaham, hlan Isaki, podọ hlan Jakob, nado na hlan yé podọ hlan okún yetọn to yé godo. 9Yẹn sọ dọhó hlan mì to ojlẹ nẹ mẹ, dọmọ, Yẹn ma tin sọgan nado zé mì hẹn yẹn dopo só gba. 10OKLUNỌ lọ Jiwheyẹwhe mìtọn ko hẹn mì sùdeji, bo, dayi e go, egbé mìlẹ tin di sunwhlẹvu olọn tọn iẹ na sùsù. 11OKLUNỌ lọ, Jiwheyẹwhe oté mìtọn lẹ tọn lọ, ni hẹn mì sù fọtọ́n whla sùsù mọ hú le mì te, bo sọ dona mì, dile é ko gblọnadanna mì do! 12Nawẹ yẹn sọgan zé agijadomẹ mìtọn, po agbàn mìtọn po, po wiwọ mìtọn po hẹn do yẹn dopo só? 13Mì yi núyọnẹntọ mìtọn lẹ, po wuntuntọ po, po oyọnẹnnọ o, kẹdẹdi whẹndo mìtọn lẹ, yẹn nasọ ẹn yé zùn nukọntọ to mì nu. 14Mìlẹ sọ gblọnna mi, bo dọmọ, Onú dagbe wẹ ehe hiẹ dọ na mí nado wá. 15Mowẹ yẹn yí nukọntọ whẹndo mìtọn lẹ tọn lẹ lọ, omẹ núyọnẹntọ lẹ, po oyọnẹnnọ lẹ po, bo hẹn yé zùn nukọntọ lẹ to mì ji, awhàngan fọtọ́n lẹ tọn lẹ, po awhángan kanweko lẹ tọn lẹ po, po awhàngan kandeao lẹ tọn lẹ po, po awhàngan ao lẹ tọn lẹ po, po azóngán lẹ po, kẹdẹdi whẹndo mìtọn lẹ. 16Yẹn sọ naṣẹ́ whẹ̀datọ mìtọn lẹ to ojlẹ nẹ mẹ, dọmọ, Mì nọ sè owhẹ́ hó lẹ to mẹmẹsunnu mìtọn lẹ ṣẹnṣẹn, bo sọ nọ yí dódó do dawhè to omẹ de po nọvisunnu etọn po ṣẹnṣẹn, po ojónọ he tin to e de po. 17Mìwlẹ ma na hò gbẹtọ nukuntapọn to whẹ̀dida mẹ gba; mì na nọ sè yọ̀pọ po mẹho po dozẹ̃nzẹn; mì ma na dibuna nukunmẹ omẹ de tọn gba; na Jiwheyẹwhe tọn wẹ whẹ̀dida lọ: podọ owhèhó he yín sinsinyẹn gbahu na mì, mì na nọ hẹnwá jẹ dẽ, yẹn bo nasọ nọ sè e. 18Yẹn bo sọ degbèna mì to ojlẹ nẹ mẹ onú he mì do na wà lẹpo.
19Mí sọ yígbéjizọnlin sọn Holebi mẹ, bo gbọn zùngbo daho bo sọ dobu he mì mọ nẹ lẹpo mẹ luntón yì, gbọn aliho jẹ otò okọta Amolinu lẹ lọ tọn dali, dile OKLUNỌ lọ Jiwheyẹwhe mítọn degbèna mi do; mi sọ wá jẹ Kadesi-balnea. 20Yẹn sọ dọ hlan mì dọmọ, Yè hẹn mì wá jẹ otò okọta Amolinu lẹ lọ tọn mẹ, he OKLUNỌ lọ Jiwheyẹwhe mítọn na hlan mí. 21Dayi e go, OKLUNỌ lọ Jiwheyẹwhe towe ko zé aigba lọ do nukọn towe: hẹji yì, yí nútindona, dile OKLUNỌ lọ, Jiwheyẹwhe otọ towe lẹ tọn lọ, ko dọhó hlan we do; a dibu blo, mọ a sọ yin oflunọ blo. 22Omẹ dopodopo mì tọn mì sọ wá sẹpé jẹ dẽ, bo dọmọ, Mì gbọ mi ni do gbẹtọ lẹ hlan mí nukọn, na yé nido din aigba lọ mo na mí, bo sọ hẹn ohó aliho lọ tọn wá ehe mí na gbọn hẹji yì, po todaho lẹ lọ tọn po he kọn mí na wá. 23Onú lọ bo sọ hẹnhomẹhùn mi dagbedagbe: Yẹn bo sọ dè omẹ wiawe sọn mì mẹ, omẹ dopo sọn whẹndo dopodopo mẹ: 24yé bo sọ lẹ bo hẹji yì jẹ osé lọ mẹ, bo sọ wá jẹ agbadò Eskolì tọn lọ mẹ, bo bẹ́ ẹ pọn. 25Yé sọ yí sọn sinsẹ́n aigba lọ tọn mẹ to alọ yetọn lẹ mẹ, bo hẹn yé wá odò jẹ mí de, bo sọ hẹn ohó wá na mí, bo dọmọ, Aigba dagbe de wẹ ehe OKLUNỌ lọ Jiwheyẹwhe mítọn na hlan mí. 26Gãnṣo mìwlẹ ma jlo na hẹji yi gba, ṣigba bo ṣiatẹ do gbèdide OKLUNỌ lọ jiwheyẹwhe mìtọn tọn go: 27míwlẹ sọ hlun to ogohò mìtọn lẹ mẹ, bo dọmọ, Na OKLUNỌ lọ gbẹwanna mí wutu, wẹ é ko do hẹn mí jẹgbonu sọn aigba Egipti tọn lọ ji wá, nado jó mí do alọ Amolinu lẹ lọ tọn mẹ, nado và mí. 28Fiedali mí hẹji jei? mẹmẹsunnu mítọn lẹ ko hẹn ayiha mítọn nado yé, domọ, Gbẹtọ lẹ lọ klohugan bo sọ ténalunhugan mí; odọ tòdaho lẹ lọ yín kiklo yè sọ dodòéna yìaga jẹ olọn; podọ humọ mí ko mọ visunnu Anakimi tọn lẹ lọ to fìnè. 29Whenẹnu wẹ yẹn dọ hlan mì dọmọ, Mì dibu blo, mọ mì sọ yín avosatọ na yé tọn blo. 30OKLUNỌ lọ Jiwheyẹwhe mìtọn mẹhe to yìyì to mì nukọn, ewọ na hoavùn na mì, kẹdẹdi ehe é wà na mì to Egipti mẹ lẹpo to nukun mìtọn lẹ nukọn; 31podọ to zùngbo lọ mẹ, fie hiẹ ko mọ le he OKLUNỌ lọ Jiwheyẹwhe towe zé we hẹn do, dile omẹ de nọ zé visunnu etọn hẹn do, to aliho he mì gbọn yì lẹpo mẹ, kaka mì do wá jẹ otẹn he me. 32Gãnṣo na onúhe lẹpo mì ma yí OKLUNỌ lọ Jiwheyẹwhe mìtọn se gba, 33mẹhe yìyì mì nukọn to aliho lọ mẹ, nado din otẹn de mọ na mì nado pọ́n ogohò mìtọn lẹ do, to miyọn mẹ to ozán mẹ, nado dohia mì aliho he mì do gbọn yì lọ, podọ to aslọ lọ mẹ to okle. 34OKLUNỌ lọ sọ sè ogbè ohó mìtọn lẹ tọn lọ, bo yín homẹgblenọ, bo sọ whle, dọmọ, 35Nugbododo dopo sọn omẹ whẹndo ylankan he tọn lẹ de mẹ ma na mọ aigba dagbe lọ gba, he yẹn whle nado na hlan oté mìtọn lẹ, 36adavo Kalẹbi visunnu Jẹfunnẹ tọn lọ, ewọ wẹ na mọ ẹn, podọ hlan ewọ wẹ ẹn na na aigba he ewọ zíndai lọ, podọ lan ovi etọn lẹ: na ewọ ko hodo OKLUNỌ lọ petepete wutu. 37OKLUNỌ lọ PỌ yín homegblenọ do ogo e ga na mìtọn wutu, dọmọ, Hiẹ ga ma na yì e mẹ finẹ gba: 38Jọsua visunnu Nuni tọn lọ, he nọ site to nukọn towe, ewọ wẹ na yì e mẹ finẹ: hiẹ ni nahomẹhùn in; na ewọ wẹ na hẹn Islaeli lẹ lọ nado yi i na ogú. 39Humọ omẹ flinflin mìtọn lẹ, he mì dọ do yín ogblannú de, po ovi mìtọn lẹ po, he ma tindo egbé oyọnẹn dagbe kavi oylan tọn de, yé wẹ na yì e mẹ fìnẹ, podọ yé wẹ yẹn na yí i na hlan, yé nasọ yínutindona ẹn. 40Ṣigba na mìle tọn, mì ni lé bo yí gbéjizọnlin mìtọn yì jẹ zùngbo lọ mẹ gbọn aliho lọ dali jẹ Ohù Vẹ̃ lọ kòn. 41Whenẹnu wẹ mì gblọn bo dọ hlan mi dọmọ, Mi ko wàylando do OKLUNỌ lọ go, mi na hẹji yì bo hoavùn, kẹdẹdi ehe OKLUNỌ lọ Jiwheyẹwhe mítọn ko degbèna mí lẹpo, Mì omẹ dopodopo sọ bla adánwanu awhàn tọn etọn lẹ do ogo, bo lẹn ẹn di onú whiwha de nado hẹji yì jẹ osé lọ mẹ. 42OKLUNỌ lọ sọ dọ hlan mi dọmọ, Dọ hlan yé dọmọ, Mì heji yì blo, mọ mì sọ hoavùn blo; na yẹn ma tin to mì ṣẹnṣẹn gba; mì nikã yín hihò to kẹ́ntọ mìtọn lẹ nukọn. 43Mọwẹ yẹn dọhó hlan mì, mìwlẹ ma sọ tùntóai gba; ṣigba mì ṣiatẹ do gbèdide OKLUNỌ lọ tọn lọ go, bo sọ yín tasinẹntọ, bo sọ hẹji yì jẹ oslọ mẹ. 44Bọ Amolinu lẹ lọ, he nọnọ̀ osé nẹ mẹ, jẹgbonu wá mì ji, bo yànmọna mì, dile owín le nọ wà do, bo linú mì liai to Seili mẹ, yèdọ jẹ Halma. 45Mìwlẹ sọ lẹ́gọ̀ bo viavi to OKLUNỌ lọ nukọn; ṣigba OKLUNỌ lọ ma sọ tùntóai hlan ogbè mìtọn gba, kavi na otọ́ hlan mì gba. 46Mọwẹ mì nọte to Kadẹsi mẹ azán susu, kẹdẹdi azán he mì do nọte to fìnẹ.
21WHENẸNU mí sọ lé, bo yí gbójizọnlin mítọn yì zùngbo lọ mẹ gbọn aliho lọ dali jẹ Ohù Vẹ̃ lọ kòn, dile OKLUNỌ lọ dọhó hlan mi do: mí sọ lédo osé Seili azán susu. 2OKLUNỌ sọ dọhó hlan mi, dọmọ, 3Mìlẹ ko lédo osé he dẹn sù: mì lẹ́ hlan agewaji dali. 4Hiẹ ni bo nasẹ gbẹtọ lẹ lọ, dọmọ, Mìwlẹ tin nado jugbọn agboji mẹmẹsunnu mìtọn ovi Esau tọn lẹ lọ tọn dali, he nọnọ̀ Seili mẹ; yé nasọ yín avosatọ na mì tọn: enẹwutu mì ni yí ayipipa hlan mìde: 5a hoavùn hẹ yé blo; na yẹn ma na na we sọn aigba yetọn mẹ gba, lala, sùsù sọmọ na afọpàhomẹ afọ tọn nado zindai ma gba: na yẹn ko yí osé Seili na hlan Esau na nútindo de wutu. 6Mì na nọ họ̀ núdùdù sọn yé si na akuẹ, na mì nido nọ dù; mì nasọ nọ jẹ osìn sọn yé si ga na akuẹ, na mì nido nọ nù. 7Na OKLUNỌ lọ Jiwheyẹwhe towe ko dona we to azọ́n alọ towe tọn lọ lẹpo mẹ: é ko yọ́n zọ̀nlinzinzin towe gbọn zùngbo daho he me: owhè kande helẹ mẹ OKLUNỌ lọ Jiwheyẹwhe towe ko tin po hi po; hiẹ ma ko gbọagbá núde ton gba. 8Mowẹ mí juwáyì sọn mẹmẹsunnu mítọn ovi Esau tọn lẹ lọ de, he nọnọ̀ Seili mẹ, sọn aliho Alaba lọ tọn ji sọn Elati mẹ podọ sọn Ezioni-gebeli mẹ.
8Mí bo sọ lẹ́ bo juwàyì gbọn aliho zùngbo Moabi tọn lọ dali. 9OKLUNỌ lọ sọ dọ hlan mi dọmọ, A hẹnhomẹgble Moabi blo, mọ a sọ hoavùn hẹ yé to awhànfùntẹn mẹ blo: na yẹn ma na na we sọn aigba etọn mẹ na nútindo de gba; na yẹn ko yí Ali na ovi Loti tọn lẹ lọ na nútindo de wutu. 10(Emimi lẹ nọnọ̀ finẹmẹ hóhódai, gbẹtọ daho lẹ de, bo sọ sù, bo tónalun, di Anakimi lẹ lọ: 11ehelẹ ga wẹ vè hiana Lefaimi, di Anakimi lẹ lọ; ṣigba Moabinu lẹ lọ nọ ylọ yé dọ Emimi. 12Holinu lẹ ga nọnọ̀ Seili mẹ hóhódai, ṣigba ovi Esau tọn lẹ lọ yínukọnna yé: yé bo sọ và yé sọn yé nukọn, bo sọ nọnọ̀ otẹn yetọn mẹ; dile Islaeli wà hlan aigba nútindo etọn tọn lọ do, he OKLUNỌ lọ na hlan yé.) 13Mì tite dinvie, mì ni jẹ tòpẹsẹ Zeledi lọ tọn gododọ̃n. 14Azán lẹ lọ ehe mẹ mí sọn Kadesi-balnea me wá, kaka yè do hẹn mí wá tọ̀pẹsẹ Zeledi tọn gododọ̃n, yín owhè gbàntónnukunatọ̀n; kaka whẹndo omẹ awhàn tọn lẹ lọ tọn yín súsúdo sọn gblagbla osla lọ tọn mẹ, dile OKLUNỌ lọ whle hlan yé do. 15Humọ alọ OKLUNỌ lọ tọn tin to yé ji nado và yé sọn gblagbla osla lọ tọn mẹ, kaka yé do yín súsúdo.
16Mowẹ é sọ wá jọ, whenuena omẹ awhàn tọn lẹpo lọ yín susúdo podọ osiọ sọn gbẹtọ lẹ lọ ṣẹnṣẹn, 17Wẹ OKLUNỌ lọ dọhó hlan mi, dọmọ, 18Egbó hiẹ tin nadò juyì Ali gododọ̃n, agboji Moabi tọn lọ: 19podọ whenuena hiẹ wá sẹpọ́ pànnukọn ovi Amọni tọn lẹ lọ, a hẹnhomẹgble yé blo, mọ a sọ hoavùn hẹ yé blo: na yẹn ma na na we sọn aigba ovi Amọni tọn lẹ lọ tọn mẹ na nutindo de gba: na yẹn ko yí i na hlan ovi Loti tọn lẹ lọ na nútindo de wutu. 20(Enẹ ga yín linlẹn do aigba Lefaimi tọn de mẹ: Lefaimi lẹ ko nọnọ̀ finẹmẹ hóhódai; ṣigba Amọninu lẹ lọ nọ ylọ yé do Zamzummimi; 21gbẹtọ kiklo lẹ de, podọ sùsù, bo tọ́nalun, di Anakimi lẹ lọ; ṣigba OKLUNỌ lọ và yé to yé nukọn; yé sọ bọdo yé go, bo nọnọ̀ otẹn yetọn mẹ: 22dile é wà na ovi Esau tọn lẹ do, he nọnọ̀ Seili mẹ, whenuena é và Holinu lẹ lọ sọn yé nukọn; yé bo sọ yinukọnna yé, bo nọnó oten yetọn mẹ yèdọ jẹ azán he gbè: 23po Awiminu lẹ lọ po he nọnọ̀ gbetatò lẹ mẹ kaka yi jẹ Gaza, Kaftolimi lọ, he jẹgbonu sọn Kaftoli mẹ wá và yé, bo sọ nọnó otẹn yetọn mẹ.) 24Mì tite mi yí gbéjizọnlin mìtọn, bo juyì agbadò Alnọni tọn lọ mẹ: dayi e go, yẹn ko jó Sihoni Amolinu lọ, ahọlu Hẹẹboni tọn, po aigba etọn po do alọ towe mẹ: só nado to yíyí i, bo sọ hoavùn hẹ ẹ to awhànfùntẹn mẹ. 25Azán he gbó wẹ yẹn na ṣẹ́ nado to avọ̀sisa towe po osi towe po yí do akọta lẹ lọ ji he tin to olọn pete glọ, mẹhe na sè linlin towe, bo na sisọ, bo nasọ tin to awufiẹ mẹ na towe tọn wutu.
26Yẹn sọ do mẹdagun lẹ hlan sọn zùngbo Kẹdemoti tọn Tọ mẹ jẹ Sihoni ahọlu Hẹṣbọni tọn lọ de po ohó jijọho tọn lẹ po, dọmọ, 27Gbọ yẹn ni gbọn aigba towe mẹ luntón: aligbo lọ ji wẹ yẹn na gbọn yì, yẹn ma na lẹ́ do alọ adusi kavi do amiyọn gba. 28Hiẹ na sà núdùdù na mi na akuẹ, na yẹn nido dù; bo sọ na osìn mi na akuẹ, na yẹn nido nù: gbọ yẹn ni gbọn aigba towe mẹ luntón to afọ ṣie ji kẹdẹ wẹ; 29dile ovi Esau tọn lẹ lọ he nọnó Seili mẹ, po Moabinu lẹ lọ po he nọnọ̀ Ali mẹ, wà hlan mi do; kaka yẹn do juyì Jọdani gododọ̃n jẹ aigba lọ mẹ he OKLUNỌ lọ Jiwheyẹwhe mìtọn na mí. 30Ṣigba Sihọni ahọlu Hẹṣbọni tọn lọ ma sọ jlo na gbọ na mí ni gbọn e dali luntón gba: na OKLUNỌ lọ Jiwheyẹwhe towe hẹn otù etọn sinyẹn, bo sọ hẹn ayiha jẹglo, na é nido jó e do alọ towe mẹ, dile e te to egbe he. 31OKLUNỌ lọ sọ dọ hlan mi dọmọ, Dayi e go, Yẹn ko ṣè nado to Sihọni jó do alọ towe mẹ po aigba etọn po to nukọn towe: sè nado to yíyí i, na hiẹ nido yí aigba etọn na ogú. 32Whenẹnu wẹ Sihọni jẹgbonu wá mí ji ewọ po omẹ etọn lẹpo po, jẹ awhànfùntẹn mẹ to Jahazi. 33OKLUNỌ lọ Jiwheyẹwhe mítọn jó e to mí nukọn; mí sọ hò e po visunnu etọn lẹ po, po omẹ etọn lepo po. 34Mí sọ yí tòdaho etọn lẹpo to ojlẹ nẹ mẹ, bo sọ và tòdaho sunnusi lẹ tọn dopodopo gbidigbidi, po yọnnu lẹ po po omẹ flinflin lẹ po; mí ma jo ode dai pò gba: 35kanlinyìnyìn lẹ sokẹdẹ wẹ mí yí na ogblannú de hlan mìde, po ogblannú tòdaho lọ lẹ tọn po he mí ko hó. 36Sọn Aloeli mẹ he tin to otónu agbadò Alnoni tọn lọ tọn go, podọ sọn tòdaho lọ mẹ he tin to agbadò lọ mẹ, yèdọ Gileadi, tòdaho he yìji gbahu na mí de ma tin finẹ gba: OKLUNỌ lọ Jiwheyẹwhe mítọn jo popo to mí nukọn: 37aigba ovi Amọni tọn lẹ tọn ṣokẹdẹ wẹ hiẹ ma na wá sẹpọ́ gba; awà otò Jabọki lọ tọn lẹpo, po todaho otò okọta tọn lọ lẹ po, po fidepope OKLUNỌ lọ Jiwheyẹwhe mítọn kóna mí po.
31MÍ sọ lé, bo hẹji yì aliho lọ ji jẹ Wẹ; Baṣani: Ogi ahọlu Baṣani tọn lọ jẹgbonu wá mí ji, ewọ po omẹ etọn lẹpo po, jẹ awhànfùntẹn mẹ to Edlei. 2OKLUNỌ lọ sọ dọ hlan mi dọmọ, A dibuna ẹn blo: na yẹn ko jó e, po omẹ etọn lẹ po, po aigba etọn po, do alọ towe mẹ; hiẹ bo nasọ wà hlan ẹn dile hiẹ wà hlan Sihọni ahọlu Amolinu lẹ tọn lọ do, he nọnọ̀ Hẹṣbọni. 3Mowẹ OKLUNỌ lọ Jiwheyẹwhe mítọn jó Ogi ga, ahọlu Baṣani tọn lọ, po omẹ etọn lẹpo po, do alọ mítọn mẹ: bọ mí sọ hò e kaka yè ma do jó ode dai pó nẹ̃ gba. 4Mí sọ yí tódaho etọn lẹpo to ojlẹ nẹ mẹ; tòdaho de ma tin finẹ he mí ma yí sọn yé si; tòdaho kandeko, popolẹpo agbègbèji Algobi tọn lọ, ahọludu Ogi tọn lọ to Baṣani mẹ. 5Ehelẹ pó wẹ tòdaho dòkọnọ lẹ po adó yìaga lẹ po, hòngbo lẹ, po gànpatin lẹ po; dogó tòmimlin lẹ sùsù gégé de. 6Mí sọ và yé gbidigbidi, dile mí wà hlan Sihọni ahọlu Hẹṣbọni tọn lọ do, vivà tòdaho sunnusi lẹ tọn dopodopo, po yọnnusi lẹ po po omẹ flinflin lẹ po. 7Ṣigba kanlinyìnyìn lọ lẹpo, po ogblannú tòdaho lọ lẹ tọn po, wẹ mí yí na ogblannú de hlan mìde. 8Mí bo sọ yí aigba lọ to ojlẹ nẹ mẹ sọn alọ ahọlu awe Amolinu lẹ tọn lẹ si he tin Jọdani gododọ̃n, sọn agbadò Alnoni tọn lọ mẹ je osé Helmoni kọn; 9(Helmoni he Sidoninu lẹ nọ ylọ Silioni, Amolinu lẹ lọ bo sọ nọ ylọ ẹ dọ Simli;) 10tòdaho aigba vlala lọ lẹ tọn lẹpo, po Gileadi lẹpo po, po Baṣani lẹpo po, jẹ Saleka po Edlei po, tòdaho ahọludu Ogi tọn lẹ lọ to Baṣani mẹ. 11(Na Ogi ahọlu Baṣani tọn kẹdẹ wẹ po sọn pipòtọ Lefaimi lọ lẹ tọn mẹ; dayi e go, adọzan ogànyu tọn de wẹ adọzan etọn; é ma ka tin to Labba ovi Amọni tọn lẹ lọ tọn mẹ? awàgba sinẹnẹ wẹ ote etọn, podọ awàgba ẹnẹ wẹ ogblo e ton, kẹdẹdi awagba gbẹtọ de tọn.) 12Aigba he wẹ mí sọ yí to nútindo mẹ tò òjlẹ nẹ mẹ: sọn Aloeli mẹ, he tin to agbadò Alnoni tọn lọ dali, po odá otò okọta Gileadi tọn lọ tọn po, po tòdaho eton lẹ lọ po wẹ yẹn yína hlan Lẹubeninu lẹ lọ; podọ hlan Gadinu lẹ lọ: 13podọ pipòtọ Gileadi tọn, po Baṣani lepo po, ahọludu Ogi tọn lọ wẹ yẹn yína hlan odá whẹndo Manasse: tọn lọ; agbègbeji Algobi tọn lọ lẹpo, yèdọ Baṣani lẹpo. (Dọpolọ wẹ yè nọ ylọ dọ aigba Lefaimi lẹ lọ tọn. 14Jaili visunnu Manasse tọn lọ yí agbègbèji Algobi tọn lẹpo, jẹ agboji Gesulinu lẹ lọ tọn po Maakatinu lẹ lọ po; bo nọ ylọ ye, yèdọ Baṣani, kẹdẹdi oyín etọn lọsu, Havvoti-jaili, jẹ azán he gbè.) 15Yẹn bo sọ yí Gileadi na hlan Makili. 16Podọ hlan Lẹubeninu lẹ lọ pòdọ hlan Gadinu lẹ lọ wẹ yẹn yína sọn Gileadi yedọ jẹ agbadò Alnoni tọn lọ mẹ, ṣẹnṣẹn agbadò lọ tọn lọ, po agboji etọn lọ po; yedọ jẹ otọ́ Jabboki lọ kòn, he yín agboji ovi Amọni tọn lẹ lọ tọn; 17Alaba lọ ga, po Jọdani po po agboji etọn po, sọn Kinneleti mẹ yèdọ jẹ ohù Alaba lọ kòn, Ohù Ojẹ tọn, lọ, to asisà Pisga tọn le lọ glọ hlan whèzẹten dali.
18Yẹn bo sọ degbèna mì to ojlẹ nẹ mẹ, dọmọ, OKLUNỌ lọ Jiwheyẹwhemìtọn ko na aigba he mì to egbé nado tindo e: mì na juyì gododọ̃n biblagbajana to mẹmẹsunnu mìtọn ovi Islaeli tọn lẹ lọ nukọn, omẹ tùdido tọn lẹpo. 19Ṣigba asi mìtọn lẹ, po omẹ flinflin mìtọn lẹ po, po kanlinyìnyìn mìtọn lẹ po, (yẹn yọnẹn dọ, mì tindo kanlinyìnyìn sùsù,) na nọnọ̀ tòdaho mìtọn he yẹn ko na mì le mẹ; 20kaka. OKLUNỌ lọ do na gbọjẹ mẹmẹsunnu mìtọn le, di hlan mìlẹ, bọ yéwle ga tindo aigba lọ he OKLUNỌ lọ Jiwheyẹwhe mitọn ná yé to Jọdani godọdọn whenẹnu wẹ mì na lẹ́gọ̀ ome dopodopo jẹ nútindo etọn kòn, he yẹn ko na mì i 21Yẹn bo sọ degbena Jọsua to ojlẹ nẹ mẹ, dọmọ, Nukun towe lẹ ko mọ ehe OKLUNỌ lọ Jiwheyẹwhe mìtọn ko wà hlan ahọlu awe helẹ: mọwẹ OKLUNỌ lọ na wà hlan ahọludu lẹ lọ fiedali mì jujei tọn lẹpo. 22Mìle ma na dibuna yé gba: na OKLUNỌ lọ Jiwheyẹwhe mitọn, ewọ wẹ é yín he to ovùnhò na mì.
23Yẹn sọ vè OKLUNỌ lọ to ojlẹ nẹ mẹ, domọ, 24OKLUNỌ È Jiwheyẹwhe, hiẹ ko sè nado to kiklo towe dohia devi towe, po alọ sinsinyẹn towe po: na yẹwhe tẹwẹ tin finẹ to olọn mẹ kavi to aigba me, he sọgan wà kẹdẹdi azón towe lẹ, podo kẹdẹdi owalọ hlọnhlọnnọ towe lẹ? 25Yẹn vẹ́ wẹ, gbọ yẹn ni yì gododọ̃n, bo mọ aigba dagbe he tin to Jọdani gododọ̃n lọ, osé dagbenọ nẹ, po Lebanọni po.
26Ṣigba OKLUNỌ lọ yín homẹgblènọ do ogo e na mìtọn wutu, bo ma tùntóai hlan mi gba: OKLUNỌ lọ bo dọ hlan mi dọ, gbọ é ni pé we; a sọ dọhó whẹhó he tọn hlan mi ba blo. 27Heji yì jẹ aga Pisga tọn lọ mẹ, bo zé nukun towe lẹ dagá hlan whèyìhò dali, podọ hlan agewaji dali, podọ hlan huwaji dali, podọ hlan whèzẹtẹn dali, bo yí nukun towe lẹ do pọ́n: na hiẹ ma na yì Jọdani he gododọ̃n gba. 28Ṣigba naṣẹ Jọsua, bo dotuhomẹna ẹn, bo nahuhlọn ẹn: na ewọ wẹ na yì gododọ̃n to gbẹtọ he lẹ nukọn, ewọ wẹ nasọ hẹn yé nado yí aigba he hiẹ mọ lọ na ogú. 29Mowẹ mi nọte to agbadò lọ mẹ titegbè pannùkọn Beti-peoli.
41PODỌ dinvie, Islaeli È, tùntóai hlan asẹdai lẹ lọ, podọ hlan whẹ̀dida lẹ lọ, he yẹn plọn mì, na nado nọ wà yé; na mì nido gán, bo yì bo tindo aigba lọ he OKLUNỌ lọ, Jiwheyẹwhe otọ mìtọn le tọn lọ na mì. 2Mìlẹ ma na dèdogó ohó he yẹn degbèna mì lọ, mọ mì ma na dèpò sọn e mẹ, na mì nido nọ; payi gbèdide OKLUNỌ lọ Jiwheyéwlie mìtọn tọn le lọ go he yẹn degbèna mì. 3Nukun mitọn lẹ ko mọ núhe OKLUNỌ lọ wà na Baali-peoli tọn wutu: na omẹ he hodo Baali-peoli lẹpo, OKLUNỌ lọ Jiwheyẹwhe towe ko và yé sọn gblagbla towe mẹ. 4Ṣigba mì he sẹ́bòdo OKLUNỌ lọ Jiwhe vewhe mìtọn go tin togbè omẹ dopo dopo mi tọn to egbé; 5Dayi e go; yẹn ko plọn aṣẹdai lẹ lọ mì po whẹ̀dida lẹ po, yẹdọ dile OKLUNỌ lọ Jiwheyẹwhe ṣie degbèna mi do, na mì ni do nọ wà mọ to gblagbla aigba lọ tọn mẹ fiedali mẹ mì jei nado tindo e. 6Enẹwutu mì nọ payi bo sọ nọ basi yé; na ehe wẹ nuyọnẹn mìtọn po wuntuntun mìtọn po to nukun gbẹtọ lẹ lọ tọn mẹ, he na sè aṣẹdai helẹ pó, bo dọmọ, Nugbonugbo gbẹtọ núyọnẹntọ podọ wuntuntọ de wẹ akọta daho he. 7Na akọta daho tẹwẹ tin finẹ he tindo Jiwheyẹwhe sẹpọ́ yé de, dile OKLUNỌ lọ Jiwheyẹwhe mítọn te whedepopenu mí dawhá ylọ ẹ? 8Podọ akọta daho tẹwẹ tin finẹ, he tindo aṣẹdai lẹ po whẹ̀dida dódónọ lẹ po dile osẹ́n he lẹpo te, he yẹn zé do mì nukọn to egbó he? 9Yí ayipipa hlan dewe ṣokẹdẹ, bo yí sọwhiwhe do whla alindọn tọwe, hiẹ nikã wẹ̀n onú lẹ lọ he nukun towe lẹ mọ, podọ yé nikã fọ́nyì sọn ayiha towe mẹ to azán ogbẹ̀ towe tọn lẹpo mẹ; ṣigba hẹn yé yín yinyọnẹn hlan ovi towe lẹ podọ ovi ovi towe lẹ tọn lẹ; 10azán he gbè hiẹ ṣite to OKLUNỌ lọ Jiwheyẹwhe towe nukọn to Holẹbi mẹ, whenuena OKLUNỌ lọ dọ hlan mi dọmọ, Pli gbẹtọ lẹ lọ na mi, yẹn bo nasọ hẹn yé sè ohó ṣie lẹ, na yé nido plọn nado nọ dibusi mi to azán he gbè yé tin togbẹ̀ to aigba lọ ji lẹpo, podọ na yé nido nọ plọn ovi yetọn lẹ. 11Bọ mìlẹ sọ wá sẹpọ́ bo ṣite to osé lọ glọ; bọ osé lọ yí miyọn do to jiji jẹ odaglà olọn tọn mẹ, po zinvlu po, aslọ, po zinvlu titli po. 12OKLUNỌ lọ sọ dọhó hlan mì sọn gblagbla miyọn lọ tọn mẹ: mìlẹ sè ogbè ohó lẹ tọn, ṣigba mì ma mọ ojlẹmọ de gba; ogbè de kẹdẹ wẹ mì sè. 13E bo sọ la alènu etọn hlan mì he é degbèna mì nado nọ yíwà, yèdọ gbèdide ao lẹ; é bo sọ wlan yé do tafo zannu tọn awe ji. 14OKLUNỌ lọ bo sọ degbèna mi to ojlẹ nẹ mẹ nado nọ plọn aṣẹdai lẹ po whẹ̀dida lẹ po mì, na mí nido nọ basi yé to aigba lọ mẹ fiedali mì jei nado tindo e. 15Enẹwutu mì ni yí ayipipa hlan mìde; na mì ma mọ ojlẹmọ hunkọ de tọn to azán he gbè OKLUNỌ lọ dọhó hlan mì to Holebi mẹ sọn gblagbla miyọn tọn mẹ gba: 16mi nikã hẹn mìde gble, bọ mì basi boṣiọ pipa de to ojlẹmọ ohiamọ depope tọn mẹ, apajlẹ asú tọn kavi asi, 17apajlẹ okanlin depope tọn he tin to aigba lọ go, apajlẹ ohẹ awànọ depope tọn he to zinzlọn to olọn lọ mẹ, 18apajlẹ onú depope tọn he tin aigba lọ go, apajle whèvi depope tọn he tin to osìn mẹ to aigba lọ glọ: 19podọ hiẹ nikã zé nukun towe lẹ daga hlan olọn, podọ whenuena hiẹ mọ owhè lọ po osùn lọ po po sunwhlẹvu lẹ lọ po, yèdọ awhànpa olọn tọn lẹpọ lọ, hiẹ yín dindòn yì bo sọ litaina yé bo to yé sèn, he OKLUNỌ lọ Jiwheyẹwhe towe ko má hlan akọta lẹpo lọ to olọn lọ pete glọ. 20Ẹligba OKLUNỌ lọ ko dè mìlẹ, bo hẹn mì jẹgbonu sọn ozòhi ogànyu lọ tọn mẹ wá, sọn Egipti mẹ, nado tin hlan ẹn akọta ogú tọn de, dile e te to egbé he. 21Humọ OKLUNỌ gblehomẹ do ogo e na mìtọn wutu, bo whle dọ yẹn ma na yì aigba dagbe nẹ mẹ gba, he OKLUNỌ lọ Jiwheyẹwhe towe na we na ogú de: 22ṣigba yẹn mananọma kú to aigba he ji gba yẹn ha yì Jọdani gododọ̃n blo: ṣigba mìlẹ na yì gododọ̃n bo tindo aigba dagbe nẹ. 23Mì ni yí ayipipa hlan mìde, mì nikã wọn alènu OKLUNỌ lo Jiwheyẹwhe mítọn tọn, he é basi po mì po, bọ mì basi oboṣiọ pipa de to ojlẹmọ onú depope tọn mẹ he OKLUNỌ lọ Jiwheyẹwhe towe ko kọ́na we. 24Na OKLUNỌ lọ Jiwheyẹwhe towe miyọn jáwla de wẹ, Jiwheyẹwhe awuwhannọ de.
25Whenuena hiẹ na ji ovi lẹ, po ovi ovi lẹ lọ tọn lẹ po, bọ mì na ko tin dẹn to aigba lọ ji, bo na hẹn mìde gble, bo basi obosiọ pipa de to ojlẹmọ onú depope tọn mẹ, bo na wà enẹ he yín oylan to nukun OKLUNỌ lọ Jiwheyẹwhe towe tọn mẹ, nado hẹn ẹn gblehomẹ hlan adi: 26Yẹn ylọ olọn po aigba po nado dekunnu do mì ji to egbé he, dọ mì na dọn gbidigbidi sọn aigba lọ ji fie mì jei to Jọdani gododọ̃n nado tindo e; mì ma na hẹn azán mìtọn lẹ dẹn to e ji gba, ṣigba na yín vivà gbidigbidi. 27OKLUNỌ lọ nasọ vúnvún mì to akọta lẹ lọ ṣẹnṣẹn, mì nasọ yín jijodai vude to osọha mẹ to akọta lẹ lọ ṣẹnṣẹn fie OKLUNỌ lọ na plan mì yì. 28Finẹ wẹ mì na sẹ̀n ovodun lẹ te, azọ́n alọ gbẹtọ lẹ tọn lẹ, atin po zannu po, he ma nọ mọnú, kavi sènú, kavi nọ dùnú, kavi nọ sèwán gba. 29Ṣigba eyín mìlẹ na din OKLUNỌ lọ Jiwheyẹwhe towe sọn finẹyì, hiẹ na mọ ẹn, eyín hiẹ na yí ayiha towe lẹpo podọ po alindọn towe lẹpo po do din hodo e. 30Whenuena hiẹ tin to nukunbibia mẹ, bọ yè hẹn onú helẹ pó wá oji we, eyín to azán godo tọn lẹ mẹ hiẹ lẹ́gọ̀ do OKLUNỌ lọ Jiwheyẹwhe tówe de, bo tùntóai hlan ogbè etọn 31na OKLUNỌ lọ Jiwheyẹwhe towe Jiwheyẹwhe lẹblanunọ de wẹ; é ma na gbẹ́ we gba, kavi và we gba, kavi wọn alènu otọ́ towe lẹ tọn lọ he ewọ whle hlan yé gba. 32Na kàn azán he ko wayì lẹ lọ tọn biọ dinvie, he ko tin nukọn towe, sọn azán whenu he Jiwheyẹwhe da gbẹtọ do aigba lọ ji, podọ sọn opòdo dopo olọn tọn jẹ awetọ, eyín onú mọnkọ de ko tin dile onú daho he te, kavi ko yín sisè di ehe? 33Bé gbẹtọ sè ogbè Jiwheyẹwhe tọn gbède to hódọ sọn gblagbla miyọn tọn mẹ dile hiẹ ko sè do, bo sọ togbẹ́? 34Kavi Jiwheyẹwhe ko toupọ́n nado yí bo yí akọta de na ede sọn gblagbla akọta devo tọn mẹ, gbọn whlepón lẹ dali, gbọn ohia lẹ dali, podọ gbọn nujawu lẹ dali, podọ gbọn awhàn dali, podọ gbọn alọ hlọnhlọnnọ de dali podọ gbọn awà dindlẹn jẹgbonu de dali, podọ gbọn budaho le dali, kẹdẹdi ehe OKLUNỌ lọ Jiwheyẹwhe mìtọn wà na mì lẹpo to Egipti mẹ to nukun mìtọn lẹ nukọn? 35Yè do e hia hlan we, na hiẹ nido yọnẹn dọ OKLUNỌ lọ ewọ wẹ Jiwheyẹwhe; devo de ma tin dogó ẹ gba. 36E hẹn we nado sè ogbè etọn sọn ọlọn mẹ, na é nido plọn we: é sọ hẹn we nado mọ miyọn daho etọn to aigba ji; hiẹ sọ sè ohó etọn lẹ sọn gblagbla miyọn lọ tọn mẹ jẹgbonu. 37Podọ na ewọ yiwanna otò mìtọn lẹ wutu enẹwutu wẹ é dè okún yetọn to yé godo, bo yí huhlọn daho etọn do hẹn we jẹgbonu sọn Egipti mẹ, to nukun etọn mẹ; 38nado yàn akọta lẹ kiklohu podọ hlọnhlọnnọhu hiẹ jegbonu sọn nukọn towe, nado hẹn we wáwhégbè, nado na aigba yetọn we na ogú de, dile é te to egbé hé. 39Enẹwutu a ni yọnẹn to egbé he, bo sọ yí i do ayiha towe mẹ, dọ OKLUNỌ lọ ewọ wẹ Jiwheyẹwhe to olọn mẹ aga podọ to aigba ji todò: devo de ma tin finẹ gba. 40Hiẹ bo na nọ payi asẹdai etọn lẹ go, po gbèdide etọn lẹ po, he yẹn degbèna we to egbé he, na é nido yì na dagbẹ to de we, podọ to ovi towe lẹ de to godo towe, podọ na hiẹ nido hẹn azán towe lẹ dẹn to aigba lọ ji, he OKLUNỌ lọ Jiwheyẹwhe towe na we, kakadoi.
41Whenẹnu wẹ Moṣe klan tòdaho atọ̀n dovo to Jọdani gododọ̃n hlan whèzizẹ̀ dali; 42na mẹhùtọ lọ nido nọ họ̀nyì finẹ, he hù kọmẹnu etọn madodego, bo ma sọ gbẹwanna ẹn to ojlẹ he wáyì mẹ gba; podọ to hinhònyì jẹ dopo tòdaho helẹ tọn mẹ ewọ nido nọgbè 43Enẹ wẹ nado dọ, Bezeli to zùngbo lọ mẹ, to otò aigba vlala lọ mẹ, na Lẹubeninu lẹ lọ; podọ Lamoti to Gileadi mẹ, na Gadinu lẹ lọ; po Golani po to Baṣani mẹ, na Manassenu lẹ lọ.
44Ehe wẹ osẹ́n lọ he Moṣe: zé do ovi Islaeli tọn lẹ lọ nukọn: 45ehelẹ wẹ okunnuhó lẹ lọ, po asedai lẹ lọ po, po whẹ̀dida lẹ lọ po, he Moṣe dọ hlan ovi Islaeli tọn lẹ lọ, whenuena yé jẹgbonu sọn Egipti mẹ wá; 46to Jọdani gododọ̃n, to agbadò he pànnukọn Beti-peoli lọ mẹ, to aigba Sihoni ahọlu Amọlinu lẹ tọn lọ tọn jì, he nọnọ̀ Hẹṣbọni, mẹhe Moṣe po ovi Islaeli tọn lẹ lọ po hò, whenuena yé jẹgbonu sọn Egipti mẹ wá: 47yé sọ yí aigba yetọn to nútindo mẹ, po aigba Ogi ahọlu Baṣani tọn lọ tọn po, ahọlu awe Amolinu lẹ lọ tọn he tin to Jọdani gododọn hlan whèzizẹ dali; 48Sọn Aloeli mẹ, he tin to otónu agbadò Alnoni tọn lọ tọn go, yèdọ jẹ osé Sioni kòn (dopolọ wẹ Helmoni), 49po Alaba lọ lẹpo po to Jọdani gododọ̃n hlan whèzẹtẹn dali, yèdọ jẹ ohù Alaba tọn lọ kọ̀n, to asisà Pisga tọn lẹ lọ glọ.
51MOSE sọ ylọ jẹ Islaeli lẹpo de, bo dọ hlan yé dọmọ, Islaeli È, sè asẹdai lẹ lọ po whẹ̀dida lẹ lọ po he yẹn dọ to otó mìtọn lẹ mẹ to egbé he, na mì nido plọn yé, bo sọ payiha nado nọ basi yé. 2OKLUNỌ lọ Jiwheyẹwhe mítọn basi alẹnu de hẹ mí to Holebi mẹ. 3OKLUNỌ lọ ma basi alènu he hẹ otọ mítọn lẹ gba, ṣigba hẹ mí, yèdọ míwlẹ, popo mí mẹhe tọn to ofi togbẹ̀ to egbé he. 4OKLUNỌ lọ dọhó hẹ mì nukun hlan nukun to osé lọ mẹ sọn gblagbla miyọn lọ tọn mẹ, 5(Yẹn bo ṣite to OKLUNỌ lọ po mì po ṣẹnṣẹn to ojlẹ nẹ mẹ, nado do ohó OKLUNỌ lọ tọn lọ hia mì: na mìwlẹ yín avosatọ na miyọn lọ tọn wutu, bo ma hẹji yì jẹ osé lọ mẹ gba;) dọmọ,
6Yẹn wẹ OKLUNỌ lọ Jiwheyẹwhe towe, he hẹn we jẹgbonu sọn aigba Egipti tọn lọ ji wá, jẹgbonu sọn owhé afànumẹ tọn lọ gbè.
7Hiẹ ma na tindo yẹwhe devo lẹ de dogọ̀ mi.
8Hiẹ ma na basi obosiọ pipa de hlan de we, apajlẹ ojlẹmọ depope tọn hẹ tin to olọn mẹ tàga, kavi he I in to aigba mẹ todò, kavi he tin to osìn mẹ to aigba lọ glọ: 9hiẹ ma na dẹ́ dewe dodò hlan yé gba, kavi sẹ̀n yé gba: na yẹn OKLUNỌ lọ Jiwheyẹwhe towe Jiwheyẹwhe awuwhànnọ de wẹ, he nọ dla ylanwà otọ́ lẹ tọn pọ́n to ovi lẹ ji, podọ to whẹndo atọ̀ntọ ji podọ to ẹnẹtọ yé he gbẹwanna mi lẹ tọn ji; 10bo sọ nọ do lẹblanu hia hlan fọtọ́n yé he yiwanna mi lẹ tọn bo sọ to gbèdide ṣie lẹ go payi.
11Hiẹ ma na yí oyín OKLUNỌ lọ Jiwheyẹwhe towe tọn lọ na olalo gba: na OKLUNỌ lọ ma na hẹn ewọ he to oyín etọn yí na olalo matinwhẹgbledo gba.
12Nọ payi gbọjẹzán lọ go, nado klan ẹn do wiwe, dile OKLUNỌ lọ Jiwheyẹwhe towe degbèna we do. 13Azán ṣidopo hie na do jẹtukla, bo wà azón towe lẹpo: 14Ṣigba azán sinawetọ lọ ogbọjẹ de wẹ hlan OKLUNỌ lọ Jiwheyẹwhe towé: to e mẹ hiẹ ma na wà azọ́n depope, hiẹ, kavi visunnu towe, kavi viyọnnu towe, kavi devisunnu towe, kávi deviyonnu towe, kavi oyin towe, kavi kẹtẹkẹtẹ towe, kavi kanlinyìnyìn towe depope, kavi ojónọ towe he tin to hòngbo towe lẹ hòmẹ; na devisunnu towe po deviyọnnu towe po nido gbọjẹ di hiẹ. 15Hiẹ nasọ flin dọ devi de wẹ hiẹ to aigba Egipti tọn ji, OKLUNỌ lọ Jiwheyẹwhe towe sọ hẹn we jegbonu wá sọnfinẹ gbọn alọ hlọnhlọnnọ de dali podọ gbọn awà dindlẹn jẹgbonu de dali: enẹwutu wẹ OKLUNỌ lọ Jiwheyẹwhe towe naṣẹ we nado nọ payi gbọjẹzán lọ go.
16Gbogbena oto towe po onọ towe po, dile OKLUNỌ lọ Jiwheyẹwhe towe nasẹ we do: na azán towe nido yín ogà, podọ é nido yì na dagbe to de we, to aigba he OKLUNỌ lọ Jiwheyẹwhe towe ná we lọ ji.
17Hiẹ ma na hùmẹ.
18Mọ hiẹ ma na dèayọ gba.
19Mọ hie ma na fìnnúyí gba.
20Mọ hiẹ ma na zé lalo kunnudide do kọmẹnu towe ji gba.
21Mọ hiẹ ma na donukunkẹn do asi kọmẹnu towe tọn go gba; mọ hiẹ ma na jlo owhé kọmẹnu towe tọn gba, ogle etọn, kavi devisunnu etọn, kavi deviyọnnu etọn, oyin etọn kavi kẹtẹkẹtẹ etọn, kavi onú depope he yín kọmẹnu towe tọn.
22Ohó helẹ wẹ OKLUNỌ lọ dọ hlan agùnpipli mìtọn lẹpo to osé lọ mẹ sọn gblagbla miyọn lọ tọn mẹ, sọn aslọ lọ mẹ, podọ sọn zinvlu titli lọ mẹ, po ogbè daho de po. E ma sọ dèdogó humọ gba. E bo sọ wlan yè do tafo zannu tọn awe ji, bo yí yé na hlan mi. 23E sọ wá jọ, whenuena mì sè ogbè lọ sọn gblagbla zinvlu lo ton mẹ, whenuena osé lọ yí miyọn do to jiji, we mì wá sẹpọ́ jẹ dẽ, yèdọ nukọntọ whẹndo mìtọn lẹ tọn lẹpo, po mẹho mìtọn lẹ po; 24mìwlẹ sọ dọmọ, Dayi e go, OKLUNỌ lọ Jiwheyẹwhe mitọn ko do gigo etọn hia mí, po kiklo etọn po, mi bo ko sọ sè ogbè etọn sọn gblagbla miyọn lọ tọnmẹ; mi ko mọ to egbé he dọ Jiwheyẹwhe nọ dọhó hẹ gbẹtọ, é bo sọ nọ nọgbẹ. 25Enẹwutu dinvie etẹwutu wẹ mi do kú? na miyọn daho he na fiọ mí súdo: eyín mí sọ sè ogbè OKLUNỌ lọ Jiwheyẹwhe mitọn tọn de ba, whenẹnu mi na kú. 26Na mẹnu wẹ tin finẹ sọn agbasalan lẹpo mẹ, he ko sè ogbè Jiwheyẹwhe gbẹnọ lọ tọn to hódọ sọn gblagbla miyọn tọn mẹ, dile mìlẹ ko sè do, bo sọ togbẹ̀? 27Hiẹ ni yì sẹpọ́, bo sè ehe OKLUNỌ lọ Jiwheyẹwhe mítọn na dọ lẹpo: hiẹ ni bo dọhó hlan mí ehe OKLUNỌ lọ Jiwheyẹwhe mitọn na dọ hlan mí lẹpo, mí na sè e, bo sọ basi i; 28OKLUNỌ lọ bo sọ sè ogbè oho mìtọn lẹ tọn, whenuena mì dọhó hlan mi; OKLUNỌ lo sọ dọ, hlan mi dọmọ, Yẹn ko sè ogbè ohó omẹ he lẹ lọ ton lẹ, he yé ko dọ Hlan wé; yé ko dọ ehe yé dọ lẹpó dagbe. 29Ṣó dọ yé tindo ayiha mọnkọ de di ehe whepoponu, nado nọ dibusi mi, bo payi gbèdide ṣie lẹpo go, na é nido yin dagbe to yé de, podọ to ovi yetọn lẹ de kakadoi 30Yì dọ hlan yé dọ, Mì lẹ́gọ̀ jẹ ógohọ̀ mìtọn lẹ kọ̀n. 31Ṣigba ná hiẹ tọn, hiẹ ni ṣite to dali ṣie tofi, yẹn nasọ dọ gbèdide lọ lẹ̀po hlan we, po aṣẹdai lẹ lọ po, po whẹ̀dida lẹ lọ po, he hiẹ na nọ plọn yé, na yé nido nọ basi yé to aigba he yen na yé nado tindo e lọ ji. 32Enẹwutu mì na nọ payi nado basi dile OKLUNỌ lọ Jiwheyẹwhe mìtọn ko degbèna mì do: mì ma na lé jẹla hlán alọ adusi mẹ kavi hlan amiyọn mẹ gba. 33Mìlẹ na nọ zinzọnlin to aliho he OKLUNỌ lọ Jiwheyẹwhe mìtọn ko degbèna mì lọ lẹpo mẹ, na mì nido nọgbè, podọ na é nido yín dagbe to mì de, podọ na mì nido hẹn azán mìtọn lẹ dẹn to aigba he mì na yi na nútindo lọ ji.
61DINVIE ehe wẹ gbèdide lọ, asẹdai lẹ lọ, po whẹ̀dida lo po, he OKLUNỌ lọ Jiwheyẹwhe mitọn degbèna nado nọ plọn mi, na mì nido nọ basi yé to aigba lọ ji fiedali mi jei gododọ̃n nado yí i na nútindo: 2na hiẹ nido nọ dibusi OKLUNỌ lọ Jiwheyẹwhe towe, nado nọ payi aṣẹdai etọn lẹpo go po gbèdide etọn lẹ po, he yẹn degbèna we, hiẹ, po visunnu towe po, po visunnu visunnu towe tọn po to azán ogbẹ̀ towe tọn lẹpo mẹ; podọ na azán towe nido yín hinnẹndẹn. 3Enẹwutu sè, Islaeli È, bo nọ payi nado basi i; na é nido yín dagbe to de we, podọ na mi nido sudeji talalá, dile OKLUNỌ lọ, Jiwheyẹwhe otọ́ towe lẹ tọn lọ ko gblọnadan hlan we do, to aigba he yí oyìnnọ́ po owín po do to sisà lọ mẹ.
4Islaeli È, sè, OKLUNỌ lọ Jiwheyẹwhe mítọn OKLUNỌ dopọ wẹ: 5hiẹ bo na yí ayiha towe lẹpo, po alindọn towe lẹpo po, po hlọnhlọn towe lẹpo po, do yiwanna OKLUNỌ lọ Jiwheyẹwhe towe. 6Podọ ohó helẹ, he yẹn degbèna we to egbe he, na tin to ayiha towe ji: 7hiẹ nasọ yí sọwhiwhe dó plón yé ovi towe lẹ, bo sọ dọhó yetọn whenuena hiẹ sinai to owhé towe gbè, podọ whenuena hiẹ to zọnlinzin to aliho ji, podọ to whenuena hiẹ mlọn ai, podọ to whenuena hiẹ fọ́n tite. 8Podọ hiẹ nasọ sìn yé dó alọ towe go na ohia de; yé nasọ tin na ozínja lẹ to nukun towe lẹ ṣẹnṣẹn. 9Hiẹ bo nasọ wlan yé do odòtin ohòn ohò towe tọn lẹ tọn lẹ go, podọ to hòngbo towe lẹ go.
10E nasọ wá yín, whenuena OKLUNỌ lọ Jiwheyẹwhe towe na hẹn we wá jẹ aigba lọ mẹ he é whle hlan otọ́ towe lẹ, hlan Ablaham, hlan Isaki, podọ hlan Jakob, nado na we; tòdaho kiklo podọ whànpẹnọ, he hiẹ ma do, 11po owhé lẹ po he gó na onú dagbe lẹpo, he hiẹ ma gọ́, po odòtò kùnkùn lẹ po, he hiẹ ma kùn, ovẹ̃npa lẹ po olivetin lẹ po, he hiẹ ma do, hiẹ bo nasọ dù bo yín gigọ́hò. 12Whenẹnu payiha hiẹ nikã wọ̀n OKLUNỌ lọ, he hẹn we jẹgbonu sọn aigba Egipti tọn lọ ji wá, sọn owhé afànumẹ tọn lọ gbé 13Hiẹ na nọ dibusi OKLUNỌ lọ Jiwheyẹwhe towe; podọ ewọ wẹ hiẹ na nọ sẹ́n, bo nasọ nọ whle gbọn oyín etọn dali. 14Mìlẹ ma na yi hodo yẹwhe devo lẹ gba, sọn yẹwhe akọta lẹ lọ tọn lẹ mẹ he tin lẹ́do mì pé lẹ; 15na OKLUNỌ lọ Jiwheyẹwhe towe to gblagbla towe mẹ wẹ Jiwheyẹwhe awuwhànnọ de; adi OKLUNỌ lọ Jiwheyẹwhe towe tọn nikã yín hinhẹnjimiyọn do oji we, ewọ bo nasọ và we sẹ̀ sọn nukunmẹ aigba lọ tọn.
16Mìlẹ ma na whlẹ́ OKLUNỌ lọ Jiwheyẹwhe mìtọn pọ́n gba, dile mì whle e pọn to Massa mẹ do. 17Mìlẹ na yi sọwhiwhe do payi gbèdide OKLUNỌ lọ Jiwheyẹwhe mìtọn tọn lẹ go, po okunnuhó etọn lẹ po, po asẹdai etọn lẹ po, he é ko degbèna we lẹpo. 18Podọ hiẹ na nọ wà enẹ he yín jijlọ po dagbe po to nukun OKLUNỌ lọ tọn mẹ: na é nido yín dagbe to de we, podọ na hiẹ nido yì hòmẹ bo tindo aigba dagbe lọ he OKLUNỌ lọ whle hlan otọ́ towe lẹ, 19nado sisẹ́ kẹ̀ntọ towe lẹpo jẹgbonu sọn nukọn towe, dile OKLUNỌ lọ ko dọhó do.
20Whenuena ovi towe kanbiọ we to ojlẹ he ja mẹ, dọmọ, Ete wẹ okunnuhó lẹ lọ, po asẹdai lẹ lọ po, po whẹ̀dida lẹ lọ po he OKLUNỌ lọ ko degbèna mì na 21whenẹnu wẹ hiẹ na dọ hlan ovi towe dọ, Afànumẹ Falo tọn wẹ mí yín to Egipti; bọ OKLUNỌ lọ sọ hẹn mí jẹgbonu po alọ hlọnhlọnnọ de po sọn Egipti mẹ wá: 22OKLUNỌ lọ bo sọ do ohia lẹ po nujawu lẹ po hia, daho podọ yinylan to Egipti ji, to Falo ji, podọ to owhé etọn lépo ji, to nukun mítọn lẹ nukọn: 23é bo sọ hẹn mi jẹgbonu sọn finẹ wá, na é nido hẹn mí wá họ̀mẹ, nado na aigba lọ mí he é ko whle hlan otọ́ mítọn lẹ. 24OKLUNỌ lọ sọ naṣẹ mí nado nọ basi aṣẹdai helẹ pó, nado nọ dibusi OKLUNỌ lọ Jiwheyẹwhe mítọn, na dagbe; mítọn to whepoponu, na é nido hla mí dogbẹ̀, kẹdẹdi azán he gbè tọn. 25E bo nasọ yín dódó hlan mí, eyinmí payiha nado nọ basi gbèdide he lẹpo to OKLUNỌ lọ Jiwheyẹwhe mítọn nukọn, dile é ko degbèna mí do.
71WHENUENA OKLUNỌ lọ Jiwheyẹwhe towe na hẹn we wá jẹ aigba lọ mẹ fie hiẹ jei nado yi i, bo na dọn akọta sùsù sún sọn nukọn towe, Hitinu lọ, po Gilgasinu lọ po, po Amolinu lọ po, po Kananinu lọ po, po Pelizinu lọ po, po Hivitenu lọ po, po Jẹbusinu lọ po, akọta ṣinawe kiklohu podọ hlọnhlọnnọhu gán hiẹ; 2podọ whenuena OKLUNỌ lọ Jiwheyẹwhe towe na jó yé to nukọn towe, bọ hiẹ na hò yé; whenẹnu hiẹ na và ye gbidigbidi; hiẹ ma na basi alẹ́nu de po yé po gba, kavi do lẹblanu hia hlan yé gba; 3mọ hiẹ ma na basi alọwle lẹ po yé po gba; hiẹ ma na yí viyọnnu towe na hlan visunnu etọn gba, kavi na yí viyọnnu etọn hlan visunnu towe gba. 4Na ewọ na gò visunnu towe ṣe sọn hihodo mi mẹ, na yé nido nọ sẹ́n yẹwhe devo lẹ; mọwẹ yè na hẹn adi OKLUNỌ lọ tọn jimiyọn do mì jì, ewọ bo nasọ và mì plaun. 5Le wẹ mì na wà hẹ yé do; mì na họ́ agbà yetọn lẹ liai, bo sọ sán odòtin yetọn lẹ gidigidi, bo sọ hò vodunzùn yetọn lẹ liai, bo yí miyọn do mẹ́ oboṣiọ pipa yetọn lẹ. 6Na omẹ wiwe lẹ de wẹ hiẹ hlan OKLUNỌ lọ Jiwheyẹwhe towe: OKLUNỌ lọ Jiwheyẹwhe towe ko dè we nado yín omẹ gbọnvò de hlan ede, sọn akọta he tin to nukunmẹ aigba ji tọn lẹpo mẹ. 7OKLUNỌ lọ ma zé wanyi etọn do mì ji, kavi dè mì, na mì yín sùsù to osọha mẹ hugan gbẹtọ lẹ de wutu gba; na mì wẹ ovude talala sọn akọta lẹpo mẹ: 8ṣigba na OKLUNỌ lọ yiwanna mì wutu wẹ, podọ na ewọ na do payi whiwhle lọ go he é whle hlan otọ́ mìtọn lẹ wutu wẹ, OKLUNỌ lọ do yi alọ hlọnhlọnnọ de do hẹn mì jẹgbonu wá, bo sọ fli mì sọn owhé afànumẹ tọn lọ gbè, sọn alọ Falo tọn mẹ ahọlu Egipti tọn lọ. 9Enẹwutu yọnẹn dọ OKLUNỌ lọ Jiwheyẹwhe towe, ewọ wẹ Jiwheyẹwhe; Jiwheyẹwhe nugbonọ lọ, he nọ payi alẹ́nu po lẹblanu po go hẹ yé he yiwanna ẹn bo sọ ayipa gbèdide etọn lẹ go jẹ whẹndo lẹ fọtọ́n de; 10bo sọ gọ̀ahọsu yé he gbẹwanna ẹn to nukun yetọn mẹ, nado và yé: ewọ ma na yín awugbọ̀pònọ hlan ewọ he gbẹwanna ẹn lọ de gba, é na gòahọsu i to nukun etọn mẹ. 11Enẹwutu hiẹ na nọ payi gbèdide lọ go, po asẹdai lẹ lọ po, po whẹ̀dida lẹ lọ po, he yẹn degbèna we to egbé he, nado nọ basi yé.
12E nasọ wá jọ, na mì tùntóai hlan whẹ̀dida helẹ wutu, bo sọ to ayihapa, nado nọ basi yé, wẹ OKLUNỌ lọ Jiwheyẹwhe towe na payiha alẹ́nu lọ go to de we po lẹblanu lọ po he é whle hlan otọ́ towe lẹ; 13ewọ na yiwanna we, bo nọ dona we, bo hẹn we sùdeji: ewọ nasọ dona sinsẹ́n agbasa towe tọn ga po sinsẹ̀n aigba towe tọn po, gbadó towe po ovẹ̃n towe po po amì towe po, jideji oyin towe lẹ tọn po lẹngbọvi lẹngbọpa towe lẹ tọn po, to aigba lọ ji he ewọ whle hlan otọ towe lẹ nado na yé. 14Hiẹ na yín donanọ hu akọta lẹpo: sunnu kavi yọnnu de ma na yín wẹ́nsinọ to mì ṣẹnṣẹn finẹ gba, kavi to kanlinyìnyìn mìtọn lẹ mẹ gba. 15OKLUNỌ lọ na dè olànmẹzòn lẹpo sẹ́ sọn de we, é ma sọ to na yí awutuzọ̀n ylankan Egipti tọn lẹ de, he hiẹ yọnẹn, do oji we gba, ṣigba bo na yi yé do yé he gbẹwanna we lẹpo ji. 16Hiẹ nasọ sukún akọta lọ lẹpo tọn do he OKLUNỌ lọ Jiwheyẹwhe towe na jó hlan we lẹ; nukun towe ma na blawuna yé gba: mọ hiẹ ma na sẹ́n yẹwhe yetọn lẹ gba; na ehe na yín omọ de hlan we. 17Eyín hiẹ na dọ to ayiha towe mẹ dọmọ, Akọta helẹ tin hugan yẹn; nawẹ yẹn sọgan yàn ye jẹgbonu do? 18Hiẹ ma na yín avosatọ na yé tọn gba: hiẹ na flin dagbedagbe núhe OKLUNỌ lọ Jiwheyẹwhe towe wà hlan Falo, podọ hlan Egipti lẹpo; 19owhlepọ́n daho he nukun towe lẹ mọ, po ohia lẹ lọ pọ, po nujawu lẹ lọ po, po alọ hlọnhlọnnọ lọ po, po awà dindlẹn jẹgbonu lọ po, ehe dali OKLUNỌ lọ Jiwheyẹwhe hẹn we jẹgbonu wá; mọwẹ OKLUNỌ lọ Jiwheyẹwhe wà hlan akọta lọ lẹpo do, na mẹhe tọn hiẹ avosatọ yín. 20Humọ OKLUNỌ lọ Jiwheyẹwhe towe na do ogbón hlan yé ṣẹnṣẹn, kaka yé he yè pòdai lẹ, bo whla yéde sọn de we lẹ, dòn sọn nukọn towe. 21Yè ma na hẹn we yín avosatọ na yé gba: na OKLUNỌ lọ Jiwheyẹwhe towe tin to gblagbla hiẹ tọn mẹ, Jiwheyẹwhe kiklo de podọ didobu de. 22OKLUNỌ lọ Jiwheyẹwhe towe na tùn akọta nẹlẹ jẹgbonu to nukọn towe pẹpẹ: hiẹ ma sọgan sukún yé tọn do whladopo gba, okanlin nukanmẹ tọn lẹ lọ nikã jideji do oji we. 23Ṣigba OKLUNỌ lọ Jiwheyẹwhe towe na jó yé to nukọn towe, bo nasọ yí gbigbàdo daho de do gbà yé do, kaka yé do yín vivà. 24E na jó ahọlu yetọn lọ do alọ towe mẹ, hiẹ nasọ hẹn oyín yetọn nado dòn son olọn glọ: omẹ de ma na tin sọgan nado site to nukọn towe finẹ, kaka hiẹ ko do và yé. 25Boṣiọ pipa yẹwhe yetọn lẹ tọn lẹ wẹ hiẹ na yí miyọn do mé: hiẹ ma na donukunkẹndo fataka lọ kavi sika lọ go he tin to yé go gba, kavi yí i hlan dewe gba, hiẹ nikã yín mọdona to e mẹ: na osùnú de wẹ hlan OKLUNỌ lọ Jiwheyẹwhe towe: 26podọ hiẹ ma na hẹn osùnú de wá jẹ ohọ̀ towe mẹ, bo sọ lẹzùn onú klandovo jijlẹ do e go de: hiẹ na gbẹwanna en gbidigbidi, hiẹ bo nasọ hòwán ẹn gbidigbidi; na onú klandovo de wẹ.
81GBÈDIDE lọ lẹpo he yẹn degbèna we to egbé he wẹ mìlẹ na nọ payiha nado nọ basi, na mìlẹ nido nọgbè, bo sudeji, bo yì họmẹ bo yí aigba lọ he OKLUNỌ lọ whle hlan otọ́ mìtọn lẹ. 2Hiẹ nasọ nọ flin aliho he OKLUNỌ lọ Jiwheyẹwhe towe ko hẹn we gbọn lẹpo to owhè kande helẹ mẹ to zùngbo lọ mẹ, na é nido hòhuwhẹ we, nado tén we pọn, nado yọn núhe tin to ayiha towe mẹ, eyín hiẹ na payi gbèdide etọn lẹ go, kavi lala. 3E sọ hòhuwhẹ we, bo hẹn húvé hù we, bo sọ yí mana do yìn we, he hiẹ ma yọnẹn, mọ otọ towe lẹ ma yọnẹn gba; na é nidọ hẹn we yọnen dọ gbẹtọ ma togbẹ̀ gbọn núdùdù kẹdẹ dali gba, ṣigba gbọn onú dopodopo he tọnsọn onù OKLUNỌ lọ tọn mẹ jẹgbonu dali wẹ gbẹtọ togbẹ̀ te. 4Avọ̀ towe ma dohó to ogo we, mọ afọ towe ma ji, to owhè kande helẹ mẹ gba. 5Hiẹ nasọ yílẹn to ayiha towe mẹ, dọ, dile omẹ de nọ wọhẹ visunnu etọn do, mọwẹ OKLUNỌ lọ Jiwheyẹwhe towe wọhẹ we do. 6Hiẹ bo na payi gbèdide OKLUNỌ lọ Jiwheyẹwhe towe tọn lẹ lọ go, nado nọ zinzọnlin to ali etọn lẹ ji, podọ nado nọ dibusi i. 7Na OKLUNỌ lọ Jiwheyẹwhe towe hẹn we wá jẹ aigba dagbe lọ ji, aigba otán osìn tọn lẹ de, asisà lẹ tọn po osédo lẹ po hẹ to sisà jẹgbon jẹ agbadò lẹ mẹ po okọta lẹ po; 8aigba oli tọn de po bale po, po ovẹ̃ntin lẹ po po ovotin lẹ po po pomeglanate lẹ po; aigba amì olivieli tọn lẹ de po owin po; 9aigba de hemẹ hiẹ na dù núdùdù te matin núdìndon, hiẹ ma na bà onú de pò to e mẹ gba, aigba de zannu ehetọn lẹ yín ogànyu, podọ sọn okọta ehetọn lẹ mẹ hiẹ sọgan kùn ogànvẹ̃ te. 10Hiẹ na dù bo sọ yín gigọ́, hiẹ bo nasọ dona OKLUNỌ lọ Jiwheyẹwhe towe na aigba dagbe lọ he é ko na we. 11Payiha hiẹ nikã wọ̀n OKLUNỌ lọ Jiwheyẹwhe towe, to gbèdide etọn lọ ma yìn mẹ, po whẹ̀dida etọn lẹ po, po aṣẹdai etọn lẹ po, he yẹn degbèna we to egbé he: 12hiẹ nikã ko dù bo sọ yín gigọ́, bo ko dó ohò dagbedagbe lẹ, bo nọnọ̀ e mẹ; 13podọ whenuena kanlinpó towe lẹ po kanlinpá towe lẹ po sùdeji, bọ yè sọ hẹn fataka towe po sika towe po sùdeji, bọ yè sọ hẹn ehe hiẹ tindo lẹpo sùdeji; 14whenẹnu bọ ayiha towe yín zizé daga, bọ hiẹ won OKLUNỌ lọ Jiwheyẹwhe towe, he hẹn we jẹgbonu sọn aigba Egipti tọn lọ ji wá, sọn owhé afànume lọ tọn gbè; 15mẹhe plan we gbọn zùngbo kiklo podọ he dobu lọ mẹ luntọ́n, fiemẹ odàn miyọnnọ lẹ te po aklekle lẹ po, podọ aigba nugblanọ fie osìn de ma tin te; mẹhe hẹn osìn jẹgbonu wá na we sọn osé okẹ́n tọn lọ mẹ; 16mẹhe yí mana do yìn we to zùngbo lọ mẹ, he otọ́ towe lẹ ma yonẹn gba: na é nido hòhuwhẹ we, podọ na ewọ nido tén we pọn, nado wà dagbe na we to osọgodo towe: 17hiẹ bo sọ dọ to ayiha towe me dọmọ, Huhlọn ṣie po hlọnhlọn alọ ṣie tọn po ko tindo adọkunnu he na mi. 18Ṣigba hiẹ na nọ flin OKLUNỌ lọ Jiwheyẹwhe towe, na ewọ wẹ mẹhe na huhlọn we nado tindo adọkunnu; na é nido hẹn alọ́nu etọn he é whle hlan otọ́ towe lẹ lódo, dile é te to azán he gbè. 19E nasọ yín, eyín hiẹ wọ̀n OKLUNỌ lọ Jiwheyẹwhe towe, bo sọ zinzọnlin hodo yẹwhe devo lẹ, bo sọ to yé sẹ́n, bo sọ to taliaina yé, Yẹn sàhẽlu do mì ji to egbé he dọ mì na dọn nugbonugbo. 20Di akọta lẹ lọ he OKLUNỌ lọ basi nado dọ̀n to mì nukọn, mọwe mìwlẹ na dọ̀n do; na mìwlẹ ma ko na tùntóai hlan ogbè OKLUNỌ lọ Jiwheyẹwhe mìtọn tọn lo wutu.
91ISLAELI È, he tin nado juyì Jọdani gododọ̃n to egbe he nado yì hòmẹ nado yí akọta kiklohu podọ hlọnhlọnnọhu gan hilọsu, todaho kiklo podọ he yè dodòkọ́na jẹ olọn, 2gbẹtọ kiklo podọ he tọ́nalun lẹ de, visunnu Anakimi tọn lẹ lọ, mẹhe hiẹ yọnẹn, podọ mehe tọn hiẹ ko sè dọ, Mẹnu wẹ sogan nọte to visunnu Anaki ton lẹ lọ nukọn? 3Enewutu yọnẹn to egbé he, dọ OKLUNỌ lọ Jiwheyẹwhe towe wẹ ewọ hè jei gododọ̃n to nukọn towe di miyọn dusúdo de; ewọ na và yé, é bo nasọ hẹn yé yì odò to nukọn towe: mowẹ hiẹ na yàn yé jẹgbonu, bo sọ hẹn yé dọ̀n plaun, dile OKLUNỌ lọ dọhó hlan we do. 4A dọ to ayiha towe mẹ blo, to godo he OKLUNỌ lọ Jiwheyẹwhe towe ko tùn yé jẹgbonu sọn nukọn towe, dọmọ, Na dódó ṣie wẹ OKLUNỌ lọ ko do hẹn mi wá hòmẹ nado tindo aigba he: yídomọ na kanyinylan akọta nẹlẹ tọn wẹ OKLUNỌ lọ do yàn yé jẹgbonu to nukọn towe. 5E ma yín na dódó towe gba, kavi na pipé ayiha towe tọn, wẹ hiẹ do yì hòmẹ nado yí aigba lọ gba ṣigba na kanyinylan akọta helẹ tọn wẹ OKLUNỌ lọ Jiwheyẹwhe towe do yàn yé jẹgbonu sọn nukọn towe, podọ na é nido hẹn ohó he OKLUNỌ lọ whle hlan otọ́ towe lẹ lódo, hlan Ablaham, hlan Isaki, podọ hlan Jakob. 6Enẹwutu yọnẹn, dọ OKLUNỌ Jiwheyẹwhe towe ma na aigba dagbe he we nado tindo e na dódó towe gba; na gbẹtọ kọsinsinyẹnnọ de wẹ hiẹ. 7Hiẹ wọ̀n blo, flin, le hiẹ hẹnhomẹgblena OKLUNỌ lọ Jiwheyẹwhe towe jẹ fifiẹ mẹ to zùngbo lọ mẹ do: sọn azán he gbè hiẹ jẹgbonu yì sọn aigba Egipti tọn lọ ji, kaka mì do wá jẹ otẹn he mẹ, mìlẹ ko to atẹsitọ yín do OKLUNỌ lọ go. 8To Holebi mẹ ga mìlẹ hẹnhomẹgblena OKLUNỌ lọ jẹ fifiẹ mẹ, OKLUNỌ lọ sọ yín adinọ do mì go na ko do và mì. 9Whenuena yẹn hẹji yì jẹ osé lọ mẹ nado yí tafo awe zannu tọn lẹ lọ, yèdọ tafo alènu lọ tọn lẹ he OKLUNỌ lọ basi po mì po, whenẹnu yẹn nọ̀ osé lọ mẹ okle kande po azán kande po; yẹn ma dù akla mọ yẹn ma sọ nù osìn. 10OKLUNỌ lọ sọ jó tafo awe zannu tọn lẹ lọ hlan mi he yè yí alọviyẹyẹ Jiwheyẹwhe tọn do wlan; yè bo sọ wlan do yé go kẹdẹdi ohó he lẹ pó, he OKLUNỌ lọ dọ hẹ mì to osé lọ mẹ sọn gblagbla miyọn lọ tọn mẹ to azán agùnpipli lọ tọn mẹ. 11E sọ wá jọ to opòdo okle kande po ozán kande lọ tọn po, wẹ OKLUNỌ lọ yí tafo zannu ton awe lẹ na mi, yèdọ tafo alènu lọ tọn lẹ. 12OKLUNỌ lọ sọ dọ hlan mi dọmọ, Tite, jẹte yì plaun sọn fiyì; na omẹ towe lẹ he hiẹ ko hẹn jẹgbonu sọn Egipti mẹ wá ko hẹn yéde gble; yè ko hẹn yé lẹ́ jẹla plaun sọn aliho he yẹn degbèna yé ji; yé ko basi oboṣiọ kinkọ̀n de na yéde. 13Huganmọ OKLUNỌ lọ dohó hlan mi, dọmọ, Yẹn ko mọ omẹ he lẹ, bo, dayi e go, gbẹtọ kòsinsinyẹnnọ de wẹ: 14ágò na mi, na yẹn nido và yé, bo gbidi oyín yetọn sọn olọn glọ, yẹn bo nasọ basi akọta de sọn hiẹ mẹ hlọnhlọnnọhu pọdọ kiklohu gan yéwlẹ. 15Mowẹ yẹn lẹ bo jẹte sọn osé lọ ji wá, osé lọ bo sọ yí miyọn do to jiji: tafo awe alẹ̀nu lọ tọn lẹ sọ tin to alọ ṣiẹ awe lẹ mẹ. 16Yẹn bo sọ pọ́n, bo, dayi e go, mìlẹ ko wàylando do OKLUNỌ lọ Jiwheyẹwhe mìtọn go; mì ko basi oyìnvú kinkọ̀n de na mìde: mìlẹ ko lẹ́ jẹla plaun sọn aliho he OKLUNỌ lọ de gbèna mì lọ ji, 17Yẹn bo sọ hẹn tafo awe lẹ lọ go, bo fọ̀ yé dlan sọn alọ ṣie awe lẹ mẹ, bo gbà yé to nukun yetọn lẹ nukọn. 18Yẹn bo sọ họ́ jai to OKLUNỌ lọ nukọn, di tintan lọ tọn, okle kande po ozán kande po j yẹn ma dù akla mọ yẹn ma nù osìn; na ylando mìtọn ehe mì do wàylando lẹpo tọn wutu, to wiwà mẹ enẹ he yín oylan to nukun OKLUNỌ lọ tọn mẹ nado hẹnhomẹgble e jẹ adi mẹ. 19Na yẹn yín avosatọ adi lọ po homẹmahùn miyọnawu lọ tọn po, ehe OKLUNỌ lọ do yín homẹgblenọ do mì go nado và mì. Ṣigba OKLUNỌ lọ tùntóai hlan mi to ojlẹ nẹ mẹ ga. 20OKLUNỌ lọ bo sọ yín adinọ do Aalọn go nado ko và ẹ: Yẹn sọ hodẹ́ na Aalọn to ojlẹ dopolọ mẹ ga. 21Yẹn sọ yí ylando mìtọn, oyìnvú he mì ko basi lọ, bo yí miyọn do fiọ ẹ, bo tùn in, bo li i mẹ́, kaka é do tin taidi kọgudú: yẹn sọ bẹ́ kọgudú etọn lọ dlan jẹ otán lọ mẹ he to tejẹ sọn osé lọ mẹ. 22Podọ to Tabela, podọ to Massa, podọ to Kibloti-hataava, mì hẹnhomegble OKLUNỌ lọ jẹ fifiẹ mẹ. 23Podọ whenuena OKLUNỌ lọ do mì hlan sọn Kadesi-balnea mẹ, dọmọ, Mì hẹji yì bo yí aigba he yẹn ko na mì lọ; whenẹnu mìlẹ sọ ṣiatẹ do gbèdide OKLUNỌ lọ Jiwheyẹwhe mìtọn tọn go, mìlẹ ma sọ yi i se, kavi tùntóai hlan ogbè etọn gba. 24Mìlẹ ko yín atẹṣitọ do OKLUNỌ lọ go sọn azán he gbè yẹn yón mì. 25Mowẹ yẹn họ́ jai to OKLUNỌ lọ nukọn okle kande po ozán kande po wẹ yẹn do hó jai; na OKLUNỌ lọ ko dọ é na và mì wutu. 26Yẹn bo sọ hodè hlan OKLUNỌ lọ, bo dọmọ OKLUNỌ E Jiwheyẹwhe, a và omẹ towe lẹ podọ ogú towe blo, he hiẹ ko fli gbọn kiklo towe mẹ, he hiẹ ko hẹn jẹgbonu sọn Egipti mẹ wá po alọ hlọnhlọnnọ de po. 27Flin devi towe le, Ablaham, Isaki, po Jakob po; a pọ́n hlan adingbàndido omẹ he lẹ tọn dali blo, kavi hlan kanyinylan yetọn dali kavi hlan lando yetọn dali blo: 28aigba lọ fie hiẹ hẹn mí jẹgbonu sọn wá nikã dọmọ, Na OKLUNỌ lọ ma tin sọgan nado hẹn yé jẹ aigba he é gblọnadanna yé lọ mẹ wutu, podọ na é gbẹwanna yé wutu, é hẹn yé jẹgbonu wá nado hù yé to zùngbo lọ mẹ. 29Gãnṣo omẹ towe lẹ wẹ yé podọ ogú towe he hiẹ hẹn jẹgbonu wá, gbọn huhlọn daho towe dali podọ gbọn awà dindlẹn jẹgbonu towe dali.
101TO ojlẹ nẹ mẹ OKLUNỌ lo dọ hlan mi dọmọ, Pà tafo zannu tọn awe jijlẹ do tintan lẹ lọ go, bo hẹji wá jẹ dẽ jẹ osé lọ kòn, bo sọ basi alki atin tọn de na dewe. 2Yẹn bo nasọ wlan do tafo lẹ lọ ji ohó he tin to tafo tintan he hiẹ gbà lẹ lọ ji lẹ, hiẹ bo na yí yé do alki lọ mẹ. 3Mọwẹ yẹn basi alki atin akasia tọn de, bo sọ pà tafo zannu tọn awe lẹ jijlẹ do tintan lẹ lọ go, bo hẹjì yí jẹ osé lọ mẹ, tintindo tafo awe lẹ lọ to alọ ṣie mẹ. 4Ewọ sọ wlan do tafo lẹ lọ go, kẹdẹdi winwlan tintan lọ, gbèdide ao lẹ lọ, he OKLUNỌ lọ dọ hlan mì to osé lọ mẹ sọn gblagbla miyọn lọ tọn mẹ to azán agùnpipli lọ tọn gbè: OKLUNỌ lọ bo sọ yí yé na mi, 5Yen bo sọ lẹ bo jẹte sọn osé lọ ji wá, bo yí tafo lẹ lọ do alki hẹ yẹn ko basi lọ me; fìnẹ wẹ yé te, dile OKLUNỌ lọ degbèna mi do. 6(Ovi Islaeli tọn lẹ lọ yígbéjizọnlin sọn Beeloti Benejaakani jẹ Mosela: finẹ Aalọn kú te, finẹ wẹ yè sọ di i do; Eleazali visunnu etọn sọ to devizónwà to azọ́nhò yẹwhenọ tọn lọ mẹ to otẹn etọn mẹ. 7Yé sọ yígbéjizọnlin sọn finẹ jẹ Gudgoda, podọ sọn Gudgoda mẹ jẹ jotbata, aigba otán osin tọn lẹ de. 8Ojlẹ nẹ mẹ wẹ OKLUNỌ lọ klan whẹndo Levi tọn lọ dovọ, nado nọ zé alk ì alènu OKLUNỌ tọn lọ tọn hẹn, nado nọ nọte to OKLUNỌ lọ nukọn nado nọ wàdevizọ́n hlan ẹn, podọ nado nọ dona to oyín etọn mẹ, jẹ azán he gbè. 9Enẹwutu wẹ Levi ma do tindo mimá de kavi ogú hẹ mẹmẹsunnu etọn lẹ gba: OKLUNỌ lọ wẹ ogú etọn, kẹdẹdile OKLUNỌ lọ Jiwheyẹwhe towe dọhó hlan ẹn do.) 10Yẹn sọ dòngbàn to osé lọ ji, di ojlẹ tintan ton, okle kande po ozán kande po: OKLUNỌ lọ sọ tùntóai hlan mi to ojlẹ nẹ mẹ; OKLUNỌ lọ ma sọ jlo na và we gba. 11OKLUNỌ lọ sọ dọ hlan mi dọmọ, Tite, bo yígbéjizọnlin towe to gbẹtọ lẹ lọ nukọn; Yé bo nasọ yì hòmẹ bo yí aigba lọ, he yẹn whle hlan otọ́ yetọn lẹ nado na hlan yé.
12Etẹ wẹ OKLUNỌ lọ Jiwheyẹwhe towe jijlo sọn de we dinvie lò, Eslaeli, adavo nado nọ dibusi OKLUNỌ lọ Jiwheyẹwhe towe, nado nọ zinzọnlin to ali etọn lẹpọ mẹ, podọ nado nọ yiwanna ẹn, podọ nado nọ sẹn OKLUNỌ lọ Jiwheyẹwhe towe po ayiha towe lẹpo po, podọ pò alindọn towe lẹpo po, 13nado nọ payi gbèdide OKLUNỌ lọ tọn le lọ go, po asẹdai etọn le po, he yẹn degbèna we to ègbé he na dagbe towe? 14Dayi e go, OKLUNỌ lọ Jiwheyẹwhe towe tọn wẹ olọn lọ, po olọn olọn lẹ lọ tọn po, aigba lọ, po onú he tin to e mẹ lepo po. 15Kiki OKLUNỌ lọ tindo homẹvivi de to otọ́ towe lẹ mẹ nado yiwanna yé, é bo sọ dè okún yetọn to yé godo, yèdọ mìlẹ Sọn akọta lẹpo mẹ, dile é te to egbé he. 16Enẹ-wutu mì ni nọ gbowhẹ́na ayútintan ayiha mìtọn tọn lọ, mì sọ yín kọsinsinyẹnnọ ba blo. 17Na OKLUNỌ lọ Jiwheyẹwhe mìtọn, ewọ wẹ Jiwheyẹwhe oyẹwhe lẹ tọn, podọ OKLUNỌ OKLUNỌ lẹ tọn, Jiwheyẹwhe daho lọ, hlọnhlọnnọ lọ, podọ jiawu lọ, he ma nọ ho gbẹtọ lẹ pọ́n, mọ ma nọ yí núbla gba 18E nọ hẹn whẹdida tóṣiọvi po asúsiọsi po tọn sẹ, bó sọ yiwanna ojónọ lọ, to núdùdù po avọ po nina ẹn mẹ. 19Enewutu mì ni nọ yiwanna ojónọ lọ: na mìlẹ yín ojónọ to aigba Egipti tọn lọ ji. 20Hie na nọ dibusi OKLUNỌ lọ Jiwheyẹwhe towe; ewọ wẹ hiẹ na nọ sèn; é de wẹ hiẹ na nọ sẹbọdo, podọ hiẹ nasọ nọ whle gbọn oyín etọn dali. 21Ewọ wẹ pipa towe, podọ ewọ sọ wẹ Jiwheyẹwhe tòwe, he ko wà onú daho podọ he jiawu helẹ na we, he nukun towe lẹ ko mọ. 22Otọ́ towe lẹ jẹte yì jẹ Egipti me po gbẹtọ kandegbàn po; podọ dinuje OKLUNỌ lọ Jiwheyẹwhe towe ko basi we di sunwhlẹvu olọntọn le lọ na gégé.
111ENẸWUTU hiẹ na nọ yiwanna OKLUNỌ lo Jiwheyẹwhe; tówe, bo nọ payi aṣẹ etọn go, po aṣẹdai etọn lẹ po, po whẹ̀dida etọn lẹ po, po gbèdide etọn lẹ po, whepoponu. 2Mì ni bo yónẹn to egbé he: na yẹn ma dọhó hẹ ovi mìtọn lẹ he ma ko yọnen gba, podọ he ma ko mọ owọhẹ OKLUNỌ lọ Jiwheyẹwhe mìtọn tọn gba, kiklo etọn, alo hlọnhlọnnọ etọn, po awà dindlẹn jẹgbonu etọn po, 3po ohia etọn lẹ po, po azón etọn lẹ po, he é wà to gblagbla Egipti tọn mẹ hlan Falo ahọlu Egipti tọn lọ, podọ hlan aigba etọn lẹpo; 4po núhe é wà hlan awhàn Egipti tọn po, hlan osé etọn lẹ, podọ hlan kẹkẹ etọn lẹ; le é hẹn osìn Ohù Vẹ̃ lọ tọn nado gbloṣinyọn yé ji do le yé domọna mì ja, podọ le OKLUNỌ lọ và yé do jẹ egbé he; 5po núhe é wà hlan mì to zùngbo lọ me po, kaka mì do wá jẹ otẹn he mẹ; 6podọ núhe é wà hlan Datani po Abilami po, visunnu Eliabi tọn lẹ lọ, visunnu Lẹubeni tọn lọ; le aigba lọ kẹ́ onù etọn, bo zé yé mì do, po whégbetọ yetọn lẹ po, po ogohò yetọn lẹ po, po onú gbóte he hodo yé lẹpo po, to gblagbla Islaeli lẹpo tọn mẹ: 7Ṣigba nukun mìlẹ tọn lẹ ko mọ azọ́n daho OKLUNỌ lọ tọn lẹpo he é wà. 8Enẹwutu wẹ mì na nọ payi gbèdide lọ lẹpo go he yẹn degbèna we to egbó he, na mì nido yín huhlọnnọ, bo yì hòmẹ bo yí aigba lọ, fiedali mì jei gododọ̃n nado yí i; 9podọ na mì nido hẹn azán mìtọn lẹ dẹn to aigba lọ ji, he OKLUNỌ lọ whle hlan otọ́ mìtọn lẹ nado na hlan yé podọ hlan okún yetọn lẹ, aigba de he yí oyìnnọ́ po owin po do to sisà. 10Na aigba lọ fie mẹ hiẹ jei nado yi i, ma tin di aigba Egipti tọn lọ gba, fie mì jẹgbonu sọn wá gba, fie hiẹ do okún towe te, bo sọ yí alọ towe do húsìnna ẹn, di ojipa omá lẹ tọn de: 11ṣigba aigba lọ, fie mì jei gododọ̃n nado yí i, wẹ aigba okọta lẹ po agbadò lẹ po tọn de, bo sọ nọ nù osìn sọn ojikun olọn tọn lọ mẹ: 12aigba de he OKLUNỌ lọ Jiwheyẹwhe towe dinmọ; nukun OKLUNỌ lọ Jiwheyẹwhe towe tọn lẹ tin to e go whepoponu, sọn saunsaunwhenu owhè lọ tọn yèdọ jẹ opòdo owhè lọ tọn.
13E nasọ wá jọ, eyín mì na yí sọwhiwhe do tùntóai hlan gbèdide ṣie Íẹ he yẹn degbèna mì to egbé he, nado yí ayiha mìtọn lẹpo podọ po alindọn mìtọn lẹpo po do yiwanna OKLUNỌ lọ Jiwheyẹwhe mìtọn bo sọ nọ sẹ̀n ẹn, 14Wẹ yẹn na yi ojikun aigba mìtọn tọn lọ na to osã etọn mẹ, ojikun tintan lọ po ojikun godo tọn lọ po, na hiẹ nido bẹ́ gbàdo towe wá whégbè, po ovẹ́n towe po, po amì towe po. 15Yẹn bo nasọ na ogbó to odan towe lẹ ji na kanlinyìnyìn towe lẹ, hiẹ bo na dù bo sọ yín gigọ́. 16Payiha do mìde go, ayiha mìtọn nikã yín kiklọ, bọ mìlẹ lẹ́ jẹla, bọ to yẹwhe devo lẹ sẹn, bo sọ to taliana yé; 17bọ yè hẹn adi OKLUNỌ lọ tọn jimiyọn do mì ji, bọ ewọ sú olọn lọ, bọ ojikun ma sọ tin, podọ bọ aigba lọ ma sọ jó osinsẹ́n etọn gba; bọ mìlẹ sọ dọn plaun sọn aigba dagbe he OKLUNỌ lọ na mì ji. 18Enẹwutu wẹ mì na zé ohó ṣie helẹ do ayiha mìtọn mẹ podọ do alindọn mìtọn mẹ; mìlẹ nasọ nọ sìn yẹ do alọ mìtọn go na ohia de, yé nasọ tin na ozínja lẹ to nukun mìtọn lẹ ṣẹnṣẹn. 19Mì nasọ nọ plọn ye ovi mìtọn lẹ, didọhó yé tọn, whenuena hiẹ sinai to owhé towe gbè, podọ to whenuena hiẹ to zọnlinzin to alihoji, podọ to whenuena hiẹ mlọn ai, podọ to whenuena hiẹ fọ́n site. 20Hiẹ nasọ wlan yé do odòtin ohòn owhé towe tọn lẹ lọ go, podọ do hóngbo towe lẹ go: 21Na azán towe lẹ nido yín-hinhẹnsù, po azán ovi mìtọn lẹ tọn lẹ lọ po, to aigba lọ ji he OKLUNỌ lọ whle hlan otọ́ mìtọn lẹ na na yé, di azán olọn lẹ lọ tọn lẹ to aigba lọ ji. 22Na eyín mìlẹ yí sọwhiwhe do payi gbèdide he lẹpo go, he yẹn degbèna mì, nado nọ basi i; nado nọ yiwanna OKLUNỌ lọ jiwheyẹwhe mìtọn, nado nọ zinzọnlin to aliho etọn lẹpo mẹ, podọ nado nọ sẹ́bọdo e de; 23Whenẹnu wẹ OKLUNỌ lọ na yàn akọta helẹ pó jẹgbonu sọn mì nukọn, mìlẹ bo nasọ yí akọta kiklohu podọ hlọnhlọnnọhu gán mìlọsu lẹ na nútindo. 24Ofi he afọgbẹn afọ mìtọn tọn na zín lẹpo na yín mìtọn: sọn zùngbo lọ mẹ, po Lebanoni po, sọn otò lọ kòn, otọ́ Euflate lọ kọn, yèdọ jẹ ohù lọ godo na yín agboji mìtọn. 25Omẹ de ma na tin finẹ sọgan nado nọte to mì nukọn gba: OKLUNỌ lọ Jiwheyẹwhe mìtọn na zé osí mì tọn po awujiji mì tọn po do aigba he mìlẹ na zíndai lọ ji, dile é ko dọhó hlan mì do.
26Pọ́n, yẹn zé odona de po odẹ́hodo de po do mì nukọn to egbé he; 27Odona lọ, eyín mì tùntóai hlan gbèdide OKLUNỌ lọ Jiwheyẹwhe mìtọn tọn lẹ go; he yẹn degbèna mì to egbé he: 28Podọ odẹ́hodo lọ, eyín mì ma na tùntóai hlan gbèdide OKLUNỌ lọ Jiwheyẹwhe mìtọn tọn lẹ go gba, ṣigba lé jẹla sọn aliho he yẹn dègbèna mì to egbé he lọ ji, nado to yìyì hodo yẹwhe devo lẹ, he mìlẹ ma ko yọnẹn.
29E nasọ wá jọ, whenuena OKLUNỌ lọ Jiwheyẹwhe towe na hẹn we wá jẹ aigba fie hiẹ jei nado yí i lọ mẹ, wẹ hiẹ na zé odona lọ do osé Gelizìmi ji, podọ odẹ̀hodo lọ do osé Ebali ji. 30Yé ma tin to jọdani gododọ̃n, to aliho yìyì odò owhè lọ tọn lọ tọn godo, to aigba Kananinu lẹ lọ tọn mẹ he nọnọ̀ Alaba lọ mẹ, pannukọn Gilgftli, to zùnkan Molẹ tọn lọ dali. 31Na mìlẹ tin nado juyì jọdani gododọ̃n nado yì hòmẹ nado yí aigba he OKLUNỌ lọ Jiwheyẹwhe mìtọn na mì lo mìle nasọ tindo e, bo nọnọ finẹmẹ. 32Mìlẹ bo nasọ nọ payi nado nọ basi aṣẹdai lọ lẹpo po whẹ̀dida lọ lẹ po he yẹn zé do mì nukọn to egbe he.
121EHELẸ wẹ asẹdai lẹ lọ po whẹ̀dida lẹ lọ po, he go mì na nọ payi nado nọ wà to aigba lọ ji he OKLUNỌ lọ, Jiwheyẹwhe otọ́ towe lẹ tọn lọ, ko na we nado tindo e, to azán he mì do tin to aigba lọ ji lẹpo mẹ. 2Mì na gbidi otẹnmẹ lọ lẹpo nugbonugbo, ehemẹ akọta he mìlẹ na yí lẹ lọ són yẹwhe yetọn lẹ te, to osé yìji lẹ lọ ji, podọ to okọta lẹ lọ ji, podo to atinmú lẹpo glọ: 3Mìlẹ nasọ họ́ agbà yetọn lẹ liai, bo wén odòtin yetọn lẹ gidigidi, bo yí miyọn do mẹ́ Vodunzùn yetọn; mìlẹ nasọ ja boṣiọ pipa yẹwhe yetọn lẹ tọn lẹ lọ liai; mìlẹ bo nasọ gbidi oyín yetọn sọn otẹn nẹ mẹ 4Mìlẹ ma na wà mọ hlan OKLUNỌ lọ Jiwheyẹwhe mìtọn gba. 5Ṣigba otẹnmẹ lọ he OKLUNỌ lọ Jiwheyẹwhe mìtọn na dè sọn whẹndo mìtọn lẹpo mẹ nado yí oyín etọn do fìnẹ, yèdọ fininò etọn wẹ mì na nọ din hlan, podọ finẹ wẹ hiẹ na nọ wá: 6Podọ finẹ wẹ mì na nọ hẹn avọ́nunina mimẹ̀ mìtọn lẹ wá, po avọsánnu mìtọn lẹ po, po madao mìtọn lẹ po, po avọ́nunina zédlanga alọ mìtọn tọn lọ po, po opadido mìtọn lẹ po, po avọ́nunina jlomẹ tọn lẹ po, po oplọnji kanlinpó mìtọn tọn lẹ po po kanlinpa mìtọn tọn lẹ po: 7Finẹ mì na nọ dù te to OKLUNỌ lọ Jiwheyẹwhe mìtọn nukọn, mìlẹ nasọ nọ jaya to ehe ji mì yí alọ mìtọn do hlan lẹpo mẹ, mì po whégbetọ mìtọn lẹ po, ehemẹ OKLUNỌ lọ Jiwheyẹwhe towe ko dona we te. 8Mìlẹ ma na wà kẹdẹdi onú he mí wiwà to ofi lẹpo to egbé he gba, omẹ dopodopo núdepope he jlọ to nukun etọn titi lẹ mẹ: 9Na mì ma ko yín hinhẹn wá jẹ ogbẹ? jẹ lọ kọ̀n gba, podọ jẹ ogú lọ kòn gba, he OKLUNỌ lọ jiwheyẹwhe towe na we. 10Ṣigba whenuena mì yì jọdani gododọ̃n, bo to aigba lọ mẹ nó he OKLUNỌ lọ Jiwheyẹwhe mìtọn hẹn mì nado yí, bọ é sọ na ogbọje mì sọn kẹ́ntọ mìtọn lẹpo mẹ lédo pé, sọmọ bọ mì ninò mahanú mẹ; 11Whenenu wẹ é na wá jọ dọ otẹnmẹ lọ he mẹ OKLUNỌ lọ Jiwheyẹwhe mìtọn na dè nado hẹn oyín etọn nado nọnọ̀ finẹ, finẹ wẹ mì na hẹn ehe yẹn degbèna mì lẹpo wá; avọ́nunina mimẹ̀ mìtọn lẹ, po avósannu mìtọn lẹ po, madao mìtọn lọ, po avọ́nunina zédlanga alọ mìtọn tọn lọ po, po opadido didè mìtọn lẹpo po he mì do dopa hlan OKLUNỌ lọ. 12Mìlẹ nasọ nọ jaya to OKLUNỌ lọ Jiwheyẹwhe mìtọn nukọn, mìlẹ, po visunnu mìtọn lọ po, po viyọnnu mìtọn lẹ po, po devisunnu mitọn lẹ po, po deviyọnnu mìtọn lẹ po, po Levinu he tin to họngbo towe mẹ lọ po, mimọ ewọ ma tindo mimá de kavi ogú de to mì de. 13Yi ayipipa hlan dewe dọ hiẹ yí avọ́nunina mimẹ̀ towe lẹ na to otẹn depope he hiẹ mọ mẹ blo: 14Adavo to otẹn lọ mẹ he OKLUNỌ lọ na dè to dopo whẹndo towe lẹ tọn mẹ, finẹ wẹ hiẹ na yí avọ́nunina mimẹ̀ towe lẹ na te, podọ finẹ wẹ hiẹ na wà ehe yẹn degbèna we lẹpo te. 15Gãnṣo hiẹ sọgan hù bo sọ dù olan to hòngbo towe lẹ homẹ, hodo ojlo alindọn towe tọn lẹpo, kẹdẹdi odona OKLUNỌ lọ jiwheyẹwhe towe tọn he é ko na we: mawénọ po wiwenọ po sọgan dù sọn e me, di owhín tọn podọ di agbànlin tọn. 16Mì ma na dù ohùn lọ sokẹdẹ wẹ; hiẹ na kọ̀n ẹn jẹgbonu di osìn do aigba lọ ji. 17Hiẹ dù madao gbadó towe tọn to hòngbo towe lẹ mẹ blo, kavi ovẹ̃n towe tọn, kavi amì towe tọn, kavi oplọnji kanlinpó towe tọn lẹ kavi kanlinpa towe tọn, kavi depope opa towe lẹ tọn he hiẹ do dopa, kavi avọ́nunina ojlomẹ towe tọn lẹ, kavi avọ́nunina zédlanga alọ towe tọn: 18Ṣigba hiẹ na dù yé to OKLUNỌ lọ Jiwheyẹwhe towe nukọn to otẹn he OKLUNỌ lọ Jiwheyẹwhe towe na dè lọ mẹ, hiẹ, po visunnu towe po, po viyọnnu towe po, po devisunnu towe po, po deviyọnnu towe po, po Levinu lọ po he tin to hòngbo towe lẹ mẹ: podọ hiẹ nasọ nọ jaya to OKLUNỌ lọ Jiwheyẹwhe towe nukọn to ehe hiẹ yí alọ towe do hlan lẹpo mẹ. 19Yí ayipipa hlan dewe dọ hiẹ gbẹ́ Levinu lọ blo dẹn sọle hiẹ tin to aigba towe ji.
20Whenuena OKLUNỌ lọ Jiwheyẹwhe towe na hẹn agboji towe zùn daho, dile é ko gblọnadanna we do, hiẹ nasọ dọmọ, yẹn na dù olàn, na alindọn towe jlo nado dù olàn wutu; hiẹ sọgan dù olàn, kẹdẹdi ojlo alindọn towe tọn lẹpo. 21Eyín otẹnmẹ he OKLUNỌ lọ Jiwheyẹwhe towe na dè nado yí oyin etọn do finẹ yín dindẹn gbahu sọn de we, whenẹnu hiẹ na hù sọn kanlinpó towe mẹ podọ sọn kanlinpa towe lọ mẹ, he OKLUNỌ lọ ko na we, dile yẹn ko degbèna we do, hiẹ bo nasọ dù to hóngbo towe lẹ mẹ, kẹdẹdi ojlo alindọn towe tọn lẹpo 22Yèdọ dile yè dù owhín lọ po agbànlin lọ po do, mọwẹ hiẹ na dù sọn e mẹ do. 23Kiki payido dọ hiẹ dù ohùn lọ blo; na ohùn wẹ ogbẹ́ lọ; hiẹ ma na dù ohùn po olàn lọ po gba. 24Hiẹ ma na dù i gba; hiẹ na kọ̀n ẹn jẹgbonu di osìn do aigba lọ ji 25Hiẹ ma na dù i gba; na é nido yìn dagbe to de we, podọ to ovi towe lẹ de to godo towe, whenuena hiẹ wà enẹ he yín jijlọ to nukun OKLUNỌ lọ tọn lẹ mẹ. 26Onú wiwe towe he hiẹ tindo lẹ, po opa towe lẹ po, wẹ hiẹ na bé, bo yì jẹ otẹn he OKLUNỌ lọ na dè mẹ: 27Hiẹ nasọ yí avọ́nunina mimẹ towe lẹ na, olàn lọ po ohùn lọ po to agbà OKLUNỌ lọ Jiwheyẹwhe towe tọn ji: ohùn avọ́sannu towe tọn lọ na yín kinkọ̀n jẹgbonu do agbà OKLUNỌ lọ Jiwheyẹwhe towe tọn lọ ji, hiẹ nasọ dù olàn lọ. 28Payiha bo sọ sè ohó he yẹn degbèna we helẹ pó, na é nido yì dagbe to de we, odọ to oví towe lọ de to godo towe kakadoi, whenuena hiẹ wà enẹ he yín dagbe po jijlọ po to nukun OKLUNỌ lọ Jiwheyẹwhe towe tọn lẹ mẹ.
29Whenuena OKLUNỌ lọ Jiwheyẹwhe towe na sán akọta lẹ lọ sẹ́ sọn nukọn towe, fie hiẹ jei hòmẹ nado tindo yé, bọ hiẹ sọ tindo yé, bo nọnọ̀ aigba yetọn ji; 30Yí ayipipa hlan dewe dọ hiẹ yín didomọna nado hodo yé blo, to godo he yé yín vivà sọn nukọn towe; podọ hiẹ sọ kan yẹwhe yetọn lẹ tọn sè blo, dọmọ, Nawẹ akọta helẹ nọ sèn yẹwhe yetọn lẹ do? na yẹn nido nọ wà do mọkẹdẹ ga. 31Hiẹ ma na wà do mọ hlan OKLUNỌ lọ Jiwheyẹwhe towe gba; na osùnú hlan OKLUNỌ lọ lẹpo, he ewọ gbẹwanna, wẹ yé ko wà hlan yẹwhe yetọn lẹ; na yèdọ visunnu yetọn lẹ po viyọnnu yetọn lẹ po wẹ yé ko mẹ́ to miyọn lọ mẹ hlan yẹwhe yetọn lọ.
32Onú depope he yẹn degbèna mì, enẹ wẹ mì na payido nado nọ wà: hiẹ ma na dè dogọ́ ẹ, kavid èpò sọn e mẹ gba.
131EYÍN yẹwhegán de fọ́n to gblagbla towe mẹ finẹ, kavi odlọnọ odlọ lẹ tọn de, bọ é na ohia de we kavi nujawu de, 2Bọ ohia, lọ kavi nujawu lọ sọ wá jọ, ehetọn é dọho hlan we, dọmọ, Gbọ mí ni hodo yẹwhe devo yì, he hiẹ ma ko yọnẹn, bo gbọ mí ni nọ sẹ́n yé; 3Hiẹ ma na tùntóai hlan ohó yẹwhegán nẹ tọn lẹ lọ gba, kavi hlan odlọnọ odlọ lẹ tọn nẹ gba: na OKLUNỌ lọ Jiwheyẹwhe mìtọn to mì ténpọn, nado yọnẹn eyín mì yí ayiha mìtọn lẹpo podọ po alindọn mìtọn lẹpo po do yiwanna OKLUNỌ lọ Jiwheyẹwhe mìtọn. 4Mìlẹ na nọ zinzọnlin hodo OKLUNỌ lọ Jiwheyẹwhe mìtọn, bo nọ dibusi i, bo nọ payi gbèdide etọn lẹ go, bo sètónuna ogbè etọn, mìlẹ bo nasọ nọ sẹ́n ẹn, bo sọ nọ sẹbọdo e de. 5Podọ yẹwhegán nẹ, kavi odlọnọ odlọ lẹ tọn nẹ, na yín hùhù; na é ko dọhó lilẹ́ jẹla do OKLUNỌ lọ Jiwheyẹwhe mìtọn tọn ji wutu, he hẹn mì sọn aigba Egipti tọn lọ ji wá, bo fli we sọn owhé afànumẹ tọn lọ gbè, nado dọ̀n we jẹla sọn aliho lọ ji he OKLUNỌ lọ Jiwheyẹwhe towe degbèna we nado nọ zinzọnlin to e mẹ. Mowẹ hiẹ na dè oylan lọ sẹ sọn gblagbla towe mẹ do.
6Eyín nọvisunnu towe, visunnu onọ towe tọn lọ, kavi visunnu towe, kavi viyọnnu towe, kavi asi akọn towe tọn lọ, kavi họ́ntọn towe, he tin di alindọn towe titi, doyẹklọ we nuglọ, dọmọ, Gbọ mí ni yì bo nọ sẹ́n yẹwhe devo lẹ, he hiẹ ma ko yọnẹn, hiẹ kavi otọ́ towe lẹ ma gba; 7Sọn yẹwhe akọta he tin lédo mì pó, he yádo mì lẹ, kavi he dẹn do mì lẹ tọn lẹ mẹ, sọn opòdo ode aigba lọ tọn yèdọ jẹ opòdo awetọ aigba lọ tọn; 8Hiẹ ma na yígòna hẹ ẹ gba, kavi tùntóai hlan ẹn gba: mọ nukun towe ma na blawuna ẹn gba, kavi hla ẹ dai gba, mọ hie ma na whla ẹ gba: 9Ṣigba na hù i dandan; alọ towe na yín tintan to e ji nado hù i, podọ to enẹgodo alọ gbẹtọ lọ lẹpo tọn. 10Hiẹ nasọ yí zannu lẹ do dlanzannudo e, na é ni kú; na é din nado dòn we sè sọn OKLUNỌ lọ Jiwheyẹwhe towe de wutu, he hẹn we jẹgbonu sọn aigba Egipti tọn lọ ji wá, sọn owhé Afànumẹ tọn lọ gbè. 11Islaeli lẹpo bo na sè, bo sinú, bo ma nasọ wà ylankan mọnkọtọn depope ba dile ehe te to gblagbla towe mẹ.
12Eyín hiẹ na sè to tòdaho towe lẹ dopo mẹ, he OKLUNỌ lọ Jiwheyẹwhe towe na we nado nọnọ̀ finẹ, dọmọ, 13Omẹ ohlonọ dẽlẹ jegbonu yì sọn gblagbla towe mẹ, bo ko dọ̀n tòmẹnu tòdaho yetọn tọn lẹ dogodo, dọmọ, Mì gbọ mí ni yì bo sẹ̀n yẹwhe devo lẹ, he mì ma ko yọnẹn gba; 14Whenẹnu wẹ hiẹ na kansè, bo sọ basi dindinmọ, bo yí sọwhiwhe do kanbiọ; bo, dayi e go, eyín é yín nugbo, bọ onú lọ sọ diun, dọ osùnú mọnkọ yín wiwà to gblagbla towe mẹ; 15Hiẹ nugbonugbo na, yí onù ohi tọn do hò tòmẹnu tòdaho nẹ tọn lẹ, yíyí onù ohi tọn do và ẹ gbidigbidi po ehe tin to e mẹ lẹpo po po kanlinyìnyìn etọn lẹ po 16Hiẹ nasọ bẹ́ ogblannú é tọn lẹpo pli do gblagbla alihogbo etọn tọn lọ ji, podọ ogblannú etọn di avọ́nunina mimẹ̀ blebu de, hlan OKLUNỌ lọ Jiwheyẹwhe towe: é bo na yín okiti de kakadoi: é ma na yín vivọ́ do gba. 17Podọ onú nuklandovo tọn lọ depope fàn do alọ towe go finẹ blo: na OKLUNỌ lọ nido lẹ́ sọn adi zògbe etọn mẹ, bo do lẹblanu hia we, bo tindo awubla to oji we, bo hẹn we zùn sùsù, dile é ko whle hlan otọ́ towe lẹ do; 18Whenuena hiẹ na tùntóai hlan ogbè OKLUNỌ lọ Jiwheyẹwhe towe tọn, nado nọ payi gbèdide etọnlẹpo go he yẹn degbèna we to egbé he, nado nọ wà enẹ he yín jijlọ to nukun OKLUNỌ lọ Jiwheyẹwhe towe tọn lẹ mẹ.
141OVI OKLUNỌ lọ Jiwheyẹwhe mìtọn tọn wẹ milè: mìlẹ ma na zẹ̀hi mìde gba, kavi basi tapipa to nukun mìtọn lẹ ṣẹnṣẹn na osiọ gba. 2Na gbẹtọ wiwe de wẹ mi hlan OKLUNỌ lọ Jiwheyẹwhe towe, podọ OKLUNỌ lọ ko sọ dè we nado yín gbẹtọ vò de hlan ede, sọn akọta he tin to nukunmẹ aigba lo tọn ji lẹpo mẹ.
3Hiẹ ma na dù onú osùnọ depope gba. 4Ehelẹ we kanlin he mìlẹ na nọ dù: oyin, lẹngbọ lẹ, po gbọgbọẹ po, 5Agbànlin, po owhín po, po oluwa po, po otẹgbọẹ po, po pilgagi po, po ogbégbo po, po agbaligba po. 6Podọ kanlin he zẹ̀ ofẹ̀n lẹpo, bo tindo ofèn zizẹ̀ to awe mẹ, bo nọ dù odùkọ lọ, to kanlin lẹ lọ ṣẹnṣẹn, enẹ wẹ mi na nọ dù. 7Ṣigba ehelẹ wẹ mì ma na dù sọn yé he nọ dù odùkọ lọ mẹ, kavi sọn yé he tindo ofèn zizẹ̀ lẹ mẹ le gba: kanklosopóawenọ lọ, po asididọẹ lọ po, po azui lọ po, na yé dù odùkọ lọ ṣigba ma zè ofẹ̀n lọ wutu, yé yín mawé: hlan mì: 8Po ohàn lọ po, na é zẹ̀ ofèn lọ ṣigba ma nọ dù odùkọ lọ wutu, é yín mawé hlan mì: mìlẹ ma na dù sọn olàn yetọn mẹ gba, mì ma nasọ do alọ oṣiọ yetọn lẹ̀ go gba.
9Sọn onú he tin to osìn mẹ lẹpo mẹ ehelẹ wẹ mì na nọ dù: núdepope he tindo kọja lẹ po oflo lẹ po wẹ mì na nọ dù: 10Núdepope he ma tindo kọja lẹ po ofló lẹ po mìlẹ ma na dù gba; mawé wẹ e yín hlan mì.
11Mì sọgan dù sọn ohẹ wiwe lẹpo mẹ. 12Ehelẹ wẹ yé he mẹ mì ma na dù sọn gba: akùn lọ, po ohón akùn lọ po, po akùn hùmẹ tọn lọ po; 13Po Glede lọ po, po ohọ́napeli lọ po, po ohọ́npẹ́pẹ́ lọ po kẹdẹdi hunkọ etọn; 14Po adọgbó lẹpo po kẹdẹdi hùnkọ etọn; 15Po ogongo lọ pọ, po ohọ̀n ozán tọn po, po odokloe hùmẹ tọn lọ po, po ohọn lọ po kẹdẹdi hunkọ etọn; 16Ajankusu pẹvi lọ, po ajankusu daho lọ po, po ajankusu azònọ lọ po; 17Po apofó lọ po, po osú lọ po, po adò hùmẹ tọn lọ po; 18Po adowé lọ po, po ogbàn lọ po kẹdẹdi hunkọ eton, po ahlinhán lọ po, po otòkó lọ po. 19Po onú awànọ he nọ lìn lẹ po wẹ mawé hlan mì; yé ma na yín dùdu gba. 20Mì sọgan dù sọn ohẹ wiwe lẹpo mẹ.
21Mìlẹ ma na dù sọn onu he kó ededenu depope mẹ gba: hiẹ sọgan yí i na hlan ojonọ lọ he tin to hòngbo towe lẹ hòmẹ, na ewọ nido dù i; kavi hie sọgan sà ẹ hlan gbéjinu de: na gbẹtọ wiwe de wẹ hiẹ hlan OKLUNỌ lọ Jiwheyẹwhe towe. Hiẹ ma na sọakúsìn gbọgbọẹvu de to anósìn onọ etọn tọn mẹ gba.
22Hiẹ na nọ nadadao jideji okún towe tọn lọ lẹpo, enẹ he jẹgbonu sọn ogle lọ mẹ wá lẹpo to whemẹwhemẹ. 23Hiẹ nasọ nọ dù to OKLUNỌ lọ Jiwheyẹwhe towe nukọn, to otẹn lọ mẹ he é na dè nado hẹn oyín etọn nado nọnọ̀ finẹ, madao gbadó towe tọn, ovẹ̃n towe tọn, po amì towe tọn po, po oplọnji kanlimpó towe tọn po po kanlinpa towe tọn po; na hiẹ nido plọn nado nọ dibusi OKLUNỌ lọ Jiwheyẹwhe towe. 24Podọ eyín aliho lọ yín dindẹn gbahu na we, sọmọ bọ hiẹ ma tin sọgan nado zé e hẹn gba, na otẹnmẹ lọ yín dindẹn gbahu sọn dẹ we wutu, he OKLUNỌ lọ Jiwheyẹwhe towe na dè nado yí oyín etọn do finẹ, whenuena OKLUNỌ lọ Jiwheyẹwhe towe na dona we: 25Whenẹnu wẹ hiẹ na lé alọ towe, bo na yì jẹ otẹn lọ mẹ he OKLUNỌ lọ. Jiwheyẹwhe towe na dè: 26Hiẹ nasọ whle akuẹ lọ na núdepope alindọn towe jlo, na oyin lẹ, kavi na lẹnẹbọ lẹ, kavi na ovẹ̃n, kavi na núnùnu sinsinyẹn, kavi na núdepope alindọn towe biọ sọn de we: hiẹ bo na nọ dù to finẹ to OKLUNỌ lọ Jiwheyẹwhe towe nukọn, hiẹ nasọ nọ jaya, hiẹ po whégbetọ towe po: 27Podọ Levinu lọ he tin to hòngbo towe lẹ mẹ, hiẹ ma na gbó ẹ dai gba; na ewọ ma tindo mimá de kavi ogú to de we gba.
28To opòdo owhè atọ̀n—atọ̀n tọn hiẹ na nọ hẹn madao jideji towe tọn lọ lẹpo jẹgbonu wá to owhè dopolọ mẹ, bo nasọ zé e doai to hòngbo towe lẹ hòmẹ: 29Levinu lọ, na é ma tindo mimá de kavi ogú de to de we wutu, podọ ojónọ lọ, po otọ́ṣiọvi lọ po, po asúṣiọsi lọ po, he tin to hòngbo towe lẹ hòmẹ, na wá, bo na dù bo yín pékọnọ; na OKLUNỌ lọ Jiwheyẹwhe towe nido dona we to azọ̀n alọ towe tọn he hiẹ wiwà lẹpo mẹ.
151To opòdo owhè ṣinawesinawe tọn hiẹ na nọ basi ogòjó de. 2Podọ ehe wẹ hunkọ ogòjó lọ tọn: akuẹnọ lẹpo na nọ gọ̀ enẹ he é ko yàn jó hlan kọmẹnu etọn; é ma na gbi i yí sọn kọmẹnu etọn po nọvisunnu etọn po si gba; na ogòjó OKLUNỌ lọ tọn ko yin lila wutu. 3Hiẹ sọgan gbi i yi sọn ojónọ de si: ṣigba núdepope he yín towe bo tin to nọvisunnu towe de, alọ towe na gọ̀jó. 4Sigba wamọnọ de ma na tin to de we finẹ gba (na OKLUNỌ lọ na dona we to aigba lọ ji dandan he OKLUNỌ Jiwheyẹwhe towe na we na ogú de nado tindo e;) 5Eyin hiẹ yí sọwhiwhe ṣokẹdẹ do tùntóai hlan ogbè OKLUNỌ lọ Jiwheyẹwhe towe tọn, nado nọ payiha nado nọ basi gbèdide he lẹpo he yẹn degbèna we to egbó he. 6Na OKLUNỌ lọ Jiwheyẹwhe towe na dona we, dile é gblọnadanna we do: hiẹ wẹ na nọ yàn hlan akọta lẹ, ṣigba hiẹ ma na whé gba; podọ hiẹ na nọ dùgán to akọta susu ji, Ṣigba yélẹ ma na dùgán to hiẹ ji gba.
7Eyín wamọnọ de tin to de we finẹ, dopo sọn mẹmẹsunnu towe lẹ mẹ, to ohò họ̀ngbo towe lẹ tọn depope mẹ to aigba towe he OKLUNỌ lọ Jiwheyẹwhe towe na we ji, hiẹ ma na hẹn ayiha towe sinyẹn gba, kavi miọn alọ towe sọn nọvisunnu towe wamọnọ de gba: 8Ṣigba hiẹ na hùn alọ towe hlan ẹn nugbonugbo, bo nasọ nọ yànna ẹn nugbonugbo sùpe na núwhèdo etọn to enẹ he ewọ jlo mẹ. 9Payiha na linlẹn hlonọ de tin to ayiha towe mẹ blo, dọmọ, Owhè ṣinawetọ lọ, owhè ogọ̀jó tọn lọ tin yákẹ; bọ nukun towe yin yinylan do nọvisunnu towe wamọnọ go, bọ hiẹ ma na núde e gba; bọ ewọ dawhá hlan OKLUNỌ lọ do ogo we, bọ é yín ylando hlan we. 10Hiẹ na na ẹn dandan, ayiha towe ma na yín adinọ whenuena hiẹ na hlan ẹn gba: na dọ na onú he wutu wẹ OKLUNỌ lọ Jiwheyẹwhe towe na dona we to azọ́n towe lẹpo mẹ, podọ to ehe hiẹ yí alọ towe hlan lẹpo mẹ. 11Na wamọnọ ma na vọ̀ sọn aigba lọ jì gbède gba: enẹwutu yẹn degbèna we, dọmọ, Hiẹ na hùn alọ towe hlan nọvisunnu towe nugbonugbo, hlan agbatọnọ towe, podọ hlan wamọnọ towe, to aigba towe ji. 12Eyín nọvisunnu towe, sunnusi Heblu de, kavi yọnnusi Heblu de, yín sisà hlan we, bo sẹ́n we owhè ṣidopo; whenẹnu to owhè sinawetọ lọ mẹ hiẹ na gbọ é ni yì vònú sọn de we. 13Podọ whenuena hiẹ gbọ é yì sọn de we vọ́nú, hiẹ ma na gbọ é ni yì asigbalọgba gba: 14Hiẹ na uleawuna ẹn po awuvivi po sọn kanlinpá towe mẹ, podọ sọn agbà zinhọ̀ towe tọn mẹ, podọ sọn ahàndanu towe mẹ: le OKLUNỌ lọ Jiwheyẹwhe towe ko dona we do wẹ hiẹ na do na hlan ẹn. 15Podọ hiẹ nasọ flin dọ hiẹ yín afànumẹ de to aigba Egipti tọn ji, OKLUNỌ lọ Jiwheyẹwhe towe bo fli we: enẹwutu yẹn degbè onú he tọn na we to egbé. 16E nasọ yín, eyín ewọ dọ hlan we dọ, Yẹn ma jẹgbonu jei sọn de we gba: na é yiwanna we po owhé towe po wutu, na é yón na ẹn to de we wutu; 17Whenẹnu hiẹ na yí nutọ́nnú de, bo sisẹ́ ẹ gbọn otọ́ etọn mẹ luntón hlan ohòn lọ go, ewọ bo nasọ yín afànumẹ towe sunnu kakadoi. Podọ hiẹ nasọ nọ wà mọkẹdẹ ga hlan afànumẹ towe yọnnu. 18E ma na sọawúhia nusinawu hlan we gba, whenuena hiẹ gbọ é yì sọn de we vọ̀nú; na jẹ yẹndawe pakakuẹ pakanọ tọn de tọn wẹ ewọ ko do sẹ̀n we owhè ṣidopo. OKLUNỌ lọ Jiwheyẹwhe towe nasọ dona we to ehe hiẹ to wiwà lẹpo mẹ.
19Plọnji asú he yè ji sọn kanlinpó towe mẹ podọ sọn kanlinpá towe mẹ lẹpo wẹ hiẹ na klandowiwe hlan OKLUNỌ lọ Jiwheyẹwhe towe: hiẹ ma na yí oplọnji oyìn towe tọn de do wàzọn gba, kavi pafunna oplọnji kanlinpá towe tọn lẹ gba. 20To OKLUNỌ lọ Jiwheyẹwhe towe nukọn hiẹ na nọ dù i te to whemẹwhemẹ to otẹn he OKLUNỌ lọ na dè mẹ, hiẹ po whégbetọ towe lẹ po 21Podọ eyín é tindo azọ̀n depope, di eyín é yín sẹ́kunọ, kavi nukuntọ́nnọ, azọ̀n ylankai depope, hiẹ ma na yí i do sànvọ́ hlan OKLUNỌ lọ Jiwheyẹwhe towe gba. 22Hòngbo towe lẹ hòmẹ hiẹ na dù i te: mawénọ po wiwénọ lọ po na dù i dozẹ̃nzẹ̃n, di owhín lọ podọ di agbanlin lọ. 23Ohùn etọn lọ jãnwẹ hiẹ ma na dù gba; hiẹ na kọ̀n ẹn jẹgbonu do aigba lọ ji di osin.
161Dayi osùn Abibi tọn lọ go, bo nọ payi juwayi lọ go hlan OKLUNỌ lọ Jiwheyẹwhe towe: na osùn Abibi tọn lọ mẹ OKLUNỌ lọ Jiwheyẹwhe towe hẹn we jẹgbonu sọn aigba Egipti tọn lọ ji wá tó ozánmẹ. 2Hiẹ na sánvọ́ juwayi lọ hlan OKLUNỌ lọ Jiwheyẹwhe towe, sọn kanlinpá lọ po kanlinpó lọ po mẹ, to otẹn he OKLUNỌ lọ na dè mẹ nado hẹn oyín etọn nado nọnọ̀ finẹ. 3Hiẹ ma na yí akla otónnọ do dù i gba; azán ṣinawe hiẹ na dù i po akla madotónnọ po, yèdọ akla nukunbibia tọn lọ; na hiẹ jẹgbonu sọn aigba Egipti tọn lọ ji wá to plapla ji: na hiẹ nido nọ flin azán lọ gbè whenuena hiẹ jẹgbonu sọn aigba Egipti tọn lọ ji wá to azán ogbẹ́ towe tọn lẹpo mẹ. 4Otón de ma na yín mimọ to finẹ to agboji towe lẹpo mẹ azán ṣinawe gba; mọ depope sọn olàn lọ mẹ, he hiẹ do sánvọ́ to azán tintan lọ gbè to whèjai, ma na pò to ozán lọ mẹ kakajẹ afọnnu lọ gba. 5Hiẹ sọgan nọ ma sánvọ́ juwayi lọ to depope họ́ngbo towe lẹ tọn hòmẹ, he OKLUNỌ lọ Jiwheyẹwhe towe na we: 6Adavo to otẹn he OKLUNỌ lọ Jiwheyẹwhe towe na dè nado hẹn oyín etọn nado nọnọ̀ e mẹ me, finẹ hiẹ na sánvọ́ juwayi lọ te to whèjai, to odò yìyì owhè tọn ji, to osã he mì jẹgbonu sọn Egipti mẹ wá lọ ji. 7Hiẹ na mó bo dù i to otẹn he OKLUNỌ lọ Jiwheyẹwhe towe na dè lọ mẹ; hiẹ nasọ lé to afọnnu lọ mẹ, bo yì jẹ ogohò towe lẹ mẹ. 8Hiẹ na dù akla madotọ́nnọ azán ṣidopo: agùnpipli ayidego de na tin to azán ṣinawetọ lọ gbẹ̀ hlan OKLUNỌ lọ Jiwheyẹwhe towe; hiẹ ma na wà azọn de to finẹmẹ gba.
9Hiẹ na yísọhana osẹ́ ṣinawe hlan dewe: sọn ojlẹ he hiẹ ṣẹ̀ nado to agbotogọdọẹ lọ do gbadó he tote lọ mẹ wẹ hiẹ na ṣẹ̀ nado yísọhana osẹ́ ṣinawe lẹ. 10Hiẹ nasọ nọ payi hùnwhẹ osẹ́ lẹ tọn lọ go hlan en. Sẹn OKLUNỌ lọ Jiwheyẹwhe towe kẹdẹdi ojlẹ na avọ́nunina ojlomẹ alọ towe tọn de, he hiẹ na na, kẹdẹdi le OKLUNỌ lọ Jiwheyẹwhe towe dona we do: 11hiẹ nasọ to ayajẹ to OKLUNỌ lọ Jiwheyẹwhe towe nukọn, hiẹ, po visunnu towe po, po viyọnnu towe po, po devisunnu towe po, po deviyọnnu towe po, po Levinu he tin hòngbo towe lẹ hòmẹ lọ po, po ojónọ lọ po, po otósiọvi lọ po, po asúsiọsi lọ po, he tin to gbagbla towe mẹ, to otẹn he OKLUNỌ lọ Jiwheyẹwhe towe ná dè nado hẹn oyín etọn nado nọnó finẹ lọ mẹ. 12Hiẹ bo nasọ flin dọ hiẹ ko yín afànumẹ de to Egipti mẹ: hiẹ bo na nọ payi nado nọ basi asẹdai helẹ.
13Hiẹ nasọ nọ payi hùnwhẹ gohótúntiin tọn lọ go azán ṣinawe, to godo he hiẹ ko bépii do whégbé sọn agbà zinhò towe tọn mẹ podọ sọn ahàndanú towe mẹ: 14hiẹ nasọ nọ jaya to hùnwhẹ towe mẹ, hiẹ, po visunnu towe po, po viyọnnu towe po, po devisunnu towe po, po deviyọnnu towe po, po Levinu lọ po, po ojónọ lọ po, po otóṣiọvi lọ po, po asúṣiọsi lọ po, he tin to họ́ngbo towe lẹ mẹ. 15Azán ṣinawe hiẹ na do nọ payi hùnwhẹ de go hlan OKLUNỌ lọ Jiwheyẹwhe towe to otẹn he OKLUNỌ lọ na dè mẹ: na OKLUNỌ lọ Jiwheyẹwhe towe na dona we to jideji towe lẹpo mẹ wutu, podọ to azón alọ towe lẹ tọn lọ lẹpo mẹ, hiẹ bo na yín ayánọ patapata. 16Whlatòn to owhè dopo mẹ sunnusi towe lẹpo na nọ sọawúhia to OKLUNỌ lọ Jiwheyẹwhe towe nukọn to otẹn he é na dé lọ mẹ; to hùnwhẹ akla madotọ́nnọ tọn lọ mẹ, podọ to hùnwhẹ osẹ́ lẹ tọn lọ mẹ, podọ to hùnwhẹ gohòtúntún lẹ tọn lọ mẹ: podọ yé ma na sọawuhia to OKLUNỌ lọ nukọn asigbalọgba gba: 17Omẹ dopodopo na na kẹdẹdile é tin sọgan do, kẹdẹdi odona OKLUNỌ lọ Jiwheyẹwhe towe tọn lọ he é ko na we.
18Hiẹ na basi whẹ̀datọ lẹ po azọ́ngán lẹ po na dewe to họ̀ngbo towe lẹpo mẹ, he OKLUNỌ lọ Jiwheyẹwhe towe na we, kẹdẹdi whẹndo towe lẹ: yé nasọ nọ yí whẹ̀dida dódónọ do dawhèna gbẹtọ lẹ lọ. 19Hiẹ ma na gada whẹ̀dida gba; hiẹ ma na hò gbẹtọ nukunta pọ́n gba: mọ hiẹ ma na yi nunina de gba; na nunina de nọ hẹn nukun núyọnẹntọ lọ tọn lẹ dozinvlu, bo sọ nọ hẹn owhẹ́hó dódónọ lẹ tọn gble. 20Dódó, dódó. Enẹ he yín dódó patapata wẹ hiẹ na nọ hodo, na hiẹ nido gán, bo yí aigba he OKLUNỌ lọ Jiwheyẹwhe towe na we lọ do dùgú.
21Hiẹ ma na tùn Asela atin hunkọ depope tọn dedo agbà OKLUNỌ lọ Jiwheyẹwhe towe tọn he hiẹ na basi na dewe lọ dali gba 22Mọ hiẹ ma na zé odotin de dote na dewe gba: he OKLUNỌ lọ Jiwheyẹwhe towe gbẹwanna.
171Hiẹ ma na yí oyin le, kavi lẹngbọ de, hemẹ azọ̀n de te kavi núylanhun depope do sánvọ́ hlan OKLUNỌ lọ Jiwheyẹwhe towe gba: na osùnú de wẹ enẹ hlan OKLUNỌ lọ Jiwheyẹwhe towe.
2Eyín é yín mimọ to gblagbla towe mẹ, to depope hòngbo towe he OKLUNỌ lọ Jiwheyẹwhe towe na we lẹ lọ hòmẹ finẹ, sunnusi de kavi yọnnusi, he wà enẹ he yín oylan to nukun OKLUNỌ lọ Jiwheyẹwhe towe tọn mẹ, to sẹ́nmejijẹna alónu etọn mẹ, 3bo ko yì bo sèn yẹwhe devo lẹ, bo litaìna yé, kavi owhè lọ, kavi osùn lọ, kavi depope Sọn awhànpa olọn tọn lọ mẹ, he yẹn ma degbèna; 4bọ é yín didọ na we, bọ hiẹ ko sọ sè e, whenẹnu hiẹ na yí sọwhiwhe do dindona, bo, dayi e go, eyín é yín nugbo, bọ onú lọ sọ diun, dọ osùnú mọnkọ yín wiwà to Islaeli mẹ; 5whenẹnu wẹ hiẹ na hẹn sunnusi nẹ kavi yọnnusi nẹ jẹgbonu wá, he ko wà onú ylanylan he, jẹ hòngbo lẹ lọ kọ̀n, yèdọ sunnu lọ po yọnnu lọ po; hiẹ nasọyí zannu lọ do dlanzannudo yé, bọ yékú. 6Do onù kunnudetọ awe tọn, kavi kunnudetọ atọ̀n, wẹ ewọ he tin nado kú na yín hùhù; do onù kunnudetọ dopo tọn ewọ ma na yín hùhù gba. 7Alọ kunnudetọ lẹ lọ tọn na yín tintan to e ji nado hù i, enẹgodo alọ gbẹtọ lẹ lọ lẹpo tọn. Mowẹ hiẹ na dè oylan lọ sẹ́ sọn gblagbla towe mẹ do.
8Eyín owhẹ́ sinsinyẹn hugan de fọ́n to finẹ to whẹ̀dida mẹ na we, to ohùn po ohùn po ṣẹnṣẹn, to owhẹ́hó po whèhó po ṣẹnṣẹn, to núlimẹ po núlimẹ po ṣẹnṣẹn, yínyín owhẹ́ nudindọn tọn lẹ to họ̀ngbo towe lẹ hòme: whenẹnu wẹ hiẹ na fọ́n, bo hẹji yì jẹ otẹn he OKLUNỌ lọ Jiwheyẹwhe towe na dè lọ mẹ; 9hiẹ bo na wá jẹ yẹwhenọ Levinu lẹ lọ de, podọ jẹ whẹ̀datọ he na tin to azán nẹlẹ mẹ lọ de: hiẹ bo nasọ kanbiọ; yé bo na do whẹ́dahó whẹ̀dida tọn lọ hia we: 10hiẹ nasọ wà kẹdẹdi ohó whẹ́da tọn lọ he yé na dohia we sọn otẹn he OKLUNỌ lọ na dè nẹ mẹ; hiẹ bo na nọ payi nado nọ wà kẹdẹdi ehe yé na plọn we lẹpo. 11Kẹdẹdi ohó osẹ̀n he yé na plọn we lọ tọn, podọ kẹdẹdi whẹ̀dida he yé na dọ na we lọ, wẹ hiẹ na wà: hiẹ ma na lé jẹla sọn whèdahi he yé na dohia we lọ mẹ hlan alọ adusi mẹ, kavi hlan amiọn mẹ gba 12Podọ dawe lọ he yí unzizó do wà, to ma tùntóai hlan yẹwhenọ nẹ he nọ site nado wàdevizọ́n to finẹ to OKLUNỌ lọ Jiwheyẹwhe towe nukọn gba, kavi hlan whèdatọ lọ, yèdọ dawe nẹ na kú; hiẹ bo na dè oylan lọ sé sọn Islaeli mẹ. 13Gbẹtọ lọ lẹpo bo na sè, bo sinú, bo ma sọ yí unzizó dò wà ba gba.
14Whenuena hiẹ yín hinhen wá jẹ aigba he OKLUNỌ lọ Jiwheyẹwhe towe na we lọ ji, bo na tindo e, bo na nonọ̀ finẹmẹ; bo na dọmọ, Yẹn na do ahọlu de do oji e, di akọta he tin lẹ́do mi pé lọlẹpo; 15mẹhe OKLUNỌ lọ Jiwheyẹwhe towe na dè jãnwẹ hiẹ na do do ahọlu do oji we: dopo sọn mẹmẹsunnu towe lẹ ṣẹnṣẹn wẹ hiẹ na do do ahọlu do oji we: hiẹ ma sọgan dè gbéjinu de do oji we, he ma yín nọvisunnu towe gba. 16Ewọ ma na hẹn osé plisù hlan ede jãnwẹ, kavihẹn gbẹtọ lẹ lọ nado lẹ́gọ̀ do Egipti gba, hlan opòdo lọ na é do do hẹn osé lẹ sùpli: sọle OKLUNỌ lọ ko dọ hlan mì dọmọ, Mìlẹ sọn ojlẹ he mẹ sọ lẹ́gọ̀ do aliho nẹ ji ba blo. 17Mọ ewọ ma na da asi lẹ plisù hlan ede gba, na ayiha etọn ma na do lé yì gba: mọ é ma na bẹ́ fataka po sika po plisù gégé hlan ede gba. 18E nasọ yín, whenuena ewọ sinai to ofìn ahọludu etọn tọn lọ ji, wẹ é na wlan ohiadoai osẹ́n he tọn de to owé de mẹ, sọn enẹ he tin to yẹwhenọ Levinu lẹ lọ nukọn: 19é bo na tin to e de, é bo na nọ hia finẹmẹ to azán ogbé etọn tọn lẹpo mẹ: na é nido nọ plọn nado nọ dibusi OKLUNỌ lọ Jiwheyẹwhe etọn, nado nọ payi ohó osẹ́n he tọn lẹpo go po aṣẹdai helẹ po, nado nọ basi yé: 20na ayiha etọn ma na do yín zizé daga hugan mẹmẹsunnu etọn lẹ, podọ na ewọ lé jẹla sọn gbèdide lọ mẹ hlan alọ adusi kavi hlan amiọn blo: hlan opòdo lọ na é nido hẹn azán etọn dẹn to ahọludu etọn mẹ, ewọ po ovi etọn lọ po, to gblagbla Islaeli tọn lọ mẹ.
181Yẹwhenọ lẹ Levinu lẹ lọ, po whẹndo Levi tọn lọ lẹpo po, ma na tindo mimá de kavi ogú po Islaeli po gba: yé na nọ dù avọ́nunina OKLUNỌ lọ tọn lẹ basi gbọn miyọn dali lẹ, po ogú etọn po. 2Yé ma na tindo ogú de to mẹmẹsunnu yetọn lọ ṣẹnṣẹn gba: OKLUNỌ lọ wẹ ogu yetọn, dile é ko dọhó hlan yé do. 3Ehe wẹ na yín onújọ yẹwhenọ lẹ lọ tọn sọn gbẹtọ lẹ lọ si, sọn yé he yí avósannu de na lẹ si, eyín é yín oyin kavi lẹngbọ, wẹ yé na yí abọ́ lọ na blan yẹwhenọ lọ, po aglan awe lẹ po, po adọgbó lọ po. 4Sinṣéntintan gbadó towe tọn, po ovẹ̃n towe tọn po, po amì towe tọn po, po tintan ofún léngbọ towe lẹ tọn tọn po, wẹ hiẹ na na ẹn. 5Na OKLUNỌ lọ Jiwheyẹwhe towe ko dè e sọn whẹndo towe lọ lẹpo mẹ, nado nọ site nado nọ wàdevizọ́n to oyín OKLUNỌ lọ tọn mẹ, ewọ po visunnu etọn lẹ po kakadoi.
6Podọ eyín Levinu de sọn hòngbo towe lẹ depope ma jẹgbonu sọn Islaeli lepo mẹ wà, fie é wáwáṣi te, bo wá po ojlẹ alindọn etọn tọn lẹpo po jẹ otẹn he OKLUNỌ lọ na dè lọ mẹ; 7whenẹnu é na nọ wàdevizọ́n to oyín OKLUNỌ lọ Jiwheyẹwhe etọn tọn mẹ, dile mẹmẹsunnu etọn Levinu lẹ lọ to wiwà do, he nọ site to OKLUNỌ lọ nukọn finẹ. 8Yé na tindo mimá mọnkọ lẹ nado dù, dogó enẹ he sọn sisà otọ́gú etọn tọn mẹ wá.
9Whenuena hiẹ yín hinhẹn wá jẹ aigba he OKLUNỌ lọ Jiwheyẹwhe towe na we lọ ji, hiẹ ma na plọn nado nọ wà hodo osùnú akota nẹlẹ tọn le gba. 10Yè ma na mọ omẹ depope to de we finẹ he hen visunnu etọn kavi viyọnnu etọn nado ju gbọn miọn mẹ yì gba, ode he nọ zán asẹ, óde he nọ yí apajlẹnú basi, kavi afìnyọnnọ de, kavi ówọntọ de. 11Kavi bojlẹtọ de, kavi wédotọ de po gbigbọ aovi tọn de po, kavi azétọ de, kavi aṣẹtúndomẹtọ de. 12Na mẹdepope he wà onú helẹ yín osùnú de hlan OKLUNỌ lọ: na osùnú helẹ tọn wutu OKLUNỌ lọ Jiwheyẹwhe towe yàn yé jẹgbonu sọn nukọn towe. 13Hiẹ na yín pipé to OKLUNỌ lọ Jiwheyẹwhe towe de. 14Na akòta nẹlẹ, he hiẹ na yí na nútindo, nọ tùntóai hlan yé he nọ yí apajlẹnu basi lẹ, podọ hlan asẹnọ lẹ: ṣigba na hiẹ tọn, OKLUNỌ lọ Jiwheyẹwhe towe ma dikena we nado nọ wà mọ gba. 15OKLUNỌ lọ Jiwheyẹwhe towe na zé Yẹwhegán de fọ́n hlan we sọn gblagbla towe mẹ, sọn mẹmẹsunnu towe lẹ mẹ, jijlẹ do ogo e; ewọ wẹ mì na tùntóai hlan; 16kẹdẹdi ehe hiẹ jlo lẹpo sọn OKLUNỌ lọ Jiwheyẹwhe towe de to Holebi mẹ to azán agùnpipli lọ tọn mẹ, dọmọ, A dike yẹn sọ vọ̀ ogbè OKLUNỌ lọ Jiwheyẹwhe ṣie tọn sè blo, mọ a sọ dike yẹn mọ miyọn daho he ba blo, na yẹn kú blo. 17OKLUNỌ lọ bo sọ dọ hlan mi dọmọ, Enẹ he yé ko dọ yé ko dọ dagbe. 18Yẹn na zé Yẹwhegán de fọ́n na yé sọn mẹmẹsunnu yetọn lẹ mẹ, jijlẹ do ogo e; yẹn na yí ohó ṣie lẹ do onù etọn mẹ, é bo na dọhó hlan yé he yen degbèna ẹn lẹpo. 19E bo na wá jọ, dọ mẹdepope he ma na tùntóai hlan ohó ṣie he é na dọ to oyín ṣie mẹ lẹ, yẹn na kan ẹn biọ sọn e de. 20Ṣigba yewhegánlọ he na yí unzizè do dọ ohó de to oyín ṣie mẹ, he yẹn ma ko degbèna ẹn nado dọ gba, kavi he na dọhó to oyin yẹwhe devo lẹ tọn mẹ, yẹwhegán doponẹ lọ na kú. 21Podọ eyín hiẹ dọ to ayiha towe mẹ dọmọ, Nawẹ mí na yọ́n ohó he OKLUNỌ lọ ma ko dọ lọ do 22Whenuena yẹwhegán de dọhó to oyín OKLUNỌ lọ tọn mẹ, eyín onú lọ ma hodo, kavi wá jọ gba, enẹ wẹ onú he OKLUNỌ lọ ma ko dọ lọ gba: yẹwhegán lọ ko yí unzizó do dọ ẹ, hiẹ ma na yín avosatọ na e tọn gba.
191WHENUENA OKLUNỌ lọ Jiwheyẹwhe towe na sán akọta lẹ lọ sẹ̀, aigba mẹhetọn OKLUNỌ lọ Jiwheyẹwhe towe na we, bọ hiẹ sọ yinukọnna yé, bo to tòdaho yetọn lẹ mẹ nọ̀, podọ to ohò yetọn lẹ mẹ; 2hiẹ na klan tòdaho atọ̀n dovo na dewe to gblagbla aigba towe tọn mẹ, he OKLUNỌ lọ Jiwheyẹwhe towe na we nado tindo e. 3Hiẹ na dè aliho lọ na dewe, bo sọ má agboji aigba towe lọ tọn le, he OKLUNỌ lọ Jiwheyẹwhe towe hẹn we nado yigú, do ogbó atọ̀n mẹ, na mẹhùtọ dopodopo nido nọ họ̀nyì fìnẹ. 4Podọ ehe wẹ owhèhó mẹhùtọ lọ tọn, he na nọ họ̀nyì finẹ bo gán: mẹdepope he hù kọmenu etọn madodego, bo ma gbẹwanna ẹn dai gbà; 5di whenuena omẹ de jei zùnmẹ po kọmẹnu etọn po nado họ́ atin, bọ alọ etọn zé asiọvi lọ nado yí do sán atin lọ liai, bọ ogàn lọ sún sọn atin lọ mẹ, bo je kọmẹnu etọn go, bo é kú; ewọ na họ̀nyi jẹ dopọ tòdaho helẹ tọn mẹ bo gán: 6ahọsuyítọ ohùn tón lọ nikã domọna mẹhùtọ lọ, whenuena ayiha etọn tin miyọnawu, bo pla ẹ, na aliho lọ dẹn wutu, bo linú in hù; linlẹn ewọ ma jẹ na okú, sọle ewọ ma gbẹwanna ẹn dai gba. 7Enẹwutu yẹn degbèna we, dọmọ, Hiẹ na klan tòdaho atọ̀n dovo na dewe. 8Podọ eyín OKLUNỌ ọ Jiwheyẹwhe towe hẹn agboji towe zùn daho, dile é ko whle hlan otọ́ towe lẹ do, bo na aigba lọ lẹpo we he é gblọnadanna nado na hlan otọ́ towe lẹ; 9eyín hiẹ na payi gbèdide he lẹpo go nado nọ basi i, he yẹn degbèna we to egbé he, nado nọ yiwanna OKLUNỌ lọ Jiwheyẹwhe towe, podọ nado nọ zinzọnlin to ali etọn lẹ ji tẹgbẹ, whenẹnu wẹ hiẹ na dè tòdaho atọ̀n dogó na dewe, gọ́na atọ̀n helẹ: 10Na ohùn omẹ homẹvọnọ de tọn yín kinkọ̀ndai to gblagbla aigba towe tọn mẹ blo, he OKLUNỌ lọ Jiwheyẹwhe towe na we na ogú de, mọ ohùn bo ha tin to oji we. 11Ṣigba eyín omẹ de gbẹwanna kọmẹnu etọn, bo tọwu dai nẹ̃, bo fọ́n tite do e ji, bo linú in sọmọ nado hẹn okú wá bọ é kú; bọ é sọ họ̀nyì jẹ dopo tòdaho helẹ tọn mẹ: 12whenẹnu mẹho tòdaho etọn tọn lọ na domẹhlan bo hẹn ẹn sọn finẹ wá, bo jó e do alọ ahọsuyitọ ohùn tọn lọ tọn mẹ, na é nido kú. 13Nukun towe ma na blawuna ẹn gba, aigba hiẹ na dè ohùn homẹvọnọ lọ tọn sọn Islaeli mẹ, na é nido nọ yì dagbe to de we.
14Hiẹ ma na sẹ́tẹnna aigbahia kọmẹnu towe tọn, he yé hóhótọ lẹ ko do, to ogú towe he hiẹ do yígú mẹ, to aigba he OKLUNỌ lọ Jiwheyẹwhe towe na we nado tindo e lọ mẹ.
15Kunnudetọ dopo ma na fọ́n tite do omẹ de ji na oylankan de gba, kavi na ylando de, to ylando he ewọ do wàylando depope mẹ: do onù kunnudetọ awe tọn, kavi do onù kunnudetọ atọ̀n tọn, wẹ owhẹ́hó de na yín hinhẹn lodo. 16Eyín kunnudetọ mawàdódónọ de fọ́n tite do omẹ de ji nado dekunnu atẹ̀ tọn do okò nẹ̃; 17whenẹnu sunnusi awe lẹ, mẹhe ṣẹnṣẹn nudindọn lọ te lẹ, na site to OKLUNỌ lọ nukọn, to yẹwhenọ lẹ lọ nukọn po whẹ̀datọ lẹ lọ po he na tin to azán nẹlẹ mẹ; 18whẹdatọ lẹ lọ na basi okanbiọ sọwhiwhe tọn: bo, dayi e go, eyín kunnudetọ lọ yín kunnudetọ lalonọ de, bo ko yí lalo do dekunnu do nọvisunnu etọn kọ; 19whenẹnu wẹ mìlẹ na wà hlan ẹn, dile ewọ ko lẹn nado wà hlan nọvisunnu etọn do: mọwẹ hiẹ na dè oylan lọ sẹ̀ sọn gblagbla towe mẹ. 20Enẹlẹ he pò na sè, bo sinú, podọ sọn whenẹnu bo ma nasọ wà oylan mọnkọ depope to gblagbla towe mẹ ba gba. 21Podọ nukun towe ma na blawu gba; ogbè na yi na ogbẹ́, nukun na nukun, adú na adú, alọ na alọ, afọ na afọ.
201WHENUENA hiẹ jẹgbonu yì jẹ awhànfùntẹn do kẹ́ntọ towe lẹ ji, bo mọ osọ́ lẹ, po kẹkẹ lẹ po, po gbẹtọ hugan hiẹ de lẹ po, hiẹ ma na yín avosatọ na yé tọn gba: na OKLUNỌ lọ Jiwheyẹwhe towe tin to de we, he hẹn we hẹji sọn aigba Egipti tọn lọ ji wá. 2E bo nasọ yín, whenuena mìlẹ dọ̀n sẹpọ́ jẹ awhànfùntẹn lọ, wẹ yẹwhenọ lọ na dọnsẹpọ́ bo dọhó hlan gbẹtọ lẹ lọ, 3bo na dọ hlan yé dọ, Eslaeli E, sè, mìlẹ dindọ̀n sẹpọ́ jẹ awhànfùntẹn to egbé he do kóntọ mìtọn lẹ ji: mì dike ayiha mìtọn kusiọ blo; mì dibu blo, kavi sisọ blo, mọ mí sọ yín avosatọ na yé tọn blo; 4na OKLUNỌ lọ Jiwheyẹwhe mìtọn wẹ ewọ he to yìyì po mì po, nado hoavùn na mì hẹ kẹ́ntọ mìtọn lẹ, nado whlẹn mì 5Azọ́ngan lẹ lọ nasọ dọhó hlan gbẹtọ lẹ lọ, dọmọ, Sunnusi tẹwẹ tin finẹ he ko gbá ohò yọ́yọ́ de, bo ma ko klan ẹn do wiwe? gbọ ni yì bo lẹ́gọ̀ do ohò etọn mẹ, ewọ nikã kú to awhànfùntẹn lọ mẹ bọ sunnusi devo klan ẹn do wiwe. 6Podọ sunnusi tẹwẹ tin finẹ he ko do ovẹ̃npa de, bo mazán sinsẹ̀n etọn lọ? gbọ é ni yì bo lẹ́gọ̀ do owhé etọn gbè, ewọ nikã kú to awhànfùntẹn lọ mẹ, bọ sunnusi devo zán sinsẹ́n etọn. 7Podọ sunnusi tẹwẹ tin finẹ he ko dà asi de, bo ma ko plan ẹn? gbọ é ni yì bo lẹ́gọ̀ do owhé etọn gbè, ewọ nikã kú to awhànfùntẹn lọ mẹ, bọ sunnusi devo plan ẹn. 8Azọ́ngán lẹ lọ nasọ dọhó hlan gbẹtọ lẹ lọ dogó, yé nasọ dọmọ, Sunnusi tẹwẹ tin finẹ he yín obúnọ podọ ayíhakusiọnọ? gbọ é ni yì bo lógò do owhé etọn gbè, ayiha mẹmẹsunnu etọn lẹ tọn nikã yọ́ di ayiha etọn. 9E nasọ yín, whenuena azóngán lẹ lọ ko basi opòdo hódidọ tọn de hlan gbẹtọ lẹ lọ, wẹ yé na dè awhàngán awhànpa lẹ tọn do gbẹtọ lẹ lọ nu.
10Whenuena hiẹ dòn sepó jẹ tòdaho de kòn nado hoavùn hẹ ẹ, whenẹnu hiẹ ni la jijọho hlan ẹn. 11E nasọ yín, eyín é basi gbègbingblọn jijọho tọn na we, bo hùnhòn hlan we, whenẹnu é na yín, dọ gbẹtọ he yè mọ finẹmẹ lẹpo na lẹzùn sẹ́njọtọ hlan we, bo nasọ nọ sẹ́n we. 12Podọ eyín é ma na basi jijọho de po hiẹ po gba, adavo na basi awhàn hẹ we, whenẹnu hiẹ na doawhànlédo e: 13podọ whenuena OKLUNỌ lọ jiwheyẹwhe towe jó e do alọ towe mẹ hiẹ na yi onù ohi lọ tọn do hò sunnusi etọn lẹ dopodopo: 14ṣigba yọnnusi lẹ lọ, po omẹ flinflin lẹ lọ po, po kanlinyìnyìn lẹ lọ po, po ehe tin to tòdaho lọ mẹ lẹpo po, yèdọ ogblannú etọn lọ lẹpo, wẹ hiẹ na bẹ́ na amánanú de hlan dewe; hiẹ bo nasọ dù ogblannú kẹ́ntọ towe lẹ tọn lọ he OKLUNỌ lọ Jiwheyẹwhe towe ko na we. 15Le wẹ hiẹ na wà hlan tòdaho lẹpo lọ he tin to olá boboe sọn de we, he ma yín ode sọn tòdaho akọta helẹ tọn mẹ. 16Ṣigba sọn tòdaho akọta helẹ tọn lẹ mẹ, he OKLUNỌ lọ Jiwheyẹwhe towe na we na ogú de, hiẹ ma na whlen núdepope he gbigbọ dogbẹ́ gba: 17ṣigba hiẹ na và yé gbidigbidi; Hitinu lọ, po Amolinu lọ po, po Kananinu lọ po, po Pelizinu lọ po, po Hivinu lọ po, po Jebusinu lọ po; dile OKLUNỌ lọ Jiwheyẹwhe towe ko degbèna we do: 18na yé plọn mì nado nọ wà hodo osùnú yetọn lẹ blo, he yé ko wà hlan yẹwhe yetọn lẹ; mọ bọ mìlẹ do wàylando do OKLUNỌ lọ Jiwheyẹwhe mìtọn go.
19Whenuena hiẹ na doawhànlẹ́do tòdaho de ojlẹ dindẹn de, to bibasi awhàn hẹ ẹ mẹ nado yí i, hiẹ ma na và atin etọn lẹ gbọn zinzán asiọvi de do yé ji dali gba; na hiẹ sọgan dù sọn yé mẹ, hiẹ ma na sán yé liai gba; na gbẹtọ wẹ atin danji tọn lọ, bọ é do yín didoawhànlédo na we? 20Atin lẹ lọ he hiẹ yọnẹn dọ yé ma yín na núdùdù gba, jãnwẹ hiẹ na và bo sọ sán yé liai; hiẹ nasọ do agbó lẹ do tòdaho he to awhàn basi hẹ we lọ ji, kaka é do họ.
211EYIN omẹ de yín mimọ alantọsiọ to aigba he OKLUNỌ lọ Jiwheyẹwhe towe na we nado tindo e lọ ji, aimimlọn to ogle mẹ, bọ mẹhe ko linú in ma yín yinyọnẹn gba: 2whenẹnu mẹho towe lẹ po whẹdatọ towe lẹ po na jẹgbonu wá, yé nasọ jlẹ hlan tòdaho lẹ lọ he tin lẹ́do ewọ he yín alantọsiọ lọ: 3e nasọ yín, dọ tòdaho lọ he tin sẹpò talala jẹ omẹ alantọsiọ lọ de yèdọ mẹho tòdaho nẹ tọn lẹ na yí oyìnsiwhe dopo sọn kanlinpó lọ mẹ, he yè ma ko yí do wàzòn, podọ he ma ko dòn to oglepọnu lọ mẹ. 4Mẹho tòdaho nẹ tọn lẹ lọ na hẹn oyìnsiwhe lọ jẹte wá jẹ agbadò de mẹ po osìn sisà po, he yè ma pọ̀ mọ yè ma dó, bo na wẹ́n okọ̀ oyìnsiwhe lọ tọn finẹ to agbadò lọ mẹ: 5yẹwhenọ lẹ visunnu Levi tọn lẹ lọ na wá sẹpò; na yé wẹ OKLUNỌ lọ Jiwheyẹwhe towe ko dè nado nọ wàdevizọ́n hlan ẹn, podọ nado nọ dona to oyín OKLUNỌ lọ tọn mẹ; podọ kẹdẹdi ohó yetọn wẹ nudindọn lẹpo po nulimẹ lẹpo po na te: 6mẹho tòdaho nẹ tọn lẹ lọ lẹpo, mẹhe tin sẹpò talala hlan alantọsiọ lọ de, na klọ alọ yetọn lẹ do oyìnsiwhe lọ ta okò ehetọn yè ko wén to agbadò lọ mẹ: 7yé nasọ gblọn bo dọmọ, Alọ mítọn lẹ ma I o kòn ohùn he dai gba, mọ nukun mítọn lẹ ma ko mọ ẹn gba. 8OKLUNỌ E, jona Islaeli omẹ towe lẹ, mẹhe hiẹ ko fli lẹ, bo sọ dikena ohùn homẹvọnọ nado nọ̀ gblagbla Islaeli omẹ towe lẹ tọn mẹ blo. Ohùn lọ bo nasọ yín jijona yé. 9Mọ hiẹ na dè ohùn homẹvọnọ lọ só sọn gblagbla towe mẹ do, whenuena hiẹ na wà enẹ he yín jlọjlọ to nukun OKLUNỌ lọ tọn mẹ.
10Whenuena hiẹ jẹgbonu yì jẹ awhánfuntẹn do kẹ̀ntọ towe lẹ ji, bọ OKLUNỌ lọ Jiwheyẹwhe towe jó yé do alọ towe lẹ mẹ, bọ hiẹ bé yé yì mẹglọnọ. 11Bo mọ yọnnu whanpẹnọ de to mẹglọnọ lẹ lọ ṣẹnṣẹn, bọ hiẹ sọ tindo ojlo de hlan ẹn, bo na jlo yì i hlan we na asi; 12whenẹnu hiẹ na hẹn ẹn wá whégbè jẹ ohò towe mẹ; ewọ bo na lùn oda etọn, bo pà ofẹ̀n etọn lẹ; 13e bo na klọ̀n avọ̀ mẹmẹglọ etọn tọn lọ sè sọn ogo, bo na nọnọ̀ ohọ towe mẹ bo yí otọ̀ etọn po onọ etọn po osùn dopo gigọ̀: to enẹgodo hiẹ na yì họ̀mẹ jẹ e de, bo yín asú etọn, ewọ bo nasọ yín asi towe. 14E nasọ yín, eyín hiẹ ma tindo homẹvivi de to ewọ mẹ gba, whenẹnu hiẹ na gbọ e ni yì fie ewọ na jlo, ṣigba hiẹ ma na sà ẹ na akuẹ de lala gba, hiẹ ma na zán hẹ ẹ di kanlinmọ de gba, na hiẹ ko hòhuwhẹ ẹ wutu.
15Eyín sunnusi de tindo asi awe ode mẹyiwanna podọ awetọ mẹgbẹwanna, bọ yé awelẹ sọ ji ọvi lẹ nò, mẹyiwanna lọ po mẹgbẹwanna lọ po; podọ eyín visunnu plọnji lọ yín ewọ he yè gbẹwanna tọn; 16whenẹnu é na yín, to azán he gbè é hẹn visunnu etọn lẹ nado yígú enẹ he ewọ tindo tọn, wẹ ewọ ma na sọgan hẹn visunnu mẹyiwanna lọ tọn zùn plọnji to ogbẹ̀ whenu visunnu mẹgbẹwanna lọ tọn gba, he yín oplọnji lọ: 17ṣigba ewọ na yígbèna oplọnji lọ, visunnu mẹgbẹwanna lọ tọn lọ, gbọn yẹndawe mimá ehe é tindo lẹpo tọn de nina ẹn dali: na ewọ wẹ ṣìṣẹ̀ huhlọn etọn tọn lọ; ojlọjẹ oplọnji lọ tọn etọn wẹ.
18Eyín sunnusi de tindo visunnu adingbannọ de podọ atẹnọ, he ma na setónuna ogbè otọ̀ etọn tọn kavi ogbè onọ etọn tọn, podọ le yé tlẹ hò e sọ, ma tùntóai hlan yé gba: 19whenẹnu wẹ otọ̀ etọn po onọ etọn po na hẹn e go, bo hẹn ẹn jẹgbonu wá jẹ mẹho tòdaho etọn tọn lẹ de, podọ jẹ họngbo otẹn oton tọn lọ ji; 20yé nasọ dọ hlan mẹho tòdaho etọn tọn lẹ lọ dọmọ, Vis-unnu mítọn he adingbannọ wẹ podọ atẹnọ, é ma jlo na sètonuna ogbè mítọn gba; dùvànọ de wẹ ewọ, podọ ahànnùmunọ de. 21Omẹ tòdaho etọn tọn lọ lẹpo na yi zannu lẹ do dlanzannudo e, na é ni kú: mọwe hiẹ na dè oylan lọ sẹ̀ sọn gblagbla towe mẹ do; Islaeli lẹpo bo na sè, bò sínú.
22Ẹyín sunnusi de ko wà ylando de he jẹ na okú, bọ ewọ sọ yin hùhù, bọ hiẹ zé e pla atin de go; 23agbasa etọn ma na nọ̀ atin lọ ji to ozán lẹpo mẹ gba, ṣigba hiẹ na di i to gbèdoponọ dandan; na ewọ he yè zépla yín mẹhòdẹ̀do sọn Jiwheyẹwhe de de: na hiẹ flu aigba towe blo he OKLUNỌ lọ Jiwheyẹwhe towe na we na ogú de.
221HIẸ ma na mọ oyin nọvisunnu towe tọn kavi lẹngbọ etọn to bubu yì, bo whla dewe sọn yé de gba: hiẹ nasọ hẹn yé wá nọvisunnu towe de dandan. 2Podọ eyín nọvisunnu towe ma tin to yakẹ hlan de we gba, kavi eyín hiẹ ma yọ́n ẹn gba, whenẹnu hiẹ na hẹn ẹn wá whégbè jẹ ohọ̀ towe mẹ, é bo na tin to de we kaka nọvisunnu towe na to dindin in, hiẹ bo nasọ gò ẹ jó hlan ẹn. 3Mọ hiẹ na nọ wà hẹ kẹtẹkẹtẹ etọn; podọ mọ wẹ hiẹ na nọ wà hẹ avọ̀ etọn; mọ wẹ hiẹ na nọ wà hẹ onu bubu sọn nọvisunnu towe tọn lẹpo mẹ, he ewọ ko hẹnbu bọ hiẹ ko mọ: hiẹ ma sọgan whla dewe gba.
4Hiẹ ma na mọ kẹtẹkẹtẹ nọvisunnu towe tọn kavi oyin etọn aijije to aliho ta, bo whlá déwe sọn yé dé gba: hiẹ na gọalọna ẹn dandan nado zé yé tite.
5Yọnnusi de ma na yí enẹ he yín sunnusi de tọn do gba, mọ sunnusi de ma nasọ yí avọ̀ yọnnusi de tọn do ogo gba: na mẹdepope he wà onú helẹ yín osùnú de hlan OKLUNỌ lọ Jiwheyẹwhe towe.
6Eyín adọ́ ohẹ de tọn dukosọ nado tin to nukọn towe to ali lọ ho, to atin de mẹ kavi to aigba lọ ji, po ovi lẹ po kavi azìn lẹ, bọ onọ lọ javà do ovi lọ lọ ji, kavi do azìn lẹ lọ ji, hiẹ ma na bẹ onọ po ovi lẹ lọ po gba: 7to alọ depope mẹ hiẹ na gbọ onọ lọ ni yì, ṣigba hiẹ sọgan bẹ ovi lẹ lọ hlan dewe; na é nido yin dagbe to de we, podọ na hiẹ nidò hẹn azán towe lẹ dẹn.
8Whenuena hiẹ do ohò yọ́yọ́ de, whenẹnu hiẹ na basi oglọn de na ohọ̀ta towe, dọ hiẹ hẹn ohùn wá ohò towe ji eyín omẹ de flẹ́ sọn finẹyì blo. 9Hiẹ ma na yí okún wunmẹ awe do do ovẹ̃npa towe gba, sinsẹ́n lọ pete okún he hiẹ ko do lọ po jideji ovẹ̃npa lọ tọn po nikã yin hinhẹn flu.
10Hiẹ ma na yí oyin de po kẹtẹkẹtẹ po do pògle dopọ gba, 11Hiẹ ma na do avọ̀ flusọ de gba, lẹngbọfun po àgbo po dopọ gba.
12Hiẹ na basi okẹyẹ lẹ do otónu ẹnẹ awu towe tọn lẹ go, he hiẹ do nọ ṣinyọn dewe.
13Eyín sunnusi de dà asi de bo yi họ̀mẹ jẹ e de, bo sọ gbẹwanna en, 14bo hia onú hùwinyan lẹ do okọ̀ nẹ, bo hẹn oyìn ylanylan de wá e ji, bo dọmọ, Yẹn yi yọnnu he, podọ whenuena yẹn wá sẹpo jẹ e de, yẹn ma mọ ohia ogbèji tọn lẹ to ewọ mẹ gba: 15whenẹnu wẹ otọ́ yọnnuvú lọ tọn, po onọ etọn po, na yí bo hẹn ohia ogbèji yọnnuvú lọ tọn lẹ tọn jẹgbonu wá je mẹho tòdaho lọ tọn lẹ de to họngbo lọ mẹ: 16otọ́ yọnnuvú lọ tọn nasọ dọ hlan mẹho lẹ lọ dọmọ, Yẹn ko viyọnnu ṣie hlan dawe he hlan asi, é bo sọ gbẹwan nẹ̃; 17bo, dayi e go, é ko sọ hia onú hùwinyan lẹ do okọ̀ nẹ, dọmọ, Yẹn ma mọ ohia ogbèji tọn lẹ to viyọnnu towe mẹ gba; mọ ohia ogbèji viyọnnu ṣie tọn lọ tọn lẹ ka wẹ ehelẹ. Yé bo na dlẹn avọ̀ lọ to mẹho tòdaho lọ tọn lẹ lọ nukọn. 18Mẹho tòdaho nẹ tọn lẹ lọ nasọ yí dawe lọ bo hò e; 19yé bo na sàwhẹ̀do e to ṣekẹli fataka tọn kanweko mẹ, bo bé yé na hlan otọ́ yọnnuvú lọ tọn, na ewọ ko hẹn oyín ylanylan de wá awhli Islaeli tọn de ji wutu: ewọ bo nasọ yín asi etọn, é ma sọgan gbé ẹ to azán etọn lẹpo mẹ gba. 20Ṣigba eyín onú he yín nugbo, ohia ogbèji tọn lẹ lọ ma yín mimọ to yọnnuvú lọ mẹ gba. 21Whenẹnu wẹ yé na hẹn yọnnuvú lọ jẹgbonu wá jẹ ohòn owhé otọ́ etọn tọn lọ tọn ji, sunnusi tòdaho etọn tọn lẹ nasọ yí zannu lẹ do dlanzannudo e na é ni kú: na é ko wà nujagò to Islaeli mẹ wutu, nado zán galilọ to owhé otọ́ etọn tọn gbè; mọwẹ hiẹ na dè oylan lọ sẹ̀ sọn gblagbla towe mẹ do.
22Eyín sunnusi de yín mimọ kinkọndopọ hẹ yọnnu wlealọna de hlan asú de, whenẹnu yé awelẹ na kú, sunnu lọ he kọndopọ hẹ yọnnu lọ, po yọnnu lọ po: mọwẹ hiẹ na dè oylan lọ sẹ̀ sọn Islaeli mẹ do.
23Eyín yọnnuvú de tin he yín awhli de yín didà hlan asú de, bọ sunnusi de mọ ẹn to tòdaho lọ mẹ, bo kọ̀ndopọ hẹ ẹ; 24whenẹnu mì na hẹn yé awelẹ jẹgbonu jẹ ohọ̀ngbo todaho nẹ tọn lọ kọ̀n, mì bo na yí zannu lẹ do dlanzannudo yé, na yé ni kú; yọnnuvú lọ, na e ma dawhá wutu, tintin to to otoho vho lọ mẹ podọ sunnu lọ, na é ko hòhuwhẹ asi kọmẹnu etọn tọn wutu: mọwe hiẹ na dè oylan lọ sè sọn gblagbla towe mẹ do.
25Ṣigba eyín sunnusi de mọ yọnnuvú lọ he yè dà lọ to ogle mẹ bọ sunnusi lọ hẹn ẹn po huhlọn po, bo kòndopọ hẹ ẹ; whenẹnu sunnusi he kọndopo hẹ ẹ lọ kẹdẹ wẹ na kú: 26ṣigba hiẹ ma na wà núde hlan yọnnuvú lọ gba: oylando he jẹ na okú de ma tin to yọnnuvú lọ mẹ gba: na di whenuena omẹ de fọ́n do kòmẹnu etọn ji, bo hù i, yedọ mọwẹ owhẹho he te: 27na ewọ mọ en to dangbo: yọnnuvú didà lọ dawhá, bọ omẹ de ma tin finẹ nado whlẹn ẹn.
28Eyín Sunnusi de mọ yọnnuvú de he yín awhli de, he yè ma dà gba, bo tẹ́ do e go, bo kọ̀ndopọ hẹ ẹ, bọ yé yín mimọ; 29whenẹnu sunnusi he kọ̀ndopọ hẹ ẹ lọ na na ṣekẹli kandeao fataka tọn hlan otọ́ yọnnuvú lọ tọn, é bo nasọ yín asi etọn, na ewọ ko hòhuwhẹ ẹ wutu; ewọ ma sọgan gbẹ́ ẹ dai to azán etọn lẹpo mẹ gba.
30Sunnusi de ma na yí asi otò etọn tọn gba, bo ma nasọ hùn avọ̀ otọ̀ etọn tọn gba.
231EWỌ he yè doalán ogo na to okún lẹ lọ mẹ, kavi tindo awutugonu oglọ tọn etọn lẹ sinsán sẹ, ma na biọ agùnpipli OKLUNỌ lọ tọn mẹ gba.
2Ayòvi de ma na biọ agùnpipli OKLUNỌ lọ tọn mẹ gba; yèdọ jẹ whẹndo aotọ mẹ wẹ mẹdepope sọn etọn lẹ de mẹ ma na do biọ agùnpipli OKLUNỌ lọ tọn mẹ.
3Amoninu de kavi Moabinu de ma na biọ agùnpipli OKLUNỌ lọ tọn mẹ gba; yèdọ jẹ whẹndo aotọ mẹ wẹ omẹ depope he yín yé tọn ma na do biọ agùnpipli OKLUNỌ lọ tọn mẹ kakadoi: 4na yé ma yí akla podọ po osìn po do pé mì to aliho ji whenuena mí jẹgbonu sọn Egipti mẹ ja wutu; podọ na yé dà Balaami visunnu Beoli tọn lọ do oji we sọn Petọli Mesopotami tọn mẹ, nado hodèdo wẹ wutu. 5Gãnṣo OKLUNỌ lọ Jiwheyẹwhe towe ma jlo tùntóai hlan Balaami gba; ṣigba OKLUNỌ lọ Jiwheyẹwhe towe lé dẹhodo lọ do odona de mẹ hlan we, na OKLUNỌ lọ Jiwheyẹwhe towe yiwanna we wutu, 6Hiẹ ma na din jijọho yetọn gba kavi dagbe yetọn to azán towe lẹpo mẹ kakadoi.
7Hiẹ ma na gbẹwanna Ẹdominu de gba; na nọvisunnu towe wẹ ewọ: hiẹ ma na gbẹwanna Egiptinu de gba; na hiẹ yín ojónọ to aigba etọn ji wutu 8Ovi whẹndo atọ̀ntọ tọn lẹ he yè ji hlan yé na biọ agùnpipli OKLUNỌ lọ tọn mẹ.
9Whenuena hiẹ jẹgbonu yì awhànfuntẹn mẹ to kẹ̀ntọ towe lẹ ji, whenẹnu hiẹ na whla dewe sọn onú ylanylan lẹpo mẹ. 10Eyín sunnusi de tin mí ṣẹnṣẹn finẹ, he yín mawénọ gbọn enẹ he dùkọsọna ẹn to zánmẹ tọn dali, whenẹnu wẹ ewọ na jẹgbonu yì sọn osla lọ mẹ, ewọ ma na wá osla lọ hòmẹ gba: 11ṣigba é na yín, whenuena whèjai ja, é na do ede osìn mẹ: podọ whenuena owhè tin todò, ewọ na wá osla lọ hòmẹ. 12Hiẹ na tìndọ otẹnmọ de to osla lọ godo ga fie hiẹ na nọ tòn jẹgbonu yì; 13hiẹ na tindo dòkùnnu de to adanwànu towe lẹ mẹ; é bo nasọ yín, whenuena hiẹ sinai to gbonu, hiẹ na yí do nọ kùndò bo sọ lẹ́ godo bo ṣinyọnnudo enẹ he sọn hiẹ mẹ wá. 14Na OKLUNỌ lọ Jiwheyẹwhe towe to zọnlinzin to gblagbla osla towe tọn mẹ, nado whlẹn we, podọ nado jó kẹ̀ntọ towe lẹ to nukọn towe; enẹwutu wẹ osla towe na yín wiwe: dọ ewọ mọ onú mawénọ de to hiẹ mẹ bo lẹ̀ sọn hie de blo.
15Hiẹ ma na jó devi he sí sọn mẹmẹnu etọn de jẹ de we de hlan mẹmẹnu etọn gba; 16ewọ na nò de we, to gblagbla towe mẹ, to otẹn he é na dè to ọhò dopo hòngbo towe lẹ tọn mẹ, fie jlo e hugan; hiẹ ma na bianukunna ẹn gba.
17Galọtọ de ma na tin finẹ sọn viyọnnu Islaeli tọn lẹ mẹ gba, mọ Sọdọmijijọnọ de ma nasọ tin visunnu Islaeli tọn lẹ lọ mẹ finẹ gba. 18Hiẹ ma na hẹn opakàkuẹ galilọ tọn de wá, kavi azọ́nkuẹ avún de tọn jẹ ohò OKLUNỌ lọ Jiwheyẹwhe towe tọn mẹ na opadido depope gba: na yèdọ awe helẹ yín osùnú de hlan OKLUNỌ lọ Jiwheyẹwhe towẹ.
19Hiẹ ma na yàn to ale ma di osẹ̀n tọn ji hlan nọvisunnu towe gba; ale ma di osẹ̀n tọn akuẹ tọn, ale ma di ọsòn tọn núdùdù tọn, ale ma di osén tọn onú depope yè yàn to ale ma di osẹ̀n tọn ji tọn: 20hiẹ sọgan yàn hlan gbéjinu de to ale ma di osẹ̀n tọn ji; ṣigba hiẹ ma na yàn to ale ma di osẹ̀n tọn ji hlan nọvisunnu towe gba: na OKLUNỌ lọ Jiwheyẹwhe towe nido dona we to ehe hiẹ zé alọ towe hlan lẹpo mẹ, to aigba fie mẹ hiẹ jei nado tindo e lọ ji.
21Whenuena hiẹ na dopa de hlan OKLUNỌ lọ Jiwheyẹwhe towe, hiẹ ma na yin awugbọ̀pònọ nado sú i gba: na OKLUNỌ lọ Jiwheyẹwhe towe na kan ẹn biọ sọn de we dandan; é bo na yin oylando de to hiẹ mẹ. 22Ṣigba eyín hiẹ na doalọte nado dopa, é ma yin oylando de to hiẹ mẹ gba. 23Enẹ he jẹgbonu yi sọn nùflo towe lẹ mẹ hiẹ na payido bo wà; kẹdẹdile hiẹ ko dopa hlan OKLUNỌ lọ Jiwheyẹwhe towe do, avọ́nunina ojlonọ de, he hiẹ ko yí onù towe do gblọnadanna.
24Whenuena hiẹ wá jẹ ovẹ̃npa kọmẹnu towe tọn mẹ, whenẹnu hiẹ sọgan dù vẹ̃nsinsẹ́n hògigó towe to awuvivò towe titi mẹ: ṣigba hiẹ ma na bẹ́ depope do núzinzán towe mẹ gba.
25Whenuena hiẹ wá jẹ ogle gbadó kọmẹnu towe tọn lọ tọn mẹ, whenẹnu hiẹ sọgan yi alọ towe do flán gbadó lẹ lọ; ṣigba hie ma na dè agbògọdọẹ je ogle gbadó kọmẹnu towe tọn lọ tọn mẹ gba.
241WHENUENA sunnusi de yí asi de, bo wlealọhẹ ẹ, whenẹnu é na yín, eyín yọnnu lọ ma mọ nukundagbe de to nukun sunnu lọ tọn lẹ mẹ gba, na é ko mọ onú dèmẹpò de to ewọ mẹ wutu, wẹ ewọ na wlanwé gbédai tọn de nẹ, bo yí ì do alọ etọn mẹ, bo dè e jẹgbonu sọn fiyi whé etọn gbè. 2Whenuena ewọ fọ́nyì sọn owhé etọn gbè, é sọgan yì bo sọ yin asi sunnu devo tọn. 3Podọ eyín asú godotọn sọ gbẹwanna ẹn, bo wlanwé gbèdai de nẹ̃, bo yí i do alọ etọn mẹ, bo dè e jegbonu sọn owhé etọn gbè; kavi eyín asú godotọn he yí i nado yín asi etọn lọ kú; 4ású etọn nukọntọn, he dè e jẹgbonu, ma sọ sọgan gò yí í nado yín asi etọn gba, to godo he yè ko flu i; na osùnú wẹ enẹ hlan OKLUNỌ lọ: hiẹ ma na hẹn aigba lọ he OKLUNỌ lọ Jiwheyẹwhe na we na ogú de flu nado wàylando gba.
5Whenuena sunnusi de yí así yọ́yọ́ de, é ma na jẹgbonu yì awhànpa lọ mẹ gba, mọ yè ma na yí azọ́n de zọ́n ẹn gba: é na yín mẹdekannujẹtọ to whégbè owhè dopo, bo na hẹnhomẹhùn asi etọn he é ko dà. 6Mẹde ma na yí osé kavi sénukọnvi hlan ogò gba; na ogbè omẹ de tọn wẹ ewọ yí hlan ogò.
7Eyín sunnusi de yín mimọ to fìnfin de sọn mẹmẹsunnu ovi Islaeli tọn lẹ lo tọn lẹ mẹ, bọ é sọ zán hẹ ẹ di kanlinmọ de, kavi sà ẹ; whenenu ajotọ nẹ na kú: mọwẹ hiẹ na dè oylan lọ sẹ́ sọn gblagbla towe mẹ do.
8Yi ayihapa to azònylankan opòzon tọn mẹ, dọ hiẹ ni yí sọwhiwhe do payi, bo wà kẹdẹdi ehe yewhenọ Levinu lẹ lọ na plọn mì lẹpo: dile yẹn degbèna mì do, mọwẹ mì na nọ payi nado nọ wà do. 9Flin núhe OKLUNỌ lọ Jiwheyẹwhe towe wà hlan Miliami, le mì jẹgbonu sọn Egipti mẹ ja to aliho ji.
10Whenuena hiẹ yàn onú alọpa depope tọn hlan kọmenu towe, hiẹ ma na yì owhé etọn gbè nado yí gòdenu etọn wá gba. 11Gbonu hiẹ na site te, bọ omẹ he hiẹ yàn hlan lọ na hẹn gòdenu lọ jẹgbonu wá gbonu je de we. 12Eyín ewọ yín wamọnọ de, hiẹ ma na damlọn po gòdenu eton po gba: 13whenuena owhè yí odò hiẹ na gò gòdenu etọn jó hlan ẹn dandan, na é nido damlọn to avọ̀ etọn mẹ, bo dona we: é bo na yín dódó hlan we to OKLUNỌ lọ Jiwheyẹwhe towe nukọn.
14Hiẹma na bianukunna devi pakanọ de he yín wamọnọ podọ agbatọnọ, eyín é yín sọn mẹmẹsunnu towe lẹ me, kavi sọn ojónọ towe lẹ mẹ he tin to aigba towe ji to hòngbo towe lẹ hòmẹ: 15hiẹ na na pakakuẹ etọn ẹn to azán etọn mẹ, mọ owhè ma na yì odò do e ji gba: na wamọnọ wẹ ewọ, bo sọ zé ayiha etọn do e ji: é nikã dawha do oji we hlan OKLUNỌ lọ, bọ é yín ylando hlan we.
16Otọ́ lẹ ma na yín hùhù na ovi lẹ gba, mọ ovi lẹ ma na yín hùhù na otọ́ lẹ gba: omẹ dopodopo na yín hùhù na ylando etọn lọsu. 17Hiẹ ma na gada whẹ̀dida ojónọ lọ tọn gba, kavi tọsiọvi lọ tọn; kavi yí avọ̀ asúsiọsi tọn hlan godenu gba: 18ṣigba hiẹ na flin dọ afànumẹ de wẹ hiẹ to Egipti mẹ, OKLUNỌ lọ Jiwheyẹwhe towe bo sọ fli we sọn finẹ: enẹwutu yẹn degbèna we nado nọ wà onú he. 19Whenuena hiẹ gbẹ́n ojijẹ towe to ogle towe mẹ, bo ko wọn dibibla dopo do ogle lọ mẹ, hiẹ ma na sọ góyì nado yí i wá gba: é na tin na ojónọ lọ, na tọ́ṣiọvi lọ, podọ na asúṣiọsi lọ: na OKLUNỌ lọ Jiwheyẹwhe towe nido dona we to azón alọ towe tọn lẹ lọ lepo mẹ.
20Whenuena hiẹ to atin olivieli towe gún, hiẹ ma na sọ vó alà etọn lẹ pọ́n gba: é na tin na ojónọ, lọ, na tọsiọvi lọ, podọ na asúsiọsi lọ 21Whenuena hiẹ to ovẹ̃nsínsẹ́n vẹ̃npa towe mẹ tọn bé pli, hie ma na wéwélu to godo towe gba: é na tin na ojónọ lọ, na tóṣiọvi lọ, podọ na asúsiọsi lọ. 22Hiẹ nasọ flin dọ hiẹ yín afànumẹ de to áigba Egipti tọn mẹ: enẹwutu yẹn degbèna we nado nọ wà onú he.
251EYÍN nudindọn de tin to omẹ awe ṣẹnṣẹn, bọ yé wá jẹ whẹ̀dida tẹnmẹ, bọ whẹdatọ lẹ dawhẹna yé; whenẹnu yé na sùwhèna dódónọ lọ, bo sọ gblewhẹdo mẹylankan lọ; 2e nasọ yín, eyín mẹylankan lọ tin jẹ nado yín hihò, wẹ whẹdatọ lọ na hẹn ẹn nado mlọn ai, podọ nado yín hihò to nukun etọn mẹ nukọn, kẹdẹdi ylankan etọn gbọn osọha dali. 3E sọgan na obá kande e, é ma na na zẹmọgo gba: eyín ewọ na na zèmọgo, bo yí obá sùsù do hò e hugan ehelẹ, whenenu mẹmẹsunnu etọn nikã sọawúhia ovlẹnọ hlan we.
4Hiẹ ma na doajanúna oyín lọ whenuena é to gbadó lọ tùn gba.
5Eyín mẹmẹsunnu lẹ nò opọ́, bọ dopo sọn yé mẹ kú, bo ma tindo visunnu de gba, asi oṣiọ lọ tọn ma na wlealọ to gbonu hlan ojónọ de gba: nọvisunnu asú etọn tọn na yì hòmẹ jẹ e de, bo yí i hlan e de hlan asi, bo yí azon yiwà nọvisunnu asú tọn de tọn wà hlan ẹn. 6È nasọ yín, dọ oplọnji he ewọ na ji lọ na yítẹn to oyín nọvisunnu etọn he yín oṣiọ tọn lọ mẹ, na oyín etọn yín gbigbidi sọn íslaeli mẹ blo. 7Podọ eyín sunnu lọ ma jlo nado yí asi nọvisunnu etọn tọn gba; whenenu asi nọvisunnu etọn tọn na hẹji yí jẹ hòngbo lọ kòn jẹ mẹho lẹ lọ de, bo dọmọ, Nọvisunnu asú ṣie tọn gbé nado fọ́n oyín de daga hlan nọvisunnu etọn to Islaeli mẹ, é ma jlo yí aznyiwà nọvisunnu asú tọn de tọn wà hlan mi gba. 8Whenẹnu mẹho tòdaho etọn tọn lẹ lọ na ylọ ẹ, bo dọhó hlan ẹn: podọ eyín ewọ ṣite, bo dọmọ, Yẹn ma jlo nado yí i gba; 9whenẹnu wẹ asi nọvisunnu etọn tọn na wá e de to nukọn mẹho lẹ lọ tọn, bo tún afọpa etọn sẹ sọn afọ etọn mẹ, bo sọ túntán do nukunmẹ etọn mẹ; é nasọ gblọn bo dọmọ, Mowẹ é na nọ yín wiwà do hlan sunnu lọ he ma gla ohò nọvisunnu etọn tọn gba. 10Oyín etọn na nọ yín yiylọ to Islaeli mẹ dọ, Owhé ewọ he tindo afọpa etọn túntún tọn lọ.
11Whenuena sunnusi lẹ to avùnhò hẹ yénọzo omẹ de po awetọ po, bọ asi ode tọn dòn sẹpọ́ nado whlẹn asú etọn sọn alọ ewọ he to hihò e tọn mẹ, bo dè alọ etọn jẹgbonu, bo bé oglọ hẹn nẹ: 12whenẹnu hiẹ na sán alọ etọn sẹ, nukun towe ma na tindo awubla de gba.
13Hiẹ ma na tindo opẹ́n alọpalọpa lẹ to apo towe mẹ gba, daho de po pẹvi de po. 14Hiẹ ma na tindo ojlẹnu alọpalọpa lẹ to ohọ̀ towe mẹ gba, daho de po pẹvi de po. 15Opén pipé podọ gigẹ́ de wẹ hiẹ na tindo; podọ ojlẹnu pipé podọ gigẹ de wẹ hiẹ na tindo: na azán towe nido dẹn to aigba he OKLUNỌ lọ Jiwheyẹwhe towe na we ji. 16Na omẹ he wà onú mọnkọ lẹ lẹpo, yèdọ omẹ he yí mawàdódó do wà lẹpo, wẹ osùnú de hlan OKLUNỌ lọ Jiwheyẹwhe towe.
17Flin núhe Amalẹki wà hlan we to alihojilemì jẹgbonu sọn Egipti mẹja; 18le é pé we to aliho do, bo gbà yé godopete towe tọn lẹ do, yé he yín madogannọ to godo towe lẹpo, whenuena hiẹ yín kúkúsiọ podọ agbọpénọ; bọ ewọ ma dibusi Jiwheyẹwhe gba. 19Enẹwutu é na yín, whenuena OKLUNỌ lọ Jiwheyẹwhe towe ko na ogbọjẹ we sọn kẹ̀ntọ towe lẹpo mẹ lẹ́do pé, to aigba he OKLUNỌ lọ Jiwheyẹwhe towe na we na ogú de nado tindo e lọ ji, wẹ hiẹ na gbidi oflin Amalẹki tọn lọ sọn olọn glọ; hiẹ ma na wọn gba.
261E nasọ yín, whenuena hiẹ yín hinhẹn wá jẹ aigba he OKLUNỌ lọ Jiwheyẹwhe towe na we na ogú de lọ ji, bo tindo e, bo sọ nọnọ̀ finẹmẹ; 2wẹ hiẹ na dè sọn sinsén aigba lọ tọn lẹpo mẹ, he hiẹ na hẹn sọn aigba towe he OKLUNỌ lọ Jiwheyẹwhe towe na we lọ mẹ wá whégbè; hiẹ nasọ yí i do oha de mẹ, bo na yì jẹ otẹn he OKLUNỌ lọ Jiwheyẹwhe towe na dè, nado hẹn oyín etọn nado nọnọ̀ finẹ lọ mẹ. 3Hiẹ nasọ wá yẹwhenọ he na tin to azán nẹlẹ mẹ lọ de, bo dọ hlan ẹn dọ, Yẹn yigbè to egbé he hlan OKLUNỌ lọ Jiwheyẹwhe towe, dọ yè hẹn mi wá jẹ aigba he OKLUNỌ lọ whle hlan otẹ mítọn lẹ na nado na mí lọ ji. 4Yẹwhenọ lọ bo na yí oha lọ Sọn alọ towẹ mẹ, bo zé e dai to agbà OKLUNỌ lọ Jiwheyẹwhe towe tọn lọ nukọn. 5Hiẹ bo na gblọn bo dọ to OKLUNỌ lọ Jiwheyẹwhe towe nukọn dọ, Silianu búbútọ de wẹ otọ́ se, é bo sọ jẹte yì Egipti mẹ, bo wáwáṣi finẹ, vude to osọha mẹ; e bo sọ lẹzùn akọta de to finẹ daho, hlọnhlọnnọ, podọ sùsùnọ: 6Egiptinu lẹ lọ sọ zán mí ylankan, bo bianukunna mí, bo sọ zé afànuzọ́n sinsinyẹn do mí ji: 7mí bo sọ dawhá hlan OKLUNỌ lọ, Jiwheyẹwhe otọ́ mítọn lẹ tọn lọ, OKLUNỌ lọ sọ sè ogbè mítọn, bo sọ pọ́n nukunbibia mítọn, po magbọjẹ mítọn po, po awusinyẹn mítọn po: 8OKLUNỌ lọ bo sọ hẹn mí jẹgbonu sọn Egìpti mẹ wá po alọ hlọnhlọnnọ de po, podọ po awà dindlẹn jẹgbonu de po, podọ po awujiji daho po, podọ po ohia lẹ po, podọ po nujawu lẹ po: 9é bo ko sọ hẹn mí wá jẹ otẹn he mẹ, bo ko sọ na aigba he mí, aigba yí anọ́sìn po owín po do to sisà de. 10Podọ dinvie, dayi e go, yẹn ko hẹn sọn sinsẹ́n tintan aigba lọ tọn mẹ wá, he hiẹ, OKLUNỌ È, ko na mí, Hiẹ nasọ zé e dai to OKLUNỌ lọ Jiwheyẹwhe towe nukọn, bo sọ litai to OKLUNỌ lọ Jiwheyẹwhe towe nukọn: 11hiẹ nasọ to ayajẹ to dagbe he OKLUNỌ lọ Jiwheyẹwhe towe ko na hlan we lẹpo mẹ, podọ hlan owhé towe, hiẹ, po Levinu lọ po, po ojónọ he tin to gblagbla towé mẹ lọ po.
12Whenuena hiẹ ko basi opòdo madaonina madao jideji towe tọn lẹpo tọn de to owhè atọ̀ntọ lọ mẹ, he yín owhè madaonina tọn lọ, whenẹnu wẹ hiẹ na yí Í na hlan Levinu lọ, hlan ojónọ lọ, hlan tọsiọvi lọ, podọ hlan asusiọsi lọ, na yé nido dù to hòngbo towe lẹ hòmẹ, bo yín gigọ́; 13hiẹ bo na dọ to OKLUNỌ lọ Jiwheyẹwhe towe nukọn dọmọ, Yẹn ko dè onú hìhio lẹ lọ sọn owhé ṣie gbé, podọ bo ko yí yé na hlan Levinu lọ, podọ hlan ajónọ lọ, hlan tọsiọvi lọ, podọ hlan asúṣiọsi lọ, kẹdẹdi gbèdide towe lẹpo he hiẹ ko degbèna mi: Yẹn ma jẹsénmẹna ode sọn gbèdide towe lẹ mẹ gba, mọ yẹn ma sọ wọn yé gbà: 14yẹn ma ko dù sọn e mẹ to awubla ṣie mẹ gba, mọ yẹn ma ko sọ dè sẹ̀ sọ̀n e mẹ gba, yínyín mawé, kavi na sọn e mẹ ná oṣiọ lọ gba: yẹn ko tuntóai hlan ogbè OKLUNỌ lọ Jiwheyẹwhe ṣie tọn, yẹn ko wà kẹdẹdi ehe hiẹ degbèna hlan mi lẹpo. 15Pọ́n odò sọn fininọ wiwe towe mẹ, sọn ólọn mẹ, bo dona Islaeli omẹ towe lẹ, po aigba hé hiẹ ko na mí lọ po, dile hiẹ ko whle hlan ọtù mítọn lẹ do, aigba yí anọ́sìn po owín po do to sisà de.
16OKLUNỌ lọ Jiwheyẹwhe towe degbèna we to egbé he nado nọ basi asẹdai helẹ po whẹ̀dida lẹ po: enẹwutu hiẹ na nọ yí ayiha towe lẹpo, podọ po alindọn towe lẹpo po do payi yé go. 17Hiẹ ko yígbèna OKLUNỌ lọ to egbé he nado nọ yín Jiwheyẹwhe towe, podọ hiẹ na nọ zinzọnlin to ali etọn lẹ lọ mẹ, bo nọ payi asẹdai etọn lẹ go, po gbèdide etọn lẹ po, po whẹ̀dida etọn le po, bo sọ nọ tùntóai hlan ogbè ẹtọn. 18OKLUNỌ lọ ko sọ yígbèna we to egbe he nado nọ yín gbẹtọ gbọnvò de hlan ede, dile é ko gblọnadanna we do, podọ hiẹ do nọ ayi gbèdide etọn lẹpo go: 19podọ nado ẹn we yìjì hugan akọta he é ko basi lẹpo, na pipa de, podọ na oyín de, podọ na ogbégbigbo de; podọ na hiẹ nido yín gbẹtọ wiwe de hlan OKLUNỌ lọ Jiwheyẹwhe towe, dile é ko dọhó do.
271MOSE po mẹho Islaeli tọn lẹ lọ po degbèna gbẹtọ lẹ, dọmọ, Mì nọ payi gbèdide he yẹn dègbèna mì to egbé he lẹpo go. 2E bo na yín to azán lọ gbè whenuena mì na juyi jọdani gododọ̃n jẹ aigba he OKLUNỌ lọ Jiwheyẹwhe towe na we lọ ji, we hiẹ na zé zannu daho le dote na dewe, bo yí whóyinyan do tlẹ yé: 3hiẹ bo na wlan ohó osén he tọn lẹpo do yé ji, whenuena yè hẹn we juyi gododọ̃n; na hiẹ nido yì jẹ aigba he OKLUNỌ lọ Jiwheyẹwhe towe na we lọ mẹ, aigba yí anọ́sìn po owín po do to sisà de, dile OKLUNỌ lọ, Jiwheyẹwhe otọ́ towe lẹ tọn lọ, ko gblọnadanna we do. 4E nasọ yin whenuena mì juyi Jọdani gododọ̃n, wẹ mì na zé zannu helẹ dote, he yẹn degbèna mì to egbé he, to osé Ebali mẹ, hiẹ bo nasọ yí whéyinyan dó tlẹ yé. 5Finẹ wẹ hiẹ na do agbà de hlan OKLUNỌ lọ Jiwheyẹwhe towe te, agbà zannu lẹ tọn de: hiẹ ma na zé azónwànu ogàn tọn de daga do yé ji gba. 6Zannu mapamapa lẹ wẹ hiẹ na do do agbà OKLUNỌ lọ Jiwheyẹwhe towe tọn lọ: hiẹ nasọ yi avọ́nunina mimẹ̀ lẹ na to fìnẹji hlan OKLUNỌ lọ Jiwheyẹwhe towe: 7hiẹ nasọ nọ yí avọ́nunina jijọho tọn lẹ do sánvọ́, bo nasọ nọ dù to finẹ; hiẹ bo nasọ nọ jaya to OKLUNỌ lọ Jiwheyẹwhe towe nukọn. 8Hiẹ nasọ wlan ohó osẹ́n he tọn lẹ lọ lẹpo do zannu lẹ lọ ji diun talala.
9Moṣe po yẹwhenọ Levinu lẹ lọ po BỌ dọhó hlan Islaeli lẹpo, domọ, Islaeli È, nabọẹ, bo tùntóai; egbé he wẹ hiẹ tin lẹzùn gbẹtọ OKLUNỌ lọ Jiwheyẹwhe towe tọn lẹ. 10Enewutu hiẹ na nọ sètónuna ogbè OKLUNỌ lọ Jiwheyẹwhe towe tọn, bo sọ basi gbèdide etọn lẹ po asẹdai etọn lẹ po, he yẹn degbèna we to egbé he.
11Moṣe sọ nasẹ gbẹtọ lẹ lọ to gbèdoponẹ, dọmọ, 12Ehelẹ na site to osé Gelizimi ji nado nọ dona gbẹtọ lẹ lọ, whenuena yè hẹn mì juyi Jọdani gododọn; Simeoni, po Levi po, po Juda po, po Issakali po, po Josefu po, po Bẹnjamini po: 13podọ ehelẹ wẹ nasọ ṣite to osé Ebali ji na dẹhodo lọ; Leubeni, Gadi, po Aṣeli po, po Zẹbuluni po, Dani, po Naftali po. 14Levinu lẹ lọ na nọ yi ogbè lélé de do gblọn, bo dọ hlan omẹ Islaeli tọn lẹ lọ lẹpo dọ.
15Dèhodonọ omẹ lọ yin he basi boṣiọ pipa kavi kinkọ̀n de, osùnú de hlan OKLUNỌ lọ, azọ́n alọ ananọ lọ tọn lẹ lọ tọn, bo zé e dote to nuglọ. Gbẹtọ lẹ lọ lẹpo nasọ gblọn bo dọ, Niṣẹ.
16Dẹhodonọ ewọ yin he ma hò otọ́ etọn kavi onọ etọn pọ́n. Gbẹtọ lẹ lọ lẹpo bo na dọ, Niṣẹ.
17Dẹhodonọ ewọ yín he sẹtẹnna aigbahia kọmẹnu etọn tọn. Gbẹtọ lẹ lọ lẹpo bo na dọ Niṣẹ.
18Dèhodonọ ewọ yín he hen nukuntọ́nnọ lọ nado danbu sọn aliho lọ ji. Gbẹtọ lẹ lọ lẹpo bo na dọ, Niṣẹ.
19Dèhodonọ ewọ yín he gada whẹ̀dida ojónọ lọ tọn, tọsiọvi, po asúsiọsi po. Gbẹtọ lẹ lọ lẹpo bo na dọ, Niṣẹ.
20Dẹhodonọ ewọ yín he Kòndopọ hẹ asi otọ́ etọn tọn; na é ko hùn avọ̀ otọ́ etọn tọn wutu. Gbẹtọ lẹ lọ lẹpo bo na dọ, Niṣẹ.
21Dẹhodonọ ewọ yín he kondopọ hẹ kanlin hunkọ depope tọn. Gbẹtọ lẹ lọ lẹpo bo na dọ, Niṣẹ.
22Dẹhodonọ ewọ yín he kòndopọ hẹ nọviyọnnu etọn, viyọnnu otọ́ etọn tọn, kavi viyọnnu onọ etọn tọn. Gbẹtọ lẹ lọ lẹpo bo na dọ, Niṣẹ.
23Dẹhodonọ ewọ yín he kòndopọ hẹ onọ asi etọn tọn. Gbẹtọ lẹ lọ lẹpo bo na dọ, Niṣẹ.
24Dẹ̀hodonọ ewọ yín he linú kọmẹnu etọn to nuglọ. Gbẹtọ lẹ lọ lẹpo bo na dọ, Niṣẹ.
25Dẹ̀hodonọ ewọ yin he yí nunina nado hù gbẹtọ homẹvọnọ de. Gbẹtọ lẹ lọ lẹpo bo na dọ, Niṣẹ.
26Dèhodonọ ewo yín he ma hẹn ohó oṣén he tọn lẹ lọ lódo nado nọ basi yé. Gbẹtọ lẹ lọ lẹpo bo na dọ, Niṣẹ.
281E NASỌ wá jọ, eyín hiẹ na yí sọwhiwhe do tùntóai hlan ogbè OKLUNỌ lọ Jiwheyẹwhe towe ton, nado nọ payi nado basi gbèdide étọn lẹ lepo heyẹn degbèna we to egbé he, wẹ OKLUNỌ lọ Jiwheyẹwhe towe na zé we do oji hugan akota aigba lọ tọn lepo: 2dona hele pó nasọ wá oji we, bo pa we eyín hiẹ na nọ tùntóai hlan ogbè OKLUNỌ lọ Jiwheyẹwhe towe tọn. 3Donanọ hiẹ na yín to tòdaho lọ mẹ, podọ donano hiẹ na yín to ogle lọ mẹ. 4Donanọ osinsẹ́n agbasa towe tọn na yín, po osinsẹ́n aigba towe tọn po, po osinsẹ́n kanlinyìnyìn towe lẹ tọn po, jideji oyin towe lẹ tọn, po ovú kanlinpá towe tọn le po. 5Donanọ oha towe na yín po aklahòpanko towe po: 6Donanọ hiẹ na yín whenuena hiẹ wá whégbè, podo donanọ hiẹ: na yín whenuena hie jẹgbonu yì. 7OKLUNỌ lọ na hẹn kènto towe he fọ́n do oji we lẹ nado yín hihò to nukọn towe: Yé na gbọn aliho de ji jegbonu wá oji we, bo nasọ gbọn aliho ṣinawe họ̀nyì to nukọn towe. 8OKLUNỌ lọ na degbè dona lọ tọn do oji we to zĩnhọ̀ towe lẹ mẹ, podọ to ehe hiẹ yí alọ towé hlan lepo me; é nasọ dona we to aigba he OKLUNỌ lọ Jiwheyẹwhe towe na we lọ mẹ. 9OKLUNỌ lọ na do we ai na gbẹtọ wiwe de hlan ede, dile é ko whle hlan we do; eyín hiẹ na payi gbèdide OKLUNỌ lọ Jiwheyẹwhe towe tọn lẹ go, bo sọ nọ zinzọnlin to ali etọn lẹ mẹ. 10Gbetọ aigba tọn lẹ lọ lẹpo nasọ mọ dọ hiẹ yín yiylọ gbọn oyín OKLUNỌ lọ tọn dali; yé bo nasọ yín avosatọ towe tọn. 11OKLUNỌ lọ na hẹn we zùn sùsùnọ na dagbe, to osinsẹ́n agbasa towe tọn lọ mẹ, podọ to osinsẹ́n kanlinyìnyìn towe tọn lẹ me, podọ to osinsẹ́n aigba towe tọn lọ mẹ, to aigba he OKLUNỌ lọ whle hlan otọ́ towe lẹ nado na we lọ mẹ. 12OKLUNỌ lọ na hùn agbànhọ̀ dagbe etọn hlan we, olọn lọ nado na ojikun aigba towe tọn lọ to osã etọn mẹ, podọ nado dona azọ́n alọ towe tọn lẹpo: hiẹ wẹ na nọ yàn hlan akọta sùsù, hiẹ ma: na whé gba. 13OKLUNỌ lọ na hẹn we zùn ota lọ, osi lọ ma gba; podọ hiẹ na tin to aga jãnwẹ, hiẹ ma na tin to oglọ gba; eyín hiẹ na tuntóai hlan gbèdide OKLUNỌ lọ Jiwheyẹwhe towe tọn, he yẹn degbèna we to egbé he, nado nọ payido podọ nado nọ basi yé; 14bo ma na lẹ́ jẹla sọn ohó he yẹn degbèna mí to egbé he lẹ lọ tọn depope mẹ, hlan alọ adusi mẹ, kavi hlan amiọn mẹ, nado hodo yẹwhe devo lẹ yì nado sẹ́n yé.
15Ṣigba é na wá jọ, eyín hiẹ ma na tùntóai hlan ogbè OKLUNỌ lọ Jiwheyẹwhe towe tọn gba, nado nọ payi nado basi gbèdide etọn lẹpo po asẹdai etọn lẹ po he yẹn degbèna we to egbé he; wẹ odẹ̀hodo helẹ pó na wá oji we, bo sọ pla we. 16Dẹhodonọ hiẹ na yín to tòdaho lọ mẹ, podọ dèhodonọ hiẹ nasọ yín to ogle lọ mẹ. 17Dẹhodonọ oha towe na yín po aklahòpanko towe po 18Dẹ̀hodonọ osinsẹ́n agbasa towe tọn lọ na yín, po osinsẹ́n aigba towe tọn po, jideji oyín towe lẹ lọ tọn, po ovú kanlinpá towe tọn lẹ lọ po, 19Dẹ̀hodonọ hiẹ na yín whenuena hiẹ wá whégbè, podọ dẹ̀hodonọ hiẹ nasọ yín whenuena hiẹ jegbonu yí. 20OKLUNỌ lọ na do odẹ hodo, gbigbàdo, po whẹ̀dido po hlan oji we, to ehe hiẹ yí alọ towe hlan na nado wà lẹpo, kaka hiẹ do yín vivà, podọ kaka hiẹ do dòn plaun; na oylan wiwà towe lẹ tọn wutu, ehe dali hiẹ ko gbẹ́ mi dai. 21OKLUNỌ lọ na hẹn azọ̀nylankan lọ tó do ogo we, kaka é ko do hù we súdo sẹ́ sọn aigba lọ ji fiẹ mẹ hiẹ jei nado tindo e. 22OKLUNỌ lọ na yí azọ̀njẹmẹji do hò mì, podọ po avivọha po, podọ po miyọnhùnhùn po, podọ po yozo miyọnawu po, podọ po ohi po, podọ po jijayìngbé po, podọ po òdọ́ po; yé nasọ domọna we aka hiẹ do dòn 23Olọn towe he tin to ota towe ji na yín gànvẹ̃, podọ aigba he tin to ogí, towe na yín gànyu, 24OKLUNỌ lọ na hẹn ojikun aigba towe tọn lọ zùn ojẹ̀ po kọgudu po: olọn wẹ é na jẹte sọn olọn; wá oji we kaka hiẹ nado yín vivà. 25OKLUNỌ lọ na hẹn we nado yín hihò to kẹ̀ntọ towe lẹ nukọn: hiẹ na gbọn aliho de jẹgbonu yì kẹ́ntọ towe lẹ ji, bo nasọ gbọn aliho ṣinawe họ̀nyì to yé nukọn: hiẹ nasọ yín mìmímìmí sọnde sọndọn to ahọludu aigba tọn lẹ lọ lẹpo ṣẹnṣẹn. 26Osiọ towe nasọ yín núdùdù hlan ohẹ aganukunmẹ tọn lẹ, podọ hlan gbékanlin aigba tọn lẹ, omẹ de ma nasọ tin finẹ nado klọ́n yé sẹ̀ gba. 27OKLUNỌ lọ na yí nutitẹ Egipti tọn do hò we, podọ po nutitẹ ylankan lẹ po, podọ po akli po, podọ po azọ̀ndìndanlànmẹ lọ po, sọn ehemẹ hiẹ ma sọgan yín azọnhẹngbọna te. 28OKLUNỌ lọ nasọ yí núlulu do hò we, podọ po nukuntintọn po podọ po awujiji ayiha tọn po: 29podọ hiẹ na nọ dlavi to oklekle, dile nukun tónnọ nọ to avidla to zinvlu mẹ do, hiẹ ma na mọdagbe to ali towe lẹ mẹ gba: podọ hiẹ na yín nukunbianọ jãnwẹ podọ bibẹ́ yì, omẹ de ma nasọ tin finẹ nado whlẹn we gba. 30Hiẹ na dà asi de, sunnusi devo bo na kọ̀ndopọ hẹ ẹ: hiẹ na do ohọ̀ de, hiẹ ma na nọ̀ finẹmẹ gba: hie na do ovẹ̃npa de, bo ma na zán sinsẹ́n etọn gba 31Oyin towe na yín hùhù to nukun towe lẹ nukọn, hiẹ ma nasọ dù sọn e mẹ gba: kẹtẹkẹtẹ towe na yín yiyí huhlọn do yí sọyì sọn nukunmẹ towe nukọn, bo ma nasọ yín gigọ̀jó hlan we gba: lẹngbọ towe lẹ na yín nina hlan kẹ́ntọ towe lẹ, hiẹ ma nasọ tindo mẹde nado whlẹn we gba. 32Visunnu towe lẹ po viyọnnu towe lẹ po na yín nina hlan ome devo lẹ, nukun towe lẹ na to nupọ́n, nukundoaliho na yé to azán lọ lẹpo mẹ na si we: núde to huhlọn alọ towe tọn lọ mẹ ma na tin to finẹ gba. 33Sinsén aigba towe tọn, po tuklajẹ towe lẹpo po, wẹ akọta he hiẹ ma yọnẹn de na dù; hiẹ na yín bibianukunna jãnwẹ podọ pipẹtẹ whepoponu. 34Mọ dọ hiẹ na yín núlunọ na nupinpọ́n nukun towe lẹ tọn he hiẹ na mọ lọ. 35OKLUNỌ lọ na yí nutitẹ ylankan do hò we to kligonu lẹ mẹ, podọ to azàngandan lẹ lọ mẹ, ehe mẹ hiẹ ma sọgan yín azon hẹngbọna sọn gba, sọn afọpahomẹ afọ towe tọn jẹ ahọ̀ndòmẹ ota towe tọn. 36OKLUNỌ lọ na hẹn we wá, po ahọlu towe he hiẹ na zé do oji we lọ po jẹ akọta he hiẹ ma ko yọnẹn de de, hiẹ kavi otọ́ towe lẹ ma gba; podọ finẹ yé na nọ sèn yẹwhe devo lẹ te, atin po zannu po. 37Hiẹ Io na lẹzun awujinu de, hówhihwhén de, podọ hodọnu de to akọta lọ lẹpo ṣẹnṣẹn fiedali OKLUNỌ lọ na plan we yì 38Hiẹ na hẹn okún sùsù jẹgbonu yì jẹ dangbo, bo na bẹ́ pẹvide wá owhégbè; na owẹ́n lọ na dù i súdo. 39Hiẹ na do ovẹ̃npa lẹ bo sọ jla yé do, aigba hiẹ ma na nù sọn ovẹ̃n lọ mẹ gba, kavi bé vẹnsinsén lẹ lọ gba: na owán lọ na dù yé. 40Hiẹ na tindo atin oliviéli lẹ gbọn agboji towe lẹpo mẹ lẹ́do pé, ṣigba hiẹ ma na yí amì lọ do samìsisana dewe gba; na olivieli towe na jà sinsẹ́n eton kọ̀nyìngbé. 41Hiẹ na ji visunnu lẹ po viyọnnu lẹ po, ṣigba yé ma na yín towe gba; na yé na yì jẹ meglọnọ mẹ 42Atin towe lẹpo po sinsẹ́n aigba towe tọn po wẹ owọ́n lọ na yí. 43Ojónọ he tin to gblagbla towe mẹ na fọ́n daga to oji we dejideji; hiẹ bo na to tejẹ wá odò dejideji 44Ewọ na nọ yàn hlan we, hiẹ ma na yàn hlan ewọ gba: ewọ na yín ota lọ, hiẹ bo na yín osi lọ. 45Dẹ̀hodo helẹ pó na wá oji we, bo na domọna we, bo pla we, kaka hiẹ do yín vivà; na hiẹ ma tùntóai hlan ogbè OKLUNỌ lọ Jiwheyẹwhe towe tọn lọ wutu, nado nọ payi gbèdide etọn lẹ go po aṣedai eton he é ko degbèna we lẹ po; 46ye bo na tin to oji we na ohia de podọ na awujiji de, podọ to okún towe ji kakadoi: 47Na hiẹ ma sẹ́n OKLUNỌ lọ Jiwheyẹwhe towe po ayajijẹ po wutu, podọ po bomẹhùnhùn ayiha tọn po, gbon gege onú lẹ lọ lẹpo tọn dali: 48enẹwutu hiẹ na nọ sẹ́n kẹ̀ntọ tọwe he OKLUNỌ lọ na dohlan oji we lẹ, to huvé mẹ, podọ to nugbla me, podọ to omẹjijẹ mẹ podọ to ohẹ́njẹ onú lẹpo tọn mẹ: é bo nasọ yí oglepọnú ogan tọn de do okọ̀ towe, kaka ewọ ko do va we. 49OKLUNỌ lọ na hẹn akota de sọn aganu wá oji we, sọn opòdo aigba tọn lọ dile akùn nọ zlọn do; akọta de ogbè mẹhetọn hiẹ ma na tunwun gba: 50akọta nukunmẹ yinylọnnọ de, he ma na ho nukunta mẹho tọn pọ́n, kavi do nukundagbe hia hlan yọ̀pọ: 51é bo na dù sinsẹ́n kanlinyìnyìn towe tọn, po sinsẹ́n aigba towe tọn po, kaka hiẹ na do yin vivà he ga ma na pò gbadó dai na we, ovẹ̃n, kavi amì, jideji oyin towe tọn, kavi ovú kanlinpá towe tọn, kaka é ko do hẹn we nado dọ̀n 52E nasọ doawhànledo we to họngbo towe lẹ lẹpo mẹ, kaka adó yìji podọ oglọnnọ towe lẹ do wá odò, ehemẹ hiẹ dotudo, gbọn aigba towe lẹpo mẹ ewọ bo nasọ doawhànlẹ́do we to họngbo towe lẹpo mẹ gbọn aigba towe he OKLUNỌ lọ Jiwheyẹwhe towe ko na we lẹpo mẹ 53Hiẹ bo nasọ nọ dù sinsẹ́n agbasa towe titi tọn, olàn visunnu towe lẹ tọn po viyọnnu towe lẹ tọn po he OKLUNỌ lọ Jiwheyẹwhe towe ko na we; to sladodokọ̀jinamẹ lọ mẹ podọ to giglọnmedo lọ mẹ, ehe kẹ́ntọ towe lẹ na do glọn we do. 54Sunnusi he yín lẹblanunọ to mì sẹnsẹn, podọ abọẹabọẹnọ, nukun etọn na yín yinylan hlan nọvisunnu etọn dali, podọ hlan asi akọ́n etọn tọn lọ dali, podọ hlan pipòtọ ovi etọn lọ tọn he é tindo pipò lẹ dali: 55mọ dọ ewọ ma na na depope yé tọn sọn olàn ovi etọn mẹhe é na dù lẹ lọ tọn mẹ gba, na é ma tindo núde pipóai nẹ́ wutu; to sladodokojinamẹ lọ mẹ podọ to giglọnmẹdo lọ mẹ, ehe kẹ́ntọ towe na do glọn we do to họ̀ngbo towe lẹ lẹpo mẹ. 56Yọnnusi lẹblanu nọ podọ abọẹabọẹnọ to mì ṣẹnṣẹn, he ma na hà nado ze afọpàhomẹ afọ etọn tọn do aigba lọ ji na abọẹninọ po lẹblanu po, nukun etọn na yín yinylan hlan asú akọn etọn mẹ tọn lọ dali, podọ hlan visunnu etọn dali, podọ hlan viyọnnu etọn dali; 57podọ hlan okúkan etọn he tọ́n sọn afọ etọn lẹ ṣẹnṣẹn wá dali, podọ hlan ovi etọn he é na ji lẹ dali; na é na dù yé to nuglọ na ma tin onú lẹ lẹpo tọn: to sladodokọ̀jinamẹ lọ mẹ podọ to giglọnmẹdo lọ me, ehe, kẹ̀ntọ towe na do glọn we do to hóngbo towe lẹ lẹpo mẹ. 58Eyín hiẹ ma na payi nado basi ohó osẹ́n he tọn lẹ lọ he yè wlan do owé he me, na hiẹ nido nọ dibusi oyín gigonọ podọ osinọ he, OKLUNỌ LỌ JIWHEYẸWHE TOWE; 59whenẹnu wẹ OKLUNỌ lọ na hẹn azọ̀nylankan towe lẹ zùn awujinu, po azọ̀nylankan okún towe tọn lẹ po, yèdọ azọ̀nylankan daho lẹ, podọ dindẹnai tọn, po olànmẹzòn ylankan lẹ po, podọ dindẹnai tọn. 60E bo nasọ hẹn okúzọ̀n Egipti tọn lẹ lọ lẹpo vó gò wá oji we, he hiẹ yín avosatọ na; yé nasọ tó do ogo we. 61Lànmẹzòn lẹpo ga, po azọ̀nylankan lẹpo pọ, he yè ma wlan do owé osẹ́n he tọn mẹ gba, yé wẹ OKLUNỌ lọ nasọ hẹn wá oji we, kaka hiẹ do yín vivà. 62Mìlẹ nasọ yín pipodai pẹ de to osọha mẹ, whenẹnu mọ mìlẹ ko tin di sunwhlẹvu olọn tọn le na gégé; na hiẹ ma tùntóai hlan ogbè OKLUNỌ lọ Jiwheyẹwhe towe tọn wùtu. 63E nasọ wá jọ, dọ dile OKLUNỌ lọ jaya to mì ji do nado wà dagbe na mì, podọ nado hẹn mì yín sùsù; mọwẹ OKLUNỌ lọ nasọ jaya to mì ji do nado hẹn mì nado dọ̀n, podọ nado và mì; mìlẹ bo nasọ yín dindọ̀nsún sẹ́ sọn aigba lọ mẹ fie mẹ hiẹ jei nado yí i 64OKLUNỌ lọ bo nasọ vúnvún we do akọta lẹ lọ lẹpo sẹnẹẹn sọn opòdo aigba tọn de yèdọ jẹ opodo aigba lọ tọn; podọ finẹ hiẹ na sẹ́n yẹwhe devo he hiẹ ma ko yọnen lẹ te, hiẹ kavi otọ́ towe lẹ ma gba, yèdọ atin po zannu po. 65Podọ hiẹ ma na mọ awubọ to akọta helẹ ṣẹnṣẹn gba, podọ gbọjẹ de ma na tin na afọpahomẹ afọ towe tọn gba: ṣigba OKLUNỌ lọ na na ayiha sisọsisọ de we to finẹ, po nukun kangbigble tọn lẹ po, po alindọn gbigbadó tọn po: 66ogbẹ́ towe na pla nukọn towe to ayiawe mẹ: hiẹ bo na nọ dibu to ozán po okle po, bo ma na tindo yinyọnẹn ogbẹ́ towe tọn de gba: 67to afọnnu lọ mẹ hiẹ na dọmọ, Jiwheyẹwhe do jlo e yín whèjai! podọ to whèjai hiẹ nasọ dọmọ, Jiwheyẹwhe do jlo é yín afọnnu! na obu ayiha towe tọn he hiẹ na di, podọ na númimo nukun towe lẹ tọn he hiẹ ná mọ. 68OKLUNỌ lọ nasọ yí ohún lẹ do vọ́ we hẹnwá jẹ Egipti mẹ, gbọn aliho lọ ji ehe tọn yẹn dọ hlan we dọ, Hiẹ ma to nasọ mọ ẹn ba gba: finẹ mì na sà mìde te hlan kẹ̀ntọ mìtọn lẹ na afànumẹsunnu lẹ podọ na afànumẹyọnnu lẹ, omẹ de ma nasọ hó mì.
291EHELẸ wẹ ohó alónu lọ tọn lẹ he OKLUNỌ lọ degbèna Moṣe nado basi po ovi Islaeli tọn lẹ lọ po to aigba Moabi tọn lọ ji, dogọ́ alẹ́nu lọ he é basi po yé po to Holebi mẹ.
2Moṣe sọ ylọ hlan Islaeli lẹpo, bo dọ hlan yé dọmọ, Mì ko mọ ehe OKLUNỌ lọ wà to nukun mìtọn lẹ nukọn to aigba Egipti tọn lọ ji hlan Falo, podọ hlan devi etọn lẹ lẹpo, podọ hlan aigba etọn lẹpo; 3whlepọ́n daho he nukun towe lẹ mọ lẹ, ohia lẹ lọ, po awujinu daho nẹlẹ po: 4ṣigba OKLUNỌ lọ ma ko na ayiha de we nado yọnẹn, podọ nukun lẹ nado mọ̀ podọ otọ́ lẹ nado sè, jẹ egbé he gba. 5Podọ yẹn ko to mì do to zùngbo lọ mẹ owhè kande: avọ̀ mìtọn lẹ ma dohó to mì go, podọ afọpa towe ma sọ dohó to afọ towe go gba. 6Mìlẹ ma ko dù akla, kavi ko nù ovẹ̃n kavi núnùnù sinsinyẹn gba: na mì nido yọnẹn dọ yẹn wẹ OKLUNỌ lọ Jiwheyẹwhe mìtọn. 7Podọ whenuena mìlẹ wá jẹ Otẹn he mẹ, Sihọni ahọlu Hẹṣbọni tọn lọ, po Ogi ahọlu Baṣani tọn lọ po, tón wá mí ji jẹ awhànfuntẹnmẹ, mí sọ hò yé: 8mí sọ yí aigba yetọn, bo yí i na hlan Lẹubeninu lẹ lọ, podọ hlan Gadinu lẹ lọ, podọ hlan odá whẹndo Manassenu lẹ lọ tọn, na ogú de. 9Enẹwutu mì ni payi ohó alẹ̀nu he tọn lẹ go, bo nọ basi yé, na mìlẹ nido nọ yí nuyọnẹn do zán to ehe mì wiwà lẹpo mẹ.
10Mì omẹ pó wẹ site to egbé he to OKLUNỌ lọ Jiwheyẹwhe mìtọn nukọn, nukọntọ mìtọn lẹ whẹndo mìtọn lẹ, mẹho mitọn lẹ, po azóngán mìtọn lẹ po, yèdọ sunnúsi Islaeli tọn lẹ lẹpo, 11omẹ flinfiin mìtọn lẹ, asi mìtọn lẹ, po ojónọ towe he tin to gblagbla osla towe lẹ tọn mẹ po, sọn didàtọ nake towe ton mẹ jẹ dindòntọ osìn towe tọn lọ ji: 12na hiẹ nido biọ alẹ́nu OKLUNỌ lọ Jiwheyẹwhe towe tọn mẹ po whiwhle etọn po mẹ, he OKLUNỌ lọ Jiwheyẹwhe towe basi po hi po to egbé he: 13na é nido do we ai to egbé he hlan ede na gbẹtọ de, podọ na é nido yín Jiwheyẹwhe de hlan we, dile é dọhó hlan we do, podọ dile é whle hlan otọ́ towe lẹ do, hlan Ablaham, hlan Isaki, podọ hlan Jakob. 14Mọ yẹn ma basi alènu he po whiwhle he po hẹ mìlẹ kẹdẹ gba; 15ṣigba hẹ ewọ he ṣite tofi po mí po to egbé he to OKLUNỌ lọ Jiwheyẹwhe mìtọn nukọn, podọ ga hẹ ewọ he ma tin tofi po mí po to egbé he: 16(na mì yọn lẹ mí nọ̀ aigba Egipti tọn lọ mẹ do; podọ le mí gbọn gblagbla akọta lẹ lọ tọn mẹ wá do he gọ mì zé; 17mìlẹ ko sọ mọ osùnú yetọn lẹ, po boṣiọ yetọn lẹ po, atin po zannu po, fataka po sika po, he tin to yé ṣẹnṣẹn:) 18sunnusi kavi yọnnusi kavi whédo kavi whẹndo nikã tin to mì ṣẹnṣẹn finẹ ayiha mẹhetọn do lé yì to egbé he sọn OKLUNỌ lọ jiwheyẹwhe mítọn de, nado yì nado nọ sẹ́n yẹwhe akọta nẹlẹ tọn lẹ; adò de nikã do tin finẹ to mì ṣẹnṣẹn he zé vivẹ́ po ogbò po hẹn gba; 19é bo sọ wá jọ, whenuena é sè ohó odẹ́hodo he tọn lẹ, wẹ é dona ede to ayiha etọn mẹ, dọmọ, Yẹn na tindo jijọho, eyín yẹn tlẹ to zọnlinzin to adingbàndido ayiha ṣie tọn mẹ, nado và pòpò po húhú po: 20OKLUNỌ lọ ma na jona ẹn gba, ṣigba whenẹnu adi OKLUNỌ lọ tọn po awuwhàn etọn po na sadi do omẹ nẹ go, bọ odẹ́hodo he yè wlan do owé he mẹ lẹpo na mlọn ewọ ji, OKLUNỌ lọ bo na gbidi oyín etọn sọn olọn glọ. 21OKLUNỌ lọ nasọ klan ẹn dovo sọn whẹndo Islaeli tọn lẹ lọ lẹpo mẹ hlan oylan, kẹdẹdi odẹ́hodo alọ́nu lọ lẹ tọn lẹpo he yè wlan do owé osẹ́n lọ tọn he mẹ. 22Bọ whẹndo he ja lọ, ovi mìtọn he na fọ́n to mì godo, po gbéjinu he na sọn aigba dindẹn de ji wá lọ po, na dọmọ, Whenuena yé mọ azọ̀nylankan aigba nẹ tọn lẹ, po olànmẹzọ̀n lẹ lọ po, he OKLUNỌ lọ ko do hẹn ẹn jẹazọ̀n; 23podọ bọ aigba lọ pete yín whèmí, po ojẹ, po, po fifiọ de po, bọ é ma yín dido, kavi hẹnsinsén gba, mọ ogbé de ma wú to finẹmẹ gba, di gohùnna Sọdọmi po Gomola po tọn lọ, Adina po Zeboiimi po he OKLUNỌ lọ hùngona to adi etọn mẹ, po homẹgble etọn po me: 24Yèdọ akọta lẹ lọ lẹpo na dọmọ, Etẹwutu wẹ OKLUNỌ lọ ko do wà le hlan aigba he? etẹ yozo adi daho he tọn lọ yín? 25Whenẹnu gbẹtọ lẹ na dọmọ, Na yé gbẹ́ alẹ́nu OKLUNỌ lọ tọn dai wutu, Jiwheyẹwhe otọ́ yetọn lẹ tọn lọ tọn, he é basihẹ yé whenuena é hẹn yé jẹgbonu sọn aigba Egipti tọn lọ ji wá; 26bo yí bo to yẹwhe devo lẹ sẹ́n, bo to taliaina yé, yẹwhe mẹhe yé ma yọnẹn lẹ, podọ mẹhe ewọ ma ko má hlan yé: 27enẹwutu wẹ yè hẹn adi OKLUNỌ lọ tọn jimiyọn do aigba he ji, nado hẹn odẹ̀hodo he yè wlan do owọ́ he mẹ lọ lẹpo wá e ji: 28OKLUNỌ lọ sọ họ̀nadọna yé sọn aigba yetọn mẹ to adi mẹ, podọ to homẹgble mẹ, podọ to homẹwlu daho mẹ, bo bẹ́ yé dlan jẹ aigba devo mẹ, di to egbé he. 29OKLUNỌ lọ Jiwheyẹwhe mítọn tọn wẹ asli onú lẹ lọ tọn: ṣigba onú he yè dèhia lẹ wẹ mí tọn po ovì mítọn lẹ tọn po kakadoi, na mí nido basi ohó osẹ́n he tọn lẹ lẹpo.
301E nasọ wá jọ, whenuena onú helẹ pó yínhẹnwá oji we, odona lọ po odẹ́hodo lọ po he yẹn ko zé do nukọn towe, bọ hiẹ na flin yé to akọta lẹ lọ ṣẹnṣẹn fiedali OKLUNỌ lọ Jiwheyẹwhe towe yàn we hlan, 2bo na lẹ́gọ̀ do OKLUNỌ lọ Jiwheyẹwhe towe de, bo na nọ yí ayiha towe lẹpo, podọ po alindọn towe lẹpo po do setónuna ogbè etọn kẹdẹdi ehe yẹn ko degbèna we to egbé he lẹpo, hiẹ po ovi towe lẹ po; 3na whẹnenu wẹ OKLUNỌ lọ Jiwheyẹwhe towe na lẹ́gọ̀ do mẹglọnọ towe de, bo tindo lẹblanu to oji wẹ, bo nasọ lẹ́gọ̀ bo ṣinyan we sọn akọta lẹ lọ lẹpo mẹ, fiedali OKLUNỌ lọ Jiwheyẹwhe towe ko vúnvún we hlan. 4Eyín mẹyandogbé towe lẹ de tin to opòdopatapata adà olọn tọn lọ lẹ mẹ, finẹ OKLUNỌ lọ Jiwheyẹwhe towe na sinyan we sọn, podọ finẹ wẹ é na hẹn we sọn wá: 5OKLUNỌ lọ Jiwheyẹwhe towe na hẹn we sọn finẹ wá jẹ aigba he otọ́ towe lẹ yí lọ mẹ, hiẹ nasọ yí i; é nasọ wà dagbe na we, bo hẹn we sudeji hugan otọ́ towe lẹ 6OKLUNỌ lọ Jiwheyẹwhe towe na gbòwhẹna ayiha towe, po ayiha okún towe tọn po, nado nọ yí ayiha towe lẹpo, po alindọn towe lẹpo po do yiwanna OKLUNỌ lọ Jiwheyẹwhe towe, na hiẹ nido gán. 7OKLUNỌ lọ Jiwheyẹwhe towe bo nasọ yí dẹ̀hodo helẹ pó do kẹntọ towe lẹ ji, podọ do yé he gbẹwanna we lọ ji, he homẹkẹndo we lọ. 8Hiẹ nasọ légọ̀ bo setónuna ogbè OKLUNỌ lọ tọn, bo sọ basi gbèdide etọn he yẹn degbèna we to egbó he lẹpo. 9OKLUNỌ lọ Jiwheyẹwhe towe na hẹn we zùn sùsùnọ to azọ́n alọ towe mẹ tọn lẹpo mẹ, to sinsẹ́n agbasa towe tọn mẹ, podọ to sinsẹ̀n kanlinyìnyìn towe tọn mẹ, podọ to sinsẹ̀n aigba towe tọn mẹ, na dagbe: na OKLUNỌ lọ nasọ vọ̀ ayajẹ to oji we na dagbe, dile é jaya to otọ́ towe lẹ ji do: 10eyín hiẹ na setónuna ogbè OKLUNỌ lọ Jiwheyẹwhe towe tọn, nado nọ payi gbèdide etọn lẹ go po asẹdai etọn he yè wlan do owé osẹ́n tọn he mẹ lẹ po; eyín hiẹ lẹ́ do OKLUNỌ lọ Jiwheyẹwhe towe de po ayiha towe lẹpo po, podọ po alindọn towe lẹpo po.
11Na gbèdide he he yẹn degbèna we to egbé he, é ma yín sinsinyẹn gbahu na we gba, mọ é ma tin dẹn boboe gba. 12E ma tin to olọn mẹ gba, bọ hiẹ do do dọmọ, Mẹnu wẹ na hẹji yì jẹ olọn mẹ na mí, bo hẹn ẹn wá mí de, bo hẹn mí nado sè e, na mí nido nọ basi i? 13Mọ é ma sọ tin to ohù lọ godo, bọ hiẹ do do dọmọ, Mẹnu wẹ nayi ohù lọ gododọ̃n na mí, nado hẹn ẹn wá jẹ mí de, bo hẹn mí nado sè e, na mí nido nọ basi i. 14Ṣigba ohó lọ tin to yakẹ talala to de we, to onù towe mẹ, podọ to ayiha towe mẹ, na hiẹ nido nọ basi i.
15Pọ́n, yẹn ko zè to egbé he do nukọn towe ogbẹ́ po dagbe po, podọ okú po oylan po. 16To ehe mẹ yẹn naṣẹ we te to egbé he nado nọ yiwanna OKLUNỌ lọ Jiwheyẹwhe towe, nado nọ zinzọnlin to ali etọn lẹ mẹ, podọ nado nọ payi gbèdide etọn lẹ go po aṣẹdai etọn lẹ po po whẹ̀dida etọn lẹ po, na hiẹ nido gán bo sudeji, podọ na OKLUNỌ lọ Jiwheyẹwhe towe nido dona we to aigba lọ mẹ fie mẹ hiẹ jei nado yí i. 17Ṣigbá eyín ayiha towe lẹ́kọ, bọ hiẹ ma na sè gba, ṣigba bo na yín dindọn ji, bo to yẹwhe devo lẹ litaina, bo sọ to yé sẹ́n; 18Yẹn sakunnu hlan mì to egbẹ́ he, dọ mì na dọ̃n dandan; mì ma na hẹn azán mìtọn lẹ dẹn to aigba lọ ji gba fie mì jujei Jọdani gododọ̃n nado yì e mẹ nado yí i. 19Yẹn ylọ olọn po aigba po nado dekunnu do mì ji to egbé he, dọ yẹn ko zé ogbẹ́ po okú po, dona lọ po odẹ́hodo lọ po do nukọn towe: enẹwutu dè ogbé, na hiẹ nido gán, hiẹ po okún towe po: 20Nado nọ yiwanna OKLUNỌ lọ Jiwheyẹwhe towe, nado nọ setónuna ogbè etọn, podọ nado nọ dọnsẹpọ jẹ e de: na ewọ wẹ ogbé towe po ogà azán towe lẹ tọn po: na hiẹ nido nọnọ̀ aigba he OKLUNỌ lọ whle hlan otọ́ towe lẹ, hlan Ablaham, hlan Isaki, podọ hlan Jakob nado na yé lọ mẹ.
311MOṢE bo sọ yì bo dọ ohó helẹ hlan Islaeli lẹpo. 2E sọ dọ hlan yé dọmọ, Owhè kantọ̀n mẹho wẹ yẹn to égbé he; Yẹn ma sọ sọgan jẹgbonu yì podọ wá whegbè ba gba; OKLUNỌ lọ ko sọ dọ hlan mi dọ, Hiẹ ma na hẹji yì Jọdani he godo gba. 3OKLUNỌ lọ Jiwheyẹwhe towe, ewọ na jẹnukọnna we yì gododọ̃n; ewọ na và akọta nẹlẹ sọn nukọn towe, hiẹ nasọ yí yé: podo Jọṣua, ewọ na jẹnukọnna we yì gododọ̃n, dile OKLUNỌ lọ ko dọhó do. 4OKLUNỌ lọ nasọ wà hlan yé dile é wà hlan Sihọni podọ hlan Ogi do, ahọlu Amolinu lẹ lọ tọn lẹ, podọ hlan aigba yetọn; mẹhe é và lẹ. 5OKLUNỌ lọ nasọ jó yé to mì nukọn, mìlẹ nasọ wà hlan yé kẹdẹdi gbèdide he yẹn ko do degbèna mì lẹpo. 6Mì yín huhlónnọ podọ tudido dagbe de tọn, mì dibu blo, mì sọ yín avosatọ na yé blo: na OKLUNỌ lọ Jiwheyẹwhe towe, ewọ é yín he po hi po to yìyì; é ma na blu we, kavi gbẹ́ we dai gba. 7Moṣe sọ ylọ hlan Jọsua, bo dọ hlan ẹn to nukun Islaeli lẹpo tọn mẹ dọmọ, Yín huhlọnnọ podọ tudido dagbe de tọn: na hiẹ na yì o omẹ he lẹ po jẹ aigba he OKLUNỌ lọ whle hlan otọ́ yetọn lẹ nado na yé; hiẹ nasọ hẹn yé nado yí i. 8OKLUNỌ lọ, ewọ é yín he to yìyì to nukọn towe; é na tin to de we, é ma na blu we, mọ é ma na gbẹ́ we dai gba: a didu blo, mọ a sọ yín flujẹtọ blo.
9Moṣe sọ wlan osẹ́n he, bo yí i jó hlan yẹwhenọ ovi Levi tọn lẹ lọ, he nọ zé alki alẹ̀nu OKLUNỌ lọ tọn lọ hẹn, podọ hlan mẹho Islaeli tọn lẹ lọ lẹpo. 10Moṣe sọ degbèna yé, dọmọ, To opòdo owhè sinawe—sinawe tọn, to ojlẹ dido owhè odèdai tọn lọ tọn mẹ, to hùnwhẹ gohọtúntún lẹ tọn mẹ, 11Whenuena yè hẹn Islaeli lẹpo wá nado sọawúhia to OKLUNỌ lọ Jiwheyẹwhe towe nukọn to otẹn he é na dè lọ mẹ hiẹ na hia osẹ́n he to Islaeli lẹpo nukọn to nisè yetọn mẹ. 12Bẹ́ gbẹtọ lẹ lọ pli, sunnusi lẹ po yọnnusi lẹ po po omẹ flinflin lẹ lọ po, po ojónọ towe he tin to hòngbo towe lẹ hòmẹ po, na yé nido sè, podọ na yé nido plọnnu, bo nọ dibusi OKLUNỌ lọ Jiwheyẹwhe mìtọn, bo sọ nọ payi nado basi ohó osẹ́n he tọn lẹ lọ lẹpo; 13podọ na ovi yetọn, he ma ko yọnẹn lẹ, nido sè, bo sọ pọ́n nado nọ dibusi OKLUNỌ lọ Jiwheyẹwhe mitọn, dẹn sọle mi tin to aigba lọ ji fie mì jei Jọdani gododọ̃n nado yí i.
14OKLUNỌ lọ sọ dọ hlan Moṣe dọmọ, Dayi e go, azán towe lẹ dindọnsẹpọ bọ hiẹ na kú: Ylọ́ Jọsua, bo do mìde hia to ogohọ̀ opli tọn lọ mẹ, na yẹn nido na aṣẹ de e. Moṣe po Jọsua po sọ yì, bo do yéde hia to ogohọ́ opli tọn lọ mẹ. 15OKLUNỌ lọ sọ doawuhia to Ogohọ̀ lọ mẹ to odòtin aslọ tọn de mẹ: odotin aslọ tọn lọ ṣite to ohọ̀n Ogohọ̀ lọ tọn lọ dali. 16OKLUNỌ lọ sọ dọ hlan Moṣe dọmọ, Dayi e go, hiẹ na damlọn po otọ́ towe lẹ po; gbẹtọ he lẹ nasọ tite, bo yìyì galilọ de hodo yẹwhe alọpa de aigba lọ tọn lẹ, fie yé jei nado tin to ye ṣẹnṣẹn, bo nasọ gbẹ́ mi dai, bo gbà alẹ́nu ṣie he yẹn ko basi hẹ yé. 17Whenẹnu yè na hẹn adi ṣie jimiyọn do yé ji to azán nẹ gbè, Yẹn bo nasọ gbẹ́ yé dai, Yẹn bo na yí nukunmẹ ṣie whla sọn yé de, yé bo na yín súsúdo, oylan sùsù po tukla lẹ po nasọ wá yé ji; sọmọ bọ yé na dọ to azán nẹ gbè dọ, Na Jiwheyẹwhe mítọn ma tin mí ṣẹnṣẹn wutu ma wẹ yè hẹn oylan helẹ wá mí ji? 18Yẹn nugbo-nugbo bo na whla nukunmẹ ṣie to azán nẹ gbè na oylan he yé na ko wà lọ lẹpo, to ehe yé yín lilé hlan Yẹwhe devo lẹ de mẹ. 19Enẹwutu mì wlan ohàn he na mìde dinvie, hiẹ ni sọ plọn ẹn ovi Islaeli tọn lẹ lọ: yí i do onù yetọn lẹ mẹ, na ohàn he nido yín kunnudetọ de to ovi Islaeli tọn lẹ lọ ji na mi. 20Whenuena yẹn na ko hẹn yé jẹ aigba he yẹn whle hían otọ́ yetọn lẹ lọ ji, yíyí anọsìn po owín po do to sisà: bọ yé na ko dù bo hẹnhogọ́ yéde, bo klodojó; whenẹnu wẹ yé na lé jẹ yẹwhe devo lẹ de, bo to yé sẹn, bo to vivlẹ mi, bo sọ gbà alẹ́nu ṣie. 21E nasọ wá jọ, whenuena yè hẹn oylan lẹ po tukla lẹ po wá yé ji, wẹ ohàn he na to Kunnude to yé nukọn di kunnudetọ de; na é ma na yín winwọn sọn onù okún yetọn lẹ lọ tọn mẹ gba: na yẹn yọ́n aṣavakinkan yetọn he yé yìyì hodo, yèdọ to dinvie whẹpo yẹn ko do hẹn yé jẹ aigba he yẹn whle lọ ji 22Moṣe wlan ohàn he to azán dopolọ gbè bo plọn ẹn ovi Islaeli tọn lẹ lọ. 23E sọ na aṣẹ de Jọṣua visunnu Nuni tọn lọ, bo dọmọ, Yín huhlọnnọ podọ tudìdo dagbe de tọn: na hiẹ na hen ovi Islaeli tọn lẹ lọ wá jẹ aigba he yẹn whle hlan yé lọ mẹ: yẹn nasọ tin po hi po.
24E bo sọ wá jọ, whenuena Moṣe ko basi opòdo winwlan ohó osén he tọn lẹ tọn tọn de do owé de mẹ, kaka yè do vẹ̀ yé. 25Wẹ Moṣe degbèna Levinu he zé alki alénu OKLUNỌ tọn lọ tọn hẹn lẹ lọ, dọmọ, 26YL owé osén lọ tọn he, bo yi i do adà alki alẹ̀nu OKLUNỌ lọ Jiwheyẹwhe mìtọn tọn lọ tọn tọn dali, na é nido tin finẹ na kunnude de do oji we 27Na yẹn yọ́n atẹṣiṣi towe, po okò sinsinyẹn towe po: dayi e go, whenuena yẹn gbé togbẹ̀ po mì po to egbé he, mìlẹ ko yín atẹṣitọ do OKLUNỌ lọ go; sùsù whla nẹmunẹmu hugan to okú ṣie godo? 28Bé mẹho whẹndo mìtọn lẹ lọ tọn lẹpo, po azọngan mìtọn lẹ po pli do dẽ, na yẹn nido dọ ohó helẹ do otọ́ yetọn lẹ mẹ, bo sọ ylọ olọn po aigba po nado dekunnu do yé ji. 29Na yẹn yónen dọ to okú ṣie godo mì na hẹn mide gble gbidigbidi bo lẹ jẹla sọn ali he yẹn degbèna mì lọ ji; oylan nasọ jọ do mì go to azán godo tọn lẹ mẹ; na mìlẹ na wà enẹ he yín oylan to nukun OKLUNỌ lọ tọn mẹ wutu, nado hẹnhomẹgble e hlan adi gbọn azọ́n alọ mìtọn lẹ tọn lọ dali. 30Moṣe bo sọ dọ do otó agúnplidopọ Islaeli tọn lọ lẹpo tọn mẹ ohó ohàn he tọn lẹ lọ, kaka yè do vọ́ yé.
321122223344445566677778888991010101011111111121213131313141414141415151515161617171717181819192020202021212121222222222323242424242425252525262627272727282829293030303031313232323233333434353535353636363637373838383839393939393940404141414142424242424343434344Moṣe bo wá bo dọ ohó ohàn he tọn lẹ lọ lepo do otọ́ gbẹtọ lẹ tọn lẹ mẹ, ewọ, po Joṣua visunnu Nuni tọn lọ po. 45Moṣe bo sọ basi opòdo didọ ohó helẹ po ton de hlan Islaeli lẹpo: 46é bo sọ dọ hlan yé dọmọ, Mì zé ayiha mìtọn do hlan ohó he yẹn dekunnuna hlan mì to egbe he lẹpo lọ; he mì na degbèna ovi mìtọn lẹ, nado nọ payihá nado nọ basi ohó oṣén he tọn lẹ lẹpo 47Na é ma yín onú ovọ́ de na mì gba; hẹ ogbẹ̀ mìtọn e yín wutu, podọ gbọn onú he mẹ mìlẹ na hẹn azán mitọn lẹ dẹn to aigba lọ ji, fie mì jei to Jọdani godo nado yí i.
48OKLUNỌ lọ bo sọ dohó hlan Moṣe to azán dopo nẹ lọ gbè, dọmọ, 49Hẹn dewe hẹji yì jẹ osé Abalimi he mẹ, jẹ osé Nebo kòn, he tin to aigba Moabi tọn lọ ji, he tin pànnukọn Jẹliko; bo pọ́n aigba Kanani tọn lọ, he yẹn na hlan ovi Islaeli tọn lẹ lọ na nútindo de: 50bo kú to osé fie hiẹ hẹji jei lọ mẹ, bo yín bibépli hlan omẹ towe lẹ de; dile Aalọn nọvisunnu towe kú to osé Holi mẹ, ho sọ yín bibépli hlan omẹ etọn lẹ de do: 51na mìlẹ wàylan do ogo e to gblagbla ovi Islaeli tọn lẹ lọ tọn mẹ to osìn Meliba Kedẹṣi tọn tọn lẹ lọ kòn to zùngbo Zini tọn lọ mẹ wutu; na mìlẹ ma klan mi do wiwe to gblagbla ovi Islaeli tọn lẹ lọ tọn mẹ wutu. 52Na hiẹ na mọ aigba lọ to nukọn towe; ṣigba hiẹ ma na yì finẹdali jẹ aigba he yẹn na ovi Islaeli tọn lẹ lọ mẹ gba.
331Ehe sọ wẹ odona lọ, he Mosẹ omẹ Jiwheyẹwhe tọn lọ do dona ovi Islaeli tọn lẹ lọ jẹnukonna okú etọn. 2E sọ dọmọ,
2222233334455566777778888999999101010101111111112121212131313131414151516161616171717171718181819191919202020202121212121222222232323232424242425252626262727272728282828292929292929341MỌṢE bo sọ heji yì son dànfáfá Moabi tọn lẹ lọ ji jẹ osé Nebo kọn, jẹ aga Pisga tọn lọ, he tin pànnukọn Jẹliko. OKLUNỌ lọ sọ do aigba Gileadi tọn lọ lẹpo hia ẹ, jẹ Dani; 2po Naftali lẹpo po, po aigba Eflaimi po Manasse tọn lọ po, po aigba Juda tọn lẹpo po, jẹ ohù wheyihọdali tọn lọ ji; 3po huwaji lọ po, po Dànfáfá agbàdo tọn lọ tọn po ji, otòdaho atin odó tọn lẹ, jẹ Zoali. 4OKLUNỌ lọ sọ dọ hlan ẹn dọmọ, Ehe wẹ aigba he yẹn whle hlan Ablaham, hlan Isaki, podọ hlan Jakob lọ, dọmọ, Yẹn na na ẹn hlan okún towe: Yẹn ko hẹn we yí nukun towe lẹ do mọ ẹn, ṣigba ma na yì gododọ̃n dali gba. 5Mọ Moṣe devi OKLUNỌ lọ tọn kú do to finẹ to aigba Moabi tọn lọ ji, kẹdẹdi ohó OKLUNỌ lọ tọn lọ. 6E bo sọ di i do agbadò lọ mẹ to aigba Moabi tọn lọ ji pànnukọn Beti-peoli: ṣigba mẹde ma yọ́n núde gbọn oyówhéetọn tọn dali jẹ egbé he gba. 7Moṣe bo sọ yín owhè kantọ̀n mẹho whenuena é kú: nukun etọn ma súzín gba, mọ huhlọn etọn ma sọ yín dèpo gba. 8Ovi Islaeli tọn lẹ lọ sọ viavi na Moṣe to dànfáfá Moabi tọn lẹ lọ ji azán ogbàn: mọ yè hẹn azán avivivi tọn lẹ lọ to awubla mẹ na Moṣe pote. 9Jọṣua visunnu Nuni tọn lọ yín gigọ́ na gbigbọ nuyọnẹn tọn lọ; na Moṣe ko zé alọ etọn lẹ do e jì: ovi Islaeli tọn lẹ lọ sọ tùntóai hlan ẹn, bo sọ to wiwà dile OKLUNỌ lọ degbèna Moṣe do. 10Yẹwhegán de ma ko fọ́n to godo to Islaeli mẹ jijlẹ do Moṣe go gba, mẹhe OKLUNỌ lọ yọnẹn nukunmẹ hlan nukunmẹ; 11to ohia lẹ lọ lẹpo mẹ po nujawu lẹ lọ po, he OKLUNỌ lọ do e hlan nado basi to aigba Egipti tọn lọ ji, hlan Falo, podọ hlan devi etọn lẹ lepo, podọ hlan aigba etọn lẹpo; 12podọ to alọ hlọnhlọnnọ lọ lẹpo mẹ, podọ to núdobu daho lọ lẹpo mẹ, he Moṣe wà to nukun Islaeli lẹpo tọn lọ mẹ.