2 Timoti

¹PAULU, Aposteli Jesu Klisti tọn de gbọn ojlo Jiwheyẹwhe tọn mẹ, kẹdedi opagbe ogbè he tin to Klisti Jesu me, ²hlan Timoti, ovi yiwanna ṣie dódo: Ojọmiọn, leblanu, po jijọho po, sọn Jiwheyẹwhe Otọ́ de, podọ sọn Jesu Klisti Oklunọ mítọn de.

³Yẹn dopéna Jiwheyẹwhe, mẹhe yẹn to sinsẹ́n sọn otó-gbo ṣie lẹ de to ayiha wiwe mẹ, dọ to magbọjẹ mẹ yẹn to hiẹ flin tọ odó ṣie mẹ to ozán po okle po; ⁴talala wẹ yẹn jlọ nado mọ nukun towe mẹ, yẹn sọ tọ dasìn towe flin, na yè nido yí ayajijẹ do góhòna mi; ⁵whenuena yẹn flin yise matinklọ he tin to ohò towe mẹ, ehe ko tin to ohò Loisi, onọ towe daho tọn mẹ, podọ to ohò Euniki, onọ towe ton mẹ, do nukọn; yè hẹn mi yọnẹn dódo dọ, è tin to ohò towe mẹ ga. ⁶Na ehétọn yẹn naflin we, dọ hiẹ ni zé nunina; Jiwheyẹwhe tọn he tin to ohò towe mẹ gbọn alọ ṣie domẹji tọn dali daga. ⁷Na Jiwheyẹwhe ma na gbigbọ; obu tọn mí gba, adavo huhlọn tọn, owanyi tọn, po ayiha zìnzìn tọn po. ⁸Enẹwutu hiẹ kuwinyan okunnu Ọklunọ mìton tọn blo, kavi yẹn ogàntọ etọn tọn: ṣigba hiẹ ni yín máhẹtọ to nukunbibia wẹndagbe tọn; lẹ mẹ kẹdedi huhlọn Jiwheyẹwhe tọn; ⁹mẹhe ko whlẹn mí, bọ sọ yí oylọ wiwe do ylọ mí, é ma yín dile azón mítọn te gba, ṣigba dile lẹndote po ojọmiọn ewlọsu tọn te wẹ, ehe yè na mí to Klisti Jesu mẹ whẹpo aihọn do jọ, ¹⁰ṣigba yè sọhia dinvie gbọn awùsọhia Jesu Klisti Whlẹngantọ mítọn tọn dali, mẹhe sunsún okú sè bo sọ hẹn ogbè po makú po wá hinhọ́n mẹ gbọn wẹndagbe mẹ; ¹¹ehe yè dè mì nado basi yẹwhehodọtọ hlan, apọsteli po mẹplọntọ Kosi lẹ tọn po. ¹²Na ehewutu yen to yaji na onú helẹ; ṣigba winyan ma hù mi; na yẹn yọ́n mẹhe yẹn yise, yè sọ hẹn mi yọnẹn dódo dọ, ewọ sọgan yí onú he yen yí do alọ mẹ nẹ̃ whiákaka jẹ azán nẹ gbè. ¹³Hẹn ohia ohó tọn he pégan lọ go gligli, ehe hiẹ ko sè to dẽ, to yise po owanyi po mẹ, he tin to Klisti Jesu mẹ. ¹⁴Onú dagbe he yè na hlan we pọ́n e go gbọn Gbigbọ Wiwé he nọnọ̀ mí mẹ dali.

¹⁵Ehe wẹ hiẹ yọnẹn dọ, yé he tin to Asia lẹpo wẹ lé sọn godo ṣie; mẹhe mẹ Figelu po Hamọgini po tin te. ¹⁶Na Oklunọ ni na lẹblanu owhé Onesifọlu tọn; na é miọnhomẹna mi whla susu, winyan ma sọ hù i na ogàn ṣie; ¹⁷ṣigba, whenuena é tin to Lomu, é whèsọ din mi talala, bo sọ mọ mi. ¹⁸Oklunọ ni na ẹn nado mọ lẹblanu Oklunọ tọn to àzán nẹ gbè; podọ onú sọha he mẹ é wàdèvizọn te lẹ to Efesu, hiẹlọsu yọnẹn dagbedagbe.

¹ENẸWUTU hiẹ, ovi ṣie, yín hu hlọnnọ to ojọmiọn he tin to Klisti Jesu mẹ me. ²Podọ onú nẹlẹ he hiẹ ko sè to dẽ podọ to kunnudetọ susu de nẹlẹ, wẹ hiẹ ni yí do alọ mẹ na nugbonọ lẹ, mẹhe na sọgan plọn mẹdevo lẹ ga. ³Enẹwutu hiẹ ni doakónna onú he sinawú, di awhànvipẹ dagbe Jesu Klisti tọn de. ⁴Awhànfùntọ dé ma yí onú aihọn he tọn do bla ede; bo na sọgan hẹn homẹ ewọ he dè e do basi awhànvipẹ tọn hùn gba. ⁵Podọ ga eyín mẹdepope to pipla to ahididi mẹ, yè ma ko nọ ṣinyọn ojẹgbakun nẹ gba, adavo é plahi di osén tọn. ⁶Oglesi he to azọnwà whéwhé wẹ na dù to sinsẹ́n etọn mẹ. ⁷Lẹn onú he yẹn to didọ pọ́n; Oklunọ ni na nuyọnẹn we to onú popo mẹ. ⁸Flin dọ Jesu Klisti sọn okún Davidi tọn mẹ wẹ yè fọ́n tite sọn osiọ lẹ mẹ kẹdedi wẹndagbe sié: ⁹ehe mẹ yẹn to tuklajẹ diylahwàtọ, yèdọ jẹ ogàn mẹ; ṣigba yè ma dogàn ohó Jiwheyẹwhe tọn gba. ¹⁰Enẹwutu yẹn to akọndona onú lẹpo na mẹsinsinyan lẹ tọn wutu, na yewlẹ ga nido tindo whlẹngan he tin to Klisti Jesu mẹ, po gigo madopodo po ¹¹Nugbo wẹ ohó lọ: Na eyín mí zùn osiọ hẹ ẹ, mí na nò ogbè hẹ ẹ ga. ¹²Eyín mí jiya, mi na duahọlu hẹ ẹ ga: eyín mí món ẹn, ewọ nasọ mọ́n mí ga. ¹³Eyín mí ma yise, mọ ev ọ nọte di nugbonọ: ewọ ma sọgan món ede.

¹⁴Onú hẹlẹ wẹ hiẹ ni nọ flin yé, nọ kọhóna yé to Oklunọ nukọn dọ, yé sọ hòavùn ohó he ma dota tọn blo, ehe nọ hẹn yé he sè lẹ gble. ¹⁵Dovivẹnu nado do dewe hia di mẹhe pégan hlan Jiwheyẹwhe, azọ́nwàtọ he ma do na kuwinyan, ehe nọ má ohó nugbo tọn dile é je do kẹdẹ. ¹⁶Ṣigba gbé ohó ovó po ohógblo lẹ po dai, na yé nọ dé do jijọ ma-di-Jiwheyẹwhe tọn ji yì nukọn. ¹⁷Ohó yetọn na dùgbà di àpa vivo: ye mẹhe mẹ Himeneu po Filetu po té; ¹⁸mẹhe ko buali gbọn nugbo dali, bo sò to didọ dọ fọnsọnku ko juwayì dinvie; bo sọ sisé yise mẹdelẹ tọn liai. ¹⁹Ṣigba odòdó lili Jiwheyẹwhe tọn nọte, bo tindo ohia he, Oklunọ yón yé he yín etọn lẹ. Podọ, Gbọ omẹ depope he yín oyín Klisti tọn ni fọ́nyì sọn mawàdódó mẹ. ²⁰Dinvie to owhó daho gbè, é ma yín núzinzán sika tọn po fataka tọn po kẹdẹ wẹ tin to finẹ gba, ṣigba atin po okọ́ tọn po tin ga; delẹ hlan yeyi, podọ delẹ hlan madoyẹyi. ²¹Eyín mẹdepope sọ klọ́ ẹde sọn onú helẹ mẹ, ewọ na yin núzinzán yẹyi tọn, he yè dè dovo, ehe jẹ na zinzán owhénọ tọn, he yè wleawu etọn dai na azọ́n dagbe lẹpo. ²²Nọ hòn na wantúntún yọ̀pọ whenu tọn ga: ṣigba nọ hodo dódó, yise, owanyi, po jijọho po, hẹ yé he nọ ylọ Oklunọ to ayiha wiwe mẹ le. ²³Ṣigba nọ zẹ̀ na ohófusa po okanbiọ he mẹ nuyọnẹn ma tin te lẹ po, na le hiẹ yọnẹn dọ yé nọ doavùn dai do. ²⁴Na afànumẹ Oklunọ tọn ma ha na hòavùn; adavo dọ ni nọ wà dẹdẹ he gbẹtọ lẹpo, ni wleawu nado plónmẹ, bo sọ fahomẹ. ²⁵To wàlọmimiọn mẹ bo na nọ plọ́n yé he sọta yéde lẹ; eya Jiwheyẹwhe na na lẹnvọjọ yé hlan oyọnẹn nugbo tọn. ²⁶Podọ yé nido dè yéde sọn omò lẹgba tọn mẹ, mẹhe yè ko wle gbẹte gbọn lẹgbà dali: jẹ ojlo Jiwheyẹwhe tọn mẹ.

¹EHE wẹ hiẹ ni yọnẹn ga, dọ to azán lẹ godo ojìe áwusinyẹn tọn lẹ na wá. ²Na gbẹtọ lẹ na lẹzun owanyi na yéde tó, nukunkẹnnọ, awagundotọ, saklanọ, nùzantọ, tólivẹtọ do mẹjitọ go, mayọndagbenọ, mawénọ, ³matin owanyi ohẹnnumẹ tọn, alẹdatọ, meslẹtọ, awúmajáinanọ, kanylantọ, vivlẹtọ mẹdagbe lẹ tọn, ⁴ajannọ, tasinyẹntọ, goyitọ, wanyina asọ hú Jiwheyẹwhe tó; ⁵yé tindo ohia jijọ-di-Jiwheyẹwhe tọn, ṣigba yé mọn huhlọn etọn: omẹ mọtọn hunkọ le de wẹ hiẹ ni joagó sọn. ⁶Na omẹ helẹ hunkọ mẹ wẹ yé he nọ saklota biọ owhégbè lẹ sọn, bo sọ nọ wlé yọnnu nulunọ lẹ dagbòvẹna he yè ko do agbàn ylando tọn do ota na, ehe yè gbọn wántúntún hunkọhunkọ mẹ do to dindọn danpé, ⁷yé to núplọn tẹgbẹ, yé ma sọ sọgan jẹ oyọnẹn nugbo tọn mé gbède. ⁸Podọ dile Janne po Jambele po dìọnukunsọ Moṣe, mọwẹ ehelẹ ga sọta nugbo do: gbẹtọ ayiha gbigblenọ, ome gbigbé gbọn yise dali. ⁹Ṣigba yé ma to nukọn na yì hú mọ; na onulu yetọn na sọawúhia gbẹtọ lepo dile yewlẹ tọn sọawúhia do ga. ¹⁰Ṣigba hiẹ ko yón núplónmẹ ṣie hezéhézé, owalọ ṣie, lẹndote, yise, linsinsinyẹn, owanyi, homẹfa, ¹¹homẹkẹn, nukunbibia, he pla mi to Antioku, to Ikonioni po Listla po; homeken he yẹn doakónna: ṣigba sọn popo mẹ Oklunọ whlẹn mi. ¹²Mọwẹ, yé he jlo na nò jijọ-di-Jiwheyewhe tọn mẹ to Klisti Jesu mẹ lẹ, na nọ doakónna homẹkẹn. ¹³Ṣigba mẹylankan lẹ, po mẹklotọ lẹ po na to yinylan yì nukọn, yé na to mẹklọ, yè na sọ to yé klọ. ¹⁴Ṣigba hiẹ ni nọte to onú he hiẹ plọn lẹ mẹ, ehe hiẹ ko yi nukun towe hùn do e go hézé hézé, le hiẹ yón mẹhe de hiẹ plón yé te; ¹⁵podọ sọn ovu gbọn wẹ hiẹ ko yón Owó wiwe, he sọgan hẹn we zùn nuyọnentọ hlan whlẹngan gbọn yise he tin to Klisti Jesu mẹ. ¹⁶Owe wiwe lẹpo gbingbọn sọn Jiwheyẹwhe mẹ yín alenọ ga na mẹpinplọn, na wóhẹmẹ, na anadèmẹ, na núplónmẹ he tin to dódó mẹ: ¹⁷na Jiwheyẹwhe gbẹtọ nido pégan, he yè hẹn sọgbè mlẹnmlẹn hlan azọ́n dagbe lẹpo.

¹ENẸWUTU yẹn degbèna we to Jiwheyẹwhe nukọn, podọ to Jesu Klisti Oklunọ nukọn, mẹhe na dawhèna omẹ he to ogbẹ̀ po osiọ lẹ po to awúsọhia etọn po ahọludu etọn po whenu; ²nọ dọyẹwheho ohó lọ tọn; do magbojẹ na dewe to ojlẹ mẹ podọ to ma yín ojlẹ mẹ, nọ yí linsinsinyẹn po oplón lepo po do wọhẹmẹ, nọ yí do pọnmego, bo sọ nọ jlahomẹdonamẹ. ³Na ojlẹ na wa bọ yé ma to na doakónna oplọ́n he pégan; ṣigba to wantúntún yetọn titi me, yé he tlitó, yé na bé meplọntọ pli na yede; ⁴yé na lẹ otọ́ yetọn sọn nugbo me, bo nasọ gò do otàn ovó kòn. ⁵Ṣigba nọ hó dewe to onú popo mẹ, doakónna nukunbia, nọ to azón yẹwhehodọtọ tọn wà pe, bo nọ wàzón devizón towe tọn diun hézéhézé. ⁶Na yè ko túntún mi kònyìngbe dinvie di núnùnù he yè do sánvọ́ de, yìyì whenu ṣie sọ sẹpọ́. ⁷Yẹn ko hòavùn dagbe lọ, yẹn ko hẹn ali ṣie jẹ podo, yẹn ko yìn yise lọ: ⁸sọn dinvie yè ko zé ojẹgbakun dódó tọn daga na mi, ehe Oklunọ, whẹdatọ dódónọ, na na mi to azán nẹ gbè: é ma sọ yin hlan yen dopokẹdẹ gba, ṣigba hlan yé he yiwanna awúsọhia etọn le ga.

⁹Dovivẹnu nado wá dẽ to azánvi helẹ me: ¹⁰na Dema ko gbé mì dai, é yiwanna aihọn dinvie tọn, bo sọ yì Tẹsalonika; Klẹskẹni yì Galatia, Titu sọ yì Dalmatia. ¹¹Luku dopokẹdẹ wẹ to dẽ. Yí Malku bo hẹn ẹn wá po hiẹ po, na ewọ doale hlan mi na devizọn lọ. ¹²Tikiku wẹ yẹn dohlan Efesu. ¹³Avò he yẹn jodai to Tloa to Kalpu de, whenu hiẹ, ja, yí i wá po owe nẹlẹ pọ, humọ owé ayú tọn nẹlẹ. ¹⁴Alẹksandlé ayátọ gànvẹ̃ tọn wàylan susu do mi; Oklunọ na suahọ ẹ kẹdẹdi azón étọn lẹ: ¹⁵mẹhe dali hiẹ ni nọ payi dewe go te ga; na é ko glọnalina yẹwheho mítọn susu; ¹⁶ohó tintan gbigblọn ṣie whenu, mẹde ma yíwhé dọ oji e gba, ṣigba gbẹtọ lẹpo gbé mi dai; é do yín hihia na ahó yetọn blo. ¹⁷Ṣigba Oklunọ nọte to dẽ, bo sọ nahuhlọn mi; dọ gbọn yẹn mẹ yè nido la yẹwheho lọ to gigọ́ mẹ, podọ na Kosi lẹpo nido sè: yè sọ whlẹn mi sọn onù kinnikinni tọn mẹ. ¹⁸Oklunọ na whlẹn mi sọn azón ylankan lẹpo mẹ, é nasọ yí mi whlá kaka jẹ ahọludu etọn olọn tọn mẹ, mẹhetọn gigo yín kakadoidoi. Niṣẹ.

¹⁹Dọnúdo Pliska po Akuila po, po whédo Ónesifọlu tọn po. ²⁰Elastu sinai to Kọlinti; ṣigba Tlofimu wẹ yẹn jodai to Miletu to azọn mẹ. ²¹Dovivẹnu talala nado wá dẽ whẹpo avivo whenu na do wá. Eubulu po Pudeni po, Linu po Klaudia po, po mẹmẹsunnu lepo po dọnúdo we.

²²Oklunọ ni tin po gbigbọ towe po Ojomiọn mi tin pọ mì po. Niṣẹ.