2 Samuẹli

¹E sọ wá jọ to okú Sauli tọn godo, whenuena yè hẹn Davidi lẹ́gọ̀ sọn hùhù Amalẹkinu lẹ tọn gbé, bọ Davidi ko nó azán awe to Ziklagi mẹ; ²yèdọ é sọ wá jọ to azán atọ̀ntọ gbè, wẹ, dayi e go, dawe de tón wá sọn osla mẹ sọn Sauli de po avọ̀ etọn lẹ po tintlẹn, to okọ́ po to ota etọn: podọ mọwẹ é, yín, whenuena é wá Davidi de, wẹ é dé hlan aigba, bo kanwhébiọ. ³Davidi sọ dọ hlan ẹn dọ, Fiẹ hiẹ sọn wá? Ewọ sọ dọ hlan ẹn dọ, Osla Islaeli tọn mẹ wẹ yẹn hóngán sọn. ⁴Davidi sọ dọ hlan ẹn dọ, Nawẹ whẹ́hó lọ yì do? yẹn vẹ́ we, dọ na mi. Ewọ sọ gblọnhó dọ, Yè hẹn gbẹtọ lẹ họ̀nyì sọn awhànfuntẹn, yè sọ hẹn gbẹtọ lẹ jai bo kú; Sauli po Jonatani visunnu etọn po sọ yín oṣiọ ga. ⁵Davidi sọ dọ hlan yọ̀pọ sunnu he dọ nẹ̃ lọ dọ, Nawẹ hiẹ yọnẹn do dọ Sauli po Jonatani visunnu etọn po yín oṣiọ? ⁶Yọpọ sunnu lọ hedọ nẹ́ sọ dọmọ, Le yẹn yítẹn gbọn okòsọ dali to osé Gilboa ji, dayi e go, Sauli zẹ́nmẹnú to owhán etọn ji; bo, pọ́n, kẹkẹ lẹ po osónọ lẹ po to yìnyan ẹn badabada. ⁷Whenuena é pọ́n godo etọn, é mọ mi, bo ylọ hlan mi, Yẹn sọ gblọn dọ, Yẹn tin to ofi; ⁸Ewọ sọ dọ hlan mi dọ, Mẹnu wẹ hiẹ? yẹn sọ gblọn nẹ̃ dọ, Amalẹkinu de wẹ yẹn. ⁹E sọ dọ hlan mi dọ, Nọte, to dẽ, yẹn vẹ̀ we, bo hù mi, na awufiẹsa ko hẹn ogo e; na agbẹ́ ṣie gbẹ́ sọ tin blebu to yẹn mẹ wutu. ¹⁰Mowẹ yẹn sọ nọte to e dali, bo hù i, na yẹn yín yónẹnnọ dọ é ma sọgan nọ̀gbẹ̀ to godo he yè ko hẹn ewọ jai gba: yẹn sọ yí ojẹgbakun he tin to ota etọn, po awàgàn he tin to awà etọn po, bo ko sọ hẹn yé wá fìle jẹ klunọ ṣie de. ¹¹Whenẹnu wẹ Davidi hẹn avọ̀ etọn lẹ go, bo tlẹn yé; mọga wẹ omẹ he tin to e de lẹpo: ¹²Yé sọ blawu bo viavi, bo blanù kaka jẹ whèjai, na Sauli, podọ na Jonatani visunnu etọn, podọ na omẹ OKLUNỌ tọn lẹ, podọ na owhé Islaeli tọn; na yè hẹn yé jai gbọn ohi dali wutu. ¹³Davidi sọ dọ hlan yọ̀pọ sunnu lọ he dọ nẹ̃ dọ, Fiedali hiẹ sọn? Ewọ sọ gblọn dọ, Visunnu ojonọ de tọn yẹn yín, Amalẹkinu de. ¹⁴Davidi sọ dọ hlan ẹn dọ, Etẹwutu hiẹ ma yín avọ̀satọ nado dè alọ towe jẹgbonu nado và mẹyíamisisádodè OKLUNỌ tọn? ¹⁵Davidi sọ ylọ dopo sọn yọ̀pọ sunnu lẹ mẹ, bo dọmọ, Yi sẹpò, bo jẹ́ e ji. Ewọ sọ hò e bọ é kú. ¹⁶Davidi sọ dọ hlan ẹn dọmọ, Ohùn towe tin to ota towe; na onù towe dekunnu do oji we, dọmọ, Yẹn hù mẹyíamisisádodè OKLUNỌ tọn.

¹⁷Davidi sọ yí avigbè he do doavigbè do Sauli ji podọ do Jonatani visunnu etọn ji: ¹⁸Ewọ degbèna yé ni plọn ovi Juda tọn lẹ ohàn ogá lọ tọn: dayi e go, yè wlan ẹn do owé Jasali tọn mẹ.

¹E sọ wá jọ to onú he godo, wẹ Davidi kanbiọ sọn OKLUNỌ de, dọmọ, Bé yẹn na hẹji yi tòdaho Juda tọn lẹ de mẹ? OKLUNỌ sọ dọ hlan ẹn dọ, Hẹji yì. Davidi sọ dọmọ, Fie wẹ yẹn na hẹji yì? Ewọ sọ dọmọ, Hlan Heblọni dali. ²Mowẹ Davidi hẹji yì finẹ, po asi etọn awe lẹ po ga, Ahinoami Jẹzleẹlinu-yọnnu, po Abigaili asi Nabali Kalmẹlinu tọn po. ³Omẹ etọn lẹ he tin to e de lẹ wẹ Davidi sọ hẹn wá aga, omẹ dopodopo po whégbètọ? etọn po: yé sọ nọnọ̀ tòdaho Heblọni tọn lẹ mẹ. ⁴Omẹ Juda tọn lẹ wá, yé sọ samisisána ahọlu Davidi do owhé Juda tọn ji to finẹ. Yé sọ dọ na Davidi, dọmọ, Omẹ Jabẹsi-gileadi tọn lẹ wẹ yé he di Sauli. ⁵Davidi sọ do mẹdagun lẹ hlan omẹ Jabẹsi-gileadi tọn lẹ, bo dọ hlan yé dọ, Donanọ míwlẹ yín sọn OKLUNỌ de, bọ míwlẹ ko do do dagbewà he hia hlan klunọ mìtọn, yèdọ hlan Sauli, bo ko do di i. ⁶Dinvie OKLUNỌ ni do dagbewà po nugbo po hlan mì: yẹn ga na sọ suahó dagbewà he tọn mì, na mìwlẹ ko wà onú he wutu. ⁷Enẹwutu dinvie gbọ alọ mìtọn lẹ ni yín sinsinyẹn, míwlẹ ni sọ yín adántọ: na Sauli klunọ yín oṣiọ, podọ ga owhé Juda tọn ko samisisána mi do dè ahọlu do yé ji.

⁸Dinvie Abneli visunnu Nẹli tọn awhàngán awhànpa Sauli tọn tọn, ko yí Iṣi-boṣẹti visunnu Sauli tọn, bo hẹn ẹn wá aga to Mahanaimi; ⁹Ewọ sọ yí i do basi ahọlu do Gileadi ji, podọ do Asulìnu lẹ ji, podọ do Jẹzleẹli jì, podọ do Efiaimi jì, podọ do Bẹnjamini ji, podọ do Islaeli lẹpo ji. ¹⁰(Iṣi-boṣẹti yín owhè kande mẹho whenuena é ṣẹ nado dùahọlu to Islaeli ji, é sọ dùahọíu owhè awe.) Aigba owhé Juda to hihodo Davidi. ¹¹Ojlẹ he Davidi yín ahọlu to Heblọni mẹ to owhé Juda tọn ji yín owhè ṣinawe po osùn ṣidopo po.

¹²Abneli visunnu Nẹli tọn, po mẹmẹsi Iṣi-boṣẹti visunnu Sauli tọn tọn lẹ po, sọ tón yì sọn Mahanaimi yì Gibeoni. ¹³Joabi visunnu Zeluia tọn, po mẹmẹsi Davidi tọn lẹ po, tón yì, bo pó yé to tándò Gibeoni tọn dali; yé sọ sinai, ode to adà tándò tọn de ji, awetọ to adà awetọ tándò tọn lọ ji. ¹⁴Abneli sọ dọ hlan Joabi dọ, Yẹn vẹ́ we, gbọ yọ̀pọ lẹ ni tite bo daihún to mí nukọn. Joabi sọ dọmọ, Gbọ yé ni tite. ¹⁵Whenẹnu wẹ yé tite yì aga gbọn osọha dali; wiawe na Bẹnjamini, podọ na Iṣi-boṣẹti visunnu Sauli tọn, podọ wiawe sọn mẹmẹsi Davidi tọn lẹ mẹ. ¹⁶Yé omẹ dopodopo sọ hẹn ota hatọ etọn tọn, bo slọ ohi etọn do adà hatọ tọn mẹ; mọwẹ yé họ́jai dopọ; enẹwutu wẹ yè do nọ ylọ ofi nẹ dọ. Hẹlkati-hazulimi, he tin Gibeoni mẹ. ¹⁷Awhàn lọ sinyẹn gbenẹgbe talala, yè linu Abneli, po omẹ Islaeli tọn lẹ po, to mẹmẹsi Davidi tọn lẹ nukọn. ¹⁸Visunnu atọ̀n Zeluia tọn lẹ tin finẹ, Joabi, po Abisai po, po Asahẹli po: Asahẹli sọ yín omẹ fua sọn afọ di agbànlin de to-gbémẹ. ¹⁹Asahẹli sọ domọna to Abneli godo; to yìyì mẹ é ma lé hlan adusi mẹ kavi hlan amiyọn sọn hihodo Abneli mẹ gba. ²⁰Whenẹnu wẹ Abneli pọ́n godo, bo dọmọ, Hiẹ Asahẹli wẹ? Ewọ sọ gblọn dọ, Yẹn lọ wẹ. ²¹Abneli sọ dọ hlan ẹn dọ, Hiẹ ni lẹ́ doapadopo hlan adusi towe mẹ kavi hlan amiyọn towe mẹ, bo hẹn omẹ dopo go to yọ̀pọ sunnu lẹ mẹ, bo yí awhàngbaja etọn. Aigba Asahẹli ma jlo na lẹ́ doapadopo sọn hihodo e tọn mẹ gba. ²²Abneli sọ vọ́ dọ hlan Asahẹli dọ, Hiẹ ni lẹ doapadopo sọn hihodo mi mẹ: etẹtọn wẹ yẹn na do hò we liai? whenẹnu nawẹ yẹn na wà do zé nukunmẹ ṣie daga hlan Joabi nọvisunnu towe? ²³Ṣogãn é kó nado lẹ́ doapadopo: enẹwutu Abneli yí godo owhán etọn tọn sọ́ ẹ sọn hoto, bọ owhán lọ tọ́n jẹ godo etọn; é sọ họ́ jai to finẹ, bo kú to otẹn doponẹ mẹ: é sọ wá jọ, dọ omẹ sọha he wá otẹn fie Asahẹli họ́ liai bo kú te nọte ṣudúdú. ²⁴Aigba Joabi po Abisai po domọna Abneli to godo ja: owhè ko sọ yì odò whenuena yè hẹn yé wá agbègbè Amma tọn ji, he tin to Gia nukọn, to aliho zùngbo Gibeoni tọn tọn dali. ²⁵Ovi Bẹnjamini tọn lẹ pli yéde dopọ do Abneli godo, bo lẹzùn ogbẹ́ dopo, bo site to adadanu okóta de tọn ji. ²⁶Whenẹnu wẹ Abneli ylọ hlan Joabi, bo dọmọ, Bé ohi na to mẹvà kaka doi wẹ? bé hiẹ ma yọnẹn dọ é na yín ovivọ́ to opòdo to godo mẹ. Dẹn sọ na wẹ é na yín to whenẹnu, whẹpo hiẹ na do degbèna gbẹtọ lẹ ni lẹ́ sọn mẹmẹsunnu yetọn lẹ hihodo mẹ? ²⁷Joabi sọ dọmọ, Le Jiwheyẹwhe to ogbẹ́, eyín hiẹ ma ko dọhó gba, whenẹnu nugbonugbo gbẹtọ lẹ do ko yì to afọnnu, kavi omẹ dopodopo ma do hodo nọvisunnu etọn gba. ²⁸Mowẹ Joabi kún opẹ́n etọn, gbẹtọ lẹpo sọ ṣite abọẹ bo ma sọ yànmọna Islaeli ba, mọ yé ma sọ hòavùn depope humọ ba. ²⁹Abneli po omẹ etọn lẹ po gbọn Alaba mẹ yì to ozán nẹ mẹ; yé sọ juyì Jọdani gododọ̃n, bo gbọn Bẹti-lọni lẹpo mẹ yì, bo wá Mahanaimi. ³⁰Joabi sọ lẹ́ sọn Abneli hihodo mẹ: whenuena ewọ ko pli gbẹtọ lẹpo dopọ, omẹ fọtọ̀nnukunẹnẹ po Asahẹli po whè sọn mẹmẹsi Davidi tọn lẹ mẹ. ³¹Aigba mẹmẹsi Davidi tọn lẹ ko ho sọn Bẹnjamini mẹ, podọ sọn omẹ Abneli tọn lẹ mẹ, sọmọ bọ ọmẹ fọdekẹnnẹ kú. ³²Yé sọ zé Asahẹli, bo di i do oyọ̀whé otọ́ etọn tọn mẹ, he tin to Bẹti-lehẹmi mẹ. Joabi po omẹ etọn lẹ po sọ yì to ozán nẹ mẹ, okle sọ gbà do yé ji to Heblọni.

¹DINVIE awhàn dindẹnaì tin to owhẹ́ Sauli tọn po owhé Davidi tọn po ṣẹnṣẹn: Davidi sọ to, sinsinyẹn deji, ṣigba Sauli to ogán depò deji. ²Yè sọ ji visunnu lẹ hlan Davidi to Heblọni mẹ: plọnji etọn wẹ Ammọni, sọn Ahinoami Jẹzleẹlinu-yọnnu homẹ; ³awetọ etọn Kileabi, sọn Abigaili asi Nabali Kalmẹlinu tọn homẹ; atọ̀ntọ, Absalomi visunnu Maaka tọn viyọnnu Talmai ahọlu Gẹṣuli tọn tọn homẹ; ⁴ẹnẹtọ, Adonija visunnu Hagiti tọn; atóntọ, Ṣefatia visunnu Abitali tọn; ⁵ṣidopotọ, Itleami, sọn Egla asi Davidi tọn homẹ. Ehelẹ wẹ yè ji hlan Davidi to Heblọni mẹ.

⁶E sọ wá jọ to ojlẹ he mẹ awhàn tin to owhé Sauli tọn po owhé Davidi tọn po ṣẹnṣẹn, wẹ Abneli hẹn ede sinyẹn to owhé Sauli tọn gbè. ⁷Dinvie Sauli tindo yọnnuyiyi de, oyín mẹhetọn yín Lizpa, viyọnnu Aia tọn: Iṣi-bosẹti sọ dọ hlan Abneli dọmọ, Etẹwutu wẹ hiẹ biọ họmẹ yì yọnnuyiyi otọ́ ṣie tọn de? ⁸Whenẹnu wẹ Abneli yín homẹgblenọ talala na ohó Iṣi-boṣẹti tọn lẹ, bo dọmọ, Bé ota avún he yín Juda tọn de tọn yẹn yín? Egbé wẹ yẹn do dagbewà hia hlan owhé Sauli otọ́ towe tọn, hlan mẹmẹsunnu etọn lẹ, podọ hlan họ́ntọ̀n etọn lẹ, bo ma jó we do álọ Davidi tọn mẹ gba, gãnṣo hiẹ yí lalo de do dowhẹ́ mi gbọn nawe he tọn dali. ⁹Jiwheyẹwhe ni wà mọ hlan Abneli, podọ humọ ga, eyín yẹn, dile OKLUNỌ ko whle hlan Davidi do, ma wà yèdọ mọ hlan ẹn; ¹⁰nado diọ ahọludu sọn owhé Sauli tọn gbè, podọ nado zé ofìn Davidi tọn daga do Islaeli ji podọ do Juda ji, sọn Dani yèdọ jẹ Beẹli-seba. ¹¹Ewọ ma sọ sọgan gblọn ohó devo na Abneli gba, na é dibuna ẹn wutu.

¹²Abneli sọ do mẹdagun lẹ hlan Davidi na etọn wutu, dọmọ, Mẹnutọn aigba lọ yín? didọ ga dọmọ, Basi dòndopọ towe do dẽ, bo, dayi e go, alọ ṣie na tin to de we, nado hẹn Islaeli lẹpo diọkọ wá de we. ¹³Ewọ sọ dọmọ, Ẹyin; yẹn na basi dọ̀ndopọ de do de we: ṣigba onú dopo yẹn na biọ sọn de we, enẹ wẹ, dọ hiẹ ma na mọ nukunmẹ ṣie adavo hiẹ hẹn Mikali viyọnnu Sauli tọn wá whẹ, whenuena hiẹ ja nado mọ nukunmẹ ṣie. ¹⁴Davidi sọ do mẹdagun lẹ hlan Iṣi-boṣẹti visunnu Sauli tọn, dọmọ, Jó asi ṣie Mikali na mi, mẹhe yẹn biọmọ hlan dẽ na ayútintan kanweko Filistini lẹ tọn. ¹⁵Iṣi-boṣẹti sọ do omẹ hlan, bo yí i sọn asú etọn de, yèdọ sọn Paltiẹli visunnu Lalẹi tọn de. ¹⁶Asú etọn sọ yì po e po, bo to avivi le é to yìyì, bo hodo e jẹ Bahulimi. Whenẹnu wẹ Abneli dọ hlan ẹn dọ, Lẹ́gó, yì: ewọ sọ gọ́yì.

¹⁷Abneli sọ dowé po mẹho Islaeli tọn lẹ po, dọmọ, To ojlẹ hóhó lẹ mẹ míwlẹ to Sauli din nado yín ahọlu to mì ji: ¹⁸Enẹwutu basi i lò: na OKLUNỌ ko dọhó Davidi tọn, dọmọ, Gbọn alọ Davidi devi ṣie tọn mẹ yẹn na whlẹn Islaeli omẹ ṣie lẹ sọn alọ Filistini lẹ tọn mẹ, podọ sọn alọ kẹ̀ntọ yetọn lẹpo tọn mẹ. ¹⁹Abneli sọ dọhó ga to otó Bẹnjamini tọn lẹ mẹ: Abneli sọ yì ga nado dọhó to otó Davidi tọn lẹ mẹ to Heblọni mẹ popo he sọawuhia dagbe hlan Islaeli, podọ hlan owhé Bẹnjamini tọn pete. ²⁰Mowẹ Abneli wá Davidi de to Heblọni, po omẹ okò po po e po. Davidi sọ basi núdùdù de na Abneli po omẹ he tin to e de lẹ po. ²¹Abneli sọ dọ hlan Davidi dọ, Yẹn na tite bo yì, bo na bẹ́ Islaeli lẹpo pli hlan klunọ ṣie ahọlu, dọ yé nido basi alẹ̀nù de po hiẹ po, podọ hiẹ nido dùahọlu do popo he alindọn towe jlo ji. Davidi sọ jó Abneli hlan yì; ewọ sọ yì jijọho mẹ. ²²Bo, dayi e go, mẹmẹsi Davidi tọn lẹ po Joabi po ja sọn ogblangbo de mẹ, bo hẹn ogblannu daho de wá po yé po: ṣigba Abneli ma tin to Davidi de to Heblọni mẹ gba; na ewọ ko jó e hlan yì, yè ko sọ hẹn ẹn yì jijọho mẹ. ²³Whenuena yè hẹn Joabi po awhànpa he tin to e de lẹpo po wá, yé dọ na Joabi, dọmọ, Abneli visunnu Nẹli tọn wá ahọlu de, ewọ ko sọ jó e hlan yì, yè sọ hẹn ẹn yì jijọho mẹ. ²⁴Whenẹnu wẹ Joabi wá ahọlu de, bo dọmọ, Eté hiẹ ko wà? dayi e go, Abneli wá de we; etẹwutu wẹ hiẹ jó e do yì, bọ yè hẹn ẹn yì patapata? ²⁵Hiẹ yọ́n Abneli visunnu Nẹli tọn, dọ é wá nado klọ we, podọ nado yọ́n tintọ́n jẹgbonu towe po gigọ̀wá whégbe towe po, podọ nado yọ́n popo he hiẹ to wiwà lẹ. ²⁶Whenuena yè hẹn Joabi tọ́n sọn Davidi de, é do mẹdagun lẹ hlan Abneli, yé sọ hẹn ẹn gò sọn odòtó Sila tọn kọ̀n: ṣigba Davidi ma yón ẹn gba ²⁷Whenuena yè hẹn Abneli lẹ́gọ̀ do Heblọni, Joabi yí i jẹapadopo biọ gblagbla họ́ngbo tọn mẹ nado dọhó po e po abọẹabọẹ, bo sọ hò e to finẹ sọn hoto, bọ ewọ kú, na ohùn nọvisunnu etọn Asahẹli tọn. ²⁸To godomẹ whenuena Davidi sè e, é dọmọ, Yẹn po ahọludu ṣie po tin matinwhẹ́yínylan to OKLUNỌ nukọn kakadoi sọn ohùn Abneli visunnu Nẹli tọn tọn mẹ: ²⁹gbọ é ni flẹ jẹ ota Joabi tọn, podọ jẹ owhó otọ́ etọn tọn lẹpo ji; a sọ dike yè din sọn owhó Joabi tọn gbè omẹ he tindo azọ́n ohùn tọn, kavi he yín opòtọnọ de, kavi he dó do opò de ji, kavi he jai gbọn ohi dali, kavi he akla whèdo bapò blo. ³⁰Mọwẹ Joabi po Abisai nọvisunnu etọn po hù Abneli, na ewọ ko hù Asahẹli nọvisunnu yetọn to awhànfuntẹn mẹ to Gibeoni wutu.

³¹Davidi sọ dọ hlan Joabi, podọ hlan omẹ he tin to e de lẹpo po dọmọ, Mì tlẹn avọ̀ mìtọn lẹ, bo yí odẹ́vọ̀ do blagbajana mì, bo blawu to Abneli nukọn. Davidi ahọlu sọ hodo ṣiọján. ³²Yé sọ di Abneli to Heblọni mẹ: ahọlu sọ zé ogbè etọn daga, bo viavi to yọdò Abneli tọn kòn; gbẹtọ lẹpo sọ viavi. ³³Ahọlu sọ viavi na Abneli, bo dọmọ, Bé Abneli ni kú dile klenọ de kú do wẹ? ³⁴Yè ma bla alọ towe lẹ, mọ yè ma do afọ towe lẹ afọgàn lẹ mẹ: Dile omẹ de nọ jai to ovi ylanwiwà tọn lẹ nukọn do, mọwẹ hiẹ jai do. Gbẹtọ lẹpo sọ vọ́ avivi do e ji. ³⁵Gbẹtọ lẹpo sọ wá nado hẹn Davidi dù akla whenuena okle gbẹ́ sọ tin to ai; ṣigba Davidi whle, dọmọ, Jiwheyẹwhe ni wà mọ hlan mi, podọ humọ ga, eyín yẹn dọ́ akla pọ́n, kavi onu devo de, kaka owhè do tin to odò. ³⁶Gbẹtọ lẹpo sọ yí ayidonugo e tọn, é sọ hẹnhomẹhùn yé: dile nudepópe ahọlu wà nọ hẹnhomẹhùn yé do. ³⁷Mowẹ gbẹtọ lẹpo po Islaeli lẹpo po tunwun to gbenẹgbe dọ é ma sọn ahọlu de nado hù Abneli visunnu Nẹli tọn gba. ³⁸Ahọlu sọ dọ hlan mẹmẹsi etọn lẹ dọ, Bé míwlẹ ma yọnẹn dọ yè hẹn ahọvi de po omẹ daho de po jai to egbé to Islaeli mẹ? ³⁹Bọ yẹn to egbé yín madogánnọ, tlẹ yín ahọlu meyíamisisádodènọ; podọ omẹ helẹ visunnu Zeluia tọn lẹ yín sinsinyẹn hugán na mi: OKLUNỌ ni suahọ ylanwàtọ kẹdẹdi ylanwiwà etọn.

¹WHENUENA Isi-bosẹti, visunnu Sauli tọn, sè dọ Abneli yín osiọ to Heblọni mẹ, alọ etọn sọ lẹzùn madogánnọ, yè sọ hẹn Islaelìnu lẹpo jẹtukla. ²Isi-bosẹti, visunnu Sauli tọn, tindo sunnusi awe he yín awhàngán ogbé lẹ tọn, oyín ode tọn nọ yín Baana, oyín awetọ tọn Lekabi, visunnu Limmọni Beẹlotinu tọn lẹ, sọn ovi Bẹnjamini tọn lẹ mẹ: (na yè lẹn Beẹloti ga hlan Bẹnjaminì: ³Beẹlotinu lẹ sọ họ̀nyì Gitaimi, bo ko to wásinu yín to finẹ kakaje azán he gbè.)

⁴Dinvie Jonatani, visunnu Sauli tọn, tindo visunnu de he yín sékunọ sọn afọ etọn mẹ. Ewọ yín owhè atón mehọ whenuena linlin Sauli po Jonatani po tọ́n tẹ́n sọn Jẹzleẹli mẹ, mẹgopọ́ntọ etọn sọ zé e, bo họ̀njei: é sọ wá jọ, le é to awuya nado họ̀nyì, wẹ é flẹ, bo do lẹzùn sékunọ Oyín etọn nọ yín Mẹfibosẹti.

⁵Visunnu Limmọni Beẹlotinu tọn lẹ, Lekabi po Baana po sọ yì, bo wá owhé Isi-bosẹti tọn gbè to yozo okle tọn jlẹmẹ, le é to gbọjẹ etọn yí to okle. ⁶Yé sọ wá finẹ biọ gblagbla ohò lọ tọn mẹ, di yé ko jlo oli na yí; yé sọ hò e sọn hoto: Lekabi po Baana nọvisunnu etọn po sọ hòngán. ⁷Whenuena yé wá biọ owhé lọ gbè, le ewọ mlọn adọzan etọn ji to adọhò etọn mẹ, yé hò e, bo hù i, bo gbòtana ẹn, bo yí ota etọn, bo gbọn aliho Alaba tọn ji yì to ozán lẹpo me ⁸Yé sọ hẹn ota Isi bosẹti tọn wá Davidi de to Heblọni, bo dọ hlan ahọlu dọ, Pọ́n ota Isi-bosẹti visunnu Sauli tọn kentọ towe tọn tọn, he to ogbẹ́ towe din; OKLUNỌ ko sọ yíahọsuna aholu klunọ ṣie sọn Sauli go, podọ sọn okún etọn go to azán he gbè. ⁹Davidi sọ gblọnna Lekabi po Baana po visunnu Limmọni Beẹlotinu tọn, bo dọ hlan yé dọ, Le OKLUNỌ to ogbẹ, mẹhe ko fli alindọn ṣie sọn mẹgigla lẹpo mẹ, ¹⁰whenuena omẹ de dọ na mi, dọmọ, Dayi e go, Sauli yín oṣiọ, linlẹn na ko do hẹn owẹ̀n dagbe wá, Yẹn hẹn e go, bo hù i to Ziklagi mẹ, ehe yín ale he yẹn na ẹn na owẹn etọn ¹¹Nẹmunẹmẹ hú, whenuena omẹ ylankan lẹ ko hù gbẹtọ dódónọ de to ohó etọn titi mẹ to adọzan etọn ji, wẹ yẹn ma na kàn ohùn etọn biọ sọn alọ mìtọn mẹ, bo sọ dè mì sọn aigba ji? ¹²Davidi sọ degbèna yọ̀pọ sunnu etọn lẹ, yé sọ hù yé, bo sán alọ yètọn lẹ sé, po afọ yetọn lẹ po, bo zé yé pla aga to otandò kòn to Heblọni mẹ, Ṣigba ye zé ota Isi-bosẹti tọn, bo di i do yọdò Abneli tọn mẹ to Heblọni mẹ.

¹WHENẸNU wẹ whẹndo Islaeli tọn lẹpo wá Davidi de to Heblọni, bo dọhó, dọmọ, Dayi e go, ohú towe wẹ mí po agbasalan towe po. ²To ojlẹ hóhó lẹ mẹ, whenuena Sauli yín ahọlu to Islaeli ji, hiẹ wẹ ewọ he nọ plan Islaeli jẹgbonu bo sọ nọ hẹn en wá whégbe: OKLUNỌ sọ dọ hlan we dọ, Hiẹ wẹ na yìn Islaeli omẹ ṣie lẹ, podọ hiẹ na sọ yín ahọvi to Islaeli ji. ³Mowẹ mẹho Islaeli tọn lẹpo wá ahọlu de to Heblọni; ahọlu Davidi sọ basi alẹ̀nù de po yé po to Heblọni mẹ to OKLUNỌ nukọn: Ye sọ samisisána Davidi do dahọlu to Islaeli ji. ⁴Davidi yín owhè ogbàn mẹho whenuena é ṣẹ́ nado duahọlu, é sọ dùahọlu owhè kande. ⁵To Heblọni mẹ é dùahọlu to Juda ji owhè ṣinawe po osùn ṣidopo po: podọ to Jelusalẹm me é dùahọlu owhè ogbàn po osùn atọ̀n po to Islaeli po Juda po ji. ⁶Ahọlu po omẹ etọn lẹ po sọ yì Jelusalẹm do Jebusinu lẹ ji, tòmẹnu aigba lọ tọn lẹ: he dọhó hlan Davidi, dọmọ, Adavo hiẹ dè nukuntọ́nnọ lẹ po sẹ́kunọ lẹ po sẹ́, hiẹ ma na biọ whegbe wá file gba: linlẹn dọ Davidi ma sọgan biọ whégbe wá file gba. ⁷Ṣogãn Davidi yí figángán Ziọni tọn; doponẹ wẹ todaho Davidi tọn lọ. ⁸Davidi sọ dọ to azán nẹ gbè dọ, Mẹdepope he hò Jebusinu lẹ, gbọ é ni fọ́n yì sinmọji, bo hò sékunọ lẹ po nukuntọnnọ lẹ po, he yè gbẹwanna sọn alindọn Davidi tọn de. Enẹwutu yé dọmọ, Nukuntónnọ le po sékunọ lẹ po tin to finẹ; ewọ ma sọgan biọ owhé gbè wá gba. ⁹Davidi sọ nọ̀ ofi gángán lọ mẹ, bo nọ ylọ ẹ todaho Davidi tọn. Davidi sọ dóhọ lẹ́do pé sọn Milo podọ hlan, nhomẹdali. ¹⁰Davidi so to kiklo dejideji; na OKLUNỌ, Jiwheyẹwhe awhànpa lẹ tọn, tin po e po.

¹¹Hilami ahọlu Tile tọn do mẹdagun lẹ hlan Davidi, po kedalitin lẹ po, po atinpatọ lẹ po, po hòtlẹtọ lẹ po: yé sọ dó ohò de na Davidi. ¹²Davidi sọ mọhlan dọ OKLUNỌ ko yí i do dè ahọlu do Islaeli ji, podọ é ko zé ahọludu etọn daga na omẹ etọn lẹ na Islaeli tọn wutu.

¹³Davidi sọ yí yọnnuyiyi lẹ po asi lẹ po nẹ sọn Jelusalẹm, godo he yè hẹn ẹn sọn Heblọni wá: yè sọ vọ́ visunnu lẹ po viyọnnu lẹ po ji hlan Davidi. ¹⁴Ehelẹ yín oyín enẹlẹ tọn he yè ji hlan ẹn tó Jelusalẹm mẹ lẹ; Sammua, po Sobabi po, po Natani po, po Sọlomoni po, ¹⁵po Ibhali po, po Ehsua po; po Nẹfegi po, po Jafia po; ¹⁶po Elisama po, po Eliada po, po Elifẹlẹti po.

¹⁷Whenuena Filistini lẹ sè dọ yé ko samisisána Davidi do dahọlu do Islaeli ji, Filistini lẹpo hẹji yì nado din Davidi; Davidi sọ sè linlin e tọn, bo jẹte yì agbómẹ. ¹⁸Dinvie Filistini lẹ ko wá bo tó yéde do agbadò Lefaimi tọn mẹ. ¹⁹Davidi sọ kanbiọ sọn OKLUNỌ de, dọmọ, Yẹn ni hẹji yì pehẹ Filistini lẹ? hiẹ na jó yé do alọ ṣie me? OKLUNỌ sọ dọ hlan Davidi dọ, Hẹji yì: na yẹn na jó Filistini lẹ do alọ towe mẹ dodo. ²⁰Davidi sọ wá Baali-pẹlazimi, Davidi sọ hò yé to finẹ; é sọ dọmọ, OKLUNỌ ko gbà kẹ̀ntọ ṣie lẹ to nukọn ṣie, di gbàgbìgbo osìn lẹ tọn. Enẹwutu wẹ é ylọ oyín ofi nẹ tọn dọ Baali-pẹlazimi. ²¹Yé sọ jó boṣiọ yetọn lẹ dai to finẹ, Davidi po omẹ etọn lẹ po sọ bé yé yì.

²²Filistini lẹ sọ vọ́ jihẹ wá, bo tẹ́ yéde do agbado Lefaimi tọn mẹ. ²³Whenuena Davidi kanbiọ sọn OKLUNỌ de, é dọmọ, Hiẹma na hẹji yì gba: basi gbigbò de to yé godo, bo wá yé ji pànnukòn mulbeli-tin lẹ. ²⁴E na sọ yín, whenuena hiẹ sè ogbè afọdidè tọn to adadanu mulbeli-tin lẹ tọn mẹ, dọ whenẹnu wẹ hiẹ na fọ́nadan dewe: na whenẹnu wẹ yè hẹn OKLUNỌ jẹgbonu yì to nukọn towe nado hò awhànpa Filistini lẹ tọn. ²⁵Davidi sọ wà mọ, dile OKLUNỌ degbèna en do; bo hò Filistini lẹ sọn Geba kaka hiẹ do wá jẹ Gezẹli.

¹DAVIDI sọ vó omẹ sìnyansinyan Islaeli tọn lẹpo bé pli dopọ, fọtọ́n ogbàn. ²Davidi sọ tite, bo yì po omẹ he tin to e de lẹpo po, sọn Baale Juda ton, nado hẹn alki Jiwheyẹwhe tọn sọn finẹ wá aga, he yè nọ ylọ gbọn oyín dali, yèdọ oyín OKLUNỌ awhànpa le tọn tọn he sinai to kẹlúbimi ji. ³Yé sọ zé alki Jiwheyẹwhe tọn lọ do kẹkẹgèawenọ yọ́yọ́ de ji, bo hẹn ẹn tón sọn owhé Abinadabi tọn gbè he tin to okọta ji: Uza po Ahio po, visunnu Abinadabi tọn lẹ, sọ to kẹkẹgèawenọ yọ́yọ́ lọ dòn. ⁴Yé sọ hẹn ẹn tọn sọn owhé Abinadabi tọn gbè, he ko tin to okọta ji, po alki Jiwheyẹwhe tọn lọ po: Ahio sọ to yìyì to alki lọ nukọn. ⁵Davidi po owhé Islaeli tọn lepo po sọ yi hunkọhunkọ nuzinzán yè basi sọn filitin mẹ tọn lẹ, po ajalẹn lẹ po, po asiazón hànjinu lẹ po, po akòhún lẹ po, po asán lẹ po, po ajògàn lẹ po, do to aihúnda to OKLUNỌ nukọn. ⁶Whenuena yé wá jẹ ojitùn-gbàji Nakonì tọn, Uza dè alọ etọn tọ́n hlan alki Jiwheyẹwhe tọn, bo hẹn e go; na oyìnsú lẹ lọ dahli. ⁷Yè sọ hẹn adi OKLUNỌ tọn jimiyọn do Uza ji; Jiwheyẹwhe sọ hò e to finẹ na nuṣiwà etọn; finẹ é sọ kú do to alki Jiwheyẹwhe tọn lọ kọ̀n. ⁸Davidi sọ yín homẹmẹhùnnọ, na OKLUNỌ ko gbà jẹgbonu do Uza ji wutu: é sọ ylọ ofi nẹ dọ Pẹlezi-uza, jẹ egbé he, ⁹Davidi sọ yín avọ̀satọ na OKLUNỌ tọn to gbènẹgbe; é sọ dọmọ, Na alki OKLUNỌ tọn na wá dẽ do? ¹⁰Mowẹ Davidi ma jlo na diọtẹnna alki OKLUNỌ tọn hlan e de biọ tòdaho Davidi tọn mẹ gba; ṣigba Davidi hẹn ẹn yì olá biọ owhé Obẹdi-edọmi Gitinu tọn gbè. ¹¹Alki OKLUNỌ tọn sọ tin to owhé Obẹdi-edọmi Gitinu tọn gbè osùn atọ̀n: OKLUNỌ sọ dona Obẹdi-edọmi, po owhé etọn lẹpo po. ¹²Yè sọ dọ na Davidi ahọlu dọmọ, OKLUNỌ ko dona owhé Obẹdi-edọmi tọn, po ehe yín etọn lẹpo po, na alki Jiwheyẹwhe tọn tọn wutu. Davidi sọ yì bo hẹn alki Jiwheyẹwhe tọn hẹji sọn owhé Obẹdi-edọmi tọn gbè biọ todaho Davidi tọn mẹ po ayajẹ po. ¹³E sọ yín mọ, dọ whenuena yé he hẹn alki OKLUNỌ tọn lẹ ko yì afọdidè ṣidopo, é nọ yí oyín dopo do sánvọ po kanlinjonọ dopo po. ¹⁴Davidi sọ yí hlọnhlọn etọn lẹpo do to wèdu to OKLUNỌ nukọn; yè sọ yí ẹfọdi ala tọn de do blahomẹna Davidi. ¹⁵Mọwẹ Davidi po owhẹ́ Islaeli tọn lẹpo po yi abobo po ogbè opèn tọn po do hẹn alki OKLUNỌ tọn hẹji wá. ¹⁶E sọ yín mọ, le alki OKLUNỌ tọn biọ tòdaho Davidi tọn mẹ wá, wẹ Mikali viyọnnu Sauli lọn pọ̀n gbonu to ovésénu, bọ Davidi ahọlu to linlọn bo to wèdu to OKLUNỌ nukọn; ewọ sọ vlẹ ẹ to ayiha etọn mẹ. ¹⁷Yé sọ hẹn alki OKLUNỌ tọn lọ wá whégbe, bo zé e do otẹn etọn mẹ, to gblaglda gohò he Davidi ko pọ́n nẹ tọn mẹ: Davidi sọ na avọ nunina mimẹ̀ lẹ po avọ̀ nunina jijọho tọn lẹ po to OKLUNỌ nukọn. ¹⁸Whenuena Davidi ko dotana avọ̀ nunina mimẹ̀ lọ po avọ̀ nunina jijọho tọn lẹ po, é dona gbẹtọ lẹ to oyín OKLUNỌ awhànpa lẹ tọn tọn mẹ. ¹⁹E sọ má do gbẹtọ lẹpo ṣẹnṣẹn, yèdọ do agùn Islaeli tọn pete ṣẹnṣẹn, hlan sunnu lẹ po yọnnu lẹ po, hlan omẹ dopodopo hihi akla tọn de, po mimá olàn tọn de po, po hihi vẹnhúhú lẹ tọn de po. Mọwẹ gbẹtọ lẹpo fọ́nyì omẹ dopodopo jẹ owhé etọn gbè. ²⁰Whenẹnu wẹ Davidi lẹ́gọ̀ nado dona whédo etọn. Mikali viyọnnu Sauli tọn sọ tọ̀n wá nado pé Davidi, bo dọmọ, Na wẹ ahọlu Islaeli tọn yín gigonọ do to egbé, mẹhe dè ede domó to egbé to nukun deviyọnnu dẹvisunnu etọn lẹ tọn lẹ tọn mẹ, dile dopo sọn omẹ fusa lẹ mẹ nọ yí matinwínyan do dè ede domé do. ²¹Davidi sọ dọ hlan Mikali dọ, Nukọn OKLUNỌ tọn wẹ é yín, he glo mi pọn to otò towe ji, podọ to owhé etọn lẹpo ji, nado yí mi do dè ahọvi do omẹ OKLUNỌ tọn lẹ ji, do Islaeli ji: enẹwutu wẹ yẹn na daihún to OKLUNỌ nukọn. ²²Yẹn na gbẹ́ sọ yín omẹ fusa hú le, bo na sọ yín mẹvọ̀nu to nukun dẽ lọsu tọn mẹ: ṣigba deviyọnnu lẹ, ohò mehe tọn hiẹ dọ, sọn yé de wẹ yè na tindo mi to gbégbò mẹ. ²³Mikali viyọnnu Sauli tọn ma sọ tindo ovi de kakajẹ azán okú etọn tọn gbè.

¹E sọ wá jọ, whenuena ahọlu tin to owhé etọn gbè, bọ OKLUNỌ ko na gbọjẹ ẹ sọn kẹ̀ntọ etọn lẹpo de lédo, ²wẹ ahọlu dọ hlan Natani yẹwhegán dọ, Pòn dinvie, yẹn tin to ohò kedali tọn de mẹ, ṣigba alki Jiwheyẹwhe tọn tin to avọ̀hò lẹ homẹ. ³Natani sọ dọ hlan ahọlu dọ, Yì, wà núhe tin to ayiha towe mẹ lẹpo; na OKLUNỌ tin to de we. ⁴E sọ wá jọ to ozán doponẹ mẹ, wẹ ohó OKLUNỌ tọn wá Natani de, dọmọ, ⁵Yì bo dọ na Davidi mẹmẹsi ṣie dọ, OKLUNỌ dọ le, Bọ́ hiẹ na dó na mi ohò de na mi nado nọnọ̀ e mẹ? ⁶Na yẹn ma ko nò ohò de mẹ sọn azán he gbè he yẹn ko hẹn ovi Islaeli tọn lẹ hẹji sọn Egipti wá, yèdọ jẹ egbé he, ṣigba bo ko to zọnlinzin to gohọ̀ de mẹ podọ to oflò de mẹ. ⁷To ofi lẹpo fiemẹ yẹn ko to zọnlinzin te po ovi Islaeli tọn lẹpo po, bé yẹn dọ ohó de po depope po sọn whẹndo Islaeli tọn lẹ mẹ, mẹhe yẹn degbèna nado nọ yìn Islaeli omẹ ṣie lẹ, dọmọ, Etẹwutu mì ma dó ohọ̀ kedali tọn de na mi? ⁸Enẹwutu dinvie le hiẹ na dọ hlan Davidi devi ṣie, dọ, Le wẹ OKLUNỌ awhànpa lẹ tọn dọ, Yẹn dè we sọn lẹngbọpa mẹ, sọn lẹngbọ hihodo mẹ, dọ hiẹ nido yín ahọvi to omẹ ṣie lẹ ji, to Islaeli ji: ⁹Yẹn sọ tin po hiẹ po to fie hiẹ to yìyì lẹpo, bo ko sọ sán kẹ̀ntọ towe lẹpo sọn nukọn towe; yẹn na sọ basi oyín daho de na we, taidi oyín omẹ daho he tin to owẹkẹ mẹ lẹ de tọn. ¹⁰Yẹn na sọ dè otẹn de na Islaeli omẹ ṣie lẹ, bo na dó yé, na yé nido nọnọ̀ otẹn yetọn titi mẹ, bo ma yín mẹsẹtẹnna ba; mọ ovi ylanwà tọn lẹ ma na bianukunna yé depope ba, di tintan tọn, ¹¹podọ di sọn azán he gbè yẹn degbèna whẹ̀datọ lẹ nado tin to Islaeli omẹ ṣie lẹ ji; yẹn na sọ hen we nado gbọjẹ sọn kẹ̀ntọ towe lẹ si. Humọ OKLUNỌ dọ na we dọ OKLUNỌ na basi owhé de na we ¹²Whenuena yè sọ hẹn azán towe lẹ pe, bọ hiẹ na damlọn po otọ́ towe lẹ po, yẹn na zé okún towe daga to godo towe, he na tón sọn vidọ̀ towe lẹ mẹ jẹgbonu, yẹn na sọ hẹn ahọludu etọn lódo. ¹³Ewọ na sọ dó ohò de na oyín ṣie, yẹn na sọ hẹn ofìn ahọludu etọn tọn lódo kakadoi. ¹⁴Yẹn na yín otọ́ etọn, ewọ na sọ yín visunnu ṣie: eyín ewọ wà ylando, yẹn na yí opò gbẹtọ lẹ tọn do vódo e, po mẹhòba ovi gbẹtọ lẹ tọn tọn lẹ po; ¹⁵ṣigba lẹblanu ṣie ma to na yìsọn e de gba, dile yẹn dè e sọn Sauli de do, mẹhe yẹn dè sẹ̀ sọn nukọn towe. ¹⁶Owhé towe po ahọludu towe po yè na hẹn li kakadoi to nukọn towe: yè na hẹn ofìn towe lódo kakadoi. ¹⁷Kẹdẹdi ohó helẹ pó kẹdẹdi numimọ he lẹpo, mọwẹ Natani dọhó do hlan Davidi.

¹⁸Whenẹnu wẹ Davidi ahọlu yì whégbe, bo sinai to OKLUNỌ nukọn; ewọ sọ dọmọ, OKLUNỌ Jiwheyẹwhe E, mẹnu yẹn yín, etẹ́ sọ wẹ owhẹ́ ṣie, bọ hiẹ ko do hẹn mi wá dẹ̀n sọ le? ¹⁹Gãnṣo onú pẹvi de wẹ ehe sọ yín to nukun towe lẹ mẹ, OKLUNỌ Jiwheyẹwhe È; ṣigba hiẹ ko dọhó owhé mẹmẹsi towe tọn tọn ga na osã dindẹn he ja de; podọ ehe ga kẹdẹdi ọwàlọ gbẹtọ lẹ tọn, OKLUNỌ Jiwheyẹwhe E. ²⁰Eté Davidi sọgan sọ dọ hlan we ba? na hiẹ yón mẹmẹsi towe. OKLUNỌ Jiwheyẹwhe E. ²¹Na ohó towe tọn wutu, podọ kẹdẹdi ayiha towe lọsu, wẹ hiẹ do basi odaho he lẹpo, nado hẹn mẹmẹsi towe yón ẹn. ²²Enewutu daho wẹ hiẹ, OKLUNỌ Jiwheyẹwhe E: na omẹ de ma tin di we, mọ Jiwheyẹwhe depope ma tin adavo hiẹ, kẹdẹdi ehe mi ko yí otó mìtọn lẹ do sè lẹpo. ²³Podọ akọta to owẹkẹ mẹ tẹ́ wẹ di omẹ towe lẹ, yèdọ di Islaeli, mẹhe Jiwheyẹwhe yì nado fli hlan ede de na gbẹtọ de, podọ nado basi oyín de nè, podọ nado wà onú daho lẹ na mì, po onú dobu lẹ po na aigba towe, to omẹ towe lẹ nukọn, he hiẹ fli hlan de we sọn Egipti, sọn akọta lẹ de po yẹwhe yetọn lẹ po? ²⁴Hiẹ sọ hẹn Islaeli omẹ towe lẹ lódo hlan dewe nado yín gbẹtọ lẹ de hlan de we kakadoi; bọ hiẹ, OKLUNỌ, sọ lẹzùn Jiwheyẹwhe yetọn. ²⁵Podọ dinvie, OKLUNỌ Jiwheyẹwhe È, ohó he hiẹ dọ gbọn mẹmẹsi towe tọn dali, podọ gbọn owhé etọn tọn dali, hiẹ ni hẹn ẹn li kakadoi, bo sọ wà dile hiẹ dọ do ²⁶Bo gbọ oyín towe ni yín hẹnklo kakadoi, dọmọ, OKLUNỌ awhànpa lẹ tọn wẹ Jiwheyẹwhe to Islaeli ji: owhé Davidi mẹmẹsi towe tọn na yín hẹnlódo to nukọn towe. ²⁷Na hiẹ, OKLUNỌ awhànpa lẹ tọn È, Jiwheyẹwhe Islaeli tọn, ko dohia hlan mẹmẹsi towe, dọmọ, Yẹn na dó ohò de na we: enẹwutu wẹ mẹmẹsi towe mọ to ayiha etọn mẹ nado hò odó he hlan de we. ²⁸Podọ dinvie, OKLUNỌ Jiwheyẹwhe È, hiẹ wẹ Jiwheyẹwhe, nugbo wẹ ohó towe lẹ sọ yín, hiẹ ko sọ gblọnadan onú daho he tọn hlan mẹmẹsi towe. ²⁹Enẹwutu dinvie gbọ é ni hẹnhomẹhùn we nado dona owhó mẹmẹsi towe tọn, dọ é nido nọte kakadoi to nukọn towe: na hiẹ, OKLUNỌ Jiwheyẹwhe È, ko dọ ẹ: bo sọ gbọ yè ni yí odona towe do dona owhé mẹmẹsi towe tọn kakadoi.

¹TO ehe godo é sọ wá jọ, bọ Davidi hò Filistini lẹ, bo yíta yé si: Davidi sọ yí huhlọn todaho tọn lọ sọn alọ Filistini lẹ tọn mẹ. ²Ewọ sọ ho Moabi, bo yí okàn do jlẹ yé, hẹn yé nado mlọnai do aigba; é jlẹ okàn awe nado hù, podọ okàn dopo gigọ́ nado hla do ogbẹ̀. Moabinu lẹ sọ lẹzùn mẹmẹsi lẹ hlan Davidi, bo sọ nọ hẹn nunina lẹ wá. ³Davidi sọ hò Hadadezeli ga visunnu Lehobi tón, ahọlu Zoba tọn, le ewọ jei nado yí ahọluyigba etọn gò he sẹpọ́ Otò lọ. ⁴Davidi sọ yí sọn e si afọnọ fọtọ́n dopo po nuọntọ̀n-kanweko po: Davidi sọ sándọ̀nklanmẹna osé kẹkẹ tọn lẹpo, ṣigba bo hla kẹkẹ kanweko sọn yé mẹ dai. ⁵Whenuena Silianu Damasku tọn lẹ wá nado gọalọna Hadadezeli ahọlu Zoba tọn, Davidi hò omẹ fọtọ́n konukunawe sọn Silianu lẹ mẹ. ⁶Whenẹnu wẹ Davidi yí osọ́nọ lẹ do Silia Damasku tọn mẹ: bọ Silianu lẹ sọ lẹzùn mẹmẹsi hlan Davidi, bo sọ nọ hẹn nunina lẹ wá. OKLUNỌ sọ na awhàngba hlan Davidi to ofi é to yìyì lẹpo ⁷Davidi sọ dè awọyínú sika tọn lẹ he tin to mẹmẹsi Hadadezeli tọn lẹ go, bo hẹn yé wá Jelusalẹm. ⁸Podọ sọn Bẹta mẹ podọ sọn Bẹlotai mẹ, tòdaho Hadadezeli tọn lẹ, Davidi ahọlu bẹ́ gànvẹ̃ susu gégé. ⁹Whenuena Tọi ahọlu Hamati tọn sè dọ Davidi ko hò awhànpa Hadadezeli tọn lẹpo, ¹⁰whenẹnu wẹ Tọi do Jolami visunnu etọn hlan Davidi ahọlu de, nado donudo e, podọ nado dona ẹn, na é ko hòavùn hẹ Hadadezeli bo hò e wutu: na Hadadezeli ko fùnawhàn hẹ Tọi, Jolami sọ hẹn nuzinzán fataka tọn lẹ po nuzinzán sika tọn lẹ po, po nuzinzán gànvẹ̃ tọn lẹ po po e po wá: ¹¹Ehelẹ ga wẹ Davidi ahọlu klandowiwe hlan OKLUNỌ, po fataka po po sika po he é klandowiwe sọn akọta he si é yíta te lẹpo de; ¹²sọn Silia si, podọ Moabi si, podọ sọn ovi Ammọni tọn lẹ si, podọ sọn Filistini lẹ si, podọ sọn Amalẹki si, podọ Sọn ogblannu Hadadezeli tọn mẹ, visunnu Lehọbi tọn, ahọlu Zoba tọn. ¹³Davidi sọ yí oyín de na ẹn whenuena é lẹ́gọ̀ sọn hihò Silianu lẹ tọn gbé to agbàdo Ojẹ̀ tọn mẹ, yèdọ gbẹtọ fọtọ́n fọtọ̀nnukunatọ̀n. ¹⁴E sọ dè osọ́nọ lẹ do Edọmi mẹ; lẹ́do Edọmi lẹpo wẹ é dè osọ́nọ lẹ do, bọ Edọminu lẹ̀po sọ lẹzùn mẹmẹsi lẹ hlan Davidi. OKLUNỌ sọ na awhàngba hlan Davidi to ofi he é to yìyì lẹpo.

¹⁵Davidi sọ dùahọlu to Islaeli lepo ji; Davidi sọ to owhẹ̀dida po nugbo po hẹn sẹ hlan gbẹtọ lẹpo de. ¹⁶Joabi visunnu Zeluia tọn sọ tin to awhànpa ji; Jebọ safati visunnu Ahiludi tọn sọ yín tòwekantọ: ¹⁷Zadọki visunnu Ahitubi tọn, po Ahimelẹki visunnu Abiatali tọn po, wẹ yẹwhenọ le; Selaia yin wekantọ; ¹⁸Benaia visunnu Jehoiada tọn sọ tin to Keletinu lẹ po Pẹlẹtinu lẹ po ji; visunnu Davidi tọn lẹ sọ wẹ yẹwhenọ lẹ.

¹DAVIDI sọ dọmọ, Ode gbé sọ tin he yè pòdai sọn owhé Sauli tọn gbè, na yẹn nido do dagbewà hia ẹ na Jonatani tọn wutu? ²Ode sọ tin sọn owhé Sauli tọn gbè mẹmẹsi de oyín mẹhetọn yin Ziba, yé sọ ylọ ẹ do Davidi de; ahọlu sọ dọ hlan ẹn dọ, Hiẹ wẹ Ziba? Ewọ sọ dọmọ, Mẹmẹsi towe wẹ ewọ. ³Ahọlu sọ domọ, Omẹ depope ma gbẹ́: sọ tin sọn owhé Sauli tọn gbè, na yẹn nido do dagbewà Jiwheyẹwhe tọn hia hlan e de? Ziba sọ dọ hlan ahọlu dọ, Jonatani gbẹ́ sọ tindo visunnu de he yin sẹ́kunọ to afọ etọn lẹ go. ⁴Ahọlu sọ dọ hlan ẹn dọ, Fie wẹ e te? Ziba sọ dọ hlan ahọlu dọ, Dayi e go, ewọ tin to owhé Makili visunnu. Ammiẹli tọn tọn gbè, to Lo debali mẹ. ⁵Whenẹnu wẹ Davidi ahọlu domehlan, bo yi i sọn owhé Makili visunnu Ammiẹli tọn gbè sọn Lo-debáli. ⁶Mẹfibosẹti visunnu Jonatani tọn, visunnu Sauli tọn, sọ wá Davidi de, bo ṣinyọn nukunmẹ etọn ji, bo kanwhébiọ. Davidi sọ domọ, Mẹfibosẹti. Ewọ sọ gblọn dọmọ, Dayi mẹmẹsi towe go! ⁷Davidi sọ dọ hlan en dọ, A dibu blo: na yẹn na do dagbewà hia we nugbonugbo na Jonatani otọ́ towe tọn wutu, bo na gọ̀ aigba Sauli otọ́ towe tọn lẹpo jó na we; hiẹ na sọ nọ dù akla to tafo ṣie kọ̀n tẹ̀gbẹ. ⁸Ewọ sọ kanwhébiọ, bo dọmọ, Etẹ́ mẹmẹsi towe yín, bọ hiẹ na do dèkẹ̀pọ́n avún kúkú mọnkọ de dile yẹn te? ⁹Whenẹnu wẹ ahọlu ylọ hlan Ziba, mẹmẹsi Sauli tọn, bo dọ hlan en dọmọ, Onú he gbọn Sauli dali lẹpo podọ gbọn owhé etọn lẹpo dali yẹn ko na hlan visunnu mẹmẹnu towe tọn. ¹⁰Hiẹ na nọ pò ogle nẹ, hiẹ, po visunnu towe lẹ po, po mẹmẹsi towe lẹ pó; hiẹ na nọ hẹn sinsẹn lẹ wá whegbe, na visunnu mẹmẹnu towe tọn nido nọ tindo akla nado dù: ṣigba Mẹfìbosẹti visunnu mẹmẹnu towe tọn na nọ dù akla to tafo ṣie ji whepoponu. Dinvie Ziba tindo visunnu fọtọ̀n po mẹmẹsi okò po. ¹¹Whenẹnu wẹ Ziba dọ hlan ahọlu dọ, Kẹdẹdi ehe klunọ ṣie ahọlu degbèna mẹmẹsi etọn lẹpo, mọwẹ mẹmẹsi towe na wà do. Na Mẹfibosẹti, ahọlu dọmọ, ewọ na nọ dù to tafo ṣie kòn, di ode sọn visunnu ahọlu tọn lẹ mẹ. ¹²Mẹfibosẹti sọ tindo visunnu yọ̀pọ de, oyín mẹhetọn yin Mika. Omẹ he nọnọ̀ owhé Ziba tọn gbè lẹpo sọ yin mẹmẹsi hlan Mẹfiboṣẹti. ¹³Mọwẹ Mẹfibosẹti nọnọ̀ Jelusalemmẹ: na ewọ nọ dù to tafo ahọlu tọn kọn tẹ̀gbẹ; ewọ sọ yín sékunọ to afọ etọn awe lẹ go.

¹E sọ wá jọ to ehe godo, wẹ ahọlu ovi Ammọni tọn lẹ tọn kú, bọ Hanuni visunnu etọn dùahọlu to oten etọn mẹ. ²Davidi sọ dọmọ, Yẹn na do dagbewà hia hlan Hanuni visunnu Nahasi tọn, dile otọ́ etọn do dagbewà hia hlan mi do. Mowẹ Davidi domẹhlan gbọn alọ mẹmẹsi etọn lẹ tọn mẹ nado miọnhomẹna ẹn gbọn otọ́ etọn tọn dali. Mẹmẹsi Davidi tọn lẹ sọ wá biọ aigba ovi Ammọni tọn lẹ tọn mẹ ³Ṣigba ahọvi ovi Ammọni tọn lẹ tọn lẹ dọ hlan Hanuni klunọ yetọn dọmọ, Hiẹ lẹn dọ Davidi to gbégbona otọ́ towe wẹ, bọ ewọ ko do do homẹmiọnnamẹtọ lẹ hlan de we? Davidi ma ka ko do mẹmẹsi etọn lẹ hlan de we nado pọ́n tòdaho lọ, podọ nado gbà e mẹ pọ́n, podọ nado gbà ẹ? ⁴Mowẹ Hanuni yí mẹmẹsi Davidi tọn lẹ bo lùn odá ogbì yetọn lẹ tọn sẹ́, bo sán awu yetọn lẹ ton ṣẹnṣẹn, yèdọ jẹ alinkàn yetọn lẹ, bo sọ do ye hlan. ⁵Whenuena yé dọ ẹ hlan Davidi, é do ome hlan nado pé ye; na yè hẹn winyanhù yé susu. Ahọlu sọ dọmọ, Mì dọ̀ngbàn to Jẹliko kaka yè na hẹn ogbì miton lẹ wú, whenẹnu wẹ mì ni lẹ́gọ̀. ⁶Whenuena ovi Ammọni tọn lẹ mọ dọ yé lẹzùn ylannọ hlan Davidi, ovi Ammọni tọn lẹ domehlan bo dapà Silianu Bẹti-lehobi tọn lẹ, po Silianu Zoba tọn lẹ po, afọnọ fọtọ́n okò, podọ ahọlu Maaka tọn po omẹ fọtọ́n po, podọ omẹ Tobi tọn lẹ po ome: fọtọ́n wiawe po. ⁷Whenuena Davidi sè e, é do Joabi hlan, po awhànpa huhlọnnọ lẹ tọn po. ⁸Ovi Ammọni tọn lẹ sọ tón jegbonu, bo tò awhàn do hanu to bibiọ whegbe hòngbo tọn mẹ: Silianu Zoba tọn lẹ, po Lehọbi tọn lẹ po, po omẹ Tobi tọn lẹ po po Maaka po tin to yénọzo de to danji. ⁹Dinvie whenuena Joabi mọ dọ yè do awhàn lẹ́do e to nukọn po godo po, é dè sọn omẹ sinsinyan Islaeli ton lẹpo mẹ, bo tò yé do hanu do Silianu lẹ nukọn: ¹⁰Pipòtọ gbẹtọ lẹ tọn é jo do alọ Abiṣai nọvisunnu etọn tọn mẹ, é sọ to ye do hanu do ovi Ammọni tọn lẹ nukọn. ¹¹Ewọ sọ dọmọ, Eyín Silianu le yín sinsinyẹn gbahu na mi, whenẹnu hiẹ na gọalọna mi: ṣigba eyín ovi Ammọni tọn lẹ sọ yín sinsinyẹn gbahu na we, whenẹnu yẹn na wá bo gọalọna we. ¹²Yín tudotọ dagbe tọn, bo gbọ mí ni wà sunnu na omẹ mìtọn lẹ, na tòdaho Jiwheyẹwhe mìtọn tọn lẹ: OKLUNỌ ni wà enẹ he sọawuhia ẹ dagbe. ¹³Mowẹ Joabi po omẹ he tin to e de lẹ po dòn sẹpọ́ hlan awhànfuntẹn to Silianu lẹ nukọn: yé sọ họ̀nyì to yé nukọn. ¹⁴Whenuena ovi Ammọni tọn lẹ mọ dọ yè hẹn Silianu lẹ họ̀nyì, yéwlẹ ga sọ hónyì to Abisai nukọn mọkẹde, bo biọ todaho lọ mẹ. Whenẹnu we Joabi lẹ́ sọn ovi Ammọni tọn lẹ godo, bo wá Jelusalẹm. ¹⁵Whenuena Silianu lẹ mọ dọ yè yí yé do oylan mẹ hugan to Islaeli nukọn, yé bẹ́ yéde pli dopọ. ¹⁶Hadadezeji sọ domẹhlan, bo hẹn Silianu lẹ he tin to Otọ̀ lọ godo jẹgbonu wá; yé sọ wá Helami, po Ṣobaki awhàngán awhànpa Hadadezeli tọn tọn po to ota yetọn. ¹⁷Yè sọ dọ ẹ na Davidi; ewọ sọ bẹ́ Islaeli lẹpo plidopọ, bo ju jẹ Jọdani gododọ̃n, bo wá Helami. Silianu lẹ sọ tò yóde do hanu do Davidi nukọn, bo hòavùn hẹ ẹ. ¹⁸Silianu lẹ sọ họ̀nyì to Islaeli nukọn; Davidi sọ hù sọn Silianu lẹ mẹ omẹ kẹkẹ nuọntọ̀nkanweko lẹ tọn, po afọnọ fọtọ́n kande lẹ po, bo sọ hò Sobaki awhàngán awhànpa yetọn tọn, bọ ewọ sọ ku to finẹ. ¹⁹Whenuena ahọlu lẹpo he yín mẹmẹsi hlan Hadadezeli mọ dọ yè yí yé do oylan mẹ hú to Islaeli nukọn, yé basi jijoho hẹ Islaeli, bo sọ to ye sẹ́n. Mọwe Silianu lẹ dibu nado goalọna ovi Ammọni tọn lẹ dogọ́.

¹E sọ wá jọ, to lẹ́gọ̀ owhè tọn, to ojlẹ mẹ whenuena ahọlu lẹ tọn yì awhànfuntẹn, wẹ Davidi do Joabi hlan, po mẹmẹsi etọn lẹ po po e po, po Islaeli lẹpo po: yé sọ và ovi Ammọni tọn lẹ, bo glọn Labba do. Ṣigba Davidi to gbàndọ̀n to Jelusalẹm.

²E sọ wá jọ to whèjai, wẹ ahọlu tite sọn adọzán etọn ji, bo to zọnlinzin to aga ohọ̀ aholu tọn tọn ji sọn aga ohò lọ tọn é mọ nawe de to awulẹ́; nawe lọ sọ yín whànpẹnọ talala nado dèkọpọ́n. ³Davidi sọ domẹhlan nado kàn nawe lọ biọ. Omẹ de sọ dọmọ, Ehe ma wẹ Bati-ẹeba, viyọnnu Eliami tọn, asi Ulia Hitinu tọn? ⁴Davidi sọ do mẹdagun lẹ hlan bo yí i; ewọ sọ wá e de to whegbe, é sọ zán hẹ ẹ (na yè ko le ẹ wé sọn mawé etọn mẹ); ewọ sọ lẹ́gọ̀ do owhẹ́ eton gbè. ⁵Nawe lọ sọ mọho, é sọ domẹhlan bo dọ na Davidi, bo dọmọ, Yẹn tin po ovi po ⁶Davidi sọ domẹhlan Joabi, dọmọ, Do Ulia Hitinu hlan mi. Joabi sọ do Ulia hlan Davidi ⁷Whenuena yè hẹn Ulia wá e de, Davidi kàn nawẹ Joabi wiwà do biọ ẹ, podọ nawẹ gbẹtọ lẹ to yìyì do, podọ nawẹ awhàn doale do. ⁸Davidi sọ dọ hlan Ulia dọ, Jẹte yì owhó towe gbè, bo klọ́ afọ towe lẹ. Ulia sọ tónyì sọn owhé ahọlu tọn gbè, ojọpli núdùdù tọn de sọ hodo e sọn ahọlu de. ⁹Ṣigba Ulia damlọn to ohòn owhé ahọlu tọn tọn go po mẹmẹsi klunọ etọn tọn lẹ po, bo ma jẹte yì owhé etọn gbé gba. ¹⁰Whenuena yé ko dọ ẹ na Davidi, dọmọ, Ulia ma jẹte yì owhé etọn gbè gba, Davidi dọ hlan Ulia dọmọ, gbéjizọnlin de ji ma wẹ yè hẹn hiẹ gò sọn? etẹwutu hiẹ ma jẹte yì owhé towe gbè? ¹¹Ulia sọ dọ hlan Davidi dọ, Alki lọ, po Islaeli po, po Juda po, tin to dòhọ̀ lẹ mẹ; yè hẹn Joabi klunọ ṣie po mẹmẹsi klunọ ṣie tọn lẹ po dosla do danji gbangba; na yẹn ni yì owhé ṣie gbè nado dù bo nù podọ nado Zán hẹ asi ṣie? le hiẹ to ogbẹ̀, podọ le alindọn towe sọ to ogbè, yẹn ma to onú he na wà gba. ¹²Davidi sọ dọ hlan Ulia dọ, Dọ̀ngbàji to ofi to egbé ga, to osọ̀ yẹn na gbọ a ni tónyi. Mowẹ Ulia sọ nọ Jelusalẹm to gbenẹgbe, podọ to aihọngbe. ¹³Whenuena Davidi sọ ylọ ẹ, é dù bo sọ nù to nukọn etọn; é sọ hẹn ẹn muahàn: podọ to whèjai ewọ tón yì nado mlọn adọzán etọn ji hẹ mẹmẹsi klunọ etọn tọn lẹ, ṣigba ma jẹte yì owhè etọn gbè gba. ¹⁴E sọ wá jọ to afọnnu, wẹ Davidi wlan owènwé de hlan Joabi, bo sọ ẹ dohlan gbọn alọ Ulia tọn mẹ. ¹⁵Ewọ sọ wlan do owènwé lọ mẹ, dọmọ, Mì dè Ulia do nukọn mianwu talala awhànfuntẹn tọn, míwlẹ ni sọ jagò sọn e de, na yè nido hò e ni kú. ¹⁶E sọ wá jọ, whenuena Joabi dè hihọtọ de do tòdaho lọ ji, wẹ é dè Ulia hlan otẹn fie é yọnẹn dọ gbẹtọ asuka lẹ te. ¹⁷Omẹ tòdaho lọ mẹ tọn lẹ sọ tón jẹgbonu, bo hòavùn hẹ Joabi; omẹ adade gbẹtọ lẹ tọn jai to finẹ, yèdọ sọn mẹmẹsi Davidi tọn lẹ mẹ; Ulia Hitinu sọ kú ga. ¹⁸Whenẹnu wẹ Joabi domẹhlan bo dọ onú he gbọn awhàn lọ dali tọn lẹpo na Davidi; ¹⁹E sọ naṣẹ mẹdagun lọ, dọmọ, whenuena hiẹ ko dotana didọ onú he gbọn awhàn lọ tọn dali lẹpo hlan ahọlu, ²⁰E na yin dọ, eyín homẹgble ahọlu tọn fọ́n, bọ é dọ hlan we dọ, Etẹwutu míwlẹ yi sẹpọ́ tòdaho glanglan sọmọ nado hòavùn? míwlẹ ma yọnẹn dọ yé na yingá sọn adó ji? ²¹Mẹnu wẹ hò Abimelẹki visunnu Jelubbesẹti tọn? Yọnnusi de ma wẹ bli sénukọnvi de hlan e ji sọn adó ji bọ é kú to Tebezi? etẹwutu wẹ míwlẹ do yi sẹpọ́ adó lọ sọmọ? whenẹnu wẹ hiẹ na dọmọ, Ulia mẹmẹsi towe Hitinu lọ kú ga. ²²Mowẹ mẹdagun lọ yì, bo wá bo dọ onú he Joabi do e hlan na lẹpo hia Davidi. ²³Mẹdagun lọ sọ dọ hlan Davidi dọ, Omẹ ewlẹ hugan mí, bo tón wá mí de to danji, míwlẹ sọ tin to yé ji yèdọ jẹ bibiọ ohọ̀ngbo lọ tọn mẹ. ²⁴Gáyìntọ lẹ yíngá do mẹmẹsi towe lẹ sọn adó ji; omẹ adade sọn mẹmẹsi ahọlu tọn lẹ mẹ sọ yín oṣiọ, mẹmẹsi towe Ulia Hitinu lọ sọ yín oṣiọ ga. ²⁵Whenẹnu wẹ Davidi dọ hlan mẹdagun lọ dọmọ, Le wẹ hiẹ na dọ hlan Joabi, dọmọ, A dike onú he hẹnhomẹgble we blo, na ohi nọ dù mẹde di awetọ, hẹn awhàn towe sinyẹn hú to tòdaho lẹ ji, bo hó e: hiẹ ni sọ dotuhomẹ nẹ. ²⁶Whenuena asi Ulia tọn Sè dọ Ulia asú etọn yín oṣiọ, é basi avigbè na asú etọn ²⁷Whenuena yè hẹn awubla juwayì, Davidi domẹhlan bo yi i wá owhó jẹ ohò etọn mẹ, ewọ sọ lẹzùn asi etọn, bo sọ ji visunnu de nẹ̃. Ṣigba onú he Davidi wà mahẹnhomẹhùn OKLUNỌ gba.

¹OKLUNỌ sọ do Natani hlan Davidi de. Ewọ sọ wá e de, bo dọ hlan ẹn dọ, Omẹ awe de ko tin to tòdaho dopo mẹ; ode adọkunnọ, awetọ wàmọnọ. ²Omẹ adọkunnọ lọ sọ tindo lẹngbọpa susu po yìnpa lẹ po: ³Ṣigba omẹ wàmọnọ lọ ma tindo núde, adavo lẹngbọvu asi pẹvi dopo, he ewọ họ̀ bo to yínyín: e sọ whẹ́n dopọ po e po, podọ hẹ ovi etọn lẹ, nùdo etọn lọsu mẹ wẹ e nọ dù sọn, bo nọ nù sọnkọfo etọn lọsu mẹ, bo nọ mlọn akón etọn mẹ, bo sọ tin hlan ẹn di viyọnnu de. ⁴Gbéjizọnlinnọ de sọ wá omẹ adọkunnọ lọ de, ewọ sọ wàgoe nado dè sọn lẹngbọpa etọn titi mẹ podọ sọn oyìnpá etọn titi mẹ, nado wleyẹyí na omẹ gbéjizọnlinnọ he yè hẹn wá e de, ṣigba yí lẹngbọvu omẹ wàmọnọ lọ tọn, bo sò ẹ na omẹ he wá e de lọ. ⁵Yè sọ hẹn adi Davidi tọn jimiyọn talala do omẹ lọ ji; é sọ dọ hlan Natani dọ, Le OKLUNỌ to ogbẹ̀, omẹ he wà ehe tin jẹ nado kú: ⁶Ewọ na sọ gọ̀ lẹngbọvu lọ jó dẹnẹji, na ewọ wà onú he wutu, podọ é ma tindo lẹblanu de wutu.

⁷Natani sọ dọ hlan Davidi dọ, Hiẹ wẹ dawe lọ. Le wẹ OKLUNỌ dọ, Jiwheyẹwhe Islaeli tọn, Yẹn yí amìsisá do yí we do dè ahọlu do Islaeli ji, yẹn sọ whlẹn we sọn alọ Sauli tọn mẹ; ⁸Yẹn yí owhé mẹmẹnu towe tọn na we, podọ asi mẹmẹnu towe tọn lẹ do akọ́n towe mẹ, bo sọ na owhé Isláeli tọn we po Juda tọn po; podọ eyín enẹ ko yín whiwhè gbahu, yẹn na ko dè onú lankọ lankọ lẹ dogọ́ hlan we. ⁹Etẹwutu wẹ hiẹ do vlẹ ohó OKLUNỌ tọn, nado wà enẹ he yín oylan to nukun etọn mẹ? hiẹ ko yí ohi do hò Ulia Hitinu, bo ko sọ yí asi etọn nado yín asi towe, bo sọ yí ohi ovi Ammọni tọn lẹ tọn do hù i. ¹⁰Enẹwutu dinvie, ohi ma na tọ́nsọn owhé towe gbè gbede; na hiẹ ko vlẹ mi wutu, bo ko sọ yí asi Ulia Hitinu tọn nado yín asi towe. ¹¹Le wẹ OKLUNỌ dọ, Dayi e go, yẹn na zé oylan tite do oji we sọn owhé towe titi gbè, yẹn na sọ yí asi towe lẹ to nukun towe lẹ nukọn, bo yí yé na hlan kọmẹnu towe, ewọ na sọ zán hẹ asi towe lẹ to nukun owhè he tọn mẹ. ¹²Na hiẹ wà ẹ nuglọ: ṣigba yẹn na wà ẹ to Islaeli lẹpo nukọn, podọ to owhè nukọn. ¹³Davidi sọ dọ hlan Natani dọ, Yẹn ko wàylando do OKLUNỌ go. Natani sọ dọ hlan Davidi dọ, OKLUNỌ ga ko sọ dè ylando towe sẹ̀; hiẹ ma na kú gba. ¹⁴Ṣogãn, na gbọn owàlọ towe dali hiẹ ko na hódọnù kẹ̀ntọ OKLUNỌ tọn lẹ nado Zánnù wutu, ovi lọ ga he yè ji hlan we na kú dandan. ¹⁵Natani sọ tonyì owhé etọn gbè. OKLUNỌ sọ linú ovi he asi Ulia tọn ji hlan Davidi lọ, ewọ sọ yín awutunọ susu. ¹⁶Enẹwutu Davidi to Jiwheyẹwhe vẹ̀ na ovi lọ; Davidi to nùbla, bo biọ whégbe, bo mlọn aigba to ozán nẹ mẹ. ¹⁷Mẹho owhé etọn gbè tọn lẹ tite, bo ṣite to e dali, nado zé e tite sọn aigba: ṣigba ewọ ma jlo, mọ é ma sọ dùnú po yé po. ¹⁸E sọ wá jọ to azán sinawetọ gbè, wẹ ovi lọ kú. Mẹmẹsi Davidi tọn lẹ sọ dibu nado dọ nẹ dọ ovi lọ kú: na yé dọmo, Dayi e go, whenuena ovi lọ gbẹ́ sọ to ogbẹ́, mí dọhó hlan ẹn, ewọ ma tuntóai hlan ogbè mìtọn: nawẹ ewọ na doyana ede sọ, eyín mí dọ nẹ̃ dọ ovi lọ yín oṣiọ? ¹⁹Ṣigba whenuena Davidi mọ dọ mẹmẹsi etọn lẹ to pádè dopọ, Davidi fọyẹ̀ dọ ovi lọ yín osiọ: Davidi sọ dọ hlan mẹmẹsi etọn lẹ dọ, Ovi lọ yín oṣiọ wẹ? yé sọ dọmọ, Ewọ yín oṣiọ. ²⁰Whenẹnu wẹ Davidi tite sọn aigba, bo lawu, bo samisisána ede, bo diọ avọ̀ etọn; é sọ wá bíọ ohò OKLUNỌ tọn mẹ bo litai: whenẹnu wẹ é wá owhé etọn titi gbè; whenuena é biọ yé yí akla do nukọn nẹ̃, ewọ sọ dùnú. ²¹Whenẹnu wẹ mẹmẹsi etọn lẹ dọ hlan ẹn dọ, Onú tẹwẹ ehe hiẹ ko wà? hiẹ to nùbla bo sọ to avivi na ovi lọ whenuena é tin to ogbẹ̀; ṣigba whenuena ovi lọ yín osiọ, hiẹ tite bo sọ dù akla. ²²Ewọ sọ dọmọ, Whenuena ovi lọ gbẹ́ sọ tin to ogbẹ yẹn to nùbla bo sọ to avivi: na yẹn dọmọ, Mẹnu wẹ yọnẹn eyín OKLUNỌ ma na yin nukundagbenọ hlan mi, bọ ovi lọ nidonọgbẹ́? ²³Ṣigba ewọ ko yín oṣiọ, etẹ́ yẹn sọ to nùbla na? yẹn sọgan hẹn ẹn gọ̀ wẹ? yẹn wẹ jei e de, sigba ewọ ma na sọ lẹ́gọ̀ do dẽ gba. ²⁴Davidi sọ miọnhọmẹna Bati-ṣeba asi etọn, bo sọ biọ họmẹ yì e de, bo zán hẹ ẹ: é sọ ji visunnu de, ewọ sọ ylọ oyín etọn dọ Sọlọmọni. OKLUNỌ sọ yiwanna ẹn. ²⁵Ewọ sọ domehlan gbọn alọ Natani Yẹwhegán lọ tọn mẹ, ewọ sọ ylọ oyín etọn dọ Jedidia, na OKLUNỌ tọn wutu.

²⁶Dinvie Joabi to avùnho hẹ Labba sọn ovi Ammọni tọn lẹ mẹ, bo yí ahọlutodaho lọ. ²⁷Joabi sọ do mẹdagun lẹ hlan Davidi de, bo dọmọ, Yẹn ko hòavùn hẹ Labba, nugbo, yẹn ko sọ yí todaho osìn lẹ tọn. ²⁸Enẹwutu dinvie bẹ pipòtọ gbẹtọ lẹ tọn pli, bo dosla do tòdaho lọ nukọn, bo yi i: yẹn niká yí tòdaho lọ, yè bo na nọ yí oyín ṣie do ylọ ẹ. ²⁹Davidi sọ bẹ́ gbẹtọ lẹpo pli, bo yì Labba, bo hòavùn hẹ ẹ, bo yí i. ³⁰E sọ yí ojẹgbakun ahọlu yetọn tọn sẹ̀ sọn ota etọn; pinpẹ̀n etọn yín talẹnti dopo sika tọn, zannu akuẹgégé tọn lẹ sọ tin to e mẹ; yè sọ Zé e do ota Davidi tọn. E sọ hẹn ogblannú lẹ jẹgbonu sọn tòdaho lọ mẹ, susu gégé. ³¹E sọ hẹn omẹ he tin to e mẹ lẹ jẹgbonu, bo yí yé do ayìnyọn lẹ glọ, podọ do aigbakùnnúkẹ́nnọ ogànyu tọn lẹ glọ, podọ do asiọvi gànyù tọn lẹ glọ, bo sọ hẹn yé jugbọn tijolomòdò ṣẹnṣẹn: le wẹ é wà do hlan tòdaho ovi Ammọni tọn le tọn lẹpo. Davidi po gbẹtọ lẹpo po sọ lẹ́gọ̀ jẹ Jelusalẹm.

¹E sọ wá jọ to ehe godo, bọ Absalọmi visunnu Davidi tọn tindo nọviyọnnu whànpẹnọ de, oyín mẹhetọn yín Tamali; bọ Ammọni visunnu Davidi tọn sọ yiwanna ẹn. ²Yè sọ doyàna Ammọni sọmọ bọ ewọ jẹawutu na Tamali nọ viyọnnu etọn tọn wutu; na awhlivu wẹ ewọ; é sọ sọawuhia sinyẹn hlan Ammọni nado wà onú de hlan e dali. ³Ṣigba Ammọni tindo họntọ̀n de, oyín mẹhetọn yin Jonadabi visunnu Simea tọn nọvisunnu Davidi tọn: Jonadabi yín gbẹtọ zìnzìntọ susu de. ⁴E sọ dọ hlan ẹn dọmọ, Etẹwutu wẹ, visunnu ahọlu tọn È, bọ hiẹ do to kàngble egbesọegbesọ le? hiẹ ma na dọ na mi? Ammọni sọ dọ hlan ẹn dọ, Yẹn yiwanna Tamali, nọviyọnnu Absalọmi nọvisunnu ṣie tọn, ⁵Jonadabi sọ dọ hlan ẹn dọmọ, Hẹn dewe mlọnai to adọzàn towe ji, bo basi dewe di awutu jẹtọ: whenuena otọ́ towe wá nado pọn we, dọ hlan ẹn dọmọ, Yẹn vẹ̀ we, gbọ Tamali nọviyọnnu ṣie ni wá dẽ, bo na akla mi nado dù, bo sọ to núdùdù lọ sọ̀ to nukun ṣie mẹ, na yẹn nido to mimọ ẹn, bo sọ dù i to alọ etọn mẹ. ⁶Mọwẹ Ammọni mlọnai, bo basi ede di awutujẹtọ: whenuena yè hẹn ahọlu wá nado pọ́n ẹn, Ammọni dọ hlan ahọlu dọmọ, Yẹn vẹ̀ we, gbọ Tamali nọviyọnnu ṣie ni wá, bo basi akla hihi awe de to nukun ṣie mẹ, na yẹn nido dù to alọ etọn mẹ. ⁷Whenẹnu wẹ Davidi domẹhlan whégbe hlan Tamali, dọmọ, Yì owhé nọvisunnu towe Ammọni tọn gbè dinvie, bo sò núdùdù nẹ. ⁸Mowẹ Tamali yì owhé Ammọni nọvisunnu etọn tọn gbè; yè ko sọ hẹn ewọ mlọnai. E sọ yí linfìnhihò bo mlin in, bo basi akla hihi lẹ to nukun etọn mẹ, bo sọ hi akla hihi lẹ lọ. ⁹E sọ yí gàngbán, bo kọ̀n yé jẹgbonu to nukọn etọn; ṣigba ewọ gbé nado dù Ammọni sọ dọmọ, Dè gbẹtọ lẹpo jẹgbonu sọn dẽ. Gbẹtọ lẹpo sọ jẹgbonu yì sọn e de. ¹⁰Ammọni sọ dọ hlan Tamali dọmọ, Hẹn núdùdù lọ biọ abò mẹ wá, na yẹn nido dù sọn alọ towe mẹ. Tamali sọ zé aklahihi lẹ lọ he é ko basi, bo hẹn wá biọ abò mẹ jẹ Ammọni novisunnu etọn de. ¹¹Whenuena ewọ hẹn ye sẹpò e de nado dù, é hẹn e go, bo dọ hlan ẹn domọ. Nọviyọnnu ṣie, wá mlọnai to dẽ. ¹²Ewọ sọ gblọn nẹ̃ dọ, Lala, nọvisunnu ṣie, a gblé mi blo; na onú mọnko ma jẹ nado yín wiwà to Islaeli mẹ gba: hiẹ wà, ylando he blo. ¹³Pòdọ yẹn, fie yen na hẹn owinyan ṣie biọ? podọ na towe tọn, hiẹ na tin di ode to nulunọ lẹ mẹ to Islaeli mẹ. Enẹwutu dinvie, Dọhó hlan ahọlu, yẹn vẹ̀ we; na ewọ ma to na whlẹn mi do we gba. ¹⁴Ṣogán ewọ ma jlo na tuntóai hlan ogbè etọn gba: ṣigba yínyín huhlọnnọ hú ewọ, é gblé e, bo sọ zán hẹ ẹ. ¹⁵Whenẹnu wẹ Ammọni yí ogbéna daho talala do gbẹwanna ẹn: na ogbéna he é do gbẹwanna ẹn yín daho hú owanyi he é do yiwanna ẹn. ¹⁶Ewọ sọ dọ hlan ẹn dọmọ, Mọ ma gba, na oylan daho to didè mi jẹgbonu mẹ yín yínylan hú enẹ he a ko wà hlan mi wutu. Ṣigba ewọ ma jlo na tuntóai hlan ẹn gba. ¹⁷Whenẹnu wẹ é ylọ mẹmẹsi etọn he nọ wàdevizọ̀n hlan ẹn, bo dọmọ, Dè nawe he jẹgbonu sọn dè, bo sú ohòn do e do gbonu. ¹⁸Ewọ sọ tindo awu whẹ̀kan wunmẹwunmẹnọ de to ogo: na tewu mọnkọ lẹ wẹ yè nọ dó na viyọnnu ahọlu tọn lẹ he yín awhlivu lẹ. Whenẹnu wẹ mẹmẹsi etọn hẹn ẹn jẹgbonu, bo sú ohọ̀n do e do gbonu. ¹⁹Tamali sọ dè afín do ota etọn, bo tlẹn awu whẹkan wunmẹwunmẹnọ etọn he tin to e go; é sọ yi alọ etọn do ota, bo wle ali etọn jei, bo awhádo lélé le é to yìyì. ²⁰Absalọmi nọvisunnu etọn sọ dọ hlan ẹn dọmọ, Ammọni nọvisunnu towe ko tin to de we wẹ? ṣigba dinvie, nọviyọnnu ṣie, nọabọẹ: nọvisunnu towe wẹ ewọ; a yí onú he do ayiha mẹ blo Mowẹ Tamali gbògbé to owhé Absalọmi nọvisunnu etọn tọn gbè. ²¹Ṣigba whenuena Davidi ahọlu sè onú helẹ pó, ewọ yín homẹgblenọ susu. ²²Absalọmi ma sọ dọhó dagbe kavi ylanylan hlan Ammọni gba: na Absalọmi gbẹwanna Ammọni, na é gblé Tamali nọviyọnnu etọn wutu.

²³E sọ wá jọ to owhè awe gigò godo, wẹ Absalọmi tindo lẹngbọfúnpatọ lẹ to Baali-hazọli mẹ, he tin to Eflaimi go: Absalọmi sọ ylọ visunnu ahọlu tọn lẹpo. ²⁴Absalọmi sọ wá ahọlu de, bo dọmọ, Dayi e go dinvie, mẹmẹsi towe tindo lẹngbọfúnpatọ lẹ; yẹn vè wẹ, gbọ ahọlu po memesi etọn lẹ po ni yì be mẹmẹsi etọn. ²⁵Ahọlu sọ dọ hlan Absalọmi dọmọ, Lala, visunnu ṣie, a dike mí mẹpo yì blo, mí nika yín nupẹnagbàn hlan we. Ewọ sọ vẹ́ e; sogàn ewọ ma jei gba, ṣigba dona ẹn. ²⁶Whenẹnu wẹ Absalọmi dọmọ, Eyín lala, yẹn vẹ̀ we, gbọ Ammọni nọvisunnu ṣie ni yi hẹ mi. Ahọlu sọ dọ hlan ẹn dọmọ, Etẹwutu ewọ ni do yì hẹ we? ²⁷Ṣigba Absalọmi vẹ̀ ẹ, bọ é gbọ Ammọni po visunnu ahọlu tọn lẹpo po ni yì hẹ ẹ. ²⁸Absalọmi sọ degbèna mẹmẹsi etọn lẹ, dọmọ, Mì ni dohia dinvie, whenuena ayiha Ammọni tọn yín hùnhùn na ovẹ̃n; whenuena yẹn dọ hlan mì dọ, Hò Ammọni, whenẹnu mì ni hù i, mì dibu blo: yẹn ma ka ko degbèna mì? mì yín tudotọ, bo yín hlọnhlọnnọ. ²⁹Mẹmẹsi Absalọmi tọn lẹ sọ wà hlan Ammọni dile Absalọmi degbèna yé do. Whenẹnu wẹ visunnu ahọlu tọn lẹpo tite, omẹ dopodopo yé tọn hẹn ede yì kanklosọpóawenọ etọn ji bo họ̀nyì. ³⁰E sọ wá jọ, whenuena yé tin to aliho, wẹ linlin wá Davidi de, dọmọ, Absalọmi ko hù visunnu ahọlu tọn lẹpo, podọ yè ma pò dopo dai sọn yé mẹ gba. ³¹Whenẹnu wẹ ahọlu tite, bo tlẹn awu etọn lẹ, bo mlọn aigba; mẹmẹsi etọn lẹpo sọ ṣite to olá po avọ̀ yetọn lẹ po tintlẹn. ³²Jonadabi, visunnu Ṣimea nọvisunnu Davidi tọn tọn, gblọn bo dọmọ, Mì dike klunọ ṣie lẹn dọ yé hù yọ̀pọ dẹpẹ lọ lẹpo visunnu ahọlu tọn lẹ blo; na Ammọni dopokẹdẹ wẹ oṣiọ: na gbọn didè Absalọmi tọn dali wẹ yè ko magbèna ehe sọn azán he gbè ewọ ko gblé Tamali nọviyọnnu etọn. ³³Enẹwutu dinvie mì dike klunọ ṣie ahọlu yí onú he do ayiha etọn mẹ blo nado lẹn dọ visunnu ahọlu tọn lẹpo yín osiọ na Ammọni dopokẹdẹ wẹ oṣiọ. ³⁴Ṣigba Absalọmi họ̀nyì. Yọpọ sunnu he tin to hihọtẹn zé nukun etọn lẹ hlan aga, bo pọ́n, bo, dayi e go, gbẹtọ gégé gbọn aliho adà okọta tọn ji ja to godo etọn. ³⁵Jonadabi sọ dọ hlan ahọlu dọ, Dayi e go, yè hen visunnu ahọlu, tọn lẹ gọ̀: le mẹmẹsi towe dọ do, mọwẹ é, yín. ³⁶E sọ wá jọ le é dotana didọhó tọn, wẹ, dayi e go, visunnu ahọlu tọn lẹ wá, bo zé ogbè yetọn daga, bò to avivi: ahọlu ga po mẹmẹsi etọn lẹpo po sọ viavi badabada. ³⁷Ṣigba Absalọmi ko họ̀nyì, bo yì Talmai visunnu Ammihuli tọn de, ahọlu Gẹsuli tọn. Davidi sọ to awubla na visunnu etọn egbesọegbesọ.

³⁸Mowẹ Absalọmi họ̀nyì, bo yì Gẹsuli, bo tin to finẹ owhè atọ̀n. ³⁹Alindọn Davidi ahọlu tọn to jijlo nado tọ́n yì Absalọmi de: na yè ko miọnhomẹna ẹn gbọn Ammọni tọn dali, mimọ dọ ewọ ko yín oṣiọ.

¹DINVIE Joabi visunnu Zeluia tọn mọ dọ ayiha ahọlu tọn tin hlan Absalọmi dali. ²Joabi sọ domẹhlan Tekoa, bo hẹn nawe, nuyọnẹntọ de sọn dọ̃n, bo dọ hlan ẹn dọmọ, Yẹn vẹ̀ we, basi devie nado yín awublatọ de, bo yí avọ̀ họ̀nmẹ tọn do ogo, yẹn vẹ we, a yi amisisá do sánú na dewe blo, ṣigba tin di yọnnusi de he ko to awubla to ojlẹ dindẹn de mẹ na osiọ: ³Bo biọ whégbe yì ahọlu de, bo dọhó hunkọ he hlan ẹn. Mọwẹ Joabi yí ohó lẹ do onù etọn mẹ. ⁴Whenuena nawe Tekoa tọn lọ to hódo hlan ahọlu, é ṣinyọn nukunmẹ etọn ji hlan aigba, bo kanwhébiọ, bo dọmọ, Ahọlu E, gọalọ. ⁵Ahọlu sọ dọ hlan ẹn dọmọ, Eté wẹ wiwà we? Ewọ sọ gblọn dọ, Sọn nugbo de mẹ yọnnu asúṣiọsi de wẹ yẹn, asú ṣie yín osiọ. ⁶Deviyọnnu towe sọ tindo visunnu awe, Yé omẹ awe lẹ nọpọ pláhi to danji, mẹde ma sọ tin to finẹ nado da yé, ode lọ hò awetọ, bo hù i. ⁷Bo, dayi e go, whédo pete wẹ yè hẹn tite do deviyọnnu towe ji, yé sọ dọmọ, Jó ewọ he hò nọvisunnu etọn na mí nido hù i na ogbẹ nọvisunnu etọn he é hù tọn, mọ bo sọ và whẹ́dutọ lọ ga: le wẹ yé na si akán ṣie he yè pòdai, bo ma na jódo hlan asú ṣie oyín kavi pipòtọ do nukunmẹ aigba tọn ji gba. ⁸Ahọlu sọ dọ hlan nawe lọ dọmọ, Yì owhé towe gbè, yẹn na naṣẹ gbọn towe tọn dali. ⁹Nawe Tekoa ṣọn lọ sọ dọ hlan ahọlu dpmọ, Ahọlu È, klunọ ṣie, ylanwà lọ ni tin to oji e, podọ to owhé otọ ṣie tọn ji: ahọlu po ofìn etọn po yín matinwhẹgbledo. ¹⁰Ahọlu sọ dọmọ, Medepope he dọ núde hlan we, hẹn ẹn wá dẽ, ewọ ma to na sọ doalọ ogo we ba. ¹¹Whenẹnu we é domọ, Yẹn vẹ we, gbọ ahọlu ni flin OKLUNỌ Jiwheyẹwhe tọwe, na ahọsuyítọ ohùn tọn vàmẹ ba blo, yé niká và visunnu towe. Ewọ sọ dọmọ, Le OKLUNỌ to ogbẹ, odà visunnu towe tọn dopo ma na flẹjẹ aigba gba. ¹²Whenẹnu wẹ nawe lọ dọmọ, Yẹn vẹ̀ we, gbọ deviyọnnu towe ni dọhó hlan klunọ ṣie ahọlu. Ewọ sọ dọmọ, To didọ zọnmí. ¹³Nawe lọ sọ dọmọ, Etẹwutu wẹ hiẹ dawa onú mọnkọ de do omẹ Jiwheyẹwhe tọn lẹ go? na to didọ ohó he mẹ ahọlu tin di ode he yín whẹ̀gbledonọ, to ehe mẹ bọ ahọlu ma sọ plan omẹ yàndogbé eton gẹ wá whégbe gba. ¹⁴Na mí ma nanọma kú gba, bo sọ tin di osìn túntún do aigba ji, he yè ma sọgan sọ bépli; mọ Jiwheyẹwhe ma dè ogbè sẹ gba, ṣigba dowé ali lẹ tọn, na ewọ he yè yàndogbé yín mẹzédlan de sọn e de blo. ¹⁵Enẹwutu dinvie, mimọ dọ yè hẹn mi wá nado dọhó he hlan ahọlu klunọ ṣie, é yín na gbẹtọ lẹ ko hẹn mi savo wutu wẹ: bọ deviyọnnu towe dọmọ, Yẹn na dọhó dinvie hlan ahọlu; é sọgan yín dọ ahọlu na yí ojlo mẹmẹsi etọn tọn basi. ¹⁶Na ahọlu na sè, nado whlẹn mẹmẹsi etọn sọn alọ omẹ he jlo na và mi lọ tọn mẹ po visunnu ṣie po dopo tọ́n sọn ogú Jiwheyẹwhe tọn mẹ. ¹⁷Whenẹnu wẹ deviyọnnu towe do dọmọ, Yẹn vẹ we, gbọ ohó ahọlu klunọ ṣie tọn ni yín homẹmiọn tọn: na di angẹli Jiwheyẹwhe tọn de, mọwẹ ahọlu klunọ ṣie yín nado yọ́n dagbe po oylan po: OKLUNỌ Jiwheyẹwhe towe ni tin to de we. ¹⁸Whenẹnu wẹ ahọlu gblọn bo dọ hlan nawe lọ dọmọ, Yẹn vè we, a sọwhla do mi blo, núde he yẹn na biọ we Nawe lọ sọ dọmọ, Gbọ ahọlu klunọ ṣie ni dọhó lò. ¹⁹Ahọlu sọ dọmọ, Alọ Joabi tọn tin he we to ehe lẹpo mẹ? Nawe lọ sọ gblọn bo dọmọ, Le alindọn towe to ogbẹ, ahọlu klunọ ṣie, núde ma sọgan lẹ́ hlan alọ adusi dali kavi hlan amiyọn sọn onú he ahọlu klunọ ṣie ko dọ mẹ gba: na Joabi mẹmẹsi towe, ewọ wẹ degbèna mi, ewọ wẹ sọ yí ohó helẹ do onù deviyọnnu towe tọn mẹ: ²⁰Nado diọ nukunmẹ owhẹhó lọ tọn wẹ Joabi mẹmẹsi towe do wà onú he: klunọ ṣie sọ yin nuyọnẹnnọ, kẹdẹdi nuyọnẹn angẹli Jiwheyẹwhe tọn tọn de, nado yọn onú lẹpo he tin to aihọn mẹ, ²¹Ahọlu sọ dọ hlan Joabi dọmọ, Dayi e go dinvie, yẹn ko wà onú he: enẹwutu yi, sọ hẹn Absalọmi yọ̀pọ sunnu lọ wá. ²²Joabi sọ ṣinyọn aigba to nukunmẹ etọn ji, bo kanwhébiọ, bo dona ahọlu: Joabi sọ dọmọ, Egbé wẹ mẹmẹsi towe yọnẹn dọ yẹn mọ nukundagbe to nukun towe mẹ, ahọlu klunọ ṣie, to ehe mẹ bọ ahọlu ko yí ojlo mẹmẹsi etọn tọn basi. ²³Mọwẹ Joabi tite bo yì Gẹsuli, bo hẹn Absalọmi wá Jelusalẹm. ²⁴Ahọlu sọ dọmọ, Gbọ ewọ ni lẹ́ hlan owhé etọn titi gbè, ṣigba a dike é mọ nukunmẹ ṣie blo. Mowẹ Absalọmi lẹ́ hlan owhé etọn titi gbè, bo ma mọ nukunmẹ otọ́ etọn tọn gba.

²⁵Dinvie to Islaeli lẹpo mẹ mẹde ma tin nado yín pipa susu sọmọ di Absalọmi na owhànpẹ etọn: sọn afọgbẹn afọ etọn tọn yèdọ jẹ ahọndomẹ ota etọn tọn dèhlan de ma tin to ewọ mẹ gba. ²⁶Whenuena ewọ sọ pà odà ota etọn tọn, (dinvie é yín opodo owhèmẹ whemẹ tọn wẹ é nọ pà ẹ: na odà lọ yín agbàn to e ji wutu, enẹwutu wẹ e do nọ pà ẹ:) é jlẹ odà ota etọn tọn do ṣẹkle fọde, kẹdẹdi ojlẹ ahọlu tọn. ²⁷Podọ hlan Absalọmi yè ji visunnu atọ̀n, po viyọnnu dopo po, oyín mẹhetọn yín Tamali: ewọ sọ yín yọnnu nukunmẹ owhanpẹ tọn de.

²⁸Absalọmi sọ̀ owhè awe gigọ́ to Jelusalẹm; ewọ ma sọ mọ nukunmẹ ahọlu tọn gba. ²⁹Whenẹnu wẹ Absalọmi domẹhlan Joabi, nado do e hlan ahọlu de; ṣigba ewọ ma jlo na wá e de gba: é sọ vọ́ mẹdohlan whla awetọ, aigba ewọ ma sọ jlo na wá. ³⁰Enẹwutu ewọdọ hlan mẹmẹsi etọn lẹ dọmọ, Pọ́n ogle Joabi tọn tin sẹpọ ṣie, é sọ tindo gbadó bale to finẹ; mì yì bo si miyọn ẹn. Mẹmẹsi Absalọmi tọn lẹ sọ si miyọn ogle lẹ. ³¹Whenẹnu wẹ Joabi tite bo wá Absalọmi de to owhé etọn gbè, bo dọ hlan ẹn dọmọ, Etẹwutu wẹ mẹmẹsi towe lẹ do si miyọn ogle ṣie? ³²Absalọmi sọ gblọnna Joabi dọmọ, Dayi e go, yẹn domẹhlan we, dọmọ, Wá file, na yẹn nido do we hlan ahọlu de, nado dọmọ, Etẹwutu wẹ yè do hẹn mi wá sọn Gẹsuli? é yín pónte na mi nado tin to finẹ zọnmì: enẹwutu dinvie gbọ yẹn ni mọ nukunmẹ ahọlu tọn; podọ eyín ylanwà tin to yẹn mẹ, gbọ e ni hù mi. ³³Mọwẹ Joabi wa ahọlu de, bo dọ nẹ̃; whenuena ewọ sọ ylọ na Absalọmi, é wá ahọlu de bo dẹ ede do nukunmẹ etọn ji hlan aigba to ahọlu nukọn: ahọlu sọ donunùgona Absalọmi.

¹E sọ wá jọ to onú he godo, wẹ Absalọmi wleawu kẹkẹ de tọn po osé lẹ po, po gbẹtọ kandeao po nado họnwezun to e nukọn. ²Absalọmi sọ tite to afọnnufu, bo ṣite to adà aliho hòngbo tọn tó: e sọ yín mọ, dọ whenuena omẹ de ko tindo owhé de he do wá ahọlu de na whẹ̀dida, whenẹnu Absalọmi nọ ylọ hlan ẹn, bo nọ dọmọ, Sọn todaho té mẹ hiẹ te? Ewọ sọ nọ dọmọ, Memẹsi towe tin sọn dopo whẹ́ndo Islaeli tọn lẹ mẹ. ³Absalọmi sọ nọ dọ hlan ẹn dọ, Pọ́n, whẹ̀ho towe lẹ yín dagbe po jijlọ po; ṣigba omẹ whẹ́yídomẹjitọ de ma tin sọn ahọlu de nado sè we gba. ⁴Absalọmi sọ nọ dọ dogóhumọ dọmọ, Ṣó dọ yè yi mi do basi whẹ̀datọ to aigba lọ ji, bọ omẹ he tindo owhẹ́ depope lẹpo na do wá dẽ, bọ yẹn na do wà dódo nẹ̃! ⁵E sọ yín mọ, dọ whenuena omẹ depope wá sẹpọ́ nado kanwhébiọ nẹ̃, e nọ dè alọ etọn jẹgbonu, bo hẹn e go, bo donùnùgo nẹ̃. ⁶Ehe hunkọ wẹ Absalọmi wà hlan Islaeli lẹpo he wá ahọlu de na whẹ̀dida: mọwẹ Absalọmi tìn ayiha omẹ Islaeli tọn tọn lẹ.

⁷E sọ wá jọ to opodo owhe kande tọn, wẹ Absalọmi dọ hlan ahọlu dọmọ, Yẹn vẹ́ we, gbọ yẹn ni yì bo dèpà ṣie to Heblọni ehe yẹn dọ hlan OKLUNỌ. ⁸Na mẹmẹsi towe ko dopà de whenuena yẹn tin to Gẹsuli to Silia mẹ, dọmọ, Eyín OKLUNỌ nugbonugbo na sọ hẹn mi wá Jelusalẹm, be whenẹnu yẹn na nọ sẹ́n OKLUNỌ. ⁹Ahọlu sọ dọ hlan ẹn dọmọ, Yì jijọho mẹ. Mọwẹ ewọ tite bo yì Heblọni mẹ. ¹⁰Ṣigba Absalọmi do amẹ́ lẹ hlan whẹndo Islaeli tọn lẹpo mẹ lédo, dọmọ, Le mì sè ogbè opẹ́n tọn ṣaun, whenẹnu wẹ mì na dọmọ, Absalọmi yín ahọlu to Heblọni mẹ. ¹¹Sunnusi fọde po Absalọmi po sọ tón yì sọn Jelusalẹm, he yè ylọ, bo yì to mayọndẽ yetọn mẹ; yé ma sọ yón onú depope. ¹²Absalọmi sọ domẹhlan na Ahitofẹli Gilọninu lọ, hónamẹtọ Davidi tọn, sọn tòdaho etọn mẹ, yèdọ sọn Gilohi, whenuena ewọ to avọ́sánnu lẹ na. Núbibla lọ tin huhlọn; na gbẹtọ lẹ to susudeji to Absalọmi de tẹ́gbẹ.

¹³Mẹdagun de sọ wá Davidi de, dọmọ, Jayiha omẹ Islaeli tọn lẹ tọn tin to Absalọmi godo. ¹⁴Davidi sọ dọ hlan mẹmẹsi etọn lẹpo he tin to e de to Jelusalẹm, dọmọ, Tite, bo gbọ mí ni họ̀nyì; na é glomọ́ ode mìtọn ma na họ̀ngán sọn Absalọmi de gba: mì yawu nado fọ́nyì, ewọ niká gbòmọna mí teji, bo hẹn oylan wá mí ji, bo yí onù ohi ton do hò tòdaho lọ. ¹⁵Memẹsi ahọlu tọn lẹ sọ dọ hlan ahọlu dọmọ, Dayi e go, mẹmẹsi towe lẹ yín awuwletọ nado wà nudepope ahọlu klunọ ṣie na dè. ¹⁶Ahọlu sọ tón yì, po whégbètọ etọn lẹpo po to godo nẹ. Ahọlu sọ po yọnnu ao dai, he yín yọnnuyiyi lẹ, nado pọ́n whégbè go. ¹⁷Ahọlu sọ tón yì po gbẹtọ lẹpo po to godo nẹ̃; yé sọ dọ̀ngbàn to Betimẹlhaki mẹ. ¹⁸Mẹmẹsi etọn lẹpo sọ ju jei to adà etọn mẹ; Kẹlẹtinu lẹpo, po Pẹlẹtinu lẹpo po, po Gitinu lẹpo po, sunnusi nuọntọ̀n he domọna ẹn wá sọn Gati, ju jei to ahọlu nukọn. ¹⁹Whenẹnu wẹ ahọlu dọ hlan Itai Gitinu lọ dọmọ, Etẹwutu wẹ hiẹ ga hodo mí jei? lẹ́, bo nò ahọlu de: na jonọ de wẹ hiẹ, podọ ga gbéjinu de; lé do otẹn towe titi mẹ. ²⁰Osọ̀ fi wẹ hiẹ wá, yẹn ni sọ hẹn we to egbé to oji yì to odò yì po mí po, mimọ yẹn jei fie yẹn pla? hiẹ ni lé, bo plan mẹmẹsunnu towe lẹ yì; lẹblanu po nugbo po ni tin to de we. ²¹Itai sọ gblọnna ahọlu, bo dọmọ, Le OKLUNỌ to ogbẹ́, podọ le ahọlu klunọ ṣie sọ to ogbẹ́, nugbonugbo otẹn fie me ahọlu klunọ ṣie na te, eyín na okú kavi na ogbẹ́, yèdọ finẹ ga wẹ mẹmẹsi towe na te. ²²Davidi sọ dọ hlan Itai dọmọ, Yì bo juyì gododọ̃n. Itai Gitinu lọ sọ juyì gododọ̃n, po omẹ etọn lẹpo po, po omẹ flinflin he tin to e de lẹpo po. ²³Otò lẹpo sọ yí ogbè lélé de do to avivi, gbẹtọ lẹpo sọ juyì gododọ̃n: ahọlu lọsu ga sọ juyì tòpẹsẹ Eidlọni gododọ̃n, gbẹtọ lẹpo sọ juyì gododọ̃n, hlan aliho zùngbomẹ tọn dali. ²⁴Bo, pọ́n, Zadọki wá ga, po Levinu lẹpo po po e po, hẹn alki alẹ̀nù Jiwheyẹwhe tọn tọn; yé sọ zé alki Jiwheyẹwhe tọn lọ dai, Abiatali sọ yì aga, kaka gbẹtọ lẹpo ko do basi jujuyì pó tọn sọn tòdaho lọ mẹ. ²⁵Ahọlu sọ dọ hlan Zadọki dọmọ, Hẹn alki Jiwheyẹwhe tọn lọ gọ̀ yì tòdaho mẹ: eyín yẹn na mọ nukundagbe to nukun OKLUNỌ tọn lọ mẹ, ewọ na sọ hẹn mi wá, bo do e hia mi, po fininó etọn po: ²⁶Ṣigba eyín ewọ dọ le dọmọ, Yen ma tindo homẹhùn de to hiẹ mẹ gba? dayi é go, yẹn tin to ofi, gbọ é ni wà hlan mi le é sọawuhia dagbe: hlan ẹn do. ²⁷Ahọlu sọ dọ ga hlan Zadọki yẹwhenọ dọmọ, Hiẹ ma ka yín númọtọ? le biọ tòdaho lọ mẹ to jijọho mẹ, po visunnu towe awe lẹ po po hiẹ po, Ahimaazi visunnu towe po Jonatani visunnu Abiatali tọn po. ²⁸Pọ́n, yẹn na dòngbàn to tòpẹsẹ zùngbomẹ tọn tó, kaka ohó do sọn mì de wá nado dọ na mi. ²⁹Enẹwutu Zadọki po Abiatali po sọ hẹn alki Jiwheyẹwhe tọn lọ yì Jelusalẹm: yé sọ nọ̀ finẹ.

³⁰Davidi sọ yì aga gbọn jeiaga osé Olivieli tọn lẹ dali, bo to avivi le é to aga hẹ́ jei; é tindo ota etọn ṣinyọnnúdo, bo zọ́n afọvó jei; gbẹtọ he tin to e de lẹpo omẹ dopodopo ṣinyọnnu ota etọn, yé hẹ́ji yì, bo to avivi le yé to jihẹ jei. ³¹Omẹde sọ dọ na Davidi, dọmọ, Ahitofẹli tin to núblatọ lẹ ṣẹnṣẹn hẹ Absalọmi, Davidi sọ dọmọ, Yẹn vẹ́ we, OKLUNỌ, diọ hónamẹ Ahitofẹli tọn do ylando mẹ. ³²E sọ wá jọ, dọ whenuena yè hẹn Davidi wá adàdànu jeiaga fie yè nọ litaina Jiwheyẹwhe te tọn, dayi e go, Huṣai Alkinu lọ wá nado pé e po agawu etọn po tintlẹn, po kọ́gudu po to ota etọn: ³³Davidi sọ dọ hlan ẹn dọmọ, Eyín hiẹ juyì po yẹn po, whenẹnu hiẹ na yín agbàn de hlan mì: ³⁴Ṣigba eyín hiẹ gọ̀ do tòdaho mẹ, bo dọ hlan Absalọmi dọmọ, Ahọlu, yẹn na yín mẹmẹsi towe; dile yẹn ko yín mẹmẹsi otọ́ towe tọn do to ojlẹ hóhó mẹ, mọwẹ yẹn na yín mẹmẹsi towe dinvie do: whenẹnu hiẹ na gbleawhàn hónamẹ Ahitofẹli tọn na mi. ³⁵Hiẹ ma ka tindo Zadọki po Abiatali po yẹwhenọ lẹ to finẹ po hiẹ po? enẹwutu é na yín, dọ onú depope hiẹ na sè sọn owhó ahọlu lọ tọn gbè, hiẹ na dọ ẹ hlan Zadọki po Abiatali po yẹwhenọ lẹ po. ³⁶Dayi e go, yé tindo visunnu yetọn awe lẹ to yé de to finẹ, Ahamaazi visunnu Zadọki tọn, po Jonatani visunnu Abiatali tọn po; gbọn yé dali wẹ mì na nọ dọhlan mì onú he mìna sè lẹ depope. ³⁷Mowẹ Huṣai họ́ntọn Davidi tọn biọ tòdaho lọ mẹ wá; Absalọmi sọ biọ Jelusalẹm mẹ wá.

¹WHENUENA yè hẹn Davidi zẹ́ adàdànu jeiaga tọn go po de, dayi e go, Ziba mẹmẹsi Mẹfiboṣẹti tọn pé, po awetọ kẹtẹkẹtẹ agbànnọ tọn de po, mlinmlin akla tọn lẹ to yé ji, po ohín kanweko vẹ̃nsinsẹ̀n húhú lẹ po, po kanwe ko atinsinsẹ́n alúnlún mẹ tọn lẹ po, poogò ovẹ̃n tọn dopo po. ²Ahọlu sọ dọ hlan Ziba dọmọ, Etẹ hiẹ lẹn gbọn ehelẹ dali? Ziba sọ dọmọ, Kẹtẹkẹtẹ lẹ tin na whégbétọ ahọlu tọn lẹ nado nọ hẹ́; akla po atinsinsẹ́n alúnlún mẹ tọn lẹ lọ po na yọ̀pọ sunnu lẹ nado dù; ovẹ̃n lọ, dọ omẹ mọnkọ he yín pàkútọ to zùngbomẹ nido nù. ³Ahọlu sọ dọmọ, Fie ka wẹ visunnu mẹmẹnu towe tọn te? Ziba sọ dọ hlan ahọlu dọmọ, Dayi e go, ewọ tin to Jelusalẹm: na é didọmọ, Egbé wẹ owhé Islaeli tọn na gọ̀ ahọludu otọ́ ṣie tọn jó na mi. ⁴Whenẹnu wẹ ahọlu dọ hlan Ziba dọmọ, Dayi e go, towe wẹ onú lepo he tin hlan Mẹfibosẹti yín Ziba so dọmọ, Yẹn to whekanbiọ; gbọ yẹn ni din nukundagbe mọ to nukun towe mẹ, ahọlu E, klunọ ṣie.

⁵Whenuena Davidi ahọlu wá Bahulimi, dayi e go, dawe de tọ́n sọn finẹ wá sọn whédo owhé Sauli tọn tọn mẹ, oyín mẹhetọn yín Ṣimei, visunnu Gela tọn: é tón wá, le é ja jànwẹ é to dẹ́hòdo. ⁶E sọ dlan zannu lẹ do Davidi, podọ do mẹmẹsi Davidi ahọlu tọn lẹpo: gbẹtọ lẹpo po omẹ huhlọnnọ lẹpo po tin to alọ etọn adusi mẹ podọ to amiyọn etọn mẹ. ⁷Le dọ Slimei te whenuena é to dẹ̀hòdo, Tónyi ì, tónyì, hiẹ omẹ ohùn tọn, po omẹ Béliali tọn po: ⁸OKLUNỌ ko gọ̀ ohùn owhé Sauli tọn tọn do oji we, otẹn mẹhetọn mẹ hiẹ dùahọlu te; OKLUNỌ ko sọ jó ahọludu do alọ Absalọmi visunnu towe tọn mẹ: bo, dayi e go, yè wle we to odanu towe titi mẹ, na hiẹ yín omẹ ohùn tọn de wutu. ⁹Whenẹnu wẹ Abisai visunnu Zeluia tọn dọ hlan ahọlu dọmọ, Etẹwutu wẹ avún kúkú he na do to dẹ́hòdo ahọlu klunọ ṣie? yẹn vẹ́ we, gbọ yẹn ni yì agadọn, bo dè ota etọn sẹ́. ¹⁰Ahọlu sọ dọmọ, Etẹ́ yẹn tindo nado wà hẹ mì, mì visunnu Zeluia tọn lẹ? Na ewọ to dèhòdo wutu, podọ na OKLUNỌ ko dọ hlan ẹn dọmọ, Hòdẹ́do Davidi wutu; whenẹnu mẹnu wẹ sọgan dọmọ, Etẹwutu wẹ hiẹ ko wà mọ? ¹¹Davidi sọ dọ hlan Abiṣai podọ hlan mẹmẹsi etọn lẹpo dọmọ, Dayi e go, visunnu ṣie, he tọ́n sọn adọ̀ ṣie mẹ to ogbẹ̀ ṣie din: nẹmunẹmu hú wẹ Bẹnjamininu he dinvie wà ẹ? jó e do abọẹ, bo gbọ é ni to dẹ́hòdo; na OKLUNỌ wẹ degbè nẹ. ¹²Ẹ nido yín dọ OKLUNỌ na pọ́n núwàyìndo yè wà hlan mi, podọ OKLUNỌ na suahọ mi dagbe na dẹ́hihodo mi etọn egbé tọn. ¹³Mowẹ Davidi po omẹ etọn lẹ po to yìyì gbọn aliho lọ: Ṣimei sọ to yìyì to okọta lọ go wàji to titegbe e tọn, bo sọ to dẹ́hòdo le é to yìyì, bo zannu lẹ dlan do e, bo sọ to kọ́gudu mìhlan. ¹⁴Ahọlu po omẹ he tin to e de lẹpo po, wá po nudikọ po; ewọ sọ nagbọjẹ ede to finẹ.

¹⁵Absalọmi, po gbẹtọ lẹpo po po omẹ Islaeli tọn lẹ po sọ wá Jelusalẹm, Ahitofẹli po e po. ¹⁶E sọ wá jọ, whenuena ye hẹn Huṣai Alkinu lọ, họ́ntọn Davidi tọn wá Absalọmi de, wẹ Huṣai dọ hlan Absalọmi dọmọ, Jiwheyẹwhe ni whlẹn ahọlu, Jiwheyẹwhe ni whlẹn ahọlu. ¹⁷Absalọmi sọ dọ hlan Huṣai dọmọ, Ehe wẹ dagbewà towe hlan họ́ntọn towe? etẹwutu wẹ hiẹ ma yì po họ́ntọn towe po? ¹⁸Huṣai sọ dọ hlan Absalọmi dọmọ, Lala; ṣigba mẹhe OKLUNỌ, po gbẹtọ he lẹ po, po omẹ Islaeli tọn lẹpo po ko dè, etọn wẹ yẹn na yín, e de wẹ yẹn na sọ nọnọ̀. ¹⁹Podọ dogọ, mẹnu wẹ yẹn do sẹ́n? bé yẹn ma do nọ sẹ́n to nukọn visunnu etọn tọn? dile yẹn ko sẹ́n to nukọn otọ́ towe tọn do, mọwẹ yẹn na te to nukọn towe. ²⁰Whenẹnu wẹ Absalọmi dọ hlan Ahitofẹli dọmọ, Na hónamẹ towe eté mí na wà. ²¹Ahitofẹli sọ dọ hlan Absalọmi dọmọ, Biọ whégbè yì yọnnuyiyi otọ́ towe tọn lẹ de, he é pòdai nado to whégbè go pọ́n; Islaeli lẹpo na sọ sè dọ yè gbẹwanna we sọn otọ́ towe de: whenẹnu wẹ alọ omẹ he to de we lẹpo tọn lẹ na yín sinsinyẹn. ²²Mowẹ yé vlọn gohò de do aga ohọ̀ tọn na Absalọmi; Absalọmi sọ biọ whégbè yì yọnnuyiyi otọ́ etọn tọn lẹ de to nukun Islaeli lẹpo tọn mẹ. ²³Hónamẹ Ahitofẹli tọn, he é do nahómẹ to azán nẹlẹ mẹ, tin di eyín omẹ de ko kanbiọ to ohó Jiwheyẹwhe tọn de: mọwẹ hónamẹ Ahitofẹli tọn lẹpo yín to Davidi de podọ to Absalọmi de.

¹HUMỌ Ahitofẹli dọ hlan Absalọmi dọmọ, Gbọ yẹn ni dè sunnusi fọtọ́n wiawe dinvie, yẹn bo na sọ tite bo domọna Davidi to godo to ozán he mẹ: ²Yẹn na sọ wá e ji whenuena ewọ yín alọ núdikọnanọ podọ madogannọ, bo na hẹn ẹn savọ̀: omẹ he tin to e de lẹpo na họ̀nyì; yẹn bo na sọ hò ahọlu lọ dopokẹdẹ: ³Yẹn bo na sọ hẹn gbẹtọ lẹpo gọ̀ wá de we: omẹ he hiẹ to dindin lọ tin di eyín popo ko lẹ́gọ̀: mọwẹ gbẹtọ lẹpo na sọ tin to jijọho. ⁴Didọ lọ sọ hẹnhomẹhùn Absalọmi dagbedagbe, po mẹho Islaeli tọn lẹpo po.

⁵Whenẹnu wẹ Absalọmi dọmọ, Ylọ dinvie Huṣai Alkinu lọ ga, bo gbọ mí ni sè mọga núhe é dọ. ⁶Whenuena yè sọ hẹn Huṣai wá Absalọmi de, Absalọmi dọhó hlan ẹn, dọmọ, Ahitofẹli ko dọhó di ehe nkọ: mí na wà di didọ etọn? eyín lala, hiẹ bo dọhó. ⁷Huṣai sọ dọ hlan Absalọmi dọmọ, Hónamẹ he Ahitofẹli na to ojlẹ he mẹ ma yín dagbe gba. ⁸Huṣai sọ dọ humọ, dọmọ, Hiẹ yón otọ́ towe po omẹ etọn lẹ po, dọ yé yín sunnu hlọnhlọnnọ, podọ yè ko dadihomẹna yé to ayiha yetọn mẹ, di ogbépọẹ de he yè fọ̀ ovi lẹ sọn e si to danji: podọ otọ́ towe sunnu awhàn tọn de wẹ, bo ma na dọpó po gbẹtọ lẹ po gba ⁹Dayi e go, yè whla ẹ dinvie do dògbògbé de mẹ, kavi do ofi devo de: é na sọ wá jọ, whenuena yè hẹn adade sọn yé mẹ jai, to tintan, wẹ mẹdepope he sè e na dọmọ, Hùhù de tin to omẹ he hodo Absalọmi lẹ ṣẹnṣẹn. ¹⁰Podọ yèdọ ewọ he yín adántọ, ayiha mẹhetọn tin di ayiha kinnikinni de tọn, na yé patapata: na Islaeli lẹpo yọnẹn dọ sunnu hlọnhlọnnọ de wẹ otọ́ towe, podọ mẹhe tin to e de lẹ omẹ adántọ wẹ yé. ¹¹Ṣigba yẹn nahó dọ yè ni bé Islaeli lẹpo plidopọ do de we, sọn Dani yèdọ jẹ Beẹli-seba, di otọ̀kẹ́n he tin to ohù tó na gégé: podọ hiẹ ni yì awhànfuntẹn na dewe. ¹²Mọwẹ mí na wá e ji to ofi de fie yè na din in mọ te, míwlẹ na sọ jẹ́ e ji dile ahún nọ jà do aigba do: sọn e de podọ sọn omẹ etọn he tin to e de lẹpo de mí ma na pòdai susọ mọ di dopo gba. ¹³Humọ, eyín yè mọ ẹn biọ tòdaho de mẹ, whenẹnu wẹ Islaeli lẹpo na hẹn okàn lẹ wá tọ̀daho nẹ kọ̀n, míwlẹ na sọ dón ẹn biọ otọ̀ mẹ, kaka yè ma na din zannu pẹvi dopo mọ to finẹ gba; ¹⁴Absalọmi po omẹ Islaeli tọn lẹpo po sọ dọmọ, Hónamẹ Huṣai Alkinu lọ tọn yín pónte hú hónamẹ Ahitofẹli tọn. Na OKLUNỌ ko doai nado gbleawhàn hónamẹ dagbe Ahitofẹli tọn, hlan linlẹn lọ dọ OKLUNỌ nido hẹn oylan wá Absalọmi ji.

¹⁵Whenẹnu wẹ Huṣai dọ hlan Zedọki podọ hlan Abiatali yẹwhenọ lẹ lọ dọmọ, Le po le po wẹ Ahitofẹli nahó Absalọmi po mẹho Islaeli tọn lẹ po do; podọ le po le po wẹ yẹn ko nahómẹ do. ¹⁶Enẹwutu dinvie domẹhlan plaun bo dọ na Davidi, dọmọ, A dó tọ́pẹṣẹ zùngbomẹ tọn lẹ tọn tó to ozán he mẹ blo, ṣigba é bo to depope juyì gododọ̃n; ahọlu nikã yín zémì, po omẹ he tin to e de lẹpo po. ¹⁷Dinvie Jonatani po Ahimaazi po ṣite to En-lo gẹli dali; devisunnu de wẹ nọ yì bo dọ na yé; bọ yéwlẹ nọ yì bo dọ na Davidi ahọlu: na yè ni ma do mọ yé nado wá biọ tòdaho lọ mẹ. ¹⁸Ṣigba visunnu de mọ yé, bo dọ na Absalọmi: yé omẹ awe lẹ sọ yì plaun, bo wá owhé dawe de tọn gbè to Bahulimi mẹ, mẹhe tindo dòtọ̀ de to awlo etọn mẹ; yé sọ jẹte yì finẹ. ¹⁹Nawe lọ sọ yí bo tẹ́ núsúnú do onù dotọ lọ tọn ji, bo kàn gbadó ginglin do e ji; núde ma sọ yín yinyọnẹn. ²⁰Mẹmẹsi Absalọmi tọn lẹ sọ wá nawe lọ de to owhé gbè; yé sọ dọmọ, Fie wẹ Ahimaazi po Jonatani po te? Nawe lọ sọ dọ hlan yé dọmọ, Yè hẹn yé tónyì aga asisa osìn tọn gododọ̃n. Whenuena yé ko din bo ma sọgan mọ yé, yé lẹ́gọ̀ do Jelusalẹm. ²¹E sọ wá jọ, whenuena yè hẹn yé fọ́nyì godo, wẹ yé tọ́n sọn dòtọ́ lọ mẹ wá aga, bo yì bo dọ na Davidi ahọlu; yé sọ dọ hlan Davidi dọmọ, Mì tite, bo juyì osìn gododọ̃n plaun: na le wẹ Ahitofẹli ko nahó do mì ji do. ²²Whenẹnu wẹ Davidi tite, po gbẹtọ he tin to e de lẹpo po, yé sọ juyì Jọdani gododọ̃n: to afọnnu hinhọn damẹ, omẹ de ma pò sọn yé mẹ he yè ma họn yì Jọdani gododón. ²³Whenuena Ahitofẹli mọ dọ yè ma hodo hónamẹ etọn gba, é blapàna kẹtẹkẹtẹ etọn, bo tite, bo yì owhé, hlan tòdaho etọn mẹ, bo do owhé etọn do gànji, bo sìn ede pla; ewọ sọ kú, yè sọ di i do olidò otọ́ etọn tọn mẹ.

²⁴Whenẹnu we Davidi wá Mahanaimi. Absalọmi sọ juyì Jọdani gododọ̃n, ewọ po omẹ Islaeli tọn lẹpo po po e po ²⁵Absalọmi sọ dè Amasa do awhànpa lọ ji to otẹn Joabi tọn mẹ. Dinvie visunnu dawe de tọn wẹ Amasa, oyín mẹhetọn yín Itla Islaelinu lọ, he biọ whégbè yì Abigali viyọnnu Nahasi tọn de, nọviyọnnu hlan Zelina onọ Joabi tọn. ²⁶Islaeli po Absalọmi po dosla do aigba Gileadi tọn ji.

²⁷E sọ wá jọ, whenuenayè ko hẹn Davidi wá Mahanaimi, wẹ Ẹobi visunnu Nahasi Labba tọn tọn sọn ovi Ammọni tọn lẹ mẹ, podọ Makili visunnu Ammiẹli Lodebali tọn tọn, po Balizilai Gileadinu po, ²⁸Hẹn adọzan lẹ, po ẹlfelẹ lẹ po, po ozẹ́n lẹ po, po oli po, po bale po, po olinfìn po, po gbadó si-ọ po, po ayivi po, po apada po, po azíngbé sisọ́ po, ²⁹Po owín po, po anọsìnhiho po, po lẹngbọ lẹ po, po yínnóadlọ po, wá, na Davidi, podọ na omẹ he tin to e de lẹ nado dù: na yé dọmọ, Gbẹtọ lẹ yín huvẹ́nọ, nudikọnọ, nùgblanọ, to Zùngbo mẹ.

¹DAVIDI sọ hia omẹ he tin to e de lẹ, bo dè awhàngán fọtọ́n lẹ tọn lẹ podọ awhàngán kanweko lẹ tọn lẹ do yé ji. ²Davidi sọ do gbẹtọ lẹ hlan gbonu, odá atọ̀ntọ de to alọ Joabi tọn glọ, odá atọ̀ntọ de to alọ Abisai tọn glọ, visunnu Zeluia tọn, nọvisunnu Joabi tọn, po odá atọ̀ntọ po to alọ Itai Gitinu tọn glọ. Ahọlu sọ dọ hlan gbẹtọ lẹ dọmọ, Yẹnlọsu na tọ́n yì ga po mì po nugbonugbo. ³Ṣigba gbẹtọ lẹ dọmọ, Hiẹ ma na tọn yì gba: na eyín míwlẹ họ̀nyì, yé ma to na jẹtukla na mí gba; kavi eyín dadawe mí tọn kú, yé ma na jẹtukla na mí gba: ṣigba hiẹ tin peakuẹsọ fọtọ́n ao mí tọn: enẹwutu dinvie é yín pọ̀nte dọ hiẹ ni tin gànji nado gọalọna mi sọn tòdaho lọ mẹ. ⁴Ahọlu sọ dọ hlan yé dọmọ, Núhe sọawuhiana mì yọnhú wẹ yẹn na wà. Ahọlu sọ ṣite to họ̀ngbo wàji, gbẹtọ lẹpo sọ to tintọ́n kanweko-kanweko po fọtọ́n-fọtọ́n po. ⁵Ahọlu sọ naṣẹ Joabi po Abisai po po Itai po, dọmọ, Yí dẹ̃dẹ̃ do zán hẹ yọ̀pọ sunnu lọ na ṣie tọn wutu, yèdọ hẹ Absalọmi. Gbẹtọ lẹpo sọ sè whenuena ahọlu nasẹ awhàngán lẹpo gbọn Absalọmi tọn dali. ⁶Mowẹ gbẹtọ lẹpo tọ́n yì biọ danji do Islaeli ji: awhàn lọ sọ tin to zùnkan Eflaimi tọn mẹ. ⁷Yè sọ hò omẹ Islaeli tọn lẹ to finẹ to mẹmẹsi Davidi tọn lẹ nukọn, hùhù daho omẹ fọtọ́n okò tọn de wẹ tin to gbènẹgbe to finẹ. ⁸Na yè tẹ́ awhàn lọ to finẹ do nukunmẹ otò tọn lẹpo ji: zùnkan lọ sọ và gbẹtọ susu to gbènẹgbe hú ehe ohi và. ⁹Absalọmi sọ dùkosọ nado pé mẹmẹsi Davidi tọn lẹ. Absalọmi hẹ̀ otlòsọ etọn ji, otlòsọ lọ sọ gbọn alà atin pánhan daho de tọn glọ yì, yè sọ zé e daga to olọn po aigba po ṣẹnṣẹn; otlòsọ he tin to glọ etọn lọ sọ jù yì. ¹⁰Dawe de sọ mọ ẹn, bo dọ na Joabi, bo dọmọ, Dayi e go, yẹn mọ Absalọmi to pipla to atin-pánkan de mẹ. ¹¹Joabi sọ dọ hlan dawe he dọ nẹ lọ dọmọ, Bo, dayi e go, bé hiẹ mọ ẹn, etẹwutu wẹ hiẹ ma hò e liai to finẹ? yẹn do ko na wòwò fataka tọn ao hiẹ po homẹbla de po. ¹²Dawe lọ sọ dọ hlan Joabi dọmọ, Eyín yẹn na do mọ wòwò fọtọ́n fataka tọn yí do alọ ṣie mẹ, gãnṣo yẹn ma na dé alọ ṣie jẹgbonu do visunnu ahọlu tọn go gba: na to sisè mìtọn mẹ ahọlu naṣẹ hiẹ po Abisai po po Itai po, dọmọ, Payi dọ mẹde doalọ yọ̀pọ sunnu lọ Absalọmi go blo. ¹³Emayínmọ eyín yẹn ko yí okà do zán hẹ ogbè etọn, (whẹhó de ma tin whiwhla sọn ahọlu de) whenẹnu hiẹ lọsu do ko ṣite to aganu. ¹⁴Whenẹnu wẹ Joabi dọmọ, Yẹn ma sọgan dọ̀ngbàn le to de we gba. E sọ bẹ̀ owhán atọ̀n do alọ etọn mẹ, bo tlọ yé do otù Absalọmi tọn mẹ luntọ́n, whenuena ewọ gbé sọ tin to ogbè to ogbla atinpánhan lọ tọn mẹ. ¹⁵Yọpọ sunnu ao he hẹn awhàngbaja Joabi tọn lẹ sọ tò lẹ̀do bo hò Absalọmi bo hù i ¹⁶Joabi sọ kún opèn lọ, gbẹtọ lẹ sọ lé sọn mọdona mẹ to Islaeli godo: na Joabi dọ̀n gbẹtọ lẹ do godo. ¹⁷Yé sọ zé Absalọmi, bo dlan ẹn do dògbọ̀gbé daho lọ mẹ to zùnkan mẹ, bo bẹ́ okiti zannu daho lẹ tọn de do e ji: Islaeli lẹpo sọ họ̀nyì omẹ dopodopo do gohọ̀ etọn mẹ. ¹⁸Dinvie Absalọmi to ogbẹ̀ whenu etọn mẹ ko yí bo do dòtin na ede, he tin to agbàdo ahọlu tọn mẹ: na é dọmọ, Yẹn ma tindo visunnu de nado hẹn oyín ṣie do otè to oflin mẹ gba: ewọ sọ yí oyín etọn titi do nọ ylọ dòtin lọ: yè sọ nọ ylọ ẹ Oflinnu Absalọmi tọn kakajẹ egbé.

¹⁹Whenẹnu wẹ Ahimaazi visunnu Zadọki tọn dọmọ, Gbọ yẹn ni dowezun dinvie bo hẹn owẹ̀n yì ahọlu de, le na OKLUNỌ ko yíahọsuna ẹn sọn kẹ̀ntọ etọn lẹ si do. ²⁰Joabi sọ dọ hlan ẹn dọmọ, Hiẹ ma na yín hinhẹntọ owẹ́n tọn to egbé gba, ṣigba na hẹn owẹ́n to azán devo gbè: ṣigba to egbé hiẹ ma na hẹn owẹ́n de gba, na visunnu ahọlu tọn yín oṣiọ wutu. ²¹Whenẹnu wẹ Joabi dọ hlan Kuṣinu lọ dọmọ, Yì dọ na ahọlu núhe hiẹ mọ Kuṣinu lọ sọ dè ede hlan Joabi, bo bẹ́wezun. ²²Whenẹnu wẹ Ahimaazi visunnu Zadọki tọn sọ vọ̀ dọ hlan Joabi dọmọ, Ṣigba wá núhe sọgan, yẹn vẹ̀ we, gbọ yẹn ga ni dowezun to Kuṣinu lọ godo. Joabi sọ dọmọ, Etẹwutu wẹ hiẹ na dowezun, visunnu ṣie, mimọ dọ hiẹ ma na tindo opó de na owẹ̀n lọ? ²³Ṣigba wá núhe sọgan, wẹ é dọ, Yẹn na dowezun. Ewọ sọ dọ hlan ẹn dọmọ, Dowezun. Whenẹnu wẹ Ahimaazi họ̀nwezun gbọn aliho Danfafa lọ tọn ji, bo dowezunzẹ Kuṣinu lọ go.

²⁴Dinvie Davidi sinai to họ̀ngbo awe lẹ ṣẹnṣẹn: hihọtọ sọ yì aga yì ohọta họ̀ngbo lọ tọn hlan dòkọ go, bo zé nukun etọn lẹ daga, bo pọ̀n, bo, dayi e go, dawe de to wezun do ja ewu dopo. ²⁵Hihọtọ lọ sọ dawhá, bo dọ na ahọlu. Ahọlu sọ dọmọ, Eyín é yín ewu dopo, be owẹ̀n tin to onù etọn mẹ. E sọ yawu wá, bo dọ̀n sẹ̀pọ́. ²⁶Hihọtọ sọ mọ dawe devo to wezundo ja, hihọtọ lọ sọ ylọ hlan họ̀njinọtọ lọ, bo dọmọ, Dayi e go, omẹ devo sọ to wezundo ja ewu dopo. Ahọlu sọ domọ, Ewọ ga hẹn owèn ja. ²⁷Hihọtọ lọ sọ dọmọ, Yen lẹn wezundido omẹ nukọn tọn tọn tin di wezundido Ahimaazi visunnu Zadoki tọn tọn. Ahọlu sọ domọ, Omẹ dagbe de wẹ ewọ, bo sọ ja po owẹ́n dagbe po. ²⁸Ahimaazi sọ ylọ, bo dọ hlan ahọlu dọmọ, Popolẹpo, yín dagbe. E sọ dẹ́ ede to ahọlu nukọn po nukunmẹ etọn po hlan aigba, bo dọmọ, Donanọ OKLUNỌ Jiwheyẹwhe towe ni yín, he ko jó omẹ he zé alọ yetọn daga do ahọlu klunọ ṣie ji ²⁹Ahọlu sọ dọmọ, Dagbe é yín to yọ̀pọ sunnu lọ Absalọmi de? Ahimaazi sọ gblọn dọmọ, Whenuena Joabi to mẹmẹsi ahọlu tọn dohlan, yèdọ yen mẹmẹsi towe, yẹn mọ zínhiho daho de, ṣigba yẹn ma yọ́n núhe é yín gba. ³⁰Ahọlu sọ dọmọ, Lẹ́ dapadopo, bo site to ofi Ewọ sọ lẹ́ dapadopo, bo site abọẹ. ³¹Bo dayi e go, Kuṣinu lọ wá; Kuṣinu lọ sọ dọmọ, Owẹ̀n na ahọlu klunọ ṣie: na OKLUNỌ ko yíahosuna we to egbé sọn omẹ he tite do oji we lepo si. ³²Ahọlu sọ dọ hlan Kuṣinu lọ dọmọ, Dagbe é yín to yọ̀pọ sunnu lọ Absalọmi de? Kuṣinu lọ sọ gblọn dọmọ, Kentọ aholu klunọ ṣie tọn lẹ po yé he tite do oji we nado gbleawuna we lẹpo po ni tin dile yọ̀pọ sunnu nẹ te. ³³Yè sọ hẹn ahọlu blawu susu, bo sọ hẹaga yì abo mẹ to hòngbo ji aga, bo to, avivi: le é to yìyì, le wẹ é to didọ dọmọ, E Absalọmi visunnu ṣie, visunnu ṣie, Absalọmi visunnu ṣiee jlo Jiwheyẹwhe yẹn wẹ ko kú na hiẹ, È visunnu ṣie, visunnu ṣie, Absalọmi.

¹Yè sọ dọ na Joabi dọmọ, Dayi e go, ahọlu to avivi bo sọ to awubla na Absalọmi. ²Yè sọ diọ awhàngba lọ do awubla mẹ to gbènegbe hlan gbẹtọ lepo: na gbẹtọ lẹ sè to gbènẹgbe dọ, Ahọlu to adisa na visunnu etọn. ³Gbẹtọ lẹ sọ hẹn yéde to gbènẹgbe sla biọ tòdaho mẹ, dile gbẹtọ he yè hẹn winyanhu lẹ nọ sla yì do whenuena yé họ̀nyì to awhànfuntẹn mẹ. ⁴Ahọlu sọ ṣinyọnnu nukunmẹ etọn, ahọlu sọ yí ogbè lélé de do to awhádo dọmọ, È visunnu ṣie, Absalọmi, visunnu ṣie, Absalọmi ⁵Joabi sọ bio whégbe wá ahọlu de bo dọmọ, Hiẹ ko dowinyan nukunmẹ mẹmẹsi towe lẹ tọn lẹ to egbé, azán egbé he ko whlẹn ogbẹ̀ towe, po ogbẹ̀ visunnu towe lẹ tọn po, po viyọnnu towe lẹ tọn po, po ogbẹ̀ asi towe lẹ tọn po, po ogbẹ̀ yọnnuyiyi towe lẹ tọn po; ⁶To ehe mẹ hiẹ yiwanna yé he gbẹwanna we lẹ, Na hiẹ ko dọ to egbe he dọ ahọvi lẹ po mẹmẹsi lẹ po yín nutata hlan we: na to egbé he wẹ yẹn mọhlan, dọ eyín Absalọmi ko to ogbẹ́ bọ mi mẹpo ko kú to egbé he, whenẹnu é ko hẹnhomẹhùn we dagbedagbe. ⁷Enẹwutu dinvie tite, tọ́n yì, bo yí homẹmiọn do dọhó hlan mẹmẹsi towe lẹ: na yen whle gbọn OKLUNỌ dali, eyín hiẹ ma tọ́n yì, omẹ de ma to na dọ̀ngbàn nọ̀ de we to ozán he mẹ: enẹ na sọ yín yìnylanhú hlan we hú oylan he ko to pipla wẹ lẹpo sọn ovú whenu towe kakajẹ dinvie. ⁸Whenẹnu wẹ ahọlu tite, bo sinai to họ̀ngbo ji. Yé sọ dọ hlan gbẹtọ lẹpo, dọmọ, Dayi e go, ahọlu to aisinsin to hòngbo ji mẹ: gbẹtọ lẹpo sọ wá ahọlu nukọn. Dinvie Islaeli ko hẹ̀n omẹ dopodopo yì gohọ̀ etọn mẹ. ⁹Gbẹtọ lẹpo sọ tin to wiwọ́ mẹ lẹ́do whẹndo Islaeli tọn lẹpo, dọmọ, Ahọlu whlẹn mí sọn alọ kẹntọ mìtọn lẹ tọn mẹ, é sọ whlen mí sọn alọ Filistini lẹ tọn mẹ; podọ dinvie yè hẹn ẹn họ̀nyì sọn aigba lọ ji sọn Absalọmi de. ¹⁰Bọ Absalọmi, mẹhe mi samisisána do mí ji, yín oṣiọ to awhànfuntẹn. Enẹwutu dinvie etẹwutu mì ma dọhó hinhẹn ahọlu gọ̀ wá tọn de?

¹¹Davidi ahọlu so domẹhlan Zadọki podọ hlan Abiatali yẹwhenọ lẹ, dọmọ, Dọhó hlan mẹho Juda tọn lẹ, dọmọ, Etẹwutu wẹ mìwlẹ yín godotọ nado hẹn ahọlu gọ̀ wá owhé etọn gbè? mimọ yè hẹn hógbè Islaeli lẹpo tọn wá aholu de, nado hẹn ẹn wá owhé etọn gbè. ¹²Mẹmẹsunnu ṣie lẹ wẹ mì, mìwlẹ wẹ ohú ṣie po agbasalan ṣie po: whenẹnu etẹwutu wẹ mìwlẹ do yín godotọ nado hẹn ahọlu gò wá? ¹³Mì bo sọ dọ hlan Amasa dọmọ, Bé hiẹ ma yín ohú ṣie po agbasalan ṣie po? Jiwheyẹwhe ni wà mọ hlan mi, podọ hú ga, eyín hiẹ ma yín awhàngán awhànpa lọ tọn to nukọn ṣie zọnmi to otẹn Joabi tọn me gba. ¹⁴Ewọ sọ dé ayiha omẹ Juda tọn lẹpo tọn, yèdọ di ayiha omẹ dopo tọn; mọ wẹ yé domẹhlan ahọlu, dọmọ, Hiẹ ni lẹ́gọ̀ po mẹmẹsi towe lẹpo po. ¹⁵Mọwẹ ahọlu lẹ́gọ̀ bo wá Jọdani. Juda sọ wá Gilgali, nado yì pé ahọlu, nado hẹn ahọlu wá Jọdani godo.

¹⁶Ṣimei visunnu Gela tọn, Bẹnjamininu lọ, he tin sọn Bahulimi, yawu bo jẹte wá po omẹ Juda tọn lẹ po nado pé Davidi ahọlu. ¹⁷Sunnusi fọtọ́n sọn Bẹnjamini mẹ sọ tin to e de, po Ziba mẹmẹsi sọn owhé Sauli tọn gbè po, po visunnu etọn kandeao le po po mẹmẹsi etọn okò lẹ po to e de; Yé sọ gbọn Jọdani mẹ yì to nukọn ahọlu tọn. ¹⁸Ahihún de sọ yì agadọ̃n nado hẹn whégbetọ ahọlu tọn lẹ hẹ́ji wá, podọ nado wà núhe é lẹn do dagbe. Si-mei visunnu Gela tọn sọ ṣinyọn ai to ahọlu nukọn, whenuena yè hen ẹn wá Jọdani gododọ̃n. ¹⁹E sọ dọ hlan ahọlu dọmọ, A dike klunọ ṣie hia oylanwà hlan mi blo, mọ hie sọ flin enẹ he mẹmẹsi towe yí mẹbadu do wà to gbẽgbe ahọlu klunọ ṣie tọ́n sọn Jelusalẹm jei, bọ aholu ni do yí i do ayiha mẹ. ²⁰Na mẹmẹsi towe yọnẹn dọ yẹn ko wàylando: enẹwutu, dayi e go, Yè hẹn mi wá to egbẹ́ omẹ tintan sọn owhé Josẹfu tọn lẹpo gbè nado jẹte yì nado pé ahọlu klunọ ṣie. ²¹Ṣigba Abisai visunnu Zeluia tọn gblọn bo dọmo, Bé yè ma na hù Ṣimei na ehe, na ewọ hodẹ̀do mẹyíamisisádodè OKLUNỌ tọn wutu? ²²Davidi sọ dọmọ, Etẹ́ yẹn tindo nado wà po mì po, mì visunnu Zeluia tọn lẹ, bọ mìwlẹ to egbé he do yín mẹglatọ lẹ hlan mi? omẹ de to fìne do yín hùhù to egbé to Islaeli mẹ? na be yẹn ma yọnẹn dọ egbé wẹ yẹn yín ahọlu to Islaeli ji? ²³Ahọlu sọ dọ hlan Ṣimei dọmọ, Hiẹ ma na kú gba. Ahọlu sọ whle hlan ẹn.

²⁴Mẹfibosẹti visunnu Sauli tọn sọ jẹte wá nado pé ahọlu; ewọ ma doaṣọna afọ etọn lẹ, mọ é ma sọ fò otán etọn, mọ é ma yàn avọ̀ etọn lẹ, sọn gbẽgbe ahọlu ko tọ́nyi kakajẹ gbẽgbe é wá whégbe to jijọho mẹ. ²⁵E sọ wá jọ, whenuena yè hẹn ẹn wá Jelusalẹm nado pé ahọlu, wẹ ahọlu dọ hlan ẹn dọmọ, Mẹfibosẹti, etẹwutu wẹ hiẹ ma yì po yẹn po? ²⁶E sọ gblọn dọmọ; Ahọlu, klunọ ṣie, mẹmẹsi ṣie wẹ klọ mi: na mẹmẹsi towe dọmọ, Yẹn na blapana kẹtẹkẹtẹ de, na yẹn nido hẹ́ e ji, bo yì po ahọlu po; na mẹmẹsi towe yín sékunọ wutu. ²⁷Ewọ ko sọ slẹ mẹmẹsi towe hlan ahọlu klunọ ṣie; ṣigba ahọlu klunọ ṣie tin di angẹli Jiwheyẹwhe tọn de: enẹwutu wà núhe yín dagbe to nukun towe lẹ mẹ. ²⁸Na owhé otọ́ ṣie tọn lẹpo tin di gbẹtọ oṣiọ lẹ to ahọlu klunọ ṣie nukọn: gãnṣo hiẹ zé mẹmẹsi towe do yé he nọ dù to tafo towe ji lẹ ṣẹnṣẹn. Enẹwutu ojlọjọ tẹwẹ yẹn sọ tindo ba bọ yẹn na do sọ to awhádo dogọ́ hlan ahọlu? ²⁹Ahọlu sọ dọ hlan ẹn dọmọ, Etẹwutu wẹ hiẹ sọ to ohó mẹmẹnu towe lẹ tọn dọ ba? yẹn dọmọ, Hiẹ po Ziba po ni má aigba lọ. ³⁰Mẹfibosẹti sọ dọ hlan ahọlu dọmọ, Nu gbo, gbọ é ni yí popolẹpo, sọle yè ko hẹn ahọlu klunọ ṣie to jijọho mẹ wá owhé etọn titi gbè.

³¹Balzilai Gileadinu lo sọ jẹte wá sọn Logelimi; é sọ hẹaga yì Jọdani po ahọlu po nado plan ẹn jẹ Jọdani gododọ̃n. ³²Dinvie Balzilai yín omẹ pòyọ́nho súsu, yèdọ owhè kanwe meho: é ko sọ wleawuna po núdùdù po whenuena é mlọnai to Mahanaimi; na omẹ daho talala de wẹ ewọ. ³³Ahọlu sọ dọ hlan Balzilai dọmọ, Hiẹ hẹji wá aga to dẽ, yẹn na sọ bẹ́ we to dè to Jelusalẹm mẹ. ³⁴Balzilai sọ dọ hlan ahọlu dọmọ, Nẹmu wẹ azán owhè ogbẹ̀ ṣie tọn lẹ, bọ yẹn na do hẹji po ahọlu po yì Jelusalẹm? ³⁵Yẹn to egbé yín owhè kanwe mẹho: yẹn sọ sọgan dawhẹ̀ to dagbe po oylan po ṣẹnṣẹn? mẹmẹsi towe sọ sọgan dẹ́ núhe yẹn dù kavi núhe yẹn nù pọ́n? yẹn sọ sọgan sè ogbè sunnu hànjitọ lẹ po yọnnu hànjitọ lẹ tọn po ba? enẹwutu etẹwutu wẹ mẹmẹsi towe na do yín agbàn de hlan ahọlu klunọ ṣie? ³⁶Mẹmẹsi towe na gbé do hẹaga yì Jọdani po ahọlu pò: etẹwutu ka we ahọlu na do yí ale mọnkọ de do suahọ e tọn mi? ³⁷Yẹn vẹ̀ we, gbọ mẹmẹsi towe, ni sọ gọ̀yì, na yẹn nido kú to tòdaho ṣie titi mẹ, to oyọdò otọ ṣie po onọ ṣie po tọn dali. Ṣigba dayi e go, Simhami mẹmẹsi towe; gbọ ewọ ni hẹaga yì po ahọlu klunọ ṣie po; bo wà hlan en núhe na sọawuhia dagbe hlan we. ³⁸Ahọlu sọ gblọn dọmọ, Simhami na hẹaga yì hẹ mi, Yẹn na sọ wà enẹ he na sọawuhia dagbe hlan mi: podo nudepope hiẹ na kanbiọ sọn dẽ, enẹ wẹ yẹn na wà na we. ³⁹Gbẹtọ lẹpo sọ hẹaga yì Jọdani, ahọlu sọ hẹaga yì: ahọlu sọ donùnúgona Balzilai, bo dona ẹn; ewọ sọ lẹ do otẹn etọn titi mẹ.

⁴⁰Mowẹ ahọlu hẹaga yì Gilgali, Ṣimhami sọ hẹaga yì po e po: omẹ Juda tọn lẹpo sọ hẹn ahọlu hẹaga wá, po odá omẹ Islaeli tọn lẹ po ga. ⁴¹Bo, dayi e go, omẹ Islaeli tọn lẹpo wá ahọlu de, bo dọ hlan ahọlu dọmọ, Etẹwutu wẹ mẹmẹsunnu mìtọn lẹ omẹ Juda tọn lẹ fìn we yì, bo sọ hẹn ahọlu, po whégbetọ etọn lẹ po hẹaga wá Jọdani po omẹ Davidi tọn lẹ po to e de? ⁴²Omẹ Juda tọn lẹpo sọ gblọnna omẹ Islaeli tọn lẹ dọmọ, Na ahọlu tin sepó hẹnnu tọn hlan mí wutu: enẹwutu etẹwutu mì yín adinọ na whẹ́hó he? míwlẹ ko tó dùdù gbẹ̀de sọn akuẹzán ahọlu tọn mẹ wẹ? kavi ewọ ko to nunina de na mí wẹ? ⁴³Omẹ Islaeli tọn lẹ sọ gblọnna omẹ Juda tọn lẹ, bo dọmọ, Míwlẹ tindo adá ao to ahọlu mẹ, mí sọ tindo ojlọjẹ susu ga to Davidi mẹ hú míwlẹ: enẹwutu etẹwutu wẹ mì do vlẹ mí, dọ linlẹn mìtọn yín yíyí tintan to hinhẹn ahọlu mìtọn gọ̀ wá mẹ blo? Ohó omẹ Juda tọn lẹ tọn lẹ yín sinsinyẹn hú ohó omẹ Islaeli tọn lẹ tọn lẹ.

¹OMẸ Beliali tọn de dúkosọ nado tin to fine, oyín mẹhetọn yín Ṣeba, visunnu Bikli tọn, Bẹnjamininu de: ewọ sọ kún opẹ́n lọ, bo dọmọ, Míwlẹ ma tindo mimá de to Davidi mẹ gba, mọ mí ma sọ tindo ogú de to visunnú Jẹsse tọn mẹ: omẹ dopodopo hlan gohọ̀ etọn mẹ, mì Islaeli emi, ²Mowẹ omẹ islaeli tọn lẹpo hẹaga yì sọn Davidi hihodo mẹ, bo to hihodo Seba visunnu Bikli tọn; aigba omẹ Juda tọn lẹ sọ klan hlan ahọlu yetọn de, sọn Jọdani yèdọ jẹ Jelusalẹm.

³Davidi sọ wá owhé etọn gbè to Jelusalẹm; ahọlu sọ bé yọnnu ao. Yọnnuyiyí etọn lẹ, mẹhe é pòdai nado pọ́n whégbè go lẹ, bo bẹ́ yé do síngbo mẹ, bo yi núdùdù do wleawuna yé, ṣigba bo ma sọ biọ whégbè yì yé de gba. Mowẹ yè glọn yé do jẹ azán okú yetọn tọn gbè, ninò asúsiọsiten mẹ.

⁴Whenẹnu wẹ ahọlu dọ hlan Amasa dọmọ, Ylọ omẹ Juda tọn lẹ plidopọ na mi to azán atọ̀n mẹ, hiẹ ni sọ tin to ofìle. ⁵Mọwẹ Amasa yì nado ylọ omẹ Juda tọn lẹ plidopọ: ṣigba ewọ dòngbàn dẹn hú ojlẹ didè he ewọ dè nẹ ⁶Davidi sọ dọ hlan Abisai dọmọ, Dinvie Seba visunnu Bikli tọn na wà danu hẹ mí hú ehe Absalọmi wà: bé mẹmẹsi klunọ towe tọn lẹ, bo domọ nẹ̃ to godo, ewọ niká jẹ́ tòdaho dokónọ lẹ mẹ, bo hòngán nukun mìtọn mẹ. ⁷Omẹ Joabi tọn lẹ de sọ tón yì to godo nẹ̃, po Kẹlẹtìnu lẹ po po Pẹlẹtinu lẹ po, po omẹ huhlọnnọ lẹpo po: yé tón yì sọn Jelusalẹm, nado domọna Seba visunnu Bikli tọn to godo. ⁸Whenuena yé tin to zannu daho lọ kón ehe tin to Gibeoni mẹ, Amasa wá nado pé yé. Yè sọ yí awu awhàn tọn etọn he tin to e go do blahomẹ na Joabi, yè sọ gbàn homẹbla po ohi de po do e ji to alinkan etọn to apà etọn mẹ; le é to yìyì é flẹ sọn apà mẹ. ⁹Joabi sọ dọ hlan Amasa dọmọ, Be é yín dagbe to de we, nọvisunnu ṣie? Joabi sọ yí alọ adusi etọn do hẹn ogbì Amasa tọn go nado donùnùgo nẹ̃. ¹⁰Ṣigba Amasa ma payi de do ohi he tin to alọ Joabi tọn mẹ go gba: mọwẹ é yí i do hò e sọn hoto, bo kọ̀n adọ̀ etọn tọ́n aigba, bo ma sọ vó nuli i ba; ewọ sọ kú. Joabi po Abisai nọvisunnu etọn po sọ domọna Ṣeba visunnu Bikli tọn to godo. ¹¹Ode sọn yọ̀pọ sunnu Joabi tọn lẹ mẹ sọ ṣite to e dali, bo dọmọ, Ewọ he jòawu Joabi, po ewọ he tin na Davidi po, gbọ é ni hodo Joabi. ¹²Amasa sọ mlọnai to sùho to ohùn etọn mẹ to gblagbla alihogbo tọn mẹ. Whenuena dawe lọ mọ dọ gbẹtọ lẹpo ṣite abọẹ, é hẹn Amasa tón sọn gblagbla alihogbo lọ tọn mẹ biọ danji, bo dlẹn awu de do e ji, whenuena é mọ dọ omẹ he wá e dali lẹpo site abọẹ. ¹³Whenuena yè diọtẹn nẹ̃ sọn alihogbo ji, gbẹtọ lẹpo to yìyì to Joabi godo, nado domọna Ṣeba visunnu Bikli tọn to godo. ¹⁴Ewọ sọ gbọn whẹndo Islaeli tọn lẹpo me yì lẹ́do jẹ Abẹli, podọ jẹ Bẹti-maaka, po Belitinu lẹpo po: yè sọ bẹ́ yé pli dopọ, bo sọ to yìyì ga to ewọ godo. ¹⁵Yé sọ wá bo glọnalina ẹn to Abẹli Bẹti-maaka tọn mẹ, yé sọ dlan osé de daga pannukọn tòdaho lọ, é sọ ṣitẹ pannukọn agbó lọ: omẹ he tin to Joabi de lẹpo to nuli adó lọ wunklẹnwunklẹn, nado họ́ ẹ liai. ¹⁶Whenẹnu wẹ nawe nuyọnẹnnọ de dawhá tọn sọn tòdaho lọ mẹ dọmọ, Sè, sè; yẹn vẹ̀ mì, dọ hlan Joabi dọmọ, Wá sẹpọ́ file, na yẹn nido dọhó hẹ we. ¹⁷Ewọ sọ wá sẹpọ́ hlan e de; nawe lọ sọ dọmọ, Hiẹ wẹ Joabi? Ewọ sọ gblọn dọ, Yẹn wẹ. Whenẹnu wẹ é dọ hlan ẹn dọmọ, Sè ohó deviyọnnu towe tọn lẹ. Ewọ sọ gblọn dọ, Yẹn to sisè. ¹⁸Whenẹnu wẹ é dọhó, dọmọ, Yé yín asànọ nado nọ dọhó to hóhó whenu, dọmọ, Yé na nọ kàn hónamẹ biọ to Abẹli dodo: mọ yé dotana whẹhó lọ do. ¹⁹Yẹn tin sọn yé he yín jijọhonọ po dódonọ lẹ po mẹ to Islaeli mẹ: hiẹ to dindin nado và tòdaho de po onọ de po to Islaeli mẹ: etẹwutu wẹ hiẹ na zé ogú OKLUNỌ tọn mì? ²⁰Joabi sọ gblọn bo dọmọ, E ni tin dẹn, é ni tin dẹn sọn dẽ, bọ yẹn na do zé mì kavi và. ²¹Whóhé lọ ma yín mọ gba: ṣigba dawe de sọn otò okọta Eflaimi tọn mẹ, ṣeba visunnu Bikli tọn gbọn oyín dali, wẹ ko zé alọ etọn daga do ahọlu ji, yèdọ do Davidi ji: mì jó ewọ kẹdẹ, yẹn na sọ fọ́nyì sọn tòdaho lọ de. Nawe lọ sọ dọ hlan Joabi dọmọ, Dayi e go, yè na zé ota etọn dlan hlan we to adó ji. ²²Whenẹnu wẹ nawe lọ yì gbẹtọ lẹpo de to nuyọnẹn etọn mẹ. Yé sọ sán ota Ṣeba visunnu Bikli tọn tọn sẹ́, bo zé e dlan gbonu hlan Joabi. Ewọ sọ kún opẹ́n lọ, yè sọ kija yé sọn tòdaho lọ kòn, omẹ dopodopo hlan gohọ́ etọn mẹ. Joabi sọ légọ́ do Jelusalẹm do ahọlu de.

²³Dinvie Joabi tin to awhànpa Islaeli tọn lẹpo ji: Benaia visunnu Jehọiada tọn tin to Kẹlẹtinu lẹ ji podọ to Pẹlẹtinu lẹ ji: ²⁴Adọlami tin to otokuẹ ji: Jehọṣafati visunnu Ahiludi tọn yín tòwekàntọ. ²⁵Seva yín wékantọ: Zadọki po Abiatali po yín yẹwhenọ lẹ. ²⁶Ila ga Jailinu lọ sọ yín yẹwhenọ hlan Davidi.

¹HUVẸ de sọ tin to azán Davidi tọn lẹ mẹ hò owhè atọ̀n, owhè me owhè mẹ; Davidi sọ din nukunmẹ OKLUNỌ tọn. OKLUNỌ sọ dọmọ, E tin na Sauli, podọ na owhé ohùnnọ etọn, na ewọ hù. Gibeọninu lẹ wutu. ²Ahọlu sọ ylọ Gibeọninu lẹ, bo dọ hlan yé; (dinvie Gibeọninu lẹ ma tin to ovi Islaeli tọn lẹ mẹ gba, adavo to pipòtọ Amọlinu lẹ tọn mẹ; ovi Islaeli tọn lẹ ko whle hlan yé: Sauli sọ din nado hù yé to vivẹnu etọn mẹ na ovi Islaeli po Juda po tọn lẹ:) ³Davidi sọ dọ hlan Gibeọninu lẹ dọmọ, Etẹ́ yẹ́n na wà na mì? podọ etẹ́ yẹn na yí do basi ovẹ́sè, na mì nido dona ogú OKLUNỌ tọn? ⁴Gibeọninu lẹ sọ dọ hlan ẹn dọmọ, E ma yín whẹhó fataka kavi sika tọn to mí po Sauli po ṣẹnṣẹn, kavi owhé etọn gba; mọ é ma sọ tin na mí nado hù omẹ depope to Islaeli mẹ gba. Ewọ sọ dọmọ, Núhe mìwlẹ na dọ, enẹ wẹ yẹn na wà na mì. ⁵Yé sọ dọ hlan ahọlu dọmọ, Omẹ he và mí, podọ bo sọ lẹnnu do mí go, dọ yè nido và mí sọn pipò mẹ to agboji Islaeli tọn lẹ depope mẹ, ⁶Gbọ yè ni jó sunnusi ṣinawe hlan mí sọn visunnu etọn lẹ mẹ, míwlẹ na sọ zé yé pla aga hlan OKLUNỌ to Gibea Sauli tọn mẹ, mẹdidè OKLUNỌ tọn. Ahọlu sọ dọmọ, Yẹn na jó yé. ⁷Ṣigba ahọlu whlẹn Mẹfibosẹti, visunnu Jonatani tọn visunnu Sauli tọn, na whiwhle OKLUNỌ tọn he tin to yé ṣẹnṣẹn wutu, to Davidi po Jonatani visunnu Sauli tọn po ṣẹnṣẹn ⁸Ṣigba ahọlu bẹ́ visunnu awe Lizpa viyọnnu Aia tọn tọn pẹ, he é ji hlan Sauli, Almọni po Mẹfibosẹti po; po visunnu atón Mikali viyọnnu Sauli tọn tọn lẹ po, he é ji hlan Adliẹli visunnu Balzilai Mẹholatinu tọn: ⁹Ewọ sọ jó yé do alọ Gibeọninu lẹ tọn lẹ mẹ, yé sọ zé yé pla do osé lọ mẹ to OKLUNỌ nukọn, yé sọ flẹ yé omẹ ṣinawe lẹ dopọ: yè sọ hù yé to azán jibó tọn lẹ mẹ, to azán tintan lẹ gbè, to bibẹ bibẹ whenu ojibé bale tọn. ¹⁰Lizpa viyọnnu Aia tọn sọ yí odévò, bo tó ẹ nẹ̃ to osé ji, sọn saunẹaun ojibé tọn kaka yè do kòn osìn do yé ji sọn olọn; é ma sọ dikẽna ohó aga tọn lẹ nado jó do yé ji to okle, kavi kanlin danji tọn lẹ to ozánmẹ. ¹¹Yè sọ dọ na Davidi núhe Lizpa viyọnnu Aia tọn, yọnnuyiyi Sauli tọn, ko wà ¹²Davidi sọ yì bo bé ohú Sauli tọn lẹ po ohú Jonatani visunnu etọn tọn lẹ po sọn omẹ Jabẹsi-gileadi tọn lẹ si, ye ko fìn yé sọn aligbo Bẹti-sani tọn ji, fie Filistini lẹ ko zé yé pla do, to azán he gbè Filistini lẹ hù Sauli to Gilboa mẹ: ¹³E sọ hẹn ohú Sauli tọn lẹ po ohú Jonatani visunnu etọn tọn lẹ po heji sọn finẹ wá; yé sọ bẹ́ ohú yé he yè zé pla aga lẹ tọn plidopọ. ¹⁴Yé sọ̀ di ohú Sauli po Jonatani visunnu etọn tọn lẹ po do otò Bẹnjamini tọn mẹ to Zela mẹ, do olidò Kisi otọ́ etọn tọn mẹ: yé sọ yí ehe ahọlu degbèna lẹpo wà. To enẹ godo yè vọ́ Jiwheyẹwhe na aigba lọ.

¹⁵Filistini lẹ sọ vó awhàn tindo po Islaeli po; Davidi sọ jẹte yì po mẹmẹsi etọn lẹ po po e po, bo funawhàn hẹ Filistini lẹ: Davidi sọ lẹzùn nudikọnanọ. ¹⁶Isibi-benọbi, he tin sọn visunnu gbẹtọkúngbonọ lẹ tọn mẹ, ojlẹ owhán mẹhetọn tọn yín ṣẹkle gànvẽ tọn fọdekanweko to pinpẹ̀n mẹ, yè yí ohi yọ́yọ́ de bla na, he yè lẹn nado ko hù Davidi. ¹⁷Ṣigba Abisai visunnu Zeluia tọn gọalọ nẹ́, bo hò Filistini lọ, bo hù i. Whenẹnu wẹ omẹ Davidi tọn lẹ whle hlan ẹn, dọmọ Hiẹ ma na sọ tọ́n yì awhàn po mí po ba gba, dọ hiẹ ṣi miyọngbán Islaeli tọn blo.

¹⁸E sọ wá jọ to ehe godo, bọ awhàn sọ vọ́ tin po Filistini lẹ po to Gọbi: whenẹnu wẹ Sibẹkai Husatinu lọ hù Safi, he tin sọn visunnu gbẹtọkúngbonọ lọ tọn lẹ mẹ. ¹⁹Awhàn sọ vó tin po Filistini lẹ po to Gọbi; Ẹlhanani visunnu Jaaleọlegimi Bẹti-lehẹminu lọ sọ hù Goliati Gitinu lọ, owhán alọnupò mẹhetọn tọn tin di opọ́ntin avọ̀lọ́ntọ de tọn. ²⁰Awhàn sọ vọ́ tin to Gati, fie dawe kiklo daho tọn de te, he tindo alọviyẹyẹ ṣidopo to alọ awe lẹpo go, podọ afọviyẹyẹ ṣidopo to afọ awe lẹpo go, konukunẹnẹ to osọha mẹ; ewọ ga yín jiji hlan gbẹtọkúngbonọ lọ. ²¹Whenuena ewọ to avùnylọ Islaeli, Jonatani visunnu Ṣimei tọn nọvisunnu Davidi tọn hù i. ²²Omẹ ẹnẹ helẹ yín jiji hlan gbẹtọkúngbonọ lọ to Gati mẹ; ye sọ jai gbọn alọ Davidi tọn dali, podọ gbọn alọ mẹmẹsi etọn lẹ tọn dali.

¹DAVIDI sọ dọhó hlan OKLUNỌ ohó ohàn he tọn to azán he gbè OKLUNỌ whlẹn ẹn sọn alọ kẹ̀ntọ etọn lẹpo tọn mẹ, podọ sọn alọ Sauli tọn mẹ: ²Ewọ sọ dọmọ,

²Gbigbọ OKLUNỌ tọn dọhó gbọn dali ṣie,

⁸Ehelẹ yín oyín omẹ hlọnhlọnnọ lẹ tọn mẹhe Davidi tindo lẹ: Josẹbibasebẹti Takemoninu de, ogán awhàngán lẹ tọn; doponẹ wẹ Adino Ezninu lọ, to alántọsiọ fẹnẹ ji to ojlẹ dopo mẹ. ⁹To godo ewọ tọn wẹ Eleazali visunnu Dọdai tọn visunnu Ahohinu de tọn, dopo sọn omẹ hlọnhlọnnọ atọ̀n lẹ mẹ po Davidi po, whenuena yé ylọavùn Filistini lẹ he yè bẹ́ plidopọ to finẹ hlan awhànfuntẹn, yè sọ hẹn omẹ Islaeli tọn lẹ yí: ¹⁰Ewọ sọ tite, bo hò Filistini lẹ kaka alọ etọn do yín kúkú, alọ etọn sọ tẹ́ do ohilọ go: OKLUNỌ sọ basi awhàngba daho de to gbènẹgbe; gbẹtọ lẹ sọ lẹ́gọ̀ hodo e nado dugbànfia sokẹdẹ. ¹¹To ewọ godo wẹ Samma visunnu Agee Halalinu de tọn te. Yè sọ bé Filistini lẹ pli dopọ do awhan de mẹ, fie oglegbàn daho he gọ́ na ayivi lẹ te; gbẹtọ ewlẹ sọ họ̀nyì sọn Filistini lẹ de. ¹²Ṣigba ewọ site to ogbla glegbàn lọ tọn mẹ, bo whlẹn ẹn dai, bo hù Filistini lẹ: OKLUNỌ sọ basi awhàngba daho de. ¹³Ogán atọ̀n sọn ogbàn lẹ mẹ sọ̀ jẹte yì, bo wá Davidi de to ojibẹ whenu jẹ aigbaslo Adulami tọn kọ̀n; yè sọ hẹn awhànfuntọ Filistini lẹ tọn lẹ dosla do agbadò Lefaimi tọn mẹ. ¹⁴Davidi sọ tin to odò lọ mẹ, otowhàn Filistini lẹ tọn sọ tin to Bẹti-lehẹm to whenẹnu. ¹⁵Davidi sọ to jijlo, bo dọmọ, Ṣó dọ mẹde do na osìn mi nado nù sọn odòtọ Bẹti-lehẹm tọn mẹ, he tin to hòngboji dali! ¹⁶Dawe hlọnhlọnnọ atọ̀n lẹ sọ dá gbọn awhànpa Filistini lẹ tọn ṣẹnṣẹn, bo dòn osìn sọn odòtọ Bẹti-lehẹm tọn lọ mẹ, he tin to hòngbo lọ ji dali, bo zé e, bo hẹn ẹn wá Davidi de: ṣigba ewọ ma jlo na nù sọn e mẹ gba, ṣigba kòn ẹn jẹgbonu hlan OKLUNỌ. ¹⁷E sọ dọmọ, OKLUNỌ E, é ni tin dẹn do mi, dọ yẹn ni do wà ehe: yẹn na ka nù ohùn omẹ he yì to owù ogbẹ yetọn lẹ tọn mẹ wẹ? enẹwutu wẹ é ma do jlo na nù in gba. Onú helẹ wẹ omẹ hlọnhlọnnọ atọn lẹ wà. ¹⁸Abisai, nọvisunnu Joabi tọn, visunnu Zeluia tọn, wẹ ogán omẹ atọ̀n lẹ tọn. E sọ zé owhán etọn daga do omẹ fọdekanweko jì bo hù yé, bo do tindo oyín de to omẹ atọ̀n lẹ ṣẹnṣẹn. ¹⁹Be ewọ ma yín mẹgbògbéna susu talala to omẹ atọ̀n lẹ mẹ? enẹwutu wẹ yè do yí i do basi awhàngán yetọn: ṣogàn ewọ ma sọ omẹ tintan atọn lẹ gba. ²⁰Benaia visunnu Jehọiada tọn, visunnu dawe tudotọ Kabzeẹli tọn tọn de, mẹhe ko wà onú dahodaho lẹ, é hù visunnu awe Allẹli Moabi tọn tọn lẹ: é jẹte yì ga bo hù kinnikinni de tò ogbla dògbigbọ de tọn mẹ to ojlẹ ọsìn agonọ tọn mẹ: ²¹E sọ hù Egiptinu de, omẹ whànpẹnọ de: Egiptinu lọ sọ tindo owhán de to alọ etọn mẹ; ṣigba ewọ jẹte yì e de po alọnupò de po, bo gbì owhán lọ sọn alọ Egiptinu lọ tọn mẹ, bo sọ yí owhán etọn titi do hù i. ²²Onú helẹ wẹ Benaia visunnu Jehọiada tọn wà, bo sọ tindo oyín de to omẹ hlọnhlọnnọ etọ̀n lẹ ṣẹnṣẹn. ²³Ewọ yín mẹgbògbéna susu hú ogbàn lẹ, ṣigba é ma sọ omẹ tintan atọ̀n lẹ gba. Davidi sọ zé e do ahọluwhàn etọn ji.

²⁴Asahẹli nọvisunnu Joabi tọn sọ yín dopo to ogbàn lẹ mẹ; Ẹlhanani visunnu Dodo Bẹti-lehẹm tọn tọn; ²⁵Ṣamma Halodinu lọ, Elika Halodinu lọ; ²⁶Helẹzi Paltinu lọ, Ila visunnu Ikẹsi Tekoanu lọ tọn; ²⁷Abiẹzeli Anatotinu lọ, Mẹbunnai Husatinu lọ; ²⁸Zalmọni Ahohinu lọ, Mahalai Nẹtofatinu lọ; ²⁹Holẹbi visunnu Baana Nẹtofatinu lọ tọn, Itai visunnu Libai Gibea tọn tọn sọn ovi Bẹnjamini tọn lẹ mẹ; ³⁰Benaia Pilatoninu de, Hiddai sọn tòpẹsẹ gaasi tọn lẹ mẹ; ³¹Abialbọni Albatinu lọ, Azmavẹ Balhuminu lọ; ³²Eliahiba Ṣaalbọninu lọ visunnu Jasẹni tọn lẹ, Jonatani; ³³Samma Halalinu lọ, Ahiami visunnu Salali Alalinu lọ tọn; ³⁴Elifelẹti visunnu Ahasbai tọn, visunnu Maakatinu lọ tọn, Eliami visunnu Ahitofẹli Giloninu lọ tọn; ³⁵Hẹzlo Kalmẹlinu lọ, Paalai Albinu lọ; ³⁶Igali visunnu Natani Zoba tọn tọn, Bani Gadinu lọ; ³⁷Zelẹki Ammọninu lọ, Nahalai Beẹlotinu lọ, awhàngbajahẹntọ hlan Joabi visunnu Zeluia tọn lẹ; ³⁸Ila Itlinu lọ, Galẹbi Itlinu lọ; ³⁹Ulia Hitinu lọ: popolẹpo gbàntónnukunawe.

¹YÈ sọ vọ́ adi OKLUNỌ tọn hẹn jimiyọn do Islaeli ji, é sọ dè Davidi do yé ji, dọmọ, Yì, hia Islaeli po Juda po. ²Ahọlu sọ dọ hlan Joabi awhàngán awhànpa lọ tọn he tin to e de, dọmọ, Yì dinvie godo po nukọn po lédo whẹndo Islaeli tọn lẹ, sọn Dani yèdọ jẹ Beẹl-seba, mì ni bo hia gbẹtọ lẹ, na yẹn nido yọn sọha gbẹtọ lẹ tọn. ³Joabi sọ dọ hlan ahọlu dọmọ, Dinvie OKLUNỌ Jiwheyẹwhe towe ni dèdogọ́ hlan gbẹtọ, sù sọ depope yé yín, do ogbẹ́ kanweko ji, nukun ahọlu klunọ ṣie tọn lẹ nido sọ mọ ẹn: ṣigba etẹwutu wẹ ahọlu klunọ ṣie yíhomẹhùn to onú he mẹ? ⁴Ṣogãn ohó ahọlu tọn ṣinyọn Joabi ji, po awhàngán awhànpa lọ tọn lẹ po ji. Joabi po awhàngán awhànpa lọ tọn lẹ po sọ jẹgbonu yì sọn nukọn ahọlu tọn, nado hia gbẹtọ Islaeli tọn lẹ. ⁵Yé sọ juyì Jọdani gododọ̃n bo dosla do Aloẹli mẹ do adusi wàji tòdaho lọ tọn he tin to ṣẹnṣẹn agbadò Gadi tọn tọn, podọ jẹ Jazeli: ⁶Whenẹnu wẹ yé wá Gileadi, podọ jẹ aigba Tahtimi-họdṣi tọn ji; yé sọ wá Dani-jaani, podọ lédo pé jẹ Zidoni. ⁷Bo wá jẹ agbó Tile tọn ji, podọ jẹ tòdaho Hivinu lẹ tọn lẹpo mẹ, podọ Kananinu lẹ tọn lẹ mẹ: yé sọ jẹgbonu yí jẹ hùwàji Juda tọn, to Beẹli-seba. ⁸Mọwẹ whenuena yé ko yì godo po nukọn po lẹ́do aigba lẹpo, yé wá Jelusalẹm to opòdo osùn sinẹnẹ po azán okò po tọn. ⁹Joabi sọ yi olẹndopọ hihia omẹ Islaeli tọn lẹ tọn na ahọlu: to Islaeli mẹ sunnusi tudotọ he dọ̀n ohi fọtọ́n fẹnẹ wẹ tin to finẹ; omẹ Juda tọn lẹ yin sunnusi fọtọ́n fowekanweko.

¹⁰Ayiha Davidi tọn sọ to hihò e to godo he é ko hia gbẹtọ lẹ. Davidi sọ dọ hlan OKLUNỌ dọmọ, Yẹn ko wàylando dahodaho, to ehe yẹn ko wà mẹ: ṣigba dinvie, OKLUNỌ E, yẹn vẹ we, dè ylanwà mẹmẹsi towe tọn sẹ; na yẹn ko yí núlu daho do basi. ¹¹Whenuena Davidi fọ́ntite to afọnnu, ohó OKLUNỌ tọn wá yẹwhegán Gadi de, numọtọ Davidi tọn, dọmọ, ¹²Yì bo dọhó hlan Davidi dọmọ, Le wẹ OKLUNỌ dọ, dọmọ, Yẹn whle onú atọ́n we; dè na we dopo sọn yé mẹ, na yẹn nido wà hlan we. ¹³Mọwẹ Gadi wà Davidi de, bo dọ nẹ́, bo dọ hlan ẹn dọmọ, Na owhè ṣinawe huvẹ́ tọn ni wá de we to aigba towe ji? Kavi na hiẹ ni to hinhònyì osùn atọ̀n to mẹslẹtọ towe lẹ nukọn whenuena yé to mọdona we? Kavi na azọ̀nylankan azán atọ̀n tọn ni tin to aigba towe ji? dawe na we lò, bo hẹn gbegblọn he yẹn na hẹngò yì ewọ he do mi hlan de. ¹⁴Davidi sọ dọ hlan Gadi domọ, Yẹn tin to jinjan daho de mẹ: dinvie gbọ mí ni jai do alọ OKLUNỌ tọn mẹ; na daho wẹ lẹblanu etọn lẹ: a gbọ yẹn jai do alọ gbẹtọ tọn mẹ blo. ¹⁵Mọwẹ OKLUNỌ do azọ̀nylankan de hlan Islaeli ji sọn afọnnu yèdọ jẹ ojlẹ didè lọ mẹ: gbẹtọ fọtọ́n kandegbàn sọ kú sọn gbẹtọ lẹ mẹ sọn Dani yèdọ jẹ Beẹli-sẹba. ¹⁶Whenuena angẹli dlẹn alọ etọn tón hlan Jelusalẹm dali nado và ẹ, OKLUNỌ diọlinlẹn nẹ̃ sọn oylan lọ mẹ, bo dọ hlan angẹli lọ he to gbẹtọ lẹ và dọmọ, E tin pekọ́; do alọ towe ote lò. Angẹli OKLUNỌ tọn lọ ko tin to vẹ́nlitẹn Alauna Jẹbusinu tọn dali. ¹⁷Davidi sọ dọhó hlan OKLUNỌ, whenuena é mọ angẹli he to gbẹtọ lẹ hò lọ, bo dọmọ, Pọn, Yẹn wẹ ko wàylando, yẹn wẹ ko sọ yi tasinsinyẹn do wà: ṣigba lẹngbọ helẹ, etẹ yéwlẹ wà? Yẹn vẹ́ we, gbọ alọ towe, ni tin to ogo e, podọ to owhé otọ́ ṣie tọn go.

¹⁸To gbènẹgbe Gadi sọ wá Davidi de, bo dọ hlan en dọmọ, Heji yì, té agbà de hlan OKLUNỌ do vẹnlitẹn Alauna Jẹbusinu tọn lọ mẹ. ¹⁹Davidi sọ hẹaga yì kẹdẹdi didọ Gadi tọn, dile OKLUNỌ degbè do. ²⁰Alauna sọ pòn gbonu, bo mọ ahọlu po mẹmẹsi etọn lẹ po ja e dali: Alauna sọ tọ̀n jẹgbonu, bo dẹ́ ede to ahọlu nukọn po nukunmẹ etọn po hlan aigba. ²¹Alauna sọ dọmọ, Etẹwutu wẹ yè hẹn ahọlu klunọ ṣie wá mẹmẹsi etọn de? Davidi sọ dọmọ, Nado họ̀ vẹ̃nlitẹn sọn así we, nado do agbà de hlan OKLUNỌ, na yè nido hẹn azọ̀nylankan dote sọn gbẹtọ lẹ de. ²²Alauna sọ dọ hlan Davidi dọmọ, Gbọ ahọlu klunọ ṣie ni yí bo do nanunina he sọawuhia dagbe hlan ẹn: dayi e go, oyín lẹ na avọ̀ nunina mimẹ̀, vẹnlili nuzinzán le po aṣọdonu oyín lẹ tọn po na naké: ²³Ehe lẹpo wẹ ahọlu Alauna na hlan ahọlu lọ. Alauna sọ dọ hlan ahọlu dọmọ, OKLUNỌ Jiwheyẹwhe towe ni kẹalọyi we. ²⁴Ahọlu sọ dọ hlan Alauna dọmọ, Lala; ṣigba yẹn na họ̀ ẹ nugbonugbo sọn así we do ahidona de ji: mọ yẹn ma na na avọ̀ nunina mimẹ̀ lẹ hlan OKLUNỌ Jiwheyẹwhe ṣie he ma na zánkuẹ de mi. Mowẹ Davidi hò vẹ̃nlitẹn lọ po oyín lẹ po na ṣẹkle kandeao fataka tọn. ²⁵Davidi sọ do agbà de hlan OKLUNỌ, bo na avọ̀ nunina mimẹ̀ lẹ po avọ̀ nunina jijọho tọn lẹ po. Mowẹ yè hẹn OKLUNỌ sevè na aigba lọ, yè sọ hẹn azọ̀nylankan lọ dote sọn Islaeli de.