12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
12345678910111213141516171819202122

Ɗerewol

Yahaya Tataɓol

Habaru dow ɗerewol ngo’ol

Go’oto nder tokkuɓe Yeesu bi’eteeɗo Yahaya windi ɗerewol ngo’ol. O windiingol hakkunde duuɓi 85‑95 A.D., waato duuɓi 85‑95 gaɗa danyngol Yeesu. O windanngol goɗɗo ardiiɗo tokkuɓe Yeesu bi’eteeɗo Gaayus. Nder ɗerewol ngo’ol Yahaya manii Gaayus ngam kuuɗe boɗɗe ɗe o waɗata. Ko ɓuri woni e mo jaɓa moodiɓɓe goonga ɓe Yahaya liloyi to maɓɓe.

Ko Woni Nder:

Kownol Yahaya (1‑4)

Ɗum manii Gaayus (5‑8)

Diyotaarifis e Dimitiiriyus (9‑12)

Kownol cakitiingol (13‑15)

1

Kownol Yahaya

1Min Yahaya, mawɗo nder kawtal tokkuɓe Yeesu, e mi windanmaa ɗerewol ngo’ol Gaayus giɗaaɗo am mo ngiɗumi e goonga.1.1 KL 19.29; Room 16.23; 1Kor 1.14.

2Giɗo am, e mi waɗanmaa do’aare koo ɗume yahanmaa boɗɗum keɓaa njamu ɓandu, non no andirmi sumpo maaɗa e Allah e yaha boɗɗum. 3Mi nanii belɗum naa’ seɗɗa carel ko woɓɓe tokkuɓe Yeesu ngari kokkiyam habaru no tokkirɗaa goonga e no kuutinirtaaka. 4Walaa ko ɓuri welnankiyam ɓernde bo mi nana ɓiɓɓe am e tokka goonga.

Ɗum Manii Gaayus

5Giɗo am Gaayus, a waɗa koo ɗume no haani ngam tokkuɓe Yeesu, ko ɓuri maa woni ɓe a andaa. 6Kamɓe kokki habaru boɗɗum dow maaɗa yeeso kawtal tokkuɓe Yeesu gonɓe ɗo’o dow yidde nde ngooduɗaa. A waɗay boɗɗum taa waɗii ka walluki iri yimɓe ɓen ɗon nder yaadu maɓɓe non no haani Allah mawniniree. 7Ɓen ɗon yimɓe ɓe mburtoyake ngam wa’ajinki Almasiihu, ɗonmaa ɓe njaɓaayi koo ɗume to jungo ɓe tokkaayi Yeesu. 8Ngam non e haani mballen iri maɓɓe ngam ngarten higooɓe nder wa’ajinki goonga.

Diyotaarifis e Dimitiiriyus

9Mi windanii kawtal tokkuɓe Yeesu gonɓe to maaɗa, ammaa Diyotaarifis wanyii ko mbiimi ngam e mo yiɗi o warta mawɗo dow mooɗon. 10Ngam non to mi warii, mi wi’ay koo ɗume ko o waɗi e njayri ngam koo moye anda fewre maako e metemeteeji ɗi o waɗata dow amin. Nden naa’ kanjum tan o waɗata. Haa e mo wanya jaɓɓaaki tokkuɓe Yeesu garɓe, ɗonmaa e mo haɗa woɓɓe njaɓɓooɓe e mo riiwa jaɓɓotooɓe ɓen daga nder kawtal tokkuɓe Yeesu.

11Higo am Gaayus mo ngiɗumi, taa’ ekkita halleende, ammaa ekkita ngikku boɗɗum. Koo moye gaɗoowo ko wooɗi o ɓiɗɗo Allah. Koo moye gaɗoowo ko halli o andaa Allah koo seɗɗa.

12Koo moye e meta fii boɗɗum dow Dimitiiriyus. Ɗonmaa goonga e hoore maaka e holla kuuɗe maako ɗe boɗɗe. Minon maa min ceydakemo, nden on andi ko min mbi’i ɗum goonga.

Kownol Cakitiingol

13E woodi fii ɗuɗɗum ko ngiɗumi wi’ukima, ammaa mi yiɗaa windukiɗum nder ɗerewol. 14E mi kammoo waroyki to maaɗa naa’ ko neeɓi, ngam medden honduko e honduko.

15Allah hokkumaa jam. Higooɓe mooɗon gonɓe ɗo’o e kownumaa. Hownu koo moye higo meeɗen.