Ɗerewol
Yahaya Ɗiɗaɓol
Habaru dow ɗerewol ngo’ol
Go’oto nder lilaaɓe Yeesu bi’eteeɗo Yahaya windi ɗerewol ngo’ol. O windiingol hakkunde duuɓi 85‑95 A.D., waato duuɓi 85‑95 gaɗa danyngol Yeesu. O windungol ngam o waggina tokkuɓe Yeesu kettindantooɓe moodiɓɓe fewre e ekkitinol maɓɓe. O wi’ii doole ɓe njaɓa wiiki Almasiihu warii duuniyaaru nder ɓandu. Ɗonmaa o metii dow no yidde wooɗiri hakkunde tokkuɓe Yeesu, o hollii wiiki goonga e yidde e ɗum yaada.
Ko Woni Nder:
Kownol Yahaya (1‑3)
Wooɗuki yidde (4‑6)
Wagginki dow moodiɓɓe fewre (7‑11)
Kownol cakitiingol (12‑13)
1Kownol Yahaya
1Min, Yahaya, mawɗo nder tokkuɓe Yeesu windani kawtal cuɓaaɓe Allah1.1: Koo boo: “maduujo e ɓiɓɓe maako.” Ɗum gaɗotooɗum ɗu’um e meta dow kawtal tokkuɓe Yeesu. Non maa nder aayaaje 4 e 5. ɗerewol ngo’ol. E mi yiɗi’on e yidde nde goonga. Naa’ min tan yiɗi’on ammaa haa e fuu anduɓe goonga.
2E min ngiɗi’on ngam goonga wonka nder ɓerɗe meeɗen, nden ka jooɗodoto e meeɗen haa abadaa.
3Allah Nyaako Mo Dow e Yeesu Almasiihu ɓiɗɗo maako barkiɗina’en, yurminana’en, hokka’en jam nder goonga e yidde.
Tokkuki Ekkitinol Almasiihu
4Mi nanii belɗum naa’ seɗɗa nde ngiimi woɓɓe nder ɓiɓɓe maaɗa e tokka goonga non no Allah Nyaako Mo Dow wi’i ngaɗen. 5Jooni e mi toroo’on, en ngiɗindir. Ɗu’um naa’ ɗum dooka kesum mbindanmi’on, ammaa ɗum dooka ɗum ngoodunooɗen daga arande.1.5: Yah 13.34; 15.12,17.6Yidde nde goonga woni ngaɗen ko Allah wi’i. No nanɗon daga arande, ko Allah wi’i woni ngiɗindiree.
7Mi wi’u non ngam yimɓe ɗuɗɓe majjinooɓe yimɓe mburtoyake nder duuniyaaru. Ɓe njaɓaayi Almasiihu warii duuniyaaru nder ɓandu. Iri ɓen ɗon yimɓe ɓe majjinooɓe yimɓe, ɓe wanywanyɓe Almasiihu. 8Ngam non paamanee ko’e mooɗon ngam to’ ndullon ko kuwanɗon, ammaa keɓon mbarjaari kewndi mbondi.
9Fuu mo daraaki dow ekkitinol Almasiihu, ammaa o ɓeydi wongol ekkitinol, Allah wondaa e maako. Ammaa dariiɗo dow ekkitinol Almasiihu e mo wondi e Nyaako Mo Dow e Ɓiɗɗo maako. 10Fuu garɗo to mooɗon, to o jaɓaayi ekkitinol ngo’ol, to’ on njaɓumo to gure mooɗon, to’ on kownir e maako. 11Ngam fuu kownuɗomo hawtii hoore e maako won ɗon nder waɗuki kuuɗe kalluɗe ɗe o waɗata.
Kownol Cakitiingol
12E mi woodi fii ɗuɗɗum ko ngiɗumi mi wi’a’on, ammaa mi yiɗaa mi windaɗum nder ɗerewol. Sey ni e mi yiɗi mi wara mi medda e mooɗon honduko e honduko, ngam nanen belɗum naa’ seɗɗa.
13Kawtal cuɓaaɓe Allah gonɓe ɗo’o1.13: Koo boo: “ɓiɓɓe bandiraawo maaɗa debbo.” Ɗum gaɗotooɗum ɗu’um e meta dow yimɓe nder kawtal tokkuɓe Yeesu to bindoowo ɗerewol ngo’ol woni. e kownumaa.