3 يَحَيَ

طٜرٜوٛلْ

يَحَيَ تَتَٻٛلْ

حَبَرُ دٛوْ طٜرٜوٛلْ نغٛعٛلْ

غٛعٛتٛ ندٜرْ تٛکُّٻٜ يٜىٰسُ بِعٜتٜىٰطٛ يَحَيَ وِنْدِ طٜرٜوٛلْ نغٛعٛلْ؞ اٛ وِنْدِينغٛلْ دُوٻِ 59‏‑58 غَطَ دَݧْنغٛلْ يٜىٰسُ؞ اٛ وِنْدَنْغٛلْ غٛطّٛ اَرْدِيطٛ تٛکُّٻٜ يٜىٰسُ بِعٜتٜىٰطٛ غَايُسْ؞ ندٜرْ طٜرٜوٛلْ نغٛعٛلْ يَحَيَ مَنِي غَايُسْ نغَمْ کُوطٜ بٛطّٜ طٜ اٛ وَطَتَ؞ کٛ ٻُرِ وٛنِ اٜ مٛ جَٻَ مٛودِٻّٜ غٛونغَ ٻٜ يَحَيَ لِلٛيِ تٛ مَٻّٜ؞

کٛوْنٛلْ يَحَيَ

¹مِنْ يَحَيَ، مَوْطٛ ندٜرْ کَوْتَلْ تٛکُّٻٜ يٜىٰسُ، اٜ مِ وِنْدَنْمَا طٜرٜوٛلْ نغٛعٛلْ غَايُسْ غِطَاطٛ اَمْ مٛ نغِطُمِ اٜ غٛونغَ؞

²غِطٛ اَمْ، اٜ مِ وَطَنْمَا دٛعَارٜ کٛو طُمٜ يَحَنْمَا بٛطُّمْ کٜٻَا نجَمُ ٻَنْدُ، نٛنْ نٛ اَنْدِرْمِ سُمْڤٛ مَاطَ اٜ اَللَّه اٜ يَحَ بٛطُّمْ؞ ³مِ نَنِي بٜلْطُمْ نَاع سٜطَّ شَرٜلْ کٛ وٛٻّٜ تٛکُّٻٜ يٜىٰسُ نغَرِ کٛکِّيَمْ حَبَرُ نٛ تٛکِّرْطَا غٛونغَ اٜ نٛ کُوتِنِرْتَاکَ؞ ⁴وَلَا کٛ ٻُرِ وٜلْنَنْکِيَمْ ٻٜرْندٜ بٛ مِ نَنَ ٻِٻّٜ اَمْ اٜ تٛکَّ غٛونغَ؞

طُمْ مَنِي غَايُسْ

⁵غِطٛ اَمْ غَايُسْ، اَ وَطَ کٛو طُمٜ نٛ حَانِ نغَمْ تٛکُّٻٜ يٜىٰسُ، کٛ ٻُرِ مَا وٛنِ ٻٜ اَ اَنْدَا؞ ⁶کَمْٻٜ کٛکِّ حَبَرُ بٛطُّمْ دٛوْ مَاطَ يٜىٰسٛ کَوْتَلْ تٛکُّٻٜ يٜىٰسُ غٛنْٻٜ طٛعٛ دٛوْ يِدّٜ ندٜ نغٛودُطَا؞ اَ وَطَيْ بٛطُّمْ تَا وَطِي کَ وَلُّکِ اِرِ يِمْٻٜ ٻٜنْ طٛنْ ندٜرْ يَادُ مَٻّٜ نٛنْ نٛ حَانِ اَللَّه مَوْنِنِرٜىٰ؞ ⁷ٻٜنْ طٛنْ يِمْٻٜ ٻٜ مبُرْتٛيَکٜ نغَمْ وَعَجِنْکِ اَلْمَسِيحُ، طٛنْمَا ٻٜ نجَٻَايِ کٛو طُمٜ تٛ جُنْغٛ ٻٜ تٛکَّايِ يٜىٰسُ؞ ⁸نغَمْ نٛنْ اٜ حَانِ مبَلّٜنْ اِرِ مَٻّٜ نغَمْ نغَرْتٜنْ حِغٛوٻٜ ندٜرْ وَعَجِنْکِ غٛونغَ؞

دِيٛتَارِفِسْ اٜ دِمِتِيرِيُسْ

⁹مِ وِنْدَنِي کَوْتَلْ تٛکُّٻٜ يٜىٰسُ غٛنْٻٜ تٛ مَاطَ، اَمَّا دِيٛتَارِفِسْ وَݧِي کٛ مبِيمِ نغَمْ اٜ مٛ يِطِ اٛ وَرْتَ مَوْطٛ دٛوْ مٛوطٛنْ؞ ¹⁰نغَمْ نٛنْ تٛ مِ وَرِي، مِ وِعَيْ کٛو طُمٜ کٛ اٛ وَطِ اٜ نجَيْرِ نغَمْ کٛو مٛيٜ اَنْدَ فٜوْرٜ مَاکٛ اٜ مٜتٜمٜتٜىٰجِ طِ اٛ وَطَتَ دٛوْ اَمِنْ؞ ندٜنْ نَاع کَنْجُمْ تَنْ اٛ وَطَتَ؞ حَا اٜ مٛ وَݧَ جَٻَّاکِ تٛکُّٻٜ يٜىٰسُ غَرْٻٜ، طٛنْمَا اٜ مٛ حَطَ وٛٻّٜ نجَٻّٛوٻٜ اٜ مٛ رِيوَ جَٻّٛتٛوٻٜ ٻٜنْ دَغَ ندٜرْ کَوْتَلْ تٛکُّٻٜ يٜىٰسُ؞

¹¹حِغٛ اَمْ غَايُسْ مٛ نغِطُمِ، تَاع اٜکِّتَ حَلّٜىٰندٜ، اَمَّا اٜکِّتَ نغِکُّ بٛطُّمْ؞ کٛو مٛيٜ غَطٛووٛ کٛ وٛوطِ اٛ ٻِطّٛ اَللَّه؞ کٛو مٛيٜ غَطٛووٛ کٛ حَلِّ اٛ اَنْدَا اَللَّه کٛو سٜطَّ؞

¹²کٛو مٛيٜ اٜ مٜتَ فِي بٛطُّمْ دٛوْ دِمِتِيرِيُسْ؞ طٛنْمَا غٛونغَ اٜ حٛورٜ مَاکَ اٜ حٛلَّ کُوطٜ مَاکٛ طٜ بٛطّٜ؞ مِنٛنْ مَا مِنْ شٜيْدَکٜمٛ، ندٜنْ اٛنْ اَنْدِ کٛ مِنْ مبِعِ طُمْ غٛونغَ؞

کٛوْنٛلْ شَکِتِينغٛلْ

¹³اٜ وٛودِ فِي طُطُّمْ کٛ نغِطُمِ وِعُکِمَ، اَمَّا مِ يِطَا وِنْدُکِطُمْ ندٜرْ طٜرٜوٛلْ؞ ¹⁴اٜ مِ کَمّٛو وَرٛيْکِ تٛ مَاطَ نَاع کٛ نٜىٰٻِ، نغَمْ مٜدّٜنْ حٛنْدُکٛ اٜ حٛنْدُکٛ؞

¹⁵اَللَّه حٛکُّمَا جَمْ؞ حِغٛوٻٜ مٛوطٛنْ غٛنْٻٜ طٛعٛ اٜ کٛوْنُمَا؞ حٛوْنُ کٛو مٛيٜ حِغٛ مٜىٰطٜنْ؞