Kronika 1

Kronika

ƒe agbalẽ gbãtɔ

Blemanyatoto tso Adam dzi va se ɖe Isak dzi

Noa ƒe viwo

¹Adam, Set, Enos,

²Kenan, Mahalalel, Yared,

³Enɔk, Metusela, Lamek,

Noa.

⁴Noa ƒe viwo: Sem, Ham kple Yafet.

Yafet ƒe viwo

⁵Yafet ƒe viwoe nye:

Gomer, Magog, Madai, Yavan, Tubal, Mesek kple Tiras.

⁶Gomer ƒe viŋutsuwoe nye:

Askenaz, Rifat kple Togarma.

⁷Yavan ƒe viŋutsuwoe nye:

Elisa, Tarsis, Kitim kple Rodanim.

Ham ƒe viwo

⁸Ham ƒe viŋutsuwoe nye:

Kus, Egipte, Put kple Kanaan.

⁹Kus ƒe viŋutsuwoe nye:

Seba, Havila, Sabta, Raama kple Sabteka.

Rama ƒe viŋutsuwoe nye

Seba kple Dedan.

¹⁰Kus ƒe dzidzimevie nye

Nimrɔd, ame si va zu kalẽtɔ gã aɖe le anyigba la dzi.

¹¹Ame siwo nye Egipte ƒe dzidzimeviwo lae nye

Ludimtɔwo, Anamimtɔwo, Lehabitɔwo, Naftuhitɔwo, ¹²Patrusitɔwo, Kasluhitɔwo (ame siwo me Filistitɔwo dzɔ tso) kple Kaftoritɔwo.

¹³Kanaan ƒe viwo dometɔ aɖewoe nye:

Sidon, ame si nye eƒe ŋgɔgbevi kple Het. ¹⁴Kanaan ƒe dzidzimeviwoe nye: Yebusitɔwo, Amoritɔwo, Girgasitɔwo, ¹⁵Hivitɔwo, Arkitɔwo, Sinitɔwo, ¹⁶Arvaditɔwo, Zemaritɔwo kple Hamatitɔwo.

Sem ƒe viwo

¹⁷Sem ƒe dzidzimeviwoe nye:

Elam, Asur, Arfaxad, Lud, Aram, Uz, Hul, Geter kple Mesek.

¹⁸Arfaxad ƒe vie nye Sela,

ame si dzi Eber.

¹⁹Vi eve nɔ Eber si:

Woawoe nye Peleg kple Yoktan. Peleg gɔmee nye “Memama” elabena eƒe agbenɔɣi mee woma anyigba na gbe vovovoawo gblɔlawo.

²⁰Yoktan ƒe viwoe nye

Almodad, Selef, Hazarmavet, Yera, ²¹Hadoram, Uzal, Dikla, ²²Obal, Abimael, Seba, ²³Ofir, Havila kple Yobab. Ame siawo katã nye Yoktan ƒe viŋutsuwo.

²⁴Sem ƒe dzidzimeviwoe nye: Arfaxad, ame si dzi Sela,

²⁵ame si dzi Eber, ame si dzi Peleg, ame si dzi Reu,

²⁶ame si dzi Serug, ame si dzi Nahor, ame si dzi Tera,

²⁷ame si dzi Abram ame si wova yɔna emegbe be Abraham.

Abraham ƒe viwo

²⁸Abraham ƒe viwoe nye: Isak kple Ismael.

Hagar ƒe dzidzimeviwo

²⁹Ismael ƒe viwoe nye

Nebayɔt, ame si nye via tsitsitɔ, Kedar, Adbel, Mibsam, ³⁰Misma, Duma, Masa, Hadad, Tema, ³¹Yetur, Nafis kple Kedema.

Ame siawo nye Ismael viwo.

Ketura ƒe dzidzimeviwo

³²Abraham ƒe ahiãvi Ketura dzi

Zimram, Yoksan, Medan, Midian, Isbak kple Sua.

Yoksan ƒe viwo:

Seba kple Dedan.

³³Midian ƒe viŋutsuwoe nye:

Efa, Efer, Hanok, Abida kple Elda.

Woawoe nye Abraham kple srɔ̃a evelia, Ketura ƒe dzidzimeviwo.

Sara ƒe dzidzimeviwo

³⁴Abraham ƒe vi, Isak,

dzi Esau kple Israel.

³⁵Esau ƒe viŋutsuwoe nye:

Elifaz, Reuel, Yeus, Yalam kple Korah.

³⁶Elifaz ƒe viwoe nye:

Teman, Omar, Zefi, Gatam, Kenaz,

Timna kple Amalek.

³⁷Reuel ƒe viŋutsuwoe nye:

Nahat, Zera, Sama kple Miza.

Seir ƒe viwo le Edom

³⁸Esua alo Seir ƒe vi aɖewoe nye:

Lotan, Sobal, Zibeon, Ana, Dison, Ezer kple Disan.

³⁹Lotan ƒe viwoe nye

Hori kple Homam. Timna nye Lotan nɔvinyɔnu.

⁴⁰Sobal ƒe viŋutsuwoe nye:

Alvan, Manahat, Ebal, Sefo kple Onam.

Zibeon ƒe viwoe nye:

Aya kple Ana.

⁴¹Ana ƒe vie nye:

Dison, ame si dzi Hamran, Esban, Itran kple Keran.

⁴²Ezer ƒe viwoe nye:

Bilhan, Zaavan kple Yaakan.

Disan ƒe viwoe nye:

Uz kple Aran.

Edom ƒe dziɖulawo

⁴³Ame siwo ɖu fia le Edom hafi woɖo Israel fiaɖuƒe la gɔme anyi la woe nye:

Bela, Beor ƒe vi. Du si me wònɔ la ŋkɔe nye Dinhaba.

⁴⁴Esi Bela ku la, Yobab, Zera ƒe vi, tso Bozra zu fia.

⁴⁵Esi Yobab ku la, Husam tso Temanitɔwo ƒe anyigba dzi ɖu fia ɖe eteƒe,

⁴⁶eye le Husam ƒe ku megbe la, Hadad, Bedad ƒe vi, ame si ɖu Midiantɔwo dzi le Moab nyigba dzi la ɖu fia eye eƒe fiadue nye Avit.

⁴⁷Esi Hadad trɔ megbe la, Samla tso Masreka ɖu fia ɖe eteƒe.

⁴⁸Le Samla ƒe ku megbe la, Siaul tso Rehobot, du si le tɔsisi aɖe ŋu la ɖu fia ɖe eteƒe.

⁴⁹Le Siaul ƒe ku megbe la, Baal Hanan, Akbor ƒe vi ɖu fia ɖe eteƒe.

⁵⁰Esi Baal Hanan ku la, Hadad ɖu fia ɖe eteƒe eye eƒe fiadue nye Pau. Hadad srɔ̃e nye Mehetabel, dadae nye Matred, ame si dadae nye Me-Zahab. ⁵¹Hadad hã va ku.

Edom fiawo le Hadad ƒe ku megbe nye:

Timna, Alva, Yetet ⁵²Oholibama, Ela, Pinon, ⁵³Kenaz, Teman, Mibzar, ⁵⁴Magdiel kple Iram.

Ame siawoe nye Edom fiawo.

Israel ƒe viŋutsuwo

¹Esiawoe nye Israel ƒe viŋutsuwo: Ruben, Simeon, Levi, Yuda, Isaka, Zebulon, ²Dan, Yosef, Benyamin, Naftali, Gad kple Aser.

Yuda ƒe viwo va se ɖe Hezron ƒe viwo dzi

³Yuda dzi ŋutsuvi etɔ̃ kple Bat Sua, Kanaan ɖetugbi aɖe. Woawoe nye

Er, Onan kple Sela. Via tsitsitɔ,

Er, vɔ̃ɖi le Yehowa ƒe ŋkume ale gbegbe be, Yehowa wui.

⁴Er ƒe ahosi, Tamar kple Er fofo, Yuda, wodzi evenɔviwo: Perez kple Zera;

ale viŋutsuvi atɔ̃ nɔ Yuda si.

⁵Perez ƒe viwoe nye:

Hezron kple Hamul.

⁶Zera ƒe viwo nye:

Zimri, Etan, Heman, Kalkol kple Dara.

⁷Aka, Karmi ƒe vie nye

ame si he fukpekpe va Israel dzi elabena efi nu kɔkɔewo.

⁸Etan ƒe vie nye

Azaria.

⁹Hezron ƒe viwoe nye

Yerameel, Ram kple Kelubai.

Tso Ram, Hezron ƒe vi dzi

¹⁰Ram dzi Aminadab

eye Aminadab dzi Nahson, ame si va zu Yuda to la ƒe kplɔla ɖeka.

¹¹Nahson dzi Salma

eye Salma hã dzi Boaz.

¹²Boaz dzi Obed

ame si dzi Yese.

¹³Yese ƒe vi gbãtɔe nye

Eliab, eveliae nye Abinadab

eye etɔ̃liae nye Simea; ¹⁴eneliae nye Netanel,

atɔ̃liae nye Radai, ¹⁵adelia nye Ozem

eye adreliae nye David.

¹⁶Srɔ̃a ma ke dzi vinyɔnuvi eve nɛ. Woawoe nye Zeruia kple Abigail.

Zeruya ƒe viŋutsuwoe nye Abisai, Yoab kple Asahel.

¹⁷Yeter, ame si nye ŋutsu aɖe tso Ismael nyigba dzi la ɖe Abigail eye wòdzi ŋutsuvi aɖe si wona ŋkɔe be Amasa la nɛ.

Kaleb, Hezron ƒe vi

¹⁸Kaleb, Hezron ƒe vi ɖe srɔ̃ eve, Azuba kple Yeriot. Azuba ƒe viwoe nye:

Yeser, Sobab kple Ardon.

¹⁹Esi Azuba ku la, Kaleb ɖe Efrat eye wòdzi ŋutsuvi, Hur, nɛ.

²⁰Hur ƒe vie nye Uri eye Uri hã dzi Bezalel.

²¹Esi Hezron xɔ ƒe blaade la eɖe Makir ƒe vinyɔnu eye wòdzi ŋutsuvi, Segub nɛ. Makir ƒe vi bubue nye Gilead.

²²Segub nye Yair fofo. Du blaeve-vɔ-etɔ̃ nɔ Yair ƒe kpɔkplɔ te le Gileadnyigba dzi.

²³(Ke Gesur kple Aram xɔ Havot Yair kple Kenat kple du sue blaade siwo ƒo xlãe la le esi sesẽtɔe.)

Ame siawo katã nye Makir, si nye Gilead fofo la ƒe viwo.

²⁴Esi Hezron ku le Kaleb Efrata la, Abiya, Hezron srɔ̃ dzi Asur, Tekoa fofo.

Yerameel, Hezron ƒe vi

²⁵Hezron ƒe vi tsitsitɔ, Yerameel ƒe viwoe nye:

Ram ƒe viŋutsu tsitsitɔ, Buna, Oren, Ozem kple Ahiya. ²⁶Yerameel srɔ̃ evelia, Atara, dzi Onam.

²⁷Ram ƒe viwoe nye

Maaz, Yamin kple Eker.

²⁸Onam ƒe viwoe nye

Samai kple Yada. Samai dzi Nadab kple Abisur. ²⁹Abisur kple srɔ̃a Abihail dzi Aban kple Molid.

³⁰Nadab ƒe viwoe nye

Seled kple Apaim. Seled medzi vi aɖeke hafi ku o.

³¹Apaim ƒe vie nye

Isi, ame si dzi Sesan eye eya hã dzi Ahlai.

³²Samai nɔvi dzi ŋutsuvi eve:

Yeter kple Yonatan. Yeter medzi vi aɖeke hafi ku o,

³³ke Yonatan dzi vi eve:

Pelet kple Zaza.

Ame siawoe nye Yerameel ƒe viwo.

³⁴Viŋutsu aɖeke menɔ Sesan si o; vinyɔnuwo koe nɔ esi.

Egipte dɔlaŋutsu aɖe nɔ esi; eŋkɔe nye Yarha. ³⁵Sesan tsɔ via nyɔnu na eƒe dɔlaŋutsu, Yarha, wòɖe eye wodzi Atai.

³⁶Atai dzi Natan,

ame si dzi Zabad,

³⁷ame si dzi Eflal,

ame si dzi Obed,

³⁸ame si dzi Yehu,

ame si dzi Azaria.

³⁹Azaria dzi Helez,

ame si dzi Eleasa,

⁴⁰ame si dzi Sismai,

ame si dzi Salum.

⁴¹Salum dzi Yekamia

ame si dzi Elisama.

Kaleb ƒe dzidzimeviwo

⁴²Kaleb, Yerameel nɔvi ƒe vi tsitsitɔe nye

Mesa, ame si dzi Zif,

ame si dzi Maresa, ame si dzi Hebron.

⁴³Hebron ƒe viwoe nye

Korah, Tapua, Rekem kple Sema.

⁴⁴Sema dzi Raham

ame si dzi Yorkeam.

Rekem dzi Samai.

⁴⁵Samai dzi Maon

eye Maon dzi Bet Zur.

⁴⁶Kaleb kple eƒe ahiãvi, Efa, wodzi

Haran, Moza kple Gazez.

Haran dzi Gazez.

⁴⁷Yahdai dzi

Regem, Yotam, Gesan, Pelet, Efa kple Saaf.

⁴⁸Kaleb ƒe ahiãvi, Maaka, dzi

Seber kple Tirhana.

⁴⁹Egadzi Saaf, ame si nye Madmana fofo

kple Seva, Makbena fofo kple Gibea.

Kaleb ƒe vinyɔnue nye Aksa.

⁵⁰Hur, ame si nye Kaleb kple Efrata ƒe vi tsitsitɔ la,

dzi Sobal, Kiriat Yearim fofo, ⁵¹Salma, Betlehem fofo kple Haref, Bet Gader fofo.

⁵²Sobal ƒe viwoe nye Kiriat Yearim kple

Haroe, ame si ƒe dzidzimeviwoe nye Menuhot tɔwo ƒe afã. ⁵³Kiriat Yearim ƒe dzidzimeviwoe nye Yatiritɔwo, Putitɔwo, Sumatitɔwo kple Misraitɔwo, ame siwo me Zoratitɔwo kple Estaolitɔwo do tso.

⁵⁴Salma ƒe viwoe nye:

Betlehem, Netofatitɔwo, Atrot Bet Yoab, Manahatitɔwo ƒe afã kple Zoritɔwo, ⁵⁵agbalẽŋlɔlawo ƒe ƒome siwo nɔ Yabez: Tiratitɔwo, Imeatitɔwo kple Sukatitɔwo. Ame siawo katã nye Kenitɔwo eye wodzɔ tso Hamat me, ame si nye Rekab ƒe ƒome la fofo.

David ƒe viŋutsuwo

¹Esiawoe nye David ƒe viŋutsu siwo wodzi nɛ le Hebron:

Tsitsitɔe nye Amnon, ame si dadae nye Ahinoam tso Yezreel.

David ƒe vi eveliae nye Daniel eye dadae nye Abigail tso Karmel.

²Via ŋutsu etɔ̃liae nye Absalom, ame si Maaka, Gesur Fia, Talmai ƒe vinyɔnu dzi nɛ.

Eneliae nye Adoniya, ame si dadae nye Hagit.

³Via atɔ̃liae nye Sefatia eye dadae nye Abital

Adeliae nye Itream eye dadae nye Egla.

⁴Wodzi ŋutsu ade siawo na Fia David le Hebron, afi si wòɖu fia le ƒe adre kple afã.

Ena Yerusalem zu fiadu eye wòɖu fia le afi ma ƒe blaetɔ̃-vɔ-etɔ̃. ⁵Esi David nɔ Yerusalem la, srɔ̃a Batseba, Amiel ƒe vinyɔnu dzi vi ene siwoe nye:

Simea, Sobab, Natan kple Solomo.

⁶Vi asieke bubuwo ganɔ David si; woawoe nye: Ibhar, Elisama, Elifelet, ⁷Noga, Nefeg, Yafia, ⁸Elisama, Eliada kple Elifelet.

⁹Vi siwo nyɔnu bubuwo dzi nɛ la mele ame siawo dome o. Vinyɔnu aɖe hã nɔ David si; eŋkɔe nye Tamar.

Yuda fiawo

¹⁰Fia Solomo ƒe dzidzimeviwoe nye Rehoboam,

Abiya,

Asa,

Yehosafat,

¹¹Yoram alo Yehoram,

Ahazia,

Yoas,

¹²Amazia,

Azaria alo Uzia,

Yotam,

¹³Ahaz,

Hezekia,

Manase,

¹⁴Amon kple Yosia.

¹⁵Yosia ƒe viwoe nye,

Yohanan alo Yehoahaz,

Yehoyakim,

Zedekia kple

Salum.

¹⁶Ame siwo ɖu fia ɖe

Yehoyakim yome la woe nye,

Yehoyatsin si nye Yehoyakim vi kple Zedekia.

Fiawo ƒe dzidzimeviwo le aboyomenɔnɔ megbe

¹⁷Yehoyatsin, ame si wolé la ƒe dzidzimeviwoe nye,

Via ŋutsu Sealtiel, ¹⁸Malkiram, Pedaya, Senazar, Yekamia, Hosama kple Nedadia.

¹⁹Pedaya ƒe viŋutsuwoe nye,

Zerubabel kple Simei.

Zerubabel ƒe viŋutsuwoe nye,

Mesulam kple Hananiya. Wo nɔvinyɔnu nye Selomit ²⁰Via ŋutsu atɔ̃ bubuwoe nye Hasuba, Ohel, Berekia, Hasadia kple Yusab Hesed.

²¹Hananiya ƒe dzidzimeviwoe nye,

Pelatia kple Yesaya kple Refaya, Arnan, Obadia kple Sekania ƒe viŋutsuwo.

²²Sekania ƒe dzidzimeviwoe nye,

Semaya kple via ŋutsuwo: Hatus, Igal, Baria, Nearia kple Safat; wole ame ade.

²³Viŋutsu etɔ̃ nɔ Nearia si; woawoe nye,

Elioenai, Hezekia kple Azrikam.

²⁴Vi adre nɔ Elioenai si: Woawoe nye Hodavia, Eliasib, Pelaya, Akub, Yohanan, Delaya kple Anani.

Yuda ƒe dzidzimevi bubuawo

¹Yuda ƒe dzidzimevi bubuawoe nye:

Perez, Hezron, Karmi, Hur kple Sobal.

²Sobal ƒe vie nye Reaia, ame si dzi Yahat, ame si dzi Ahumai kple Lahad. Ame siawo va zu Zoratitɔwo ƒe ƒomewo.

³Etam ƒe dzidzimeviwoe nye:

Yezreel, Isma, Idbas kple via nyɔnu Hazelelponi ⁴Penuel dzi Gedor eye Ezer dzi Husa Ezer.

Ame siawoe nye Hur ƒe dzidzimeviwo, Hur nye Efrata ƒe ŋgɔgbevi kple Betlehem fofo.

⁵Asur, Tekoa fofo, ɖe srɔ̃ eve: Hela kple Naara.

⁶Naara dzi Ahuzam, Hefer, Temeni kple Haahastari.

⁷Hela ƒe viŋutsuwoe nye:

Zeret, Zohar, Etnan kple ⁸Koz, ame si dzi Anub kple Hazobeba hekpe ɖe Harum ƒe vi ƒe hlɔ̃ ŋu eye eya mee hlɔ̃ si wotsɔ kple Aharlel, Harum ƒe vi, ŋkɔ na la dzɔ tso.

⁹Yabez xɔ ŋkɔ wu nɔvia bubuawo katã. Dadaa na ŋkɔe be, Yabez si gɔmee nye, “Vevesese” elabena dadaa se veve ŋutɔ le edzidzi me. ¹⁰Eyae do gbe ɖa na Israel ƒe Mawu be, “Oo, yram eye nàkpe ɖe ŋunye le nye dɔwɔwɔ me. Meɖe kuku, nɔ kplim le nu sia nu si mawɔ la me eye nàɖem tso nu vɔ̃ kple dzɔgbevɔ̃e ɖe sia ɖe me.” Mawu se eƒe gbedodoɖa.

¹¹Kelub, Suha nɔviŋutsu, dzi Mehir, ame si dzi Eston. ¹²Eston dzi Bet Rafa, Pasea kple Tehina, ame si dzi Ir Nahas. Ame siawoe nye Reka ƒe ŋutsuwo.

¹³Kenaz dzi

Otniel kple Seraya.

Otniel dzi

Hatat Meonatai. ¹⁴Meonatai, ame si dzi Ofra.

Seraya dzi Yoab,

ame si me Ge Harasim, aɖaŋuwɔla siwo nɔ Aɖaŋuwɔlawo ƒe Balime la dzɔ tso.

¹⁵Kaleb, Yefune ƒe vi, dzi

Iru, Ela kple Naam.

Kenaz nɔ Ela ƒe viwo dome.

¹⁶Yehalelel ƒe viwoe nye

Zif, Zifa, Tiria kple Asarel.

¹⁷Ezra dzi

Yeter, Mered, Efer kple Yalon.

Mered ɖe Bitia, fiavinyɔnu aɖe tso Egipte eye wodzi Miriam, Samai kple Isba, ame si nye Estemoa fofo.

¹⁸Estemoa srɔ̃ nye Yuda nyɔnu aɖe eye wòdzi Yered, Heber kple Yekutiel. Yered nye Gedor fofo, Heber nye Soko fofo eye Yekutiel nye Zanoah fofo.

¹⁹Hodia srɔ̃ nye Naham nɔvinyɔnu.

Via ɖekae nye Keila, Garmitɔ la fofo; via bubue dzi Estemoa, Maakatitɔ la.

²⁰Simɔn dzi

Amnon, Rina, Ben Hanan kple Tilɔn.

Isi dzi

Zohet kple Ben Zohet.

²¹Yuda ƒe viŋutsu, Sela ƒe viŋutsuwoe nye

Er, ame si dzi Leka, Lada, ame si dzi Maresa kple ame siwo nye avɔlɔ̃lawo nɔ Bet Asbea,

²²Yokim, Kozeba, Yoas kple Saraf ŋutsuwo, ame siwo ɖu fia le Moab kple Yasubi Lehem. Ŋkɔ siawo tso nuŋlɔɖi xoxoawo me. ²³Ame siawo xɔ ŋkɔ le zememe kple agbledede le Nataim kple Gedera me eye wowɔa dɔ na fia la.

Simeon

²⁴Simeon dzi

Nemuel, Yamin, Yarib, Zera kple Saul.

²⁵Saul dzi Salum, ame si dzi Mibsam, ame si dzi Misma.

²⁶Misma ƒe viwo dometɔ ɖekae nye

Hamuel, ame si dzi Zakur, ame si dzi Simei.

²⁷Simei dzi viŋutsu wuiade kple vinyɔnu ade. Nɔviawo dometɔ aɖeke ƒe viwo mesɔ gbɔ alea o eye wo viwo mede esi Yudatɔ geɖewo dzina la nu o. ²⁸Wonɔ Beerseba, Molada, Hazar Sual ²⁹Bilha, Ezem, Tolad, ³⁰Betuel, Horma, Ziklag, ³¹Bet Markabot, Hazar Susim, Bet Biri kple Saaraim. Du siawo nɔ woƒe asi me va se ɖe David ƒe fiaɖuɣi. ³²Kɔƒe siwo ƒo xlã wo lae nye Etam, Ain, Rimon, Token kple Asan, kɔƒe atɔ̃ ³³kple kɔƒe siwo katã ƒo xlã du siawo va se ɖe Baalat. Esiawoe nye woƒe duwo,

eye dzidzimegbalẽ nɔ wo si.

³⁴Mesobab, Yamlek,

Yosa Amazia ƒe viŋutsu, ³⁵Yoel,

Yehu, Yosibia ƒe viŋutsu, ame si nye Seraya ƒe vi kple Asiel ƒe vi,

³⁶Elioenai, Yaakoba, Yehodaya,

Asaya, Adiel, Yesimiel, Benaya,

³⁷Zira, ame si nye Sifi ƒe vi, ame si nye Alon ƒe vi, ame si nye Yedaia ƒe vi, ame si nye Simri ƒe vi ame si nye Semaya ƒe vi.

³⁸Ŋutsu siwo ƒe ŋkɔ woyɔ va yi la woe nye woƒe ƒomeawo ƒe tatɔwo.

Woƒe ƒomewo dzi ɖe edzi fũu ³⁹eye woyi Gedor ƒe gbɔto le balime la ƒe ɣedzeƒe gome le gbeɖuƒe dim na woƒe lãhawo. ⁴⁰Wokpɔ lãnyiƒe damawo, anyigba la keke nyuie, teƒe si ŋutifafa kple ɖoɖoezizi le. Hamitɔ aɖewo nɔ afi ma kpɔ.

⁴¹Ame siwo ƒe ŋkɔ woŋlɔ da ɖi la va le Yuda Fia Hezekia ƒe fiaɖuɣi. Woho aʋa ɖe Hamitɔwo ŋu le woƒe nɔƒewo nenema ke nye Meunitɔ siwo nɔ afi ma eye wotsrɔ̃ wo keŋkeŋ abe ale si wòle dzedzem egbe ene. Wonɔ woƒe nɔƒe elabena lãnyiƒe nɔ afi ma na woƒe lãhawo. ⁴²Le esia wɔwɔ vɔ megbe la, aʋawɔla siawo dometɔ alafa atɔ̃ tso Simeon ƒe ƒome la me yi Seir ƒe to la dzi. Woƒe kplɔlawo nye Pelatia, Nearia, Refaya kple Uziel. Wo katã wonye Isi ƒe viwo. ⁴³Wowu ame ʋɛe siwo susɔ tso Amalek ƒomea me eye wotsi afi ma va se ɖe egbe.

Ruben

¹Esiawoe nye Ruben ƒe viŋutsuwo. Ruben nye Israel ƒe ŋgɔgbevi. Togbɔ be eyae nye ŋgɔgbevi hã la, eƒo ɖi fofoa ƒe srɔ̃ɖeba eya ta woxɔ ŋgɔgbevinyenye la le esi tsɔ na Israel ƒe vi, Yosef ƒe viŋutsuwo. Esia tae womeŋlɔ eƒe ŋkɔ be eyae nye ŋgɔgbevi le dzidzimegbalẽ la me abe ale si wòle be wòanɔ ene o. ²Togbɔ be Yosef va zu ŋgɔgbevi hã la, Yuda va nye hlɔ̃ sesẽ, xɔŋkɔ aɖe le Israel eye Yuda mee fiavi aɖe do tso. ³Ruben ƒe viwoe nye:

Hanok, Palu, Hezron kple Karmi.

⁴Yoel ƒe viwoe nye,

Semaya, ame si dzi Gog,

ame si dzi Simei. ⁵Simei ƒe vie nye Mika,

ame si dzi Reaia, ame si dzi Baal.

⁶Baal ƒe vie nye Beera, ame si nye fiavi tso Ruben ƒe viwo dome. Asiria fia Tilgat Pilneser ɖe aboyoe.

⁷Woƒe ƒometɔwo le woƒe hlɔ̃wo nu abe ale si wode wo dzidzimegbalẽ la me la, le ale:

Yeiel, fia la kple Zekaria ⁸kple Bela, Azaz ƒe viŋutsu, Sema ƒe viŋutsu kple Yoel ƒe viŋutsu.

Wonɔ teƒe si tso Aroer yi Nebo kple Baal Meon. ⁹Yoel nye lãnyila; enyi woƒe lãwo le gbegbe la ƒe ɣedzeƒe lɔƒo heyi ɖe Frat tɔsisi la gbɔ elabena nyi geɖewo nɔ Gileadnyigba dzi.

¹⁰Le Fia Saul ƒe fiaɖuɣi la, Ruben ƒe viwo ɖu Hagritɔwo dzi eye woge ɖe woƒe agbadɔwo me le Gilead ƒe ɣedzeƒeliƒo dzi.

Gad

¹¹Gad ƒe dzidzimeviwo nɔ woƒe kasa le anyigba si tso Basan yi keke Saleka:

¹²Yoel nye wo dometɔ xɔŋkɔtɔ eye Safam, Yanai kple Safat kplɔe ɖo.

¹³Woƒe ƒometɔ siwo nye hlɔ̃ adreawo ƒe amegãwo la woe nye,

Mikael, Mesulam, Seba, Yorai, Yakan, Zia kple Eber.

¹⁴Buz ƒe dzidzimeviwo le woƒe tsitsi nu le ale: Yahdo, Yesisai. Mikael, Gilead, Yarao, Huri kple Abihail.

¹⁵Guni ƒe vi, Abdiel ƒe vi, Ahi nye hlɔ̃ la ƒe kplɔla.

¹⁶Hlɔ̃ la nɔ Gilead, Basan kple wo ŋu duwo me kpakple Saron ƒe lãnyiƒe nutowo katã me va se ɖe eƒe mlɔenu.

¹⁷Woŋlɔ wo katã ƒe ŋkɔwo ɖe dzidzimegbalẽ la me le Yuda fia Yotam kple Israel fia Yeroboam ƒe fiaɖuɣi.

¹⁸Asrafo akpe blaene-vɔ-ene alafa adre blaade (44,760), ame siwo si aʋawɔnuwo nɔ, wohe wo nyuie eye wonye kalẽtɔwo la nɔ Ruben, Gad kple Manase ƒe to la ƒe afã ƒe aʋakɔ me. ¹⁹Woho aʋa ɖe Hagritɔwo, Yeturitɔwo, Nafisitɔwo kple Nodabitɔwo ŋu. ²⁰Wodo gbe ɖa na Mawu, bia eƒe kpekpeɖeŋu eye wòkpe ɖe wo ŋu le woƒe ŋuɖoɖo ɖe eŋu ta. Ale woɖu Hagritɔwo kple woƒe kpeɖeŋutɔwo dzi. ²¹Woƒe afunyinuwo nye kposɔ akpe blaatɔ̃ (50,000), alẽ akpe alafa eve blaatɔ̃ (250,000), tedzi akpe eve (2,000) kple ame akpe alafa ɖeka (100,000). ²²Woƒe futɔ geɖewo ku le aʋa la me elabena Mawu tsi tsitre ɖe wo ŋu. Ale Ruben ƒe dzidzimeviwo nɔ Hagritɔwo ƒe dzidzimeviwo ƒe anyigba dzi va se ɖe esime woɖe aboyo wo.

Manase ƒe to la ƒe afã

²³Manase ƒe to ƒe afã kaka ɖe anyigba si tso Basan yi Baal Hermon, Senir kple Hermon to la ŋu. Woawo hã sɔ gbɔ ŋutɔ.

²⁴Woƒe hlɔ̃wo ƒe fiawoe nye Efer, Isi, Eliel, Azriel, Yeremia, Hodavia kple Yahdiel. Wo dometɔ ɖe sia ɖe xɔ ŋkɔ abe aʋawɔla kple kplɔla ene. ²⁵Ke womesubɔ wo fofowo ƒe Mawu la o, ke boŋ wosubɔ ame siwo Mawu tsrɔ̃ la ƒe legbawo. ²⁶Esia ta Israel ƒe Mawu na Asiria fia Pul (ame si wogayɔna be Fia Tilgat Pilneser Etɔ̃lia la), ho aʋa ɖe wo ŋu eye wòɖe aboyo Ruben ƒe viwo, Gad ƒe viwo kple Manase ƒe hlɔ̃ afã me tɔwo. Wokplɔ wo yi Hala, Habor, Hara kple Gozan tɔsisi la to, afi si wole va se ɖe egbe.

Levi

¹Levi ƒe viwoe nye:

Gerson, Kohat kple Merari.

²Kohat ƒe viwoe nye:

Amram, Izhar, Hebron kple Uziel.

³Amram ƒe viwoe nye:

Aron, Mose kple Miriam.

Aron ƒe viwoe nye:

Nadab, Abihu, Eleazar kple Itamar.

⁴Aron ƒe vi tsitsitɔwo ƒe dzidzimeviwoe nye:

Eleazar si dzi Finehas, ame si dzi Abisua,

⁵ame si dzi Buki,

ame si dzi Uzi,

⁶ame si dzi Zerahia,

ame si dzi Merayot,

⁷ame si dzi Amaria,

ame si dzi Ahitub,

⁸ame si dzi Zadok,

ame si dzi Ahimaaz,

⁹ame si dzi Azaria,

ame si dzi Yohanan,

¹⁰ame si dzi Azaria,

ame si nye Nunɔlagã si nɔ Solomo ƒe gbedoxɔ me le Yerusalem.

¹¹Azaria hã dzi Amaria,

ame si dzi Ahitub,

¹²ame si dzi Zadok,

ame si dzi Salum,

¹³ame si dzi Hilkia,

ame si dzi Azaria.

¹⁴Azaria dzi Seraya,

ame si dzi Yehozadak,

¹⁵ame si woɖe aboyoe esime Yehowa na Nebukadnezar ɖe aboyo ame siwo nɔ Yuda kple Yerusalem.

¹⁶Abe ale si wode dzesii xoxo ene la, Levi ƒe viwoe nye,

Gerson, Kohat kple Merari.

¹⁷Gerson ƒe viwoe nye:

Libni kple Simei.

¹⁸Kohat ƒe viwoe nye:

Amram, Izhar, Hebron kple Uziel.

¹⁹Merari ƒe viwoe nye:

Mahli kple Musi.

Ƒome siwo dzɔ tso Levi ƒe hlɔ̃ me la le ale:

²⁰Gerson ƒe viwoe nye,

Libni, Yahat, Zima, ²¹Yoa,

Ido, Zera kple Yeaterai.

²²Kohat ƒe viwoe nye:

Aminadab, Korah,

Asir, ²³Elkana,

Ebiasaf, Asir,

²⁴Tahat, Uriel,

Uzia kple Saul.

²⁵Elkana ƒe dzidzimeviwo ma ɖe ƒome siawo me:

Amasai, Ahimɔt,

²⁶Elkana, Zofai,

Nahat, ²⁷Eliab,

Yeroham kple Elkana.

²⁸Samuel ƒe vi siwo nye tatɔwo na ƒome siwo dzɔ tso Samuel me la woe nye:

Yoel, Via ŋutsu tsitsitɔ

kple evelia, Abiya.

²⁹Merari ƒe vi siwo nye tatɔwo na ƒome siwo dzɔ tso Merari me la woe nye:

Mahli, Libni,

Simei, Uza,

³⁰Simea, Hagia kple Asaya.

Gbedoxɔ me dzekulawo kple saŋkuƒolawo

³¹Fia David ɖo hadzihadzikpɔlawo kple hadzilawo be woakafu Yehowa le agbadɔ la me esime wòtsɔ nubablaɖaka la de eme megbe. ³²Wotsɔ hadzidzi subɔ le le Mawu ƒe agbadɔ la ŋgɔ va se ɖe esime Solomo tu Yehowa ƒe gbedoxɔ la ɖe Yerusalem eye hadzilawo yi woƒe dɔ dzi le ɖoɖo nu.

³³Hadzihakplɔlawo ƒe ŋkɔwo kple woƒe dzidzimeviwo le ale:

Hadzila Heman tso Kohat ƒe hlɔ̃ la me. Eƒe dzidzime heyi megbe va se ɖe Israel dzi la yi ale:

Yoel, Samuel,

³⁴Elkana, Yeroham,

Eliel, Toax,

³⁵Zuf, Elkana,

Mahat, Amasai,

³⁶Elkana, Yoel,

Azaria, Zefania,

³⁷Tahat, Asir,

Ebiasaf, Korah,

³⁸Izhar, Kohat,

Levi, Israel.

³⁹Heman ƒe kpeɖeŋutɔ gbãtɔe nye Asaf, ame si ƒe dzidzime heyi megbe va se ɖe Levi dzi la yi ale:

Berekia, Simea,

⁴⁰Mikael, Baaseia,

Malkiya, ⁴¹Etni,

Zera, Adaya,

⁴²Etan, Zima,

Simei, ⁴³Yahat,

Gerson, Levi.

⁴⁴Heman ƒe kpeɖeŋutɔ eveliae nye Etan, tso Merari ƒe ƒome la me. Enɔa Heman ƒe miame. Eƒe dzidzimeviwo heyi megbe va se ɖe Levi dzi yi ale:

Kisi, Abdi,

Maluk, ⁴⁵Hasabia,

Amazia, Hilkia,

⁴⁶Amzi, Bani,

Semer, ⁴⁷Mahli,

Musi, Merari kple Levi.

⁴⁸Woƒe ƒometɔwo nye Levitɔ bubuawo. Wotsɔ wo ɖo dɔ bubu vovovowo nu le Mawu ƒe agbadɔ la me. ⁴⁹Ke Aron kple eƒe dzidzimeviwo koe nye nunɔlawo. Woƒe dɔdeasiwo dometɔ aɖewoe nye numevɔwo sasa, dzudzɔdodo, dɔwɔwɔ le Kɔkɔeƒe ƒe Kɔkɔeƒe kple dɔ siwo ku ɖe ƒe sia ƒe ƒe Avuléŋkekenyui le Israel ŋuti. Wokpɔa egbɔ be wowɔ ɖe nu siwo katã Mose, Mawu ƒe dɔla ɖo na wo la dzi pɛpɛpɛ.

⁵⁰Aron ƒe dzidzimeviwoe nye:

Eleazar, Finehas,

Abisua, ⁵¹Buki,

Uzi, Zerahia,

⁵²Merayot, Amaria,

Ahitub, ⁵³Zadok

kple Ahimaaz.

⁵⁴Du kple anyigba siwo wona Aron ƒe dzidzimeviwo, ame siwo tso Kohat ƒe hlɔ̃ me la woe nye:

⁵⁵Hebron kple lãnyiƒe siwo ƒo xlãe le Yuda. ⁵⁶(Ke agbledeƒe kple kɔƒe siwo ƒo xlã du gã la, wotsɔ wo na Kaleb, Yefune ƒe vi.) ⁵⁷Esiwo wotso na Aron viwoe nye: Hebron (Sitsoƒedu), Libna kple eŋu lãnyiƒe, Yatir kple Estemoa kple wo ŋu lãnyiƒewo. ⁵⁸Hilen, Debir, ⁵⁹Asan, Yuta kple Bet Semes kpe ɖe woƒe lãnyiƒewo ŋu na Aron ƒe dzidzimeviwo.

⁶⁰Benyamin ƒe viwo tso du bubu aɖewo, du siwo dometɔ aɖewo nye Geba, Alemet kple Anatɔt hekpe ɖe lãnyiƒe siwo ƒo xlã wo ŋu.

Du siwo katã woma ɖe Kohat ƒe dzidzimeviwo dome le wuietɔ̃.

⁶¹Woda akɔ azɔ be woama anyigba mamlɛa ɖe Kohat ƒe dzidzimevi bubuawo dome eye woxɔ du ewo le Manase ƒe hlɔ̃ ƒe afã ƒe anyigba dzi.

⁶²Woda akɔ eye woxɔ du wuietɔ̃ le Basan le Isaka, Aser, Naftali kple Manase ƒe viwo si tsɔ na Gerson ƒe viwo.

⁶³Woda akɔ eye woxɔ du wuieve le Ruben, Gad kple Zebulon ƒe viwo si tsɔ na Merari ƒe viwo.

⁶⁴Ale Israelviwo tsɔ du siawo kple woƒe lãnyiƒewo na Levitɔwo.

⁶⁵Le Yuda, Simeon kple Benyamin ƒe towo me la, wotsɔ du siwo ŋkɔ woyɔxoxo la na wo.

⁶⁶Efraim ƒe viwo tsɔ Sitsoƒedu siawo kple lãnyiƒe siwo ƒo xlã wo la na Kohat ƒe viwo:

⁶⁷Sekem (sitsoƒedu) kple Gezer, ⁶⁸Yokmeam kple Bet Horon, ⁶⁹Aiyalon kple Gat Rimon kple eŋu lãnyiƒe.

⁷⁰Manase ƒe viwo ƒe afã tsɔ Sitsoƒedu siawo kple lãnyiƒe siwo ƒo xlã wo la na Kohat ƒe viwo ƒe afã: Aner kple Balaam.

⁷¹Sitsoƒedu kple woƒe lãnyiƒe siwo Manase ƒe viwo ƒe afã tsɔ na Gerson ƒe viwo la nye:

Golan le Basan kple Astarot.

⁷²Isaka ƒe viwo tsɔ Kedes, Daberat, ⁷³Ramot kple Anem kple lãnyiƒe siwo ƒo xlã wo la na wo.

⁷⁴Aser ƒe viwo tsɔ Abdon, Masal ⁷⁵Hukok kple Rehob kple woƒe lãnyiƒewo na wo.

⁷⁶Naftali ƒe viwo tsɔ Kedes le Galilea, Hamon kple Kiriataim kple woƒe lãnyiƒewo na wo.

⁷⁷Zebulon ƒe viwo tsɔ Rimono kple Tabor kpakple woƒe lãnyiƒewo na Merari ƒe viwo abe Sitsoƒeduwo ene.

⁷⁸Tso Ruben ƒe to la me le Yɔdan ƒe akpa kemɛ le Yeriko kasa la, woxɔ Bezer le gbegbe la, Yaza, ⁷⁹Kedemot kple Mefaat kpe ɖe woƒe lãnyiƒewo ŋu.

⁸⁰Gad ƒe viwo tsɔ Ramot le Gilead, Mahanaim ⁸¹Hesbon kple Yazer kple woƒe lãnyiƒewo na wo.

Isaka

¹Isaka ƒe viŋutsuwoe nye:

Tola, Pua, Yasub kple Simrɔn; wo katã le ame ene.

²Tola ƒe viwoe nye:

Uzi, Refaya, Yeriel, Yahmai, Ibsam kple Samuel eye wo dometɔ ɖe sia ɖe nye eƒe ƒome ƒe tatɔ. Le Fia David ŋɔli la, aʋawɔla siwo tso ƒome siawo me la de ame akpe blaeve-vɔ-eve, alafa ade (22,600).

³Izrahia nye Uzi ƒe vi.

Izrahia ƒe viŋutsuwoe nye:

Mikael, Obadia, Yoel kple Isia; wo ame atɔ̃ la katã nye dumegãwo. ⁴Le David ŋɔli la, aʋawɔla siwo nɔ woƒe dzidzimeviwo dome la de ame akpe blaetɔ̃ vɔ ade (36,000). Srɔ̃wo kple viwo sɔ gbɔ le wo ame atɔ̃awo dometɔ ɖe sia ɖe si.

⁵Aʋawɔla siwo nɔ Isaka ƒe viwo dome la nye ame akpe blaenyi-vɔ-adre (87,000), wode dzesi wo ɖe dzidzimegbalẽ la me.

⁶Benyamin ƒe viŋutsu etɔ̃awoe nye:

Bela, Beker kple Yediael.

⁷Bela ƒe viŋutsuwoe nye:

Ezbon, Uzi, Uziel, Yerimot kple Iri. Ame atɔ̃ siawo katã nye ƒomewo ƒe tatɔwo. Aʋawɔla siwo le woƒe dzidzimeawo me la nye ame akpe blaeve-vɔ-eve kple blaetɔ̃-vɔ-ene (22,034). Wode dzesi wo katã ɖe dzidzimegblalẽwo me.

⁸Beker ƒe viwoe nye:

Zemira, Yoas, Eliezer, Elioenai, Omri, Yeremot, Abiya, Anatɔt kple Alemet. ⁹Le Fia David ŋɔli la, aʋawɔla sesẽ akpe blaeve-vɔ-eve alafa eve (20,200) nɔ woƒe dzidzimeviwo dome eye woƒe kplɔlawo nye woƒe ƒometatɔwo.

¹⁰Yediael ƒe vie nye:

Bilhan,

eye Bilhan ƒe viwoe nye:

Yeus, Benyamin, Ehud, Kenaana, Zetan, Tarsis kple Ahisahar. ¹¹Yediael ƒe hlɔ̃wo ƒe tatɔwo kple aʋawɔla nye akpe wuiadre, alafa eve (17,200) le Fia David ŋɔli.

¹²Ir ƒe viwoe nye Supitɔwo kple Hupitɔwo. Husim nye Aher ƒe dzidzimeviwo dometɔ ɖeka.

Naftali

¹³Naftali ƒe viwo, ame siwo dzɔ tso Yakob ƒe vi siwo Yakob srɔ̃ Bilha dzi me la woe nye:

Yahziel, Guni, Yezer kple Salum.

Manase

¹⁴Manase ƒe vi siwo srɔ̃a si nye Arameatɔ dzi nɛ la,

woe nye Asriel kple Makir, ame si va zu Gilead fofo. ¹⁵Makir nye ame si di srɔ̃wo na Hupim kple Supim. Makir nɔvinyɔnu nye Maaka. Makir ƒe vi bubue nye Zelofehad, ame si si vinyɔnuwo ɖeɖe ko nɔ. ¹⁶Makir srɔ̃ hã ŋkɔe nye Maaka; edzi ŋutsuvi ɖeka eye wòna ŋkɔe be Peres; nɔvia ŋutsu ŋkɔe nye Seres, ame si dzi ŋutsuvi eve, Ulam kple Rakem.

¹⁷Ulam dzi Bedan.

Ale ame siawoe nye Gilead ƒe viwo kple tɔgbuiyɔviwo na Makir, ame si fofoe nye Manase.

¹⁸Hamoleket, Makir nɔvinyɔnu dzi Ishod, Abiezer kple Mahla.

¹⁹Semida ƒe viwoe nye:

Ahian, Sekem, Likhi kple Aniam.

Efraim

²⁰Efraim ƒe vidzimeviwoe nye:

Sutela, Via ŋutsu, Bered,

ame si dzi Tahat, ame si dzi Eleada,

ame si dzi Tahat, ²¹ame si dzi Zabad

ame si dzi Sutela.

Amewo tso Gat wu Ezer kple Elead esi ame eve siawo yi Gat be yewoafi woƒe lãwo. ²²Wo fofo Efraim fa wo ɣeyiɣi didi aɖe eye nɔviawo dze agbagba be yewoafa akɔ nɛ. ²³Le esia megbe la, srɔ̃a fɔ fu eye wòdzi ŋutsuvi. Efraim na ŋkɔe be Beria, si gɔmee nye “Dzɔgbevɔ̃e,” le nya si dzɔ la ta. ²⁴Efraim ƒe vinyɔnu ŋkɔe nye Seera, eyae tu Bet Horon Anyigbetɔ kple Bet Horon Dzigbetɔ siaa kple Uzen Seera.

²⁵Efraim ƒe dzidzimeviwo yi ale:

Efraim dzi Refa, ame si dzi Resef,

ame si dzi Tela ame si dzi Tahan,

²⁶ame si dzi Ladan, ame si dzi Amihud,

ame si dzi Elisama, ²⁷ame si dzi Nun,

ame si dzi Yosua.

²⁸Anyigba si dzi wonɔ la do liƒo kple Betel kple du siwo ƒo xlãe; edo liƒo kple Naran le ɣedzeƒe kple Gezer kple eƒe duwo le ɣetoɖoƒe eye wògado liƒo kple Sekem kple du siwo ƒo xlãe heyi Aya kple du siwo ƒo xlãe. ²⁹Du siwo nɔ Manase ƒe viwo, ame siwo dzɔ tso Yosef, Israel ƒe vi, me ƒe dzikpɔkpɔ te la, woe nye Bet Sean, Taanak, Megido kple Dor kple du siwo ƒo xlã wo.

Aser

³⁰Aser ƒe viŋutsuwoe nye:

Imna, Isva, Isvi, Beria kple wo nɔvinyɔnu Sera.

³¹Beria ƒe viwoe nye:

Heber kple Malziel, ame si dzi Birzait.

³²Heber ƒe viwoe nye:

Yaflet, Somer, Hotam kple wo nɔvinyɔnu, Sua.

³³Yaflet ƒe viwoe nye:

Pasak, Bimhal kple Asvat,

³⁴Nɔvia, Semer ƒe viŋutsuviwoe nye:

Ahi, Rohga, Huba kple Aram.

³⁵Helem ƒe viwoe nye:

Zofa, Imna, Seles kple Amal.

³⁶Zofa ƒe viwoe nye:

Sua, Harnefer, Sual, Beri, Imra, ³⁷Bezer, Hod, Sama, Sila, Itran kple Beera.

³⁸Yeter ƒe viwoe nye:

Yefune, Pispa kple Ara.

³⁹Ula ƒe viwoe nye:

Ara, Haniel kple Rizia.

⁴⁰Aser ƒe dzidzimeviwo katã nye ƒometatɔwo kple aʋawɔla nyuiwo. Wode aʋawɔla akpe blaeve-vɔ-ade (26,000).

Saul, Benyamintɔ la ƒe dzidzimegbalẽ

¹Benyamin ƒe ŋgɔgbevie nye:

Bela,

Asbel nye Via ŋutsu evelia eye etɔ̃lia ŋkɔe nye Ahara,

²eneliae nye Noha eye atɔ̃liae nye Rafa.

³Bela ƒe viŋutsuwoe nye: Ada, Gera, Abihud, ⁴Abisua, Naaman, Ahoa ⁵Gera, Sefufan kple Huram.

⁶Ehud ƒe viwo nye hlɔ̃metatɔwo le Geba. Wolé wo le aʋa me eye woɖe aboyo wo yi Manahat. Woawoe nye:

⁷Naaman, Ahiya, Gera, ame si wogayɔna be Heglam, ame si dzi Uza kple Ahihud.

⁸Saharaim gbe srɔ̃a eveawo, Husim kple Baara. ⁹Edzi viwo kple Hodes, srɔ̃a yeyea le Moab nyigba dzi. Ɖeviawoe nye Yobab, Zibia, Mesa, Malkam, ¹⁰Yeuz, Sakia kple Mirma. Ame siawo katã va zu hlɔ̃mefiawo. ¹¹Do ŋgɔ la, srɔ̃a Husim dzi Ahitub kple Elpaal nɛ.

¹²Elpaal ƒe viwoe nye:

Eber, Misam, Semed, ame si tso Ono du kple Lod du kple kɔƒe siwo ƒo xlã wo. ¹³Via bubuwoe nye Beria kple Sema, hlɔ̃mefia siwo nɔ Aiyalon; wonya ame siwo nɔ Gat tsã la dzoe.

¹⁴Elpaal ƒe viwo dometɔ aɖewoe nye: Ahio, Sasak kple Yeremot. ¹⁵Beria ƒe viwoe nye: Zebadia, Arad, Eder, ¹⁶Mikael, Ispa kple Yoha.

¹⁷Elpaal ƒe viwo dometɔ aɖewoe nye: Zebadia, Mesulam, Hizku, Heber, ¹⁸Ismerai, Izlia kple Yobab.

¹⁹Simei ƒe viwoe nye: Yakim, Zikri, Zabdi, ²⁰Elienai, Ziletai, Eliel ²¹Adaya, Beraya kple Simrat.

²²Sasak ƒe viwoe nye: Ispan, Eber, Eliel, ²³Abdon, Zikri, Hanan ²⁴Hananiya, Elam, Antotiya, ²⁵Ifdeya kple Penuel.

²⁶Yehoram ƒe viwoe nye: Samserai, Seharia, Atalia, ²⁷Yaaresia, Eliya kple Zikri.

²⁸Ame siwo nye fiawo le hlɔ̃wo nu le Yerusalem woe nye:

²⁹Yeiel, Gibeon fofo, enɔ Gibeon; srɔ̃a ŋkɔe nye Maaka. ³⁰Via ŋutsu tsitsitɔe nye Abdon eye eyomeviwoe nye Zur, Kis, Baal, Ner, Nadab, ³¹Gedor, Ahio, Zeker ³²kple Miklot, ame si dzi Simea. Ƒome siawo katã nɔ teƒe ɖeka le Yerusalem gbɔ.

³³Ner dzi Kis, ame si dzi Saul eye Saul hã dzi Yonatan, Malki Sua, Abinadab kple Esbaal.

³⁴Yonatan dzi Mefiboset ame si wogayɔna hã be

Meribaal eye eya hã dzi Mika.

³⁵Mika ƒe viwoe nye:

Pitɔn, Melek, Tarea kple Ahaz.

³⁶Ahaz dzi Yehoiada eye eya hã dzi Alemet, Azmavet kple Zimri, ame si dzi Moza. ³⁷Moza dzi Binea, ame si ƒe viwoe nye Rafa, Eleasa kple Azel.

³⁸Ŋutsuvi ade nɔ Azel si; woawoe nye:

Azrikam, Bokeru, Ismael, Searia, Obadia kple Hanan.

³⁹Azel nɔviŋutsu, Esek dzi viŋutsu etɔ̃; gbãtɔe nye

Ulam, eveliae nye Yeus eye etɔ̃liae nye Elifelet. ⁴⁰Ulam ƒe viwo nye aʋawɔla xɔŋkɔwo eye woƒe alɔ dzɔna le aŋutrɔdada me.

Viŋutsu kple tɔgbuiyɔvi alafa ɖeka blaatɔ̃ (150) nɔ esi eye wo katã wonye Benyamin ƒe dzidzimeviwo.

Ame siwo nɔ Yerusalem

¹Wode Israelvi ɖe sia ɖe ƒe ƒome Israel fiawo ƒe agbalẽ me pɛpɛpɛ. Woɖe aboyo Yudatɔwo yi Babilonia le woƒe nuteƒemawɔmawɔ ta.

²Ame gbãtɔ siwo trɔ gbɔ eye woganɔ woƒe du xoxoawo me la woe nye ƒome siwo dzɔ tso Israel me kple nunɔlawo kple Levitɔwo kple ame siwo wɔa subɔsubɔdɔwo le gbedoxɔ la me.

³Emegbe la, ame aɖewo tso Yuda, Benyamin, Efraim kple Manase ƒe ƒomewo me gbɔ va ɖo Yerusalem.

⁴Ƒome siawo dometɔ ɖekae nye Utai ƒe ƒome. Utai nye Amihud ƒe vi, Amihud nye Omri ƒe vi, Omri nye Imri ƒe vi eye Imri nye Bani ƒe vi tso Yuda vi Perez ƒe viwo dome.

⁵Silonitɔwo hã trɔ gbɔ. Ame siwo nɔ Silonitɔwo dome la woe nye:

Asaya, Silon ƒe viŋutsu tsitsitɔ kple via ade

⁶kple Zera ƒe viwo, ame siwo dome

Yeuel kple eƒe dzidzimeviwo nɔ.

Wo katã wode ame alafa ade blaasieke (690).

⁷Benyamin ƒe vi siwo gbɔ la woe nye:

Salu, Mesulam ƒe vi, Hodavia kple Hasenua ƒe tɔgbuiyɔvi,

⁸Ibnea, Yeroham ƒe vi;

kple Ela Uzi ƒe vi kple Mikri ƒe tɔgbuiyɔvi;

kple Mesulam, Safatis ƒe vi; Sefatia fofoe nye Reuel eye Reuel fofoe nye Ibniya.

⁹Ame siawo katã nye hlɔ̃mefiawo. Benyamin ƒe dzidzimevi siawo nye ame alafa asiekɛ blaatɔ̃-vɔ-ade (956).

¹⁰Nunɔla siwo trɔ gbɔ la woe nye:

Yedaia, Yehoyarib, Yakin,

¹¹Azaria nye Hilkia ƒe vi, ame si fofoe nye Mesulam, ame si fofoe nye Zadok, ame si fofoe nye Merayot, ame si fofoe nye Ahitub. Zadok nye amegã na nudzikpɔlawo le gbedoxɔ la me.

¹²Nunɔla siwo trɔ gbɔ la dometɔ ɖekae nye Adaya, Yeroham ƒe vi, ame si nye Pasur ƒe vi, ame si nye Malkiya ƒe vi.

Nunɔla bubuwoe nye:

Masai, ame si nye Adiel ƒe vi, ame si nye Yahzera ƒe vi, ame si nye Mesulam ƒe vi, ame si nye Mesilemit ƒe vi, ame si nye Imer ƒe vi.

¹³Nunɔla siwo trɔ gbɔ la ƒe xexlẽmee nye akpe ɖeka, alafa adre blaade (1,760). Ame siwo nye ame zãzɛwo le Mawu ƒe aƒe dɔwo wɔwɔ me.

¹⁴Ame siwo tso Levi ƒe viwo dome la woe nye:

Semaya, Hashub ƒe vi, ame si nye Azrikam ƒe vi, ame si nye Hasabia ƒe vi, ame si dzɔ tso Merari me.

¹⁵Levi ƒe vi bubu siwo trɔ gbɔ la woe nye:

Bakbakar, Heres, Galal, Matania, Mika ƒe vi, ame si nye Zikri ƒe vi, ame si nye Asaf ƒe vi;

¹⁶kple Obadia, Semaya ƒe vi, Galal ƒe vi kple Berekia, Asa ƒe vi, ame si nye Elkana ƒe vi, ame si nɔ Netofatitɔwo ƒe anyigba dzi.

¹⁷Agbonudzɔlawoe nye:

Salum, Akub, Talmon, Ahiman kple wo nɔviwo. Salum nye woƒe tatɔ. ¹⁸Wodae ɖe Fia ƒe Agbo nu le ɣedzeƒe va se ɖe egbe. Ame siawoe nye agbonudzɔlawo tso Levitɔwo dome.

¹⁹Salum ƒe dzidzime to Kore kple Ebiasaf dzi va se ɖe Korah dzi. Eya kple nɔviawo, Korah ƒe viwoe kpɔa vɔsawo kple Kɔkɔeƒe la dzi abe ale si wo fofowo kpɔ agbadɔ la dzi eye wodzɔ eŋu ene.

²⁰Finehas, Eleazar ƒe vi, nye woƒe amegã gbãtɔ le blema eye Yehowa nɔ kplii.

²¹Le ɣe ma ɣi la, Zekaria, Meselemia ƒe vi dzɔ Mawu ƒe Agbadɔ la ƒe agbonu ŋu.

²²Ame siwo katã wotia be woanye agbonudzɔlawo la ƒe xexlẽme le alafa eve wuieve (212). Wotia wo tso woƒe kɔƒewo me ɖe woƒe dzidzimegbalẽ nu.

David kple nukpɔla Samuel woe de agbonudzɔdɔ asi na agbonudzɔlawo. ²³Woawo kple woƒe dzidzimeviwoe dzɔa Yehowa ƒe aƒe la ƒe agbonu, aƒe si woyɔna be Agbadɔ. ²⁴Woda agbonudzɔlawo ɖe akpa eneawo dzi: ɣedzeƒe, ɣetoɖoƒe, anyiehe kple dziehe. ²⁵Enɔ na wo nɔviŋutsu siwo nɔ woƒe kɔƒewo me be woava tso ɣeyiɣi yi ɣeyiɣi akpe ɖe wo ŋuti le woƒe dɔwɔnawo me ŋkeke adre. ²⁶Wotsɔ Mawu ƒe aƒe la ƒe xɔwo kple nudzraɖoƒewo ƒe dzikpɔkpɔ de asi na agbonudzɔlagã eneawo, ame siwo nye Levitɔwo. ²⁷Zã sia zã la, woƒoa xlã Mawu ƒe aƒe la eye wodzɔa eŋu elabena woƒe dɔe nye be woadzɔ eŋu eye le esia ta safui la nɔa wo si be woaʋu agbo la ŋdi sia ŋdi.

²⁸Wo dometɔ aɖewo ƒe dɔe nye woakpɔ agba vovovo siwo ŋu dɔ wowɔna le mawusubɔsubɔ me la dzi, woaxlẽ wo ne wotsɔ wo vɛ kple ne wotsɔ wo do goe. ²⁹Ame bubuwo ƒe dɔe nye woakpɔ xɔmenuwo kple nu siwo le Kɔkɔeƒe la me kple wɔ memi kple wain, ami kple dzudzɔdonu kple atike ʋeʋĩwo dzi. ³⁰Ke atikeʋeʋĩawo tɔtɔ nye nunɔla aɖewo ƒe dɔ. ³¹Levitɔ aɖe si ŋkɔe nye Matitia, Korahitɔ Salum ƒe viŋutsu ŋgɔgbeae nye ame si wotsɔ abolo si wotsɔna saa vɔe ƒe meme ƒe dɔ de asi na. ³²Kohatitɔ la ƒe viŋutsuawo dometɔ aɖewo ƒe dɔe nye be woame abolo si wodana ɖe kplɔ̃ dzi Dzudzɔgbe ɖe sia ɖe.

³³Ame siwo nye hadzilawo kple Levitɔwo ƒe ƒometatɔwo la, nɔa gbedoxɔ la ƒe xɔwo me. Womegaɖoa dɔ bubu aɖeke na wo o elabena wowɔa dɔ le ŋkeke me kple zã me siaa.

³⁴Ame siawo katã nye Levi ƒomewo ƒe tatɔwo kple hlɔ̃memetsitsiwo abe ale si wòdze le woƒe dzidzimegbalẽ la me ene eye wonɔ Yerusalem.

Saul ƒe dzidzimeviwo

³⁵Yeiel, Gibeon fofo, enɔ Gibeon;

srɔ̃a ŋkɔe nye Maaka. ³⁶Via ŋutsu tsitsitɔe nye Abdon eye eyomeviwoe nye Zur, Kis, Baal, Ner, Nadab, ³⁷Gedor, Ahio, Zekaria kple Miklot. ³⁸Miklot kple via Simeam nɔ Yerusalem te ɖe woƒe ƒometɔwo ŋu.

³⁹Ner dzi Kis, ame si dzi Saul eye Saul hã dzi Yonatan, Malki Sua, Abinadab kple Esbaal.

⁴⁰Yonatan dzi Mefiboset, ame si wogayɔna hã be

Meribaal eye eya hã dzi Mika.

⁴¹Mika ƒe viwoe nye:

Pitɔn, Melek, Tahrea kple Ahaz.

⁴²Ahaz dzi Yada, ame si dzi Alemet, Azmavet kple Zimri; ame si nye Moza fofo. ⁴³Moza dzi Binea, Refaya, Eleasa kple Azel.

⁴⁴Ŋutsuvi ade nɔ Azel si; woawoe nye:

Azrikam, Bokeru, Ismael, Searia, Obadia kple Hanan.

Saul wu eɖokui

¹Azɔ la, Filistitɔwo dze aʋa la wɔwɔ gɔme kple Israelviwo eye Israelviwo si le wo nu. Wowu Israelvi geɖewo le Gilboa to dzi. ²Filistitɔwo ɖe Saul kple viawo ɖe nu eye wowu viawo; Yonatan, Abinadab kple Malki Sua. ³Aʋa la nu sẽ ŋutɔ na Saul eye esi aŋutrɔdalawo tui la wode abi eŋu vevie.

⁴Saul gblɔ na eƒe akpoxɔnutsɔla be, “Ɖe wò yi ɖe go nàƒoe ɖem, ne menye nenem o la, Filistitɔ, aʋamatsomatsoetɔ siawo ava wum eye woado vlom.”

Ke vɔvɔ̃ ɖo eƒe akpoxɔnutsɔla la ŋutɔ eye melɔ̃ be yeawɔ Saul ƒe gbe dzi o. Eya ta Saul tsɔ eya ŋutɔ ƒe yi hedze enu. ⁵Esi eƒe akpoxɔnutsɔla la kpɔ be eku la, eya hã wu eɖokui nenema ke. ⁶Ale Saul kple Via ŋutsu etɔ̃awo ku gbe ɖeka eye ƒome blibo la tsrɔ̃.

⁷Esime Israelvi siwo nɔ balime la le toa te se be wowu yewoƒe aʋawɔlawo eye Saul kple viawo hã ku la, wosi dzo le woƒe duwo me eye Filistitɔwo va nɔ duawo me.

⁸Esi ŋu ke eye Filistitɔwo yi be woaɖe nuwo le Israel ƒe ame kukuwo ŋu la, wokpɔ Saul kple Via ŋutsu etɔ̃awo ƒe kukuawo le Gilboa to la dzi. ⁹Woɖe Saul ƒe aʋawu le eŋu, tso ta le enu eye wotsɔ eƒe ta kple aʋawɔnu fia amewo le woƒe anyigba dzi godoo. Wotso aseye le dzidzɔnya sia ŋuti le woƒe legbawo kple dukɔmetɔwo ŋkume. ¹⁰Wotsɔ Saul ƒe akpoxɔnu da ɖe woƒe mawuwo ƒe gbedoxɔ me eye wotsɔ eƒe ta ku gli ŋu le Dagon ƒe gbedoxɔ me.

¹¹Esi Yabes Gileadtɔwo se nu si Filistitɔwo wɔ Saul la, ¹²woƒe aʋawɔlawo katã yi aʋagbea dzi eye wotsɔ eƒe kukua kple viawo tɔwo gbɔ va Yabes. Woɖi wo ɖe ati gã aɖe te le Yabes eye wofa wo ŋkeke adre sɔŋ.

¹³Saul ku le eƒe tomaɖomaɖo Yehowa kple ale si wòyɔ ŋɔli bia gbee se ta. ¹⁴Ke esi mebia Yehowa be wòafia nu si yeawɔ o la ta, Yehowa na wòku eye wòtsɔ eƒe fiaɖuƒe la na David, Yese ƒe vi.

David zu fia ɖe Israel dzi

¹Israel ha blibo la va ƒo ƒu ɖe David gbɔ le Hebron eye wogblɔ nɛ be, “Wò ŋutilã kple ʋue míenye. ²Tsã esi Saul nye fia gɔ̃ hã la, wòe nye ame si kplɔ Israel le eƒe aʋawɔwɔ katã me eye Yehowa, wò Mawu, gblɔ na wò be, ‘Wòe akplɔ nye dukɔ, Israel eye wòe ava nye woƒe fia.’ ”

³Esi Israel ƒe dumegãwo va kpe ta le Fia David gbɔ le Hebron la, ebla nu kpli wo le Yehowa ƒe ŋkume eye wosi ami na David heɖoe fiae ɖe Israel dzi abe ale si Yehowa gblɔ na Samuel ene.

David xɔ Yerusalem

⁴Le esia megbe la, David kple Israel blibo la ho aʋa ɖe Yerusalem, du si woyɔna tsã be Yebus la ŋu. Yebusitɔwo nye ame siwo nye anyigba la dzi nɔla gbãtɔwo. ⁵Wogblɔ na David be, “Màge ɖe afi sia o.” Ke David kple eƒe amewo ɖu wo dzi eye woxɔ Zion mɔ sesẽ la si woyɔna azɔ be, “David ƒe Du.”

⁶David gblɔ be, “Ame sia ame si atre Yebusitɔwo sisi la, azu aʋafia.” Yoab, Zeruya ƒe viŋutsu dze Yebusitɔwo dzi gbã eye wòzu aʋafia la.

⁷David nɔ mɔ la me eya ta woyɔa du la ƒe akpa ma be, David ƒe Du. ⁸Ekeke du la ɖe edzi ƒo xlã mɔ la le esime Yoab gbugbɔ Yerusalem ƒe akpa mamlɛa tu. ⁹David ƒe ŋkɔ kple ŋusẽ de dzi elabena Yehowa, Dziƒoʋĩtɔ la nɔ kplii.

David ƒe kalẽtɔwo

¹⁰David ƒe aʋawɔla xɔŋkɔtɔwo, ame siwo do ŋusẽ Israel ƒe kplɔlawo be woatsɔ David aɖo fiae abe ale si Yehowa gblɔ be ava eme ene la le ame etɔ̃. ¹¹Wo dometɔ gbãtɔe nye Yasobeam, ŋutsu aɖe si tso Hakmon. Eyae nye Ame Sesẽ Etɔ̃awo, ame siwo nye aʋawɔla xɔŋkɔ etɔ̃awo le David ƒe aʋakɔ la me la kplɔla. Ewu ame alafa etɔ̃ kpɔ kple eƒe akplɔ le aʋakpekpe ɖeka me.

¹²Ame Sesẽ Etɔ̃awo dometɔ eveliae nye Eleazar, Dodai ƒe vi, ame si nye Ahohitɔ. ¹³Enɔ David ŋu le aʋa si Israelviwo wɔ kple Filistitɔwo le Pas Damim la me. Lu le agble aɖe me fũ le afi ma. Ke Israel ƒe aʋawɔla bubuawo katã si le Filistitɔwo nu. ¹⁴Ke wotɔ ɖe agble la titina, hexɔe eye wowu Filistitɔwo. Yehowa na woɖu dzi gã aɖe.

¹⁵Le ɣe bubu ɣi la, David ƒe aʋafia blaetɔ̃awo dometɔ etɔ̃ yi David gbɔ le esime wòbe ɖe agado aɖe me le Adulam. Filistitɔwo ƒu asaɖa anyi ɖe Refaim balime. ¹⁶David nɔ mɔ la me eye Filistitɔwo ɖe aʋakɔ ɖo Betlehem le ɣe ma ɣi. ¹⁷David gblɔ kple didi be, “Tsikɔ le wunyem vevie. Oo, ne ame aɖe aku tsi tso vudo si le Betlehem ƒe agbonu la me vɛ nam la anyo ŋutɔ.” ¹⁸Ke ame etɔ̃awo to Filistitɔwo dome, ku tsi tso vudo si te ɖe Betlehem ƒe agbo ŋu me yi na David. Ke David gbe meno tsi la o, ke boŋ etrɔe kɔ ɖi le Yehowa ƒe ŋkume. ¹⁹Egblɔ be, “Mawu nana nu sia wɔwɔ nate ɖa xaa tso gbɔnye. Ɖe mano ŋutsu siawo, ame siwo de woƒe agbe ke la ƒe ʋua?” Esi wode woƒe agbe xaxa me be woaku tsi la vɛ nɛ ta la, David menoe o.

²⁰Abisai, Yoab nɔvi nye amegã na ame etɔ̃awo. Etsɔ eƒe akplɔ wu futɔ alafa etɔ̃ (300) kpɔ ale wòxɔ ŋkɔ abe ame etɔ̃awo ene. ²¹Eyae nye tatɔ kple ame xɔŋkɔ le Ŋutsu Sesẽ Etɔ̃awo dome eye wòzu woƒe kplɔla togbɔ be womebui ɖe wo dome o hã.

²²Benaya Yehoiada ƒe vi, ame si fofo nye aʋawɔla kalẽtɔ aɖe tso Kabzeel la, wu ame dzɔtsu xɔŋkɔ eve siwo nɔ Moab nyigba dzi. Emegbe la, egawu dzata le do aɖe me gbe si gbe sno dza. ²³Eye wòwu Egiptetɔ aɖe, ame si ƒe kɔkɔme anɔ mita eve kple afã. Togbɔ be Egiptetɔ la lé akplɔ si tri abe abaladoti ene ɖe asi hã la, Benaya lũ ɖe edzi kple kpo, dui le esi eye wòtsɔ Egiptetɔ la ŋutɔ ƒe akplɔ wui.

²⁴Nu siawoe Benaya, Yehoiada ƒe vi wɔ. Eya hã xɔ ŋkɔ abe ame sesẽ etɔ̃awo ene. ²⁵Wobunɛ wu ame xɔŋkɔ Blaetɔ̃awo dometɔ ɖe sia ɖe gake womedee ame Etɔ̃awo dome o. Ke David tsɔe ɖo eŋudzɔlawo nu.

²⁶Aʋawɔla xɔŋkɔ bubu siwo nɔ David ƒe aʋakɔ la me woe nye:

Asahel, Yoab nɔvi;

Elhanan, Dodo ƒe vi tso Betlehem;

²⁷Samɔt Haroritɔ,

Helez, Pelɔnitɔ,

²⁸Ira, Ikes ƒe vi tso Tekoa;

Abiezer, tso Anatɔt;

²⁹Sibekai tso Husat;

Ilai Ahohitɔ;

³⁰Maharai tso Netofat;

Heled, Baana ƒe vi tso Netofat;

³¹Itai, Ribai ƒe vi, Benyamin tso Gibea;

Benaya tso Piratɔn;

³²Hurai tso Gaas tɔʋu la gbɔ;

Abiel tso Arbat;

³³Azmavet tso Baharum;

Eliahba tso Saalbɔn;

³⁴Hasem ƒe viwo tso Gizon;

Yonatan, Sagee ƒe vi, tso Harar;

³⁵Ahiam, Sakar ƒe vi, tso Harar;

Elifal, Ur ƒe vi,

³⁶Hefer tso Mekerat;

Ahiya tso Pelɔn;

³⁷Hezro tso Karmel;

Naarai, Ezbai ƒe vi;

³⁸Yoel, Natan nɔvi;

Mibhar, Hagri ƒe vi;

³⁹Zelek tso Amon, Naharai tso Beerot, ame si nye Zeruya vi,

Yoab ƒe aʋawɔnuwo tsɔla;

⁴⁰Ira, tso Yatir;

Gareb tso Yatir;

⁴¹Uria, Hititɔ la;

Zabad, Ahlai ƒe vi;

⁴²Adina, Siza ƒe vi, tso Ruben ƒe viwo dome eye wònɔ Ruben ƒe viwo kplɔla blaetɔ̃-vɔ-ɖekɛawo dome;

⁴³Hanan, Maaka ƒe vi;

Yosafat Mitnitɔ;

⁴⁴Uzia, tso Asterat;

Sama kple Yeiel, Hotam ƒe viwo tso Aroer;

⁴⁵Yediael, Simri ƒe vi

kple nɔvia Yoha, tso Tizi;

⁴⁶Eliel tso Mahavi;

Yeribai kple Yosavia, ame siwo nye Elnaam ƒe viwo;

Itma tso Moab;

⁴⁷Eliel; Obed kple Yaasiel tso Mezoba.

Aʋawɔlawo va kpe ɖe David ŋu

¹Ame siawoe nye aʋawɔla siwo va kpe ɖe David ŋu le Ziklag esi wonyae le Saul, Kis ƒe vi la ƒe ŋkume. Woawoe nye kalẽtɔ siwo kpe ɖe eŋu le aʋawɔwɔ me. ²Wo katã lé aŋutrɔwo ɖe asi, wonye aŋutrɔdala kple akafodala nyuiwo eye wowɔa mia kple ɖusi siaa ŋu dɔ sɔsɔe. Wo katã wotso Benyamin ƒe to la me abe Saul ke ene.

³Ame siawo Nunɔlae nye Ahiezer kple Yoas, Semaa tso Gibea ƒe viŋutsuwo. Bubuwoe nye:

Yeziel kple Pelet, Azmavet ƒe viwo,

Beraka Yehu tso Anatɔt, ⁴Ismaya tso Gibeon, kalẽtɔ kple kplɔla na Ame Blaetɔ̃awo;

Yeremia, Yahaziel, Yohanan, Yozabad tso Gederat, ⁵Eluzai, Yerimot, Bealia, Semeria, Sefatia tso Haruf;

⁶Elkana, Isia, Azarel, Yoezer kple Yasobeam, ame siwo katã nye Korah ƒe viwo;

⁷Yoela kple Zebadia, Yeroham, ame siwo tso Gedor ƒe viŋutsuwo.

⁸Aʋawɔla kalẽtɔ aɖewo siwo tso Gad ƒe viwo dome hã yi David gbɔ le gbedzi. Wowɔa akpoxɔnu kple akplɔ siaa ŋu dɔ nyuie. Woƒe mo le abe dzata tɔ ene eye woɖea abla abe zi ene le towo dzi.

⁹Ezer nye woƒe tatɔ,

Obadia nye evelia, etɔlia nye Eliab.

¹⁰Mismana nye enelia, Yeremia nye atɔ̃lia,

¹¹Atai nye adelia, Eliel nye adrelia,

¹²enyiliae nye Yohanan; asiekeliae nye Elzabad;

¹³ewoliae nye Yeremia eye wuiɖekɛliae nye Makbanai.

¹⁴Gad ƒe vi siawoe nye aʋafiawo; ame alafa ɖeka mate ŋu anɔ te ɖe wo dometɔ gblɔetɔ nu o eye wo dometɔ sesẽtɔ ate ŋu anɔ te ɖe ame akpe nu. ¹⁵Woawoe nye ame siwo tso Yɔdan tɔsisi la le dzinu gbãtɔ me esi wòɖɔ gbagba eye wonya ame siwo katã nɔ balia me la ɖe du nu. Ɖewo si to ɣedzeƒe eye ɖewo hã si to ɣetoɖoƒe.

¹⁶Aʋawɔla bubuwo tso Benyamin ƒe viwo kple Yuda ƒe viwo dome ame siwo hã va de David dzi le eƒe mɔ sesẽ la me. ¹⁷David yi ɖakpe wo eye wògblɔ na wo be, “Ne mieva le ŋutifafa me be yewoakpe ɖe ŋunye la, ekema mele klalo be mawɔ ɖeka kpli mi ke ne mieva be yewoadem asi na nye futɔwo, le esime nye asiwo mewɔ vɔ̃ aɖeke o la, ekema mía fofowo ƒe Mawu nakpɔe eye wòadrɔ̃ ʋɔnu mi.”

¹⁸Tete Mawu ƒe Gbɔgbɔ ɖiɖi ɖe Amasai, Ame Blaetɔ̃awo ƒe tatɔ dzi eye wògblɔ be,

“Oo David, tɔwòwoe míenye!

Oo Yese viŋutsu, míeli kpli wò!

Ŋutifafa, ŋutifafa na wò

eye ŋutifafa na ame siwo kpena ɖe ŋuwò,

elabena wò Mawu la akpe ɖe ŋuwo.”

Ale David xɔ wo eye wòtsɔ wo ɖo eƒe adzohawo nu.

¹⁹Ŋutsu aɖewo tso Manase ƒe to la me ame siwo si va de David dzi esi wònɔ Filistitɔwo gbɔ be wòawɔ aʋa kple Saul. (Eya kple eƒe ameawo mekpe ɖe Filistitɔwo ŋu o elabena le aɖaŋudede megbe la, Filistitɔwo ƒe fiawo na wòtrɔ dzo. Wogblɔ be, “Woava tso ta le mía nu nenye be esi yi eƒe aƒetɔ Saul gbɔ.”) ²⁰Manase ƒe vi siwo va kpe ɖe David ŋu esi wòyi Ziklag la woe nye: Adna, Yozabad, Yediael, Mikael, Yozabad, Elihu kple Ziletai. Ame siawo katã nye ame akpewo nunɔlawo le Manase. ²¹Wokpe ɖe David ŋu wòɖu adzohawo dzi elabena wo katã wonye aʋawɔla kalẽtɔwo eye wonye aʋafiawo le eƒe asrafoha me. ²²Tso ŋkeke yi ŋkeke la, ame geɖewo va kpe ɖe David ŋu va se ɖe esime aʋakɔ gã aɖe va ɖo esi, si le abe Mawu ƒe aʋakɔ ene.

Ame bubuwo va kpe ɖe David ŋu le Hebron

²³Ame geɖewo va kpe ɖe David ŋu le Hebron eye wodi vevie be David naɖu fia ɖe Saul teƒe abe ale si Yehowa gblɔe do ŋgɔ ene. Ame siawoe nye:

²⁴Ame akpe ade alafa enyi (6,800) tso Yuda; woglã wo ɖokuiwo kple akpoxɔnuwo kple akplɔwo;

²⁵aʋawɔla sesẽ akpe adre alafa ɖeka (7,100) tso Simeon ƒe viwo dome;

²⁶ame akpe ene alafa ade (4,600) tso Levi ƒe viwo dome. ²⁷Aron ƒe dzidzimeviwo ame akpe etɔ̃. Ame siwo nɔ Yehoiada ƒe kpɔkplɔ te la nye ame akpe etɔ̃ alafa adre (3,700) ²⁸Zadok kple eƒe ƒometɔ blaeve-vɔ-eve nye amegãwo le nunɔlawo dome.

²⁹Ame akpe etɔ̃ (3,000) tso Benyamin ƒe viwo, ame siwo me Saul dzɔ tso la dome. Benyamin ƒe vi geɖewo ganɔ Saul yome va se ɖe ɣe ma ɣi.

³⁰Aʋawɔla sesẽ akpe blaeve alafa enyi (20,800) tso Efraim ƒe viwo dome; wo dometɔ ɖe sia ɖe xɔ ŋkɔ le eƒe hlɔ̃ me.

³¹Woɖo ame akpe wuienyi (18,000) ɖa tso Manase ƒe viwo ƒe afã me be woakpe ɖe David ŋu wòazu fia.

³²Kplɔla alafa eve (200) kple woƒe ƒometɔwo tso Isaka ƒe viwo dome. Ame siawo nya nu si tututu dze be Israel nawɔ.

³³Ame akpe blaatɔ̃ (50,000) tso Zebulon ƒe viwo dome. Wohe wo katã nyuie eye wonɔ David yome kple dzi blibo.

³⁴Aʋamegã akpe ɖeka (1,000) kple aʋawɔla akpe blaetɔ̃-vɔ-adre (37,000), ame siwo glã wo ɖokuiwo kple akpoxɔnu kple akplɔ la, tso Naftali ƒe viwo dome.

³⁵Ame akpe blaeve-vɔ-enyi, alafa ade (28,600) tso Dan ƒe viwo dome. Wo katã wodzra ɖo na aʋawɔwɔ.

³⁶Ame akpe blaene (40,000) tso Aser ƒe viwo dome. Wohe wo nyuie eye wonɔ klalo na aʋawɔwɔ.

³⁷Ame akpe alafa ɖeka blaeve (120,000) tso Yɔdan tɔsisi la ƒe akpa kemɛ, afi si Ruben ƒe viwo kple Gad ƒe viwo kple Manase ƒe viwo ƒe afã nɔ. Woawo tsɔ aʋawɔnu ɖe sia ɖe ƒomevi ɖe asi.

³⁸Ame siawo katã do aʋawɔwu heyi Hebron kple taɖodzinu ɖeka sia be David nazu Israel fia. Le nyateƒe me la, Israel blibo la nɔ klalo be David naɖu fia.

³⁹Woɖu nu eye wono nu kple David ŋkeke etɔ̃ elabena wodzra ɖo na woƒe vava. ⁴⁰Kpuiƒetsolawo kple ame siwo tso didiƒe ke abe Isaka, Zebulon kple Naftali ene la tsɔ nuɖuɖu ɖe tedziwo, kposɔwo kple nyiwo dzi vɛ. Wotsɔ wɔ, akpɔnɔ, waintsetse, wain, ami, nyiwo kple alẽwo vɛ hena kplɔ̃ɖoɖo elabena dzidzɔ yɔ Israel ƒe anyigba blibo la dzi.

Nubablaɖaka la tsɔtsɔ gbɔe

¹David de aɖaŋu kple eƒe aʋafiawo kple asrafo akpewo kple alafawo nunɔlawo. ²Emegbe la, egblɔ na Israel ha blibo la be, “Nenye be edze mia ŋu eye wònye Yehowa, míaƒe Mawu la ƒe lɔlɔ̃nu la, mina míaɖo du ɖe kpuiƒe kple didiƒe siaa ɖe mía nɔvi mamlɛ siwo le Israel ƒe anyigbawo katã dzi. Nenema ke míaɖo du ɖe nunɔlawo kple Levitɔwo, ame siwo nɔ anyi kpli wo le woƒe duwo kple lãnyiƒewo me be woava kpe ɖe mía ŋu. ³Mina míaɖatsɔ míaƒe Mawu la ƒe nubablaɖaka la va mía gbɔe elabena míebia eta le Saul ƒe fiaɖuɖu ƒe ɣeyiɣiwo me o.”

⁴Ame sia ame lɔ̃ ɖe nya sia dzi enumake elabena nya la dze wo ŋu. ⁵Ale David yɔ Israelviwo katã tso Sihor tɔsisi le Egipte ŋu va se ɖe Hamat ƒe mɔnu ale be woanɔ anyi hafi woatsɔ Mawu ƒe nubablaɖaka la vɛ tso Kiriat Yearim.

⁶Ale Fia David kple Israel dukɔ blibo la yi Baala, si nye Kiriat Yearim le Yuda be yewoatsɔ Mawu Yehowa ƒe nubablaɖaka si woda ɖe kerubiwo tame la vɛ.

⁷Wotsɔe da ɖe tasiaɖam yeye aɖe dzi tso Abinadab ƒe aƒe me. Uza kple Ahio kplɔ nyiawo. ⁸David kple Israel ƒe aƒe blibo la katã nɔ dzidzɔ kpɔm, nɔ ɣe ɖum kple woƒe ŋusẽ katã le Mawu ŋkume. Wonɔ ha dzim ɖe saŋkuwo, kasaŋkuwo, asiʋuiwo, gakogoewo kple kpẽwo ƒe ɖiɖi ŋu. ⁹Ke esi woɖo lugbɔƒe le Kidon la, Uza do asi ɖa be yeadzɔ nubablaɖaka la elabena nyiawo ƒe afɔwo kli nu. ¹⁰Tete Yehowa do dɔmedzoe ɖe Uza ŋu eye wòwui ɖe esi wòka asi nubablaɖaka la ŋu ta. Ale Uza ku ɖe afi ma le Mawu ƒe ŋkume. ¹¹David do dɔmedzoe ɖe Yehowa ŋu le nu si wòwɔ Uza la ta eye wòna ŋkɔ teƒe ma be, Perez Uza si, gɔmee nye, “Afi si wodo dɔmedzoe ɖe Uza ŋu le.” Ŋkɔ sia tsi teƒe la ŋu va se ɖe egbe.

¹²Azɔ David vɔ̃ Mawu eye wòbia be “Aleke mawɔ hafi ate ŋu atsɔ Mawu ƒe nubablaɖaka la ava aƒee?”

¹³Eya ta David metsɔ nubablaɖaka la va eɖokui gbɔ le David ƒe Du la me o, ke boŋ ekɔe yi ɖada ɖe Obed Edom, ame si tso Git la ƒe aƒe me. ¹⁴Nubablaɖaka la nɔ afi ma le Obed Edom kple eƒe ƒometɔwo gbɔ ɣleti etɔ̃ eye Yehowa yra Obed Edom ƒe ƒome kple nu sia nu si le esi.

David ƒe aƒe, srɔ̃awo kple viawo.

¹Azɔ la, Hiram, Tiro fia dɔ dɔlawo ɖo ɖe David. Etsɔ sedatiwo, gliɖolawo kple atikpalawo kpe ɖe wo ŋuti be woatu fiasã nɛ. ²Azɔ David nya nu si ta Mawu ɖoe fiae na Israel eye wòna eƒe fiaɖuƒe keke ta. Nu tɔxɛ aɖe tae, eyae nye be wòado dzidzɔ na Mawu ƒe amewo.

³Esi David ʋu yi Yerusalem la, egaɖe srɔ̃ aɖewo eye wòdzi viŋutsu kple vinyɔnu geɖewo.

⁴Vi siwo wodzi na Fia David le Yerusalem la ƒe ŋkɔwoe nye: Samua, Sobab, Natan, Solomo, ⁵Ibhar, Elisua, Elpelet, ⁶Noga, Nefeg, Yafia, ⁷Elisama, Beeliada kple Elifelet.

David ɖu Filistitɔwo dzi

⁸Esi Filistitɔwo se be David zu Israel fia yeyea la, woƒo ƒu aʋakɔ aɖe nu be yewoayi aɖalée. Ke David se be wogbɔna la, eho yi wo kpe ge. ⁹Filistitɔwo nɔ nuwo ham le Refaim balime. ¹⁰David bia Mawu be, “Mayi aɖawɔ aʋa kpli woa? Ɖe nàtsɔ wo ade asi nama?”

Yehowa ɖo eŋu nɛ be, “Ɛ̃, yi, matsɔ wo ade asi na wò.”

¹¹Ale David kple eƒe aʋakɔ la yi ɖadze Filistitɔwo dzi le Baal Perazim eye wòtsrɔ̃ wo. Egblɔ be, “Mawu to dzinye kplɔ nye futɔwo dzoe abe ale si tsi ŋɔna tso tsixaɖoƒe ene!” Esia ta wòna ŋkɔ teƒe la tso ɣe ma ɣi be, “Baal Perazim” si gɔmee nye, “Aƒetɔ si gba go.”

¹²Le aʋakpekpe sia megbe la, Filistitɔwo gblẽ woƒe legbawo ɖe anyi, ke David ɖe gbe eye wotɔ dzo wo katã.

¹³Emegbe la, Filistitɔwo gava kaka ɖe balime la me. ¹⁴David gabia nu si wòawɔ la Mawu eye Mawu ɖo eŋu nɛ be, “Mègaho dze wo yome me o, ke boŋ trɔ ɖa le wo ŋu eye nàva tu wo le balsamtiawo gbɔ. ¹⁵Ne èse gbeɖiɖi aɖe le atiawo tame abe asrafowoe le azɔli zɔm ene la, ekema nàdze wo dzi elabena esia afia be, Mawu dze ŋgɔ na wò be nàtsrɔ̃ Filistitɔwo ƒe aʋakɔwo.”

¹⁶Ale David wɔ nu si Mawu ɖo nɛ eye wòsi Filistitɔwo ƒe aʋakɔ la tso keke Gibeon va se ɖe Gezer. ¹⁷David ƒe ŋkɔ de dzi le afi sia afi eye Yehowa na be dukɔwo katã navɔ̃e.

Wotsɔ Nubablaɖaka la va Yerusalem

¹Esi David wu xɔtutu nu na eɖokui le David ƒe Du la me vɔ la, edzra teƒe aɖe ɖo na Mawu ƒe nubablaɖaka la, hetu agbadɔ nɛ ²eye wòde se be, “Ne mietsɔ nubablaɖaka la va da ɖe eƒe nɔƒe yeyea la, Levitɔwo koe atsɔe elabena woawoe Yehowa tia na dɔ sia wɔwɔ; woawoe awɔ subɔsubɔdɔ nɛ tegbetegbee.”

³Le esia megbe la, David yɔ Israel dukɔ blibo la va Yerusalem be woaɖatsɔ Yehowa ƒe nubablaɖaka la va da ɖe teƒe si wòdzra ɖo ɖi nɛ.

⁴Eyɔ Aron ƒe dzidzimeviwo kple Levitɔwo ƒo ƒu:

⁵Ame alafa ɖeka blaeve (120) tso Kohat ƒe viwo dome,

woƒe Nunɔlae nye Uriel.

⁶Ame alafa eve blaeve (220) si nu,

Asaya nɔ la tso Merari ƒe viwo dome.

⁷Ame alafa ɖeka blaetɔ̃ (130) siwo nu,

Yoel nɔ la, tso Gerson ƒe viwo dome.

⁸Ame alafa eve (200) siwo nu,

Semaya nɔ la, tso Elizafan ƒe viwo dome.

⁹Ame blaenyi, ame siwo nu,

Eliel nɔ la tso Hebron ƒe viwo dome,

¹⁰eye ame alafa ɖeka wuieve (112) siwo nu,

Aminadab nɔ la tso Uziel ƒe viwo dome.

¹¹David yɔ Zadok kple Abiata, ame siwo nye Nunɔlagãwo kple Uriel, Asaya, Yoel, Semaya, Eliel kple Aminadab, ame siwo nye Levi ƒe viwo ƒe kplɔlawo ¹²eye wògblɔ na wo be, “Miawoe nye Levitɔwo ƒe kplɔlawo. Azɔ la, mi kple mia nɔviwo katã mikɔ mia ɖokuiwo ŋu ale be miatsɔ Yehowa, Israel ƒe Mawu la ƒe nubablaɖaka la va teƒe si medzra ɖo ɖi nɛ. ¹³Yehowa do dɔmedzoe ɖe mia ŋu esi mienɔ nubablaɖaka la kɔm elabena esi mi Levitɔwo míenɔ anyi gbe ma gbe o la, míebia Yehowa se nu si miawɔ la o.” ¹⁴Ale Nunɔlawo kple Levitɔwo kɔ wo ɖokuiwo ŋuti hedzra ɖo ɖe Yehowa, Israel ƒe Mawu la ƒe nubablaɖaka la tsɔtsɔ gbɔe ŋu. ¹⁵Levitɔwo tsɔ nubablaɖaka la ɖe abɔta kple etsɔtiwo abe ale si Yehowa ɖo na Mose ene la tututu.

¹⁶Fia David na Levitɔwo ƒo ƒu hadzilawo nu eye wodzi ha sesĩe kple dzidzɔ ɖe saŋkuwo, kasaŋkuwo kple gakogoewo ƒe ɖiɖi ŋu. ¹⁷Ame siwo kpɔ hadzidzi kple nu siwo woƒo kpe ɖe eŋu dzi la woe nye Heman, Yoel ƒe vi kple Asaf, Berekia ƒe vi kple Etan, Kusaya ƒe vi, tso Merari ƒe viwo dome. ¹⁸Woƒe kpeɖeŋutɔwoe nye Zekaria, Yaaziel, Semiramɔt, Yehiel, Uni, Eliab, Benaya, Maaseya, Matitia, Elifelehu, Mikneya, Obed Edom kple Yeiel, ame siwo nye agbonudzɔlawo.

¹⁹Wotia Heman, Asaf kple Etan be woaƒo akɔbligakogoewo ²⁰eye wotia ame enyi siawo: Zekaria, Ariel, Semiramɔt, Yehiel, Uni, Eliab, Maaseya kple Benaya be woaƒo kasaŋku gbevitɔwo ɖe alamot ƒe gbeɖiɖi nu. ²¹Ame siwo wotia be woaƒo kasaŋku gbegãtɔwo ɖe seminit ƒe gbeɖiɖi nu woe nye: Matitia, Elifelehu, Mikneya, Obed Edom, Yeiel kple Azazia. ²²Hadoɖalae nye Kenania, Levitɔwo Nunɔla; wotiae ɖe eƒe nunya ta. ²³Berekia kple Elkana nye nubablaɖaka la ŋu dzɔlawo. ²⁴Sebania, Yosafat, Netanel, Amasai, Zekaria, Benaya kple Eliezer, ame siwo katã nye nunɔlawo la, nye kpẽkulawo eye wonɔ ŋgɔ na ameawo katã. Obed Edom kple Yehia dzɔ nubablaɖaka la ƒe agbo ŋu.

²⁵Ale David kple Israel ƒe dumegãwo kple ame akpewo ƒe aʋafiawo yi Obed Edom ƒe aƒe me be woatsɔ Yehowa ƒe nubablaɖaka la tso afi ma kple aseyetsotso. ²⁶Esi Yehowa kpe ɖe Levitɔ siwo tsɔ Yehowa ƒe nubablaɖaka la ŋu ta la, wotsɔ nyitsu adre kple agbo adre sa vɔe. ²⁷Azɔ la, David do awu ʋlaya si wotɔ kple aklala biɖibiɖi; nenema kee nye Levitɔ siwo tsɔ nubablaɖaka la. Nenema kee nye hadzilawo kple Kenania hã, ame si nɔ hadzihawo nu. David ya do aklala si nɔ biɖibiɖi ƒe kɔmewu ɖe etɔ dzi. ²⁸Ale Israel katã tsɔ dzidzɔɣlidodo, lãdzowo kple kpẽwo kuku, gakogoewo kple saŋkuwo kple kasaŋkuwo ƒoƒo sesĩe tsɔ Yehowa ƒe nubablaɖaka la yi Yerusalem.

²⁹Esi Yehowa ƒe nubablaɖaka la va ɖo David ƒe Du la me la, Saul ƒe vinyɔnu, Mixal, nɔ wo kpɔm to fesre nu eye esi wòkpɔ Fia David wònɔ ɣe ɖum, nɔ aglo tum kple dzidzɔ la, edo vloe le eƒe dzime.

¹Ale wotsɔ Mawu ƒe nubablaɖaka la yi Agbadɔ si David tu nɛ la me. Israel kplɔlawo sa numevɔ kple akpedavɔ le Mawu ŋkume.

²Esi David sa numevɔ kple akpedavɔ vɔ la, eyra ameawo le Yehowa ƒe ŋkɔ me ³eye wòtsɔ abolo, lãkɔ kple waintsetsebolo na Israelvi ɖe sia ɖe, ŋutsuwo kple nyɔnuwo siaa.

⁴Etia Levitɔ aɖewo be woanɔ nublaɖaka la ŋgɔ anɔ Yehowa, Israel ƒe Mawu la kafum, anɔ akpe dam nɛ eye woanɔ eƒe yayra biam ɖe amewo dzi madzudzɔmadzudzɔe. Ame siwo wode dɔ sia asi na la woe nye: ⁵Asaf, ameawo ƒe kplɔla, eyae ƒoa gakogoe. Eƒe hadɔwɔlawoe nye: Zekaria, Yeiel, Semiramɔt, Yehiel, Matitia, Eliab, Benaya, Obed Edom kple Yeiel. Woawoe ƒoa saŋkuwo kple kasaŋkuwo. ⁶Nunɔla Benaya kple Nunɔla Yahaziel kua kpẽ le nubablaɖaka la ŋgɔ gbe sia gbe.

David ƒe akpedaha

⁷Ɣe ma ɣie David dze hadzilawo ŋu dɔ wɔwɔ gɔme le Agbadɔ la me be woadzi akpedaha na Yehowa. Ame si nɔ hadzilawo nue nye Asaf.

⁸Wodzi ha be: Mida akpe na Yehowa

Miyɔ eƒe ŋkɔ eye miɖe gbeƒã nu

siwo wòwɔ la le dukɔwo dome.

⁹Midzi ha nɛ, midzi kafukafuha nɛ,

Miɖe gbeƒã eƒe nukunuwɔwɔwo;

¹⁰Miƒo adegbe le eƒe ŋkɔ kɔkɔe la ŋu,

mina ame siwo dia Yehowa la

ƒe dzi natso aseye.

¹¹Midi Yehowa, mibia eƒe ŋusẽ,

Midi eƒe ŋkume ɖaa.

¹²Miɖo ŋku nukunu siwo wòwɔ,

eƒe dzesiwo kple eƒe ʋɔnudɔdrɔ̃wo dzi.

¹³O Israel, eƒe dɔla ƒe dzidzimeviwo,

O Yakob ƒe viwo, ame siwo wòtia.

¹⁴Eyae nye Yehowa, míaƒe Mawu!

Eƒe ʋɔnudɔdrɔ̃ xɔ anyigba la katã dzi.

¹⁵Eɖoa ŋku eƒe nubabla

kple se siwo wòde na dzidzime akpewo la dzi ɖaa,

¹⁶Eƒe nu si wòbla kple Abraham,

kple atam si wòka na Isak la dzi.

¹⁷Eɖo kpe edzi na Yakob

Abe sedede ene eye

na Israel abe nubabla mavɔ ene be:

¹⁸“Wòe matsɔ Kanaanyigba la na,

abe wò domenyinu ene!”

¹⁹Esi wonye ame ʋɛ aɖewo ko,

Womesɔ gbɔ o eye wonye amedzrowo le anyigba dzi la,

²⁰Esime wotsa tso dukɔ me yi dukɔ me

Tso fiaɖuƒe ɖeka me yi bubu me la,

²¹Yehowa meɖe mɔ be ame aɖeke nate wo ɖe anyi o

Eka mo na fiawo le wo ta

²²Mawu gblɔ na fia mawo be,

“Migaka asi nye amesiaminawo o

eye migawɔ nuvevi nye nyagblɔɖilawo o.”

²³Oo, anyigba, midzi ha na Yehowa,

Miɖe gbeƒã eƒe xɔxɔ le dukɔwo dome gbe sia gbe,

²⁴Miɖe eƒe Ŋutikɔkɔefia le dukɔwo dome

kple eƒe nukudɔwo fia le anyigbadzitɔwo katã dome.

²⁵Elabena Yehowa lolo eye wòdze kafukafu ŋutɔ;

ele be woavɔ̃e wu mawuwo katã. ²⁶Dukɔwo ƒe mawuwo nye legbawo.

Ke Yehowae wɔ dziƒowo.

²⁷Atsyɔ̃ kple gãnyenye le eŋgɔ eye ŋusẽ

kple ŋutikɔkɔe le eƒe kɔkɔeƒe la me.

²⁸O mi dukɔwo ƒe ƒomewo,

mitsɔ bubu kple ŋusẽ na Yehowa.

²⁹Ɛ̃, mitsɔ ŋutikɔkɔe si dze eƒe ŋkɔ la nɛ.

Mido ɖe eŋkume kple nunana.

Misubɔ Yehowa le eƒe kɔkɔenyenye ƒe atyɔ̃ me.

³⁰Mi anyigbawo katã, midzo nyanyanya le eŋkume.

Eɖo xexea gɔme anyi goŋgoŋgoŋ, mate ŋu aʋã o.

³¹Dziƒowo, mitso aseye, anyigba nedzɔ dzi.

Wonegblɔ le dukɔwo dome be,

“Yehowae le fia ɖum.”

³²Atsiaƒu kple emenuwo katã neɖe gbe

eye gbegbe kple emenuwo katã netso aseye!

³³Ekema avemetiwo katã adzi ha

Woadzi ha kple dzidzɔ le Yehowa ŋkume,

Elabena egbɔna be yeadrɔ̃ ʋɔnu anyigba.

³⁴Mida akpe na Yehowa elabena eƒe dɔme nyo

Eye eƒe lɔlɔ̃ li ɖaa.

³⁵Mido ɣli be, “Oo Mawu, mia Ɖela, ɖe mí,

Ƒo mía nu ƒu eye nàɖe mí tso dukɔwo ƒe asi me.

Be míada akpe na wò ŋkɔ kɔkɔe la,

Be míadzɔ dzi le wò kafukafu me.”

³⁶Woakafu Yehowa, Israel ƒe Mawu la

Tso mavɔ me yi mavɔ me.

Tete ameawo katã xɔ ɖe edzi be, “Amen, mikafu Yehowa.”

³⁷David tia Asaf kple nɔvia Levitɔwo be woawɔ subɔsubɔdɔ ɣe sia ɣi le Yehowa ƒe nubablaɖaka la ŋgɔ eye woawɔ nu sia nu si hiã na wɔwɔ la gbe sia gbe. ³⁸Ame siwo wode dɔ sia asi na la, woe nye: Obed Edom, Yedutun ƒe vi, Hosa kple wo nɔvi blaade-vɔ-enyi, ame siwo nye agbonudzɔlawo.

³⁹Wogawɔa Yehowa ƒe Agbadɔ xoxo si nɔ Gibeon to la dzi la ŋu dɔ. David gble Nunɔla Zadok kple Nunɔla bubuawo ɖi be woasubɔ Yehowa le afi ma. ⁴⁰Wosa numevɔ na Yehowa ŋdi sia ŋdi, fiẽ sia fiẽ le numevɔsamlekpui la dzi abe ale si Yehowa ɖo na Israel ene. ⁴¹David gatia Heman kple Yedutun kple ame bubu aɖewo, ame siwo ŋkɔwo wode dzesi la be woada akpe na Yehowa le eƒe lɔlɔ̃ kple amenuveve si li ɖaa la ta. ⁴²Heman kple Yedutun kua woƒe kpẽwo eye woƒoa woƒe gakogoewo kpena ɖe hadzidzi ŋu eye kafukafu dea dzi na Yehowa bobobo. Wotia Yedutun ƒe viwo wozu agbonudzɔlawo.

⁴³Esi aseyetsotso la wu enu eye ame sia ame trɔ yi eƒe aƒe me la, David hã trɔ yi eƒe aƒe me eye wòyra eƒe aƒemetɔwo.

Mawu ƒe ŋugbedodo na David

¹Esi David ɖi ɖe eme le eƒe fiasã la me la, egblɔ na Nyagblɔɖila Natan be, “Kpɔ ɖa! Mele xɔ siwo me wofa sedatiwo ɖo la me, ke Yehowa ƒe nubablaɖaka la ya le agbadɔ te.”

²Natan ɖo eŋu nɛ be, “Wɔ nu si nèɖo ɖe ta me be yeawɔ elabena Mawu li kpli wò.”

³Ke Mawu gblɔ na Natan le zã ma me be,

⁴“Yi, nàgblɔ na nye dɔla, David be, ‘Ale Yehowa gblɔe nye si: Menye wòe atu xɔ nam manɔ eme o. ⁵Tso esime meɖe Israel tso Egipte la, agbadɔwo ko me menɔna, meʋu tso agbadɔ ɖeka me yi bubu me va se ɖe egbe. ⁶Afi sia afi si meɖe zɔ kple Israelviwo yi la, ɖe megblɔ na woƒe kplɔla siwo mede se na be woakplɔ nye dukɔ la dometɔ aɖe kpɔ be, “Nu ka ŋutie mietu sedatixɔ nam o mahã?” ’

⁷“Gblɔ na nye dɔla David be, ‘Yehowa Ŋusẽkatãtɔ la le gbɔgblɔm na wò be; meɖe wò le alẽkplɔdɔ nu eye meɖo wò fiae ɖe nye dukɔ Israel dzi; ⁸menɔ kpli wò le afi sia afi si nède eye metsrɔ̃ wò futɔwo. Mana wò ŋkɔ nagade dzi wu ale si wòle fifia ale be nànye ame xɔŋkɔtɔwo dometɔ ɖeka le xexea me. ⁹Gawu la, mana teƒe nye dukɔ, Israel, mali ke wo ɖe afi ma ale be aƒe nanɔ woawo ŋutɔ si eye ame aɖeke magaɖe fu na wo o. Ame vɔ̃ɖiwo magate wo ɖe anyi azɔ abe ale si wowɔ le gɔmedzedzea me ene ¹⁰alo abe ale si wowɔ tso esime meɖo ʋɔnudrɔ̃lawo ɖe nye dukɔ, Israel dzi ene o. Mabɔbɔ wò futɔwo ɖe anyi. Mele gbeƒã ɖem na wò be, Yehowa ŋutɔ atso aƒe na wò.

¹¹“ ‘Ne wò ɣeyiɣi de le anyigba sia dzi eye nèku la, matsɔ viwòwo dometɔ ɖeka aɖo wò fiazikpui la dzi eye mana eƒe fiaɖuƒe nakpɔ ŋusẽ. ¹²Eyae anye ame si atu gbedoxɔ nam eye mana eƒe dzidzimeviwo naɖu fia tegbetegbe. ¹³Manye fofoa eye eya anye vinye. Nyemaɖe nye amenuveve kple lɔ̃lɔ ɖa le edzi abe ame si ɖu fia do ŋgɔ nɛ ene o. ¹⁴Matsɔe aɖo nye aƒe kple nye fiaɖuƒe nu tegbetegbe ale eƒe dzidzimeviwo aɖu fia ɣeawo katã ɣi.’ ”

¹⁵Ale Natan gblɔ nya sia nya si Yehowa gblɔ la na David.

David ƒe gbedodoɖa

¹⁶Ale Fia David ɖanɔ anyi ɖe Yehowa ŋkume eye wòdo gbe ɖa be,

“Oo, Yehowa Mawu, ame kae menye eye nu kae nye nye ƒome be nètsɔ nu siawo katã nam? ¹⁷Oo Mawu, abe esiawo ɖe womesɔ gbɔ le wò ŋkume o ene la, ègaƒo nu tso nu si wò dɔla ƒe aƒe anye le etsɔ si gbɔna la ŋuti. Oo Yehowa Mawu, èle kpɔyem abe nye koe nye ame si de ŋgɔ wu le amewo katã dome ene.

¹⁸“Nya kae David agagblɔ na wò le bubu si nède wò dɔla ŋu ŋuti? Elabena ènya wò dɔla, ¹⁹Oo Yehowa. Le wò dɔla ta kple le wò lɔlɔ̃nu me, èwɔ nu gã sia eye nèna wonya wò ŋugbedodo gã siawo katã.

²⁰“Oo Yehowa, ame aɖeke mele abe wò ene o eye mawu aɖeke meli o negbe wò ko abe ale si míesee kple míawo ŋutɔ ƒe towo ene. ²¹Eye dukɔ kae le abe wò dukɔ, Israel ene, dukɔ ɖeka si le anyigba dzi, esi ƒe Mawu ɖaɖe dukɔ ma na eɖokui? Eye wòwɔ ŋkɔ na eɖokui to nukunu gãwo kple ŋɔdzinu dzɔatsuwo wɔwɔ me eye nènya dukɔwo le wò dukɔ si nèɖe tso Egipte la ŋgɔ. ²²Èwɔ Israel, wò dukɔ, wònye tɔwò tegbetegbe eye wò, Oo Yehowa, nèzu woƒe Mawu.

²³“Azɔ la, Oo Yehowa, na be wò ŋugbe si nèdo ɖe wò dɔla kple eƒe aƒe ŋu la nali ke tegbetegbe. Wɔ abe ale si nèdo ŋugbee ene, ²⁴ale be wòali ke eye wò ŋkɔ anye gã tegbee. Ekema amewo agblɔ be, ‘Yehowa Ŋusẽkatãtɔ, Mawu si le Israel dzi ɖum la, eyae nye Israel ƒe Mawu!’ Eye wò dɔla, David ƒe aƒe ali ke le ŋkuwòme.

²⁵“Wò, nye Mawu, èɖee fia wò dɔla be yeatu xɔ nɛ eya ta dzideƒo le wò dɔla si be wòado gbe ɖa na wò. ²⁶Oo Yehowa, ènye Mawu vavã! Ètsɔ nu nyui siawo do ŋugbee na wò dɔla. ²⁷Azɔ la, edze ŋuwò be nàyra wò dɔla ƒe aƒe be wòayi edzi anɔ wò ŋkume tegbee elabena, Oo Yehowa, wòe yrae eya ta yayra anɔ edzi tegbetegbe.”

David ƒe dziɖuɖuwo le aʋa me

¹Esi ɣeyiɣiawo va le yiyim la, David ɖu Filistitɔwo dzi eye wòbɔbɔ wo ɖe anyi, exɔ Gat kple kɔƒe siwo ƒo xlãe le Filistitɔwo si.

²David ɖu Moabtɔwo hã dzi, wozu etenɔlawo eye woxea adzɔga nɛ.

³Eɖu Zoba fia, Hadadezer ƒe duwo dzi yi Hamat ke le esime wòyi be yeaɖo yeƒe fiaɖuƒe anyi le Frat tɔsisi la to. ⁴David lé sɔdola akpe adre (7,000) kple afɔzɔla akpe blaeve (20,000), etu ata na sɔawo katã negbe wo dometɔ alafa ɖeka (100) ko.

⁵Esi Aramtɔwo tso Damasko va be yewoakpe ɖe Zoba fia Hadadezer ŋu la, David wu wo dometɔ akpe blaeve-vɔ-eve (22,000) ⁶eye wòda asrafo aɖewo ɖe Aram le Damasko, si nye Aramtɔwo ƒe fiadu la me. Ale Aramtɔwo zu David tenɔlawo eye wodzɔa adzɔga nɛ ƒe sia ƒe. Ale Yehowa na David ɖua dzi le afi sia afi si wòyi.

⁷David tsɔ Fia Hadadezer ƒe aʋakɔwo ƒe amegãwo ƒe sikakpoxɔnuwo va Yerusalem, ⁸kpe ɖe akɔbli geɖe tso Hadadezer ƒe du siwo nye Teba kple Kun la me la ŋu. Emegbe la, Fia Solomo lolo akɔbli la eye wòtsɔe wɔ gbedoxɔ la ƒe akɔbligazɔ kple akɔblisɔtiwo kple akɔblinu siwo ŋu dɔ wowɔna ne wole vɔ sam le vɔsamlekpui la dzi.

⁹Esime Hamat fia Tou se be Fia David si Zoba fia Hadadezer ƒe aʋakɔ blibo la, ¹⁰eɖo Via ŋutsu Hadoram ɖe Fia David gbɔ be wòado gbe nɛ, ada ŋkɔ ɖe edzi le eƒe dziɖuɖu ta eye wòatsɔ sika, klosalo kple akɔbli nɛ. Edi be yeawɔ ɖeka kple Fia David elabena eya kple Hadadezer nye futɔwo eye wowɔ aʋa geɖewo.

¹¹Fia David kɔ nunana siawo kple klosalo kple sika si wòkpɔ tso Edomtɔwo, Moabtɔwo, Amonitɔwo, Amalekitɔwo kple Filistitɔwo gbɔ la ŋu na Yehowa.

¹²Abisai, Zeruya ƒe vi, wu Edomtɔ akpe wuienyi (18,000) le Dze Balime. ¹³Eda asrafo aɖewo ɖe Edom eye Edomtɔwo zu David teviwo. Yehowa na wòɖua dzi le afi sia afi si wòayi.

David ƒe dɔnunɔlawo

¹⁴David ɖu Israel blibo la dzi kple dzɔdzɔenyenye eye wòwɔ nyui na ame sia ame.

¹⁵Yoab, Zeruya ƒe vi, nɔ aʋakɔ la nu.

Yehosafat, Ahilud ƒe vi, nye fia ƒe tsiami.

¹⁶Zadok, Ahitub ƒe vi kple Ahimelek, Abiata ƒe vi nye nunɔlawo

eye Sausa nye fia la ƒe nuŋlɔla.

¹⁷Benaya, Yehoiada ƒe vi, nɔ Keretitɔwo kple Peletitɔwo, ame siwo nye fia la ŋu dzɔlawo ƒe amegãwo la nu le

esime David ƒe viŋutsuwo nye fia la ŋumewo ƒe tatɔwo.

Aʋawɔwɔ kple Amonitɔwo

¹Esi ɣeyiɣiawo va le yiyim la, Amonitɔwo ƒe fia, Nahas, ku eye Via ŋutsu ɖu fia ɖe eteƒe. ²David ɖo be, “Manyo dɔme na Hanun, Nahas ƒe vi elabena fofoa nyo dɔme nam.” Ale David dɔ amewo ɖa be woado babaa na Hanun le fofoa ƒe ku ta.

Esi David ƒe amewo va tu Hanun le Amonitɔwo ƒe anyigba dzi be yewoado babaa nɛ la, ³Amonitɔwo ƒe amegãwo gblɔ na Hanun be, “Ɖe nèbu be David le bubu dem ye fofo ŋu to ame siawo dɔdɔ ɖe gbɔwò be woado babaa na wò mea? Menye ɖe ame siawo va be yewoatsa ŋku le anyigba la dzi eye yewoaho aʋa ɖe eŋu oa?”

⁴Nu sia na Fia Hanun lé Fia David ƒe amewo. Ena wolũ ge na wo eye wolã woƒe awuwo le woƒe agɔnu ale be woɖe amama ɖe agɔnu eye wòdo mɔ wo. ⁵Ke esi wova gblɔ ŋutsuawo ŋu nya na David la, edɔ amewo woɖakpe ŋutsuawo kple gbedeasi be woatsi Yeriko va se ɖe esime woƒe ge nato elabena wodo ŋukpe wo ŋutɔ.

⁶Esi Amonitɔwo kpɔ be yewozu David ƒe ketɔwo la, Hanun kple Amonitɔwo tsɔ klosaloga kilogram akpe blaetɔ̃ vɔ ade be woaɖada aʋatasiaɖamwo kple wo dolawo tso Aram Naharaim, Aram Maaka kple Zoba.

⁷Woda tasiaɖam akpe blaetɔ̃-vɔ-eve (32,000) kple wo dolawo. Nenema ke wotsɔ Maaka fia kple eƒe aʋakɔ blibo la, ame siwo va ƒu asaɖa anyi ɖe Medeba gbɔ, esime woyɔ Amonitɔwo ƒo ƒu tso woƒe duwo me eye wodo yi aʋakpeƒe. ⁸Esi David se nya sia la, eɖo Yoab kple aʋakɔ blibo la ɖa. ⁹Amonitɔwo do go va woƒe dua ƒe agbo nu hena aʋawɔwɔ, eye fia siwo va la le aʋagbedzi wo tɔ wo tɔe. ¹⁰Yoab kpɔ be wodze aʋa ɖe ye ŋgɔ kple ye megbe siaa eya ta etia Israel ƒe asrafo siwo bi ɖe aʋawɔwɔ me eye wòna woɖakpe aʋa kple Aramtɔwo. ¹¹Ena akpa evelia si nɔ nɔvia Abisai ƒe kpɔkplɔ te la kpe aʋa kple Amonitɔwo.

¹²Yoab gblɔ na nɔvia be, “Ne Aramtɔwo sẽ nam akpa la, nàva kpe ɖe ŋunye, ke ne Amonitɔwo sẽ na wò akpa la, mava kpe ɖe ŋuwò.

¹³“Lé dzi ɖe ƒo, eye na míawɔ aʋa la kalẽtɔe na míaƒe dukɔ kple míaƒe Mawu la ƒe duwo. Yehowa awɔ nu si nyo le eŋkume.”

¹⁴Tete Yoab kple eƒe aʋakɔwo lũ ɖe Aramtɔwo dzi be woakpe aʋa kpli wo eye Aramtɔwo si le wo nu. ¹⁵Esi Amonitɔwo kpɔ be Aramtɔwo nɔ sisim la, woawo hã lé du tsɔ le nɔvia Abisai ŋgɔ eye woɖage ɖe du la me eya ta Yoab trɔ dzo yi Yerusalem.

¹⁶Esime Aramtɔwo kpɔ be Israelviwo ɖu yewo dzi la, wodɔ amewo be woadi aʋawɔla bubuwo tso Ufrates tɔsisi la godo eye wonɔ Sofak, Fia Hadadezer ƒe aʋafia gã ƒe kpɔkplɔ te.

¹⁷Esi wogblɔ nya sia na David la, eƒo Israel blibo la nu ƒu, tso Yɔdan eye wodze aʋa ɖe wo ŋu. David ho aʋa ɖe Aramtɔwo ŋu eye Aramtɔwo wɔ aʋa kplii. ¹⁸Ke Aramtɔwo si le Israel nu eye David wu woƒe tasiaɖamŋusɔdola akpe (7,000) adre kple asrafo afɔzɔla akpe blaene (40,000). Ewu woƒe aʋafia Sofak hã.

¹⁹Esi Hadadezer ƒe amewo kpɔ be Israel si yewo la, wowɔ ŋutifafa kple David eye wozu etenɔlawo.

Tso esia dzi la, Aramtɔwo megakpe ɖe Amonviwo ŋu le woƒe aʋawɔwɔ me kpɔ o.

Woxɔ Raba

¹Le Adame esi fiawo ƒe aʋawɔɣi ɖo la, Yoab nɔ ŋgɔ na asrafohawo. Ewɔ Amonitɔwo ƒe anyigba wòtrɔ zu gbegbe eye woɖaɖe to ɖe Raba, ke David nɔ Yerusalem. Yoab dze Raba dzi eye wòwɔe wòzu aƒedo. ²David ɖe fiakuku le woƒe fia, Milkom ƒe ta eye wotsɔe ɖɔ na Fia David. Fiakuku la ƒe kpekpeme anɔ sika kilogram blaetɔ̃-vɔ-ene eye wotsɔ kpe xɔasiwo ɖo atsyɔ nɛ. Woha afunyinu geɖe le du la me. ³Ekplɔ dua me nɔlawo dzoe eye wode dɔ sesẽwo wɔwɔ asi na wo be woawɔ laxalaxadɔwo, fiwo kple fiadɔwo. David wɔ alea le Amonitɔwo ƒe duwo katã me. Emegbe David kple eƒe aʋakɔ blibo la gbugbɔ yi Yerusalem.

Aʋawɔwɔ kple Filistitɔwo

⁴Egawɔ aʋa kple Filistitɔwo le Gezer, ke Sibekai, ŋutsu aɖe tso Husat, wu Sipai, si nye Refaim ƒe dzidzimeviwo dometɔ ɖeka ale Filistitɔwo na ta.

⁵Le aʋa bubu si wogawɔ kple Filistitɔwo me la, Elhanan, Yair ƒe vi, wu Lahmi, Goliat nɔvi, ame si ƒe akplɔti lolo abe ati si le avɔlɔ̃lawo ƒe agbati me ene.

⁶Le aʋa bubu si wowɔ le Gat me la, ame dzɔtsu aɖe to asibidɛ ade ɖe asi ɖe sia ɖe kple afɔbidɛ ade ɖe afɔ ɖe sia ɖe, asibidɛawo kple afɔbidɛawo de blaeve-vɔ-ene. Eya hã nye Rafa ƒe dzidzimevi. ⁷Esi wòɖu fewu le Israel ŋu la, David nɔviŋutsu, Simea ƒe vi, Yonatan wui. ⁸Ame siawo nye Rafa ƒe dzidzime viwo tso Gat eye wotsi David kple eƒe amewo ƒe asi me.

David xlẽ eƒe aʋawɔlawo

¹Eva eme be Satana tsi tsitre ɖe Israel ŋu eye wòdee David me be wòaxlẽ Israel blibo la.

²David gblɔ na Yoab kple kplɔla bubuawo be, “Miɖaxlẽ Israelviwo tso Beerseba va se ɖe Dan eye miana manya woƒe xexlẽme.”

³Ke Yoab melɔ̃ ɖe nya sia dzi o. Ebia David be, “Ne Yehowa na eƒe amewo dzi ɖe edzi zi alafa ɖeka hã la, ɖe wo katã manye tɔwòwo oa? Nu ka ta nèle didim be míawɔ nu sia? Nu ka ta nàna Israel nakpɔ fɔbubu?”

⁴Ke fia la ƒe nya ɖu Yoab kple aʋafia bubuawo tɔ dzi ta la, Yoab wɔ nu si wòɖo nɛ. Ezɔ mɔ to Israelnyigba blibo la dzi eye wòtrɔ yi Yerusalem. ⁵Yoab gblɔ na David be, ame siwo ate ŋu awɔ aʋa la nye ame miliɔn ɖeka akpe alafa ɖeka (1,100,000) le Israel kple ame akpe alafa ene blaadre (470,000) le Yuda. ⁶Ke mexlẽ Leviviwo kple Benyaminviwo de ame siawo me o elabena mekpɔ dzidzɔ le nu si fia la zi edzi be wòawɔ la ŋu o. ⁷Mawu hã mekpɔ dzidzɔ le amexexlẽ sia ŋu o, eya ta wòhe to na Israel ɖe eta.

⁸David gblɔ na Mawu be, “Nyee nye ame si wɔ nu vɔ̃, meɖe kuku, tsɔe kem, medze si nu vɔ̃ si mewɔ le nu sia wɔwɔ me.”

⁹Yehowa gblɔ na Gad, ame si nye nukpɔla na David be, ¹⁰“Yi, nàgblɔ na David be, ‘Nya si Yehowa gblɔe nye: Metsɔ nu etɔ̃ le dadam ɖe wò ŋkume. Tia wo dometɔ ɖeka ne mawɔ eŋu dɔ ɖe ŋutiwò.’ ”

¹¹Ale Gad yi David gbɔ eye wògblɔ nɛ be, “Nya si Yehowa gblɔe nye, ‘Tsɔ ɖeka le nu etɔ̃awo dome. ¹²Ne èlɔ̃ la, àtia be dɔwuame nava anyigba la dzi ƒe etɔ̃ loo, alo Israel ƒe futɔwo nasi mi ɣleti etɔ̃ loo alo Yehowa ƒe dɔla nana dɔvɔ̃ nawu amewo le anyigba la dzi ŋkeke etɔ̃. Bu eŋuti nyuie eye nàna manya ŋuɖoɖo si matsɔ ayi na ame si dɔm la.’ ”

¹³David gblɔ na Gad be, “Meɖo xaxa gã aɖe me. Na madze Yehowa ƒe asi me le eƒe nublanuikpɔkpɔ sɔ gbɔ la ta, ke mègana madze amegbetɔ ƒe asi me o.”

¹⁴Ale Yehowa na dɔvɔ̃ va Israelnyigba dzi eye wòwu ame akpe blaadre (70,000). ¹⁵Le dɔvɔ̃ la ƒe ɣeyiɣi me la, Mawu ɖo mawudɔla aɖe ɖa be wòagbã Yerusalem, ke egakpɔ nublanui na du la ale gbegbe be, wòtrɔ ta me eye wòɖe gbe na mawudɔla la be, “Esɔ gbɔ!” Mawudɔla la nɔ tsitre ɖe Arauna, Yebusitɔ la ƒe lugbɔƒe ɣe ma ɣi.

¹⁶Esi David kpɔ mawudɔla la wònɔ tsitre ɖe dziƒo kple anyigba dome, ɖe eƒe yi le aku me eye wòdoe ɖe Yerusalem gbɔ la, eya kple Israel ƒe ametsitsiwo ta akpanya eye wodze anyi ɖe Yehowa ŋkume, le konyifafa me.

¹⁷David gblɔ na Mawu be, “Nyee nye ame si wɔ nu vɔ̃ be mena be woaxlẽ amewo. Ke nu kae alẽ siawo ya wɔ? Oo, Yehowa, nye Mawu, tsrɔ̃ nye kple nye ƒome, ke mègatsrɔ̃ wò amewo o.”

¹⁸Yehowa ƒe dɔla gblɔ na Gad be wòagblɔ na David be wòatu vɔsamlekpui na Yehowa ɖe Arauna, Yebusitɔ la ƒe lugbɔƒe. ¹⁹Ale David wɔ ɖe nya si Gad gblɔ nɛ le Yehowa ƒe ŋkɔ me la dzi.

²⁰Esime Arauna nɔ lu gbɔm la, enye kɔ eye wòkpɔ mawudɔla la; Via ŋutsu ene siwo nɔ egbɔ la, ɣla wo ɖokuiwo. ²¹Esi David va Arauna gbɔ eye Arauna fɔ kɔ dzi kpɔe la, Arauna dzo le lugbɔƒe la eye wòɖade ta agu tsyɔ mo anyi ɖe David ƒe ŋkume.

²²David gblɔ na Arauna be, “Tsɔ wò lugbɔƒe la nam ale be maɖi vɔsamlekpui na Yehowa ɖe edzi be dɔvɔ̃ si le dukɔa dzi la nu natso. Dzrae nam ɖe asi si wòaxɔ tututu la nu.”

²³Arauna gblɔ na David be, “Xɔe! Nye aƒetɔ, fia la newɔ nu sia nu si dze eŋu. Kpɔ ɖa, mana nyitsu hena numevɔsa la, luƒotiwo hena nake eye lu hena nuɖuvɔsa la. Matsɔ esiawo katã na wò.”

²⁴Fia David ɖo eŋu na Arauna be, “Ao, maƒlee ko. Maxe fe si dze la, ɖe eta. Nyemate ŋu atsɔ nu si nye tɔwò la asa vɔe na Yehowa, asa numevɔ kple nu siwo ta nyemexe fe aɖeke ɖo o!”

²⁵Ale David xe sikaga kilogram adre na Arauna ɖe lugbɔƒe la ta. ²⁶David ɖi vɔsamlekpui na Yehowa ɖe afi ma eye wòsa numevɔ kple akpedavɔ le edzi. Edo gbe ɖa na Yehowa eye Yehowa ɖo eŋu nɛ heɖo dzo ɖa tso dziƒo wòva bi vɔsa la le vɔsamlekpui la dzi. ²⁷Tete Yehowa ɖe gbe na mawudɔla la be wòatsɔ eƒe yi la ade aku me. ²⁸Le ɣe ma ɣi me, esi David kpɔ be Yehowa ɖo yeƒe gbedodoɖa ŋu le Yebusitɔ, Arauna ƒe lugbɔƒea la, esa vɔwo le afi ma. ²⁹Yehowa ƒe Agbadɔ si Mose tu le gbedzi ƒe vɔsamlekpui si dzi wowɔ numevɔsa le ɣe ma ɣi me la nɔ Gibeon ƒe vɔsaƒe. ³⁰Ke David mete ŋu yi vɔsaƒe la ne wòabia gbe Yehowa o elabena evɔ̃ na Yehowa ƒe dɔla la ƒe yi.

¹Ale David gblɔ be, “Yehowa Mawu ƒe aƒe la anɔ afi sia eye nenema kee anye vɔsamlekpui si dzi Israel asa vɔ le.”

Dzadzraɖowɔwɔ na Gbedoxɔ la tutu

²Azɔ la, David na be amedzro siwo katã nɔ Israelnyigba dzi la nakpa kpe na gbedoxɔ la tutu. ³Emegbe la, wotsɔ gayibɔ tu gatagbadzɛwo na ʋɔtruwo kple agbowo kple nulégawo. Wololo akɔbli wòsɔ gbɔ ale gbegbe be womate ŋu adae o.

⁴Tirotɔwo kple Sidontɔwo tso sedati geɖewo vɛ na David.

⁵David gblɔ be, “Vinye Solomo nye ɖekakpui dzaa aɖe ko, evɔ ele be Yehowa ƒe gbedoxɔ la nanye xɔ nyui, wɔnuku, xɔŋkɔ aɖe le xexe blibo la me eya ta made asi dzadzraɖowɔwɔ me na etutu tso fifia.”

Ale David ƒo ƒu xɔtunuawo da ɖi hafi eƒe kuɣi ɖo. ⁶Azɔ la, egblɔ na ƒe via Solomo be wòatu gbedoxɔ la na Yehowa, Israel ƒe Mawu la.

⁷Egblɔ na Solomo be, “Vinye, medi be nye ŋutɔ matu gbedoxɔ la hafi, ⁸ke Yehowa meɖe mɔ nam o. Egblɔ nam be, ‘Èwu ame geɖewo akpa le aʋa gãwo me. Èna anyigba biã le nye ŋkume eya ta menye wòe atu nye gbedoxɔ la o. ⁹Ke mana nàdzi viŋutsu aɖe ame si anye ŋutifafame aɖe elabena mana ŋutifafa nanɔ eya kple futɔwo dome le dukɔ siwo ƒo xlã mi la me. Woayɔe be Solomo, si gɔmee nye, “Ŋutifafa” eye mana ŋutifafa kple dzidzeme Israel le eƒe fiaɖuɣi. ¹⁰Eyae atu nye gbedoxɔ la, anɔ abe nye ŋutɔ vinye ene eye manye fofoa. Mana ƒe viawo kple viawo ƒe viwo naɖu fia to Israel ƒe dzidzimewo katã me!’

¹¹“Eya ta Yehowa nanɔ kpli wò eye wòana nuwo nadze edzi na wò esi nànɔ nu siwo wòɖo na wò la wɔm eye nànɔ Yehowa ƒe gbedoxɔ la tum. ¹²Yehowa nana gɔmesese wò ale be nàlé eƒe sewo me ɖe asi ne eɖo wò fiae ɖe Israel dzi.

¹³“Eya ta ne èlé se kple ɖoɖo siwo wòna Israel to Mose dzi me ɖe asi la, nuwo adze edzi na wò. Wɔ kalẽ eye nàlé dzi ɖe ƒo; mègavɔ̃ o, ke boŋ nàtsɔ dzo ɖe wò dɔwo ŋu!

¹⁴“Metsɔ dzigbɔɖi blibo di sika ‘tɔn’ akpe etɔ̃ alafa ene blaatɔ̃ (3,450), klosalo ‘tɔn’ akpe blaetɔ̃-vɔ-ene alafa atɔ̃ (34,500) kple akɔbli kple gayibɔ kpekpeme gã aɖe hekpe ɖe ati kple kpe ŋu hena Yehowa ƒe gbedoxɔ la tutu; mɔɖeɖe li be miadi nu siawo akpe wo faa. ¹⁵Gawu la, kpeɖolawo kple atikpalawo kple aɖaŋudɔwɔla vovovowo le asiwò. ¹⁶Aɖaŋudɔwɔla siawo nya sika, klosalo, akɔbli kple gayibɔ ŋu dɔ wɔwɔ nyuie eya ta dze dɔ la gɔme eye Yehowa nanɔ kpli wo.”

¹⁷Ale David ɖe gbe na Israel ƒe kplɔlawo katã be woakpe ɖe ye vi, Solomo ŋu le gbedoxɔ la tutu me. ¹⁸Egblɔ be, “Yehowa, miaƒe Mawu la nanɔ kpli mi. Ena ŋutifafa ɖo miawo kple dukɔ siwo ƒo xlã mi la dome elabena Yehowa ƒe ŋkɔ mee meɖu wo dzi le hena eƒe amewo. ¹⁹Azɔ la, midze agbagba le go ɖe sia ɖe me be, miaɖo to Yehowa, miaƒe Mawu la eye miatsɔ nubablaɖaka la kple nu kɔkɔe bubu siwo ŋu dɔ wowɔna le subɔsubɔ me la va Yehowa ƒe gbedoxɔ la me!”

Levitɔwo

¹Esi David tsi, ku amegã eye wòxɔ ƒe geɖe la, etsɔ Via ŋutsu Solomo ɖo Fiae ɖe Israel nu. ²Eyɔ dukplɔlawo, nunɔlawo kple Levitɔwo katã le Israel ƒo ƒu hena fiaɖoɖo ƒe wɔnawo. ³Woxlẽ Levitɔ siwo xɔ ƒe blaetɔ̃ kple edzivɔwo eye wode ame akpe blaetɔ̃-vɔ-enyi (38,000).

⁴David gblɔ be, “Ame siawo dometɔ akpe blaeve-vɔ-ene (24,000) akpɔ Yehowa ƒe gbedoxɔ la tutu dzi eye ame akpe ade (6,000) nanye dɔnunɔlawo kple ʋɔnudrɔ̃lawo. ⁵Ame akpe ene (4,000) anye agbonudzɔlawo eye akpe ene (4,000) nakafu Yehowa kple haƒonu siwo metsɔ na mi hena Mawu kafukafu.”

⁶Le esia megbe la, ema wo ɖe akpa gã etɔ̃ me. Etsɔ Levi ƒe vi etɔ̃awo ƒe ŋkɔwo na mamawo eye wozu Gerson ƒe ha, Kohat ƒe ha kple Merari ƒe ha.

Gerson ƒe viwo

⁷Woma Gerson ƒe viwo hã ɖe akpa eve me

eye wotsɔ Gerson ƒe viwo Ladan kple Simei ƒe ŋkɔwo na wo.

⁸Ladan ƒe viŋutsuwoe nye,

Yehiel, ame si nye gbãtɔ, Zetam kple Yoel. Wo ame etɔ̃e.

⁹Simei ƒe viŋutsuwoe nye,

Selomot, Haziel kple Haran. Wo ame etɔ̃e. Ame siawoe nye Ladan ƒome la ƒe tatɔwo.

¹⁰Simei ƒe viŋutsuwoe nye:

Yahat, Ziza, Yeus kple Beria.

Ame siawoe nye Simei viwo. Wole ame ene.

¹¹(Yahat nye viŋutsu gbãtɔ eye Ziza nye evelia. Ke Yeus kple Beria medzi viŋutsu geɖewo o eya ta woxlẽ wo abe ƒome ɖeka ene eye dɔdeasi ɖeka nɔ wo si.)

Kohat ƒe viwo

¹²Wogama Kohat ƒe viwo ƒe hlɔ̃wo ɖe akpa ene me eye wotsɔ Kohat ƒe viwo ƒe ŋkɔwo na wo:

Amram, Izhar, Hebron kple Uziel.

¹³Amram ƒe viwoe nye Aron kple Mose. Wotia Aron kple viawo da ɖi hena nuwo ŋu kɔkɔ kple vɔsasa le Yehowa ŋkume.

Aron subɔna le Yehowa ŋkume eye wòyraa ameawo le Yehowa ƒe ŋkɔ me ɣeawo katã ɣi. ¹⁴Wobu Mose, Mawu ƒe dɔla ƒe viŋutsuwo ɖe Levitɔwo dome.

¹⁵Mose ƒe viŋutsuwoe nye,

Gersom kple Eliezer.

¹⁶Gersom ƒe dzidzimeviwoe nye,

Subael, ame si nye viŋutsu gbãtɔ.

¹⁷Eliezer ƒe vi:

Rehabia nye vi ɖekɛ kple gbãtɔ eye wònye hlɔ̃ la ƒe tatɔ.

(Eliezer megadzi vi aɖeke o, ke Rehabia viwo sɔ gbɔ ŋutɔ.)

¹⁸Izhar ƒe viwo ƒe tatɔe nye Selomit.

¹⁹Hebron ƒe viwo ƒe tatɔe nye,

Yeria, via eveliae nye Amaria,

etɔ̃liae nye Yahaziel eye eneliae nye Yekameam.

²⁰Uziel ƒe vi gbãtɔe nye,

Mika eye eveliae nye Isia.

Merari ƒe viwo

²¹Merari ƒe viwoe nye,

Mahli kple Musi.

Mahli ƒe viwoe nye,

Eleazar kple Kis.

²²Eleazar medzi viŋutsu aɖeke hafi ku o, via nyɔnuwo ɖe wo fofo nɔvi, Kis ƒe viŋutsuwo.

²³Musi ƒe viwoe nye Mahli, Eder kple Yeremot.

²⁴Le amexexlẽ la me la, woda Levi ƒe vi siwo katã xɔ ƒe blaeve kple edzivɔ la ɖe hlɔ̃ kple aƒekɔ siawo me eye woɖo na wo be woawɔ subɔsubɔdɔ le gbedoxɔ la me ²⁵elabena David gblɔ be, “Yehowa, Israel ƒe Mawu la na ŋutifafa mí eye wòanɔ Yerusalem ɣe sia ɣi. ²⁶Azɔ ya la, magahiã be Levitɔwo natsɔ Agbadɔ la kple nu siwo ŋu dɔ woawɔ le eme la tso teƒe ɖeka ayi teƒe bubu o.” ²⁷Levitɔwo xexlẽe nye nu mamlɛtɔ si David wɔ hafi ku.

²⁸Levitɔwo ƒe dɔe nye be, woakpe ɖe Aron ƒe dzidzimeviwo ŋu le Yehowa ƒe gbedoxɔ ƒe dɔwo wɔwɔ me. Woawoe akpɔ, xɔxɔnuawo, xɔŋuxɔewo, nu kɔkɔeawo ŋu kɔkɔ ƒe wɔnawo dzi kple dɔ bubuwo wɔwɔ le Mawu ƒe aƒe la me. ²⁹Woawoe tsɔa ŋkumeɖobolo ɖoa kplɔ̃ dzi, tua wɔ hena nuɖuvɔsawo, mea akpɔnɔ kple amɔ maʋamaʋã, blua abolowɔ hemenɛ eye wokpɔa nudanuwo kple nudzidzenuwo katã dzi. ³⁰Enɔ na wo hã be woatsi tsitre ada akpe, akafu Mawu ŋdi sia ŋdi. Woawɔ alea fiẽ sia fiẽ hã. ³¹Nenema kee woawɔ nenye be wole numevɔwo sam na Yehowa le Dzudzɔgbe ŋkekewo dzi, Dzinu yeye ŋkekenyuiwo kple ŋkekenyui ɖoɖi bubuwo dzi. Enɔ na wo be woasubɔ le Yehowa ŋkume le agbɔsɔsɔ aɖe sinu me ɣe sia ɣi le ɖoɖo si wogblɔ ɖa ɖi na wo la nu.

³²Ale Levitɔwo wɔa woƒe dɔdeasiwo le Agbadɔ la me, le Kɔkɔeƒe la me eye wowɔnɛ le wo nɔvi siwo nye Aron ƒe dzidzimeviwo la ƒe dzikpɔkpɔ te. Wowɔa dɔ siawo katã le Yehowa ƒe gbedoxɔ me.

Nunɔlawo ƒe hatsotsowo

¹Esiawoe nye Aron ƒe viŋutsuwo ƒe mama ɖe hawo me.

Aron ƒe viŋutsuwo nye Nadab, Abihu, Eleazar kple Itamar. ²Ke Nadab kple Abihu ku do ŋgɔ na wo fofo; viŋutsu aɖeke menɔ wo si o ale Eleazar kple Itamar wɔ dɔ abe nunɔlawo ene. ³David kple Zadok, ame si nɔ Eleazar ƒe hlɔ̃metɔwo teƒe kple Ahimelek, ame si nɔ Itamar ƒe hlɔ̃metɔwo teƒe la, ma Aron ƒe dzidzimeviwo ɖe hatsotsowo me be, woawɔ subɔsubɔdɔawo le ɣeyiɣi vovovoawo me. ⁴Woma Eleazar ƒe dzidzimeviwo ɖe akpa wuiade me eye woma Itamar tɔwo ɖe akpa enyi me elabena ame siwo ŋu amekpɔkplɔ ƒe ŋutete nɔ la, sɔ gbɔ le Eleazar ƒe dzidzimeviwo dome wu. ⁵Woda akɔ hafi de dɔawo asi na hatsotso vovovoawo ale be ameŋkumekpɔkpɔ aɖeke menɔ anyi o elabena Mawu ƒe ame xɔŋkɔwo kple amegãwo tso Eleazar kple Itamar ƒe ƒome me.

⁶Semaya, tso Levitɔwo dome, ame si fofoe nye Netanel la, nye nuŋlɔla. Eŋlɔ ameawo ƒe ŋkɔwo kple woƒe dɔdeasiwo da ɖi le fia la kple Nunɔla Zadok kple Ahimelek, Abiata ƒe vi kple Levitɔwo ƒe tatɔwo ŋkume. Wode dɔ ɖe sia ɖe asi na Eleazar ƒe viwo ƒe ha eveawo kple Itamar ƒe viwo ƒe ha ɖeka la sɔsɔe.

⁷Wodzidze nu hena dɔdede asi na hatsotsoawo le ɖoɖo sia nu:

Hatsotso gbãtɔ ƒe tatɔe nye Yehoyarib. Hatsotso evelia ƒe tatɔe nye Yedaia.

⁸Hatsotso etɔ̃lia ƒe tatɔe nye Harim.

Hatsotso enelia ƒe tatɔe nye Seorim.

⁹Hatsotso atɔ̃lia ƒe tatɔe nye Malkiya.

Hatsotso adelia ƒe tatɔe nye Miyamin.

¹⁰Hatsotso adrelia ƒe tatɔe nye Hakɔz.

Hatsotso enyilia ƒe tatɔe nye Abiya.

¹¹Hatsotso asiekelia ƒe tatɔe nye Yesua.

Hatsotso ewolia ƒe tatɔe nye Sekania.

¹²Hatsotso wuiɖekɛlia ƒe kplɔlae nye Eliasib.

Hatsotso wuievelia ƒe kplɔlae nye Yakim.

¹³Hatsotso wuietɔ̃lia ƒe kplɔlae nye Hupa.

Hatsotso wuienelia ƒe kplɔlae nye Yesebeab.

¹⁴Hatsotso wuiatɔ̃lia ƒe kplɔlae nye Bilga.

Hatsotso wuiadelia ƒe kplɔlae nye Imer.

¹⁵Hatsotso wuiadrelia ƒe kplɔlae nye Hezir.

Hatsotso wuienyilia ƒe kplɔlae nye Hapizez.

¹⁶Hatsotso wuiasiekelia ƒe kplɔlae nye Petahia.

Hatsotso blaevelia ƒe kplɔlae nye Hezekiel.

¹⁷Hatsotso blaeve-vɔ-ɖekɛlia ƒe kplɔlae nye Yakin.

Hatsotso blaeve-vɔ-evelia ƒe kplɔlae nye Gamul.

¹⁸Hatsotso blaeve-vɔ-etɔ̃lia ƒe kplɔlae nye Delaya

eye hatsotso blaeve-vɔ-enelia ƒe kplɔlae nye Mazia.

¹⁹Hatsotso ɖe sia ɖe wɔ eƒe dɔdeasi le gbedoxɔ la me abe ale si Mawu ɖoe da ɖi to wo fofo Aron dzi ene.

Levitɔ bubuawo

²⁰Levitɔwo ƒe aƒekɔwo ƒe tatɔ bubuwoe nye esiawo:

Yehdeia dzɔ tso Amram me to Sebuel dzi;

²¹Isia nye Rehabia ƒe dzidzimevi;

²²Yahat nye Izhar ƒe dzidzimevi to Selomot dzi;

²³Hebron viwoe nye:

Yeria nye gbãtɔ, Amaria nye evelia, Yahaziel nye etɔ̃lia eye Yekameam nye enelia.

²⁴Samir nye Uziel ƒe dzidzimevi to Mika dzi;

²⁵Zekaria nye Uziel ƒe dzidzimevi to Isia, Mika nɔvi dzi;

²⁶Mahli Musi kple Yaazia nye

Merari ƒe dzidzimeviwo;

²⁷Viŋutsu etɔ̃ nɔ Yaazia si;

woawoe nye: Soham, Zakur kple Ibri;

²⁸Mahli dzi Eleazar ke eya medzi ŋutsuvi aɖeke o.

²⁹Kis ƒe viŋutsuwoe nye Yerameel.

³⁰Vi etɔ̃, Mahli, Eder kple Yeremot nɔ Musi si.

Esiawoe nye Leviviwo le woƒe ƒome nu.

³¹Wodzidze nu hafi de dɔ asi na wo abe Aron ƒe dzidzimeviwo ene; womebu woƒe tsitsi alo ɖoƒe ŋu o. Wowɔe le Fia David, Zadok, Ahimelek kple nunɔlawo ƒe tatɔwo kple Levitɔwo ŋkume.

Hadzilawo

¹David kple eƒe aʋafiawo ɖe Asaf ƒe viŋutsu aɖewo ɖe aga, Heman kple Yedutun na nyagbɔgblɔɖi ƒe dɔ eye kasaŋku, gakasaŋku kple asiʋuiwo ƒoƒo kplɔa wo ɖo. Ŋutsu siwo wɔa dɔ sia la ƒe ŋkɔwoe nye:

²Tso Asaf ƒe viŋutsuwo dome:

Zakur, Yosef, Netania kple Asarela. Asaf ƒe viwo nɔ Asaf ƒe kpɔkplɔ te, ame siwo gblɔa nya ɖi nɔ fia la ŋutɔ ƒe kpɔkplɔ te.

³Ame siwo tso Yedutun ƒe viŋutsuwo dome la woe nye:

Gedalia, Zeri, Yesaya, Simei, Hasabia kple Matitia. Wo katã le ame ade eye wonɔ wo fofo, Yedutun ƒe kpɔkplɔ te. Woawoe nye ame siwo gblɔa nya ɖi eye woƒoa kasaŋku, daa akpe eye wokafua Yehowa.

⁴Ame siwo tso Heman ƒe viŋutsuwo domee nye:

Bukia, Matania, Uziel, Subael kple Yerimot, Hananiya, Hanani, Eliata, Gidalti kple Romamti, Ezer, Yosbekasa, Maloti, Hotir kple Mahaziot. ⁵(Ame siawo katã nye Heman, fia la ƒe nukpɔla ƒe viŋutsuwo. Wotsɔ wo nɛ to Mawu ƒe ŋugbedodo me be woadoe ɖe dzi. Mawu na ƒe viŋutsu wuiene kple vinyɔnu etɔ̃ Heman.)

⁶Ŋutsu siawo katã nɔ wo fofo ƒe kpɔkplɔ te be woatsɔ gakogoewo, saŋkuwo kple kasaŋkuwo aƒo hawo le subɔsubɔ me le Mawu ƒe aƒe me.

Asaf, Yedutun kple Heman nɔ fia la ƒe kpɔkplɔ te. ⁷Woawo kple woƒe ƒometɔwo, ame siwo srɔ̃ hadzidzi henya hadzidzi na Yehowa nyuie la ƒe xexlẽmee nye alafa eve blaenyi-vɔ-enyi. ⁸Wotia hadzilawo to nudzidze me eye womebu nufiala alo nusrɔ̃vi ŋu o.

⁹Nudzidze gbãtɔ dze Yosef si tso Asaf ƒe ƒome me kple viawo kple nɔviawo dzi; wole ame wuieve.

Nudzidze evelia dze Gedalia kple viawo kple nɔviawo dzi; wole ame wuieve.

¹⁰Nudzidze etɔ̃lia dze Zakur kple viawo kple nɔviawo dzi; wole ame wuieve.

¹¹Nudzidze enelia dze Izri kple viawo kple nɔviawo dzi; wole ame wuieve.

¹²Nudzidze atɔ̃lia dze Netania kple viawo kple nɔviawo dzi; wole ame wuieve.

¹³Nudzidze adelia dze Bukia kple viawo kple nɔviawo dzi; wole ame wuieve.

¹⁴Nudzidze adrelia dze Yesarela kple viawo kple nɔviawo dzi; wole ame wuieve.

¹⁵Nudzidze enyilia dze Yesaya kple viawo kple nɔviawo dzi; wole ame wuieve.

¹⁶Nudzidze asiekelia dze Matania kple viawo kple nɔviawo dzi; wole ame wuieve.

¹⁷Nudzidze ewolia dze Simei kple viawo kple nɔviawo dzi; wole ame wuieve.

¹⁸Nudzidze wuiɖekɛlia dze Azarel kple viawo kple nɔviawo dzi; wole ame wuieve.

¹⁹Nudzidze wuievelia dze Hasabia kple viawo kple nɔviawo dzi; wole ame wuieve.

²⁰Nudzidze wuietɔ̃lia dze Sebuel kple viawo kple nɔviawo dzi; wole ame wuieve.

²¹Nudzidze wuienelia dze Matitia kple viawo kple nɔviawo dzi; wole ame wuieve.

²²Nudzidze wuiatɔ̃lia dze Yeremot kple viawo kple nɔviawo dzi; wole ame wuieve.

²³Nudzidze wuiadelia dze Hananiya kple viawo kple nɔviawo dzi; wole ame wuieve.

²⁴Nudzidze wuiadrelia dze Yosbekasa kple viawo kple nɔviawo dzi; wole ame wuieve.

²⁵Nudzidze wuienyilia dze Hanani kple viawo kple nɔviawo dzi; wole ame wuieve.

²⁶Nudzidze wuiasiekelia dze Maloti kple viawo kple nɔviawo dzi; wole ame wuieve.

²⁷Nudzidze blaevelia dze Eliata kple viawo kple nɔviawo dzi; wole ame wuieve.

²⁸Nudzidze blaeve-vɔ-ɖekɛlia dze Hotir kple viawo kple nɔviawo dzi; wole ame wuieve.

²⁹Nudzidze blaeve-vɔ-evelia dze Gidalti kple viawo kple nɔviawo dzi; wole ame wuieve.

³⁰Nudzidze blaeve-vɔ-etɔ̃lia dze Mahaziot kple viawo kple nɔviawo dzi; wole ame wuieve.

³¹Nudzidze blaeve-vɔ-enelia dze Romamti Ezer kple viawo kple nɔviawo dzi; wole ame wuieve.

Agbonudzɔlawo

¹Mama si me agbonudzɔlawo nɔ lae nye si:

Tso Korah ƒe viwo dome:

Meselemia, Kore ƒe vi, ame si nye Asaf ƒe viŋutsuwo dometɔ ɖeka. ²Meselemia ƒe kpeɖeŋutɔwoe nye viawo; woƒe ŋkɔwo le tsitsinue nye:

Zekaria, Yediael, Zebadia, Yatniel,

³Elam, Yehohanan

kple Eliehoenai.

⁴Obed Edom ƒe viwo hã nye gbedoxɔŋudzɔlawo. Woƒe ŋkɔwo le tsitsinue nye:

Semaya, Yehozabad,

Yoa, Sakar, Netanel, ⁵Amiel,

Isaka kple Peuletai.

Mawu yrae kple viŋutsu enyi!

⁶Viŋutsuwo nɔ via Semaya, hã si, ame siwo nye kplɔlawo le wo fofo ƒe ƒome me elabena ŋutete nɔ wo ŋu. ⁷Semaya ƒe viŋutsuwoe nye esiawo:

Otni, Refael, Obed kple Elzabad;

Semaya ƒe ƒometɔ Elihu kple Semakia hã nye ame siwo ŋu ŋutete nɔ.

⁸Obed Edom ƒe vi kple tɔgbuiyɔvi siawo de ame blaade-vɔ-eve eye wo katã wonye ame siwo ŋu ŋutete kple ŋusẽ nɔ eye wodze na woƒe dɔdeasiwo wɔwɔ.

⁹Meselemia ƒe vi wuienyiawo kple nɔviawo hã nye kplɔla nyuiwo.

¹⁰Hosa, ame si tso Merari ƒe viwo dome la,

tia Simri tso viawo dome abe tatɔ ene togbɔ be menye eyae nye tsitsitɔ o hã.

¹¹Via bubuwo dometɔ aɖewo ƒe ŋkɔwo le tsitsinue nye:

Hilkia, vi evelia, Tebalia, vi etɔ̃lia

kple Zekaria, vi enelia.

Hosa ƒe viwo kple nɔviawo de ame wuietɔ̃.

¹²Wotsɔ gbedoxɔŋudzɔlawo ƒe kplɔlawo ƒe ŋkɔwo na hatsotso vovovo siwo me woma dzɔlawo ɖo. Abe Levitɔ bubuawo ene la, woƒe dɔdeasie nye be woawɔ subɔsubɔdɔwo le gbedoxɔ la me. ¹³Wona wodzɔa gbedoxɔ la ƒe agbo vovovoawo ŋu; womebua ƒome siwo me wotso la ŋu o elabena wowɔa nu siawo katã to nudzidze me.

¹⁴Selemia ƒe dɔe nye wòadzɔ Ɣedzeƒegbo la ŋu.

Woda akɔ na ƒe Via ŋutsu, Zekaria, ame si nye aɖaŋuɖola nyui aɖe eye akɔdada la na be wòadzɔ Anyiehegbo la ŋu.

¹⁵Akɔdada la na be Obed Edom nadzɔ Dziehegbo la ŋu eye via ŋutsuwo nadzɔ nudzraɖoƒe la ŋu,

¹⁶kple Ɣetoɖoƒegbo kple Salexet ƒe agbo si le dzigbemɔ la dzi yi Supim kple Hosa dzi la ŋu.

Woma dzɔlawo ƒe dɔ na wo sɔsɔe.

¹⁷Levi vi ade dzɔa Ɣedzeƒegbo la ŋu,

ame ene dzɔa anyiehegbo la ŋu,

ene dzɔa dziehegbo la ŋu,

eye ame eve dzɔa nudzraɖoƒe la ŋu gbe sia gbe.

¹⁸Dzɔla ene nɔa gbadzaƒe la ƒe mɔto eye eve nɔa gbadzaƒe la ŋutɔ ƒe ɣetoɖoƒegbo la nu, ame ene dzɔa dzigbemɔ la ŋu eye ame eve dzɔa teƒe siwo ƒo xlã wo la ŋu gbe sia gbe.

¹⁹Wotia gbedoxɔŋudzɔlawo tso Korah ƒe viwo kple Merari ƒe viwo dome.

Kesinɔnuwo dzikpɔlawo kple dɔnunɔla bubuawo

²⁰Levitɔ bubuawo kpɔa gbedoxɔ la ƒe gadzraɖoƒe kple nudzraɖoƒe siwo me wodaa nu siwo wotsɔ vɛ na Mawu la dzi. ²¹Ƒome geɖewo dzɔ tso Ladan, Gerson ƒe viwo dometɔ ɖeka me; Yehieli ƒe vi ƒe ƒome hã nɔ wo dome. ²²Yehieli ƒe vi bubu eveawo, Zetam kple Yoel, kpɔa gbedoxɔ la ƒe gadzraɖoƒe kple nudzraɖoƒe dzi.

²³Tso Amramitɔwo, Izharitɔwo, Hebronitɔwo kple Uzielitɔwo dome la:

²⁴Subael, Gersom ƒe dzidzimevi, ame si nye Mose ƒe viŋutsu la ƒe dɔ wònye be wòakpɔ gadzraɖoƒe la dzi. ²⁵Dzidzime la tso Eliezer dzi yi ale: Eliezer dzi Rehabia, ame si dzi Yesaya, ame si dzi Yoram, Yoram dzi Zikri, ame si dzi Selomɔt.

²⁶Wotia Selomɔt kple nɔviawo be woakpɔ nu siwo Fia David kple kplɔla bubuawo abe, asrafomegãwo ene, na Yehowa la dzi. ²⁷Ame siawo kɔa afunyinu siwo wokpɔ to aʋawɔwɔ me la ŋu hena ŋu dɔ wɔwɔ le gbedoxɔ la me. ²⁸Selomɔt kple nɔviawo kpɔa nu siwo ŋuti Nyagblɔɖila Samuel kple Saul, Kis ƒe vi kple Abner, Ner ƒe vi kple Yoab, Zeruya ƒe vi, kɔ na Yehowa kple nu siwo ame xɔŋkɔ bubuwo na Yehowa la dzi.

²⁹Wotsɔ Kenania kple viawo tso Izhar ƒe viwo dome ɖo dɔdzikpɔlawo kple ʋɔnudrɔ̃lawo.

³⁰Wotia Hasabia kple eƒe hlɔ̃metɔ akpe ɖeka alafa adre (1,700) tso Hebron, ame siwo katã nye ame ŋkutawo la be, woakpɔ Israelvi siwo le Yɔdan tɔsisi la ƒe ɣetoɖoƒe la dzi. Woƒe dɔdeasie nye be woakpɔ afi ma tɔwo ƒe Mawusubɔbɔnyawo kple dukɔmenyawo dzi. ³¹Le Hebronitɔwo gome la, Yeriae nye woƒe tatɔ le ƒomeawo ƒe dzidzimegbalẽ lawo nu.

Le David ƒe fiaɖuɖu ƒe ƒe blaenelia me la, woto dzidzimegbalẽ la me eye wokpɔ be, Hebronitɔ siwo ŋu ŋutete nɔ la woe nye, Yazer le Gilead, ³²Ƒometɔ akpe eve alafa adre (2,700) nɔ Yeria si. Ame siawo nye ame siwo ŋu ŋutete nɔ, wonye ƒometatɔwo. Fia David tsɔ wo ɖo Ruben ƒe viwo, Gad ƒe viwo kple Manase ƒe viwo ƒe afã nu be woakpɔ nya sia nya si ku ɖe Mawu kple fia la ŋu la gbɔ.

Hatsotso siwo nɔ aʋakɔ la me

¹Esiae nye Israelviwo ƒe hatsotsowo le ƒometatɔwo, ame akpewo ƒe tatɔwo, ame alafawo ƒe tatɔwo kple woƒe dɔnunɔlawo nu, ame siwo wɔ dɔ na fia la le aʋakɔ la ƒo hatsotsowo me, ame siwo nɔa dɔme dzinu ɖeka ɖe wo nɔewo yome le ƒea me. Ŋutsu akpe blaeve-vɔ-ene (24,000) nɔ hatsotso ɖe sia ɖe me.

²Yasobeam, Zabdiel ƒe viŋutsu, nɔ hatsotso gbãtɔ nu le ɣleti gbãtɔ me. Ame akpe blaeve-vɔ-enee (24,000) nɔ eƒe hatsotso la me. ³Enye Perez ƒe dzidzimevi eye wònye amegã nɔ asrafomegãwo nu le ɣleti gbãtɔ me.

⁴Hatsotso evelia ƒe tatɔe nye Dodai, Ahohitɔ ƒe dzidzimevi. Ekpɔ ame akpe blaeve-vɔ-ene (24,000) dzi eye eƒe amewo wɔa dɔ le ƒe sia ƒe ƒe ɣleti evelia me. Eƒe kpeɖeŋutɔe nye Miklɔt.

⁵Aʋakɔ etɔ̃lia na ɣleti etɔ̃lia ƒe tatɔe nye Benaya, Yehoiada, Nunɔla la ƒe viŋutsu. Ame akpe blaeve-vɔ-enee (24,000) nɔ ete. ⁶Benaya sia nye ame sesẽ si nɔ Ame Blaetɔ̃awo dome kple woƒe tatɔ. Via ŋutsu Amizabad nye hatsotso la ƒe tatɔ.

⁷Hatsotso enelia ƒe tatɔe nye Asahel, Yaob nɔvi, ame si teƒe via Zebadia va xɔ ɖo emegbe. Eƒe ame akpe blaeve-vɔ-eneawo (24,000) wɔa dɔ le ɣleti enelia me.

⁸Hatsotso atɔ̃lia ƒe tatɔe nye Samut tso Izra. Eƒe ame akpe blaeve-vɔ-eneawo (24,000) wɔa dɔ le ƒe sia ƒe ƒe ɣleti atɔ̃lia me.

⁹Hatsotso adelia ƒe tatɔe nye Ira, ame si nye Ikes tso Tekoa ƒe vi. Eƒe ame akpe blaeve-vɔ-eneawo (24,000) wɔa dɔ le ɣleti adelia me.

¹⁰Hatsotso adrelia ƒe tatɔe nye Helez tso Pelɔn le Efraim. Eƒe ame akpe blaeve-vɔ-eneawo (24,000) wɔa dɔ le ɣleti adrelia me.

¹¹Hatsotso enyilia ƒe tatɔe nye Sibekai tso Husasi ƒe hlɔ̃ me tso Zera. Eƒe ame akpe blaeve-vɔ-eneawo (24,000) wɔa dɔ le ɣleti enyilia me.

¹²Hatsotso asiekelia ƒe tatɔe nye Abiezer, tso Anatɔt tso Benyamin ƒe viwo dome. Eƒe ame akpe blaeve-vɔ-eneawo (24,000) wɔa dɔ le ɣleti asiekelia me.

¹³Hatsotso ewolia ƒe tatɔe nye Maharai tso Netofa le Zera. Eƒe ame akpe blaeve-vɔ-eneawo (24,000) wɔa dɔ le ɣleti ewolia me.

¹⁴Hatsotso wuiɖekɛlia ƒe tatɔe nye Benaya tso Piratɔn le Efraim. Eƒe ame akpe blaeve-vɔ-eneawo (24,000) wɔa dɔ le ɣleti wuiɖekɛlia me.

¹⁵Hatsotso wuievelia ƒe tatɔe nye Heldai tso Netofa, tso Otniel ƒe viwo dome. Eƒe ame akpe blaeve-vɔ-eneawo (24,000) wɔa dɔ le ɣleti wuievelia me.

To wuieveawo dzi kpɔlawo

¹⁶Israel ƒe toawo nunɔlawo le ale:

Ruben ƒe viwo Nunɔlae nye Eliezer, Zikri ƒe vi;

Simeon ƒe viwo Nunɔlae nye Sefatia, Maaka ƒe vi;

¹⁷Levi ƒe viwo Nunɔlae nye Hasabia, Kemuel ƒe vi;

Aron ƒe viwo Nunɔlae nye Zadok;

¹⁸Yuda ƒe viwo Nunɔlae nye Elihu, Fia David nɔvi;

Isaka ƒe viwo Nunɔlae nye Omri, Mikael ƒe vi;

¹⁹Zebulon ƒe viwo Nunɔlae nye Ismaya, Obadia ƒe vi;

Naftali ƒe viwo Nunɔlae nye Yeremot, Azriel ƒe vi;

²⁰Efraim ƒe viwo Nunɔlae nye Hosea, Azazia ƒe vi;

Manase ƒe viwo ƒe afã ɖeka Nunɔlae nye Yoel, Pedaya ƒe vi;

²¹Manase ƒe viwo ƒe afã evelia nɔ Gilead, wo Nunɔlae nye Ido, Zekaria ƒe vi.

Benyamin ƒe viwo Nunɔlae nye Yaasiel, Abner ƒe vi;

²²Dan ƒe viwo Nunɔlae nye Azarel, Yeroham ƒe vi.

Ame siawoe nye Israel toawo ƒe amegãwo.

²³David mexlẽ ame siwo mexɔ wu ƒe blaeve la o elabena Yehowa do ŋugbe be yeana Israelviwo nasɔ gbɔ abe dziƒoɣletiviwo ene. ²⁴Ame si dze amexexlẽ la gɔmee nye Yoab, Zeruya ƒe vi gake mete ŋu wu enu o elabena Mawu ƒe dɔmedzoe bi ɖe Israel ŋu eya ta womede amexexlẽ sia ƒe nukpɔkpɔ Fia David ƒe ŋutinya me o.

Fia la ƒe dɔdzikpɔlawo

²⁵Azmavet, Adiel ƒe vi, nye tatɔ na ame siwo kpɔa fia la ƒe kesinɔnuwo dzraɖoƒe dzi

eye Yonatan, Uzia ƒe vi, nye tatɔ na ame siwo kpɔa kesinɔnuwo dzraɖoƒe la dzi le duwo kple kɔƒewo kple mɔwo me.

²⁶Ezri, Kelub ƒe vi kpɔa ame siwo wɔa dɔ le agblewo me la dzi.

²⁷Simei, tso Ramat kpɔ fia la ƒe waingblewo dzi eye Zabdi, Sifmitɔ kpɔa eƒe wainfiafia kple edzadzraɖo dzi.

²⁸Baal Hanan tso Gedera kpɔa fia la ƒe amiti kple gboti siwo le gbadzaƒe si do liƒo kple Filistitɔwo ƒe anyigba dzi eye Yoas kpɔa ami si ŋu dɔ wowɔna la dzi.

²⁹Sitrai, tso Saron kpɔa nyi siwo le Saron ƒe gbeɖuƒe la dzi

eye Safat, Adlai ƒe vi, kpɔa nyi siwo nɔ balimewo la dzi.

³⁰Obil, Ismaeltɔ la, kpɔ kposɔwo dzi eye Yehdeia, Meronotitɔ la kpɔa tedziwo dzi.

³¹Alẽwo nɔ Yaziz, Hagritɔ la ƒe dzikpɔkpɔ te. Ame siawoe nye Fia David ƒe kesinɔnuwo dzikpɔlawo.

Ame siawo katãe nɔ fia David ƒe kesinɔnuwo nu.

³²Yonatan, Fia David tɔɖia, nye aɖaŋuɖola nyui aɖe; gɔmesese le esi eye wònye agbalẽŋlɔ la hã.

Yehiel, Hakmoni ƒe vi fia nu fia la ƒe viwo.

³³Ahitofel nye fia la ƒe aɖaŋuɖola eye Husai, Arkitɔ la, nye fia xɔlɔ̃.

³⁴Esi Ahitofel ku la, Abiata kple Yehoiada, Benaya ƒe vi, zu aɖaŋuɖolawo,

eye Yoab nye fia la ƒe aʋafia.

David ƒe ɖoɖowo na Gbedoxɔ la tutu

¹David yɔ Israel ƒe dɔdzikpɔlawo katã ƒo fu ɖe Yerusalem; Woawoe nye to vovovoawo ƒe tatɔwo, aʋafia siwo nɔ hatsotsoawo nu le fia la ƒe dɔ me, ame akpewo kple ame alafawo ƒe tatɔwo, dɔnunɔla siwo kpɔa fia la ƒe viŋutsuwo kple eƒe nunɔamesiwo kple lãhawo dzi, kpe ɖe fiasã la me dɔwɔlawo kple kalẽtɔwo kple aʋakalẽtɔwo ŋuti.

²Fia David tsi tsitre ɖe ameawo ŋkume eye wògblɔ na wo be, “Miɖo tom, nɔvinye ŋutsuwo kple nye dukɔmetɔwo, meɖoe ɖe nye dzi me be matu xɔ si anye dzudzɔƒe na Yehowa ƒe nubablaɖaka la eye wòanye afɔɖodzinu na míaƒe Mawu la. Ale mewɔ ɖoɖo ɖe etutu ŋuti. ³Ke Mawu gblɔ nam be, ‘Menye wòe atu xɔ na nye ŋkɔ o elabena aʋawɔlae nènye eye nèkɔ ʋu ɖi.’

⁴“Ke Yehowa, Israel ƒe Mawu la tiam le fofonye ƒe ƒome blibo la me be, manye fia ɖe Israel dzi tegbee. Etia Yuda ƒe viwo eye wòtia fofonye ƒe ƒome tso wo dome. Nye nu nyo Yehowa ŋu eye wòna mezu fia ɖe Israel dukɔ blibo la nu. ⁵Yehowa na vi geɖewom eye wòtia Solomo tso vinyewo dome be wòanɔ tenyeƒe, anɔ Israel fiaɖuƒe la ƒe fiazikpui dzi. ⁶Egblɔ nam be, ‘Viwò, Solomo atu gbedoxɔ la elabena metiae abe vinye ene eye manye fofoa. ⁷Ne egalé nye sewo kple ɖoɖowo me ɖe asi abe ale si wòlé wo me ɖe asi va se ɖe fifia ene la, mana eƒe fiaɖuƒe nanɔ anyi tegbetegbe.’

⁸“Eya ta le Israel, Yehowa ƒe asaɖa blibo la ŋkume kple míaƒe Mawu la ƒe tome la, mele nu xlɔ̃m mi be miawɔ ɖe ɖoɖo kple se siwo katã Yehowa, miaƒe Mawu la de na mi la dzi be anyigba nyui sia nanye mia tɔ eye wòanye domenyinu na miaƒe viwo tso mavɔ me yi mavɔ me.

⁹“Eye wò, vinye Solomo, dze si fofowòwo ƒe Mawu la eye nàsubɔe kple dzi faa kple wò susu blibo elabena Yehowa kpɔa dzi ɖe sia ɖe me eye wònyaa ame sia ame ƒe susu. Ne èdi Yehowa la, àkpɔe, ke ne ègbugbɔ le eyome la, atsɔ wò aƒu gbe tegbetegbe. ¹⁰Eya ta, kpɔ nyuie elabena wòe Yehowa tia be nàtu yeƒe gbedoxɔ si anye kɔkɔeƒe. Lé dzi ɖe ƒo eye nàwɔ nu si wòɖo na wò.”

¹¹Azɔ la, David tsɔ xɔ la kple eƒe xɔxɔnuwo, nudzraɖoƒewo, xɔtamexɔwo, xɔ emetɔwo, kɔkɔeƒe la kple amenuveveteƒe la ƒe tata na ƒe via Solomo. ¹²Etsɔ nu siwo katã gbɔgbɔ la de eƒe susu me be wòawɔ ɖe Yehowa ƒe gbedoxɔ la ƒe xɔxɔnuwo, xɔ siwo katã ƒo xlãe na Mawu ƒe gbedoxɔ la ƒe nudzraɖoƒewo kple fia wɔnuteƒewo ƒe nudzraɖoƒe ƒe tatawo hã nɛ. ¹³Ewɔ ɖoɖo tsɔ nɛ ku ɖe nunɔlawo kple Levitɔwo ƒe hatsotsowo ŋuti kple subɔsubɔdɔ siwo katã woawɔ le Yehowa ƒe gbedoxɔ la me kple nu siwo katã ŋuti dɔ woawɔ le subɔsubɔdɔ me la me. ¹⁴Eda sika hena sikaŋudɔwɔnu vovovo siwo ŋu dɔ woawɔ le subɔsubɔ vovovoawo me eye wòda klosalo hã hena klosaloŋudɔwɔnu vovovo siwo ŋu dɔ woawɔ le subɔsubɔ vovovoawo me. ¹⁵Eda sika si ade na akaɖitiawo kple akaɖiawo wɔwɔ la nɛ. Egada klosalo si woatsɔ awɔ bosomikaɖitiwo kple akaɖigbɛawo ɖe ale si woawɔ ɖe sia ɖe ŋudɔe la nu. ¹⁶Eda sika hena kplɔ̃wo wɔwɔ na Ŋkumeɖobolo ɖe sia ɖe eye wògada klosalo na klosalokplɔ̃wo hã. ¹⁷Eda sika nyuitɔ na gaflowo, ʋuhlẽgbawo kple kpluwo wɔwɔ. Eda sika na sikagbawo wɔwɔ. Nenema kee wòda klosalo na klosalogbawo wɔwɔ. ¹⁸Hekpe ɖe esiawo ŋuti la, eda sika si ŋu wokɔ wòdza la na dzudzɔʋeʋĩdovɔsamlekpui la. Fia la tsɔ ɖoɖo siwo wòwɔ ɖe tasiaɖamwo ŋu la hã nɛ, esi nye sika Kerubi siwo keke woƒe aʋalãwo eye wodo vɔvɔlĩ ɖe Yehowa ƒe nubablaɖaka la dzi.

¹⁹David gblɔ na Solomo be, “Yehowa ƒe asie ŋlɔ ɖoɖo siawo katã nam. ²⁰Sẽ ŋu eye nàlé dzi ɖe ƒo. Mègana dɔdeasi la ƒe akɔtitri nado ŋɔdzi na wò o elabena Yehowa, Mawu nye Mawu la li kpli wò eye magblẽ wò ɖi o. Akpɔ egbɔ be wowu Yehowa ƒe gbedoxɔ la tutu nu nyuie. ²¹Nunɔlawo kple Levitɔwo ƒe hatsotso vovovoawo asubɔ le gbedoxɔ la me. Ame bubu siwo nya aɖaŋu vovovowo la atsɔ wo ɖokuiwo ana hena dɔwo wɔwɔ. Dumegãwo kple dukɔ blibo la aɖo to wò eye woanɔ wò kpɔkplɔ te.”

Nunanawo hena gbedoxɔ la tutu

¹Fia David trɔ ɖe ameha la gbɔ azɔ hegblɔ na wo be, “Vinye Solomo, ame si Mawu tia be wòanye Israel fia yeyea la, ɖekakpui dzaa aɖe ko wònye, mekpɔ nuteƒe o, ke dɔ si dze ŋgɔe la nye dɔ gã aɖe elabena gbedoxɔ si wòatu la menye xɔ bubu aɖe ko wòanye o. Yehowa Mawu ŋutɔ ƒe xɔe! ²Mewɔ nu sia nu si le nye ŋutete me eye medi nu siwo katã hiã na xɔ la tutu, esiwo nye sika, klosalo, akɔbli, gayibɔ, ati, ‘oni’ kple kpe xɔasi bubuwo, adzagba xɔasiwo kple kpeɣi. ³Azɔ esi wònye ɖe metsɔ ɖokuinye sa vɔe ɖe nye Mawu ƒe gbedoxɔ la tutu ŋu ta la, metsɔ nye ŋutɔ nye kesinɔnu siwo nye sika kple klosalo kpe ɖe xɔtunu siwo medi da ɖi la ŋu hena nye Mawu la ƒe gbedoxɔ la tutu.

⁴“Mena sika nyuitɔ tso Ofir ‘tɔn’ alafa ɖeka (100) kple klosalo nyuitɔ ‘tɔn’ alafa eve blaene (240) be woatsɔ afa ɖe gliawo ŋu ⁵eye sikanuwɔlawo kple klosalonuwɔlawo natsɔ wo awɔ sikanuwo kple klosalonuwo. Azɔ la, ame kae lɔ̃ be yeakɔ ye ɖokui ŋuti egbea na Yehowa?”

⁶Tete ƒometatɔwo, Israel ƒe towo ƒe tatɔwo, asrafo akpe ɖeka kple asrafo alafa ɖeka nunɔlawo kple fia la ƒe dɔnunɔlawo na nu lɔlɔ̃nutɔe. ⁷Wona nu hena dɔwɔwɔ le Mawu ƒe gbedoxɔ la ŋuti. Wona sika “tɔn” alafa ɖeka blaadre (170), sika kilogram blaenyi-vɔ-ene kple klosalo “tɔn” alafa etɔ̃ blaene-vɔ-atɔ̃ (345) kple akɔbli “tɔn” alafa ade kple ewo (610) kple gayibɔ “tɔn” akpe etɔ̃ alafa ene blaatɔ̃ (3,450). ⁸Wogatsɔ kpe xɔasi sɔ gbɔ aɖe na Yehiel, Gerson ƒe dzidzimevi aɖe be, wòatsɔ ade gbedoxɔ la ƒe nudzraɖoƒe. ⁹Ame sia ame kpɔ dzidzɔ le lɔlɔ̃nununanakpekpeɖeŋunana ƒe mɔnukpɔkpɔ sia ŋu. Fia David ŋutɔ hã kpɔ dzidzɔ ŋutɔ.

David ƒe gbedodoɖa

¹⁰David ganɔ ameha blibo la ŋkume eye wòkafu Yehowa gblɔ bena,

“Oo, Yehowa, mía fofo Israel ƒe Mawu,

woakafu wò ŋkɔ tegbetegbe.

¹¹Tɔwòe nye ŋusẽ, ŋutikɔkɔe,

dziɖuɖu kple gãnyenye.

Oo, Yehowa, tɔwòe nye nu sia nu si le dziƒo kple anyigba dzi,

míekafu wò be nu sia nu le wò dzikpɔkpɔ te.

¹²Wò ɖeka gbɔ ko kesinɔnuwo kple bubu tsona;

wòe nye amegbetɔƒomea dziɖula.

Asiwòmee gãnyenye kple ŋusẽ le

eye wòe naa gãnyenye kple ŋusẽ ame.

¹³Oo, mía Mawu, míeda akpe na wò

eye míekafu wò ŋkɔ kɔkɔe la.

¹⁴“Ke ame kae menye eye ame kawoe nye amewo nye be nàɖe mɔ na mí be míana nane wò? Gbɔwòe nu sia nu si le mía si la tso eye nu si nye tɔwò xoxo la ko míetsɔ na wò! ¹⁵Elabena, ɣeyiɣi kpui aɖe ko míanɔ afi sia; míenye amedzro le anyigba dzi abe ale si mía fofowo nɔ do ŋgɔ na mí ene. Míaƒe ŋkekewo le anyigba dzi le abe vɔvɔlĩ ene; wo nu yina kaba eye wo teƒe buna. ¹⁶Oo, Yehowa, míaƒe Mawu, nu siwo katã míeƒo ƒu da ɖi be míatsɔ atu gbedoxɔ na wò ŋkɔ kɔkɔe la, tso wò ŋutɔ gbɔwò! Tɔwòe wo katã nye! ¹⁷Nye Mawu, menya be èdoa amewo kpɔna be yeanya ne wonye ame nyuiwo elabena èkpɔa ŋudzedze le ame nyuiwo ŋu. Mewɔ nu siawo katã kple tameɖoɖo nyui, mekpɔ wò amewo esime wona nuwo lɔlɔ̃nutɔe kple dzidzɔ. ¹⁸Oo, Yehowa, mía fofowo, Abraham, Isak kple Israel ƒe Mawu! Na wòanye wò amewo ƒe didi be yewoaɖo to wò ɣe sia ɣi eye nàkpɔ egbɔ be woƒe lɔlɔ̃ na wò metrɔ gbeɖe o. ¹⁹Na dzi nyui si trɔ ɖe Mawu ŋu la vinye, Solomo, ale be wòawɔ wò sewo dzi le nu suetɔwo kekeake me eye wòakpɔ mɔ na wò gbedoxɔ si tutu ta mewɔ dzadzraɖo siawo katã la ƒe nuwuwu.”

²⁰Azɔ la, David gblɔ na ameawo katã be, “Mikafu Yehowa, miaƒe Mawu la” eye wokafu Yehowa, wo fofowo ƒe Mawu la. Wode ta agu le Yehowa kple fia la ŋkume.

Woxɔ Salomo abe fia ene

²¹Esi ŋu ke la, wotsɔ nyitsu akpe ɖeka (1,000), agbo akpe ɖeka kple alẽvi akpe ɖeka sa numevɔ na Yehowa. Wosa numevɔ kple vɔsa bubu geɖewo ɖe Israel nu. ²²Emegbe la, woɖu nu eye wono nu le Yehowa ŋkume kple dzidzɔ gã aɖe.

Wogaɖo Fia David ƒe vi, Solomo, woƒe Fiae zi evelia kpe ɖe Fia David ŋu. Wosi ami nɛ le Yehowa ŋkume abe woƒe kplɔla ene eye wosi ami na Zadok abe woƒe Nunɔla ene. ²³Ale Mawu na Fia Solomo xɔ fofoa, David ƒe fiazikpui. Nu dze edzi nɛ ŋutɔ eye Israel blibo la ɖo toe. ²⁴Dukɔ la kplɔlawo, asrafomegãwo kple nɔviawo katã ka atam be yewoanɔ fia la yome. ²⁵Yehowa na Israelviwo katã lɔ̃e, kesinɔnu geɖewo nɔ esi eye bubu nɔ eŋu wu fofoa.

David ƒe ku

²⁶David, Yese ƒe viŋutsu, ɖu fia ɖe Israel blibo la dzi. ²⁷Eɖu fia ɖe Israel dzi ƒe blaene, ƒe adre le Hebron, ƒe blaetɔ̃-vɔ-etɔ̃ le Yerusalem. ²⁸Etsi ŋutɔ, enye kesinɔtɔ kple bubume gã aɖe hafi ku eye via Solomo ɖu fia ɖe eteƒe.

²⁹Woŋlɔ Fia David ƒe ŋutinya tsitotsito ɖe Nyagblɔɖila Samuel ƒe agbalẽ me, ɖe ŋutinya si Nyagblɔɖila Natan ŋlɔ la me kple esi Nyagblɔɖila Gad ŋlɔ la me. ³⁰Nuŋlɔɖi siawo ƒo nu tso Fia David ƒe fiaɖuɖu, eƒe ŋusẽ, nu siwo katã dzɔ ɖe eya ŋutɔ dzi, Israel dukɔ la dzi kple dukɔ siwo ƒo xlã Israel dukɔ ƒe fiawo dzi la ŋu.