Tiitō
11 Aneen :nyi Paawulō nyoo āpāyiisyēēchinii Iriin. Kiilēwēnān :Yēēsu Kiriistō ālēku kāāyooytooyiinteenyiin akuuyooytoon ātoorēt piich choo kiikulēwēn :Iriin kuuran inyeentee kusōwu man kutuup keey nkōō kiyoo mārwēēch :Iriin. 2 Ā-iraa pāyiisyōōni āātingʼēy man kilē ānyōōruuy sopoon nyēpō ākōy. /Kitoomō /kēētoowu ngʼwēny, kimwooru :Iriin nyoo mātingʼēy ngʼuurnan kilē kōōnēēch sopoon nyēpō ākōy. 3 Paani ki-itu :pērēētuu, kungʼoongʼwēēch :Iriin nyoo lēē Sāruuniintēēnyoon ngʼālyoonteenyiin akulēwēnān a-amtaata lōkōōyichu kāroomēēn. 4 Āsiruun inyēēn, Tiitō, nyoo ichō laakweenyuun nyēpō man, āmu kutiirēē keey :tōkōl Iriin. Kuupēēruurin :Paapa Iriin ākōō Sāruuniintēēnyoon Yēēsu Kiriistō akukōōnin kaalya. 5 Kiyoo kii-iraa soomētoochiin kōōroo Kirēētē ku kyoomārēy kilē siiroota pāyiisyōōn choo kiitoomō /keewaanta. Aku kyoomārēy kilē siilēwēnō kāāntōōy chēpō kaaniisa mu kōōroo Kirēētē kilēē paani kyoomwooruun. 6 Makaat kāāntōōyiin nyēpō kaaniisa ku chiich nyoo mātingʼēy tisya aku chiich nyoo tingʼēy cheepyooso ākoongʼo. Mārēy :laakōōchiich ku laakōōy choo /kuurānēy amātingʼēy ātēpuut choo āwēēsēēn. 7 Kāāntōōyiin ku mārēy ku chiich nyoo mātingʼēy tisya, āmu ryoonchinii pāyiisyoo Iriin. Māmārēy kulāsēy keey ntā ku chiich nyoo lēē kipsiirmōōyoon. Māmārēy mpō ku chiich nyoo lēē kipōōkityoon ntā ku chiich nyoo chāmēy ōriir, aku mā chiich nyoo chāmēy :rōōpiyō. 8 Makaat ku chiich nyoo tookēy too aku nyoo chāmēy ku-irēy ngʼal choo kāroomēēn. Mārēy ku chiich nyoo nkēt kiyoo irēy, nyoo chuulaat oortineechiich, nyoo tiliil akuriipēy keey. 9 Makaat kuriipēy koonēētuut chēpō man kilēē wōloo /kiikuuneetita sikuukiil piich walak nkōō koonēētuutēchoochēē akuupkoongʼēy piich choo kārtooy ngʼaleechoochēē. 10 Āmwooraa kilēē nyoonēē, āmu mii :piich chaa chaangʼ choo toosānchoot. Piich :pichu choo pōloopōlootēy kipaat, akuupootootēy piich mētēwēy. Choo irootēy ngʼaleechu ku choo pkootēy kilē ākōy /kēēmur chiich sikucham :Iriin. 11 Kara koongʼ pichoochēē, āmu mii kuupootootēy kēēstoon tōkōl kuunēētootēy tukun choo māyāmēy /keeneet. Nēētiisyēy :koonēēt choo lēē choochēē kipaat akipō rōōpiyō. 12 Kiimwooru mpō :ōōrkooyaanteengʼwaangʼ ākoongʼo kilē, "Ngʼuur ākōy :piich chēpō Kirēētē aku kimakēētōōy, sārātoon aku kimootiin." 13 Man :ngʼālyoontoonoonēē. Kunyuun, ipkoongʼ pichoochēē sikutuup ngʼālyoontoo Iriin nkōō oor nyaa karaam 14 amatuup siiyēēn chēpō Yāwuutik ntā ku ngʼātuut chēpō piich kipaat. Kiikuchuunnyo :pichu nkōō wōloo mii :ngʼālyoon nyēpō man. 15 Tiliil :kir aka tōkōl nkōō wōloo mii piich choo tiliilēēn. Aku choo mā tiliilō amēērānēy, ku moomii :kir nyoo tiliil nkōō wōloo mii :choochēē. Man, kiikwoongʼkwoongʼiisyō :mētēwēyiikwaak nyoo mēēnkēt kir nyaa karaam ākōō nyaa ra. 16 Irēy keey :pichoochēē kilē nkēt Iriin, aku ngʼuutuuy :ātēpuutēkwaak kilē mēēnkēt. Piich :pichoochēē choo kiikuroochiituuy aku āwēēsō nyoo mēērookēē mpō ku-ir kir aka tōkōl nyaa karaam.
21 Aku inyēēn nyuun oo, Tiitō, maraat inēētēy koonēētuut chēpō man. 2 Mārēy ineet pooyik kilēku pooy choo chikānootēēn, choo koonyitootēēn akuunkēt kiyoo irēy. Mārēy ku piich choo ryoongʼoot kaaraneengʼwaangʼ kukaraam akutingʼēy choomnyoot ākōō kirintaar. 3 Ineet chēēpyōōsōōy kutēpi kilēē wōloo maraat kutēptooy :chēēpyōōsōōy choo pāyiisyēēchinii Iriin. Mārēy kutaya keey seemseem akutaya keey pōōkitō. 4 Chēēpyōōsōōy choo ēēchēēn ku maraat kuuneet chēēpyōōsōōy choo tākumēnkēēchō kucham saantōōkwaak ākōō laakōōkwaak, 5 kusōwu kiyoo irēy, kuukoonyit kooriikwaak, kuriip kēēstoonikwaak kukaraam akuukoonyit pooyiikwaak /simakungʼalaala ngʼālyoontoo Iriin nkōō oor nyaa ra. 6 Ineet mpō murēn kusōwu kiyoo irēy. 7 Aku maraat nyuun i-ir :inyēēn kir aka tōkōl nyaa karaam sikuurooteeniin :piich walak. Nēē inēētēy piich ku maraat inēētiisyō nkōō oor nyoo chuulaat akuukoonyitoot. 8 Ineet man simoomii :kir nyoo ryoongʼēē :chiich kumārēy kuuchaasta ngʼaleekuuk. Ntā nēē mārēy :chiich kuuchaasta ngʼaleekuuk, ku tāngʼāsēy :nyoonēē inyeentee, āmu moomii :kir nyaa ra nyoo muukēy kumwa akipō achaan. 9 Makaat kuukoonyitēy :ōōtwook mōkōrēēkwaak aku-irēy kir aka tōkōl nyoo pāypooyēy mōkōrēēchoochēē amāmārēy kuu-ōōchinii mōkōrēēkwaak ngʼālyoon 10 amāchōōrēē tukuukwaak. Makaat kungʼuutinii mōkōrēēkwaak kilē kāroomō :akwaaneek /ākēētiirēē keey nkōō kir aka tōkōl nyoo muukēy ku-ir piich kupāypāchi koonēētiisyoo Sāruuniintēēnyoon Iriin. 11 Āmwooraa kilēē nyoonēē āmu kiikungʼuutu :Iriin kilē chāmēy chiich aka tōkōl /ākēēsāruuy chiich nyoo tiirēē keey inyeentee. 12 Irēēch :choomnyoot nyēpō Iriin keetayee keey tukun choo mā pō Iriin ākōō tukun chēpō ngʼwēny, ākēēmāngʼiisyō kēēriipēy keey akee-ir tukun choo chuulootēēn kilēē wōloo mārtooy :Iriin. 13 Kiikuupēēruurēēch :Iriin kilēē paani tākēēmāngʼēy ngʼwēny kēēkānyoonuuy pērēētuu nyoo wārākēē :Sāruuniintēēnyoon Yēēsu Kiriistō. Yoonēē yoo kuurōōtēē tōrōōrin nyēpō Iriintēēnyoon. 14 Kiitētō :Yēēsu sopoontanyiin sikuutyaaytaareeneech wōloo mii :ngʼōōki tōkōl sikuutiliilēēch aku-ireech kēēlēkuu piichiich choo kumārēy ku-irēy tukun choo kāroomēēn. 15 Kunyuun, ineet ngʼaleechoochēē kaamwaa ikiilēy piich akii-isu nkōō kaamuukaa Iriin nyoo moomii :chiich nyoo rēēngʼiin.
31 Pkōōtii piich chēpō Kiriistō kuukoonyit pāytooyiik ākōō kāāntōōyiik akichēpootēēn ku-ir kir aka tōkōl nyaa karaam. 2 Mākootēēn ku māngʼāloolootēērēē piich walak nkōō oor nyaa ra amākwiintoonēy. Mārēy kutālāyiituuy nkōō wōloo mii :chiich aka tōkōl akwoopēy keey ngʼwēny. 3 Nkōō pērēētuus choo kiikusiirtō, ku kiikiichaan mpō sālwēy ākēē-irootēy mākuut chēpō pōōrwēyiichooch. Kiikiikēēchuunnyō akiikuulaampuuseech :tukun tōkōl chēpō lala ākōō tuurinpō moo. /Kiikiikeesaseech akiikeesas :achaan piich walak. 4 Kungʼuutwēēch nyuun :Iriin Sāruuniintēēnyoon kāroomintanyiin nkōō wōloo chāmtooy piich /sikēēsārwēēch. 5 Maasārwēēch āmu kiku-ir tukun choo kāroomēēn. Kiisārwēēch āmu kiiriireeneech. Ki-istoowēēch :Iriin ngʼōōkiichooch akukōōnēēch sopoon nyoo rēēl kupunuunō Toomirmiiryeenyiin. 6 Kiiroongʼwēēch :Iriin Toomirmiiryeenyiin kuupiista kupunuunō Yēēsu Kiriistō Sāruuniintēēnyoon. 7 Ki-ir kilēē nyoonēē sikēētililiitu nkōō taayuunyiin akipō chamat nyoo tingʼēēnēēch nkōō riiranateenyiin /ākēēkōōnēēch sopoon nyēpō ākōy nyoo kitingʼēy man kilē kunyōōruuy. 8 Pō man ngʼālyoontooni. Makaat iroo kilē kāsōwu :piich ngʼaleechu kukaraam sikungʼat moo :piich choo rānēy Iriin ku-ir tukun choo kāroomēēn. Nēē ir :piich ngʼaleechoochēē, kuutoorēt chiich aka tōkōl. 9 Itayee keey kwiintaan chēpō sālwoonti, akiitayee keey siiyēēn chēpō Yāwuutik chēpō kēny, itayee keey kwiintaan ākōō syāluut akipō ngʼātuut chēpō Yāwuutik, āmu puch mēētoorētook kir aka tōkōl. 10 Irwoochi chiich nyoo mārēy kwoopu pēēsyoot āsip ārēēny, ku nēē mateer, i-istoorēē chiichoonēē wōloo mii piich chēpō Kiriistō, 11 āmu kwaangʼkwaangʼaat :chiichoonēē akungʼuutuuy mpō :ngʼōōki choo tingʼēy kilē mātiliil. 12 Paani kooyookwaa Arteema ntā ku Tukiikō, ichooku kilē weel ākōy Nikōpōōli inyōōrwoon. Kaapkaat :aneen āwō āmuungʼō wōloonēē nkōō peerngʼatuuni chōōnēy. 13 I-ir kilēē wōloo imuuktooy itoorēt Seena nyoo kiisōōmānchi ngʼātuut ākōō Āpōōlō paani mii kusiirtooy akiiroo kilē kānyōōru kir aka tōkōl nyoo mārēy nkōō aree. 14 Makaat kusōwu :piichooch kucham ku-ir tukun choo kāroomēēn sikuutoorēt piich choo rookēē /kēētoorēt. Māmārēy kilēku piich choolēē sārātoon. 15 Tookwēēsiin :piich tōkōl choo kumii wōli tōkōl. Itookwēēswēēch nyuun mpō piich choo chāmēēch akutiirēē keey Iriin kilēē achaan. Kuupēēruurook :Iriin akwaan tōkōl.