2 Yaahaya

Warakha ya phiiri aatikhiyeeyo

Yaahaya

Salamu

¹Miiyo, namarumeyela, kinimwaatikhela nunu1:1 Nunu woothawuliwa ena maana a ojama wa Nluku. woothawuliwa na aana awe, apale miiyo kiniwaaphetaaye weekhweelevo, khahiyo miiyo paasi, ila ooshi apale anjuwaaye haakhi, ²mwaasa wa haakhi etile nilipaniyeeyo fweeyo na enttela wiiya na fweeyo khwa mileele. ³Rehema, tthakaraka na heeri ya phantte ya Nluku Paapa na ya Yinsa Al-Masiihu, Mwanawe, enttela wiiya vamote na fweeyo khwa haakhi na pheta.

Haakhi na pheta

⁴Miiyo keeya woofurahi venkivene, paata ya owaasikana aanaawo akinaaya ettettelaka haakhi nkhama onlupaazo oruma nipokhereliyeeyo woolankha phantte ya Paapa. ⁵Aphano, nunu, kinuuvekela, khahiyo nkhama kinaatikhaaye oruma mpheya, ila otthuupule niriinaaye thanku omwanzo: niphetane mmote na nzeetthu. ⁶Pheta ya eto ti eti: yoori neettette khwa oshututela oruma wawe. Oruma waya pi opu, nkhama etthiipo mwisiiliyeezo thanku omwanzo, yoori neettette khwa pheta ethiito.

Anamasomisa oovonya na nanna yoowaatthantta

⁷Maana anamattettekha enkeene amwazeyela va olumwenku, alupaka yoori Yinsa Al-Masiihu khateeni nkhama pinaatamu1:7 Nkhama pinaatamu khwa luuka ya ekereeku enlupa yoori khwa mwiili.. Anrettaaye toowo namattettekha na atuwi wa Al-Masiihu. ⁸Mwiiyane phoole yoori mwihitapanye mishumo za khaazi yeetthu, ila mwipokhere tthuvo yoorefuwa. ⁹Wakhula otule ahinlipanaaye masomi a Al-Masiihu, na anzitisaaye, khana Nluku; ila otule anlipanaaye ona Paapa na onaaye Mwaana. ¹⁰Amana ntthu oteelani khuhitani masomi aya apo, mwihimpokherele owenu wala mwihinchelise. ¹¹Nakataalikha otule aninchelisaaye onretta phantte ya khaazi zawe zootakhala.

Mattakhuzi a wiishela

¹²Kinaaye vitthu zawaatta za owaatikhelani, ila khahiyo niiya yaka waatikha warakha na wiino. Woohiiyi toowo kinaakhipwela oteela wuuthotolani na ottakhulana mweeyo wuuso khwa wuuso, yoori furaha yeetthu yiiye yookamilikha. ¹³Aana a ttwiiyo namathawuliwa amperekha salamu.