लुका

Luke

लुका

¹ बड़े गे लोके ने उन गल्ले दी जेड़ी साड़े बीच बीती दी ऐ, इतिहास लिखने दा काम अपने हाथ च लेया, ² जिन्ना कि उने जेड़ी पैहले ही गे इन गल्ले गी दिखने आले और वचन दे सेवक ही, साड़े तकर पहुँचाया। ³ इसलेई, हे श्रीमान् थियोफिलुस, मिगी भी ए मालुम होया कि इन सारी गल्ले गी सावधानी कन्ने शुरू च ठीक ठीक जाँच करिये, उ’नेगी तेरे लेई क्रमानुसार लिखेया। ⁴ ताकि तू ए जानी ले कि ओह गल्ला जिन्दी तू शिक्षा पाई दी ऐ, किन्ना अटल ऐ।

⁵ यहूदिया दे राजा हेरिदेस दे समय अबिय्याह दे दल च जकरयाह नाम दा इक याजक हां, और उदी पत्नी हारून दे वंश दी ही जिदा नाम इलीशिबा ही। ⁶ ओह दोनों परमात्मा दे सामने धर्मी ही, और प्रभु दी सारी आज्ञाओं और विधियों उप्पर निर्दोष चलने आले ही। ⁷ उन्दी कोईं सन्तान नेईं ही, क्योंकि इलीशिबा बांझ ही और दोनों ही बूढ़े होई गे दे ही।

⁸ ऐसा होया कि जदू ओह अपने दल दी बारी आने उप्पर परमात्मा दे सम्मुख याजक दा काम करा दा हां, ⁹ ते याजकों दी रीति दे अनुसार उदे नाम च चिठ्ठी कडी कि प्रभु दे मन्दिर बीच जाईये तूफ जलाए। ¹⁰ तूफ जलाने दे समय लोके दी सारी मण्डली बाहर प्रार्थना करा दी ही। ¹¹ उस समय प्रभु दा इक स्वर्गदूत तूफ दी वेदी दी दाहिनी ओर खड़ा होया उन उसी दिखेया। ¹² जकरयाह उसी दिखिये कबराई गेया और उदे उप्पर बड़ा गे डार छाई गेया। ¹³ लेकन स्वर्गदूत ने उसी बोल्या, हे जकरयाह, परेशान नेईं हो, क्योंकि तेरी प्रार्थना सुनी लेई गेई ऐ, और तेरी पत्नी इलीशिबा तेरे लेई इक पुत्तर दी जन्म देग और तू उदा नाम यूहन्ना रखेया। ¹⁴ तुगी आनन्द और खुशी होग, और उदे जन्म उप्पर बड़े गे लोक आनन्द मनानगे, ¹⁵ क्योंकि ओह प्रभु दे सामने महान होग; और ओह दाखरस और मदिरा कदे भी नेईं पीग, और अपनी माता दे गर्भ च गे ही पवित्र आत्मा कन्ने परिपूर्ण होई जाग। ¹⁶ ओह इस्राएल दी सन्तानों बीचा बड़े गे लोके गी उन्दे प्रभु परमात्मा दी ओर फेरी ओड़ग। ¹⁷ ओह एलिय्याह दी आत्मा और सामर्थ्य बीचा होईये उदे अग्गे अग्गे चलग कि पितरों दा मन बाल - बच्चे दी ओर फेरी दे, और आज्ञा नेईं मनने आले गी धर्मियों दी समझ उप्पर लेई आए, जिदे कन्ने कि ओह प्रभु दे लेई इक योग्य प्रजा तैयार करे। ”

¹⁸ जकरयाह ने स्वर्गदूत गी पूछेया, “ ए में किन्ना जाना ? ” क्योंकि में ते बूडा हां; और मेरी पत्नी भी बूडी होई गेई ऐ। ” ¹⁹ स्वर्गदूत ने उसी उत्तर दिता, “ में जिब्राइल हां, जेड़ा परमात्मा दे सामने खड़ा रेंदा ऐ; मिगी इसलेई भेजेया गेया ऐ कि में तेरे कन्ने गल्ला करा और तुगी ए सुसमाचार सुनावा। ” ²⁰ देख्ख, जिस दिन तकर ए गल्ला पूरी नेईं होई जाएं तू गूंगा रोगा और तू बोली भी नेईं सकदा ऐ, क्योंकि तू मेरी गल्ले उप्पर विश्वास नेईं किता जेड़ी ठीक समय उप्पर पूरी होनी ऐ। ” ²¹ लोक जकरयाह दा इन्तजार करा दे ही, और ओह बड़े हेरान होआ दे ही कि उसी मन्दिर च इन्नी देर क्यों लगा दी ऐ ? ” ²² परैन्त जिसलै ओह बाहर आया ते उन्दे कन्ने बोली नेईं सकेया, और ओह सारे जानी गए कि उसी मन्दिर च कोई दर्शन मिलेया, और ओह संकेत करदा रेहा और गूंगा बनी रेहा। ²³ और ऐसा होया कि जदू उदे सेवा दे दिन पूरे होए ते ओह अपने कार चली गेया।

²⁴ इन दिनों दे बाद उदी पत्नी इलीशिबा गर्भवती होई और पांज महीने तकर अपने आप गी ए बोलिये छिपाए रखेया, ²⁵ “ मनुखे च मेरा अपमान दूर करने दे लेई, प्रभु ने इन दिनों च कृपा - द्ष्टि करिये मेरे लेई ऐसा किता ऐ। ”

²⁶ छठे महीने च परमात्मा दी ओर ता जिब्राईल स्वर्गदूत नासरत नामक गलील दे नगर च, ²⁷ इक कुवारी दे कोल भेजेया गेया जिदी मंगनी यूसुफ नामक इक पुरुष कन्ने होई ही जेड़ा दाऊद दे वंश दा हां, और उस कुवारी दा नाम मरियम ही। ²⁸ और कोल आईये स्वर्गदूत ने उसी बोल्या, “ आनन्द और जय तेरी होये, जिदे उप्पर परमात्मा दा अनुग्रह होया ऐ ! प्रभु तेरे कन्ने ऐ ! ” ²⁹ ओह इस वचन दी सुनिये बड़ी कबराई गेई कि ए किस तरह दा अभिवादन होई सकदा ऐ। ³⁰ फेर स्वर्गदूत ने उसी बोल्या, “ हे मरियम, इन्ना डर नेईं ! क्योंकि तेरे उप्पर परमात्मा दा अनुग्रह होया ऐ। ³¹ देख्ख, तू गर्भवती होगी और इक पुत्तर गी जन्म देगी, और तू उस दा नाम यीशु रखेया। ³² ओह महान् होग, और परमप्रधान दा पुत्तर कैहलाग। प्रभु परमात्मा उदे पिता दाऊद दा सिंहासन उसी देग, ³³ और ओह याकूब दे घराने च अनन्तकाल तकर राज्य करग, और उदे राज्य दा अन्त नेईं होग। ” ³⁴ मरियम ने स्वर्गदूत गी बोल्या, “ ए किन्ना होई सकदा ऐ, क्योंकि में ते कुवारी हां ? ³⁵ स्वर्गदूत ने उसी बोल्या, “ पवित्र आत्मा तेरे उप्पर उतरेगा और परमप्रधान दा सामर्थ्य तेरे उप्पर छाया करेगी; इसलेई ओह पवित्र जेड़ा उत्पन्न होने आला ऐ, परमात्मा दा पुत्तर कैहलाग। ³⁶ और देख्ख, तेरी कुटुम्बिनी इलीशिबा बीचा भी इस बुढ़ापे च इक पुत्तर होने आला ऐ और ए उदा, जेड़ी बांझ कैहलांदी ही, उसी छठवा महीना ऐ। ³⁷ क्योंकि परमात्मा दे लेई कुछ भी असम्भव नेईं ऐ। ” ³⁸ मरियम ने बोल्या, “ देख्ख, में ते प्रभु दी दासी हां। तेरे वचन दे अनुसार ही मेरे कन्ने होए। ” फेर स्वर्गदूत उदे कोला होईये चली गेया।

³⁹ फेर उनी दिनों च मरियम उठिये जल्दी गे पहाड़ी प्रदेश च यहूदा दे इक नगर च गेई, ⁴⁰ और जकरयाह दे कार च प्रवेश करिये उन इलीशिबा गी नमस्कार किता। ⁴¹ ऐसा होया कि ज्यों ही इलीशिबा ने मरियम दा नमस्कार सुनेया, बच्चा उदे गर्भ च उछल पेया और इलीशिबा पवित्र आत्मा कन्ने परिपूर्ण होई। ⁴² उन ऊंची आवाज च पुकारिये बोल्या, “ तू स्त्रियों च धन्य ऐ, और तेरे गर्भ दा फल भी धन्य ऐ ! ⁴³ मेरे उप्पर ए अनुग्रह किन्ना होया कि मेरे प्रभु दी माता मेरे कोल आई ? ⁴⁴ देख्ख, ज्यों ही तेरे नमस्कार दा शब्द मेरे कान च पेया, बच्चा मेरे गर्भ च आनन्द कन्ने उछली पेया। ⁴⁵ धन्य ऐ ओह स्त्री जिन विश्वास किता कि जो कुछ प्रभु ने उसी बोल्या ऐ ओह पूरा होग। ”

⁴⁶ फेर मरियम ने बोल्या, “ मेरा प्राण प्रभु दी बड़ाई करदा ऐ,

⁴⁷ और मेरी आत्मा मेरे उध्दारकर्ता परमात्मा च आनन्दित होई ऐ,

⁴⁸ क्योंकि उन अपनी दासी दी दीन - हीन दशा उप्पर कृपा - द्ष्टि किती ऐ। इसलेई दिखो, हुन ता लेईये युग - युगान्तर दी पीढ़ियाँ मिगी धन्य बोलग।

⁴⁹ क्योंकि उस शक्तिमान ने मेरे लेई बड़े - बड़े काम किते नए। उदा नाम पवित्र ऐ,

⁵⁰ और उदी दया उन्दे उप्पर, जेड़े उदे कोला डरदे नए, पीढ़ी - पीढ़ी तकर बनी रेंदी ऐ।

⁵¹ उन अपना भुजबल दसेया, और जेड़े अपने आप गी बड्डे समझदे ही, उ’नेगी तितर - बितर किता।

⁵² उन राजाओं गी सिंहासन बीचा सूटी ओड़ेया और दिनों गी ऊँचा किता।

⁵³ उन पुख्खे गी ते अच्छी - अच्छी वस्तुओं कन्ने तृप्त किता, और धनवानों गी खाली हाथ कडी ओड़ेया।

⁵⁴ उन अपने सेवक इस्राएल गी सम्भाली लेया कि अपनी उस दया गी स्मरण करे,

⁵⁵ जेड़े अब्राहम और उदे वंश उप्पर सदा रोग, जिन्ना उन साड़े बाप - दादों गी बोल्या हां। ” ⁵⁶ मरियम लगभग तीन महीने उदे कन्ने रेईये अपने कार चली गेई।

⁵⁷ फेर इलीशिबा दे प्रसव दा समय पूरा होया, और उन पुत्तर गी जन्म दिता। ⁵⁸ उदे पड़ोसियों और सम्बन्धियों ने जदू ए सुनेया कि प्रभु ने उदे उप्पर अपनी बड़ी कृपा किती ऐ ते उने उदे कन्ने आनन्द मनाया। ⁵⁹ और ऐसा होया कि आठवें दिन ओह बालक दा खतना करान आए और उदा नाम उदे पिता दे नाम उप्पर जकरयाह रखन लग्गे। ⁶⁰ इदे उप्पर उदी माता ने बोल्या, “ नेईं ! उदा नाम यूहन्ना रखेया जाग। ” ⁶¹ फेर उने उसी बोल्या, “ तुन्दे सम्बन्धियों बीचा किसे दा भी ए नाम नेईं ! ” ⁶² उने उदे पिता गी इशारा करिये पूछेया कि तू उदा नाम के रखना चाना ऐ ? ⁶³ उन लिखने दी तख्ती मंगिये उदे उप्पर लिखेया, “ उदा नाम यूहन्ना ऐ, “ और सारे हेरान होई गए। ⁶⁴ फेर उदा मुँह और जीभ तुरन्त खुली गेई; और ओह बोलने लग्गा और परमात्मा दा धन्यवाद करन लग्गा। ⁶⁵ उस दे आसे - पासे दे सारे रेहने आले उप्पर डर छाई गेया; और उन सारी गल्ले दी चर्चा यहूदिया दे सारे पहाड़ी देश च फैली गेई, ⁶⁶ और सारे सुनने आले ने अपने - अपने मन च विचार करिये बोल्या, “ ए बालक कैसा होए गा ? ” क्योंकि प्रभु दा हाथ उदे कन्ने ही।

⁶⁷ उदा पिता जकरयाह पवित्र आत्मा कन्ने परिपूर्ण होई गेया, और भविष्यदवानी करन लग्गा:

⁶⁸ “ प्रभु इस्राएल दा परमात्मा धन्य हो, क्योंकि उन साड़ी सुधि लेई ऐ और अपने लोके दे छुटकारे दा कार्य पूरा किता ऐ।

⁶⁹ और साड़े लेई अपने सेवक दाऊद दे घराने च उध्दार दा इक सींग कडेया ऐ,

⁷⁰ जिन्ना कि उन प्राचीनकाल च अपने पवित्र नबियों दे मुँह च कहलवाया हां,

⁷¹ कि साड़े शत्रुओं च और साड़े कन्ने बैर रखने आले दे हथ्थे कन्ने साड़ा उध्दार होए,

⁷² कि साड़े बाप - दादों उप्पर दया करिये अपनी पवित्र वाचा दा स्मरण करे,

⁷³ और ओह शपथ जेड़ी उन साड़े पिता अब्राहम च खादी ही,

⁷⁴ कि ओह सानू ए देग कि आहे अपने शत्रुओं दे हाथ च छडोईये,

⁷⁵ उदे सामने पवित्रता और धार्मिकता च जीवन भर निडर रेईये उदी सेवा करदे रहे।

⁷⁶ और तू हे बालक, परमप्रधान दा नबी कैहलाएगा, क्योंकि तू प्रभु दा मार्ग तैयार करने दे लेई उदे अग्गे - अग्गे चलगा,

⁷⁷ कि उदे लोके गी उध्दार दा ज्ञान दे, जेड़े उन्दे पापे दी क्षमा कन्ने प्राप्त होंदा ऐ।

⁷⁸ ए साड़े परमात्मा दी उस दी बड़ी करुणा कन्ने होग; जिदे कारण ऊपरा साड़े उप्पर भोर दा प्रकाश चमकेगा,

⁷⁹ कि अन्धकार और मृत्यु दी छाया च बैठनेआले गी ज्योति दे, और साड़े पैरे गी कुशल दे मार्ग च सीधे चलाए।”

⁸⁰ और ओह बालक बढ़दा और आत्मा च बलवन्त होंदा गेया, और इस्राएल उप्पर प्रगट होने दे दिन तकर जंगले च रेहा।

¹ उन दिने च ऐसा होया कि औगुस्तुस कैसर दी ओर ता आज्ञा निकली कि सारे जगत दे लोके दे नाम लिखे जान ² ए पहली नाम लिखाई उस समय होई, जदू क्विरिनियुस सीरिया दा हाकिम हां। ³ सारे लोक नाम लिखवाने दे लेई अपने अपने नगर च गए। ⁴ अत: यूसुफ भी इसलेई कि ओह दाऊद दे घराने और वंश दा हां, गलील दे नासरत नगर बीचा यहूदिया च दाऊद दे नगर बैतलहम च गेया, ⁵ कि अपनी मंगेतर मरियम दे कन्ने जेड़ी गर्भवती ही, नाम लिखवाए। ⁶ और ऐसा होया कि उन्दे उत्थे रेनदे होई मरियम दे प्रसव दे दिन पूरे होए। ⁷ उन अपने पहलौठे पुत्तर गी जन्म दिता, और उसी कपड़े च लपेटिये चरनी च रखेया, क्योंकि सराय च उन्दे लेई कोई जगह नेईं ही।

⁸ और उस देश च कुछ चरवाहे ही जेड़े राती दे समय मैदान च रेईये अपने झुण्ड दी रखवाली करदे ही। ⁹ और प्रभु दा इक दूत उन्दे कोल आई खलोता, और प्रभु दा तेज उन्दे चारों ओर चमकेया, और ओह बड़े डरी गए। ¹⁰ फेर स्वर्गदूत ने उ’नेगी बोल्या, “ डरो नेईं; क्योंकि दिखो, में तोहे गी बड़े आनन्द दा सुसमाचार सुनाना जेड़े सारे लोके दे लेई होग, ¹¹ कि आज दाऊद दे नगर च तुन्दे लेई इक उध्दारकर्ता जन्मा ऐ, और ओही मसीह प्रभु ऐ। ¹² और इस दा तुन्दे लेई ए पता ऐ कि तोहे इक बालक गी कपड़े च लपेटे दा और चरनी च पेरा दिखगे। ” ¹³ फेर इकाइक उस स्वर्गदूत दे कन्ने स्वर्गदूतों दा दल परमात्मा दी स्तुति करदे होए और ए बोलदे दिखाई दिता,

¹⁴ “ आकाश च परमात्मा दी महिमा और पृथ्वी उप्पर उन मनुखे च जिदे कन्ने ओह खुश ऐ, शान्ति हो। ”

¹⁵ जदू स्वर्गदूत उन्दे कोला होईये स्वर्ग च चली गए, ते चरवाहे आपस च बोलन लग्गे, “ आओ, आहे बैतलहम जाईये ए गल्ल जेड़ी होई ऐ, और जिसी प्रभु ने सानू दसेया ऐ, दिखिये। ” ¹⁶ और उने तुरन्त जाईये मरियम और यूसुफ गी, और चरनी च उस बालक गी पेरा दिखेया। ¹⁷ इनने गी दिखिये ओह गल्ल जेड़ी इस बालक दे विषय च उ’नेगी बोली गेई ही, प्रगट किती, ¹⁸ और सारे सुनने आले ने उन गल्ले गी जेड़ी चरवाहों ने उन्दे कन्ने बोली ही, हेरान किता। ¹⁹ परैन्त मरियम ए सारी गल्ला अपने मन च रखिये सोचदी रेही। ²⁰ चरवाहें, जिन्ना उ’नेगी बोल्या गेया ही, सारा कुछ इन्ना गे सुनेया और दिखिये परमात्मा दी महिमा और स्तुति करदे होए चली गए।

²¹ जिसलै आठ दिन पूरे होए और उदे खतने दा समय आया, ते उदा नाम यीशु रखेया गेया जेड़ा स्वर्गदूत ने उदे पेट च आने कोला पैहले बोल्या ही।

²² जदू मूसा दी व्यवस्था दे अनुसार उन्दे शुध्द होने दे दिन पूरे होए, ते ओह उसी यरूशलेम च लेई गए कि प्रभु दे सामने लेयाचे, ²³ [ जिन्ना कि प्रभु दी व्यवस्था च लिखेया ऐ: “ हर इक पहिलौठा प्रभु दे लेई पवित्र ठहरग। ” ] ²⁴ और प्रभु दी व्यवस्था दे वचन दे अनुसार: “ इक जोड़ा पंडुक या कबूतर दे दो बच्चे गी लेईये बलिदान करन। ”

²⁵ यरूशलेम च शमौन नामक इक मनुख ही, और ओह मनुख धर्मी और भक्त ही; और इस्राएल दी शान्ति दी प्रतीक्षा करा दा ही और पवित्र आत्मा उदे उप्पर ही। ²⁶ और पवित्र आत्मा दे दवारा उदे उप्पर ए प्रकट किता गेया ही कि जदू तकर तू प्रभु दे मसीह गी दिखी नेईं लेगा, अदू तकर मृत्यु गी नेईं दिखी सकदा। ²⁷ ओह पवित्र आत्मा दी प्रेरणा कन्ने मन्दिर च आया, और जदू माता - पिता व्यवस्था दी विधि गी पूर्ण करने दे लेई बालक यीशु गी मन्दिर बीच लेयांदा, ²⁸ उसलै उन बालक गी गोद च लेया और परमात्मा दी स्तुति करदे होए बोल्या:

²⁹ हे स्वामी, हुन तू अपने वचन दे अनुसार अपने दास गी शान्ति कन्ने विदा होन दे,

³⁰ क्योंकि मेरी अख्खे ने तेरे उध्दार गी दिखी लेया ऐ,

³¹ जिदे कन्ने तू सारे देशे दे लोके दे सामने तैयार किता ऐ,

³² कि ओह अन्य जातियों गी प्रकाश देने दे लेई ज्योति, और तेरे निज लोक इस्राएल दी महिमा होए। ”

³³ उस दा पिता और उदी माता इन गल्ले उप्पर जेड़ी उदे विषय च बोली जान्दी ही, हेरान करदे ही। ³⁴ फेर शमौन ने उ’नेगी आशीष देईये, उदी माता गी बोल्या, “ देख्ख, ओह ते इस्राएल च बड़े गे डिगने, और उठने दे लेई, और इक ऐसा चिन्ह होने दे लेई ठहराया गेया ऐ, जिदे विरोध च गल्ला किती जागन - ³⁵ और तलवार कन्ने इत्थू तकर कि तेरा अपना प्राण भी छिद किता जाग - इदे कन्ने बड़े ह्रदय दे विचार प्रगट होन गए।

³⁶ हन्नाह नाम दी इक नबिया ही जेड़ी आशेर - वंशी फनुएल दी बेटी ही। ओह बड़ी बूडी ही, और विवाह होने दे बाद सात वर्ष अपने पति दे कन्ने रह पाई ही। ³⁷ ओह चौरासी वर्ष च विधवा ही: और मन्दिर गी नेईं छोड़दी ही, लेकन उपवास और प्रार्थना करी करिये रात - दिन उपासना किया करदी ही। ³⁸ और ओह उस कड़ी उत्थे आईये प्रभु दा धन्यवाद करने लग्गी, और उन सारे जेड़े यरूशलेम दे छुटकारे दी प्रतीक्षा करा दे ही, उस बालक दे विषय च गल्ला करन लग्गी।

³⁹ जदू ओह प्रभु दी व्यवस्था दे अनुसार सारा कुछ पूरा करी चुके ते अपने नगर गलील दे नासरत च चली गए।

⁴⁰ और बालक बढ़दा, बलवन्त होंदा गेया और बुध्दि कन्ने परिपूर्ण होंदा गेया, और परमात्मा दा अनुग्रह उदे उप्पर हां।

⁴¹ उस दे माता - पिता प्रति वर्ष फसह दे पर्व उप्पर यरूशलेम जाया करदे ही। ⁴² जदू ओह बारह वर्ष दा होया ते ओह पर्व दी प्रथा दे अनुसार यरूशलेम गए। ⁴³ उन दिने गी पूरा करिये जदू ओह कार जा दे ही ते बालक यीशु यरूशलेम च गे रेई गेया और माता पिता इस गल्ल च अनजान ही। ⁴⁴ ए समझिये कि ओह यात्रियों दे दल दे कन्ने होग, ओह इक दिन दे पड़ाव तकर अग्गे निकली गए और उसी अपने सम्बन्धियों और परिचितों दे बीच तुपने लग्गे। ⁴⁵ लेकन जदू ओह नेईं मिलेया ते तुपदे - तुपदे फेर यरूशलेम च चली गए, ⁴⁶ और ऐसा होया कि तीन दिन दे बाद उने उसी मन्दिर च उपदेशकों दे मध्य बैठे दे, उन्दी गल्ला सुन्दे और उ’नेगी प्रश्न करदे होए दिखेया। ⁴⁷ और सारे लोक जेड़े उदी सुना दे ही उस दी समझ और उस दे उत्तरों गी सुनिये हेरान होई गए। ⁴⁸ और जदू उने उसी उत्थे दिखेया ते हेरान होए और उदी माता ने उसी बोल्या, “ बेटा, तू साड़े कन्ने ऐसा व्यवहार क्यों किता ? देख्ख, तेरे पिता और में परेशान होईये तुगी तुपा दे ही। ” ⁴⁹ उन उ’नेगी बोल्या, “ तोहे मिगी क्यों तुपा दे ही ? क्या तोहे नेईं जानदे ही कि मिगी अपने पिता दे कार च होना जरूरी ऐ ? ” ⁵⁰ लेकन उन जेड़ी गल्ल उ’नेगी बोली ओह उसी समझी नेईं सके। ⁵¹ फेर ओह उन्दे कन्ने चलिये नासरत आया और उन्दी अधीनता च बनी रेहा; परैन्त उस दी माता ने ए सारी गल्ला अपने मन च रखी।

⁵² यीशु बुध्दि और डील - डौल च, और परमात्मा तथा मनुखे दे अनुग्रह च बढ़दा गेया।

¹ तिबिरियुस कैसर दे राज्य दे पन्द्रहवें वर्ष च जदू पुन्तियुस पिलातुस यहूदिया दा हाकिम हां, और गलील च हेरोदेस, इतूरैया और त्रखोनीतिस च उस दा परा फिलिप्पुस, और अबिलेने च लिसानियास, चौथाई दे राजा हे, ² और जिसलै हन्ना और कैफा महायाजक ही, उस समय परमात्मा दा वचन जंगल च जकरयाह दे पुत्तर यूहन्ना दे कोल पूजेया। ³ ओह यरदन दे आसे - पासे दे सारे प्रदेश च जाईये, पापे दी क्षमा दे लेई मन फिराव दे बपतिस्मा दा प्रचार करन लग्गा। ⁴ जिन्ना कि यशायाह नबी दे वचनों दी पुस्तक च लिखेया ऐ:

“ जंगल च किसे पुकारने आले दा शब्द होआ दा ऐ कि, “ प्रभु दा रस्ता तैयार करो, और उस दी सड़कें सीधी करो।

⁵ हर इक घाटी भर दिती जान गी, और हर इक पहाड़ और टीला नीचा किता जाए गा; और जेड़ा टेढ़ा ऐ सीधा, और जेड़ा ऊँचा नीचा ऐ ओह चौरस रस्ता बनेगा।

⁶ और सारे प्राणी परमात्मा दे उध्दार गी दिखन गए। ”

⁷ जेड़े भीड़ दी भीड़ उस दे कोल बपतिस्मा लेने दे लेई निकलिये आन्दी ही, उ’नेगी ओह बोल्दा ही, “ हे साँप दे बच्चो, तोहे गी आने आले क्रोध च नसने दे लेई किस ने तोहे गी चेतावनी दिती ऐ ? ⁸ अत: मन फिराव दे योग्य फल लेयाओ, और अपने अपने मन च ए नेईं सोचो कि साड़ा पिता अब्राहम ऐ; क्योंकि में तोहे गी बोलना हां कि परमात्मा इन पत्थरों गी अब्राहम दे लेई सन्तान पैदा करी सकदा ऐ। ⁹ और पेड़ों दी जड़ उप्पर कुल्हाड़ा रखेया होया ऐ, इसलेई जेड़ा जेड़ा पौधा अच्छा फल नेईं लेयान दा, ओह कटेया और आग च सुटेया जाग। ” ¹⁰ फेर लोके उसी पूछेया, “ ते आहे के करिये ? ” ¹¹ उन उ’नेगी उत्तर दिता, “ जिदे कोल दो कुरते होन, ओह उस दे कन्ने जिदे कोल नेईं ऐ बंडी लेन, जिस दे कोल रुट्टी ऐ ओह भी इन्ना गे करे। ¹² कुछ चुंगी लेने आले भी बपतिस्मा लेन आए और उने उसी पूछेया, “ हे गुरु, आस के करिये ? ” ¹³ और उन उ’नेगी बोल्या, “ जिन्ना लेने दी तोहे गी आज्ञा दिती गेई ऐ उस दे कोला ज्यादा लेन दी कोशिश नेईं करो। ¹⁴ और कुछ सैनिक भी उसी ए पूछन लग्गे, “ और साड़ा के, आहे के करिये ? ” उन उ’नेगी बोल्या, “ किसे उप्पर दबाव पाईये उदे कोला पैसा नेईं लो और ना ही किसे उप्पर झूठा दोष लगाओ, परैन्त अपने वेतन च गे सन्तुष्ट रहो। ”

¹⁵ जदू लोके आस लगाई दी ही, और सारे अपने मन च यूहन्ना दे बारे च विचार करा दे ही कि किते ए मसीह ते नेईं, ¹⁶ ते यूहन्ना ने उने सारे गी बोल्या, “ में ते तोहे गी पानी कन्ने बपतिस्मा दिंदा हां, परैन्त ओह आने आला ऐ जेड़ा मेरे कोला ज्यादा शक्तिमान ऐ; में ते इस योग्य भी नेईं कि उदा जूती दा बन्धन खोली सका; ओह ते तोहे गी पवित्र आत्मा और आग कन्ने बपतिस्मा देग। ¹⁷ उस दा सूप, उसदे हाथ च ऐ; और ओह अपना खलिहान अच्छी तरह कन्ने साफ करग; और गेहूँ गी अपने खत्ते च कठा करग; परैन्त भूसी गी उस आग च जेड़ी बुझने दी नेईं जलाई ओड़ग।

¹⁸ अत: ओह बड़ी गे ज्यादा शिक्षा देई देईये लोके गी सुसमाचार सुनादा रेहा। ¹⁹ परैन्त जदू उन चौथाई देश दे राजा हेरोदेस गी उदे परा फिलिपुस दी पत्नी हेरोदियास दे विषय और सारे कुकर्मो दे विषय च जेड़े उन किते ही, उलाहना दिता, ²⁰ ते उन उन्दे सारे कन्ने ए भी किता कि यूहन्ना गी बन्दीगृह च पाई ओड़ेया।

²¹ ऐसा होया कि जदू सारे लोके ने बपतिस्मा लेया ते यीशु ने भी बपतिस्मा लेया, और जदू कि ओह प्रार्थना करा दा हां ते तुरन्त आकाश खुली गेया, ²² और पवित्र आत्मा शारीरिक रूप च कबूतर दे समान उदे उप्पर उतरेआ, और ए आकाशवाणी होई: “ तू मेरा प्रिय पुत्तर ऐ, में तेरे कोला खुश हां। ”

²³ जदू यीशु ने अपनी सेवा शुरू किती ते ओह लगभग तीस वर्ष दा हा। जिन्ना कि समझेया जान्दा ही ओह यूसुफ दा पुत्तर हा, और ओह एली दा, ²⁴ और ओह मत्तात दा, और ओह लेवी दा, और ओह मलकी दा, और ओह हन्ना दा, और ओह यूसुफ दा, ²⁵ और ओह मत्तीत्याह दा, और ओह आमोस दा, और ओह नहूम दा, और ओह असल्याह दा, और ओह नोगह दा, ²⁶ और ओह मात दा, और ओह मत्तीत्याह दा, और ओह शिमी दा, और ओह योसेख दा, और ओह योदाह दा, ²⁷ और ओह युहन्ना दा, और ओह रेसा दा, और ओह जरुब्बाबिल दा, और ओह शालतियेल दा, और ओह नेरी दा, ²⁸ और ओह मलकी दा, और ओह अद्दी दा, और ओह कोसाम दा, और ओह इलमोदाद दा, और ओह एर दा, ²⁹ और ओह येशु दा, और ओह एलीएजेर दा, और ओह योरीम दा, और ओह मत्तात दा, और ओह लेवी दा, ³⁰ और ओह शमौन दा, और ओह यहूदाह दा, और ओह यूसुफ दा, और ओह योनान दा, और ओह एलियाकीम दा, ³¹ और ओह मलेआह दा, और ओह मिन्नाह दा, और ओह मत्तता दा, और ओह नातान दा, और ओह दाऊद दा ³² और ओह यिशै दा, और ओह ओबेद दा, और ओह बोअज़़ दा, और ओह सलमोन दा, और ओह नहशोन दा, ³³ और ओह अम्मीनादाब दा, और ओह अरनी दा, और ओह हिरत्रोन दा, और ओह फिरिस दा, और ओह यहुदाह दा, ³⁴ और ओह याकूब दा, और ओह इसहाक दा, और ओह इब्राहीम दा, और ओह तिरह दा, और ओह नाहोर दा, ³⁵ और ओह सरूग दा, और ओह रऊ दा, और ओह फिलिग दा, और ओह एबिर दा, और ओह शेलाह दा, ³⁶ और ओह केनान दा, और ओह अरफक्षद दा, और ओह शेम दा, और ओह नूह दा, और ओह लिमिक दा, ³⁷ और ओह मथूशिलह दा, और ओह हनोक दा, और ओह यिरिद दा, और ओह महललेल दा, और ओह केनान दा, ³⁸ और ओह एनोश दा, और ओह शेत दा, और ओह आदम दा और ओह परमात्मा दा पुत्तर ही।

¹ फेर पवित्र आत्मा कन्ने परिपूर्ण होईये यरदन च आया और चालीस दिन तकर आत्मा दे सिखाने च जंगल च फिरदा रेहा। ² और शैतान उस दी प्रतीक्षा करदा रेहा। उन दिनों च उन कुछ नेईं खादा, और जिसलै ओह दिन पुरे होई गए, ते उसी पूख लग्गी। ³ फेर शैतान ने उसी बोल्या, “ यदि तू परमात्मा दा पुत्तर ऐ, ते इस पत्थर गी बोल, कि रुट्टी बनी जाए। ⁴ यीशु ने उसी उत्तर दिता, “ लिखेया ऐ: “ मनुख केवल रोटी कन्ने ही जीवित नेईं रेंदा ऐ ”। ⁵ फेर शैतान उसी लेई गेया और उसी पल भर च जगत दे सारे राज्य दसे, ⁶ और उसी बोल्या, “ ए सारा अधिकार और इस दा वैभव में तुगी देई ओड़गा, क्योंकि ए मिगी दिता गेया ऐ और में जिसी चान्दा हां उसी दिंदा हां। ⁷ इसलेई यदि तू मिगी प्रणाम करे, ते ए सब तेरा होई जाग। ” ⁸ यीशु ने उसी उत्तर दिता, “ लिखेया ऐ: तू प्रभु अपने परमात्मा गी प्रणाम कार और केवल उसी दी सेवा कार ”। ⁹ फेर उन यीशु गी यरूशलेम लेई जाईये उसी मन्दिर दी चोटी उप्पर खड़ा किता और उसी बोल्या, “ यदि तू परमात्मा दा पुत्तर ऐ ते अपने आप गी इत्थू सूटी ओड़, ¹⁰ क्योंकि लिखेया ऐ, “ ओह स्वर्गदूतों गी तेरे विषय च ए आज्ञा देग कि ओह तेरी रक्षा करे, ” ¹¹ और ओह तुगी हथ्थों हाथ चुकी लेग, ऐसा ना होये कि तेरे पैर च पत्थर कन्ने ठेस लग्गे। ” ¹² यीशु ने उसी उत्तर दिता, “ ए भी बोल्या गेया ऐ: “ कि तू प्रभु अपने परमात्मा दी परीक्षा नेईं करेया। ” ¹³ जदू शैतान उस दी सारी परीक्षा करी चुकेया, फेर कुछ समय दे लेई उस दे कोला चली गेया।

¹⁴ फेर यीशु आत्मा दे सामर्थ्य च गलील आया और आसे - पासे दे सारे देश च उस दी चर्चा फैली गेई। ¹⁵ ओह उन्दे आराधनालयों च जाईये प्रचार करदा रेहा और सारे लोक उस दी प्रशंसा करदे ही।

¹⁶ फेर ओह नासरत च आया, जित्थे उस दा पालन - पोषण होया ही और अपनी रीती दे अनुसार सब्त दे दिन आराधनालय च जाईये पढ़ने दे लेई खड़ा होया। ¹⁷ और यशायाह नबी दी पुस्तक उसी देई गेई। उन पुस्तक खोलिये ओह जगह कडी जित्थे ए लिखेया ही:

¹⁸ “ प्रभु दा आत्मा मेरे उप्पर ऐ, इसलेई कि उस ने कंगालों गी सुसमाचार सुनाने दे लेई मेरा अभिषेक किता ऐ, और मिगी इसलेई भेजेया ऐ बन्दियों गी छुटकारे दा और अन्ने गी द्ष्टि पाने दा सुसमाचार प्रचार करा और कुचले होये गी छुड़ावा,

¹⁹ और प्रभु दे खुश रेहने दे समय दा प्रचार करा।

²⁰ फेर उन पुस्तक बन्द करिये सेवक दे हाथ च देई दिती और बैठी गेया, और आराधनालय दे सारे लोके दी अख्खा उस दे उप्पर लग्गी रेई, ²¹ और ओह उ’नेगी बोलन लग्गा, “ आज ही ए लेख तुन्दे सामने पूरा होया ऐ। ²² सारे लोके उस दी प्रशंसा किती और जेड़ी अनुग्रह दी गल्ला उस दे मुँह बीचा निकली ही, उन्दे उप्पर हेरान किता; और बोलन लग्गे, “ क्या ए यूसुफ दा पुत्तर ते नेईं ? ²³ उन उ’नेगी बोल्या, “ तोहे मेरे उप्पर ए कहावत जरुर बोलगे कि “ हे वैघ, अपने आप गी अच्छा कार ! जेड़ा कुछ आहे सुनेया कि कफरनहुम च किता गेया ओह इत्थे अपने नगर च भ कार। ” ²⁴ उन बोल्या, “ में तोहे गी सच्च बोल्दा हां कि कोई भी नबी अपने नगर च मान - सम्मान नेई पांदा। ²⁵ लेकन में तोहे गी सच्च बोल्दा हां कि एलिय्याह दे दिने च जदू साढ़े तीन साल तक आकाश बन्द रेहा, इत्थू तकर कि सारे देश च बड़ा आकाल पेया, ते इस्राएल च केई विधवाएं ही, ²⁶ लेकन सैदा देश दे सारपत नगर दी विधवा गी छोड़िये एलिय्याह और किसे दे कोल नेईं भेजेया गेया। ²⁷ और एलिशा नबी दे दिने च इस्राएल च बड़े गे कुष्ट - रोगी हे लेकन सीरिया निवासी नामान दी छोड़िये और कोई शुध्द नेईं किता गेया। ” ²⁸ जदू आराधनालय दे लोके ने ए गल्ला सुनेया ते ओह गुस्से च आई गए, ²⁹ और उने उठिये उसी नगर बीचा बाहर कडी ओड़ेया और जिस पहाड़ी उप्पर उस दा नगर बसेया होया ही, उस दी चोटी उप्पर लेई गए कि उदरा उसी थल्ले सूटी ओड़िये। ³⁰ लेकन ओह उन्दे बीचा निकलिये चली गेया।

³¹ फेर ओह गलील दे इक नगर कफरनहूम च गेया; और सब्त दे दिने च लोके गी उपदेश दिंदा ही। ³² ओह उस दे उपदेश च हेरान होई गए क्योंकि उस दा वचन अधिकार सहित ही। ³³ आराधनालय च इक मनुख ही जिदे च अशुध्द आत्मा ही। ओह ऊंची आवाज च चिल्लाया, ³⁴ “ हे यीशु नासरी, सानु तेरे कोला के काम ? क्या तू सानु खत्म करन दे आया ऐ ? में तुगी जान्दा हां तू कौन ऐ ? तू परमात्मा दा पवित्र जन ऐ ! ” ³⁵ यीशु ने ए बोलिये उसी डाटेया, चुप कार, उस दे बीचा निकली जा ! ” फेर दुष्टात्मा उसी बीच पटकिये बिना हानि पहुंचाए उस दे बीचा निकली गेई। ³⁶ इदे उप्पर सारे लोक हेरान होए और आपस च गल्ला करिये बोलन लग्गे, “ ए किस तरह दा वचन ऐ ? क्योंकि ओह अधिकार और सामर्थ्य कन्ने अशुध्द आत्माओं गी आज्ञा दिंदा हां और ओह निकली जन्दी ही। ” ³⁷ इस तरह चारों ओर हर जगह उस दी चर्चा फैली गेई।

³⁸ फेर ओह उठेया और आराधनालय च निकलिये शमौन दे कार गेया। उत्थे शमौन दी सास तीव्र ज्वर कन्ने पीड़ित ही और उने उस दे लेई उदे अग्गे विनती किती। ³⁹ उस दे कोल खड़े होईये उस ने ज्वर गी डाटेया और ज्वर उतरी गेया, और ओह तुरन्त उठिये उस दी सेवा करन लग्गी। ⁴⁰ सूरज डुबदे समय, जिन - जिन दे उत्थे लोक नाना प्रकार दी बीमारियों च पेरे ही, ओह सारे उ’नेगी लेईये उस दे कोल आए, और उन इक इक उप्पर हाथ रखिये उ’नेगी चंगा किता। ⁴¹ और दुष्टात्माएं भी चिल्लांदी और ए बोल्दी होई निकली गेई, “ तू परमात्मा दा पुत्तर ऐ ! ” लेकन ओह उ’नेगी डांटदे और बोलने नेईं दिंदा हां, क्योंकि ओह जान्दी ही कि ओह मसीह ऐ।

⁴² जदू दिन होया ते ओह निकलिये इक सुनसान जगह च गेया, और भीड़ दी भीड़ उसी तुपदे होए उस दे कोल आई, और उसी रोकन लग्गी कि ओह उन्दे कोल नेईं जान। ⁴³ परैन्त उन उ’नेगी बोल्या, “ मिगी अन्य नगरे च भी परमात्मा दे राज्य दा सुसमाचार सुनाना जरूरी ऐ, क्योंकि में इसी लेई भेजेया गेया हां। ”

⁴⁴ और ओह गलील दे आराधनालय च प्रचार करदा रेहा।

¹ इक समय, जिसलै कि भीड़ परमात्मा दा वचन सुनने दे लेई उदे उप्पर डिगी पोंदी ही, और ओह गन्नेसरत दी झील दे किनारे उप्पर खलोते दा ही, ते ऐसा होया। ² कि उन झील दे किनारे दो किश्तिया खलोते दे दिखी, और मछुवे उन्दे बीचा उतरिये अपने - अपने जाल तोआ दे ही। ³ ओह उन्दे बीचा इक किश्ती जेड़ी शमौन दी ही उदे उप्पर चढ़ी गेया और उसी बोल्या कि किश्ती गी किनारे बीचा कुछ दूरी उप्पर लेई चल। फेर ओह बैठिये लोके गी किश्ती च गे उपदेश देन लग्गा। ⁴ जदू ओह उपदेश खत्म करी चुकेया ते शमौन गी बोल्या, “ किश्ती गी गहरे पानी च लेई चल और मछली पकड़ने दे लेई अपने जाल गी पानी बीच सूटी ओड़। ” ⁵ शमौन ने उसी उत्तर दिता, “ हे स्वामी, आहे सारी रात मेहनत किती और कुछ नेईं फड़ेया; फिर भी तेरे बोलने उप्पर पानी बीच जाल सूटी ओड़ा। ” ⁶ जिसलै उने ऐसा किता, ते बड़ी गे मछलियाँ केरी लेयाए, और उन्दे जाल फटन लग्गे। ⁷ इदे उप्पर उने अपने दोस्ते गी जेड़े दूसरी किश्ती उप्पर ही, विनती किती कि आईये साड़ी सहायता करो, और उन आईये दोनों किश्तियाँ इत्थू तकर परी लेई कि ओह डूबन लग्गी। ⁸ ए दिखिये शमौन पतरस यीशु दे पैरे उप्पर डिगी पेया और बोल्या, “ हे प्रभु, मेरे कोला चली जा, क्योंकि में पापी मनुख हां ! ” ⁹ क्योंकि इन्नी मछलियाँ दे पकड़े जाने च उसी और उदे दोस्ते गी बड़ा हेरान होया, ¹⁰ और वैसे ही जबूदी दे पुत्तर याकूब और यूहन्ना गी भी, जेड़ा शमौन दे सहभागी हे, हेरान होया। फेर यीशु ने शमौन गी बोल्या, “ डर नेईं; हुन ता तू भी मनुखे गी पकड़ा करगा। ” ¹¹ और ओह किश्ती गी किनारे उप्पर लेई आए, और सब कुछ छोड़िये उस दे पीछे चली पए।

¹² जिसलै ओह किसे नगर च ही, ते उत्थे कोढ़ च परे होया इक मनुख आया; और ओह यीशु गी दिखिये मुहँ दे बल डिगेया और विनती किती, “ हे प्रभु, यदि तू चाहे ते मिगी शुध्द करी सकदा ऐ। ” ¹³ उन अपना हाथ बढ़ाया और उसी छुईये बोल्या, “ में चान्दा हां - तू शुध्द होई जा। ” और तुरन्त उदा कोढ़ चली गेया। ¹⁴ उन उसी आज्ञा दिती किसे गी नेईं सुनाया, “ परैन्त जाईये अपने आप गी याजक गी दास और अपने शुध्द होई जाने दे बारे च जिन्ना मूसा ने आज्ञा दिती ही, भेंट चढ़ा कि इदे च उन्दे उप्पर गवाही होए। ” ¹⁵ परैन्त उस दी चर्चा और भी फैलदी गेई, और भीड़ दी भीड़ उस दी सुनने दे लेई और अपनी बीमारियों च चंगा होन दे लेई कठी होई। ¹⁶ परैन्त ओह जंगले च अलग जाईये प्रार्थना किया करदा ही।

¹⁷ इक दिन ऐसा होया कि ओह उपदेश दे दा ही, और फरीसी और व्यवस्थापक उत्थे बैठे दे ही जेड़े गलील और यूहदिया दे हर इक गरा दे और यरूशलेम च आए ही, और चंगा करने दे लेई प्रभु दी सामर्थ्य उस दे कन्ने ही। ¹⁸ उस समय केई लोक इक मनुख गी जेड़ा लकवे दा रोगी ही, खाट उप्पर लेयाए, और ओह उसी कोल लेई जाने और यीशु दे सामने रखने दा उपाय तुपा दे ही। ¹⁹ लेकन जदू भीड़ दे कारण उसी कोल नेईं लेई जाई सके ते उने छत उप्पर चढ़िये और खपरैल हटाईये उसी खाट समेत बीच च यीशु दे सामने उतारी ओड़ेया। ²⁰ उन उन्दा विश्वास दिखिये उसी बोल्या, “ हे मनुख, तेरे पाप माफ होए। ” ²¹ फेर शास्त्री और फरीसी विवाद करन लग्गे, “ ए कौन ऐ जेड़ा परमात्मा दी निन्दा करदा ऐ ? परमात्मा गी छोड़िये और कौन पापे गी क्षमा करी सकदा ऐ ? ” ²² यीशु ने उन्दे मन दी गल्ला जानिये, उ’नेगी बोल्या, तोहे अपने मनों च के गल्ला करा करदे हो ? ²³ के बोलना सरल ऐ, “ क्या ए बोलना कि “ तेरे पाप माफ होए ” या ए बोलना कि “ उठ और चल फेर ? ” ²⁴ परैन्त इसलेई कि तोहे जानो कि मनुख दे पुत्तर गी पृथ्वी उप्पर पाप माफ करने दा भी अधिकार ऐ। ” ²⁵ ओह तुरन्त उन्दे कोला उठेया, और जिदे उप्पर ओह पेरा ही उसी चुकिये, परमात्मा दी बड़ाई करदा होया अपने कार चली गेया। ²⁶ फेर सारे हेरान होए और परमात्मा दी बड़ाई करन लग्गे बड़े डरिये बोलन लग्गे, “ आज आहे अनोखी गल्ला दिखिया नए ! ”

²⁷ इदे बाद ओह बाहर गेया और लेवी नामक इक चुंगी लेने आले गी चुंगी दी चौकी उप्पर बैठे दे दिखेया, और उसी बोल्या, “ मेरे पीछे आई जा। ” ²⁸ फेर ओह सब कुछ छोड़िये उठेया, और उस दे पीछे चली पेया।

²⁹ फेर लेवी ने अपने कार च उस दे लेई इक बड़ा भोज दिता; और चुंगी लेने आले दी ओर अन्य लोके दी जेड़े उस दे कन्ने भोजन करने बैठे हे, इक बड्डी भीड़ ही। ³⁰ इदे उप्पर फरीसी और उन्दे शास्त्री उस दे चेले कन्ने कुड़कुड़ान लग्गे, “ तोहे चुंगी लेने आले और पापियों दे कन्ने क्यों खांदे - पिन्दे हो ? ” ³¹ यीशु ने उ’नेगी उत्तर दिता, “ वैघ भले चंगे दे लेई नेईं, परैन्त बीमारों दे लेई जरूरी ऐ। ³² में धर्मियों गी नेईं, परैन्त पापियों गी मन फिराने दे लेई बुलाने आया हां। ”

³³ उने उसी बोल्या, “ यूहन्ना दे चेले ते बराबर उपवास रखदे और प्रार्थना किया करदे नए, और वैसे ही फरीसियों दे चेले भी, परैन्त तेरे चेले ते खांदे - पिन्दे नए। ” ³⁴ यीशु ने उ’नेगी बोल्या, “ क्या तोहे बरातियों कन्ने, जदू तकर दूल्हा उन्दे कन्ने रहे, उपवास करवा सकदे हो ? ³⁵ लेकन ओह दिन आन गे, जिन्दे दूल्हा उन्दे च अलग किता जाग, फेर ओह उन दिने उपवास रखन गए। ”

³⁶ उन उ’नेगी इक दष्टान्त भी बोल्या: कोई भी मनुख नए कपड़े बीचा टुकड़े फाड़िये पुराने कपड़े च पैवन्द नेईं लगान्दा, नेईं ते नया फटी जाग और ओह पैवन्द पुराने च मेल भी नेईं खाग। ³⁷ और कोई नया दाखरस पुरानी मशकों च नेईं भरदा, नेईं ते नया दाखरस मशकों गी फाड़िये बह जाग, और मशकें भी खराब होई जाग। ³⁸ लेकन नया दाखरस नई मशकों च भरना चायी दा ऐ। ³⁹ कोई मनुख पुराना दाखरस पिये नया नेईं चान्दा क्योंकि ओह बोल्दा ऐ, कि पुराना ही अच्छा ऐ। ”

¹ फेर सब्त दे दिन ओह खेतों बीचा होईये जा दा ही, और उस दे चेले दाने तोड़ी - तोड़िये और हथ्थे च मली - मलिये खन्दे जा दे ही। ² फेर फरीसियों बीचा कुछ बोलन लग्गे, “ तोहे ओह कान क्यों करदे हो जेड़ा सब्त दे दिन करना उचित नेईं ? ” ³ यीशु ने उ’नेगी उत्तर दिता, “ क्या तोहे ए नेईं पढ़ेया कि दाऊद ने जदू ओह और उदे दोस्त पूखे ही ते के किता? ⁴ ओह किन्ना परमात्मा दे कार च गेया, और भेंट दी रुट्टियाँ लेईये खादी, जिनने गी खाना याजकों गी छोड़िये और किसे गी उचित नेईं ही, ⁵ और उन उ’नेगी बोल्या, “ मनुख दा पुत्तर सब्त दे दिन दा भी प्रभु ऐ। ”

⁶ ऐसा होया कि किसे और सब्त दे दिन ओह आराधनालय च जाईये उपदेश देने लग्गा; और उत्थे इक मनुख ही जिस दा दाहिना हाथ सूखा ही। ⁷ शास्त्री और फरीसी इस ताक च ही कि दिखिये ओह सब्त दे दिन चंगा करदा ऐ या नेईं, जिदे च कि उ’नेगी उस दे उप्पर दोष लगाने दा अवसर मिली सके। ⁸ परैन्त ओह उन्दे विचारों गी जान्दा ही, इसलेई उन सूखे हाथ आले गी बोल्या, “ उठिये सामने आ, ” और ओह उठिये खड़ा होया। ⁹ फेर यीशु ने उ’नेगी बोल्या, “ में तोहे गी पूछदा हां कि क्या सब्त दे दिन ठीक करना उचित ऐ या बुरा करना, इक जीवन बचाना या उसी खराब करना ? ” ¹⁰ फेर उन चारों ओर उन्दे सारे गी दिखिये उस मनुख गी बोल्या, “ अपना हाथ बढ़ा। ” उन किन्ना ही किता और उस दा हाथ फेर चंगा होई गेया। ¹¹ परैन्त ओह आपे गे बाहर होईये आपस च गल्ला करन लग्गे कि आहे यीशु दे कन्ने

¹² उने दिने च ओह पाड उप्पर प्रार्थना करने आस्ते गया, ते पिता कने प्रार्थना च पूरी रात मुकाई। ¹³ जेले सवेरा ओया ते ओन्ने अपने चेले लोकां गी बुलाइए बारां गी चुनी लेता ते उने गी प्रेरित अखेया। ¹⁴ ते उन्दे न ये एन शमोन जेडा न उसने पतरस भी रखेया, ते ओस दा प्राह अन्द्रेयास, ते याकूब, ते युहन्ना, ते फिलिपुस, ते बरतुलमै ¹⁵ ते मति, ते थोमा, ते हल्फई दा पुत्तर याकूब, ते शामोन जेडा जेलोतेस केलान्दा हे। ¹⁶ ते याकूब दा पुत्तर यहूदा, ते यहूदा इस्करियोता जेडा उस्गी पकड़ाने आल्ला हा।

¹⁷ ओस वेले ओह उतरिये चोरस रसते च खदोहता, ते ओसदे चेले दि चेले दि बडी भिड सारे यहुधिया यरूशलेम ते सूर ते सैदा दे समंदर दे किनारे बड़े लोक, ¹⁸ ते जेड़े उसदी सुन्नने ते अपनी बीमारीयां कोलं चंगा ओने आस्ते उसदे कोल आयेदे हे ओभी उद्दर हे, ते दुष्ट आत्मा दे सताये भी सारे चंगे ओन्दे हे। ¹⁹ सारे उसी शुना चांदे हे जेके कि ओसदे ओपेरन शकति निकळि हि ते सारे गि चनगे करदा हा।

²⁰ ओस वेले उसने अपने चेलेगी धिखिये अखेया तन हो तोस जेड़े दींन ओह जेके परमेश्वेरें दा राज तुन्दा ए।

²¹ तन ओह तुस जेड़े हुन पुखे ओह सेर किते जगेओ, तन ओह तोस जेड़े हुन रोंदे ओह जेके तोस अस्गेओह।

²² “ धन्य हो तोहे जदू मनुख दे पुत्तर दे कारण लोक तुन्दे कन्ने नफरत करन गए, और तोहे गी कडी ओड़ना ऐ, और तुन्दी निन्दा करन गए, और तुन्दा नाम बुरा जानिये कटी देन गए।

²³ उस दिन तोहे खुश होईये उछलेयो - कूदेयो, क्योंकि स्वर्ग च तुन्दे लेई बड़ा प्रतिफल ऐ, क्योंकि उन्दे पूर्वज भी नबियों दे कन्ने ऐसा ही किया करदे ही।

²⁴ परैन्त हाय तुन्दे उप्पर जेड़े धनवान हो, क्योंकि तोहे अपनी शान्ति पाई चुके।

²⁵ “ हाय तुन्दे उप्पर जेड़े हुन तृप्त हो, क्योंकि तोहे पुखे होन गए। “ हाय तुन्दे उप्पर जेड़े हँसदे हो, क्योंकि तोहे शोक करगे और रोगे।

²⁶ हाय तुन्दे उप्पर जदू सारे मनुख तुन्दी प्रशंसा करन गए, क्योंकि उन्दे बाप - दादे झूठे नबियों दे कन्ने भी इन्ना ही किया करदे ही।

²⁷ परैन्त में तोहे सुनने आले गी बोलना हां कि अपने शत्रुओं दे कन्ने प्रेम करो; जेड़े तुन्दे कन्ने नफरत करन, उन्दा भला करो। ²⁸ जेड़े तोहे गी शाप दिंदे नए, उ’नेगी आशीष देयो, जेड़े तुन्दे कन्ने बुरा व्यवहार करदे नए उन्दे लेई प्रार्थना करो ²⁹ जेड़ा कोई तुन्दे इक गाल उप्पर थप्पड़ मारे उस दी ओर दूआ भी फेरी दो, जेड़ा तुन्दा चोगा तुन्दे कोला खोई लेए उसी कुरता लेने च भी नेईं रोको। ³⁰ जेड़ा कोई तुन्दे कोला मंगे उसी देयो, और जेड़ा कोई तुन्दी वस्तु खोई लेए उस दे कोला फेर नेईं मंगो। ³¹ जिया तोहे चांदे हो कि लोग तुन्दे कन्ने करन, तोहे भी उन्दे कन्ने इया ही करो। ³² यदि तोहे भी अपने प्रेम रखने आले कन्ने प्रेम रखदे हो ते इदे च तुन्दी के बड़ाई ?क्योंकि पापी भी अपने प्रेम करने आले कन्ने प्रेम रखदे ऐ। ³³ यदि तुम भी अपने भलाई करने आले कन्ने भलाई करदे हो ते तुन्दी के बड़ाई ? क्योंकि पापी भी ते एसा ही करदे ऐ। ³⁴ यदि तोहे उने गी ही उधार दिन्दे हो जुड़े कोला पाने दी उमीद रखदे हो ते तुन्दी के बड़ाई ? क्योंकि पापी भी पापियों गी उधार दिन्दे ऐ कि उन्हा गे फेर वापस लैन। ³⁵ लेकन अपने दुश्मनों कन्ने प्रेम रखो, और भलाई करो, और उधार देइए पाने दी पाने दी उमीद नेईं रखो, और तुन्दे लेई बड़ा फल होग, और तोहे परमप्रधान गी बच्चे ठैरगे, क्योंकि ओह उन्दे उप्पर भी जेड़े धन्यवाद नेईं करदे बुरों ते भी दयालु ऐ। ³⁶ जिया तुन्दा पिता दयालु ऐ, इया तोहे ही दयालु बनो।

³⁷ “ दोष नेईं लाओ, ते तुन्दे उप्पर भी दोष नेईं लाया जाग। दोषी न ठराओ, ते तोहे भी नेईं ठराए जागे। क्षमा करो, ते तूने गी भी क्षमा किता जाग। ³⁸ देया करो, ते तोहे गी भी दिता जाग। ओह तुन्दी गोदी च पूरा-पूरा नापिए और दबाईये दबाईये, और लहिए -लहिए कर और उभरता होया पानगे। क्योंकि जिस नाप कन्ने तोहे नापदे हो, उसी नाप कन्ने तुन्दे लेई नापया जाग। ”

³⁹ फेर उन उनेगी इक कहावत केइ “ अन्ना दुए अन्ने गी रस्ता नेईं दसी सकदा ऐ ? के ओह दोने ही खड़े च नेईं दिगनगे ? ⁴⁰ चेला अपने गुरु तो बड़ा नेईं, लेकन जेड़ा पूरा सिद्ध होग, ओह अपने गुरु दे समान होग। ⁴¹ तू अपने परा दे आख दे तिनके गी क्यों दिखना ऐ ? और अपनी ही आख दे लट्ठे गी नेईं समझदा ऐ ? ⁴² जदू तू अपने ही आख दा लट्ठा नेईं दिखदा, ते अपने परा गी किया आखी सकना ऐ, “ हे परा, ठहरी जा तेरी आख चा तिनका कड़ी ओड़ा ? हे कपटी, पैहले अपनी आख च लट्ठा कड़, ते जेड़ा तिनका तेरी परा दी आख च ऐ, उसी सही तरीके कन्ने दिखी सकगा।

⁴³ “ कोई अच्छा बूटा नेईं जेड़ा निकम्मा फल हो, और न ही कोई निकम्मा बूटा जेड़ा अच्छा फल लगदा हो। ⁴⁴ हर इक बूटा अपने फल कन्ने जानया जन्दा ऐ, लोग झाड़ियों च अंजीर नेईं तोडदे और झड़बेरी तो अंगूर। ⁴⁵ भला मनुख अपने मन च भले भण्डार तो भली गल्ला कड़दा ऐ, और बुरा मनुख अपने मन च बुरी गल्ला कड़दा ऐ। क्योंकि जो मन च परोचे दा होए, ओही मुह च निकलदा ऐ।

⁴⁶ “ जदू तोहे मेरा केहना नेईं मनदे ते कैली मिगी ’ हे प्रभु, ’ हे प्रभु ,’ कहनदे हो ? ⁴⁷ जेड़ा कोई नेरे कोल अन्दा ऐ और मेरी गल्ला गी सुनिए मन्दा ऐ, में तोनेगी दसना ओह कूदे बराबर ऐ: ⁴⁸ ओह उस मनुख दे बराबर ऐ जिन अपने कार बनाने समय जमीन गहरी खोदी ए चट्टान ते नीव पाई, और जदू बाढ़ आई और पानी दी धारा उदे कार च लगी ते उसी हिला नेईं सकी क्योंकि ओह पक्का बने दा हां। ⁴⁹ लेकन जेड़ा सुनीये नेईं मन्दा ओह उस मनुख दे बराबर ऐ, जिन मिट्टी ते बगैर नीव दे कार बनाया, जदू उदे ते धारा लगी ते ओह उले ही डिगी गया। ”

¹ जदू ओह लोके कन्ने ए सारी गल्ला बोली चुकेया, ते कफरनहूम च आया। ² उत्थे किसे सूबेदार दा इक दास जेड़ा प्यारा ही, बीमारी च मरने उप्पर ही। ³ उन यीशु दी चर्चा सुनिए यहूदियों दे कई पुरनियों गी उदे अग्गे ए विनती करने गी उदे कोल पेजेया कि आईये मेरे दास गी चंगा कार। ⁴ ओह यीशु दे कोल आए, और उदे अग्गे बड़ी विनती करिये बोलने लग्गे, “ ओह इस योग्य ऐ कि तू उदे लेई ए करे, ⁵ क्योंकि ओह साड़ी जाति कन्ने प्यार करदा ऐ, और उन गे साड़े आराधनालय गी बनाया ऐ। ” ⁶ यीशु उन्दे कन्ने गेया, लेकन जदू ओह कार च थोड़ी दूर गे ही, ते सूबेदार ने उदे कोल कई दोस्ते दे द्वारा आखिए पेजेया, “ हे प्रभु, दुःख ना चूक, क्योंकि में इस योग्य नेईं कि तू मेरी छात दे थल्ले आए। ⁷ इसी कारण में अपने आप गी इस योग्य भी ना समझेया कि तेरे कोल आवा, लेकन वचन ही बोली दे ते मेरा सेवक ठीक होई जाग। ⁸ में भी पराधीन मनुख हां, और सिपाही मेरे हाथ च ऐ; और जदू इक गी बोलना हां, “ जा ” ते ओह जान्दा ऐ; और दुए गी बोलना हां, “ आ ” ते आन्दा ऐ; ओर अपने किसे दास गी कि “ ए कार ” ते ओह उसी करदा ऐ। ” ⁹ ए सुनिए यीशु गी हेरान होया और उन मुँह फेरिये उस भीड़ कन्ने जेड़ी उदे पीछे आ रही ही, उत्थे, “ में तोहे गी सच्च बोलना हां कि में इस्त्राएल च भी ऐसा विश्वास नेईं पाया। ” ¹⁰ और पेजे होए लोके ने कार आईये उस दास गी ठीक दिखेया। ”

¹¹ थोड़े दिन बाद ओह नाईन नाम दे इक नगर च गेया। उदे चेले और बड़ी भीड़ उदे कन्ने जा दी ही। ¹² जदू ओह नगर दे फाटक दे कोल पूजेया, ते दिखो, लोक इक मुरदे गी बारह लेईये जा दे ही; जेड़ा अपनी माँ दा इकलौता पुत्तर ही, और ओह विधवा ही; और नगर दे बड़े गे लोक उदे कन्ने ही। ¹³ उसी दिखिए प्रभु गी तरस आया, और उदे अग्गे बोलेया, “ नेईं रो। ” ¹⁴ फेर उन कोल आईये लाश गी छुता, और चुकने आले ठहरी गए। फेर उन बोल्या, “ हे जवान, में तुगी बोलना हां, उठ ! ” ¹⁵ फेर ओह मुरदा उठी गेया, और बोलन लग्गा। उन उसी उदी माँ गी सौपी दिता। ¹⁶ इदे कन्ने सारे उप्पर डार छाई गेया, और ओह परमात्मा दी बड़ाई करिये बोलन लग्गे, “ साड़े बीच इक बड़ा नबी उठेया ऐ, और परमात्मा ने अपने लोके उप्पर दया किती ऐ। ” ¹⁷ और उदे बारे च ए गल्ल सारे यहूदिया और आसे – पासे दे सारे देश च फैली गई।

¹⁸ यूहन्ना गी उदे चेलों ने इन सारी गल्ले दा समाचार दिता। ¹⁹ फेर यूहन्ना ने अपने चेले बीचा दो गी बुलाईये प्रभु दे कोल ए पूछने दे लेई पेजेया “ क्या आनेआला तू ही ऐ, या आहे किसी और दी इन्तजार करिये ? ” ²⁰ उने उदे कोल आईये बोल्या, “ यूहन्ना बपतिस्मा देनेआले ने सानु तेरे कोल ए पूछने गी पेजेया ऐ कि क्या आनेआला तू ही ऐ, या आहे किसे दुए दा इन्तजार करिये ? ” ²¹ उसी कड़ी उन बड़े दी बिमारियों और पीड़ाओं, और दुष्टात्माओं च छुड़ाया; और बड़े गे अन्ने गी अख्खा दिती; ²² और उन उने’गी बोल्या, “ जेड़ा कुछ तोहे दिखेया और सुनेया ऐ, जानिये यूहन्ना गी बोली दो; कि अन्ने दिखदे नए, लंगड़े चलदे – फिरदे नए, कोढ़ी शुध्द किते जानदे नए, बहरे सुनदे नए, मुरदे जिलाए जानदे नए ,और कंगालों गी सुसमाचार सुनाया जान्दा ऐ। ²³ धन्य ऐ ओह जेड़े मेरे बारे च ठोकर खान। ”

²⁴ जदू यूहन्ना दे पेजे होए लोक चली गए ते यीशु यूहन्ना दे बारे च लोके कन्ने बोलन लग्गा, “ तोहे जंगल च क्या के दिखन गए ही ? क्या हवा च हिलदे होए सरकंडे गी ? ²⁵ ते फेर तोहे के दिखन गए ही ? क्या कोमल कपड़े पाए होए मनुख गी ? दिखो, जेड़ा भड़कीला कपड़ा पाए और सुख विलास च रेंदे नए, ओह राजभवनों च रेंदे नए। ²⁶ ते फेर के दिखन गए ही ? क्या किसे नबी गी ? हाँ, में तोहे गी बोलना हां, लेकन नबी दे भी बड्डे गी। ²⁷ ए ओही ऐ, जिदे बारे च लिखेया ऐ: ‘ दिखो, में अपने दूत गी तेरे अग्गे – अग्गे पेजदा हां, जेड़े तेरे अग्गे तेरा रस्ता सीधा करग। ”

²⁸ में तोहे गी बोलना हां जेड़ी जनानियों च जम्मे नए, उन्दे बीचा यूहन्ना च बड्डा कोई नेईं: लेकन जेड़ा परमात्मा दे राज्य च छोटे तो छोटा ऐ, ओह उदे कोला भी बड्डा ऐ। ” ²⁹ और सारे साधारण लोके ने सुनिए और चुंगी लेनेआले ने भी यूहन्ना दा बपतिस्मा लेईये परमात्मा गी सच्चा मनी लेया। ³⁰ लेकन फरीसियों और व्यवस्थापकों ने उदे कोला बपतिस्मा ना लेईये परमात्मा दे अभिप्राय गी अपने बारे च टाली दिता।

³¹ “ आखिर: में इस युग दे लोके दी उपमा किसी देया कि ओह किदे समान ऐ ? ³² ओह उन बच्चे दे समान ऐ जेड़े बजार च बैठे होए इक दुए कन्ने पुकारिए बोलदे नए, “ आहे ते तुन्दे लेई बांसली बजाई, और तोहे नेईं नचे; आहे ते अफसोस किता, और तोहे नेईं रोए ! ” ³³ क्योंकि यूहन्ना बपतिस्मा देने आला ना रुट्टी खानदा आया, ना दाखरस पिन्दा आया, और तोहे बोलदे हो, ‘ उदे च शैतान ऐ। ’ ³⁴ मनुख दा पुत्तर खानदा – पिन्दा आया ऐ, और तोहे बोलदे हो, ‘ दिखो, पेटू और पियक्कड़ मनुख, चुंगी लेनेआले दा और पापियों दा दोस्त। ” ³⁵ लेकन ज्ञान अपनी सारी बच्चों द्वारा सच्चा ठहराया गेया ऐ। ”

³⁶ फेर किसी फरीसी ने उदे अग्गे विनती किती कि ओह उदे कन्ने रुट्टी करे, आखिर: ओह उस फरीसी दे कार च जाईये रुट्टी खान बैठेया। ³⁷ उस नगर दी इक पापिनी जनानी ए जानिए कि ओह फरीसी दे कार च रुट्टी खाने बैठेया ऐ, संगमरमर दे कटोरे च अपने अथरू लेयाई, ³⁸ और उदे पैर दे कोल, पीछे खड़ी होईये, रोंदी होई उदे पैर गी अथरू कन्ने और अपने बाले कन्ने उदे पैर साफ करन लग्गी, ³⁹ ए दिखिए ओह फरीसी जिन्ने उसी बुलाया ही, अपने मन च सोचन लग्गा, “ अगर ए नबी होंदा ते जानी लेनदा कि ए जेड़ी उसी छुआ दी ऐ, ओह कौन और किसतरह दी जनानी ऐ, क्योंकि ओह ते पापिनी ऐ। ” ⁴⁰ यीशु ने उसी उत्तर दिता, “ हे शमौन, मिगी तुगी कुछ बोलना ऐ। ” ओह बोल्या, “ हे गुरु, बोलो। ” ⁴¹ “ किसी महाजन दे दो देनदार ही, इक पाँज सौ और दूसरा पचास दीनार दा देनदार ही। ⁴² जदू उन्दे कोल पटाने गी कुछ ना रेहा, ते उन दोनों गी माफ करी दिता। इसलेई उन्दे च कौन उदे कोला जादा प्यार करग ? ” ⁴³ शमौन ने उत्तर दिता, ‘ मेरी समझ च ओह, जिदा उन जादा छोड़ी दिता। ” उन उने’गी बोल्या, “ तू ठीक विचार किता ऐ। ” ⁴⁴ और उस जनानी दी ओर फिरिए उन शमौन गी बोल्या, “ क्या तू इस जनानी गी दिखदा ऐ ? में तेरे कार च आया लेकन तू मेरे पैर तोने दे लेई पानी नेईं दिता, लेकन इन मेरे पैर अथरू कन्ने साफ किते और अपने बाले कन्ने भी साफ किता। ⁴⁵ तू मिगी चुमेया नेईं, लेकन जदू ता में आया हां अदू ता इन मेरे पैर दा चूमना नेईं छोड़ेया। ⁴⁶ तू मेरे सिर उप्पर तेल नेईं मलेया, लेकन इन मेरे पैरों उप्पर तेल मलेया ऐ। ⁴⁷ इसलेई में तुगी बोलना हां कि इदे पाप जेड़े बड़े ही, माफ होए, क्योंकि इन बड़ा प्यार किता; लेकन जिदा थोड़ा माफ होया ऐ, ओह थोड़ा प्यार करदा ऐ। ” ⁴⁸ और उन उस जनानी गी बोल्या, “ तेरे पाप माफ होए। ” ⁴⁹ फेर जेड़े लोक उदे कन्ने रुट्टी खाने बैठे ही, ओह अपने अपने मन च सोचन लग्गे, “ ए कौन ऐ जेड़े पापे गी भी माफ करदा ऐ ? ” ⁵⁰ लेकन उन जनानी कन्ने बोल्या, “ तेरे विश्वास ने तुगी बचाई लेता ऐ, आराम कन्ने चली जा। ”

¹ इदे बाद ओह नगर – नगर और गरा – गरा प्रचार करदा होया और परमात्मा दे राज्य दा सुसमाचार सुनादा होया फिरने लग्गा, और ओह बारहा उदे कन्ने ही, ² और कुछ जनानिया भी ही जेड़े दुष्टात्माओं च और बीमारियों च छुड़ाई गई ही, और ओह ए ही: मरियम जेड़ी मगदलीनी कहलांदी ही, जिदे बीचा सात दुष्टात्माएं निकली ही, ³ और हेरोदेस दे भण्डारी खुजना दी जनानी योअन्ना, और सूसन्नाह, और बड़े गे ज्यादा जनानिया। ए अपनी सम्पत्ति कन्ने उदी सेवा करदी ही।

⁴ जदू ज्यादा भीड़ कठी होई और नगर – नगर दे लोक उदे कोल चली आंदे ही, ते उन गुस्से च बोलेया: ⁵ “ इक बोने आला बीज बोने निकलेया। बोंदे होए कुछ रस्ते दे किनारे पेया, और रौंदा गेया, और आकाश दे पक्षियों ने उसी खाई लेया। ⁶ कुछ जमीन उप्पर पेया, और उगेया, लेकन तरी ना मिलने कन्ने सुखी गेया। ⁷ कुछ चाड़ियों दे बीच पेया, और चाड़ियों ने कन्ने – कन्ने होईये उसी दबाई लेया। ⁸ कुछ अच्छी जमीन उप्पर पेया, और उगिये सौ गुणा फल लेयानदा। ए बोलिए उन ऊँचे शब्द कन्ने बोल्या, “ जिदे सुनने दे कान होन ओह सुनी ले। ”

⁹ उदे चेलों ने उसी पुछेया कि इस द्ष्टान्त दा मतलब के ऐ ? ¹⁰ उन बोल्या, “ तोहे गी परमात्मा दे राज्य दे भेदों दी समझ दिती गई ऐ, लेकन लोके गी द्ष्टान्त च सुनाया जांदा ऐ, इसलेई कि ‘ ओह दिखदे होए भी ना दिखन, और सुनदे होए भी ना समझन। ’

¹¹ “ द्ष्टान्त दा मतलब ए ही: बीज परमात्मा दा वचन ऐ। ¹² रस्ते दे किनारे दे ओह ही, जिन्ने सुनेया; फेर शैतान आईये उन्दे मन बीचा वचन चुकी लेई जांदा ऐ कि किते ऐसा ना होए कि ओह विश्वास करिये उध्दार पान। ¹³ चट्टान उप्पर दे ओह नए कि जदू सुनदे ऐ, ते आनन्द कन्ने वचन गी ग्रहण ते करदे नए, लेकन जड़ ना फड़ने कन्ने ओह थोड़ी देर तकर विश्वास करदे नए और परीक्षा दे समय बहकी जांदे नए। ¹⁴ जेडी चाड़ियों च पेया, ए ओह नए जेड़े सुनदे नए, लेकन अग्गे चलिए चिन्ता, और पैसा, और जीवन दे सुखविलास च फसी जांदे नए और उन्दा फल नेईं पकदा। ¹⁵ लेकन अच्छी जमीन दे ओह नए, जेड़े वचन सुनिए पले और उत्तम मन च सम्भाले रेंदे नए, और धीरज कन्ने फल लांदे नए।

¹⁶ “ कोई दीया जलाईये बरतन च नेईं डकदा, और ना मजी दे थल्ले रखदा ऐ, लेकन दीवट उप्पर रखदा ऐ कि कोल आने आले रौशनी पान। ¹⁷ कुछ छिपेया नेईं जेड़ा प्रगट ना होए, और ना कुछ गुप्त ऐ जेड़ा जानेया ना जाए और प्रगट ना होए। ¹⁸ इसलेई सावधान रोवो कि तोहे किस रीति कन्ने सुनदे हो ? क्योंकि जिदे कोल ऐ उसी दिता जाग, और जिदे कोल नेईं ऐ उसी ओह भी लेई लेता जाग, जिदे कन्ने ओह समझदा ऐ। ”

¹⁹ उदी माता और उदे परा उदे कोल आए, लेकन भीड़ दे कारण उदे कन्ने मिली ना सके। ²⁰ उसी बोल्या गेया, “ तेरी माता और तेरे परा बाहर खड़े होए नए, तेरे कन्ने मिलना चानदे नए। ” ²¹ उन इदे उत्तर च उने’गी बोल्या, “ मेरी माता और मेरे परा ए ही नए, जेड़े परमात्मा दा वचन सुनदे और मनदे नए। ”

²² फेर इक दिन ओह और उदे चेले नाव उप्पर चढ़े, और उन उने’गी बोल्या, “ आओ, झील दे पार चले। ” आखिर: उने नाव खोली दिती। ²³ लेकन जदू नाव चला दी ही, ते ओह सोई गेया: और झील उप्पर तूफान आया और नाव पानी च प्रोचन लग्गी और ओह जोखिम च ही। ²⁴ फेर उने कोल आईये उसी जगाया, और बोल्या, “ स्वामी ! स्वामी ! आहे खत्म होई जांदे हां। ” फेर उन उठिए तूफान गी और पानी दी लहरों गी निखरेया और ओह थमी गए और चैन होई गेया। ²⁵ फेर उन उने’गी बोल्या, “ तुन्दा विश्वास कुत्थे हां ? ” लेकन ओह डरी गए और हैरान होईये आपस च बोलन लग्गे, “ ए कौन ऐ जेड़ा तूफान और पानी गी भी आज्ञा दिंदा ऐ, और ओह उदी मनदे नए ? ”

²⁶ फेर ओह गिरसेनियों दे देश च पूजे, जेड़े उस पार गलील दे सामने ही। ²⁷ जदू ओह किनारे उप्पर उतरेया ते उस नगर दा इक मनुख उसी मिलेया जिदे च दुष्टत्माएँ ही। ओह बड़े दिनों च ओह कपड़े नेईं पानदा ही और ना कार रोंदा ही लेकन कब्रें च रेंदा ही। ²⁸ ओह यीशु गी दिखिए चिल्लाया और उदे सामने डिगिये ऊँचे शब्द च बोल्या, “ हे परम प्रधान परमात्मा दे पुत्तर यीशु ! मिगी तेरे कन्ने के काम ? में तेरे अग्गे विनती करदा हां मिगी दर्द ना दे। ” ²⁹ क्योंकि ओह उस अशुध्द आत्मा गी उस मनुख बीचा निकलने दी आज्ञा दे दा ही, इसलेई कि ओह उस पार बार प्रबल होंदी ही। अगर लोक उसी सांकलों और बेड़ियों च बनदे ही फेर भी ओह बन्धनों गी तोड़िये दिंदा ही, और दुष्टात्मा उसी जंगल च नसाए फिरदी ही। ³⁰ यीशु ने उसी पुछेया, “ तेरा के नाम ऐ ? ” उन बोल्या, “ सेना, ” क्योंकि बड़ी दुष्टात्माएँ उदे च बसी गए दी ही। ³¹ उने उदे अग्गे विनती किती कि सानु जंगल च जाने दी आज्ञा दिती। ³² उत्थे पहाड़ उप्पर सूअरों दा इक बड्डा झुण्ड चरा दा ही, इसलेई उने उदे अग्गे विनती किती कि सानु उन्दे च जाने दे। उन उने’गी जाने दिता। ³³ फेर दुष्टात्माएं उन मनुख बीचा निकलिए सूअरे चली गई और ओह झुण्ड कड़ाड़े उप्पर ता झील च जा पेई और डूबी मरेया।

³⁴ चरवाहे ए जेड़ा होया ही दिखिए नसी गए, और नगर च और गरा च जाईये उदा समाचार दिता। ³⁵ लोक ए जेड़ा होया हां उसी दिखने गी निकले, और यीशु दे कोल आईये जिस मनुख च दुष्टात्माएं निकली ही, उसी यीशु दे पैर दे कोल कपड़े पाए दे और ठीक बैठे होए दिखिए डरी गए; ³⁶ और देखनेआले ने उने’गी दसेया कि ओह दुष्टात्माएं दा सताया होया मनुख किस तरह ठीक होया। ³⁷ फेर गिरसेनियों दे आसे – पासे दे सारे लोके ने यीशु अग्गे विनती किती कि साड़े इदरा चली जा; क्योंकि उन्दे उप्पर बड़ा डार छाई गेया ही। आखिर: ओह नाव उप्पर चढ़िये चली गेया। ³⁸ जिस मनुख बीचा दुष्टात्माएँ निकली ही ओह उदे अग्गे विनती करन लग्गा कि मिगी अपने कन्ने रेन दे, लेकन यीशु ने उसी विदा करिये बोल्या, “ ³⁹ “ अपने कार चली जा और लोके गी दास कि परमात्मा ने तेरे लेई किन्ने बड्डे बड्डे काम किते नए। ” ओह जाईये सारे नगर च प्रचार करन लग्गा कि यीशु ने मेरे लेई किन्ना बड्डे – बड्डे काम किते।

⁴⁰ जदू यीशु चली गेया ते लोक उसी आनन्द दे कन्ने मिले, क्योंकि ओह सारे उदा इन्तजार करा दे ही। ⁴¹ इन्ने च याईर नामक इक मनुख जेड़ा आराधनालय दा सरदार ही, आया और यीशु दे पैरों उप्पर डिगिये उदे अग्गे विनती करन लग्गा कि मेरे कार चाल,

⁴² क्योंकि उदे बारहा वर्ष दी इकलौती बैठी ही, और ओह मरने उप्पर ही। जदू ओह जा दा ही, उसले लोक उदे उप्पर डिगी पोंदे ही। ⁴³ इक जनानी ने जिसी बाहरा वर्ष च लहू बहने दा रोग ही, और जेड़ी अपनी साड़ी जीविका पैसे दे पीछे लगाई चुकी ही, फेर भी किसी दे हाथ च ठीक नेईं होई सकी, ⁴⁴ पीछे ता आईये उदे कपड़े गी छुया, और जल्दी उदा लहू बगना बन्द होई गेया। ⁴⁵ इदे उप्पर यीशु ने बोल्या, “ मिग कुन्ना छुया ? ” जदू सारे मुकरने लग्गे, ते पतरस और उदे दोस्तों ने बोल्या, “ हे स्वामी, मिगी ते भीड़ दबा दी ऐ और तेरे उप्पर डिगी पेई ही। ” ⁴⁶ लेकन यीशु ने बोल्या, “ किसी ने मिगी छुया ऐ, क्योंकि में जानी लेता ऐ कि मेरे च सामर्थ्य निकली ऐ।” ⁴⁷ जदू जनानी ने दिखेया कि में छिपी नेईं सकदी, फेर कम्बदी होई आई और उदे पैर उप्पर डिगिये सारे लोके दे सामने दसेया कि उन किस कारण ता उसी छुया, और किन्ना जल्दी ठीक होई गई। ⁴⁸ उन उसी बोल्या, “ बेटी, तेरे विश्वास ने तुगी ठीक किता ऐ, आराम कन्ने चली जा। ” ⁴⁹ ओह ए बोल गे रहा ही किसी ने आराधनालय दे सरदार दे उदरा आईये बोल्या, “ तेरी बेटी मरी गई: गुरु गी दुःख ना दे। ” ⁵⁰ यीशु ने ए सुनिए उसी उत्तर दिता, “ नेईं डार; केवल विश्वास राख, ते ओह बची जाग। ” ⁵¹ कार च आईये उन पतरस, यूहन्ना याकूब, और बेटी दे माता – पिता गी छोड़िये एनी किसी गी अपने कन्ने कोल आन नेईं दिता। ⁵² सारे उदे लेई रोआ पिटा दे ही, लेकन उन बोल्या, “ रोओ नेईं; ओह मरी नेईं लेकन सो रही ऐ। ” ⁵³ ओह ए जानिए कि ओह मरी गई ऐ उदी हँसी करन लग्गे। ⁵⁴ लेकन उन उदा हाथ फड़ेया, और पुकारिए बोल्या, “ हे बेटी, उठ ! ” ⁵⁵ फेर उदे प्राण चली आए और ओह जल्दी उठी बैठी। फेर उन आज्ञा दिती कि उसी कुछ खाने गी दिता जाए। ⁵⁶ उदे माता – पिता हेरान होए, लेकन उन उन’गी बोल्या कि ए जो होया ऐ किसी गी नेईं बोलना।

¹ फेर उन बाहरों गी बुलाईये उने सारे दुष्टात्माओं और बीमारियों गी दूर करन दे लेई सामर्थ्य और अधिकार दिता। ² और उ’नेगी परमात्मा दे राज्य दा प्रचार करने और बीमारों गी चंगा करन दे लेई भेजेया। ³ उन उ’नेगी बोल्या, “ अपनी यात्रा दे लेई कुछ ना लेयो – ना गे लाठी, ना झोली, ना रुट्टी, और ना रूपये – पैसे – इत्थू तकर कि दो – दो कुरते भी नेईं लेई जायो। ⁴ जिस किसे कार च तोहे जागे, उत्थे रहो और उदरा गे विदा होई, जायो। ⁵ और जेड़ा तोहे गी स्वीकार नेईं करग, उस नगर च निकलदे होए अपने पैरे दी धूल चाड़ी ओड़ो कि उन्दे उप्पर गवाही होए। ” ⁶ अंत: ओह निकलिये गरा – गरा सुसमाचार सुनादे होए और हर जगह च लोके गी चंगा करदे होए फिरदे रहे।

⁷ देश दे चौथाई दे राजा हेरोदेस ने ए सब सुनिये कबराई गेया, क्योंकि कुछ लोके ने बोल्या कि यूहन्ना मरे दे बीचा जी उठेया ऐ, ⁸ और कुछ लोके ने ए बोल्या कि एलिय्याह प्रगट होया ऐ, अन्य लोके दे अनुसार पुराने नबियों बीचा इक जी उठेया ऐ। ⁹ हेरोदेश ने बोल्या, “ यूहन्ना दा सिर ते स्वंय में कटवाया ही, लेकन ए मनुख कौन ऐ जिस दे विषय च में ऐसी गल्ला सुनादा हां ? ”और ओह उन उसी दिखने दी इच्छा किती।

¹⁰ जदू प्रेरीत चली गए ते सारा कुछ जेड़ा उने किता ही उसी दसेया। फेर ओह उ’नेगी अपने कन्ने लेईये चुपचाप बैतसैदा नांऽ क नगर च गेया। ¹¹ लेकन भीड़ दे लोके गी पता लगी गेया और ओह उसदे पीछे चली पए। उन्दा स्वागत करिये ओह उन्दे च परमात्मा दे राज्य दी गल्ला करन लग्गा, और जेड़े चंगा होना चान्दे ही उ’नेगी चंगा किता।

¹² जदू शाम होन लग्गी ते बारहों ने उसदे कोल आईये बोल्या, “ लोके गी विदा कार कि ओह आसे – पासे दे गरा और बस्तियों च जाईये अपने लेई रहने गी जगह और खाने गी कुछ तुपी सकें, क्योंकि आहे ते इत्थे सुनसान स्थान च ऐ। ” ¹³ उन उ’नेगी बोल्या, “ तोहे गे उ’नेगी कुछ खाने गी देयो। ” उने बोल्या, “ साड़े कोल पांज रुट्टियाँ और दो मछलियों गी छोड़िये और कुछ नेईं; परैन्त हां, अगर आहे जाईये इन सब लोके दे लेई भोजन मोल लेन, ते होई सकदा ऐ। ” ओह लोक ते पांज हजार पुरुषों दे लगभग ही। ¹⁴ फेर उन अपने चेले गी बोल्या, “ उने पचास – पचास करिये पांति – पांति बैठाई ओड़ो। ” ¹⁵ उने ऐसा गे किता, और सारे गी बैठाई ओड़ेया। ¹⁶ ते उन पांज रुट्टियाँ और दो मछलियों गी लेई, और स्वर्ग आल दिखिए धन्यवाद किता ते उन्दे उप्पर आशीष मंगी और तोड़ी – तोड़ीए चेले गी दिन्दा गेया कि लोके गी देन। ¹⁷ फेर सारे खाईये रजी गए, और चेले ने बचे होए टुकड़े गी बाहरा टोकरियाँ चुकिया।

¹⁸ फेर जदु ओह कल्ले प्राथर्ना कर दा ही और उदे चेले उदे कन्ने ही, ते उ’नेगी पूछेया कि लोक उदे बारे च के बोलदे नए ? ¹⁹ उने उसी उत्तर दिता कि कुछ यूहन्ना बपतिस्मा देने आला, और कुछ एलिय्याह, और कुछ कि पुराने नबीयों च कोई जी उठेया ऐ। ²⁰ उन उ’नेगी पूछेया, “ लेकन तोहे मिगी के बोलदे हो ? ” पतरस ने उत्तर दिता, “ परमात्मा दा मसीह। ” ²¹ लेकन उन उ’नेगी चेतावनी देईये आदेश दिता कि ए गल्ल किसे गी नेईं सुनाया।

²² फेर उन बोलया, मनुख दे पुत्तर दे लेई जरूरी ऐ कि ओह दुःख चुके, और प्राचीनों, महायाजकों, शास्त्रियों उसी तुच्छ समझिये मारी ओड़न, और ओह तीसरे दिन जी उठे।

²³ उन सारे गी बोलया, कि यदि कोई मेरे पीछे आना चाहे, ते अपने आप दा इन्कार करे और रोज अपना क्रूस चूकिए मेरे पीछे होई जाए। ²⁴ क्योंकि जेड़ा कोई अपने प्राण गी बचाग ओह उसी खोग, लेकन जेड़ा कोई मेरे लेई प्राण खोग ओह उसी बचाग। ²⁵ यदि मनुख सारे जगत गी प्राप्त करे और अपना प्राण खोई दे या उस दी हानि उठाए, ते उसी के लाभ होग ? ²⁶ जेड़ा कोई मेरे कन्ने और मेरे वचन कन्ने लज्जित होंदा ऐ, उस दे कोला मनुख दा पुत्तर भी उस समय लज्जित होग जदू ओह अपनी, और अपने पिता दी, और स्वर्गदूतों दी महिमा च आग। ²⁷ लेकन में तोहे गी सही बोलदा हां कि इत्थे कुछ ऐसे खड़े नए जेड़े जदू तकर स्वर्ग दा राज्य ना दिखी लेन अदू तकर मृत्यु दा स्वाद नेईं चखन गए। ”

²⁸ इन गल्ले दे कोई आठ दिन बाद ओह पतरस, यूहन्ना और याकूब गी कन्ने लेईये प्रार्थना करने दे लेई पहाड़ी उप्पर गेया। ²⁹ जदु ओह प्राथर्ना करा दा ही, ते उदे मुंह दा रंग बदली गेया, और उदे कपड़े श्वेत होईये चमकन लगी पे। ³⁰ और दिखो मूसा और एलिय्याह, ए दो मनुख उदे कन्ने गल्ला करा दे ही। ³¹ ए महिमा च प्रकट होईये और उदे मरने दे बारे च गल्ला करा दे ही, जेड़ी यरूशलेम च होने आली ही। ³² पतरस और उदे दोस्ते गी निंदर ने दबाई रखे दा हां, लेकन जदु उन्दी जाग खुली ते उने उदी महिमा गी और उदे कन्ने उने दो मनुखे गी खलोते दिखया। ³³ जदु ओह उदे कोला जान लग्गे ते पतरस ने यीशु गी बोलया, “ हे प्रभु, साडा इत्थे रेना चंगा ऐ: आहे तीन तम्बू खड़े करगे, इक तेरे लेई, इक मूसा लेई और इक एलिय्याह दे लेई ” ओह जानदा नेईं ही कि ए के बोला दा ऐ। ³⁴ ओह ए बोला दा ही कि इक बदल ने आईये उ’नेगी केरी लेया, और ओह बदल च डरी गे। ³⁵ ते उस बदल बिचा आवाज निकली, “ ए मेरा प्रिय पुत्तर ऐ और मेरा चुनया होया ऐ, इस दी सुनो। ” ³⁶ ए वाणी होने दे बाच यीशु कला उत्थे ही; और ओह सारे चुपचाप होई गए और जो कुछ उने दिखया ही उदे बारे च उने ओकड़े दिने गी किसे गी नेईं दसेया।

³⁷ दुए दिन जदु ओह पहाड़ी तो थल्ले उतरे ते इक बड्डी भीड़ उन्दे कन्ने मिली। ³⁸ और दिखो, भीड़ बीचा इक मनुख ने जोरिए बोलया, “ हे गुरु, में तेरे अग्गे विनती करना कि तोहे मेरे पुत्तर उप्पर दया करो, क्योंकि ओह मेरा इकलौता पुत्तर ऐ। ³⁹ और देख, दुष्टात्मा उदे च समाई जान्दी ऐ, और ओह अचानक चिलादा ऐ; और उसी ऐसा मरोड़दी ऐ कि इदे मुह च चाग निकलदी ऐ; और उसी मरोड़ी ए बीमार करी ओड़दी ऐ। ⁴⁰ में तेरे चेले अग्गे विनती किती कि ओह इसी कडन, लेकिन ओह नेईं कडी सके। ” ⁴¹ “ यीशु ने उत्तर दिता, “ हे अविश्वासी और हठीले लोको, में कदू तकर तुन्दे कन्ने रोगा और तुनदिया सेन्दा रोगा ? अपने पुत्तर गी इत्थे लेई आ। ” ⁴² ओह आ रेहा ही कि दुष्टात्मा ने उसी जमीन उप्पर पटकिये और बुरी तरह मरोड़या, लेकन यीशु ने दुष्टात्मा गी डाटेया और मनुख गी ठीक करिए उदे पिता गी सोपी ओड़ेया।

⁴³ ते सारे लोक परमात्मा दी महानता तो हेरान होए। ओह जो कुछ करा दा ही उसी दिखिए सारे लोक हेरान ही, ते उन अपने चेले गी बोलया, ⁴⁴ “ इन्ने गल्ले उप्पर कान लगाओ, क्योंकि मनुख दा पुत्तर लोके दे हाथ च फड़ाए जाने आला ऐ। ” ⁴⁵ लेकन ओह इन्ने गल्ले गी नेईं समझदे ही, और ए गल्ल उन्दे कोला गुप्त रेही कि ओह इसी नेईं समझन, और ओह इस बारे च उसी पूछने तो डरदे ही।

⁴⁶ फेर उन्दे बीच ए विवाद होन लगी पेया कि साड़े बिचा कोन बड्डा ऐ। ⁴⁷ लेकन यीशु ने उन्दे मन दे विचार जानी लेया, और इक बालक गी लेईये अपने कोल खड़ा किता, ⁴⁸ और उन बोलया, “ जेड़ा कोई इस बालक गी मेरे नांऽ कन्ने ग्रहण करदा ऐ, ओह मिगी ग्रहण करदा ऐ और जेड़ा कोई मिगी ग्रहण करदा ऐ, ओह मेरे भेजन आले गी ग्रहण करदा ऐ, क्योंकि जेड़ा तुन्दे च सारे कोला छोटे कोला छोटा ऐ, ओह ही बड्डा ऐ। ”

⁴⁹ ते यूहन्ना ने बोलया, “ हे प्रभु, आहे इक मनुख गी तेरे नांऽ कन्ने दुष्टात्मा गी कडदे दिखेया और आहे उसी मना किता, क्योंकि ओह साड़े कन्ने होइए तेरे पीछे नेईं चलदा। ⁵⁰ यीशु ने बोलया, “ उसी मना नेईं करो; क्योंकि जेड़ा कोई तुन्दे विरोध च नेईं, ओह तुन्दी ओर ऐ। ”

⁵¹ फेर जदु उदे स्वर्ग जाने दा समय लागे आन लगे, ते उन यरूशलेम जाने दा विचार पक्का किता। ⁵² और उन अपने अग्गे दूत भेजे। उने जाईये सामरियों दे इक गरा च प्रवेश किता कि उदे लेई जगह तैयार करन। ⁵³ लेकन उने लोके ने उसी उत्थे उतरन नेईं दिता, क्योंकि ओह यरूशलेम जा दा ही। ⁵⁴ ए दिखिए उदे चेले याकूब और यूहन्ना ने बोलया कि, “ हे प्रभु, क्या तू चाहना ऐ कि आहे आज्ञा देचे, कि आसमान च अग्ग डिगे और इन्ने लोके च भस्म करी दे ? ” ⁵⁵ लेकन उन उ’नेगी डाटेया ( और बोलया, “ तोहे नेईं जानदे कि तोहे केरी आत्मा च हो। क्योंकि मनुख दा पुत्तर लोके दे प्राण गी नाश करन लेई नेईं परैन्त बचान लेई आया ऐ। ” ) ⁵⁶ और ओह किसे दुसरे नगर च चली गे।

⁵⁷ जदु ओह रस्ते च जा दे हे, ते किसे ने बोलया, “ जत्थे – जत्थे तू जागा, में तेरे पीछे चलगा। ” ⁵⁸ यीशु ने बोलया, “ लोमड़ियों दे भट और आकाश दे पक्षियों दे बसेरे होनदे ने, लेकन मनुख दे पुत्तर गी सिर रखन लेई कोई जगह नेई। ” ⁵⁹ उन दुए गी बोल्या, “ मेरे पीछे चल ,” लेकन उन बोल्या, “ हे प्रभु मिगी पैहले जान दे कि में अपने पिता गी दफनाई ओड़ा। ⁶⁰ लेकन उन उसी बोल्या, “ मुर्दो गी अपने मुर्दे दफन करन दे, लेकन तू आईये परमात्मा दे राज्य दी कथा सुना। ” ⁶¹ फेर इक और ने भी बोल्या, “ हे प्रभु, में तेरे पीछे चलगा, लेकन मिगी पैहले जान दे कि अपने कार दे लोके कन्ने विदा लेई आवा। ” ⁶² यीशु ने उसी बोल्या, “ जेड़ा कोई अपना हाथ हल उप्पर रखिये पीछे दिखदा ऐ, ओह परमात्मा दे राज्य दे योग्य नेईं।

¹ फेर इन गल्ले दे बाच प्रभु ने सत्तर और मनुष्य गी नियुक्त किता, और उ’नेगी अपने अग्गे – अग्गे दो दो करिए भेजेया जत्थे ओह आपु जाने आला ही। ² उन उ’नेगी बोल्या, “ पक्के खेत ते बड्डे ने, लेकन मजदूर थोड़े ने, इस लेई खेते दे मालके अग्गे विनती करो कि ओह खेत कटाई करन लेई मजदूर भेजे। ³ जाओ दिखो, में तोहे गी भेड़ो दे समान भेड़ियों दे बीच भेजदा हां। ⁴ इस लेई अपने कन्ने ना ते बटुआ, ना झोली, ना जूते लो, और रास्ते च किसे गी नमस्कार भी नेईं करयो। ⁵ जिस कर च तोहे जाओ, पैहले बोलो, ‘ इस कर दा कल्याण हो। ‘ ⁶ यदि उत्थे कोई कल्याण दे योग्य होग, ते तुन्दा कल्याण उदे उप्पर ठेरग, नेईं ते तुन्दे कोल लोटी आग। ⁷ उसी कार च रहो, और जेड़ा कुछ ओह तोहेगी खान लेई देन उसी गे खाओ और पीयो, क्योंकि मजदूर गी मजदूरी जरुर मिलनी चाए दी ऐ। कार कार नेईं फिरा करो। ⁸ जिस नगर च भी जाओ, जदु ओह तुन्दा स्वागत करन ते जेड़ा कुछ तुन्दे सामने रखेया जाए ओही गे खाएयो। ⁹ उत्थे जेड़ा बीमार होए उ’नेगी चंगा करो और उ’नेगी बोलो, “ परमात्मा दा राज्य तुन्दे कोल आई पूजेया ऐ। ¹⁰ लेकन जिस नगर च तोहे जाओ और लोक तुन्दा स्वागत नेईं करन ते उन्दी गलियों च जाईये बोलो, ¹¹ ‘ तुन्दे नगर दी तूड़ भी, जेड़े साड़े पैरे च लग्गी ऐ, आहे तुन्दे सामने चाड़ी ओड़ने हां; तौभी ए जानी लो कि परमात्मा दा राज्य तुन्दे कोल आई पूजेया ऐ। ” ¹² में तोहे गी बोलना कि उस दिन उस नगर दी दशा कन्ने सदोम दी दशा अधिक सहने योग्य होग।

¹³ “ हाय खुराजीन ! हाय बैतसैदा ! जेड़ा सामर्थ्य दे काम तेरे च किते गए, यदि ओह सूर और सैदा च किते जानदे ते टाट ओढ़िये और राख च बैठिए ओह कदू दे मन फिरांदे। ¹⁴ परैन्त न्याय दे दिन तुन्दी दशा कन्ने सूर और सैदा दी दशा अधिक सहने योग्य होग। ¹⁵ और हे कफरनहूम, क्या तू स्वर्ग तकर ऊँचा किता जागा ? तू ते अधोलोक तक थल्ले चली जागा।

¹⁶ “ जेड़ा तुन्दी सुन्दा ऐ, ओह मेरी सुन्दा ऐ; और जेड़ा तोहे गी तुच्छ जान्दा ऐ; और जेड़ा मिगी तुच्छ जान्दा ऐ, ओह मेरे भेजने आले गी तुच्छ जान्दा ऐ। ”

¹⁷ ओह सत्तर आनन्द करदे होए चली गए और बोलन लग्गे, “ हे प्रभु, तेरे नांऽ च दुष्टात्मा भी साड़े वश च ऐ। ” ¹⁸ उन उ’नेगी बोल्या, “ में शैतान गी बिजली दे समान स्वर्ग बीचा डिगदे दिखा दा हा। ¹⁹ दिखो, “ में तोहे गी साँपो और बिच्छुओं गी कुचलने तथा शत्रु दी सारी सामर्थ्य उप्पर अधिकार दिता ऐ, अत: कोई तोहे हानि नेईं होग। ²⁰ फेर भी इस गल्ल उप्पर खुश नेईं होवो कि आत्मा तुन्दे वश च ऐ ,लेकन इस गल्ल कन्ने खुश होवो कि तुन्दे नांऽ स्वर्ग च लिखे होए नए। ”

²¹ उस समय ओह पवित्र आत्मा च प्रोची गए, और बोलया, हे पिता, स्वर्ग और जमीन दे प्रभु, में तेरा धन्यवाद करना कि तोहे ज्ञानियों और समझदारों तो इन्हे गल्ले गी गुप्त रखेया, और बच्चे उप्पर प्रकट किता। हां, हे पिता, क्योंकि तुगी ए अच्छा लगेया। ²² मेरे पिता ने मिगी सारा कुछ सौपी दिता ऐ; और कोई नेईं जान्दा कि पुत्तर कौन ऐ केवल पिता, और पिता कौन ऐ ए भी कोई नेईं जान्दा केवल पुत्तर दे और ओह जिस उप्पर पुत्तर उसी प्रगट करना चाहे। ”

²³ फेर चेलों दी ओर मुड़िये उन उ’नेगी गुप्त रूप च बोल्या, “ धन्य ऐ ओह अख्खा जेड़ी उन गल्ले गी दिखदी ऐ जिन्ने गी तोहे दिखदे हो, ²⁴ क्योंकि में तोहे गी बोल्दा हां कि तोहे जिन गल्ले गी दिखदे हो उ’नेगी बड़े गे नबियों तथा राजाओं ने दिखना चाहा लेकन नेईं दिखेया, और उन गल्ले गी सुनना चाहा जिन्ने तोहे सुनदे हो, लेकन नेईं सुनेया।

²⁵ और दिखो, इक व्यवस्थापक उठेया और ए बोलिये उस दी परीक्षा करन लग्गा, “ हे गुरु, अनन्त जीवन दा वारिस होने दे लेई में के करा ? ” ²⁶ उन उसी बोल्या, “ व्यवस्था च के लिखेया ऐ ? तू किन्ना पढ़ना ऐ ? ” ²⁷ उन उत्तर दिता, “ तू प्रभु अपने परमात्मा च अपने सारे मन और अपने सारे प्राण और अपनी सारी शक्ति और अपनी सारी बुध्दि दे कन्ने प्रेम रख; और अपने पड़ोसी कन्ने अपने समान प्रेम रख। ” ²⁸ उन उसी बोल्या, “ तू ठीक उत्तर दिता, ए ही कर ते तू जीवित रोगा। ” ²⁹ परैन्त उन अपने आप गी धर्मी ठहराने दी इच्छा कन्ने यीशु गी पूछेया, “ ते मेरा पड़ोसी कौन ऐ ? ” ³⁰ यीशु ने उत्तर दिता, “ इक मनुख यरूशलेम च यरीहो दी जा दा ही कि डाकुओं ने केरिये उस दे कपड़े उतारी ओड़े, और मारी पीटीए उसी अधमरा छोड़िये चली गए। ³¹ और ऐसा होया कि उसी रस्ते च इक याजक जा दा ही, परैन्त उसी दिखिये कतराईये चली गेया। ³² इसी रीति कन्ने इक लेवी उस जगह उप्पर आया, ओह भी उसी दिखिये कतराईये चली गेया। ³³ लेकन इक सामरी यात्री उत्थे आई निकलेया, और उसी दिखिये तरस खादा। ³⁴ उन उस दे कोल आईये उस दे पैरे उप्पर तेल और दाखरस पाईये पट्टियाँ बनियाँ, और अपनी सवारी उप्पर चढाईये सराय च लेई गेया, और उस दी सेवा किती। ³⁵ दूसरे दिन उन दो दीनार कडिये सराय दे मालिक गी दिते, और बोल्या, “ इस दी सेवा करेया, और जो कुछ तेरा और लगग, ओह में वापिस आईये तुगी परी ओड़गा। ” ³⁶ हुन तेरी समझ च जो डाकुओं दे हाथ च पेई गेया ही, इन तीनों बीचा उस दा पड़ोसी कौन ठहरेया ? ” ³⁷ उन बोल्या, ओही जिस ने उस उप्पर दया किती। ” यीशु ने उसी बोल्या, “ जा, तू भी ऐसा कर। ”

³⁸ जदु ओह दे ही ते ओह इक गरा च गेया, और मार्था नांऽ क इक स्त्री ने उसी अपने कार च उतारेया। ³⁹ मरियम नांऽ क उस दी पैन ही। ओह प्रभु दे चरणों च बैठिये उस दा वचन सुनदी ही। ⁴⁰ परैन्त मार्था सेवा करदे करदे कवराई गेई, और उस दे कोल आईये बोलन लग्गी, “ हे प्रभु, क्या तुगी कोई भी चिंता नेई ऐ कि मेरी बहन ने मिगी सेवा करन लेई कली छडी गेई ऐ ? इसलेई उसी बोल कि मेरी साहयता करे। ” ⁴¹ प्रभु ने उत्तर दिता, “ मार्था, हे मार्था; तू बड़ी गे गल्ला दे लेई चिंता करदी और कवराई जानी ऐ। ⁴² लेकन इक गल्ल जरूरी ऐ, और उस उत्तम भाग गी मरियम ने चुन लेया ऐ जेड़ा उस दे कोला छीना नेईं जाग। ”

¹ फेर ऐसा होया कि ओह किसी जगह च प्रार्थना करा दा हां। जदु ओह प्रार्थना करी चुकेया, ते उस दे चेले बीचा इक ने उसी बोल्या, “ हे प्रभु, जिन्ना यूहन्ना ने अपने चेले गी प्रार्थना करना सिखाया वैसे ही सानु भी तू सिखा।

² उन उ’नेगी बोल्या, “ जदु तोहे प्रार्थना करो ते बोलो: ‘ हे पिता, तेरा नाम पवित्र मनेया जाए, तेरा राज्य आए।

³ ‘ साड़ी दिन भर दी रोटी हर दिन सानु देया कर,

⁴ ‘ और साड़े पापे गी क्षमा कर, क्योंकि आहे भी अपने हर इक अपराधी गी क्षमा करदे हा, और सानु परीक्षा च नेईं लेया। ”

⁵ फेर उन उ’नेगी बोल्या, “ तुन्दे च ऐसा कौन ऐ जिस दा इक दोस्त होए, और ओह अधी रात गी उस दे कोल जाईये बोले, ‘ हे दोस्त, मिगी तीन रुट्टियाँ दे। ⁶ क्योंकि मेरा इक दोस्त, यात्रा करदे होए मेरे कोल आया ऐ और मेरा कोल उसी खिलाने दे लेई कुछ भी नेईं; ⁷ ओह कोल आईये उत्तर देईये बोले, “ मिगी नेईं सता; हुन ते द्वार बन्द ऐ और मेरे बच्चे मेरे कन्ने बिस्तर उप्पर पेरे नए: में उठिये तुगी कुछ भी नेईं देई सकदा ’ ? ⁸ में तोहे गी सच्च बोलना हां, यदि उस दा दोस्त होने उप्पर भी उसी उठिये नेईं दे ,फिर उस दे लज्जा छोड़िये मगने दे कारण उसी जिन्नी जरूरत होए उन्नी उठिये देग। ⁹ और में तुन्दे कन्ने बोलना हां कि मगों, ते तोहे गी दिता जाग; टूढगे, ते तोहे पागे; खटखटागे, ते तुन्दे लेई खुलेया जाग। ¹⁰ क्योंकि जेड़ा कोई मगदा ऐ, उसी मिलदा ऐ; और जेड़ा तुपदा ऐ, ओह पान्दा ऐ; और जेड़ा खटखटादा ऐ, उस दे लेई खुलेया जाग। ¹¹ तुन्दे च ऐसा कौन पिता होग, कि जदु उस दा पुत्तर रुट्टी मगे, ते उसी पत्थर देग; या मछली मगे, ते मछली दे बदले उसी साँप देग ? ¹² ये अंडा मगे, ते उसी बिच्छु देग ? ¹³ अत: जदु तोहे बुरे होईये अपने बच्चे गी अच्छे वस्तुएँ देना जानदे हो, ते स्वर्गीय पिता अपने मगने आले गी पवित्र आत्मा क्यों नेईं देग। ”

¹⁴ फेर उन इक गूँगी दुष्टात्मा गी कडेया। जदु दुष्टात्मा निकली गेई ते गूँगी बोलने लग्गी; और लोक बड़े हेरान होए। ¹⁵ लेकन उन्दे च कुछ लोके बोल्या, “ ए ते बालजबूल नामक दुष्टात्मा दे प्रधान दी सहायता कन्ने दुष्टात्माओं गी कडा दा ऐ। ” ¹⁶ अन्य कुछ लोके ने उस दी परीक्षा करने दे लेई उस दे कोला आकाश दा इक चिन्ह मगेया। ¹⁷ लेकन ओह उन्दे विचारों गी जान्दा ही, लेकन उन बोल्या, “ जिस राज्य च फूट पेई गेई होए ओह उजड़ी जन्दा ऐ, और जिस कार च फूट पेई होए ओह नष्ट होई जन्दा ऐ। ¹⁸ अगर शैतान ही अपना विरोधी होई जाए ते उस दा राज्य किन्ना स्थिर रेई सकदा ऐ ? क्योंकि तोहे बोलदे हो कि में बालजबूल दी सहायता कन्ने दुष्टात्मा गी कडदा हां। ¹⁹ अगर में बालजबूल दी सहायता कन्ने दुष्टात्मा गी कडदा हां, ते तुन्दी सन्तान किस दी सहायता कन्ने निकलदी ऐ ? इसलेई ओह ही तुन्दे न्यायी होग। ²⁰ लेकन अगर में परमात्मा दी सहायता कन्ने दुष्टात्मा गी कडदा हां ते परमात्मा दा राज्य तुन्दे कोल आई पूजेया ऐ। ²¹ जदु इक बलवन्त मनुख हथियार बन्दे होए अपने कार दी रखवाली करदा ऐ ते उस दी सम्पत्ति बची रेंदी ऐ। ²² लेकन जदु उस दे कन्ने कोई और बलवन्त चढ़ाई करदे उसी जीती लेनदा ऐ, ते उसी ओह हथियार जिन्दे उप्पर उस दा भरोसा ही, छिनी लेनदा ऐ और उस दी संपत्ति लूटिये बंडी दिन्दा ऐ। ²³ जेड़ा मेरे कन्ने नेईं ओह मेरे खिलाफ ऐ, और जेड़ा मेरे कन्ने नेईं बटोरदा ओह बिखेरदा ऐ।

²⁴ “ जदु अशुध्द आत्मा मनुख बीचा निकली जन्दी ऐ ते सूखी जगह च विश्राम टूढदी ऐ फिरदी ऐ, और जदु नेईं पांदी ते बोल्दी, ‘ में अपने उसी कार च जिन्दे बीचा निकलदी ही चली जागी। ” ²⁵ और आईये उसी झाड़ा – बुहारेया और सजा – सजाया पांदी ऐ। ²⁶ फेर ओह जाईये अपने कन्ने बुरी सात और आत्माओं गी अपने कन्ने लेई आंदी ऐ, और ओह उस दे बीच प्रवेश करदी ऐ, और उस मनुख दी पिछली दशा पैहले कोला भी बुरी होई जन्दी ऐ। ”

²⁷ जदु ओह ऐ गल्ला बोला दा ही ते लोके बीचा किसी स्त्री ने ऊँचे शब्द कन्ने बोल्या, “ धन्य ऐ ओह गर्भ जिस दे च तू रेहा और ओह स्तन जेड़ा तू चूसे। ” ²⁸ उन बोल्या, “ हाँ; परैन्त धन्य ओह ऐ जेड़ा परमात्मा दा वचन सुन्दे और मन्दे नए। ”

²⁹ जदु बड़े कोल कठे होए जा दे हे ते ओह बोलन लग्गा, “ इस युग दे लोक बुरे नए; ओह चिन्ह तुप्दे नए; लेकन योना दे चिन्ह गी छोड़िये कोई और चिन्ह उ’नेगी नेईं दिता जाग। ³⁰ जिन्ना योना नीनवे दे लोके दे लेई चिन्ह ठहरा, इन्ना ही मनुख दा पुत्तर भी इक युग दे लोके दे लेई ठहरग। ³¹ दक्षिण दी रानी न्याय दे दिन इस पीढ़ी दे लोके कन्ने खड़ी होईए उन्दे उप्पर दोष लाग, क्योकि ओह पृथ्वी दे छोर तो लेई ए सुलैमान दा ज्ञान सुनाने दे लेई आई, पर देखो, ए ओह ऐ जेड़ा सुलैमान तो भी बड्डा ऐ। ³² न्याय दे दिन निनवे दे लोक इस समय दे लोके कन्ने खड़े होनगे, उन्दे उप्पर दोष ठैहरान गए; क्योकि उने योना दा प्रचार सुनिए मन फिराया, और देखो, इत्थे ओह ऐ जेड़ा योना कोला बड्डा ऐ।

³³ “ कोई मनुख दीया बालीए तखाने च नेईं रखदा, लेकन दीवट ते रखदा ऐ कि अंदर आने आले गी प्रकाश मिले। ³⁴ तेरी शरीर दा दीया तेरी अख्ख ऐ, इसलेई जदु तेरी अख्ख निर्मल ऐ ते सारा शरीर भी प्रकाशमान ऐ; लेकन जदु ओह बुरी ऐ ते सारा शरीर भी अंधकार ऐ। ³⁵ इसलेई चौकस रेयओ कि जेड़ा उजियाला तेरे च ऐ ओह अंधकार न बनी जाए। ³⁶ इसलेई यदि तेरा सारा शरीर उजियाला हो और उदा कोई भी हिस्सा अन्धेरे च न रे ते सारे दा सारा ईया उजियाला होग, जिन्ना उस समय होंदा ऐ जदु दीया अपनी चमक तो तोहेगी उजाला दिन्दा ऐ।

³⁷ जदु ओह गल्ला कर ही रेहा ही ते किसे फरीसी ने विनती किती कि मेरे इत्थे भोजन कर। ओह अंदर गेया भोजन करन बैठेया। ³⁸ फरीसी ने ए दिखिये हेरान होया कि उन भोजन करने तो पैहले स्नान नेईं किता। ³⁹ लेकन प्रभु ने बोलया, “ हे फरीसियों, तोहे कटोरे और थाली गी उपरा गे साफ करदे हो, लेकन तुन्दे अंदर डकैती और दुष्टता परी ऐ। ⁴⁰ हे मूर्खो, जिस ने बाहर दे भाग गी बनाया, क्या उन अंदर दे भाग गी नेईं बनाया ? ⁴¹ लेकन हां, अंदर दी चीज़े गी दान करो, ते देखो, सारा कुछ तुन्दे लेई शुध्द होई जाग। ⁴² “ लेकन हे फरीसियों, तुन्दे उप्पर हाय ! क्योंकि तोहे पोदीने और सुदाब और सारे तरह दी साग – सब्जियों दा दशमांश ते दिन्दे हो, लेकन न्याय और परमात्मा दे प्रेम गी टाल दिन्दे हो; ऐही ओह गल्ला ऐ जिन्ने गी तोहे अन्य गल्ले दी अवहेलना किते बिना करना चाही दा हां। ⁴³ हे फरीसियों, तुन्दे उप्पर हाय ! क्योकि तोहे आराधनालयों च अग्गे दा स्थान और बाजारों च नमस्कार चानदे हो। ⁴⁴ तुन्दे ते हाय ! क्योकि तोहे उन छिपी दी कब्र दे समान हो, जिदे उप्पर लोक चलदे ने लेकन नेईंजानदे। ”

⁴⁵ ते इक व्यवस्थापक ने उसी उत्तर दिता, “ हे गुरु, तू ए बोलिए साड़ी निन्दा करदा ऐ। ” ⁴⁶ लेकन उन बोल्या, “ तोहे व्य्वस्थाविदों उप्पर भी हाय ! क्योंकि तोहे मनुखे गी ऐसे बोझ कन्ने दबादे हो जिन्ने चूकना मुश्किल ऐ, जदु कि तोहे उन बोझों गी इक उंगली कन्ने भी छूना नेईं चान्दे। ⁴⁷ तुन्दे उप्पर हाय ! क्योंकि तोहे उन नबियों गी कब्रें बनादे हो, जिन्ने तुन्दे ही बाप – दादों ने मारी ओड़ेया ही। ⁴⁸ लेकन तोहे गवाह हो, और अपने बाप – दादों दे कमे कन्ने सहमत हो; क्योंकि उने उ’नेगी मारी ओड़ेया और तोहे उन्दी कब्रें बनादे हो। ⁴⁹ इसलेई परमात्मा दी बुध्दि ने भी बोल्या ही, में उन्दे कोल नबियों और प्रेरितों गी पेजगी, और उन्दे च कुछ गी ते ओह मारी ओड़ना ऐ और कुछ गी सताग। ” ⁵⁰ ताकि जिन्ने नबियों दा लहू जगत दी उत्पति कन्ने बहाया गेया ऐ, सारे दा लेखा इक युग दे लोके कन्ने लेता जाग: ⁵¹ हाबील दी हत्या कन्ने लेईये जकरयाह दी हत्या तकर, जेड़ा वेदी और मन्दिर दे बीच च घात किता गेया। में तुन्दे कन्ने सच्च बोलना हां, इन सारे दा लेखा इसी समय दे लोके कन्ने लेता जाग। ⁵² हाय तोहे व्यवस्थापकों उप्पर ! तोहे ज्ञान दी कुंजी ले ते लेई, परैन्त तोहे आप ही प्रवेश नेईं किता, और प्रवेश करने आले गी भी रोकी ओड़ेया।

⁵³ जदु ओह उदरा निकलेया, ते शास्त्री और फरीसी बुरी तरह उस दे पीछे पेई गए और छेड़न लग्गे कि ओह बड़ी गे गल्ले दी चर्चा करन, ⁵⁴ और घात च लग्गे रहे कि उस दे मुँह दी कोई गल्ल पकड़ी सकन।

¹ इन्ने च जदु हजारों दी भीड़ लग्गी गेई, इत्थे तकर कि ओह इक दुसरे उप्पर डिगी पोंदे ही, ते ओह सारे कोला पैहले अपने चेलों गी बोलदे ही, “ फरीसियों दे कपटरूपी खमीर कन्ने सावधान रेहो। ² कुछ ढकेया नेईं, जेड़ा खुलेया नेईं जाग; और नेईं कुछ छिपेया ऐ, जेड़ा जानेया नेईं जाग। ³ इसलेई जेड़ा कुछ तोहे नेरे च बोल्या ऐ, ओह उजाले तो सुनेया जाग; और जेड़ा तोहे कोठरियों च कानों कान बोल्या ऐ, ओह छत उप्पर ता प्रचार किता जाग।

⁴ हे ! मेरे दोस्तों, में तुन्दे कन्ने बोलना हां, उन्दे कोला नेईं डरो जेड़े शरीर गी घात करदे नए लेकन इस दे पीछे और कुछ नेईं करी सकदे। ⁵ में तोहे गी चेतावनी देईये बोलना हां कि तोहे गी किस दे कोला डरना चाही दा ऐ, घात करने दे बाद जिसी गी नरक च सूटने दा अधिकार ऐ, उस दे कोला डरो; हाँ, में तोहे गी बोलना हां कि उस दे कोला डरो। ⁶ क्या दो पैसे च पांज गौरैय्यां नेईं बिकदी ? फेर भी परमात्मा उन्दे च किसी इक गी भी नेईं पुलदा। ⁷ तुन्दे सिर दे सारे बाल भी गिने गे नए इसलेई डरो नेईं, तोहे बड़े गौरैय्यों तो बढ़िया हो।

⁸ “ में तोहे गी बोलना हां जेड़ा कोई मनुखे दे सामने मिगी मनी लेग उसी मनुख दा पुत्तर भी परमात्मा दे स्वर्गदूतों दे सामने मनी लेग। ⁹ लेकन जेड़ा मनुखे दे सामने मेरा इन्कार करग उस दा परमात्मा दे स्वर्गदूतों दे सामने मेरा इन्कार किता जाग।

¹⁰ जेड़ा कोई मनुख दे पुत्तर दे विरोध च कोई गल्ल बोले, उस दा ओह अपराध क्षमा किता जाग, लेकन जेड़ा पवित्र आत्मा दी निन्दा करग, उस दा अपराध क्षमा नेईं किता जाग।

¹¹ जदु लोक तोहे गी सभाओं और हाकिमों और अधिकारियों दे सामने लेई जान, ते चिन्ता नेईं करेयो कि आहे किसे रीति कन्ने या के उत्तर देचे, या के बोले। ¹² क्योंकि पवित्र आत्मा उस कड़ी तोहे गी सिखाई ओड़ग कि के करना चाही दा ऐ।

¹³ फेर लोके बीचा इक ने उ’नेगी बोल्या, “ हे गुरु, मेरे परा गी बोल कि पिता दी सम्पति मेरे कन्ने बंडी ले। ” ¹⁴ उन उसी बोल्या, “ हे मनुख, किसे ने मिगी तुन्दा न्यायी या बंडने आला नियुक्त किता ऐ ? ” ¹⁵ और उन उ’नेगी बोल्या, “ सावधान रहो, और हर प्रकार दे लाभ कन्ने अपने आप गी बचाए रखो; क्योंकि किसे दा जीवन उस दी सम्पति दी बहुतायत कन्ने नेईं होंदा। ”

¹⁶ फेर उन उ’नेगी इक दष्टान्त बोल्या, “ किसे धनवान दी भूमि च बड़ी उपज होई। ¹⁷ फेर ओह अपने मन च विचार करन लग्गा, ‘ में के करा ? क्योंकि मेरे इत्थे जगह नेईं जित्थे अपनी उपज इत्यादि रखा। ¹⁸ और उन बोल्या, “ में के करगा: में अपनी बखारियाँ तोड़िये बड्डी बनागा; और उत्थे अपना सारा अन्न और सम्पति रखगा। ¹⁹ और अपने प्राण गी बोलगा कि प्राण, तेरे कोल बड़े वर्षो दे लेई बड़ी सम्पति रखी ऐ; चेन कर, खा, पि, सूखी कन्ने रह। ” ²⁰ लेकन परमात्मा ने उसी बोल्या, “ हे मुर्ख ! इसी रात च तेरा प्राण तेरे कोला लेता जाग; फेर जो कुछ तू कठा किता ऐ ओह किस दा होग ? ” ²¹ ऐसा ही ओह मनुख भी ऐ जो अपने लेई धन बटोरदा ऐ, लेकन परमात्मा दे नजर च धनी ऐ। ”

²² फेर उन अपने चेलों गी बोल्या, “ इसलेई में तोहे गी बोलना हां, अपने प्राण दी चिन्ता नेईं करो कि आहे के खागे; ना अपने शरीर दी कि के पागे। ²³ क्योंकि रुट्टी कन्ने प्राण, और कपड़े कोला शरीर बढ़िया ऐ। ²⁴ कौवों उप्पर ध्यान देयो, क्योंकि ओह ना बोते, ना कटदे ऐ; और ना उन्दे कोल भण्डार और खत्ता होंदा ऐ; फिर भी परमात्मा उ’नेगी पालदा ऐ। तुन्दा मूल्य पक्षियों तो जादा अधिक ऐ ! ²⁵ तुन्दे च ऐसा कौन ऐ जेड़े चिन्ता करदे नए अपनी उम्र च इक कड़ी भी बढ़ाई सकदा ऐ ? ²⁶ इसलेई यदि तोहे सारे कोला छोटा काम भी नेईं करी सकदा ऐ, ते और गल्ले दे लेई केली चिन्ता करदे हो ? ²⁷ सोसनों दे पोधे उप्पर ध्यान करो कि ओह किन्ना बढ़दे नए: ओह ना परिश्रम करदे, ना कातते ऐ; फेर भी में तोहे गी बोलना हां कि सुलैमान भी अपने सारे वैभव च, उन्दे च किसे इक दे समान कपड़े पाए दे नेईं ही। ²⁸ इसलेई यदि परमात्मा मैदान दी घास गी, जो आज ऐ और कल भीड़ च झोंकी जाग, ऐसा पैह्नादा ऐ; ते हे अल्प विश्वासियो, ओह तोहे गी क्यों नेईं पैहनाग ? ²⁹ और तोहे इस गल्ल दी खोज च नेईं रहो कि के खागे और के पीगे, और ना सन्देह करो। ³⁰ क्योंकि संसार दी जातियां इन सारी वस्तुओं दी खोज च रेंदी ऐ: और तुन्दा पिता जान्दा ऐ कि तोहे गी इन वस्तुओं दी जरूरत ऐ। ³¹ लेकन उदे राज्य दी खोज करो, ते ए वस्तुएं भी मिली जाग।

³² “ हे छोटे झुण्ड, मत डर; क्योकि तुन्दे पिता गी ए भाया ऐ, कि तोहे गी राज्य दे। ³³ अपनी जायेदाद बेचिए दान कर दे। और अपने लेई एहे बटुए बनाओ जेड़े फटदे नेईं, मतलब स्वर्ग च ऐसा धन कठ्ठा करो जेड़ा घटदा नेईंऔर जिदे लाग्गे चोर नेईंजानदा, और ना उसी कीड़ा बिगाड़दा ऐ। ³⁴ क्योकि जित्थे तुन्दा धन ऐ उत्थे तुन्दा मन भी लग्गी रोग।

³⁵ “ तुन्दी कमर कसी रहे और तुन्दा दीये जल्दे रोन। ³⁶ और तोहे उस मनुख दे समान बनों, जो अपने स्वामी दी बाट दिखदे ने कि ओह कदु विवाह च वापस लौटग, कि जदु ओह आग दरबाजा खटखटाग ते तुरन्त उदे लेई खोली देयो। ³⁷ धन्य ऐ ओह दास जिसी स्वामी आईये जागदे पानदा ऐ; में तोहेगी सच्च – सच्च बोलना कि ओह अपनी कमर कसिए उदी सेवा करग और उसी भोजन करन लेई बैठाग, और कोल आईए उदी सेवा करग। ³⁸ चाहे ओह रात दे दुसरे पहर या तीसरे पहर च आए उ’नेगी जाग दा दिखग, ते ओह दास धन्य ऐ। ³⁹ लेकन तोहे ए जानी लो कि यदि कार दा स्वामी जानदा होए कि चोर किस कड़ी आग, ते जागदा रेनदा और कार च सेंध ना लगन दिन्दा। ⁴⁰ तोहे भी तैयार रहो; क्योकि मनुख दा पुत्तर उस कड़ी आ रेहा ऐ जिसी बारे च तोहे सोचदे भी नेईं हो। ”

⁴¹ पतरस ने बोलया, “ हे प्रभु, क्या तू ए कहावत साड़े लेई बोलदा ऐ या सारे लोके कन्ने ? ” ⁴² प्रभु ने बोलया, “ ओह विश्वासयोग्य और समझदार भण्डारी कौन ऐ, जिदा स्वामी उसी सेवकों दे उप्पर सरदार ठैरानदा ऐ कि उ’नेगी समय ते भोजन – सामग्री दे। ⁴³ धन्य ऐ ओह दास, जिस गी उस दा स्वामी आईये ऐसा ही करदे पाए। ⁴⁴ में तोहे गी सच्च बोलना हां, ओह उसी अपनी सारी जायदात उप्पर अधिकार ठैहराग। ⁴⁵ लेकन यदि ओह दास सोचन लग्गे कि मेरा स्वामी आने च देर करा दा ऐ, और दासों और दासियों गी मारने – पिटन लग्गे, और खाने – पीने और पियक्कड़ होन लग्गे। ⁴⁶ ते उस दास दा स्वामी ऐसे दिन, जदु ओह उस दी बाट जोहदा ना रहे, और ऐसी कड़ी जिसी ओह जान्दा नेईं होए, आई जाग और उसी पारी दण्ड देईये उस दा भाग अविश्वासियों दे कन्ने ठैहराग। ⁴⁷ ओह दास जेड़ा अपने स्वामी दी इच्छा जान्दा ही, और तैयार ना रेहा और ना उस दी इच्छा दे अनुसार चलेया, बड़ी मार खाग। ⁴⁸ लेकन जेड़ा नेईं जानिये मार खाने दे योग्य काम करग ओह थोड़ी मार खाग।

⁴⁹ में पृथ्वी उप्पर आग लगाने आया हां; और क्या चानदा ऐ केवल ए कि हुन सुलग जन्दी ! ⁵⁰ मिगी ते इक बपतिस्मा लेना ऐ, और जदु तकर ओह नेईं होई जाए अदू तकर में कैसी व्यथा च रोगा। ⁵¹ क्या तोहे समझदे हो कि में पृथ्वी उप्पर मिलाप कराने आया हां ? में तोहे गी बोलना हां; नेईं, लेकन अलग कराने आया हां। ⁵² क्योंकि हुन ता इक कार च पांज जन आपस च विरोध रखन गए, तीन दो कन्ने और दो तीन कन्ने। ⁵³ पिता पुत्तर कन्ने, और पुत्तर पिता कन्ने विरोध रखग; माँ बेटी कन्ने, और बेटी माँ कन्ने, सास बहू कन्ने, और बहू सास कन्ने विरोध रखग। ”

⁵⁴ उन लोके कन्ने भी बोल्या, “ जदु तोहे बादल गी पश्चिम कन्ने उठदे दिखदे हो ते तुरन्त बोलदे हो कि वर्षा होग, और ऐसा ही होंदा ऐ; ⁵⁵ और जदु दक्षिणी हवा चलदी दिखदे हो ते बोलदे हो कि लूह चलग, और ऐसा ही होंदा ऐ। ⁵⁶ हे कपटियो, तोहे धरती और आकाश दे रूप – रंग च भेद करी सकदे हो, लेकन इस युग दे विषय च क्यों भेद करना नेईं जानदे ?

⁵⁷ “ तोहे आप ही निर्णय क्यों नेईंकरी लेनदे कि उचित क्या ऐ ? ⁵⁸ जदु तू अपने वादी दे कन्ने हाकिम दे कोल जा दा ऐ ते मार्ग ही च उस दे छूटने दा यत्न करी ले, ऐसा ना होए कि ओह तुगी न्यायी दे कोल खीची लेई जाए, और न्यायी तुगी सिपाही गी सौंपे और सिपाही तुगी बन्दीगृह च पाई दे। ⁵⁹ में तोहे गी बोलना हां कि जदु तकर तू दमड़ी – दमड़ी परी ना देग अदू तकर उरदा छूटन नेईं पाग।

¹ उस समय कुछ लोक आ पूजे, और उदे कन्ने उन गलीलियों दे बारे चर्चा करन लग्गी पे, जिदा लहू पिलातुस ने उन्दे ही बलिदानों कन्ने मिलाया ही। ² उन उत्तर दिन्दे होए बोलया, “ क्या तोहे समझदे हो कि ए गलीली और सारे गलीलियों कोला ज्यादा पापी हे कि उन्दी ए दशा होई ? ” ³ में तोहे गी बोलना हां कि नेईं; लेकन यदि तोहे मन नेईं फिरागे ते तोहे सारे भी इसी प्रकार खत्म होई जागे। ⁴ या, क्या तोहे समझदे हो कि ओह अठारह जन जिन्दे उप्पर शिलोह दा गुम्मट डिगेया और दबिये मरी गए, यरूशलेम च रहने आले कन्ने ज्यादा अपराधी हे ? आया, लेकन उसी कुछ नेईं मिलेया। ⁵ मै तुन्दे कोला अखदा हाँ के नि, लेकेन अगर तुस मन नि फिरागेयों ते तोस सारे भी इयों जेया गे नष्ट ओगेयों।

⁶ फेर उसने इक और दृष्टान्त आखेया के, कुसे दे अंगूर दे बगीचे च अंजीर दा बूटा लगे दा हा ते ओह फल दिखने आस्ते आया लेकन केश भी ने लाबेया। ⁷ फेर उन बारी दे रखवाले गी बोल्या, ‘ देख, तीन वर्ष च में इस अंजीर दे पेड़ च फल तुपने आया हां लेकन कुछ नेईं पाया। इसी कटी ओड़ कि ए भूमि गी भी केली केरे दा ऐ ? ‘ ⁸ उन उसी उत्तर दिता, ‘ हे स्वामी, इस साल भी रेहने दे, में इदे चारे पासे खोदीए खाद पागा। ⁹ यदि ए अग्गे फल देग ते ठीक ऐ, नेईं ते इसी कटी ओड़या’। ”

¹⁰ सब्त दे ओह इक आराधनालय च उपदेश कर दा ही। ¹¹ दिखो, उत्थे इक स्त्री ही जिसी अठारह साले तो इक दुष्टात्मा ने रोग – ग्रस्त कर रखेया ही, और ओह कुबड़ी हो गई ही और किसी चला तो सीधी नेईं हो सकदी ही। ¹² यीशु ने उसी दिखिए बलाया और बोलया, “ हे नारी, तू अपने रोग तो मुक्त गेई ऐ। ¹³ फेर उन उस दे उप्पर हाथ रखेया; ओह तुरन्त ही सीधी होई गेई और परमात्मा दी महिमा करन लग्गी। ¹⁴ इसलेई कि यीशु ने सब्त दे दिन उसी ठीक किता हां, आराधनालय दा सरदार रिसियाकर लोके गी बोलन लग्गा, “ छ: दिन ऐ जिन्दे च काम करना चाही दा ऐ, लेकन उन ही दिनों आईये चंगे होवो परैन्त सब्त दे दिन च नेईं। ” ¹⁵ लेकन प्रभु ने उत्तर दिता, “ हे पाखण्डियो, क्या तोहे गी हर मनुख सब्त दे दिन अपने बैल या गदहे गी थान तो खोलिए पानी पलाने नेई लेई जनदे ? ¹⁶ ए स्त्री ते इब्राहिम दी बेटी ऐ जिसी शैतान ने अठारह साले तकर बनिए रखया ही, इस बन्धन तो आजाद होना के सब्त दे दिन जरूरी नेई ? ” ¹⁷ जदु उन ए सारी गल्ला बोलिया, ते उदे सारे विरोधी लज्जित होई गे, और सारी भीड़ ने महिमा दे उन सारे कामो तो जेड़े ओह करदा हां, खुश होए।

¹⁸ फेर उन बोलया, “ परमात्मा दा राज्य कुदे बराबर ऐ ? और में उदी बराबरी कुदे कन्ने करा ? ¹⁹ ओह उस खमीर दे बराबर ऐ, जिन किसे स्त्री ने लेईए तीन पसेरी आटे च मिलाया, और सारा आटा खमीर होए गेया।

²⁰ ओह नगर – नगर, और ग्रा – ग्रा होनदे उपदेश करदे होए यरूशलेम जा रहा हां। ²¹ ते किसे ने उसी पूछया, हे प्रभु, के मुक्ति पाने आले थोड़े ही ऐ ? ” उन उसी उत्तर दिता,

²² “ सकेत रास्ते तो प्रवेश करने दा यत्न करो क्योकि में तोहे गी बोलना, कि बड़े ऐ जेड़े प्रवेश करने दा यत्न ते करन गे लेकन सफल नेई होन गे। ²³ जदु कार दा मालक उठिए दरबाजे बंद करी ओड दा ऐ और तोहे बाहर खडोते दे दरबाजा खटकानदे बोलगे कि, हे प्रभु, साड़े लेई खोली दे, ते ओह तोहेगी बोलगा, में तोहेगी नेईं जानदा, तोहे कुथू दे हो ? ” ²⁴ ते तोहे बोलगे, ‘ आहे तेरे कन्ने खादा – पीता और तोहे साड़ी गलियों च उपदेश किता। ²⁵ लेकन ओह बोलग, में नेईं जानदा कि तोहे कुदर दे हो। हे सारे कुकर्मियो, मेरे कोला दूर होए जाओ ! ‘ ²⁶ उत्थे रोना और दांत पिसना होग; जदु तोहे अब्राहम, और इसहाक और याकूब और सारे नबियों गी परमात्मा दे राज च बैठे, और अपने आप गी बाहर निकले होए दिखगे; ²⁷ और पूर्व और पश्चिम; उत्तर ते दक्षिण तो लोक आईए परमात्मा दे राज्य दे भोज च शामिल होनगे। ²⁸ और दिखो, कुछ पीछे ऐ ओह प्रथम होनगे, और कुछ प्रथम ऐ ओह पीछे होनगे। ²⁹ ठीक उस बेले, कुछ फरीसीयों ने आईए उसी बोलया, “ इत्थु निकलिए चला जा, क्योकि हेरोदेस तुही मरना चाहंदा ऐ। ” ³⁰ उन उ’नेगी बोलया, “ जाईए उस लोमड़ी गी बोली ओड़ कि में आज ते कल दुष्टाआत्मो दी कडीये और रोगियों गी चंगा करिए और तरिये दिन अपना लक्ष्य पूरा करगा।

³¹ तामी मिगी आज, कल और परसों चलना जरूरी ऐ, क्योकि ए होई नेईं सकदा कि कोई नबी यरूशलेम दे बाहर मारा जाए। ³² “ हे यरूशलेम ! हे यरूशलेम ! तू जेड़ा नबियों गी मारी ओड़ दा ऐ, और जेड़े तेरे कोल भेजे गे उन्दे उप्पर पथराव करना ऐ। किनी बारी में ए चाहा कि जिस चली मुर्गी अपने बच्चे गी अपने पंखो च कटठठा करदी ऐ, इसी चली में भी तेरे बलके गी कठा करा लेकन तू ए नेईं चाहया। ³³ दिखो, तुन्दा कार तुन्दे लेई उजड़ा छोड़ा जान्दा ऐ और में तोहेगी बोलना, जदु तकर तोहे ए नेईं बोलगे कि, ‘ धन्य ऐ ओह, जेड़ा प्रभु दे ना च अन्दा ऐ ! ” अदू तकर तोहे मिगी फेर नेईं दिखगे।

³⁴ ऐ एरुसेलेम, ऐ एरुसेलेम तू जेकी पविश्येवेक्ताएगी मारी सूटदा ए, ते जेड़े तेरे कोल पेजे गे, उने पथराव करदे ओह| किन्नी बारी मै ये चांदा हा कि जियां मुर्गी अपने बच्चें गई अपने परें दे एड कडेह करदी ए उए जेया गे मै भी अपने बच्चें गी रखन, लेतुसें नि मन्नेया| ³⁵ दिक्खो तोहड़ा कार तोहाड़े लेई इयान गे शोड़ेया जांदा ए, ते मै तुसें अखना जेदुं तककर तुस ए न अखोगे,

के धन ए ओह जेडा प्रभु दे न बिच आंदा ए उस वेले तककर तुस मिगी नि दिखगेओ।

¹ फेर ओह सब्त दे दिन, जदु ओह फरीसीयों दे सरदारे दे कार च रुट्टी खाने दे लेई गेया; और ओह उदी घात च लगे दे हे। ² उत्थे एक मनुख सामने ही, जिसी जलन्धर दा रोग ही। ³ यीशु ने व्यव्स्थाविदों और फरीसीयों गी बोलया, “ सब्त दे दिन चंगाई करना उचित ऐ या नेई ? ” ⁴ पर ओह चुप रे। ते उन उसी छुईए चंगा किता और जान दिता। ⁵ और उन बोलया, “ तुन्दा पुत्तर या बैल खू च डिगी पै ते तुन्दे च एहो लेया कोन ऐ कि ओह सब्त दे दिन तुरन्त बाहर न कडे। ⁶ ते ओह इस गल्ल दा उत्तर नेईं देई सके।

⁷ जदु उन दिखया कि बुलाए गेदे लोक किस चली बैठन लेई मुख्य – मुख्य जगह चुना दे नए ते ओह उन्दे कन्ने इक कहावत बोलन लग्गा, ⁸ जदु कोई विवाह च बुलाया जान्दा ऐ, ते मुख्य जगह च नेईं बैठेयो, किते ऐसा ना होए कि उन तोहे गी भी किसे बड्डे गी नेवता दिता होए, ⁹ और जिन्ने तुगी और उसी दोनों गी नेवता दिता होए, आईये तुगी बोले, ‘ इस गी जगह दे, ’ और फेर तुगी लज्जित होईये सारे कोला नीची जगह च बैठाना पए। ¹⁰ लेकन जदु तू बुलाया जाए ते सारे कोला नीची जगह जाईये बैठ कि जदु ओह, जिन्ने तुगी नेवता दिता ऐ आए, ते तुगी बोले, ‘ हे दोस्त, अग्गे जाईये बैठ, ’ फेर तेरे कन्ने बैठने आले दे समान तेरी इज्जत होग। ¹¹ क्योंकि जेड़ा कोई अपने आप गी बड्डा बनाग, ओह छोटा किता जाग; और जेड़ा कोई अपने आप गी छोटा बनाग, ओह बड्डा किता जाग। ”

¹² फेर उन अपने नेवता देने आले गी भी बोल्या, “ जदु तू दिन दा या रात दी रुट्टी खागा, ते अपने दोस्तों या परा या कुटुम्बियों या धनवान पड़ोसियों गी नेईं बुलाया, किते ऐसा ना होए कि ओह भी तुगी नेवता दें, और तेरा बदला होई जाए। ¹³ परैन्त जदु तू रुट्टी खागा ते कंगालों, टुन्डों, लंगड़ों और अन्ने गी बुलाया। ¹⁴ फेर तू धन्य होई जागा, क्योंकि उन्दे कोल तुगी बदला देने गी कुछ नेईं, परैन्त तुगी धर्मियों दे जी उठने उप्पर इस दा प्रतिफल मिलग। ”

¹⁵ ते उन्दे बीचा एक भोजन करने आले ने ए सुनिए उसी बोलया, “ धन्य ऐ ओह जेड़ा परमात्मा दे राज्य दी रुट्टी खाग। ¹⁶ उन उसी बोलया, “ किसे मनुख ने इक बड्डा भोज रखेया और बड़े लोके गी बुलाया। ¹⁷ जदु भोजन तैयार होई गेया ते उन अपने दास दे हाथ लोके गी बुलावा भेजेया, “ आओ, हुन भोजन तैयार ऐ।” ¹⁸ लेकन ओह सारे दे सारे क्षमा मंगने लग्गे। पैहले ने उसी बोलया, “ में खेतर मोल लेया ऐ, और जरूरी ऐ के उसी दिखा; में तेरे अग्गे विनती करना मिगी माफ करी ओड़। ¹⁹ दुये ने बोलया, में पांज जोड़ी बैल खरीदे ने, मिगी उ’नेगी परखन लेई जाना ऐ; में तेरे अग्गे विनती करना मिगी माफ करी ओड़। ²⁰ इक और ने बोलया, ‘ में ब्याह किता ऐ, इसलेई में नेईं आ सकदा। ’ ²¹ उस दास ने आईए अपने स्वामी गी सारी गल्ल सुनाई। ते कार दा स्वामी ने गिस्से च आईए अपने दास गी बोलया, ‘ शहर दे गलीयों और बजारों च जल्दी जाओ और कंगालों, विकलागों, अन्ने, और लंगड़ो गी इत्थे लेई आओ। ” ²² दास ने फेर बोल्या, “ हे स्वामी, जिन्ना तू बोल्या हां, इन्ना गे ही किता गेया ऐ; और फेर भी जगह ऐ। ” ²³ स्वामी ने दास गी बोल्या, “ सड़कों उप्पर और बाड़ों दी ओर जा और लोके गी विवश करिये लेई आ ताकि मेरा कार परी जाए। ²⁴ क्योंकि में तोहे गी बोलना हां कि उन बुलावा दिते गए लोके बीचा कोई मेरी रुट्टी गी नेईं चखन गए। ”

²⁵ जदु बड्डी भीड़ उस दे कन्ने जा दी ही, ते उन पीछे मुड़िये उ’नेगी बोल्या, ²⁶ “ यदि कोई मेरे कोल आए, और अपने पिता और माता और पत्नी और बच्चे और परा और पैना मतबल अपने प्राण गी भी अप्रिय नेईं जाने, ते ओह मेरा चेला नेईं होई सकदा; ²⁷ और जेड़ा कोई अपना क्रूस नेईं उठाए, और मेरे पीछे नेईं आए, ओह भी मेरा चेला नेईं होई सकदा। ²⁸ “ तुन्दे बीचा कौन ऐ जेड़ा गढ़ बनाना चानदा होए, और पैहले बैठिए खर्च नेईं जोड़े कि पूरा करने दी सामर्थ्य मेरे कोल ऐ कि नेईं ? ²⁹ किते ऐसा ना होए कि जदु ओह नींव डाली ले लेकन नेईं करी सके, ते सारे दिखने आले ए बोलिये उसी ठठो च उड़ान लग्गे, ³⁰ “ ए मनुख बनाने ते लगा लेकन तैयार नेईं करी सकेया ? ” ³¹ या कौन ऐसा राजा ऐ जेड़ा दुसरे राजा कन्ने युध्द करने जान्दा होए, और पैहले बैठिए विचार नेई करी ले कि जेड़ा बीस हजार लेईये मेरे उप्पर चढ़ी आन्दा ऐ, क्या में दस हजार लेईये उस दा सामना कर सकदा हां, या नेईं ? ³² नेईं ते उस दे दूर रोंदे ही ओह दूतों गी भेजिए मिलाप करना चाहगा। ³³ इस तरह तुन्दे च कोई मेरा चेला नेईं हो सकदा जदु तकर कि ओह अपना सारा कुछ त्यागी नेईं देग।

³⁴ “ नमक ते अच्छा ऐ, लेकन यदि नमक दा स्वाद बिगड़ी जाए, ते ओह किस चीज कन्ने नमकीन किता जाग। ³⁵ न ते ओह जमीन च दे और न गे खाद दे काम आन्दा ऐ, उसी लोक बाहर सुटी ओड़दे ने। जुदे कान हो ओह सुनी ले। ”

¹ सारे चुंगी लेने आले और पापी उदे कोल आये करदे ही कि उदी सुनचे। ² ते फरीसी और शास्त्री कुड़कुड़ाईये बोलन लग्गे, “ ए ते पापियों कन्ने मिलदा ऐ और उन्दे कन्ने खन्दा पिन्दा ऐ। ”

³ ते उन उ’नेगी ए कहावत बोली, ⁴ तुन्दे च कौन ऐ, जिस दी सौ भेड़ें नए, और उन्दे च इक खोई जाए, ते निन्यानबे गी जंगल च छोड़िये, उस खोई होई गी जदु तकर मिली नेईं जाए खोजदा ना रए ? ⁵ और जदु मिली जन्दी ऐ, उसले ओह बड़े आनन्द कन्ने उसी अपने कंधे उप्पर चुकी लेनदा ऐ; ⁶ और कार च आईये दोस्त और पड़ोसियों गी कठा करिये बोल्दा ऐ, ‘ मेरे कन्ने आनन्द करो, क्योंकि मेरी खोई भेड़ मिली गेई ऐ। ’ ⁷ में तुसें गी बोलना हां कि इसी रीति कन्ने इक मन फिरानेआले पापी दे विषय च भी स्वर्ग च इन्ना ही आनन्द होग, जिन्ना कि निन्यनबे ऐसे धर्मियों दे विषय नेईं होंदा, जिन्ने गी मन फिराने दी जरूरत नेईं।

⁸ “ या कौन ऐसी स्त्री होए गी जिस दे कोल दस सिक्के और होन गए, और उन्दे च इक खोई जाए, ते ओह दीया जलाईये और कार झाड़ – बुहरिये, जदु तकर मिली नेईं जाए जी लगाईये तुपदी रेंदी ऐ ? ⁹ और जदु मिली जन्दा ऐ, ते ओह अपनी सखियों और पड़ोसियों गी कठा करिये बोल्दी ऐ, “ मेरे कन्ने खुशी मनाओ, क्योंकि मेरा खोया होया सिक्का मिली गेया ऐ। ” ¹⁰ में तोहे गी बोलना हां कि इसी रीति च इक मन फिराने आले पापी दे बारे च परमात्मा दे स्वर्गदूतों दे सामने आनन्द होंदा ऐ। ”

¹¹ फेर उन बोल्या, “ किसे मनुख दे दो पुत्तर ही। ¹² उन्दे च छोटे ने पिता गी बोल्या, “ हे पिता, जायदात बीचा जेड़ा हिसा मेरा ऐ ओह मिगी देई ओड़। ” उन उ’नेगी अपनी जायदात बंडी ओड़ी। ¹³ बड़े दिन नेईं बीते ही कि छोटा पुत्तर सारा कुछ कठा करिये दूर देश च चली गेया, और उत्थे कुकर्म च अपनी जायदात उड़ाई ओड़ी। ¹⁴ जदु ओह सारा कुछ खत्म करी चुकेया, ते उस देश च बड़ा अकाल पेया, और ओह कंगाल होई गेया। ¹⁵ इसलेई ओह उस देश दे निवासियों बीचा इक दे इत्थे जाई पेया। उन उसी अपने खेतों च सूअर चराने दे लेई भेजेया। ¹⁶ और ओह चानदा ही कि उन फलियों कन्ने जिन्ने गी सूअर खानदे ही, अपना पेट परे; और उसी कोई कुछ नेईं दिन्दा हां। ¹⁷ जदु तकर अपने आपे च आया फेर बोलन लग्गा, “ मेरे पिता दे किन्ने ही मजदूरों गी भोजन च जादा रुट्टी मिलदी ऐ, और में इत्थे पूखा मरा दा हां। ¹⁸ में हुन उठिये अपने पिता दे कोल जागा और उसी बोलगा कि पिता जी, में ते स्वर्ग दे विरोध च और तेरी नजर च पाप किता ऐ। ¹⁹ हुन इस योग्य नेईं रेहा कि तेरा पुत्तर कैह्लावा, मिगी अपने इक मजदूर दे समान रखी ले। ”

²⁰ फेर ओह उठिये, अपने पिता दे कोल गेया: ओह अजे दूर गे हां कि उस दे पिता ने उसी दिखिये तरस खादा, और दौड़िये उसी गले लगाया, और बड़ा गे चूमेया। ²¹ पुत्तर ने उसी बोल्या, “ पिता जी, में ते स्वर्ग दे विरोध च और तेरी नजर च पाप किता ऐ; और हुन इस योग्य नेईं रेहा कि तेरा पुत्तर कैहलावा। ” ²² लेकन पिता ने अपने दासों गी बोल्या, “ झट, अच्छे तो अच्छा कपड़ा उसी पैहनाओ, और उस दे हाथ च अँगूठी, और पैरे च जूतियाँ पैहनाओ, ²³ और तैयार किता होया पशु लेयाईये मारो ताकि आहे खाचे, और खुशी मनाईये। ²⁴ क्योंकि मेरा ए पुत्तर मरी गेया ही, फेर जी गेया ऐ: खो गेया ही, हुन मिली गेया ऐ। ”और ओह खुशी मनान लग्गे।

²⁵ “ लेकन उस दा जेठा पुत्तर खेत च ही। जदु ओह आन्दे होए कार दे कोल पूजेया, ते उन गाने – बजाने और नचने दा शब्द सुनेया। ²⁶ अत: उन इक दास गी बुलाईये पूछेया, “ ए के हो दा ऐ ? ” ²⁷ उन उसी बोल्या, “ तेरा परा आया ऐ, और तेरे पिता ने तैयार किता होया पशु कटवाया ऐ, इसलेई कि उसी भला चंगा पाया ऐ। ” ²⁸ ए सुनिये ओह गुस्से च परी गेया और कोल जाना नेईं चाहा, लेकन उस दा पिता बाहर आईये उसी मनान लग्गा। ²⁹ उन पिता गी उत्तर दिता, “ देख, में इन्ने साल दा तेरी सेवा करा दा हां और कदे भी तेरी आज्ञा नेईं टाली, फेर भी तू मिगी कदे भी इक बकरी दा बच्चा भी नेईं दिता कि में अपने दोस्ते दे कन्ने खुशी मनादा। ³⁰ परैन्त जदु तेरा ए पुत्तर, जिस ने तेरी जायदात वेश्याओं च उड़ाई दिती ऐ, आया, ते उस दे लेई तू तैयार किता होया पशु कटवाया। ³¹ उन उसी बोल्या, “ पुत्तर, तू सर्वदा मेरे कन्ने ऐ; और जो कुछ मेरा ऐ ओह सारा तेरा ही ऐ। ³² लेकन हुन खुशी मनाया और मगन होना चाही दा ऐ, क्योंकि ए तेरा परा मरी गेया हां, फेर जी गेया ऐ; खो गेया ऐ, हुन मिली गेया ऐ। ”

¹ फेर उन अपने चेलों कन्ने भी बोल्या, “ किसे धनवान दा इक भण्डारी हां, और लोके उस दे सामने उस दे उप्पर ए दोष लगाया कि ओह तेरी सारी जायदात खत्म करी दिन्दा ऐ। ² अत: उन उसी बुलाईये बोल्या, “ ए के ऐ जो में तेरे बारे च सुना दा ऐ ? अपने भण्डारीपन दा लेखा दे, क्योंकि तू अग्गे दी भण्डारी नेईं रह सकदा। ³ फेर भण्डारी सोचन लग्गा, “ हुन में के करा ? क्योंकि मेरा स्वामी हुन भण्डारी दा काम मेरे कोला खोआ दा ऐ। मिट्टी ते मेरे कोला खोदी नेईं जान्दी ;और भीख मंगने च मिगी शरम आन्दी ऐ। ⁴ में समझी गेया कि के करगा, ताकि जदु में भण्डारी दे काम च छुड़ाया जावा ते लोक मिगी अपने कार च लेई लेन। ” ⁵ फेर उन अपने स्वामी दे देनदारों गी इक इक करिये बुलाया और पैहले गी पूछेया, “ मेरे उप्पर मेरे स्वामी दा किन्ना ऋण ऐ ? ” ⁶ उन बोल्या, “ सौ मन तेल, “ फेर उन उसी बोल्या, “ अपना खाता – बही ले और बैठिये तुरन्त पचास लिखी ओड़। ” ⁷ फेर उन दुसरे गी पूछेया, “ तेरे उप्पर किन्ना कर्ज ऐ ? ” उन बोल्या, “ सौ मन गेहूँ, ” फेर उन उसी बोल्या, “ अपना खाता – बही लेईये अस्सी लिखी ओड़। ”

⁸ स्वामी ने उस अधर्मी भण्डारी गी सराहा कि उन चतुराई कन्ने काम किता ऐ। क्योंकि इस संसार दे लोक अपने समय दे लोके दे कन्ने रीति – व्यवहारों च ज्योति दे लोके कन्ने अधिक चतुर ऐ। ⁹ और में तोहे गी बोलना हां कि अधर्म दे धन कन्ने अपने लेई दोस्त बनाई लो, ताकि जदु ओह जन्दा ऐ ते ओह तोहे गी अनन्त निवासों च लेई ले। ¹⁰ जेड़ा थोड़े कन्ने थोड़े च सच्चा ऐ, ओह बड़े च भी सच्चा ऐ: और जेड़ा थोड़े कन्ने थोड़े च अधर्मी ऐ, ओह बड़े च भी अधर्मी ऐ। ¹¹ इसलेई जदु तोहे अधर्मी दे धन च सच्चे नेईं ठहराग, ते सच्चा धन तोहे गी कौन सौपग ? ¹² और यदि तोहे पराये धन च सच्चे नेईं ठहरे ते जेड़ा तुन्दा ऐ, उसी तोहे गी कौन देग ?

¹³ “ कोई दास दो स्वामियों दी सेवा नेईं करी सकदा, क्योंकि ओह ते इक कन्ने बैर और दुसरे कन्ने प्रेम करग; या इक कन्ने मिलाप और दुसरे गी तुच्छ जानग। तोहे परमात्मा और धन दोनों दी सेवा नेईं करी सकदे। ”

¹⁴ फरीसी जी लोभी ही, ए सारी गल्ला सुनिये उसी ठट्ठो च उड़ान लग्गे। ¹⁵ उन उ’नेगी बोल्या, “ तोहे ते मनुखे दे सामने अपने आप गी धर्मी ठहरानदे हो, लेकन परमात्मा तुन्दे मन दी जाचदा ऐ, क्योंकि जेड़ी वस्तु मनुखे दी नजर च महान् ऐ, ओह परमात्मा दे कोल घृणित ऐ।

¹⁶ “ व्यवस्था और नबिया यूहन्ना तक रहे; उस समय च परमात्मा दे राज्य दा सुसमाचार सुनाया जा दा ही, और हर कोई उस दे बीच प्रबलता कन्ने प्रवेश करदा ऐ। ¹⁷ आकाश और पृथ्वी दा टल जाना व्यवस्था दे इक बिन्दु दे मिट जाने च सहज ऐ।

¹⁸ “ जेड़ा कोई अपनी स्त्री दी त्यागिये दूसरी कन्ने विवाह करदा ऐ, ओह व्यभिचार करदा ऐ, और जेड़ा कोई ऐसी त्यागी होई स्त्री कन्ने विवाह करदा ऐ, ओह भी व्यभिचार करदा ऐ।

¹⁹ “ इक धनवान मनुख हां जेड़ा बैंजनी कपड़े और मलमल पैहनादा और प्रति दिन सुख - विलास और धूम – धाम दे कन्ने रेंदा ही। ²⁰ लाजर नांऽ दा इक कंगाल घावों च भरा होया उस दी डेवढ़ी उप्पर छोड़ दिता जन्दा हां, ²¹ और ओह चान्दा ही कि धनवान दी मेज उप्पर दी जूठन कन्ने अपना पेट परन; इत्थूतकर कि कुत्ते भी आईये उस दे घावों गी चटदे ही। ²² ऐसा होया कि ओह कंगाल मरी गेया, और स्वर्गदूतों ने उसी लेईये अब्राहम दी गोद च पहुँचाया। ओह धनवान भी मरेया और गाड़ा गेया, ²³ और अधोलोक च उन पीड़ा च पेरे होए अपनी अख्खा चुकिया, और दूर ता अब्राहम दी गोद च लाजर गी दिखेया। ²⁴ उसले उन पुकारेया, “ हे पिता अब्राहम, मेरे उप्पर दया करिये लाजर गी भेजी दे, ताकि ओह अपनी उँगली दा सिरा पानी च भिगोईये मेरी जीभ गी ठंडी करग, क्योंकि में इस ज्वाला च तड़फा दा हां। ” ²⁵ लेकन अब्राहम ने बोल्या, “ हे पुत्तर, स्मरण कर कि तू अपने जीवन च अच्छी वस्तुएँ लेई चुकेया ऐ, और इन्ना ही लाजर बुरी वस्तुएँ: परैन्त हुन ओह इत्थे शान्ति पा दा ऐ, और तू तड़फा दा ऐ। ²⁶ इन सारी गल्ले गी छोड़ साड़े और तुन्दे बीच इक भारी गड़हा ठहराया गेया ऐ कि जेड़ा इत्थू ता उस पार तुन्दे कोल जाना चाहें, ओह जाई नेईं सकें; और ना कोई उत्थू ता इस पार साड़े कोल आई सके। ²⁷ उन बोल्या, “ ते हे पिता, में तेरे अग्गे विनती करदा हां कि तू उसी मेरे पिता दे कार भेज, ²⁸ क्योंकि मेरे पांज परा नए; ओह उन्दे सामने इन गल्ले दी गवाही दे, ऐसा ना होए कि ओह भी इस पीड़ा दी जगह च आएँ। ” ²⁹ अब्राहम ने उसी बोल्या, “ उन्दे कोल ते मूसा और नबियों दी पुस्तकें नए, ओह उन्दी सुनें। ” ³⁰ उन बोल्या, “ नेईं, हे पिता अब्राहम; लेकन यदि कोई मरे होए बीचा उन्दे कोल जान, ते ओह मन फिरागन। ” ³¹ उन उसी बोल्या, “ जदु ओह मूसा और नबियों दी नेईं सुनदे, ते यदि मरे होए बीचा कोई जी भी उठे फिर भी उस दी नेईं मनन गए। ”

¹ फेर उन अपने चेलों गी बोल्या, “ होई नेईं सकदा कि ठोकरें नेईं लगन, लेकन हाय, उस मनुख उप्पर जिस दे कारण ओह आन्दी ऐ। ² जेड़ा इन छोटे बीचा किसे इक गी ठोकर खिलांदा ऐ, उस दे लेई ए भला होंदा कि चक्की दा पाट उस दे गल्ले च लटकाया जान्दा, और ओह समुद्र च डाली दिता जान्दा। ³ सावधान रहो; यदि तेरा परा अपराध करे ते उसी समझा, और यदि पछताए ते उसी क्षमा कर। ⁴ यदि दिन भर च ओह सात बार तेरा अपराध करे और सातों बार तेरे कोल फेर आईये बोले, “ में पछताना ऐ, ” ते उसी क्षमा कर। ”

⁵ फेर प्रेरितों ने प्रभु गी बोल्या, “ साड़ा विश्वास बढ़ा। ” ⁶ प्रभु ने बोल्या, “ यदि तोहे गी राई दे दाने दे बराबर भी विश्वास होंदा, ते तोहे इस शहतूत दे पेड़ गी बोलदे कि जड़ कन्ने उखड़िये समुद्र च लग्गी जा, ते ओह तुन्दी मनी लेनदा।

⁷ “ तुन्दे बीचा ऐसा कौन ऐ, जिस दा दास हल जोतदा या भेड़ें चरान्दा होए, और जदु ओह खेत च आए, ते उसी बोले, “ तुरन्त आईये भोजन करन दे लेई बैठ ” ? ⁸ और ए ना बोले, “ मेरा खाना तैयार कर, और जदु तकर में खावा – पीया अदू तकर कमर बनिए मेरी सेवा कर; इस दे बाद तू भी खाई पी लेया ” ? ⁹ क्या ओह उस दास दा अहसान मनग कि उन ओह ही काम किते जिस दी आज्ञा दी गेई ही ? ¹⁰ इसी रीति कन्ने तोहे भी जदु उन सारे कमे गी करी चुको जिस दी आज्ञा तोहे गी दी गेई ही, ते बोलो, “ आहे निकम्मे दास ऐ; जेड़े सानु करना चाही दा हां आहे केवल ओही किता ऐ। ”

¹¹ ऐसा होया कि ओह यरूशलेम जनदे होए सामरिया और गलील दे बीच ता होईये जा दा ही। ¹² किसे गरा च प्रवेश करदे समय उसी दस कोढ़ी मिले। ¹³ उने दूर खड़े होईये ऊँचे शब्द च बोल्या, “ हे यीशु, हे स्वामी, साड़े उप्पर दया कर ! ” ¹⁴ उन उ’नेगी दिखिये बोल्या, “ जाओ, और अपने आप गी याजकों गी दसो। ”और जनदे ही जनदे ओह शुध्द होई गए। ¹⁵ फेर उन्दे बीचा इक ए दिखिये कि में चंगा होई गेया हां, ऊँचे शब्द कन्ने परमात्मा दी महिमा करदा होया चली गेया; ¹⁶ और यीशु दे पैरे उप्पर मुँह दे बल डिगिये उस दा धन्यवाद करन लग्गे; और ओह सामरी हां। ¹⁷ इस दे उप्पर यीशु ने बोल्या, “ क्या दसों शुध्द नेई होए, ते फेर ओह नौ कुदर नए ? ¹⁸ क्या इस परदेशी गी छोड़ कोई और नेईं निकलेया जेड़ा परमात्मा दी बढ़ाई करदा ऐ ? ” ¹⁹ फेर उन उसी बोल्या, “ उठिये चली जा; तेरे विश्वास ने तुगी चंगा किता ऐ। ”

²⁰ जदु फरीसियों ने उसी पूछेया कि परमात्मा दा राज्य कदू आग, ते उन उ’नेगी उत्तर दिता, “ परमात्मा दा राज्य द्श्य रूप च नेईं अन्दा। ²¹ और लोक ए नेईं बोलन गए, “ दिखो, इत्थे ऐ, या उत्थे ऐ। क्योंकि दिखो, परमात्मा दा राज्य तुन्दे बीच ऐ। ” ²² फेर उन चेलों गी बोल्या, “ ओह दिन आए गा, जिन्दे च तोहे मनुख दे पुत्तर दे दिनों बीचा इक दिन गी दिखना चाहगे, और नेईं दिखी सकगे। ²³ लोक तोहे गी बोलन गए, “ दिखो, उत्थे ऐ ! ” या “ दिखो, इत्थे ऐ ! ” लेकन तोहे चली नेईं जायो और ना उन्दे पीछे होई जायो। ²⁴ क्योंकि जिन्ना बिजली आकाश दे इक छोर च कूदिये आकाश दे दूसरे छोर तकर चमकदी ऐ, इन्ना ही मनुख दा पुत्तर भी अपने दिन च प्रगट होग। ²⁵ लेकन पैहले जरूरी ऐ कि ओह बड़ा दुःख उठाए, और इस युद दे लोक उसी तुच्छ ठहरान। ²⁶ जिन्ना नूह दे दिनों च होया ही, इन्ना ही मनुख दे पुत्तर दे दिनों च भी होग। ²⁷ जिस दिन तकर नूह जहाज उप्पर नेईं चढ़ेया, उस दिन तकर लोक खन्दे – पिन्दे ही, और उन्दे च विवाह होंदे ही। अदू जल – प्रलय ने आईये उन सारे गी खत्म किता। ²⁸ और जिन्ना लूत दे दिनों च होया ही कि लोक खन्दे – पिन्दे, लेन – देन करदे, पेड़ लगांदे और कार बनादे ही; ²⁹ लेकन जिस दिन लूत सदोम च निकलेया, उस दिन आग और गन्धक आकाश च बरसी और सारे गी खत्म करी दिता। ³⁰ मनुख दे पुत्तर दे प्रगट होन दे दिन भी ऐसा ही होग।

³¹ “ उस दिन जेड़ा छत उप्पर होए और उस दा समान कार च होए, ओह उसी लेने गी नेईं उतरन; और इन्ना ही जेड़ा खेत च हो ओह पीछे ना जाए। ³² लूत दी पत्नी गी स्मरण रखो ! ³³ जेड़ा कोई अपना प्राण बचाना चाहे ओह उसी खोग, और जेड़ा कोई उसी खोग ओह उसी जीवित रखग। ³⁴ में तोहे गी बोलना हां, उस रात दो मनुख इक खाट उप्पर होन गए; इक ले लेता जाग और दूसरा छोड़ी दिता जाग। ³⁵ दो स्त्रियाँ इक कन्ने चक्की पिसती होन गी, इक ले ली जाग और दूसरी छोड़ी दी जाग। ³⁶ [ दो जन खेती च होन गए, इक ले लेता जाग और दूसरा छोड़ा जाग। ” ] ³⁷ ए सुनिये उने उसी पूछेया, “ हे प्रभु ए कुदर होग ? ” उन उ’नेगी पूछेया, “ जित्थे लोथ ऐ, उत्थे गिध्द कठे होन गए। ”

¹ फेर उन इस दे विषय च कि नित्य प्रार्थना करना और हियाव नेईं छोड़ना चाही दा ऐ, उ’नेगी ए द्ष्टान्त बोल्या: ² “ किसे नगर च इक न्यायी रेंदा ही, जेड़ा ना परमात्मा कोला डरदा ही और ना किसे मनुख दी परवाह करदा ही। ³ उसी नगर च इक विधवा भी रेंदी ही, जेड़ा उस दे कोल आई – आईये बोल्दी ही, ‘ मेरा न्याय चुकाईये मिगी मुदृई कोला बचा। ” ⁴ कुछ समय तकर ते ओह नेई मनेया लेकन आखिर च मन च विचार करिये बोल्या, “ वैसे भी में नेईं परमात्मा कोला डरदा, और ना मनुखे दी कुछ परवाह करदा हां; ⁵ फेर भी ए विधवा मिगी सतान्दी रेंदी ऐ, इसलेई में उस दा न्याय चुकाना ऐ, किते ऐसा ना होए कि कड़ी – कड़ी आईये आखिर गी मेरी नक च दम करे ’। ”

⁶ प्रभु ने बोल्या, “ सुनो, ए अधर्मी न्यायी के करदा ऐ ? ⁷ इसलेई क्या परमात्मा अपने चुने होए दा न्याय ना चुकाग, जेड़ा रात – दिन उस दी दुहाई दिन्दे रेंनदे ऐ ? क्या ओह उन्दे विषय च देर करग ? ⁸ में तोहे गी बोलना हां, ओह तुरन्त उन्दा न्याय चुकाग। फेर भी मनुख दा पुत्तर जदु आएगा, ते क्या ओह पृथ्वी उप्पर विश्वास पाग ? ”

⁹ उन उ’नेगी जो अपने उप्पर भरोसा रखदे ही, कि आहे धर्मी ऐ, और दूसरों गी तुच्छ जानदे ही, ए द्ष्टान्त बोल्या: ¹⁰ “ दो मनुख मन्दिर च प्रार्थना करने दे लेईगए; इक फरीसी ही और दूसरा चुंगी लेनेआला। ¹¹ फरीसी खड़ा होईये अपने मन च यों प्रार्थना करन लग्गा, “ हे परमात्मा, में तेरा धन्यवाद करदा हां कि में दूसरे मनुखे दे समान नेरा करने आला, अन्यायी और व्यभिचारी नेईं, और ना इस चुंगी लेनेआला दे समान हां। ¹² में सप्ताह च दो बार उपवास रखदा हां; में अपनी सारी कमाई दा दसवाँ अंश भी दिन्दा हां। ”

¹³ “ लेकन चुंगी लेने आले ने दूर खड़े होईये, स्वर्ग दी ओर अख्खा उठाना भी नेईं चाहा, परैन्त अपनी छाती पीटी – पीटीए बोल्या, “ हे परमात्मा, मेरे जे पापी उप्पर दया कर ! ” ¹⁴ में तोहे गी बोलना हां कि ओह दूसरा नेईं, परैन्त ए ही मनुख धर्मी ठहराया जाईये अपने कार गेया; क्योंकि जेड़ा कोई आने आप गी बड्डा बनाग, ओह छोटा किता जाग; और जेड़ा अपने आप गी छोटा बनाग, ओह बड्डा किता जाग। ”

¹⁵ फेर लोक अपने बच्चे गी भी उस दे कोल लेयान लग्गे कि ओह उन्दे उप्पर हाथ रखे; लेकन चेलों ने दिखिये उ’नेगी डानटेया। ¹⁶ यीशु ने बच्चों गी कोल बुलाईये बोल्या, “ बालकों गी मेरे कोल आने दो, और उ’नेगी मना नेईं करो:क्योंकि परमात्मा दा राज्य इन्दे बासते गे ऐ। ¹⁷ में तोहे गी सच्च बोलना हां कि जेड़ा कोई परमात्मा दे राज्य गी बच्चे दे समान ग्रहण नेईं करग ओह उन्दे च कदे भी प्रवेश करी नेईं सकदा। ”

¹⁸ किसे सरदार ने उसी पूछेया, “ हे उत्तम गुरु, अनन्त जीवन दा अधिकारी होने दे लेई में के करा ? ” ¹⁹ यीशु ने उसी बोल्या, “ तू मिगी उत्तम क्यों बोल्दा ऐ ? कोई उत्तम नेईं, केवल इक, ओ भी परमात्मा। ²⁰ तू आज्ञाओं गी ते जान्दा ऐ: ‘ व्यभिचार नेईं करना, हत्या नेईं करना, और चोरी नेईं करना, झूठी गवाही नेई देना, अपने पिता और अपनी माता दा आदर करना ’। ” ²¹ उन बोल्या, “ में ते इन सारे गी लड़कपन ही कन्ने मनदा आया हां। ” ²² ए सुनिये यीशु ने उसी बोल्या, “ तुगी हुन भी इक गल्ल दी कमी ऐ, अपना सारा कुछ बेचिए कंगालों गी बंडी दे; और तुगी स्वर्ग च धन मिलग, और आईये मेरे पीछे होई जा। ” ²³ ओह ए सुनिये बड़े उदास होया, क्योंकि ओह बड़ा धनी हां।

²⁴ यीशु ने उसी दिखिये बोल्या, “ धनवानों दा परमात्मा दे राज्य च प्रवेश करना किन्ना मुश्किल ऐ। ²⁵ परमात्मा दे राज्य च धनवान दे प्रवेश करने कन्ने, ऊँट दा सूई दे नाके बीचा निकलना सहज ऐ। ” ²⁶ इस उप्पर सुनने आले ने बोल्या, “ ते फेर किस दा उध्दार होई सकदा ऐ ? ” ²⁷ उन बोल्या, “ जेड़ा मनुख कोला नेईं होई सकदा ऐ। ” ²⁸ पतरस ने बोल्या, “ देख, आहे ते कार – कार छोड़िये तेरे पीछे होई गए नए। ” ²⁹ उन उ’नेगी बोल्या, “ में तोहे गी सच्च बोलना हां कि ऐसा कोई नेईं जिन्ने परमात्मा दे राज्य दे लेई कार, या स्त्री, या परा, या माता – पिता, या बाल – बच्चों गी छोड़ी दिता होए; ³⁰ और इस समय कई गुणा ज्यादा ना पाग और आने आले युग च अनन्त जीवन। ”

³¹ फेर उन बारहों गी कन्ने लेई जाईये उ’नेगी बोल्या, “ दिखो, आहे यरूशलेम गी जनदे हां, और जिन्नी गल्ला मनुख दे पुत्तर दे लेई नबियों दे द्वारा लिखी गेई ऐ, ओह सब पूरी होग। ³² क्योंकि ओह अन्य जातियों दे हाथ च सौपा जाग, और ओह उसी ठट्ठो च उड़ान गए; और उस दा अपमान करन गए, और उस दे उप्पर थुकन गए, ³³ और उसी कोड़े मारन गए, और घात करन गए; और ओह तीसरे दिन जी उठी जाग। ” ³⁴ लेकन उने इन गल्ले बीचा कोई गल्ल नेईं समझी; और ए गल्ल उन्दे कोला छिपाई रखी, और जो बोल्या गेया ही ओह उन्दी समझ च नेईं आया।

³⁵ जदु ओह यरीहो दे कोल पूजेया, ते इक अन्ना सड़क दे किनारे बैठिए पीख मंगा दा ही। ³⁶ ओह भीड़ दे चलने दी आहट सुनिये पूछने लग्गा, “ ए के होआ दा ऐ ? ” ³⁷ उने उसी दसेया, “ यीशु नासरी जा दा ऐ। ” ³⁸ फेर उन पुकारिए बोल्या, “ हे यीशु, दाऊद दी सन्तान, मेरे उप्पर दया कर ! ” ³⁹ जेड़े अग्गे – अग्गे जा दे ही, ओह उसी डाँटन लग्गे कि चुप रहे; लेकन ओह और भी चिल्लाने लग्गा, हे दाऊद दी सन्तान, मेरे उप्पर दया कर ! ” ⁴⁰ फेर यीशु ने खड़े होईये आज्ञा दिती कि उसी मेरे कोल लेयाओ, और जदु ओह कोल आया ते उन उसी पूछेया, ⁴¹ “ तू के चाना ऐ कि में तेरे लेई करा ? ” उन बोल्या, “ हे प्रभु, ए कि में दिखने लग्गा। ” ⁴² यीशु ने उसी बोल्या, “ दिखने लग; तेरे विश्वास ने तुगी चंगा करी दिता ऐ। ” ⁴³ फेर ओह तुरन्त दिखने लग्गा और परमात्मा दी महिमा करदा होया उस दे पीछे होई गेया; और सारे लोके ने दिखिये परमात्मा दी स्तुति किती।

¹ ओह यरीहो च प्रवेश करिए उत्थु जा दा हा। ² उत्थे जक्कई ना दा एक मनुख ही जेड़ा चुंगी लेने आले दा सरदार ही और धनी ही। ³ ओह यीशु गी दिखना चानदा ही कि ओह कोन ऐ। लेकन भीड़ दी वजह कन्ने ओह नेई दिखी सकया ,क्योकि ओह नाटा ही। ⁴ ते उसी दिखनदे लेई ओह अगे दोडीए एक गुलर दे बूटे उप्पर चडी गेया, क्योकि यीशु उसी रस्ते तो जाने आला ही। ⁵ जदु यीशु उस जगह पूजया, ते उप्पर नजर करिए उसी बोलया, ‘ हे जक्कई, झट उतरी आ; क्योकि अज मिगी तेरे कार च रेहना जरूरी ऐ। ⁶ ओह तुरन्त उतरिए खुशी कन्ने उसी अपने कार लेई गेया।

⁷ ए दिखिए सारे लोक कुड्कुडाकर बोलन लग्गे, “ ओह ते पीपी मनुख दा महमान बनिए गेया ऐ। ”

⁸ जक्कई ने खड़े होइए प्रभु गी केया, “ हे प्रभु, देख, में अपनी आधी दोलत कंगालों गी देगा, और यदि में किसे दा कुछ अन्याय करिए लेया ऐ ते उसी चौगुना फेरी ओड्गा। ” ⁹ ते यीशु उसी केया, “ अज इस कार च उध्दार आया ऐ, इसलेई कि ए भी अब्राहम दा एक पुत्तर ऐ। ¹⁰ क्योंकि मनुख दा पुत्तर खोए होए गी तुपन और उन्दा उध्दार करन लेई आया ऐ।

¹¹ जदु ओह ए गल्ला सुना दे ही, ते उन इक द्ष्टान्त च बोल्या, इसलेई कि ओह यरूशलेम दे कोल ही, और ओह समझदे ही कि परमात्मा दा राज्य हुन प्रगट होने आला ऐ। ¹² अत: उन बोल्या, “ इक धनी मनुख दूर देश च गेया कि अपने लेई राज्य पाईये चली जाए। ¹³ उन अपने दासों बीचा दस गी बुलाईये उने दस मुहरें दिती और उ’नेगी बोल्या, ‘ मेरे चली आने तकर लेन – देन करेया। ” ¹⁴ लेकन उदे नगर दे रेहने आले उस दे कोला बैर रखदे ही, और उदे पीछे दूतों दे द्वारा कहलाई भेजेया, “ आहे नेईं चानदे कि ए साड़े उप्पर राज्य करे। ’

¹⁵ “ ऐसा होया कि जदु ओह राज्य पाईये गेया ते उन आज्ञा दिती कि ओह दास जिन्ने गी उन धन दिता हां बुलाया जाएं, जिस दे कन्ने उसी मालूम होई जाए कि उने कैसा व्यापार किता। ¹⁶ फेर पैहले ने आईये बोल्या, “ हे स्वामी, तेरी मुहर कन्ने दस और मुहरें कमाई ऐ। ” ¹⁷ उन उसी बोल्या, ‘ धन्य, हे उत्तम दास ! तू बड़े ही थोड़े च विश्वासयोग्य निकलेया हुन दस नगरों उप्पर अधिकार रख। ’ ¹⁸ दूसरे ने आईये बोल्या, ‘ हे स्वामी, तेरी मुहर कन्ने पांज और मुहरें कमाई ऐ। ’ ¹⁹ उन उसी भी बोल्या, ‘ तू भी पांज नगरों उप्पर हाकिम होई जा। ’ ²⁰ तीसरे ने आईये बोल्या, “ हे स्वामी, देख तेरी मुहर ए नए, जिसी में अंगोछे च बन्नी रखेया ही। ²¹ क्योंकि में तेरे कोला डरदा ही, इसलेई कि तू कठोर मनुख ऐ: जेड़ा तू नेईं रखेया उसी चुकी लेनदा ऐ, और जेड़ा तू नेईं बोया, उसी कटदा ऐ। ’ ²² उन उसी बोल्या, “ हे दुष्ट दास, में तेरे ही मुँह तो तुगी दोषी ठहरादा हां। तू मिगी जान्दा हां कि कठोर मनुख हां, जेड़ा में नेईं रखेया उसी चुकी लेनदा, और जेड़ा में नेईं बोया उसी कटदा हां; ²³ ते तू मेरे रूपये सराफों दे कोल क्यों नेई रख दिते कि में आईये ब्याज समेत लेई लेनदा ? ” ²⁴ और जेड़े लोक कोल खड़े ही, उन उ’नेगी बोल्या, ‘ ओह मुहर उस दे कोला लेई लो, और जिस दे कोल दस मुहरें ऐ उसी देई ओड़ो। ’ ²⁵ उने उसी बोल्या, “ हे स्वामी, उस दे कोल दस मुहरें ते ऐ। ’ ²⁶ में तोहे गी बोलना हां कि जिस दे कोल ऐ, उसी दिता जाग; और जिस दे कोल नेईं ऐ, उस दे कोल ओह भी जो उस दे कोल ऐ ले लेता जाग। ²⁷ लेकन मेरे उन बैरियों गी जेड़े नेई चान्दे ही कि में उन्दे उप्पर राज्य करा, उ’नेगी इत्थे लेयाईये मेरे सामने मारी ओड़ो। ”

²⁸ ए गल्ला बोलिए ओह यरूशलेम दी ओर उन्दे अग्गे – अग्गे गेया।

²⁹ जदु ओह जैतून नामक पहाड़ उप्पर बैतफगे और बैतनिय्याह दे कोल पूजेया, ते उन अपने चेलों बीचा दी गी ए बोलिए भेजेया, ³⁰ “ सामने दे गरा च जाओ; और उदर पूजदे ही इक गदही दा बच्चा जिस दे उप्पर कदे भी कोई सवार नेईं होया, बधेया होया तोहे गी मिलग, उसी खोलिए लेई आओ। ³¹ यदि कोई तोहे गी पूछे कि क्यों खोलदे हो, ते ए बोली ओड़ेयो कि प्रभु गी इस दी जरूरत ऐ।

³² जेड़े भेजे गए ही, उने जाईये जिन्ना उन उ’नेगी बोल्या हां, इन्ना ही पाया। ³³ जदु ओह गदहे दे बच्चे दी खोला दे ही, ते उदे मालिकों ने उ’नेगी पूछेया, “ इस बच्चे गी क्यों खोलदे हो ? ” ³⁴ उने बोल्या, “ प्रभु गी इस दी जरूरत ऐ। ” ³⁵ ओह उसी यीशु दे कोल लेई आए, और अपने कपड़े उस बच्चे उप्पर पाईये यीशु गी उस दे उप्पर बैठाई दिता। ³⁶ जदु ओह जा दा ही, ते ओह अपने कपड़े रस्ते च बिछानदे जनदे ही।

³⁷ कोल आंदे होई जदु ओह जैतून पहाड़दी डाली उप्पर पूजेया, ते चेलों दी सारी मण्डली उन सारे सामर्थ्य दे कमे दे कारण जेड़े उने दिखे ही, खुश होईये बड़े शब्द कन्ने परमात्मा दी स्तुति करने लग्गे:

³⁸ “ धन्य ऐ ओह राजा, जेड़ा प्रभु दे नाम कन्ने आन्दा ऐ ! स्वर्ग च शान्ति और आकाश मण्डल च महिमा होए ! ”

³⁹ फेर लोके बीचा कुछ फरीसी उसी बोलन लग्गे, “ हे गुरु, अपने चेलों गी डाँट। ” ⁴⁰ उन उत्तर दिता, “ में तोहे गी बोलना हां, यदि ए चुप रहे ते पत्थर चिल्लान लगन गए। ”

⁴¹ जदु ओह कोल आया ते नगर गी दिखिए उसे दे उप्पर रोया। ⁴² और बोल्या, “ क्या ही भला होंदा कि तू, हाँ, तू ही, इसी दिन च कुशल दी गल्ला जान्दा, लेकन हुन तेरी अख्खा च छिप गई ऐ। ⁴³ क्योंकि ओह दिन तेरे उप्पर आन गए कि तेरे बैरी मोर्चा बनिये तुगी केरी लेन गए, और चारों ओर च तुगी दबान गए; ⁴⁴ और तुगी और तेरे बालकों गी जेड़े तेरे च नए, मिट्टी च मिलान गए, और तेरे च पत्थर उप्पर पत्थर भी ना छोड़न गए, क्योंकि तू उसी अवसर गी जदु तेरे उप्पर कृपा द्ष्टि किती गेई नेईं पैहचाना। ”

⁴⁵ फेर ओह मन्दिर च जाईये बेचने आले गी बाहर निकालन लग्गा, ⁴⁶ और उ’नेगी बोल्या, “ लिखेया ऐ, ‘ मेरा कार प्रार्थना दा कार होए गा, ‘ लेकन तू उसी डाकुओं दी खोह बनाई दिता ऐ।

⁴⁷ ओह प्रतिदिन मन्दिर च उपदेश करदा ही; और प्रधान याजक और शास्त्री और लोके दे प्रमुख उसी खत्म करने दा अवसर तुपदे ही। ⁴⁸ लेकन कोई उपाय ना निकाली सकेया कि ए किस प्रकार करिये, क्योंकि सारे लोक बड़ी चाह कन्ने उस दी सुन्दे ही।

¹ इक दिन ऐसा होया कि जदु ओह मन्दिर च लोके गी उपदेश दे रहा ही और सुसमाचार सुना दा ही, ते प्रधान याजक और शास्त्री, पुरनियों दे कन्ने कोल आईये खड़े होए; ² और बोलन लग्गे, “ सानु दास, तू इन कमे गी किस अधिकार कन्ने करना ऐ, और ओह कौन ऐ जिन्ने तुगी ए अधिकार दिता ऐ ? ” ³ उन उ’नेगी उत्तर दिता, “ में भी त्तुन्दे कोला इक गल्ल पूछना हां; मिगी दसो ⁴ यूहन्ना दा बपतिस्मा स्वर्ग दी ओर ता ही या मनुखे दी ओर ता ही ? ” ⁵ फेर ओह आपस च बोलन लग्गे, “ यदि आहे बोलिए, ‘ स्वर्ग दी ओर ता, ‘ ते ओह बोलेगा, “ फेर तोहे उस दे उप्पर विश्वास क्यों नेईं किता ? ” ⁶ और यदि आहे बोलिए, ‘ मनुखे दी ओर ता, ‘ ते सारे लोक साड़े उप्पर पथराव करन गए, क्योंकि ओह सचमुच जानदे नए कि यूहन्ना नबी हां। ” ⁷ अत: उने उत्तर दिता, “ आहे नेईं जानदे कि ओह किस दी ओर ता ही। ” ⁸ यीशु ने उ’नेगी बोल्या, “ ते में भी तोहे गी नेईं दसना कि में ए काम किस अधिकार कन्ने करदा हां। ”

⁹ फेर ओह लोके कन्ने ए द्ष्टान्त बोलने लग्गा: “ किसे मनुख ने दाख दी बारी लगाई, और किसानों गी उस दा ठेका दे दिता और और बड़े दिनों दे लेई परदेश चली गेया। ¹⁰ जदु समय आया ते उन किसानों दे कोल इक दास गी भेजेया कि ओह दाख दी बारी दे कुछ फलों दा भाग उसी दें, लेकन उने उसी मारी – पीटीए खाली हाथ पेजी ओड़ेया। ¹¹ इदे उप्पर उन दुसरे दास गी भेजेया, लेकन उने उसी भी मारी – पीटीए और अपमान करिये खाली हाथ पेजी ओड़ेया। ¹² इसी तरह उन तीसरे गी भेजेया और उने उसी मारिये नसाई ओड़ेया। ¹³ फेर दाख दी बारी दे स्वामी ने बोल्या, “ में के करा ? में अपने प्रिय पुत्तर गी भेजगा, सम्भव ऐ कि ओह उस दा आदर करन। ’ ¹⁴ जदु किसानों ने उसी दिखेया ते आपस च विचार करन लग्गे, “ ए ते वारिस ऐ; आओ, आहे इसी मारी ओड़िये कि मीरास साड़ी होई जाए। ’ ¹⁵ और उने उसी दाख दी बारी कन्ने बाहर कडिये मारी ओड़ेया। इसलेई दाख दी बारी दा स्वामी उन्दे कन्ने के करग ? ¹⁶ ओह आईये उन किसानों गी खत्म करग, और दाख दी बारी दूसरों गी सौपी ओड़ग। ”

¹⁷ उन उन्दी ओर दिखिये बोल्या, “ फेर ए के लिखेया ऐ: ‘ जिस पत्थर गी राजमिस्त्रियों ने निकम्मा ठहराया ही, ओही कोने दा सिरा होई गेया। ’ ¹⁸ जेड़ा कोई उस पत्थर उप्पर गिरग ओह चकनाचूर होई जाग, और जिस उप्पर ओह गिरग, उसी पीसी ओड़ग। ”

¹⁹ उसी कड़ी शास्त्रियों और प्रधान याजकों ने उसी पकड़ाना चाएया, क्योंकि ओह समझी गए ही कि उन साड़े उप्पर ए द्ष्टान्त बोल्या, लेकन ओह लोके तो डरी गए। ²⁰ और ओह उस दी ताक च लग्गी रहे और भेदिए भेजे कि धर्म दा भेष धरिए उस दी कोई ना कोई गल्ल फड़िये, ताकि उसी हाकिम दे हाथ और अधिकार च सौपी देचे। ²¹ उने उसी ए पूछेया, “ हे गुरु, आहे जानदे हां कि तू ठीक बोल्दा और सिखाना भी ऐ, और किसे दा पक्ष – पात नेईं करदा, लेकन परमात्मा दा रस्ता सच्चाई कन्ने दसदा ऐ। ²² क्या आहे कैसर गी दूर देना उचित ऐ या नेईं ? ” ²³ उन उन्दी चतुराई गी तोड़िये उ’नेगी बोल्या, ²⁴ “ इक दीनार मिगी दसो। इदे उप्पर किस दी छाप और नाम ऐ ? ” उने बोल्या, “ कैसर दा। ” ²⁵ उन उ’नेगी बोल्या, “ ते जेड़ा कैसर दा ऐ, ओह कैसर गी देयो; और जेड़ा परमात्मा दा ऐ, ओह परमात्मा गी देयो। ” ²⁶ ओह लोके दे सामने इस गल्ल च उसी पकड़ नेईं सके, लेकन उदे उत्तर कन्ने हेरान होईये चुप रेई गए।

²⁷ फेर सदूकी जो बोलदे ही कि मरे होए दा जी उठना ऐ ही नेईं, उन्दे च कुछ ने उसदे कोल आईये पूछेया, ²⁸ “ हे गुरु, मूसा ने साड़े लेई ए लिखेया ऐ: ‘ यदि किसे दा परा अपनी पत्नी दे रेंदे होए बिना सन्तान मरी जाए, ते उस दा परा उस दी पत्नी कन्ने विवाह करी ले, और अपने परा दे लेई वंश उत्पन्न करन। ” ²⁹ सात परा ही, पैहला परा विवाह करिये बिना सन्तान मरी गेया। ³⁰ फेर दुसरे, ³¹ और तीसरे ने भी उस स्त्री कन्ने विवाह करी लेया। इसी रीति कन्ने सतों बिना सन्तान मरी गए। ³² आखिर च ओह स्त्री भी मरी गेई। ³³ इसलेई जी उठने उप्पर ओह उन्दे च किस दी पत्नी होग, क्योंकि ओह सतों दी पत्नी होई चुकी दी ही। ” ³⁴ यीशु ने उ’नेगी बोल्या, “ इस युग दी सन्तानों च ते विवाह होंदा ऐ, ³⁵ लेकन जेड़े लोक इस योग्य ठहरन गए कि उस युग गी और मरे होए बीचा उठने गी प्राप्त करन, ओह ना विवाह करन गए और ना विवाह च दिते जान गए। ³⁶ ओह फेर मरने दे भी नेईं; क्योंकि ओह स्वर्गदूतों दे समान होन गए, और पुनरुत्थान दी सन्तान होने कन्ने परमात्मा दी भी सन्तान होन गए। ³⁷ लेकन इस गल्ल गी कि मरे होए जी उठदे नए, मूसा ने भी झाड़ी दी कथा च प्रगट किती ऐ कि ओह प्रभु गी ‘ अब्राहम दा परमात्मा, और इसहाक दा परमात्मा और याकूब दा परमात्मा ’ कहलान्दा ऐ। ³⁸ परमात्मा ते मुरदों दा नेईं लेकन जीवितों दा परमात्मा ऐ: क्योंकि उदे कोल सारे जीवित ऐ। ” ³⁹ फेर ए सुनिये शास्त्रियों बीचा कुछ ने ए बोल्या, “ हे गुरु, तू ठीक बोल्या। ” ⁴⁰ और उने फेर उसी कुछ और पूछने दा हियाव ना होया। ⁴¹ फेर उन उ’नेगी पूछेया, “ मसीह गी दाऊद दी सन्तान किन्ना बोलदे नए ? ⁴² दाऊद आप भजन संहिता दी पुस्तक च बोल्दा ऐ: “ प्रभु ने मेरे प्रभु गी बोल्या, मेरे दाहिने बैठ, ⁴³ जदु तकर कि में तेरे बैरियों गी तेरे पैरे दे तले ना कर देया। ” ⁴⁴ दाऊड ते उसी प्रभु बोल्दा ऐ; ते फेर ओह उस दी सन्तान किन्ना ठहरेया ? ” ⁴⁵ जदु सारे लोक सुना दे ही, ते उन अपने चेलों गी बोल्या, ⁴⁶ “ शास्त्रियों कन्ने सावधान रहो, जिन्ने गी लम्बे लम्बे कपड़े पाए होए फिरना ठीक लगदा ऐ, और जिन्ने गी बाजारों च नमस्कार, और आराधनालयों च मुख्य आसन और भोज च मुख्य स्थान प्रिय लगदे नए। ⁴⁷ ओह विधवाओं दे कार खाई जानदे नए, और दिखाने दे लेई बड़ी देर तकर प्रार्थना करदे रेंदे नए: ए बड़ा ही दण्ड पान गए। ”

¹ फेर उन अख्ख चूकिए धनवानों गी अपना अपना दान भण्डार च डालदे दिखेया। ² उन इक कंगाल विधवा गी भी उदे च दो दमड़ियाँ डालदे दिखेया। ³ फेर उन बोल्या, “ में तुहे गी सच्च बोलना हां कि इस कंगाल विधवा ने सारे कोला ज्यादा पाया ऐ। ⁴ क्योंकि उन सारे ने अपनी अपनी कमाई बीचा दान च कुछ पाया ऐ, लेकन इन अपनी घटी बीचा अपनी सारी जीविका पाई दिती ऐ। ”

⁵ जदु कुछ लोक मन्दिर दे विषय च बोला दे ही कि ओह किन्ना सुन्दर पत्थरों और भेंट दी वस्तुओं कन्ने सँवारा गेया ऐ, ते उन बोल्या, ⁶ “ ओह दिन आन गए, जिन्दे च ए सारे जेड़े तोहे दिखदे हो, उन्दे च इत्थे किसे पत्थर उप्पर पत्थर भी नेईं छोड़ग जेड़ा टाया ना जाग। ”

⁷ उने उसी पूछेया, “ हे गुरु, ए सब कोले होग ? और ए गल्ला जदु पूरी होने उप्पर होन गी, ते उस समय दा क्या चिन्ह होए गा ? ” ⁸ उन बोल्या, “ सावधान रहो कि डरी नेईं जायो, क्योंकि बड़े गे मेरे नाम कन्ने आईये बोलन गए, में ओही हां, ‘ और ए भी कि, ‘ समय कोल आई गेया ऐ। ’ तोहे उन्दे पीछे नेईं चली जायो। ⁹ जदु तोहे लड़ाईयां और बलवों दी चर्चा सुनो ते घबरा नेईं जायो, क्योकि इन्दा पहले होना जरूरी ऐ, लेकन उस समय अन्त नेईं होग।

¹⁰ ते उन बोलया, “ जाति ते जाति और राज्य ते राज्य चढ़ाई करन गे। ¹¹ और जगह – जगह अकाल और महामारियाँ पोन गए और असमान च भयंकर गल्ला और बड़े – बड़े चिन्ह प्रकट होन गे। ¹² लेकन इन सारी गल्ला तो पैहले ओह मेरे नाम दे कारण तोहे गी फड़न गए, और सतान गए, और पंचायतों च सौपन गए, और बन्दीगृहच डलवान गए, और राजाओं और हाकिमों दे सामने ले जान गए। ¹³ लेकन ए तुन्दे लेई गवाही देने दा अवसर होई जाग। ¹⁴ इसलेई अपने अपने मन च ठान रखो कि आहे पैहले तो उत्तर देने दी चिन्ता नेईं करगे। ¹⁵ क्योंकि में तोहे गी ऐसा बोल और बुध्दि देगा कि तुन्दे सारे विरोधी सामना या खण्डन नेईं करी सकन गए। ¹⁶ तुन्दे माता – पिता, और भाई, और कुटुम्ब, और दोस्त भी तोहे गी फड़ान गए; इत्थू तकर कि तुन्दे बीचा कुछ लोके गी मरवाई ओड़न गए। ¹⁷ मेरे नाम दे कारण सारे लोक तुन्दे कन्ने बैर करन गए। ¹⁸ लेकन तुन्दे सिर दा इक बाल भी बाँका ना होग। ¹⁹ अपने धीरज कन्ने तोहे अपने प्राणों गी बचाई रखेयो।

²⁰ “ जदु तोहे यरूशलेम गी सेनाओं च डिगेया होया दिखगे, ते जानी लेयो कि उस दा उजड़ जाना कोल ऐ। ²¹ फेर जो यहूदिया च होए ओह पहाड़ों च नसी जान; और जो यरूशलेम दे कोल होए ओह बाहर निकली जान; और जो गरा च होए ओह उदर नेईं जान। ²² क्योंकि ए बदला लेने दे ऐसे दिन होन गए, जिन्दे च लिखी होई सारी गल्ला पूरी होई जाए गी। ²³ उन दिनों च जो गर्भवती और दूध पिलांदी होए गी, उन्दे लेई हाय, हाय ! क्योंकि देश च बड़ा क्लेश और इन लोके उप्पर बड़ा प्रकोप होए गा। ²⁴ ओह तलवार दे कौर होई जान गए, और सारे देशों दे लोके च बन्दी होईये पहुँचाए जान गए; और जदु तकर अन्य जातियों दा समय पूरा नेईं होए ,अदू तकर यरूशलेम अन्य जातियों च रौंदा जाएगा।

²⁵ “ सूरज, और चाँद, और तारों च चिन्ह दिखाई देन गए; और पृथ्वी उप्पर देश – देश दे लोके गी संकट होए गा, क्योंकि ओह समुद्र दे गरजने और लहरों दे कोलाहल कन्ने कबराई जान गए। ²⁶ डर दे कारण और संसार उप्पर आनेआली घटनाओं दी बाट दिखदे – दिखदे लोके दे जी च जी ना रहेगा, क्योंकि आकाश दी शक्तियाँ हिलाई जान गी। ²⁷ फेर ओह मनुख दे पुत्तर गी सामर्थ्य और बड़ी महिमा दे कन्ने बादल उप्पर आंदे दिखन गए। ²⁸ जदु ए गल्ला होन लग्गी, ते सीधे होईये अपने सिर ऊपर चूकना; क्योंकि तुन्दा छुटकारा कोल होग। ”

²⁹ उन उ’नेगी इक द्ष्टान्त भी बोल्या: “ अंजीर दे पेड़ और सारे पेड़ों गी दिखो। ³⁰ ज्योंही उन्दे च कोंपलें निकलदी ऐ, ते तोहे दिखिये आप ही जानी लेनदे हो कि ग्रीष्मकाल कोल ऐ। ³¹ इसी रीति कन्ने जदु तोहे ए गल्ला होंदे दिखो, फेर जानी लेयो कि परमात्मा दा राज्य कोल ऐ। ³² में तोहे गी सच्च बोलना हां कि जदु तकर ए सारी गल्ला ना होई जाए, अदू तकर इस पीढ़ी दा कदे भी अन्त नेईं होग। ³³ आकाश और पृथ्वी टली जान गी, लेकन मेरी गल्ला कदे भी नेईं टलग।

³⁴ “ इसलेई सावधान रहो, ऐसा ना होए कि तुन्दे मन खुमार, और मतवालेपन, और इस जीवन दी चिन्ताओं कन्ने सुस्त होई जाएँ, और ओह दिन तुन्दे उप्पर फन्दे दे समान अचानक आ पड़े। ³⁵ क्योंकि ओह सारी पृथ्वी दे सारे रहने आले उप्पर इसी प्रकार आई पोग। ³⁶ इसलेई जागदे रहो और हर समय प्रार्थना करदे रहो कि तोहे इन सारी आने आली घटनाओं कन्ने बचने और मनुख दे पुत्तर दे सामने खड़े होने दे योग्य बनो। ”

³⁷ ओह दिन गी मन्दिर च उपदेश करदा हां, और रात गी बाहर जाईये जैतून नामक पहाड़ उप्पर रहा करदा ही; ³⁸ और सवेरे दे समय सारे लोक उस दी सुनने दे लेई मन्दिर च उस दे कोल आया करदे ही।

¹ अख़मीरी रुट्टी दा पर्व जेड़ा फसह कहलान्दा ऐ, कोल ही; ² और प्रधान याजक और शास्त्री इस गल्ल दी खोज च ही कि उसी किन्ना मारिये, लेकन ओह लोके कोला डरदे ही।

³ फेर शैतान यहूदा च समाया, जेड़ा इस्करियोती कहलान्दा और बारह चेलों च गिनेया जान्दा ऐ। ⁴ उन जाईये प्रधान याजकों और पहरुओं दे सरदारों दे कन्ने बातचीत किती कि उसी किस प्रकार उन्दे हाथ पकड़वाईये। ⁵ ओह खुश होए, और उसी रूपये देने दा वचन दिता। ⁶ उन ए गल्ल मनी लेई, और अवसर तुपने लग्गा कि जदु भीड़ नेईं होग ते उसी उन्दे हाथ फड़ाई ओड़ गए।

⁷ फेर अख़मीरी रुट्टी दे पर्व दा दिन आया, जिस दे बीच फसह दा मेम्ना बलि देना जरूरी ही। ⁸ यीशु ने पतरस और यूहन्ना गी ए बोलिए भेजेया: “ जाईये साड़े खाने दे लेई फसह तैयार करो। ⁹ उने उसी पूछेया, “ तू कुत्थे चाना ऐ कि आहे इसी तैयार करिये ? ” ¹⁰ उन उ’नेगी बोल्या, “ दिखो, नगर च प्रवेश करदे ही इक मनुख जल दा कड़ा चुकेया होया तोहे गी मिलग; जिस कार च ओह जाए तोहे उदे पीछे चली जाएयो, ¹¹ और उस कार दे स्वामी गी बोलेयो: ‘ गुरु तुगी बोल्दा ऐ कि ओह पाहुनशाला कुत्थे ऐ जिनदे च में अपने चेलों दे कन्ने फसह खावा ?’ ¹² ओह तोहे गी इक सजी – सजाई बड़ी अटारी दिखाई ओड़ग; उत्थे तैयार करेयों। ¹³ उने जाईये, जिन्ना उन उ’नेगी बोल्या ही, इन्ना ही पाया और फसह तैयार किता।

¹⁴ जदु ओह समय आई पूजेया, ते ओह प्रेरितों दे कन्ने भोजन करने बैठेया। ¹⁵ और उन उ’नेगी बोल्या, “ मिगी बड़ी लालसा ही कि दुःख पोगने कन्ने पैहले ए फसह तुन्दे कन्ने खावा। ¹⁶ क्योंकि में तोहे गी बोलना हां जदु तकर ओह परमात्मा दे राज्य च पूरा ना होए अदू तकर में उसी कदे भी नेईं खागा। ” ¹⁷ फेर उन कटोरा लेईये धन्यवाद किता और बोल्या, “ इस गी लेयो और आपस च बंडी लो। ¹⁸ क्योंकि में तोहे गी बोलना हां कि जदु तकर परमात्मा दा राज्य ना आए हुन तकर में दाख दा रस हुन ता कदे भी ना पिना ऐ। ” ¹⁹ फेर उन रुट्टी लेई, और धन्यवाद करिये तोड़ी, और उ’नेगी ए बोलदे होए दिती, “ ए मेरी देह ऐ जो तुन्दे लेई दी जन्दी ऐ: मेरे स्मरण दे लेई ऐही करेया करो। ” ²⁰ इसी रीति कन्ने उन भोजन दे बाद कटोरा भी ए बोलदे होए दिता, “ ए कटोरा मेरे उस लहू च जेड़ा तुन्दे लेई बहाया जान्दा ऐ नई वाचा ऐ। ²¹ ते दिखो, मेरा फड़ाने आले दा हाथ मेरे मेज ते ऐ। ²² क्योकि मनुख दा पुत्तर जिया उदे लेई निशिचत किता गेया ऐ, पर उस मनुख ते जिदे द्वारा ओह फड़ाया जानदा ऐ ! ” ²³ ते ओह आपस च पूछताश करन लगी पेए कि साड़े च कोन ऐ, जेड़ा ए काम करग।

²⁴ उन्दे बिचा ए विवाद होन लग्गी पेया कि उन्दे बिचा कोन बड़ा समझया जान्दा ऐ। ²⁵ उन उ’नेगी बोल्या, “ अन्यजातियो दे राजा उन्दे उप्पर राज करदे ऐ, और उन्दे उप्पर अधिकार रखदे ऐ, ओह ‘ उपकारक कहलानदे नए। ²⁶ लेकन तुन्दे च इस तरह नेईं हो। ओह जेड़ा तुन्दे बिच बड्डा होना चाहे, ओह छोटे अंग्र और जेड़ा प्रधान ऐ, ओह सेवक दे समान बने। ²⁷ क्योकि बड्डा कोन ऐ, ओह जेड़ा ते बैठया, या ओह जेड़ा भोजन परोसता ऐ ? क्या ओह नेईं जेड़ा भोजन करन लेई बैठेया ऐ ? लेकन में तुन्दे बिचा सेवक दे समान हां।

²⁸ “ तोहे ओह हो जेड़े मेरी परीक्षाओं च लगातार मेरे कन्ने रेहे; ²⁹ और जी जिन्ना मेरे पिता ने मिगी राज्य दिता ऐ, इन्ना गए में भी तोहेगी राज्य दिना हां, ³⁰ कि तोहे मेरे राज्य च मेरी मेज ते खाओ और पीओ और न्याय – आसन ते बैठीए इस्राएल दे बारह गोत्रो दा न्याय करो।

³¹ “ शमौन, हे शमौन ! देख, शैतान ने तोहे लोके गी गेहूँ दे समान फटके दे लेई आज्ञा मंगी लेई ऐ, ³² लेकन में तेरे लेई प्रार्थना किती कि तेरा विश्वास चली ना जाए; और जदु तू फिरे, ते अपने पराए गी स्थिर करेया। ” ³³ उन उ’नेगी बोल्या, “ हे प्रभु, में तेरे कन्ने बन्दीगृह जाने, वरन् मरने गी भी तैयार हां। ” ³⁴ उन बोल्या, “ हे पतरस, में तुगी बोलना हां कि आज मुर्गा बाँग देग जदु तकर तू तीन बार मेरा इनकार ना करी लेगा कि तू मिगी नेईं जान्दा।

³⁵ फेर उन उ’नेगी बोल्या, “ जदु में तोहे गी बटुए, और झोली, और जूते बगैर भेजया ही, ते के तोहेगी किसी चीज दी घटी होई ही ? ” उने बोल्या, “ किसी चीज दी नेईं। ” ³⁶ उन उ’नेगी बोल्या, “ लेकन हुन जिस दे कोल बटुआ होए ओह उसी ले और इन्ना ही झोली भी, और जिस दे कोल तलवार ना हो ओह अपने कपड़े बेचिए इक मोल लेई लेन। ³⁷ क्योंकि में तोहे गी बोलना हां, कि ए जो लिखेया ऐ: ‘ ओह अपराधियों दे कन्ने गिना गेया, ’ उस दा मेरे च पूरा होना जरूरी ऐ: क्योंकि मेरे विषय च लिखी गल्ला पूरी होने उप्पर ऐ। ” ³⁸ उने बोल्या, “ हे प्रभु, देख, इत्थे दो तलवारें ऐ। ” उन उ’नेगी बोल्या, “ बड़े नए। ”

³⁹ फेर ओह बाहर निकलिये अपनी रीति दे अनुसार जैतून दे पहाड़ उप्पर गेया, और चेले उस दे पीछे होई गए। ⁴⁰ उस जगह पूजिए उन उ’नेगी बोल्या, “ प्रार्थना करो कि तोहे परेशानी च नेईं पड़ो। ” ⁴¹ और ओह उन्दे कोला अलग लगभग पत्थर फेंकने दी दूरी तक गेया और घुटने टेकिये प्रार्थना करन लग्गा, ⁴² “ हे पिता, यदि तू चाहे ते इस प्याले गी मेरे कोला हटाई ले; फेर भी मेरी इच्छा नेईं, लेकन तेरी इच्छा पूरी होए। ⁴³ उसले स्वर्ग च इक दूत उसी लबेया जेड़ा उसी सामर्थ्य दिन्दा ही। ⁴⁴ यीशु व्याकुल होईये और भी हार्दिक वेदना च प्रार्थना करन लग्गा, और उस दा पसीना मनो लहू दी बड़ी – बड़ी बूंदों दे समान जमीन उप्पर डिगा दे ही। ⁴⁵ जदु ओह प्रार्थना करिये उठेया और अपने चेलों दे कोल आया ते उन दिखेया कि ओह उदासी दे मारे सोआ दे ही। ⁴⁶ उन उ’नेगी बोल्या, “ क्यों सोआ दे हो ? उठो, प्रार्थना करो कि तोहे परेशानी च नेईं पड़ो।

⁴⁷ जदु कि ओह गल्ला कर ही रहा हां कि इक भीड़ आई, और उन बारहों बीचा इक जिस दा नाम यहूदा ही उन्दे अग्गे – अग्गे आवा दा ही। ओह यीशु दे कोल आया कि उदा चूमा लेया। ⁴⁸ यीशु ने उसी बोल्या, “ हे यहूदा, क्या तू मनुख दे पुत्तर गी चूमिए तोखे कन्ने पकड़वा दा ऐ ? ” ⁴⁹ उस दे दोस्ते ने जदु दिखेया कि के होने आला ऐ, ते उने बोल्या, “ हे प्रभु, क्या आहे तलवार चलाईये ? ” ⁵⁰ उन्दे बीचा किसे इक ने महायाजक दे दास उप्पर तलवार चलाईये उदा दाहिना कान कटी ओड़ेया। ⁵¹ लेकन यीशु ने बोल्या, “ ठहरो, ऐसा ना करो ! ” उन उदा कान छुईये ठीक करी ओड़ेया। ⁵² यीशु ने मुख्य याजकों और मन्दिर दे अधिकारियों तथा प्राचीनों गी जो उस दे विरुध्द उठिये आए ही, बोल्या, “ क्या तोहे तलवार और डंडे लेईये किसे डाकू गी फड़ने आए हो ? ⁵³ जदु में प्रतिदिन मन्दिर च तुन्दे कन्ने रेया ते तोहे मेरे उप्पर हाथ नेईं पाया, लेकन ए कड़ी और अन्धकार दा अधिकार तुन्दा ऐ। ”

⁵⁴ ओह उसी बन्दी बनाईये लेई गए और महायाजक दे कार लेई आए; परैन्त पतरस दूर ही दूर उदे पीछे चलिए आ दा ही। ⁵⁵ और जदु ओह आँगन च अग्ग जलाईये कठे बैठे, ते पतरस भी उन्दे बीच बैठी गेया। ⁵⁶ उसले इक दासी उसी अग्ग दे उजियाले च बैठे दिखिये और उदी ओर तकिये बोलन लग्गी, “ ए भी ते उदे कन्ने ही। ” ⁵⁷ परैन्त उन ए बोलिए इन्कार किता, “ हे नारी, में उसी नेईं जान्दा। ” ⁵⁸ थोड़ी देर बाद किसे और ने उसी दिखिये बोल्या, “ तू भी ते उन्दे बीचा इक ऐ। ” पतरस ने बोल्या, “ हे मनुख, में नेईं हां। ” ⁵⁹ लगभग इक घंटा बीती जाने दे बाद इक और मनुख जोर देईये बोलन लग्गा, “ पका ए भी ते उदे कन्ने ही, क्योंकि ए गलील ऐ। ” ⁶⁰ पतरस ने बोल्या, “ हे मनुख, में नेईं जान्दा कि तू के बोला दा ऐ ! ” ओह बोला दा ही कि तुरन्त मुर्गे ने बांग दिती। ⁶¹ फेर यीशु ने फिरिए पतरस दी ओर दिखेया, और पतरस गी प्रभु दी ओह गल्ल याद आई जेड़ी उन बोली ही: आज मुर्गे दे बांग देने दे पैहले, तू तीन बार मेरा इन्कार करगा। ” ⁶² और ओह बाहर निकलिये फूट – फूट करिये रोया।

⁶³ जेड़े मनुख यीशु गी फड़े दे ही, ओह उसी ठट्ठो च उड़ाईये पिटन लग्गे; ⁶⁴ और उदी अख्खा बनिये उसी पूछन लग्गे, “ भविष्यवाणी करिये बोल कि तुगी कुने मारेया ! ” ⁶⁵ और उन बड़ी गे और भी निन्दा दी गल्ला उदे विरोध च बोली।

⁶⁶ जदु दिन होया ते लोके दे प्राचीनों दी महासभा बुलाई गेई जिन्दे च मुख्य याजक और शास्त्री भी ही और ओह उसी महासभा च ए बोलदे होए लेई गए: ⁶⁷ यदि तू मसीह ऐ ते सानु दास। ” लेकन उन उ’नेगी बोल्या, “ यदि में बोला, फेर भी तोहे विश्वास नेईं करना, ⁶⁸ और यदि में प्रश्न पूछा ते तोहे उत्तर नेईं देगे। ⁶⁹ परैन्त हुन ता मनुख दा पुत्तर परमात्मा दी सत्ता दी दाहिनी ओर बैठाया जाग। ” ⁷⁰ फेर सारे पूछेया, “ ते क्या तू परमात्मा दा पुत्तर ऐ ? ” उन बोल्या, हां, में हां। ” ⁷¹ उने बोल्या, “ हुन सानु अग्गे साक्षी दी के जरूरत ऐ ? क्योंकि आहे स्वयं उदे मुहं तो सुनी लेया।

¹ फेर सारी सभा उठिये उसी पिलातुस दे कोल लेई गई। ² ओह ए बोलिए उदे उप्पर दोष लगान लग्गे: “ आहे ते इसी लोके गी बहकांदे, और कैसर गी कर देने वासते मना करदे, और अपने आप गी मसीह, राजा बोलदे होए सुनेया ऐ। ” ³ पिलातुस ने उसी पूछेया, “ क्या तू यहूदियों दा राजा ऐ ? ” उन उसी उत्तर दिता, “ तू आपे ही बोला दा ऐ। ” ⁴ फेर पिलातुस ने प्रधान याजकों और लोके गी बोल्या, “ में इस मनुख च कोई दोष नेईं लगान्दा। ” ⁵ लेकन ओह ए बोलिए दबाव डालदे रहे कि ओह गलील ता लेईये समस्त यहूदिया च शिक्षा देई देईये लोके गी भड़कांदा ऐ, इत्थे तकर कि इस जगह च भी। ⁶ जदु पिलातुस ने ए सुनेया ते पूछेया कि क्या ए मनुख गलील ऐ ? ⁷ और ए जानिए कि ओह हेरोदेस दी रियासत दा ऐ, उसी हेरोदेस दे कोल पेजी दिता, क्योंकि उन दिनों च ओह भी यरूशलेम च ही।

⁸ हेरोदेस यीशु गी दिखिए बड़ा ही खुश होया, क्योंकि ओह बड़े दिनों च उसी दिखना चान्दा ही; इसलेई कि उदे बारे सुनेया हां, और उदे कोला कुछ चिन्ह दिखने दी आशा रखदा ही। ⁹ ओह उदे कोला बड़ी गे गल्ला पूछदा रेहा, लेकन उन उसी कुछ भी उत्तर नेईं दिता। ¹⁰ प्रधान याजक और शास्त्री खड़े होए तन मन कन्ने उदे उप्पर दोष लगांदे रहे। ¹¹ फेर हेरोदेस ने अपने सिपाहियों दे कन्ने उदा अपमान करिये ठट्ठो च उड़ाया, और भड़कीला कपड़े पहिनाईये उसी पिलातुस दे कोल पेजी ओड़ेया। ¹² उसी दिन पिलातुस और हेरोदेस दोस्त होई गए; इदे पैहले ओह इक दुए कन्ने बैर करदे ही।

¹³ पिलातुस ने प्रधान याजकों और शासकों और लोके गी बुलाया उ’नेगी बोल्या, ¹⁴ “ तोहे इस मनुख गी लोके दा बहकाने आला ठहराईये मेरे कोल लेई आए हो, और दिखो, में तुन्दे सामने उदी जाँच किती, लेकन जिन्ने गल्ले दा तोहे उदे उप्पर दोष लगा दे हो उन गल्ले दे बारे च में ते उदे बीच कुछ दोष नेईं पाया ऐ; ¹⁵ ना हेरोदेस ने, क्योंकि उन उसी साड़े कोल पेजी ओड़ेया ऐ: और दिखो, उदे कोला ऐसा कुछ नेईं होया कि ओह मृत्यु दे दण्ड दे योग्य ठहराया जाए। ¹⁶ इसलेई में उसी मरवाईये छोड़ी देगा। ” ¹⁷ [ पिलातुस पर्व दे समय उन्दे लेई इक बन्दी गी छोड़ने उप्पर विवश ही ] ¹⁸ फेर सारे मिलिए चिल्लान लग्गे, “ इदा काम तमाम कर, और साड़े लेई बरअब्बा गी छोड़ी देयो ! ” ¹⁹ ओह किसे बलवे दे कारण जो नगर च होया हां – ²⁰ लेकन पिलातुस ने यीशु गी छोड़ने दी इच्छा कन्ने लोके गी फेर समझाया, ²¹ परैन्त उने चिल्लाईये बोल्या, “ उसी क्रूस उप्पर चढ़ा, क्रूस उप्पर ! ” ²² उन तीसरी बार उ’नेगी बोल्या, “ क्यों, उन केरी बुराई किती ऐ ? में ते उदे च मृत्यु दे दण्ड दे योग्य कोई गल्ल नेईं पाई। इसलेई में उसी मरवाईये छोड़ी देगा। ” ²³ लेकन ओह चिल्लाई – चिल्लाईये पीछे पेई गए कि ओह क्रूस उप्पर चढ़ाया जाए, और उन्दा चिल्लाना प्रबल होया। ²⁴ आखिर च पिलातुस ने आज्ञा दिती कि उन्दी विनती दे अनुसार किता जाए। ²⁵ उन उस मनुख गी जो बलवे और हत्या दे कारण बन्दीगृह च पाया गेया ही, और जिसी ओह मंगदे ही, छोड़ दिता; और यीशु गी उन्दी इच्छा दे अनुसार सौंपी दिता।

²⁶ जदु ओह उसी लेई गए ते उने गरा दी ओर ता आंदे होए शमौन नामक इक कुरेनी गी फड़ेया और क्रूस उदे कंधे उप्पर रखेया कि ओह यीशु दे पीछे – पीछे लेई चले।

²⁷ लोके दी बड़ी भीड़ उदे पीछे होई गेई और उन्दे च बड़ी स्त्रियाँ भी ही जो उदे लेई छाती पीटदी और विलाप करदी ही। ²⁸ यीशु ने उन्दी ओर मुड़िये बोल्या, “ हे यरूशलेम दी पुत्रियो, मेरे लेई नेईं रोओ; परैन्त अपने और अपने बालकों दे लेई रोओ। ²⁹ क्योंकि दिखो, ओह दिन आंदे नए, जिन्दे च लोक बोलन गए, ‘ धन्य ए ओह जो बाँझ ऐ और ओह गर्भ जो ना जने और ओह स्तन जिन्ने दूध नेईं पिलाया। ³⁰ उस समय ‘ ओह पहाड़े गी बोलन लगन गए कि साड़े उप्पर डिगो, और टीलों गी कि सानु डकी लो। ’ ³¹ क्योंकि जदु ओह हरे पेड़ दे कन्ने ऐसा करदे नए, ते सूखे दे कन्ने के कुछ नेईं किता जाग ? ”

³² ओह अन्य दो मनुखे गी भी जो कुकर्मी ही उदे कन्ने घात करने गी लेई चले।

³³ जदु ओह उस जगह जिसी खोपड़ी बोलदे नए पहुँचे, ते उने उत्थे उसी और उन कुकर्मियों गी भी, इक गी दाहिनी और दुसरे गी बाईं ओर क्रूसों उप्पर चढ़ाया। ³⁴ फेर यीशु ने बोल्या, “ हे पिता, इन्ने गी क्षमा कर, क्योंकि ए जानदे नेईं कि के करा दे नए। ” और उने चिट्ठियाँ पाईये उदे कपड़े बन्दी ले।

³⁵ लोक खड़े होईये दिखा दे ही, इत्थे तकर कि अधिकारी भी ए बोलिए उसी ताना मारा दे ही: “ इन अन्य लोके गी बचाया; यदि ए परमात्मा दा मसीह मतबल उदा चुनेया होया ऐ, ते अपने आप गी बचाए। ” ³⁶ सैनिक भी उदे कोल आईये मजाक करने और सिरका पिलाईये ³⁷ बोलन लग्गे, “ यदि तू यहूदियों दा राजा ऐ ते अपने आप गी बचा। ” ³⁸ और उदे ऊपर ए दोष – पत्र भी लगेया ही: “ ए यहूदियों दा राजा ऐ। ”

³⁹ जेड़े उत्थे लटकाए गए ही उन्दे बीचा इक अपराधी ए बोलिए उदी निन्दा कर रेहा ही: “ क्या तू मसीह नेईं ? अपने आप गी और सानु बचा ! ” ⁴⁰ लेकन दुसरे ने उसी डाटिये बोल्या, “ क्या तू परमात्मा तो भी नेईं डरदा ? तू भी ते ओही दण्ड पा दा ऐ, ⁴¹ और आहे ते न्यायनुसार दण्ड पा रहे ऐ, क्योंकि आहे अपने कमे दा ठीक फल पा दे ऐ; लेकन इन कोई अनुचित काम नेईं किता। ” ⁴² फेर उन बोल्या, “ हे यीशु, जदु तू अपने राज्य च आए, ते मेरी भी सुधि लेया। ” ⁴³ उन उ’नेगी बोल्या, “ में तुगी सच्च बोलना कि आज ही तू मेरे कन्ने स्वर्गलोक च होगा। ”

⁴⁴ लगभग दो पहर ता तीसरे पहर तकर सारे देश च अन्धकार छाया रेहा, ⁴⁵ और सूर्य दा उजियाला जन्दा रेहा, और मन्दिर दा परदा बीचा फटी गेया, ⁴⁶ और यीशु ने बड़े शब्द कन्ने पुकारिए बोल्या, “ हे पिता, में अपनी आत्मा तेरे हथ्थे च सौपदा हां। ” ⁴⁷ सूबेदार ने, जो कुछ होया ही दिखिये परमात्मा दी बड़ाई किती, और बोल्या, “ पका ए मनुख धर्मी ऐ। ” ⁴⁸ और लोक जो ए दिखने गी कठे होए ही, इस घटना गी दिखिये छाती पिटदे होए चली गेई। ⁴⁹ लेकन उदे सारे जान पहचान, और जो स्त्रियाँ गलील ता उदे कन्ने आई ही, दूर खड़ी होई ए सब दिखा दी ही।

⁵⁰ उत्थे यूसुफ नाम दा महासभा दा इक सदस्य ही जो सज्जन और धर्मी मनुख ही ⁵¹ और उन्दी योजना और उन्दे इस काम कन्ने खुश ना ही। ओह यहूदियों दे नगर अरिमतिया दा रहनेआला और परमात्मा दे राज्य दी बाट जोहनेआला ही। ⁵² उन पिलातुस दे कोल जाईये यीशु दा शव मगेया; ⁵³ और उसी उतारिये मलमल दी चादर च लपेटया, और इक कब्र च रखेया, जो तरती च खुदाई किती दी ही; और उन्दे च कोई कदे भी नेईं रखेया गेया ही। ⁵⁴ ओह तैयारी दा दिन ही, और सब्त दा दिन आरम्भ होने उप्पर ही। ⁵⁵ उन स्त्रियाँ ने जो उदे कन्ने गलील च आई ही, पीछे पीछे जाईये उस कब्र गी दिखेया, और ए भी कि उदा शव किस रीति कन्ने रखेया गेया ऐ। ⁵⁶ फेर उन जाईये सुगन्धित मसाले और इत्र तैयार किता; और सब्त दे दिन उने आज्ञा दे अनुसार विश्राम किता

¹ परैन्त सप्ताह दे पैहले दिन पौ फटदे ही ओह स्त्रियाँ उन सुगन्धित मसालों गी लेईये जो उने तेयार किते ही, कब्र उप्पर आई। ² उन पत्थर गी कब्र उप्पर ता लटकेया होया दिखेया। ³ लेकन कोल जाईये प्रभु यीशु दा शव नेईं दिखेया। ⁴ जदु ओह इस गल्ल कन्ने हैरान होई ते दिखो, दो मनुख झलकदे कपड़े पाईए उन्दे कोल आए खड़े होई गए। ⁵ जदु ओह स्त्रियाँ डरिये गेई और जमीन आल मुहं झकाईए दी ही ते उने उने’गी बोलया, “तोहे जिन्दे गी मरे बिच क्यों तुपदी हो? ⁶ ओह इत्थे नेईं, लेकन जी उठया ऐ। याद करो कि उन गलील च रहंदे होए तुन्दे कन्ने के बोलया ही, ⁷ जरूरी ऐ कि मनुख दा पुत्तर पापियों दे हथो फड़ाया जाग, और क्रूस ते चड़ाया जाग, और तीजे दिन जी उठग ’। ” ⁸ ते उने’गी उदिया गल्ला याद आईया। ⁹ और कब्र तो लोटिये ए गल्ला ग्यारहो चेलों गी, और बाकी सारे गी, ए गल्ला सनाई ओडिया। ¹⁰ जिन्ने ए गल्ला प्रेरितों गी बोलया ओह मरियम मगदलीनी, योअन्न, और याकूब दी माता मरियम और कुछ और स्त्रियाँ ही। ¹¹ लेकन उने’गी ए गल्ला कहानीया लगी, और उने उन्दा विश्वास नेईं किता। ¹² ते पतरस उठिए और दौड़िये कब्र ते गेया, और जदु अंदर गेया ते उसी सिर्फ कपड़े गे मिले, और इस घटना तो हैरान होया ओह अपने कार वापिस आई गेया।

¹³ उसे दिन उन्दे च दो मनुख एम्माऊस ना दे गरा गी जावा करदे ही जेड़ा यरूशलेम तो सात मील दी दूरी ते ही। ¹⁴ ओह इन सारी घटनाओ दे बारे च गल्ला करा दे हे। ¹⁵ और जदु ओह आपस च गल्ल बात और पूछताछ करा दे हे, ते यीशु आपु उत्थे आईए उन्दे कन्ने चलन लग्गी पे। ¹⁶ लेकन उसी आँखे ऐही बन्द करी ओही ही, कि उसी पहिचान नेईं सके। ¹⁷ उन उने’गी बोलया, “ ए केडी गल्ला ऐ ” जेड़ी तोहे चलदे-चलदे आपस च करदे हो ? ” ओह उदास कन्ने खड़े रह गए। ¹⁸ ए सुनिए उन्दे बीचा क्लियोपास नामक इक मनुख ने बोल्या, “ क्या तू यरूशलेम च अकेला परदेशी ऐ, जेड़ा नेईं जान्दा कि इन दिनों च उदे च के के होया ऐ ? ” ¹⁹ उस उने’गी पुछेया, “ केरी गे गल्ला ? ” उने उसी बोल्या, “ यीशु नासरी दे बारे च जेड़ा परमात्मा और सारे लोके दे कोल काम और वचन च सामर्थी नबी ही, ²⁰ और प्रधान याजकों और साड़े सरदारों ने उसी फड़ाई ओड़ेया कि उदे उप्पर मौत दी आज्ञा दिती जाए; और उसी क्रूस उप्पर चढ़ाया जाए। ²¹ लेकन सानु आशा ही कि ऐही इस्त्राएल गी छुटकारा देग। इन सारी गल्ले दे सिवाय इस घटना गी होए तीसरा दिन ऐ, ²² और साड़े बीचा कई स्त्रियों ने भी सानु परेशानी च पाई ओड़ेया, जेड़ी सवेर गी कब्र उप्पर गई ही; ²³ और जदू उदी लाश नेईं मिली ते ए बोल्दी होई आई कि आहे स्वर्गदूते दा दर्शन पाया, जिन्ने बोल्या कि ओह जिन्दा ऐ। ²⁴ फेर साड़े दोस्ते बीचा कई इक कब्र उप्पर गए, और जिन्ना स्त्रियों ने बोल्या हां इन्ना ही पाया; लेकन उसी नेईं दिखेया। ” ²⁵ फेर उन उने’गी बोल्या, “ हे निर्बुध्दियो, और नबियों दी सारी गल्ले उप्पर विश्वास करने च मतिमन्द लोको ! ²⁶ क्या मसीह दे लेई ए जरूरी नेईं ही कि ए सब दुख उठाए और अपनी महिमा च प्रवेश करे ? ” ²⁷ फेर उन मूसा गी और सारे नबियों कन्ने शुरू करिये सारे पवित्रशास्त्र बीचा अपने बारे च लिखी गल्ले दा मतलब, उने’गी समझाई ओड़ेया।

²⁸ इन्ने च ओह उस गरा दे कोल पूजे जित्थे ओह जा दे ही, और उदे चलने कन्ने ऐसा जानेया कि ओह अग्गे बढ़ना चान्दा ऐ। ²⁹ लेकन उने ए बोलिए उसी रोकेया, “ साड़े कन्ने रह, क्योंकि रात होई चली ऐ और दिन हुन बड़ा टली गेया ऐ। ” फेर ओह उन्दे कन्ने रहने दे लेई कोल गेया। ³⁰ जदू ओह उन्दे कन्ने रुट्टी खान बैठेया, ते उन रुट्टी लेईये धन्यवाद किता और उसी तोड़िए उने’गी देने लग्गा। ³¹ फेर उन्दी अख्खा खोली गेई; और उने उसी पहचानी लेया, और ओह उन्दी अख्खे च छिपी गेया। ³² उने आपस च बोल्या, “ जदू ओह रस्ते च साड़े कन्ने गल्ला करदा हां और पवित्रशास्त्र दा मतलब सानु समझानदा ही, ते क्या सानु मन च उत्तेजना ना पैदा होई ? ” ³³ ओह उसी कड़ी उठिए यरूशलेम गी चली गए, और उन ग्यारहों और उन्दे दोस्तों गी कठा पाया। ³⁴ ओह बोलदे ही, “ प्रभु सचमुच जी उठेया ऐ, और शमौन गी दिखाई लबेया ऐ। ” ³⁵ फेर उने रस्ते दी गल्ला उने’गी दसी ओड़ी और ए भी कि उने उसी रुट्टी तोड़दे समय किन्ना पहचानेया।

³⁶ ओह ए गल्ला बोल ही रहे ही कि ओह आपे ही उन्दे बीच आई खलोता, और उने’गी बोल्या, “ तोहे गी शान्ति मिले। ” ³⁷ लेकन ओह कबराई गए और डरी गए, और समझे कि आहे किसे पूत गी दिखा दे हां। ³⁸ उन उने’गी बोल्या, “ केली कबरा दे हो ? और तुन्दे मन च केली गल्ला उठा दी ऐ ? ³⁹ मेरे हाथ और मेरे पैर गी दिखो कि ओही हां। मिगी छुईये दिखो, क्योंकि आत्मा दे हड्डी मॉस नेईं होंदा जिन्ना मेरे च दिखा दे हो। ”

⁴⁰ ए बोलिए उन उने’गी अपने हाथ पैर दसे। ⁴¹ जदू खुशी दे मारे उने’गी प्रतीति ना होई, और ओह हेरान करदे ही, ते उन उने’गी पुछेया, “ क्या इत्थे तुन्दे कोल कुछ भोजन ऐ ? ” ⁴² उने उसी भुनी होई मछली दा टुकड़ा दिता। ⁴³ उन लेई ये उन्दे सामने खादा। ⁴⁴ फेर उन उने’गी बोल्या, “ ए मेरी ओह गल्ला नए, जो में तुन्दे कन्ने रेंदे होए तोहे गी बोली ही कि जरुर ऐ कि जिन्नी गल्ला मूसा दी व्यवस्था और नबियों और गीते दी किताबे च मेरे बारे च लिखी ऐ, सारी पूरी होए। ”

⁴⁵ फेर उन पवित्रशास्त्र बूझने दे लेई उन्दी समझ खोली दिती, ⁴⁶ और उने’गी बोल्या, “ क्यों लिखेया ऐ मसीह दुःख उठाग, और तीसरे दिन मरे होए बीचा जी उठग, ⁴⁷ और यरूशलेम ता लेईये सारी जातियों बीचा मन फिराव दा और पापे दी क्षमा दा प्रचार, उसी दे नाम च किता जाग। ⁴⁸ तोहे इन सारी गल्ले दे गवाह हो। ⁴⁹ और दिखो, जिदी प्रतिज्ञा मेरे पिता ने किती ऐ, में उसी तुन्दे उप्पर उतारगा और जदू तकर स्वर्ग च सामर्थ्य ना पागे, अदू तकर तोहे इसी नगर च ठहरे रहो। ”

⁵⁰ फेर ओह उने’गी बैतनिय्याह तकर बाहर लेई गेया; और अपने हाथ चूकिए उने’गी आशीष दिती; ⁵¹ और उने’गी आशीष दिंदे होए ओह उन्दे कोला अलग होई गेया और स्वर्ग उप्पर उठाई लेया गेया।। ⁵² फेर ओह उसी सजा देईये बड़े खुशी कन्ने यरूशलेम गी चली गेया; ⁵³ और ओह लगातार मन्दिर च हाजिर होईये परमात्मा दी स्तुति किया करदे ही।