2 थिस्सलुनीकियों

2 Thessalonians

2 थिस्सलुनीकियों

¹ पौलुस और सिलवानुस और तीमुथियुस दी ओर ता थिस्सलुनीकियों दी कलीसिया दे नाम, जेड़े साड़े पिता परमात्मा और प्रभु यीशु मसीह च ऐ:

² साड़े पिता परमात्मा और प्रभु यीशु मसीह दी ओर ता तोहे गी अनुग्रह और शान्ति मिलदी रहे।

³ हे पराओ, तुन्दे बारे च सानु हर समय परमात्मा दा धन्यवाद करना चाही दा ऐ, और ए ठीक भी ऐ, इसलेई कि तुन्दा विश्वास बड़ा बद्दा जान्दा ऐ, और तोहे सारे दा प्रेम आपस च बड़ी ही बद्दा जान्दा ऐ। ⁴ इत्थे तकर कि आहे आपे परमात्मा दी कलीसिया च तुन्दे बारे च घमण्ड करदे ही कि जिन्ने उपद्रव और क्लेश तोहे सहनदे हो, उन सारे च तुन्दा धीरज और विश्वास प्रगट होंदा ऐ।

⁵ ए परमात्मा दे सच्चे न्याय दा सही प्रमाण ऐ कि तोहे परमात्मा दे राज्य दे योग्य ठहरो, जिदे लेई तोहे दुःख भी उठान्दे हो। ⁶ क्योंकि परमात्मा दे कोल ए न्याय ए कि जो तोहे क्लेश दिंदे हो, उने’गी बदले च क्लेश दे ⁷ और तोहे, जो क्लेश पानदे हो, साड़े कन्ने चैन दे; उस समय जदू कि प्रभु यीशु अपने सामर्थ्य दूते दे कन्ने, धधकती होई आग च स्वर्ग च प्रगट होग, ⁸ और जेड़े परमात्मा गी नेईं पहचानदे और प्रभु यीशु दे सुसमाचार गी नेईं मनदेउन्दे कोला पलटा लेग। ⁹ ओह प्रभु दे सामने ता और उदी शक्ति दे तेज च दूर होईये अनन्त विनाश दा दण्ड पान गए। ¹⁰ ए उस दिन होए गा, जदू ओह अपने पवित्र लोके च महिमा पाने और सारे विश्वास करने आले च जरुर दा कारण होने गी आए गा; क्योंकि तोहे साड़ी गवाही उप्पर विश्वास किता। ¹¹ इसी लेई आहे सदा तुन्दे लेई प्रार्थना भी करदे ऐ कि साड़ा परमात्मा तोहे गी इस बुलाहट दे योग्य समझे, और पलाई दी हर इक इच्छा और विश्वास दे हर इक काम गी सामर्थ्य सहित पूरा करे, ¹² ताकि साड़े परमात्मा और प्रभु यीशु मसीह दे अनुग्रह दे अनुसार साड़े प्रभु यीशु दा नाम तुन्दे महिमा पान, और तोहे उन्दे च।

¹ हे पराओ, हुन आहे अपने प्रभु यीशु मसीह दे आने, और उदे कोल अपने कठे होने दे बारे च तुन्दे अग्गे विनती करदे हां ² कि किसी आत्मा, या वचन, या पत्री दे द्वारा, जो कि मनो साड़ी ओर ता होए, ए समझिये कि प्रभु दा दिन आ पूजेया ऐ, तुन्दा मन अचानक मजबूत ना होई जाए और ना तोहे कबराओ। ³ किसी रीति कन्ने किसी दे तोखे च ना आएयो, क्योंकि ओह दिन ना आएगा जदू तकर धर्म दा त्याग ना होई जाए, और ओह पाप दा मनुख और विनाश दा पुत्तर प्रगट ना होए। ⁴ जेड़ा विरोध करदा ऐ, और हर इक कन्ने जो ईश्वर या पूज्य कहलान्दा ऐ, अपने आप गी बड्डा ठहरान्दा ऐ, इत्थे तकर कि ओह परमात्मा दे मन्दिर च बैठिये अपने आप गी ईश्वर ठहरान्दा ऐ। ⁵ क्या तोहे स्मरण नेईंकि कि जदू में तुन्दे इत्थे ही, ते तुन्दे कन्ने ए गल्ला कुत्थे करदा ही ? ⁶ तोहे उसी वस्तु गी जान्दे हो, जो उसी हुन रोका दा ऐ कि ओह अपने ही समय च प्रगट होए। ⁷ क्योंकि अधर्म दा भेद हुन भी कार्य करदा जान्दा ऐ, लेकन हुन भी इक रोकने आला ऐ, और जदू तकर ओह दूर ना होई जाए ओह रोके रखग। ⁸ अदू तकर अधर्मी प्रगट होग, जिदे कन्ने प्रभु यीशु अपने मुँह दी फूँक कन्ने मारी देग, और अपने आगमन दे तेज कन्ने पसम करग। ⁹ उसी अधर्मी दा आना शैतान दे कार्य दे अनुसार सारे प्रकार दी चुठी सामर्थ्य, और चिन्ह, और अद्भुत काम दे कन्ने, ¹⁰ और नाश होने आले दे लेई अधर्म दे सारे प्रकार दे तोखे दे कन्ने होग; क्योंकि उने सच्चाई कन्ने प्रेम नेईं किता जिदे कन्ने उन्दा उध्दार होंदा। ¹¹ इसी कारण परमात्मा उन्दे च इक भटका देने आली सामर्थ्य गी पेजेगा कि ओह चूठ दी खोज करग, ¹² ताकि जिन्ने लोक सच्चाई दी खोज नेईं करदे, लेकन अधर्म कन्ने खुश होंदे नए, ओह सारे दण्ड पान।

¹³ हे पराओ, और प्रभु दे प्यारे लोको, चाही दा ए कि आहे तुन्दे बारे च सदा परमात्मा दा धन्यवाद करदे रहिये, क्योंकि परमात्मा ने आदि कोला तोहे गी चुनी लेता कि आत्मा दे द्वारा पवित्र बनिये, और सच्चाई दी खोज करिये उध्दार पाओ, ¹⁴ जिदे लेई उने तोहे गी साड़े सुसमाचार दे द्वारा बुलाया, कि तोहे साड़े प्रभु यीशु मसीह दी महिमा गी प्राप्त करो। ¹⁵ इसलेई हे पराओ, मजबूत रहो; और जेड़ी जेड़ी गल्ला तोहे चाहे वचन या पत्री दे द्वारा साड़े कोला सीखी ऐ, उने’गी थमे रखो।

¹⁶ साड़ा प्रभु यीशु मसीह आपे ही, और साड़ा पिता परमात्मा, जिन्ने साड़े कन्ने प्रेम रखेया और अनुग्रह कन्ने अनन्त शान्ति और उत्तम आशा दिती ऐ, ¹⁷ तुन्दे मनों च शान्ति दे और तोहे गी हर इक अच्छे काम और वचन च मजबूत करे।

¹ आखिर च, हे पराओ, साड़े लेई प्रार्थना किया करो कि प्रभु दा वचन ऐसा जल्दी फैले और महिमा पान, जिन्ना तुन्दे च होया, ² और सानु टेढ़े और दुष्ट मनुखे तो बचे रवो क्योंकि हर इक च विश्वास नेईं।

³ लेकन प्रभु सच्चा ऐ; ओह तोहे गी बड़ा मजबूत करग और उस दुष्ट च अच्छा रखग। ⁴ साड़े प्रभु च तुन्दे ऊपर परोसा ऐ कि जेड़ी – जेड़ी आज्ञा आहे तोहे गी दिने हां, उने’गी तोहे मनदे हो, और मनदे भी रोगे। ⁵ परमात्मा दे प्रेम और मसीह दे धीरज दी ओर प्रभु तुन्दे मन दी अगुआई करे।

⁶ हे पराओ, आहे तोहे गी अपने प्रभु यीशु मसीह दे नाम च आज्ञा दिने हां कि तोहे हर इक ऐसे परा कन्ने अलग रवो जो अनुचित चाल चलदा और जो शिक्षा उने साड़े कोला पाई उदे अनुसार नेईं करदा। ⁷ क्योंकि तोहे आपे जान्दे हो कि किस रीति कन्ने साड़ी गे चाल चलनी चाही दी ऐ, क्योंकि आहे तुन्दे बीच च अनुचित चाल ना चलन, ⁸ और किसे दी रोटी मुफ़्त च ना खादी, लेकन परिश्रम और कष्ट कन्ने रात दिन काम धन्धा करदे ही कि तुन्दे बीचा किसे उप्पर पार ना होए। ⁹ ए नेईं कि सानु अधिकार नेईं, लेकन इसलेई कि अपने आप गी तुन्दे लेई आदर्श ठहरान कि तोहे साड़ी गे चाल चलो। ¹⁰ क्योंकि जदू आहे तुन्दे इत्थे ही, फेर भी ए आज्ञा तोहे गी दिंदे ही कि अगर कोई काम करना ना चाहे ते खान भी नेईं। ¹¹ आहे सुनदे ही कि कुछ लोक तुन्दे बीच अनुचित चाल चलदे नए, और कुछ काम नेईं करदे लेकन दुए दे काम च हाथ पाया करदे नए। ¹² ऐहो जे गी आहे प्रभु यीशु मसीह च आज्ञा दिने और समझानदे ही कि चुपचाप काम करिये अपनी ही रोटी खाया करो। ¹³ तोहे, हे पराओ, पलाई करने च साहस ना छोड़ेयो।

¹⁴ अगर कोई साड़ी इस पत्री दी गल्ल गी ना मने ते उदे उप्पर नजर रखो, और उदी संगती ना करो, जिदे कन्ने ओह शर्मिंदा होए। ¹⁵ फेर भी बैरी नेईं समझो, लेकन परा जानिए चिताओ।

¹⁶ हुन प्रभु जेड़ा शान्ति दा सोंदा ऐ आपे ही तोहे गी सदा और हर प्रकार च शान्ति दे। प्रभु तुन्दे सारे दे कन्ने रहे।

¹⁷ में, पौलुस, अपने हाथ कन्ने नमस्कार लिखदा हां। हर पत्री च मेरा ऐही निशान ऐ; में इसी तरह लिखंदा हां। ¹⁸ साड़े प्रभु यीशु मसीह दा अनुग्रह तुन्दे सारे उप्पर होंदा रहे।