12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
12345678910111213141516171819202122

2 John

1

1 A kum tang vae paw kae, Johan nynh, byaccing kya ka sungsah`ae paw, popaw bawinung te a ccaaw`ae kalan ccaw kae ky oh. Kae kyalya nynh kae sungsah oh paw thua khyh, thuasalama byaccing a nyh`ae paw balyn nynh ae sungsah oh. 2 Kaening kya um zah kaening ryte zungzae a um cih paw byaccing keiccu nynh nanning kha kae sungsah oh. 3 Paaw Pachia kyate thuasah, Paaw a Ccapaw, Bawipaw Jesu Kri kyate thuasah byaccing te sungsakunaw kya thawccinaw, ngaethya-umsanaw te daenaw tuh nae kya la um sah. 4 Paaw kyate kawpyapaw kha kaening nynh kae mue thyhhawte na ccaaw`ae abang nynh byaccing kya a ccia`ae paw kha ka muih tuh myarya ka lungtua. 5 Bawinung, athawpaw kawpyapaw hynh na kalan kae zei khyh. Thuasalama atakaw kyate kae hoi vae paw kawpyapaw kha nynh kae zei. Atu nang kae ngia ry paw tuh aening lukheit te lukheit sungsakuh oh sih cipaw nynh thua. 6 Te a kawpyapaw`ae thyhte aening nynh ah hiin oh paw hynh nynh sungsakunaw cipaw tuh athua. Atakaw kyate nanning nynh phe na thae vae oh hawte, kha-e kawpyapaw kya na cceih cih oh cipaw kha nynh kawpyapaw tuh athua. 7 Pawccecize ccungccaw lingtu`ae patae laephipi lungkhu lang phe tee vae`ae. Minmin nynh Jesu Kri tuh pynsaw lante yn thua cipaw ccaekiakhan khyh`ae. Khahtahawpaw ccungccaw tuh ccungccaw lingtu te antikri nynh thua. 8 Aening nynh rya ah law oh paw kha ah shung khyh nawlan oh, thuasalama phe ccing paw ryalaw mee ah mue nawlan oh, naemaw te naemaw la raeringkuh oh. 9 Hunghung zemah Kri ccangpyanaw kya tyn khyh zah kawngae leipaw ccungccaw tuh Pachia kha hoi khyh. Kri ccangpyanaw kya atynpaw ccungccaw tuh Paaw te Ccapaw kha paryh a hoi. 10 Kha-e ccangpyanaw kha ccyngku leite, ccungccaw lukhakheit nynh nanning kalan yn thua lanze nae inn lungkhu lang la thuasah nan oh. Beih mah la beih nan oh. 11 Pawccecize kha-e paw kha a beih paw ccungccaw tuh kha-e paw kya-e ahoy leipaw cyisahnaw`ae a neethungkuh bua paw nynh thua. 12 Nanning kalan zei lanpaw uccaw`ae patae ka hoi zemah ccanaw te ccatui te zei lan ka ry vae khyh. Thuasalama ah lungtuanaw phe abia nawlan nanning kalan kae thua cih zah nanning ryte hawiliakute byabeihku lan cipaw ka ngaehoi. 13 Po athua paw na neitanung a ccaaw`ae nynh nang kha ae beihlang`ae. Amen.