1 CHANRELNAK

1 CHANRELNAK

¹ Adam, Seth, Enosh, ² Kenan, Mahalalel Jared, ³ Enok, Methuselah, Lamek, ⁴ Noah, Shem, Ham le Jafeth. ⁵ Jafeth fapa hna: Gomer, Magog, Madai, Javan, Tubal, Meshek le Tiras. ⁶ Gomer fapa hna: Ashkenaz, Rifath, le Togarmah. ⁷ Javan fapa hna: Elishah, Tarshish, Kittim le Rodanim. ⁸ Ham fapa hna: Kush, Izipt, Put le Kanaan. ⁹ Kush fapa hna: Seba, Havilah, Sabtah, Raamah, le Sabteka. Raamah fapa hna: Sheba le Dedan. ¹⁰ Kush cu Nimrod pa kha a si; amah cu vawlei cungah miṭhawng si hram aa thawk. ¹¹ Izipt cu Lud, Anam, Lehab, Naftuh, ¹² Pathrus, Kasluh (Filistin mi chuahkehnak) le Kaftor mi hna pa a si. ¹³ Kanaan cu a hrin hmasa bik Sidon le Heth, ¹⁴ le Jebus mi hna le Amor mi hna le Girgash mi hna le ¹⁵ Hiv mi hna le Arki mi hna le Sin mi hna le ¹⁶ Arvad mi hna le Zemari mi hna le Hamath mi hna pa a si. ¹⁷ Shem fapa hna: Elam, Asshur, Arpakshad, Lud, Aram, Uz, Hul, Gether le Meshek. ¹⁸ Arpakshad cu Shelah pa a si i Shelah cu Eber pa a si. ¹⁹ Eber nih cun fapa pahnih a hrin hna: pakhat min cu Peleg a si (zeitintiah amah chan ah vawleicung mi kha an i ṭhen), cun a unau min cu Joktan a si. ²⁰ Joktan cu Almodad, Shelef, Hazarmaveth, Jerah, ²¹ Hadoram, Uzal, Diklah, ²² Ebal, Abimael, Sheba, ²³ Ofir, Havilah le Jobab pa a si, mah hna vialte hi Joktan fapa an si. ²⁴ Shem in Abraham tiang: Shem, Arpakshad, Shelah; ²⁵ Eber, Peleg, Re-u, ²⁶ Serug, Nahor, Terah le ²⁷ Abram (mah cucu Abraham a si). ²⁸ Abraham fapa hna: Isak le Ishmael. ²⁹ Mah hihi an ciruang an si: Ishmael fater cu Nebaioth; cun Kedar, Adbeel, Mibsam, ³⁰ Mishma, Dumah, Massa, Hadad, Tema, ³¹ Jetur, Nafish le Kedemah. Mah hna hi Ishmael fapa an si. ³² Abraham nuchun Keturah fapa hna: amah nih cun Zimran, Jokshan, Medan, Midian, Ishbak le Shuah a hrin hna. Jokshan fapa hna: Sheba le Dedan. ³³ Midian fapa hna: Ephah, Efer, Hanok, Abida le Eldaah. Mah vialte hi Keturah hrinthlak an si. ³⁴ Abraham cu Isak pa a si. Isak fapa hna cu: Esau le Israel. ³⁵ Esau fapa hna: Elifaz, Reuel, Jeush, Jalam le Korah. ³⁶ Elifaz fapa hna: Teman, Omar, Zefi, Gatam, Kenaz, Timna le Amalek. ³⁷ Reuel fapa hna: Nahath, Zerah, Shammah le Mizzah. ³⁸ Seir fapa hna: Lotan, Shobal, Zibeon, Anah, Dishon, Ezer le Dishan. ³⁹ Lotan fapa hna: Hori le Homam; cun Lotan far cu Timna a si. ⁴⁰ Shobal fapa hna: Alian, Manahath, Ebal, Shefi le Onam. Zibeon fapa hna: Aiah le Anah. ⁴¹ Anah fapa hna: Dishon. Dishon fapa hna: Hamran, Eshban, Ithran le Kheran. ⁴² Ezer fapa hna: Bilhan, Zaavan le Jaakan. Dishan fapa hna: Uz le Aran. ⁴³ Israel mi hna cungah siangpahrang ahohmanh an um hlanah mah hna hi Edom ram a rak pengtu siangpahrang cu an si: Beor fapa Bela, amah a khua min cu Dinhabah a si. ⁴⁴ Bela a thih tikah, Bozrah khuami Zerah i a fapa Jobab cu amah hmun ah khan a hung bawi. ⁴⁵ Jobab cu a thih tikah, Teman mi hna ram mi Husham kha amah hmun ah cun a hung bawi. ⁴⁶ Husham kha a thih tikah, Moab ram chung i Midian mi hna a teitu Bedad i a fapa Hadad kha amah hmun ah cun a hung bawi i a khualipi min cu Avith a si. ⁴⁷ Hadad cu a thih tikah, Masrekah mi Samlah kha amah hmun ah cun a hung bawi. ⁴⁸ Samlah cu a thih tikah, Zufrates tiva kam i a ummi Rehoboth khuami Shaul kha amah hmun ah cun bawi a cang. ⁴⁹ Shaul cu a thih tikah, Akhbor fapa Baalhanan kha amah hmun ah cun a bawi. ⁵⁰ Baalhanan a thih tikah amah hmun ah khan Hadad cu a hung bawi i a khualipi min cu Pai a si i a nupi min cu Mehetabel a si, amah cu Matred fanu a si, Matred cu Mezahab fanu a si. ⁵¹ Cun Hadad cu a thi. Edom bawi hna cu: Timna bawi, Aliah bawi, Jetheth bawi ⁵² Oholibamah bawi, Elah bawi, Pinon bawi, ⁵³ Kenaz bawi, Teman bawi, Mibzar bawi, ⁵⁴ Magdiel bawi, le Iram bawi an si; mah hna hi Edom bawi cu an si.

¹ Mah hna hi Israel fapa hleihnih cu an si: Reuben, Simeon, Levi, Judah, Issakhar, Zebulun, ² Dan, Josef, Benjamin, Naftali, Gad le Asher. ³ Judah fapa panga hna: Er, Onan, le Shelah; mah pathum hna hi Kanaan minu Bathshua nih khan a hrinpiak. Judah fater Er cu Bawipa mithmuh ah miṭhalo a si i a thah. ⁴ A fapa nupi Tamar zong nih khan Perez le Zerah kha a hrinpiak. Judah nih a dihlak ah fapa panga a ngei. ⁵ Perez fapa pahnih hna: Hezron le Hamul. ⁶ A nau Zerah fapa hna: Zimri, Ethan, Heman, Kalkol, le Dara, an dihlak ah panga. ⁷ Zerah tefa Karmi fapa Akhan kha Israel hna a hnawhtu, pekchanhmi thil a buartu a si; ⁸ cun Ethan fapa cu Azariah a si. ⁹ Hezron nih a hrinmi fapa hna cu: Jerahmeel, Ram le Khelubai. ¹⁰ Ram cu Amminadab pa a si. Amminadab cu Judah fapa hna lak i an bawi Nahshon i a pa kha a si. ¹¹ Nahshon cu Salma pa a si, Salma cu Boaz pa a si, ¹² Boaz cu Obed pa a si i Obed cu Jesse pa a si. ¹³ Jesse cu a fater Eliab le a pahnihnak Abinadab le a pathumnak Shimea le ¹⁴ a palinak Nethanel le a panganak Raddai le ¹⁵ a paruknak Ozem le a pasarihnak David hna pa kha a si; ¹⁶ an farle hna cu Zeruiah le Abigail an si. Zeruiah fapa hna cu: Abishai, Joab, le Asahel, pathum an si. ¹⁷ Abigail nih Amasa a hrin i Amasa pa cu Ishmael mi Jether a si. ¹⁸ Hezron fapa Kaleb nih a nupi Azubah he Jerioth an hrin; cun mah hna hi a fapa cu an si: Jesher, Shobab le Ardon. ¹⁹ Azubah cu a thih tikah Kaleb nih cun Efrath kha a ṭhit i amah nih cun Hur kha a hrinpiak. ²⁰ Hur cu Uri pa kha a si i Uri cu Bezalel pa kha a si. ²¹ Cu hnuah cun Gilead pa Makhir i a fanu kha Hezron nih cun a kawmh i kum sawm ruk a ti ah a ṭhit Segub kha a hrinpiak. ²² Cun Segub cu Jair pa a si i Jair cu Gilead ram ah khua kul le thum a ngei. ²³ Sihmanhsehlaw Geshur le Aram nih Havothjair, Kenath le a khuate hna kha, khua sawm ruk an chuh hna. Mah vialte hna hi Gilead pa Makhir tefa kha an si. ²⁴ Hezron thih hnuah, Kaleb nih a pa Hezron nupi Efrathah kha a kawmh i Tekoa pa Ashhur kha a hrinpiak. ²⁵ Hezron fapa upa bik Jerahmeel fapa hna: a fater Ram, Bunah, Oren, Ozem, le Ahijah. ²⁶ Jerahmeel nih nupi dang zong a ngei, a min cu Atarah a si; amah cu Onam nu kha a si. ²⁷ Jerahmeel fapa upa bik Ram fapa hna: Maaz, Jamin le Eker. ²⁸ Onam fapa hna: Shammai le Jada. Shammai fapa hna: Nadab le Abishur. ²⁹ Abishur nupi min cu Abihail a si; a mah nih Ahban le Molid a hrin hna. ³⁰ Nadab fapa hna: Seled le Appaim; Seled cu fa ngei loin a thi. ³¹ Appaim fapa hna: Ishi. Ishi fapa hna: Sheshan. Sheshan fapa hna: Ahlai. ³² Shammai unau Jada fapa hna: Jether le Jonathan; Jether cu fa ngei loin a thi. ³³ Jonathan fapa hna: Peleth le Zaza. Mah hna hi Jerahmeel tefa cu an si. ³⁴ Sheshan cu fapa a ngei lo, fanu lawng a ngeih hna; asinain Sheshan nih cun Izipt mi sal pakhat a ngei i a min ah Jarha a si. ³⁵ Cucaah Sheshan nih a sal Jarha cu a fanu kha a ṭhitter i Attai kha a hrin. ³⁶ Attai cu Nathan pa a si i Nathan cu Zabad pa a si. ³⁷ Zabad cu Eflal pa a si i Eflal cu Obed pa a si. ³⁸ Obed cu Jehu pa a si Jehu cu Azariah pa a si. ³⁹ Azariah cu Helez pa a si i Helez cu Eleasah pa a si. ⁴⁰ Eleasah cu Sismai pa a si i Sismai cu Shallum pa a si. ⁴¹ Shallum cu Jekamiah pa a si i Jekamiah cu Elishama pa a si. ⁴² Jerahmeel unau Kaleb fapa hna: a hrin hmasa bik Mareshah, amah cu Zif pa a si. Mareshah fapa hna: Hebron. ⁴³ Hebron fapa hna: Korah, Tappuah, Rekem le Shema. ⁴⁴ Shema cu Raham pa a si, Raham cu Jorkeam pa a si; cun Rekem cu Shammai pa a si. ⁴⁵ Shammai fapa cu Maon a si, cun Maon cu Beth-zur pa a si. ⁴⁶ Kaleb nuchun Ephah zong nih Haran, Moza, le Gazez a hrin hna, cun Haran fapa a ngeih i a min Gazez a si. ⁴⁷ Jahdai fapa hna: Regem, Jotham, Geshan, Pelet, Ephah, le Shaaf. ⁴⁸ Kaleb nuchun Maakah nih, Sheber le Tirhanah a hrin hna. ⁴⁹ Madmannah pa Shaaf le Makbenah le Gibea pa Sheva zong kha a hrin hna. Cun Kaleb fanu cu Akhsah a si. ⁵⁰ Mah hna hi Kaleb tefa cu an si: A nupi Efratah he an hrinmi fater cu Hur a si. Hur i a fapa hna cu: Kiriath-jearim pa Shobal, ⁵¹ Bethlehem pa Salma, le Beth-gader pa Haref; ⁵² Kiriath-jearim pa Shobal cu Haroeh mi hna le Menuhoth mi hnarcheu hna hringsortu a si. ⁵³ Cun Kiriath-jearim i a ummi innchungkhar hna cu: Ithra mi, Puth mi, Shumath mi, Misra mi an si; hi hna chung hin Zorah mi le Eshtaol mi kha an chuahkehnak a si. ⁵⁴ Bethlehem tlatu Salma cu Netofah mi, Atroth-beth-joab le Manahath mi le Zor mi hna hringsortu a si; anmah cu Manahath i a ummi innchungkhar pahnih hna lak i pakhat kha an si. ⁵⁵ (A tanglei innchungkhar hna hi caṭial le caṭialchin a thiam ngaingaimi an si i Jabez khua ah a ummi an si: Tirath mi, Shimeath mi le Sukath mi an si. Annih hi Ken mi, Rekhab mi he aa ṭhi-ummi kha an si. Rekhab mi hna pa cu Hammath a si.)

¹ Mah hihi David nih Hebron ah a hrinmi a fapa hna cu an si: a fater Amnon cu Jezreel minu Ahinoam nih a hrinpiak; a pahnihnak Daniel cu Karmel minu Abigail nih a hrinpiak, ² a pathumnak cu Absalom a si, a nu cu Maakah, Geshur siangpahrang Talmai fanu a si; a palinak cu Adonijah a si, a nu cu Haggith a si; ³ a panganak cu Shefatiah a si, Abital nih a hrin; a paruknak cu Ithream a si, a nupi Eglah hrinpiakmi a si; ⁴ kum sarih le thla ruk bawi a cannak Hebron khua ah khan paruk a hrin hna. Cun Jerusalem ah kum sawm thum le kum thum a bawi. ⁵ Jerusalem i a nupi Bathsheba, Ammiel fanu nih a hrinmi cu mah hna hi an si: Shimea, Shobab, Nathan le Solomon, ⁶ cun fapa dang pakua a ngeih hna: Ibhar, Elishua, Elpelet, ⁷ Nogah, Nefeg, Jafia, ⁸ Elishama, Eliada le Elifelet an si. ⁹ Mah vialte hi David fapa an si, a nupichun fapa hna lengah khan; Tamar cu an far a si. ¹⁰ Solomon tefa hna cu: Rehoboam, cu fapa ah Abijah, cu fapa ah Asa, cu fapa ah Jehoshafat, ¹¹ cu fapa ah Joram, cu fapa ah Ahiziah, cu fapa ah Joash, ¹² cu fapa ah Amaziah, cu fapa ah Azariah, cu fapa ah Jotham, ¹³ cu fapa ah Ahaz, cu fapa ah Hezekiah, cu fapa ah Manasseh, ¹⁴ cu fapa ah Amon, cu fapa ah Josiah. ¹⁵ Josiah fapa hna cu: fater Johanan, a pahnihnak Jehoiakim, a pathumnak Zedekiah, a palinak Shallum. ¹⁶ Jehoiakim tefa hna cu: a fapa Jekoniah, cu fapa ah Zedekiah; ¹⁷ cun ral tlaihmi Jekoniah i fapa hna cu: a fapa Shealtiel, ¹⁸ Malkhiram, Pedaiah, Shenazzar, Jekamiah, Hashama, le Nedabiah; ¹⁹ Pedaiah fapa hna cu: Zerubbabel le Shimei; Zerubbabel fapa hna cu: Meshullam le Hananiah, Shelomith cu an far a si; ²⁰ cun Hashubah, Ohel, Berekhiah, Hasadiah le Jusshabhesed, panga an si. ²¹ Hananiah fapa hna: Pelatiah le Jeshaiah, cu fapa ah Refaiah, cu fapa ah Arnan, cu fapa ah Abadiah, cu fapa ah Shekaniah. ²² Shekaniah fapa hna: Shemaiah. Cun Shemaiah fapa hna: Hattush, Igal, Bariah, Neariah, le Shafat, paruk an si. ²³ Neariah fapa hna: Eli-o-enai, Hizkiah, le Azrikam, pathum an si. ²⁴ Eli-o-enai fapa hna: Hodaviah, Eliashib, Pelaiah, Akkub, Johanan, Delaiah, le Anani, pasarih an si.

¹ Judah fapa hna: Perez, Hezron, Karmi, Hur le Shobal. ² Shobal fapa Re-aiah cu Jahath pa a si, Jahath cu Ahumai le Lahad pa a si. Mah hna hi Zorah mi innchungkhar hna cu an si. ³ Mah hna hi Etam fapa cu an si: Jezreel, Ishma, le Idbash; cun an farnu min cu Hazzelelponi a si, ⁴ cun Penuel cu Gedor pa a si i Ezer cu Hushah pa a si. Bethlehem pa Efrathah i a fater Hur i a fapa hna cu mah hna hi an si. ⁵ Tekoa pa Ashhur nih nupi pahnih a ngei, Helah le Naarah an si; ⁶ Naarah nih cun Ahuzzam, Hefer, Temeni, le Haahastari a hrinpiak. Mah hna hi Naarah fapa cu an si. ⁷ Helah fapa hna: Zereth, Izhar, le Ethnam. ⁸ Koz cu Anub, Zobebah le Harum fapa Aharhel innchungkhar hna pa kha a si. ⁹ Jabez cu a unau hna nakin upat awk tlak deuh a si; cun a nu nih a min cu, "Har lengmang in ka hrin caah," tiin Jabez tiah a ti. ¹⁰ Jabez nih cun Israel Pathian cu a auh i, "Nangmah nih thluachuahnak ka pe law ka ramri kauhter law na kut cu ka sinah um seh law keimah cu harnak nih a ka tlunh nakhnga lo harnak chungin ka huppheng ko sawh," tiah a ti. Cun Pathian nih a halmi kha a pek. ¹¹ Shuhah unau Khelub cu Eshton pa Mehir pa kha a si. ¹² Eshton cu Bethrapa, Paseah le Tehinnah pa a si, Tehinnah cu Ir-nahash pa a si. Mah hna hi Rekah mi an si. ¹³ Kenaz fapa hna: Othniel le Seraiah; Othniel fapa hna: Hathath le Meonothai. ¹⁴ Meonothai cu Ofrah pa a si; cun Seraiah cu Geharashim hna pa Joab pa a si, annih cu zungthiam an si caah Geharashim ti an si. ¹⁵ Jefunneh fapa Kaleb fapa hna: Iru, Elah, le Naam; cun Elah fapa hna: Kenaz. ¹⁶ Jehallelel fapa hna: Zif, Zifah, Tiria, le Asarel. ¹⁷ Ezrah fapa hna: Jether, Mered, Efer, le Jalon. Mah hna hi Mered nih a ṭhitmi Faro fanu Bithiah fapa hna cu an si; cun fa a pawi i Miriam, Shammai, le Ishbah a hrin hna, Ishbah cu Eshtemoa pa a si. ¹⁸ Cun a nupi Judah minu nih Gedor pa Jered, Soko pa Heber, le Zanoah pa Jekuthiel a hrin hna. ¹⁹ Naham far a simi Hodiah nupi fapa hna cu Gar mi Keilah le Maakath mi Eshtemoa pa an si. ²⁰ Shimon fapa hna: Amnon, Rinnah, Benhanan, le Tilon. Ishi fapa hna: Zoheth le Benzoheth. ²¹ Judah fapa Shelah fapa hna cu: Lekah pa Er, le Beth-ashbea i puan hmangṭhia a sertu hna phun innchungkhar hna le Mareshah pa Laadah le ²² Jokim le Kozeba, Joash le Saraf mi, Moab ram i uktu a rak si i Lehem i a kir ṭhanmi hna kha an si (atu cu an rak ṭialmi roca kha a hlun cang). ²³ Mah hna hi um sertu le Netaim le Gederah i a ummi hna kha an si; khika ah siangpahrang sinah khan a rianṭuan awkah an um. ²⁴ Simeon fapa hna: Nemuel, Jamin, Jarib, Zerah, Shaul ²⁵ Shallum cu a fapa a si, Mibsam cu a fapa a si, Mishma cu a fapa a si. ²⁶ Mishma fapa hna: a fapa Hammuel, cu fapa ah Zakkur, cu fapa ah Shimei. ²⁷ Shimei cu fapa hleiruk le fanu paruk a ngei; sihmanhsehlaw a unau hna cu fa tampi an ngei lo, an chungkhar vialte zong Judah mi hna bantukin an karh lo. ²⁸ Annih cu Beersheba, Moladah, Hazar-shual, ²⁹ Bilhah, Ezem, Tolad, ³⁰ Bethuel, Hormah, Ziklag, ³¹ Beth-markaboth, Hazar-susim, Beth-biri, le Shaaraim ah khua an sa. David a hung bawi tiang khan mah hna hi an khua an si. ³² Cun an khuate hna cu Etam, Ain, Rimmon, Tokhen, le Ashan, khua panga, ³³ le hi khua hna pawngkam i a ummi khuate vialte, Baal tiangin, an si. Mah hna hi an umnak hmun an si i annih nih an chuahkehnak caṭial roca kha an i ken. ³⁴ Meshobab, Jamlekh, Amaziah fapa Joshah, ³⁵ Joel, Jehu Joshibiah fapa, Joshibiah cu Seraiah fapa, Seraiah cu Asiel fapa, ³⁶ Elioenai, Jaakobah, Jeshohaiah, Asaiah, Adiel, Jesimiel, Benaiah, ³⁷ Shifi fapa Ziza, Shifi cu Allon fapa, Allon cu Jedaiah fapa, Jedaiah cu Shimri fapa, Shimri cu Shemaiah fapa ³⁸ hi an min in chimmi hna hi an innchungkhar cio ah bawi an si i an pale innchungkhar cio hna cu tampi in an karh. ³⁹ Annih nih Gedor i va luhnak ah khan, nelrawn nichuahlei kamah khan, an saṭil run hna ca i ram hno kawl awkah an kal, ⁴⁰ khika ah ram hno ram ṭha kha an va hmuh i hmun zong kha a rak kau ngaingai i a dai i hnangamnak hmun a si; zeitintiah khika i a rak um hmasami hna cu Ham tefa kha an rak si. ⁴¹ Hi an min in ṭialmi hna hi, Judah siangpahrang Hezekiah chan ah khan an ra i, an thlam hna le khika i khua a rak sami Meunim mi hna kha an hrawh hna i nihin ni tiang hin an hloh cikcek hna i an umnak ah khan anmah an um, zeicahtiah khika ah khan an saṭil run hna caah ram a um. ⁴² Cun annih lak i tlawmpal, Simeon mi za nga, hna cu Seir Tlang ah an kal i an hruaitu ah cun Ishi fapa hna Pelatiah, Neariah, Refaiah, le Uzziel kha an si; ⁴³ cun annih nih a luatmi Amalek mi a tang rihmi hna kha an hrawh hna i khika ah nihin ni tiangin khua an sa.

¹ Israel fater Reuben i fapa hna (amah cu a fater a si, sihmanhsehlaw a pa ihkhun kha a thurhnawmhter caah a fater sinak cu Israel fapa Josef fapa hna sinah khan pek a si, cucaah chanrelnak ah khan a fater sinak ning khan khumh a si lo ² Judah cu a unau hna lakah a ṭhawngmi a hung si i amah chungin bawi a hung chuak nain, fater sinak tu cu Josef ta a si ko), ³ Israel fater Reuben fapa hna: Hanok, Pallu, Hezron, le Karmi. ⁴ Joel fapa hna: a fapa ah Shemaiah, cu fapa ah Gog, cu fapa ah Shimei, ⁵ cu fapa ah Mikah, cu fapa ah Reaiah, cu fapa ah Baal, ⁶ cu fapa ah Beerah, Assiria siangpahrang Tilgath-pilne-ser nih sal ah a kalpimi kha; amah cu Reuben mi lakah an bawi bik a si. ⁷ Cun a rualchan hna cu an innchungkhar cio ningin, an chan cio chanrelnak kha ṭial a si tikah hi bangin a si: upa bik Jeiel le Zekhariah, ⁸ le Azaz fapa Bela an si; Azaz cu Shema fapa, Shema cu Joel fapa a si; annih cu Aroer ah Nebo le Baalmeon tiang khan an rak um. ⁹ Nichuahlei ah Zufrates tiva hi lei kam thetse ram luhnak tiang khan a um fawn, zeicahtiah Gilead ram ah an saṭil kha a karh. ¹⁰ Cun Saul chan ah khan Hag mi kha an doh hna i cu hna cu an kut in an va tei hna; cun Gilead in nichuahlei ram dihlak ah khan an thlam chungah cun khua an sa. ¹¹ Gad fapa hna cu annih zawn ah khan Bashan ram chungah khan Salekah tiangin an um: ¹² Joel cu upa bik a si, a pahnihnak ah Shafam, cun Bashan i a ummi Janai le Shafat. ¹³ Cun an rualchan hna, anmah le an pale innchungkhar ning cio ah: Mikhael, Meshullam, Sheba, Jorai, Jakan, Zia, le Eber, pasarih an si. ¹⁴ Hi hna hi Abihail fapa cu an si. Abihail cu Huri fapa, Huri cu Jaroah fapa, Jaroah cu Gilead fapa, Gilead cu Mikhael fapa, Mikhael cu Jeshishai fapa, Jeshishai cu Jahdo fapa, Jahdo cu Buz fapa; ¹⁵ Guni fapa Abdiel i fapa Ahi cu an pale innchungkhar hna lakah bawi bik a si; ¹⁶ annih cu Gilead le Bashan le a pawngkam khua vialte le Sharon ram chung i saṭil tlonnak hmun dihlak ah khan an ramri tiangin an um. ¹⁷ Hi hna vialte hi Judah siangpahrang Jotham le Israel siangpahrang Jeroboam chan ah khan an chuahkehnak ning in cazin khumh an si. ¹⁸ Reuben mi hna le Gad mi hna le Manasseh phun cheu hna nih khan phaw le nam aa putmi, li kuaih a thiam i ral tuknak ah a thiam ngaingaimi, aa tim ciami minung sang li le thong li le za sarih le sawm ruk an ngeih hna. ¹⁹ Annih nih Hag mi, Jetur mi, Nafish mi le Nodab mi kha an tuk hna; ²⁰ cun annih nih bawmhnak kha an hmuh tikah Hag mi hna le an sir i a ummi vialte hna kha an kut chungah cun pek an si, zeicahtiah raldohnak hmun chungah cun Pathian kha an auh i amah kha an i bochan caah an nawlnak kha a pek hna. ²¹ Annih nih an ṭilva kha an i kalpi hna: an kalauk sang nga, tuu sing hnih le sang nga, laa thong hnih, le a nung in mi thong za khat. ²² Raldohnak cu Pathian ta a si caah tampi an thah hna. Cun saltan caan tiang an umnak ah cun khua an sa. ²³ Manasseh phun cheu chung mi hna kha ram chungah cun an um; Bashan in Baal-hermon, Senir, le Hermon Tlang tiang, an tam ngaingai. ²⁴ Hi hna hi an pale innchungkhar cio an lu hna cu an si: Efer, Ishi, Eliel, Azriel, Jeremiah, Hodaviah le Jahdiel, a ṭhawngmi ralkap, min thang, an pale innchungkhar hna lu cio an si. ²⁵ Sihmanhsehlaw an pupa hna Pathian cungah khan an sual i an hmaiah Pathian nih a hrawhmi hna ram chung i a ummi pathian hna sinah khan hlawh an hlang. ²⁶ Cucaah Israel Pathian nih khan Assiria siangpahrang Pul thinlung le Assiria siangpahrang Tilgath-pilne-ser thinlung kha a thawhter i amah nih cun Reuben mi hna le Gad mi hna le Manasseh phun cheu hna cu a kalpi hna i Halah, Habor, Hara, le Gozan tiva ah a phakpi hna, i nihin ni tiang hin an um ko.

¹ Levi fapa hna: Gershom, Kohath, le Merari. ² Kohath fapa hna: Amram, Izhar, Hebron, le Uzziel. ³ Amram fale hna: Aaron, Moses, le Miriam. Aaron fapa hna: Nadab, Abihu, Eleazar, le Ithamar. ⁴ Eleazar cu Phinehas pa a si, Phinehas cu Abishua pa a si, ⁵ Abishua cu Bukki pa a si, Bukki cu Uzzi pa a si, ⁶ Uzzi cu Zerahiah pa a si, Zerahiah cu Meraioth pa a si, ⁷ Meraioth cu Amariah pa a si, Amariah cu Ahitub pa a si, ⁸ Ahitub cu Zadok pa a si, Zadok cu Ahimaaz pa a si, ⁹ Ahimaaz cu Azariah pa a si, Azariah cu Johanan pa a si, ¹⁰ Johanan cu Azariah pa a si (amah cu Jerusalem i Solomon nih inn a sakmi chung i tlangbawi a ṭuan mi kha a si). ¹¹ Azariah cu Amariah pa a si, Amariah cu Ahitub pa a si, ¹² Ahitub cu Zadok pa a si, Zadok cu Shallum pa a si, ¹³ Shallum cu Hilkiah pa a si, Hilkiah cu Azariah pa a si, ¹⁴ Azariah cu Seraiah pa a si, Seraiah cu Jehozadak pa a si; ¹⁵ Nebukhadnezzar kut in Judah le Jerusalem cu saltannak chungah Bawipa nih a thlak tik hna ah Jehozadak cu saltannak chungah a kal. ¹⁶ Levi fapa hna: Gershom, Kohath, le Merari. ¹⁷ Cun mah hihi Gershom fapa hna min cu an si: Libni le Shimei. ¹⁸ Kohath fapa hna: Amram, Izhar, Hebron, le Uzziel. ¹⁹ Merari fapa hna: Mahli le Mushi. Mah hna hi Levi mi innchungkhar hna, an pupa hna ning cio ah an si. ²⁰ Gershom fapa hna: a fapa cu Libni a si, cu fapa ah Jahath, cu fapa ah Zimmah, ²¹ cu fapa ah Joah, cu fapa ah Iddo, cu fapa ah Zerah, cu fapa ah Jeatherai. ²² Kohath fapa hna: a fapa ah Amminadab, cu fapa ah Korah, cu fapa ah Assir, ²³ cu fapa ah Elkanah, cu fapa ah Ebiasaf, cu fapa ah Assir, ²⁴ cu fapa ah Tahath, cu fapa ah Uriel, cu fapa ah Uzziah, cu fapa ah Shaul. ²⁵ Elkanah fapa hna: Amasai le Ahimoth, ²⁶ cu fapa ah Elkanah, cu fapa ah Zofai, cu fapa ah Nahath, ²⁷ cu fapa ah Eliab, cu fapa ah Jeroham, cu fapa ah Elkanah. ²⁸ Samuel fapa hna: a fater cu Joel a si, a pahnihnak cu Abijah a si. ²⁹ Merari fapa hna: a fapa ah Mahli, cu fapa ah Libni, cu fapa ah Shimei, cu fapa ah Uzzah, ³⁰ cu fapa ah Shimea, cu fapa ah Haggiah, cun cu fapa ah Asaiah. ³¹ Mah hna hi David nih Bawipa inn chungah, khika i kuang kha chiah a si hnuah, hla saknak rian tlaitu ah a chiahmi hna cu an si. ³² Solomon nih Bawipa inn kha Jerusalem ah a sak hlantiang, tonnak thlam puan biakinn hmaiah khan hla in rian an ṭuan; an rian cu aa chang lengmang tein an ṭuan. ³³ Hi hna hi rian a ṭuanmi hna le an fapa hna cu an si. Kohath mi hna chungin: hla satu Heman, amah cu Joel fapa a si, Joel cu Samuel fapa a si, ³⁴ Samuel cu Elkanah fapa a si, Elkanah cu Jeroham fapa a si, Jeroham cu Eliel fapa a si, Eliel cu Toah fapa a si, ³⁵ Toah cu Zuf fapa a si, Zuf cu Elkanah fapa a si, Elkanah cu Mahath fapa a si, Mahath cu Amasai fapa a si, ³⁶ Amasai cu Elkanah fapa a si, Elkanah cu Joel fapa a si, Joel cu Azariah fapa a si, Azariah cu Zefaniah fapa a si, ³⁷ Zefaniah cu Tahath fapa a si, Tahath cu Assir fapa a si, Assir cu Ebiasaf fapa a si, Ebiasaf cu Korah fapa a si, ³⁸ Korah cu Izhar fapa a si, Izhar cu Kohath fapa a si, Kohath cu Levi fapa a si, Levi cu Israel fapa a si; ³⁹ cun a orhlei kamah a dirmi a unau Asaf, cu Asaf cu Berekhiah fapa a si, Berekhiah cu Shimea fapa a si, ⁴⁰ Shimea cu Mikhael fapa a si, Mikhael cu Baaseiah fapa a si, Baaseiah cu Malkhijah fapa a si, ⁴¹ Malkhijah cu Ethni fapa a si, Ethni cu Zerah fapa a si, Zerah cu Adaiah fapa a si, ⁴² Adaiah cu Ethan fapa a si, Ethan cu Zimmah fapa a si, Zimmah cu Shimei fapa a si, ⁴³ Shimei cu Jahath fapa a si, Jahath cu Gershom fapa a si, Gershom cu Levi fapa a si. ⁴⁴ Kehlei kamah Merari fapa hna, an unau hna kha an um: Ethan, amah cu Kishi fapa a si, Kishi cu Abdi fapa a si, Abdi cu Malluk fapa a si, ⁴⁵ Malluk cu Hashabiah fapa a si, Hashabiah cu Amaziah fapa a si, Amaziah cu Hilkiah fapa a si. ⁴⁶ Hilkiah cu Amzi fapa a si, Amzi cu Bani fapa a si, Bani, cu Shemer fapa a si. ⁴⁷ Shemer cu Mahli fapa a si, Mahli cu Mushi fapa a si, Mushi cu Merari fapa a si, Merari cu Levi fapa a si; ⁴⁸ cun an unau hna Levi mi hna cu Pathian inn chung puan biakinn rian vialte kha ṭuan awkah thiah an si. ⁴⁹ Sihmanhsehlaw Aaron le a fapa hna nih khan, Pathian sal Moses nih nawl a rak chiahmi vialte ning khan, a thiang bik hmun rian vialte ca le Israel mi caah remnak ser awkah, khangh thawinak biakṭheng cungah le zihmui biakṭheng cungah pekchanhnak kha an tuah. ⁵⁰ Hi hna hi Aaron fapa cu an si: a fapa ah Eleazar, cu fapa ah Phinehas, cu fapa ah Abishua, ⁵¹ cu fapa ah Bukki, cu fapa ah Uzzi, cu fapa ah Zerahiah, ⁵² cu fapa ah Meraioth, cu fapa ah Amariah, cu fapa ah Ahitub, ⁵³ cu fapa ah Zadok, cu fapa ah Ahimaaz. ⁵⁴ Mah hihi an ramri chungah an umnak hmun cio ningin, khua an saknak hmun hna cu an si: Kohath chungkhar hna chung i Aaron fapa hna kha, camcawh fung khiah in an ta a si caah, ⁵⁵ Judah ram chung i Hebron khua le a pawngkam saṭil tlonnak ram cu, annih cu pek an si, ⁵⁶ sihmanhsehlaw khuapi pawngkam lo hna le khuate hna cu Jefunneh fapa Kaleb kha an pek. ⁵⁷ Aaron fapa hna kha himnak khua kha an pek hna: Hebron, Libnah le a saṭil tlonnak ram hna Jattir, Eshtemoa le a saṭil tlonnak ram hna, ⁵⁸ Hilen le a saṭil tlonnak ram hna Debir le a saṭil tlonnak ram hna, ⁵⁹ Ashan le a saṭil tlonnak ram hna, le Beth-shemesh le a saṭil tlonnak ram hna; ⁶⁰ cun Benjamin phun chungin, Geba le a saṭil tlonnak ram hna, Alemeth le a saṭil tlonnak ram hna, le Anathoth le a saṭil tlonnak ram hna. An innchungkhar dihlak in an khua vialte hna cu hleithum an si. ⁶¹ Kohath mi a tang rihmi hna cu camcawh fung khiah in, phun cheu, Manasseh phun cheu chung khan, khua pahra pek an si. ⁶² Cun Gershon mi hna kha, an innchungkhar ning cio in, Issakhar phun le Asher phun le Naftali phun le Bashan i Manasseh phun chungin khua hleithum voh an si. ⁶³ Merari mi hna cu, an innchungkhar ning cio in, Reuben phun le Gad phun le Zebulun phun chungin khua hleihnih voh an si. ⁶⁴ Cuticun Israel mi hna nih Levi mi hna cu khua kha an saṭil tlonnak ram hna he khan an pek hna. ⁶⁵ Judah phun le Simeon phun le Benjamin phun chung zong hi khua an min in chimmi hna hi camcawh fung khiah in an pek hna. ⁶⁶ Cun Kohath fapa hna i an innchungkhar a cheu hna nih khan an ram chung khua an comi cu Efraim phun comi ram chung khan an si. ⁶⁷ Annih cu himnak khua kha pek an si: Efraim tlangram i a ummi Shekhem kha a saṭil tlonnak ram hna he, Gezer cu a saṭil tlonnak ram hna he, ⁶⁸ Jokmeam kha a saṭil tlonnak ram hna he, Beth-horon kha a saṭil tlonnak ram hna he, ⁶⁹ Aijalon kha a saṭil tlonnak ram hna he, Gathrimmon kha a saṭil tlonnak ram hna he, ⁷⁰ cun Kohath innchungkhar a tang rihmi hna caah Manasseh phun cheu chung khan Aner kha a saṭil tlonnak ram hna he, cun Bileam kha a saṭil tlonnak ram hna he pek an si. ⁷¹ Gershon mi hna cu hi ram hi pek an si; Manasseh phun cheu chung khan Bashan i Golan kha a saṭil tlonnak ram hna he, cun Ashtaroth le a saṭil tlonnak ram hna; ⁷² Issakhar phun chungin Kedesh le a saṭil tlonnak ram hna, Daberath le a saṭil tlonnak ram hna, ⁷³ Ramoth le a saṭil tlonnak ram hna, Anem le a saṭil tlonnak ram hna; ⁷⁴ Asher phun chungin Mashal le a saṭil tlonnak ram hna, Abdon le a saṭil tlonnak ram hna, ⁷⁵ Hukok le a saṭil tlonnak ram hna, Rehob le a saṭil tlonnak ram hna; ⁷⁶ cun Naftali phun chungin Galilee i Kedesh le a saṭil tlonnak ram hna, Hammon le a saṭil tlonnak ram hna, le Kiriathaim le a saṭil tlonnak ram hna. ⁷⁷ Merari mi a tang rihmi hna cu mah hihi pek an si: Zebulun phun chungin, Rimmono le a saṭil tlonnak ram hna, Tabor le a saṭil tlonnak ram hna, ⁷⁸ cun Jordan khattelei ral Jeriko zawnah, Jordan nichuahlei kamah Reuben phun chungin, ramlak i a ummi Bezer le a saṭil tlonnak ram hna, Jahzah le a saṭil tlonnak ram hna, ⁷⁹ Kedemoth le a saṭil tlonnak ram hna, Mefaath le a saṭil tlonnak ram hna; ⁸⁰ cun Gad phun chungin; Gilead i a ummi Ramoth le a saṭil tlonnak ram hna, ⁸¹ Heshbon le a saṭil tlonnak ram hna le Jazer le a saṭil tlonnak ram hna.

¹ Issakhar fapa hna: Tola, Puah, Jashub, le Shimron, pali an si. ² Tola fapa hna: Uzzi, Refaiah, Jeriel, Jahmai, Ibsam, le Shemuel, annih hi an pupa Tola innchungkhar hna chung i lu cio an si, anmah chan i a ṭhawngmi ralkap an si i David chan ah khan sang hnih le thong hnih le za ruk an si. ³ Uzzi fapa hna: Izrahiah. Cun Izrahiah fapa hna cu, Mikhael, Obadiah, Joel, le Isshiah, panga, an dihlak in mi hruitu an si; ⁴ cun an sin i rel chihmi, anmah le an chan ning cio in, an pupa hna innchungkhar ningin, raltu khomi ralkapbu minung sang thum le thong ruk an um, zeitintiah nupi tampi le fapa tampi an ngei. ⁵ An rualchan Issakhar phun vialte chung i a ummi hna cu an chuahkeh ningin minthlak in, an dihlak ah ralkap ṭhawng sang riat le thong sarih an si. ⁶ Benjamin fapa hna: Bela, Bekher, le Jediael, pathum an si. ⁷ Bela fapa hna: Ezbon, Uzzi, Uzziel, Jerimoth le Iri, panga, an pale chungkhar hna lu cio, ralkap ṭhawng an si; cun an chuahkehning in cazin khumhning ah sang hnih le thong hnih, sawm thum le pali an si. ⁸ Bekher fapa hna; Zemirah, Joash, Eliezer, Eli-o-enai, Omri, Jeremoth, Abijah, Anathoth, le Alemeth. ⁹ Mah hna hi Bekher fapa an si dih; cun an chuahkehnak ningin cazin khumhnak ah, an chan ningin an pale innchungkhar hna lu cio an sining khan, ralkap ṭhawng an si i sang hnih le za hnih an si. ¹⁰ Jediael fapa: Bilhan. Bilhan fapa hna: Jeush, Benjamin, Ehud, Khenaanah, Zethan, Tarshish, le Ahishahar. ¹¹ Mah vialte hi Jediael fapa cu an si, an pale cio innchungkhar lu cio an si ning khan, annih cu ralkap ṭhawng, ral doh awk i timh cia in a ummi an si, sang khat thong sarih le za hnih an si. ¹² Cun Shuppim le Huppim cu Ir fapa kha an si i Aher fapa hna cu Hushim a si. ¹³ Naftali fapa hna: Jahziel, Guni, Jezer, le Shallum, Bilhah tefa kha an si. ¹⁴ Manasseh fapa hna: Asriel, amah cu a nupichun Aramean minu nih a hrin; amah nih cun Gilead pa Makhir kha a hrin. ¹⁵ Cun Makhir nih Huppim le Shuppim cu nupi a ṭhitpiak hna. A farnu min cu Maakah a si. A pahnihnak min cu Zelofehad a si; cun Zelofehad nih fanu a ngeih hna. ¹⁶ Cun Makhir nupi Maakah nih fapa a hrin i a min ah Peresh a sak; cun a unau min cu Sheresh a si; cun a fapa hna cu Ulam le Rakem an si. ¹⁷ Ulam fapa cu Bedan a si. Hi hna hi Manasseh fapa Makhir i fapa Gilead i a fapa hna cu an si. ¹⁸ Cun a farnu Hammolekheth nih Ishhod, Abiezer le Mahlah a hrin hna. ¹⁹ Shemida fapa hna cu Ahian, Shekhem, Likhi, le Aniam an si. ²⁰ Efraim fapa hna cu a chan chan in hihi an si. Shuthelah, Bered, Tahath, Eleadah, Tahath, ²¹ Zabad, Shuthelah. Shuthelah hleiah Efraim nih fapa dang pahnih a ngeih hna: Ezer le Elead an si; anmah cu cuka ram Gad mi hna saṭil an fir ruang i an rak thahmi hna kha an si. ²² Cun an pa Efraim nih ni tampi a ngai hna i amah hnemh awkah cun a unau hna kha an ra. ²³ Cun Efraim cu a nupi sinah a vung lut i fa a pawi i fapa pakhat a hrin i a innchungkhar chungah ṭhat lonak a tlun caah a min ah Beriah a sak. ²⁴ A fanu cu Sheerah a si, amah nih cun Beth-horon tangnung le Beth-horon cungnung le Uzzen-sheerah kha a ser hna. ²⁵ Cun a fapa cu Refah a si, cu fapa cu Reshef, cu fapa cu Telah, cu fapa cu Tahan, ²⁶ cu fapa cu Ladan, cu fapa cu Ammihud, cu fapa cu Elishama, ²⁷ cu fapa cu Nun, cu fapa cu Joshua. ²⁸ Annih nih an covo le an umnak cu Bethel le a pawngkam khua hna, nichuahlei ah Naaran le nitlaklei ah Gezer le a khua hna, Shekhem le a khua hna, Ayyah le a khua hna, an si; ²⁹ cun Manasseh mi hna ramri thluahmah zongah Beth-shean le a khua hna, Taanak le a khua hna, Megiddo le a khua hna, Dor le a khua hna an si. Hi hna chungah hin Israel fapa Josef i a fapa hna cu khua an sa. ³⁰ Asher fapa hna: Imnah, Ishvah, Ishvi, Beriah le an far Serah. ³¹ Beriah fapa hna: Heber le Malkhiel, amah cu Birzaith pa a si. ³² Heber cu Jaflet, Shomer le Hotham le an far Shua pa a si. ³³ Jaflet fapa hna: Pasak, Bimhal le Ashvath. Mah hna hi Jaflet fapa an si. ³⁴ A unau Shomer fapa hna: Rohgah, Jehubbah le Aram. ³⁵ A unau Hotham fapa hna: Zofah, Imna, Shelesh le Amal. ³⁶ Zofah fapa hna: Suah, Harnefer, Shual, Beri, Imrah, ³⁷ Bezer, Hod, Shamma, Shilshah, Isthran le Bera. ³⁸ Jether fapa hna Jefunneh, Pispa, le Ara. ³⁹ Ulla fapa hna: Arah, Hanniel le Rizia. ⁴⁰ Mah hna vialte hi Asher mi, an pale innchungkhar cio i an lu hna an hnatlakmi hna, ralkap ṭhawng bawi hna lak i upa bik an si. An chuahkehnak ningin raldohnak ca i minthlak tikah mi sang hnih le thong ruk an si.

¹ Benjamin cu a fater Bela, a pahnihnak Ashbel, a pathumnak Aharah, ² a palinak Nohah le a panganak Rafa a si. ³ Cun Bela nih fapa a ngeih hna: Addar, Gera, Abihud, ⁴ Abishua, Naaman, Ahoah, ⁵ Gera, Shefufan le Huram an si. ⁶ Mah hna hi Ehud fapa cu an si (annih cu Geba i khua a sami hna an pale innchungkhar hna he an si i Manahath ah sal ah kalpi an si): ⁷ Naaman, Ahijah le Gera, Gera cu Heglam kha a si, amah cu Uzza le Ahihud pa a si. ⁸ Cun Shaharaim nih a nupile Hushim le Baara kha a ṭhawl hna hnuah Moab ram chungah fapa a ngeih hna. ⁹ A nupi Hodesh in fapa a hrin hna: Jobab, Zibia, Mesha, Malkam, ¹⁰ Jeuz, Sakhia, le Mirmah. Mah hna hi a fapa an si, pale innchungkhar lu cio an si. ¹¹ Hushim sin zongin fapa a ngeih hna: Abitub, le Elpaal. ¹² Elpaal fapa hna: Eber le Misham, cun Ono le Lod an khua hna he a sertu Shemed ¹³ cun Beriah le Shema (annih cu Gath i a ummi hna a ṭhiotu Aijalon i khua a sami hna pale hna innchungkhar hna i lu kha an si). ¹⁴ cun Ahio, Shashak, le Jeremoth an si. ¹⁵ Zebadiah, Arad, Eder, ¹⁶ Mikhael, Ishpah le Joha hna cu Beriah fapa an si. ¹⁷ Zebadiah, Meshullam, Hizki, Heber, ¹⁸ Ishmerai, Izliah, le Jobab hna cu Elpaal fapa an si. ¹⁹ Jakim, Zikhri, Zabdi, ²⁰ Elienai, Zillethai, Eliel, ²¹ Adaiah, Beraiah le Shimrath hna cu Shimei fapa an si. ²² Ishpan, Eber, Eliel, ²³ Abdon, Zikhri, Hanan, ²⁴ Hananiah, Elam, Anthothijah, ²⁵ Ifedeiah le Penuel hna cu Shashak fapa an si. ²⁶ Shamsherai, Shehariah, Athaliah, ²⁷ Jaareshiah, Elijah le Zikhri hna cu Jeroham fapa an si. ²⁸ Hi hna hi pale innchungkhar lu, anmah le an chan ning cio in, hruitu an si. Mah hna hi Jerusalem ah khua an sa. ²⁹ Gibeon pa Jeiel cu Gibeon ah khua a sa i a nupi min cu Maakah a si. ³⁰ A fater cu Abdon a si, a hun changtu ah Zur, Kish, Baal, Nadab, ³¹ Gedor, Ahio, Zekher ³² le Mikloth (amah cu Shimeah pa kha a si). Hi hna zong hi Jerusalem i a ummi an rualchan hna ralchan ah khan an rualchan hna he khua an sa. ³³ Ner cu Kish pa a si, Kish cu Saul pa a si, Saul cu Jonathan, Malkhishua, Abinadab le Eshbaal pa a si; ³⁴ cun Jonathan fapa cu Meribbaal a si; Meribbaal cu Mikah pa a si. ³⁵ Mikah fapa hna: Pithon, Melek, Tarea, le Ahaz. ³⁶ Ahaz cu Jehoaddah pa a si; cun Jehoaddah cu Alemeth le Zimri pa a si; Zimri cu Moza pa a si. ³⁷ Moza cu Binea pa a si, a fapa ah Rafah, cu fapa ah Eleasah, cu fapa ah Azel. ³⁸ Azel nih fapa paruk a ngeih hna i mah hihi an min a si. Azrikam, Bokheru, Ishmael, Sheariah, Obadiah, le Hanan. Mah hna hi Azel fapa an si dih. ³⁹ A unau Eshek fapa hna. A fater Ulam a pahnihnak Jeush, a pathumnak Elifelet. ⁴⁰ Ulam fapa hna cu ralkap ṭhawng, li le thalkah thiam, fapa tampi le tufa tampi a ngeimi an si, za khat le sawm nga an si. Hi hna hi Benjamin mi an si dih.

¹ Cuticun Israel mi vialte cu an chuahkehnak ning cio in minthlak an si i mah cucu Israel Siangpahrang hna Cauk chungah ṭial an si. Cun Judah cu zumhawktlak a si lo ruangah Babilon ah sal ah kalpi an si. ² Cun an covo an khua hna chung i a um ṭhan hmasa bik hna cu Israel mi, tlangbawi hna, Levi mi hna, le biaknak inn i rianṭuantu hna kha an si. ³ Cun Judah mi tlawmpal, Benjamin mi tlawmpal, Efraim mi tlawmpal le Manasseh mi tlawmpal hna cu Jerusalem ah an um: ⁴ Ammihud fapa Uthai, Ammihud cu Omri fapa, Omri cu Imri fapa, Imri cu Bani fapa, Bani cu Judah fapa Perez fapa hna chung i a si. ⁵ Cun Shilon mi hna chungin fater Asaiah le a fapa hna an si. ⁶ Zerah fapa hna chungin Jeuel le a rualchan an si, za ruk sawm kua an si. ⁷ Benjamin mi hna chungin Meshullam fapa Sallu, Meshullam cu Hodaviah fapa, Hodaviah cu Hassenuah fapa, ⁸ Jehoram fapa Ibneiah, Uzzi fapa Elah, Uzzi cu Mikhri fapa, le Shefatiah fapa Meshullam, Shefatiah cu Reuel fapa, Reuel cu Ibnijah fapa; ⁹ le an chan ning cio in an rualchan hna cu an si, za kua le sawm nga le paruk an si. Mah hna hi hi an pale innchungkhar ning cio in an pale innchungkhar hna lu an si. ¹⁰ Tlangbawi hna lakin Jedaiah, Jehoiarib Jakhin, ¹¹ le Azariah Hilkiah fapa, Hilkiah cu Meshullam fapa, Meshullam cu Zadok fapa, Zadok cu Meraioth fapa, Meraioth cu Ahitub fapa, Ahitub cu Pathian inn i bawi ngan bik a si; ¹² cun Adaiah, amah cu Jeroham fapa, Jeroham cu Pashhur fapa, Pashhur cu Malkhijah fapa, cun Maasai, amah cu Adiel fapa, Adiel cu Jahzerah fapa, Jahzerah cu Meshullam fapa, Meshullam cu Meshillemith fapa, Meshillemith cu Immer fapa, ¹³ mah hna hi an rualchan an pale chungkhar hna i an lu hna lengah, thong khat za sarih le sawm ruk an si, Pathian inn rian ca i mi ṭhawng ngaingai an si. ¹⁴ Levi mi lakin: Shemaiah, Hasshub fapa, Hassub cu Azrikam fapa, Azrikam cu Merari fapa hna lak i Hashabiah fapa a si; ¹⁵ cun Bakbakkar, Heresh, Galal le Mattaniah, Mattaniah cu Mikah fapa; Mikah cu Zikhri fapa, Zikhri cu Asaf fapa; ¹⁶ cun Obadiah, amah cu Shemaiah fapa, Shemaiah cu Galal fapa, Galal cu Jeduthun fapa, le Berekhiah an si, Berekhiah cu Netofah mi hna khuate i a ummi Elkanah fapa Asa i a fapa a si. ¹⁷ Kutka cawngtu hna cu: Shallum, Akkub, Talmon, Ahiman, le an rualchan an si; (Shallum cu an bawi bik a si), ¹⁸ annih cu hi hlanah cun nichuahlei kam i siangpahrang kutka ah khan chiah an si. Levi mi riahhmun hna kutka cawngtu cu mah hna hi an si. ¹⁹ Shallum, amah cu Kore fapa, Kore cu Ebiasaf fapa, Ebiasaf cu Korah fapa, cun a pa innchungkhar a rualchan hna, Korah mi hna nih biaknak rian zohkhenhtu le thlam innkahram zohkhenhtu an si, an pupa hna cu Bawipa riahhmun zohkhenhtu le luhnak zohkhenhtu an rak si bang khan. ²⁰ Cun hlan ah cun annih a rak uktu hna cu Eleazar fapa Phinehas kha a si; amah sinah cun Pathian a um. ²¹ Meshelemiah fapa Zekhariah cu tonnak thlam luhnak ah kutka cawngtu a si. ²² Hi hna vialte, innkahram i kutka cawngtu ah thimmi hna cu za hnih le hleihnih an si. Annih cu an khua cio ah khan an chuahkehnak ningin minthlak an si. David le hmutu Samuel nih khan annih cu zumhawktlak an rian ah khan an fehter hna. ²³ Cucaah anmah le an fapa hna nih khan Bawipa inn kutka hna cu an zohkhenh hna, mah cucu thlam inn kha a si, annih cu a cawngtu an si. ²⁴ Kutka cawngtu hna cu a kam lei ah khan an um, nichuahlei, nitlaklei, chaklei, thlanglei kamah khan; ²⁵ cun an rualchan hna an khua cio i a ummi hna kha ni sarih dan lengmang ah, hi hna he um awkah an rat lengmang awk a si; ²⁶ zeicahtiah kutka cawngtu upa bik pali, Levi mi a simi hna kha, Pathian inn chung dal hna le chawhlawn hna zohkhenhtu kha an si. ²⁷ Cun annih cu Pathian inn velchum ah khan an riak; zeicahtiah a cawngh le zingfate in innka hun cu anmah rian a si. ²⁸ A cheu khat cu rianṭuannak umkheng zohkhenh kha an rian a si, zeicahtiah an rak put hna le an lak tik hna ah an rel hna awk a si. ²⁹ Cheu khat hna cu ṭhutdan cabuai zohkhenhtu le a thiangmi umkheng vialte zohkhenhtu le, changvut dip zong a zohkhenhtu le, mitsur hang, chiti, zihmui, le rimhmui zohkhenhtu ah khan an thiah hna. ³⁰ A dang pawl, tlangbawi fapa hna nih khan, rimhmui cawh awk kha an timhtuah, ³¹ cun Levi mi pakhat Mattithiah kha changreu thlum a per tete tuah uktu a si, amah cu Korah mi Shallum fapa upa bik a si. ³² Cun Kohath mi an unau hna a cheu khat zong kha, Sabbath kip i timh awkah hun camcinmi changreu tuah cu an rian a si. ³³ Hi hna hi hlasatu cu an si, annih cu Levi mi pale innchungkhar hna lu cio kha an si, annih cu biakinn chung dal ah khan an um, chun zan in rian thiah an si caah rian dang khan cun an luat. ³⁴ Mah hna hi Levi mi pale hna innchungkhar lu, an chan ning cio in an si, hruaitu an si, i Jerusalem ah khan an um. ³⁵ Gibeon ah Gibeon pa Jeiel kha a um, a nupi min cu Maakah a si, ³⁶ cun a fater cu Abdon a si, cu dih cun Zur, Kish, Baal, Ner, Nadab. ³⁷ Gedor, Ahio, Zekhariah, le Mikloth an si; ³⁸ cun Mikloth cu Shimeam pa a si; cun hi hna zong hi Jerusalem i a ummi an rualchan hna ralchan ah khan an rualchan hna he khua an sa. ³⁹ Ner cu Kish pa a si, Kish cu Saul pa a si, Saul cu Jonathan, Malkhishua, Abinadab le Eshbaal pa a si: ⁴⁰ cun Jonathan fapa cu Meribbaal a si, i Meribbaal cu Mikah pa a si. ⁴¹ Mikah fapa hna: Pithon, Melek, Tahrea, le Ahaz; ⁴² cun Ahaz cu Jarah pa a si, Jarah cu Alemeth Azmaveth le Zimri pa a si; Zimri cu Moza pa a si, ⁴³ Moza cu Binea pa a si; cun Refaliah cu a fapa a si, Refaliah fapa cu Eleasah a si, Eleasah fapa cu Azel a si. ⁴⁴ Azel nih cun fapa paruk a ngeih hna i mah hihi an min cu an si: Azrikam, Bokheru, Ishmael, Sheariah, Obadiah, le Hanan; hi hna hi Azel fapa cu an si.

¹ Cun Filistin mi hna nih Israel mi cu an tuk hna i Filistin mi hna hmai cun Israel mi cu an zam i Gilboa Tlang ah khan an ril liangluang ko. ² Cun Filistin mi nih Saul le a fapa hna kha an phak hna i Filistin mi hna nih cun Saul fapa Jonathan le Abinadab le Malkhishua kha an thah hna. ³ Cun Saul cu heh tiah an nam i thal kah thiammi hna nih khan an phak ai; cun thal kah thiam hna nih khan an hliam. ⁴ Cun Saul nih a ralthuam putu sinah khan, "Na nam kha i zuh law tleng lak in ka chun, cu ti a si lo ahcun, cuarpartanlo pawl hi an ra lai i lentecelhnak ah an ka ser sual lai," tiah a ti. Sihmanhsehlaw a ralthuam putu nih khan a tuah duh lo; zeicahtiah a thin a phang ngaingai. Cucaah Saul nih amah vainam kha aa lak i a bawhkhuh. ⁵ Cun a ralthuam putu nih Saul kha a thi cang tiah a hmuh tikah amah zong nih a vainam kha a bawhkhuh ve i a thi. ⁶ Cuticun Saul cu a thi; amah le a fapa pathum hna le a innchungkhar vialte cu hmun khat ah an thi. ⁷ Cun nelrawn chungah a ummi Israel mi vialte nih ralkap kha an zam i Saul le a fapa hna kha an thi, ti an theih tikah, an khua kha an chuahtak hna i an zam; cun Filistin mi kha an ra i an khua kha an rawlh hna. ⁸ A thaizing ah Filistin mi hna nih a thimi kha an thilthuam hawh awk i an rat tikah, Saul le a fapa hna Gilboa Tlang i an thih kha an hmuh hna. ⁹ A thilthuam kha an hawh i a lu le a ralthuam kha an lak i an siasal hna le mi zapi hna sin i thawng ṭha cu kalpi awkah Filistin mi ram dihlak ah khan lamkal an thlah hna. ¹⁰ Cun a ralthuam cu an pathian hna biakinn ah khan an chiah i a lu cu Dagon biakinn chungah khan an tar. ¹¹ Sihmanhsehlaw Jebesh-gilead mi vialte nih Saul cung i Filistin mi nih an tuahmi vialte kha an theih tikah ¹² ralṭha vialte cu an tho i Saul ruak le a fapa hna ruak kha an va lak hna i Jabesh ah an ratpi hna. Cun an ruh cu Jabesh i kuhthing toiah an vui hna i ni sarih rawl an ul. ¹³ Cuticun zumhawktlak a si lo ruangah Saul cu a thi; Bawipa sinah zumh tlak a si lonak cu Bawipa nawlbia a zulh lonak kha le ¹⁴ Bawipa sinin lam hmuhsaknak kawl loin khuavang thitlawnthiam sin tu in lam hmuhsaknak kha a kawl i a hal kha a si. Cucaah Bawipa nih a thah i pennak cu Jesse fapa David sinah khan a pek.

¹ Cun Israel phun vialte kha Hebron ah David sinah, hmunkhat ah an i pum i annih nih, "Zohhmanh, kannih cu na ruh le na sa kan si. ² Kan hnulei caan, Saul siangpahrang a si lio hmanh ah khan, Israel mi a chuahpitu le a luhpitu cu nangmah na si; cun Bawipa na Pathian nih nangmah cu, ’Ka mi Israel mi hna cungah tuukhal na si lai i ka mi Israel mi hna cungah bawi na si lai,’ an ti," tiah an ti. ³ Cucaah Israel mi upa vialte kha siangpahrang sinah cun Hebron ah khan an ra; cun David nih annih he cun Bawipa hmaiah Hebron ah khan biakamnak a ser i annih nih Samuel sinin Bawipa bia a rami ning khan, David cu Israel mi siangpahrang ah chiti an thuh. ⁴ Cun David le Israel mi vialte cu Jerusalem ah an kal, mah cucu Jebus a si, cuka ah cun cuka ram i a ummi Jebus mi hna cu an um. ⁵ Jebus i a ummi hna nih cun David cu an thawh i, "Hika ah hin na ra lut lai lo," an ti. Asinain David nih Zion ralhau cu a lak, mah cucu David khua timi cu a si. ⁶ David nih, "Jebus mi a tu hmasa bik paoh cu ralbawi bik a si lai," tiah a ti. Cun Zeruiah fapa Joab cu a hung kal hmasa bik i cucaah ralbawi bik ah cun a cang. ⁷ Cun David cu ralhau chungah cun khua a sa; cucaah mah cucu David khua tiah ti a si. ⁸ Cun khua cu a velchum in, Millo thawk in a kulhnak tling tein a ser; cun Joab nih khua cu remh awk a tang rihmi kha a remh. ⁹ Cun David cu, ralkapbu Bawipa kha a sinah a um caah, a ngan chin lengmang. ¹⁰ Mah hna hi David miṭhawng hna upa bikbik cu an si, Israel mi kong i Bawipa bia ning khan, amah kha siangpahrang i ser awkah Israel mi vialte hna he hmunkhat ah a pennak chungah khan fak piin an bawmh. ¹¹ Mah hihi David miṭhawng hna kong cu a si: Hakhmon mi Jashobeam hi pathum hna lak i haotu bik a si, amah nih minung za thum ṭum khat i a thahmi hna cungah khan fei a hman. ¹² Cun miṭhawng pathum hna lak i amah a hun changtu cu Ahohimi Dodo i fapa Eleazar kha a si. ¹³ Filistin mi hna cu raldoh awk i Pas-dammim ah an i pumh tikah, khika ah amah cu David sinah khan a um. Khika ah hmun pakhat a um i barli in a khat i mi hna cu Filistin mi hna sin cun an zam. ¹⁴ Sihmanhsehlaw cu hmun laifang ah cun a dir hmun aa serh i cuka hmun cu a humhak i Filistin mi kha a thah hna; cun Bawipa nih teinak ngan piin a khamh hna. ¹⁵ Haotu bik sawm thum hna lak i pathum hna kha, Filistin ralkapbu cu Refaim nelrawn i an riah lioah, David sinah Adullam lungkua lungpi ah khan an vung kal. ¹⁶ Cu lioah cun David cu ralhruang chungah a um i Filistin mi ralvengtu ralkap hna cu Bethlehem ah an um. ¹⁷ Cun David nih ti kha a ngai ruangmang i, "Bethlehem tikhor, hauka pawng i a ummi ti kha din awkah a ka petu hei um hna seh law, ka hei duh hnga dah," tiah a ti. ¹⁸ Khi tikah miṭhawng pathum hna nih khan Filistin mi hna riahhmun chung cun an va lan i Bethlehem tikhor, hauka pawng i a ummi chung khan ti cu an va than an va lak i David sinah an ratpi. Sihmanhsehlaw David nih din a duh lo; Bawipa hmaiah khan a bungh i, ¹⁹ "Hi mi hna nunnak thi hi ka din ko hnga maw? Zeitintiah annih nih thih le thih ti in an rak putmi a si," tiah a ti. Cucaah cun din cu a duh lo. Mah thil hna cu miṭhawng pathum hna nih khan an tuah. ²⁰ Cun Joab unau Abishai kha sawm thum hna lak i haotu bik cu a si. Cun mi za thum hna cungah fei a hman i a thah hna i pathum hna sinah khan a thang aa chuah ve. ²¹ Amah cu sawm thum hna lakah khan cun min thang bik a si i an haotu ah a cang, sihmanhsehlaw pathum hna kha cu a khingkhang hna lo. ²² Jehoiada fapa Benaiah cu Kabzeel khuami miralṭha, thil lianngan a tuahtu a si; amah nih Moab ariel pahnih a thah hna. Cun hawhra a tlak ni ah khan a vung kal i chiandeih pakhat zong khor chungah a thah fawn. ²³ Cun Izipt mipa pakhat, a ngan ngaingai i a tung dong nga a sangmi kha a thah. Izipt mipa nih cun thiam tlang bantuk a simi fei pakhat aa put; sihmanhsehlaw Benaiah nih cun thing thluan he a vun fuh i Izipt mipa cu a kut chungin fei kha a chuh i amah fei lila cun a thah. ²⁴ Mah thil hna hi Jehoiada fapa Benaiah nih khan a tuah hna i miṭhawng pathum hna sinah khan a thang aa chuah ve. ²⁵ Sawm thum hna lakah khan a min a thang ve, sihmanhsehlaw pathum hna kha cu a khingkhang hna lo. Cun David nih a pum ralvengtu haotu ah a chiah. ²⁶ Ralkapbu hna chung i miṭhawng hna cu Asahel Joab unau, Bethlehem khuami Dodo fapa Elhanan, ²⁷ Harod khuami Shammoth, Pelon mi Helez, ²⁸ Tekoa khuami Ikkesh fapa Ira, Anathoth khuami Abiezer, ²⁹ Hushath mi Sibbekai, Ahohimi Ilai, ³⁰ Netofah khuami Maharai, Netofah khuami Baanah fapa Heled, ³¹ Benjamin mi hna khua Gibeah mi Ribai fapa Ithai, Pirathon mi Benaiah, ³² Gaash i tivarek hna mi Hurai, Arbath mi Abiel, ³³ Baharum mi Azmaveth, Shaalbon mi Eliahba, ³⁴ Gizon mi Hashem, Harar mi Shagee fapa Jonathan, ³⁵ Harar mi Sakher fapa Ahiam, Ur fapa Elifal, ³⁶ Mekherath mi Hefer, Pelon mi Ahijah, ³⁷ Karmel mi Hezro, Ezbai fapa Naarai, ³⁸ Nathan unau Joel, Hagri fapa Mibhar, ³⁹ Ammon mi Zelek, Beeroth khuami Naharai, amah cu Zeruiah fapa Joab hriamnam putu a si, ⁴⁰ Ithra mi Ira, Ithra mi Gareb, ⁴¹ Hit mi Uriah, Ahlai fapa Zabad, ⁴² Reuben mi Shiza fapa Adina, amah cu Reuben mi le amah sin i a ummi sawm thum haotu a si, ⁴³ Maakah fapa Hanan le Mithni mi Joshafat, ⁴⁴ Ashterath mi Uzzia, Aroer mi Hotham fapa Shama le Jeiel, ⁴⁵ Shimri fapa Jediael le a unau Joha, Tiz mi, ⁴⁶ Mahav mi Eliel, Elnaam fapa Jeribai le Joshaviah le Moab mi Ithmah, ⁴⁷ le Mezoba mi Eliel Obed le Jaasiel an si.

¹ Kish fapa Saul ruang i David cu duhduh in aa chawh aa leh khawh lo lioah khan mah hna hi David sin i Ziklag khua ah a ummi a mi cu an si; annih hi ral lio i amah a bawmtu miṭhawng hna lakah khan an i tel ve. ² Li hman thiammi an si i thal kah siseh, lungherh cheh siseh, an orhlei kut he an kehlei kut he an thiam; annih cu Benjamin mi, Saul rualchan kha an si. ³ An haotu bik cu Ahiezer a si, a hun changtu cu Joash a si, an pahnih in Gibeah khuami Shemaah fapa an si; Azmaveth fapa Jeziel le Pelet zong; Berakah, Anathoth mi Jehu, ⁴ Gibeon mi Ishmaiah, amah cu sawm thum hna lakah miṭhawng a si i sawm thum hna cung i haotu a si; Jeremiah, Jahaziel, Johanan, Gederah mi Jozabad, ⁵ Eluzai, Jerimoth, Bealiah, Shemariah, Haruf mi Shefatiah, ⁶ Elkanah, Isshiah, Azrel, Joezer, le Jashobeam, mah hna hi Korath mi an si; ⁷ cun Gedor mi Jeroham fapa hna Joelah le Zebadiah. ⁸ Gad mi hna chungin a ṭhawng i a thiam ngaingaimi ralkap hna, phaw hman le fei hman a thiam ngaingaimi, an hmai chiandeih hmai a lo i tlang cung sazuk bantukin a mar a zaangmi hna kha David sinah ramlak i ralhruang ah khan an va kal. ⁹ Cu hna cu: Haotu bik Ezer, a pahnihnak Obadiah, pathumnak Eliab, ¹⁰ palinak Mishmannah, panganak Jeremiah, ¹¹ paruknak Attai, pasarihnak Eliel, ¹² pariatnak Johanan, pakuanak Elzabad, ¹³ pahranak Jeremiah, hleikhatnak Makbannai. ¹⁴ Hi Gad mi hna hi ralkap bawi an si, a hme deuh pawl hi za haotu an si i a ngan deuh pawl hi thong haotu an si. ¹⁵ Hi hna hi thla khatnak thla i Jordan tiva a kuang vialte a khah dih lio i a tantu, cun cu nelrawn chung i a ummi vialte nichuahlei le nitlaklei i a dawi dihtu kha an si. ¹⁶ Cun Benjamin mi tlawmpal le Judah mi tlawmpal cu David sinah ralhruang ah khan an ra. ¹⁷ Annih ton awkah khan David cu a va chuak i, "Hawikomhnak in keimah bawmh awkah nan rat a si ahcun, ka lung cu nannih sinah ṭhit chih a si lai; sihmanhsehlaw ka ral hna sinah, ka kut chungah zeihmanh sualnak a um lo nain, rawi awk i nan rat a si ahcun, kan pupa hna Pathian nih in hmu hna seh law in mawhchiat ko hna seh," tiah a ti. ¹⁸ Khi tikah sawm thum hna lak i haotu bik Amasai cungah khan Thlarau a tlung i amah nih cun hi bangin a ti: "Kannih cu nangmah ta kan si, maw David; Maw Jesse fapa, nangmah sin tel kan si; Daihnak, daihnak cu na sinah um ko seh, Daihnak cu nangmah an bawmtu hna cungah um ko seh! Zeitintiah na Pathian nih an bawmh." Khi tikah David nih tlun inn a onh hna i a ralkap hna haotu bawi ah khan a ser hna. ¹⁹ David cu Saul doh awkah Filistin mi hna he an rat tikah, Manasseh mi cheukhat cu a sinah khan an zam. A ngaingai ti ahcun, Filistin mi kha a bawm hna lo, zeicahtiah Filistin siangpahrang hna nih khan hmasa a bawipa Saul sinah khan a kan lei sual lai ti an phang i Ziklag ah an kirter. ²⁰ Anih cu Ziklag i a kal ah khan hi Manasseh mi hna hi a sin i an zam cu a si: Cu hna cu Adnah, Jozabad, Jediael, Michael, Jozabad, Elihu le Zillethai, Manasseh chung i a thong pawl haotu bik hna kha an si. ²¹ Annih nih David kha ralhranhtu bu hna doh kha an bawmh; zeitintiah annih cu miṭhawng ralṭha an si dih i ralkapbu haotu kha an si. ²² Ni fate ti awkin mi kha David sinah amah kha bawmh awkah an i fon i ralkapbu nganpi, Pathian ralkapbu bantuk ah a ralkapbu cu a cang. ²³ Bawipa bia ningin, Saul pennak cu David kha pek awkah amah sinah Hebron khua ah a rami hriamnam a ngeimi ralkap hna an i cheuning cu mahtihin a si. ²⁴ Judah mi phaw le fei aa putmi hna cu hriamnam a ngeimi ralkap thong ruk le za riat an si. ²⁵ Simeon mi hna chungin raldohnak ca i ralṭhami thong sarih le za khat. ²⁶ Levi mi hna chungin, thong li le za ruk. ²⁷ Aaron innchungkhar chung mi bawi Jehoiada le amah sin i a ummi thong thum le za sarih. ²⁸ A ṭhawng i a ral a ṭhami tlangval Zadok le amah a pa innchungkhar chungin haotu pakul le pahnih. ²⁹ Benjamin mi Saul rual chan hna chungin, thong thum, hi hlanah hin cun a tam deuh cu Saul innchungkhar sinah khan an ṭang. ³⁰ Efraim mi chungin, sang hnih le za riat, an pale innchungkhar cio ah miṭhawng, ralṭha le minthang an si. ³¹ Manasseh phun cheu chungin sang khat le thong riat, annih cu rat i David kha siangpahrang i ser awkah fiang tein min chim an si. ³² Issakhar chungin, caan a hngalthiammi le Israel nih zeidah a tuah awk a si ti a hngalthiammi haotu bik za hnih hna le anmah nih an ukmi hna an phun hawi vialte. ³³ Jebulun chungin, a fel taktakmi ralkap sang nga, annih cu David kha tinhmi pakhatte he bawmh awkah ral hriamnam in tling tein an i thuam. ³⁴ Naftali chungin, ral bawi thong khat, an sinah cun ralkap phaw le fei he aa thuammi sang thum le thong sarih an um. ³⁵ Dan mi chungin, raltuk awk i aa thuammi sang hnih le thong riat le za ruk. ³⁶ Asher chungin, a fel taktakmi, raltuk awk i timh cia in a ummi sang li. ³⁷ Jordan khattelei ral i a ummi Reuben mi hna le Gad mi hna le Manasseh phun cheu hna chungin, sing khat le sang hnih, raldohnak hriamnam in tling tein aa thuammi. ³⁸ Hi ralkap vialte hna, raldohnak hmun i chuah awkah timh cia tein a ummi hna cu, David kha Israel siangpahrang ah kan ser hrimhrim lai tiah i tim in Hebron ah an ra; cu bantuk ṭhiamṭhiam in Israel mi vialte hna zong cu David kha siangpahrang i ser awkah lungkhat tein an um. ³⁹ Annih cu David sinah khan ni thum an um i an ei i an ding, zeicahtiah an unau hna nih khan an rak timhtuahpiak hna. ⁴⁰ Cun an innpa hna zong nih khan, Issakhar le Zebulun le Naftali ram hna tiang i a ummi hna nih khan, laa in le kalauk in le khacer in le cawtum in rawl le ei awk phun tling, theipi car hlum hna, mitsur car bor hna, mitsur hang, chiti, cawtum hna le tuu hna kha an rak phorh hna, zeicahtiah Israel ram chungah lawmhnak a um.

¹ David nih a thong pawl haotu hna le a za pawl haotu hna le haotu paohpaoh kha lungthin cheuh awk a hal hna. ² Cun David nih Israel mi aa pummi vialte cu a thawh hna i, "Nannih nih a ṭha tiah nan ruah i Bawipa kan Pathian duhnak a si ahcun, Israel ram chung i a um rihmi kan unau hna le an sin i a ummi tlangbawi hna le Levi mi hna, saṭil tlonnak ram a ngeimi khua chung i a ummi hna kha, kan sinah i pumh ve awkah an rat nakhnga, hei sawm hna u sih. ³ Cun kan Pathian kuang kha kan sinah ratpi ṭhan u sih; zeicahtiah Saul chan lioah khan kannih nih kan rak daithlanh ai," tiah a ti. ⁴ Aa pummi vialte nih cu bantukin tuah awkah an hna a tla, zeicahtiah cu thil cu mi vialte mithmuhnak ah thil dik a si. ⁵ Cucaah David nih Israel mi vialte cu Izipt ram tiva Shihor in Hamath luhnak tiang Kiriath-jearim in Jerusalem Pathian kuang cu ratpi awkah, a pumh hna. ⁶ Cun David le Israel mi vialte cu Baalah ah khan an hung kal, cucu Judah ta a simi Kiriath-jearim kha a si; cherubim hna cungah a ṭhumi Bawipa min in kawhmi Pathian kuang va lak awkah khan a si. ⁷ Cun annih nih Abinadab inn khan Pathian kuang cu cawleng thar cungin an kalpi i Uzza le Ahio nih khan cawleng cu an mawngh. ⁸ Cun David le Israel mi vialte kha Pathian hmaiah cun an thazang dihlak le hla le tingtang le thonglawi le khuang tete le sumsel le muko he tiah thanuam in an um. ⁹ Cun Khidon phuhri an va phak tikah, cawtum cu an lumhrilh caah Uzza nih cun kuang kha tlaih awkah a kut in a hei banh. ¹⁰ Cun Bawipa thinhunnak cu Uzza cungah cun a alh i kuang kha a hei banh caah a thah i cuka ah cun Pathian hmaiah a thi. ¹¹ Cun Bawipa nih Uzza cungah a thinhunnak a langhter caah David cu a thin a hung i cuka hmun cu nihin ni tiang hin Perez-uzza tiah ti a si. ¹² Cun David nih Pathian cu khi ni ah a ṭih i, "Zeitindah inn ah ka sinah Pathian kuang cu ka ratpi khawh lai?" tiah a ti. ¹³ Cucaah David nih inn ah David khua chungah khan kuang cu a luhpi lo, sihmanhsehlaw Git mi Obededom inn ah khan a kalpi. ¹⁴ Cun Pathian kuang cu Obededom inn chungah khan a innchungkhar hna he thla thum a um; cun Bawipa nih Obededom innchungkhar le a ngeihmi vialte cu thluachuah a pek hna.

¹ Cun Tair siangpahrang Hiram nih David kha lamkaltu le sidar thing le lungremh thiam le zungthiam hna zong kha amah cu inn sakpiak awkah a kuat hna. ² Cun David nih, Bawipa nih Israel mi cungah siangpahrang ah a ka fehter cang, ti le a mi Israel mi hna ruangah ka pennak cu sangpi ah hlorh a si cang ti kha a hngalh. ³ Cun David nih Jerusalem ah khan nupi aa lak chap hna i David cu fapa tam chinchin le fanu tam chinchin a ngei. ⁴ Mah hna hi Jerusalem ah a hrinmi a fale hna min cu a si: Shammua, Shobab, Nathan, Solomon, ⁵ Ibhar, Elishua, Elpelet, ⁶ Nogah, Nefeg, Jafia, ⁷ Elishama, Beeliada, le Elifelet. ⁸ Filistin mi nih David kha Israel vialte cung i siangpahrang ah chiti thuh a si cang ti kha an theih tikah, Filistin mi vialte cu David kawl ah khan an hung kal; cun mah cucu David nih a theih i annih doh awkah khan a chuak ve. ⁹ Cun Filistin mi cu an ra i Refaim nelrawn kha an hranh. ¹⁰ Cun David nih Pathian kha a hal i, "Filistin mi hna doh awkah ka hung kal lai maw? Annih cu ka kut chungah na ka pe hna hnga maw?" tiah a ti. Cun Bawipa nih amah cu. "Hung kal ko, annih cu na kut chungah kan pek hna lai," tiah a ti. ¹¹ Cun Baal-perazim ah a hung kal i David nih khika ah a tei hna; cun David nih, "Pathian nih ka ral hna cu tilian aa sah phut bantukin a sah hna," tiah a ti. Cucaah cuka hmun cu a min ah Baal-perazim ti a si. ¹² Cun khika ah an pathian hna kha an kaltak hna i David nih nawl a pek hna i an khangh hna. ¹³ Filistin mi hna nih cun nelrawn cu an hranh ṭhan hoi. ¹⁴ Cun David nih Pathian kha a hal ṭhan tikah, Pathian nih amah cu, "Na hung dawi hna hnga lo; i vel law balsam kung hna zawn khin chuahhnawh hna. ¹⁵ Cun balsam thing par hna i kal thawng na theih tikah, khi tikah raldohnak hmun ah cun va chuak tuah; Pathian cu na hmaiah, Filistin mi ralkapbu tuk awkah a kal cang," tiah a ti. ¹⁶ Cun David nih Pathian nih nawl a pek bangin a tuah i Filistin ralkapbu cu Gibeon in Gezer tiang an thah hna. ¹⁷ Cun David minthannak nih cun ram vialte kha a cul dih i miphun vialte cungah amah ṭihnak kha Bawipa nih a tlunter.

¹ David nih amah caah David khua chungah khan inn a sak hna i Pathian kuang caah khan hmun pakhat a timh i thlam pakhat a bunhpiak. ² Cun David nih, "Levi mi dah ti lo nih cun ahohmanh nih Pathian kuang cu i zawn hna hlah seh, zeitintiah annih cu Bawipa nih Bawipa kuang i zawnh awk le a rian ṭuan zungzal awkah a thim hna," tiah a ti. ³ Cun Bawipa kuang cu a ca i a timhmi hmun i hun kalpi awkah, David nih Israel mi vialte cu Jerusalem ah a pumh hna. ⁴ Cun David nih Aaron fapa hna le Levi mi hna kha a pumh hna: ⁵ Kohath fapa hna chung khan, haotu bik Uriel le a unau za khat le pakul; ⁶ Merari fapa hna lakin, haotu bik Asaiah le a unau za hnih le pakul; ⁷ Gershom fapa hna chungin, haotu bik Joel le a unau za khat le sawm thum; ⁸ Elizafan fapa hna chungin, haotu bik Shemaiah le a unau za hnih; ⁹ Hebron fapa hna chungin, haotu bik Eliel le a unau sawm riat; ¹⁰ Uzziel fapa hna chungin, haotu bik Amminadab le a unau za khat le hleihnih. ¹¹ Cun David nih tlangbawi Zadok le Abiathar le Levi mi Uriel, Asaiah, Joel, Shemaiah, Eliel le Amminadab kha a kawh hna i, ¹² annih cu, "Nannih cu Levi mi hna chung i pale innchungkhar hna lu cio nan si; nannih nih Bawipa Israel Pathian kuang kha, ka timhpiakmi hmun ah cun nan hunpi nakhnga nan unau le he i thianh tuah u. ¹³ A voi hmasa bik ah khan nannih nih nan put lo caah Bawipa kan Pathian nih kan cungah a thinhunnak a langhter; zeicahtiah kannih nih hitin tuah awk a si lai ti i fehter ciami ning khan kan rak zohkhenh lo," tiah a ti hna. ¹⁴ Cucaah Bawipa, Israel Pathian kuang cu hun zawnh awkah tlangbawi hna le Levi mi hna cu an i thianh. ¹⁵ Cun Moses nih Bawipa bia ningin nawl a pek bangin, Pathian kuang cu Levi mi hna nih a lang hna khan an liang in an i zawn. ¹⁶ David nih Levi mi haotu bik hna kha, nannih nan unaule hna cu hlasatu lunglawmhnak thawng thanter awkah, aw dawh thilri fak piin a tum ding le tingtang le thonglawi le sumsel a tum dingah nan thiah hna lai, tiah a ti hna. ¹⁷ Cucaah Levi mi hna nih cun mah hna hi an thiah hna: Joel fapa Herman le a unau hna Berekhiah fapa Asaf le an unau hna Merari fapa hna lakin Kushaiah fapa Ethan; ¹⁸ cun anmah sinah cun an unau hna dot hnihnak pawl, Zekhariah, Jaaziel, Shemiramoth, Jehiel, Unni, Eliab, Benaiah, Maaseiah, Matti-thiah, Elifelehu, le Mikneiah, cun kutka cawngtu Obededom le Jeiel. ¹⁹ Hlasatu Herman le Asaf le Ethan cu dar sumsel tumtu ding an si; ²⁰ Zekhariah, Azeiel, Shemiramoth, Jehiel, Unni, Eliab, Maaseiah, le Benaiah cu Alamoth aw in tingtang tumtu ding an si; ²¹ Sihmanhsehlaw Mattithiah Elifelehu, le Mikneiah, Obededom, Jeiel le Azaziah hna cu Sheminith aw in thonglawi in hruaitu ding an si. ²² Levi mi hla ah a hruaitu hna Chenaniah nih hla cu a thiam caah a hruai awk hna a si lai. ²³ Berekhiah le Elkanah cu kuang ca i kutka cawngtu an si lai. ²⁴ Shebaniah, Joshafat, Nethanel, Amasai, Zekhariah, Benaiah le Eliezer, tlangbawi hna nih Pathian kuang hmaiah muko kha an tum hna lai. Obededom le Jehiah zong kuang ca i kutka cawngtu an si ve lai. ²⁵ Cucaah David le Israel mi upa hna le a thong pawl haotu hna kha, Bawipa biakamnak kuang cu Obededom inn in lunglawmhnak he va lak awkah an kal. ²⁶ Cun Bawipa biakamnak kuang a zawntu Levi mi hna cu Pathian nih a bawmh hna caah, annih nih cawtum pasarih le tuutum pasarih an thawi hna. ²⁷ David cu lahmangṭhia angki fual in aa thuam, kuang a zawntu Levi mi vialte hna le hlasatu hna le hlasatu hna i an hla a hruaitu Khenaniah zong kha cu bantuk cun an i thuam ve; cun David cu laa in tahmi tlangbawi angki aa hruk. ²⁸ Cuticun muko le saki le sumsel aw zulh cun Israel mi vialte nih au pah in Bawipa biakamnak kuang cu an hunpi i hla fak piin an sa i tingtang le thonglawi kha fak piin an tum hna. ²⁹ Cun Bawipa biakamnak kuang cu David khua i a rat lioah khan, Saul fanu Mikhal nih khan thlalangawng in a hei zoh i David Siangpahrang a lam len ko le aa nuamh len ko kha a hei hmuh i a lung chungin a nihsawh.

¹ Cun Pathian kuang cu an luhpi i David nih a bunhpiakmi thlam chungah khan an chiah; cun Pathian hmaiah khangh thawinak le daihnak thawinak kha an pekchanh. ² Cun David nih khangh thawinak le daihnak thawinak pekchanh kha a dih tikah, mizapi cu Bawipa min in thluachuahnak a pek hna i, ³ Israel mi vialte cu nu he pa he changreu hlum khat le sa zam khat le mitsur car hlum khat cio a phawt hna. ⁴ Cuhleiah Levi mi a cheukhat cu Bawipa kuang hmai i rianṭuantu ah, Bawipa, Israel Pathian sinah thlacam awk le lawmh awk le thangṭhat awkah, a thiah hna. ⁵ An haotu bik cu Asaf a si, a hun dottu ah Zekhariah, Jeiel, Shemiramoth, Jehiel, Mattithiah, Eliab, Benaiah, Obededom le Jeiel an si, annih cu tingtang le thonglawi tumtu ding an si; Asaf cu sumsel tumtu ding a si, ⁶ cun tlangbawi Benaiah le Jahaziel cu Bawipa biakamnak kuang hmaiah muko a tum lengmang tu ding an si. ⁷ Cun khi ni ah khan David nih Bawipa sin i lawmhnak hla sak awkah Asaf le a unau rual cu a thiah hna. ⁸ Bawipa sinah lunglawmhnak bia chim tuah u, a min kha au tuah u, Mi zakip kha a tuahnak hngalhter hna u! ⁹ Hla in hlawrh tuah u, hla in thangṭhat tuah u, Khuaruahhar a rianṭuannak vialte kha chim tuah u! ¹⁰ A min thiang cu sunparnak ah hmang u, Bawipa a kawlmi hna lung kha i lawm hna seh! ¹¹ Bawipa le a ṭhawnnak kha kawl tuah u, A hmai kha kawl lengmang tuah u! ¹² A tuahmi khuaruahhar rian le khuaruahharnak a tuahmi hna le Biakhiahnak a chimmi hna cu philh hlah u, ¹³ Maw a sal Abraham tefa hna, Jakob fapa a thimmi hna! ¹⁴ Amah cu Bawipa, kan Pathian a si; A biakhiahnak cu vawlei khuazakip ah a um. ¹⁵ A biakamnak cu a hngalh zungzal A fehtermi a bia cu chan thong khat tiang a philh lo; ¹⁶ Abraham he biakamnak a tuah, Isak sinah chiatser in bia a kam; ¹⁷ Jakob sinah nawlbia a fehter, Israel sinah zungzal hmunmi biakamnak a tuah; ¹⁸ "Nangmah sinah Kanaan ram cu ro caah, Na covo ah kan pek lai," a ti. ¹⁹ Mi tlawmte an si i santlailo le khi ram chungah mipem an si i ²⁰ Miphun khat sinin phun khat sinah a vak i Ram khat in ramdang ah an kal tikah, ²¹ Ahohmanh annih kha a hremter hna lo; Anmah ruangah siangpahrang kha a sik hna, ²² "Chiti ka thuhmi hi tawng hna hlah u, Ka profet hna hi harnak pe hna hlah u," a ti. ²³ Vawlei vialte hna, Bawipa sinah hla hun sa tuah u! Nifate in amah khamhnak kha chim tuah u. ²⁴ Miphun hna lakah a sunparnak kha thanh tuah u, Mi vialte hna lakah, khuaruahhar a tuahnak zong! ²⁵ Zeitintiah Bawipa cu a lianngan i fak piin thangṭhat awk a si, Mi hna pathian vialte hna nakin amah cu ṭih awk a si deuh. ²⁶ Zeitintiah mi hna pathian vialte cu siasal an si, Sihmanhsehlaw Bawipa nih van khi a ser hna. ²⁷ Upatnak le lianngannak cu a hmaiah an um, Ṭhawnnak le lawmhnak cu a hmun chungah an um. ²⁸ Maw mizakip chung i miphun vialte hna, Bawipa sinah pe ko u, Bawipa sinah sunparnak le ṭhawnnak pe ko u! ²⁹ Bawipa cu amah min he aa tlakmi sunparnak cu pe ko u, Pekchanh awk rak i put u law a hmaika ah ra chuak tuah u! Thuam thianghlim in i thuam in Bawipa cu bia tuah u, ³⁰ Vawlei vialte hna, amah hmaiah cun ther tuah u; Asi, vawlei cu fek tein a dir ko, aa hnin bal lai lo. ³¹ Van hna khi i lawm ko hna seh, vawlei hi a tha nuam seh, "Bawipa nih a pen," tiah miphun kip sinah chim hna seh. ³² Rili le a chungah a ummi thil vialte awn hna seh, Lo le a chungah a ummi thil vialte kha i lawm hna seh! ³³ Khi tikah ramlak thingkung vialte cu Bawipa hmaiah lawmhnak in hla an sa lai, Zeitintiah vawlei kha biaceih awkah amah cu a ra. ³⁴ Bawipa cu lawm tuah u, zeitintiah amah cu a ṭha; Zeitintiah a fekmi a dawtnak cu zungzal in a hmun! ³⁵ "Maw kan khamhnak Pathian kan chanh law Miphun hna chungin kan pum law kan khamh tuah, Zeitintiah na min thiang cu kan lawmh i Na thangṭhatnak cu kan i chawr nakhnga ³⁶ Bawipa, Israel Pathian cu, zungzal in zungzal tiang thangṭhat si ko seh!" ti tuah u. Cun mi vialte nih, "Amen!" tiah an ti. Bawipa kha an thangṭhat. ³⁷ Cuticun David nih Asaf le a unau rual hna cu khika ah, Bawipa biakamnak kuang hmaiah cun, ni fate a herhnak bantukin rianṭuan zungzal awkah a chiahtak hna, ³⁸ Obededom le a unau rual sawm ruk le pariat zong kha; Jeduthun fapa Obededom le Hosah tu cu kutka cawngtu caah khan an si. ³⁹ Cun tlangbawi Zadok le a unau hna tlangbawi hna kha Gibeon i a ummi khuahrum bo i Bawipa puan biakinn hmaiah khan a chiahtak hna, ⁴⁰ Bawipa nih Israel mi nawl a pekmi hna phungbia chung i aa ṭialmi vialte ningin, annih nih zinglei he zanlei he khangh thawinak biakṭheng cungah khan Bawipa sin i khangh thawinak kha an pekchanh thluangthluan awk a si. ⁴¹ An sinah cun Heman le Jeduthun le, Bawipa cu a fekmi a dawtnak kha zungzal in a hmunh caah a sinah lawmhnak bia chim awk ca i thimmi hna le fiang tein min chimmi a cheu hna kha an um, ⁴² Heman le Jeduthun nih hlasaknak caah khan muko le sumsel an ngeih hna i hla thiang caah khan hlasaknak thilri an ngeih hna. Jeduthun fapa hna cu kutka cawngh kha an thiah hna. ⁴³ Cun mi vialte cu an inn cio ah an ṭin i David cu a inn ah a innchungkhar hna thluachuah pek awkah a kal.

¹ Cun David cu a inn ah khan a um i cu tikah, David nih cun profet Nathan cu a thawh i, "Zohhmanh, kei vial sidar thing inn chungah ka um i Bawipa biakamnak kuang tu cu puan thlam tangah a um," tiah a ti. ² Cun Nathan nih David cu a thawh i, "Na lung chung a ummi paoh cu tuah ko, zeitintiah Pathian cu na sinah a um," tiah a ti. ³ Sihmanhsehlaw cu zan ṭhiamṭhiam ah cun Bawipa bia cu Nathan sinah a ra i, ⁴ "Va kal law ka sal David kha, ’Hi bangin Bawipa nih a ti: Ka umnak dingah inn ka sakpiak hlah. ⁵ Zeicahtiah Israel kha ka hun hruai ni thawk in atu tiang inn chungah ka um lo, sihmanhsehlaw thlam khat in thlam khat ah, umnak hmun pakhat in umnak hmun dang pakhat ah ka kal lengmang. ⁶ Israel mi vialte he kaa chawhnak hmun dihlak ah, ka mi hna cawngh awk i nawl ka pekmi Israel mi biaceihtu hna aho sin tal ah, "Zeicahdah sidar inn na ka sakpiak lo?" tiah bia kaa khat tal ka chim maw? a ti,’ tiah va chim," tiah a ti. ⁷ Cucaah atu cu ka sal David kha hi bangin na va chimh lai, ’Hi bangin ralkapbu Bawipa nih a ti, Nangmah cu ka mi Israel mi cungah bawi si awkah, phong lak, tuu na zulhkhalh hnanak khan kan lak: ⁸ cun na kalnak kip ah nangmah sinah ka um i na hmai in na ral vialte kha ka hloh dih hna; cun vawlei cung milianngan hna min bantukin min kan serpiak lai. ⁹ Cun ka mi Israel mi hna caah hmun pakhat ka tuah lai i anmah hmunte ah cun an um nakhnga le hnahnawh an si ti nakhnga lo, ka phun hna lai, ¹⁰ hlan lio i ka mi Israel mi hna cungah biaceihtu ka rak chiah hna caan bantuk khan, zaang-en hmangmi hna nih an hrawkhral ti hna lai lo; cun na ral vialte cu kan teipiak lai. Cuhleiah Bawipa nih nangmah cu inn pakhat an serpiak lai tiah kan thanh. ¹¹ Na pupa hna sin i um awkah na ni kha a tlin tikah, na hnuah na tefa, na fapa hna lak i pakhat cu a chan ka thawhter lai i a pennak cu ka fehter lai. ¹² Keimah caah inn pakhat a sak lai i a bawi ṭhutdan cu zungzal in ka fehter lai. ¹³ Keimah cu a pa ka si lai i amah cu ka fa a si lai; nangmah hlan i a rak ummi sinin a fekmi ka dawtnak ka rak lak bantuk khan a sinin ka la lai lo; ¹⁴ sihmanhsehlaw ka inn chungah le ka pennak chungah amah cu ka fehter lai i a bawi ṭhutdan cu zungzal in a hmun lai,’ a ti," tiah a ti. ¹⁵ Hi bia vialte ning le hi langhnak vialte ningin, Nathan nih David sinah cun a chim. ¹⁶ Khi tikah David cu a lut i Bawipa hmaiah khan a ṭhu i, "Maw Bawipa, Pathian, keimah cu ahodah ka si i ka innchungkhar zong hi zeidah an si, hi tiang nangmah nih na ka hruai hi? ¹⁷ Cun mah hi cu nangmah mit ah cun, a hmemi thil a si ko, maw Pathian; na sal innchungkhar kong zong hi hmailei caan saupi ca tiangin na rak chim chung cang i hmailei ciruang ding hna zong kha na ka hmuhsak cang, maw Bawipa, Pathian! ¹⁸ Cun na sal upatnak pek awk caah hin David nih zeidah chim awk ka ngeih ti? Zeicahtiah na sal cu nangmah nih na hngalh ko. ¹⁹ Maw Bawipa, na sal ruangah le nangmah na lungthin ning tein, hi thil lianngan vialte hngalhternak ah hin hi thil liannganpi hi na tuah. ²⁰ Kannih nih kan hna in kan theihmi vialte ah nangmah bantuk ahohmanh an um lo, maw Bawipa, nangmah hleiah Pathian dang an um ti lo. ²¹ Pathian nih amah mi si awk ca i tlanh awkah a kalhnawh hna i, thil lianngan le thil ṭihnung in nangmah caah min pakhat i ser i Izipt ram chungin na mi hna hmai in miphun hna kha na dawipiakmi na mi Israel mi hna bantuk hi vawlei cungah zei miphun dah a um ti? ²² Cun nangmah nih na mi Israel mi hna cu zungzal in na mi si awkah na ser hna i maw Bawipa, nangmah cu an Pathian ah na cang cang. ²³ Cun atu cu maw Bawipa, na salpa kong le a innchungkhar kong i na rak chimmi kha zungzal ca in fehter ko law na rak chim bangkhan tuah ko; ²⁴ cun ’Ralkapbu Bawipa, Israel Pathian cu Israel i Pathian a si,’ tiin na min cu zungzal in fehter a si lai i thangṭhat a si lai i na sal David innchungkhar cu na hmaiah fehter a si lai. ²⁵ Zeitintiah nangmah nih maw ka Pathian, na sal cu innchungkhar pakhat kan sakpiak lai tiah ka sinah na phuan cang caah na sal nih hin nangmah hmaiah thla ka cam ngam. ²⁶ Cun maw Bawipa, nangmah cu Pathian na si i hi thil ṭha cu na sal kha na ka kamh cang; ²⁷ cucaah na sal innchungkhar hi nangmah hmaiah zungzal in a hmunh nakhnga, thluachuahnak pe ko sawh; zeitintiah maw Bawipa, nangmah nih thluachuah na pek cangmi cu zungzal in thluachuakmi a si ko," tiah a ti.

¹ Cun mah hnuah cun David nih Filistin mi kha a tei hna i a tangchiah hna i Filistin mi hna kut chung cun Gath le a khuate hna kha a lak hna. ² Cun Moab kha a tei, Moab mi hna cu David sal ah an cang i ngunkhuai an pek. ³ David nih Zufrates tiva i a lungphun bunh awk i a kalpah ah Hamath lei i a ummi Zobah siangpahrang Hadadezer zong kha a tei. ⁴ Cun David nih amah sin khan rangleng thong khat, rangcung ralkap thong sarih, le ke ralkap sang hnih a tlaih hna i David nih leng hnuktu rang vialte kha an tha a pheh dih hna, sihmanhsehlaw rangleng za khat ca i a za ding lawnglawng kha a nganh hna. ⁵ Cun Damaskas khuami Siria mi nih khan Zobah siangpahrang Hadadezer kha bawmh awkah an rat tikah, David nih khan Siria mi cu sang hnih le thong hnih a rak thah hna. ⁶ Cun David nih Damaskas i Siria ah khan ralvengtu ralkapbu a chiah hna i Siria mi cu David sal ah an cang i ngunkhuai kha an pek. Cun Bawipa nih David cu a kalnak kip ah khan teinak a pek lengmang. ⁷ Cun Hadadezer sinum hna nih an i putmi sui phaw kha David nih a lak hna i Jerusalem ah a rak phorh hna. ⁸ Cun Hadadezer khua a simi Tibaath le Kun in David nih dar tampi a lak; mah cu cun Solomon nih khan dar hmaihum kha le tungpi hna kha le dar umkheng hna kha a ser hna. ⁹ Hamath siangpahrang Tou nih, Zobah siangpahrang Hadadezer ralkapbu kha David nih a ning piin a tei dih hna ti kha a theih tikah. ¹⁰ Hadadezer kha a doh i a tei caah amah cu va biakchawnh awk le va conglawmh awkah Siangpahrang David sinah khan a fapa Hadoram kha a hei thlah; zeitintiah Hadadezer nih khan Tou kha a rak doh lengmang tawn. Cun amah nih cun sui in sermi thilri a phunphun ngun in sermi a phunphun le dar in sermi a phunphun kha a kuat; ¹¹ mah thil hna zong cu Siangpahrang David nih a teimi miphun vialte hna, Edom, Moab, Ammon mi hna, Filistin mi hna le Amalek sinin lakmi sui le ngun hna he khan hmunkhat ah Bawipa sinah a pekchanh hna. ¹² Cun Zeruiah fapa Abishai nih khan Cite Nelrawn ah Edom mi sang khat le thong riat a thah hna. ¹³ Cun Edom ram chungah ralvengtu ralkapbu kha a chiah hna i Edom mi vialte cu David sal ah an cang. Cun Bawipa nih David cu a kalnak kip ah teinak a pek lengmang. ¹⁴ Cucaah David nih Israel mi vialte cu a pen hna i a mi vialte cu biading le ruannak in a uk hna. ¹⁵ Cun Zeruiah fapa Joab cu ralkapbu haotu bik a si i Ahilud fapa Jehoshafat cu cazin ṭialtu a si; ¹⁶ cun Ahitub fapa Zadok le Abiathar fapa Ahimelek cu tlangbawi an si; cun Shavsha cu caṭialtu a si; ¹⁷ cun Jehoiada fapa Benaiah cu Khereth mi le Peleth mi hna cung i haotu a si i David fapa hna cu siangpahrang rian ah khuakhangtu upa bik an si.

¹ Cun hi hnuah hin Ammon mi hna siangpahrang Nahash kha a thi i a fapa kha amah hmun ah khan a bawi. ² Cun David nih a thawh i, "Nahash fapa Hanun hi a pa nih ka cungah zumhawktlak tein a rak um caah khan a cungah zumhawktlak tein ka um ve lai," tiah a ti. Cucaah David nih a pa kong ah khan amah cu va hnemh awkah lamkal a hei thlah hna. Cun David sinum hna cu Hanun sin kha Ammon mi hna ram chungah cun, amah cu va hnemh awkah, an va phan. ³ Sihmanhsehlaw Ammon mi bawi hna nih khan Hanun cu an thawh i, "David nih nangmah sinah hnemtu a hun thlah hna caah hin na pa kha a upat tiin maw na ruah? A sinum hna nih hin kan ram hi thlokdah awk le tei awk le ngiatthlai awkah na sinah an ra ko lo mei?" tiah an ti. ⁴ Cucaah Hanun nih David sinum hna cu an khahmul a meh hna i an khelbo zawn ah an puan cu a laifang in a tan hna i a kalter hna i an kal. ⁵ Cun David cu mi hna kong kha an chimh tikah, anmah don awkah mi a hei thlah hna, zeitintiah annih cu an ning a zak ngaingai ko. Cun siangpahrang nih cun, "Nan khahmul a corh ṭhan hlantiang Jeriko khua ah cam ko u, cun nan ra kir ṭhan te lai," tiah a ti hna. ⁶ Ammon mi hna nih annih cu David huat kan phor cang ti kha an theih tikah, Hanun le Ammon mi hna nih khan Mesopotamia le Aram-maakah le Zobah ram in rangleng hna le rangcung ralkap hna hlan awkah ngun talen thong khat an kuat hna. ⁷ Rangleng sang thum thong hnih le Maakah siangpahrang le a ralkapbu, cu an hlan hna i Medeba hmaiah khan an riak. Cun Ammon mi hna cu an khua cio khan an pumh hna i raldohnak hmun ah khan an ra. ⁸ Mah cucu David nih a theih tikah Joab le a ṭhawngmi ralkapbu vialte kha a thlah hna. ⁹ Cun Ammon mi hna cu an ra chuak i khua luhnak ah khan raldoh awkah an i tiang i siangpahrang a rami hna cu anmah tein ramlak ah cun an um ve. ¹⁰ Joab nih hmailei he hnulei he an ka tuk lai ti kha a hmuh tikah, Israel mi chungin thim khunmi kha a thim hna i Siria mi dohtu dingah khan a ningcang tein ṭanhmun a khuarter hna; ¹¹ cun a taang rihmi a mi hna cu a unau Abishai kut tangah a chiah hna i Ammon mi hna dohtu dingah khan a ningcang tein ṭanhmun a khuarter hna. ¹² Cun anih nih, "Siria mi hi ka caah an ṭhawn tuk ahcun na ka bawmh lai, sihmanhsehlaw Ammon mi hna kha na caah an ṭhawn tuk ah cun kan bawmh ve lai. ¹³ Ralṭha ngaiin um tuah, kan mi hna le kan Pathian khua hna caah hin pasal si u sih; cun Bawipa nih a ṭha a tining paoh in tuah ko seh," tiah a ti. ¹⁴ Cucaah Joab le a sin i a ummi hna nih cun tuk awkah Siria mi cu an hei fuh hna i an hmaiah cun an zaam. ¹⁵ Cun Ammon mi hna nih Siria mi an zam ti kha an hmuh tikah annih zong, cu bantukin Joab unau Abishai hmai khan an zam ve i khua chungah khan an lut. Cun Joab cu Jerusalem ah a tlung. ¹⁶ Sihmanhsehlaw Siria mi hna nih Israel mi nih an kan tei ti kha an hmuh tikah, lamkaltu an thlah hna i Zufrates tiva ral ah a ummi Siria mi hna, Hadadezer ralkapbu ralbawi Shofak nih a hruimi hna kha an hun chuahpi hna. ¹⁷ Mah cucu David kha an chimh tikah Israel mi vialte kha hmunkhat ah a pumh hna i Jordan tiva kha an tan i an sin cu an phan i annih cu tuk awkah a ralkap cu a sersiam hna. Cun David nih Siria mi cu a tuk tik hna ah annih zong nih an tuk ve. ¹⁸ Cun Siria mi cu Israel mi hna hmai in an zam; cun David nih Siria mi hna chung khan rangleng thong sarih aa citmi hna le ke ralkap sang li a thah hna i an ralkapbu ralbawi Shofak zong kha a thah. ¹⁹ Cun Hadadezer sal hna nih khan Israel mi nih an tei ti kha an hmuh tikah, David he cun remnak an ser i a kut tangmi ah an cang. Cucaah Siria mi nih Ammon mi kha bawmh an duh ti hna lo.

¹ Ṭhal a hung chuak i siangpahrang hna nih raltuknak hmun i an kal tawn caan ah khan, Joab nih ralkapbu kha a kalpi hna i Ammon mi hna ram kha an hrawh i an ra i Rabbah kha an dum. Sihmanhsehlaw David cu Jerusalem ah a um ko. Cun Joab nih Rabbah cu a tuk i a tei. ² Cun David nih an siangpahrang bawi luchin cu a lu cung khan a lak; mah cucu talen pakhat a rih kha le a chung i lungvar man sung a um kha a hmuh; cun cucu David kha an chinh. Cun cu khua hranchaw kha a lak, a tam ngaingai ko. ³ Cun a chung i a ummi hna kha a chuah hna i hluah le turung le thir hreitlung in rian a ṭuanter hna; cu bangin Ammon mi hna khua vialte cungah khan a tuah dih. Cun David le a mi vialte cu Jerusalem ah an kir ṭhan. ⁴ Cun mah hnuah hin Filistin mi he i dohnak Gezer ah a tho ṭhan; Hushath mi Sibbekai nih mingan hna tefa a simi Sippai kha a thah; ⁵ cun Filistin mi he i dohnak a um ṭhan hoi; Jair fapa Elhanan nih Git mi Goliath unau Lahmi, a feihlung thiamtlang bantuk a simi cu a thah. ⁶ Cun Gath ah i dohnak a um ṭhan hoi; cuka ah cun mipa pakhat a pum a ngan ngaingaimi, a kut ah kutdong paruk veve le a ke ah kedong paruk veve, a dihlak ah kul le pali a ngeimi a um i amah zong cu mi ngan hna tefa kha a si ve. ⁷ Cun amah nih Israel mi kha a hauh hna tikah David u Shimea i fapa Jonathan nih khan a thah. ⁸ Hi hna hi Gath khua i a ummi mingan hna hrinthlak kha an si; David kut le a sinum hna kut in an thi.

¹ Satan nih Israel mi kha a doh hna i David kha Israel mi cu rel awkah a forh. ² Cucaah David nih cun Joab le ralkapbu haotu hna kha a thawh hna i, "Va kal u law, Israel mi kha Dan in Beersheba tiang va rel hna u, cun zeizat an si kha ka hngalh nakhnga ka chim ṭhan u," tiah a ti. ³ Sihmanhsehlaw Joab nih a thawh i, "Bawipa nih a mi hna cu atu i nak hin let za khat in chap ko seh! Siangpahrang ka bawipa, annih cu an dihlak tein ka bawipa sal an si ko lo maw? Zeicahdah ka bawipa nih mah hi cu na herh? Zeicahdah Israel mi cungah mawhnak na tlunter lai?" tiah a ti. ⁴ Sihmanhsehlaw siangpahrang bia nih Joab cu a tei. Cucaah Joab cu a kal i Israel ram vialte kha a ṭol dih i Jerusalem ah a ra kir ṭhan. ⁵ Cun Joab nih David kha minung a relmi hna a zat cu a pek. Israel ram chung dihlak ah vainam a tlai khomi nuai khat le sing khat an um, cun Judah ram chungah vainam tlai khomi sing li le sang sarih an um. ⁶ Sihmanhsehlaw relnak chungah khan Levi mi le Benjamin mi cu a khumh chih hna lo, zeicahtiah a siangpahrang nawl pekmi cu Joab nih khan a duh hrimhrim lo. ⁷ Sihmanhsehlaw Pathian cu hi thil cungah khan aa lawm lo i Israel mi kha a thah hna. ⁸ Cun David nih Pathian sinah cun, "Hi thil ka tuahmi ah hin fak piin ka sual cang. Sihmanhsehlaw hruhnak piin ka tuah cang caah na salpa ka ṭhat lonak hi ka hlohpiak ko sawh, tiah kan nawl," tiah a ti. ⁹ Cun David ta a simi hmutu Gad kha Bawipa nih a chawnh i, ¹⁰ "Va kal law David cu, ’Hi bangin Bawipa nih, "Thil pathum kan pek i pakhat in i thim, cucu na cungah ka tuah lai,’ a ti," tiah va chim,’ tiah a ti. ¹¹ Cucaah Gad cu David sinah khan a ra i David cu, "Bawipa nih hi bangin a ti. Na duhmi i thim: ¹² Kum thum chung mangṭam maw, asiloah na ral nih nangmah kha thla thum chung hrawh maw, cu chungah cun na ral hna vainam nih nangmah cu an in phanh lai; asiloah Bawipa vainam ni thum chung hrem dik, cucu ram chungah rai tlun le Bawipa vancungmi nih Israel chung dihlak ah rawhnak tuah a si lai," a ti. Cu Gad nih cun David cu, "A ka thlahtu sinah zei bialehnak dah ka kirpi lai, atu ah bia i khiak tuah," tiah a ti. ¹³ Cun David nih Gad cu a thawh i, "Harnak nganpi chungah ka um; Bawipa kut cungah cun tla ko ning, zeitintiah anih cu a zaangfahnak a ngan ngaingai; sihmanhsehlaw minung kut chungah cun tla sawh hlah ning," tiah a ti. ¹⁴ Cucaah Bawipa nih Israel mi cungah rai kha a tlunter i Israel mi cu sang sarih an thi. ¹⁵ Cun Pathian nih vancungmi cu Jerusalem kha hrawh awkah a thlah; sihmanhsehlaw hrawh hnik a vun zalh ah khin Bawipa nih a hmuh i ṭhat lonak kha Bawipa cu aa ngaichih i hrawktu vancungmi sinah cun, "A za cang, na kut kha ṭhum cang," tiah a ti. Cun Bawipa vancungmi cu Jebus mi Ornan phuhri pawngah khan a dir. ¹⁶ Cun David nih khua a hun zoh i van le vawlei karah Bawipa vancungmi a dir kha a hmuh, a kut in vainam phawi cia aa put i Jerusalem lei kha a sawh. Khi tikah David le upa hna cu buri an i aih i vawlei ah an bawk. ¹⁷ Cun David nih Pathian sinah. "Mi kha va rel hna u, tiah nawl petu cu keimah ka si lo mei? Sualnak a tuah i ṭhalo ngaiin a tuahtu cu keimah ka si. Sihmanhsehlaw hi tuu hna nih hin zeidah an tuah? Maw Bawipa, ka Pathian, na kut cu keimah le ka pa innchungkhar cungah si ko seh, rai cu na mi hna cungah tlung sawh hlah seh, tiah kan nawl," tiah a ti. ¹⁸ Cun Bawipa vancungmi nih Gad cu, David kha hung kal seh law Jebus mi Ornan phuhri ah Bawipa caah biakṭheng pakhat in hung ser seh, tiin David cu chimh awkah nawl a pek. ¹⁹ Cucaah Bawipa min in Gad nih a chimmi bia bangin David cu a hung kal. ²⁰ Ornan cu changvut kha a rak cil len ko; aa mer i vancungmi kha a hmuh i amah sin i a ummi a fapa pali hna kha an i thup. ²¹ David cu Ornan sin lei i a rat lioah khan. Ornan nih cun a hei zoh i David kha a hmuh i phuhri cun a va chuak i vawlei lei hoih in David cu upatnak kha a pek. ²² Cun David nih Ornan cu a thawh i, "Rai hi mi sinin a kian nakhnga, Bawipa sin i biakṭheng saknak caah phuhri hmun hi ka pe tuah — a man tling tein ka hau ko," tiah a ti. ²³ Cun Ornan nih David cu, "I lak tuah; cun siangpahrang ka bawipa nih a ṭha a timi paoh kha tuah ko seh; zohhmanh cawtum hna cu khangh thawinak caah, cun rawl velhnak fung hna cu thing caah, cun changvut cu changvut thawinak caah kan pek. A dihlak in kan pek dih," tiah a ti. ²⁴ Sihmanhsehlaw Siangpahrang David nih Ornan cu, "Asilo, a man tling tein kan cawk ko lai; Bawipa caah nangmah ta a simi cu ka la lai lo i a man zeihmanh ka liam lomi khangh thawinak zong ka pechan lai lo," tiah a ti. ²⁵ Cucaah David nih Ornan cu cu hmun caah cun sui shekel za ruk a thlai i a pek. ²⁶ Cun khika ah David nih Bawipa caah biakṭheng a ser i khangh thawinak le daihnak thawinak hna kha a pekchanh hna i Bawipa kha a auh i amah nih cun khangh thawinak biakṭheng cung i vancung in a tlami mei khan amah cu a leh. ²⁷ Cun Bawipa nih vancungmi kha nawl a pek i a vainam cu a kawng chungah a sawh ṭhan. ²⁸ Khi caan ah khan, Jebus mi Ornan phuhri ah Bawipa nih a ka leh tiah David nih a hmuh tikah, khika ah a raithawinak hna kha a tuah. ²⁹ Zeitintiah ramlak ah Moses nih a sermi Bawipa puan biakinn le khangh thawinak biakṭheng hna cu khi caan ah khan Gibeon i khuahrum bo ah khan an um ko; ³⁰ sihmanhsehlaw David cu Bawipa kha va hal awkah a hmaiah cun a kal kho lo; zeicahtiah Bawipa vancungmi vainam kha a ṭih.

¹ Cun David nih, "Hika ah hin Bawipa Pathian inn cu a si lai i hika ah hin Israel mi ca i khangh thawinak biakṭheng cu a si lai," tiah a ti. ² David nih Israel ram chung i ramdangmi a ummi hna kha i pumh awkah nawl a pek hna i Bawipa inn saknak caah lung attu hna kha lung a remhter hna. ³ David nih kutka innka hna le kapza hna khenhnak thir caah khan thir tampi a rak chiah, cun dar cu thlai cawk loin a chiah i ⁴ sidar thingah cu rel cawk loin a chiah; zeitintiah Sidon mi le Tair mi nih sidar thing tampi David sinah khan an rak phorh. ⁵ Cun David nih a thawh i, "Ka fapa Solomon hi a ngakchia i zeihmanh a hngal rih lo, cun Bawipa ca i sak dingmi inn cu rumra a um hringhranmi, a minthannak le a sunparnak ram vialte ah a thangmi a si awk a si; cucaah ka rak timhlamh chung lai," tiah a ti. Cucaah David nih a thih hlanah thilri tampi a damhtak. ⁶ Cun a fapa Solomon cu a auh i Bawipa, Israel Pathian ca i inn sak cu a cungah a hluai. ⁷ David nih Solomon cu a thawh i, "Ka fapa, Bawipa ka Pathian min thangṭhatnak ca i inn sak cu ka lung chungin ka rak i ruahchihmi a si. ⁸ Sihmanhsehlaw Bawipa bia cu ka sinah a ra i, ’Thisen tampi na chuah i ral ngan kha na doh hna; keimah hmaiah vawlei cungah thisen tampi na chuah caah ka min thangṭhatnak caah inn na sa lai lo. ⁹ Zohhmanh, fapa pakhat na hrin lai; amah cu daihnak mi a si lai. Amah cu a velchum i a ummi ral vialte hna lakin daihnak ka pek lai; zeitintiah a min cu Solomon a si lai i amah chan chungah cun Israel mi cu daihnak le remnak ka pek hna lai. ¹⁰ Amah nih cun ka min caah inn pakhat a sak lai. Amah cu ka fapa a si lai i keimah cu a pa ka si lai i a siangpahrang bawiṭhutdan cu Israel chungah zungzal in ka fehter lai,’ a ti. ¹¹ Cucaah ka fapa, nangmah kong ah a chimmi bia bangin Bawipa na Pathian ca i inn saknak ah cun na hlawhtlin nakhnga, Bawipa cu na sinah um ko seh. ¹² Nangmah cu Israel mi zohkhenh awk ṭuanvo kha an pek tikah Bawipa na Pathian phungbia cu na zulh nakhnga, Bawipa nih fimnak le hngalhthiamnak in pe ko seh. ¹³ Khi tikah Bawipa nih Moses cu Israel mi caah a pekmi phunglam le nawlbia hna kha ṭha tein na zulh hna ahcun, na hlawh a tling lai. Ṭhawng ngai le ralṭha in um tuah. Ṭih hlah; na lung dong hlah. ¹⁴ Har ngaiin Bawipa inn caah cun sui talen sing za khat, ngun talen nuai khat, dar le thir cu thlai cawk lo ka timh cang, a tam hringhran ko; thingah le lung zong ka timh cang. Mah vialte ah hin na chap awk a si lai. ¹⁵ Rianṭuantu tlamtling tein na ngei ko: lung attu, lung remhtu, inn sak thiam, zungthiam a phunphun rel cawk lo, ¹⁶ sui siseh, ngun siseh, dar siseh thir siseh ser a thiammi na ngei ko hna. Tho law ṭuan colh ko! Bawipa cu na sinah um ko seh!" tiah a ti. ¹⁷ David nih Israel mi haotu vialte zong kha a fapa Solomon cu bawmh awkah nawl a pek hna i, ¹⁸ "Bawipa nan Pathian cu nan sinah a um lo mei? Cun amah nih kam kip ah daihnak an pe hna lo mei? Zeitintiah hi ram chung i a ummi hna cu nan kut chungah an pek hna i ram cu Bawipa le a mi hna hmaiah tei a si cang. ¹⁹ Atu cu Bawipa nan Pathian kha nan ruahnak le nan lungthin in biatak tein kawl tuah u. Bawipa biakamnak kuang le Pathian umkheng thiang hna cu Bawipa min ca i sakmi inn chungah khan luhpi an si nakhnga, tho u law Bawipa Pathian i hmunthiang cu sa tuah u," tiah a ti hna.

¹ Cun David cu a upa i a tar ngaingai tikah a fapa Solomon cu Israel mi siangpahrang ah a ser. ² David nih Israel mi haotu vialte tlangbawi hna le Levi mi hna kha a pumh hna. ³ Levi mi cu, kum sawm thum a timi le a cunglei kha an rel hna i an dihlak ah sang thum le thong riat an si. ⁴ David nih, "Hi hna chung hin sang hnih le thong li nih Bawipa innchung rianṭuan kha an ṭuanvo a si lai i thong ruk cu biaceihtu le bawi an si lai, ⁵ thong li cu kutka cawngtu an si lai i thangṭhatnak caah ka sermi hlasaknak thilri in thong li nih Bawipa kha thangṭhatnak an pek lai," tiah a ti. ⁶ Cun annih cu David nih Levi fapa Gershom, Kohath le Merari hna ning khan an bu an bu cio in a ṭhen hna. ⁷ Gershom fapa hna cu Ladan le Shimei an si. ⁸ Ladan fapa hna: haotu bik Jehiel, le Zetham le Joel, pathum an si. ⁹ Shimei fapa hna: Shelomoth, Haziel, le Haran, pathum an si. Mah hna hi Ladan innchungkhar hna lu cio kha an si. ¹⁰ Shimei fapa hna: Jahath, Zina le Jeush le Beriah. Hi pali hna hi Shimei fapa an si. ¹¹ Haotu bik cu Jahath a si i a hun changtu cu Zizah a si; sihmanhsehlaw Jeush le Beriah cu fapa tampi an ngei lo, cucaah voi khat relnak ah pa pakhat i innchungkhar ah an cang. ¹² Kohath fapa hna: Amram, Izhar, Hebron, le Uzziel, pali an si. ¹³ Amram fapa hna: Aaron le Moses. Aaron cu amah le a fapa hna nih zungzal in Bawipa hmaiah zihmui kha an khangh i amah rian kha an ṭuan i amah min in zungzal in thluachuah peknak an chim nakhnga, Aaron cu a thiang bikmi thil hna kha pekchanh awkah thleidan a si. ¹⁴ Sihmanhsehlaw Pathian mi Moses i a fapa hna kha cu Levi mi phun chungah khan rel an si. ¹⁵ Moses fapa hna: Gershom le Eliezer. ¹⁶ Gershom fapa hna: haotu bik Shebuel. ¹⁷ Eliezer fapa hna: haotu bik Rehabiah; Eliezer nih fapa dang a ngei hna lo, sihmanhsehlaw Rehabiah fapa cu an tam ngaingai. ¹⁸ Izhar fapa hna: haotu bik Shelomith, pahnihnak ah Amariah, ¹⁹ pathumnak ah Jahaziel, palinak ah Jekameam. ²⁰ Uzziel fapa hna: haotu bik Mikah le a pahnihnak Isshiah. ²¹ Merari fapa hna: Mahli le Mushi. Mahli fapa hna: Eleazar le Kish. ²² Eleazar cu fapa hring loin a thi, fanu lawnglawng a ngeih hna; an rualchan Kish fapa hna nih khan an ṭhit hna. ²³ Mushi fapa hna: Mahli, Eder le Jeremoth, pathum an si. ²⁴ Mah hna hi Levi fapa hna, an pale chungkhar ning cio ah an si; annih cu an pa le chungkhar hna lu cio, Bawipa inn rian kha ṭuan awkah, min thlak a simi kum kul ri in a cunglei hna kha an si. ²⁵ Cucaah David nih hi bangin "Bawipa, Israel Pathian nih a mi cu daihnak a pek cang hna; cun Jerusalem ah zungzal in a um. ²⁶ Cucaah Levi mi hna nih puan biakinn kha siseh, a chung rianṭuannak ca i thilthuam si hna seh, an phorh a herh ti lo," a ti; ²⁷ zeitintiah David bia a hmanung bik bangin, Levi mi kum kul ri in a cunglei hna cu mah zat hi an si. ²⁸ "Sihmanhsehlaw annih an rian cu Bawipa inn rianṭuannak i Aaron fapa hna bawmh kha a si lai, annih nih tual hna le innchung dal hna kha an zohkhenh lai, a thiangmi thil vialte kha an thianhhlimh lai. Pathian inn chung rian zeipaoh kha an ṭuan lai; ²⁹ cun hun camcinmi changreu le changvut thawinak ca i changvut le thilnu cawh lo changreu pan tete hna le rawhmi changreu thawinak le chiti he cawhmi thawinak hna timhtuahnak le a tam a tlawm lei tahnak ah siseh, a hmet a ngan lei tahnak ah siseh, annih nih an bawmh fawn hna lai. ³⁰ Cun zing fate in an dir lai i Bawipa kha an lawmh lai i an thangṭhat lai, cu bantuk ṭhiamṭhiam in zanlei zongah, ³¹ cun Bawipa sinah khangh thawinak hna kha sabbath ni ah siseh, thla thar ah siseh, puai ni ah siseh, cu zat in nan tuah awk a si tining khan Bawipa hmaiah pekchanh camcin a si fate annih nih cu bantuk ṭhiamṭhiam in an tuah lai. ³² Cuticun annih nih tonnak thlam le hmunthiang kha an zohkhenh hna lai i Bawipa inn rian ṭuannak ah khan an unau Aaron fapa hna kha an bawmh hna lai."

¹ Aaron fapa hna an i ṭhenning cu hi bangin a si. Aaron fapa hna: Nadab, Abihu, Eleazar le Ithamar. ² Sihmanhsehlaw Nadab le Abihud cu an pa hlanah an thi i fa an ngei lo cucaah Eleazar le Ithamar cu tlangbawi an cang. ³ Eleazar fapa hna chung i Zadok le Ithamar fapa hna chung i Ahimelek bawmhnak thawngin, David nih an rian ṭuan awkah an thiah ning hna bantuk khan rian a phawt hna. ⁴ Eleazar fapa hna lakah Ithamar fapa hna chung nakin mi upa an tam deuh caah Eleazar fapa hna chung cun innchungkhar haotu hleiruk an chiah hna i Ithamar fapa hna chungin pariat an chiah hna. ⁵ Annih cu an dihlak in aa lo cio ah, camcawhfung khiah in phawt an si, zeicahtiah Eleazar fapa hna le Ithamar fapa hna chungah khan Biakinn lei haotu hna le thlarau lei haotu hna kha an um veve. ⁶ Cun Levi mi Nethanel fapa Shemaiah, caṭialtu, nih khan, siangpahrang le bawi hna le tlangbawi Zadok le Abiathar fapa Ahimelek le tlangbawi hna le Levi mi hna chungkhar hna lu hna hmaika ah khan, cazin ah a khumh hna; Eleazar caah khan innchungkhar pakhat cu thim a si i Ithamar caah khan pakhat thim a si ve. ⁷ Camcawhfung hmasa bik cu Jehoiarib cungah a tla, pahnihnak cu Jedaiah cungah a tla, ⁸ pathumnak cu Harim cungah a tla, palinak cu Seorim cungah a tla, ⁹ panganak cu Malkhijah cungah a tla, paruknak cu Mijamin cungah a tla, ¹⁰ pasarihnak cu Hakkoz cungah a tla, pariatnak cu Abijah cungah a tla, ¹¹ pakuanak cu Jeshua cungah a tla, pahranak cu Shekhaniah cungah a tla, ¹² hleikhatnak cu Eliashib cungah a tla, hleihnihnak cu Jakim cungah a tla, ¹³ hleithumnak cu Huppah cungah a tla, hleilinak cu Jeshebeab cungah a tla, ¹⁴ hleinganak cu Bilgah cungah a tla, hleiruknak cu Immer cungah a tla, ¹⁵ hleisarihnak cu Hezir cungah a tla, hleiriatnak cu Happiz-zez cungah a tla, ¹⁶ hleikuanak cu Pethahiah cungah a tla, pakulnak cu Jehezkel cungah a tla, ¹⁷ kul khatnak, cu Jakhin cungah a tla, kul hnihnak cu Gamul cungah a tla, ¹⁸ kul thumnak cu Delaiah cungah a tla, kul linak cu Maaziah cungah a tla. ¹⁹ Bawipa Israel Pathian nih nawl a pek bangin an pa Aaron nih an caah rianṭuan ningcang a rak chiahpiakmi hna ning khan, hi hna nih hin Bawipa inn chung i luh cu an rianṭuannak chung i thiahmi rian ah khan an i ngeih. ²⁰ Cun Levi fapa a tang rihmi hna kha cu: Amram fapa hna lakah khan Shubael a si; Shubael fapa hna lakah khan Jehdeiah a si. ²¹ Rehabiah leiah cun: Rehabiah fapa hna lakah an haotu bik Isshiah. ²² Izhar mi hna lakah, Shelomoth; Shelomoth fapa hna lakah Jahath. ²³ Hebron fapa hna: an haotu bik Jeriah, a hun dottu Amariah, a pathumnak Zahaziel, a palinak, Jekameam. ²⁴ Uzziel fapa hna lakah Mikah; Mikah fapa hna lakah Shamir. ²⁵ Mikah unau cu Isshiah a si; Isshiah fapa hna lakah Jekhariah. ²⁶ Merari fapa hna: Mahli le Mushi. Jaaziah fapa hna: Beno. ²⁷ Merari fapa hna: Jaaziah fapa ah Beno, Shoham, Zakkur le Ibri. ²⁸ Mahli fapa ah: Eleazar a si, fapa a ngei lo. ²⁹ Kish leiah, Kish fapa hna Jerahmeel. ³⁰ Mushi fapa hna: Mahli, Eder le Jerimoth. Mah hna hi Levi mi fapa hna, an pale innchungkhar ning cio in an si. ³¹ Siangpahrang David, Zadok, Ahimelek le tlangbawi hna le Levi mi hna an pale innchungkhar lu cio hna hmaiah Aaron fapa an unau hna nih an tuah bang khan, pale innchungkhar i lu a si ciomi hna le an nau le cio nih khan, camcawhfung cu an zuh ve.

¹ David le rianṭuannak i upa bikbik hna nih cun rianṭuannak ca dingah khan Asaf fapa hna le Heman fapa hna le Jeduthun fapa hna lak khan tingtang le thonglawi le sumsel hna he bia a chimtu dingah mi kha an thleidan hna. Cu rian a ṭuantu hna le an rian cazin cu mah hihi a si: ² Asaf fapa hna lakin: Zakkur, Josef, Nethaniah, le Ashrelah; annih cu Asaf fapa Asaf nih a hruaimi hna, siangpahrang nih a chimh hna ning bangin bia a chimmi kha an si. ³ Jeduthun chung cun, Jeduthun fapa hna: Gedaliah, Zeri, Jeshaiah, Shimei, Hashabiah, le Mattithiah, paruk an si, an pa Jeduthun nih a hruai hna i Bawipa lawmhnak le thangṭhatnak ah tingtang he annih nih bia an chim. ⁴ Heman chung cun, Heman fapa hna: Bukkiah, Mattaniah, Uzziel, Shebuel, le Jerimoth, Hananiah, Hanani, Eliathah, Giddalti, le Romamtiezer, Joshbekashah, Mallothi, Hothir, Mahazioth an si. ⁵ Mah vialte hi Pathian nih Heman cu kan hlorh lai tiah bia a kam ningin Heman siangpahrang hmutu i a fapa hna cu an si; zeitintiah Pathian nih Heman cu fapa hleili le fanu pathum a pek. ⁶ Annih cu an dihlak in an pa nih a hruai hna i Bawipa inn chung i sumsel le tingtang le thonglawi he tiah Bawipa inn chung i rianṭuannak ah khan awdawh satu an si. Asaf, Jeduthun le Heman tu cu siangpahrang nawl tangah khan an um. ⁷ Annih cu an unaule, Bawipa thangṭhatnak hlasak i cawnpiakmi, a thiammi vialte he, za hnih sawm riat pariat an si. ⁸ Cun annih nih a hme a ngan in, cawnpiaktu he cawnpiakmi he, aa khat rep in, an rian caah khan camcawhfung an zuh cio. ⁹ Asaf ca i camcawhfung hmasa bik cu Josef cungah a tla; a pahnihnak cu Gedaliah le a unau hna le a fapa hna, pahleihnih hna cungah a tla; ¹⁰ pathumnak cu Zakkur le a fapa hna le a unau hna, hleihnih cungah a tla; ¹¹ palinak cu Izri le a fapa hna le a unau hna, hleihnih cungah a tla; ¹² panganak cu Nethaniah le a fapa hna le a unau hna, hleihnih cungah a tla; ¹³ paruknak cu Bukkiah le a fapa hna le a unau hna, hleihnih cungah a tla; ¹⁴ pasarihnak cu Jesharelah le a fapa hna le a unau hna, hleihnih cungah a tla; ¹⁵ pariatnak cu Jeshaiah le a fapa hna le a unau hna, hleihnih cungah a tla; ¹⁶ pakuanak cu Mattaniah le a fapa hna le a unau hna, hleihnih cungah a tla; ¹⁷ pahranak cu Shimei le a fapa hna le a unau hna, hleihnih cungah a tla; ¹⁸ hleikhatnak cu Azarel le a fapa hna le a unau hna, hleihnih cungah a tla; ¹⁹ hleihnihnak cu Hashabiah le a fapa hna le a unau hna, hleihnih cungah a tla; ²⁰ hleithumnak ah cun Shubael le a fapa hna le a unau hna, hleihnih cungah a tla; ²¹ a hleilinak cu, Mattithiah le a fapa hna le a unau hna, hleihnih cungah a tla; ²² hleinganak cu, Jeremoth le a fapa hna le a unau hna, hleihnih cungah a tla; ²³ hleiruknak ah cun, Hananiah le a fapa hna le a unau hna, hleihnih cungah a tla; ²⁴ hleisarihnak ah cun, Joshbekashah le a fapa hna le a unau hna, hleihnih cungah a tla; ²⁵ hleiriatnak ah cun, Hanani le a fapa hna le a unau hna, hleihnih cungah a tla; ²⁶ hleikuanak ah cun, Mallothi le a fapa hna le a unau hna, hleihnih cungah a tla; ²⁷ pakulnak ah cun, Eliathah le a fapa hna le a unau hna, hleihnih cungah a tla; ²⁸ kul khatnak ah cun, Hothir le a fapa hna le a unau hna, hleihnih cungah a tla; ²⁹ kul hnihnak ah cun, Giddalti le a fapa hna le a unau hna, hleihnih cungah a tla; ³⁰ kul thumnak ah cun, Mahazioth le a fapa hna le a unau hna, hleihnih cungah a tla; ³¹ kul linak ah cun, Romamtiezer le a fapa hna le a unau hna, hleihnih cungah a tla.

¹ Kutka cawngtu pawl an i phawtning cu hi bangin a si: Korah mi hna chungin, Meshelemiah; amah cu Kore fapa a si, Kore cu Asaf fapa hna lak i pakhat a si. ² Cun Meshelemiah nih fapa a ngeih hna: a fater cu Jekhariah a si, pahnihnak cu Jediael a si, pathumnak cu Zebadiah a si, palinak cu Jathniel a si, ³ panganak cu Elam a si, paruknak cu Jehohanan a si, pasarihnak cu Elie-ho-enai a si. ⁴ Cun Obededom nih fapa a ngeih hna: a fater cu Shemaiah, a pahnihnak cu Jehozabad, pathumnak cu Joah, palinak cu Sakar, panganak cu Nethanel, ⁵ paruknak cu Ammiel, pasarihnak cu Issakhar, pariatnak cu Peullethai a si; zeitintiah Pathian nih thluachuahnak a pek. ⁶ A fapa Shemaiah zong nih khan an pale innchungkhar i uktu a si ciomi fapa hna kha a hrin hna, zeitintiah annih cu thil ti kho ngaimi an si. ⁷ Shemaiah fapa hna cu: Othni, Refael, Obed le Elzabad an si, an unau hna cu miṭhawng Elihu le Semakhiah an si. ⁸ Hi vialte hi an fapa hna le an unau hna he Obededom fapa cu an si, annih cu mi thil ti kho, rianṭuannak ca i a tlingmi an si; Obededom tefa cu sawm ruk le pahnih an si. ⁹ Cun Meshelemiah nih fapa hna le unau hna a ngeih hna, mi thil ti kho an si, hleiriat an si. ¹⁰ Cun Merari fapa hna lak i Hosah nih khan fapa a ngeih hna: upa bik ah Shimri, (amah cu fater a si lo nain a pa nih upa bik ah a ser), ¹¹ pahnihnak ah Hilkiah, pathumnak ah Tebaliah, palinak ah Zekhariah; Hosah fapa hna le a unau hna cu an dihlak ah hleithum an si. ¹² Kutka cawngtu pawl an ṭhenmi hna nih hin, an upa bikbik hna zat khan, an unau hna nih Bawipa inn chung i rian an ngeih bantuk te khan annih zong nih rian an ngei ve. ¹³ Cun an kutka hna caah khan, a hme a ngan aa khat tein, an pale innchungkhar ning cio khan camcawhfung an zuh. ¹⁴ Nichuahlei ca i camcawhfung cu Shelemiah cungah a tla. Cun a fapa Zekhariah, fimchimtu a fim ngaingaimi caah khan camcawh fung an zuh i a camcawhfung cu chaklei caah khan a chuak. ¹⁵ Obededom camcawh fung cu thlanglei caah a chuak i a fapa hna cu thilchiahnak inn zohkhenh rian nih khan a kiah hna. ¹⁶ Shuppim le Hosah kha nitlaklei nih a kiah hna, cucu a hung kaimi lam i a ummi Shallekheth kutka ah khan a si. An cawnghning cu aa khat cio. ¹⁷ Nifate in nichuahlei ah cun paruk lengmang an um, chaklei ah cun nifate in pali lengmang, thlanglei ah cun ni fate in pali lengmang, cun thil chiahnak inn ah khan pahnih veve; ¹⁸ cun nitlaklei i a ummi a innte caah khan, lam ah pali, cun a innte ah pahnih. ¹⁹ Mah hihi Korah mi hna le Merari fapa hna lak i kutka cawngtu hna an i ṭhenning cu an si. ²⁰ Cun Levi mi hna lak khan, Ahijah nih khan Pathian inn chawhlawn kuang le pekchanhmi laksawng chawhlawn kuang kha a zohkhenh hna. ²¹ Ladan fapa hna, Ladan ta a simi Gershon mi fapa hna, Gershon mi a simi Ladan ta a simi an pale innchungkhar lu Jehieli. ²² Jehieli fapa Zetham le a unau Joel cu Bawipa inn chawhlawn kuang hna kha a zohkhenhtu an si. ²³ Amram mi hna le Izhar mi hna le Hebron mi hna le Uzziel mi hna chung cun ²⁴ Moses fapa Gershom i fapa Shebuel cu chawhlawn kuang zohkhenhtu bawi ngan bik a si. ²⁵ A unau hna cu: Eliezer chungin a chuakmi a fapa Rehabiah le a fapa Jeshaiah le a fapa Joram le a fapa Zikhri le a fapa Shelomoth an si. ²⁶ Hi Shelomoth le a unau hna hi, siangpahrang David le an pale innchungkhar hna lu cio le a thong pawl haotu hna le a za pawl haotu hna le ralkapbu ralbawi hna nih pekchanhmi laksawng, an pekchanhmi chawhlawn vialte kha a zohkhenhtu an si. ²⁷ Raltuknak hmun i an teimi hranchaw chung khan Bawipa inn zohkhenhnak caah laksawng kha an pekchanh hna. ²⁸ Cun hmutu Samuel le Kish fapa Saul le Ner fapa Abner le Zeruiah fapa Joab nih an pekchanhmi thil vialte — pekchanhmi laksawng vialte hna cu Shelomoth le a unau hna nih an kilven hna. ²⁹ Izhar mi hna chungin, Khenaniah le a fapa hna cu Israel ram a lenglei rian ah, bawi hna le biaceihtu hna ah thiah an si. ³⁰ Hebron mi hna chungin, Hashabiah le a unau hna, mi thong khat le za sarih, thil ti kho ngaimi hna cu, Israel ram chung Jordan tiva in nitlaklei kha, Bawipa rian vialte ca le siangpahrang rian dihlak kha a zohkhenhtu an si. ³¹ Hebron mi hna chungah cun, an ciruang zei bantuk khum a si le an pale innchungkhar zei bantuk khum a si ah, Jerijah cu Hebron mi hna an upa bik a si. (David a bawi kum sawm linak kum ah mi kha an kawl hna i Gilead ram Jazer khua ah thil ti kho ngaingaimi kha an hmuh hna). ³² Siangpahrang David nih amah le a unau hna, thil ti kho ngaimi mi thong hnih le za sarih, an pale chungkhar i lu cio a simi hna kha, Reuben mi hna le Gad mi hna le Manasseh phun cheumi hna cung i Pathian lei le siangpahrang rian he aa pehtlaimi zeizong vialte kongah, zohkhenhtu ah a chiah hna.

¹ Mah hihi Israel mi, an pale innchungkhar hna lu a si ciomi, a thongthong pawl a uktu hna le a zaza pawl a uktu hna le an bawi pawl hna, a chuak a lut lengmangmi bu pipi hna he aa pehtlaimi rian i thla khat hnu thla khat in kum chuak tiang siangpahrang cu a rian a ṭuanpiaktu hna cazin cu a si, bu khat cu sang hnih thong li an si: ² Zabdiel fapa Jashobeam cu thla khatnak thla ah pakhatnak bu kha a hruitu a si; a bu chungah cun sang hnih le thong li an um. ³ Amah cu Perez tefa a si i thla khatnak thla ah cun amah cu ralkapbu haotu vialte hna bawi bik a si. ⁴ Thla hnihnak thla bu cu Aho mi Dodai nih a hrui hna; a bu chungah cun sang hnih le thong li an um. ⁵ Ralbawi pathumnak, thla thumnak thla ca i cu Benaiah a si, amah cu tlangbawi Jehoiada fapa a si i haotu bik a si; a bu chungah cun sang hnih le thong li an um. ⁶ Hi Benaiah hi sawm thum hna lak i miṭhawng kha a si i amah nih sawm thum hna kha a hrui hna; amah bu a haotu hna cu a fapa Ammizabad kha a si. ⁷ Thla linak ca i a palinak cu Joab unau Asahel kha a si i a fapa Zebadiah nih khan a hun zulh; a bu chungah cun sang hnih le thong li an um. ⁸ Ralbawi panganak, thla nganak ca i cu Izrah mi Shamhuth a si; a bu chungah cun sang hnih le thong li an um. ⁹ Paruknak, thla ruknak ca i cu Ira a si, amah cu Tekoa mi Ikkesh fapa a si; a bu chungah cun sang hnih le thong li an um. ¹⁰ Pasarihnak, thla sarihnak ca i cu Efraim tefa Pelon mi Helez a si; a bu chungah cun sang hnih le thong li an um. ¹¹ Pariatnak, thla riatnak ca i cu Zerah tefa Hushath mi Sibbekai a si; a bu chungah cun sang hnih le thong li an um. ¹² Pakuanak, thla kuanak ca i cu Benjamin tefa Anathoth mi Abiezer a si; a bu chungah cun sang hnih le thong li an um. ¹³ Pahranak, thla hranak ca i cu Zerah tefa Netofah mi Maharai a si; a bu chungah cun sang hnih le thong li an um. ¹⁴ Hleikhatnak, thla hleikhatnak ca i cu Benjamin fapa hna tefa Pirathon mi Benaiah a si; a bu chungah cun sang hnih le thong li an um. ¹⁵ Hleihnihnak, thla hleihnihnak ca i cu Othniel tefa Netofah mi Heldai a si; a bu chungah cun sang hnih le thong li an um. ¹⁶ Israel mi phun hna chungah cun, Reuben mi hna caah Zikhri fapa Eliezer cu bawi upa bik a si; Simeon mi hna caah Maakah fapa Shefatiah a si; ¹⁷ Levi caah Kemuel fapa Hashabiah a si; Aaron caah Zadok a si; ¹⁸ Judah caah Elihu a si, amah cu David unau pakhat a si; Issakhar caah Mikhael fapa Omri a si; ¹⁹ Zebulun caah Obadiah fapa Ishmaiah a si; Naftali caah Azriel fapa Jeremoth a si; ²⁰ Efraim mi hna caah Azaziah fapa Hoshea a si; Manasseh phun cheu caah Pedaiah fapa Joel a si; ²¹ Gilead i a ummi Manasseh phun cheu caah Zekhariah fapa Iddo a si; Benjamin caah Abner fapa Jaasiel a si; ²² Dan caah Jehoram fapa Azarel a si. Mah hna hi Israel mi phun a hruitu hna cu an si. ²³ David nih kum kul toi kha cu a rel hna lo, zeicahtiah Bawipa nih Israel cu van i arfi zat ah khin ka ser lai tiah bia a kam cang. ²⁴ Zeruiah fapa Joab nih khan rel hram a thawk, sihmanhsehlaw a dih lo; asinain hi ruang ah hin Israel cungah thinhunnak a tlung i cu relnak cu Siangpahrang David chanrelnak chungah khumh a si lo. ²⁵ Siangpahrang chawhlawn kuang hna a zohkhenhtu cu Adiel fapa Azmaveth a si; cun ram chung i a ummi le khua chung i a ummi le khuate chung le innsang chung i a ummi chawhlawn kuang hna a zohkhenhtu cu Uzziah fapa Jonathan a si; ²⁶ Vawlei kha leh awkah lo chung i rian a ṭuantu hna a zohkhenhtu cu Khelub fapa Ezri a si; ²⁷ mitsur dum a zohkhenhtu cu Ramath mi Shimei a si; cun mitsur dum chungin a chuakmi mitsur hang khonnak zohkhenhtu cu Shifmot mi Zabdi a si. ²⁸ Shefelah i a ummi oliv thing le saikamor thing zohkhenhtu cu Geder mi Baalhanan a si; cun chiti khonmi a zohkhenhtu cu Joash a si. ²⁹ Sharon i a tlongmi saṭil run a zohkhenhtu hna cu Sharon mi Shitrai a si; nelrawn i a tlongmi saṭil run zohkhenhtu hna cu Adlai fapa Shafat a si. ³⁰ Kalauk a zohkhenhtu hna cu Ishmael mi Obil a si; laa a nu a zohkhenhtu hna cu Meronoth mi Jehdeiah a si. Tuurun a zohkhenhtu hna cu Hag mi Jaziz a si. ³¹ Hi vialte hna hi David Siangpahrang chaw kengtu an si. ³² David pacheu Jonathan cu fimchimtu a si, amah cu mifim le cazi a si; amah le Hakhmoni fapa Jehiel nih siangpahrang fapa kha an zohkhenh hna. ³³ Ahithophel cu siangpahrang fimchimtu a si i Arki mi Hushai cu siangpahrang hawikom a si. ³⁴ Ahithophel cu Jehoiada, Benaiah fapa le Abiathar nih an hun chaan. Joab cu siangpahrang ralkapbu haotu a si.

¹ David nih Jerusalem ah Israel mi bawi vialte, an phun chung bawi hna, siangpahrang rian a ṭuanmi ralkapbu bawi hna, a thongthong pawl a haotu hna, a zaza pawl a haotu hna, siangpahrang le a fapa hna i an thilri le saṭil a cawngtu hna kha siangpahrang inn bawi hna le miṭhawng hna le ralkap ṭhawng vialte hna he khan hmunkhat ah a pumh hna. ² Cun Siangpahrang David cu a dir i, "Ka unau hna le ka mi hna, ka bia ka ngai tuah u. Bawipa biakamnak kuang caah le kan Pathian ke chiahnak caah dinhnak inn pakhat kha sa ning law tiah ka lung chungin ka rak ti tawnmi a si i cu saknak caah cun timhtuahnak ka rak ngei. ³ Sihmanhsehlaw Pathian nih a ka thawh i, ’Nang nih cun ka min caah inn na sa hnga lo, zeicahtiah nang cu ralkap na si i thisen na chuah,’ tiah a ka ti. ⁴ Asinain, Bawipa, Israel Pathian nih keimah cu ka pa innchungkhar vialte chung khan Israel cung i siangpahrang zungzal in si awkah a ka thim; zeitintiah Judah kha hruaitu ah a thim i Judah innchungkhar chungah ka pa innchungkhar kha a thim i ka pa fapa hna lakah keimah cu Israel mi vialte cung i siangpahrang ah ser awkah ka chungah lawmhnak a ngei. ⁵ Cun ka fapa vialte hna lakah (zeitintiah Bawipa nih fapa tampi a ka pek hna) ka fapa Solomon cu Israel cung i Bawipa pennak bawiṭhutdan cung i ṭhut awkah khan a thim. ⁶ Amah nih a ka thawh i, ’Ka inn le ka tual a satu ding cu na fapa Solomon hi a si lai, zeitintiah amah cu ka fapa si awkah ka thim cang i keimah cu a pa ka si lai. ⁷ Nihin ah a tuah bantuk hin, ka nawlbia hna le ka phunglam hna kha fek tein a zulh lengmang hna ahcun, a pennak cu zungzal in ka hmunhter lai,’ tiah a ti. ⁸ Cucaah Israel mi vialte, Bawipa mibu aa pummi hmuhhngan le kan Pathian theihhngan ah hin, nannih nih Bawipa nan Pathian i nawlbia vialte cu zul u law kawl tuah u; zeitintiah nannih nih hi ram ṭha cu nan co i nan hnu i a ra dingmi nan tefa hna caah ro ah nan roh zungzal hna nakhnga. ⁹ "Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai. ¹⁰ Cucaah i ralring tuah, zeicahtiah nangmah cu Bawipa nih a thiangmi hmun ca i inn sak awkah an thim cang; ṭhawng ngaiin um law ṭuan tuah," tiah a ti. ¹¹ Khi tikah David nih a fapa Solomon cu biakinn a tual le a inn hna le a chawhlawn chiahnak hna le a cunglei khaan hna le a chungchin dal hna ruam-am le velngeihnak ṭhutdan chiahnak a khaan ca i a ruam-am cu a pek; ¹² cun Bawipa inntual ca le a kulhtu khaan hna le Pathian inn chawhlawn khonnak hna le pekchanhmi laksawng chawhlawn khonnak ding ruam-am hna zong kha a pek; ¹³ cun tlangbawi hna le Levi mi hna a phu a phu in an umnak ding le Bawipa inn chung rianṭuannak ca rian vialte; Bawipa inn chung rianṭuannak ca i umkheng vialte ca le, ¹⁴ rianṭuannak cio ca i sui umkheng hna ca i sui a rih zat rianṭuannak cio ca i a herhmi ngun a rih zat, ¹⁵ sui meivannak tung hna le an meiinn hna an rihning, meivannak tung pakhat cio ca le a meiinn hna ca i a herhmi sui a rihning, meivannak tung ca le a meiinn hna ca i a herhmi ngun a rihning, rianṭuannak ca i a meivannak tung hna cu hman an sining cio in, ¹⁶ hun camcinmi changreu cabuai cio hna ca i a herhmi sui a rihning, ngun cabuai ca i ngun a herhmi, ¹⁷ keuṭe ca le hmaihum ca le hrai ca i a herhmi sui thiang; sui khengkuar hna le an rihning cio, ¹⁸ ermi sui in an sermi rimhmui biakṭheng ca le a rihning i an ruam-am vialte a lung chung i aa chiahmi cu a pek; cun sui rangleng le an thla aa samh i Bawipa biakamnak kuang a zarhtu cherubim hna ca i a ruahmi an ruam-am zong kha a pek. ¹⁹ Cun David nih aa thawh i, "Bawipa hrimhrim nih na tuah lai, tiah a ka fialmi tuahnak ding caah a ṭial in ṭialmi timhtuahnak chungah hi thil vialte hi an um dih," tiah a ti. ²⁰ Khi tikah David nih a fapa Solomon cu a thawh i, "Ṭhawng ngai le ralṭha ngaiin um law ṭuan tuah. Ṭih hlah, na lung dong hlah; zeicahtiah Bawipa Pathian, keimah i ka Pathian hrimhrim cu na sinah a um. Bawipa inn chung rianṭuannak ca i rian vialte cu lim a si hlantiang amah nih cun an deuh lai lo i an hlaw fawn lai lo. ²¹ Cun Pathian inn rianṭuannak vialte ca i tlangbawi bu hna le Levi mibu hna hi zoh tuah hna; cun hi rian vialte ah hin zungthiammi paoh nih anmah le an thiamnak zawn rian paoh ah khan an in ṭanpi lai i bawi hna le mi vialte hna zong hi nangmah nawl tangah an um dih lai," tiah a ti.

¹ Siangpahrang David nih aa pummi cu a thawh hna i, "Ka fapa Solomon hi Pathian nih a timhmi cu a si. Asinain amah cu a no rih i a hmuhtonmi a tlawm; sihmanhsehlaw ṭuan ding vial cu rian nganpi a si ṭung, zeicahtiah sak ding inn hi minung ca siangpahrang inn a si lo i Bawipa Pathian ca a si. ² Cucaah kan Pathian biakinn ca thilri cu ka ti khawh chungin ka damh hna. Sui thilri ca sui, ngun thilri ca ngun, dar thilri ca dar, thir thilri ca thir, thing thilri ca thing kha ka damh hna. Cuhleiah, ṭamhnak caah oniks lungvar tampi le lung tampi, cun antimoni lungvar, lung a mui a phunphun a simi hna, lung mansung a phunphun le marbal lung kha tampi ka damh hna. ³ Hi vialte hleiah hin keimah pumpak ta chungin sui le ngun kha kan Pathian inn ka ṭanh caah Pathian biakinn caah cun ka thawh hna: ⁴ vampang nalhnak caah sui talen thong thum, Ofir sui dakmak, er ciami ngun talen thong sarih, ⁵ cun zungthiam hna tuah awk a simi caah sui thilri caah sui, ngun thilri caah ngun kha ka thawh hna. Cucaah nihin ah hin Bawipa sinah mah le mah i pekchanh in lungtho tein ahodah siannak in a tho vemi nan si lai?" tiah a ti. ⁶ Cun pale hna innchungkhar lu cio nih khan mah lungtho tein an thawhlawm cu an thawh hna i phun hruitu hna le a thongthong pawl haotu hna le a zaza pawl haotu hna le siangpahrang rian i bawi hna zong nih khan mah bantuk cun an tuah ve. ⁷ Pathian inn ca rianṭuannak caah cun sui talen thong nga le darik thong hra, ngun talen thong hra, dar talen thong hleiriat, thir talen sing khat an pek. ⁸ Cun lung mansung a ngeimi paoh nih khan Bawipa inn chawhlawn khonnak ah cun an lungvar kha an pek i mah cucu Gershon mi Jehiel nih khan a zohkhenh. ⁹ Cun mi cu an i lawm, zeicahtiah lungtho tein an pek, lung ṭengnge lo tein thawhlawm cu Bawipa sinah an pek i tampi an pek; siangpahrang David zong aa lawm. Bawipa A Thangṭhat ¹⁰ Cucaah David nih Bawipa cu aa pummi vialte hmaiah cun a thangṭhat i David nih cun, "Maw Bawipa, kan pu Israel i Pathian, nangmah cu zungzal thluangthluan in thangṭhat na si ko. ¹¹ Maw Bawipa, lianhngannak le ṭhawnnak le sunparnak le teinak le upatnak cu nangmah ta an si ko; zeitintiah vancung le vawlei cung i a ummi thil vialte cu nangmah ta an si dih; maw Bawipa, pennak cu nangmah ta a si i nangmah cu zeizong vialte cungah cungnung bik na si. ¹² Rumnak siseh upatnak siseh nangmah sinin a rami an si i nangmah nih zeizong vialte kha na uk dih. Na kut chungah hin ṭhawnnak le thazang an um i na kut chungah hin mi vialte nganter khawhnak le thazang pek khawhnak a um. ¹³ Cucaah kan Pathian, nangmah cu kan in lawmh i a sunglawimi na min cu kan thangṭhat. ¹⁴ "Sihmanhsehlaw hi bantukin kannih nih lungtho tein kan in pekchanh khawh nakhnga caah hin keimah cu ahodah ka si i ka mi hna cu zeidah an si? Zeitintiah zeizong vialte cu nangmah sinin a rami an si i kan in pekmi hi nangmah ta lila a si ko. ¹⁵ Zeitintiah kannih cu, kan pupa vialte hna mipem an rak si bantuk khan, na hmaiah khual kan si; vawleicung i kan nunchung ni hna hi thladem bantuk men an si i ruahchannak zeihmanh a um lo. ¹⁶ Maw Bawipa, kan Pathian, na min thiang ca i inn pakhat saknak ah thil tampi kan damhmi vialte hna hi, nangmah kut chungin a chuakmi an si i nangmah ta an si dih. ¹⁷ Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang. ¹⁸ Maw Bawipa, kan pu Abraham, Isak le Israel i Pathian, hi bantuk thinlung le ruahnak hi na mi hna chungah hin chia zungzal law annih an lungthin cu nangmah leiah khan hruai ko hna. ¹⁹ Ka fapa Solomon nih hin lung ṭengnge lo tein na nawlbia hna le na hngalhternak bia hna le na phunglam hna kha a zulh hna i a tuah dih hna i ka timhlamh ciami biakinn hi a sak khawh nakhnga, nangmah nih amah cu bawm ko," tiah a ti. ²⁰ Cun David nih aa pummi vialte hna cu, "Bawipa, nan Pathian cu thangṭhat ko u," tiah a ti hna. Cun aa pummi vialte nih Bawipa, an pupa hna Pathian cu an thangṭhat i an lu an khun i Bawipa cu an biak i siangpahrang cu hmaizahnak an pek. ²¹ Cun Bawipa sinah khan raithawinak an tuah i, a thaituan ah cawtum thong khat le tuutum thong khat le tuufa thong khat cu, an thlet thawinak hna le an raithawinak hna he khan, Israel mi vialte caah duhdim tein i za in khangh thawinak ah Bawipa sinah cun an pekchanh hna; ²² cun cu ni ah cun Bawipa hmaiah lunglawm ngaiin an ei i an ding. Cun David fapa Solomon cu siangpahrang ah a voi hnihnak an ser ṭhan i amah cu Bawipa ca i bawi ah chiti an thuh i Zadok cu tlangbawi caah chiti an thuh. ²³ Cun Bawipa siangpahrang ṭhutdan ah cun Solomon cu a pa David can ah khan siangpahrang in a ṭhu i a hungcho i Israel mi vialte nih a bia kha an ngaih. ²⁴ Haotu vialte le miṭhawng hna le Siangpahrang David fapa hna zong nih khan Siangpahrang Solomon sinah zumhawktlak in kan um lai tiah bia an i kam. ²⁵ Cun Bawipa nih Israel mi vialte hna mithmuh ah Solomon cu upatnak ngan a pek i amah hlanah Israel mi chung i siangpahrang ahohmanh a rak pek hna lomi siangpahrang sunparnak kha amah cu a pek. ²⁶ Cuticun Jesse fapa David nih Israel mi vialte cu a pen hna. ²⁷ Israel mi a pen hna chung cu kum sawm li a si; Hebron ah kum sarih a bawi i Jerusalem ah kum sawm thum le kum thum a bawi. ²⁸ Cun upa ngaingai, tartlung nung in, rumnak le upatnak he a thi; cun Solomon a fapa cu amah hmun ah khan a hung bawi. ²⁹ Cun Siangpahrang David tuahsermi hna cu, a hmasa bik in a hmanung bik tiang, hmutu Samuel Chanrelnak ah le profet Nathan Chanrelnak ah le hmutu Gad Chanrelnak ah an i ṭial, ³⁰ a ukning kong le a ṭhawnnak le amah cung le Israel mi cung le ram dangdang hna cung i a tlungmi thil vialte hna kong zong kha an i tel ve.