12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
12345678910111213141516171819202122

2 JUAN

1

1 Na’, nu ntsu’hui cuinta ’in ta’an na, ca’an sca quityi re ’in nu cuna’an ta’an na lo’o sñe’, nu cua mdo’o hui ’in Ndiose, lo ndyu’hui cuiya’ ran’ ’in siya cha’ nu lñi nguiaña’an rin’ na. Una tsi’i scan tin, siyana lo’o lyigaa la ña’an nu cua ndyu’hui lyoo cha’ nu lñi, ndyu’hui cuiya’ ri’ ’in ne’. 2 Cui’ siya cha’ nu lñi nu cua ntsu’hui ni’ carsya ’na, lo ntsu’hui na ni’ carsya ’na sa tyucui braa. 3 Stina Ndiose lo’o Ni X’na na Jesucristo nu lca Sñe’ ni, taa ni cha’ tsu’hue chu’hui ni’ carsya ’huan, ca ’tna ri’ ni ’huan, cu’ni ni cha’ tyi’in tsu’huen huan, cui’ ncuaña’an tsa quiñan lan huan lo’o cha’ nu lñi loo cha’ tsu’hue ’in ni. 4 Ndyijin ya’ tsu’hue yu’hui tieen bra yna cha’ ña’an nda’an tucua sna sñe’ lo’o cha’ nu lñi, tsaña’an tñan nu ngulo Stina Ndiose ’na. 5 Jñan sca cha’ tsu’hue ’in, nu’huin nu cuna’an ta’an na, una tsi’i cha’ nu cui ti ndyucuin’ lo’o ña’an nu ndlo ni tñan ’na, cui’ siyana lca na cha’ nu cua ngune ’na ti culoo, siyana chu’hui cha’ tsu’hue ’na lo’o ta’an na. 6 Ndeña’an ndyca ljyo rin’ na cha’ tsu’hue can’. Tyucui ndyca’an na cha’ nu ndlo ni tñan. Lo nde cha’ nu ndlo ni tñan: Siyana chu’hui cha’ tsu’hue ’huan ña’an nu cua ngune ’huan ti culoo. 7 Siyana quina’an ’a nu cuiñi nu cua nda’an loo chelyuu re, lo ndyucui’ siyana a yaan Jesucristo ña’an ndyca ri’ sca nten. Nu ndyucui’ ncuaña’an lca can’ nu cuiñi lo ti’i ri’ ’in Crixtu. 8 Xñi huan cuinta siyana a tyucuna’ tñan ngui’ni huan, siyana tyucui xñi huan cha’ tsu’hue nu ntsu’hui cha’ caja ’huan. 9 Una nu a ’ni cuinta cha’ nu ndlu’u Crixtu, a ntsu’hui Ndiose ni’ carsya ’in can’. Una nu ’ni cuinta cha’ nu ndlu’u Crixtu, can’ nu sca cha’ ti ’in lo’o Stina Ndiose lo’o Sñe’ ni. 10 Si ntsu’hui nu caan se’en ndi’in huan, lo a ndlu’u ña’an cha’ nu nguiaña’an rin’ na, a taan huan se’en quinu can’, ni a tyucuan xu’huen huan ’in. 11 Siyana nu tyucuan xu’hue ’in can’, sca cha’ ti ’in lo’o cha’ a tsu’hue nu ngui’ni can’. 12 Quina’an ’a cha’ ndyca ran’ tyucuin’ lo’on huan, una a ndyca ran’ ca’an ’in na loo quityi ta lo’o tintya, siyana nducua tloon tsa’an se’en ndi’in huan, rcan’ yucuin’ can tyucuin’ lo’on huan. 13 Tsalca sñe’ nu cuna’an ta’a, nu cua mdo’o hui ’in Ndiose, ndyucui’ cha’ ’in. Amen.