12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
12345678910111213141516171819202122

3 JOHAN

1

1 Pawlpi huaitu upa, keimah Johan in a itnung ngai, thudik sungah ka it ngainak Gaius nenah laikuat sing. 2 Ka itnak, nangmah hen na nunnak a hausa bangin thil tehem ah hausa atsia taksa damno in na om theinak tuh in sawngen sing. 3 Thudik sungah na leidanak bangin u le nau te leng atsia thudik sungah na om kheh tetti a khan phangin ka ang daan heh maktak si. 4 Ka tsa te’n thudik sungah nung si ti thu ka za phangin ka angnak tah in mak sawn angnak nei ngawl sing. 5 Ka itnak te, u le nau te tsa le mikhual te tsa in nang puahnak hem ah muangtaak ngai in puah si utsi. 6 Amahni khen nang itnak thu kheh pawlpi mai ah tettikhan si. Nangnihni’n amahni khualvak min tuh ah Pathian deihnak bangin nang la leh a si lekhaw tsimi heh thilpha nang puah si si. 7 Heimansim tilekhaw amahni khen ama ming thawmin hawh si, sipelh atsia Gential te nen pin lenak heimah nei ngawl si. 8 Tsimi manin keinihni in thudik tsa in naperpitu te kei si theinak tuh in me bang minung te kheh saang tu si sing. 9 Pawlpi nenah laikuat ngan ongla sing. Sinapikhaw mi vumah om a nuamtu Diotrefas in kei saang nuam ngawl si. 10 Tsimi manin ka leng phangin amah hen a thiltinak te le keimahni do in iksiknak awn sesuak le thutam a sinak te kheh phawk leh tiar tu sing. Tsimi bek lungkim lai ngawl in amah rori khen u le nau te kheh saang nuam ngawl atsia, a saang nuamtu te sawn kheh kham atsia pawlpi sung pin khen nawt si. 11 Ka itnak te, thil sesuak kheh tsuung mah na ula, thilpha kheh tsuung sawn un. Thilpha a puahtu heh Pathian-a si atsia, thil pha ngawl a puahtu hen Pathian mu ngawl si. 12 Demetrius in mi tehem le thudik pin tetti khannak pha nei si. Keimahni khen tetti si deve si ung. Tsin, kei tetti khannak heh a dik si ti thei si utsi. 13 Lai ngan tuh tampi nei lai sing, sinapikhaw laiti le lai ngannak thaw ngan ot ngawl sing. 14 Sinapikhaw a rei ngawl in nangmahni tawk tu atsia maitsang tsan dun in kei awntsawp ngah dang tu kheh limdik sing. Na vumah thinnuamnak om tasen. Kei rualpi te’n nuk na set si. Rualpi te a ming lam rori in nukset sak sawh in maw.