लूका

Luke

लूका

¹ थियुफिलुस जी, इस धरती बिच जेड़े कम्म यीशु मसीह जी ने कित्ते दे हिन, तिन्हा कम्मा रे बारे बिच बड़े मह्णुआं ने लिख्खेया। अते तिन्हा सबनी कम्मा री जानकारी असां आम-मह्णुआं ताँई पुजाणे वाळे यीशु जी रे से चेल्ले हिन, जिन्हा ने एह् सब किच्छ अपणी हाख्खी कने हुन्दा दिख्खेया, किजोकि से सुरू का ई यीशु जी री समाज-सेवा बिच तिन्हेरे कने थिये, कने इन्हा जो छड्ड़ी करी असां जो उन्हा मह्णुआं का बी थोड़ी-मत्ती जानकारी मिल्ली, जेड़े कि तिस्स बेल्ले तित्ते थिये। ² इधेरे ताँई यीशु जी रे पैदा होणे का लेई करी स्वर्गा बिच जाणे तक रे बारे री सारी जानकारी जो खरा-कने परखी-पुरखी लैणे का बाद मैं एह् फैंसला लित्तेया, कि यीशु जी ने जे किच्छ बी कित्तेया, तिन्हेरे बारे बिच मैं तुसां जो ध्यान कने अते पूरा सही-सही लिख्खाँ, ³ ताकि थियुफिलुस जी, तुसी एह् जाणी सकन कि यीशु जी रे बारे अन्दर जिन्हा गल्लां जो तुसां ने सिख्खेया अते जिन्हा जो तुसी सच्च मन्दे हिन, से पूरी तरह कने सही अते पक्की हिन। ⁴ यहूदिया नां रा इक देश थिया, तित्ते हेरोदेस ना रा इक राजा, राज करदा थिया। तिस्स बेल्ले जकरयाह नां रा इक यहूदी परोह्त थिया, जेह्ड़ा कि अबीय्याह रे झुण्ड aरा परोह्त थिया, अते तिसेरी लाड़ी रा नां इलीशिबा थिया, जेड़ी जे हारुनb रे ‍खानदान री थी।

युूहन्ना रे पैदा होणे रा एलान

⁵ जकरयाह अते इलीशिबा परमेश्वर री नजरां बिच खरे अते नेक मह्णु थिये, अते तिन्हेरा चाल-चलन प्रभु रे सबनी हुकमां अते रीति-रवाजां रे साह्ब कने बेकसुर थिया। ⁶ अपण इलीशिबा इक ओत्तर जनानी थी, इधेरे ताँई तिन्हेरी कोई औलाद नी थी, अते से दोई जणे बड़े सियाणे बी होई गे रे थिये।

⁷ जाँ जकरयाह रे झुण्ड री बारी, मन्दिर बिच परोह्त रा कम्म करणे तांई आई, अते से परमेश्वर री सेवा करणे ताँई तित्ते ई थिया। ⁸ तां परोह्तां रे चलाये रे रिवाज रे साह्ब कने पर्ची जकरयाह रे नां री निकळी, कि से परमेश्वर रे मन्दिर बिच जाई करी धूप बाळे। ⁹ जाँ धूप बाळणे री बारी आई ता झुण्ड रे सारे मह्णु कट्ठीह् करी बाहर प्रार्थना करणा लगे ¹⁰ जकरयाह मन्दिर बिच ई थिया, कि तिस्सी बेल्ले परमेश्वर रा इक स्वर्गदूत तित्ते धूप री थड़ी रे सज्जे पासे आई खड़ा होया। ¹¹ जकरयाह स्वर्गदूत जो दिख्खी करी बड़ा घबराई गेया, जिह्याँ कि तिसेरे प्राण ई मुह्आं आई रे होन। ¹² अपण तिस्स स्वर्गदूत ने उस जो बोल्या, "जकरयाह, डरां मत! किजोकि जे तू चांदा, परमेश्वर ने तिज्जो से देई दैणा, अवे तेरी लाड़ी इलीशिबा ने, जेड़ी जे ओत्तर है, दुपराणी होणा अते तिन्ने इक निक्के जो जमणा, अते तैं तिस्स निक्के रा नां यहून्ना रख्खणा। ¹³ तिसेरे पैदा होणे पर तिज्जो ता खूसी होणी ई, अते तिन्ने जिस बेल्ले बड्डे होणा ता होरनी मह्णुआं ताँई बी खूस्सी री वजह बनणा। ¹⁴ किजोकि तिन्ने प्रभु जी री नजरा बिच महान मह्णु होणा, अते तिन्ने कदी बी दाखरस कने दारु नी पीणी, अते तिन्ने पैदा होणे का पैल्ले ई पवित्र आत्मा रे वस बिच होणा। ¹⁵ तिन्ने इस्त्राएल रे मते जणे मह्णुआं का तिन्हेरे पापाँ का तौबा कराणी अते तिन्हा जो प्रभु-परमेश्वर रे पास्से लियाणा। ¹⁶ तिन्ने परमेश्वर री सक्ति बिच रेह्ई करी मह्णुआं जो परमेश्वर रे बारे बिच सिखाणा, अते इन्ने बी एलिय्याह साह्ई होणा, अते इन्ने यीशु जी रे आंणे का पैल्ले ई मह्णुआं रे मना बिच परमेश्वर रे वचन रा बी बोणा, तिन्ने माँ-प्यो जो अपणे निके-निकेयाँ कने प्यार करणा सिखाणा, अते जे हुकमां जो नी मनणे वाळे हिन, तिन्हा जो परमेश्वर रे रस्ते पर चलणे वाळे खरे अते नेक मह्णुआँ साह्ई बणाई दैणा।

¹⁷ ताँ जकरयाह ने स्वर्गदूत जो पुछ्छेया, कि मैं किह्याँ मन्नी लेयाँ कि एह् सब किच्छ जे तू बोल्लेया करदा है सच्च होई जाणा? किजोकि, मैं ता बड़ा सियाणा मह्णु है, अते मेरी लाड़ी बी सियाणी है। ¹⁸ ताँ स्वर्गदूत ने तिस्स जो बोल्लेया, मैं जिब्राईल है, "मैं ओ स्वर्गदूत है, जेह्ड़ा हर बेल्ले परमेश्वर रे सामणे खड़ा रैह्न्दा। मिन्जो परमेश्वर ने तेरे का इधेरे ताँई भेज्जेया कि एह् खुसखबरी मैं तिज्जो सुणाई आँ। ¹⁹ अपण दिख्ख, अब्बे मैं जे किच्छ बी तिज्जो बोल्लेया, तिन्हा गल्लां पर तैं विस्वास नी कित्तेया, इधेरी ताँई अवे जाँ ताँई तेरा निक्का पैदा नी होई जान्दा, ताँ ताँई तैं अपणे मुंह्आ का किच्छ बी बोल्ली नी सकणा। ²⁰ तित्ते बाहर सारे मह्णु जकरयाह रा मन्दिर का बाहर आणे री भाळ बिच थिये, अते तिन्हा जो एह् गल्ल खाई चले री थी की से एड्डी हाण अन्दर कै कमाया करदा है? ²¹ फिरी जाँ से बाहर आया, ता तिस का किच्छ बी बोल्ली नी होया। अते तिसेरी हरकताँ जो दिख्खी करी मह्णु समझी गे, कि इन्ने मन्दिर बिच जाई करी जरूर परमेश्वर रा कोई दरसन दिख्खया होणा। ²² फिरी जिस बेल्ले जकरयाह रे मन्दिर बिच सेवा करणे रा बेल्ला पूरा होई गेया ताँ से अपणे घरे जो हटी गेया।

²³ फिरी थोड़े रोज्जाँ बाद, इलीशिबा दुपराणी होई कने से पन्ज मिह्ने तांई मह्णुआं री नजराँ का दूर रेह्ई, ²⁴ “परमेश्वर का खूस होई करी बोल्णा लगी, परमेश्वर बड़े रैह्म दिल हिन, कि तिन्हा ने मेरी सुणी लेई अते मेरे साह्ई बुड्ड़ी जनानी बी दुपराणी होई गेई। तिन्हा ने मिन्जो मह्णुआं अग्गे मूंह् दसणे जोग्गा करी दित्ता।” ²⁵ छैमे महिनै बाद परमेश्वर री तरफ का जिब्राईल स्वर्गदूत जो, गलील रे नासरत सैहर बिच,

यीशु जी रे पैदा होणे रा एलान

²⁶ इक कुआँरी कुड़ी का भेजेया तिस्स कुंआरी कुड़ी रा नां मरियम थिया, जिसेरी मंगणी यूसुफ नां रे इक मह्णु कने होये री थी अते से दाऊद रे खानदान रा थिया। ²⁷ जिब्राईल मरियम का आई करी बोल्णा लगेया, तेरी जै हो! तेरे पर परमेश्वर ने दया कित्ती, अते तिन्हेरा हत्थ तेरे पर है। ²⁸ स्वर्गदूत री इस गल्ल का घबराई करी मरियम इस सोच्चा बिच पेई गेई कि इसेरी इन्हा गल्लां रा कै मतलब होई सकदा? ²⁹ तां स्वर्गदूत ने मरियम जो बोल्लेया, डरां मत, किजोकि परमेश्वर री दया तेरे पर होये दी है। अवे तैं दुपराणी होणा अते इक निक्के जो पैदा करणा, जिसेरा नां तू यीशु रख्खेयां। ³⁰ अवे तैं दुपराणी होणा ते इक निक्के जो जमणा, जिसेरा नां तू यीशु रख्खेयां। ³¹ से निक्का बड़ा महान होणा अते तिस्स जो मह्णुआं ने परम-परमेश्वर रा निक्का मनणा अते होर ता होर, परमेश्वर ने तिस्स जो दाऊद राजा रा राज-पद दैणा। ³² अते तिन्ने सारी उमर तांई याकूब रे खान-दान पर राज करणा अते तिसेरा राज कदी बी नी मुकणा। ³³ एह् सुणी करी मरियम ने जिब्राईल स्वर्गदूत जो बोल्लेया, एह् कियां होई सकदा, किजोकि मै ता कुंआरी ई है।” ³⁴ तां जिब्राईल स्वर्गदूत ने मरियम जो बोल्लेया, “पवित्र आत्मा ने तेरे पर उतरणा अते परमप्रधान री सक्ति ने तेरे पर छा करणी अते से पवित्र जे पैदा होणा, तिस जो परमेश्वर रा पुत्र बोलेया जाणा। ³⁵ होर ता होर, तेरी रिश्तेदार इलीशिबा, जिस जो सब मह्णु ओत्तर समझदे थिये, से बी दुपराणी है होई गेरी कने तिस्स जो इस बेल्ले छेम्मा म्हीना लग्गे रा है। ³⁶ किजो कि परमेश्वर ताँई किच्छ बी मुस्किल नी है ³⁷ फिरी मरियम ने बोल्लेया, “दिख्ख, मैं ता परमेश्वर री नौकर है। तू जियां बोलेया तियां ई मेरे कने हो।” तां फिरी स्वर्गदूत तित्ते का चली गेया। ³⁸ थोड़े रोजां बाद मरियम यहूदिया नां रे इक पाह्डी ग्राँ बिच जकरयाह रे घरे जो गेई.

मरियम रा एलीशिबा कने मिलणा

³⁹ अते तित्ते तिन्ने जकरयाह री लाड़ी, इलीशिबा जो नमस्ते कित्ती। ⁴⁰ अते ईय्याँ होया कि जिस बेल्ले मरियम ने इलीशिबा जो नमस्ते कित्ती, तिस्सी बेल्ले इलीशिबा रे पेट्टा बिच निक्का उटकी पेया अते इलीशिबा पवित्र आत्मा रे गलाए, ⁴¹ अते मरियम ऊच्ची अवाज बिच बोल्णा लगी, “तू धन्न है अते जिस निक्के जो तैं जमणा, से बी धन्न है ⁴² मेरे पर एह् दया किय्याँ होई कि मेरे प्रभू री माँ अप्पु चली करी मेरे कने मिल्णा मेरे घरे जो आई। ⁴³ किजो कि जिह्याँ ई तुसां ने मिन्जो नमस्ते बोल्लेया, तिह्याँ ई मेरे पेट्टा बिच निक्का खूसी कने उटकी पेया। ⁴⁴ धन् है से जिनिए भरोसा कित्ता कि जे गल्ला प्रभू रे पास्से का तिस जो दसी री गेरी थी , से पुरी हुणी।“ ⁴⁵ तां मरियम ने बोल्लेया, कि मैं अपणे परमेश्वर रे नां री मन का बड़ाई करदी

मरियम रा परमेश्वर री स्तुती करणा

⁴⁶ अते मेरी आत्मा मेरे उद्धार करणे वाळे परमेश्वर का बड़ी भारी खूस है ⁴⁷ तिन्हा ने अपणी नौकराणी रे निम्तेपन पर कृपा दृष्टि कित्ती, कने आज का बाद अब्बे का लेईकरी जुग-जुगान्तर री पीढ़ीयाँ ने मिन्जो बोल्लणा कि, तू ता बड़ी धन्न है। ⁴⁸ किजोकि उस शक्तिसाली परमेश्वर ने मेरे तांई बड़े बड्डे बड्डे कम्म कित्ते रे हिन, तिन्हेरा नां पवित्र है, तिन्हा । ⁴⁹ अते तिन्हेरी दया उन्हा सबनी मह्णुआं पर है जेह्ड़े कि तिन्हेरा डर मन्दे, अते तिन्हा पर दया आणे वाळी सारी पीढ़ीयाँ ताँई बणी रैह्णी। ⁵⁰ सक्तिसाली परमेश्वर ने अपणी बाँईय्याँ री सक्ति दखाई, अते जे दिल का घमंडी थिये , तिन्हा घमण्डियाँ रा घमण्ड तोड़ी दित्ता ⁵¹ तिन्हा ने घमंडी राज्जेयां जो तिन्हेरे राज-पद का हटाई दित्ता, अते निम्ते मह्णुआं जो तिन्हेरी जगह पर बठाया। ⁵² तिन्हा ने भुख्खेयाँ जो खरी खरी चीजां कने रजाया, अपण अमीरां जो खाली हत्थ भेजी दित्तेया। ⁵³ तिन्हा ने अपणे इस्त्राएली मह्णुआं जो सम्भाळी लेया, जिह्याँ कि परमेश्वर ने म्हारे पुरखां जो अपणे वचना का बोल्लेया थिया, ⁵⁴ तिन्हा ने अपणे मह्णुआं पर दया रखणी, अते इस गल्ल जो चेत्ता रख्खेया, जे अब्राहम अते तिसेरे खानदान पर हमेसा बणी रैह्णी, जिह्याँ कि तिन्हा ने म्हारे पुरखां जो बोल्ले रा थिया। ⁵⁵ मरियम कोई त्रै मिह्ने ताँई इलीशिबा कने रेह्ई फिरी तिसेरे बाद से अपणे घरे जो चली गेई। ⁵⁶ फिरी इलीशिबा रा लौकिणे रा बेल्ला आई गेया अते तिसेरे घरे इक निक्का पैदा होया।

यूहन्ना बपतिस्मा दैणे वाळे रा जनम

⁵⁷ तिसेरे गुआन्ड अते रिस्तेदाराँ ने जिस बेल्ले एह् गल्ल सुणी कि परमेश्वर ने तिस्स पर दया कित्ती, ता तिन्हा बी इलीशिबा कने मिली करी बड़ी खुसियाँ मनाईयाँ। ⁵⁸ अते फिरी अठमे रोज्जे निक्के रे खतनेh ताँई जकरयाह रे रिस्तेदार तित्ते आये, अते से प्यो रे नां पर तिस निक्के रा नां जकरयाह रखणा लग्गी पे ⁵⁹ तिस्सी बेल्ले इलीशिबा बोल्ली पेई, “कि ना, इसेरा नां ता यहून्ना रखणा है।” ⁶⁰ ताँ तित्ते आये रे मह्णु बोल्णा लगे कि तेरे रिस्तेदाराँ बिच ता एह् नां कुसेरा बी नी है। ⁶¹ ताँ फिरी तिन्हा मह्णुआं ने जकरयाह जो इसारा करी के पुच्छेया, कि तू इसेरा कै नां रखणा चाह्न्दा? ⁶² जकरयाह ने इस गल्ल जो बोल्णे तांई इक पट्टी मंगाई अते तिस्स पर लिख्खी दित्ता, “इसेरा नां यहून्ना रख्या जाए।” एह् दिख्खी करी सब जणे हैरान होई गे। ⁶³ तखणी जकरयाह रा मुंह् खुली गेया अते मुंह् खुलदे ई से परमेश्वर रा सुकर करणा लगी पेया। ⁶⁴ तिसेरे अक्खी-बक्खी जिन्ने बी मह्णु थिये, से सब एह् दिख्खी करी बड़े डरी गे। इस गल्ल री खाप्प यहूदिया रे सारे पहाड़ी इलाके बिच पेई गेई। ⁶⁵ जिन्हा ने बी एह् गल्ल सुणी, से अपणे मनां बिच सोचणा लगे, “कि एह् निक्का कदेया होणा?” किजोकि इस पर ता खुद, परमेश्वर रा हत्थ है। ⁶⁶ फिरी यहून्ना रा प्यो, जकरयाह, पवित्र आत्मा रे गलाए भविष्यवाणी करणा लगेया।

जक रयाह रा परमेश्वर री स्तुती करणा

⁶⁷ कि “इस्त्राएल रे प्रभु परमेश्वर री जै हो! किजो कि तिन्हा ने अपणे मह्णुआं जो बचाणे ताँई इक मदतगार भेज्जेया, अते अपणे मह्णुआं जो पाप का छुडा़या। ⁶⁸ तिन्हा ने म्हारे ताँई अपणे नौकर, दाऊद रे खानदान का असां जो इक बचाणे वाळा उद्धारकर्ता दित्ता ⁶⁹ (जिह्याँ कि तिन्हा ने बड़े पैल्ले ई पवित्र भविष्यवक्तां रे जरिये, जेह्ड़े कि दुनिया रे सुरु हुन्दे का ई चले आया करदे हिन, तिन्हा का वचन दित्ता थिया। ⁷⁰ तिन्हा ने म्हारे दुस्मणां का अते तिन्हा सबनी जणेयाँ का, जेह्ड़े कि असां का रड़दे, तिन्हा का असां जो बचाणे रा वचन दित्ता थिया ⁷¹ अते म्हारे पुरखां पर दया कित्ती, अपणे पवित्र वायदे जो नी भूलेया ⁷² अते से कसम जेह्ड़ी परमेश्वर ने म्हारे पुरखज, अब्राहम कने खाई थी। ⁷³ कि से म्हारे दुस्मणां रे हत्थां का असां जो बचाई लिन्गे, ताकि असी बगैर ड़रे रे परमेश्वर री सेवा करदे रैह्न। ⁷⁴ अते सारी उमर-भर, ते हर रोज, परमेश्वर रे अग्गे पवित्र, अते खरे अते नेक रेह्ई सकन। ⁷⁵ अत्ते ओ निक्केया, अवे तैं परम-परमेश्वर रा भविष्यवक्ता होणा, किजो कि तैं प्रभु जी रे अग्गे-अग्गे चली करी तिन्हेरे ताँई मह्णुआं जो त्यार करणा। ⁷⁶ अते तिन्हेरे मह्णुआं जो एह् बोल्णा कि तिन्हेरे पापाँ री माफी कने ई तुम्हारा उद्धार होणा। ⁷⁷ एह् सब म्हारे परमेश्वर री उस रैह्मत कने होणा, जिसेरी वजह कने ऊपर का असां पर भ्यागा री पैल्ली लौ पैणी। ⁷⁸ जेह्ड़ा कि न्हारे अते मौत री छाँ बिच बैठ्ठे रे हिनj तिन्हा पर से लौ चमकणी ताकि से म्हारे पैरां जो अच्छाई रे रस्ते पर चलाई सकन।” ⁷⁹ जिह्याँ-जिह्याँ जकरयाह रा निक्का, यहून्ना, मोटिन्दा गेया, तिह्याँ ई से आत्मिक तरिके कने बी पक्का हुन्दा गेया। अते इस्त्राएली लोकाँ रे सामणे आणे का पैल्ले से बंजर जगह बिच ई रैह्न्दा थिया। ⁸⁰ तिन्हा रोज्जां बिच रोम रे राज्जे, औगुस्तुस ने ऐ हुक्म दित्ता की सारे मह्णु गिणे जाये ताकी तिन्हेरे का चुँगी वसूली जाए ।

यीशु जी रा जनम

¹ एह जनगणना तिस्स बेल्ले होई थी, जाँ सीरिया राज्य दा राज्यपाल क्विरिनियुस थिया, अते एह जनगणना पैल्ली बारी होया करदी थी। ² सब मह्णु नां लिखाणे तांई अपणे-अपणे सैहर जो गये। ³ ते यूसुफ जेह्ड़ा कि गलील परदेस रे नासरत सैहर अन्दर रेह्न्दा थिया, तिस जो बी यहूदिया परदेस अन्दर बैतलहम सैहर जो जाणा पेया, किजोकि से दाऊद राज्जे रे टब्बरे रा थिया ते तिसेरे पुरखज बैतलहम सैहर अन्दर रैह्न्दे थिये। ⁴ ते से अपणी मंगेतर मरियम, जेह्ड़ी कि उस बेल्ले दुपराणी थी, तिस जो बी अपु कन्ने नां लखाणे जो लेई गेया। ⁵ तिन्हेरे बैतलहम बिच पुजदे ई मरियम जो पीड़ां लगी पेईयां ते तिसेरे जमणे रा बेल्ला आई गेया, ⁶ ते मरियम जो जमणे तांई तित्ते कुस्की बी सरां अन्दर जगाह् नी मिल्ली, इधेरे तांई तिस जो इक गुआड़ अन्दर लेई जाणा पेया, ते तित्ते तिनिए अपणे जेठे निक्के जो जम्मेया अते तिस जो फालड़ी अन्दर लपेटी करी चरीह् अन्दर रख्या। ⁷ ते तधाड़ी ई तिस इलाके अन्दर किछ्छ पुहाळ रात्ती बेल्ले अपणे धणा रा द्रबड़ा अन्दर पैह्रा देया करदे थिये।

स्वर्गदुतां रा पुहाळां जो खबर दैणा

⁸ ते तिस बेल्ले इक परमेश्वर रा स्वर्गदूत तिन्हेरे मुहाग्गर आई खड़ा होया, ते प्रभु री चमक ने तिन्हा जो चौं-पास्से का घेरी लेया, ते एह् सब दिख्खी करी से बड़े-भरी डरी गे। ⁹ ते तिस बेल्ले स्वर्गदूत ने तिन्हा जो बोल्या, तुसां डरो मत किजोकि दिख्खो, मैं तुसां जो इक इदेह्यी खुसी री खबर सुनाणी, जेह्ड़ी जे सबनी मह्णुआं तांई होणी, ¹⁰ ते ओ खुसखबरी एह् है, कि अज्ज दाऊद रे सैहर बैतलहम अन्दर सबनी मह्णुआं तांई इक मुक्तिदाता रा जन्म होया, अते सेह्ई मसीह प्रभु जी हिन। ¹¹ ते तुसां जो इस गल्ल रा भरोसा कराणे तांई एह् पछाण दिन्दा, कि तुसां ने इक निक्के जो फालड़ी बिच लपटित्तेरा, चरिह् अन्दर दिख्खणा।” ¹² तिस्सी बेल्ले, चाण-चक्केई तिस स्वर्गदूत कन्ने मते सारे स्वर्गदूतां रा झुण्ड परमेश्वर री बड़ाई करदे करदे लिब्बेया ते से बोलणा लग्गे, ¹³ “स्वर्ग अन्दर परमेश्वर री बड़ाई हो ते धरती अन्दर तिन्हा मह्णुआं अन्दर सान्ति हो, जिन्हा कने परमेश्वर खुस हिन।” ¹⁴ जिस बेल्ले से स्वर्गदूत तित्ते का वापस स्वर्ग जो हटी गे तां पुहाळ अपु-मिते बोलणा लग्गे, “चलो, असां बैतलहम जाई करी एह् जे अनोखी गल्ल होई, जिस्सेरे बारे अन्दर प्रभु जी ने असां जो अपणे स्वर्गदूत जो भेज्जी करी बोल्ली, असां दिख्खी आन्दे।” ¹⁵ ते तिस्सी बेल्ले से चली गे। ते तित्ते जाईकरी तिन्हा ने मरियम ते यूसुफ जो इक गुआड़ी बिच, ते तिस निक्के जो फालड़ी अन्दर लिपटित्तेरा चरिह् अन्दर लेटेरा दिख्खेया। ¹⁶ एह् सब दिख्खी करी से सारी गल्लां जे इस निक्के रे बारे अन्दर तिन्हा पुहाळां जो बोल्ले री थियां, तिन्हा ने उत्ते रे सबनी मह्णुआं जो बी दसीयां, ¹⁷ जितणे बी मह्णुआं ने पुहाळां री एह् गल्ल सुणी, से सब मह्णु हरान होई गे। ¹⁸ अपण, मरियम इन्हा सबनी गल्लां जो अपणे मना बिच रख्खी करी सोचदी रेह्ई। ¹⁹ ते पुहाळ जिह्य्यां तिन्हा जो बोल्ले रा थिया, तिह्य्यां ई सब किछ्छ दिख्खी-सुणी करी परमेश्वर री जै जै कार अते बड़ाई करदे-करदे वापस द्रबड़ा जो अपणे धणा का हटी गे। ²⁰ यीशु जी रे पैदा होणे का अठ्ठ रोज्जां बाद, तिन्हेरा खतना होया ते तिन्हेरा नां यीशु रख्या गेया, जिह्य्यां कि तिन्हेरे पैदा होणे का पैह्ले ई स्वर्गदूत ने मरियम जो बोल्या थिया।

यीशु जी रा नां रख्खेया जाणा

²¹ जां यीशु जी चाळी रोज्जां रे होई गे ता मूसा भविस्यवाणी करणे वाळे रे नियम रे साह्ब कने तिन्हेरे सुच्चा होणेa रा बेल्ला आया इधेरे तांई से यीशु जी जो लेई करी प्रभु परमेश्वर का सौंपणे ते सुच्चा होणे तांई यरूशलेम जो गे।

देहरे बिच यीशु जी रा अर्पण

²² (जिह्य्यां कि प्रभु परमेश्वर रे नियमां बिच लिख्खे रा है, कि जिसेरा जेठ्ठा निक्का हो, से निक्का परमेश्वर रा ई कम्म करन अते प्रभु जो समर्पित कित्तेया जान)। ²³ ते परमेश्वर रे नियम रे साह्ब कने घुग्घी रा इक जोड़ा या कबूतरे रे दो बच्चेयाँ जो बलि करी के परमेश्वर जो चढ़ाये जान", इधेरे तांई से बलि चढ़ाणे जो लेई गे। ²⁴ यरूशलेम अन्दर शमौन नां रा इक मह्णु रेह्न्दा थिया। से परमेश्वर रे रस्ते पर चलणे वाळा भला अते नेक मह्णु थिया, ते इस्त्राएल रे मह्णुआं री भलाई तांई प्राथना करदा रेह्न्दा थिया, ते पवित्तर आत्मा रे गलाये चलदा थिया।

शमौन रा गीत

²⁵ ते पवित्तर आत्मा ने तिस जो दस्से रा थिया, कि तैं तां तांई नी मरणा है, जां तांई तू परमेश्वर रे भेज्जे रे मसीह जो अपणी हाख्खी कने दिख्खी नी लिह्ंगा। ²⁶ फिरी शमौन जो पवित्तर आत्मा* ने यरूशलेम रे देह्रे अन्दर जाणे जो बोल्या, ते तिस्सी रोज्जे यूसुफ कने मरियम नियम रे साह्ब कने अपणे निक्के, यीशु जो देह्रे अन्दर लेई आये ताकि से अपणे निक्के जो परमेश्वर रे अग्गे सौंपी सकंन। ²⁷ शमौन तिस बेल्ले देह्रे अन्दर ई थिया, ते से यीशु जी जो अपणी खोख्खा चुक्की करी परमेश्वर री बड़ाई करदे- करदे बोलणा लग्गेया: ²⁸ “ओ मेरे प्रभु जी, अवे मैं सान्ति कने मरी सकदा, किजोकि तुसां री बोल्ले री गल्ल अज्ज पूरी होई गेई, ²⁹ किजोकि, मैं अपणी हाख्खी कने तुसां रे भेजे रे मुक्तिदाता जो दिख्खी लेया, ³⁰ जिस जो तुसां ने दुनिया रे सबनी मह्णुआं तांई भेज्जेया। ³¹ ताकि एह् मसीह होर जातियां रे मह्णुआं तांई लौ बणी सके ते इस्त्राएल रे मह्णु जेह्ड़े कि तुसां रे अपणे हिन, तिन्हा तांई एह् परमेश्वर री महिमा लियाणे री वजाह् होणा।” ³² यीशु जी रे बारे अन्दर इदेह्यी गल्लां सुणी करी, यूसुफ ते मरियम हरान होई गे। ³³ फिरी शमौन ने तिन्हा जो असीस देई करी यीशु जी री मां, मरियम जो बोल्या, एह् निक्का इस्त्राएल रे बड़े मह्णुआं जो उठाणे ते गिराणे तांई इक इदेह्यी निशाणी है जिसेरे खलाफ बड़े जह्णेयां ने खड़े होणा। ³⁴ ~ते से गल्लां तेरे मना जो‌ छुरी साह्ई चुभणियां, जिन्हा जो सुणी करी मन्नो तेरे प्राण मुह्आं ई आई रे होन, अपण इन्हा सब गल्लां कने बड़े जह्णेयां रे सोच-बिचार सामणे आई जाणे। ³⁵ अशेर गोत्र बिच का फनुएल री कुड़ी हन्ना इक भविस्यवाणी करणे वाळी थी, तिसेरे ब्याह् जो हल्ले कोई सत्त साल ई होये रे थिये, कि तिसेरा लाड़ा मरी गेया।

हन्नाह री गुआई

³⁶ ते से फिरी चुरास्सी साल्लां तांई विधवा ई रेह्ई। तिनिए देह्रा कदी बी नी छड्डेया। ब्रत अते प्राथना करदे परमेश्वर री भक्ति करदी रैह्न्दी थी। ³⁷ से तिस्सी बेल्ले तिन्हा का आई, जिस बेल्ले शमौन, यूसुफ ते मरियम कने गल्लां करेया करदा थिया, ते हन्ना ने आई करी परमेश्वर रा सुकर कित्तेया ते यरूशलेम रे मह्णुआं जो जेह्ड़े कि रोमियां री गुलामी का छुटकारे री भाळ अन्दर थिये तिन्हा जो इस निक्के रे बारे अन्दर दस्सेया। ³⁸ फिरी जिस बेल्ले से परमेश्वर रे नियम रे साह्ब कने सब किछ्छ पूरा करी बैठ्ठे, ता अपणे घरे, नासरत जेह्ड़ा कि गलील रा इक सैहर है, तित्ते जो हटी गे।

नासरत जो वापस हटणा

³⁹ ते तित्ते यीशु जी जिस्मानी ते आत्मिक गल्लां अन्दर मुटिंदे गे। से समजदार थिये ते परमेश्वर री मैहर तिन्हा पर थी। ⁴⁰ फसह रे त्ह्यार पर हर साल यूसुफ ते मरियम यरुसलेम जान्दे थिये।

बचपन बिच यीशु जी रा देहरे बिच जाणा

⁴¹ जां यीशु जी बाराह् साल्ले रे होये, ता से हर बरी साह्ई फसह रा त्यहार मनाणे तांई यरुसलेम जो गे। ⁴² जां त्यहार खतम होया ते से घरे जो हटेया करदे थिये ता यीशु जी यरूशलेम बिच ई रेई गे। एह् गल्ल तिन्हेरे मां प्यो जो पैह्ले ध्यान बिच नी आई कि तिन्हेरा निक्का तिन्हा कन्ने नी है। ⁴³ तिन्हा ने एह् समझेया, कि तिन्हेरा निक्का होरनी मह्णुआं कने होणा, जां से पूरी ध्याड़ी सफर करदे रे तां से यीशु जी जो अपणे रिस्तेदरां अन्दर तोपणा लग्गे। ⁴⁴ अपण जां तिन्हा जो अपणा निक्का नी मिल्लेया तां से दोह्ई जह्णे तिस्जो तोपदे-तोपदे यरूशलेम जो वापस हटी गे। ⁴⁵ फिरी इह्य्यां होया कि त्रीय्ये रोज्जे तिन्हा ने यीशु जी जो देह्रे अन्दर व्यवस्थापकांh रे मंझाटे बैठ्ठेरा ते तिन्हेरी सुणदे ते तिन्हा कने सुआल-जवाब करदे दिख्खेया। ⁴⁶ से सब जह्णे, जेह्ड़े कि यीशु जी री गल्लां सुणदे थिये, से तिन्हेरी समजदारी अते तिन्हेरे सुआलाँ का हरान थिये। ⁴⁷ जां यीशु जी रे मां प्यो ने बी तिन्हा जो दिख्खेया ता से बी हरान होई गे। ते मरियम ने यीशु जी जो पुछ्छेया, “ओ निक्केया, तैं म्हारे कने इह्य्यां किजो कित्ता, तू ईत्ते किजो रुकी गेरा थिया? असां बड़े परेसान होई गेरे थिये, तेरे प्यो ते मैं, तिज्जो कुते कुते नी तोप्पेया? ⁴⁸ यीशु जी ने तिन्हा जो बोल्या, “तुसी मिन्जो किजो तोपदे थिय्ये? कै तुसी एह् नी जाणदे कि मेरे ताँई अपणे प्यो रे घरे रैह्णा कितणा जरुरी हैi?” ⁴⁹ अपण यीशु जी ने जे जवाब दित्तेया, से तिन्हेरी समझ अन्दर नी आया। ⁵⁰ ते फिरी से तिन्हा कने नासरत जो आई गे ते अपणे मां प्यो रे गलाए पर चलदे रे ते यीशु जी री मां इन्हा सब गल्लां जो अपणे मन बिच ई रख्खेया। ⁵¹ ते यीशु जी समझ, कद-काठी अते परमेश्वर ते मह्णुआँ री दया कने बद्धदे गे। ⁵² एह तिस्स बेल्ले री गल्ल है, जिस बेल्ले तिबीरियुस केसर पन्द्रा साल्लां का रोम रे देश पर राज करेया करदा थिया अते तिस बेल्ले पुन्तियुस पिलातुस यहूदिया परदेस रा राज्यपाल थिया, ते हेरोदेस गलील जिल्ले अन्दर राज करदा थिया, ते तिसेरा भ्याळ फिलिप्पुस जे थिया से इतूरैया अते त्रखोनीतिस नां रे परदेसां अन्दर राज करेया करदा थिया, ते लिसानियास अबीलेने नां रे परदेसा अन्दर राज करदा थिया।

युहन्ना बपतिस्मा दैणे वाळे रा प्रचार करणा

¹ अते तिस बेल्ले हन्ना अते कैफा नां रे दो बड्डे परोह्त थिये, ताँ, जकरयाह रे निक्के, यहून्ना, जेड़ा कि बंजर जगह अन्दर रैह्न्दा थिया, तिसेरे का परमेश्वर रा वचन पुज्जेया। ² अते तिस ने यरदन द्रया रे अरे-परे रे सबनी इलाकेयाँ बिच जाई-जाई करी मह्णुआँ जो तिन्हेरे पापाँ का तौबा करी लैणे अते बपतिस्मा लैणे रे बारे अन्दर दस्सेया। ³ यशायाह नां रे भविस्यवक्ता री वचनां री कताबा बिच बी जिह्याँ लिख्खे रा है, "बंजर जगह अन्दर इक हक्कां लाणे वाळे मह्णु री अवाज है आया करदी, कि ’प्रभु जी ताँई रस्ता त्यार करणा करो, तिन्हा ताँई सड़कां जो सिध्धी करो । ⁴ सारे ई नाळे भरी दित्ते जाणे अते सारे पाह्ड़ ते घाटी पद्धरी करी दित्ती जाणियाँ, ते जेह्ड़ा टेढा मेढा है, से सिध्धा अते जेह्ड़ा उच्चा-न्हिट्ठा है, से पद्धरा रस्ता बणाई दित्ता जाणा। ⁵ अते सबनी मह्णुआँ ने एह दिख्खी लैणा, कि परमेश्वर किह्याँ मह्णुआँ रा उद्धार करदे’।” ⁶ यहून्ना तिन्हा सबनी मह्णुआँ जो बोल्दा, जे तिस का बपतिस्मा लैणे जो आए रे थिय्ये, “ओ, सप्प, रे बच्चेयों, तुम्हारे जो कुन्ने दस्सी दित्ता तुसी परमेश्वर रे न्याय रे बेल्ले तुसी बची जाणा? ⁷ तुसां जो अपणे कम्मा का एह जताणा पैणा कि तुसी ने सच्ची ई अपणे पापाँ का तौब करी लित्ते दी है। अते तुसी अपणे मना बिच एह मत सोच्चो ‘अब्राहम म्हारा प्यो है।v’ मै तुसां जो बोल्दा, परमेश्वर ता इन्हा पत्थरा का बी बच्चे पैदा करी सकदाw। ⁸ अवे ता झोन्टू बुट्टेयाँ री जड़ां पर रख्खी गेरा है, इधेरे ताँईं जिस-जिस बुट्टे अन्दर खरा फळ नी लगदा, से बुट्टा बड्डी दित्तेया जाणा, अते फिरी तिस्स जो अग्गी बिच पाई दित्तेया जाणा। ⁹ ताँ मह्णु यहून्ना का पुच्छणा लग्गे, “म्हारे जो कै करणा चहिंदा?” ¹⁰ तिन्ने तिन्हा जो जवाब दित्ता, जिस जणे का दो कुरते होन, से तिन्हा जो, जिसका लाणे जो किच्छ बी नी हो, तिन्हा कने बन्डी लेन। अते जिसका खाणे जो है से बी ईय्याँ ई करन। ¹¹ फिरी चुँगी लैणे वाळे बी तिस का बपतिस्मा लैणे जो आये, अते तिस जो पुच्छणा लगे, “ओ गुरु जी, म्हारे जो कै करणा चहिंदा? ¹² अते यहून्ना ने तिन्हा जो बोल्लेया, “जितणी चुँगी लैणे जो रोम री सरकार ने तुसां जो बोल्ले रा ए, तिस का जादा चुँगी मत लिंदे। ¹³ सपाईयाँ ने बी तिस्का एह् बोल्ली करी सुआल पुच्छे, “अते म्हारा कै ,असां जो कै करणा चहिंदा? तिन्ने तिन्हा जो बोल्लेया, कुसकी पर दवाब पाई करी तिस का पैसे मत लेयो। अते ना ई कुसकी पर झूठा इल्जाम बी मत लान्दे, अते जितणी तन्खा तुसां जो मिलदी, तिस्स कने खूस रेयो। ¹⁴ सब मह्णु मसीहा री आणे री भाळ करदे रैन्दे थिये, इधेरे ताँई मह्णु एह जानणे ताँई काह्ळे थिये हुन्दे कि यहून्ना ई कुदखी मसीह ता नी है? ¹⁵ ताँ यहून्ना ने तिन्हा सबनी मह्णुआँ जो एह जवाब दित्ता, कि मैं ता तुस्सां जो सिरफ पाणी कने ई बपतिस्मा दिन्दा, अपण जेह्ड़ा जे ईणे वाळा है, से ता मेरे का बी जादा सक्तसाली है, मैं ता इस जोगा बी नी है, कि तिन्हेरे जुट्टे रे तस्मे जो बी खोल्ली सकां, तिन्हा ने ता बपतिस्मे री रस्म जो पवित्र-आत्मा अते अग्ग कने पूरा करणा ए। ¹⁶ तिन्हेरे हत्थां बिच अनाज फटकणे वाळा डण्डा है, जिस कने तिन्हा अनाज जो खलाड़े बिच पाई करी फटकारी करी अनाज जो भू का बखरा करी देणा ते भू जो अग्गी बिच पाई दैणा जेह्ड़ी कि कदी नी बुझणी ।" ¹⁷ यहून्ना इदेयी गल्लाँ करी करी के परमेश्वर रे बसेख जो समझांदा थिया। ¹⁸ (अपण जाँ तिस ने राजा हेरोदेस जो तिसेरे भ्याळ री लाड़ी कने नजायज रिश्ते अते होर बी दुज्जे गलत कम्मा ताँई झिड़केया ¹⁹ ता राजा हेरोदेस ने तिस जो पकड़ी करी जेल्ला बिच पाई दित्तेया अते तिन्ने इक होर गलत कम्म अपणे गलत कम्मा कने जोड़ी लेया।) ²⁰ ईय्याँ होया कि जाँ सब जणे यहून्ना का बपतिस्मा लेया करदे थिये ताँ यीशु जी ने बी आईकरी यहून्ना का बपतिस्मा लेया, अते जां यीशु जी प्रार्थना करेया करदे थिये, ता स्वर्ग का परमेश्वर री अवाज़ आई,

यीशु जी रा बदतिस्मा लैणा

²¹ ते पवित्र आत्मा इक कबूतर रे रूप बिच यीशु जी रे मुह्न्ड़े पर आई बैठेया अते परमेश्वर ने स्वर्ग का बोल्लेया, “तू मेरा प्यारा पुत्र है, अते मै तेरे का खूस ए।” ²² जाँ यीशु जी ने अपणी समाज सेवा सुरु कित्ती थी, ताँ से कोई तिह् कर साल्ले रे थिय्ये (जिह्याँ कि समझेया जान्दा),यीशु जी यूसुफ रे पुत्तर थिय्ये, अते यूसुफ एली रा पुत्तर थिया,

यीशु जी रा खानदान

²³ अते से मत्तात रा, अते से लेवी रा, अते से मलकी रा, अते से यन्ना रा, अते से यूसुफ रा, ²⁴ अते से मत्तीयाह रा,अते से आमोस रा, अते से नहूम रा, अते से असल्याह रा, अते से नोगह रा, ²⁵ अते से मात रा, अते से मत्तीयाह रा, अते से शिमी रा, अते से योसेख रा, अते से योदाह रा, ²⁶ अते से यहून्ना रा, अते से रेसा रा, अते से जरुब्बाबील रा, अते से शालतिएल रा, अते से नेरी रा, ²⁷ अते से मलकी रा, अते से अद्धी रा, अते से कोसाम रा, अते से इलमोदाम रा, अते से एर रा, ²⁸ अते से यहोशु रा, अते से इलाजार रा, अते से योरीम रा, अते से मत्तात रा, अते से लेवी रा, ²⁹ अते से शमौन रा, अते से यहूदाह रा, अते से यूसुफ रा, अते से योनान रा, अते से इलयाकीम रा, ³⁰ अते से मलेआह रा, अते से मिन्नाह रा, अते से मत्तता रा, अते से नातान रा, अते से दाऊद रा, ³¹ अते से यिशै रा, अते से ओबेद रा, अते से बोअज रा, अते से सलमोन रा, अते से नहशोन रा, ³² अते से अम्मीनादाब रा, अते से अरनी रा, अते से हिस्त्रोन रा, अते से फिरिस रा, अते से यहूदाह रा, ³³ अते से याकूब रा, अते से इसहाक रा, अते से अब्राहम रा, अते से तिरह रा, अते से नाहोर रा, ³⁴ अते से सरुग रा, अते से रऊ रा, अते से फिलिग रा, अते से एबीर रा, अते से शिलह रा, ³⁵ अते से केनान रा, अते से अरफक्ष रा, अते से शेम रा, अते से नूह रा, अते से लिमिक रा, ³⁶ अते से मथूशिलह रा, अते से हनोक रा, अते से यरिद रा, अते से महललेल रा, अते से केनान रा, ³⁷ अते से एनोश रा, अते से शेत रा, अते से आदम रा, अते से परमेश्वर रा पुत्र थिया। ³⁸ फिरी यीशु जी यूहन्ना का बपतिस्मा लैणे का बाद पवित्तर आत्मा रे वस बिच होई करी यरदन दरया का हटे ते पवित्तर आत्मा रे गलाए इक बंज्जर जगह जो चली गे ते चाळी रोज्जां ताँई से तित्ते ई रेह्।

यीशु जी रा परखेया जाणा

¹ इन्हा चाळी रोज्जां ताँई सैतान यीशु जी जो परखदा रेह्या, इन्हा रोज्जे यीशु जी ने किच्छ बी नी खाये रा थिया, फिरी जाँ ब्रत रा बेल्ला पूरा होई गेया ता यीशु जी जो भुख्ख लगी, ² ताँ सैतान, यीशु जी का आई करी बोलणा लगेया, “जे तू परमेश्वर रा पुत्तर है, ता इस पत्थर जो बोल कि एह् रोटी बणी जाओ।” ³ यीशु जी ने सैतान जो जवाब दित्तेया, “पवित्तर सास्तर अन्दर एह् लिखित्तेरा है: कि ‘मह्णु सिरफ रोटी खाणे कने ई जिन्दा नी रैह्न्दा। ⁴ फिरी सैतान तिन्हा जो इक ऊच्ची का ऊच्ची जगह पर लेई गेया ते तिन्हेरे दिखदे ई दिखदे दुनिया-भर रे सारे देस दखाए ⁵ ते तिन्हा जो बोल्या, “मैं एह् सारी सान ते इन्हा देसां पर सारा हक्क तिज्जो देई दिह्न्गा, किजोकि एह् सब किच्छ मिन्जो दित्तेया गेया है, ते जिस्जो बी मैं चाँह् तिस्जो देई सकदा। ⁶ इधेरे ताँई जे तू मेरी भक्ति करगा ता एह् सब किच्छ तेरा होई जाणा। ⁷ यीशु जी ने सैतान जो जवाब दित्तेया, “पवित्तर सास्तर बिच एह् लिख्खेरा है, ‘तू प्रभु परमेश्वर री ई भक्ति करेयाँ, ते सिरफ तिन्हेरी ई सेवा करेयाँ।’ ⁸ ताँ फिरी सैतान ने तिन्हा जो यरूशलेम बिच लेई गेया अते तिन्हा जो मन्दिर री चोटी पर खड़ा करी के बोलणा लगेया, ‘जे तू परमेश्वर रा पुत्तर है, ता इत्ते का छाळ मार। ⁹ किजोकि पवित्तर सास्तर अन्दर लिख्खे रा है, परमेश्वर ने अपणे स्वर्गदूतां जो हुकम देई करी तिज्जो बचाई लैणा। ¹⁰ अते तिन्हा तिज्जो अपणे हत्थां पर चुक्की करी छुड़कणे का बचाई लैणा, ईय्याँ नी होणा कि तेरा पैरा जो पत्थर कने लग्गी जाओ।’ ” ¹¹ यीशु जी ने तिस जो जवाब दित्तेया, “पवित्तर सास्तर अन्दर एह् बी लिख्खे रा है, ‘तू अपणे प्रभु-परमेश्वर जो कदी मत परखदा।’ ” ¹² जाँ सैतान तिन्हेरे जो परखणे तांई पूरी कोसिस करी बैठ्ठेया, ता से अगले मौके तांई यीशु जी जो छड्डी करी चली गेया। ¹³ फिरी यीशु जी पवित्तर आत्मा रे गलाए गलील जो चली गे ते तिन्हेरे कम्मां री खप्प गलील, ते अक्खी-बक्खी रे सबनी देसां अन्दर होणा लगी।

यीशु जी री सेवकाई री सुरुआत

¹⁴ ते से यहूदी मह्णुआं री धर्म सभा अन्दर सिक्सा दिन्दे रे अते सब जह्णे तिन्हेरी बड़ाई करदे थिय्ये। ¹⁵ फिरी से नासरत जो आई गे, जित्ते तिन्हेरा बचपन बित्तेया थिया ते से हर बरी साह्ई सब्त वाळे रोज्जे धर्म सभा अन्दर गे, ते जाँ से पवित्तर सास्तर पढ़ने ताँई खड़े होये।

नासरत बिच यीशु जी रा अनादर

¹⁶ ताँ तिन्हा जो यशायाह भविस्यवक्ता री कताब दित्ती गेई, ते तिन्हा ने से कताब खोल्ली करी ओ जगह कड्डी, जित्ते एह् लिख्खे रा थिया: ¹⁷ प्रभु रा आत्मा मेरे अन्दर है, किजोकि तिन्हा ने मिन्जो चुणे रा है कि मैं गरिब मह्णुआं जो परमेश्वर रे राज करणे रे बसेख जो सुणाँ। ते तिन्हा ने मिन्जो कैद मह्णुआं जो एह् बोल्णे ताँई भेज्जेया कि से आजाद हिन, ते अह्न्नेयाँ जो एह् खबर सुनाणे जो भेज्जेया कि से फिरी दिख्खी सकदे, अते दुख-तकलीफां अन्दर फसे रे लोकाँ जो छुटकारा दैणे ¹⁸ अते प्रभू जी री दया रे बेल्ले जो दस्सणे ताँई भेज्जे रा है।” ¹⁹ फिरी तिन्हा ने से कताब बन्द कित्ती ते तित्ते कम्म करणे वाळे सेवक रे हत्थां देई करी थल्ले बेह्ई गे, ते धर्म सभा बिच सबनी मह्णुआं री हाख्खियाँ यीशु जी पर टीक्की रेईयाँ ²⁰ अते फिरी यीशु जी ने तिन्हा जो बोल्या, “अज्ज तुसां रे सुणदे ई पवित्तर सास्तर रा एह् वचन पूरा होई गेया।” ²¹ जितणे बी मह्णु तित्ते थिय्ये, तिन्हा सबनी ने तिन्हेरी बड़ाई कित्ती, ते यीशु जी रे मूंह् का मह्णुआं री भलाई ताँई निकळेरी गल्लां सुणी करी, तित्ते आये रे सब मह्णु हरान होई गे; ते अपु-मिते बोलणा लगे, “कै एह् यूसफ रा पुत्तर नी है?” ²² फिरी यीशु जी ने तिन्हा जो बोलेय, “तुसां ने मेरे बारे अन्दर एह् कहावत ता जरुर बोल्णी, ‘ओ वैद्दा, पैह्ले अपु जो ता खरा करी लै। ते जे किच्छ असां ने तेरे बारे अन्दर सुणे रा है, कि तैं कफरनहूम अन्दर बड़े चमत्कार कित्ते रे हिन, से सब किच्छ अवे अपणे देस अन्दर बी कर।’ ” ²³ यीशु जी ने बोल्या, “मै सच्च बोलदा, कुस्की बी भविस्यवक्ता री अपणे देस अन्दर कदर नी हुन्दी। ²⁴ ते एह् बी सुणी लेयो कि एलिय्याह रे दिनां अन्दर साड्डे त्रै साल ताँई बरखा नी होई, होर-ता-होर, पूरे देस अन्दर बड़ा अकाल पेया थिया ते इस्राएल अन्दर मती सारी विधवा जनानियां थियाँ जिन्हा जो मदत री बड़ी जरुत थी । ²⁵ अपण एलिय्याह जो सैदा जिले रे सारपत ग्रां अन्दर इक विधवा का छडडी करी, कुस्की होर विधवा का नी भेज्जेया गेया, जेह्ड़ी कि इस्त्राएल री रैह्णे वाळी नी थी। ²⁶ या अलीशा भविस्यवक्ता रे बेल्ले बिच इस्त्राएल अन्दर बड़े कोढ़ी थिय्ये अपण तिन्हा बिच का सीरिया रे रैह्णे वाळे नामान नां रे कोढी़ जो छड्डी करी होर कुस्की जो बी सुच्चा नी कित्तेया गेया।” ²⁷ एह् गल्लां सुणी करी जितणे बी मह्णु धर्म सभा अन्दर थिय्ये, तिन्हा सब जह्णेयाँ जो बड़ा गुस्सा आया। ²⁸ ते तिस्सी बेल्ले से खड़े होये ते यीशु जी जो पकड़ी करी सैहरा का बाहर लेई गे ते जिस पाह्ड़ पर तिन्हेरा सैहर बसे रा थिया, तित्ते का थल्ले सुटणा लगी पे। ²⁹ अपण से तिन्हेरे मंझाटे का निकळी करी चली गे। ³⁰ फिरी यीशु जी गलील रे कफरनहूम सैहर जो गे; अते सब्त वाळे रोज्जे मह्णुआं जो सिक्सा देया करदे थिय्ये।

बुरी आत्मा रे सताए रे म्हणु रा ठीक होणा

³¹ अते मह्णु तिन्हेरी गल्लां सुणी करी हरान होई गे, किजोकि से अपणी गल्लाँ हक कने बोल्दे थिय्ये। ³² तिस्सी रोज्जे धर्म सभा अन्दर इक इदेह्या मह्णु थिया जिस अन्दर भिट्ठी आत्मा थी। ³³ से मह्णु जोरे-जोरे चिन्ड्डा मारणा लगेया, “ओ यीशु नासरी t तुसां रा असां कने कै लैणा-दैणा है? कै तुसी असां जो इत्ते मारणे ताँई आये रे हिन? मिन्ज्जो पता है कि तुसी कुण हिन? तुसी परमेश्वर रे भेज्जे रे पवित्तर-जन हिन।” ³⁴ यीशु जी ने तिस जो झिड़की करी बोल्या, “चुप्प रेह्, अते इस बिच का निकळी जा।” ताँ से भिट्ठी आत्मा तिस जो पखोड़ी करी, बगैर कोई तकलीफ दित्ते रे तिस बिच का निकळी गेई। ³⁵ एह् दिख्खी करी सब हरान होई गे ते से अपु-मिते बोलणा लगे, “एह् कदेह्या वचन है? किजोकी एह् हक अते सक्ति कने भिट्ठी आत्मां जो हुकम देया करदे हिन ते से इन्हेरे बोल्णे पर निकळी बी जान्दी हिन।” ³⁶ इन्हा गल्लां कने यीशु जी रे कम्मा री खप्प अग्ग साह्ई हर जगह फैल्ली गेई। ³⁷ तिस रोज्जे यीशु जी धर्म सभा का निकळी करी शमौन रे घरे जो गे। शमौन री सस्सू जो बड़ा ताप थिया, अते तिन्हा ने यीशु जी रे छन्द्दे कित्ते, तुसी इस जो खरा करी देयो।

पतरस री सस्सु ते होर लोक्कां जो ठीक करणा

³⁸ यीशु जी शमौन री सस्सू का गे ते खड़े होई करी, ताप जो झिड़क दित्ती ते शमौन री सस्सू रा ताप तिस्सी बेल्ले उतरी गेया ते से फटा-फट उठ्ठी करी तिन्हेरी खात्तर-दारी करणा लगी पेई। ³⁹ संझा बेल्ले, जिन्हेरे-जिन्हेरे घरा अन्दर मह्णु नेक-बनेके तरीक्के री बमारियाँ का परेसान थिय्ये, से तिन्हा सबनी जो यीशु जी का लेई आये ते कन्ने ई ओ मह्णु बी थिय्ये जिन्हा अन्दर बुरी आत्मा थियाँ। यीशु जी ने इक-इक पर अपणा हत्थ रखेया, ते से तिस्सी बेल्ले खरे होई गे। ⁴⁰ ते बुरी आत्मां बी चिन्ड्डां मारदे अते एह् बोल्दे मते मह्णुआं बिच का निकळी गेईयाँ, “तू परमेश्वर रा पुत्तर है!”, अपण यीशु जी तिन्हा जो झिड़कदे थिय्ये ते बोलणे नी दिन्दे थिय्ये, किजोकि से जाणदी थियाँ कि से मसीह हिन।” ⁴¹ अगले रोज्जे, भ्यागा यीशु जी तित्ते का निकळी करी सुनसान जगह जो चली गे ते तित्ते प्राथना करणा लगी पे ते मह्णुआं ने तिन्हेरी तोप पाई दित्ती, ते तोपदे-तोपदे तित्ते ई जाई रे जित्ते यीशु जी थिय्ये, अते से तिन्हेरे का जाई करी तिन्हेरे छन्दे करणा लगे, कि असां जो छड्डी करी मत जाओ।

मन्दरां बिच प्र चार करणा

⁴² अपण यीशु जी ने तिन्हा जो बोल्या, “मिन्जो होर सैहरां अन्दर बी जाई करी परमेश्वर रे राज करणे री खुसखबरी दैणा जरुरी है किजोकि मिन्जो इस्सी मकसद कने भेजेया गेरा है।” ⁴³ अते यीशु जी मह्णुआं जो परमेश्वर रे राज करणे री खुसखबरी गलील री बखरी-बखरी जगह बिच जाई करी तित्ते री धर्म सभा अन्दर सुणादे रेह्। ⁴⁴ इक रोज ईह्य्याँ होया, कि यीशु जी गन्नेसरत री झीले रे कनारे खड़ीह् करी परमेश्वर रे वचन रे बारे अन्दर मह्णुआं जो सिक्सा देया करदे थिय्ये। लोक इतणे बद्धी गेरे थिय्ये कि; यीशु जी जो पैर रखणे ताँई बी जगह नी थी मिलदी।

पैल्ले चेल्लेयां रा सद्देया जाणा

¹ तित्ते तिन्हा ने दिख्खेया, मच्छी पकड़ने वाळे अपणी किस्तियाँ जो कनारे पर लाई करी अपणे जाल धोया करदे हिन। ² मते मह्णु होणे री वजह कने यीशु जी तिन्हा दो किस्तियाँ बिच का इक पर चढ़ी गे जेह्ड़ी कि शमौन री थी ते तिन्हा ने शमौन जो बोल्या, “ किस्ती जो कनारे का जरा कर अग्गे जो लेई चल।” ते से लेई गेया, अते फिरी यीशु जी किस्ती पर बेह्ई करी मह्णुआं जो सिक्सा दैणा लगे।” ³ जाँ यीशु जी मह्णुआं जो सिक्सा देई बैठ्ठे, ताँ तिन्हा ने शमौन जो बोल्या, “अपणी किस्ती जो डुग्गे पाणी पास्से लेई चल अते मच्छी पकड़ने ताँई अपणा जाल पाणी बिच पा।” ⁴ शमौन ने तिन्हा जो जवाब दित्तेया, “ओ मेरे मालको, असां सारी रात मच्छी पकड़ने ताँई बड़ी मेह्नत कित्ती, अपण किच्छ बी नी पकड़ी सके, फिरी बी जे तुसी बोल्या करदे हिन, ता मैं सिरफ तुसां रे बोल्णे पर दुबारा जाल पाई दिन्दा।” ⁵ जिस बेल्ले तिन्हा ने यीशु जी रे बोल्णे पर दुबारा जाल पाया, ताँ तिन्हा ने सच्ची अन्दर मती सारी मच्छियाँ पकड़ियाँ, अते से इतणी जादा थियाँ कि तिन्हेरे जाल ई फटणा लगी पे। ⁶ इतणी देर अन्दर तिन्हा ने अपणे मित्तरां जो इसारा करी के सद्देया, कि आई करी म्हारा हत्थ बटाऔ। फिरी तिन्हा ने आई करी दोह्ई किस्तियाँ जो मच्छी कने इतणा जादा भरी लेया, कि तिन्हेरी किस्तियाँ डुबणा ई लगी पेईय्याँ। ⁷ एह् सब किच्छ दिख्खी करी शमौन पतरस यीशु जी रे पैरा पेई करी बोलणा लगेया, “ओ प्रभु जी, मेरे का दूर चली जाओ, किजोकि मैं ता इक पापी मह्णु है। ⁸ किजोकि इतणी सारी मच्छियाँ रे पकड़िणे कने शमौन अते तिसेरे सारे मित्तरां जो बड़ी हरानी होई। ⁹ अते ईह्य्याँ ई जबदी रे दोह्ई पुत्तर, याकूब ते यूहन्ना, बी हरान होई गे। फिरी यीशु जी ने शमौन जो बोल्या, “शमौन डरां मत, किजोकी जिह्य्याँ तू मच्छी पकड़दा, तिह्य्याँ ई तैं अज्ज का बाद मह्णुआं जो परमेश्वर रे चेल्ले बणाया करणा।” ¹⁰ ते जिस बेल्ले से सब जह्णे कनारे पर आई गे, ता तिन्हा ने अपणा सब किच्छ छड्ड़ी दित्तेया, अते यीशु जी रे पिच्छे चली पे। ¹¹ जिस बेल्ले से कुस्की सैहर अन्दर थिय्ये, ता उत्ते इक कोढ़ी मह्णु आया, ते से यीशु जी जो दिख्खी करी मुंह् रे भारे पेई गेया ते यीशु जी रे छन्दे करणा लगेया, “ओ प्रभु जी, जे तुसी चाह्न ता मिन्जो सुच्चा करी सकदे हिन।”

कोढ़ रे मरीज जो ठीक करणा

¹² यीशु जी ने अपणा हत्थ अग्गे करी के तिस जो छुत्तेया ते बोल्या, “मैं चाह्न्दा कि तू सुच्चा होई जाये।” ते तिसेरा कोढ़ तिस्सी बेल्ले खरा होई गेया। ¹³ यीशु जी ने तिस जो बोल्या, “कुस्की जो बी एह् मत बोलदा कि तिज्जो मैं खरा कित्ता, अपण जाई करी अपु जो परोह्त का दिखा, ते मूसा भविस्यवक्ता ने कुस्की कोढ़ी रे सुच्चा होणे ताँई, जे किच्छ बी चढ़ाणे ताँई पवित्तर सास्तर बिच लिख्खेरा है, तिस जो चढ़ा, ताकि मह्णुआं जो बी पता लग्गे कि तू अवे खरा होई गेया ए।”v ¹⁴ अपण यीशु जी रे कम्मा री खप्प ता होर बी फैलणा लगी पेई, ते मते जह्णे मह्णु उन्हेरी गल्लाँ जो सुनणे ताँई अते अपणी बमारियाँ का खरा होणे ताँई यीशु जी का आणा लगी पे। ¹⁵ अपण यीशु जी प्राथना करणे ताँई कह्ल्ले बंज्जर जगह जो चुपचाप चली जान्दे थिय्ये। ¹⁶ इक रोज ईह्य्याँ होया, यीशु जी मह्णुआं जो सिक्सा देया करदे थिय्ये ते फरीसीw ते व्यवस्थापक तित्ते बैठ्ठे रे थिय्ये, जेह्ड़े कि गलील ते यहूदिया रे हर इक ग्रां अते यरूशलेम का आये रे थिय्ये, ते मह्णुआं जो खरा करणे ताँई प्रभु री सक्ति यीशु जी कने थी।

लकवे रे मरीज जो ठीक करणा

¹⁷ तिस बेल्ले मते जह्णे मह्णु इक मह्णु जो, जेह्ड़ा कि लकवे रा मरीज थिया, बाणी वाळे मन्ज्जे पर लटाई करी मह्णुआं री भीड़ रे बिच का यीशु जी रे बिल्कुल सामणे लेई जाणे री कोसिस करेया करदे थिय्ये। ¹⁸ अपण मह्णुआं री वजह कने तिस मरीज जो यीशु जी का लेई जाणे ताँई रस्ता नी थिया, इधेरे ताँई से तिस मरीज जो लेई करी छत्ती पर जाई चढ़े अते बाणी वाळे मन्ज्जे जो रस्सी कने बह्न्नी करी खपरैल जो हटाई करी तिसेरे बिच का, तिस मरीज जो यीशु जी रे मुहाग्गर उत्तारी दित्तेया। ¹⁹ यीशु जी ने तिन्हा मह्णुआं रे विस्वास जो दिख्खी करी तिस मरीज जो बोल्या, “ओ मह्णुआं, मैं तेरे सारे पाप माफ करी दित्ते।” ²⁰ यीशु जी री इन्हा गल्लां जो सुणी करी यहूदी सास्त्री ते फरीसी अपू-मिते सोच-विचार करणा लगे, “अपु जो परमेश्वर रे बराबर समझणे वाळा, एह् हुन्दा कुण? एह् ता परमेश्वर री बेज़ती करेया करदा है, किजोकी परमेश्वर जो छड्डी करी, होर दुज्जा कोई पापां जो माफ नी करी सकदा।” ²¹ अपण यीशु जी तिन्हेरे मन री गल्ल जो समझी गे, ते तिन्हा जो जवाब दित्तेया, तुसी अपणे मन अन्दर ईय्यां किजो सोचदे, मैं परमेश्वर री बेज्ज़ती करेया करदा है? ²² कै एह् बोलणा असान है, ‘तेरे पाप माफ होई गे कि एह् बोलणा , ‘उठ अते हंड? ²³ अपण इधेरे ताँई कि तुसी अवे एह् जाणी जान कि मह्णु रे पुत्तर जो धरती पर पाप माफ करणे रा बी हक है। फिरी यीशु जी ने लकवे रे मरीज जो बोल्या, “मैं तिज्जो बोलदा खड़िह् जा, अते अपणा मन्जा चुक्की करी घरा जो चली जा।” ²⁴ ताँ से मह्णु तिस्सी बेल्ले सबनी मह्णुआं सामणे खडीह् गेया, ते जिस मन्ज्जे पर लेट्टेरा थिया, तिस्जो चुक्की करी परमेश्वर री बड़ाई करदा, अपणे घरे चली गेया। ²⁵ ताँ फिरी सब जह्णे हरान होई गे ते परमेश्वर री बड़ाई अते बड़े भरी डरी गे अते बोलणा लगे, “अज्ज अस्सां ने इक अलग ई नजारा दिख्खेया।” ²⁶ इसेरे बाद से तित्ते का बाहर चली गे ते तिन्हा ने दिख्खेया, इक चुंगीy लैणे वाळा मह्णु अपणी चुंगी वसूल करणे वाळी चोकी पर बैठ्ठे रा एz, तिसेरा नां लेवी थिया। यीशु जी ने उस जो बोल्या, ‘आ, अते मेरे पिच्छे चल।’

लेवी रा सद्देया जाणा

²⁷ एह् सुणदे ई लेवी खड़ा होई गेया ते सब कम्म छड्ड़ी करी यीशु जी रा चेल्ला बणी गेया। ²⁸ फिरी लेवी ने अपणे घरे यीशु जी ताँई इक धाम रख्खी, अते तित्ते चुंगी लैणे वाळे ते होर बी मते मह्णु थिय्ये जेह्ड़े यीशु जी कने धाम खाया करदे थिय्ये। ²⁹ ताँ फरीसी ते यहूदी सास्त्री, यीशु जी रे चेल्लेयाँ कने सिकाइत करणा लगे, “तुसी यहूदी होई करी चुंगी लैणे वाळे ते पापी मह्णुआं कने किह्याँ खाणा-पीणा बेह्ई जान्दे?a ³⁰ यीशु जी ने तिन्हा जो जवाब दित्तेया, जिह्य्याँ मरीजाँ जो ई हकीम अते वैद्दां री जरुरत हुन्दी, ते जेह्ड़े भले-चन्गे हिन, तिन्हा जो नी, तिह्य्याँ ई पापी मह्णुआं जो ई पाप माफ कराणे री जरूरत है ना कि भले अते नेक मह्णुआं जो। ³¹ अपण, “मैं तिन्हा लोकाँ ताँई नी आया, जेह्ड़े कि भले अते नेक हिन, अपण पापियाँ जो तिन्हेरे पापां का तौबा कराणे ताँई तिन्हा जो सद्दणे तांई आये रा है।” ³² यहूदी सास्त्ररियां ने यीशु जी जो बोल्या, “युहन्ना ते फरीसियाँ रे चेल्ले प्राथना करदे अते व्रत्त बी रखदे। अपण तुसां रे चेल्ले ता हर बेल्ले खांदे-पिन्दे ई रैह्न्दे।”

बर्त पर सवाल

³³ यीशु जी ने तिन्हा जो बोल्या, “जिस बेल्ले ताँई नौआ लाड़ा ब्रातियाँ कन्ने हो, ब्राति भुख्खे नी रैह्न्दे। ³⁴ अपण इदेह् रोज बी आणे, जिन्हा अन्दर नौआ लाड़ा ब्रातियाँ का बखरा करी दित्तेया जाणा, ताँ तिन्हा रोज्जे ब्रातियाँ ने अप्पू ई ब्रत्त रखी लेया करणे।” ³⁵ यीशु जी ने तिन्हा जो इक होर उदारण दित्तेया, कोई बी मह्णु नोये कपड़े री टल्ली फाड़ी करी पुराणे कपड़े जो खरा करणे ताँई तिस बिच नी लान्दा, किजोकी जे कोई ईह्य्याँ करगा ता, से नोआ कपड़ा ता खराब होणा ई होणा, ते तिस नोये कपड़े री टल्ली ने पुराणे कपड़े कने कोई मेल बी नी खाणा। ³⁶ अते कोई बी मह्णु नोये दाखरस जो पुराणे खलड़ू अन्दर नी भरदा, निता नोये दाखरस ने तिस पुराणे खलड़ू जो फाड़ी दैणा अते दाखरस ने रुड़ी करी बाहर आई रैह्णा, ते खलड़ू बी कुस्की कम्मे रा नी रैह्णा। ³⁷ अपण नोये दाखरस जो नोये खलड़ूc अन्दर ई भरणा चहिंदा ³⁸ अते जिस मह्णु रे मुंहा पुराणे दाखरस रा सुआद लगी जाओ, तिस जो नोआ दाखरस खरा नी लगदा, किजोकी तिन्हा बोलणा, ‘पुराणा दाखरस खरा थिया।’ ” ³⁹ इक रोज ईह्य्याँ होया कि सब्त वाळे रोज्जे यीशु जी ते तिन्हेरे चेल्ले खेत्रां रस्ते का होई करी जाया करदे थिय्ये, अते से चेल्ले चलदे-चलदे कणकां रे दाणेयां जो तोड़ी-तोड़ी करी खाया करदे थिय्ये।

सब्त रा प्रभु

¹ तां फरीसियां ने तिन्हा जो जान्दे दिख्खेया अते से यीशु जी जो बोलणा लग्गे “तुसी इदेय कम्म किजो करेया करदे हिन, जेह्ड़ा कि परमेश्वर रे नियम रे साह्ब कने सब्त वाळे रोज्जे करणा ठीक नी है?” ² यीशु जी ने तिन्हा जो जवाब दित्तेया, “कै तुसां ने पवित्तर सास्तर बिच एह् नी पढ़ेया कि जां दाऊद अत्ते तिसेरे साथियां जो भूख्ख लग्गी ता उन्हा ने कै कित्तेया थिय्या? ³ से किह्याँ परमेश्वर रे मन्दिर अन्दर गे अत्ते परमेश्वर जो चढ़ाये री रोटियाँ जो तिनिए अते तिसेरे मित्रां ने खाया थिया, जिन्हा जो खाणे रा हक्क सिरफ पह्रोताँ जो ई थिया।” ⁴ अत्ते यीशु ने तिन्हा फरीसियाँ जो बोल्या, कि “मह्णु रा पुत्तर सब्त वाळे रोज्जे रा बी प्रभु ए।d” ⁵ इक बरी इह्य्यां होया कि कुस्की होर सब्त वाळे रोज्जे यीशु जी धर्म सभा अन्दर सिक्सा देया करदे थिय्ये, अत्ते तित्ते इक इदेह्या मह्णु बी थिया, जिसेरा सज्जा हत्थ सुक्के रा थिया।

सूक्के हात्थ वाळे मरीज जो ठीक करणा

⁶ फरीसी अते सास्त्री इस भाळ अन्दर बैठ्ठे रे थिय्ये कि यीशु जी सब्त वाळे रोज्जे तिस मह्णु जो खरा करदे कि नी, ताकि तिन्हा जो यीशु जी पर इल्जाम लगाणे रा मौका मिल्ली जाओ। ⁷ अपण यीशु जी तिन्हेरे मन री गल्ल जाणदे थिय्ये। इधेरे ताँई तिन्हा ने तिस सुक्के हत्था वाळे जो बोल्या, “उठ अत्ते मंझाट्टे खड़ीह् जा ।” अत्ते से मह्णु उठ्ठेया अत्ते मंझाट्टे खड़ा होई गेया। ⁸ यीशु जी ने तिन्हा सबनी जो, जे तित्ते बैठ्ठे रे थिय्ये, बोल्या, “मैं तुस्सां का पुछदा कि सब्त रे रोज्जे कुस्की रा भला करणा खरा ए, कि बुरा करणा, कुस्की री जान बचाणा खरा है, कि मरणे दैणा खरा ए?” ⁹ यीशु जी ने उन्हा सबनी पास्से दिख्खेया अत्ते तिस मह्णु जो बोल्या, “अपणा हत्थ अग्गे कर।” तिस मह्णु ने अपणा हत्थ अग्गे कित्ता अत्ते तिसेरा हत्थ पूरी तरह कने खरा होई गेया। ¹⁰ एह् दिख्खी करी, जे यीशु जी रे खलाफ़ थिय्ये, से लैहरिये अत्ते अपू-मिते एह् बोलणा लगे कि यीशु कने कै कित्तेया जाये? ¹¹ फिरी इक रोज यीशु जी प्राथना करणे ताँई पाह्ड़ जो निकळी गे अत्ते सारी रात प्राथना करदे रेह्।

बारा चेल्लेयां जो कम्म दैणा

¹² अगले रोज्जे भ्यागा तिन्हा ने अपणे सारे चेल्लेयाँ जो सद्देया अत्ते तिन्हा बिच का बारह जह्णेयाँ जो चुणी लेया अत्ते उन्हा जो ‘प्रेरित’ (यीशु मसीह के धर्म प्रचारक, समाचार प्रचारक) नां दित्तेया गेया, ¹³ तिन्हेरे नां एह् हिन: शमौन, जिस जो यीशु जी पतरस बी बोलदे थिय्ये, अत्ते तिसेरा भ्याळ अन्द्रियास, याकूब, यूहन्ना, फिलीप्पुस, बरतुलमै, ¹⁴ मत्ती, थोमा, हलफई रा पुत्तर याकूब, शमौन जेह्ड़ा कि जेलोतेस रे नां कने बी जाणेया जान्दा, ¹⁵ याकूब रा पुत्तर यहूदा, अत्ते यहूदा-इस्करियोती, एह् से चेल्ला थिया, जिनिए यीशु जी जो पकड़वाया थिया। ¹⁶ जिस बेल्ले यीशु जी पाह्ड़ का उतरी करी पद्धरी जगह बिच आई करी खड़े होये तां तित्ते तिन्हेरे चेल्ले अत्ते यहूदिया, यरूशलेम, सूर अते सैदा रे समुन्द्री इलाकेयाँ का आये रे मते मह्णु तित्ते आई खड़े होये।

लोक्कां जो सखाणा ते ठीक करणा

¹⁷ एह् सब यीशु जी री सिक्सा सुनणे ताँई अत्ते अपणी-अपणी बमारियाँ का खरा होणे ताँई आये रे थिय्ये। यीशु जी ने तित्ते बड़े मह्णुआं बिच का बुरी आत्मां जो कड्डेया। ¹⁸ सब मह्णु तिन्हा जो छुणा चाह्न्दे थिय्ये किजोकि तिन्हेरे बिच का सक्ति निकळी करी मह्णुआं जो खरा करदी थी। ¹⁹ ताँ यीशु जी अपणे चेल्लेयां पास्से दिख्खी करी बोलणा लग्गे, तुसी धन्न हिन्न, जे मन रे खरे हिन, किजोकि परमेश्वर इदेये ई मह्णुआं पर राज करदे।

आशिर्वाद ते शाप रे वचन

²⁰ धन्न हिन तुसी, जे अब्बे भुख्खे हिन, किजोकी तुसी रजाये जाणे। धन्न हिन तुसी, जे अब्बे रोन्दे हिन, किजोकी इह्देया बेल्ला बी आणा जाँ तुसी हसणा। ²¹ धन्न हिन तुसी, जे मह्णु रे पुत्तर री वजह कने लोक तुसां का नफरत करगे, अत्ते इस समाज का निकाळी दिह्न्गे, तुम्हारी बुराई करण अत्ते तुसां जो बुरा बणाई करी तुसां रा नां बरादरी का कटि दिह्न्गे। ²² तिस रोज तुसी खुसी मनायो, किजोकी स्वर्ग बिच तुसां तांई बड्डा ईनाम ए; किजोकि तुसां कने ईह्य्याँ करणे वाळे मह्णुआं रे बब्ब-दाद्दे बी, भविस्यवाणी करणे वाळेयाँ कन्ने ईह्य्याँ ई करदे थिय्ये। ²³ अपण, “हाये तिन्हा मह्णुआं पर, जे अज बड़े अमीर हिन, किजोकी से अपणा सुख-चैन लेया करदे हिन। ²⁴ हाये तिन्हा पर जे अब्बे रज्जे रे हिन, किजोकि तिन्हेरा भूख्खे रैह्णे रा बेल्ला बी आणा। हाय तिन्हा पर, जे अज्ज हसदे हिन, किजोकी इदेह्या बेल्ला बी आणा जां तिन्हा ने रोणा अत्ते दुखी होणा। ²⁵ हाये तुसां पर जां सब मह्णु तुम्हारी बड़ी तरीफां करन, किजोकी तिन्हेरे बब्ब-दाद्दे बी झूठे-भविस्यवाणी करणे वाळेयाँ री ईह्य्याँ ई बड़ाई करदे थिय्ये।” ²⁶ अपण मैं तुसां सबनी सुनणे वाळेयां जो बोलदा, कि तुसी अपणे दुस्मणां कने बी प्यार कने रेह्या करो; जे तुसां कने नफरत करदे, तिन्हेरा भला करो।

दुस्मणा कने प्यार

²⁷ जे मह्णु तुसां जो बद-दुआ देंन, तिन्हा जो तुसी असीस देया करो, जे तुसां री बुराई करदे, तिन्हेरे ताँई प्राथना करेया करो। ²⁸ जे तुसां री खाड्डी रे इक पास्से चन्ड्ड मारो, ता तिसेरे अग्गे दूजी खाड्डी बी करी देयो; ते जे कोई तुसां का तुम्हारा सोल खुस्सी लेयो, तिस जो अपणी कमीज बी लैणा देयो। ²⁹ जे कोई तुसां का किच्छ बी मन्गे तिस दो, अत्ते जिनिए तुम्हारी कोई चीज लित्ते री ए ता उसका मंगो मत। ³⁰ जिह्य्याँ तुसी चाह्न्दे कि मह्णु तुम्हारे कने करो, तिह्य्यां ई तुसी बी तिन्हा कने करो।” ³¹ जे तुसी अपणे प्यार करणे वाळेयाँ कन्ने ई प्यार कने रैह्न्गे ता इस अन्दर कुण देह्ई बड्डी गल्ल ए? किजोकी पापी मह्णु बी ता ईह्य्याँ ई करदे। ³² जे तुसी अपणे भला करणे वाळेयां कन्ने ई भलाई करगे, ता इस अन्दर कुण देह्ई बड्डी गल्ल है? किजोकी पापी मह्णु बी ता ईह्य्याँ ई करदे। ³³ तुसी कुस्की जो उधार देई करी तिस का लैणे री भाळ रखदे ता इस बिच तुम्हारी कै बड़याई ए। किजोकी पापी मह्णु बी ता ईह्य्याँ ई चाँह्दे कि जितणा दित्तेया, तितणा ई वापस हटि आओ। ³⁴ अपण तुसी अपणे दुस्मणां कने बी प्यार करो, अत्ते भलाई करो, ते जे कुस्की जो उधार दित्ते रा हो, ता फिरी दुबारा वापस लैणे री भाळ मत करो। इह्य्यां करगे ता परमेश्वर रे पास्से का तुस्सां जो स्वर्ग बिच इक बड्डा ईनाम मिलणा, ते तुसी परम-परमेश्वर रे पुत्तर होई जाणा, किजोकी परमेश्वर ता इतणे दरदेयाळू हिन, कि से तिन्हा मह्णुआं पर बी, जे परमेश्वर रा सुकर नी करदे अते बुरे हिन, अपणी किरपा दृष्टि बणाई रखदे। ³⁵ जदेह्या तुम्हारा स्वर्ग अन्दर रैह्णे वाळा पिता दरदेयाळू ए, तिह्य्याँ ई तुसी बी दरदेयाळू बणो। ³⁶ कुस्की पर इल्जाम मत लाओ, ताकि न्याय रे बेल्ले तुसां पर बी इल्जाम नी लगाये जाये। दुज्जेयाँ जो कसुरवार मत समझो, ताकि तुसी बी कसुरवार नी समझे जाओ। अपण, दुज्जेयाँ जो माफ करी देया करो, ताँ तुसां जो बी माफ कित्ता जाणा।

इल्जाम मत लाओ

³⁷ दुज्जेयाँ जो देया करो, ताँ तुसां जो बी दित्तेया जाणा। मह्णुआं ने पूरा नापी करी अत्ते जिक्की-जिक्की करी ते हिलाई-हिलाई करी अते उछळदा-उछळदा तुसां री खोख्खा बिच पाणां, किजोकी जिस नाप कने तुसी नापदे, तिस्सी नाप कने तुसां ताँई बी नाप्पेया जाणा” ³⁸ फिरी यीशु जी ने तिन्हा जो इक उदारण दित्तेया, “कै इक अह्न्ना दुजे अह्न्ने जो रस्ता दस्सी सकदा? जे दस्गा ता कै तिन्हा दोनां ने गत्ता बिच नी पैणा? ³⁹ चेल्ला अपणे गुरु का बड्ड़ा नी होई सकदा अपण हाँ, जे सब किच्छ सीख्खी लिन्दा, सेह्ई अपणे गुरु साह्ई होई सकदा। ⁴⁰ तेरा सारा ध्यान अपणे भ्याळे री हाख्खी रे कण पर ए, अपण अपणी हाख्खी बिच पेरे कण रा कोई पता नी ए? ⁴¹ जे तू अपणी हाख्खी रा कण नी दिख्खी सकदा, ता अपणे भ्याळ जो किह्याँ बोल्ली सकदा, ‘ओ भाई, ठैह्री जा मैं तेरी हाख्खी रा कण कड्डी दिन्दा? ओ कपटी, पैल्ले तू अपणी हाख्खी रे कण जो ता कड्डी लै, ताँह्ई जे कण तेरे भ्याळे री हाख्खी अन्दर ए, तिस जो तू ठीक तरिके कने दिख्खी करी कड्डी सकगा।” ⁴² किजोकि कोई बी खरा बूट्टा नी जिस बिच बुरे फळ लगदे हो, अते ना कोई बुरा बूट्टा ए जिस बिच खरा फळ लगदा हो।

जदेया बुट्टा तैसा इ फळ

⁴³ हर इक बुट्टा अपणे फळां रे जरिये ई पछियाणेया जान्दा; किजोकी मह्णु कन्डे वाळी झिल्लाँ का अंजीर अत्ते ना ई ते झड़बेरी का अंगूर खुन्ड़दे। ⁴⁴ खरा मह्णु अपणे खरे मन का खरी गल्लां ई कडदा, ते बुरा मह्णु अपणे बुरे मन का बुरी गल्लां ई कडदा; किजोकी जिन्हा गल्लां कने तिसेरा मन भरितेरा हून्दा, तिन्हा ई गल्लां जो मूंह् पर लियान्दा। ⁴⁵ फिरी यीशु जी ने बोल्या, “तुसी मिन्जो “हे प्रभू जी, ‘हे प्रभू जी, किजो बोल्दे रैह्न्दे, जनकि तुसी मेरी गल्लां जो मनणे ताँई त्यार नी हिन?

घर बनाणे वाळे दो म्हणु

⁴⁶ हर इक जे मेरे का आई करी मेरी गल्लां जो सुणी करी तिन्हा पर चलदा, मैं तुसां जो दसदा कि से मह्णु कुसेरे साह्ई ए; ⁴⁷ से तिस मह्णु साह्ई ए, जिनिए अपणा घर डुग्गी नीय्याँ खणी करी पक्के पथ्थरां पर पाया अत्ते जाँ हड़ आया ते तिसेरा पाणी तिस घरा कने बज्या, ता से घर जो हिलाई बी नी सकेया; किजोकी से बड़ा पक्का बणे रा थिया। ⁴⁸ अपण जे मह्णु मेरी गल्लां जो सुणी करी तिन्हा पर नी चलदा , से तिस मह्णु साह्ई ए, जिनिए नीय्याँ बणाये बगैर ई मिट्टि पर घर पाया अते जाँ हड़ आया अत्ते तिसेरा पाणी घर कने बज्या, अते से ढेई पेया ते पूरी तरह कने तबाह होई गेया।।” ⁴⁹ जाँ यीशु जी एह सारी गल्लां करी बैठ्ठे, ताँ से कफरनहूम सैर जो वापस हटि गे।

इक्क सूबेदार रा विस्वास

¹ तित्ते इक सुब्बेदार+ 7.1 सुब्बेदार 100 सिपाहियों का साह्ब थिया, अते तिसेरा इक नोकर थिया, जेड़ा की तिस जो बड़ा प्यारा थिया। से बिमारी री वजाह् कने मरणे जो होई गेरा थिया। ² तिस्स सूबेदार ने यीशु जी रे बारे अन्दर बड़ी गल्लाँ सुणेरी थियाँ, इधेरे ताँई तिन्ने किछ्छ यहूदियाँ रे मन्त्री मणुआँ (जोकि उसके साथ होते थे) जो यीशु जी का भेज्जेया, कि से आई करी तिसेरे नोकर जो ठीक करी देन। ³ ताँ से यीशु जी का जाई करी तिन्हेरे छंदे करदे, कि तुसी म्हारे कन्ने सूबेदार रे नोकर जो ठीक करणा चलो। ⁴ किजोकी से सूबेदार, असाँ यहूदीयाँ कने बड़ी दा-पीड़ रखदा, अते तिन्ने ई म्हारे ताँई धर्म सभा जो बणवाए दा है।" ⁵ यीशु जी तिन्हा कन्ने चली पे, अते जिस बेल्ले सुब्बेदार ने यीशु जी जो आन्दे दिखेया, तां तिन्ने अपणे मित्तरां का एह गलाई भेजया, कि "ओ प्रभु जी, तुसी मेरे घरे आणे री तकलीफ मत करो, किजोकी मैं इस जोग्गा नी है, कि तुसी मेरे घरे आनo, ⁶ अते इस ई वजाह् कने मैं अप्पु जो इस जोग्गा नी समझेया, कि तुसां रे नेड़े बी आई सकां। इधेरे ताँई तुसी जित्ते हिन, तित्ते का ई अपणे मुँह् का बोल्ली देयो कि मेरा नोकर ठीक होई जाओ, ता तिन्ने ठीक होई जाणा। ⁷ किजोकी, मैं बी कुस्की रे हेठा कम्म करणे वाळा मणु है, अते किछ्छ सपाई मेरे बी हेठ कम्म करदे। अगर तिन्हा जो मैं कुदखी जाणे ताँई बोल्दा, तां से जान्दे; आणे ताँई बोल्दा, तां से आन्दे। अते अगर मैं अपणे नोकर जो बोल्दा, कि ’एह कम्म कर’, या ’से कम्म कर’, तां से तिह्याँ ई करदे।" ⁸ एह सुणी करी यीशु जी हरान होई गे, अते तिन्हा ने अपणे पिछ्छे आणे वाळे मणुआँ जो बोल्लेया कि, ’इस गैर-यहूदी मणु साँई भरोसा ता मैं कदी इस्त्राएली मणुआँ अन्दर बी नि दिख्खेया।’ ⁹ फिरी जेड़े मणु तिस सुब्बेदार ने भेज्जे रे थिये, से घरे जो हटी आए अते तिन्हा दिख्खेया कि से बुमार नोकर, जे मरणे जो होई गेरा थिया, से बिल्कुल ठीक होई गेरा थिया। ¹⁰ थोड़े रोज्जाँ बाद, यीशु जी नाईन नां रे ग्राँ जो जाया करदे थिये, अते तिन्हेरे कन्ने मते जणे मणु अते तिन्हेरे चेल्ले बी थिये।

इक्क विधवा रे पुत्तर जो जिन्दा करणा

¹¹ जाँ से तिस ग्राँ रे दुआर का पुजे, ता किछ्छ मणु इक मुर्दे जो दबाणे ताँई तिस ग्राँ का बाह्र लेई चले रे थिये। मरणे वाळा जे थिया, से अपणी अम्माँ रा इक लौता मुन्डा थिया, अते तिसेरी माँ बिधवा थी। ¹² एह दिख्खी करी, प्रभू जी (यीशु जी) रा मन रैह्म कने भरी गेया, अते तिन्हा ने तिस्स बिधवा जो बोल्लेया, "मत रोआँ।" ¹³ अते से तिस अर्थी का गे अते जाई करी तिस अर्थी जो छुतेया। जिन्हा ने अर्थी चुक्केरी थी, से रुकी गे। तां यीशु जी ने बोल्लेया "ओ जुआन, मैं तिज्जो बोल्दा कि उठी जा"! ¹⁴ तां तिस मुर्दे बिच प्राण आई गे, अते से उठ्ठी करी बेई गेया, अते अपणे अरे-परे खड़ित्तेरे मणुआँ कने गल्ल-बात करणा लगी पेया! यीशु जी ने तिस जो तिसेरी माँ का देई दित्ता। ¹⁵ एह दिख्खी करी मणु डरी गे, अते परमेश्वर री बड़ाई करदे-करदे बोल्णा लगे कि, "एह कोई बड्डा भविस्यवक्ता* ई होई सकदा; अते परमेश्वर ने अपणे भक्ताँ पर बड़ी दया कित्ती" है। ¹⁶ तिस रोज जे होया थिया, तिसेरी खाप्प यहूदिया अते अरे-परे दे सबनी देसाँ बिच फैल्ली गेई। ¹⁷ एह जे किछ बी होया थिया, इन्हा सबनी गल्लाँ रे बारे अन्दर यहून्ना जो तिसेरे चेल्लेयाँ ने खबर देई दित्ती।

यूहन्ना बपतिस्मा दैणे वाळे रा सवाल

¹⁸ ताँ यहून्ना ने अपणे दो चेल्लयाँ जो यीशु जी का एह पूछणे ताँई भेज्जेया, "कि जिस मसीह जो अस्सी भाळदे हिन, से तुसी ई हिन, कि से कोई होर है"? ¹⁹ ताँ से चेल्ले यीशु जी का गे अते तिन्हा जो बोल्णा लगे कि, "असां जो यहून्ना बपतिस्मा* दैणे लाळे ने एह पूछणे ताँई भेज्जेया, कि जिस मसीहा जो अस्सी भाळदे हिन, से तुसी ई हिन कि कोई होर हिन"? ²⁰ ताँ यीशु जी ने तिन्हेरे ई सामणे मते जणेयाँ जो बुमारियाँ का अते तकलीफाँ, अते बुरी आत्मां का छुड़ाया, अते मते जणे अह्न्ने मणुआँ जो लौ दित्ती; ²¹ फिरी यीशु जी ने युहन्ना रे चेल्लेयाँ जो बोल्लेया, "तुसां ने अब्बे जे किछ्छ बी दिख्खेया-सुणेया, एह जाई करी यहून्ना जो दस्सी देयो, ’कि अह्न्ने दिखदे हिन, लट्टे मणु हन्ड़दे- फिरदे हिन, कोढ़ी मणु सुच्चे होया करदे हिन, जे मणु टौणे थिये से सुणेया करदे हिन, मुरदे जिन्दे होया करदे हिन, अते गरीबां जो परमेश्वर रा बसेख* सुणाया जाया करदा है’। ²² फिरी यीशु जी ने बोल्लेया, "जे कोई मेरी गल्लां जो सच्च मन्नी करी, तिन्हा पर भरोसा करगा अते मिन्जो अपनाणे पर तिस जो कोई तकलीफ नी है, ता से मणु धन्न है।" ²³ जाँ यहून्ना रे चेल्ले चली गे, ताँ यीशु जी मणुआँ जो पुछणा लगे, "एह युहन्ना है कुण, जिस्सो दिखणा तुसी बणा अन्दर गे थिये? कै से हवा कने हिलि जाणे वाळे नळूp साँई इक कमजोर मणु है? ²⁴ कि तुसी एह सोची करी गे थिये कि, तित्ते कोई मैह्न्गे अते छैळ कपड़े पाणे वाळा मणु होणा? ता कै तुसी एह नी जाणदे कि जेड़े मैह्न्गे अते छैळ कपड़े पान्दे, से मज्जे कने अपणी कोठ्ठियाँ बिच रैह्न्दे, बणा बिच नी। ²⁵ ता फिरी तुसी कै दिखणा गे थिये? कुसकी भविस्यवक्ता जो? हां, मैं तुसां जो बोल्दा, कि से ता भविष्यवक्ता का बी बड्ड़ा है। ²⁶ यहून्ना सेह्ई दूत है, जिसेरे बारे अन्दर पवित्र सास्त्र बिच लिख्खितेरा है कि: "दिख्ख, मैं अपणे दूत जो तेरे अग्गे-अग्गे भेजदा, जिन्ने तेरे का पैल्ले जाई करी तेरे मणुआँ जो तेरे ताँई त्यार करणा है।" ²⁷ फिरी यीशु जी ने बोल्लेया, मैं तुसां जो बोल्दा, कि हल्ले ताँई ईदेया कोई मणु नी जम्मेया, जे यहून्ना का बधि करी हो। अपण, स्वर्ग अन्दर जेड़ा सबका छोटा है, से यहून्ना का बी बधि करी है। ²⁸ ताँ सब मणुआँ ने, इत्ते तक की चुंगी लेणे वाळेयाँ ने बी यहून्ना री सुणी करी यहून्ना का बपतिस्मा लित्तेया ते यह मन्नी लेया कि परमेश्वर रा रस्ता सह्ई है। ²⁹ अपण, फरीसियाँ अते व्यवस्यापकाँ*qने परमेश्वर री मर्जी जो सच्च नी मन्नी करी यहून्ना का बपतिस्मा लैणे का ठाक्की दित्तेया। ³⁰ यीशु जी ने मणुआँ जो फिरी पुछ्छेया कि, "मैं आज्ज रे जुग रे मणुआँ री बराबरी कुस्स कने कराँ? कि एह हिन कुस्स साँई? ³¹ किजोकि एह मणु ता तिन्हा बच्चेयाँ साँई हिन, जेड़े कि खेल-खेल बिच इक-दुज्जे री सिकाइता लान्दे, कि "असां ने तुसा ताँई पीपणी बजाई अपण तुसी नच्चे नी, असां ने तुसा ताँई रोणे वाळे गाणे गाए, अपण, तुसी रोए नी।’ ³² किजोकि यहून्ना बपतिस्मा दैणे वाऴा ना रोटी खान्दा अते ना ई दाखरस पिन्दा थियाr अपण तुसी बोल्दे हिन कि तिस्स बिच बुरी आत्मा है।" ³³ अते मैं, मणु रा पुत्तर; रोटी खान्दा अते दाखरास बी पीन्दा, तां तुसी मेरे बारे अन्दर बोल्दे, कि एह ता भुखांग है; अते चुंगी लैणे वाळे अते पाप्पी मणुआँ कन्ने रैह्न्दा। ³⁴ अपण परमेश्वर दे वचन रे साह्ब कने चलणे वाळे मणु ई सच्चे साबित हुन्दे।" ³⁵ इक फरीसी मणु ने यीशु जी रे छन्दे कित्ते कि, मेरे घरे रोटी खाणे ताँई चलो; अते तिस फरीसी री गल्ल मन्नी करी यीशु जी तिसेरे घरे आए अते रोटी खाणा बेई गे।

फरीसी रे घरे इक्क पापण जनानी जो माफ करणा

³⁶ जाँ तिस ग्राँ री इक पापण जनानी जो पता लग्गेया, कि यीशु जी फरीसी रे घरे रोटी खाणे ताँई आए दे हिन, ताँ से इक संगमरमर री प्रात अन्दर खुश्बू वाळा तेल लेई आई। ³⁷ अते अपणे गोडे रे भारे बेई करी रोणा लगी। अते हाख्खी का फुए यीशु जी रे पैरां पर पैणा लगे। अते से यीशु जी रे पैरां जो अपणे बाळां कने पुन्झणा लगी अते तिन्हा जो घड़ी-घड़ी चुम्मी करी तिस पर से खुश्बू वाळा तेल मलणा लगी। ³⁸ एह दिख्खी करी, से फरीसी जिन्ने यीशु जी जो सद्देरा थिया, अपणे मन अन्दर सोच्णा लगेया कि, " अगर यीशु जी सच्चे भविस्यवक्ता हुन्दे ता इन्हा जो एह पता लगी जाणा थिया कि इन्हा जो छूणे वाळी एह जनानी कुण है अते कदेई है, किजोकी एह ता पापण है"। ³⁹ अपण यीशु जी जो तिस फरीसी रे मन री गल्ल जाणी गे, अते तिन्हा ने तिस जो जवाब दित्ता, "ओ शमौन (यह शमौन यीशु जी का शिष्य नही है), मैं तेरे कने इक गल्ल लाणी", ता से बोल्दा, "गुरु जी बोल्लो"। ⁴⁰ कुसकी सेठे रे दो दैण-दार थिये, तिन्हा बिच का इक जणे ने पाँज्ज-सौ कने दुज्जे ने पंज्जाह् चाँदी रे सिक्के*s हटाणे थिये। ⁴¹ जाँ दोन्नो दैण-दार उधार वापस नी हटाई सके, ताँ तिस सेठ ने तिन्हा पर तरस कित्ता अते दोन्नी रा उधार माफ करी दित्ता; अवे तू बोल, कि तिन्हा बिच का कुन्ने तिस सेठ कने जादा दा-पीड़ रखणी? ⁴² फरीसी शमौन ने जवाब दित्ता, "जी! मेरे साह्ब कने ता, जिसेरी जादा उधारी माफ होई, तिन्ने जादा दा-पीड़ रखणी। यीशु जी ने तिस्स जो बोल्लेया, तैं ठीक सोच्चेया। ⁴³ फिरी यीशु जी तिस जनानी पास्से मुड़ी करी शमौन जो बोल्लेया, इस जनानी पास्से दिख्ख, जे अपणे गोड्डे रे भारे बैठ्ठी री है, मैं तेरे घरे आए दा है, अपण, तैं मेरे पैर धुआणें ताँई पाणी नी दित्ता, अते इन्ने ता मेरे पैर अपणे आंसुआँ कन्ने धोए अते अपणे बाळां कने पुंझे। ⁴⁴ तैं मिन्जो चूम्मेया बी नी, अपण जिस बेल्ले रा मैं आए दा है, इन्ने मेरे पैरां जो चूमणा बांद नी कित्तेया। ⁴⁵ तैं मेरे सरा पर तेल मळणा बी जरुरी नी समझेया; अपण इन्ने मेरे पैरां पर खुशबू वाळा तेल मळेया। ⁴⁶ इधेरे ताँई मैं तिज्जो बोल्दा, कि इसेरे पाप जेड़े कि मते थिये, से सब माफ होई गे, किजोकी इन्ने बड़ी दा-पीड़ रख्खी। अपण जिसेरे घाट्ट पाप माफ होए होन, से प्यार बी घाट्ट ई करदा। ⁴⁷ अते यीशु जी ने तिस जनानी जो बोल्लेया, "तेरे पाप माफ होई गे।" ⁴⁸ ताँ जेड़े मणु तिन्हा कन्ने रोटी खाणा बैठ्ठे रे थिये, से अपणे मनां अन्दर सोच्णा लगे कि, एह हुन्दा कुण, मणुआँ रे पाप्पां जो माफ करणे वाळा? ⁴⁹ अपण, यीशु जी ने तिस्स जनानी जो बोल्लेया, "तेरे भरोसे दी वजाह् कने तू बची गेई, अव्वे मजे कने घरे चलि जा।" ⁵⁰ इस का बाद यीशु जी मते सैहरां अत्ते ग्राँ बिच जाई-जाई करी परमेश्वर रे राज करणे री खुसखबरी जो सुणादे रेह्। अत्ते तिन्हा कन्ने तिन्हेरे बाराह् चेल्ले बी थिय्ये।

यीशु जी री शिष्या

¹ चेल्लेयाँ जो छड्डी करी यीशु जी कन्ने जनानियाँ बी थियाँ, जिन्हा जो यीशु जी ने बमारियाँ ते बुरी आत्मां का बचाये रा थिया। तिन्हा बिच का इक मरियम मगदलीनी नां री जनानी थी। यीशु जी ने तिस बिच का सत्त बुरी आत्मां कड्डी थियाँ। ² हेरोदेस राज्जे रे भंड़ारी, खुज़ा री लाड़ी, योअन्ना, अत्ते सुसन्नाह समेत होर बी मती सारी जनानियाँ थियाँ जेह्ड़ी कि अपणे पैसेयाँ कने यीशु जी ते तिन्हेरे चेल्लेयाँ रे सेवा-पाणी रा इंतजाम करदी थियाँ। ³ इक रोज ईह्य्याँ होया कि सैहरा का मते सारे मह्णु यीशु जी री गल्लां सुनणे जो इक जगह किठिह् गे ते यीशु जी ने तिन्हा जो इक उदारण देई करी बोलेया, कि

बी बाणे वाळे रा उदारण

⁴ इक बीह् बांणे वाळा अपणे खेत्रा अन्दर बीह् बाणा लगेया, अते बीह् बाँदे-बाँदे किच्छ बीह् सड़का रे कनारे पर पेई गे ते से पैरां हेठ आई गे, ते चिड़ू-पखेरूआँ ने से बीह् चुग्गी ले। ⁵ अते किच्छ सख्त मिट्टी पर पे, जिस बेल्ले से बद्धणा लगे ता तिन्हा बीआँ जो खरा-करी पाणी नी मिल्लेया अत्ते से सुकि गे। ⁶ किच्छ कंडेया वाळी झिल्लाँ बिच पे। अत्ते झिल्लाँ बी तिन्हा कने बद्धी पेई ते झिल्लां ने तिन्हा जो दब्बी दित्तेया। ⁷ होर किच्छ बीह् खरी मिट्टी पर पे अत्ते उगी करी से सौ गुणा फळे।” एह् बोल्ली करी यीशु जी ने जोरे-सणे बोल्या, “जिस का सुनणे तांई कन्न हिन से सुणी लेंन।” ⁸ ता यीशु जी रे चेल्ले ने उन्हा का पुच्छणा लग्गे कि इस उदारण रा कै मतलब थिया?

उदारण दसणे रा मकसद

⁹ अत्ते यीशु जी ने बोलेया, “परमेश्वर रे राज्य रे भेदां री गल्लां समझणे री समझ तुसां जो दित्ते री ए, अपण होरनी मह्णुआं जो एह् भेद समझणे ताँई उदारण दित्ते रे हिन, ताकि से दिख्खी करी बी दिख्खी ना सकन, ते से सुणी करी बी समझी ना सकन।” ¹⁰ इस उदारण रा मतलब एह् ए: बीह् परमेश्वर रा वचन ए।

बी बाणे वाळे उदारण रा मतलब

¹¹ जे बीह् रस्ते रे कनारे पे तिये से तिन्हा मह्णुआं साह्ई हिन, जे परमेश्वर रे वचनां जो सुणी ता लिन्दे अपण सैतान तिन्हेरे मना का वचन जो कड्डी लिन्दा ताकि से विस्वास नी करी सकन अते तिन्हेरा उद्धार नी होई सको। ¹² जे बीह् बट्टे वाळी, सख्त मिट्टी पर पे थिय्ये, से तिन्हा मह्णुआं साह्ई हुन्दे जेह्ड़े वचनां जो बड़े मजे कने सुणदे अत्ते तिन्हा पर चलणा बी लगी पैंदे, अपण वचन तिन्हेरे मना बिच पकड़ नी बणाई पांदा ते किच्छ बेल्ले ताँई से वचना पर विस्वास ता करदे अपण, जाँ परखिणे रा बेल्ला आन्दा ताँ तिन्हेरा विस्वास कमजोर होई जान्दा। ¹³ जे बीह् झिल्लां अन्दर पे थिय्ये, से तिन्हा मह्णुआं साह्ई हिन जे वचनां जो सुणी ता लिन्दे अपण जां से अपणे ई रस्ते चलदे ता दुनियावी फिकर, धन-दौलत, जिन्दगी रा सुख, इन्हा सब चीजाँ रे हेठ दबी जान्दे, ते इन्हा सब गल्लाँ कने से अपणे विस्वास अन्दर नी बद्धी पांदे। ¹⁴ अपण से बी जेह्ड़े जे छैळ मिट्टी पर पे थिय्ये, से तिन्हा मह्णुआं साह्ई हुन्दे, जेह्ड़े मन रे खरे अते नेक, ते सच्चे मन कने परमेश्वर रे वचन जो सुणी करी तिन्हा पर चलदे ते तिन्हेरे सबर री वजह कने ई से खरा फळ लियान्दे। ¹⁵ कोई बी दिय्ये जो बाळी करी भांडे हेठ नी रखदा, अत्ते ना ई मन्जे हेठ रखदा, अपण दीय्ये जो दीपदान पर रखदे ताकि अन्दर आणे वाळे जो लौ मिल्लो।

दिये रा उदारण

¹⁶ किजोकि इदेह्या किच्छ बी लुह्के रा नी ए जे सामणे नी आणा, अत्ते भेद किच्छ बी नी ए, जे जाणेया नी जाणा अत्ते लौ बिच सामणे नी आणा। ¹⁷ इधेरे ताँई ध्यान कने सुणो, जिस का वचना री समझ ए, तिस जो होर दित्ती जाणी अत्ते जिस का नी है, तिस का ता जे ए, से बी लेई लैणी।” ¹⁸ इक रोज यीशु जी री माँ अते तिन्हेरे भ्याळ तिन्हा कने मिलणे जो आये, अपण मह्णुआं री भीड़ इतणी जादा थी कि से तिन्हा का पुज्जी नी सके।

यीशु जी री माँ ते भाई

¹⁹ फिरी कुस्की ने तिन्हा जो बोल्या, “तुसां री माँ अते भ्याळ बाहर खड़ितेरे हिन। से तुम्हारे कने मिलणा चाह्न्देे हिन।” ²⁰ यीशु जी ने बोल्या, “मेरी मां अते भ्याळ ता एह् हिन जे परमेश्वर रे वचन जो सुणदे अत्ते तिन्हा पर चलदे।” ²¹ इक रोज इय्यां होया कि यीशु जी अपणे चेल्लेयां कने किस्ती पर चढ़े अते तिन्हा जो बोलेया, “चलो, असी झील रे पार चलदे।” ता तिन्हा किस्ती खोली अते चली पे।

तुफान जो सांत करणा

²² जां से किस्ती चलाया करदे थिय्ये ता यीशु जी सोई गे ते तिस्सी बेल्ले झील अन्दर बड़ी भरी हनेरी चली। तिन्हेरी किस्ती अन्दर पाणी भरीणा लगी पेया अत्ते तिन्हेरी जान पर आई पेई। ²³ फिरी चेल्लेयाँ ने यीशु जी जो जगाई करी बोल्या, “मालक, ओ मालक, असा ड़ुब्बी जाणा!” तिस्सी बेल्ले यीशु जी उठ्‌ठे अत्ते तिन्हा हनेरी अत्ते पाणी री छल्हार जो झिड़केया अते से रुकी गेई,ते तित्ते सब किच्छ साँन्त होई गेया। ²⁴ फिरी यीशु जी ने तिन्हा का पुछ्छेया, “कुते गेया तुम्हारा विस्वास?” अपण चेल्ले डरे रे थिय्ये अत्ते हरान बी थिय्ये, से अपु-मिते बोलणा लगे, “एह् आखर है कुण, जे हनेरी अत्ते पाणी जो हुक्म दिन्दा ते से बी इसेरे हुक्मां जो झट्ट मन्नी लिन्दे हिन।” ²⁵ फिरी से गिरासेनिया इलाके अन्दर गे, जे गलील झील रे सामणे थिया।

बुरी आत्मा रे सताए म्हणु जो ठीक करणा

²⁶ तित्ते तिन्हा जो इक मह्णु मिल्लेया जिस बिच बुरी आत्मां थियाँ। से बड़े रोज्जाँ का ना ता कपड़े पांदा थिया अत्ते ना ई घरा अन्दर रेह्या करदा थिय्या बल्कि से कबरस्तान अन्दर रेह्या करदा थिया। ²⁷ जाँ तिनिए यीशु जी जो दिख्खेया ता से चिन्ड़ मारी करी तिन्हेरे मुहाग्गर आई करी पेई गेया ते तिन्हेरे छन्दे करणा लगेया, “ओ परम-परमेश्वर रे पुत्तर, यीशु, तुसी मेरे का कै चाह्न्दे? मै छन्दे करदा तुसी मिन्जो तंग मत करो।” ²⁸ किजोकी यीशु जी ने तिन्हा बुरी आत्मां जो तिस मह्णु का निकळणे रा हुक्म देई दित्ते रा थिया। किजोकी से बुरी आत्मां तिस जो घड़ी-घड़ी तंग करदी थियाँ; जिस बेल्ले तिस मह्णु जो संगळाँ अत्ते रस्सियाँ कन्ने बह्न्ने रा हुन्दा थिया, ताँ से बुरी आत्मा तिन्हा संगळाँ ते रस्सियाँ जो तोड़ी करी, तिस जो बंजर-बियाबान पास्से दुड़ाँदी थियाँ। ²⁹ ता यीशु जी ने तिस जो पुछ्छेया, “तेरा नां कै ए?” ताँ बुरी आत्मां ने बोल्या, मेरा नाँ “सैना” ए। किजोकी तिस मह्णु बिच मती सारी बुरी आत्मां थियाँ। ³⁰ से यीशु जी रे छन्दे करेया करदी थियाँ कि असां जो नरक रे डुह्ग्गे गत्ता अन्दर जाणे रा हुक्म मत दिन्दे।” ³¹ तिस्सी जगह सूअराँ रा इक झुण्ड घा चरेया करदा थिया। तिन्हा ने छन्द्दे कित्ते कि असां जो इन्हा सुअराँ रे अन्दर जाणा देयो, ते यीशु जी ने तिन्हा जो सुअराँ अन्दर जाणा दित्तेया। ³² ताँ से बुरी आत्मां तिस मह्णु का निकळी करी तिन्हा सूअराँ अन्दर चली गेईयाँ ते से झुण्ड तिस ढ़लान का दौड़दा झील पर जाई पेया ते डूबी गेया। ³³ जाँ सूअराँ जो चराणे वाळेयाँ ने एह् दिख्खेया, ता तिन्हा दौड़ी करी सैहर अते ग्राँ बिच जाई करी सबनी जो एह् खबर सुणाई दित्ती। ³⁴ फिरी तित्ते रे मह्णु जे किच्छ होया थिया से दिखणे जो आये। से यीशु जी कने मिल्ले। अत्ते तिन्हा ने बुरी आत्मा वाळे मह्णु जो भला-चंगा कपड़े पाई करी यीशु जी रे पैरां का बैठ्ठे रा दिख्खेया, एह् दिख्खी करी से सब डरी गे। ³⁵ जिन्हा ने एह् सब हुन्दे दिख्खेया, तिन्हा ने होरनां जो बी दस्सेया कि जिस मह्णु अन्दर बुरी आत्मा थियाँ, से किह्याँ खरा होया। ³⁶ ते तित्ते जे किच्छ बी होया थिया तिस जो दिख्खी करी गिरासेन इलाके रे रैह्णे वाळे मह्णुआं ने यीशु जी रे छंदे कित्ते कि तुसी इत्ते का चली जाओ किजोकी एह् सब दिख्खी करी से सब ड़री गेरे थिय्ये। फिरी यीशु जी किस्ती पर चढ़ी करी झील रे दुज्जे पास्से हटि आये। ³⁷ जिस मह्णु रे बिच का बुरी आत्मां निकळी थी, से उन्हा कने चलणे तांई यीशु जी रे छंदे करणा लग्गेया। अपण यीशु जी ने एह् बोल्ली करी वापिस भेजेया कि, ³⁸ घरे जा अत्ते जे तेरे तांई परमेश्वर ने कित्तेया ए, तिस जो दस्स।” ता से जाईकरी, जे किच्छ यीशु जी ने तिस तांई कित्तेया, तिस जो अपणे सैहरा जाई करी मह्णुआं जो दस्सणे लग्गेया। ³⁹ जिस बेल्ले यीशु जी हटि करी आये ताँ मह्णुआं ने तिन्हेरा बड़ा सुआगत कित्ता, किजोकी से सब जह्णे यीशु जी जो भाळदे थिय्ये।

याईर री मरी री कुड़ी ते इक्क बमार जनानी

⁴⁰ उत्ते याईर नां रा इक मह्णु थिया जे तित्ते री धर्म सभा रा इक प्रधान थिया। से यीशु जी रे पैरा पेई गेया अते तिन्हा जो घरे चलणे तांई छन्दे करणा लगेया। ⁴¹ किजोकी तिसेरी बारह साले री कुड़ी थी, अत्ते से मरणे वाळी थी।” जाँ यीशु जी जाया करदे थिय्ये तां मह्णु इत्तणे थिय्ये कि तिन्हा पर आई पेया करदे थिय्ये। ⁴² तिन्हा मह्णुआं बिच इक इदेयी जनानी बी थी, जिस जो बारह सालाँ का खून चलणे री बमारी थी। तिस ने मती जगह इलाज कराया अत्ते जे तिस का थिय्या से सब खरचणे का बाद बी से खरी नी होई। ⁴³ तिस ने यीशु जी रे पिच्छे का आई करी तिन्हेरे कपड़े रा इक कनारा छुत्तेया, अते छुन्दे ई से तिस बारह साल पुराणी बमारी का बिल्कुल खरी होई गेई। ⁴⁴ यीशु जी ने तिस्सी बेल्ले पुछ्छेया, “से कुण ए जिन्ने मिन्जो छुत्तेया?” जां सब ने मन्हा कित्तेया, “ता पतरस ने बोल्या, “ओ मालक, तुसां कने बड़ी बड्ड़ी लोकाँ री भीड़ ए, सारे जह्णे तुसां पर आई पेया करदे हिन, अवे असी एह् किह्याँ पता लगाई सकदे कि तुसां जो कुस जह्णे ने छुतेया?” ⁴⁵ अपण यीशु जी ने बोल्या, “कुस्की न कुस्की ने ता मिन्जो जरूर छुतेया, किजोकी मेरे अन्दरा का सक्ति निकळी ए।” ⁴⁶ फिरी से जनानी समझी गेई कि अवे मैं होर जादा देर ताँई लुह्की नी सकदी, तां से घबराई करी अत्ते कम्दी-कम्दी यीशु जी रे पैरां पेई गेई ते तिस ने सबनी मह्णुआं जो दस्सेया कि मैं किजो यीशु जी जो छुत्तेया थिया अत्ते तिन्हा जो छुन्दे ई मैं किह्याँ खरी होई गेई। ⁴⁷ यीशु जी ने तिस जनानी रे विस्वास जो दिख्खी करी बोल्या, “ओ कुड़िए, तेरे विस्वास री वजह कने तेरा उद्धार होया, अवे अराम कने चली जा।” ⁴⁸ से हल्ले एह् बोल्या ई करदे थिय्ये कि यहूदी धर्म सभा रे प्रधान रे घरे का तित्ते कोई आया अत्ते तिस ने प्रधान जो बोलेया, “तेरी कुड़ी मरी गेई। इधेरे ताँई गुरू जी जो तकलीफ मत दिंदा।” ⁴⁹ अपण जां यीशु जी ने एह् सुणेया ता याईर जो बोल्या, “ बिल्कुल मत डर। सिरफ विस्वास रख्ख ता तिस ने बची जाणा।” ⁵⁰ घरे जाई करी यीशु जी ने पतरस, यूहन्ना, याकूब, अत्ते तिस कुड़ी रे माँ-प्यो जो अन्दर लेई गे ते होरसी कुस्की जो बी अन्दर नी आणा दित्तेया। ⁵¹ सब जह्णे तिस कुड़ी रे मरी जाणे पर रोया करदे थिय्ये, अपण यीशु जी ने तिन्हा जो बोल्या, “रोणा बंद करो; किजोकी एह् कुड़ी ता मरे री नी ए, बल्कि सुत्ते री ए।” ⁵² इस गल्ल पर तिन्हा मजाक उड़ाया। किजोकि से जाणदे थिय्ये कि कुड़ी मरी गेरी ए। ⁵³ अपण यीशु जी ने तिस कुड़ी रा हत्थ पकड़ेया अत्ते तिस जो बोल्या, “कुड़िए, उठी हो!” ⁵⁴ ता तिस्सी बेल्ले तिस कुड़ी रे प्राण फिरी हटि आये अत्ते से उठी होई। यीशु जी ने तिसेरे माँ-प्यो जो बोल्या, “इस जो खाणे ताँई किछ रोटी देई दयो।” ⁵⁵ तिसेरे माँ-प्यो हरान होई गे कि तिन्हेरी कुड़ी जिन्दी होई गेई, अपण यीशु जी ने तिन्हा जो बोल्या कि एह् सारी गल्लां कुस्की कने मत लान्दे। ⁵⁶ इक रोज यीशु जी ने अपणे खास बाराह् चेल्लेयाँ जो सद्देया, ते तिन्हा जो बमारियाँ जो खरा करणे ते सारी बुरी आत्मां जो कढणे रा हक दित्तेया।

बारा चेल्लेयां रा भेज्जेया जाणा

¹ ते तिन्हा जो परमेसवर रे राज करणे री खुसखबरी सारे मह्णुआं जो सुनाणे ते बमार मह्णुआं जो खरा करणे ताँई बाह्र भेज्जेया। ² यीशु जी ने तिन्हा जो बोल्या, कि “तुसां अपणे सफर अन्दर, ना कोई सोठी लैणी, ना झोळा, ना किच्छ खाणे ताँई, ना ई पैसे ते ना ई जादे कपडे। ³ ते तुसी जिस बी ग्राँ अन्दर जाँग्गे, तित्ते कुस्की इक घर अन्दर प्रोह्णे बणी करी रे, जाँ ताँई तुसी तिस ग्राँ का बाह्र नी आन्गे, ताँ ताँई तिस ई घरे रे। ⁴ जे तिस ग्राँ रे मह्णु तुसां रे बसेख जो नी मनगे, ता तित्ते का निकलदे बेल्ले अपणे पैरां री धूड़ झाड़ी आयो, ताकि ए तिन्हा पर गुवाई होई सको कि से अपणी कित्तेरी अप्पू भुगतन।” ⁵ ताँ से बाराह् चेल्ले तित्ते का निकळी करी ग्राँ-ग्राँ अन्दर जाई करी परमेश्वर रे राज करणे री खुसखबरी रे बारे अन्दर सुणांदे रे ते बमार मह्णुआं जो खरा करदे रे। ⁶ जाँ हेरोदेस राज्जे जो यीशु जी रे कम्मां रे बारे अन्दर पता लगेया, ता से सुणी करी बड़ा-भरी परेसान होई गेया। किजो कि केई मह्णु बोल्लदे थिय्ये, कि “ए यूहन्ना बपतिस्मा दैणे वाळा है, जेह्ड़ा कि मरी करी फिरी जिन्दा होई गेरा है ।”

हेरोदेस री उलझन

⁷ किच्छ मह्णु बोलदे थिय्ये, कि “ए एलिय्याह-भविस्यवक्ता है।” अते किच्छ मह्णु ता एह् बोल्या करदे थिय्ये, कि “एह् पुराणे बेल्ले रे भविस्यवक्तां बिच का कोई दुबारा जिन्दा होई गेरा है।” ⁸ अपण हेरोदेस राज्जे ने बोल्या, कि “यूहन्ना बपतिस्मा दैणे वाळे रा सर ता मैं ई कटाया थिया, ते अवे ए कुण है जिसेरे बारे अन्दर मैं एह् सब गल्लां सुणेया करदा है?” फिरी ता राजा हेरोदेस यीशु जी जो दिखणे ताँई पूरी कोसीस करणा लगेया । ⁹ जाँ बाराह् खास चेल्ले हटि आए, ताँ जे किच्छ तिन्हा ने कित्तेया थिया, से सब गल्लाँ यीशु जी जो दस्सियाँ; ते यीशु जी अपणे चेल्लेयाँ जो तित्ते का छामत-चारे बैतसैदा नां रे सैहर बिच लेई गे।

पाँज हजार म्हणुआं जो खुआणा

¹⁰ अपण मह्णुआं जो पता लगी गेया ते से बी तिन्हेरे पिच्छे चली पे। यीशु जी ने तिन्हेरा सुआगत कित्तेया; ते यीशु जी ने तिन्हा जो परमेश्वर रे राज करणे रे बारे अन्दर दस्सेया अते बमार मह्णुआं जो खरा कित्तेया। ¹¹ जिस बेल्ले साँझ होणा लगी ताँ चेल्लेयाँ ने यीशु जी जो आई करी बोल्या, इन्हा मह्णुआं जो नेड़े, कुस्की ग्राँ-पदरा अन्दर भेजी देयो, ताकि से तित्ते रेह्ई सकन ते अपु ताँई रोटी रा इन्तजाम करी सकन। किजो की एह् इलाका किल्ला-कलाचा है जित्ते रैह्णे-खाणे ताँई किच्छ बी नी है। ¹² यीशु जी ने अपणे चेल्लेयाँ जो बोल्या, “तुसी ई इन्हेरे ताँई रोटी रा इंतजाम करो।” तिन्हा ने बोल्या, कि “म्हारे का ता पंज रोटियाँ अते दो मछ्छियाँ रे सिवाए होर किच्छ बी नी है, अपण जे असी इन्हा ताँई रोटी खरीदी करी लेई आन, ताँ किछ जुगाड़ होई सकदा।” तित्ते लाई-पाई करी पंज हजा़र ता मड़द ई थिय्ये। ¹³ ताँ यीशु जी ने अपणे चेल्लेयाँ जो बोल्या, कि “इन्हा जो पंजाह्-पंजाह् करी के पान्द बिच बठाई देयो” ¹⁴ चेल्लेयाँ ने तिह्य्याँ ई कित्ता, ते सब मह्णु भुईय्याँ बैह्ई गे। ¹⁵ फिरी यीशु जी ने तिन्हा पंज रोटियाँ ते दो मछ्छियाँ जो हत्थां पर रख्खेया ते स्वर्ग पास्से दख्खी करी परमेश्वर रा सुकर कित्तेया ते फिरी तिन्हा रोटियाँ जो तोड़ी-तोड़ी करी मह्णुआं जो दैणे ताँई अपणे चेल्लेयाँ का दिन्दे गे। ¹⁶ जाँ सब जह्णे रज्जी करी खाई बैठ्ठे, ताँ बी चेल्लेयाँ ने बचेरी रोटियाँ रे बाराह् टोकरे भरी करी रख्खे। ¹⁷ इक रोज यीशु जी मह्णुआं का बखरे होई करी इक कह्ल्ली जगह बिच प्राथना करणे जो गे, ते तिन्हेरे सोग्गी चेल्ले बी थिय्ये, ताँ यीशु जी ने तिन्हा का पुछ्छेया, कि “मह्णु मेरे बारे अन्दर कै सोचदे कि मैं कुण है ?”

पतरस रा यीशु जी जो ‘मसीह’ मनणा

¹⁸ तिन्हा ने जवाब दित्तेया, कि “किच्छ मह्णु ‘यूहन्ना बपतिस्मा दैणे वाळा’ बोल्दे, किच्छ तुसां जो ‘एलिय्याह’ मन्दे, अते किच्छ बोल्दे, कि तुसी पुराणे बेल्ले रे भविस्वाणी करणे वाळेयाँ बिच का कोई इक हिन्, जेह्ड़ा कि जिन्दा होई गेरा है।” ¹⁹ यीशु जी ने अपणे चेल्लेयाँ का पुछ्छेया, “अपण तुसां जो कै लगदा, कि मैं कुण है ?” पतरस ने जवाब दित्तेया, कि “असी ता तुसां जो परमेश्वर रा भेज्जेरा मसीहा मन्दे।” ²⁰ ताँ यीशु जी ने तिन्हा जो समझाई करी बोल्या, कि “मेरे मसीहा होणे रे बारे अन्दर कुस्की जो जरा बी मत बोल्दे।” ²¹ फिरी यीशु जी ने अपणे चेल्लेयाँ जो बोल्या, कि एह् पक्की गल्ल है, कि “मह्णु रे पत्र ने बड़े दुख्ख सैह्णे हिन ते बड़े-बड़े व्यवस्थापक, बड्डे पुरोहित, अते यहूदी सास्त्रीयाँ ने तिस जो नकारी दैणा ते मरवाई दैणा, अपण तिनिए त्रीय्ये रोज्जे फिरी जिन्दे होई जाणा।”

अपणे मरणे रे बारे यीशु जी री भविष्यवाणी

²² फिरी यीशु जी ने तिन्हा सबनी जो बोल्या, “जे कोई मेरे पिच्छे चलणा चाह्न्दा, ता तिस जो अपणे आप जो नकारणा पैणा, ते तिस जो हर रोज अपणी सूळी जो चुकणा पैणा !

यीशु जी रे पिच्चे चलणे रा मतलब

²³ किजो कि, जे तुसी अपणी जान बचाणा चाह्न्गे, ता तुसां तिस जो नी बचाई सकणा। अपण जे कोई मेरे ताँई अपणी जान देई दिह्न्गा, सिरफ तिस जो ई सच्चा जीण मिलणा ²⁴ किजो कि इस बिच कुस्की मह्णु जो कै फायदा होणा कि से दुनियावी चीजाँ जो हासल करणे ताँई अपणी जान मुकाई देयो या सह्ई रस्ते का भटकी जाओ ? ²⁵ जे मह्णु मेरे का ते मेरी सिखाए री सिक्सा का मुकरगा; ता मैं, मह्णु रे पुत्र ने बी, जाँ अपणी, ते अपणे पिता-परमेश्वर री, ते स्वर्गदूताँ री, महिमा कने आणा, ता तिन्हा मह्णुआं जो बी पछियानणे का मुकरी जाणा । ²⁶ अपण मैं तुसां जो सच्चाई कने बोलदा, कि जे इत्ते खड़ेरे हिन्, तिन्हा बिच का किच्छ ईदेह् बी हिन्, जिन्हा तिस बेल्ले ताँई नी मरणा, जाँ ताँई से परमेश्वर जो मह्णुआं री जिन्दगी पर राज करदे अपणी हाख्खी कने नी दिख्खी लिन्दे।” ²⁷ इन्हा गल्लां रे कोई अठ्ठ रोज्जां बाद यीशु जी अपणे कन्ने पतरस, याकूब, ते यूहन्ना जो लेई करी प्राथना करणे ताँई इक पाह्ड़ पर गे।

यीशु जी रा बदलणा

²⁸ प्राथना करदे-करदे यीशु जी री रुप ई बदली गेया ते तिन्हेरे कपड़े लस्कदे-गाड़े चिट्टे रंग रे होई गे। ²⁹ ताँ तिस ई बेल्ले झपकदे ई, मूसा नबी ते एलिय्याह भविस्यवक्ता, तित्ते यीशु जी कने गल्लाँ करदे लिब्बे। ³⁰ ए सब अपणी महिमा अन्दर लिब्बे, ते से यीशु जी रे यरूशलेम अन्दर मरणे री गल्लाँ करेया करदे थिय्ये। ³¹ पतरस ते तिसेरे मित्रां जो बड़ी गैहरी निन्दर आई गेरी थी। जाँ तिन्हेरी निन्दर पूरी तराह् कने खुल्ली गेई ताँ, तिन्हा ने बी यीशु जी जो तिन्हेरी महिमा अन्दर मूसा नबी ते एल्लीयाह भविस्यवक्ता जो, यीशु जी कन्ने खड़िह्त्तेरा दिख्खेया। ³² जाँ मूसा नबी ते एलिय्याह भविस्यवक्ता तित्ते का जाणा लगे ताँ पतरस यीशु जी जो बोलणा लगेया, “ओ मालक, खरा होया जे असी ईत्ते हिन्, असां जो त्रै तम्बू बनाणा चाहिन्दे, इक तुसां ताँई, इक मूसा ताँई अते इक एलिय्याह ताँई।” हालांकि, पतरस जाणदा नी थिया कि से कै है बोलदा ? ³³ से हल्ले ए गल्ल करदा ई थिया, कि इक बद्दळ ने तिन्हा जो घेरी लेया ते से बड़े ड़री गे। ³⁴ ते से बद्दळ रे अन्दर ई थिय्ये, कि तिस बद्दळा बिच का अवाज आई, कि “एह् मेरा पुत्र है, जिस जो मैं चुणे रा है, इसेरी सुणेया करो।” ³⁵ जिह्य्याँ ई ए अवाज आणा बन्द होई, तिह्य्याँ ई सिरफ यीशु जी तित्ते कह्ल्ले खड़ेरे थिय्ये; ते चेल्लेयाँ ने जे किच्छ बी दिख्खेया थिया, इस बारे अन्दर तिन्हा रोज्जे कुस्की कन्ने कोई गल्ल नी लाई। ³⁶ दुए रोज्जे जाँ से पाह्ड़ का उतरे, ता बड़े भरी मह्णु यीशु जी का मिलणे ताँई आई पुज्जे।

बुरी आत्मा रे सताए मुडे जो ठीक करणा

³⁷ ते तिन्हा मह्णुआं बिच का इक मह्णु जोरे सणे बोल्ली पेया, “ओ गुरु जी, मैं तुसां रे छन्दे करदा, तुसी मेरे निक्के जो खरा करी के उस पर रैह्म करो; किजोकि एह् मेरा इक्कोई इक पुत्र है। ³⁸ मेरे निक्के जो इक बुरी आत्मा घड़ी-घड़ी पकड़दी ते फिरी ए इक्कदम चिन्ड़ा मारणा लगदा। से तिस जो इदेह्या मरोड़दी, कि तिसेरे मुंह् का झग्ग निकळी आन्दी ते से तिस जो बड़ा भरी मरोड़दी ते तिस जो बड़ी मुस्कल कने छड़दी। ³⁹ मैं तुसां रे चेल्लेयाँ जो अपणे निक्के का तिस बुरी आत्मा जो कढ़णे ताँई बोल्या थिया, अपण से तिह्य्याँ नी करी सके।” ⁴⁰ फिरी यीशु जी ने अपणे चेल्लेयाँ जो बोल्या, “ओ भरोसा नी करणे वाळे ते परमेश्वर रे रस्ते का भटकेरे मह्णुओं! मैं तुसां कन्ने कितणे करी रोज्जाँ ताँई रैह्न्गा; ते कधाड़ी ताँई तुसां री इदेह्ई गल्लाँ बरदास्त करदा रैह्न्गा ?” फिरी यीशु जी ने तिस मह्णु जो बोल्या, “अपणे निक्के जो इत्ते लेई आ।” ⁴¹ तिसेरा निक्का आया ई करदा थिया, कि बुरी आत्मा ने तिस जो पटकी करी भुईय्याँ सुटी दित्तेया ते तिस जो मरोड़णा लगी, अपण यीशु जी ने बुरी आत्मा जो झिड़केया ते तिस निक्के जो खरा करी के तिसेरे प्यो का देई दित्तेया। ⁴² ताँ सब मह्णु परमेश्वर रे चमत्कार जो दिख्खी करी हरान होई गे। यीशू जी रे चमत्कारी कम्मा जो दिख्खी करी सब मह्णु हरान थिय्ये। फिरी यीशु जी ने अपणे चेल्लेयाँ जो बोल्या, ⁴³ “तुसी मेरी गल्ल ध्यान कने सुणो,

अपणे मरणे रे बारे यीशु जी री दुइ भविष्यवाणी

किजो कि मह्णु रे पुत्तर कन्ने धोखा होणे वाळा है ते तिस जो तिसेरे दुसमणां रे हथ्थे पकड़वाई दित्तेया जाणा।” ⁴⁴ अपण एह् गल्ल चेल्लेयाँ रे पल्ले नी पेई, किजो कि इस गल्ल रा सह्ई मतलब तिन्हा का छुपी रेह्या ते चेल्ले यीशु जी का इस बारे अन्दर पूच्छणे का ड़रदे थिय्ये। ⁴⁵ फिरी चेल्लेयाँ रे बिच इस गल्लपर बैह्स होणा लगी पेई, कि तिन्हा बिच सबनी का बड्ड़ा कुण ह ?

सबका बड्डा कुण ?

⁴⁶ अपण यीशु जी ने तिन्हेरे मन री गल्ल जाणी लेई। इधेरे ताँई तिन्हा ने इक निक्के जो अपणे नेड़े खड़ा कित्ता। ⁴⁷ ते तिन्हा जो बोल्या, “जेह्ड़ा बी मेरे नां कने इस निक्के रा आदर करदा, से मेरा आदर करदा, ते जेह्ड़ा मेरा आदर करदा, से परमेश्वर रा आदर करदा, जिन्हा ने मिन्जो भेज्जे रा है, किजो कि जे तुसां बिच सबनी का छोटा है, सेह्ई सबनी का बड्ड़ा है।” ⁴⁸ फिरी यूहन्ना ने यीशु जी जो बोल्या, “मालक जी, असां ने इक मह्णु जो तुसां रे नां कने मह्णुआं बिच का बुरी आत्मा जो कढ़दे दिख्खेया, ते असां ने तिस जो एह् सब करणे का मन्हा कित्तेया, किजो कि से म्हारे बिच का इक नी थिया।”

जो खलाफ नी, से कन्ने है

⁴⁹ यीशु जी ने यूहन्ना जो बोल्या, “तिस जो ठाक्को मत; किजो कि जे म्हारे खलाफ नी है, से म्हारे पास्से ई है।” ⁵⁰ जाँ यीशु जी रा स्वर्ग अन्दर जाणे रा बेल्ला नेड़े आया करदा थिया, ताँ तिन्हा यरूशलेम जाणे री सोच्ची ते चली पे।

सामरियां रा यीशु जी रे खलाफ होणा

⁵¹ जाणे का पैह्ले यीशु जी ने सामरियाँ रे ग्राँ बिच अपणे चेल्लेयाँ का एह् बसेख भिजवाया कि म्हारे आणे ताँई इक जगह् त्यार करी रख्खो। ⁵² अपण, तिस ग्राँ रे मह्णुआं ने तिन्हा जो अपणे ग्राँ अन्दर आणे का साफ मन्हा करी दित्तेया ते तिन्हेरे चेल्लेयाँ जो वापस हटाई दित्तेया, किजो कि सामरी मह्णु जाणदे थिय्ये, कि तिन्हा ने यरूशलेम जो जाणा थिया। ⁵³ ए दिख्खी करी याकूब ते यूहन्ना ने यीशु जी जो बोल्या, “प्रभु जी, कै असी इन्हा मह्णुआं री इस हरकत ताँई अम्बरा का अग्ग सुट्टी करी इन्हा जो अग्गी कन्ने भस्म करी देंन ?” ⁵⁴ अपण यीशु जी ने अपणे चेल्लेयाँ जो झिड़केया ते बोल्या, “कै तुसां जो पता नी है, कि तुसी मेरे कन्ने हिन? मह्णु रा पुत्र मह्णुआं री जान लैणा नी है आए रा, अपण बचाणे ताँई आए रा है।” ⁵⁵ ते फिरी से कुस्की होरसी ग्राँ बिच चली गे। ⁵⁶ जाँ यीशु जी ते तिन्हेरे चेल्ले रस्ते पर चलेया करदे थिय्ये, ता इक मह्णु ने यीशु जी जो बोल्या, कि “ तुसां ने जित्ते जित्ते बी जाणा, मैं बी तुसां कन्ने जाया करणा।”

यीशु जी रा चेल्ला बनणे री किमत

⁵⁷ यीशु जी ने तिस जो बोल्या, “गीदड़ां जो रैह्णें ताँई कुड्डां ते चिडू-पखेरूआँ ताँई बसेरे हिन्, अपण मह्णु रे पुत्तर जो सर ढ़कणे ताँई बी कोई ठकाणा नी है।” ⁵⁸ यीशु जी ने कुस्की दुज्जे मह्णु जो बोल्या, “तू मेरा चेल्ला बणी जा।” अपण तिनिए जवाब दित्तेया, कि “ओ प्रभू जी, मेरा प्यो मरी गेरा है ते पैह्ले मिन्जो तिन्हा जो दबणे ताँई जाणा देयो।” ⁵⁹ यीशु जी ने तिस जो बोल्या, “मरणे वाळेयाँ जोa अपणे मुर्दे दबणा दे, कुस्की बी मरी गेरे मह्णु री परवा करणे रा कोई फायेदा नी है, किजो कि परमेश्वर रा वचन जिन्दे मह्णुआं ताँई है, इधेरे ताँई तेरा फर्ज एह् है कि तू मह्णुआं जो परमेश्वर रे राज करणे रे बारे अन्दर दस्स।” ⁶⁰ फिरी इक जह्णा होर बोलणा लगेया, कि “मैं बी तुम्हारा चेल्ला बनणा, अपण पैह्ले जाई करी अपणे घरेताँ जो बोल्ली करी आन्दा।” ⁶¹ यीशु जी ने तिस जो बोल्या, “इदेह्या कोई बी मह्णु, जे हळ पर हत्थ रखणे का बाद पिच्छे दिखदा, से परमेश्वर रे राज अन्दर रैह्णे जोग्गा नी है।” ⁶² इन्हा गल्लाँ रे होणे का बाद यीशु जी ने सत्तर चेल्ले होर चुणे ते फिरी जिस-जिस सैहरा ते जगह पर तिन्हा अप्पु जाणा थिया, तित्ते दो-दो करी के पैह्ले तिन्हा जो भेजेया।

सत्तर चेल्लेयां रा भेज्जेया जाणा

¹ यीशु जी ने तिन्हा सत्तर चेल्लेयाँ जो बोल्या, कि “स्वर्ग अन्दर ता मते मह्णु जाणा चाह्न्दे अपण तिन्हा जो स्वर्ग ताँई पुजणे रा रस्ता दसणे वाळे बड़े घाट हिन। इधेरे ताँई तुसी परमेश्वर का प्राथना करो, कि से इस कम्म जो करणे ताँई होर बी जादा मह्णुआं जो त्यार करन।” ² “चेता रखो, मैं तुसां जो छेलुआँ साह्ई, इदेह् मह्णुआं बिच भेजणा लगेया जे ब्राह्ग साह्ई dहिन। ³ इधेरे ताँई, तुसी जान्दे बेल्ले अपु कन्ने किछ बी मत लिन्दे, ना बटुआ, ना झोळा ते ना ता बूट; अते रस्ते अन्दर कुस्की रा हाल-चाल बी मत पुछदेe ⁴ तुसी जिस बी घर अन्दर ‍जाह्न्गे, तिस घर अन्दर रैह्णे वाळे मह्णुआं ताँई एह् प्राथना करेयो, कि ‘इन्हा मह्णुआं पर परमेश्वर री सान्ती बणी रेह्यो।’ ⁵ जे से मह्णु इस असीस जोग्गे हुन्गे ता से तिन्हा पर बणी रैह्णी; ते जे से इस जोग्गे नी होये ता से असीस तुसां का वापस हटी आणी। ⁶ तुसी मह्णुआं रे घरे-घरे मत फिरदे ते जिसेरे बी घरे जान्गे तित्ते ई टिक्की रेह्यो ते जे किच्छ बी से तुसां जो खाणे ताँई देंन, से ई खाओ किजोकि तुसी परमेश्वर रे कम्मा ताँई निकळे रे हिन ते इस पर तुसां रा हक्क बणदा। ⁷ जे कुस्की ग्राँ अन्दर जाई करी तित्ते रे मह्णु तुसां जो खुस्स होई करी किछ बी खुआंगे, से खुसी कने खाई लेयो। ⁸ तित्ते रे बमार मह्णुआं जो खरा करो ते तिन्हा जो बोल्लो, कि “परमेश्वर राज करणे ताँई तुसां रे नेड़े आई गेरा है।” ⁹ अपण, जे कुस्की ग्राँ रे मह्णु तुसां रे आणे पर खुस्स नी होन ता तिस जगह री सड़कां पर जाई करी बोल्या करो, ¹⁰ कि ‘तुसां रे ग्राँ री धूड़ जो असी तुम्हारे सामणे अपणे पैरां का झम्मी करी इत्ते का चली पे, अपण एह् गल्ल समझी लेयो, कि “परमेश्वर राज करणे ताँई तुसां रे नेड़े आई गेरा है।” ¹¹ यीशु जी ने तिन्हा चेल्लेयाँ जो बोल्या, कि “इस सैहर री हालत फैंसले वाळे रोज्जे सदोम देस का बी जादा खराब होणी है।” ¹² फिरी यीशु जी बोल्दे, ‘खुराजीन’h ते ‘बैतसैदा’ नां रे सैहरां बिच रैह्णे वाळे मह्णुआं ताँई बड़ा बुरा बेल्ला आणे वाळा है, किजोकी जिन्ने चमतकारी कम्म मैं इन्हा दो सैरां बिच जाई करी कित्ते, जे से ई कम्म मैं ‘सूर’ ते ‘सैदा’ नां रे ग्राँ बिच जाई करी करदा, जित्ते मूरतियाँ री पूजा करणे वाळे मह्णु रैह्न्दे, ता तिन्हा ने बी बोरे रे कपड़े बणाई करी ते अपु पर धूड़ मळी करी अपणे पाप मन्नी लेरे होणे थिय्ये।

विस्वास ना करणे वाळे शहरां पर धिक्कार

¹³ अपण परमेश्वर ने जधाड़ी फैंसला करणा, तधाड़ी सूर ते सैदा रे मह्णुआं री हालत तुसां का ता खरी ई होणी है, जेह्ड़े कि खुराजीन ते बैतसैदा अन्दर रैह्या करदे हिन।” ¹⁴ ते कफरनहूम रे मह्णुओ, कै तुसां जो स्वरगा अन्दर लेई जाया जाणा है? अपण ना, तुसां जो ता झिक्क नरक अन्दर सुट्टेया जाणा है।” ¹⁵ यीशु जी ने एह् बी बोल्या, कि “जेह्ड़ा मह्णु तुम्हारी गल्लां पर भरोसा करगा, इसेरा मतलब एह् होणा कि तिनिए मेरे पर बी भरोसा करी लेया, ते जेह्ड़ा तुसां जो नीच समझगा, तिनिए मिन्जो बी नीच ई समझणा है, ते जेह्ड़ा मिन्जो नीच समझगा, तिसेरा मतलब एह् होणा कि तिनिए मेरे भेजणे वाळे ‘परमेश्वर’ जो बी नीच ई समझेरा है।” ¹⁶ जिस बेल्ले से सत्तर चेल्ले वापस हटि करी आए ता यीशु जी जो बोलणा लगे, “ओ प्रभु जी, बुरी आत्मा बी तुसां रे नां कने असां रे हुक्मां जो मनेया करदी हिन।”

सत्तर चेल्लेयां रा वापस हटणा

¹⁷ इस गल्ल पर यीशु जी ने तिन्हा जो बोल्या, “मैं सैतान जो अम्बरा का बिजळी साह्ई भुइय्याँ पैंदे दिख्खेया। ¹⁸ दिख्खो, मैं ता तुसां जो कीड़े ते बिछ्‌छुआँ जो परेचणे रा, ते दुस्मण री सारी ताकत पर जीतणे रा हक्क दित्ते रा है; ते तुसां जो कुस्की बी चीज रा कोई नुकसान नी होणा। ¹⁹ फिरी बी इस गल्ल पर घमंड़ मत करदे, कि बुरी आत्मा तुम्हारा गलाया मन्दियाँ, अपण सिरफ इस गल्ले री खुसी मनाओ कि तुम्हारे नां स्वरग अन्दर लिखी दित्ते रे हिन।” ²⁰ तिस ई बेल्ले यीशु जी पवित्तर आत्मा बिच मघन होई करी बड़े खुस्स होये ते बोलणा लगे, “ओ मेरे पिता जी, तुसी स्वरग ते धरती रे प्रभू हिन, मैं तुम्हारा बड़ा सुकर करदा, कि तुसां ने इन्हा गल्लां जो उन्हा मह्णुआं का दूर रखेया जेह्ड़े अपु जो बड़े भरी ज्ञानी ते चलाक मन्दे, ते इन्हा बच्चेयाँ जो सेह्ई गल्लां दस्सी दित्तियाँ, हाँ, मेरे पिता जी, तुसां जो ईह्य्याँ करणा ई खरा लगेया।”

यीशु जी रा खुश होणा

²¹ फिरी यीशु जी ने तिन्हा चेल्लेयाँ जो बोल्या, “मेरे पिता जी ने मिन्जो सबनी चीज्जाँ पर हक्क दित्ते रा है; ते पिता ई जाणदे कि पुत्तर कुण है, ते पुत्तर जो छड्डी करी होर कोई नी जाणदा कि पिता कुण है, या तिन्हेरे जो छड्डी करी से जाणी सकदे जिस जो पुत्तर पिता रे बारे अन्दर दस्सणा चांह्दा।” ²² जिस बेल्ले तित्ते चेल्लेयाँ जो छड्ड़ी करी होर कोई बी नी थिया, ताँ यीशु जी ने तिन्हा जो बोल्या, “तुसी धन्न हिन कि एह् सब किछ जे होया करदा है, से अपणी हाख्खियाँ कन्ने दिख्खेया करदे हिन। ²³ किजोकी मैं तुसां जो बोल्ली दिन्दा, कि मते राज्जेयाँ ते भविस्यवाणी करणे वाळेयाँ ने एह् सब किछ जे तुसां ने दिख्खेया-सुणेया से दिखणा-सुनणा चाह्या अपण ना ता से दिख्खी सके ते ना ई सुणी सके।” ²⁴ फिरी इक व्यवस्थापक उठी होया ते यीशु जी जो परखणे ताँई सुआल पुछणा लगेया, कि “ओ गुरु जी, मिन्जो कै करणा चह्ईंदा कि मिन्जो हमेसा री जिन्दगी मिल्ली जाओ?”

खरे सामरी रा उदारण

²⁵ तिन्हा ने जवाब दित्तेया, कि “तैं व्यवस्था री कताब बिच कै है पढ़े रा कि जे कुस्की मह्णु जो हमेसा री जिन्दगी चाहिंदी हो ता कै करणा पैंदा?” ²⁶ से बोलणा लगेया, कि “तू परमेश्वर कने पूरे मन, पूरे प्राण ते सारी ताकत लाई करी ते अपणी सारी समझ कने प्यार करेयाँ, ते अपणे पड़ोसियाँ जो बी अपु बराबर प्यार करेयाँ।” ²⁷ यीशु जी ने बोल्या, “तैं ठीक जवाब दित्तेया; इतणा ई करेया कर, ता तिज्जो हमेसा री जिन्दगी मिली जाणी।” ²⁸ अपण, से मह्णु अपु जो बड़ा भला-माणस जताणा चाह्‍न्दा थिया, इधेरे ताँई से तिन्हा का फिरी पुछणा लगेया, “तुसी एह् दस्सो कि मेरा पड़ोसी कुण होया?” ²⁹ यीशु जी ने बोल्या, कि इक मह्णु ‘यरूशलेम’ का ‘यरीहो’ नां री इक जगह जो जाया करदा थिया, ते रस्ते अन्दर तिस जो डकैत मिल्ली पे ते तिन्हा ने तिसेरे कपड़े खुलाए ते तिस जो मारी-कुट्टि करी धाणस करी के रस्ते पर ई छड्ड़ी करी चली गे। ³⁰ ते ईह्य्याँ होया, कि तिस ई रस्ते का इक परोह्त जाया करदा थिया, अपण तिनिए तिस्जो तड़फदा दिख्खी करी दुज्जा रस्ता पकड़ी लेया ते तिस बचारे जो अण-दिख्खा करी दित्तेया। ³¹ फिरी ईह्य्याँ ई इक लेवीl मह्णु उत्ते आया ते से बी तिस जो अण-दिख्खा करी के चली गेया। ³² अपण इक सामरी मह्णुआ उत्ते का जाया करदा थिया, जाँ तिनिए उस बचारे अध-मरे मह्णु जो तड़फदे दिख्खेया, ता तिस जो उस पर बड़ा तरस आया। ³³ से तिसेरे नेड़े गेया ते तिनिए तिसेरे जखमां पर तेल ते दाखरसn लाई करी पट्टि बह्न्नी दित्ती ते अपणे खोत्ते पर बठाई करी रैण-बसेरे जो लेई गेया, ते तिसेरी सेवा कित्ती। ³⁴ दूए रोज्जे तिस सामरी मह्णु ने दो चांदी रे सिक्के रैण-बसेरे रे मालक जो दित्ते ते तिस जो बोल्या, कि ‘इसेरी दिख-रिख करदे रेह्याँ ते जे तेरा जादा खरचा होई जाह्न्गा ता से मैं हटदे बेल्ले आई करी तिज्जो देई दिह्न्गा’ ” ³⁵ फिरी यीशु जी ने तिस व्यवस्थापक का पुछ्छेया, कि “अवे तू दस कि इन्हा तिन्न जह्णेयाँ बिच का तिस धाणस मह्णु रा पड़ोसी कुण होया?” ³⁶ से बोलणा लगेया, “जिस सामरी मह्णु ने तिस पर तरस खाया थिया।” यीशु जी ने तिस्जो बोल्या, “जा ते अज्ज का बाद तू बी ईह्य्याँ ई करेयां।” ³⁷ जाँ यीशु जी ते तिन्हेरे चेले यरूशलेम पास्से जाया करदे थिय्ये ताँ से इक ग्राँ बिच पुज्जे, जित्ते मारथा नां री इक जनानी ने तिन्हेरा अपणे घरे सुआगत कित्ता।

मार्था ते मरियम रे घरे यीशु जी

³⁸ मारथा री इक भैण बी थी, जिसेरा नां मरियम थिया। से यीशु जी रे पैरां का बेह्ई करी तिन्हेरे वचन सुणेया करदी थी। ³⁹ अपण मारथा रोटी पकाणे री त्यारी जो लेई करी फिक्र अन्दर पेई गेई, से यीशु जी का आई ते बोलणा लगी, “ओ प्रभु जी, कै तुसां जो फिक्र नी है कि मेरी भैण ने सारा कम्म मेरे उपर पाई दित्ते रा है? इधेरे ताँई इस जो बोल्लो की मेरे कने हत्थ बटाए। ⁴⁰ अपण यीशु जी ने तिस जो बोल्या, “ओ मारथा, तू मती गल्लाँ रे बारे अन्दर फिकर करदी रैह्न्दी। ⁴¹ अपण इक इदेह्ई गल्ल है जिसेरी फिकर करणा जरूरी है, तिस पवित्तर हिस्से जो मरियम ने चुणी लित्ते रा है; ते एह् इस का कदी बी खुस्सेया नी जाणा।” ⁴² इक रोज यीशु जी इक जगह् पर प्राथना करेया करदे थिय्ये। जाँ से प्राथना करी बैठे ता तिन्हेरे चेल्लेयाँ बिच का इक ने तिन्हा जो बोल्या, “ओ प्रभू जी, जिह्य्याँ युहन्ना ने अपणे चेल्लेयाँ जो प्राथना करणा सखाए रा है, तुसी बी असां जो तिह्य्याँ ई सिखाओ।”

चेल्लेयां रा पर्आर्थना करणा सिखणा

¹ तिन्हा ने तिस जो बोलेया, “ठीक है, ता प्राथना करदे बेल्ले ईह्य्याँ बोल्या करो ओ म्हारे पिता जी, मह्णु तुसां रे नां जो पवित्र मन्या करन, तुम्हारा राज इस धरती पर आई जाओ। ² म्हारी रोज री रोटी असां जो देया करो, ³ ते म्हारे पापां जो तुसी माफ करी देयो, किजो कि, असी बी अपणे गुनेह्गाराँ जो माफ करदे, ते असां जो परखीह्णे का बचाई लेयो।’ ” ⁴ फिरी यीशु जी ने तिन्हा जो बोल्या, कि “ तुसां बिच का इदेह्या कुण है कि तिसेरा इक मित्र हो ते से तिसका धरात्ते पर आई करी एह् बोल्ली करी त्रै रोटियाँ मन्गो कि;

प्रार्थना रे बारे बिच यीशु जी री सीख

⁵ इक मह्णु, जेह्ड़ा जे मेरा मित्र है ते से सफर का मेरे का आया, ते तिस्जो खुआणे ताँई मेरे का अब्बे किछ बी नी है।’ ⁶ ते से अन्दर का जवाब देयो, कि ‘मिन्जो तंग मत करां; दुआर बन्द होई गेरा है, बछाणा अन्दर मेरे कन्ने मेरे निके-निके चैन कने सुत्तेरे हिन, इधेरे ताँई मैं अब्बे बाहर आई करी तिज्जो रोटीयाँ नी देई सकदा।’ ⁷ मैं तुसां जो बोल्ली दिन्दा, कि इक मित्तर होणे री वजह कने बसक्क से ना उठ्ठो, अपण तिसेरे घड़ी-घड़ी बगैर झिझक रे मंगणे पर से उट्ठी करी तिसेरी जरूरत रे हसाब्बे देई दिह्न्गा ? ⁸ ते मैं इधेरे ताँई मैं तुसां जो बोलदा कि तुसी मंगगे ता तुसां जो दित्तेया जाणा; तोपगे ता से मिल्णा; अते खटखटाँदे रैह्न्गे ता तुसां ताँई दुआर खोली दित्ते जाणे। ⁹ किजो कि जेह्ड़ा बी मह्णु मंगदा, तिस्जो दित्तेया जांदा; ते जेह्ड़ा तोपदा, तिस्जो मिली जान्दा, ते जेह्ड़ा खटखटाँदा, तिस मह्णु ताँई दुआर खुली जान्दे। ¹⁰ तुसां बिच का इदेह्या कुण प्यो हुँगा, जिसेरा पुत्र तिस का रोटी मंगो ता से तिस जो पथ्थर पकड़ाई देयो: या ता से मच्छी मंगो ता से कीड़ा पकड़ाई देयो ? ¹¹ या पुत्र आंड़ा मंगो ता तिस्जो बिच्चू देई देयो। ¹² बुरे मजाज रे मह्णु हुन्दे-सुन्दे बी तुसां जो पता है कि अपणे बच्चेयाँ जो खरी चीजाँ किह्याँ दित्ती जान्दी, ता अवे तुसी अप्पू सोच्चो कि म्हारा स्वरग अन्दर रैह्णे वाळा परमेश्वर अपणे मंगणे वाळेयां जो खुसी कने पवित्र आत्मा किजो नी दिह्न्गा।” ¹³ फिरी यीशु जी ने इक मह्णु बिच का बुरी आत्मा निकाळी जेह्ड़ी कि जह्ल्ली थी: जिस बेल्ले बुरी आत्मा तिस बिच का निकळी गेई ता से मह्णु गल्लाँ लगी पेया करणा; ते मह्णु दिख्खी करी हरान होई गे।

यीशु जी ते बालज़बूल

¹⁴ अपण तिन्हा बिच का मते जह्णे बोलणा लगे, कि “ए ता बुरी आत्मा रे राज्जे बालजबूलp रे नां कने इन्हा बुरी आत्मा जो कड़दा।” ¹⁵ अपण होर मह्णुआं ने तिन्हा जो परखणे ताँई तिन्हा का स्वर्ग री कोई नसाणी मंगी। ¹⁶ अपण यीशु जी तिन्हेरे मन री गल्ल जो समझी गे ते तिन्हा ने जवाब दित्तेया, जिस देस अन्दर फूट पेई गेरी हो, से उजड़ी जान्दा: ते जिस घर अन्दर कह्ळा हो पेई गेरी से कदी बी बसी नी सकदा। ¹⁷ ते अगर सैतान अपु जो नुकसान पुजाणा सुरु करी देयो, ता सैतान रे राज रा सत्यानास होई जाणा। तुसी जे मेरे पर इल्जाम लांदे कि मैं बालजबूल रे नां कने बुरी आत्मा जो कडदा, ¹⁸ ता जे ए गल्ल सच्ची है ता तुम्हारे चेल्ले कुसेरा नां लेई करी बुरी आत्मा जो कडदे? इधेरे ताँई तुसां अपणे मह्णुआं रे सामणे अपणी ई गल्लाँ अन्दर फसी जाणा। ¹⁹ अपण जे मैं परमेश्वर रा नां लेई करी बुरी आत्मा जो कडदा, ता तुसी ए समझी लेयो कि परमेश्वर तुसां रे बिच राज करणे ताँई आई गेरे हिन्। ²⁰ जाँ कोई ताकतवर मह्णु पूरी त्यारी कने अपणे घर री पैरेदारी करदा ता तिसेरा घर-बार बची रैह्न्दा। ²¹ अपण जिस बेल्ले कोई तिस का बी जादा ताकतवर मह्णु आई करी तिस पर हमला करी के तिस जो हराई देयो ता तिसेरे हथियाराँ जो जिन्हा पर तिस जो भरोसा थिया, खुस्सी करी तिसेरा घर-बार लुट्टि करी से सब किछ अपु-मिते बंड़ी लिन्दे। ²² जे मेरे पास्से नी है से मेरे खलाफ है, ते जे मेरे कन्ने नी बटोळदा, से बखेरी रखदा। ²³ जाँ कोई बुरी आत्मा कुस्की मह्णु बिच का निकळी जान्दी ता से अराम करणे ताँई सुक्की जगह् का होई करी जान्दी, ते जिस बेल्ले तिस जो अराम नी मिलदा ता से बोल्दी, ‘मैं अपणे पुराणे घरे जो दुबारा हटी जान्दी जित्ते का मैं आए री है।’

अधुरे सुधार री वजह कने मुसीबत

²⁴ ते हटी करी तिस जो से बड़ा साफ सुथरा ते अपणे लायक समझदी। ²⁵ होर ता होर, इस बेरी से अपु कन्ने सत्त होर बुरी आत्मां जो बी कन्ने लेई आँदी, अते तिस बिच वास करणा लगी पैन्दी ते तिसेरी हालत पैह्ले का बी जादा बुरी होई जान्दी।” ²⁶ जिस बेल्ले यीशु जी हल्ले ए सब गल्लाँ बोल्या ई करदे थिय्ये, कि मह्णुआं री भीड़ बिच का इक जनानी ने जोरे सणे बोल्या, कि “धन्न है से जनानी जिसा तुसां जो अपणे पेट्टा अन्दर रख्खेया ते धन्न है से जनानी जिसा तुसां जो अपणा दुध पियाया।

धन कुण है ?

²⁷ इस गल्ल पर यीशु जी ने बोल्या, “हां, अपण जादा धन्न से हिन् जेह्ड़े जे परमेश्वर रे वचनां जो ध्यान कने सुणदे ते तिन्हा पर चलदे बी। ²⁸ जिह्य्याँ जिह्य्याँ मह्णुआं री भीड़ बधणा लगी, ता यीशु जी तिन्हा जो बोलणा लगे कि इस जुग* रे मह्णु बड़े भरी बुरे हिन्, से नसानियाँ तोपदे रैह्न्दे; अपण इन्हा जो योना रे अलावा होर कोई बी नसानी नी मिलणी है।

स्वर्गीय निसानी री माँग

²⁹ जिह्य्याँ योना नीनवे रे मह्णुआं ताँई इक निसानी बणेया थिया, तिह्य्याँ ई मह्णु रे पुत्तर ने इस जमाने रे मह्णुआं ताँई निसानी बनणा। ³⁰ दक्षिण री राणीr ने इस जमाने रे मह्णुआं पर इल्जाम लगाणे ते तिन्हा जो गुनेह्गार साबित करणा, किजो कि से राजा सुलेमान री समजदारी वाळी गल्लाँ सुनणे ताँई धरती रे इक कुणे का आए थी, ते इत्ते ता कोई राजा सुलेमान का बी बड्डा है। ³¹ नीनवे रे मह्णुआं ने बी परमेश्वर रे हिसाब लैणे वाळे रोजे अज्ज रे जुग रे मह्णुआं पर इल्जाम लाणे, किजोकी उन्हा ने योना री गल्लाँ सुणी करी अपणे पाप का तौबा कित्ती थी, ते अवे ता योनाs का बी खास कोई इत्ते है। ³² कोई बी मह्णु दीय्या बाळी करी तिस जो लुह्काई करी या भान्डे अन्दर पाई करी नी रखदा, अपण उच्ची बखारी पर रखदा ताकि ईणे-जाणे वाळे जो लौ मिल्दी रेह्यो।

सरीर रा दीया

³³ मह्णु रे सरीर रा दीय्या तिन्हेरी हाख्खियाँ हिन्, इधेरे ताँई जे अगर तेरी हाख्खी साफ है ता तेरा पूरा सरीर बी लौ कने चमकदा होणा; अपण जे अगर से बुरी हिन् ता तेरा पूरा सरीर नह्यारा है। ³⁴ इधेरे ताँई ध्यान रेह्यो, कि तुसां रे अन्दर री लौ नह्यारा नी बणी जाओ। ³⁵ अपण जे तुम्हारा पूरा सरीर लौ कने चमकदा है, ते सरीर रा कोई बी हिस्सा निह्यारे बिच नी है ता से पूरी तरह् कने ईह्य्याँ लस्कणा मन्नो कोई दीय्या तुसां पर अपणी किरणां चमकाया करदा है।” ³⁶ जाँ यीशु जी ए गल्लाँ बोल्ली बैठ्ठे ता कुस्की फरीसी मह्णु ने तिन्हेरे छन्दे कित्ते, कि तुसी मेरे घरे रोटी खाओ, ते से अन्दर जाई करी रोटी खाणा बेह्ई गे।

शास्त्रि ते फरीसीयां जो फटकार

³⁷ जिस बेल्ले तिस फरीसी ने दिख्खेया कि यीशु जी ने रोटी खाणे का पैह्ले अपणे हत्थ नी धोये ता तिस जो बड़ी हरानी होई। ³⁸ ते इस गल्ल पर प्रभु जी ने तिस जो जवाब दित्तेया, ‘ओ फरीसियों, तुसी थाळी ते कटोरी जो ता उपरा-उपरा का माँजदे, अपण तुसी ई अन्दर का लालच अते बुराई कन्ने भरितेरी हिन्। ³⁹ ओ बेअक्कलो, जिनिए बाहरले हिस्से जो बणाया, कै से अन्दरले हिस्से जो नी बणान्दा? ⁴⁰ अपण जे तुसी अन्दरे री चीजां जो दान करी दिह्न्गे ता तुम्हारा सब किछ सुच्चा होई जाणा। ⁴¹ अपण, “ओ फरीसियों, तुसां पर लाणत है! किजो कि तुसी अपणे पुदीने ते सुदाब बूटियाँ रा दसमाँ हिस्सा ता चढ़ान्दे अपण, परमेश्वर रे प्यार ते तिन्हेरे फैंसले जो नकारी दिन्दे। दसमाँ हिस्सा ता दैणा चाहिदा, अपण परमेश्वर रे प्यार अते तिन्हेरे फैंसले जो नकारे रे बगैर। ⁴² ओ फरीसी मह्णुओं तुसां पर लाणत है! तुसी धर्म सभा बिच छैळ जगह् बैणा चाह्न्दे ते जाँ बजार जान्दे ता सबनी मह्णुआं का अपु जो नमस्ते कराणा चाह्न्दे। ⁴³ तुसां पर लाणत है! किजो कि तुसी बिना कोई पछाण री उन्हा कबराँ साह्ई हिन जिन्हा पर मह्णु अणजाण होई करी चलदे। ⁴⁴ ताँ कुस्की व्यवस्थापक ने तिन्हा जो जवाब दित्तेया, कि “ओ गुरु जी, इदेह्ई गल्लाँ बोल्ली करी तुसी म्हारी बी बेजती करेया करदे हिन्।” ⁴⁵ यीशु जी ने तिस्जो बोल्या, कि “ओ व्यवस्थापकों, तुसां पर बी लाणत है! तुसी मह्णुआं ताँई ता इतणे ओख्खे नियम बणाई दिन्दे जिन्हा पर चलणा मुस्कल है, अपण अप्पु तुसी तिन्हा नियमां जो उँगळी कने छुणा बी नी चान्दे । ⁴⁶ तुसां पर लाणत है! किजो कि तुसी तिन्हा भविस्यवाणी करणे वाळेयाँ ताँई कबराँ बणान्दे, जिन्हा जो तुसां रे बाब्ब-दाद्देयाँ ने ई मारेया थिया। ⁴⁷ इन्हा सबनी गल्लाँ कने तुसी ए दस्दे कि तुसी अपणे बाब्ब-दाद्देयाँ रे कित्ते रे कम्मां कने राजी हिन, किजोकी तिन्हा ने मारेया थिया ते तुसां ने तिन्हेरी कबराँ बणाई दित्ती। ⁴⁸ इधेरे ताँई परमेश्वर रे वचन अन्दर बी बोल्लेरा है, कि ‘मैं तिन्हा का भविस्यवाणी करणे वाळेयाँ जो ते दूताँ जो भेजणा ते तिन्हा ने उन्हा मह्णुआं बिच का किछ जो मारी दैणा ते किछ मह्णुआं ताँई मुसीबत खड़ी करी दैणी।’ ⁴⁹ इधेरे ताँई दुनिया री शुरुआत का जितणे बी भविस्यवाणी करणे वाळेयाँ रा खून रूळया, तिसेरा हिसाब इस पीढ़ी रे मह्णुआं का लित्तेया जाणा। ⁵⁰ मतलब ए है कि, हाबिल रे मरणे का लेई करी जकरयाह रे मरणे तक, जेह्ड़े कि परमेश्वर रे मन्दिर ते बेदी रे बिच मरे थिय्ये; तिन्हेरे मरणे रा हिसाब, इस पीढ़ी रे मह्णुआं का लित्तेया जाणा। ⁵¹ तुसां व्यवस्था रे समजदाराँ पर लाणत है! किजो कि तुसां ने समजदारी री मती सारी गल्लाँ सिख्खी ता लेईयाँ, अपण अप्पू तिन्हा गल्लाँ पर नी चले ते जेह्ड़े चलणे री कोसिस करदे थिय्ये तिन्गेरे बी रस्ते पर तुसी रूकावट बणे। ⁵² ते फिरी जाँ यीशु जी तित्ते का चली गे ता फरीसी ते सास्त्री तिन्हेरे खलाफ होई करी बुरे हाल्ले पिच्छे पेई गे कि से होर बी गल्लाँ पर यीशु जी कने सवाल-जवाब करन। ⁵³ किजो कि से तिन्हेरी ई बोल्लेरियाँ गल्लाँ पर तिन्हा जो फँसाणे री भाळ अन्दर थिय्ये। ⁵⁴ जाँ हजाराँ रे साह्बे मह्णु किठ्ठि गे ते सब इक दूज्जे पराल्ले चढ़या करदे थिय्ये, ताँ यीशु जी ने पैह्ले अपणे चेल्लेयाँ जो बोल्या, कि “फरीसी मह्णुआं रे खमीर का जेह्ड़ा कि इन्हेरा छळ है, बची करी रेह्यो।

पाखण्ड रे खलाफ चतौणी

¹ किजो कि ईदेह्या किच्छ बी छुपे रा नी है जेह्ड़ा कि सामणे नी आणा, ते ईदेया किच्छ बी ढकित्तेरा नी है, जे खोलेया नी जाणा। ² इधेरे ताँई तुसां ने जे किछ बी निह्यारे अन्दर बोल्ले रा है, से लौ अन्दर सुणाया जाणा : अते जे किच्छ बी तुसां ने बन्द कमरेयाँ बिच इक-दुज्जे रे कन्ना अन्दर बोल्ले रा है, से गल्लां घरे री छत्ती पर जाई करी दस्सी जाणीयाँ हिन्। ³ अपण मेरे मित्रो, मैं तुसां जो बोलदा तिन्हा का मत डरो जे तुसां जो सिरफ मारी सकदे ते तिसेरे बाद इदेह्या किछ बि नी है जे तिन्हेरे बस अन्दर होणा।

कुस का डरणा चाएदा

⁴ मैं तुसां जो पक्की गल्ल दसी दिन्दा कि कुस का डरणा चाहिन्दा ? परमेश्वर का डरो जे तुसां जो मारणे रे बाद नरक बिच पाणे रा हक्क रखदा। हाँ, मै बोलदा, बस परमेश्वर का ई डरो। ⁵ कै दो पैसे री पंज चिड़ियाँ नी बिकदी? फिरी बी परमेश्वर तिन्हा बिच का इक जो बी नी भूलदा। ⁶ दिख्खो, तुम्हारे सरे रा इक-इक बाळ बी परमेश्वर ने गिणि रख्खे रा है। इधेरे ताँई डरो मत,किजो कि तुसी ता बड़ी सारी चिड़ियाँ का बी जादा किमती हिन्।” ⁷ फिरी यीशु जी ने बोल्या, मैं तुसां जो बोलदा, कि जे कोई मिन्जो मह्णुआं रे सामणे मन्नी लिन्गा, तिस जो मह्णु रे पुत्र ने बी परमेश्वर रे स्वर्ग-दूतां सामणे मन्नी लैणा।

यीशु जी जो अपनाणा या ना अपनाणा

⁸ अपण, जे मह्णुआं रे सामणे मेरे का मुक्करगा, तिस जो पैह्चानणे का परमेश्वर रे स्वर्ग रे दूताँ सामणे मह्णु रे पुत्र ने बी मुकरी* जाणा है। ⁹ ते हर तिस मह्णु जो माफ कित्तेया जाणा, जे मह्णु रे पुत्र रे खलाफ़ किच्छ गलत बोल्गा, अपण जेह्ड़ा कोई पवित्र-आत्मा री बेजती करगा, तिस जो माफ नी कित्तेया जाणा। ¹⁰ जाँ से तुसां जो यहूदी धर्मसभा, राज्जेयाँ अते बड्डे बाबुआँ रे मुहाग्गर लेई जान्गे ता फिकर मत कर दे कि तुसी अपु जो किह्याँ बचांगे या असां जो कै बोलणा चाईन्दा। ¹¹ किजो कि पवित्र आत्मा ने तुसां जो सखाई दैणा कि तिस बेल्ले तुसां जो कै बोलणा चाईन्दा। ¹² फिरी तिन्हा मह्णुआं बिच का कुस्की ने बोल्या, “ओ गूरु जी, मेरे भ्याळ जो बोल्लो कि से म्हारे प्यो री जायदात का मेरे हिस्से री जायदात जो मिन्जो देई देयो।

इक्क बेवकुफ अमीर आदमी रा उदारण

¹³ यीशु जी ने जवाब दित्तेया, कि “ओ मह्णुआ, तुम्हारी इन्हा गल्लां रा फैसला करणे वाळा या बटवारा करणे वाळा मिन्जो कुनिए बणाया ?” ¹⁴ फिरी यीशु जी ने बोल्या, “ध्यान रख्खो, कि तुसी कुस्की बी चीज रा लालच मत करदे, किजो कि कुस्की रे जीण री बराबरी तिसेरी जमीन-जायेदात रे बाध्धे होणे कने नी कित्ती जान्दी।” ¹⁵ यीशु जी ने ए उदारण बी दित्तेया; कि “इक अमीर मह्णु री जमीन अन्दर बड़ी छैळ फसल लगी। ¹⁶ ते से अपणे मनां अन्दर सोचणा लगेया, कि ‘अवे मैं कै कराँ ? इतणा सारा अनाज कुते रखगा, मेरे का ता रख्खणे ताँई जगह् बी नी है ?’ ¹⁷ फिरी तिनिए बोल्या, ‘अच्छा, मैं ईह्य्याँ करदा कि अनाज रखणे वाळे ढ़न्ड़ू जो तोड़ी करी इक बड्डा कमरा बणादा, ताकि मेरा सारा अनाज तिस बिच आई जाओ। ¹⁸ ते फिरी मैं अपणे आप जो बोलणा, कि तेरे का ता बड़ा भरी अनाज है जे केई सालाँ ताँई तेरे का बची रैह्णा; अते अवे चैन कने खा-पी ते मजे कने रे।’ ¹⁹ अपण परमेश्वर ने तिस जो बोल्या, ‘ओ बेवकूफा, तैं अज्ज राती ई मरी जाणा; ते तैं जे इतणा सारा अनाज कठेरी रख्खे रा है, से सब कुस जो मिलणा ?’ ²⁰ दिख्खो, इदेह्या ई से मह्णु बी हुन्दा जेह्ड़ा अपु ताँई धन कठेरदा, अपण परमेश्वर री नजराँ बिच से अमीर नी है।” ²¹ फिरी यीशु जी ने अपणे चेल्लेयाँ जो बोल्या, “इधेरे ताँई मैं तुसां जो बोलदा कि अपणे जीण री फिकर मत करेया करो कि असी हर रोज रोटी ते कपड़े कुदका खान्गे अते लान्गे।

परमेश्वर पर भरोसा रखो

²² किजो कि जीणा, रोटी का; ते जिस्म, कपड़ेयाँ का जादा बद्धी करी है। ²³ जरा कउये पास्से ता दिख्खो; से ना ता बी बांदे, ना फसल कटदे; ना ता तिन्हा का अनाज कने भरे रे बड्डे-बड्डे कमरे हुन्दे; ताँ बी परमेश्वर तिन्हा जो खाणे जो दिन्दा। तुसी ता चिडू-पखेरुआँ का बी जादा कीमती हिन्। ²⁴ तुसां बिच का इदेह्या कुण है, जेह्ड़ा फिकर करी के अपणी उमर जो इक घड़ी ताँई बी अग्गे बदाई सकदा हो ? ²⁵ जे फिकर करी के तुसी इस छोटी जह्णी गल्ल जो नी करी सकदे ता बड्डी गल्लां री फिकर करी के कै फायदा ? ²⁶ सोसनों रे बुटेयाँ पास्से दिख्खी करी जरा सोच्चो, कि से किह्याँ उगदे; से ना ता मैह्नत करदे, ना ई खेत्तर बांदे, फिरी बी मैं तुसां जो बोलदा कि राजा सुलेमान रे ठाठ होणे पर बी तिसेरे कपड़े इन्हा फूल्लाँ बिच का कुस्की इक का बी जादा छैळ नी थिये ²⁷ इधेरे ताँई अगर परमेश्वर द्रब्बड री घा जो, जेह्ड़ी कि अज्ज ईत्ते है, ते कल से अग बिच फूक्की दित्ती जाणी, इतणा छैळ सजाई सकदा, ता कै से तुसां जो नी पुआई सकदा। तुसां मह्णुआं अन्दर विस्वास री कमी है।” ²⁸ अपण तुसी इन्हा गल्लाँ री फिकर मत करो कि असी कै खांगे ते कै पींगे; इधेरे ताँई तुसी मत सोच्चो। ²⁹ किजो कि धरती रे सब मह्णु इन्हा चीजाँ रे पिच्छे नह्स्सेया करदे हिन् : अपण परमेश्वर जो पता है कि तुसां जो बी इन्हा सबनी चीज्जां री जरूरत है। ³⁰ बल्कि, तुसी परमेश्वर रे स्वर्ग रे खोजी बणो, ए सब चीज्जाँ ता तुसां जो मिली ई जाणियाँ। ³¹ इधेरे ताँई ओ छोट्टे झुण्ड, डरो मत, किजो की तुम्हारा परम-परमेश्वर चाह्न्दा कि तुसी परमेश्वर रे स्वर्ग रे वारिस बणो।

स्वर्गीय धन-दौलत

³² इधेरे ताँई अवे अपणी जाएदात बेची करी पैसे गरीबाँ जो दान करी देयो; ईह्य्याँ करणे पर तुसी अपणे ताँई स्वर्ग अन्दर धन्न-दौलत कठेरगे जेह्ड़ा कि कदी नी मुकणी ते स्वर्ग रे बटुए बिच कोई भोक्क बी नी है ते तुम्हारी धन्न-दौलत बची रैह्णी तिस जो कोई चोर चोरी नी करी सकदा ते ना ई तिस जो कीड़े-मकौड़े खराब करी सकद दे। ³³ किजो कि जित्ते तुम्हारी धन्न-दौलत है तित्ते ई तुम्हारा मन बी है। ³⁴ परमेश्वर रे कम्म ताँई हमेसा त्यार रेह्यो। ते अपणे दीये बाळी रख्खो ।

जागदे रेयो

³⁵ जिह्य्याँ कि खरा नोकर ब्याह् री धाम का मालक रे वापस हटणे री भाळ अन्दर हुन्दा, ताकि जिह्य्याँ ई से आओ ते दुआर खटखटाओ ता से तिस्स ई बेल्ले तिस ताँई दुआर खोली सको, तुसी बी तिस मह्णु साह्ई बणो। ³⁶ से नोकर धन्न हिन् जेह्ड़े अपणे मालक रे हटणे री भाळ अन्दर जाग्दे हुन्दे ते दुआर खोल्णे ताँई त्यार हुन्दे; मैं तुसां जो सच्च बोल्या करदा है, कि तिस मालक ने अपणे नोकरां जो अप्पू रोटी खुआणी ते तिसेरी सेवा बी करणी। ³⁷ तिन्हेरा मालक चाए धरात्ते पर आओ या धराते का पैह्ले, जे से तिन्हा जो जाग्दे दिख्खदा ता से धन्न हिन्। ³⁸ जे घरे रा मालक जाणदा हो कि चोर ने कुस बेल्ले आणा है ता से अपणे घरे चोर जो नी आणा देई सकदा। ³⁹ तिह्य्याँ ई तुसी बी त्यार रेह्या करो, किजो कि मह्णु रे पुत्र ने तिस बेल्ले आणा जाँ तुसां तिसेरे आणे रे बारे अन्दर सोच्चे रा बी नी होणा। ⁴⁰ ताँ पतरस ने पुछ्छेया, “ओ प्रभू जी, तुसी एह् उदारण सिरफ असां चेल्लेयाँ जो ई सुणाया करदे हिन् कि ए होरनी सबनी मह्णुआं ताँई बी है ?”

भरोसे लायक ते बिना भरोसे रे लायक दास

⁴¹ यीशु जी ने जवाब दित्तेया, “इदेह्या विस्वास लायक अते समझदार मुन्सी कुण है, जिसे रा मालक तिस जो तिसेरे घर री देखभाल ते तिन्हेरे नोकरां जो रोटी दैणे री जिम्मेदारी देई सको ? ⁴² से मुन्सी धन्न है जिस जो मालक आई करी दिख्खो कि से पूरी ईमनदारी कने अपणा कम्म करेया करदा है । ⁴³ मैं तुसां जो सच्च बोलदा, तिसेरे मालक ने तिस जो अपणी सारी जाएदात जो सम्भाणे रा कम्म बी देई दैणा। ⁴⁴ अपण, “जे से मुन्सी ईह्य्याँ सोच्चो कि मेरे मालक ने पता नी कधाड़ी आणा, अते से तिसेरे नोकरां ते नोकराणियाँ जो मारणा-कुटणा लगी पेयो ते सराब पी करी मजे करणा लगी पयो, ⁴⁵ ता तिस मुन्सी रे मालक ने इदेह् रोज्जे आई रैह्णा जिसेरे बारे अन्दर तिनिए सोच्चेरा बी नी होणा, अते जाँ तिनिए आणा ते आई करी तिस जो कड़ी सजा देई करी तिन्हा मह्णुआं बिच भेजी दैणा जेह्ड़े कि विस्वास लायक नी हिन् ते तिन्हा बिच ई गिणेया जाणा। ⁴⁶ से नोकर जेह्ड़ा अपणे मालक री मरजी जाणदा हो, अपण, तिह्य्याँ नी करदा हो या जिह्य्याँ तिसेरा मालक चाह्न्दा हो अपण से तिह्य्याँ नी करदा हो, तिस नोकर जो बड़ी बुरे हाल्ले मार पैणी। ⁴⁷ अपण, जिस नोकर जो अपणे मालक री मरजी रे बारे अन्दर कोई जानकारी नी हो, अपण इदेह्या कम्म करी देयो, जेह्ड़ा कि मार खाणे जोग्गा हो, ता तिस नोकर जो घट् मार पैणी। इधेरे ताँई हर इक मह्णु का जिस जो हद का जादा दित्तेया गेरा है, तिस का तिन्ना ई वापस लित्तेया जाणा, अते जिस जो तिस का थोड़ा घाट्ट दित्तेया दा है, तिसका तितणा ई घट् लित्तेया जाणा।” ⁴⁸ फिरी यीशु जी ने बोल्या, “मैं इस धरती पर अग लाणा आये रा है ते मैं ए चाह्न्दा थिया कि एह् कम्म अब्बे ताँई सूरू होई गेरा हुन्दा, ता खरा थिया।

यीशु जी रे आणे रा नतीज्जे

⁴⁹ अपण, हल्ले ताँई मिन्जो इक बपतिस्मा लैणे जो है, जाँ ताँई मैं से कम्म पूरा नी करी लिन्दा, ताँ ताँई मिन्जो बैचेनी लगी रैह्णी। ⁵⁰ कै तुसी ईह्य्याँ ता नी सोचदे कि इस धरती पर सान्ति हो इधेरे ताँई मैं आये रा है ? मैं तुसां जो बोल्ली दिन्दा, कि ईह्य्याँ नी है, अपण मैं ता मह्णुआं जो बखरा कराणे ताँई आये रा है। ⁵¹ किजो कि अज्ज का बाद इक घरा अन्दर पंज जह्णे इक दुज्जे रे खलाफ होई जाणे; त्रै, दो जह्णे रे खलाफ होई जाणे अते दो, त्रै जह्णे रे। ⁵² माँ अपणी कुड़ी रे खलाफ होई जाणी अते कुड़ी माँ रे खलाफ होई जाणी, प्यो ने अपणे पुत्र रे खलाफ ते सस्सू ने नूँ रे ते नूँ ने अपणी सस्सू रे खलाफ होई जाणा।”

समय रे लक्षण

⁵³ अते यीशु जी ने मते जह्णे किठ्ठितेरे मह्णुआं जो बी बोल्या, “जाँ तुसी पश्चिम दिसा का बदळ इंदे दिखदे ता झट्ट बोली पैंदे कि बरखा होणे वाळी है, ते फिरी तिह्य्याँ ई हुन्दा। ⁵⁴ ते जाँ दक्षिण दिसा का ब्यार चलदी, ता तुसी बोल्दे कि गर्मी आणे वाळी है, ते तिह्य्याँ ई हुन्दा। ⁵⁵ अपण, ओ कपटियो, तुसां जो धरती ते अम्बर रे रंग-रूप बदलिणे रा पता ता लगी जान्दा, अपण इस जुग रे रंग-रूप बदलणे रे बारे अन्दर किजो पता नी लगदा ?” ⁵⁶ फिरी यीशु जी ने बोल्या, “तुसी इस गल्ल रा फैंसला अप्पू ई किजो नी करी लिन्दे कि ठीक कै है ?

शिकायत करणे वाळेयां कने समझौता करणा

⁵⁷ जाँ तुसी अपणे दुसमण कन्ने न्यायधीस का कचैह्री जो चले रे होन्, ता रस्ते अन्दर ई तिस कने सुलाह् करणे री कोसिस करी लेयो, कुदखी ईह्य्याँ ना हो कि से तुसां जो न्यायधीस का छिक्की करी लेई जाओ ते सपाहीयाँ का पकड़वाई देयो अते सपाही तुसां जो जेल्ला अन्दर ढ़प्पी देयो। ⁵⁸ मैं तुसां जो बोलदा, कि जाँ ताँई तुसी अपणा सब किछ देई ना देंन, ताँ ताँई जेल का छुटी नी सकदे।” ⁵⁹ तिस बेल्ले तित्ते बैठ्ठे रे किच्छ मह्णुआं ने यीशु जी कने गल्ल लाई कि, जाँ गलील रे किच्छ मह्णु बलि चढ़ाया करदे थिय्ये ताँ पिलातुस राज्यपाल ने तिन्हा जो मरवाई छड़ेया थिया ।

मन बदलो या बर्बाद होइ जाओ

¹ ए सुणी करी यीशु जी ने जवाब दित्तेया, “तुसी कै सोच्चया करदे हिन् कि एह् गलीली मह्णु दूज्जे सबनी गलीली मह्णुआं का जादा पापी थिय्ये, कै इधेरे ताँई तिन्हा जो एह् गल्लाँ भुग्तणियाँ पेईयाँ थियाँ ? ² मैं तुसां जो बोलदा कि तुसी पाप का तौबा करी लेयो नी ता तुसां बी मरणा। ³ या, तुसी ईह्य्याँ समझदे कि से ठाह्रा मह्णु जिन्हा पर शीलोह रा गुम्मट पेया थिया, ते से दबी करी मरी गे थिय्ये: कै से यरूशलेम बिच रैह्णे वाळे होरनी मह्णुआं का बी जादा पापी थिय्ये ? ⁴ यीशु जी ने यरूशलेम रे सबनी मह्णुआं जो बोल्या; इदेह्या किच्छ बी नी है; तुसी अपणे पापां का तौबा करी लेयो, नी ता तुसां बी तिह्य्याँ ई मरणा।” ⁵ ताँ यीशु जी ने तिन्हा जो इक उदारण दित्तेया, “इक मह्णु ने अंगूर रे बगीचे अन्दर त्रिम्बले रा बूट्टा लाया अते तिस अन्दर कोई फळ लगेया कि नी लगेया, एह् दिख्खणे ताँई से घड़ी-घड़ी बगीचे जो जान्दा थिया, अपण कोई फळ नी लग्गेरा हुन्दा थिया । इक रोज से इस गल्ल कने उदास होई गेया ।

बगैर फळ रे अजींर रे बुट्टे रा उदारण

⁶ अते तिनिए बगीचे रे माली जो बोल्या, ‘तू इस बूट्टे जो बड्डी दे, किजो कि मिन्जो इस बूट्टे का फळ तोपदे त्रै साल होई गेरे हिन्, ते इस बूट्टे ने फजूल अन्दर जगह् रोक्के री है।’ ⁷ माली ने तिस जो बोल्या, ‘ओ मालका! इस बुट्टे जो, इस साल मत बड्डो, ते मैं इसेरे चौन्नी पास्से नदारी करी के इस बिच खाद पाई दिह्न्गा। ते मैं इसेरी खरे तरीके कने दिक्ख-रिक्ख करगा।।’ ⁸ ते फिरी बगीचे रा मालक बोलणा लगेया, कि ‘जे अगले साल इस बूट्टे अन्दर फळ लगी जांगे, ता खरा, नी ता तू इस जो बड्डी देय्याँ।’ ” ⁹ सब्त वाळे रोज्जे यीशु जी धर्म सभा अन्दर वचन सुणाया करदे थिय्ये।

सब्त रे दिन इक्क कुबड़ी जनानी जो ठीक करणा

¹⁰ ताँ इक जनानी, जिस बिच बुरी आत्मा वास करदी थी ते जिनिए तिस जो रोह्ळा बणाई रख्खे रा थिया ते से कुबड़ी होई गेरी थी। ¹¹ यीशु जी ने जाँ तिस जो दिख्खया, ताँ तिस जो अपणे का सद्देया अते बोल्या, “ओ जनानिये, तैं अज्ज अपणी बमारी का छुटकारा पाई लेया।” ¹² ते यीशु जी ने तिसेरे सरा पर हत्थ रख्या, ते तिस्स ई बेल्ले, सिद्धी होई करी से खड़ीह् गेई, ते परमेश्वर री बड़ाई करणा लगी पेई। ¹³ यीशु जी ने सब्त वाळे रोज्जे तिस जो खरा करदे दिख्खी करी धर्म सभा रा प्रधान गुस्सा होई गेया। ते मह्णुआं जो बोलणा लगेया, “हफ्ते अन्दर कम्म करने ताँई छे रोज दित्ते रे हिन्, ता तिन्हा रोज्जां बिच ई खरा होणे ताँई आया करो, सब्त वाळे रोज्जे नी।” ¹⁴ यीशु जी ने जवाब दित्तेया, कि “ओ कपटियों, कै इस रोज्जे तुसी अपणे डंगरां जो पाणी पियाणे ताँई नी लिन्दे ? ¹⁵ ता कै मेरे ताँई एह् जरुरी नी थिया, कि सब्त वाळे रोज्जे इस जनानी जो बुरी आत्मा का छुड़ाँ, जिस जो सैतान ने ठाह्रा सालाँ का जकड़ी रख्खे रा थिया ?” ¹⁶ जाँ यीशु जी ने एह् गल्लाँ बोल्ली, ताँ तिन्हेरे खलाफ जिन्ने बी मह्णु थिय्ये, से खज्जळ होई गे, ते बाकि सब-जह्णे तिन्हेरे इस कम्म का खुस्स होई गे। ¹⁷ तां यीशु जी ने बोल्या, “परमेश्वर रा राज कदेया है ते मैं इसेरी बराबरी कुस कने कराँ ?

सरेयां रे दाणे रा उदारण

¹⁸ से संरेयाँ दे बी साह्ई है, जिस जो कुस्की ने अपणे खेत्रा अन्दर बाया ते से जाँ बड्डा होया ता इक बुट्टा बणी गेया, अते फिरी चीड़ू-पखेरुआँ ने तिसेरी डाळियाँ पर अपणे घोंसले बणाई लित्ते।” ¹⁹ यीशु जी ने फिरी पुछ्छेया, कि “मैं परमेश्वर रे राज री बराबरी कुस कने कराँ ?

खमीर रा उदारण

²⁰ से उस त्राक साह्ई है, जिस जो कुस्की जनानी ने बबरु बनाणे ताँई आट्टे अन्दर मलाई दित्तेया। बसक्क, त्राक तिस आट्टे का बड़ी घट् थी, ताँ बी तिस त्राक ने पूरे आट्टे जो त्राक बणाई करी फुलाई दित्तेया।” ²¹ यीशु जी सैहर-सैहर अते ग्राँ-ग्राँ बिच जाई करी परमेश्वर रे बारे अन्दर सिक्सा दिन्दे दिन्दे यरूशलेम जो जाया करदे थिय्ये।

सकरा दरवाज्जा

²² ताँ कुस्की ने तिन्हा जो पुछ्छेया, “प्रभु जी, “कै मुक्ति पाणे वाळे थोड़े ई मह्णु हिन ?” ²³ यीशु जी ने तिस जो जवाब दित्तेया, “स्वर्ग रा रस्ता थोड़ा तन्ग जणा है। तिस बिच का जाणे ताँई हर तरह् री कोसिस करो, किजोकि बड़े जह्णेयाँ ने अन्दर जाणे री कोसिस करणी अपण जाई नी सकणा। ²⁴ जाँ स्वर्ग रे मालक ने दुआर जो बन्द करी दैणा, ताँ तुसां बार खड़े होई करी दुआर जो खट-खटाणा ते बोलणा, ‘ओ प्रभु, असां ताँई दुआर खोली देयो।’ अपण अन्दर का एह् जवाब आणा, ‘मैं तुसां जो नी जाणदा।’ ²⁵ तुसां ने बोलणा, अपण ‘असां ने तुसां कन्ने खाएरा ते दाखरास पित्तेरा है, ते तुसी म्हारे ग्राँ री गळियाँ बिच सिक्सा दिन्दे थिय्ये।’ ²⁶ अपण तिन्हा बोलणा, ‘मैं तुसां जो बोलदा, कि मैं तुसां जो नी जाणदा कि तुसी कुते का आये रे हिन्। ओ बुरे मह्णुओं, तुसी सब मेरे का दूर होई जाओ।’ ²⁷ जाँ तुसां दिखणा कि अब्राहम, इसहाक, याकूब, अते सब भविस्यवक्तां परमेश्वर रे स्वर्ग अन्दर हिन् ते तुसां जो बार कड्डी डित्तेया गेरा है, तां तित्ते तुसां रोणा अते दान्द पीह्णे*। ²⁸ फिरी पूर्व अते पश्चिम, उत्तर अते दक्षिण का सारे मह्णुआं ने परमेश्वर रे स्वर्गा अन्दर अपणी जगह् लैणे ताँई आणा। ²⁹ ते जिन्हा जो अज्ज मह्णु बेईज्जत करदे, तिस बेल्ले तित्ते तिन्हेरा आदर कित्तेया जाणा, ते जिन्हा जो मह्णुआं का अज्ज बड़ा आदर मिलेया करदा है, तिन्हा जो तिस बेल्ले बेईज्जत कित्तेया जाणा, किजो कि जेह्ड़े पिच्छे थिय्ये से अग्गे कित्ते जाणे अते जेह्ड़े अग्गे थिय्ये से पिच्छे कित्ते जाणे।”

हेरोदेस री दुस्मणी

³⁰ तिस ई बेल्ले किच्छ फरीसी मह्णु तित्ते आई रे ते बोलणा लगे, “राजा हेरोदेस अन्तिपास तुसां जो मारणा चाह्न्दा, इधेरे ताँई तुसी इत्ते का कुदखी होरथी चली जाओ।” ³¹ ताँ यीशु जी ने तिस फरीसी जो बोल्या, “जाई करी तिस चलाक मह्णु जो बोल्ली दे, कि मैं मह्णुआं बिच का बुरी आत्मा जो निकालणा; ते मैं अज्ज बी बमाराँ जो खरा करणा, ते कल्ल बी। फिरी त्रीय्ये रोज्जे मैं जिस कम्म ताँई आए रा है, से पूरा करणा है। ³² अते अज्ज, कल्ल ते परसू, इन्हा त्रै रोज्जां बिच मैं अपणा कम्म करणा ई है। किजो कि कुस्की बी भविस्यवक्ता ताँई ए खरा नी होणा कि से यरूशलेम रे बार मारेया जाओ।

यरुशलेम तांई अफसोस

³³ ओ यरूशलेम! ओ यरूशलेम! तेरे अन्दर रैह्णे वाळे मह्णु इदेह् हिन् जिन्हा ने भविस्यवक्तां जो मारे रा है। जिन्हा जो परमेश्वर ने इत्ते रे मह्णुआं ताँई भेज्जे रा थिया, तिन्हा जो इत्ते रे ई मह्णुआं ने पत्थराँ कने मारे रा है। मैं बड़ी बारी इत्ते रे मह्णुआं रे बिच मेल-मलाप बधाणे री कोसिस कित्ती, जिह्य्याँ इक मुर्गी अपणे बच्चेयाँ जो अपणे पंखा रे हेठ समेटी लिन्दी, अपण इत्ते रे मह्णुआं ने ईह्य्याँ करणा नी चाह्या। ³⁴ ते अवे दिख्खो, परमेश्वर ने तुसां ताँई तुम्हारा घर उजाड़ी रख्खे रा है, ते मैं तुसां जो बोलदा, कि तुसां मिन्जो ताँ ताँई नी दिख्खी सकणा जाँ ताँई से बेल्ला आई नी जान्दा, कि तुसी बोलणा, ‘धन्न है से, जे प्रभु रे ना कने आया करदा है।’ ” ³⁵ इक बेरी सब्त वाळे रोज्जे यीशु जी फरीसियाँ रे प्रधानाँ बिच का कुस्की इक रे घरे रोटी खाणा गे। तित्ते सबनी फरीसियाँ री नजरां यीशु जी पर ई थियाँ, कि से इस सब्त वाळे रोज्जे कै करदे ?

फरीसी रे घरे यीशु जी

¹ तित्ते इक इदेह्या मह्णु बी थिया, जिसेरे हत्थ अते पैर बमारी री वजह् कने सुजि गेरे थिय्ये। ² यीशु जी ने फरीसियाँ ते यहूदी व्यवस्थापकाँ का पुछ्छेया, कि “कै मूसा रे नियम रे हिसाब कने सब्त वाळे रोज्जे कुस्की मह्णु जो खरा करणा ठीक है कि नी ?” ³ अपण तिन्हा ने यीशु जी जो कोई जवाब नी दित्तेया; इधेरे ताँई यीशु जी ने तिस मह्णु जो खरा करी दित्तेया ते तिस जो तित्ते का भेज्जी दित्तेया। ⁴ फिरी यीशु जी ने तिन्हा जो पुछ्छेया, “जे तुसां बिच का कुस्की इक जह्णे रा खोत्ता या दाँन्द कुस्की गत्ता बिच छुडकी पेयो ता कै सब्त वाळे रोज्जे तुसां तिस्जो तित्ते का बाह्र नी कढ़णा ?” ⁵ से इस गल्ल पर यीशु जी कने बैह्स नी करी सके। ⁶ जाँ यीशु जी ने दिख्खेया कि रोटी खाणे जो जितणे बी मह्णु आए रे हिन, से बैणे ताँई इक दुज्जे का छैळ जगह् तोप्पेया करदे हिन्; एह् दिख्खी करी यीशु जी ने तिन्हा जो इक उदारण सुणाया

नर्म-दिल ते मेहमानां री इज्जत करणा

⁷ कि “ तुसां जो कोई ब्याह् अन्दर सद्दे ता तुसी तित्ते जाई करी सबनी का अग्गे, छैळ जह्णी जगह् तोपी करी मत बेह्ई जान्दे, कुदखी ईह्य्याँ ना हो कि तिस ब्याह् अन्दर तुसां का बी बड्डा कोई मह्णु सद्देरा हो, ⁸ ते फिरी तुसां जो बोल्या जाये, कि ‘अपणी जगह का उठी जाओ, इत्ते कुस्की होरसी ने बैणा’ ते तुसां जो सबनी का निच्चली जगह् बैणा पेयो।’ ⁹ इधेरे ताँई तुसी ईह्य्याँ करेया करो कि तुसी सबनी का पिच्छे बेह्ई जाया करो, फिरी जाँ सदणे वाळे ने तुसां जो दिखणा ता तिनिए तुसां का आई करी बोलणा, ‘ओ भाई, अग्गे जाई करी मजे कने बै। इस कने बाकी मह्णुआं सामणे तुम्हारी इज्जत बधि जाणी। ¹⁰ किजो कि जेह्ड़ा बी अपु जो बड्डा बणांगा, तिस जो परमेश्वर ने लोकाँ री नजरां अन्दर छोटा करणा, अपण जेह्ड़ा अपु जो छोटा बणागा, तिस जो परमेश्वर ने बड्डा करणा।” ¹¹ फिरी यीशु जी ने तिस धाम दैणे वाळे मह्णु जो बोल्या, “तू जाँ बी कदी धाम दिह्न्गा, ता अपणे मित्तरां, भ्याळाँ, रिस्तेदारां या फिरी पड़ोसियाँ जो मत सद्दा, नी ता कल्ला जो तिन्हा ने बी तिज्जो सदणा ते तेरा हिसाब बराबर होई जाणा। ¹² जाँ बी तू धाम दिह्न्गा, ता सिरफ दुखी, रोळे, लट्टे अते अन्ने मह्णुआं जो ई सद्देयाँ। ¹³ किजो कि तिन्हा का तिज्जो हटाणे ताँई किछ बी नी है, एह् ई गल्ल तेरे ताँई असीस री वजह बणि जाणी। इधेरा फळ तिज्जो धर्मी मह्णुआं रे जिन्दे होई उठणे का बाद मिलणा*i।” ¹⁴ फिरी तिन्हा कन्ने धाम खाणे वाळे मह्णुआं रे बिच का इक ने यीशु जी जो बोल्या, “जे परमेश्वर रे स्वर्ग अन्दर धाम खान्गा, तिनिए बड़े धन्न होणा।”

बड्डे भोज रा उदारण

¹⁵ ताँ यीशु जी ने उन्हां जो बोल्या, “इक मह्णु बड्डी धाम री त्यारी करेया करदा थिया ते तिनिए मते मह्णुआं जो सद्देरा थिया। ¹⁶ जाँ धाम त्यार होई गी, ता तिनिए अपणे नोकर जो बोल्या, ‘जिन्हा जो मैं सद्देरा है, तिन्हां जो बोल्ली आ कि धाम पक्की गेई, ते अवे रोटी खाणे ताँई आई जोओ।” ¹⁷ से सब मह्णु नी आणे रे नेक-बनेके भान्ने तोपणा लगी पे; इक जह्णे ने बोल्या, ‘मैं इक नौआ खेत्तर खरीदे रा है, ते मैं तिस जो दिख्खणा है, ते इधेरे ताँई मैं धाम खाणा नी आई सकदा, अते मिन्जो माफ करी देयो।’ ¹⁸ दुज्जे मह्णु ने बोल्या, ‘मैं अज्ज पंज जोड़े दाँद रे खरीदे अते तिन्हा जो परखणा जाणा कि से कम्म जोग्गे हिन् बी की नी। इधेरे ताँई मैं धाम खाणा नी आई सकदा, मिन्जो माफ करी देयो।’ ¹⁹ इक होर मह्णु ने बोल्या, ‘मेरा नोआ-नोआ ब्याह् होये रा है, अते मैं बी आई करी धाम नी खाई सकदा।’ ²⁰ जाँ तिस नोकर ने हटि करी अपणे मालक जो एह् सारी गल्लां सुणाई ताँ से सुणी करी बड़ा लैह्रितेया। ते तिनिए अपणे नोकर जो बोल्या, कि ‘सैहर रे बजारा ते गळियाँ बिच झट जाई करी गरीबाँ, डुन्डे़याँ, लट्टेयाँ अते अह्न्नेयाँ जो सद्दी करी लेई आ।’ ²¹ नोकर अपणे मालक जो बोलदा, ‘ओ मालक, जिह्य्याँ तुसां ने बोल्या थिया, तिह्य्याँ ई मैं कित्तेया अपण ताँ बी किछ जगह् खाली रेह्ई गेई।’ ²² ताँ मालक ने नोकर जो बोल्या, ‘सड़काँ अते बाड़ियाँ अन्दर जितणे बी मह्णु मिलगे, तिन्हा जो धाम खाणे ताँई जोर पा, ते तिन्हा जो लेई आ, ताकि मेरा घर भरी जाओ। ²³ ते तू सुणी लै, कि जिन्हा मह्णुआं जो मैं पैह्ले री धाम पाये री थी, तिन्हा बिच का इक जो बी मेरी इस धाम बिच का किच्छ बी चख्खणे जो नी मिलणा।’ ” ²⁴ जाँ यीशु जी कन्ने मते मह्णु तिन्हेरे पिच्छे जाया करदे थिय्ये, ताँ तिन्हा ने पिच्छे मुड़ी करी तिन्हा जो बोल्या,

चेल्ला बनणे रा मोल

²⁵ जेह्ड़ा मह्णु अपणे मां-प्यो, लाडी-बच्चे, भैण-भ्याळ अते अपणे आप जो मेरे का बी जादा प्यार करदा हो, से मेरा चेल्ला नी बणी सकदा। ²⁶ जेह्ड़ा कोई अपणी सूळी अप्पू चुक्की करी मेरे पिच्छे नी चलगा,j से मेरा चेल्ला बनणे जोग्गा नी है। ²⁷ तुसां बिच का इदेह्या कुण है जेह्ड़ा घर बनाणे का पैह्ले तिस्जो बनाणे अन्दर लगणे वाळे पैसे रा पैह्ले का अणदाजा नी लगांगा अते कम्म सुरु करी दिन्गा ? ²⁸ कुदखी ईह्य्याँ नी हो कि से घर री नींय्याँ पाई देयो ते पैसे नी होणे री वजह् कने तिस जो अपणा कम्म बँद करणा पेई जाओ, ते जिन्हा ने तिस जो कम्म सुरु करदे दिख्खेया हो से तिसेरा मजाक उड़ान अते बोलन, ²⁹ कि ‘एह् मह्णु बडे जोस अन्दर आई करी घर बनाणा ता लगेया थिया, अपण बगैर सोच्चे-समझे बनाणे री वजह् कने इसेरा कम्म अध्धा रुकी गेया।’ ³⁰ ते इदेह्या कुण जणा राजा हुन्गा जेह्ड़ा एह् नी सोच्चगा, कि ‘मैं अपणे दस्स-हजार सपाहीयाँ जो लेई करी दुज्जे राज्जे कने किह्याँ लड़गा, जिसका बीह्-हजार सपाही होन ?’ ³¹ अपण, तिनिए ता एह् ई चाह्णा कि बी-हजार सपाहीयाँ वाळे राज्जे कने मेरी जिह्य्याँ-ना-तिह्य्याँ सुलाह् होई जाओ, इधेरे ताँई तिनिए अपणे दूतां जो सुलाह् कराणे ताँई भेजणा ताकि तिन्हेरे बिच सुलाह् होई जाओ। ³² ईह्य्याँ ई जाँ ताँई कोई मह्णु अपणा सब किछ पूरी तरह् कने छड्डी नी दिह्न्गा, ताँ ताँई से मेरा चेल्ला बनणे जोगा नी है। ³³ लूण सुआद ताँई ता खरा है अपण तिस ई लूण रा सुआद नी रेह्यो ता तिस जो कुस चीज कने स्वाद कित्तेया जाणा ?

बेस्वादा लूण

³⁴ इदेह्या लूण नां ता मिट्टी रे कम्मा आन्दा ते ना ई इस जो खाद ताँई इस्तेमाल करी सकदे। इदेह् लूण जो मह्णु सुट्टी दिन्दे। इस गल्ल जो जे मह्णु सुनणां चान्दे, से सुणन अते समझी लेंन।” ³⁵ सब चुन्गी लैणे वाळे ते पापी मह्णु यीशु जी का तिन्हेरी सिक्सा जो सुनणे ताँई आए रे थिय्ये;

गोच्चे री भैड रा उदारण

¹ एह् दिख्खी करी फरिसी ते व्यवस्थापक बुड़-बुड़ करणा लगे, कि “ए ता पापी मह्णुआं कन्ने रैह्न्दा अते तिन्हा कन्ने रोटी बी खाई लिन्दा।” ² इस गल्ल पर यीशु जी ने तिन्हा जो इक उदारण दित्तेया; ³ मन्नी लेयो कि तुसा बिच्च का इक जह्णे का सौ भेड्ड़ाँ हिन् ते तिन्हा बिच का इक भैड्ड़़ चरदे चरदे गोच्ची जाओ, ता कै से मह्णु अपणी नढ़िनुऐ भैड्ड़़ाँ जो द्रबड़ा बिच खुल्ला छड्डी करी, तिस गोच्चेरी भैड्ड़ जो ताँ ताँई तोपदा नी रैंह्गा, जाँ ताँई से तिस जो मिल्ली नी जाओ ? ⁴ अते जाँ तिस जो से भैड्ड़ मिल्ली जाणी, ता तिनिए बड़े खुस्स होई करी तिस जो अपणे मुह्ण्डे़ पर चुक्की करी लेई आणा। ⁵ ते घरे आई करी अपणे मित्रा ते पड़ोसियाँ जो सद्दाई करी तिन्हा जो बोलणा, कि ‘मेरी भैड्ड़ गोच्ची गेरी थी, अते से अवे मिल्ली गेई, इधेरे ताँई तुसी मेरे कन्ने इस गल्ल री खुसी मनाओ।’ ” ⁶ फिरी यीशु जी ने बोल्या, “मैं तुसां जो बोलदा, कि ईह्य्याँ ई जाँ कोई मह्णु अपणे पापां जो छड्डी करी परमेश्वर रे रस्ते पर चलणा लग्गी पैन्दा, ता तिसेरे ताँई बी स्वर्ग अन्दर इतणी ई खुसीयाँ मनाई जान्दियाँ, जितणी कि तिन्हा नढ़िनुए खरे मह्णुआं ताँई नी, किजो कि से पैह्ले का ई परमेश्वर रे रस्ते पर चले रे हुन्दे, ते तिन्हा जो पापा का तौबा करणे री जरुत नी है।” ⁷ फिरी यीशु जी ने बोल्या, या “इदेह्ई कुण जनानी है, जिस का चाँदी रे दास्स सिक्के होन् ते इक सिक्का गोच्ची जाए ते से तिस जो तोपणे ताँई दिय्या बाळी करी ते सौत बाई-बाई करी घरे रे हर इक कूणे अन्दर ताँ ताँई नी तोपदी रैंह्गी, जाँ ताँई से सिक्का तिस जो मिल्ली न जाओ ?

गोच्चे रे सिक्के रा उदारण

⁸ फिरी जाँ तिस जो से सिक्का मिल्ली जान्दा ता से अपणी सेल्लीयाँ ते पड़ोसणियाँ जो सद्दी करी बोल्गी, ‘मेरा चाँदी रा सिक्का गोच्ची गेरा थिया ते से अवे मिल्ली गेया, तिसेरे मिलणे री खुसी मेरे कन्ने मनाओ।’ ⁹ मैं तुसा जो बोलदा, कि ईह्य्याँ ई जाँ कोई मह्णु पापा जो छड्डी करी परमेश्वर रे रस्ते पर चलणा लग्गी पैन्दा, ता तिसेरे ताँई बी स्वर्ग अन्दर इन्नी ई खुसीयाँ मनाई जान्दियाँ।” ¹⁰ यीशु जी ने तिन्हा जो बोल्या, कि “कुस्की मह्णु रे दो निक्के थिय्ये;

लबाड़ मुडें रा उदारण

¹¹ तिन्हा बिच का हल्के निक्के ने अपणे प्यो जो बोल्या, ‘मिन्जो अपणी जायदात बीच का मेरा हिस्सा देई दे’ ते तिसेरे प्यो ने अपणे दोन्नां निक्केयाँ अन्दर बराब्बर-बराब्बर जायदात बन्डी दित्ती। ¹² हल्ले बड़े रोज नी थिय्ये होये रे, कि तिसेरा हल्का निक्का अपणा सारा समान बटोळी करी कुस्की दूज्जे देसा जो चली गेया अते तित्ते अपणे सारे पैसे बुरे कम्मा अन्दर उड़ाई दित्ते। ¹³ जिस बेल्ले तिस का सारे पैसे मुकी गे ते जित्ते से रैह्न्दा थिया, तित्ते अकाल पेई गेया ते तिस का किछ बी नी रेह्या; ¹⁴ तिनिए तित्ते इक जिमींदार रे छन्दे कित्ते कि मिन्जो अपणे सुअरां जो चराणे जो रख्खी लेयो; ते तिस जिमींदार ने तिस जो अपणे सुअराँ जो चराणे ताँई भेज्जी दित्तेया। ¹⁵ जाँ तित्ते तिस जो भुख लग्गी ता से सोचणा लगेया, कि ‘मिन्जो ए फळियाँ खाणे जो मिली जान, जे सुअर खाया करदे हिन, ता खरा रैह्णा।’ अपण, कुस की ने तिस जो इक फळी बी खाणे जो नी दित्ती। ¹⁶ फिरी तिस जो अपणी गलती रा एह्सास होया ते सोच्णा लगेया, कि ‘मेरे प्यो का कम्म करने वाऴे किन्ने ई मजदूर रज्जी करी रोटी खान्दे थिय्ये, अते खाणे रे बाद रोटी बची बी जान्दी थी, ते मैं इत्ते भूखा मरेया करदा है। ¹⁷ अवे मैं अपणे प्यो रे घरे वापस जाणा ते तिन्हा जो बोलणा, कि “मैं परमेश्वर ते तुसा रे खलाफ पाप कित्तेरा है। ¹⁸ अते अवे मैं ता इस जोग्गा बी नी है कि अपु जो तुम्हारा पुत्र बोल्ली सकाँ; अपण तुसी ईह्य्याँ करो कि मिन्जो अपणा इक मजूर बणाई करी रखी लेयो।’ ¹⁹ ताँ से उठी करी अपणे प्यो रे घरे चली पेया ते जाँ से घरे नेड़े़ जाई पुज्जेया ताँ तिसेरे प्यो ने तिस जो दूरा का ई दिख्खी लेया ते अपणे निक्के जो इन्ने रोज्जाँ बाद दिख्खी करी तिसेरा मन रैह्म कने भरी गेया ते से तिस का दोड़ी गेया अते तिस जो गळे लगाई करी सुन्ने दित्ते। ²⁰ उनिए अपणे प्यो जो बोल्या, “पिता जी, मैं परमेश्वर रे खलाफ होई करी ते तुम्हारी नजरां अन्दर पाप कित्तेरा है ते अवे मैं तुसां रा पुत्र बोलणे जोग्गा बी नी है रेरा।’ ²¹ अपण, तिसेरे प्यो ने अपणे नोकराँ जो बोल्या, ‘मेरे इस निक्के ताँई छैळ का छैळ कपड़े लेई आओ ते इसेरी उंगळी अन्दर अंगूठी पुआओ अते पैरां अन्दर नौई चप्पलां पुआओ। ²² ते सबनी का बधियां अते मोटा बक्करा बड्ढो, किजोकी असां ने मेरे पुत्र रे वापस हटणे री खुसी अन्दर धाम दैणी। ²³ किजो कि मेरा हल्का निक्का भटकी गेरा थिया ते अवे ए सह्ई रस्ते पर आई गेया, ए गुअच्ची गेरा थिया, अब्बे जाई करी मिल्लेया।’ फिरी से खुसियाँ मनाणा लगी पे। ²⁴ अपण तिस मह्णु रा जेठ्ठा पुत्र, जेह्डा कि खेत्रा का कम्म करी के घरा जो हटेया करदा थिया, तिनिए गाणे बजाणे अते नचणे री अवाजां सुणियाँ। ²⁵ तिनिए अपणे इक नोकर का पुछ्छेया, कि ‘ए सब किछ कै होया करदा है ? ²⁶ तिनिए तिस जो बोल्या, ‘तुम्हारा हल्का भ्याळ सह्ई-सलामत वापस हटि आए रा है, इस खुसी अन्दर तुम्हारे प्यो ने सबनी का बद्धिया ते मोटा बक्करा बी बड्ढाणा लाए रा है।’ ²⁷ ए सुणी करी तिस जो बडी-भरी लैह्र चढ़ी, ते से घरा अन्दर जाणा ई नी चाह्न्दा थिया, अपण तिसेरा प्यो अप्पू ई बाह्र आई रेह्या ते तिस जो समझाणा लगेया। ²⁸ अपण से अपणे प्यो जो बोल्णा लगेया, कि ‘मैं ता मते साल्लाँ का तुसां कन्ने ईमानदारी कने कम्म करेया करदा है ते अज्ज ताँई तुम्हारी कोई गल्ल नी टाळी, अपण तुसी मिन्जो बकरी रा इक छेलू बी नी दित्तेया कि मैं अपणे मित्तराँ कने खुसी मनाई लेयाँ। ²⁹ अपण, जाँ तुम्हारा एह् हल्का निक्का तुम्हारी जायदात जो कंजरी जनानियाँ पर लुटाई करी खाल्ली हत्थ हटि आया, ता तुसी इस ताँई सबनी का बधियां अते मोटा बक्करा बड्ढेया करदे हिन् ?’ ³⁰ तिसेरे प्यो ने तिस जो जवाब दित्तेया, ‘बचा! असी दोह्ई ता किठ्ठे ई रैह्न्दे ते जे किछ बी मेरे का है, से सब तेरा ई ता है। ³¹ अपण, अज्ज असा जो तेरे हल्के भ्याळ रे हटि आणे री खुसी मनाणा चाहिन्दी, किजो कि एह् पैह्ले भटकी गेरा थिया ते अवे कुदखी जाई करी सह्ई रस्ते पर हटेया, एह् गोचीह् गेरा थिया, अवे मिली गेया।’ ” ³² यीशु जी ने इक अमीर मह्णु कहाणी अपणे चेल्लेयाँ जो सुणाई, कि “इक अमीर मह्णु ने अपणे कम्म-धन्दे जो संभालणे ताँई इक मुन्सी रख्खेरा थिया; अपण तिस पर ए इल्जाम लगी गेया कि से अपणे मालक रे पैसेयाँ जो खत्म करेया करदा है

चालाकी भडांरी

¹ इधेरे ताँई तिस अमीर मह्णु ने मुन्सी जो सदाया ते तिस का पुछ्छेया, ‘मैं जे किछ बी तेरे बारे अन्दर सुणेया करदा है, से सच्च है, कि नी ? अवे तू अपणे कम्म रा लेखा-जोखा मिन्जो दस्सी दे किजो कि मैं तिज्जो नोकरी का कड्डी दैणा।’ ² तिनिए सोच्चेया, ‘मेरा मालक मिन्जो नोकरी का कडणे वाळा है, फिरी मैं कुते जाह्न्गा ? मेरे का ता मजूरी बी नी होणी अते लज्जे भीख बी किह्याँ मंग गा ? ³ मिन्जो किछ इदेह्या करणा पैणा कि जाँ मेरा मालक मिन्जो नोकरी का कड्डी दिह्न्गा, ता मेरे मते जह्णे मित्र होणा चाहिन्दे ताकि से मिन्जो तिस बेल्ले सम्भाळी लेंन।’ ⁴ इधेरे ताँई मुन्सी ने अपणे मालक रे देन-दाराँ जो इक-इक करी के सद्देया। ते पैह्ले मह्णु का पुछ्छेया, कि ‘मेरे मालक ने तेरे का कितणी उधारी लैणे जो है ?’ ⁵ ताँ पैह्ले देंन-दार ने मुन्सी जो जवाब दित्तेया, ‘मेरे पर सौ मणl जैतून रा तेल उधार है।’ ताँ मुन्सी ने बोल्या, कि पंजाह् मण रा पर्चा बणाई लै।’ ⁶ फिरी तिनिए दुज्जे देंन-दार का पुछ्छेया, कि ‘तेरे पर मेरे मालक री किन्नी उधारी है ? अते तिनिए बोल्या, सौ मणn कणक री उधारी है, ताँ मुन्सी ने उस जो बोल्या, कि ‘आस्सी मण री पर्ची बणाई लै।’ ⁷ फिरी ईह्य्याँ होया कि तिस अमीर मह्णु ने अपणे ठग्ग मुन्सी री तारीफ कित्ती किजो कि तिनिए बड़ी चलाकी कने कम्म कित्ता थिया । तिह्य्याँ ई परमेश्वर जो नी मनणे वाळे मह्णु अपणे साह्ई मह्णुआं कने बरताव करणे अन्दर खरे मह्णुआं का जादा चलाक हिन्। ⁸ मैं तुसां जो बोलदा कि दुनिया री धन-दौल्त कने तुसी दुज्जेयाँ रा भला करो अते तिन्हा जो अपणा मित्तर बणाई लेयो; ते जाँ से धन-दौल्त खत्म होई जाणी ताँ तिन्हा कम्मा री वजह् कने तुसी स्वर्ग बिच लेई जाए जाणे। ⁹ जे तुसी छोटी-छोटी गल्लाँ अन्दर ई कुस्की रा भरोसा तोड़ी दिह्न्गे ता बड्डी-बड्डी जिम्मेदारियाँ दैणे अन्दर कोई तुसां पर भरोसा किह्य्याँ करी सकदा ? ¹⁰ ते तुसी इस जुग बिच कमाये रे पैसेयाँ जो ठीक तरह् कने नी सम्भाळगे ता असली जायेदात तुसां जो कुनिए दैणी ? ¹¹ ते तुसी बगान्नी जायेदात सम्भालणे अन्दर विस्वास जोग्गे नी हिन् ता जेह्डी तुसां री अपणी धन-दौलत है, से तुसां जो कुण दिह्न्गा ? ¹² कोई बी मह्णु दो मालकां री सेवा नी करी सकदा, से या ता इक कने नफरत करी सकदा अते दुज्जे कने दाह्-पीड़ या इक जह्णे कने बडी ईमानदारी कने रेह्ई सकदा; अपण दुज्जे जो से अण-दिख्खा करी सकदा। ईह्य्याँ ई कोई बी मह्णु परमेश्वर अते धन-दौल्त, दोन्ना री सेवा किठ्ठे नी करी सकदा।” ¹³ फरीसी मह्णु ,जेह्ड़े कि पैसे पिच्छे मरदे थिय्ये , से इन्हा गल्लाँ जो सुणी करी यीशु जी रा मजाक उडाणा लगे।

यीशु जी रे किछ भाषण

¹⁴ यीशु जी ने तिन्हा जो बोल्या, “तुसी जे मह्णुआं जो एह् जताणा चाह्न्दे कि असी बड़े खरे हिन्, अपण परमेश्वर ता तुम्हारे मनां जो बी जाणदे। दुनिया जिस गल्ल रा बड़ा आदर करदी, से गल्ल परमेश्वर री नजरां अन्दर नफरत करणे जोग्गी है। ¹⁵ जाँ बपतिस्मा दैणे वाळा युहन्ना परमेश्वर रा बसेख सुणादा थिया, ताँ ताँई मूसा रे जरिये दित्ते गेरे परमेश्वर रे नियम अते भविस्यवक्ताँ रे बसेख ई मह्णुआं रा मार्ग दरसन करदे रे। अवे परमेश्वर रे राज करणे री खुसखबरी मह्णुआं ताँई पुज्जेया करदी है ते स्वर्ग अन्दर जाणे ताँई मह्णु उताह्ल्ले होया करदे हिन्। ¹⁶ फिरी बी स्वर्ग ते धरती रा टळी जाणा qता असान है अपण परमेश्वर रे नियमाँ अन्दर लिख्खेरा इक-इक अख्खर बी नी मिह्टि सकदा। ¹⁷ जे कोई अपणी लाडी जो तलाक देई करी छड्डी दिन्दा ते कुस्की दुज्जी जनानी कने ब्याह् करदा ता ए व्याभिचार मन्या जान्दा अते जेह्ड़ा कुस्की तलाक दित्तेरी जनानी कने ब्याह् करी लिन्दा, से बी व्याभिचार ई करदा।” ¹⁸ दिख्खो, इक मह्णु थिया ते से बड़ा अमीर थिया। से बैंग्णी रन्ग रे बडे़ छैळ अते मैह्न्गे मलमल रे कपड़े पान्दा थिया ते हर रोज बड़े ऐश-ओ-अराम री जिन्दगी जिन्दा थिया।

अमीर म्हणु ते गरीब लाज़र

¹⁹ लाजर नां रा इक दुखी ते गरीब भिखारी तिसेरे दुआर का बेह्ई रैह्न्दा थिया ते तिसेरा सारा जिस्म जख्माँ कने भरित्तेरा हुन्दा थिया। ²⁰ लाजर तिस अमीर मह्णु री जुठ्ठी रोटी खाई करी अपणे पेट जो भरणा चाह्न्दा थिया ते इधेरे ताँई से बाह्र बेह्ई रैह्न्दा थिया, इत्ते तक कि कुत्ते बी आई करी तिसेरे जख्मां जो चटदे थिय्ये। ²¹ इक रोज लाजर मरी गेया ते स्वर्ग रे दूत तिसेरी आत्मा जो स्वर्ग अन्दर अब्राहम का लेई गे। से अमीर मह्णु बी थोडे रोज्जाँ बाद मरी गेया ते तिस जो दब्बी दित्तेया गेया। ²² तिसेरी आत्मा नरक बिच चली गेई। जाँ से नरक अन्दर तडफदा थिया, ता तिसेरी नजर स्वर्ग पर पेई जित्ते से ई गरीब लाजर अब्राहम री खोख्खा अन्दर थिया। ²³ ताँ तिस अमीर मह्णु ने जोरे हाक्क मारी करी बोल्या, ‘ओ पिता अब्राहम! मेरे पर तरस खाओ ते इस लाजर जो मेरे का भेज्जी देयो कि ए अपणी उंगळी जो सेडी करी मेरी जिब्ब जो ठण्डा करी जाओ किजो कि मैं ता इस अग्गी रे सेक कने फुक्की चले रा है।’ ²⁴ अपण अब्राहम ने बोल्या, ‘मेरे पुत्रा, चेत्ता कर कि तेरी जिन्दगी अन्दर तेरे का सब किछ थिया अपण लाजर का बुरी चीजाँ जो छड्डी करी होर किछ बी नी थिया, अवे से इत्ते स्वर्ग अन्दर अराम कने रेह्या करदा है अते तू नरक अन्दर अपणे हिस्से दा दुख सेह्या करदा है। ²⁵ होर ता होर म्हारे बिच इक बडा बड्डा गात्त है, जिसेरी वजह् कने कोई बी स्वर्ग का नरक जो अते नरक का स्वर्ग जो चाह्ई करी बी नी जाई सकदा। ²⁶ अमीर मह्णु बोलदा, ‘पिता अब्राहम जी ! मैं तुम्हारे छन्दे करदा कि इस जो मेरे प्यो रे घरे भेजी देयो। ²⁷ किजो कि, धरती पर मेरे पंज भ्याळ होर बी हिन्, एह् तिन्हा का जाई करी जे किछ बी मेरे कन्ने होया करदा है, तिन्हा जो दस्सी सको ताकी जिस बेल्ले से मरन ता तिन्हा जो नरक अन्दर नी आणा पेयो। ²⁸ अब्राहम ने बोल्या, ‘तेरे भ्याळाँ ताँई मूसा ते भविस्यवक्ताँ दी कताबाँ हिन्, से तिन्हा जो पढ़ी करी तिन्हेरी गल्लाँ पर चली सकदे।’ ²⁹ तिनिए बोल्या, ‘पिता अब्राहम जी! जे कोई मरे रे मह्णुआं बिच का तिन्हा जो समझाणा जाओ, तां ई से अपणे पापा का तौबा करी सकदे।’ ³⁰ अब्राहम ने तिस जो बोल्या, ‘जे से मूसा अते भविस्यवक्ताँ री कताबा बिच जे लिख्खेरा है, तिन्हा जो नी सुणदे ता कोई मरे रे मह्णुआं बिच का जिन्दा होई करी तिन्हा का जाओ, ताँ बी तिन्हा तिन्हेरा भरोसा नी करणा।’ ” ³¹ यीशु जी ने अपणे चेल्लयाँ, जो बोल्लया, जिन्हा गल्लाँ पर मणुआँ ने सह्ई रस्ते का भटकणा से गल्लाँ ता होणी ई हिन, अपण लाणत है तिस मणु पर जिसेरी वजाह् कने से गल्ला होणी।

ठोक्कर लगणे री वजह बनणा

¹ तिसेरे ताँई एह जादा खरा हुन्दा कि बजाय इसेरे कि से इन छोट्टे मणुआँh बिच का कुसकी जो पाप करणे पर मजबूर करी सकें, तिसेरे गळे पर चक्की रा पाट लटकाई करी तिस जो द्रया बीच सुट्टी दित्तेया जान्दा। ² इस गल्ल रा ध्यान रख्खो, कि तेरा भाई पाप करे ता तिस जो समझा, जे से अपणी गलती मन्दा ता तिस जो माफ कर; ³ अगर जे कोई इक रोज बिच सात्त बारी तेरे कने बुरा करदा, अते सात्त बारी ई तेरे का आईकरी बोल्ले कि मिन्जो बड़ा मोह् होया करदा है अपणी गलती रा, ताँ तिस जो सत्तो बारी माफ कर।" ⁴ ताँ यीशु जी रे खास चेल्लेयाँ ने बोल्लेया, ’प्रभु जी, कै म्हारे जो जादा भरोसे री जरुरत है?"

भरोसा

⁵ प्रभु यीशु जी ने तिन्हा जो बोल्लेया, "जे तुमारा भरोसा सँरेया रे दाणे रे बराबर बी हुन्दा, ताँ तुसी इस क्रूँ(शहतुत) रे बूट्टे जो बोल्ल गे, "कि तू जड़ा का बुट्टि करी समुन्द्रा बिच लग्गी जा, ताँ तिन्ने तुमारी मन्नी लेणी थी। ⁶ तुसां रे बिच का ईदेय कुण है, जिसेरा नौकर हळ बाई करी या भेड़ा जो चराई करी आन्दा, अते तिसेरा मालक तिस जो बोल्ले कि आ अते रोटी खाणा बेई जा?

इक्क दास रा फर्ज

⁷ अपण से तिसेरे बजाए, कै एह नी बोल्गा, "कि मेरे ताँई रोटी तैयार कर, अते मिन्जो खाणे ताँई दे; अते जाँ मै रोटी खाई लिन्गा ताँ तिसेरे बाद तू बी खाई लेयाँ?" ⁸ कै मालक ने तिसेरा सुकर करणा कि तिन्ने से सब कम्म कित्ते जे तिस जो करणे ताँई दित्ते थिये? ⁹ ईय्याँ ई जाँ तुसी परमेश्वर रे कम्म जो पूरा करी लिन्गे ता तुसी एह बोल्लेयो कि असी ता तारीफ लायक नी हिन किजोकि असा ने सेई कित्तेया जे म्हारे जो करना चाईन्दा था। ¹⁰ इक रोज ईय्याँ होया कि यीशु जी गलील प्रदेश अते सामरिया प्रदेश री सीमा रे बीच का होईकरी जाया करदे थिये।

दस कोढ़ रे मरिजां जो ठीक करणा

¹¹ कुसकी ग्राँ बिच बड़दे बेल्ले यीशु जी जो दस्स कोढ़ियाँ ने दिख्खेया। ¹² अते तिन्हा ने यीशु जी जो जोर सणे हाक्क लाई अते बोल्लेया, "ओ यीशु जी, ओ मालक, असाँ पर मैह्र करो!" ¹³ यीशु जी ने तिन्हा जो दिख्खेया अते बोल्लेया, कि अपणे आप जो परोताँ जो दिख्खाओ।"*i अते तिन्हा तियाँ ई कित्तेया। अते जान्दे-जान्दे से सुच्चे होई गे*j ¹⁴ तिन्हा दस्स कोढ़ियाँ बिच का इक ने दिख्खेया कि मैं खरा होई गेया ता से परमात्म री बड़ाई करदे करदे यीशु जी का आया; ¹⁵ अते तिन्हेरे पैरा मूह् रे भारे पैया अते तिन्हेरा सुकर करणे लगेया; कने से इक सामरी*k मणु थिया। ¹⁶ यीशु जी ने तिस जो पूछेया, "कै मैं दस्स जणेया जो सुच्चा नी कित्ता, फिरी से बाक्की नौ कुदे हिन? ¹⁷ कै परमेश्वर री बड़ाई करणे ताँई इस परदेसीl जो छडी, होर कोई नी आया। ¹⁸ यीशु जी ने तिस जो बोल्लेया, "उठ अते जा, तेरे भरोसे ने तिज्जो खरा कित्ता।" ¹⁹ जाँ फरीसियाँ ने यीशु जी का पूछेया, "कि परमेश्वर ने राज कधाड़ी करणा, ताँ तिन्हा ने जवाब दित्ता, परमेश्वर रा राज तुसां रे साह्ब कने लिब्बणे वाळी निशानियाँ कने नी आणा।

परमेश्वर रे राज्य रा आणा

²⁰ अते मणुआँ ने एह नी बोल्णा, कि दिख्खो, इत्ते है, या उत्ते है।’ किजोकि, परमेश्वर ता तुसां रे दिला बिच ई राज करदा।" ²¹ फिरी यीशु जी ने चेल्लयाँ जो दस्सेया, " कि से रोज आणे, जाँ (यीशु) "मणु रे पुत्तर" ने राज करणा ताँ तुसी तिस रोज जो दिख्खणे ताँई तरसी जाणा, पर दिख्खी नी पाणा। ²² मणुआँ बिच इदेई गल्लाँ बी होणियाँ कि "मणु रा पुत्तर" राज करणे ताँई आई गेरा है अते से इत्ते है या उत्ते है अपण मैं तुसां जो बोल्दा, "कि तुसी तिसेरे पिच्छे मत चली जान्दे, या तिन्हा गल्लाँ पर भरोसा मत करी बैन्दे।" ²³ जिह्याँ अम्बरा बिच बिजळी इक कुणे का दूए कुणे तक लसकदी, तिस ई तरीके कने मणु रे पुत्तर ने राज करणे ताँई आणा। ²⁴ अपण, एह सब गल्लाँ होणे का पैल्ले एह जरूरी है कि "मणु रा पुत्तर" जो बड़े दुख सैह्णे पैणे अते इस जुग दे मणुआँ ने तिस जो नी मनणा। ²⁵ मणु रे पुत्तर रे राज करणे रे बेल्ले बिच बी ओई होणा, जेडा "नूं" रे बेल्ले होया थिया, ²⁶ किजोकी नूँ रे झाज्जा पर चढने का पैल्ले ताँई बी ब्या-ब्यू, अते धाम्माँ बिच खाणा-पीणा, हुन्दा थिया अते इक रोज इदेया हड़ आया कि तित्ते सब किछ तैहस-नैहस होई गेया। ²⁷ अते तिह्याँ ई लूत रे बेल्ले बी होया थिया, कि मणु ब्या-ब्यू बिच खान्दे-पिन्दे अते कम्म-धन्दे बिच लैण-दैण हुन्दा रैह्न्दा थिया, अते खेती-बाड़ी अते घर-बार बनाणे बिच लगी रैह्न्दे थिये; ²⁸ अपण इक रोज जाँ लूत सदोम सैह्र का चली गेया अते तिसेरे जाणे का बाद तित्ते आग्ग अते गन्धक अम्बरा का बरसी पेई अते तित्ते सब किछ्छ तबाह् होई गेया। ²⁹ मणु रे पुत्तर रे आणे रे रोज्जे बी इय्याँ ई होणा है। ³⁰ उस रोज जे मणु अपणे घरे री छत्ती पर हो अते से अपणा समान लैणे जो थल्ले ना उतरो। अते तिह्याँ ई जे अपणे खेत्राँ अन्दर होन से अपणे घरा जो ना हटन। ³¹ लूत री लाडी जो चेत्ता करो, कि उस कने कै होया थिया? ³² उस रोज जेड़ा बचणे री कोसिस करगा, तिन्ने मरणा, अपण जेड़ा परमेश्वर पर भरोसा रखी रखगा, तिन्ने बची जाणा है। ³³ मैं तुसां जो बोल्दा, "कि तधाडी राती दो मणु इक मन्जे पर सुत्तेरे होणे अते इक अपणे कने लेई जाणा अते दुज्जा छड्डी जाणा। ³⁴ तधाडी दो जनानियाँ आट्टा पिह्न्दी होणी अते इक अपणे कन्ने लेई जाणी अते दुज्जी छड्डी जाणी। ³⁵ तधाडी दो जणे खेत्रा बिच हुन्गे, इक गैब होई जाणा अते इक तित्ते ई रेई जाणा। ³⁶ एह सुणी करी चेल्लेयाँ ने बोल्लेया, "ओ प्रभू जी! एह सब किछ कुदे होणा? जाँ तुसां ने एह सब गल्लाँ हुन्दे दिखणी ता समझी ले कि मणु रे पुत्तर अवे आणे वाळा है।" ³⁷ फिरी यीशु जी ने अपणे चेल्लेयाँ जो एह बताणे ताँई कि से हर बेल्ले प्रार्थना करदे रैन अते दुख्खी ना होण तिधेरे ताँई इक उदारण दित्ता,

बुरा हाकम ते विधवा रा उदारण

¹ तिन्हा ने बोल्लेया, कुस्की सैह्रा बिच इक जज थिया से ना ता परमेश्वर जो मन्दा थिया ना ई मणुआँ री परुआ करदा थिया। ² तिस्सी सैह्र बिच इक बिधवा जनानी रैंन्दी थी। से तिस्का घड़ी-घड़ी आन्दी थी अते बोल्दी थी, मेरे दुस्मण ने मेरे कने बे-न्याई करी के मेरा नुक्सान कित्ता, अवे मिन्जो तिस मणु का फैंसला मिलणा ई चाहिन्दा। ³ तिस जज ने मते रोजाँ ताँई तिस बिधवा री गल्लाँ री कोई परुआ ई नी कित्ती, अपण बाद बिच तिन्ने अपणे मनां अन्दर सोचेया, कि मैं ना ता परमेश्वर का डरदा ना ई मणुआँ री परुआ करदा। ⁴ अपण ताँ बी से जनानी घड़ी-घड़ी मेरे का आई करी मिन्जो तंग करदी रैंन्दी। इधेरे ताँई मैं इय्याँ करदा कि तिसेरा फैंसला करी ई दिन्दा, नी ता तिन्ने मेरे नक्का धूँ देई रखणा। ⁵ फिरी प्रभू जी ने बोल्लेया, सुणो, तिस कोढ़ी जज ने कै बोल्या था?" ⁶ ता कै परमेश्वर अपणे चुने दे मणुआँ पर ध्यान नी दिन्गा, जे तिन्हा जो रात ध्याड़ी चेता करदे अते मन्गदे कि असा जो फैंसला मिलण? कै परमेश्वर ने तिन्हेरी सुनणे ताँई बड़ी हाण लगा गाँ? ⁷ मै तुसा जो बोल्दा, कि परमेश्वर ने तिसी ई बेल्ले तिन्हेरा फैंसला करणा। अपण जाँ (यीशु) मणु रा पुत्तर इस धरत बिच आन्गा, ता ईदेय किन्ने हुन्गे जे ईदेया भरोसा करदे हुन्गे?" ⁸ जे कोई अपणे नेक होणे पर बडा भरोसा रखदा अते दूज्याँ जौ अपणे सामणे किछ्छ बी नी समझदे इदेय मणु ताँई यीशु जी ने उदारण सुणाया:

फरीसी ते चुगीं लैणेवाळे रा उदारण

⁹ इक बारी दौ मणु देह्रे बीच प्रार्थना करने ताँई गे! इक फरीसी थिया, दूज्जा चुंगी लैणे वाळा थिया! ¹⁰ से फरिसि कल्ला खड़ी करी प्रार्थना करणे लगया, ’ओ परमेश्वर, मै तेरा सुकर करदा, कि मै दूज्याँ साँई ना ई मणुआँ जो ठगदा, ना ई मैं गलत करदा, अते ना ई व्यभचारी*है, अते ना चुंगी लैणे वाळे साँई है। ¹¹ मैं हफ्तै बीच दौ वारी व्रत रखदा। हाँ, अते अपणी कमाई दा दसमाँ हिस्सा तिजो दिन्दा! ¹² अपण, सै चुंगी लैणे वाळा मणु दूर खड़ी करी प्रार्थना करणे लगेया ! अपण प्रार्थना करदे बेल्ले स्वर्ग रे पासे अपणी अँखा चुकने री हिम्मत नी करी सकया ! बजाए इसेरे, सै अपणे हिक्का जो पीटी-पीटी करी बडे दुख्खी मना़ कने बोल्णे लगया, ओ परमेश्वर, मेरे पर रैहम कर, किजोकी मै बडा़ पाप्पी मणु है!" ¹³ यीशु जी ने फिरी बोल्या , "मै तुसा जौ बोल्दा हाँ कि एह पाप्पी मणु परमेश्वर रे अग्गे नेक मन्याँ गेया , अते अपणे घरे वापिस हटी गेया, ना कि दुज्जा! अपण फरीसी कने इदेया नी होया, किजोकि जे कोई बी अपणे आप जो बड्डा समझगा , से छोटा कित्ता जाँणा , अपण जे कोई अपने आप जो छोटा समझगा , तिस जो बड्डा कित्तेया जाँणा।" ¹⁴ इक रोज किछ्छ माँ प्यो अपणे निक-निकेयाँ जो यीशु जी का लेई आए कि से तिन्हा पर हाथ्थ रखण! अपण, यीशु जी रे चेल्लेयाँ ने तिन्हा जो बोल्या, कि यीशु जी जो तान्ग मत करो।

बच्चेयां जो आशिर्वाद दैणा

¹⁵ अपण यीशु जी ने चेल्लेयाँ जो बोल्या, "निक्याँ जो मेरे का आणा देयो, अते इन्हा जो मेरे का आणे ताँई ठाक्को मत! किजोकि परमेश्वर रे स्वर्ग बिच इदेय ई मणु होणे ¹⁶ मै तुसा जो सच्च बोल्दा, "कि ईदेया कोई बी जे परमेश्वर रे स्वर्ग जो निक्के -निक्के साह्ई नी मन्गा*,p स्वर्ग बिच से नी जाई सकदा। ¹⁷ इक बारी कुस्की यहूदी मन्त्री ने यीशु जी का सवाल पूच्छया , ओ पवित्र गुरू, अनन्त काल रा जीण पाणे ताँई मै कै कराँ ?"

अमीर आदमी ते स्वर्ग री हमेसा री जिन्दगी

¹⁸ यीशु जी ने बोल्या ," तू मिन्जो पवित्र किजो है बोल्दा? सिरफ परमेश्वर ई पवित्र है ! ¹⁹ तिज्जो परमेश्वर रे नियमाँ रे हुकमा रा पता ई है कि परमेश्वर रे कै हुकम हिन: गलत कम्म नी करने, जान नी लैणी, कने चोरी नी करनी, झूठी गवाई नी दैणी, अते अपणे माँ प्यो री इजज्त करणी!" ²⁰ तिस मणु ने बोल्या , "जाँ मै हल्का थिया , ताँ दा मै एह सारे हुकमा जो मन्या करदा आया है!" ²¹ यीशु जी ने एह सारी गल्ला जो सुनी करी तिस जो बोल्या, " तेरे बिच अबे वी इक गल्ल री कमी है, से एह कि अपणा सब किछ्छ बेची करी गरीबा बिच बन्डी दे; फिरी तिज्जो स्वर्ग रा धन मिलणा! फिरी आ अते मेरे पिच्छे चली पे! " ²² अपण जिस बेले तिस मणु ने एह गल्लाँ सुणी तिसेरा मूँ हल्का होई गेया किजोकि से बडा अमीर थिया ! ²³ जाँ यीशु जी ने तिस जो बड़ा दुख्खी हुन्दे दिख्खया , ता से अपणे चेल्लेयाँ जो बोल्णे लगे ," अमीर मणु रा परमेश्वर रे स्वर्ग बीच आणा बड़ा मुस्कल है! ²⁴ इक सेई बीच का ऊँट आसानी कने निकळी सकदा अपण, इक अमीर मणु स्वर्ग अन्दर चली जाए एह नी होई सकदा ! ²⁵ जिन्हा ने बी एह गल्लाँ सुणी , तिन्हा ने पूच्छया , "ताँ उद्धारर कुसेरा हुणा ! ²⁶ ताँ यीशु जी ने जवाब दित्या ,"जे मणु का नी होई सकदा, से परमेश्वर का होई सकदा !" ²⁷ पतरस ने बोल्या , "असाँ ने ता तुसां रे पिछे चलणे ताई अपणा घर-बार बेची दित्या" ²⁸ यीशु जी ने तिन्हा जो बोल्या, अपण मै तुसा जो सच्च बोल्दा, " जिन्ने परमेश्वर रे स्वर्ग ताँई, घर-बार, लाडी, भ्याळ, माँ प्यो, या बाल बच्चे छडी दित्ते हो। ²⁹ तिस जो इस जुग बिच ता कई गुणा अशीष मिलणी ई मिलणी अते आणे वाळे बेल्ले तिस जो अनन्त जीण बी मिलणा। ³⁰ फिरी तिन्हा ने अपणे कने खास बारा चेल्लेयाँ जो लित्या, अते तिन्हा जो बोल्या, असी यरुशलेम जो जाए करदे हिन अते जिस बेल्ले असी तित्ते पूज्जणा, तां "मणु रे पुत्र" रे बारे बिच, भविष्यवक्ता री लिखी रियां सै सारी गल्लां पूरी होणी।

अपणे मरणे रे बारे बिच यीशु जी रि तिज्जि भविष्यवाणी

³¹ कि से पापियाँ रे हथ्था पकड़ाया जाणा। तिन्हा ने तिसेरा मजाक उडाणा अते तिस जो कोस्या जाणा अते तिस पर थूकणा ! ³² तिन्हा तिस जो कुटणा अते तिस जो मारी दैणा ! अपण तिन्नी तिज्जे रोज्जे फिरी जिन्दा होई जाणा ।" ³³ अपण, यीशु जी जे किछ्छ बोल्या करदे थिये, से गल्लाँ चेल्लेयाँ रे पल्ले नी थी पेया करदी । अते से इन्हा गल्लाँ का अणजाण रे , अते से जाणी नी पाए कि से कुधेरे बारे बोल्या करदे हिन । ³⁴ जाँ से यरीहो रे नेड़े जाई पुज्जे ताँ इक अह्न्ना भिखारी सड़क रे कनारे बैठ्ठे दा थिया।

अन्ने भिखारी री हाक्खियां जो ठीक करणा

³⁵ फिरी जाँ मणु तिसेरे मुहाग्गर पुज्जे ताँ तिन्हेरी अवाज सुणी करी से कुस्की का पुछणा लगेया, "एह कै होया करदा है?" ³⁶ तिन्हा ने तिस जो बोल्लेया कि, "यीशु नासरी जी जाया करदे हिन।" ³⁷ अते ताँ तिन्ने हाक्क लाई करी बोल्लेया, "ओ दाऊद रे पुत्तर, यीशु जी! मेरे पर रैहम करो!" ³⁸ जे मणु यीशु जी रे अग्गे अग्गे चले दे थिये से तिस जो बक्णा लगे, अपण से होर बी जादा जोरे हक्कां लाणे लग्गेया, "ओ दाऊद रे पुत्तर! मेरे पर रैहम कर!" ³⁹ ता यीशु जी ने तिसेरी अवाज सुणी, अते अपणे चेल्लेयाँ जो बोल्लेया, "इस जो मेरे का लेई आओ"। जाँ तिस जो लेई आए, ता यीशु जी ने पुछ्छेया, ⁴⁰ तू कै चान्दा कि मैं तेरे ताँई करां?" तिन्ने बोल्लेया, "ओ प्रभू जी, मैं एह चान्दा कि मैं अपणी हाख्खियाँ कने दिख्खी सकां।" ⁴¹ यीशु जी ने तिस जो बोल्लेया, "ता ठीक है, तू अवे दिख्खी सकदा; अते तेरे भरोसे ने तिज्जो खरा कित्ता।" ⁴² ताँ से तिस्सी बेल्ले दिख्णा लगी पेया अते परमेश्वर री बडाई करणा लग्गेया अते यीशु जी रे पिच्छे चली पेया; अते एह सब किछ दिख्खी करी मणु परमेश्वर री बड़ाई करणा लगे। ⁴³ यीशु जी यरीहो नाँ रे सैहर जो जाया करदे थिये।

चुगीं लैणेवाळा जक्कई

¹ तित्ते जक्कई नाँ रा मणु चूंगी वसूलणे वाळेयां रा प्रधान, अते से बड़े पैसे वाळा थिया। ² से यीशु जी जो दिख्णा चान्दा थिया। अपण, बड़े सारे मणुआँ री वजाह् कने से दिख्खी नी थिया पाया करदा, किजोकि से बोणा थिया। ³ इधेरे ताँई से दौड़ी करी त्रिम्बळ रे बूट्टे पर चढ़ी गेया, जेड़ा कि तिसी रस्ते पर लगे दा थिया, अते जित्ते का यीशु जी ने जाणा थिया। ⁴ जाँ यीशु जी तिस्स बूट्टे रे रस्ते का होई करी जाणा लग्गे, ताँ तिन्हा ने बूट्टे पर जक्कई जो दिख्खेया, अते तिस जो बोल्लेया, ’ओ जक्कई, झट्ट थल्ले उतर किजोकी आज्ज तेरा घरे होणा जरूरी है, किजोकि आज्ज मैं तेरे घरे रैणा। ⁵ जक्कई झट्ट थल्ले उतरेया अते बड़ी खुसी कने यीशु जी कने मिलेया। अते तिन्हा जो अपणे घरे लेई गेया। ⁶ अपण मणुआं जो एह गल्ल खरी नी लग्गी, अते बुड़बुड़आणा लगी पेय अते बोलणा लग्गे से ता पाप्पी मणु रे उत्ते प्रोणा बणी करी तिस रे घरे जो गया। ⁷ जक्कई खड़े होई गेया अते यीशू जी जो बोल्णा लग्गेया, ’ओ प्रभु जी’ मै अपणी धन-दौलत रा आदा हिस्सा गरीबां बिच्च बन्डी दिन्गा अते ’प्रभु जी। मै जिन्हा मणुआं जो ठग्गी करि तिन्हा का जरुरत का जादा लित्ते दा है तिन्हा जो मै चार गुणा मोड़ी दिन्गा। ⁸ यीशू जी ने तिस जो बोल्लेया, ’आज्ज तेरा अते तेरे घरे वाळेयां रा उद्धार* होया है। किजोकी तैं अप्पु जो अब्राहम रा पुत्तर साबित कित्तेया है। ⁹ किजोकी “मणु रा पुत्तर” तेरे जदैय होर बी मणुआं जो तोपणे अते तिन्हेरा उद्धार करणे ताँई आये दा है। ¹⁰ यीशु जी यरुशलेम रे नेड़े कुदकी थिये। अते तित्ते मणु तिन्हेरी गल्लां सुणेया करदे थिये। अते तिन्हेरे मरणे रीभविष्यवाणी* रा पूरे होणे रा बेल्ला आई गेरा थिया, इधेरे ताँई तिन्हा ने मणुआं जो इक उदारण दित्ता;

दस मुहरां रा उदारण

¹¹ इक खरे पैसे वाळा मणु अपणे देस रा राज्जा बनणे दी इजाज़त लैणे ताँई रोम देस जो गेया। ¹² जाणे का पैल्ले तिन्ने अपणे नोकरां जो सद्देया अते बोल्लेया,कि मै जां ताँई हटि नि आन्दा ताँ ताँई मै तुसां जो दस-दस सोन्ने रे सिक्के देई जान्दा, अते तिन्हा कने किछ्छ कमाई करे। ¹³ अपण, तिसेरे सैहर रे मणु तिस जो सुखान्दे नी थिये, इधेरे ताँई तिन्हा ने किछ्छ मणु तिसेरे पिच्छे एह बोल्ली करी रोम देस जो भेज्जी दित्ते, कि अस्सी नि चान्दे कि एह म्हारे पर राज करण। ¹⁴ जाँ से राज्जा अपणे राज्जा बनणे री मंजूरी लेईकरी आई गेया, ताँ तिन्ने जे सोन्ने रे सिक्के नौकराँ जो दित्ते रे थिये, तिन्हेरा साह्ब-कताब लैणे ताँई तिन्हा जो सद्देया। ¹⁵ ताँ पैल्ले नौकर ने आईकरी बोल्लेया, ’ओ मालक, तुसी जे सिक्के मिन्जो दित्ते थिये, तिन्हा सिक्के कन्ने मे दस गुणा होर सिक्के कमाई ले। ¹⁶ ’मालक, ने तिस जो बोल्लेया, ’शाबास, तू ता बड़ा खरा कन्ने भरोसे रे लायक नौकर है, इधेरे ताँई मैं तिज्जो दस राज्य रा राज्यपाल बणाई दिन्दा। ¹⁷ दुज्जे ने आईकरी बोल्लेया, ’ओ मालक, तुसी ने जे सिक्के दित्ते थिये तिन्हा कन्ने मैं पान्ज गुणा होर सोन्ने रे सिक्के कमाए हिन। ¹⁸ तिन्ने तिस जो बोल्लेया, तिज्जो बी पान्ज राज्य रा राज्यपाल बणाई दिन्दा। ¹⁹ तिज्जे ने आईकरी बोल्लेया, ’ओ मालक, मैं तुसां रे दित्ते रे सिक्केयाँ जो कपडे़ बिच बन्नी करी संम्भाळी रख्खे दा थिया। ²⁰ किजोकि मिन्जो तुसां का डर लगदा, इधेरे ताँई कि तुसी जेड़ा, तुमारा नी है तिस जो बी लेई लिन्दे अते जेड़ा तुसी बाया बी नी तिस जो बी कट्टी लिन्दे। ²¹ से राज्जा तिस पर टुटी पेया, अते बोल्णे लगेया, ओ नलायक नौकराँ! जे तू मेरे बारे अन्दर इन्ना किछ्छ जाणदा थिया कि मैं बुरा मणु है जेड़ा कि बान्दा बी नी अते तिस जो कट्टी बी लिन्दा। ²² ताँ तू मेरे सोन्ने रे सिक्केयाँ जो ब्याज पर उधार किजो नी देई दित्ता ताकि मैं जाँ वापस हटदा ताँ मिन्जो किछ्छ ब्याज ता मिली जान्दा? ²³ जे नौकर नेड़े खड़ितेरे थिये तिन्हा जो राज्जे ने बोल्लेया, इस नौकरा का से सोन्ने रे सिक्के लेई लो अते जिन्ने सबका जादा सिक्के कमाए तिस जो देई दो। ²⁴ नौकराँ ने तिन्हा जो बोल्लेया, ’ओ मालक, तिसेरे का ता दास्स सोन्ने सिक्के हिन। ²⁵ इस गल्ल पर राज्जे ने बोल्लेया, जिन्हा जो जे दित्ते दा है, तिस जो से सह्ई तरिक्के कने बरतगे ता तिन्हा जो होर मिलणा, अपण जेड़ा ईया नी करगा ता तिन्हेरे का जे है से बी खोई लेणा। ²⁶ अते जे नी चान्दे कि मैं तिन्हा पर राज करां तिन्हा मेरे दुस्मणा जो मेरे सामणे ले आई करी मारी देयो। ²⁷ फिरी जाँ यीशु जी एह गल्लाँ करी बैठ्ठे ताँ से तिसेरे बाद यरूशलेम जो चलणा लगे अते तिन्हेरे पिच्छे उन्हेरे चेल्ले थिये।

यरुशलेम बिच विजय-प्रवेश

²⁸ जाँ से जैतून पाह्ड़ पर बसेरे "बैतफगे" अते "बैतनियाह" सैह्र पर पुज्जे तां यीशु जी ने अपणे चेल्लेयाँ जो एह बोल्ली करी अग्गे भेज्जेया, ²⁹ कि सामणे वाळे ग्राँ बिच जाओ अते जिह्याँ ई तुसी तिस ग्राँ बिच बढ़ गे, ताँ तुसां जो इक खोती रा बच्चा बन्ने रा मिलणा जिस पर हल्ले ताँई कोई बी नी बैठ्ठे रा होणा, तिस जो खोली करी लेई आओ। ³⁰ जे कोई बी तुसां का पुछगा कि कै हिन करेया करदे? ताँ बस इन्ना ई बोल्लेयो कि "प्रभू जी" जो इधेरी जरूरत है। ³¹ ताँ से चेल्ले गे, अते जिह्याँ यीशु जी ने बोल्ले दा थिया, तिह्याँ ई खोती रे बच्चे जो बनितेरा दिख्खेया। ³² अते जाँ से तिस जो खोल्णा लगे ता तिसेरे मालक ने आई करी तिन्हा जो पुच्छेया, तुसी इस जो किजो खोलदे हिन? ³³ ताँ चेल्लेयाँ ने बोल्लेया कि "प्रभू जी" जो इधेरी जरूरत है।" ³⁴ फिरी से खोती रे बच्चे जो यीशु जी का लेई आए अते चेल्लेयाँ ने अपणे कपड़े तिस पर पाए अते यीशु जी जो तिस पर बठाई दित्ता। ³⁵ जाँ यीशु जी खोती रे बच्चे पर बेई करी यरूशलेम जो जाया करदे थिये ताँ मणु बी अपणे कपड़े यीशु जी रे रस्ते बिच बछाँदे यीशु जी कने चले दे थिये। ³⁶ ताँ से, जित्ते का जैतून पाह्ड़ री घार सुरू हुन्दी, तिस जगाह् पर पुज्जे ता सारे चेल्ले बड़े जोर कने गांदे गांदे परमेश्वर री बड़ाई करणा लगे। ³⁷ धन्न है से राजा, जेड़ा प्रभू रे नां कने आंदा, स्वर्ग बिच चैन अते सबका ऊँचे अम्बरा बिच परमेश्वर री जे जे कार हो।" ³⁸ ताँ यीशु जी रे पिच्छे चलणे वाळे मणुआँ बिच किछ्छ फरीसी बी थिये अते से बोल्णा लगे, "ओ गुरु जी, एह जे बोल्लेया करदे हिन इस गल्ल ताँई अपणे चेल्लेयाँ जो झिडको।" ³⁹ यीशु जी ने जवाब दित्ता जे एह चुप्प होई गे ता रस्ते रे बट्टेयाँ ने बोल्ली पैणा। ⁴⁰ जाँ से यरुशलेम सैह्र रे नेड़े पुज्जे ताँ यीशु जी ने तिस सैहर पास्से दिख्खेया अते तिन्हेरी हाख्खी भरी आई अते बोलणा लगे;

यरुशलेम तांई अफसोस

⁴¹ किन्ना खरा हुन्दा कि तू हाँ तू ई चैन रे रस्ते जो जाणी पान्दा, अपण अवे बडी हाण होई गेरी है अते चैन तुसां री हाख्खी का गैब होई गेरा है। ⁴² तोळे ई तेरे दुस्मणां ने तिज्जो घेरी करी चौं पास्सेयाँ का रोकी लैणा। ⁴³ तिज्जो अते तेरे बच्चेयाँ जो मिट्टी बिच मिलाई दैणा अते तिज्जो पूरी तराह् कने खत्म करी दैणा, किजोकी जाँ परमेश्वर तेरे का आए थिये, तिस बेल्ले तू तिन्हा जो पछाणेया नी।" ⁴⁴ जाँ यीशु जी देह्रे बिच बड़े अते जे तित्ते समान बेचया करदे थिये तिन्हा जो देह्रे का बाह्र कडणा लगे।

मन्दर का दुकानदारा जो कडणा

⁴⁵ यीशु जी ने तिन्हा जो बोल्या, कि पवित्र सास्त्र बिच लिख्खे दा है कि मेरा देह्रा प्रार्थना दा घर है अपण तुसां ने इस जो डाकू री कुड बणाई रखे दा है। ⁴⁶ इस का बाद यीशु जी हर रोज देह्रे बिच सिक्सा दैणे लगे। अपण बड्डे पुरोत यहूदी धर्म गुरु अते यहूदी मणुआँ रे मन्र्ती यीशु जी जो मारणे री सलाह करणा लगे। ⁴⁷ अपण, से यीशु जी जो मारणे ताँई कोई बेतर नी लाई सके, किजोकी मणु बड़ा मन लाई करी यीशु जी री गल्लाँ सुणदे थिये। ⁴⁸ इक रोज यीशु जी मणुआँ जो वचना का सिखाया करदे थिये अते परमेश्वर रा बसेख रे बारे दस्सेया करदे थिये ताँ किछ्छ सियाणे यहूदी मन्त्री अते धर्म गूरु तिन्हा का आई रे।

यीशु जी रे हक्क पर सवाल

¹ से तिन्हा का पूछणा लगे कि तुसा जो एह सारे कम्म जे तुसी करेया करदे हिन, इन्हा जो करणे रा हाक्क कुन्ने दित्ता? ² यीशु जी ने तिन्हा जो बोल्लेया, पैल्ले तुसी मेरी इक गल्ल रा जवाब देयो फिरी मैं तुसां रे सुआल रा जवाब दिन्गा। ³ तुसी एह बोल्लो, कि यहून्ना, जे बपतिस्मा दिन्दा थिया, तिसेरा बपतिस्मा परमेश्वर रे पास्से रा थिया की मणुआँ रे पास्से का थिया? ⁴ ताँ से अप्पु मिते सलाह् करणा लग्गी पे, कि अगर असाँ ने बोल्लेया कि परमेश्वर रे पास्से का थिया, अते ताँ इन्ने बोल्णा, तुसा तिसेरी गल्लाँ किजो नी मन्नीयाँ। ⁵ अते अगर असाँ ने बोल्लेया, कि मणुआँ रे पास्से का थिया, ताँ ता इत्ते जितणे बी मणु हिन तिन्हा असा जो मारी छडणा, किजोकि इन्हा मणुआँ री नजरा बिच यहून्ना ता इक भविष्यवाणी करणे वाळा थिया। ⁶ फिरी तिन्हा ने सलाह् करी के यीशु जी जो जवाब दित्तया, " असा जो नी पता है।" कि से कुसेरे पास्से का थिया। ⁷ फिरी यीशु जी ने बोल्लया, ताँ मैं बी तुसा जो नी दस्सणा कि एह कम्म मैं कुस हाक्क कने करदा। ⁸ फिरी यीशु जी ने मणुआँ जो एह उदारण सुणाया, इक मणु ने अँगूर रा बगीचा लगाया अते तिसेरी दिख-रिख करणे रा ठेका जिमीदाराँ जो देई करी बड़े रोज्जा ताँई कुदकी चली गेया।

बुरे किसाना रा उदारण

⁹ जाँ अँगूरा रे फळणे रा बेल्ला आया ता तिस मणु ने जिम्मीदारा का इक नौकर भेजेया कि से अँगूरा रे बगीच्चेयाँ का किछ्छ अँगूर देई देन, अपण तिन्हा जिम्मीदारा ने तिसेरे नौकर जो मारी कुट्टी करी खाली हथ्था भेजी दित्ता। ¹⁰ फिरी तिन्ने इक होर नोकर भेज्जेया, अते तिन्हा ने तिस कने बुरा बर्ताव कित्या अते तिस जो बी मारी कुट्टि करी खाल्ली हथ्था भेजी दित्ता। ¹¹ ताँ फिरी तिन्ने त्रीय्या नोकर भेज्जेया, अपण तिस कने बी पैल्ले वाळे दो नोकराँ साँई ई होया, अते तिस जो बी जख्मी होई करी खाल्ली हथ्था हटणा पेया। ¹² बगीचे रा मालक सोच्णा लगेया, मेरे त्रेन्ना नोकराँ रा तिन्हा ने बुरा हाल करी रख्या, अवे मैं कै कराँ? अवे मैं अपणे पुत्तर जो ई भेजदा, होई सकदा कि से जिम्मीदार तिस कने इय्याँ नी करगे। ¹³ अपण, तिन्हा जिम्मीदाराँ ने अपणे मालक रे पुत्तर जो दिख्खी करी अपु मिते सिक्ख सलाह करी के बोल्णा लगे, एह ता इस बगीचे रा वारस है, अगर असी इस जो मारी देन ता एह बगीचा म्हारा होइ जाणा। ¹⁴ अते तिन्हा ने तिस जो बगीचे का बार धरीडी करी मारी रख्या। फिरी यीशु जी ने तिन्हा मणुआँ का पुछ्छेया, अवे तुसी दस्सो, तिस बगीचे रे मालक ने तिन्हा जिमीदाराँ कने कै करणा? ¹⁵ यीशु जी ने बोल्लेया, तिन्ने आई करी तिन्हा जिमीदाराँ जो मारी दैणा, अते अँगूरा रे बगीचे रा ठेका कुसकी होरनी जो देई देणा।" एह सुणी करी मणुआँ ने बोल्लेया, "परमेश्वर ना करे कि इय्याँ कदी हो"। ¹⁶ फिरी यीशु जी ने तिन्हा पास्से दिख्खी करी बोल्लेया, "पवित्र सास्त्र बिच एह कै लिख्खे दा है? जिस बट्टे जो मिस्त्रीयाँ ने फजूल रा समझेया थिया, से ई बट्टा कूणे बिच लाणे वाळा खास बट्टा बणी गेया। ¹⁷ जेड़ा कोई बी तिस बट्टे पर पैंगा, तिसेरे चीत्थड़े होई जाणे अते से जिस पर पैंगा, तिस जो तिन्ने पीह् रखणा। ¹⁸ तिस्सी बेल्ले धर्मगुरु अते बड्डे परोत कोई तिगड़म लाई करी यीशु जी जो पकड़ी लेणा चान्दे थिये किजोकी से समझी गेरे थिये, कि यीशु जी ने से उदारण तिन्हेरे ई खलाफ बिच बोल्या है अपण से मणुआँ का डरदे थिये।

कैसर जो कर दैणा

¹⁹ इधेरे ताँई से यीशु जी पर नजर रखणा लगी पे। अते तिन्हा ने अपणे भेदियाँt जो खरे मणू बणाई करी यीशु जी रे पीच्छे भेजी दित्ते ताकि से तिन्हेरे बिच रैह्ण अते तिन्हेरी गलतियाँ पकड़ी करी यीशु जी जो तिन्हेरी ई गल्लाँ बिच फँसाई करी तिन्हा जो रोम रे राज्यपाल का पकड़वाई देन। ²⁰ ताँ तिन्हा ने यीशु जी जो बोल्लेया, "गुरु जी, असां जो पता है कि तुसी जे ठीक है सेई बोल्दे अते सेह्ई तुसी सिखांदे बी अते तुसी कुस्की कने कोई भेद-भाव नी करदे। बल्कि तुसी सच्चाई अते परमेश्वर रे रस्ते पर चलणा सिखांदे ²¹ असां जो एह दस्सो कि असां यहूदी मणुआँ जो रोम रे राज्यपाल (कैसर) जो चुन्गी दैणा चाईन्दी कि नी? ²² यीशु जी तिन्हेरी चाल समझी गे कि एह तिन्हा का इय्याँ किजो पुछेया करदे हिन; इधेरे ताँई तिन्हा जो यीशु जी जवाब दिन्दे, ²³ मिन्जो इक रोम रा सिक्का दिखाओ, इस पर कुसेरी मूर्ति अते नां लिखितेरा है? तिन्हा ने बोल्लेया, "कैसर दा"। ²⁴ यीशु जी ने बोल्लेया, "ता ठीक है, जे कैसर रा है से कैसर जो ई देयो अते जे परमेश्वर रा है से परमेश्वर जो ई दो"। ²⁵ से मणु यीशु जी जो इस गल्ल पर गलत साबित नी करी सके, अपण से भेदी यीशु जी रे जवाब का हरान रेई गे अते से चुप्प होई गे। ²⁶ फिरी किछ्छ सदूकी मणु यीशु जी का आई रे। एह सदूकी से मणु हिन, जे बोल्दे थिये कि मरने का बाद मणू जिन्दा नी होई सकदा। अते से तिन्हा का पुछणा लगे;

फिरी जिन्दा होणा ते ब्याह रे बारे बिच

²⁷ गुरु जी, मूसा री नियम रे हिसाब कने जे अगर कुसेरा भयाळ मरी जाओ अते तिसेरी कोई औलाद बी नी हो ताँ तिसेरा भयाळ तिसेरी विधवा लाड़ी कने ब्या करी के तिस का इक निक्के जो पैदा करी सक्दा अते से निक्का तिसेरे बड्डे भ्याळ रे खानदान जो बड़ाई सके। ²⁸ इय्याँ ई सात्त भ्याळ थिये। पैल्ले भ्याळ ने कुस्की जनानी कने ब्या कित्ता अते बगैर औलादे मरी गेया। ²⁹ फिरी दुज्जे भ्याळ ने तिस जो ब्याई लित्ता। ³⁰ फिरी ईय्याँ त्रिये भ्याळ ने बी कित्तेय। इन्हा सात्त जणेया कने ईय्याँ ई होया अते सब जणे बगैर औलोदे मरी गे। ³¹ अते बाद अन्दर से जनानी बी मरी गेई। ³² अवे असाँ जो एह बोल्लो कि पुनरुत्थान होणे का बाद से जनानी कुसेरी लाड़ी मन्नी जाणी? ³³ यीशु जी ने बोल्लेया, इस जुग रे मणुआँ बिच ता ब्या होया करदा है। ³⁴ अपण, जेड़े़ मणु तिस जुग ताँई अते जेड़े मरे रेयाँ बिच का जिन्दा होई जाणे ताँई चुनी रख्खेरे हिन तिन्हा ना ता ब्या करणा अते ना ई तिन्हा कने ब्या जो लेईकरी जबरदस्ती होणी। ³⁵ अते फिरी तिन्हा कदी मरणा बी नी, किजोकि से स्वर्ग रे दूत साँई हिन, अते से नोई जिन्दगी बिच फिरी का जिन्दे कित्ते गे परमेश्वर री औलाद हुणी, । ³⁶ अपण, मरे रे मणु जिन्दा हुन्णे कि नी इस गल्ल जो मूसा ने जळदी झिल्लाँ री काह्णी बिच दस्से रा है कि से प्रभु जी जो "अब्राहम रा परमेश्वर, इसहाक रा परमेश्वर, कने याकूब रा परमेश्वर, बोल्दा था*y। ³⁷ से मरे रे मणुआँ रा नी बल्कि जिन्दे मणुआँ रा परमेश्वर है। से सारे मणु जे तिन्हेरे हिन, से जिन्दा हिन।" ³⁸ ता एह सुणी करी किछ्छ यहूदी गूरुआँ ने बोल्लया, " गूरु जी, तुसी ने ठीक ई बोल्लेया।" ³⁹ इस्का बाद कुस्की जो बी यीशु जी का किछ्छ पूछणे री हिम्मत नि पेई। ⁴⁰ फिरी यीशु जी ने तिन्हा का पूच्छेया, कि "मसीहा" जो दाऊद री औलाद किजो बोल्दे?

मसीह कुसेरा पुत्तर ?

⁴¹ किजोकि दाऊद ने ता अप्पु ई भजन सँहिता री कताब अन्दर एह लिख्खे दा है कि प्रभु( परमेश्वर) जी ने मेरे प्रभु ( मसीह ) जी जो बोल्या, ⁴² मेरे सज्जे हाथ्थ पास्से बैठ्ठ जाँ ताँई मै तेरे दुसमणा जो तेरे पैरा हेठ करी नी देयाँ ⁴³ अवे जाँ दाऊद अप्पु ई मसीहा जो "प्रभु" जी बोल्दा है, ता मसीहा दाऊद री औलाद किह्याँ होई सकदा?" ⁴⁴ जाँ सब मणु इन्हा गल्लाँ जो सुणदे थिये ता यीशु जी ने अपणे चेल्लयाँ जो बोल्या,

शास्त्रियां का सावधान

⁴⁵ इन्हा यहूदी गूरुआँ का बची करी ई रेया, जिन्हा जो लम्मे-लम्मे कपड़े पाई करी फिरणा खरा लगदा। जाँ से बजार जान्दे, ताँ तिन्हा जो बड़ा खरा लगदा कि कोई तिन्हा जो निह्ठ्ठा होई करी नमस्ते करो अते धर्म सभा अन्दर अते धामि अन्दर तिन्हा जो अग्गे जाई करी छैळ का छैळ जगाह् पर बैणा खरा लगदा। ⁴⁶ से विधवा जनानियाँ रा घर-बार लुट्टी लिन्दे; अते मणुआँ रे सामणे खरे बनणे ताँई लम्मी-लम्मी प्रार्थना करदे। इदे मणुआँ जो होरनी मणुआँ का जादा बुरी सजा मिलणियाँ हिन। ⁴⁷ यीशु जी देह्रे* बिच थिये ताँ तिन्हा ने अमीर मणुआँ जो दान-पेटी बिच दान पान्दे दिख्खेया।

कगांल विधवा रा दान दैणा

¹ तित्ते इक विधवा जनानी आई जेड़ी कि गरीब थी, अते तिन्ने दान-पेटी बिच दो दमड़ियाँ पाईयाँ। ² ताँ यीशु जी ने बोल्या, "मै तुसा कने सच्च बोल्दा, कि इस ने सब मणुआँ का जादा दान पाया है। ³ किजोकि सब मणुआँ ने अपणी कमाई रा थोड़ा हिस्सा पाया है, अपण, इन्ने अपणी सारी कमाई पाई दित्ती।" ⁴ जाँ किछ्छ मणु देह्रे रे बारे गल्लाँ थिये करदे, कि एह ता छैळ बट्टेयाँ, अते परमेश्वर जो चढ़ाई री चीजाँ कने सजाए दा है।

देहरे रे बर्बाद होणे री भविष्यवाणी

⁵ ताँ यीशु जी ने बोल्या, ईदेया बेल्ला बी आणा जाँ, एह जे किछ्छ बी तुसी दिख दे हिन, इसेरा काख नी रैणा, इक बट्टा तक नी बचणा, सब किछ्छ ढेई जाणा।" ⁶ वअते से मणु यीशु जी का पूछणा लगे, " गूरु जी, एह गल्लाँ कधाड़ी होणी? अते एह गल्लाँ जे होणी वाळियाँ हिन, इधेरा पता किह्याँ चलणा?"

मुसीबत ते दुख

⁷ यीशु जी ने बोल्या, ध्यान रखो, कुदकी कोई तुसां जो ठगी ना लेयो। किजोकि मेरे ना कने बड़े जणेयाँ ने आणा अते तिन्हा बोल्णा, कि " मै मसीहा है, अते एह बी बोल्णा कि से बेल्ला नेड़े आई गेरा है।’*a ताँ तुसी तिसेरे पीछे मत चली जान्दे। ⁸ जाँ तुसी लड़ाई झगड़े कने दँगेया रे बारे सुनणा ताँ डरी मती जान्दे किजोकि एह सब गल्लाँ होणा जरुरी हिन। अपण दुनियाँ रा आन्त तिस्सी बेल्ले ई नी होई जाणा।" ⁹ फिरी यीशु जी ने तिन्हा जो बोल्या, : इक जाति रे मणुआँ ने दुज्जी जाति रे मणुआँ रे खलाफ होई जाणा अते इक राज्य ने दुज्जे रे खलाफ होई जाणा। ¹⁰ अते बडे-बडे हिलण आणे अते कई जगाह् काल पेणा अते महामारियाँ फैलणियाँ, अम्बरा बिच डराणे वाळी गल्ला होणी अते अनोखी निशाणियाँ लिब्बणी। ¹¹ अपण इन्हा गल्लाँ रे होणे का पैले मेरे पीछे चलणे वाळेयाँ मणुआँ जो पकड़ी लेणा, तुसां पर मुसिबताँ पैणी, तुसां जो पँचायता बिच लेई जाईकरी तिन्हा का देई देणा, अते तुसां जो जेला बिच डप्पी देणा, अते तुसां जो राज्जेयाँ(न्यायधिशाँ) कने राज्पालाँ का लेई जाणा। ¹² इन्हा सब गल्लाँ पर तुसां जो मेरे बारे बारे बिच बोल्णे रा मौका मिली जाणा। ¹³ इधेरी ताँई तुसी पैले ई इधेरी चिन्ता मत करदे कि अस्सी बचणे ताँई कै करण? ¹⁴ किजोकि मै तुसां जो ईदेइ जुबान अते अक्कल देणी कि तुसां रे खलाफ जिन्ने बी होणे तिन्हा तुसां कन्ने हाख्खी नी मिलाई पाणी*b ना तुमारी गल्लाँ रा जवाब देणे जोग्गा रेणा। ¹⁵ अपण तुसां रे माँ-प्यो, भाई भैण, रिश्तेदारा, दोसताँ ने ई तुसां जो पकड़ाणा अते तुसां रे बिच का किछ्छ जो मरवाई बी देणा। ¹⁶ मेरे पीछे चलणे वाळेयाँ कने सबनी ने दुश्मणी रखणी। इधेरे ताँई कि तुसी मेरे चेल्ले हिन ¹⁷ अपण तुमारा बाल बी बाँका नी होणा। ¹⁸ तुसां रे सब्बर ने ई तुसां जो बचाई रखणा। ¹⁹ जाँ तुसी यरुशलेम जो दुश्मणा री फौज कने घिरे रा दिख्खणा ताँ जाणी लेयो कि तिसेरा तैस नैस होणे रा बेल्ला निड़ी पेरा है।

यरुशलेम रे बर्बाद होणे रे बारे बिच भविष्यवाणी

²⁰ ताँ जे यहूदिया सैहर बिच हुन्गे से पाह्ड़ा जो नस्सी जायो अते जे यरुशलेम देह्रे बिच हुन्गे से बाह्र निकळी आयो अते जे यहूदिया सैह्र बिच नी हुन्गे से तिस सैहर अन्दर मत बढ़दे। ²¹ किजोकि से रोज सजा देणे रे होणे। ताकि जे "पवित्र सास्त्र" बिच लिखे दा है से पूरा हो। ²² तिन्हा जनानियाँ ताँई जे दुपराणी होणी या तिन्हा जनानी ताँई जे अपणे बच्चे जो दूद पियान्दी हुणी तिन्हा ताँई से रोज बड़े डरोणे होणे। किजोकि तिन्हा रोज्जे इस धरती पर बड़ी मुसिबताँ आणी अते यहूदी मणुआँ पर परमेश्वर रा प्रकोप हुणा। ²³ किछ्छ जो तलवारा कने मारी देणा अते किछ्छ जो गुलाम बणाई करी दुनियाँ रे सब देसा बिच भेजी देणा। अते यरुशलेम देह्रे ने ताँ ताँई गैर- यहूदी मणुआँ का अपवित्तर* होणा जाँ ताँई गैर-यहूदी मणुआँ रा बेल्ला पूरा नी होई जान्दा।d ²⁴ सूरज, चाँद कने तारे बिच अजीब निशाणियाँ लिब्बणी अते धरती हर एक देस पर मुसिबताँ आणी अते मणुआँ ने समुन्द्रा री उथल-पुथल अते तिसेरी तबाई जो दिख्खी करी घबराई जाणा।

म्हणु रे पुत्तर रा वापस आणा

²⁵ दुनियाँ बिच आणे वाळी मुसिबताँ जो दिख्खी करी मणुआँ रे मूँह् सुक्की जाणे अते तिन्हेरी हिम्मत ने बी जवाब देई जाणा नी रैणी। किजोकि अम्बर अपणी जगाह् का हिल्ली जाणा। ²⁶ ताँ सब मणुआँ ने "मणु रे पुत्तर" जो अपणी शक्ति अते तिन्हेरी जै जै कार हुन्दे बदळा बिच का आन्दे दिखणा। ²⁷ जाँ एह सब गल्लाँ होणे लग गी ताँ तुसी खड़े होईकरी अपणा सिर ऊपरा जो उठाई लेयो। किजोकि तुमारा छुटकारा नेड़े आया करदा हुणा।" ²⁸ फिरी यीशु जी ने तिन्हा जो इक उदारण दित्ता, सबनी बूट्टेयाँ जो अते त्रिम्बळ रे बूट्टे जो दिख्खो।

अजींर रे बुट्टे रा उदारण

²⁹ तिन्हा बिच जिह्याँ ई पत्तियाँ निकळणा लगदी तियाँ ई तुसी जाणी जान्दे कि गर्मी रा मौसम आणे वाळा है। ³⁰ तियाँ ई तुसी इन्हा गल्लाँ जो हुन्दे दिख्णा ताँ जाणी लियो कि परमेश्वर तुसा पर राज करणे वाळा है। ³¹ मैं तुसां जो सच्च बोलदा कि जाँ ताँई एह सब गल्लाँ पूरी नी होई जांगियाँ ताँ ताँई इस पीढ़ी रा अन्त नी होणा। ³² धरती अते अम्बर खत्म होई सकदे पर मेरी गल्लाँ हमेशा पक्की रैणी। ³³ ध्यान रख्खो, ताकि तुसां रे मन डटी करी पीणे अते पियाणे ताँई अते इस दुनियाँ री चिन्ता जो लेईकरी बेफिक्करे नी होई जाए। कुदकी ईय्याँ ना हो कि जे तुसी सोच्चे दा बी नी हो से तुसां कन्ने होई जाओ।

जागदे रेयो

³⁴ किजोकि से रोज दुनिया रे हर इक मणू पर जरुर आई पेणा। ³⁵ हर बेल्ले त्यार रेयो, अते प्रार्थना करदे रेयो कि तुसा जो इन्हा सब गल्लाँ का, जे होणे वाळी हिन, तिन्हा का बचणे री शक्ति मिली सकें। अते भरोसे कने "मणु रे पुत्तर"* रे अग्गे खड़ी सकन। ³⁶ यीशु जी हर रोज देह्रे बिच सिक्सा दिन्दे थिये, अपण से रात बताणे ताँई सझाँ बेल्ले जैतून नाँ री पाह्ड़ी जो चली जान्दे थिये। ³⁷ सब मणु भ्यागा तड़के उठ्ठी करी देह्रे जो जान्दे थिये ताकि से यीशु जी री गल्लाँ सुणी सकन। ³⁸ फसह रा त्यार ईणे वाळा थिया, इस त्यार जो खमीरी रोटी रा त्यार बी बोल्दे;

यीशु जी खलाफ जाल बिछाया जाणा

¹ उत्ते बड्डे परोत अते धर्म गूरु यीशु जी जो मारणे री ताक बिच थिये अपण से मणुआँ का डरदे थिये। ² ताँ सैतान यहूदा इस्करियोती चेल्ले रे सरीर बिच चली गेया। एह यीशु जी रे बारा खास चेल्लेयाँ बिच का इक थिया।

यहूदा रा धोखा दैणा

³ तिन्ने जाई करी बड्डे-परोताँ अते देह्रे रा पैह्रा दैणे वाळेयाँ रे प्रधाना कने मिली करी सलाह कित्ति कि से यीशु जी जो तिन्हा का किह्याँ पकडवाई सकदा। ⁴ यहूदा री एह गल्ल तिन्हा जो बड़ी छैळ लग्गी अते तिन्हा ने तिस जो इनाम दैणे रा वादा बी कित्ता। ⁵ यहूदा बी इस गल्ल ताँई त्यार होई गेया, अते यीशु जी जो पकड़वाणे ताँई भाना तोपणा लगेया, कि जाँ से किल्ले होन ता से तिन्हा जो पकड़वाई सको। ⁶ ताँ फिरी फसह रा त्यार आया, जिस अन्दर छेल्लू री बली दिन्दे थिये।

चेल्लेयां कने फसह रा आखरी भोज

⁷ यीशु जी ने पतरस अते युहन्ना जो फसह री त्यारी करणे ताँई एह बोल्ली करी अग्गे भेज्जेया "म्हारे खाणे ताँई फसह री धाम त्यार करी करो"। ⁸ तिन्हा ने यीशु जी का पुछ्छेया कि, "असी कुस जगाह् पर फसह री धाम रखन?" ⁹ यीशु जी ने पतरस अते युहन्ना जो बोल्लेया, "दिख्खो, यरुशलेम अन्दर पुजदे ई तुसां जो इक इदेया मणु मिलणा जिन्ने इक पाणी री गागर चुक्केरी होणीe, से जिस बी घरा अन्दर जांगा, तुसी बी तिस्सी घरा अन्दर चली जाए। ¹⁰ अते तिस घर रे मालक का पुच्छी ले कि, "गुरु जी ने तेरे का पुछ्छेया है कि से परोणे वाळा कमरा कुदे है, जिस अन्दर तिन्हा ने अपणे चेल्लेयाँ कने बेई करी फसह री धाम खाणी है?" ¹¹ तिन्ने तुसां जो इक बड्डा कमरा दसणा, जे पैल्ले रा ई सजाए दा होणा, तुसी तित्ते ई धाम री त्यारी करे। ¹² फिरी से दोई यरूशलेम जो चली गे, अते तिन्हा ने दिख्खेया कि सब किछ तिह्याँ ई है, जिह्याँ कि यीशु जी ने उन्हा जो बोल्ले रा थिया, अते तिन्हा फसह री धाम री त्यारियाँ करी दित्ती। ¹³ फिरी जाँ से बेल्ला आया ता यीशु जी अपणे खास-बारा चेल्लेयाँ कन्ने फसह री धाम खाणे जो बेई गे।

प्रभु-भोज

¹⁴ यीशु जी ने तिन्हा जो बोल्लेया, मेरी बडी मरजी होए री थी कि मैं मुसीबताँ सैह्णे का पैल्ले अपणे खास-चेल्लेयाँ कन्ने फसह री धाम खाँ। ¹⁵ किजोकी मैं तुसां जो बोल्ली दिन्दा कि "जाँ ताँई परमेश्वर रे राज अन्दर फसह रे त्यार रा ईरादा पूरा नी होई जान्गा, ताँ ताँई, मैं इस जो दुबारा नी खाणा है।" ¹⁶ फिरी यीशु जी ने अंगूर रे रास्स रा कटोरा लित्तेया अते परमेश्वर रा सुक्र कित्ता अते अपणे खास-चेल्लेयाँ जो बोल्लेया, कि इस जो अपु-मिते बंडी लेयो। ¹⁷ किजोकी आज का बाद, जाँ ताँई परमेश्वर मणुआँ पर राज नी करी लिन्दा, ताँ ताँई, मैं अंगूर रा रस्स नी पीणा है। ¹⁸ फिरी यीशु जी ने रोटी जो पकडी करी परमेश्वर रा सुक्र कित्ता अते तोड़ी करी चेल्लेयाँ जो देई दित्ती अते बोल्लेया कि, "एह मेरा जिस्म है, जे तुसां ताँई दित्ता गेरा है: मिन्जो याद करणे ताँई तुसी इय्याँ ई करेया करो।" ¹⁹ इय्याँ ई, यीशु जी ने रोटी खाणे का बाद अंगूर रे रास्स रा कटोरा चुक्केया अते अपणे खास-चेल्लेयाँ जो बोल्लेया, " एह दाखरास्स परमेश्वर री तरफ का, तिन्हेरा इक नोए वादे री निशानी है कि मेरे उस खून रे रुप बिच जेड़ा कि तुसां मणुआँ ताँई बहाया जान्दा।" ²⁰ अपण, आज असां रे बिच से मणु बी बेई करी रोटी खाया करदा है, जिन्ने मिन्जो पकड़वाणा है। ²¹ मणु रे पुत्तर जो ता परमेश्वर रे वचन रे साह्ब कने मरणा ई है , अपण, लाणत है तिस पर जिसेरे हत्था पकड़ाया जाणा ।" ²² ताँ फिरी से बारा चेल्ले अपु-मिते इक दुए का पुछणा लगे कि असां बिच का इदेया कुण हुणा जे एह कम्म करी सकदा? ²³ फिरी तिन्हा अन्दर इस गल्ल री बैह्स चली पेई कि असां बिच का सबका बड्डा कुस जो मन्नया जान्दा?

महान कुण ? पर बैह्स

²⁴ यीशु जी ने तिन्हा जो बोल्लेया, " कि गैर यहूदियाँ रे राज्जे तिन्हा पर राज करदे, अते जे तिन्हा पर अपणा हक्क बी जमान्दे अते से अपु जो तिन्हा दा मित्र बी बुलवाणा चान्दे। ²⁵ अपण तुसां जो ता इय्याँ बिल्कुल बी नी करणा चाहिन्दा, तुसां बिच जे सबनी का बड्डा है तिस जो सबनी का छोटा(निम्ता) बणी करी रैह्णा चाहिन्दा अते जे सबनी रा प्रधान है, तिस जो ता इक नोकर साँई बणी करी रैह्णा चाहिन्दा। ²⁶ तुसी अप्पू सोच्चो कि जे मणु मेज पर रोटी खाणा बैठ्ठे रा हो, से बड्डा हुन्दा कि जे मणु तिस जो रोटी खुआया करदा हो, से? बड्डा ता से ई हुन्दा जे मेज पर बेई करी रोटी खाया करदा हुन्दा। अपण,मैं बी ता तुसां कने इक नोकर साँई रैह्न्दा। ²⁷ तुसी ता से मणु हिन जे हमेसा ई मेरी परख रे बेल्ले मेरे सोगी रे दे हिन। ²⁸ कने जिह्याँ मेरे पिता-परमेश्वर ने मिन्जो राज करणे ताँई इक परदेस दित्ते दा है, तिह्याँ ई मैं बी तुसां जो राज करणे ताँई इक परदेस पर पूरा हक्क दिन्दा। ²⁹ ताकि तुसी मेरे मेज पर बेई करी मेरे कन्ने रोटी खान अते सिंहासनां पर बेई करी इस्त्राएल रे बारा गोत्राँ रे मणुआँ रा फैंसला करन। ³⁰ ओ शमोन, तुसां सबनी जो सैतान ने कणक साँई छाटणे ताँई चुणि लेरा है।

पतरस रे इन्कार करणे रे बारे बिच भविष्यवाणी

³¹ अपण मैं तेरे ताँई परमेश्वर का प्रार्थना कित्ती कि तेरा भरोसा टुटी ना जाओ अते तेरे भरोसे जो दिख्खी करी तेरे भ्याळाँ जो होंसला होई जाओ। ³² इस गल्ल पर शमोन ने यीशु जी जो बोल्लेया, "ओ प्रभू जी, मैं तुसां कने जेल जाणे जो अते होर ता होर मरणे जो बी त्यार है।" ³³ फिरी यीशु जी ने बोल्लेया, "पतरस, मैं तिज्जो बोली दिन्दा कि आज मुरगे ने ताँ ताँई बाँग नी दैणी जाँ ताँई तू मिन्जो पछियानणे का तिन्न बारी मुक्करी नी जान्गा।" ³⁴ ताँ यीशु जी ने तिन्हा का पुछ्छेया, "कि जाँ मैं तुसां जो बगैर बटुए, बगैर झोळे अते बगैर बूट लित्ते दे भेजेया थिया, ता तुसां जो कुस्की चीज रा घाट्टा होया थिया?" तिन्हा ने जवाब दित्ता, कि "ना, कुस्की बी चीज रा घाट्टा नी पेया थिया।

बटुआ,झोळी ते तलवार

" ³⁵ फिरी यीशु जी ने बोल्लेया, "अवे जिस का बटुआ अते झोळी होन, से तिन्हा जो अपु कन्ने लेई चलो अते जिस का तलवार नी है, से अपणे कपडे बेची करी इक तलवार बी लेई लेयो। ³⁶ किजोकी मैं तुसां जो बोल्ली दिन्दा, कि पवित्र सास्त्र अन्दर मेरे बारे अन्दर लिख्खेरी गल्ल अवे पूरी होणे वाळि हिन कि, ’से पाप्पी कन्ने गिणेया गेया’ अते मेरे बारे अन्दर होर जितणी बी गल्लाँ उस अन्दर लिख्खेरी हिन, से इक-इक करी के सब पूरी होणे वाळियाँ हिन।" ³⁷ चेल्लेयाँ ने बोल्लेया, " ओ प्रभू जी, दिख्खो, असां का दो तलवाराँ हिन," यीशु जी ने बोल्लेया, इतणि ई बडी हिन। ³⁸ ताँ यीशु जी तित्ते का जैतून नां रे पाह्ड़ा पर चली गे, जिह्याँ कि से हर बारी जांन्दे थिये अते तिन्हेरे चेले बी तिन्हा कन्ने चली पे।

जैतून रे पहाड़ पर यीशु जी री प्रार्थना

³⁹ तित्ते पुज्जी करी यीशु जी ने चेल्लेयाँ जो बोल्लेया, "कि प्रार्थना करदे रेयो ताकि तुसी सैतान री परख बिच ना आओ।" ⁴⁰ फिरी यीशु जी चेल्लेयाँ का थोडे अग्गे चली गे, जितणी दूर ताँई इक पथ्थर सुट्टि सकदे थिये, तितणि दुर जाई करी जान्नु रे भारे बेई करी परमेश्वर कने प्रार्थना करणा लगे, ⁴¹ कि "ओ परम पिता जी, अगर तुसी चान्दे ता इस दुख रे कटोरे जो मेरे का दूर हटाई देयो, अपण, फिरी बी मैं चान्दा कि जे तुसां री मरजी है से ई पूरी हो ना की मेरी मरजी पूरी हो।" ⁴² ताँ स्वर्ग का इक स्वर्गदूत सामणे आई रेया अते तिन्ने यीशु जी जो सैह्णे री ताकत दित्ती। ⁴³ अते यीशु जी बडे़ भरी बेचैन होई गे अते होर बी जादा मगन होई करी प्रार्थना करणा लगी पे। तिन्हेरा पसीना ता इय्याँ थिया निकळेया करदा जिह्याँ कि खून बिना रुके रे धरती पर पैंदा। ⁴⁴ जाँ से अपणे चेल्लेयाँ का आए ता दिख्खेया कि से उदास होई करी अते थकी करी सुत्ते दे थिये। ⁴⁵ यीशु जी ने तिन्हा जो बोल्लेया, "तुसी सोई किजो रे दे हिन ? उठी जाओ अते प्रार्थना करो, ताकि तुसां पर कोई मुसीबत ना आओ।" ⁴⁶ यीशु जी हल्ले गल्ल करेया ई करदे थिये कि तित्ते मते जणे मणु आई रे। अते बारा खास-चेल्लेयाँ बिच का इक जिसेरा नाँ यहूदा थिया से तिन्हा सबनी का अग्गे चले दा थिया। से यीशु जी रे नेड़े जाई खड़ितेया कि से तिन्हा जो शून्ना देई सको।

यीशु जी रा धौखे कने पकड़ाया जाणा

⁴⁷ यीशु जी ने तिस जो बोल्लेया, "यहूदा, कै तू शून्ना देई करी मणु रे पुत्तर (मिन्जो) जो पकडवाणा लगे दा है?" ⁴⁸ यीशु जी रे चेल्लेयाँ जो लग्गेया कि, किछ होणे वाळा है तिन्हा ने यीशु जी जो बोल्या, "प्रभु जी, कै असी इन्हा कन्ने लडने ताँई अपणी तलवाराँ कड्डी लैन?" ⁴⁹ ता तिन्हा बिच का इक जणे ने बड्डे परोत* रे नोकर रा सज्जा कान्न अपणी तलवार कन्ने बड्डी रख्या। ⁵⁰ अपण यीशु जी ने बोल्लेया, "लड़ीणा बांद करी देयो" अते तिन्हा ने तिस मणु रे कान्न जो छूत्या अते ठीक करी दित्तया। ⁵¹ ताँ यीशु जी ने बड्डे परोताँ, देह्रे रे पैह्रेदाराँ अते यहूदी मणुआँ दे मन्त्रीयाँ जो बोल्लेया, " कै तुसी मिन्जो इक डाकू समझदे जेड़ा कि तुसी मिन्जो पकडने ताँई तलवाराँ अते डंडे लेई करी आए दे हिन?" ⁵² जाँ मैं तुसां कने देह्रे अन्दर हुन्दा थिया, तुसां ने मिन्जो ताँ किजो नी पकड़ेया? अपण अज्ज एह तुमारा बेल्ला है, अते निहारे रा राज करणे दा बेल्ला है*f। ⁵³ तिन्हा ने यीशु जी जो पकड़ेया अते बड्डे परोताँ रे घरे जो लेई गे अते पतरस तिन्हा का दूर-दूर रेई करी तिन्हेरा पिच्छे पीच्छे थिया आया करदा।

पतरस रा इन्कार

⁵⁴ अते जाँ से पैह्रेदार अंगणा अन्दर आग्ग भखाई करी बेई गे। ताँ पतरस बी तिन्हेरे बिच जाई करी बेई गेया। ⁵⁵ इक जनानी ने पतरस जो अग्गी री लौ अन्दर दिख्खी करी पछियाणी लेया अते बोल्णा लगी कि एह मणु बी ता यीशु जी रे कन्ने हुन्दा थिया। ⁵⁶ अपण, पतरस ने तिस जनानी जो बोल्लेया कि मैं ता तिस जो जाणदा बी नी कि से कुण है। ⁵⁷ थोडी देर बाद इक होर मणु तिस जो दिख्खी करी बोल्णा लगेया, "तू बी ता इन्हा बिच का ई है", पतरस ने बोल्लेया, "ओ भाई, मैं इन्हा बिच का नी है।" ⁵⁸ कोई इक कर घंटे बाद इक होर मणु बड़ा जोर देईकरी बोल्णा लगेया, " पक्का एह बी तिन्हा कन्ने ई थिया किजोकी एह बी गलील अन्दर रैह्न्दा।" ⁵⁹ अपण, पतरस बोल्णा लगेया, "ओ भाई, मिन्जो ता पता बी नी है कि तू कुसेरे बारे अन्दर गल्ल करेया करदा है।" जिह्याँ ई तिन्ने एह गल्ल बोल्ली, तिस्सी बेल्ले मुरगे ने बाँग देई दित्ती। ⁶⁰ तिस्सी बेल्ले यीशु जी ने पतरस पास्से मुडी करी दिख्खेया, ताँ पतरस जो यीशु जी री तिस गल्ल रा चेता आया कि , "आज मुरगे ने ताँ ताँई बाँग नी दैणी जाँ ताँई तू मिन्जो पछियानणे का तिन्न बारी मुक्करी नी जान्गा ।" ⁶¹ ताँ पतरस तिस अंगना का बाह्र चली गेया अते जोरे-जोरे रोणा लगी पेया। ⁶² जिन्हा मणुआँ ने यीशु जी जो पकड़े दा थिया, से तिन्हेरा मजाक उडाणा लगे अते तिन्हा जो मारणा लगी पे।

यीशु जी रा मजाक उड़ाया जाणा

⁶³ तिन्हा ने यीशु जी री हाखियाँ पर पट्टी बन्नी दित्ती अते तिन्हा जो मारणा लगे अते तिन्हा का पुछणा लगे कि, अवे तू दस्स कि से कुण है जिन्ने तिज्जो मारेया? ⁶⁴ अते तिन्हा ने यीशु जी री बेज़ती करणे ताँई होर बी मती सारी गल्लाँ बोल्लियाँ। ⁶⁵ जाँ भ्याग होई ता बड्डे परोताँ अते धरम-गुरु समेत यहूदी मणुआँ रे मन्त्रीयाँ री इक पंचायत बैठ्ठी, फिरी से मणु यीशु जी जो पंचायत बिच लेई आए। ⁶⁶ तिन्हा ने यीशु जी का पुछ्छेया, "कि अगर तू मसीहा है, ता असां जो दस्सी दे"। यीशु जी ने तिन्हा जो जवाब दित्ता, कि "अगर मैं तुसां जो दस्सी बी देयाँ, ताँ बी तुसा मेरे पर भरोसा नी करणा। ⁶⁷ अते जे मैं तुसां का इक सुआल पुछाँ, ता तुसा ने बी, तिधेरा कोई जवाब नी दैणा।" ⁶⁸ अपण, अवे का मणु रे पुत्तर (मिन्जो) जो सबका सक्तिसाली परमेश्वर रे सज्जे पास्से बठाया जाणा। ⁶⁹ फिरी सब पुछ्छणा लगे, "कै तू परमेश्वर रा पुत्तर है?" यीशु जी ने तिन्हा जो जवाब दित्ता, "तुसी ठीक बोल्लेया करदे हिन, मैं परमेश्वर रा पुत्तर है।" ⁷⁰ ताँ तिन्हा ने बोल्लेया, "अवे असां जो कुस्की होरसी री गुवाई री कै जरुरत है? किजोकी असां ता अप्पू ई इसेरे मुंआ का एह सुणी लेया।" ⁷¹ ताँ यहूदी पंचायत रे मणु यीशु जी जो पकड़ी करी पिलातुस राज्यपाल का लेई गे।

पिलातुस रे सामणे यीशु जी

¹ से पिलातुस रे अग्गे यीशु जी पर इल्जाम लगाणा लगे, "कि एह यहूदी मणुआँ जो भड़काया करदा है, अते तिन्हा जो कैसर राज्जे जो चुंगी देणे जो मन्हा करेया करदा है, अते अस्सा ने इस जो अप्पु जो यहूदिया रा "राजा" कने "मसीहा" बोल्दा बी सुणेया है।" ² ताँ पिलातुस ने यीशु जी का पूच्छेया, " कै तू यहूदिया रा राज्जा है?" यीशु जी ने तिस जो जवाब दित्ता, " तू अप्पु ई ता बोल्दा कि मैं यहूदिया रा राज्जा है।" ³ इस गल्ल पर पिलातुस ने बड्डे परोताँ अते मणुआँ जो बोल्या, "मिन्जो इस मणु पर कोई बी बुराई नजर नी आया करदी है।" ⁴ अपण से होर बी जोर पाणा लगे अते बोल्णा लगे, एह सारे यहूदिया बिच मणुआँ जो अपणी सिक्सा देईकरी भड़काया करदा है। अते एह सब किछ्छ इन्ने गलील प्रदेश का शूरु कित्तेया थिया।" ⁵ एह सुणी करी पिलातुस ने मणुआँ का पूच्छेया, "कै एह गलील रा रैणे वाळा है?" ⁶ फिरी पिलातुस जो पता लगेया, कि एह गलील प्रदेश दा है ताँ तिन्ने यीशु जी जो हेरोदेस अन्तिपास का भेजी दित्ता, किजोकि गलील बिच तिसेरा हक्क थिया। ⁷ हेरोदेस ने जाँ यीशु जी जो दिख्खया ताँ से बड़ा खुश होया किजोकि से बड़े रोज्जा का तिन्हा जो दिखणा चान्दा थिया, से इधेरे ताँई दिखणा चान्दा थिया, किजोकि तिन्ने यीशु जी रे बारे बड़ा किछ्छ सुणेरा थिया, अते से यीशु जी जो अण दिख्खे कम्मा जो करदे दिखणे चान्दा थिया।

हेरोदेस रे सामणे यीशु जी

⁸ तिस ने यीशु जी का बड़े सवाल कित्ते, अपण यीशु जी ने तिसेरे कोई बी सवाल रा जवाब नी दित्ता। ⁹ बड्डे परोत अते धर्म गूरु ने तित्ते बी यीशु जी पर इल्जाम लगाणे ताँई कोई कसर नी छडी। ¹⁰ हेरोदेस ने बी अपणे सपाईयाँ समेत तिन्हेरी बेजती कीत्ति अते तिन्हेरा मजाक उड़ाया, अते यीशु जी जो चटकीले रांग रे कपड़े पुआई करी वापस पिलातुस का भेजी दित्ता। ¹¹ तिसी ई रोज पिलातुस अते हेरोदेस दोस्त बणी गे, हलांकि से इस का पैले इक दुज्जे रे दुश्मण थिये। ¹² फिरी पिलातुस ने बड्डे परोताँ अते यहूदी मणुआँ रे मन्त्रीयाँ जो, अते तिन्हा सबनी मणुआँ जो सदाया, अते तिन्हा जो बोल्या;

पिलातुस रा यीशु जी जो मौत री सजा दैणा

¹³ तुसी इस मणु जो मेरे का लेई आए कि एह मणुआँ जो भड़कान्दा। मैं इस बारे बिच तुसां रे सामणे तिस जो जाँचे परखेया। अते जे तुसी इल्जाम लगाया करदे हिन इदेया किछ्छ बी मैं इस पर नी दिखदा; ¹⁴ ना ई हेरोदेस ने दिख्खेया, किजोकि तिन्ने इस जो वापस म्हारे का भेजी दित्ता। जिह्याँ कि तुसी दिखदे कि इस ने इदेया किछ्छ बी नी कित्तेया कि इस जो मौत री सजा देण। 16 इधेरे ताँई मै इस जो बेत लगवाई करी छडी दिन्दा।" ¹⁵ इधेरे ताँई मै इस जो बेत लगवाई करी छडी दिन्दा।" ¹⁶ अपण से सब जणे जोरे जोरे लेरा मारी करी बोल्णा लगे, इस मणु जो मारी देयो। अते म्हारे ताँई बरअब्बा जो छडी देयो।" ¹⁷ तां सारे मिळी करी चिल्लाई उठे, ¹⁸ बरअब्बा जो सैहर बिच लड़ाई झगड़े अते जान लेणे रे इल्जाम अन्दर जेला बिच पाए दा थिया। ¹⁹ पिलातुस यीशु जी जो छडी देणा चान्दा थिया इधेरे ताँई तिन्ने मणुआँ जो फिरी समझाया। ²⁰ अपण मणु होर जोरे जोरे लेरा मारी करी बोल्णा लगे, "इस जो क्रुस पर चढ़ाई देयो।" ²¹ पिलातुस ने मणुआँ का तिज्जी बारी पूछेया, "इस मणु री कै गलती है? मिन्जो इसेरे खलाफ कोई ऐसी गल्ल नि लिब्बी जे मैं इस जो मौत री सजा देयाँ। इधेरे ताँई मे इस जो बेत लगवाई करी छडी दिन्दा।" ²² अपण मणु होर जोरे जोरे लेरा मारी करी अपणी गल्ल जो मनवाणा लगे कि इस जो क्रुस पर चढाई देयो। अते ईय्याँ होया कि तिन्हेरी मरजी पूरी होई गेई। ²³ अते पिलातुस ने हुकम दित्ता कि एह जिह्याँ चान्दे तियाँ ई हो। ²⁴ पिलातुस ने तिस मणु जो छडी दित्ता जे लड़ाई झगड़े अते जान लेणे रे इल्जाम अन्दर जेला बिच पाए दा थिया, अते यीशु जी जो तिन्हेरी मरजी रे मुताबिक तिन्हा का देई दित्ता। ²⁵ जाँ से यीशु जी जो लेई चले ताँ तिन्हा ने कुरैन रे रैणे वाळे शमौन नाँ रे इक मणु जो, जे अपणे कम्मा का आया करदा थिया, तिस जो पकड़ी लेया अते तिस पर क्रुस जो लदी दित्ता अते उस्स जो यीशु जी रे पीछे पिछे चलणे जो बोल्या।

यीशु जी रा क्रूस पर चढ़ाया जाणा

²⁶ अते तिन्हेरे पीछे बडे़ भारी लोक्की चले दे थिये अते तिन्हा बिच किछ्छ जनानियाँ बी थियाँ जेड़ी कि यीशु जी ताँई रुन्दी अते छाती पिटदिया चले दी थियाँ। ²⁷ यीशु जी ने तिन्हा जनानियाँ पास्से मुड़ी करी दिख्खेया अते बोल्या, " यरूशलेम री जनानियों, मेरे ताँई मत रो बल्कि खुद अपणे ताँई कने अपणे बच्चेयाँ ताँई रो अते पटियो। ²⁸ किजोकि इदेया बेल्ला आणे वाळा है,जाँ मणुआँ ने बोल्णा, ’से जनानिया बड़ी भाग्गा वाळियाँ हिन, जे औत्तर हिन कने से बी बड़ी भाग्गा वाळी हिन जिन्हेरी कोख खाली है। से मम्मे धन्न हिन जिन्हा दूद नी पियाया हो।’ ²⁹ तिस बेल्ले मणुआँ ने बोल्णा, कि पाह्ड़ म्हारे पर आई पेयो अते फाटियाँ अस्सा जो दबी दे।’ ³⁰ किजोकि जाँ से हरे बूट्टे कने ईय्याँ करदे ता से सूक्के बूट्टे कने कै किछ्छ नी करगे? ³¹ दो होर मणु, जे दोई ई बदमाश थे, तिन्हा जो बी यीशु जी रे कने मौत री सजा देणे ताँई लेई चले दे थे। ³² फिरी जाँ से तिस जगाह् पर आई रे जिस जो खोपड़ी बोल्दे , अते तिन्हा ने तीन्ना जो क्रुसाँ पर चढ़ाई दित्ता। इक बदमाश* यीशु जी रे खब्बे हथ्थाँ पास्से थिया अते दुज्जा सज्जे हथ्थाँ पास्से थिया। ³³ ताँ यीशु जी ने बोल्या, "ओ परम पिता, इन्हा जो माफ करेयाँ किजोकि एह नी जाणदे कि एह कै करेया करदे हिन।" फिरी सपाईयाँ ने यीशु जी रे कपड़े ताँई परचियाँ पाईयाँ अते यीशु जी रे कपड़े आपस बिच बन्डी ले। ³⁴ तित्ते मणु खड़े होईकरी एह सब किछ्छ दिख्खदे थिये। यहूदी मणुआँ रे मन्त्री यीशु जी रा मजाक बणाई करी बोल्णा लगे, ’ इन्ने दुज्जे मणुआँ रा उद्धार* कित्तेया है, जे तू परमेश्वर रे चुने रा "मसीहा" है ता तिन्हा जो बोल कि से तिज्जो बचाई लेण।" ³⁵ सपाईयाँ ने बी यीशु जी रा मजाक उड़ाया। तिन्हा ने यीशु जी जो सिरके रा रास्स चुसाया, अते बोल्या; ³⁶ जे तू यहूदिया रा राज्जा है, ता अप्पु जो बचाई लै। ³⁷ यीशु जी रे क्रुस रे ऊपर लिखी दित्ता कि "एह यहूदिया रा राज्जा है।" ³⁸ क्रुस पर चढ़ाए रे बदमाशाँ बिच का इक यीशु जी री बेजती करी के बोल्णा लगेया, " कै तू मसीहा नी है? जे है ता म्हारे जो कने अप्पु जो बचाई ले!"

अपणे गलत कम्म छडणे वाळा इक्क बुरा म्हणु

³⁹ अपण दुज्जा बदमाश तिसेरे खलाफ होईकरी बोल्णा लगेया, " कै तू परमेश्वर का नी डरदा? तू बी ता सेई सजा भोग्या करदा। ⁴⁰ अस्सा ने जे बी बुरे कम्म कित्ते तिधेरी सजा अस्सा जो मिलया करदी है अपण इस मणु ने ता ईदेया किछ्छ बी नी कित्तेया।" ⁴¹ फिरी तिन्ने बोल्या, " यीशु जी जाँ तुसी अपणे स्वर्ग बिच जान्गे ताँ मिन्जो जरुर याद रखेयो।" ⁴² यीशु जी ने तिस जो बोल्या, " मै तिज्जो सच्च बोल्दा, आज्ज ई तू मेरे कने स्वर्गलोक बिच होणा।" ⁴³ तिस बेल्ले धियाड़ी रे बारा बजे होणे। अते तिस बेल्ले का लेईकरी तीन बजे ताँई पूरी धरती बिच न्हारा होई गेया।

यीशु जी रा मरणा

⁴⁴ अते सूरज री लौ जान्दी रेई। अते तित्ते देह्रे रा परदा फटी गेया।h ⁴⁵ अते यीशु जी ने जोरे सणे बोल्या, ’ ओ परम पिता, मै अपणी आत्मा तुसां रे हाथ्थ बिच दिन्दा।" अते बोली करी यीशु जी ने अपणे प्राण देई दित्ते। ⁴⁶ ताँ रोमी सपाइयाँ रे साह्ब ने जे किछ्छ बी होया थिया तिस जो दिख्खेया अते परमेश्वर री तारीफ करदे बोल्या पक्का एह इक खरा मणु थिया।" ⁴⁷ कने तित्ते आए रे मणु बी एह सब किछ्छ दिख्खकरी अपणी छाती पिटदे-पिटदे वापस हगी गे। ⁴⁸ अपण यीशु जी रे सब जाण पचाण वाळे अते गलील का आए दी जनानियाँ बी, जेड़ी कि गलील का यीशु जी रे पीछे पिछे आई थियाँ, तित्ते का थोड़े दूर खड़े होईकरी इन्हा सब गल्ला जो दिखदे थिये। ⁴⁹ तित्ते यूसुफ नाँ रा यहूदी पंचायत रा इक बन्दा थिया, से बड़ा खरा मणु थिया।

यीशु जी रा दब्बेया जाणा

⁵⁰ से तिन्हेरे इस फैसले पर राजी नी था, अते ना ई इस कम्म ताँई। से यहूदिया रे इक सैहर अरमतियाह रा रैणे वाळा थिया। परमेश्वर ने असा पर राज करना से तिस रोज जो भाल्दा थिया। ⁵¹ से मणु पिलातुस का गेया अते तिन्ने तिस का यीशु जी री लास जो मन्गेया ताकि से तिन्हा जो दबाई सकन ⁵² तिस ने यीशु जी जो क्रुस का थल्ले उतारेया अते सन रे कपडे़ बिच लेपेटी दित्ता। फिरी तिसी ने यीशु जी जो सपड़ जो कट्टी करी बणाई गेरी कब्र बिच रखी दित्ता, जिस बिच इस का पैले कुसकी जो बी नी रख्खेया गेया थिया। ⁵³ तिस रोज शुक्रवार थिया अते से रोज सब्त री त्यारी करणे रा रोज थिया। ⁵⁴ से जनानियाँ जेड़ी कि गलील का यीशु जी कने आई थी, से यूसुफ रे पीछे पिछे चली पेई, अते तिन्हा ने से कब्र दिख्खी, अते दिख्खया कि यीशु जी री लास जो किह्याँ रख्खे दा है। ⁵⁵ फिरी से घरा जो हटी आई अते तिन्हा खुशबु वाळी चीजाँ कने इक लेप त्यार कित्तेया। अते तियाँ ई सब्त वाळा रोज आई गेया अते तिन्हा नियमा रे साह्ब कने तिस रोज आराम कित्ता। ⁵⁶ हफ्ते रे पैले रोज्जे तड़के ई से जनानियाँ कब्र पर तिस खुशबू वाळे लेप जो, जिस जो तिन्हा ने त्यार कित्या थिया, लेईकरी आई।

यीशु जी रा दुबारा जिन्दा होणा

¹ तिन्हा ने कब्र का पत्थर घिरे रा दिख्खेया, जेड़ा कि कब्र रे पराले रखे दा थिया। ² ताँ से अन्दर गेई, अपण तिन्हा जो प्रभु यीशु जी री लास नी मिल्ली। ³ जाँ से इस सोच बिच ई थी कि, तिन्हेरे का लशकदे कपडे़ पाये रे दो मणु आई खड़ी होए। ⁴ डरे रे मारे तिन्हा ने अपणे मूह् जमीना पास्से करी दित्ते। दो मणुआँ ने तिन्हा जो बोल्या " जे जिन्दा है तिस जो तुसी मुर्दे बिच किजो तोपदे हिन? ⁵ से कब्र बिच नी हिन । से जिन्दा होई गेरे हिन । चेता करो जाँ से हल्ले गलील बिच ई थिये, तिन्हा ने तुसां जो बोल्या था। ⁶ तिन्हा ने बोल्या था, "कि (यीशु जी) मणु रे पुत्तर रा पाप्पी मणुआँ रे हत्था पकड़ाया जाणा, अते क्रुस पर चढ़ाया जाणा अते तिज्जे रोज्जे जिन्दा होई जाणा एह सब हुणा पक्का था।" ⁷ ताँ तिन्हा जनानियाँ जो यीशु जी री गल्लाँ चेता आई। ⁸ से जनानियाँ क्रब का वापस हटी आई अते तिन्हा ने एह सब गल्लाँ तिन्हा ग्यारा चेल्लाँ जो अते होर बी मणुआँ जो सुणाई। ⁹ से जनानियाँ मरियम मगदलीनी, योअन्ना, अते याकूब री माँ, मरियम थी। अते तिन्हा कन्ने दुज्जी जनानियाँ बी थियाँ जिन्हा जे एह गल्लाँ खास चेल्लाँ जो बताई। ¹⁰ अपण तिन्हेरी गल्लाँ चेल्लेयाँ जो रास नी आई अते तिन्हा ने तिन्हेरी गल्लाँ रा भरोसा नी कित्तेया। ¹¹ अपण पतरस खड़ा होया अते यीशु जी री क्रब रे पास्से दौड़ी गेया। तिन्ने थल्ले झुक्की करी दिख्खेया ता तिस जो सन रे कपडे रे अलावा होर किछ्छ बी नी लिब्बेया। अते से एह सब किछ्छ दिख्खी करी अपणे मनाह् बिच बुड्बुड़ान्दे चली गेया। ¹² तिसी ई रोज यीशु जी रे चेल्लेयाँ बिच का दो जणे, यरुशलेम का कोई सात्त किलोमीटर दूर इम्माऊस नाँ रे ग्राँ जो जाया करदे थिये।

इम्माऊस रे रस्ते पर चेल्लेयां कने

¹³ जे गल्लाँ होई थी, तिस बारे आपस बिच गल्ल बात करेया करदे थिये। ¹⁴ जाँ से तिन्हा गल्लाँ जो इक दुज्जे कने लाया ई करदे थिये कि तखणी यीशु जी तिते आई पुज्जे अते तिन्हा कन्ने कन्ने चली पे। ¹⁵ अपण तिन्हा ने यीशु जी जो पछाणेया नी किजोकि परमेश्वर ने तिन्हेरी हाख्खियाँ*l बाँन्द करी रखी थी। ¹⁶ यीशु जी ने तिन्हा जो बोल्या, " एह कुण गल्लाँ हिन जे तुसी हन्डदे हन्डदे इक दुज्जे कने लाया करदे हिन?" से हन्डदे हन्डदे से रुकी गे अते जे गल्लाँ होईयाँ तिस वजाह् कने तिन्हेरे मूह् लटकेरे*m थिये। ¹⁷ तिन्हा बिच का क्लियोपास नाँ रा इक मणु ने यीशु जी बोल्या, " यरुशलेम बिच रैणे वाळा तू कल्ला इक इदेया मणु है जिस जो नी पता है कि पीच्छे कै होया थिया?" ¹⁸ यीशु जी ने तिन्हा जो पूच्छेया, " कुण देई गल्लाँ?" तिन्हा ने यीशु जी जो बोल्या, एह सब गल्लाँ नासरी यीशु जी रे बारे बिच हिन। से इक ईदेय मणु थिये जिन्हा ने जे किछ्छ कित्ता अते बोल्या तिस जो परमेश्वर अते सबनी मणुआँ जो एह दिखाई दित्ता कि से इक बडे़ शक्तिसाली भविष्यवक्ता थे। ¹⁹ अते असी इस ई बारे गल्लाँ करया करदे थिये कि म्हारे बड्डे परोताँ अते यहूदी धर्म गूरुआँ ने यीशु जी मौत री सजा दैणे ताँई पकड़वाई दित्तया अते मणुआँ ने तिन्हा जो ने क्रुस पर चढ़ाई दित्ता। असी सोच्चे दा थिया कि तिन्हा ने इस्त्राएल जो गुलामी का छुड़ाणा। अते इन सब गल्लाँ जो होए दे आज्ज तिज्जा रोज है, ²⁰ अते महायाजकां ते असां रे सरदारां ने तिन्ना जो पकड़वाई दित्तेया, कि तिन्हा जो मौत री सज दित्ती जाए, ते तिन्हा जो क्रूस पर चढ़वाया। ²¹ अते म्हारी टोळी री जनानियाँ ने म्हारे जो सोच्चा बिच पाई दित्ते दा है। से आज्ज भयागा तड़के ई कब्र पास्से गेई थी; ²² अते तिन्हा जो तित्ते यीशु जी री लास नी मिल्ली तिन्हा ने तित्ते का आई करी अस्साँ जो बोल्या कि तिन्हा स्वर्ग दूत्ते रा दरसन दिख्खेया अते तिन्हा बोल्या था कि यीशु जी जिन्दा हिन। ²³ अते फिरी म्हारे बिच का किछ्छ कब्र जो गे अते जिह्याँ तिन्हा जनानियाँ ने बोल्या थिया तियाँ ई दिख्खेया कि यीशु जी री लास तित्ते नी थी।" ²⁴ ताँ यीशु जी ने तिन्हा जो बोल्या, " तुसी बड़े बेवकुफ हिन। भविष्यवक्ता ने जे किछ्छ बोल्या था तिन्हा गल्लाँ पर भरोसा करणा तुसां जो बड़ा मुशकल लगेया करदा है? ²⁵ कै मसीहा ताँई जरूरी नी था कि से इन मुसिबताँ जो भोग्गी करी अपणे स्वर्ग बिच जाँन?" ²⁶ ताँ यीशु जी ने मूसा अते सारे भविष्यवक्ता री खुद रे बारे पवित्र शास्तर बिच लिखी री गल्लाँ रा मतलब शूरु का तिन्हा जो समझाया। ²⁷ से जाँ तिस ग्राँ रे नेड़े पुज्जे, जित्ते से रेन्दे थिये, यीशु जी रे बर्ताव कने ईय्याँ लगेया कि जिह्याँ तिन्हा ने अग्गे जाणा थिया। ²⁸ अपण तिन्हा ने यीशु जी पर बड़ा जोर पाया अते बोल्या, तुसी म्हारे का ईत्ते रुकी जाओ किजोकि सूरज डुब्बी गेरा है अते कळेला होणे वाळी है आखिर यीशु जी तिन्हेर तित्ते रुकणे ताँई तिन्हा कने अन्दर चली गे। ²⁹ जाँ यीशु जी तिन्हा कने रोटी खाणे जो बैठ्ठे ताँ तिन्हा ने रोटी चुक्की अते परमेश्वर रा सुकर कित्ता। फिरी तिस जो तोड़ी करी तिन्हा जो दित्ती; ³⁰ कि तखणी तिन्हेरी हाख्खी खुली गेई*n अते तिन्हा यीशु जी जो पछाणी लेया। अपण यीशु जी तित्ते का छुपन्त होई गे। ³¹ फिरी से आपस बिच बोल्णा लगे, "रस्ते बिच जाँ से म्हारे कने गल्लाँ करदे थिये अते म्हारे जो पवित्र शास्तर जो समझाया करदे थिये ता कै म्हारे दिल्‍ला बिच आग्ग नी पेई* ³² फिरी से झाट उठ्ठे अते वापस यरुशलेम जो चली गे। अते तित्ते तिन्हा जो गयारा चेल्ले अते होर बी मणु लिब्बे अते से तिन्हा कन्ने मिल्ले; ³³ जे बोल्या करदे थिये, " प्रभु जी, सच्ची ई जिन्दा होई गेरे हिन तिन्हा ने (पतरस) शमौन जो दरसन दित्या है।" ³⁴ फिरी तिन्हा दोन्ना ने, जे किछ तिन्हा कन्ने रस्ते बिच होया थिया, तिसेरे बारे अन्दर बोल्या अते एह बी कि, जाँ यीशु जी ने रोटियाँ रे टुकड़े तोड़े ता तिन्हा ने यीशु जी जो किह्याँ पछाणेया थिया" ³⁵ हल्ले से तिन्हा जो एह गल्लाँ बोल्दा ई था कि यीशु जी खुद तिन्हेरे गब्बे आई खड़े होए अते तिन्हा जो बोल्णा लगे, " तुसां जो चैन मिल्ले।"

यीशु जी र चेल्लेयां जो दिसणा

³⁶ अपण से झुड़की पे अते डरी गे। तिन्हा सोच्चेया कि कोई म्हारे कने छळ है होया करदा। ³⁷ अपण यीशु जी ने तिन्हा जो बोल्या, " तुसी किजो घबराया करदे हिन? तुसां रे दिल्ला बिच सवाल किजो आया करदे हिन? ³⁸ मेरे हथ्थाँ अते पैराँ जो दिख्खो। मिन्जो टुओ, अते दिख्खो कि कुसकी भुत रा लोदा अते हड्डियाँ नी हुन्दी अते तुसी दिखदे हिन मेरे बिच से सब किछ्छ है।" ³⁹ एह बोल्दे बोल्दे यीशु जी अग्गे आए, अते तिन्हा जो अपणे हाथ्थ पैर दिखाए। ⁴⁰ अपण तिन्हा जो खुश बी थी अते हरानगी बी थी तिस वजाह् कने तिन्हा ने यीशु जी पर पूरा भरोसा नी कित्तेया, ता यीशु जी ने तिन्हा का पूच्छेया, तुसां का किछ्छ खाणे जो है?" ⁴¹ अते तिन्हा ने पकाई री मच्छी रा इक टुकड़ा यीशु जी जो दित्ता। ⁴² यीशु जी ने तिस जो लेईकरी तिन्हा सामणे खाया। ⁴³ फिरी यीशु जी ने तिन्हा जो बोल्या, " एह से गल्लाँ हिन जे मैं तुसां जो बोल्ली थियाँ, जाँ मैं तुसां कन्ने थिया, "कि हर से गल्ल जे मेरे बारे बिच मूसा रे नियमा बिच, भविष्यवक्ता री कताबाँ बिच अते भजना री कताबाँ बिच लिख्खी दी हिन, से सब गल्लाँ पूरी हुणी हिन।" ⁴⁴ फिरी पवित्र सास्तर जो समझणे ताँई यीशु जी ने तिन्हेरी मन्द बुद्धि जो खोली दित्ता। ⁴⁵ अते तिन्हा जो बोल्या, " पवित्र शास्तर, बिच ईय्याँ लिख्खे दा है, कि मसीहा ने मुसिबताँ झेलणी अते तिज्जे रोज्जे मरे रे मणुआँ बिच का जिन्दा होई जाणा। ⁴⁶ अते तिन्हेरा नाँ लेई करी यरुशलेम अते सब देसाँ बिच पापाँ का तौबा अते माफी हासिल करणे रा बसेख सुणाया जाणा। ⁴⁷ तुसी इन सब गल्लाँ रे गवाह हिन। ⁴⁸ अते दिख्खो मेरे परम पिता ने जे इक वादा कित्तेया है, तिस पवित्र आत्मा जो तुसां ताँई भेजगा। अपण जाँ ताँई पवित्र आत्मा आइकरी तुसाँ जो स्वर्ग री शक्ति कने चुणी नी लेयो ताँ ताँई तुसी इस सैहर बिच ई रयो।" ⁴⁹ यीशु जी फिरी तिन्हा जो बैतनिय्याह ताँई लेई गे। अते तिन्हा जो हाथ्थ चुक्की करी असीस दित्ती।

यीशु जी रा स्वर्ग जाणा

⁵⁰ तिन्हा जो असीस दिन्दे दिन्दे ई यीशु जी ने तिन्हा जो छडी दित्ता अते फिरी तिन्हा जो शक्ति ने स्वर्ग जो चुक्की लेया। ⁵¹ ताँ तिन्हा ने यीशु जी री जे जे कार कीति अते बड़ी खुशी कने यरूशलेम जो हटी आए। 53 अते से रोज देह्रे बिच परमेश्वर री बड़ाई करदे करदे अपणा अग्गे रा जीण जीणे लगे। आमीन! ⁵² अते से लगातार देहरे बिच आई करी परमेश्वर री स्तुती करेय करदे थिये। ⁵³ सुरु विच ई वचन थिया कने वचन परमेश्वर रे कने थिया