यूहन्ना

John

यूहन्ना

वचन सरीर बिच आया

¹ ते वचन ई परमेश्वर थिया। ² एह सब किच्छ तिसी री शक्ति कने पैदा होया कने जे किच्छ वी पैदा होयरा है तिस बिच का कोई वी चीज तिसेरे बिना पैदा नी होई। ³ तिस बिच जिन्दगी थी कने सेह जिन्दगी मणुआ री लो थी। ⁴ लो न्याहरे बिच चमकदी है ते न्याहरा तिसजो अपणादा नी। ⁵ इक मह्णु परमेश्वर रे पासे का आई खडा होया जिसेरा ना यहुन्ना थिया। ⁶ से गवाई देणा आया कि लो री गवाई दे। ताकी तिसेरे जरिए सारे विश्वास लयान। ⁷ से अप्पू ता लो नी थी अपण तिस लो री गवाई देने तेंई आएरा थिया। ⁸ सच्ची लो जेह्ड़ी हर इक मह्णु जो प्रकाशित करदी से संसार बिच आणे वाळी थी। ⁹ से संसार बिच थिया कने संसार तिसेरी वजह कने पैदा होया, ते संसार ने तिस जो इ नी पछाणेया। ¹⁰ से अपणे घरे आया अपण तिसेरे घरेता ने तिसजो नी अपणाया। ¹¹ पर जितणेया ने तिसजो अपणाया तिसने तिन्हा जो परमेश्वर रे पुत्र होणे रा हक्क दिता। तिन्हा जो जेह्डे तिसेरे ना पर विश्वास रखदे । ¹² से ना ता खून न देह री मर्जि कने, ना मह्णु री मर्जी कने, अपण परमेश्वर का पैदा होए रे हिन्। ¹³ वचन देहदारी होया ते से दया ते सच्चाई कने भरी कने तिस ने हमारे मझाटे डेरा कित्ता। कने अस्सी तिसेरी इदेई महिमा दिखी जियाँ बाबे ने ईकलौते री महिमा दिखी। ¹⁴ यहून्ना ने तिसेरे बारे गवाई दिती कने जोरे कने बोल्या कि ए सेई है जिसेरे बारे मै तुसां जो दसयाँ थिया। कि जेहडा मेरे बाद आए करदा है। सेह मेरे का वी बदी करी है। किजो कि से मेरे का वी पैहले थिया। ¹⁵ किजो किं तिसी का असां जो सब किछ मिलया अते मेर पर मेर। ¹⁶ इस तेंई कि कनून ता मूसा रे पासे का दिते गे रे थिये। अपण मेर कने सच्चाई यीशु मसीह रे जरिए पुजी। ¹⁷ परमेश्वर जो ता कुसी ने वी नी दिख्खेया इको इ जेठा जेह्डा बाबे री गोदी बिच है तिसी ने तिसजो साम्हने लयांदा। ¹⁸ यहून्ना री गवाई ऐ है कि जिस टैमां यहूदियां ने यरूशलम रे पुजाळे कने प्रोता जो तिसका ऐ पूछने जो भेजया कि तू कुण है।

यूहन्ना बपतिस्मा दैणे वाळे री गुआई

¹⁹ तिसने एह मन्नी लेया ते मना नी कित्ता। ते मनी लेया कि मै मसीह नी है। ²⁰ तां तिन्हाँ ने तिसजो पूछया ता फिरी कुण है ? क्या तू एलिया है ? तिसने बोलया मै नी है। तां क्या तू भविष्यवाणी करणे वाला है ? तिसने जवाब दिता नी। ²¹ तां तिन्हा ने तिस जो पूछया, फिरी तू कुण है ताकी अस्सी अपणे भेजने वालया जो जवाब देई सकन् कि तू अपणे बारे बिच क्या बोलदा है। ²² तिसने बोलया जियां यशायाह भविष्यवाणी करने वाले ने बोलया है, मै जंगला बिच इक सदने वाले रा बोल (शब्द) है कि तुसी परमेश्वर रा रस्ता सिधा करो। ²³ से फरिसियां रे पासे का भिजवाए रे थिए। ²⁴ तिन्हा ने तिसका एह़ सवाल पूछया, “अगर तू न मसीह है न एलियाह ते न ही सेह़ भविष्यवाणी करने वाला है ता फिरी बपतिस्मा किजो दिंदा। ²⁵ यहुन्ना ने तिहना जो जवाब दित्ता मै ता पानी कने बपतिस्मा दिंदा अपण तुम्हारे बिच ईक डदेया मणु खडिते रा है तिसजो तुसी नी जाण्दे। ²⁶ जेह्डा मेरे बाद आनेवाळा है मै ता तिसेरी जूते रे तसमे खोलणे रे जोगा वी नी है। ²⁷ ए गल्ला यरदन रे पार बैतनिय्याह बिच होई जित्ते यहुन्ना बपतिस्मा दिदां थिया। ²⁸ दुए दिन तिसने यिशु जो अपणे पासे आंदे दिखी करी बोल्या, दिखो ए परमेश्वर रा मेम्ना है जेह्ड़ा दुनिया (जगत) रा पाप चुकी लेई जांदा है।

परमेश्वर रा मेमना

²⁹ ए सेई है जिसेरे बारे बिच मैं बोल्या थिया। ईक मणु मेरे का बाद आणे वाळा है जेहडा कि मेरे का बदी करी है किजो कि से मेरे का पैहले थिया ³⁰ मैं ता तिसजो पछियाणदा नी थिया इसी तेंई मै पाणी कने बपतिसमा दिंदा आया कि से इस्त्राएल रे सामणे आई जाए। ³¹ कने यहूना ने गवाई दिती, मैं आत्मा जो कबूतर रे सेई अम्बर का उतरदे दिख्खेया ते से तिस पराले उत्तरी गेया। ³² मैं ता तिसजो पछियाणदा नी अपण जिसने मिन्जो पानी रा बपतिस्मा दैणे जो भेजया तिसी ने मिन्जो बोलया, जिस पराले तू आत्मा जो उतरदे कने रुकदे दिख्खेया सेई पवित्र आत्मा कने बपतिस्मा देने वाळा है। ³³ ते मै दिख्खेया कने गवाई दिती कि ऐई परमेश्वर रा पुत्र है। ³⁴ दुए दिन फिऱी यहून्ना कने तिसेरे चेलयां बिच का दो मणु खडित्ते रे थिए।

यीशु जी रे पैल्ले चेल्ले

³⁵ कने तिसने यीशु जे जाए करदे थिये दिख्खी करी बोल्या दिखा ए परमेश्वर रा मेम्ना है। ³⁶ तां से दोई चेले तिसका एह़ सुणी करी यीशु रे पीछे चली पे। ³⁷ यीशु ने मुडीकरी तिन्हा जो पिछे आंदे दिख्खेया ते बोलेया तुसी कुस जो तोपदे हिन् ते तिन्हा जो बोलया, हे गुरु तू कुते रिदां। ³⁸ तां तिन्हा ने उन्हा तिक्कर रैह्णे जो जगह् दिख्खी ते तिस रोजे से तिन्हा कने इ रेह् । एह दस घंटया रे लगभग थिया। ³⁹ तिन्हा दोई बिच का जेह्डे यहुन्ना री गल्ल सुणी करी यीशु रे पीछे होएरे थिए इक शमौन पतरस रा भ्याल अन्द्रियास थिया। ⁴⁰ तिसने पहले अपणे सगे भ्याल शमौन जो मिली करी तिस जो बोलया हमारे जो मसीह मिली गॆ ⁴¹ से तिस जो यीशु जी का लई आया । यिशु ने तिसजो दिख्खी करी बोलया, तू यहून्ना रा निक्का शमौन है तू कैफा कहलाणा। ⁴² दूए दिन यीशु ने गलील जो जाणा चाया सेह फिलिप्पुस कने मिलया कने बोलया, मेरे पिछे आई जा।

फिलिप्पि ते नतनेल रा सद्देया जाणा

⁴³ फिलिप्पुस अन्द्रियास कने पतरस रे ग्रां बैतसदा रा रैणे वाळा थिया । ⁴⁴ फिलिप्पुस नतनएल कने मिलया कने तिसजो बोलया जिसेरी चर्चा मुसा ने कनून बिच कने भविष्यवाणी करने वाळेया ने किती री है। से हमारे जो मिली गेया से युसफ रा पुत्र यीशु नासरी है। ⁴⁵ नतनएल ने तिसजो बोलया, क्या कोई बदिया चीज वी नासरत का निकळी सकदी है। फिलिप्पुस ने तिस जो बोलया, चली करी दिखी लै। ⁴⁶ यीशु जी ने नतनएल जो अपणे पास्से आंदे दिख्खी करी उसेरे बारे बिच बोलेया: इस बिच कपट नी ए।” ⁴⁷ नतनएल ने तिसजो बोलया, तू मिन्जो कियां करी जाण्दा ? यीशु ने तिसजो जवाब दित्ता इसेरे का पैहले फिलिप्पुस ने तिजो सदया जिस वेले तू अंजीर रे बुटे रे हेटा (थले) थिया, तिस वेले मै तिजो दिख्खेया थिया। ⁴⁸ नतनएल ने तिसजो जवाब दिता हे गुरू तू परमेश्वर रा पुत्र है तू इस्त्राएल रा महाराजा है। ⁴⁹ यीशु ने तिसजों जवाब दिता, मै जे किछ तिजो बोलया कि मै तिजो अंजीर रे बूटे रे हेठा दिख्खेया क्या तु इसी वास्ते विश्वास करदा है। तु इसेरे का बड्डे- बड्डे कम दिखगां। ⁵⁰ फिरी तिस ने बोलया, मैं तुम्हरे कने सच्च- सच्च बोलदा कि तुसी स्वर्गा जो खुले रे कने परमेश्वर रे स्वर्गदुता जो मह्णु रे पुत्र पराले उतरदे कने ऊपर जांदे दिखणा। ⁵¹ फिरी तिसेरे दिन गलील रे काना बिच कुसी रा व्याह थिया कने यीशु री अम्मा वी तित्ते इ थी।

गलील रे काना बिच यीशु जी रा पैल्ला चमत्कार

¹ यीशु कने तिसेरे चेले वी तिस व्याह बिच् सदे रे थिये। ² जिस वेले दाखरस घटी गेया ता यीशु री अम्मा ने तिसजो बोलया, तिन्हा का दाखरस मुकी गेया । ³ यीशु ने तिस जो बोलया, ओ जनानी मिन्जो तेरे कने क्या कम्म ? अब्बे मेरा टैम नी है आएरा। ⁴ तिसेरी मां ने नौकरा जो बोलया, जे किच्छ से तुम्हारे जो बोलदा तियां इ करो। ⁵ तित्ते यहूदियां ने साफ करने री रसम अनुसार पत्थर रे छ: घढे रख्खेरे रे थिए। जिस बिच दो-दो तिन- तिन मन आन्दा थिया। ⁶ यीशु ने तिस जो बोलया घढया जो पाणी कने भरी दो। तिन्हा ने तिस जो मुआ मुआ तक भरी दिता। ⁷ तां तिसने तिन्हा जो बोलया, अब्बे निकाळी करी धाम रे प्रधान का लेई जाओ ते से लेई गे। ⁸ जिस वेले धाम रे प्रधान ने से पाणी चखया जेहडा दाखरस बणी गेयरा थिया कने नी जाणदा थिया कि सेह कुत्ते का आया। ता धाम रे प्रधान ने लाडे जो सदी करी तिसजो बोलया। ⁹ हर ईक मणु पैहले खरा दाखरस दिंदा कने जिस बेले मणु पी करी थकि जान्दे ता तिस का हल्का दिंदे अपण तु खरा दाख रस अब्बे तक रखी छड्डे रा है। ¹⁰ यीशु ने गलील रे काना बिच अपणा ए पहला चम्तकार दिखाई करी अपणी महिमा दिखाई। कने तिसेरे चेलयां ने तिस पर विश्वास कित्ता। ¹¹ इसेरे बाद से कने तिसेरी अम्मा कने तिसेरे भ्याळ कने तिसेरे चेले कफरनहूम जो गे कने तित्ते किछ दिन रे। ¹² यहूदियां रा फसह रा त्यौहार नजदीक थिया कने यीशु यरुशलेम जो गे ।

देहरे बिच का दुकानदारां रा कड्डेया जाणा

¹³ तिसने देहरे बिच बैल, भेड कने कबूतर रे बेचनेवाले कने सौदेबाजा जो बैठे रे दिख्खेया । ¹⁴ तां तिस ने रस्सी जो बड्डी करी सारे डगंरा जो देहरे का कडी दिता कने सौदे बाजा रे पैसे खलारी दित्ते कने फटीया जो पलटाई दित्ता ¹⁵ कने कबूतर बेचने वाळॆया जो बोलेया इन्हा जो इत्ते का लेई जाऔ मेरे बाबे रे घर जो वयप्पार रा घर मत बणाओ। ¹⁶ तां तिसेरे चेलेया जो चेता आया कि लिखे रा है कि तेरे घरे री अवाज ने मिंजो खाई जाणा। ¹⁷ इस पर यहुदियां ने तिस जो बोलेया तु जेह्ड़ा ऐ करदा ता हमारे जो कुण वाला चमत्कार दसदा ? ¹⁸ यीशु ने तिन्हा जो जवाब दित्ता इस देहरे जो ढाई देयो ते मै इस जो तिन दिना बिच खडा करी दिगां ¹⁹ यहुदियो ने बोलेया इस देह्रे जो बनाणे तिक्कर छताळी साल लगे रे हिन् ता क्या तु तिस जो तिन दिना बिच खडा करी दिगां । ²⁰ अपण तिस ने अपणी देह रे देह्रे बारे बिच बोलया थिया। ²¹ इधेरे ताँई जां यीशु जी मुर्देयाँ बिच का जिन्दे होई गे तां तिन्हेरे चेल्लेयां जो चेत्ता आया कि यीशु जी ने एह बोल्या थिया; तां तिन्हा ने पवित्र सास्त्र ते तिस गल्ल रा भरोसा कित्तेया, जेह्ड़ी यीशु जी ने बोल्ली थी | ²² जिस वेले से यरुशलेम बिच फसहा रे टैमा मेले अन्दर थिया ता वडेया ने उस रे चमत्कार जेड़ा से दसदा थिया से दिखी करी तिस पर विश्वास किता।

यीशु जी इन्सान रे मन जो जाणदे

²³ अपण यीशु ने अपु जो तिनहेरे भरोसे पर नी छडया किजो की से सबनी जो जाणदा थिया। ²⁴ कने तिस जो कोई जरुरत नि थी कि से मणुआ रे बारे बिच कोई गवाई दे किजो कि से अपु ही जाणदा थिया कि मणुआ रे मना बिच क्या है ²⁵ फरीसियां बिच निकुदेमुस ना रा इक मणु थिया जेडा यहुदिया रा सरदार थिया।

यीशु जी ते नीकुदेमुस

¹ राती आई करी यीशु जो बोलया है स्वामी अस्सी जाणनदे तु परमेश्वर रे पासे का गुरु होई करी आयरा है किजो कि कोई भी इन्हा चमत्कारा जो जे तु दिखांदा है जिस बेले तक परमेश्वर तिसेरे कने न होन् नी दिखाई सकदा। ² यीशु ने तिस जो जवाब दित्ता। मै तुसां कने सच्ची सच्ची बोलदा जे कोई नोए सिरे का नी जम्मे ता परमेश्वर रे राज्य जो नी दिखी सकदा। ³ नीकुदेमुस ने तिसका पुछया मह्णु जिस बेले सयाणा होई जाए ता से दुबारा कियां जमी सकदा। क्या से अपणी माँ रे पेटा बिच दुबारा जाई करी जन्म लेई सकदा ? ⁴ यीशु ने जवाब दिता मै तिजो सच्च-सच्च बोलदा जिस बेले तक कोई मणु पाणी ते आत्मा कने न जन्मे तिस बेले तिकर से परमेश्वर रे राज्य बिच नी आई सकदा। ⁵ किजो कि जेड़ा देह बिच जमया सेह देह है ते जेड़ा आत्मा बिच जमया से आत्मा है। ⁶ हैरान मत हो कि मै तिजो बोलया कि तीजो नोऐ सिरे का जन्म लेणा जरुरी है। ⁷ हवा जित्ते चाहन्दी तिते चली आन्दी तु उसदी आवाज ता सुणदा पर नी जाणदा कि कुते का आंदी है कने कुते जांदी ? जेड़ा भी आत्मा बिच जमया से इदेया इ है ⁸ नीकुदेमुस ने जवाब दित्ता। ऐ गल्ला किया होई सकदीयां। ⁹ ए सुणी करी यीशू ने बोलया तु इस्त्राएलिया रा गुरू होई करी भी क्या हन्हा गल्ला जो वी नी समझदा। ¹⁰ मै तुसां कने सच्ची सच्ची बोलदा असी जेडा जाणदे ओ बोलदे कने जिस जो असी दिखदे तिस दी ही गवाई दिन्दे तुसी हमारी गवाई जो नी अपनान्दे। ¹¹ जिस वेले मै तुम्हारे कने जमीन री गल्ला करदा ता तुसी विश्वास नी करदे। कने जिस वेले मे तुम्हारे कने स्वर्ग दिया गल्ला करगां ता तुसी कियां विसवास करणा। ¹² कोई स्वर्ग पर नी चढयां सिर्फ सई जेह्ड़ा स्वर्ग का उतरया हालांकि मणु रा पुत्र जेह्ड़ा स्वर्ग बिच है। ¹³ जिस तरीके कने मुसा ने जंगल बिच किडे जो ऊचे पर चढाया उसी तरिके कने जरुरी है कि मणु रा प भी पुत्र उचें पर चढाया जाए। ¹⁴ तां कि जेह्ड़ा कोई तिस पर विश्वास करे से हमेसा री जिन्दगी पाए। ¹⁵ किजो कि परमेश्वर ने दुनिया कने इदेई दाह कित्ती कि तिसणे अपणा इकलौता पुत्र देई दिता कि जेह्ड़ा तिस पर विश्वास करे से नास न हो अपण हमेशा री जिन्दगी पाओ। ¹⁶ परमेश्वर ने अपणे पुत्र जो दुनियां बिच इस तांई नी भेजया कि दुनिया जो सजा रा हुक्म दे अपण इस तेंई कि दुनिया तिसेरे जरिए मुक्ति पाए। ¹⁷ जेह्ड़ा तिस पर विश्वास करदा है तिसेरे पर सजा रा हुक्म नी हुन्दा अपण जेह्ड़ा तिस पर विश्वास नि करदा से दोषी ठहरी चुकया। इस तेंई कि तिसने परमेश्वर रे इकलौते पुत्र रे ना पर विश्वास नि कित्ता। ¹⁸ ते सजा रे हुक्म री वजह् एह है कि लौ दुनिया अन्दर आई, ते मह्णुआं ने न्ह्यारे जो लौ का प्यारा मन्नेया किजो की तिन्हेरे कम्म बुरे थिये। ¹⁹ कि जे कोई बुराई करदा से लो कने दुश्मनी रखदा कने लो रे नेड़े नी आंदा, इदेया न हो कि तिसेरे कम्मा पर दोष लगाया जाए। ²⁰ अपण जेह्ड़ा सच्च पर चलदा से लो रे नेड़े आंदा है तां कि तिसेरे कम सामणे आन कि से परमेश्वर रे पासे का किते रे हिन्। ²¹ इसेरे बाद यीशु कने तिसेरे चेले यहुदिया देश बिच आए कने से तित्ते तिन्हा कने रेई करी बपतिस्मा दैणे लगया।

यीशु जी रे बारे यूहन्ना री गुआई

²² यहुन्ना वी शालेम रे नेड़े एनोन बिच बपतिस्मा दिंदा थिया। किजो कि तित्ते बडा -भारी पाणी थिया। कने मह्णु आई करी बपतिस्मा लिन्दे थिए। ²³ यहून्ना तिस टैमा तिक्कर जेल खाने बिच नी पायरा थिया। ²⁴ तित्ते यहूना रे चेलयां रा कुसी यहुदी कने सफाई रे बारे बिच लडाई झगडा होया। ²⁵ कने तिन्हा ने यहुन्ना रे नेड़े आई करी तिसजो बोलया हे गुरू जेह्ड़ा मणु यरदन रे पार तेरे कने थिया कने जिसेरी तू गवाई दिती दिख से बपतिस्मा दिन्दा है कने सब तिसेरे का आंदे हिन्। ²⁶ यहुन्ना ने जवाब दित्ता जिस वेले तक मह्णु जो स्वर्ग का न दिता जाए तिस वेले तक सेह कुछ वी नी पाई सकदा। ²⁷ तुसी ता अप्पु ही मेरे गवाह हिन् कि मै बोलया मै मसीह नी अपण तिसेरे अग्गे भेजेरा है। ²⁸ जिसेरी लाड़ी है, सेह्ई नौलाड़ा है; पर नौलाड़े रा मित्र जेह्ड़ा खड़ीह् करी तिसेरी सुणदा, नौलाड़े री गल्लां कने बड़ा खुस्स हुन्दा अवे मेरी ए खूसी पूरी होइ गेई। ²⁹ जरुरी है कि से बधन ते मै घटा। ³⁰ “जेह्ड़ा उप्परा का आन्दा से सबनी का जादा बधि करी है; जेह्ड़ा धरती का आन्दा से धरती रा है, ते धरती री ई गल्लां करदा : जेह्ड़ा स्वर्ग का आन्दा, से सबनी का उपर है। ³¹ जेह्ड़ा किच्छ तिसने दिखया कने सुणेया है तिसेरी ही गवाई दिंदा है। कने कोई तिसेरी गवाई जॊ मन्दा नी। ³² जिनिए तिसेरी गवाह्ई मन्नी लेई तिनिए इस गल्ल पर छाप लगाई दित्ती कि परमेश्वर सच्चे हिन्। ³³ किजो कि जिसजो परमेश्वर ने भेजे रा है। से परमेश्वर री गल्लां बोलदा किजोकि से आत्मा तोली- तोली करी नी दिंदा। ³⁴ प्यो पुत्र कने प्यार रखदा, ते तिन्हा ने सारी चीज्जां पुत्र रे हथ्थां अन्दर देइ दित्तेरी हिन्। ³⁵ जेह्ड़ा पुत्र पर भरोसा करदा, हमेसा री जिन्दगी उसेरि है; अपण जेह्ड़ा पुत्र री नी मनदा, तिनिए जिन्दगी नी दिखणी है, अपण तिस पर परमेश्वर गुसा रैह्णा।” ³⁶ फिरी जां प्रभू जी जो पता लग्गेया कि फरिसियाँ ने सुणेरा है कि यीशु युहन्ना का बी जादा चेल्ले बणांदा ते तिन्हा जो बपतिस्मा दिन्दा ।

यीशु जी ते सामरी जनानी

¹ हालांकि यिशु अप्पु नी अपण तिसेरे चेले बपतिस्मा दिंदे थिए। ² तां से यहुदियां जो छडी करी फिरी गलील जो चली पॆ। ³ कने तिन्हा जॊ सामरियां का होई करी जाणा जरुरी थिया। ⁴ इस तेंई से सुखार ना रे सामरियां रे इक ग्रां तक आया जेहडा तिस जमीन रे नेड़े है जिसजो यकूब ने अपने निक्के युसूफ जो दिता थिया। ⁵ कने याकुब दा कुआं वि तित्ते थिया। तां यीशु रस्ते रा थक्के रा थिस कुएं पर ईयां ही बैइ गेया। ए तकरीबन छे घन्टे रे लगभग थी। ⁶ इतणे बिच इक सामरी जनानी पाणी भरने आई यीशु ने तिसजो बोलया ,मिन्जो पाणी पिया। ⁷ किजो कि तिसेरे चेले ता ग्रां बिच रोटी खरीदणे गेयरे थिए। ⁸ तिस सामरी जनानी ने तिसजो बोलया, तू यहूदी होई करी मेरे जेंई सामरी जनानी का पाणी किजो मगंदा। ⁹ यीशु ने जवाब दित्ता जे तु परमेश्वर रे वरदान जो जाण्दी कने ए वी जाण्दी कि से कुण है जेह्ड़ा तिजो बोलदा । मिन्जो पाणी पिया, ता तु तिसका मंगदी कने से तिजो जिन्दगी रा पाणी दिंदा। ¹⁰ जनानी ने तिसजो बोलया, हे प्रभु तेरे का ता पाणी भरने तेंई किछ है वी नी कने कुआँ डुग्गा है। तां सेह़ जिन्दगी रा पाणी तेरे का कुत्ते का आया। ¹¹ क्या तू असा रे बाबे यकूब का बड्डा है जिसने असा जो ए कुआँ दिते रा है। कने अप्पु ही अपणे पुत्र कने अपणे डंगरा समेत इस बिच का पिन्दा। ¹² यीशु जी ने जवाब दिता जेहडा कोई ए पाणी पिंगा तिन्नी फिरी प्यासा होणा। ¹³ अपण जेह्ड़ा कोई तिस पाणी बिच का पिन्गा, जे मैं तिस जो दैणा, तिस जो फिरी हमॆसा ताँई त्रेह् नी लगणी; अपण जेह्ड़ा पाणी मैं तिस जो दैणा, तिसेरा उस मह्णु अन्दर इक सोता बणी जाणा जेह्ड़ा सारी उमर ताँई उमड़दा रैह्णा ।” ¹⁴ जनानी ने तिसजो बोलया, हे प्रभु ए पाणी मिन्जो दे तां कि मै प्यासी न होवा कने पाणी भरणे जो इनी दूर न आँ। ¹⁵ यीशु ने तिसजो बोलया, जा अपने लाडे जो ईत्थे सद्दी लेई आ । ¹⁶ जनानी ने जवाब दिता, मै ते बिना लाडे रे है। यीशु ने तिस जो बोलया, तु ठीक बोलदी है कि मै बिना लाडे रे ए। ¹⁷ किजो कि तू पाँज लाडे करी चुकी री है कने अब्बे जिसेरे कने है सॆ वी तेरा लाडा नी है। ए तू सच ही बोलया । ¹⁸ जनानी ने तिन्हा जो बोल्लेया, “ओ प्रभू जी, मिन्जो लगदा कि तुसी भविस्यवाणी करणे वाळे हिन् । ¹⁹ असा रे बाबे दादया ने ईसी पहाडा पर भक्ति कित्ती कने तुसी बोलदे कि जित्ते भक्ति करनी चायदी से यरुशलम बिच है। ²⁰ यीशु ने तिसजो बोलया हे जनानी मेरी गल्ल रा विश्वास कर कि से टैम आंदा है कि न ता तुसी इस पहाड पर बाबे री भक्ति करणी न ही यरुशलम बिच। ²¹ तुसी जिस जो नी जाणदे, तिसेरी भक्ति करदे; ते असी जिस जो जाणदे तिसेरी आराधना करदे; किजो कि उद्धार यहूदियाँ बिच का है । ²² अपण से टैम आणे वाळा है हालांकि अब्बे वी है जिस बिच सच्चे भक्त बाबे री भक्ति आत्मा कने सच्चाई कने करणी। किजो कि बाबा इदॅए भक्ता जो तोपदा। ²³ परमेश्वर आत्मा है कने जरुरी है कि तसेरी भक्ति करने वाळा आत्मा ते सच्चाई कने भक्ति करे। ²⁴ जनानी ने तिसजो बोलया, मै जाण्दी कि मसीह जेहडा प्रभु है आणे वाळा, जिस वेले तिसने आणा ता सारी गल्ला असाँ जो दसणियांं । ²⁵ यीशु ने तिस जो बोलया मै जे किछ तेरे कने बोले करदा है मै सेई ए। ²⁶ इतणे बिच इ तिसेरे चेले आई गे कने हैरान होई गे कि से जनानी कने गल्ल करे करदा । फिरी वी कुसी ने नी पुछया, कि तू क्या चाहन्दा है ? या कुस तांई तिसेरे कने गल्ला करे करदा ।

चेल्लेयां री वापसी

²⁷ ता जनानी घड़ा छडी करी ग्रां बिच चली गई ते मणुआ जो बोलणा लगी। ²⁸ आओ कने इक मह्णु जो दिखो जिसने सारा किच्छ जे मै कित्ते रा मिन्जो दसी दित्ता। कुत्ते ऐई ता मसीह नी है ²⁹ इधेरे ताँई से सैह्र का निकळी करी तिन्हेरे का आणा लगे। ³⁰ इसेरे बिच यीशु रे चेलेया ने छन्दे करी के बोलया कि हे गुरू कुछ खाई लियो । ³¹ अपण तिसने तिन्हा जो बोलया मेरे का खाणे वास्ते इदेई रोटी है जिसेरे बाऱे बिच तुसी नी जाण्दे। ³² तां चेलेया ने आपस बिच बोलया, क्या कोई तिसेरे तिक्कर किछ खाणे जो ल्यारा है। ³³ यीशु ने तिन्हा जो बोलया, मेरी रोटी से है कि अपणे भेजणे वाले री मर्जी रे साह्ब कने चलां ते तिसेरा कम्म पुरा करा। ³⁴ कै तुसी इह्याँ नी बोलदे, ‘फसलां कटणे जो हल्ले ताँई बी चार म्हीन्ने बचेरे हिन् ?’ दिख्खो, मैं तुसां जो बोलदा, अपणी हाख्खियाँ चुक्की करी खेतरां पर नजर देयो कि से कटणे जोग्गे होई गेरे हिन्। ³⁵ कटणे वाळा मजदूरी लिन्दा ते हमेसा ताँई फळ बटोळदा, ताकी बाणे वाळा ते कटणे वाळा दोह्ई जह्णे मिली करी खुसी मनान्। ³⁶ किजो कि कि इत्ते एह कहावत ठीक बैन्दी है कि बाणे वाळा होर है ते कटने वाळा होर। ³⁷ मै तुम्हारे जो सेह़ खेतर कटने तेई भेजया जिस बिच तुसी कोई मेहनत नी किती। दूजया ने मेहनत किती कने तुसी तिसेरी मेहनत रे फल रे हिस्से दार होए। ³⁸ उस ग्रां रे बडे- भारी सामरियां ने तिस जनानी रे बोलने पर यीशु पर विश्वास किता। किजो कि तिसने एह गवाही दिती थी तिसने सब किच्छ जो मै कितेरा है मिन्जो बताई दिता।

सामरियां रा विस्वास करणा

³⁹ जिस वेले सामरी तिसेरे नेड़े आए ता तिसरे छन्दे करने लगे कि म्हारे का इत्ते रैह्। ते से तित्ते दो दिन् तक रुकेया। ⁴⁰ तिन्हा रे वचन री वजह् कने होर वी कई मणुआ ने तिस पर विसवास कित्ता। ⁴¹ अते तिस जनानी कने बोलया, अब्बे अस्सी तेरे बोलणे कने विसवास नी करदे किजो कि अस्सी अप्पू ही सूणी लिता कने जाण्दे हिन् कि ऐई सच्चो इ दुनिया उद्धार करणे वाळा है। ⁴² फिरी तिन्हा दो दिना रे बाद से तित्ते का निकळी करी गलील जो चली गे। ⁴³ किजो कि यीशु जी ने अप्पु ई गवाह्ई दित्ती कि भविस्यवक्ता अपणे देस अन्दर आदर-खातर हासल नी करी सकदा। ⁴⁴ जां से गलील बिच आया ता गलीली तिस कने बडी-भारी खुशी कने मिले। किजो कि जिने कम्म तिसने यरुशलम बिच त्योहार रे टैमा किते थिए तिन्हा ने उन्हा सारया कमा जो दिखया थिया, किजो कि से सारे वी त्यौहार बिच गेयरे थिए।

राज्जे रे कम्म करणे वाळे रे मुडें जो ठीक करणा

⁴⁵ तां से फिरी का काना बिच आए जित्ते तिन्हा ने पाणी जो दाख रा रस बनाया थिया। तित्ते राजे रा इक नोकर थिया जिसेरा निक्का कफरनहूम बिच बिमार था । ⁴⁶ से ए सुणी करी कि यीशु यहुदिया का गलील बिच आई गेयरा है तिसेरे का गेया। कने तिसेरे छन्दे करना लगेया चली करी मेरे निक्के जो ठीक कर किजो कि सेह मरने वाळा थिया। ⁴⁷ यीशु ने तिसजो बोलया जिस वेले तक तुसी चम्तकार नी दिखी लैणे तिस टैमा तक तुसी कदी विश्वास नी करणा। ⁴⁸ राजे रे नौकर ने तिसजो बोलया, हे प्रभु मेरे निक्के री मौत होणे का पहले तित्ते चल। ⁴⁹ यीशु ने तिसजो बोलया, जा तेरा निक्का जिन्दा है। तिस मणु ने यीशु री बोली री गल्ल रा विसवास किता कने चली गेया। ⁵⁰ से रस्ते बिच ई था कि तिसेरे नौकर ने तिस कने आई मिले कने बोलणा लगे तेरा निक्का जिन्दा है। ⁵¹ तिसने तिसका पूछया , कुस टैम से ठीक होणा लगा तिन्हा ने तिसजो बोलया कल सतवें घंटे बिच तिसेरा बुखार उतरी गया। 5 ⁵² तां बाबे जो पता लगी गेया कि एह तिसी टैमा होया जिस वेले यीशु ने तिसजो बोलया कि तेरा निक्का जिन्दा ए । उसेरे कने तिसेरे पूरे टब्बर ने विसवास कित्ता। ⁵³ ए दुआ चम्तकार थिया जेहडा यीशु जी ने यहुदिया का गलील बिच आई करी कित्ता। ⁵⁴ इन्हा गल्ला रे बाद यहुदिया रा इक त्यौहार होया ते यीशु जी यरुशलम बिच गे।

अठत्ती साल रे इक्क बमार जो ठीक करणा

¹ यरूशलेम अन्दर भेड्ड़ू-फाटक रे नेड़े इक पाणी रा तळा है जिस जो इब्रानी भासा अन्दर बैतहसदा बोल्दे; इसेरे कनारे पर पंज्ज बरांड़े बणेरे हिन्। ² इस बिच बडे-भारी बिमार, अन्ने, लट्टे, सूखे अंगा वाले पेई रिंदे थिए। ³ तित्ते इक मह्णु थिया जेहडा अठ्ठती साला रा बिमारी अन्दर पेयरा थिया। ⁴ किजोकी ठेहराये रे समय पर परमेश्वर रे स्वर्गदूत कुण्ड बिच उतरी करी पाणी जो हिलाया करदे थे, पाणी हिलदे ई जे पैल्ले कुण्ड बिच उतरी जादां था तिसेरी कोइ बी ठीक होई जादीं थी। ⁵ यीशु ने तिसजो पेयरा दिखी करी कने एह बूजी गे कि से बडे दिना रा इस्सी हालत बिच पेयरा है तिसने पुछया क्या तू ठीक होणा चांदा ? ⁶ तिस बिमार ने तिसजो जवाब दित्ता, हे प्रभु मेरे का कोई वी इदेया मणु नी है कि जिस वेले सेह पाणी हिलाया जांदा तां मिन्जो तिस तलां बिच उतारे। अपण मेरे पूजदे- पूजदे दुजा मेरे का पैहले उत्तरी जांदा। ⁷ यीशु ने तिसजो बोलया, उठ अपना मंजा चूक कने चल फिर। ⁸ से मह्णु झट्ट ठीक होई गया कने अपणा मंजा चुकी करी चलणा फिरणा लगया। ⁹ से सब्त रा दिन थिया इस तांई यहूदी जेह्ड़ा ठीक होया ता तिसजो बोलणा लगे, अज ता सब्त रा दिन है कने तेरा मंजा चुकना बि ठीक नी है। ¹⁰ तिसने तिन्हा जो जवाब दिता जिन्नी मिन्जो ठीक कित्ता तिसी ने मिन्जो बोलया कि अपणा मंजा चुक ते चल फिर। ¹¹ तिन्हा ने तिसका पुछया, सेह कुण मह्णु है जिन्नी तिजो बोलया, मंजा चुक कने चल फिर ? ¹² अपण जेह्डा ठीक होयरे थिया से नी जाण्दा थिया कि से कुण है। किजो कि तिस जगह् भिड़ होणे री वजह् कने यीशु उत्ते का हटी गेयरा थिया। ¹³ इन्हा गल्ला रे बाद से यीशु जो देहरे बिच मिलया। यीशु ने तिसजों बोलया, दिख तू ठीक होई गेयरा है: फिरी पाप मत करदा, इयां न हो कि इसेरे का वी कोई वडी विप्पता तेरे पर आई पे। ¹⁴ तिस मह्णु ने जाई करी यहुदिया जो बोली दित्ता कि जिह्ने मिन्जो ठीक किता से यीशु है। ¹⁵ इसेरी वजह् कने यहूदी यीशु जो सताणा लगे। किजो कि से इदेह कम्म सब्त रे दिन करदा थिया। ¹⁶ इस पर यिशु ने तिसजो बोलया, मेरा बाबा अब्बे तक कम्म करदा कने मै वी कम्म करदा है । ¹⁷ इस वजह् कने यहूदी होर वी बधी करी तिसजो मारणे री कोशीश करणा लगे किजो कि सेह न सिर्फ सब्त रे दिन रे रिति रिवाज जो तोडदा थिया। अपण परमेश्वर जो अपना बाबा बोली करी अप्पू जो परमेश्वर रे बराबर करदा थिया । ¹⁸ इस पर यीशु ने तिन्हा जो बोलया, मै तुम्हारे जो सच- सच बोलदा,पुत्र अपणे का किच्छ नी करी सकदा, सिर्फ सेई जेह्डा बाबे जो करदे दिखदा है। किजो कि जेह्डे-जेह्डे कम्मा जो से करदा तिसजो पुत्र वी तिसी तरीक्के करदा है।

पुत्तर रा हक्क

¹⁹ किजोकि बाबा पुत्र कने दाह रखदा कने जेह्डे-जेह्डे कम्म से करदा सेह सारे तिसजो दिखांदा है। कने सेह इसका का वी बड्डे-बड्डे कम्म तिसजो दिखांगा ताकि तुसी हैरान न हो । ²⁰ कि जिंया सारे मणु बाबे री इज्जत करदे तियां ही निक्के री वी इज्जत करन। जेह्डा निक्के री इज्जत नी करदा , सेह़ बाबे री वी जिनी तिसजो भेजे रा है इज्जत नी करदा । ²¹ पिता कुस्की रा न्याय नी करदा, अपण न्याय करणे रा सारा कम्म पुत्तर जो सौंपी दित्तेया गेरा है, ²² ताकि सब जह्णे जिह्याँ पिता री इज्जत करदे तिह्याँ ई पुत्तर री बी इज्जत करेया करन। जेह्ड़ा पुत्तर री इज्जत नी करदा, से पिता री, जिन्हा ने तिस जो भेज्जेरा है, इज्जत नी करदा। ²³ मै तुम्हारे कने सच-सच बोलदा , जेह्डा मेरा वचन सुणी करी मेरे भेजणे वाले पर विश्वास करदा हमेसा री जिन्दगी तिसका है। कने तिस पर सजा रा हुक्म नी हुन्दा। अपण से मौत जो टप्पी करे जिन्दगी बिच जाई चुके रा है। ²⁴ मै तुम्हारे जो सच-सच बोलदा, से टैम आंदा है , कने अब्बे इ है जिस वक्त मरे रे परमेश्वर री आवाज सुण्गे कने जेह्डे सुण्गे से जिंगे। ²⁵ किजो कि जिस तरिक्के बाबा अप्पू अन्दर जिन्दगी रखदा तिसी तरिक्के तिसने पुत्र जो वी ए हक्क दितेरा है कि अप्पू बिच जिन्दगी रखे। ²⁶ हालांकि तिसजो न्याय करने रा वी हक्क दित्तेरा है। इस तांई कि से परमेश्वर रा पुत्र है। ²⁷ इस बिच हैरान मत हो , किजो कि से वक्त आंदा है कि जिन्ने कब्रा बिच हिन् तिन्हा तिसेरी आवाज सुणी करी निकळी आणा। ²⁸ जिह्ना ने भलाई किती री है से जिन्दगी री दूजी जिन्दगी वास्ते जी उठणे, कने जिन्हा ने बुराई किती री है से सजा री दूजी जिन्दगी वास्ते जी उठणे। ²⁹ मै अप्पू का किच्छ नी करी सकदा , जियां सुण्दा तिदेया न्याय करदा कने मेरा न्याय सच्चा है किजो कि मै अपणी मर्जी नी अपण अपणे भेजने वाले री मर्जी चाहन्दा।

यीशु जी रे बारे गुआई

³⁰ जे मै अपणी ही गवाई अप्पू देयां तां मेरी गवाई सच्ची नी ए। ³¹ इक होर है जेह्ड़ा मेरी गवाई दिन्दा ते मै जाण्दा जेडी मेरी गवाही दिन्दा से सच्ची है। ³² तुसी यहुन्ना का पुछवाया ते तिनी सच्चाई री गवाई दित्ती। ³³ अपण मै अपणे बारे बिच मह्णु री गवाई नी चाहन्दा। तां वि ए गल्लां इस तेंई बोलदा कि तुंहारे जो उद्धार मिलें। ³⁴ से ता बळदा कने चमकदा होया दिया है। कने तुम्हारे जो थोडी देर तक तिसेरी लो बिच मस्त होणा ठीक लगया। ³⁵ अपण मेरे का जेड़ी गवाई है से यहुन्ना री गवाई का बड्डी है किजो कि जेडा कम्म बाबे ने मिन्जो पुरा करने जो दितेरा है। हालांकि ऐई कम्म जेहडे मैं करदा है सेई मेरे गवाह हिन् कि कि बाबे ने मिन्जो भेजे रा है। ³⁶ कने बाबा जिने मिन्जो भेजे रा है तिसी ने मेरी गवाई दित्ती री है। तुसी न कदी तिसेरे बोल सुणे ते न तिसेरा रुप दिख्खेया। ³⁷ कने तिसेरे वचन जो मना बिच पक्का नी रखदे किजो कि जिसजो तिसने भेजया तुसी तिसेरा विश्वास नी करदे। ³⁸ तुसी पवित्रसास्त्र बिच तोपदे हिन् किजो कि समझदे हिन् कि तिन्हा बिच हमेसा री जिन्दगी मिलदी कने एह सेई है जेह्डा मेरी गवाई दिंदा है। ³⁹ फिरी बी तुसी जिन्दगी पाणे तिक्कर मेरे नेड़े आणा नी चाहन्दे। ⁴⁰ मैं मह्णुआ का इज्जत नी चाहन्दा। ⁴¹ अपण मै तुम्हारे जो जाण्दा है कि तुम्हारे बिच परमेश्वर री दाह् नी है। ⁴² मै अपणे बाबे रे ना कने आए रा है ते तुसी मिन्जो नी अपणादे । अपण जे कोई अपणे ना कने ही आए ता तिसजो ग्रहण करी लिंगे। ⁴³ तुसी जेह्डे इक-दुजे का इज्जत चाहन्दे हिन् कने से इज्जत जेह्डा इक मात्र परमेश्वर रे पासे का है, नी चाहंदे , कुस तरिक्के विसवास करी सकदे ? ⁴⁴ इयां मत समझो कि मै बाबे रे सामणे तुम्हारे पर दोस लगांगा, तुम्हारे पर दोस लगाणे वाला ता मूसा है। जिस पर तुसी विश्वास कित्ता । ⁴⁵ किजो कि जे तुसी मुसा रा विसवास करदे ता मेरा वी विसवास करदे, इस तांई की तिसने मेरे बारे बिच लिखेरा है। ⁴⁶ अपण जे तुसी तिसेरी लिखी री गल्लां पर विसवास नी करदे तां मेरी गल्ला पर विसवास कियां करी करगें। ⁴⁷ इना गल्ला रे बाद यीशु गलील री झीला मतलब की तिबिरियास री झीला रे पार चली गे ।

पाँज हजार म्हणुआं जो खुआणा

¹ कने इक बडी भीड तिसरे पिछे चली पेई। किजो कि जेहडे चम्तकार सेह बिमारा पर दसदा थिया से तिन्हा जो दिखदे थिए । ² तां यीशु जी पहाडा पर चडी करी अपणे चेलेयां कने उत्ते बेई गे । ³ यहूदिया रा फसह रा त्यौहार नेड़े थिया । ⁴ जिस वेल्ले यीशु जी ने अपणी अख्खा चुकी करी इकक बड्डी भीड जो अपणे पासे आंदे दिखेया, ता फिलिप्पुस जो बोलया, अस्सी इन्हा रे खाने तांई रोटी कुते का रोटि खरिदी करी लेइ आन्। ⁵ तिसने ए गल्ल तिसजो परखने तिक्कर बोली। किजो कि सेह़ अप्पू जाणदा थिया कि तिसने क्या करणा। ⁶ फिलिप्पुस ने तिसजो जवाब दित्ता, कि दौ सौ दिनार री रोटी वी तिनेरे तांई पूरी नी होणी कि तिहनां तिस बिच का हर ईक जो थोडी थोडी वी मिली जाए। ⁷ तिसेरे चेलेयां बिच का शमौन पतरस रा भ्याल अन्द्रियास ने तिस जो बोलया । ⁸ इत्ते इक मुडां है जिस का जौ री पन्ज रोटीयां ते दो मछीयां हिन् पर इतणे कोका तांई नि होणियां । ⁹ यीशू जी ने बोलेया लोका जो बठाई देओ। तिस जगह् बड्डा भारी घाह थिया। तां मणु जिहना बिच मह्णु री गिनती तकरिबन पाँज हजार थी बेई गे। ¹⁰ तां यीशू जी ने रोटियां लेइयां दे धन्याबाद करी के बैणे बाळे जो बन्ड़ी दित्तियां ते तियां इ मछियां जितनी से चान्दे थिये बन्डी दितियां ¹¹ जां से खाई करी से रजी गे तां तिन्हा ने अपणे चेलेयां जो बोलेया बचे रे रोटी रे टोकड़े किठ्ठे करी लिओ कि किछ बी सुटे ना जान् । ¹² ते तिन्हा ने तिसजो कठेरया कने जौ री पाँज रोटी रे टुकडे जेहडे खाने वालया का वचे करदे थिए बाहरा टोकरिया भरियां। ¹³ तां जेहडा चम्तकार तिसने करी दखाया तिसजो दिखी करी महणु बोलणा लगे, से भविष्यवाणी करने वाला जेहडा दुनिया अन्दर आनेवाळा थिया , पक्का ऐई है। ¹⁴ यीशु ए जाणी करी कि सेह़ मिन्जो राजा बनाणे तेंई पकडना चाहन्दे हिन् फिरी से पहाड पर किल्ला चली गया। ¹⁵ जिस वेले सँझ होई ता तिसेरे चेले झील रे किनारे चली गे।

यीशु जी रा पाणी पर चलणा

¹⁶ कने किश्ती पर चड्डी करी झीलां रे पार कफरनहूम जो जाणे लगे। तिस वेले निहारा होई गेयरा थिया। कने यीशु तिस बेले तक तिनेरे का नी आयरा थिया। ¹⁷ तूफान री वजह् कने झिलां अन्दर लहरां उठणे लगियां । ¹⁸ जिस वेले से चप्पु मारदे-मारदे तिन चार मील रे लगभग निकळी गे। तां तिन्हा ने यीशु जो झीला पर चलदे किश्ती रे नेड़े आंदे दिखया कने डरी गे। ¹⁹ अपण तिसने तिन्हा जो बोलया, मत डरो मै है। ²⁰ ते से तिसजो किश्ती पर चढाने वास्ते त्यार होए कने से किश्ती तिस जगह् जाई पुजी जिहत्थे से जाए करदे थिए। ²¹ दूजे दिन तिस भीड ने, जेहडी झीला रे पार खडी थी, ए दिखया कि इहत्थे इक जो छडी करी होर कोई किश्ती नी थी। कने यीशु अपणे चेलयां कने तिस किश्ती पर नी चढेऱा थिया। अपण सिर्फ तिसेरे चेले ही गे थिए।

लोक्कां रा यीशु जी जो तोपणा

²² तां बाकि किश्तिया तिबरियास का तिस जगहा़ रे नेड़े आई, जिहत्थे तिहना ने प्रभु रे धन्यावाद करने रे बाद रोटी खाई थी। ²³ इस तेंई जिस वेले भीड ने दिख्खेया कि इत्ते ना यीशु है कने ना तिसेरे चेले, तां सेह़ वी किश्तिया पर चढी करी यीशु जो तोपदे कफरनहूम का पूजे। ²⁴ झील रे पार जिस वेले से तिस कने मिले ता बोलया, हे गुरु, तू इत्ते कुस वेले आया।

यीशु जी जिन्दगी री रोट्टि

²⁵ यीशु ने जवाब दिता, मै तुसा कने सच-सच बोलदा तुसी मिन्जो इधेरे तांई नी थे तोपदे कि तुसी मेऱे चम्तकार दिखे अपण इस तेंई कि तुसी रोटिया खाई करी रज्जे। ²⁶ नाशवान रोटी तांई परिश्रम न करो, अपण तिस रोटी तांई जेह्डा कि हमेशा री जिन्दगी तक रिन्दि, जिस जो मह्णु रा पुत्र तुसां जो दिगां किजो कि बाबा, अपण परमेश्वर ने तिस पर अपनी मोहर लाई री है। ²⁷ तिन्हा ने तिसजो बोलया, परमेश्वर रा कम्म करने तांई अस्सी क्या करीए ? ²⁸ यीशु जी ने तिन्हा जो जवाब दित्ता; परमेश्वर रा कम्म ए है, कि तुसी तिस पर जिस जो तिन्ही भेज्या रा है, भरोसा करो। ²⁹ तां तिन्हा ने तिस जो बोलया, फिरी तू कुण चिन्ह दिखान्दा है कि अस्सी उस जो दिखीकरी तुसां पर विश्वास करन ? तू कुण देय्या कम्म दसदा ?। ³⁰ अस्सा रे बाबे दादेया ने बणा अनदर मन्ना खाया; जियां लिख्या रा है; कि तिन्ही तिन्हा जो खाने ताई स्वर्ग री रोटी भेजी। ³¹ यीशु ने तिन्हा जो बोलया, मै तुसा जो सच-सच बोलदा कि मूसा ने तुसा जो से रोटी स्वर्ग का नी दित्ती, अपण मेरा बाबा तुस्साँ सच्ची रोटी स्वर्ग का दिन्दा । ³² किजो कि परमेश्वर री रोटी ओ ई है, जेडी स्वर्ग का उत्तरी करी जगत जो जीवन दिन्दी । ³³ तां तिन्हा ने बोलया, हे प्रभु ए रोटी अस्सा जो हमेसा देया कर। ³⁴ यीशु ने तिन्हा जो बोलया, जीवन री रोटी मै हि है: जे मेरे का आंगा से कदी वी भूखा नी रिंगा। कने जेडा मेरे पर भरोसा करगां से कदी वी प्यासा नी रिगां। ³⁵ अपण मै तुसां जो बोलदा कि तुसा ने मिन्जो दिखी वी लित्या तां वी भरोसा नी करदे। ³⁶ जे किच्छ मेरा बाबा मिन्जो दिंदा है से मेरे का आंगा, तिस जो मै कदी नी कढगां । ³⁷ किजो कि मै अपनी मर्जी नी, अपण अपने भेजनेवाले री मर्जी पूरी करने तांई स्वर्ग का उतरेया । ³⁸ अपण मेरे भेजनेवाले री इच्छा ए है कि जे किच्छ तिन्ही मिन्जो दित्ता है, उस बीच का मै किच्छ न गवांया अपण तिसजो आखिरी दिन फिरी जिन्दा करणा । ³⁹ किजो कि मेरे बाबे री इच्छा ए है कि जे कोई पुत्र जो दिख्खे, कने तिस पर भरोसा रखे, से हमेसा री जिन्दगी पाये कने मै तिसजो आखिरी दिन फिर जिन्दा करगां। ⁴⁰ फिरी यहुदी तिस पर बडबढाने लगे, इस ताई कि तिन्ही बोलया था; कि जेडी रोटी स्वर्ग का उतरी है, से मै है । ⁴¹ फिरी तिन्हां ने बोलया; क्या ए यूसुफ रा निक्का यीशु नी ए, जिस्स रे अम्मा बाबे जो अस्सी जाणदे ? तां फिरी ए किजो बोलदा कि मै स्वर्ग का उतरया है। ⁴² यीशु ने तिन्हा जो जवाब दित्या, कि आपु बिच मत बडबडाओ । ⁴³ कोई मेरे नेड़े नी आई सकदा, जा तक बाबा, जिन्नी मिन्जो भेजेया रा है, तिस जो खिची न ले; फिरी मै तिसजो आखरी दिन फिरी जिन्दा करगां । ⁴⁴ भविष्यवाणी करने वाले री किताब बिच ए लिखया रा है, कि से सब परमेश्वर रे पासे का सिखाए रे हौणे। जिन्नी वी बाबे का सुण्या कने सिखया, से मेरे नेड़े आन्दा। ⁴⁵ ए नी कि कुसी ने बाबे जो दिख्खेया अपण जे परमेश्वर रे पासे का है, तिन्ही ही बाबे जो दिख्खेया है। ⁴⁶ मैं तुसां जो सच-सच बोलदा, कि जे कोई भरोसा करदा है, हमेसा रा जीवन तिस्सेरा ही है। ⁴⁷ जीवन री रोटी मै ही हैं । ⁴⁸ तुसां रे बाबे दादेया ने जंगल मिन्ज मानचना खाया ते फिरी मरी गे। ⁴⁹ ए से रोटी है जेडी स्वर्ग का उत्तरी है ताकि मह्णु तिस बिच का खाए ते न मरन । ⁵⁰ जीवन री रोटी जेडी स्वर्ग का उत्तरी से मै है। जे कोई इस रोटी जो खान्दा से सदा जिन्दा रिंगा कने जेडी रोटी मै जगत रे जीवन तांई दिगां, से मेरा मांस है। ⁵¹ इस पर यहूदी ए बोली करी आपु मिते लडने लगे, कि ए मह्णु कियां अपना मांस खाने जो देई सकदा। ⁵² यिशु ने तिन्हा जो बोलया; मै तुसा जो सच-सच बोलदा जां तांई मह्णु रे पुत्र रा मांस नी खांगे, कने तिसेरा खुन नी पिंगे, तुसा च जीवन नी है । ⁵³ जे कोई मेरा मांस खान्दा, कने मेरा लहु पिन्दा है, हमेसा रा जीवन तिस्सेरा है, कने मै अन्त रे दिना फिरी तिसजो जिन्दा करणा । ⁵⁴ किजो कि मेरा मांस सच्चोई इ खाणे री चीजाँ है कने मेरा खून सच्चोई पिणे पिने री चिज है। ⁵⁵ जे मेरा मांस खान्दा कने मेरा लहु पिन्दा है, से सदा मेरे अन्दर बणी रिगां, कने मै तिस च। ⁵⁶ जियां जिन्दे बाबे ने मिन्जो भेजया कने मै बाबे रे कारण जिन्दा है तिया ही से वी जे मिन्जो खांगा मेरे कारण जिन्दा रिंगा। ⁵⁷ जेड़ी रोटी स्वर्ग का उतरी सेई है, तिस रोटी सेई नी जेड़ी बब-दादेयाँ ने खाई ते मरी गे, जे कोई ए रोटी खांगा, से हमेसा जिन्दा रिंगा। ⁵⁸ ए गल्ला तिन्ही कफरनहूम रे ईक देहरे बिच उपदेश दिन्दे वेले बोली। ⁵⁹ तिसेरे चेले बिच मत्ते जह्णे ने ए सुणी करी बोले, कि ए गल्ल मुसकल है; इस जो कुन सुणी सकदा ।

हमेसा री जिन्दगी रे वचन

⁶⁰ यीशु जी ने अपने मना बिच ए जाणी करी कि मेरे चेले अप्पु बिच इस गल्ल पर बडबडान्दे है, तिन्हा जो पूछया क्या इस गल्ल च तुसा जो ठेस लगी। ⁶¹ अपण जे तुसी मह्णु रे पुत्र जो जित्ते से पहले थिया, उत्ते का ऊपर जांदे दिखगे, ता क्या हुगां ? ⁶² आत्मा ते जिवनदायक है, शरीर कने किछ फायेदा नी: जेडी गल्ला मै तुसां जो बोली, से आत्मा है कने जीवन बी है। ⁶³ अपण तुसा बिच किने इदेए हिन्’ जे भरोसा नी करदे: किजोकि यिशु तां पहले का ही जाण्दे थिये कि जे भरोसा नी करदे से कुण हीन् ? ते कुण मिन्जो पकडवागां। ⁶⁴ फिरी तिन्ही बोलया, इस तांई मै तुसां जो बोलया थिया जां तांई कुसी जो बाबे रे पासे का वरदान नि मिलगा तां तांई से मेरे का नी आई सकदा। ⁶⁵ इसेरे बाद तिसेरे चेलया बिच बडे जणे फिरी गे फिरी तिसेरे बाद तिन्हा कने कोई नी चलया।

पतरस रा विस्वास

⁶⁶ तां यिशु ने तिन्हा बारा जो बोलया, क्या तुसी वी चली जाना चाहदें ? ⁶⁷ शमौन पतरस ने तिसजो जवाब दिता, कि है प्रभु अस्सी कुस का जाईए ? हमेसा री जिवन री गल्ला ता तुसा का हैं। ⁶⁸ फिरी अस्सा ने भरोसा कित्या, कने जाणी गए हिन्, कि परमेश्वर रा पवित्र जन तु ही है। ⁶⁹ यीशु ने तिन्हा जो जवाब दित्ता, कि मै तुसां बारह जो नी चुणी लित्तेया ? तां वि तुसां मिन्ज ईक मणु शैतान है। ⁷⁰ ए तिन्हा ने शमौन इस्करियोती रे पुत्र यहूदा रे बारे बोलया, किजो कि ए ओई बारह बिच का ईक थिया, जिनी तिस जो पकड़वाणे पर थिया। ⁷¹ इन्हा गल्ला रे बाद यीशु जी गलील बिच फिरदे रे, किजो कि यहुदी तिन्हा जो मारणे रा मौका थे तोपदे, इस तांई से यहुदिया च फिरना नी चाहन्दे थे,

यीशु जी ते तिन्हेरे भ्याळ

¹ फिरी यहुदियां रे मण्डपों रा त्यौहार नेड़े थिया। ² इस तांई तिसेरे भ्यालां ने तिस जो बोलया, अस्सा जो छडी करी यहुदिया जो चली जा, कि जेड़े कम्म तु करदा ए, से तेरे चेले भी दिखन्। ³ किजो कि इद्या कोई नी होणा जेडा मशुहर होना चाहे,फिरी छिपी करी कम्म करे: अपण तु ए कम्म करदा है, तां अपणे आप जो संसार बिच दस। ⁴ किजो कि तिसेरे भ्याल वी तिस पर भरोसा नी करदे थिए। ⁵ तां यीशु जी ने तिन्हा जो बोलया, मेरा टैम अब्बे नी आया, अपण तुसा तांई सारा टैम है। ⁶ दुनियाँ तुसा कने बैर नी करी सकदी, अपण से मेरे कने बैर करदा है, किजो कि मै तिसेरे खिलाफ ए गवाई दिन्दा कि तिसेरे कम्म बुरे हिन् । ⁷ तुसी त्यौहार जो जाओ, मै अब्बे इस त्यौहार नी जाणा, किजो कि अब्बे तिक्कर मेरे वक्त पूरा नी होया। ⁸ तिन्ही तिन्हा कने ए गल्ला करी के गलील अन्दर इ रैह्ई गेया। ⁹ अपण जां तिसेरे भ्याल त्यौहार जो चली गए, तां से अपु ई चुप चाप लुक्दे कुक्दे गेया।

झोपड़ियां रा पर्व बिच यीशु जी

¹⁰ तां यहुदी त्यौयार अन्दर तिन्हा जो ए बोली करी तौपणा लगे कि से कुते है। ¹¹ फिरी लोकां ने तिसेरे बारे चोरी - चोरी बडी गल्ला कित्ती; थोड़े बोलदे थिए; से खरा मह्णु है, ते थोडे बोलदे थिए; नां से मह्णुआं जो बैह्कांदा । ¹² तां वि यहूदियां रे डरे रे मारे कोई बी मह्णु तिसेरे बारे खुली के नी बोलदा थिया। ¹³ फिरी जां त्यौहार रे अधे दिन बीती गे; तां यिशु देहरे अन्दर जाई करी वचन बोलणे लगे।

पर्व बिच यीशु जी रा उपदेश

¹⁴ तां यहुदियां ने हैरान होई करी बोल्या, कि इस जो बगैर पढे इना ज्ञान कियां का आया ? ¹⁵ यीशु जी ने तिन्हा जो जवाब दित्या, कि मेरा वचन मेरा नी, अपण मेरे भेजनेवाले रा है। ¹⁶ अगर कोई तिसेरी मर्जी पर चलणा चाहे, कने तिसेरे वचन रे बारे जो जाणी जाए कि से परमेश्वर रे पासे का है या फिरी अपणे पासे का बोलदा । ¹⁷ जे कोई अपणे पासे का बोलदा से अपणी अप्पु ई बढाई करदा ; अपण जे अपणे भेजनेवाले री बढाई चाहन्दा है सेई सच्चा है, कने तिस विच अधर्म नी है । ¹⁸ क्या मुसा ने तुसां जो व्यवस्था नही दित्ती ? तां वि तुसां विच का कोई व्यवस्था पर नी चलदा। तुसी किजो मिन्जो मारना चाहन्दे। ¹⁹ लोक्कां ने जवाब दिता," कि तुसां बिच बुरी आत्मा है ! कुण तुसां जो मारणा चाहन्दा। ²⁰ यिशु ने तिन्हा जो जवाब दित्या, कि मैं ईक कम्म कित्या, कने तुसी सारे हैरान हिन्। ²¹ इधेरे तांई मुसा ने तुसा जो खतने रा हुक्म दित्ता (ए नी की मुसा रे पासे का अपण बाबे दादेया रे पासे का चली आई री है), फिरी तुसी सब्त रे दिन मह्णु रा खतना करदे । ²² जां सब्त रे दिन मह्णु रा खतना कित्ता जान्दा ताकि कि मुसा री वयव्सथा री हुक्म न टळो, तां तुसी मेरे पर किजो गुस्सा हुन्दे, कि मै सब्त रे रोजे ईक मह्णु जो पुरी रीती कने ठीक कित्ता। ²³ मुंह दिखिकरी फैसला मत करो, अपण सही-सही फैसला करो। ²⁴ तां किछ यरुशलम बाळे बोलणे लग्गे; क्या ए सेई नी, जिस जो मारने रा कोसीस करणा लएरी है

क्या यीशु जी इ मसीह हिन ?

²⁵ अपण दिखो, से ता खुलेआम गल्लां करदा कने कोई तिसजो किछ नी बोलदा; क्या सरदारा ने -सच्ची जाणी लेया कि ऐह् ई मसीह हैं। ²⁶ इस जो ता असी जाण्दे , कि ए कुते रां हैं; अपण मसीह जिस मौके आगां, तां कोई नी जाण्गां कि ओ कुते रा है। ²⁷ तां यिशु ने देहरे अन्दर वचन बोलदे होए हक्क देई के बोल्या, तुसी मिन्जो जाण्दे कने ए वी जाण्दे कि मै कुते का हैं: मै अपणे पास्से का नि आया अपण मेरा भेजणे वाळा सच्चा हैं, उस जो तुसी नी जाण्दे। ²⁸ मै तिस जो जाण्दा , किजो कि मै तिसेरे पासे का है ते तिस ने मिन्जो भेज्या रा हैं। ²⁹ इस पर तिन्हा ने उन्हा जो पकड़णा चाह्या,तां बी कुसे ने बी उन्हा पर हत्थ नी पाया किजो की तिन्हेरा वक्त हाल्ले तिकर नी आया थिय्या। ³⁰ फिरी बी भीड़ बिच् का मते लोक्कां ने उन्हा पर भरोसा कित्ता,ए बोलणा लग्गे,"मसीह ने जां आणा तां क्या इसका बदिह् करी चमत्कार दिखाणे जे इन्हा ने दिखा ए ?" ³¹ फरिसियां ने लोक्का जो उन्हेरे बारे बिच ए गल्लां लुकी करी करदे सुणेयां;ते प्रधान याजकां ते फरिसियां ने तिन्हेरे जो पकड़णे ताईं सिपाही भेज्जे ।

यीशु जी जो पकड़णे री कोसीस

³² इस पर यीशु जी ने बोल्लेया,"मै थोड़ी होर देर तिक्कर तुसां कन्ने है,तां अपणे भेजणे वाळे का चली जाणा। ³³ तूसी मिन्जो तोपणा,पर मै नी मिलणा,ते जित्ते मै है,उत्ते तूसी नी आई सकदे।" ³⁴ इस पर यहुदियां ने अप्पु बिच बोल्लेया,"इन्हा ने कूते जाणा कि असी इन्हा जो तोपी नी सकदे ? क्या ए उन्हेरे का जागें जे युनानियां बिच तित्तर-बित्तर होई करी रैहन्दे,ते युनानियां जो बी उपदेस दिगां ? ³⁵ ए क्या गल्ल है जे उन्हा ने बोल्लि,कि ’तुसी मेरे जो तोपणा अपण नी मिलणा;ते जित्ते मै है,उत्ते तुसी नी आई सकदे ?" ³⁶ त्याहार रे आखरी दिन,जे खास दिन है, यीशू जी खड़े होए ते हक्क मारी करी बोल्लेया,"जे कोई प्यासा हो तां मेरे का आए ते पिए ।

जिन्दगी री पानी री नदियाँ

³⁷ जे मेरे पर भरोसा करगा,जिय्यां पवित्र-साश्त्र बिच लिख्खे रा है,’उसेरे दिल बिच का जिन्दगी रे पाणी री नदीयाँ फूटि निकऴनी ’।" ³⁸ तिन्हा ने ए वचन पवित्र आत्मा रे बारे बिच बोल्लेया थिया, जिस जो उन्हेरे पर भरोसा करणे वाळे पाणे वाळे थिये;किजो कि आत्मा हल्ले तिकर नी उतरेया थिया,किजो कि यीशू जी हल्ले तिकर अपणी महीमा जो नी पुज्जे थिये । ³⁹ तां भीड़ बिच का कुसकी-कुसकी ने ए गल्लां सूणी करी बोल्लेया,"सच्ची ए इ भविष्यद्क्ता है ।" ⁴⁰ दुज्जेया ने बोल्लेया,"ए मसीह है।"अपण किछ ने बोल्लेया,"किजो ? क्या मसीह ने गलील का आंह्गा ? ⁴¹ क्या पवित्रशास्त्र बिच ए नी लिख्खे रा है कि मसीह ने दाउद रे घराने ते बेतलेहम ग्राँ का आणा,जित्ते दाउद रैहन्दा थिया ?" ⁴² अते तिन्हेरी वजह् कने लोका बिच फूट पेइ गेई। ⁴³ तिन्हा बिच का किछ उन्हेरे जो पकड़णा चाह्दें थिय्ये,अपण कुसकी ने उन्हा पर हत्थ नी पाया । ⁴⁴ तां सिपाही प्रधान याजकां ये फरीसियां का हटी आए,"तिन्हा ने उन्हा जो बोलेया,"तुसी उन्हा जो किजो नी लयाए ?"

यहूदी अगुवां रे विस्वास री कमी

⁴⁵ सिपाहइयां ने जवाब दित्ता,"कुसकी मह्णु ने कदी इदेई गल्लां नी कित्ती।" ⁴⁶ फरिसियां ने तिन्हा जो जवाब दित्ता," क्या तुसी बी बैह्की गे ? ⁴⁷ क्या सरदारा ते फरिसीयां बिच का कुसकी ने बी उन्हेरे पर भरोसा कित्ता है ? ⁴⁸ अपण ए मह्णु जे व्यवस्था नी जाणदे श्रापित हिन्। ⁴⁹ नीकुदेमुस ने,जे पैह्ळे तिन्हेरे का आया थीया ते तिन्हेरे बिच का इक्क थिया,तिस ने बोल्लेया, ⁵⁰ क्या असां री व्यवस्था कुसकी मह्णु जो,जां तिकर पैह्ले उसेरी सुणी करी जाणी ना ले कि ओ क्या करदा,गलत ठहरादीं ? ⁵¹ तिन्हा ने उन्हेरे जो जवाब दित्ता,"क्या तुसी बी गलील रे हिन् ?तोप्पो ते दिख्खो कि गलील का कोई भविष्यद्वक्ता नी बणी सकदा।" ⁵² तां सारे जणे अपणे-अपणे घरा जो चली गे । ⁵³ फिरी यीशु जैतून रे पहाड जो गे।

जिस्म रा धधां करणे वाळी जनानी जो माफी दैणा

¹ कने भ्यागा से फिरी देरे च आया, ते सारे मणु तिसका आए; कने से बई करी तिन्हा जो उपदेश दैणे लगया। ² तां शास्त्री कने फरीसी ईक जनानी जो लयाये, जे व्यभिचार करदे पकड़ीत्ती थी, अत्ते तिस जो मझाटे खड़ा करी के यीशु जी जो बोल्या। ³ ओ गुरु, एह् जनानी व्यभिचार करदे पकड़ीत्ती। ⁴ व्यवस्था बिच मूसा ने असां जो हुकम दित्तेया है कि इदेई जनानी जो पत्थर कने मारो: तुसी इस जनानी रे बारे बिच क्या बोलदा है ⁵ तिन्हा ने तिस जो परखने तांई ऐ गल्ल बोली ताकी तिस पर कोई दोष लागाई सकन, अपण यीशु झुकी करी उंगली कने जमीन पर लिखणा लगया। ⁶ जां से तिस का पुछदे रे, तां तिन्ही सिधे होई करी तिन्हा जो बोल्या, कि तुसां रे बिच का कुन बगैर पाप रे है, सेई पहले इस जो पत्थर मारे। ⁷ कने फिरी झुकी करी धरती पर लिखने लगया। ⁸ अपण ए सुणी करी बडयां का लेई करी हल्के तक ईक-ईक करी के निकळी गए, कने यीशु कलां रेई गया, कने सेई जनानी बिच खडी रेई गई। ⁹ यिशु ने सिधे होई करी तिस का पुछया, ओ जनानी से कुत्ते गए ? क्या कुसी ने बी तीज्जो सजा नी दित्ती। ¹⁰ तिन्ही बोल्या, हे प्रभु, कुसी ने नी: यीशु ने बोलया, मै वी तिज्जो सजा नी दिन्दा; जा, कने फिरी पाप मत करदी। ¹¹ तां यीशु ने तिन्हा मणुआं जो बोल्या, जगत री लौं मै हा ; जे कोई मेरे पिछे चलगां, से नेहरे च नी चलगां, अपण जीवन री लौं पांगा।

यीशु जी जगत री रौसनी

¹² फरिसियों ने तिस जो बोल्या; तू अपनी गवाही आपु दिन्दा ; तेरी गवाही ठीक नीं। ¹³ यीशु ने तिन्हा जो जवाब दित्या; कि जे मैं अपनी गवाही आपु दिन्दा हां, तां वि मेरी गवाही ठीक हैं, किजो कि मैं जाणदा, कि मै कुते का आया कने कुते जो जान्दा ? अपण तुसी नी जाण्दे कि मैं कुते का आन्दा कने कुतें जो जान्दा। ¹⁴ तुसी शरीर रे अनुसार न्याय करदे हिन; मैं कुसी रा न्याय नी करदा। ¹⁵ अपण जे मैं न्याय करा वी, तां मेरा न्याय सच्चा हैं; किजो कि मैं कलां नी, अपण मै ऐ, कने बाबा है जिन्ही मिन्जों भेजया। ¹⁶ कने तुसां री व्यवस्था च वी लिख्खेरा हैं; कि दो जनया री गवाही मिली करी ठीक हुन्दी हैं। ¹⁷ इक ते मैं आपु अपनी गवाही दिन्दां हां, कने दुजा बाबा मेरी गवाही दिन्दा हैं जिन्ही मिन्जो भेजयां। ¹⁸ तिन्हा ने उन्हेरे जो बोल्लेया,“तुसां रा प्यो कुते है?”यीशु जी ने जवाब दित्ता,”ना तुसी मेरे जो जाणदे,ना मेरे प्यो जो,जे अगर मेरे जाणदे तां मेरे प्यो जो बी जाणदे।” ¹⁹ ए गल्ला तिन्ही देरे च उपदेश दिन्दे होए भण्डार घर च बोली, कने कुसी ने तिस जो नी पकडया; किजो कि तिसेरा अब्बे टैमं नी आया थिया। ²⁰ तिन्ही फिरी तिन्हा जो बोल्या, मैं जान्दा ते तुसा ने मिन्जो तोपणा कने अपणे पाप च मरणा: जित्थे मै जादां उथे तुसी नी आई सकदे।

अपणे बारे बिच यीशु जी इक्क गल्ल

²¹ इस पर यहूदियां ने बोल्या, क्या से अपने आप जो मारी दिंगा, जो से बोलदा हैं, कि जित्ते मैं जान्दा हां उत्ते तुसी नी आई सकदे ²² तिन्ही तिन्हा जो बोल्या, तुसी निचे का हीन, मै ऊपर का; तुसी संसार दे हीन, अपण मैं संसार नी है। ²³ इस ताई मैं तुसां जो बोलदा, कि तुसी अपने पाप च मरणा; किजो कि जें तुसी भरोसां नी करगें कि मैं सेई हैं, तां तुसी अपणे पाप च मरगें। ²⁴ तिन्हां ने तिस जो बोल्या, तु कुण है? यीशु ने तिन्हा जो बोल्या, मै सेई है जेडा शुरू का तुसां जो बोलदा आए रा ऐ। ²⁵ तुसां रे बारे च मिन्जो बडा किछ बोलणा हैं कने फैसला करना हैं अपण मिन्जो भेजनेवाला सच्चा हैं; कने जे किछ मै तिसका सुणेया, सेई संसार च बोलदा। ²⁶ से न समझे कि असाँ जो बाबे रे बारे च दसदाँ है। ²⁷ तां यीशु ने बोलया, कि जां तुसी मणु रे पुत्र जो ऊचें पर चढांगे, तां जाणगें कि मै सेई हैं, कने अपने आप का कुछ नी करदा, अपण जियां बाबा मिन्जो सिखान्दा, सेई गल्ला मैं बोलदा। ²⁸ कने मेरा भेजणे वाळा मेरे कने है; तिन्ही मिन्जो कल्ला नी छडेया; किजो कि मैं सदा सेई कम्म करदा, जिस का से खुश हुन्दा। ²⁹ ओ ए गल्लां बोल्लेया ई करदे थिय्ये कि मते जणेया ने तिन्हा पर भरोसा कित्ता। ³⁰ तां यीशु जी ने तिन्हा यहुदियां कने जिन्हा ने तिन्हा पर भरोसा कित्ता थिय्या, बोल्लेया,“जे तुसी मेरे वचन बिच बणी रैहन्गे,तां हकीकत बिच मेरे चेल्ले ठैहरगे ।

सच ने तुसां जो अजाद करणा

³¹ तुसी सच् जो जाणना, ते सच्चाई ने तुसां जो अजाद करणा।” ³² तिन्हा ने उन्हा जो जवाब दित्ता, “असी ता अब्राम रे वशं का हिन,ते कदी कुसकी रे गुलाम नी होए।फिर तुसी किय्यां बोलदे की तुसी अजाद होई जाणा?” ³³ यीशु जी ने तिन्हा जो जवाब दित्ता,“मै तुसां जो सच बोलदा कि जे कोई पाप करदा से पाप रा गुलाम है। ³⁴ गुलाम हमेशा घरे नी रैहन्दा; पुत्तर हमेशा रैहन्दा । ³⁵ इस ताईं जे पुत्तर तुसा जो अजाद करगा,तां सच्ची तुसी अजाद होई जाणा। ³⁶ मै जाणदा कि तुसी अब्राम रे वशं का हिन;तां बी मेरा वचन तुसां रे दिल बिच जगह नी पादां,इस ताईं तुसी मेरे जो मारी रखणा जादें। ³⁷ मै सेई बोलदा,जे अपणे प्यो रे इत्ते दिख्खे रा है;ते तुसी सेई करदे रैहन्दे जे तुसी अपणे प्यो का सुणे रा है।” ³⁸ तिन्हा ने उन्हेरे जो जवाब दित्ता, “असां रा प्यो ता अब्राम है।”यीशु जी ने तिन्हा जो बोल्लेया,”जे अगर तुसी अब्राम री औळाद हुदें,तां अब्राम रे साईं कम्म करदे। ³⁹ अपण अवे तुसी मेरे जदेय म्हणु जो मारी रखणा चाह्दें जिन्निए तुसां जो ओ सच्चि गल्ल दस्सि जे परमेश्वर का सुणेया;इदेया तां अब्राम ने नी कित्ता थिय्या । ⁴⁰ तुसी अपणे प्यो साईं कम्म करदे।” तिन्हा ने उन्हेरे जो बोल्लेया,“असी हल्ड़ नी जम्मे,असां रा इक्क प्यो है मतलब परमेश्वर। ⁴¹ यीशु जी ने तिन्हा जो बोल्लेय,“जे परमेश्वर तुसां रा प्यो हुदां,तां तुसि मेरे कने प्यार करदे किजो की मै परमेश्वर रे पास्से का आए रा है।मै अप्पु नी आया, अपण तिनहा ने ही मेरे जो भेज्जेया । ⁴² तुसी मेरी गल्ल किजो नी समजदे?इस ताईं किजो की तुसी मेरा वचन सुणी नी सकदे। ⁴³ तुसी अपणे प्यो सैतान का हिन ते अपणे प्यो री मर्जी जो पूरा करणा चांह्दे। ओ ता हमेशा का ई खुनि है ते सच्चाई पर टिकेया नी किजोकी सच्चाई तिस बिच है ही नी। जां ओ झूट बोलदा,तां अपणी आदत कने ई बोलदा“किजोकी ओ झूटा है बल्कि झूट रा प्यो है । ⁴⁴ अपण मै जे सच बोलदा,इस तांई तूसी मेरा भरोसा नी करदे। ⁴⁵ तुसां बिच कुण मेरे जो पाप्पि ठैहरादां?जे मै सच बोलदा तां तुसी मेर भरोसा किजो नी करदे ? ⁴⁶ जेड़ा परमेश्वर का हुदां,से परमेश्वर री गल्लां सूणदा”ते तुसी इस तांई नी सुणदे किजो की परमेश्वर रे पास्से का नी हिन। ⁴⁷ ए सूणी करी यहुदियां ने तिन्हा जो बोल्एया,”क्या असी ठिक नी बोलदे कि तु सामरी है,ते तेरे बिच बुरी आत्मा ह

यीशु जी ते अब्राहम

⁴⁸ यीशु जी ने जवाब दित्ता,“मेरे बिच बुरी आत्मा नी;अपण मै प्यो री इज्जत करदा ते तुसी मेरी बेज्ज़ति करदे । ⁴⁹ अपण मै अपणी बडाई नी चाह्दां,इक्क है जै चाह्दां ते ईसांफ करदा । ⁵⁰ मै तुसां कन सच-सच बोलदा कि जे कोई म्हणु मेरे गलाए पर चलदा तां उन्निए कदी बी मौत जो नी दिखणा ।” ⁵¹ यहुदियां ने तिन्हा जो बोल्लेया,“अवे असी जाणी लित्ता की तेरे अन्दर बुरी आत्मा है।अब्राहम मरी गेया,ते भविष्यद्वक्ता बी मरी गे;ते तुसी बोलदे’जे कोई मेरे गलाए पर चलगा तां उन्निये कदी बी मौत रा स्वाद नी चखणा’ ⁵² असां रा प्यो अब्राहम ता मरि गेया,क्या तुसी उसका बड्डे हिन ?ते भविष्यद्वक्ता बी मरी गे। तुसी अपणे आप जो क्या दसदा ?” ⁵³ यीशु जी ने जवाब दित्ता,“जे मै अप्पु अपणी बडाई करां,तां मेरी महीमा किछ नी;अपण मेरी महीमा करणे वाळा मेरा प्यो है,जिसजो तुसी बोलदे कि तुसां रा परमेश्वर है । ⁵⁴ तुसी तां उन्हा जो नी जाणेया: अपण मै तिन्हा जो जाणदा। जे मै बोल्लां कि मै तिन्हा जो नी जाणदा,तां मै तुसां साईं झूट्टा ठैहरणा;अपण मै तिन्हा जो जाणदा ते तिन्हेरे गलाए पर चलदा। ⁵⁵ तुसां रा प्यो अब्राहम मेरे दिन दिखणे तांई उम्मीद कने बडा भारी मगन थिय्या;ते उन्निए दिख्खेया ते बडा खुस होया ।” ⁵⁶ यहुदियां ने तिन्हा जो बोल्लेया,“हल्ले तिकर तुसी पजां साल्ले रे बी नी हिन ,फिरी बी तुसी अब्राहम जो दिख्खे रा है ?” ⁵⁷ यीशु जी ने तिन्हा जो बोल्लेया,“मै तुसां जो सच-सच बोलदा,कि पैहल्ले इसेरे कि अब्राहम पैदा होया,मै थिय्या ।” ⁵⁸ तां तिन्हा ने उन्हेरे जो मारणे ताईं बट्टे चुक्के,अपण यीशु जी लुकी करी देहरे का निकळी गे । ⁵⁹ फिरी जान्दे होए तिन्हा ईक मणु जो दिख्खेया, जे जन्म का अन्धा थिया ।

जनम रे अन्ने री हाक्खियां ठीक करणा

¹ कने तिसेरे चेलेया ने तिस जो पुछया, हे गुरू, कुनी पाप कित्या थिया कि ए अन्धा जमित्या, इस महणु ने, या इसेरे अम्मा बाबे ने? ² यीशु जी ने जवाब दित्ता,"ना ता इनिए पाप कित्ता थिकने तिसेरे चेलेया ने तिस जो पुछया, हे गुरू, कुनी पाप कित्या थिया कि ए अन्धा जमित्या, इस मणु ने, या इसेरे अम्मा बाबे ने?य्या,ना इसेरे माँ-प्यो ने;अपण ए इस ताईं होया ताकी परमेश्वर रे कम्म इस बिच प्रकट होन। ³ जां तांई मै दुनियां बिच है, तां तांई दुनियां री लौं है ⁴ जां ताई मै दुनियां बिच है, तां ताई दुनियां री लौ है।" ⁵ ए बोल्लिकरी उन्हा ने जमीन पर थूक्केया,ते तिस थुक्क कने मिट्टी सेड़ी,ते से मिट्टी तिस अन्ने री हक्खां पर लाई करी ⁶ तिस जो बोल्लेया, "जा, शिलोह रे तलाब बिच धोई लेय"(शिलोह रा मतलब’भेज्जे रा’ है)। उन्निए जाई करी धोया,ते दिखदे-दिखदे हटी आया। ⁷ तां पड़ोसी ते जिन्हा ने पैह्ले तिस जो भिख मगंदे दिख्खेया थिय्या,बोलणा लग्गे,"क्या ए ओ इ नी,जै बैई करी भिख मगेंया करदा थिय्या?" ⁸ किछ लोक्कां ने बोल्लेया,"ए ओ इ है," दुज्जेयां ने बोल्लेया,"नी, अपण तोस साईं है।"उन्निए बोल्लेया,"मै ओ इ है।" ⁹ तां से तिस जो पुछणा लगे," तेरी हक्खां किय्यां खुली गई?" ¹⁰ उन्निए जवाब दित्ता,"यीश ना रे इक्क म्हणु ने मिट्टी सेड़ी ते मेरी हक्खां पर लाई करी मेरे जो बोल्लेया,"शिलोह बिच जई करी धोई ले,’अते मै गेया ते धोया ते दिखणा लग्गेया।" ¹¹ तिन्हा ने तिस जो पुछ्छेया,"ओ कूते हिन?" उन्निये बोल्लेया,"मेरे जो नी पता।" ¹² मणु तिस जो जे पैह्ले अन्ना थिय्या फरिसियां का लेई गे।

फरिसी लोक यीशु जी ठीक कित्ते रे लोक्कां री जाँच-पड़ताळ करदे

¹³ जिस दिन यीशु जी ने मिट्टी सेड़ी करी तिसेरी हक्खां खोल्लि थिय्यां, से सब्त रा दिन था। ¹⁴ फिरी फरीसियां ने बी तिस जो पुछ्छेया कि तिसेरी हक्खां कुस तरिके कने खुली गई। तिन्निए उन्हा जो बोल्लेया;,"तिन्हा ने मेरी हक्खां पराले मिट्टी लाई, फिरी मै से धोई लित्ती, तेन अवे दिखदा।" ¹⁵ इस पर किछ्छ फरिसी बोलणा लगे,"ए‍ म्हणु परमेश्वर रे पास्से का नी,किजोकी ओ सब्त रा दिन नी मनदा।"दुज्जेयां ने बोल्लेया,"पाप्पि म्हणु इदेय चमत्कार किय्यां दिखाइ सकदा?" अते तिन्हा बिच फूट पेइ गेइ। ¹⁶ तिन्हा ने तिस अन्ने जो फिरी बोल्लेया, "तिन्निए तेरी हक्खाँ खोल्ली। तू तिसेरे बारे बिच क्या बोलदा?" तिन्निए बोल्लेया," ए भविष्यदूक्ता है।" ¹⁷ अपण यहूदिया जो भरोसा नी होया कि से अन्ना थिय्या ते अवे दिखदा, जा ताई तिन्हा ने तिसेरे, जिसेरी हक्खां खुली गई री थी,माँ-प्यो जो सदी करी ¹⁸ तिन्हा का ना पुछ‍छेया,"क्या ए तुसां रा पुत्तर, जिसजो तुसी बोलदे कि अन्ना जम्मेया थिय्या? फिरी अवे ए किय्यां दिखदा?" ¹⁹ तिसेरे माँ-प्यो ने जवाब दित्ता"; अस्सी ता जाणदे कि ए अस्सां रा पुत्तर है ते अन्ना जम्मेया थिया; ²⁰ अपण अस्सी ए नी जाणदे कि अवे किय्यां दिखदा,ते ना इ ए जाणदे की कुन्निए इसेरी हक्खां खोलि। ओ समजदार है,तिसका इ पुछ्छि लेयो; ओ अपणे बारे बिच अप्पु इ बपल्लि लिगां।" ²¹ ए गल्लां तिसेरे माँ-प्यो ने इस ताईं बोल्लि किजोकी से यहुदियां का डरदे थिय्ये,किजोकी यहुदी इक्क पास्से होई गे रे थिय्ये कि जे कोई बोल्ले कि ओ मसीह है,तां देहरे बिच का कड्डेया जाए। ²² इस ताई तिसेरे माँ-प्यो ने बोल्लेया,"ओ समजदार है,तिस जका इ पुछ्छि लेयो।" ²³ तां उन्हा ने तिस म्हणु जो जे अन्ना थिय्या, दुई बारी सद्दि करी तिस जो बोल्लेया,"परमेश्वर री महीमा कर। असी तां जाणदे कि ओ म्हणु पाप्पि है।" ²⁴ उन्निए जवाब दित्ता,"मै जाणदा कि ओ पाप्पि है या नी; मै इक्क गल्ल जाणदा कि मै अन्ना थिय्या ते अवे दिखदा।" ²⁵ तिन्हा ने तिस जो फिरी बोल्लेया,"उन्निए तेरे कने क्या कित्तां? ते किय्यां तेरी हक्खां खोलि?" ²⁶ तिन्इए उन्हा जो बोल्लेया,"मै तां तुसां जो बोल्लि बैठा, ते तुसी नी सूणेया; अवे दुई बारी किजो सूनणा चाह्‍दे?" क्या तूसी बी उन्हेरे चेल्ले बनणा चाह्दें?" ²⁷ तां से तिस जो बुरा भला बोलणा लग्गे," तु ई तिन्हेरा चेल्ला है, अस्सी तां मुसा रे चेल्ले हिन। ²⁸ अस्सी जानदे कि परमेश्वर ने मुसा कने गल्ला कित्ती; अपण इस म्हणु जो नी जाणदे कि ए कुते रा हैं।" ²⁹ उन्निए तिन्हेरे जो जवाब दित्ता,"ए ता हरानी वाळी गल्ल है कि तूसी नी जाणदे कि ओ कूते रा है,तां बी तिन्हा ने मेरी हक्खां खोलि दित्ति। ³⁰ अस्सी जाणदे कि परमेश्वर पाप्पियां री नी सुणदा, अपण जे कोई परमेश्वर रा भक्त हो, ते तिन्हेरी मर्जी पर चलदा हो, तां ओ तिन्हेरी सुणदा। ³¹ दुनिया री सुरूआत का ए कदी सुनणे बिच नी आया कि कुसकी ने जन्म रे अन्ने री हक्खां खोलि होन। ³² जे ए म्हणु परमेश्वर रे पास्से का नी हुन्दा, तां किछ्छ बी नी करी सकदा।" ³³ तिन्हा ने तिस जो जवाब दित्ता," तु तां बिलकुल पाप्पां बिच जम्मे रा है, तु अस्सा जो क्या सिखान्दा?" ते तिन्हा ने तिस जो बाहर कड्डि दित्ता। ³⁴ यीशु जी ने सुणेया कि उन्हा ने तिसजो बाह्र कड्डि दित्ते रा है,ते जां तिस कने मूलाकात होई तां बोल्लेया,"क्या तू परमेश्वर रे पुत्तर पर भरोसा करदा?"

आत्मा रा अन्नापन

³⁵ उन्निए जवाब दित्ता, " हे प्रभु, से कुण है,कि मै तिस पर भरोसा करां?" ³⁶ यीशु जी ने तिस जो बोल्लेया," तैं तिस जो दिख्खे रा बी है, ते जे तेरे कने गल्लां करया करदा है, से ओ ई है।" ³⁷ उनिये बोल्लेया, " ओ प्रभु, मै भरोसा करदा।" ते तिन्हा जो प्रणाम कित्ता। ³⁸ तां यीशु जी ने बोल्लेया, "मै इस दुनियां बिच ईसांफ करणे तांई आए रा है, ताकी जे नी दिखदे से दिखन,ते जे दिखदे से अन्ने होई जान।" ³⁹ जे फरिसी उन्हेरे कने थिय्ये तिन्हा ने ए गल्लां सूणी करी तिन्हा जो बोल्लेया,"क्या असी बी अन्न हिन?" ⁴⁰ यीशु जी ने तिन्हा जो बोल्लेया,"अगर तुसी अन्ने हुदें तां पाप्पि नी मन्ने जादें; अपण अवे बोलदे कि असी दिखदे, इस ताईं तुसां आ पाप बणी रैहन्दा। ⁴¹ मै तुसां जो सच-सच बोलदा कि जे कोई दरवाज्जे का गुआड़ बिच नी बड़दा,अपण कुसकी दुए पास्से का चडदा,ओ चोर ते डाक्कु है।

पुहाळ ते भेडां रा उदारण

¹ अपण जे दरवाज्जे का अन्दर जान्दा ओ भेड्डां रा पूहाळ हैं। ² तिसेरे तांई पैहरेदार दरवाज्जा खोळि दिदां,ते भेडां तिसेरी अवाज सुणदी,ते ओ अपणी भेडां जो नां लेइ-लेइ करी सददा ते बार लेई जादां। ³ जिस वेल्ले ओ अपणी सारी भेडां जो बार कड्डि बैह्न्दा,तां तिन्हेरे आग्गे-आग्गे चलदा,ते भेडां तसेरे पिच्चे-पिच्चे चली पैदीं,किजोकी से तिसेरी अवाज पैहचाणदी। ⁴ अपण तिन्हा ने पराए का नी जाणा,अपण तिस्का नह्सणा किजोकी से पराए री अवाज नी पैह्चाणदी।" ⁵ यीशु जी ने तिन्हेरे कने ए उदारण बोल्लेया अपण से नी समजे की ए क्या गल्लां हिन जे से असां कने बोलदे। ⁶ तां यीशू जी ने फिरी तिन्हा कने बोल्लेया,“मै तुसां कने सच-सच बोलदा भेडां रा दरवाज्जा मै है।

यीशु जी अच्छे चरवाहे

⁷ जिन्ने मेरे का पैह्ले आए से सारे चोर ते डाक्कु हिन अपण बेडां ने तिन्हेरी नी सूणी। ⁸ दरवाज्जा मै है;जे अगर कोई मेरे का अन्दर आए,तां छुटकारा पाणा,ते अन्दर बार आया जाया करणा ते चारा पाणा ⁹ चोर कुसकी होर कम्म तांई नी अपण सिर्फ चोरी करणे ते मारणे ते तबाह करणे तांई आदां; ऐ इस तांई आया की ओ जिन्दगी पाण ते रज्जि करी पाण। ¹⁰ खरा पुहाळ मै है;खरा पुहाळ अपणी भेडां तांई अपणी जान दिदां। ¹¹ मजदूर जे ना पुहाळ है ते ना ई भेडां रा माळक है,भेडिए जो आदां दिख भेडां जो छड्डि करी न्हसी जादां;ते भेडिया तिन्हा जो पकड़दा ते तिन्हा जो बिखेरी दिदां। ¹² ओ इस तांई न्हसी जादां की ओ मजदूर है,ते तिसजो भेडां री फिक्र नी। ¹³ खरा पुहाल मै है; मै अपणी भेडां जो जाणदा, ते मरी भेडां मेरे जो जाणदी। ¹⁴ जिय्यां प्यो मेरे जो जाणदा ते मै प्यो जो जाणदा-ते मै भेडां तांई अपणी जान दिदां। ¹⁵ मेरी होर बी भेडां हिन,जे इस गुआड़ री नी हिन। मेरे जो तिन्हा जो बी लाणा जरुरी है। तिन्हा ने मेरी अवाज सुणनी,तां इक्क इ झुडं ते इक्क इ पुहाळ होणा। ¹⁶ प्यो इस तांई मेरे कने प्यार करदा किजोकी मै अपणी जान दिदां कि फिरी तिसजो लेई लेयां। ¹⁷ कोई तिसजो मेरे का खुसदा नी,बल्कि मै अप्पु ई तिसजो दिदां,मेरे जो तिसजो दैणा रा बी हाक्क है,ते तिसजो फिरी लेई लैणे रा बी हाक्क है: ए हुक्म मेरे जो मेरे प्यो का मिल्ल री है।” ¹⁸ इन्हा गल्लां री वजह कने यहुदियां बिच फिरी फुट पेइ। ¹⁹ तिन्हा बिच का मते सारे बोलण लग्गे,“तिन्हा बिच बुरी आत्मा है,ते से पागल हिन तिन्हेरी किजो सुणदे?” ²⁰ होर लोक्कां ने बोल्लेया,“ए गल्लां इदेय म्हणु री नी जिसेरे बिच बुरी आत्मा हो।क्या बुरी आत्मा अन्नेयां री हाक्खि खोलि सकदी?” ²¹ यरूशलेम बिच स्थापना रा त्याहार मणाया जाया करदा थिय्या,”सर्दियां रा मौसम थिय्या।

यहूदियां रे भरोसे रे कमी

²² यीशु जी देहरे बिच सुलेमान रे डैवड़ी पर घुम्मेया करदे थिय्ये। ²³ तां यहुदियां ने तिन्हा जो घेरी लित्ता ते पुच्छेया,“तुसी असां रे मन जो कधाड़ी तिकर उलझणा बिच पाई रखणा? जे अगर तुसी मसीह हिन तां असां कने साफ-साफ बोल्लि देयो।” ²⁴ यीशु जी ने तिन्हा जो जवाब दित्ता,“मै तुसां जो बोल्लि दित्ता पर तुसी भरोसा ई नही करदे। जे कम्म मै अपणे प्यो रे ना कने करदा ओ इ मेरे गुआह हिन, ²⁵ अपण तुसी इस तांई भरोसा नी करदे किजोकी मेरी भेडां बिच का नी हिन। ²⁶ मेरी भेडां मेरी अवाज सुणदी;मै तिन्हा जो जाणदा,ते ओ मेरे पिच्चे पिच्चे चलदी; ²⁷ ते मै तिन्हा जो हमेशा री जिन्दगी दिदां। से कदी बी बर्बाद नी होणे,ते कोइ तिन्हा जो मेरे हाथ्थ का नी खुस्सि सकदा। ²⁸ मेरा प्यो जिन्हा ने तिन्हेरे जो मेरे जो दित्ते रा है,अब का बड्डा है ते कोई तिन्हा जो प्यो रे हाथ्थ का छिन्नि नी सकदा। ²⁹ मै ते प्यो इक्क हिन।” ³⁰ यहुदिया ने तिन्हा पर बट्टे मारणे ताईं फिरी बट्टे चुक्के। ³¹ इस पर यीशु जी ने तिन्हा जो बोल्लेया,“मै तुसां जो अपणे प्यो रे पास्से का मते सारे खरे कम्म दिखाए रे हिन;तिन्हा बिच का कुस्स कम्म ताईं तुसी मेरे जो बट्टे मारदे?” ³² यहुदियां ने तिन्हा जो जवाब दित्ता,“खरे कम्म ताईं असी तुस जो बट्टे नी मारदे अपण परमेश्वर री बेज्जती करणे री वजह;ते इस ताईं की तुसी म्हणु होई करी अप्पु जो परमेश्वर बणादां।” ³³ यीशु जी ने तिन्हा जो जवाब दित्ता,“क्या तुसां री व्यस्था बिच नी लिख्खे रा है,‘मै बोल्लेया,तुसी इश्वर हिन,’? ³⁴ जे अगर तिन्हा जो इश्वर बोल्लेया जिन्हेरे का परमेश्वर रा वचन पुज्जेया(ते पवित्र-शास्त्र री गल्ल झुट नी होई सकदी), ³⁵ तां जिसजो प्यो ने पवित्र ठैहराई करी दुनिया बिच भेज्जेया,तुसी उसजो बोलदे,‘तु बेज्जती करदा,;इस ताईं कि मै बोल्लेया,‘मै परमेश्वर रा पुत्तर है’? ³⁶ जे मै अपणे प्यो रे कम्म नी करदा,तां मेरा भरोसा मत करो। ³⁷ अपण जे अगर मै करदा तां चाए मेरा भरोसा ना बी करो अपण उन्हा कम्मां रा ता भरोसा करो,ताकी तुसी जाणो ते समजो की प्यो मेरे बिच है ते मै प्यो बिच।” ³⁸ तां तिन्हा ने फिरी तिन्हा जो पकड़ने री कोसीस कित्ती अपण ओ तिन्हेरे हथ्थां का निकळी गे। ³⁹ फिरी से यरदन रे पार तिस जगह पर चली गे जित्ते युह्न्ना पैह्ले बपतिस्मा देया करदा था,ते उत्ते ई रेय। ⁴⁰ ;मते सारे लोक तिन्हेरे नेड़े आई करी बोलदे थे,“युहन्ना ने ता कोई चमत्कार नी दिखाया,अपण जे किछ युहन्ना ने इन्हेरे बारे बिच बोल्लेया थिय्या,से सारा किछ सच थिय्या।” ⁴¹ ते उत्ते मते लोक्कां ने यीशु जी पर भरोसा कित्ता। ⁴² मरियम ते उसदी भैण मार्था रे ग्रा बैतनियाह र लाज़र ना रा इक्क मणु बिमार थिया।

लाजर री मौत

¹ ऐ औ ई मरियम थी जिन्नये प्रभु रे पैरां पर इत्र पाइ करी उन्हेरे पैरां जो अपणे बाळां कने पुन्जेया थिया,इसेरा ई भाई लाज़र बिमार थिया। ² अते उसेरी भैण ने उसजो कहळाई भेजेया,”हे प्रभु,दिख,जिसजो तु चाहदां,औ बिमार है।” ³ ऐ सुणीकरी यीशु ने बोल्लेया,’ऐ बिमारी मरणे तांई नि; अपण परमेश्वर री महीमा (बढाई) तांई है,कि उस कने(उसदे जरिए) परमेश्वर रे पुत्र री बढाई हो।” ⁴ यीशु मार्था,मरियम ते लाज़र जो प्यार करदा था। ⁵ फिरी जां उन्निऐ सुणेया कि औ बिमार है,तां जिस जगह पर औ थिया,उत्ते दो दिनां ताईए होर रुकि गेया। ⁶ इसदे बाद उन्निये चेलेयां जो बोलेया,”आओ,असी फिरी यहुदिया जो चलदे।“ ⁷ चेल्लेयां ने उसजो बोल्लेया,”हे गुरु,अब्बे ता यहुदी तेरे पर पत्थर सुटणा चाहदें,ते क्या तु फिरी बी उत्ते ही जादां?” ⁸ यीशु ने उत्तर दित्तेया,”क्या दिन रे बारा घटें नि हुदें?अते जे कोई दिन अन्दर चळे तां औ ठोक्कर नि खादां,किजोकी इस दुनिया रा उजाळा दिखदा। ⁹ अपण जे कोई रात्ति चले ताम उसजो ठोकर लगदी,किजोकी उस अन्दर रौशनी नि है।” ¹⁰ उन्निए ऐ गल्लाम बोली,अते इसदे बाद उनां जो बोळणा लग्गेया,”असां रा दोस्त लाज़र सोई गैरा है,अपण मै उसजो जगाणे जाया करदा है।” ¹¹ ताँ चेलेयां ने उसजो बोल्लेया,हे प्रभु,जे ओ सोई गेरा है,ताँ उन्निये ठीक बि होइ जाणा। ¹² यीशु ने उसेरे मरणे रे बारे विच बोल्लेया थिया,अपण औ समजे की निद्रं कने सोणे रे बारे विच है बोळदा। ¹³ ताँ यीशु ने उनां जो साफ साफ दस्सि दित्तेया,”लाज़र मरी गेरा है; ¹⁴ ते मै तुम्हारी वजह कने खुश है कि मै उत्ते नि थिया जिस कने तुसि भरोसा करो,अपण अवे आओ,असी उसका चले। ¹⁵ ताँ थोमा ने जे दिदुमुस कहलादां, अपणे साथी चेल्लेयाँ जो बौळदा,”आऔ,असी बि उस कने मरणे जो चलदे।” ¹⁶ उत्ते पुजणे पर यीशु जो ऐ पता चलेया कि लाज़र जो कब्र विच रख्‌खे चार दिन होई गे रे हिन।

यीशु जी, पुनरुत्थान + 11.16 पुनरुत्थान दुबारा जिन्दे होणा to be ressurected againते जिन्दगी

¹⁷ बैतनियाह यरुशलेम रे नेड़े कोई चार मील री दुरी पर थिया। ¹⁸ मते सारे यहुदी मार्था ते मरियम जो उन्हेरे भाई रे मरणे पर शान्ति देणे ताँई आए रे थिये ¹⁹ जाँ मार्था ने यीशु रे आणे री खबर सुणी ताँ उसजो मिळणे जो गयी,अपण मरियम घरे ही बेई रई। ²⁰ मार्था ने यीशु जो बोल्लेया,हे प्रभु,जे तु इत्ते हुन्दा,ताँ मेरा भाई कदी नि मरदा। ²¹ ते अब्बे बि जाणदि कि जे किछ तु परमेश्वर का मगणा,परमेश्वर ने तेरे जो दैणा। ²² यीशु ने उसजो बोल्लेया,”तेर भाई फिरी जिन्दा होई जाणा। ²³ मार्था ने उसजो बोल्लेया,”मै जाणदी कि आखिरी दिन विच पुनरुत्थान रे वेल्ले उन्निए फिरी जिन्दें होई जाणा।” ²⁴ यीशु ने उसजो बोल्लेया,”पुनरुत्थान ते जिन्दगी मै इ है;जै कोई मेरे पर भरोसा रखदा,औ मरी बि जाए ताँ बि जिगां(जिणा), ²⁵ और जे कोई जिन्दा है ते मेरे पर भरोसा रखदा उन्निए कदि नि मरणा। क्या तु इस गल्ल पर भरोसा करदी?” ²⁶ उन्निए उसजो बोल्लेया,“हाँ हे प्रभु,मै भरोसा करदि कि परमेश्वर रा पुत्र मसीह जे धरती पर आणे वाळा थिया,ओ तु इ है।” ²⁷ ए बोल्लि करी औ चली गई,ते अपणी भैण मरियम जो सद्दि करि चुपचाणे दस्सेया,”गुरू इत्ते ई है ते तेरे जो सद्देया करदा है।”

यीशु जी रा रोणा

²⁸ ऐ सुणदे औ झटपट उठीकरी उसका आई। ²⁹ यीशु हल्ले ग्राँ विच नि पुज्जेया थिया अपण उसी जगह पर थिया जित्ते मार्था उसजो मिल्लि थी। ³⁰ ताँ जे यहुदी उसेरे कने घर अन्दर थिये ते तिसजो शान्ति थिये दिए करदे,ऐ दिख्खि करि कि औ झटपट उठी करि बार जो गे रि है समझे कि औ कब्र पररोणे जो जाया करदि है,इस ताँईए उसदे पिच्छे चलि गे। ³¹ जाँ मरियम उत्ते पुज्जि जित्ते यीशु थिया,ताँ उसजो दिखदे कने ही उसदे पैरां पर पेई गई ते बोळणा लग्गि,’हे प्रभु,जे तु इत्ते हुन्दा ताँ मेरा भाई नी मरदा।“ ³² जाँ यीशु ने उसजो ते उनां यहुदियां जो जे उस कने आए रे थिए,रौंदें दिख्खेया,ताँ आत्मा विच बडा भारी उदास ते भावुक होई गेया, ³³ ते बोल्या,”तुसाँ ने उस जो कुते रख्खे रा है?”उनां ने उस जो बोल्या,”हे प्रभु,चली करि दिख्खि ले।“ ³⁴ यीशु रोया। ³⁵ ताँ यहुदी बोळणा लग्गे,”दिख्खो,औ उस कने किन्ना प्यार करदा थिया। ³⁶ अपण उनां विच का कुछ ने बोल्या,”क्या जिन्ने अन्नेया री हाख्खि खोलि औ इन्ना बि करि सकेया कि ए मणु नि मरदा?” ³⁷ यीशु मन विच फिरी बडा ई उदास होई करि कब्र पर आया।औ इक्क गुफा थी ते इक्क पत्थर उस पर रख्खे रा थिया।

लाज़र जो जिन्दा करणा

³⁸ यीशु ने बोल्लेया,”पत्थर हटाओ।“ तिस मुर्दे रि भैण मार्था उसजो बोळणा लग्गि,”हे प्रभु,उस विच का अवे ता मुस्क आंदि,किजोकि उसजो मरे रे चार दिन होई गे रे हिन।“ ³⁹ यीशु ने उसजो बोल्लेया,”क्या मै तेरे जो नि बोल्लेया थिया किजे तु भरोसा करगि,ताँ परमेश्वर रि महिमा जो दिखगी।“ ⁴⁰ ताँ उनां ने तिस पत्थर जो हटाया। यीशु ने हाख्खि उठाई करि बोल्लेया,”हे पीता,मै तेरा धनवाद करदा कि तैं मेरी सुणि लित्ति रि है। ⁴¹ मै जाणदा था कि तु हमेशा मेरी सुणदा ,अपण जै भीड़ नेड़े-तेड़े खड़िती रि है,उनहेरि वजह कने मै ए बोल्लेया जिस कने ए भरोसा करण कि तैं मेरेजो भेजे रा है।“ ⁴² ए बोल्लि करि उन्निये बड़े जोर कने हाक्क मारी,हे लाज़र,निकळि आ।“ ⁴³ जै मरि गेया था औ कफन कने हत्थ-पैर भन्निते रे ही बार आई गेया,ते उसदा मुँह कपड़े कने भन्निते रा थिया,यीशु ने उना जो बोल्लेया उसजो खोलि दयो ते जाणे दयो। ⁴⁴ ताँ जे यहुदी मरियम का आए रे थिये ते उसदा ए काम्म दिख्खेया थिया,उनां विच का मतेयां ने उस पर भरोसा कित्तेया।

यीशु जी रे खलाफ जाल बिछाणा

⁴⁵ अपण किछ ने फरिसीयां का जाई करी यीशु रे काम्मां री खबर दित्ति। ⁴⁶ इस पर प्रधान याजकां ते फरिसीयां ने महाभा सद्दी,ते बोल्लेया।“असी क्या करदे?ए मणु ता मते चमत्कार दिखांदा है। ⁴⁷ जे असी उस जो इयां ई छड्डि दिंदे,ताँ सारेयां ने उस पर भरोसा करी लैणा,ते रोमियां ने आई करी हमारि जगह ते जाती दोन्नां पर कब्जा करि लैणा।“ ⁴⁸ तां उनां विच कैफा नां रे इक मणु ने जे उस साल रा महायाजक थिया,उनां जो बोल्लेया,”तुसि किछ नि जाणदे; ⁴⁹ ते ना हि ऐ समजदे कितुम्हारे तांईए ऐ ई भळा होणा कि हमारे लोक्कां ताईंए इक मणु मरे,ते सारी जाती नाश(बर्बाद) ना हो।“ ⁵⁰ ऐ गल्ल उन्निये अपणे पास्से का नि बोल्लि थी,अपण उस साल र महायाजक होई करी भविष्यवाणी कित्ति,कि यीशु ने उस जाति ताँईए मरणा; ⁵¹ ते ना सिर्फ उस जाति ताँईये अपण इस ताँईए बि परमेश्वर रे तित्तर-बित्तर बच्चेयां जो बि इक्क करि दे। ⁵² अते उसी दिन का से उसजो मारणे री तरकिब्बा बनाणा लग्गि पेय।“ ⁵³ इधेरे ताँई यीशु जी उस वेल्ले का यहुदियां रे विच खुळी करी नी घुम्मे,अपण उत्ते का जगंल रे नेड़े रे वाळी जगह रे इफ्राईम ना रे इक्क नगर जो चली गेय; ते अपणे चेलेयां कने उत्ते ई रेहणा लग्गे। ⁵⁴ यहुदियां रा फसह त्योहार नेड़े थिया,ते मते लोक त्योहार आ पैहल्ले ग्राँ का यरुशलेम जो गेय कि अपणे आप जो शुद्द करण। ⁵⁵ अते औ यीशु जो तोपणा लग्गे ते मन्दरा विच आपस अन्दर खड़ी करी बोळणा लग्गे,”तुसी क्या सोचदे? क्या उन्निये त्योहार पर नि आणा? ⁵⁶ प्रधान याजकां ते फरिसीयां ने ऐ हुक्म देई रखे रा थिया कि जै जाणदा हो कि यीशु कुते है औ दस्से,ताकी औ उसजो पकड़ी सकण। ⁵⁷ यीशु फसह का छ: दिन पैल्ले बैतनिय्याह जो आया जित्ते लाज़र थिया,जिसजो यीशु ने मरेयां का(मुर्देयां)का जिन्दा कित्तेया था।

यीशु जी रे पैरां पर इत्तर पाणा

¹ तित्ते उनां ने उस तांई रोट्टि बणाई; ते मार्था सेवा करदी थी,ते लाज़र उनां विच का इक्क थिया जे रोट्टि खाणा थिये बैठे रे थिये । ² ताँ मरियम ने जटामांसी रा आद्दा सेर किमती इत्र लेइ करी यीशु रे पैरां पर पाया,ते अपणे बाळां कने उसदे पैर पुन्जे; ते इत्र री खुसबू कने सारा घर खुसबूदार होई गेया। ³ अपण उसदे चेलेयाँ विच का यहुदा इस्करियोति जे उसजो पकड़वाणे वाळा थिया, बोलना लग्गेया, ⁴ ”ऐ तिन सौ दिनार विच बेचिकरी गरिबां जो किजो नि दित्तेया गेया? ⁵ उन्निये ए गल्ल इस तांईऐ नि बोल्लि कि उसजो गरिबां रि चिन्ता थी,अपण इस तांईए किजोकि ओ चोर थिया ते उन्हेरी थैलि हमेशा उसका रैहंदि थी ते जे किछ बि उस विच पाया जादां थिया,ओकड्डि लिदां थिया। ⁶ यीशु ने बोल्लेया,”उसजो रैहणा दयो।उसजो ऐ मेरे दब्बे जाणे दे दिन तांईए रखणा दयो। ⁷ किजोकि गरिब ताँ तुम्हारे कन्ने हमेशा रैन्हदे,अपण मै तुम्हारे कन्ने हमेशा नि रैहणा।“ ⁸ जाँ यहुदियां रि बड़ी भीड़ जो पता चली गेया कि ओ उत्ते है,ताँ से ना सिर्फ यीशु रि वजह कने आए,अपण इस तांईए बि कि लाज़र जो दिख्खे,जिसजो उन्निये मरेयां विच आ जिलाया थिया।

लाज़र रे खलाफ चाल

⁹ ताँ प्रधान याजकां ने लाज़र जो मारणे रि तरकीब सोचि। ¹⁰ किजोकी उसदे वजह कने मते सारे यहुदी चली गेय ते यीशु पर भरोसा कित्तेया। ¹¹ दुज्जे दिन मते लोकां ने जे पर्व विच आए थिए ऐ सुणेया कि यीशु यरुशलेम विच आया करदा है।

यरुशलेम बिच विजय-प्रवेश

¹² इस तांईए उनां ने खजुर री डाळियां लित्ति ते उस कने मिलणे जो निकळे,ते हक्का मारणा लग्गे , होशाना! धन इस्राएल रा राज्जा,जे प्रभु रे ना कने आंदा।“ ¹³ जाँ यीशु जो गद्हे रा बच्चा मिल्लेया;ताँ औ उस पर बेइ गेया,जियां लिख्खे रा है, ¹⁴ हे सिय्योन रि कुड़ी मत डर; दिख,तेरा राज्जा गद्हे रे बच्चे पर चढ़ी करी चळी आया करदा है।“ ¹⁵ उसदे चेल्ले पैल्ले ऐ गल्ल नि समजे थिए;अपण जाँ यीशु री महिमा सामणे आई ताँ उनां जो याद आया कि ऐ गल्लां उसदे बारे विच लिख्खि गेई रि हिन ते लोकां ने उस कने इसी तरिक्के रा बर्ताव कित्तेया थिया। ¹⁶ ताँ भीड़ रे तिन्हा लोकां ने ग्वाही दित्ति,जे उस वेल्ले उस कन्ने थिये जाँ उन्निये लाज़र जो कब्र का सद्दी करी मुर्देयां विच का जिन्दा कित्तेया थिया। ¹⁷ इसी वजह कने लोक उसजो मिळणे जो आए थिये किजोकी उनां ने ऐ सुणेया थिया कि उन्निये ए चमत्कार दिखाए रा है।“ ¹⁸ ताँ फरिसीयां ने आपस विच बोल्लेया,सोच्चो ता सही कि तुम्हारे का किछ नि बणदा दिख्खो दुनिया उसदे पिच्छे होई चल्लि रि है।“ ¹⁹ जे लोक उस पर्व विच पूजा करणे जो आए थिए उनां विच का किछ युनानी थिये।

यूनानियां रा यीशु जी जो तोपणा

²⁰ उन्हाने गलील रे बैतसैदा रे रैहणेवाळे फिलिप्पुस का आई करी उसका मिन्नत कित्ति की,श्रीमान,असी यीशु जो मिळणा चादें। ²¹ फिलिप्पुस ने आई करी अन्र्दियास जो बोल्लेया,ताँ अन्र्दियास ते फिलिप्पुस ने जाई करी यीशु जो बोल्लेया। ²² इस पर यीशु ने उनां जो बोल्लेया,”ओ वक्त आई गेरा है कि मनुष्य रे पुत्र रि महिमा हो। ²³ मे तुम्हारे जो सच सच दसदा कि जा तिकर गेऊं रा दाणा जमीन पर पेई करी मरी नी जादां,औ किल्ला रेन्दां;अपण जाँ औ मरी जादां,ताँ बडा फळ लान्दा। ²⁴ जे अपणी जान जो प्यार करदा,औ उसजो गौची दिन्दा; अपण जे इस दुनिया विच अपणे प्राण जो प्यार नी करदा,ओ हमेशा री ज़िन्दगी तांई उसदी रक्षा करगा। ²⁵ जे कोई मेरी सेवा करे,तां मेरे पिच्छे होई ले;ते जित्ते मै है उत्ते मेरा बि होणा।जे कोई मेरी सेवा करे,तां पिता ने उसदा आदर करणा। ²⁶ अवे मेरा मन भावुक है।इस तांईए अवे मै क्या बोल्लां?हे पिता मेरेजो इस घड़ी का बचा?न,किजोकी मै इसी वजह कने इस घड़ी जो पुज्जेया।

क्रूस पर मौत रा ईशारा

²⁷ हे पिता,अपणे ना री बडाई कर।“तां ए आकाशवाणी हुई,”मैं उसदी बडाई कित्ति रि है तै फिरी बि करगा।“ ²⁸ तां जे लोग खड़ित्ते रे सुणदे थिये उनां ने बोल्लेया कि बद्दळ गरजेया।दुज्जयां ने बोल्लेया,”कोई स्वर्गदूत उस कने बोल्लेया।“ ²⁹ इस पर यीशु ने बोल्लेया,”ए मेरे तांई नि अपण तुम्हारे तांई आ रा है। ³⁰ अवे इस दुनिया रा इंसाफ हुदां है,अवे इस संसार रा सरदार कड्डी दित्तेया जाणा; ³¹ ते जे मै धरती का ऊच्चे पर चढाया गेया तां सारेयां जो अपणे पास्से छिकगा।“ ³² इयां बोलि करि उन्निये ए साफ करी दित्तेया कि उन्ने कदेई मौत कने मरणा। ³³ इस पर लोक्कां ने उसजो बोल्लेया,असां ने व्यवस्था री ए गल्ल सुणे रि है कि मसीह ने हमेशा रैहणा,फिरी तु किजो बोळदा कि मणु रे पुत्र जो ऊच्चे पर चढाया जाणा ज़रुरी है? ऐ मणु रा पुत्र कुण है?” ³⁴ यीशु ने बोल्या,“रौशनी अवे थोडी देर तिकर तुम्हारे मझाटे है। जां तिकर रौशनी तुम्हारे कन्ने है तां तिकर चलदे चलो,इयां ना हो कि न्याहरा तुम्हार जो आई घेरे;जे न्याहरे विच चलदा ओ नी जाणदा कि कुते जाया करदा है। ³⁵ जां तिकर रौशनी तुम्हारे कन्ने है,रौशनी पर भरोसा रख्खो ताकी तुसी रौशनी री सतांन बणो।” ³⁶ उन्निये उन्हेरे सामणे इन्ने चमत्कार दिखाए,

यहूदियां रा अविश्वास बिच बणे रैहणा

तां बि उनां ने उस पर भरोसा नि कित्तेया; ³⁷ ताकि यशायाह भविष्यद्वक्ता रा पुरा हो जे उसने बोल्लेया थिया: “ओ प्रभु, हमारी खबर रा कुन्निये भरोसा कित्तेया? ते प्रभु रा जोर कुस पर प्रगट होया है?” ³⁸ इस ताईंये ओ विश्वास नि करी सकें,किजोकी यशायाह ने ए बि बोल्लेया है: ³⁹ उन्नये उन्हेरी हाख्‌खि अन्नि ते, उन्हेरा मन मज़बूत करि दित्तेया रा है; कुते इयां ना हो कि ओ हाख्खि कने दिख्ण,ते मन कने समझण, ते फिरण,ते मै उन्हेरे जो ठीक करां।” ⁴⁰ यशायाह ने ऐ गल्लां इस तांइ बोल्लि किजोकी उसने उसदी बडाई दिख्खि,ते उसदे बारे विच गल्लां कित्ति। ⁴¹ तां बि अधिकारियां विच मते लोक्कां ने उस पर भरोसा कित्तेया,अपण फरिसीयां री वजह कने खुल्लि करि नी मणदे थिये,कि कुते ऐसा ना हो कि ओ आरधनालय का बार कड्डि दित्ते जाण: ⁴² किजोकी मणुआं रे पास्से री बडाई उनां जो परमेश्वर रे पास्से री बडाई का जादा प्यारी थी। ⁴³ यीशु ने हाक्क मारी करी बोल्लेया,“जे मेरे पर भरोसा करदा,ओ मेरे पर नी अपण मेरे भेजणे वाळे पर भरोसा रखदा।

यीशु जी रे वचन : ईसांफ री नीं

⁴⁴ ते जे मेरेजो दिखदा,ओ मेरे भेजणे वाळे जो दिखदा। ⁴⁵ मै दुनिया विच रौशनी होई करी आए रा है, ताकि जे कोई मेरे पर भरोसा करे, ओ न्याहरे विच ना रेह् ⁴⁶ जे कोई मेरि गल्लां सुणी ना मन्ने,तां मै उसजो गळत नी ठहरादां,किजोकी मै दुनिया रा गळत ठहराणे ताईं नी,अपण दुनिया रा छुटकारा करणे ताइंये आए रा है। ⁴⁷ जे मेरे जो निक्कमा जाणदा ते मेरी गल्लां नि मणदा उसजो गळत ठहराणे वाऴा ता इक्क है:उन्निए ही पिछळे दिन विच उसजो गळत ठहराणा। ⁴⁸ किजोकी मैं अपणे पास्से का गल्लां० नि कित्ति;अपण पिता जिन्ने मेरे जोम भेज्जे रा है उन्ने ही मेरे जो हुक्म दित्तेया कि क्या-क्या केहणा ते क्या-क्या बोळणा? ⁴⁹ ते मै जाणदा कि उसदा हुक्म हमेशा री ज़िन्दगी है।इस तांई मै जै किछ बोळदा,औ जैसा पिता मेरे जो बौळदा तैसा ही बोळदा।” ⁵⁰ फसह रे त्ह्यार का पैह्ले, जां यीशु जी ने जाणी लेया कि मेरा से बेल्ला आई गेया कि दुनियां छड्डी करी पिता का जां, ता अपणे मह्णुआं जो जे दुनियां बिच थिये जियां से दाह्-पीड़ रखदे थिये अन्त तांई तियां ई दाह्-पीड़ रखदे रेह्।

यीशु जी रा चेल्लेयां रे पैर धौणा

¹ जां सैतान शमौन रे निक्के यहूदा इस्करियोती रे मन बिच एह् गल्ल पाई बैठ्ठे रा थिया कि से तिन्हा जो पकड़वान ता रोटी खाणे रे बेल्ले ² यीशु जी ने एह् जाणी करी कि पिता ने सब किछ्‌छ मेरे हत्थ पर करी दित्तेया ते मैं परमेश्वर रे पास्से का आया ते परमेश्वर का जाया करदा है। ³ रोटी का उठ्ठी करी अपणे परालै कपड़े उतारी दित्ते ते अंगोछा लेईकरी अपणी कमर बन्नी। ⁴ तां भांडे बिच पाणी भरी करी अपणे चेल्लेयाँ रे पैर धोणे ते जिस अंगोछे कने अपणी कमर बन्नी थी तिसी कने पुंजणे लगे। ⁵ जां से शमौन पतरस का आये ता पतरस ने तिन्हा जो बोल्या, “कै तुसा मेरे पैर धोया करदे हिन?” ⁶ यीशु जी ने तिस जो जवाब दित्तेया, “जे मैं करदा, तू तिस जो हल्ले नी जाणदा, अपण इधेरे बाद समझणा।” ⁷ पतरस ने तिन्हा जो बोल्या, “तुसा मेरे पैर कदी बी नी धोई पाणे!” एह् सुणी करी यीशु जी ने तिस जो बोल्या, “जे मैं तेरे पैर ना धोआं, ता तेरा मेरे कने कोई सांझा नी।” ⁸ शमौन पतरस ने तिन्हा जो बोल्या, “ओ प्रभु जी, ता मेरे पैर ई नी, बल्कि हत्थ ते सिर बी धोई देयो।” ⁹ यीशु जी ने तिस जो बोल्या, “जे न्हाई बैठ्ठे रा है तिसेरे पैर रे सवाये होर किछ्‌छ बी धोणे री जरुरत नी है, अपण से बिल्कुल सुच्चा है; ते तुसा सुच्चे हिन, अपण सब रे सब नी।” ¹⁰ से ता अपणे पकड़वाणे वाळे जो जाणदे थिये इधेरे तांइ तिन्हा बोल्या, “तुसा सब रे सब सुच्चे नी हिन।” ¹¹ जां से तिन्हेरे पैर धोई बैठ्ठे ता से अपणे कपड़े पाई करी फिरी बेई गे, ते तिन्हा जो बोल्णे लगे, “कै तुसा नी समझे के मैं तुसा कने कै कित्तेया? ¹² तुसा मिन्जो गुरु ते प्रभु बोलदे, ते ठीक ई बोलदे, किजोकि मैं है। ¹³ जे मैं प्रभु ते गुरु होई करी तुम्हारे पैर धोये, ता तुसा जो बी इक दूये रे पैर धोणा चहिंदे। ¹⁴ किजोकि मैं तुसा जो इक नमूना दस्सी दित्तेया कि जियां मैं तुसा कने कित्तेया, तुसा बी तियां ई करेया करो। ¹⁵ मैं तुसा कने सच्च सच्च बोल्दा, नौकर अपणे मालक का बड्डा नी, ते ना ई भेजे रा अपणे भेजणे वाळे का। ¹⁶ तुसा एह् गल्ला जाणदे हिन, ते जे उन्हा पर चलो ता तुसा धन्न हिन। ¹⁷ मैं तुसा सबनी रे बारे नी बोलदा, जिन्हा जो मैं चुणी लेरा है, तिन्हा जो मैं जाणदा, अपण एह् इधेरे तांई है कि पवित्र सास्तर रा एह् वचन पूरा हो, ‘जे मेरी रोटी खांदा, तिस ने मेरे पर लत्त चुक्की।’ ¹⁸ अव्वे मैं तिसेरे होणे का पैह्ले तुसा जो जताई दिंदा कि जां एह् होई जांगा तां तुसा भरोसा करो कि से मै ई है। ¹⁹ मैं तुसा जो सच्च्ई बोल्द कि जे मेरे भेजे रेयां जो अपनांदा, से मिन्जो अपनांदा, अते जे मिन्जो अपनांदा, से मेरे भेजणे वाळेयां जो अपनांदा।” ²⁰ एह् गल्लां बोल्ली करी यीशु जी आत्मा बिच मग्न होये ते एह् गुवाह्ई दित्ती, “मैं तुसा जो सच्च सच्च बोलदा तुसा बिच इक ने मिन्जो पकड़वाणा।”

धोखे रे पास्से ईशारा

²¹ चेल्ले शक्क कने, कि एह् कुसेरे बारे बिच बोलेया करदे हिन, इक दूज्जे पास्से दिख्खणा लगे। ²² तिन्हेरे चेल्लेयां बिच का इक जिस कने यीशु जी दाह्-पीड़ रखदे थिये यीशु जी री छाती का झुकी करी बेठ्‌ठे रा थिया। ²³ शमौन पतरस ने तिस जो इशारा करी के पुछ्‌छेया, “दस्स ता, एह् कुसेरे बारे बिच बोलेया करदे हिन?” ²⁴ तां तिस ने तियां ई यीशु जी री छाती पास्से झुकी तिन्हा जो पूछ्‌छेया, “ओ प्रभु जी, से कुण है?” ²⁵ यीशु जी ने जवाब दित्तेया, “जिस जो मैं एह् रोटी रा टुकड़ा डुबाई करी दिंगा सेह्ई है।” तां तिन्हा ने टुकड़ा डुबाई करी शमौन इस्करियोती रे निक्के यहूदा जो दित्तेया। ²⁶ टुकड़ा लिंदे ई सैतान तिस बिच समाई गेया। तां यीशु जी ने तिस जो बोल्या, “जे तू करेया करदा, झट कर।” ²⁷ अपण बैणे वाळेयां बिच का कुन्ने नी जाणेया कि तिन्हा ने एह् गल्ल तिस जो कुधेरे तांई बोल्ली। ²⁸ यहूदा का इक थैली हुन्दी थी, इधेरे तांई कुस कुस ने समझेया कि यीशु जी तिस जो बोलया करदे हिन कि जे किछ्‌छ असा जो त्ह्यार तांई चहिंदा से खरीदी लै, या एह् कि कंगाळा जो किछ्‌छ दे। ²⁹ ते से टुकड़ा लेईकरी झट बाह्र चली गेया; ते एह् राती रा बेल्ला थिया। ³⁰ जां से बाह्र चली गेया ता यीशु जी ने बोल्या, “अव्वे मह्णु ए पुत्र री बड़ाई होई, अते परमेश्वर री बड़ाई तिस बिच होई है;

नोई आज्ञा

³¹ {जे उस बिच परमेश्वर री बड़ाई होई है, } ता परमेश्वर ने बी अपणे बिच तिसेरी बड़ाई करणी ते झट करणी। ³² ओ बच्चेयों, मैं होर थोड़ी हाण तुम्हारे कने है: फिरी तुसा मिंजो तोपणा, ते जियाम यहूदियां जो बोल्या, जित्ते जाया करदा है तित्ते तुसा नी आई सकदे, ’ तियां ई मैं तुसा जो बी बोल्दा। ³³ मैं तुसा जो इक नौआ हुकम दिंदा कि इक दूये कने दाह्-पीड़ रख्खो, जियां मैं तुसा कने दाह्-पीड़ रख्खी है, तियां तुसा बी इक दूये कने दाह्-पीड़ रख्खो। ³⁴ जे अपु मिते दाह्-पीड़ रखगे , ता इसी कने सब जो पता चलणा कि तुसा मेरे चल्ले हिन।” ³⁵ शमौन पतरस ने तिन्हा जो बोल्या, “ओ प्रभु जी, तुसा कुते जाया करदे हिन?” यीशु जी ने जवाब दित्तेया, “जित्ते मैं जाया करदा है तू अब्बे तित्ते नी आई सकदा, अपण इसेरे बाद मेरे पिच्छे आणा।”

पतरस रे मुकरी जाणे पास्से ईशारा

³⁶ पतरस ने तिन्हा जो बोल्या, “ओ प्रभु जी, अब्बे मैं तुसा रे पिच्छे किजो नी आई सकदा? मैं ता तुसा तांई अपणी जान बी देई दिंगा।” ³⁷ यीशु जी ने जवाब दित्तेया, “कै तू मेरे तांई अपणी जान देई दिंगा? मैं तेरे कने सच्च सच्च बोल्दा कि मुर्गा ने बांग नी देणी जां तांई तू त्रै बरी मेरे का मन्हा नी करी दिगा। ³⁸ तुसा रा मन बैचेन न होन; परमेश्वर पर भरोसा रख्खो ते मेरे पर बी भरोसा रख्खो।

परमेश्वर तिकर पुजणे रा रस्ता

¹ मेरे पिता रे घरे बड़ी सारी रैह्णे री जगाह् हिन, जे नी हुन्दे ता मैं तुसा जो बोल्ली दिन्दा; किजोकि मैं तुसा तांई जगाह् त्यार करणे तांई चलेया। ² मैं तुसा तांई जगाह् त्यार करदा, ताकि फिरी आई करी तुसा जो अपणे कने उत्ते लेह्ई जांगा किजोकि जित्ते मैं रेह्यां तित्ते तुसा बी रेह्यो। ³ जित्ते मैं जाया करदा है तुसा तित्ते रा रस्ता जाणदे।” ⁴ थोमा ने यीशु जी जो बोल्या, “ओ प्रभु जी, असा नी जाणदे कि तुसा कुते जाया करदे हिन, ता रस्ता कियां जाणगे?” ⁵ यीशु जी ने तिस जो बोल्या, रस्ता अते सच्च ते जिन्दगी मैं ई है, बगैर मेरे कोई पिता का नी पुज्जी सकदा। ⁶ जे तुसा मिन्जो जाणेया हुन्दा, ता मेरे पिता जो बी जाणी लैणा थिया: अते अव्वे तिन्हा जो जाणदे हिन, ते तिन्हा जो दिख्खेया बी है।” ⁷ फिलिप्पुस ने तिन्हा जो बोल्या, “ओ प्रभु जी, पिता जो असा जो दखाई देयो, ऐह्ई असा तांई बड़ा है।” ⁸ यीशु जी ने तिस जो बोल्या, “ओ फिलिप्पुस, मैं इत्तणे रोज्जे रा तुसा कने है, ते कै तू मिन्जो नी जाणदा? जिन्ने मिन्जो दिख्खेया तिस ने पिता जो दिख्खेया है। ता फिरी तौ किजो बोल्या करदा है कि पिता जो असा जो दिख्खाओ? ⁹ कै तू भरोसा नी करदा कि मैं पिता बिच है ते पिता मेरे बिच हिन? एह् गल्लां जे मैं तुसा कने बोल्या करदा है अपणे पास्से का नी हे बोल्या करदा अपण पिता मेरे बिच रेह्ई करी अपणा कम्म करेया करदे हिन। ¹⁰ मेरे भरोसा करो कि मैं पिता बिच है ते पिता मेरे बिच हिन, नी ता कम्मा ई री वजाह् कने मेरे पर भरोसा करो। ¹¹ “मैं तुसा कने सच्च बोलदा, जे मेरे पर भरोसा रखदा, एह् कम्म जे मैं करदा तिन्ने बी करणे अपण तिन्ने इन्हा का बी बड्डे कम्म करणे किजोकि मैं पिता का चलेया। ¹² जे किछ्छ तुसा मेरे नां कने मंग्गे, से मैं करणे ताकि पुत्र रे जरिये पिता री बड़ाई हो। ¹³ जे तुसी मेरे नां च मंगगे, तां मै तिस जो करगा। ¹⁴ “जे तुसा मेरे कने दाह्-पीड़ रखदे ता मेरे हुकमा जो मन्नो।

पवित्रात्मा रा वादा

¹⁵ कने मै बाबे का विनती करगा, कने से तुसा जो ईक मददगार दिंगा, कि से सदा तुसा कने रे। ¹⁶ मतलब सच्चाई रा आत्मा जिस जो दुनिया अपनाई नी सकदी, किजोकि से ना ता तिन्हा जो दिखदा ते ना ई जाणदा; तुसा तिस जो जाणदे, किजोकि से तुम्हारे कने रेह्न्दा, ते से तुसा बिच होणा। ¹⁷ “मैं तुसा जो अनाथ नी छड्डणा, मैं तुसा का आन्दा। ¹⁸ ते थोड़ी हाण रेह्ई गेई फिरी दुनियां ने मिन्जो नी दिख्खणा, अपण तुसा ने मिन्जो दिख्खणा, किजोकि मैं जिंदा है, तुसा बी जिंदे रेह्णा। ¹⁹ तिस रोज्ज तुसा जाणना कि मैं पिता बिच है, ते तुसा मेरे बिच हिन, ते मैं तुसा बिच। ²⁰ जिस का मेरे हुकम हिन ते तिन्हा जो मन्दा, सेह्इ मेरे कने दाह्-पीड़ रखदा अते जे मेरे कने दाह्-पीड़ रखदा तिस कने मेरा पिता ने दाह्-पीड़ रखणी अते मैं तिस कने दाह्-पीड़ रखणी ते अप्पु जो तिसेरे सामणे लियाणा।” ²¹ तिस यहूदा ने जे इस्करोति नी थिया तिस ने बोल्या, “ओ प्रभु जी, कै होया जे तुसा अप्पु जो म्हारे सामणे लियाणा चांदे अपण दुनियां सामणे नी?” ²² यीशु जी ने तिस जो जवाब दित्तेया, “जे कोई मेरे कने दाह्-पीड़ रखगा तिनिये मेरे वचनां जो मनणा, ते मेरे पिता ने तिस कने दाह्-पीड़ रखणी ते असा तिसा का आणा ते तिसेरे कने वास करणा। ²³ जे मेरे कने दाह्-पीड़ नी रखदा से मेरा वचन नी मन्दा, अते जे वचन तुसा सुणदे हिन से मेरे नी अपण पिता रे हिन, जिन्ह ने मिन्जो भेजेया। ²⁴ “एह् गल्लां मैं तुसा कने रेह्न्दे तुसा जो बोल्ली। ²⁵ अपण मददगार मतलब पवित्र आत्मा जिस जो पिता ने मेरे नां कने भेजणा तिस ने तुसा जो सब गल्लां सखाणी, अते जे किच्च मैं तुसा जो बोल्या से सब गल्लां तिन्ने तुसा जो चेता कराणी। ²⁶ मैं तुसा जो सान्ति दिंदा जांदा, अपणी सान्ति तुसा जो दिंदा, जियां दुनियां दिंदी, तियां मैं तुसा जो नी दिंदा, तुम्हारा मन बैचेन ना हो ते डरन ना। ²⁷ तुसा ने सुणेया जे मैं तुसा जो बोल्या, मैं जांदा, ते तुम्हारे का फिरी आणा।’ जे तुसा मेरे कने दाह्-पीड़ रखदे ता इस गल्ल कने खुस हुन्दे कि मैं पिता का जाया करदा है, किजोकि पिता मेरे का बड्डे हिन। ²⁸ ते मैं इसेरे होणे का पैल्ले तुसा जो बोल्ली दित्तेया, कि जां से होई जांगा, तां तुसा भरोसा करन। ²⁹ मैं अव्वे तुसा कने जादा गल्लां नी करणी, किजोकि इस दुनियां रा सरदार आया करदा है मेरे पर तिसेरा कोई हक्क नी है, ³⁰ अपण एह् इधेरे तांई होया करदा है कि दुनियां जाणे कि मैं पिता कने दाह्-पीड़ रखदा, ते जियां पिता ने मिन्जो हुकूम दित्ते हिन मैं तियां ई करदा। उठ्ठो, इत्ते का चलदे। ³¹ यीशु जी ने बोलेया, “सच्ची अंगूर री बेल मैं ए, अते मेरे पिता दिख-रिख करणे वाळे हिन।

यीशु जी सच्ची दाखलता

¹ मेरी हर इक डाळी जो जिस बिच फळ नी लगदा, से बड्डी दिन्दे, अते मेरी हर इक डाळी जो जे फळदी, से तिस जो छांटदे हिन ताकि होर जादा फळ लगन। ² “तुसी मह्णु ता जे सिक्सा मैं तुम्हारे जो दित्ती ए, तिसेरी वजह कने पैल्ले ई सुच्चे होई गेरे हिन। ³ तुसी मेरे बिच रेह्यो मैं तुम्हारे बिच रैह्न्गा। जिय्यां डाळी जे अंगूर री बेल कने नी जुड़ी रेह्, ता से फळी सकदी, तिय्याँ ई तुसी बी जे मेरे कने जुड़ी नी रेह्न्गे ता नी फळी सकदे। ⁴ “मैं अंगुर री बेल ए, तुसी डाळी हिन। जे मेरे कने जुड़ी रेह्न्दा, अते मैं तिस कने, से बड़ा फळदा, किजोकि मेरे का बखरे होई करी तुसी किच्छ नी करी सकदे। ⁵ जे कोई मेरे कने जुड़ी नी रेह्न्दा तिस जो भज्जी(टूट्टी) री डाळी साह्ई सूटि दित्तेया जांदा अत्ते से सूक्की जांदा अत्ते मह्णु तिस जो बटोरी करी अग्गी करी बिच फूक्की दिंदे। ⁶ जे तुसी मेरे बिच बणी रेह्न्गे, अते मेरे सिक्सा तुम्हारे बिच रेह्न्गी, ता जे किच्छ तुसी चाह्न्दे हिन मंगगे, से तुम्हारे जो मिली जाणा। ⁷ इस कने मेरे पिता री महिमा हून्दी कि तुसी मते फळ लियाओ अते मेरे चेल्ले रेयो। ⁸ जदेया मेरे परम पिता ने मेरे कने प्यार कित्तेया, मैं बी तिय्यां ई तुम्हारे कने प्यार कित्तेया। मेरे प्यार बिच बणी रेह्यो। ⁹ जे तुसी मेरे हुकमां जो मंनगे, ता मेरे प्यार बिच बणी रेह्न्गे, तिय्यां ई जिय्यां मैं अपणे पिता रे हुकमां जो मनदा अते तिन्हेरे प्यार बिच बणी रेह्न्दा। ¹⁰ मै एह् गल्लां तुम्हारे कने इधेरे तांई बोल्ली कि मेरी खुस्सी तुम्हारे बिच रेह्, ताकि तुम्हारी खुस्सी पूरी होई जाओ। ¹¹ मेरा हुकम एह् ए कि जिय्यां मैं तुम्हारे कने प्यार कित्तेया, तिय्यां ई तुसी बी इक दूज्जे कने प्यार करो। ¹² इस का बड्डा प्यार होर कुसकी रा नी, कि कोई अपणे दोस्ताँ ताँई अपणी जान देई देयो। ¹³ जे हुकम मैं तुम्हारे जो दित्तेया, जे तुसी तिस जो मंनगे ता तुसी मेरे दोस्त हिन। ¹⁴ अवे मैं तुम्हारे जो नौकर नी बोलणा किजोकि कोई नौकर नी जाणदा किउसेरा मालक कै ए करेया करदा, अपण मैं तुम्हारे जो दोस्त बोलेया, किजोकि से सब गल्लां जे मैं अपणे पिता का सुणी तुम्हारे जो दस्सी दित्ती हिन। ¹⁵ तुसी मिंजो नी चुणेया, अपण मैं तुम्हारे जो चुणेया अते इधेरे तांई रख्खेया कि तुसी जाओ अते फळ लियाओ ते तुम्हारे खरे कम्म बणी रेह्, ताकि मेरे नां कने तुसी जे किच्छ बी पिता का मंगो से तुम्हारे जो देंन। ¹⁶ मैं तुम्हारे जो एह् हुकम इधेरे तांई देया करदा एह् ताकि तुसी इक-दूज्जे कने प्यार करो। ¹⁷ जे दुनियां तुम्हारे कने नफरत करदी ता याद रख्खो से तुम्हारे का पैल्ले मेरे का नफरत करदी।

संसार रा बैर

¹⁸ जे तुसी इस दुनियां रे हून्दे ता दुनियां ने तुम्हारे कने अपणेयां साह्ई प्यार करणा थिय्या, अपण तुसी इस दुनियां रे नी हिन मैं तुम्हारे जो इस दुनियां का चुणी लेरा ए अते इधेरे तांई दुनियां तुम्हारे कने नफरत करदी। ¹⁹ मेरा वचन याद रख्खो: इक नौकर अपणे मालक का बड्डा नी एह्। इधेरे तांई जे तिन्हा मिंजो तंग कित्तेया एह् ता तुम्हारे जो बी तंग करणा। अते जे तिन्हा मेरा वचन मन्नेयां ता तुम्हारी गल्लां बी मनणी। ²⁰ अपण तिन्हा मेरे नां री वजह कने एह् सब किच्छ तुम्हारे कने करणा, किजोकि से जिस ने मिंजो भेजेया तिस जो नी जाणदे। ²¹ जे मैं नी आंदा अते तिन्हा कने गल्लां नी करदा ता से कुसकी बी पाप रे कसुरवार नी हून्दे। अपण अवे तिन्हा का तिन्हेरे पापां तांई कोई बी भाह्ना नी ए। ²² जे मेरे कने नफरत करदा से मेरे पिता कने बी नफरत करदा। ²³ जे मैं तिन्हेरे बिच कम्म नी करदा जे कुसकी ने बी नी कित्ते ता से पाप रे कसुरवार नी हून्दे अपण अवे जां से दिख्खी बैठ्ठे हिन तां बी मेरे कने अत्ते मेरे पिता दोनां का नफरत करदे हिन। ²⁴ अपण एह् इधेरे तांई होया कि एह् वचन पूरा हो जे तिन्हेरे नियमां बिच लिख्खे रा ए: ‘तिन्हा ने बेकार ई मेरे कने नफरत कित्ती।’ ²⁵ जां से मदतकार आणा जिस जो मैं पिता रे पास्से का तुसां का भेजणा, बल्कि सच्चाई री आत्मा जे पिता रे पास्से का आंदी, तिस ने मेरी गवाई दैणी, ²⁶ अते तुसी ने बी गवाई दैणी, किजोकि तुसी सुरू का ई मेरे कने हिन। ²⁷ मैं एह् गल्लां इधेरे तांई तुम्हारे कने बोल्ली हिन, ताकि तुम्हारा विस्वास डगमगाई नी जाओ।

¹ तिन्हा तुम्हारे जो अराधना भवन का बाहर कड्डी दैणा, बल्कि से बेल्ला आया करदा ए जां तुम्हारे बिच का कुसकी जो बी मारी करी हर कोई ने सोचणा कि से परमेश्वर रा कम्म करेया करदा एह्। ² अत्ते तिन्हा ने इय्यां इधेरे तांई करणा किजोकि तिन्हा ने ता स्वर्ग बिच रैह्णे वाळे पिता जो जाणे ना ता मिंजो। ³ अत्ते एह् गल्लां मैं इधेरे तांई बोल्ली कि जां बेल्ला आये ता तुसी चेत्ता करेयो कि मैं तुम्हारे जो इधेरे बारे बिच दस्सी दित्तेया थिय्या, अत्ते एह् गल्लां मैं तुम्हारे जो सुरू बिच इधेरे तांइ नी दस्सी किजोकि मैं तुम्हारे कने थिय्या। ⁴ अपण अवे मैं अपणे भेजणे वाळे का चलेया जिन्ने मिंजो भेजेया ए अते तुसा मेरे का मत पूच्छदे,

पवित्रात्मा रे कम्म

‘तू कुते चलेया?’ ⁵ किजोकि मैं एह् गल्लां तुम्हारे जो दस्सी दित्ती हिन, तुम्हारा मन दुखी होई गेया रा ए। ⁶ अपण मैं तुम्हारे कने सच्च-सच्च बोलदा कि तुम्हारे तांई भला ए कि मैं जाया करदा ए। किजोकि जे मैं नी जांगा ता मदतगार ने तुम्हारे का नी आणा। अपण जे मैं चली जांगा ता तिस जो तुम्हारे का भेजी दिंगा। ⁷ अते जां तिस ने आणा ता पाप, धार्मिकता, न्याय रे बारे बिच दुनियां रा शक दूर करणा। ⁸ पाप रे बारे बिच, इधेरे तांई कि से मेरे पर विस्वास नी करदे, ⁹ अत्ते धार्मिकता रे बारे बिच, इधेरे तांई कि मैं पिता का चलेया, अत्ते तुसी मिंजो फिरी नी दिख्खी सकणा, ¹⁰ अते न्याय रे बारे बिच, इधेरे तांई कि दुनियां रे शासक जो कसुरवार बोल्ली दित्तेया गेया ए। ¹¹ मिंजो तुम्हारे होर बी मती सारी गल्लां करणी हिन, अपण अबे तुसी उन्हा जो सेह्ई नी सकदे। ¹² अपण जां सच्चाई री आत्मा ने आणा, ता तिस ने तुम्हारे जो सच्चाई रा रस्ता दस्सणा, किजोकि तिस ने अपणे पास्से का किच्छ नी बोलणा, अपण जे किच्छ तिस ने सुनणा, सेह्ई बोलणा अत्ते होणे वाळी गल्लां जो तुम्हारे सामणे लियाणा। ¹³ तिस ने मेरे नां जो ऊंच्चा उठाणा, किजोकि तिस ने मेरी गल्लां जो तुम्हारे सामणे लियाणा। ¹⁴ जे किच्छ पिता का ए से सब मेरा ए; इधेरे तांई मैं बोलेया कि जे किच्छ मेरा ए तिन्हा गल्लां जो लेईकरी तिस ने तुसा जो दस्सी दैणा। ¹⁵ “थोड़ी देर बाद तुसी मिंजो नी दिखणा, अत्ते तिसेरे बाद तुसी मिंजो फिरी दिखणा।”

दु:ख सुख बिच बदली जाणा

¹⁶ तां तिन्हेरे चेल्लेयां बिच का किच्छ ने अपु-मित्ते बोलेया, “एह् कै गल्ल ए जे एह् म्हारे कने दस्सेया करदे हिन, ‘थोड़ी देर बाद तुसी मिंजो नी दिखणा, अत्ते तिसेरे बाद तुसी मिंजो फिरी दिखणा, किजोकि मैं पिता का चलेया?” ¹⁷ फिरी से बोलणा लग्गे एह्, “थोड़ी हाण बाद कै ए!” जिसेरे वारे बिच एह् दस्सेया करदे हिन। एह् कै बोलेया करदे हिन असा जो नी ए लगेया करदा पता।” ¹⁸ यीशु जी समझी गे कि से मेरे का पूच्छणा चाह्न्दे हिन, अत्ते यीशु जी ने बोलेया, “कै तुसी इस गल्ल रे बारे बिच अपु-मित्ते सोच-विचार करेया करदे हिन, जे मैं बोल्ली, ‘थोड़ी देर बाद तुसी मिंजो नी दिखणा, अत्ते तिसेरे बाद तुसी मिंजो फिरी दिखणा?’ ¹⁹ मैं तुम्हारे के सच्च-सच्च बोलदा कि तुसी रोणा ते पीटिणा, अपण इस दुनियां ने खुस होणा। तुसी दुखी होणा, अपण दुख खुसी बिच बदली जाणा। ²⁰ जां कोई जनानी जमणे लगदी, तां तिस जो पीड़ां हून्दी अत्ते जां से बच्चा जम्मी बैह्न्दी ता इस खुसी बिच कि इस दुनियां बिच इक होर पैदा होया अपणी पीड़ां जो भूली जांदी। ²¹ इधेरे तांई तुसी अबे दुखी ता हिन, अपण मैं तुम्हारे कने फिरी मिलणा अते तुम्हारे मन खुस होई जाणे, अते तुम्हारी खुसी जो कोई तुसा का खौई नी सकदा। ²² तिस रोज तुसी मेरे का कोई सवाल नी करणा। मैं तुम्हारे कने सच्च-सच्च बोलदा, जे तुसी मेरे ना कने पिता का जे किच्छ बी मंगगे तिन्हा तुम्हारे जो दैणा। ²³ हल्ले तांई तुसी मेरे नां कने किच्छ बी नी मंगेया: मंगो, अते तुम्हारे जो मिल्ली जाणा, ताकि तुसी खुस होई जाओ। ²⁴ “एह् गल्लां मैं तुम्हारे कने उदारण बिच बोल्ली हिन, अपण से बेल्ला आया करदा ए जां मैं तुम्हारे कने उदारण देई-देई करी होर जादा गल्ल-बात नी करी पाणी।

ससांर पर जीत हासिल करणा

²⁵ उस रोज तुसी मेरे ना कने मंगणा, अते मैं तुम्हारे कने एह् नी एह् बोलदा कि मैं तुम्हारे तांई पिता का छंदे करगा, ²⁶ किजोकि पिता खुद तुम्हारे कने प्यार करदे, किजोकि तुसा ने मेरे कने प्यार कित्तेया अत्ते एह् विस्वास कित्तेया कि मिंजो पिता ने भेजेया ए। ²⁷ मिंजो पिता ने भेजेया अते इस दुनियां बिच आया, मैं फिरी दुनियां जो छड्डी करी पिता का चलेया।” ²⁸ यीशु जी रे चेल्लेयां ने बोलेया, “दिख्खो अवे तुसी बिना उदारण रे खुली करी दस्सेया करदे हिन। ²⁹ अवे असी समझी गे कि तुसी सब किच्छ जाणदे, अते तुम्हाऱे जो जरूरत नी ए कि कोई तुम्हारे का सवाल कंरन। इस कने असा विस्वास करदे कितुम्हारे जो पिता ने भेजेया ए।” ³⁰ यीशु जी ने जवाब दित्तेया, “कै तुसी अवे विस्वास करदे? ³¹ दिख्खो, से बेल्ला आया करदा ए, बल्कि आई गेया कि तुसी तित्तर-बित्तर होई करी अपणे-अपणे घरे चली जाणा अते मिंजो किल्ला छड्डी दैणा, फिरी बी मै किल्ला नी ए, किजोकि पिता मेरे कने हिन। ³² एह् गल्ला मैं तुम्हारे कने बोल्ली हिन कि तुम्हारे जो मेरे जरिये सांति मिल्लो। दुनियां बिच तुम्हारे जो तकलिफाँ मिल्ली हिन, अपण हिम्मत रख्खो मैं दुनियां जो जीती लेया ए।” ³³ यीशु जी ने एह गल्लां बोली करी ऊपर अम्बरा पास्से दिख्खी करी बोलेया, "ओ पिता जी, से बेल्ला आई रेह्या; अपणे पुत्तर रे नां जो ऊंच्चा उठा ताकि पुत्तर बी तुम्हारे नां ऊंच्चा उठाई सको।

यीशु जी री महायाजकीय प्रार्थना (अप्पु तांई)

¹ किजोकी तुसां ने अपणे पुत्तर जो पुरी मह्णु जाति पर हक दित्ते रा है कि से, हर इक जो, जिन्हा जो तुसां ने उस जो दित्ते रा है, हमेसा री जिन्दगी देयो। ² ते हमेसा री जिन्दगी एह् है कि से तुसां इक मात्र सच्चे परमेश्वर अत्ते यीशु मसीह जो, जिस जो तुसां ने भेज्जे रा है, जाणी सकन। ³ जेह्ड़े कम्म तुसां ने मिन्जो दित्ते थिय्ये, उन्हा जो पूरा करी के धरती बिच मैं तुम्हारे नां जो ऊंच्चा उठाया ए। ⁴ इधेरे तांई तुसी अवे अपणे कने मेरे नां जो बी ऊंच्चा उठाओ। ओ पिता जी! तिय्यां ई महिमा मिंजो देयो, जे दुनिया बनणे का पैल्ले मिंजो तुम्हारे कने मिलदी थी। ⁵ धरती बिच जिन्हा मह्णुआं जो तुसी मिंजो दित्तेया, मैं तुम्हारे बारे उन्हा जो दस्सेया। से तुम्हारे थिय्ये अपण तुसां ने उन्हा जो मिंजो दित्तेया ते तिन्हा तुम्हारे वचन जो मन्नी लित्तेया ए।

अपणे चेल्लेयां तांई

⁶ अवे इन्हा जो पता लगी गेरा है कि जे किछ बी तुसां ने मिन्जो दित्ते रा है, से सब किच्‍छ तुम्हारे पास्से का ई है; ⁷ मैं तिन्हा जो सेह्ई सिक्सा दित्ती जे तुसां ने मिंजो दित्ती थी अत्ते तिन्हा ने उस जो अपनाई लेया। से पक्का जाणदे कि मैं तुम्हारे बिच का निकळेया, अत्ते उन्हा ने विस्वास कित्तेया कि तुसां ने ई मिंजो भेज्जेया है। ⁸ मैं दुनिया तांई प्राथना नी करेया करदा है बल्कि उन्हेरे तांई प्राथना करेया करदा है जिन्हा जो तुसी मिंजो दित्तेया है, किजोकि से तुम्हारे हिन, ⁹ अते सब किच्छ जे मेरा है, से तुसां रा है, अत्ते जे तुम्हारा है, से मेरा है। अत्ते मिंजो उन्हेरे जरिये महिमा मिल्ली। ¹⁰ अवे मैं धरती पर नी रैह्णा अपण से धरती बिच हिन अवे मैं तुम्हारे का आया करदा है पर इन्हा ने ई रैह्णा, ते मैं तुसां का आई जाणा। ओ पबित्तर पिता, अवे अपणे उस नां री सक्ति कने उन्हेरी रक्षा कर जे तुसां ने मिंजो दित्तेया है ताकि जिय्यां मैं ते तुसी इक हिन, से बी इक होई सकन। ¹¹ जां मैं तिन्हेरे कने थिय्या, मैं तुम्हारे उस नां री सक्ति कने जे तुसी मिंजो दित्तेया है उन्हेरी रक्षा कित्ती, सिवाय बिनाश रे पुत्र जो छड्डी उन्हा बिच कोई खत्म नी होया, इधेरे तांई कि पवित्रशास्त्र री गल्ल पूरी हो। ¹² अवे मैं तुम्हारे का आया करदा है अपण एह् गल्लां मैं धरती बिच रेह्ई करी बोलेया करदा है ताकि तिन्हा जो दिल का खुस मिल्लो। ¹³ मैं तुम्हारा वचन तिन्हा जो दित्तेया अपण दुनिया ने उन्हा कने नफरत कित्ती किजोकि जिय्यां दुनियां चलदी तिय्यां से नी चलदे। तिय्यां ई जिय्यां मैं इस दुनियां कने नी चलदा। ¹⁴ मैं एह् प्राथना नी है करदा कि तुसी इन्हा जो दुनिया का चुक्की लेयो बल्कि एह् कि तुसी उन्हेरी बुरे सैतान का रक्षा करो। ¹⁵ से जिय्यां दुनियां चलदी तिय्यां से नी चलदे। तिय्यां ई जिय्यां मैं इस दुनियां कने नी चलदा। ¹⁶ सच्चाई रे जरिये तुसी उन्हा जो अपणी सेवा तांई अर्पण करो-तुम्हारा वचन सच्चा है। ¹⁷ जिय्याँ तुसां ने मिन्जो दुनिया अन्दर भेज्जेया, तिय्याँ ई मैं बी इन्हा जो दुनिया अन्दर भेज्जेया; ¹⁸ मैं उन्हेरे तांई अपू जो तुम्हारी सेवा तांई अर्पित करेया करदा है ताकि से बी सच्चाई रे जरिये अपू जो तुम्हारी सेवा तांई अर्पित करन। ¹⁹ अपण में सिरफ उन्हेरे ताँईं ई प्राथना नी करेया करदा है बल्कि उन्हेरे तांई बी जे इन्हेरी सिक्सा रे जरिये मेरे पर विस्वास करगे,

सारे भरोसा करणे वाळेयां तांई

²⁰ कि से सब इक्क होंन। तिय्यां ई जिय्यां ओ पिता जी, तुसी मेरे बिच हिन अत्ते मैं तुम्हारे बिच है। से बी असा बिच का इक होंन। ताकि दुनियां विस्वास करन कि तुसां ने मिंजो भेज्जेया है। ²¹ से महिमा जे तुसां ने मिन्जो दित्ती है, मैं उन्हा जो दित्ती, ताकि से बी तिय्याँ ई इक्क होई सकन जिय्याँ असी इक्क हिन, ²² मैं उन्हा बिच होणा ते तुसी मेरे बिच होणा, ताकि से पुरे सह्ई होई करी इक होई जान, अत्ते दुनियां जाणी जाये कि तुसां ने मिंजो भेज्जेया है ते तुसा ने उन्हा कने बी तिय्यां प्यार कित्तेया जिय्यां मेरे कने प्यार करदे हिन। ²³ “ओ पिता जी! जे मह्णु तुसी मिंजो दित्ते हिन, मैं चाह्न्दा कि जित्ते मैं है, से बी मेरे कने हो ताकि से मेरी उस महिमा जो दिख्खी सकन जे तुसां ने मिंजो दित्ती है। किजोकि दुनियां री रचना का बी पैल्ले तुसी मेरे कने प्यार करदे हिन। ²⁴ ओ धरमी पिता, दुनिया तुसां जो नी जाणदी अपण मैं तुसा जो जाणदा।ने मेरी कदर नी कित्ती, अपण मैं तुसां जो जाणदा। अत्ते मेरे चेल्ले जाणदे कि तुसां ने मिंजो भेज्जेया है, ²⁵ अत्ते मैं तुम्हारा नां इन्हा जो दस्सेया अत्ते दस्दे रैह्णा ताकि जे प्यार तुसां ने मेरे कने कित्तेया उन्हा बिच बी हो, अत्ते मैं बी उन्हा बिच रेह्यां। ²⁶ यीशु जी एह् गल्लां बोल्ली करी अपणे चेल्लेयाँ कने किद्रोन नाळे रे पार इक बगीचे जो चली गे।

यीशु जी रा पकड़वाया जाणा

¹ तिन्हा जो पकड़वाणे वाळा यहूदा बी तिस जगह रे बारे अन्दर जाणदा थिया, किजोकी यीशु जी अपणे चेल्लेयाँ कने तित्ते मिलदे थिय्ये। ² इधेरे तांई यहूदा रोमी सिपाईयां रा इक झुन्ड़ अत्ते बड्डे परोह्तां ते फरीसियां रे भेजे रे मह्णु, अत्ते मन्दिर रे पैहरेदारां कने मशालां, दीय्ये, अत्ते हत्थियार लेई करी तित्ते आई गेया। ³ फिरी यीशु जी जे सब किच्छ जाणदे थिय्ये कि तिन्हा कने कै होणे वाळा है, अग्गे आये अत्ते तिन्हा जो बोलेया, “तुसी कुस जो तोपेया करदे हिन?" ⁴ उन्हा ने यीशु जी जो जवाब दित्तेया, “यीशु नासरी जो।” यीशु जी ने तिन्हा जो बोल्लेया, “से मैं है।” तित्ते तिन्हा जो पकड़वाणे वाळा यहूदा बी तिन्हा कने खड़ितेरा थिय्या। ⁵ जिय्याँ ई यीशु जी ने तिन्हा जो एह् बोल्लेया “से मैं है” से पिच्छे हटि करी भुय्याँ पेई गे। ⁶ ताँ यीशु जी ने तिन्हा का फिरी पुच्छेया, “तुसी कुस जो तोप्पेया करदे हिन?” तिन्हा बोलेया, “यीशु नासरी जो।” ⁷ यीशु जी ने जवाब दित्तेया, “मैं तुसां जो बोलेया, से मैं ई है। जे तुसी मिन्जो तोप्पेया करदे हिन ता इन्हा जो जाणा देयो।” ⁸ एह् तिन्हा ने इधेरे ताँई बोलेया कि जे उस ने बोलेया थिय्या, से सच्च हो, मैं उन्हा बिच का कुसकी जो नी गुआया, जे तुसी मेरे हवाले कित्ते थिय्ये।” ⁹ फिरी शमौन पतरस ने, जिस का तलवार थी, अपणी तलवार निकाळी ते बड्डे परोह्त रे नौकरा रा सीद्धा कान उड़ाई करी जख्मी करी दित्ता। तिस नोकर रा नां मलखुस थिया। ¹⁰ फिरी यीशु जी ने पतरस जो बोल्लेया, “अपणी तलवार मयान बिच रख्ख। कै मैं मुसिबतां रा गेया से कटोरा नी पियां जे परम पिता ने मिंजो दित्तेया है?” ¹¹ फिरी रोमी सिपाईयां अत्ते तिन्हेरे सुबेदारां, ते यहूदियाँ रे मन्दिर रे पैहरेदारां ने यीशु जी जो पकड़ी लेया।

हन्ना रे सामणे यीशु जी

¹² अत्ते तिन्हा जो बह्‍नी करी पैल्ले हन्ना का लेई गे जे उस साल रे बड्डे परोह्त कैफा रा सौरा थिय्या। ¹³ एह् कैफा सेह्ई मह्णु थिय्या जिनिए यहूदी मन्त्रियां जो सलाह दित्ती थी कि सब मह्‍णुआं तांई इक रा मरणा खरा है। ¹⁴ शमौन पतरस अत्ते इक होर चेल्ला यीशु जी रे पिच्छे चली पे। बड्डा परोह्त इस चेल्ले जो अच्छी तरह जाणदा थिय्या, इधेरे ताँईं से यीशु जी कने बड्डे परोह्त रे अंगणा अन्दर चली गेया।

पतरस रा मुकरी जाणा

¹⁵ अपण पतरस बाहर दरवज्जे का ई रूकी गेया। फिरी बड्डे परोह्त री जान-पछाण वाळा चेल्ला बाहर गेया अत्ते पैह्रेदारणी जो बोल्ली करी पतरस जो अन्दर लेई आया। ¹⁶ तिस पैह्रेदारणी ने पतरस जो बोल्लेया, “ होई सकदा तू बी यीशु रा ई चेल्ला हो?” पतरस ने जवाब दित्तेया, “ना, मैं नी है।” ¹⁷ किजोकि ठंड बड़ी थी नौकर अत्ते मन्दिर रे पैहरेदार अग्ग बाळी करी तित्ते खड़े अग्ग तप्पेया करेया थिय्ये। पतरस बी तिन्हा कने खड़ा थिय्या अत्ते अग्ग तप्पेया करदा थिय्या। ¹⁸ फिरी बड्डे परोह्त ने यीशु जी का तिन्हेरी सिक्सा अत्ते चेल्लेयाँ रे बारे पूच्छेया।

महायाजक रा यीशु जी कने पुछपाछ करणा

¹⁹ यीशु जी ने तिस जो जवाब दित्तेया, “मैं हमेसा मह्णु रे बीच हर कुसकी कने खुली करी गल्ल कित्ती हिन। मैं हमेसा प्राथना सभा बिच अते मन्दिर बिच, जित्ते सारे यहूदी इकठ्ठा हून्दे सिक्सा दित्ती है। मैं किच्छ बी लुकाई करी नी बोलेया। ²⁰ फिरी तू मेरे का किजो पुच्छेया करदा है? मैं कै बोलेया है उन्हा का पुच्छ जिन्हा मिंजो सुणेया। मैं कै बोलेया, तिन्हा जो पता है।” ²¹ जाँ यीशु जी ने एह् बोल्लेया ता मन्दिर रे इक पैहरेदार ने जे तित्ते ई खड़ा थिय्या, यीशु जी जो इक चांड मारी अत्ते बोलेया, तू बड्डे परोह्त कने इय्यां गल्ल करणे री हिम्मत किय्यां कित्ती?” ²² यीशु जी ने तिस जो जवाब दित्तेया, “जे मैं कोई बुरी गल्ल कित्ती ता तिस जो साबित कर अत्ते दस्स कि उस बिच बुरा कै थिय्या, अत्ते जे मैं ठीक है बोलदा ता तू मिंजो मारदा किजो है?” ²³ फिरी हन्ना ने तिन्हा जो बह्नितेरा ई बड्डे परोह्त कैफा का भेज्जी दित्तेया। ²⁴ जां शमौन पतरस खड़ी करी अग्ग तप्पेया करदा थिया ताँ तिस का पुच्छेया, “कुदखी तू बी इसेरे चेल्लेयाँ बिच का ता नी है?" तिनिए इस गल्ल का मन्हा कित्तेया। तिन्ने बोलेया “ना मैं नी है।"

पतरस रा दुबारा मुकरी जाणा

²⁵ बड्डे परोह्त रे इक सेवक ने जे उस मह्णु रा रिश्तेदार थिय्या जिसेरा पतरस ने कान उड़ाया थिय्या, पुच्छेया, “दस्स कै मैं तिज्जो उस कने बगीचे बिच नी दिख्खेया थिय्या?” ²⁶ पतरस फिरी मुकरी गेया, अत्ते तिस्सी बेल्ले मुरगे ने बांग देई दित्ती। ²⁷ फिरी से यीशु जी जो कैफा रे घरे का रोमी राज्यपाल रे मैहल लेई गे। भ्याग रा बेल्ला थिया। यहूदी मह्णु राज्यपाल रे मैहल बिच अप्पू नी जाणा चाह्न्दे थिय्ये कि कुदखी से भिट्ठे नी होई जाओ। अत्ते फसह री धाम नी खाई सको।

पिलातुस रे सामणे यीशु जी

²⁸ ताँ पिलातुस उन्हा का बाहर आया अत्ते बोलेया, “तुसी इस मह्णु पर कै इल्जाम लगाया करदे हिन?” ²⁹ जवाब बिच तिन्हा ने उस जो बोलेया, “जे एह् बेकसुर हून्दा ता असी इस जो तुम्हारे हवाले किजो करणा थिय्या।” ³⁰ पिलातुस ने तिन्हा जो बोल्लेया, “तुसी इस जो लेई जाओ अत्ते अपणे नियम रे विधान रे साह्ब कने इसेरा न्याय करो।” यहूदियाँ ने उस जो बोल्लेया, "असां जो कुसकी जो मौत री सजा दैणे रा हक नी है।” ³¹ एह् इधेरे ताँई होया कि यीशु जी री गल्ल पूरी होई जाओ जे तिन्हा ने अपणे मरणे रे बारे बोल्ली थी कि तिन्हेरी मौत किय्याँ होणी। ³² ताँ पिलातुस राज्यपाल रे महल बिच वापिस चली गेया। अत्ते यीशु जी जो सदवाई करी तिन्हा का पुच्छेया, “कै तू यहूदियाँ रा राजा है?” ³³ यीशु जी ने जवाब दित्तेया, “कै तू एह् गल्ल अपणे पास्से का बोल्लेया करदा है या मेरे बारे अन्दर होरनियाँ ने तिज्जो दस्सी हिन?” ³⁴ पिलातुस ने जवाब दित्तेया, “कै तू सोचदा कि मैं यहूदी है? तेरे मह्णुआं ने अत्ते बड्डे परोह्तां ने तिज्जो मेरे हवाले कित्तेया है। तैं कै है कित्ते रा?” ³⁵ यीशु जी ने जवाब दित्तेया, “मेरा राज्य इत्ते रा नी है; जे मेरा राज्य इत्ते रा हून्दा ता मेरी प्रजा मिंजो यहूदियां रे हवाले दैणे का बचाणे तांई लड़ाई करदी। अपण असलियत बिच मेरा राज्य इत्ते रा नी है।” ³⁶ पिलातुस ने तिन्हा जो बोल्लेया, “ता तू राज्जा है?” यीशु जी ने जवाब दित्तेया, “तू बोल्दा कि मैं राज्जा है। मैं इधेरे ताँईं पैदा होया अत्ते इस जरूरत कने दुनिया अन्दर आया कि सच्चाई री गवाई देयाँ। हर इक से मह्णु जे सच्चाई रे पास्से है, से मेरी गल्लां सुणदा।” ³⁷ पिलातुस ने यीशु जी जो बोल्लेया, “सच्च कै है?” एह् बोल्ली करी से फिरी यहूदियाँ का गेया अत्ते उन्हा जो बोलेया, “मिन्जो ता इस मह्णु अन्दर कोई गल्ती नी मिल्ली। ³⁸ अत्ते तुम्हारा एह् रुआज है कि फसह रे त्यहार रे मौके बिच मैं तुम्हारे ताँईं कुसकी इक जो छड्ड़ी देयाँ।

मौत री सजा रा हुकम

ता कै तुसी चाह्न्दे कि मैं इस “यहूदिया रे राज्जे” जो तुम्हारे तांई छड्ड़ी देयाँ?” ³⁹ अपण से चिन्ड़ाँ मारी करी बोल्णा लगे, "इस जो नी, बल्कि असां ताँईं बरअब्बा जो छड़ी देयो।” (बरअब्बा इक डाक्कू थिया) ⁴⁰ तां पिलातुस ने यीशु जी जो पकड़वाई करी कोड़े लुआये।

¹ सिपाईयाँ ने कंडेया री डाळी जो मोड़ी करी इक मुकुट बणाया अत्ते तिन्हेरे सिर पर रख्खी दित्तेया, अते तिन्हा जो बैगणी रान्ग रे कपड़े पुआये, ² अते तिन्हा का आईकरी बोलणा लगे, “यहूदिया रे राज्जे री लम्बी हो उमर हो" अते तिन्हा जो चन्डा मारणा लग्गे। ³ पिलातुस इक बरी फिरी बाहर आया अत्ते मह्णूआँ जो बोलया, “दिख्खो, मैं तिस जो तुम्हारे का फिरी बाहर लेई आन्दा ताकि तुसी जाणी सकन कि मैं तिस बिच कोई गलती नी दिखदा।” ⁴ ताँ यीशु जी बाहर आये। अत्ते तिन्हा ने कंडेया रा मुकुट अते बैगणी रंग रा चोगा पाये रे थिया। अते पिलातुस ने तिन्हा जो बोलेया, "एह् रेह्या से मह्णू।" ⁵ जाँ तिन्हा ने दिख्खेया ता बड्डे परोह्तां अत्ते मन्दिर रे पैहरेदारां ने जोरे सणे बोलेया, "इस जो सूली पर चढ़ाओ! इस जो सूली पर चढ़ाई देयो!" पिलातुस ने तिन्हा जो बोलया, “तुसी ई इस जो लेई जाओ अत्ते सूली पर चढ़ाई देयो, किजोकि मिंजो इस बिच कोई गलती नजर नी आया करदी है।" ⁶ यहूदियाँ ने तिस जो जवाब दित्तेया, “म्हारे नियम हिन जे बोलदे हिन, इस जो मरणा पैणा किजोकि इस ने अपू जो परमेश्वर रा पुत्र दस्सेया है।" ⁷ अवे जाँ पिलातुस ने एह् गल्लाँ सुणी ताँ से बड़ा डरी गेया। ⁸ अते फिरी राज्यपाल रे मैहल रे अन्दर जाई करी यीशु जी जो बोलेया, "तू कुते का आया?" अपण यीशु जी ने तिस जो कोई जवाब नी दित्तेया। ⁹ फिरी पिलातुस ने तिस जो बोलया, “मेरे कने किजो नी है बोलदा? कै तू मेरे कने गल्ल नी करणा चाह्न्दा? कै तू नी जाणदा अत्ते तिज्जो सूली पर चढ़ाणे रा हक्क बी मिंजो है।” ¹⁰ यीशु जी ने जवाब दित्तेया, "जे तिज्जो परम पिता का एह् हक्क नी मिलदा, ता तेरा मेरे पर कोई हक नी हुन्दा; इधेरे ताँई जिस ने मिन्जो तेरे हवाले कित्तेया है, से तेरे का बी बड्डा पापी है।" ¹¹ एह् सुणी करी पिलातुस यीशु जी जो छड्डणे री कोसिस करणा लग्गेया, अपण यहूदी लैरा मारी-मारी करी बोलणा लग्गे, “जे तुसी इस जो छड्डी दिन्गे, ता तुसी कैसर रे दोस्त नी हिन, कोई बी जे अपू जो राज्जा बोलणे रा दावा करदा, से कैसर रे खिलाफ है।" ¹² एह् गल्लाँ सुणी करी पिलातुस यीशु जी जो बाहर उस जगह लेई गेया जिस जो कि “पत्थर रा चबूतरा” बोलेया जांदा थिय्या। अते इब्रानी भाषा बिच ’गब्बता।’ अते तित्ते न्याय करणे वाळे आसन पर बेह्ई गेया। ¹³ एह् फसह री त्यारी रा हफ्ता थिय्या। अत्ते लगभग कोई दिन्ने रे बाहरा होणे बजे रेह्। पिलातुस ने यहूदियां जो बोलेया, “एह् रेह्या तुम्हारा राज्जा।” ¹⁴ अपण से फिरी लैरा मारणा लग्गे, “इस जो लेई जाओ! इस जो लेई जाओ! इस जो सूली पर चढ़ा़ओ!” पिलातुस ने तिन्हा जो बोलया, “कै तुसी चाह्न्दे कि मैं तुम्हारे राज्जे जो सूली पर चढ़ाऊँ?” बड्डे परोह्तां ने जवाब दित्तेया, “कैसर जो छड्डी म्हारा होर कोई राजा नी है।” ¹⁵ फिरी पिलातुस ने यीशु जी जो सूली चढ़ाणे तांई उन्हेरे हवाले करी दित्ता। ¹⁶ इधेरे तांई से यीशु जी जो लेई गे, अते यीशु जी अपणी सूली चुक्की करी तिस जगह गे जिस जो कि “खोपड़ी री जगह” बोलेया जांदा थिय्या अत्ते इब्रानी भाषा बिच ‘गुलगुता।’

क्रूस पर चढा़या जाणा

¹⁷ तित्ते तिन्हा ने यीशु जी जो दो होर जणेयां कने सूली पर चढ़ाया, इक जो सीद्धे हत्थ पास्से, अत्ते दूये जो पूठ्ठे हत्थ पास्से ते मझाटे यीशु जी जो। ¹⁸ पिलातुस ने गलती नामा लिखी करी सूली पर लगाई दित्तेया, अते तिस बिच एह् लिखे रा थिय्या, “यीशु नासरी, यहूदियाँ रा राजा।” ¹⁹ एह् गलती नामा बड़े जणे यहूदियाँ ने पढ़ेया, किजोकि से जगह जित्ते यीशु जी जो सूली पर चढ़ाया गेया थिय्या सैहर कने ई थी; अत्ते चिठ्ठी इब्रानी, लतीनी, ते युनानी भाषा बिच लिखी गेई थी। ²⁰ ताँ यहूदियाँ रे परोह्ताँ रे प्रधाना ने पिलातुस जो बोलेया, “ ‘यहूदिया का राजा’ मत लिख्खो अपण एह् कि तिसने बोलेया, ‘मैं यहूदिया रा राजा है, ’ ” ²¹ पिलातुस ने जवाब दित्तेया, “मैं जे लिख्खी दित्तेया, से लिख्खी दित्तेया।” ²² जाँ सिपाई यीशु जी जो सूली पर चढ़ाई बैठ्ठे ता तिन्हा यीशु जी रे कपड़े चार हिस्से बिच बंडी ले, हर सिपाई रे ताँई इक हिस्सा। ते कुरता बी लेई लेया। किजोकि से कुरता बगैर सिलाई रे ऊपर का थल्ले ताँई बुणे रा थिय्या। ²³ इधेरे ताँई तिन्हा ने अप्पु-मिते बोलेया, “इस जो फाड़ो मत बल्कि कुन्ने लैणा, इस तांई पर्ची पांदे।” ताकि शास्त्र रा एह् वचन पूरा हो, तिन्हा ने मेरे कपड़े अपू-मिते बंडी लेह् अत्ते मेरे कपड़े तांई पर्ची पाई।" इधेरे तांई सिपाईयां इय्यां कित्तेया। ²⁴ यीशु जी री सूली कने तिन्हेरी माँ, अते तिन्हरी माँ री भैण, क्लोपास री लाड़ी मरियम, अत्ते मरियम मग्दलिनी खड़ितेरी थी। ²⁵ जाँ यीशु जी ने अपणी माँ ते तिस चेल्ले जो जिस कने से दा-पीड़ रखदे थिय्ये नेड़े खड़ितेरा दिखेया ता अपणी माँ जो बोलया, "ओ जनानी, दिख, एह् तेरा पुत्र है।" ²⁶ फिरी यीशु जी ने चेल्ले जो बोलेया, “एह् रेह्ई तेरी माँ।” अते तिस्सी बेल्ले से चेल्ला तिस जो अपणे घरे लेई गेया। ²⁷ इसेरे बाद यीशु जी ने एह् जाणी के कि अवे सब कुच्छ पूरा होई गेया। फिरी इधेरे ताँई कि पवित्र शास्त्र री सच्चाई पूरी सह्ई हो यीशु जौ ने बोलेया, “मिंजो प्यास है लग्गे री।"

यीशु जी रा मरणा

²⁸ तित्ते सिरके कने भरितेरा इक भांडा रख्खे रा थिय्या, अत्ते तिन्हा इक संपज जो सिरके बिच पुरा डूबाई करी जूफे री डाळी पर रख्खी करी तिन्हेरे मूँह् कने लगाया। ²⁹ जाँ यीशु जी ने से सिरका लेया, ता बोलेया, “पूरा होया।” तां तिन्हा ने अपणा सिर झुकाई करी अपणे प्राण छड्डी दित्ते। ³⁰ से फसह री त्यारी रा रोज थिय्या। सब्त रे रोज लास सूली पर लटकी ना रेह्(किजोकि से सब्त रा रोज बड़ा खास दिन थिय्या), इधेरे तांई यहूदियाँ ने पिलातुस जो बोलेया कि से हुकम देंन कि इन्हेरी लत्ता भन्नी दित्ती जान अत्ते तिन्हेरी लास तित्ते का हटाई दित्ती जान।

भाळा मारेया जाणा

³¹ अते सिपाईयाँ ने आई करी पैल्ले, पैल्ले वाळे री अत्ते फिरी दूज्जे वाळे री जे यीशु जी कने सूली पर चढ़ाये थिय्ये, लत्ता भन्नी। ³² अपण जाँ यीशु जी का आई करी दिखेया कि से मरी गेरे हिन, ताँ तिन्हेरी लता नी भन्नी। ³³ अपण तिन्हा बिच का इक सिपाई ने यीशु जी री बख्खी पर बरछा मारी दित्तेया अते तिस्सी बेल्ले तिस बिच का बिच का खून अत्ते पाणी निकळेया। ³⁴ जिन्ने एह् दिख्खेया थिय्या, तिन्ने गवाई दित्ती, अते तिसेरी गवाई सच्ची है; अते से जाणदा है कि से सच्च बोलेया करदा है ताकि तुसी बी विस्वास करो। ³⁵ एह् गल्लाँ इधेरे ताँई होई कि पवित्रशास्त्र रा वचन पूरा हो, “तिसेरी कोई हड्डी तोड़ी नी जाणी।” ³⁶ फिर पवित्र सास्त्र री इक होर हिस्से बिच लिख्खेरा है, “ जिस जो तिन्हा ने बरछे कने बेधेया, तिन्हा तिस जो ताकणा।” ³⁷ इन्हा गल्लाँ रे बाद अरिमतियाह रे यूसुफ ने जे यीशु जी रा चेल्ला थिय्या, अपण यहूदिया रे डर मारे इस गल्ल जो छुपाई रखदा थिय्या, तिस ने पिलातुस का यीशु जी री लास लेई जाणे तांई छंदे कित्ते अत्ते पिलातुस ने तिसेरी अर्जी सुणी, अते से आईकरी तिन्हेरी लास लेई गेया।

यीशु जी रा दब्बेया जाणा

³⁸ अत्ते नीकुदेमुस बी, जे पैल्ले यीशु जी का राती आया थिय्या, लगभग पंजाह् किलो छैळ मुस्क वाळा तेल अते एलवा रा घोळ लियाया। ³⁹ ताँ तिन्हा ने यीशु जी री लास जो लेया अत्ते यहूदिया रे दब्बणे रे रिवाज रे हिसाब कने तिस छैळ मुस्क वाळी चीज कने(टलू बिच)कपड़े बिच लपेटेया। ⁴⁰ उस जगह पर जित्ते यीशु जी जो सूली पर चढ़ाया गेया थिय्या तित्ते इक बगीचा थिय्या, अत्ते तिस बगीच्चे बिच इक नौई कब्र थी जिस बिच हल्ले तांई कुसकी जो बी नी रख्खे रा थिय्या। ⁴¹ किजोकि से सब्त री त्यारी रा दिन शुक्रवार थिय्या अत्ते से कब्र बड़े नेड़े थी, इधेरे ताँई तिन्हा ने यीशु जी जो उस्सी बिच ई रख्खी दित्तेया। ⁴² हफ्ते रे पैह्ले रोज्जे मरियम मग्दलिनी भ्यागा तड़के न्यहारे बिच ई कब्र जो आई, अते दिख्खेया कि कब्र का पत्थर घिरे रा ए।

खालि कबर

¹ फिरी से दौड़ी करी शमौन पतरस अत्ते तिस दुज्जे चेल्ले का जे यीशु जी जो प्यारा थिय्या, पुज्जी। अत्ते बोलणा लग्गी, “से प्रभु जी जो कब्र का निकाळी करी लेई गे। अत्ते असा जो नी है पता कि तिन्हा ने उन्हा जो कुते रख्खे रा है।” ² ताँ पतरस अते दुज्जा चेल्ला निकळी करी कब्र पास्से चली गे। ³ से दोनों कने-कने दौड़या करदे थिय्ये, अपण दुज्जा चेल्ला पतरस का अग्गे निकळी करी कब्र पर पैल्ले पुज्जेया। ⁴ तिन्ने निह्ठ्ठा होईकरी (टलू रे) कपड़े पेरे दिख्खे। अपण से अन्दर नी गेया। ⁵ ताँ शमौन पतरस बी, तिसेरे पीच्छे-पीच्छे आई पुज्जेया, अते कब्र रे अन्दर चली गेया अते तिस ने(टलू रे)कपड़े पेरे दिख्खे; ⁶ अते से कपड़ा जे दब्बद्दे बेल्ले तिन्हेरे सिर कने बनिह्तेरा थिय्या, (टलू)कपड़ेयाँ कने नी, बल्कि इक जगाह् पर तैह् लगाई करी रख्खे रा थिय्या, ⁷ ताँ दुज्जा चेल्ला बी जेह्ड़ा कि कब्र पर पैल्ले पुज्जेया थिय्या, अन्दर गेया अते तिन्ने दिख्खेया ते विस्वास कित्तेया। ⁸ से ता हल्ले तक बी पवित्रशास्र् री इस गल्ल जो नी समझे थिय्ये कि उसेरा मरे रेयां बिच का जिंदा होणा पक्का है। ⁹ अते से चेल्ले फिरी अपणे घरे हटी गे। ¹⁰ अपण मरियम कब्र रे बाहर खड़ी होई करी रुन्दी रेह्ई, अते रुन्दे-रुन्दे से कब्र अन्दर दिख्खणे तांई झुकी,

मरियम मगदलीनी जो दिसणा

¹¹ अत्ते जित्ते यीशु जी री लास जो रख्खे रा थिय्या तित्ते तिस ने दो स्वर्गदूताँ जो चिट्टे कपड़े पाये रे इक जो सिराणे अते दुज्जे जो पैरा का बैठ्ठे रे दिख्खेया। ¹² अत्ते तिन्हा ने मरियम जो बोल्लेया, “ओ कुड़िये, तू किजो रुन्दी है?” तिन्ने तिन्हा जो बोल्लेया, “से मेरे प्रभु जो चुक्की लेई गे हिन अते मिंजो नी है पता कि तिन्हा ने उन्हा जो कुते रख्खे रा है।” ¹³ एह बोलणे रे देर ई थी कि से पिच्छे मुड़ी अते तिन्ने यीशु जी जो खड़ितेरा रा दिख्खेया, अपण नी पछियाणेया कि से यीशु जी हिन। ¹⁴ यीशु जी ने तिस जो बोल्लेया, “ओ कुड़िये, तू किजो रुन्दी है? तू कुस जो तोपदी है?” मरियम ने यीशु जी जो माली समझी करी तिन्हा जो बोल्लेया, “ओ महाराज, जे तुसा तिन्हा जो लेई गेरे हिन ता मिन्जो दस्सी देयो कि तिन्हा जो कुते रख्खेया रा है? मैं तिन्हा जो लेई जांगी।” ¹⁵ यीशु जी ने तिस जो बोल्लेया, “मरियम!” तिस ने पीच्छे मुड़ी करी तिन्हा जो इब्रानी भाषा बिच बोल्लेया, रब्बूनी!” मतलब ‘ओ गरु जी’। ¹⁶ यीशु जी ने तिस जो बोल्लेया, “ मिन्जो मत छू, किजोकि मैं हल्ले ताँई पिता का ऊपर नी गेया, अपण मेरे भ्याळा का जाईकरी तिन्हा जो बोल्ली दे, “मैं अपणे परम पिता अते तुम्हारे परम पिता, अते अपणे परमेश्वर अते तुम्हारे परमेश्वर का ऊपर चली पेया।” ¹⁷ मरियम मग्दलिनी ने जाईकरी चेल्लेयाँ जो दस्सेया कि, “मैं प्रभु जी जो दिख्खेया, अते तिन्हा ने मिंजो एह गल्लाँ दस्सी हिन।” ¹⁸ उसी रोज संझा बेल्ले, जे हफ्ते रा पैल्ला रोज थिय्या, उन्हेरे चेल्लेयां ने यहूदियां रे डर रे मारे दरवाज्जे बंद कित्ते रे थिय्ये, उस्सी बेल्ले यीशु जी आई करी तिन्हेरे मंझाटे खड़े होई गे अत्ते तिन्हा जो बोल्लेया, “तुसाँ जो शान्ति मिल्लो।”

चेल्लेयाँ जो दिसणा

¹⁹ अते एह बोल्ली करी तिन्हा ने अपणे हत्थ अते अपणी बख्खी तिन्हा जो दस्सी। चेल्लेयां ने जां यीशु जी जो दिख्केया ता बड़े खुस होये। ²⁰ तां यीशु जी ने तिन्हा जो फिरी बोल्लेया, “तुसाँ जो शान्ति मिल्लो। जिय्याँ परम पिता ने मिन्जो भेज्जेया है, तिय्याँ ई मे बी तुसाँ जो भेजदा।” ²¹ एह बोल्ली करी तिन्हा ने तिन्हा पर फूक मारी अते तिन्हा जो बोल्लेया, “पवित्र आत्मा लो। ²² जिस कुसकी रे पाप तुसी माफ करदे, उन्हा जो माफी मिलदी अत्ते जिन्हेरे पाप तुसी माफ नी करदे, से बगेर माफी मिल्ले रे रेह्न्दे हिन।” ²³ थोमा जे बारहा बिच का इक थिय्या अत्ते दिदमुस मतलब तिस जो जुंडवा बोलदे थिय्ये, जां यीशु जी आये थिय्ये तां से उन्हेरे कने नी थिय्या।

थोमा जो दिसणा

²⁴ दूज्जे चेल्ले तिस कने बोलणा लगे, ”असाँ ने यीशु जी जो दिख्खेया।” अपण तिस ने बोलेया, “जां तांई मैं उसेरे हत्थां बिच मेख्खा रे निसान नी दिख्खी लिंदा अत्ते उन्हा बिच अपणी उंगळी नी पाई लिन्दा अत्ते उसेरी बख्खी बिच अपणा हत्थ नी पाई लिंदा, तां तांई मिंजो विस्वास नी होणा।” ²⁵ आठ्ठ रोज्जां बाद तिन्हेरे चेल्ले फिरी घरे रे अन्दर थिय्ये, अते थोमा तिन्हेरे कने थिय्या; ते दुआर बन्द थिय्ये, ताँ यीशु जी आई करी तिन्हेरे मझाटे खड़े होई गे अत्ते बोलेया,, तुसाँ जो शान्ति मिल्लो।” ²⁶ फिरी यीशु जी ने थोमा जो बोलेया, “अपणी उंगळी पाई करी मेरे हत्थ दिख्ख, अपणा हत्थ चौड़ा कर अत्ते मेरी बख्ख बिच पा। शक करणा छड्ड अत्ते विस्वास कर।” ²⁷ एह सुणी करी थोमा ने जवाब दित्येया, “ओ मेरे प्रभु, ओ मेरे परमेश्वर।” ²⁸ यीशु जी ने तिस जो बोलया, “तू मिन्जो दिख्खी करी, मेरे पर विस्वास कित्तेया। अपण धन्न हिन से जे बिना दिख्खे रे मेरे पर विस्वास रखदे हिन।” ²⁹ यीशु जी ने होर बी बड़े सारी हरान करणे वाळी निशानियाँ अपणे चेल्लेयाँ जो दस्सी, जे इस किताब बिच नी लिख्खी हिन;

इस कताब रे लिख्खे जाणे र मकसद

³⁰ अत्ते जे गल्लां लिख्खी हिन, से इधेरे ताँई हिन कि तुसी विस्वास करो कि यीशु जी ई परमेश्वर रे पुत्र, मसीह हिन। अत्ते इधेरे तांई कि विस्वास करदे तुम्हारे जो उसेरे नां बिच जिंदगी मिल्लो। ³¹ इन्हा गल्लाँ रे बाद यीशु जी ने खुद जो तिबिरियस झीले रे कनारे चेल्लेयाँ रे सामणे लियाया।

तिबिरियास झील रे कनारे चेल्लेयां जो दिसणा

¹ अते इस तरिके कने सामणे आये: शमोन पतरस अते थोमा जिस जो कि दिदमुस बी बोलेया जान्दा, अते गलील रे काना सैहर का नतनएल, जबदी रे पुत्र, अते यीशु जी रे चेल्लेयाँ बिच का दो जणे होर इकठ्ठे थिय्ये। ² शमौन पतरस ने तिन्हा जो बोलेया, “मैं मच्छी पकड़ने चलया।” तिन्हा ने तिस जो बोलेया, “असी बी तेरे कने चलदे।” अत्ते से निकळी करी किश्ती पर चढ़ी गे, अपण तिस राती किच्छ बी नी पकड़या। ³ भ्याग हुन्दे ई यीशु जी कनारे पर आये; अपण चेल्लेयाँ ने नी पछियाणेया कि से यीशु जी हिन। ⁴ ताँ फिरी यीशु जी ने तिन्हा जो बोलेया, “ओ बच्चो, कै तुम्हारे का किच्छ मच्छियाँ हिन?” तिन्हा ने जवाब दित्तेया, “ना।” ⁵ यीशु जी ने उन्हा जो बोलेया, किश्ती रे सज्जे पास्से जाल पाओ ता किच्छ मिलणा।” इधेरे तांई तिन्हा ने जाल पाया अपण मच्छियाँ जादा होणे री वजह कने तिन्हा का जाल खीच्ची नी होया। ⁶ ता तिस चेल्ले ने जिस कने यीशु जी प्यार करदे थिय्ये, पतरस जो बोलेया, “एह ता प्रभु हिन!” शमोन पतरस ने एह सुणी करी कि से प्रभु हिन बाहरला कपड़ा पाई लित्तेया (किजोकि से नंगा थिय्या) अत्ते झीला पर कुदी पेया। ⁷ अपण दुज्जे चेल्ले किश्ती पर मच्छियाँ कने भरितेरा जाल खीचदे कनारे आये, किजोकि से कनारे का जादा नी, अपण कोई दो सौ हत्थ दूर थिय्ये। ⁸ जाँ से कनारे आये ताँ तिन्हा ने तित्ते बख्खे रेह् कौळे अत्ते तिन्हा पर मच्छी ते रोटी रख्खे री दिख्खी। ⁹ यीशु जी ने तिन्हा जो बोलेया, "जे मच्छियाँ तुसी अबे पकड़ी हिन तिन्हा बिच का किच्छ लियाओ।” ¹⁰ शमौन पतरस गेया अत्ते किश्ती पर चढ़ी करी इक सौ त्रियुन्जा बड्डी मच्छियाँ कने भरितेरा जाल कनारे पर खीच्ची लियाया, अते इतनी मच्छियाँ होणे पर बी जाल नी फट्टेया। ¹¹ यीशु जी ने तिन्हा जो बोलेया, “आओ, रोटी खाओ।” चेल्लेयाँ बिच का कुसकी री बी हिम्मत नी होई कि , “तू कुण ए?” किजोकि से जाणदे थिय्ये कि एह प्रभु ई हिन। ¹² यीशु जी आये अत्ते रोटी लेईकरी तिन्हा जो दित्ती ते तिय्याँ ई मच्छी बी। ¹³ एह तिज्जी बारी ए कि यीशु जी मरे रे बिच का जिन्दा होणे का बाद चेल्लेयाँ जो लिब्बे। ¹⁴ रोटी खाणे का बाद यीशु जी ने शमौन पतरस जो बोलेया, “ ओ शमौन, यहून्ना रे पुत्र, कै तू इन का जादा मेरे कने प्यार करदा?” तिन्ने तिन्हा जो बोलेया, “हन्जी प्रभु जी; तुसी ता जाणदे हिन कि मैं तुसा कने प्यार करदा।” तिन्हा ने तिस जो बोलेया, मेरे छेलूआँ जो चरा।”

यीशु जी ते पतरस

¹⁵ तिन्हा ने फिरी दुज्जी बरी तिस जो बोलेया, “ओ शमौन, यहून्ना रे पुत्र, कै तू मेरे कने प्यार करदा?” तिन्ने तिन्हा जो बोलेया, “हन्जी प्रभु जी; तुसी ता जाणदे हिन कि मैं तुसा कने बड़ा प्यार करदा।” तिन्हा ने तिस जो बोलेया, मेरी भेड़ा री रखवाली कर।” ¹⁶ तिन्हा ने तिज्जी बरी तिस जो बोलेया, “ओ शमोन, यहून्ना रे पुत्र, कै तू मेरे कने प्यार रखदा?” पतरस उदास होई गेया कि तिन्हा ने तिस का तिज्जी बरी ईय्याँ बोलेया कि, “ कै तू मेरे कने प्यार रखदा?” अते तिस ने बोलेया, “ओ प्रभु जी, तुसी ता सब किच्छ जाणदे; तुसी जाणदे हिन कि मैं तुसाँ कने प्यार रखदा।” यीशु जी ने तिस जो बोलेया, “मेरी भेड़ा जो चरा। ¹⁷ मैं तेरे कने सच्च सच्च बोलदा, जाँ तू जुआन थिय्या ताँ अपणी कमर बन्नी करी जित्ते चान्दा थिय्या तित्ते चली जांदा थिय्या; अपण जाँ तू बूड्डा होणा ताँ तू अपणे हत्थ फैलाणे, अते दुज्जे ने तेरी कमर बन्नी करी जित्ते तू नी चान्दा तित्ते तिज्जो लेई जाणा।” ¹⁸ तिन्हा ने एह् दिखाणे ताँई इय्याँ बोलेया कि पतरस ने कदेई मौत कने परमेश्वर री महिमा करणी। इत्तणा बोली करी यीशु जी ने पतरस जो बोलेया, “मेरे पिच्छे चल।” ¹⁹ पतरस मुड़ेया अते दिख्खेया कि से चेल्ला जिस कने यीशु जी प्यार रखदे थिय्ये, उन्हेरे पिच्छे आया करदा ए। एह् सेह्ई थिय्या जिन्ने रोटी खांदे बेल्ले तिन्हेरी छाती पास्से झुकी करी पुच्छेया थिय्या, “ओ प्रभु, तुम्हारे जो धोखा देई करी पकड़वाणे वाळा कुण ए?”

यीशु जी तिन्हेरे प्यारा चेल्ला

²⁰ तिस जो दिख्खी करी पतरस ने यीशु जी जो बोलेया, “ओ प्रभु जी, इसेरा कै हुणा?” ²¹ यीशु जी ने तिस जो बोलेया, “जे मैं चाँह् कि से मेरे आणे तक, एह् इत्ते ई रेह्, ता तिज्जो कै? तू मेरे पिच्छे चल।” ²² इय्याँ एह् गल्ल भाइयाँ बिच फैली गेई कि तिस चेल्ले ने नी मरणा; अपण यीशु जी ने तिस कने एह् नी बोलेया थिय्या कि तिस ने नी मरणा। अपण ऐई बोलेया थिय्या, “जे मैं एह् चाँह् कि से मेरे आणे तक, एह् इत्ते ई रेह्, ता तिज्जो कै?” ²³ एह सेह्ई चेल्ला ए जे इन्हा गल्लाँ री गवाई दिन्दा अत्ते जिन्ने इन्हा गल्लाँ जो लिख्खेया, अते असी जाणदे कि तिसेरी गवाई सच्ची ए।

उपसहांर

²⁴ अत्ते होर बि बड़े सारे कम्म हिन, जे यीशु जी ने कित्ते। जे उन्हा जो इक इक करी के लिखदे, ता मैं समझदा कि जे कताबाँ लिखी जान्दिया ता एह् दुनियाँ छोटी पेई जाणी थी। ²⁵ हे थियुफिलूस,मैं पैल्ली कताब उन्हा सारी गल्लां रे बारे बिच लिख्खे री थी जे यीशु जी सुरूआत का लेई करी करदे ते सखांदे रेह्।