Ri wuj ri rutzꞌibꞌan kan ri apóstol Pablo chare ri Tito
1Ri Pablo nduteq ruxunaqil ruwech ri Tito
1Riyin Pablo, yin rusamajel ri Dios y ru-apóstol ri Jesucristo y yin taqon chikitoꞌik ri echaꞌon roma ri Dios chin ndikitaqij ri Jesucristo. Yin taqon chuqaꞌ chin ndiketamaj utz-utz ri qetzij1:1 2Ti. 2:25 ri ndukꞌut chikiwech achike ndikibꞌen chin ndikikꞌuaj jun loqꞌolej kꞌaslen achel ndirajoꞌ ri Dios.1:1 1Ti. 6:32Ri rukꞌuꞌx ri kꞌaslen riꞌ, ja ri ndoyobꞌex ri kꞌaslen ma ndikꞌis ta. Y ja kꞌaslen riꞌ rusujun ri Dios chi nduyaꞌ xe jampeꞌ atoq kꞌajani titzꞌukutej pe ri tiempo1:2 2Ti. 1:9; Ap. 17:8 ojer kan. Y kin nduyaꞌ wi ri rusujun, porque ri Dios ma ndireqꞌon ta. 3Y atoq xuqaqa ri tiempo ri rubꞌanun wi pe ruwech ri Dios ri Qakolonel, xuqꞌalajrisaj ri rutzij y xuyaꞌ pa nuqꞌaꞌ1:3 Hch. 9:15 chin nitzijoj, kin achel xubꞌen mandar chuwa chi nibꞌen. 4Nitzꞌibꞌaj e re wuj reꞌ chawa rat Tito, ri kin qetzij rat achel nukꞌajol roma junan qataqin1:4 2P. 1:1 ri Cristo Jesús. Ri Qatataꞌ Dios y ri Qakolonel Cristo Jesús kin ta xtikiyaꞌ ki-favor pa awiꞌ y xtikiyaꞌ chuqaꞌ uxlanen pa awánima.
Ri ndikꞌatzin nditzꞌetetej pa kikꞌaslen ri ndikajoꞌ ngeꞌok ukꞌuey bꞌey chikiwech ri hermanos
5Riyin xatinyaꞌ kan pa rochꞌulew Creta, chin ndatzꞌaqatisaj nojel ri ndikꞌatzin chi ndibꞌan rukꞌojlen. Y kereꞌ xinbꞌij chawa: Nojel tinamit apeꞌ ekꞌo ralkꞌuaꞌl ri Dios ri ndikimal kiꞌ pa rubꞌiꞌ, kaꞌachaꞌ hermanos chin ngeꞌok ukꞌuey bꞌey chikiwech.1:5 Hch. 14:236Y jun ri ndok ukꞌuey bꞌey chikiwech ri ndikimal kiꞌ pa rubꞌiꞌ ri Dios, ndikꞌatzin chi rukꞌuan jun chojmilej kꞌaslen, chin keriꞌ ma jun itzel ndilitej pa rukꞌaslen. Y ndikꞌatzin chi xaxe jun rixjayil kꞌo y chi kitaqin chuqaꞌ ri Jesucristo ri eralkꞌuaꞌl, y man ta ndibꞌix chikij ri eralkꞌuaꞌl chi kikꞌuan xa apux chi kꞌaslen o ma ngeniman ta.1:6 1Ti. 3:2-77Ri ndok ukꞌuey bꞌey kin ndikꞌatzin chi ma jun itzel ndilitej pa rukꞌaslen, porque pa ruwiꞌ rusamaj ri Dios ndiyoꞌox wi. Romariꞌ ndikꞌatzin chi ma nim kerunaꞌ chare, ma chaꞌanin ta ndipuꞌun royowal, nduqꞌet riꞌ chuwech rutijik yaꞌ,1:7 Lv. 10:9; Pr. 31:4, 5 ma chꞌeyonel ta, y ma ndibꞌa ta ránima chirij méra ri ma pa ruchojmil ta ndichꞌak. 8Ndikꞌatzin chuqaꞌ chi jabꞌel ndukꞌen apu kiwech pa rachoch ri epataneq jukꞌan chik apeꞌ, bꞌaneq ránima chubꞌanik ri utz, ndunojij utz-utz ri ndubꞌen, rukꞌuan jun chojmilej kꞌaslen, chꞌajchꞌaj rukꞌaslen, y nditiker nduqꞌet riꞌ chuwech ri mak. 9Ri ndok ukꞌuey bꞌey ndikꞌatzin chi ndukꞌut ri rutzij ri Dios achel ri qetzij kꞌutun kan chuwech, chin keriꞌ nditiker ndubꞌochiꞌij kánima ri hermanos rikꞌin utzulej teq tijonik, y nditiker chuqaꞌ ndubꞌen chake ri eyakatajneq chirij ri qetzij chi ndikiyaꞌ cuenta chare chi ma ja ta ri ngetajin rikꞌin.
Ndikꞌatzin chi ri Tito ndupabꞌaꞌ riꞌ chikiwech ri eyakatajneq chirij ri utzulej tijonik
10Porque ekꞌiy ri eyakatajneq chirij ri utzulej tijonik y ndikikꞌut tzij ri ma jun keqalen ri achoq kikꞌin ngechꞌakatin. Y ri más ngebꞌanun keriꞌ ja ri nuwinaqul israelitas ri ngebꞌiꞌin chi ri ndikajoꞌ ngekolotej, ndikꞌatzin chi ndikibꞌen circuncidar kiꞌ.1:10 Hch. 15:111Rukꞌulun chi ndibꞌan chake ri ngeyoꞌon jun tijonik keriꞌ chi kechꞌojochiꞌ, porque ngekichꞌakatij chi teꞌej-tataꞌatz y ri kalkꞌuaꞌl. Y ma xe ta riꞌ ndikibꞌen, xa kin ndikajoꞌ chi ngetoj roma ri tijonik ndikiyaꞌ, tijonik ri ma rukꞌulun ta chi ndiyoꞌox.
12Xkꞌojeꞌ jun kiwinaqul ri xubꞌij kan kereꞌ pa kiwiꞌ: Ri aj rochꞌulew Creta jumul ngereqꞌon. Xa kin itzel kinoꞌoj achel ta eꞌitzel teq chikap keriꞌ, eqꞌoroy ri xe waꞌin koma. Keriꞌ xubꞌij ri jun achi ri ndibꞌix profeta chare koma ri ruwinaqul aj rochꞌulew Creta. 13Y kin qetzij ri xubꞌij kan. Roma kꞌa riꞌ, rat Tito, kaꞌachꞌolij chin tikiyaꞌ kan nojel ri tijonik ri ma pa rubꞌeyal ta y tikitaqij ri qetzij. 14Tabꞌij chuqaꞌ chake chi ma tikiyaꞌ kixikin rikꞌin tzꞌukun y nojin teq tzij eyoꞌon qa ruqꞌa-raqen, ri ndikitzijoj ri nuwinaqul israelitas, nixta tikiyaꞌ kixikin rikꞌin mandamientos ri xa epataneq kikꞌin wineq ri ndikiyaꞌ kan rokacheq chuwech ri qetzij.1:14 Is. 29:13
15Ri wineq chꞌajchꞌaj kikꞌaslen, chꞌajchꞌaj chuqaꞌ ndikitzꞌet chare nojel. Jakꞌa ri wineq ma chꞌajchꞌaj ta kikꞌaslen y ma kitaqin ta chuqaꞌ ri Dios, nojel ma chꞌajchꞌaj ta ndikitzꞌet chare, porque nixta ri achike ndikinojij, nixta ri kánima ma chꞌajchꞌaj ta chuwech ri Dios.1:15 Lc. 11:3916Ndikibꞌij chi ketaman runoꞌoj ri Dios, pero roma ri itzel ndikibꞌanalaꞌ, kin ndiqꞌalajin chi xa maneq Dios pa kiwech. Xa ndimulu rukꞌuꞌx ri Dios rikꞌin ri itzel ngetajiyaj. Ma ngeniman ta y ma jun kikꞌaꞌtz chin ndikibꞌen ri utz.
2Jujun teq pixabꞌanik
1Pero rat Tito, kin ja achel ndirajoꞌ ri utzulej teq tijonik ruyoꞌon ri Dios ri kꞌutun kan chawech, jariꞌ ri tatzijoj. 2Ri rijilej teq achiꞌaꞌ ndikꞌatzin chi kereꞌ ndiqꞌalajin pa kikꞌaslen: Ketaman ndikijekꞌ kiꞌ rikꞌin ri ndikibꞌij y ri ndikibꞌen, ndikikꞌuaj jun kꞌaslen ri utz nditzꞌetetej koma ri wineq, ndikinojij utz-utz ri ndikibꞌen, kuqul kikꞌuꞌx rikꞌin ri utzulej teq tijonik ruyoꞌon ri Dios ri kꞌutun kan chikiwech, ngeꞌojowan y ngekochꞌon chupan ri kꞌayew ndikiqꞌasaj pa kikꞌaslen. 3Keriꞌ chuqaꞌ, ri rijilej teq ixoqiꞌ ndikꞌatzin chi kereꞌ ndiqꞌalajin pa kikꞌaslen: Ndikikꞌuaj jun loqꞌolej kꞌaslen ri ndiqaꞌ chuwech ri Dios, ma ndikitzꞌuk ta aqꞌ, ndikiqꞌet kiꞌ chuwech rutijik yaꞌ, y ngekitijoj chꞌaqa rikꞌin ri utz.2:3 1P. 3:1-64Ndikꞌatzin chuqaꞌ ngekitijoj ri ixoqiꞌ ri más kꞌa eꞌakꞌolaꞌ chi kekajoꞌ ri kachijil y ri kal, 5chi tikijekꞌaꞌ kiꞌ rikꞌin ri ndikibꞌij y ri ndikibꞌen, chi tikikꞌuaj jun chꞌajchꞌaj kꞌaslen, chi jabꞌel tikibꞌanaꞌ chare ri kopísa chikachoch,2:5 1Ti. 5:14 chi utz tikibꞌanaꞌ chake chꞌaqa, y chi tikinimaj kitzij ri kachijil.2:5 Col. 3:18 Keriꞌ tijonik tikiyaꞌ chake ri ixoqiꞌ ri más kꞌa eꞌakꞌolaꞌ chin ma tiyoqꞌotej ri rutzij ri Dios.
6Y rat Tito, kaꞌapixabꞌaj chuqaꞌ ri kꞌajolaꞌ chin tikijekꞌaꞌ kiꞌ rikꞌin ri ndikibꞌij y ri ndikibꞌen. 7Y nojel ri ndabꞌen, takꞌutuꞌ rikꞌin ri akꞌaslen ri utz ri ndikꞌatzin chi ndikibꞌen ri kitaqin ri Ajaw. Y atoq ngaꞌatijoj rikꞌin ri rutzij ri Dios, kin pa ruchojmil tayaꞌ ri tijonik, y tiqꞌalajin chuqaꞌ chi kin kꞌo reqalen ri ndabꞌij. 8Kaꞌakusaj tzij ri rukꞌulun chi ndakusaj chubꞌixik, tzij ri ma jun itzel achike ndibꞌix chikij, chin keriꞌ ri ngechꞌaꞌa chirij ri rutzij ri Dios kin xkekꞌix, roma ma jun achike itzel ndikil chin ndikibꞌij chiqij.
9Ndikꞌatzin chi ri loqꞌon teq samajelaꞌ ndikinimaj kitzij ri kajaw rikꞌin nojel ri samaj ndibꞌix chake. Kin ja ta ri ndiqaꞌ chikiwech ri kajaw ri ndikibꞌen, y ma tikikꞌululaꞌ ruwech kitzij ri kajaw. 10Ma tok kiqꞌaꞌ pa ruwiꞌ ri ma kichin ta, xa kin tiqꞌalajin pa kikꞌaslen chi rukꞌulun chi ri kajaw kuqul rukꞌuꞌx kikꞌin, chin keriꞌ ndiqꞌalajin reqalen ri tijonik ri kꞌutun chiqawech roma ri Dios ri Qakolonel.
11Porque xuqꞌalajin chikiwech konojel wineq ri favor nduyaꞌ ri Dios ri rukꞌamon pe kolotajik.2:11 Jn. 1:14, 1712Y ri favor riꞌ ndukꞌut chiqawech chi tiqayaꞌ kan rubꞌanik nojel ri itzel teq achike ri ndikibꞌanalaꞌ ri wineq maneq Dios pa kiwech y chi tiqayaꞌ kan nojel ri itzel teq rayinik ri ekꞌo chochꞌulew. Mientras rojkꞌo chochꞌulew, tiqajekꞌaꞌ qiꞌ rikꞌin ri ndiqabꞌij y ri ndiqabꞌen, tiqakꞌuaj jun chojmilej kꞌaslen y tiqabꞌanaꞌ ri ndiqaꞌ chuwech ri Dios. 13Keriꞌ tiqabꞌanaꞌ ri janipeꞌ tiempo ndiqoyobꞌej ri favor2:13 Col. 1:5, 23 ri rusujun kan ri Dios chi nduyaꞌ chaqe atoq nduqaqa chik jumbꞌey ri nimalej qa-Dios y Qakolonel Jesucristo rikꞌin nimalej ruqꞌij.2:13 Col. 3:414Rijaꞌ kin xujech riꞌ pa kamik qoma chin xojrelesaj pa ruqꞌaꞌ nojel ruwech mak ri tzꞌamayon qichin. Xuchꞌajchꞌojrisaj chuqaꞌ ri qakꞌaslen2:14 Hch. 15:9; He. 9:14; Stg. 4:8 chin keriꞌ xojok jun tinamit ri kin richin wi rijaꞌ, jun tinamit ri ndibꞌa qánima chubꞌanik ri utz.2:14 Dt. 7:6; 14:2
15Nojel re nubꞌiꞌin pe chawa, tabꞌij atoq ndayaꞌ tijonik. Ri kikꞌuan jun utzulej kꞌaslen, tabꞌij chake chi ma tikiyaꞌ kan. Y ri itzel kikꞌaslen, tabꞌij chake chi tikiyaꞌ kan ri itzel kꞌaslen riꞌ. Ma taxibꞌij awiꞌ ndabꞌen keriꞌ, porque ja ri Dios yoyon uchuqꞌaꞌ pa aqꞌaꞌ. Y ma tayaꞌ qꞌij chi ma jun aweqalen ndibꞌan chawa.2:15 1Ti. 4:12
3Ri tijonik ri ndikꞌatzin nduyaꞌ ri Tito
1Takꞌuxlaꞌaj chake ri hermanos chi tikinimaj kitzij ri ngebꞌanun gobernar y kekinimaj chuqaꞌ ri chꞌaqa chik ri kꞌo uchuqꞌaꞌ pa kiqꞌaꞌ pa ruwiꞌ ri tinamit.3:1 Ro. 13:1; 1Ti. 2:2 Takꞌuxlaꞌaj chuqaꞌ chake chi ndikꞌatzin chi jumul tikꞌojeꞌ pa kánima chi ndikibꞌen jalajaj ruwech utz chake chꞌaqa, 2chi ma itzel kechꞌaꞌa chirij jun wineq,3:2 Ex. 20:16 y ma tikibꞌen oyowal.3:2 Ef. 4:31 Utz kinoꞌoj y loqꞌ kánima tikibꞌanaꞌ chikiwech konojel.
3Porque jumbꞌey kan, roj chuqaꞌ ma jun qanoꞌoj, xetal xojtajiyaj rikꞌin. Ma xojniman ta chuwech ri Dios.3:3 Ef. 5:8 Kin roj chꞌakatin. Xojkꞌojeꞌ chuqaꞌ pa ruqꞌaꞌ ri itzel teq rayinik ri xeqabꞌanalaꞌ y xkikot qánima kikꞌin. Chubꞌanik xqabꞌen itzel teq achike chake chꞌaqa wineq. Itzel xqanaꞌ chare roma utz kibꞌanun chꞌaqa chik, itzel xqatzꞌetelaꞌ qiꞌ chiqawech y xeqabꞌanalaꞌ itzel teq achike ri achoq roma ri wineq xmulu kikꞌuꞌx qikꞌin. 4Pero atoq ri Dios ri Qakolonel xuqꞌalajrisaj ri utzulej runoꞌoj y xuqꞌalajrisaj chuqaꞌ chi ngerajoꞌ konojel wineq,3:4 Ef. 2:75xojrukal pe pa ruqꞌaꞌ ri mak. Y keriꞌ xubꞌen, pero ma roma ta kꞌo utz qabꞌanaloꞌon pe, xa kin roma xujoyowaj qawech,3:5 Gá. 2:16 y xubꞌen chꞌajchꞌaj chaqe roma xuyaꞌ jun kꞌakꞌakꞌ qalaxik,3:5 Jn. 3:3, 5 y xujel ri qakꞌaslen roma ri samaj ndubꞌen ri Espíritu Santo pa qánima. 6Ri Dios kin ma xukꞌekꞌej ta xuyaꞌ pe ri Espíritu Santo pa qawiꞌ y ja ri Qakolonel Jesucristo xukusaj chin xuyaꞌ pe.3:6 Jn. 1:167Y ri Dios xubꞌen keriꞌ chin nixta jun qamak ndiqeqalej chuwech roma ri favor ruyoꞌon chaqe,3:7 Ro. 3:24 chin keriꞌ ndok qichin ri utzulej kꞌaslen ma ndikꞌis ta ri qoyobꞌen rikꞌin nojel qánima.3:7 Tit. 1:2
8Nojel re ngitajin chutzꞌibꞌaxik chawa kin qetzij wi y utz chin nditaqix, y niwojoꞌ chi ma kataneꞌ chikitijoxik ri kitaqin chik ri Dios rikꞌin re tzij reꞌ, chin keriꞌ ndikꞌojeꞌ pa kánima chi ndikꞌatzin ndikibꞌen utz chake chꞌaqa chik. Porque nojel reꞌ kin utz y kꞌo utz ndukꞌen pe chake konojel. 9Pero ma tachuquchaꞌ awiꞌ kikꞌin wineq pa ruwiꞌ tzij ri ma jun utz ndikikꞌen pe, achel ri tzij ngetzijox pa ruwiꞌ nukꞌun teq bꞌiꞌaj kichin wineq ri xekꞌojeꞌ ojer kan. Y ma tabꞌen oyowal, nixta tatzeq apu awiꞌ chupan tzij ngekibꞌanalaꞌ ri wineq ri ma junan ta ngenojin pa ruwiꞌ ri ndubꞌij ri ley xyoꞌox chare ri Moisés.3:9 1Ti. 1:4; 2Ti. 2:23 Porque nojel tzij achel riꞌ xa ma jun kibꞌeyal y ma jun utz ndikikꞌen pe chawa.
10Y si kꞌo jun ri ndirajoꞌ ndujech kiwech ri hermanos rikꞌin jun tijonik ri ma qetzij ta, tapixabꞌaj. Tabꞌij chare chi ma tubꞌen keriꞌ. Y si abꞌiꞌin chik chare jumbꞌey y ma ndiniman ta, tabꞌij chik jumbꞌey chare. Y si keriꞌ ma ndiniman ta, ma tayaꞌ chik qꞌij chare chi ndikꞌojeꞌ chiꞌikajal rix ri ndimal iwiꞌ pa rubꞌiꞌ ri Ajaw.3:10 Mt. 18:17; 2Jn. 1011Porque ri ndibꞌanun keriꞌ, ndiqꞌalajin chi ma pa rubꞌeyal chi ta ndinojin, xa kin mak ndajin rikꞌin, y ruyon chuwech royon castigo pa ruwiꞌ.
Ri rukꞌisibꞌel teq achike nduchilabꞌej e ri Pablo
12Atoq niteq e ri hermano Artemas o ri hermano Tíquico apeꞌ ratkꞌo, chimanchiꞌ kabꞌiyin chinukꞌulik pa tinamit Nicópolis, porque nubꞌanun ruwech chi chiriꞌ niqꞌasaj ri tiempo chin tew. 13Tabꞌanaꞌ nojel ri ngatiker ndabꞌen chin ndayaꞌ e ri ndikꞌatzin chake ri Zenas ri jabꞌel retaman rubꞌeyal ri leyes y ri Apolos, chin keriꞌ kin kꞌo kikꞌin nojel ri ndikꞌatzin chin ri kibꞌey. 14Y ri hermanos tiketamaj ndikibꞌen ri utz3:14 Ef. 4:28 chin ngekitoꞌ ri ndikꞌatzin kitoꞌik, chin ndiwachin jabꞌel ri kikꞌaslen chuwech ri Dios.3:14 Fil. 1:11; Col. 1:10
Ri rukꞌisibꞌel teq tzij ndubꞌij ri Pablo chupan re wuj reꞌ
15Konojel ri hermanos ri ekꞌo wikꞌin ndikiteq e ruxunaqil awech. Tayaꞌ chuqaꞌ ruxunaqil kiwech konojel ri ngojkajoꞌ ri junan qataqin ri Jesucristo kikꞌin. Ri favor ri nduyaꞌ ri Dios kin ta xtikꞌojeꞌ pa iwánima rix iwonojel.