Ri xuqꞌalajrisaj ri Jesucristo chuwech ri apóstol Juan
1Ri Juan nduteq ruxunaqil kiwech wuquꞌ bꞌotzaj hermanos
1Chupan re wuj reꞌ tzꞌibꞌan wi ri xuqꞌalajrisaj1:1 Jn. 12:49 ri Dios chare ri Jesucristo, chin keriꞌ ri Jesucristo nduqꞌalajrisaj chikiwech ri rusamajelaꞌ nojel ri ndikꞌatzin chi ngebꞌanatej yan. Rijaꞌ xuteq pe ri ru-ángel1:1 Ap. 22:6, 16 chin xuqꞌalajrisaj nojel reꞌ chinuwech yin Juan, ri rusamajel ri Jesucristo. 2Y yin kin niyaꞌ rutzijol chi qetzij ri xuqꞌalajrisaj ri Dios, chi qetzij ri xuqꞌalajrisaj ri Jesucristo, y qetzij nojel ri xintzꞌet1:2 1Jn. 1:1-3 chuqaꞌ.
3Kin jabꞌel roruqꞌij ri ndibꞌanun leer re wuj reꞌ, y keriꞌ chuqaꞌ ri ngeꞌakꞌaxan1:3 Pr. 8:34; Lc. 11:28 y ndikibꞌen ri ndubꞌij1:3 Ap. 22:7 ri tzij eqꞌalajrisan kan chupan, porque naqaj chik kꞌo ri qꞌij chin ngebꞌanatej nojel ri tzꞌibꞌan chupan.
4Riyin Juan nitzꞌibꞌaj re wuj reꞌ chiwa rix hermanos, ri rix wuquꞌ bꞌotzaj ralkꞌuaꞌl ri Dios, ri ndimal iwiꞌ pa rubꞌiꞌ rijaꞌ pa teq itinamit chin ri rochꞌulew Asia. Ri Dios kin ta xtuyaꞌ ru-favor pa iwiꞌ y xtuyaꞌ chuqaꞌ uxlanen pa iwánima. Rijaꞌ kin xixkꞌo wi pe,1:4 Ex. 3:14; Jn. 1:1 kꞌo wokami y kin xtuqaqa wi. Keriꞌ chuqaꞌ ri wuquꞌ teq espíritu ekꞌo apu chuwech ri qa-Dios ri tzꞌuyul pa ru-trono, kin ta xtikiyaꞌ favor pa iwiꞌ y xtikiyaꞌ chuqaꞌ uxlanen pa iwánima. 5Keriꞌ chuqaꞌ ri Ajaw Jesucristo ri ma jumbꞌey rujalon ruwech ri ruqꞌalajrisan, kin ta xtuyaꞌ ru-favor pa iwiꞌ y xtuyaꞌ chuqaꞌ uxlanen pa iwánima. Ja rijaꞌ ri nabꞌey xkꞌastej pe chikikajal ri animaꞌiꞌ1:5 Ef. 1:20; Col. 1:18 y ma ndiken chi ta. Ja rijaꞌ ri nimalej Ajaw pa kiwiꞌ konojel reyes chochꞌulew. Rijaꞌ ngojrajoꞌ y xojrukal chuwech ri qamak rikꞌin ri rukikꞌel.1:5 He. 9:146Y xubꞌen chaqe chi xojok jun tinamit apeꞌ ja rijaꞌ ri Rey1:6 Ap. 5:10; 20:4, 6 y xubꞌen chuqaꞌ chi xojok sacerdotes chin ndiqabꞌen ri rusamaj ri ru-Dios y Rutataꞌ. ¡Kin ta xtiyoꞌox nimalej ruqꞌij y kin ta pa ruqꞌaꞌ rijaꞌ xtikꞌojeꞌ ri uchuqꞌaꞌ pa ruwiꞌ nojel chin jumul! Amén.
7Titzꞌetaꞌ, ri Jesucristo pataneq pa teq nube,1:7 Dn. 7:13
Y konojel wineq ngetzꞌeto richin,
Ndikitzꞌet chuqaꞌ ri xekamisan1:7 Zac. 12:10; Jn. 19:37 e richin,
Y konojel ri jalajaj teq wineq chochꞌulew
Ngeꞌoqꞌ roma rijaꞌ.
¡Kin keriꞌ wi ndibꞌanatej! Amén.
8Ri Ajaw Dios ri kin xixkꞌo wi pe, kꞌo wokami y kin xtuqaqa wi, ndubꞌij: Ja riyin ri Alfa y ri Omega, ri nabꞌey y ri rukꞌisibꞌel chin nojel.1:8 Is. 41:4; 43:10 Pa nuqꞌaꞌ riyin kꞌo nojel uchuqꞌaꞌ.
Ri Jesucristo nduqꞌalajrisaj riꞌ chuwech ri apóstol Juan
9Riyin Juan, yin i-hermano y iwachibꞌil chupan ri kꞌayew ndiqaqꞌasaj, y keriꞌ chuqaꞌ junan roj jun tinamit apeꞌ ri Dios ndubꞌen reinar pa qawiꞌ, y junan chuqaꞌ qakochꞌon qawech chupan ri ndiqaqꞌasaj roma xe jun qabꞌanun rikꞌin ri Jesús. Riyin Juan xibꞌeyoꞌox pa jun chꞌuti rochꞌulew rubꞌiniꞌan Patmos ri kꞌo pa mar, roma nitzijoj ri utzulej rutzij ri Dios y niyaꞌ rutzijol ri xuqꞌalajrisaj ri Jesús. 10Pa jun domingo, qꞌij ri ndibꞌix chin ri Ajaw chare, xikꞌojeꞌ chuxeꞌ ruchuqꞌaꞌ ri Espíritu Santo y xinwakꞌaxaj jun chꞌabꞌel chuwij ri kaw xchꞌaꞌa pe, y ri chꞌabꞌel riꞌ achel ndiqꞌajan jun trompeta. 11Y xubꞌij pe chuwa: Tatzꞌibꞌaj chuwech jun wuj ri ndatzꞌet, y tataqaꞌ e chake ri bꞌotzaj teq ralkꞌuaꞌl ri Dios ri ndikimal kiꞌ pa rubꞌiꞌ rijaꞌ pa teq kitinamit pa rochꞌulew Asia. Ri wuquꞌ tinamit riꞌ ja ri Éfeso, ri Esmirna, ri Pérgamo, ri Tiatira, ri Sardes, ri Filadelfia y ri Laodicea.
12Riyin xinyaꞌ vuelta chin nitzꞌet ri ndichꞌaꞌa pe chuwa. Y atoq nuyoꞌon chik vuelta, xintzꞌet wuquꞌ candeleros1:12 Ex. 25:37; Zac. 4:2 ebꞌanun chare qꞌanapueq. 13Y pa kinikꞌajal ri candeleros xintzꞌet Jun ri kin achel ri aj chikaj ri xuꞌalex chiqakajal.1:13 Dn. 7:13; Fil. 2:7, 8; He. 2:14; Ap. 14:14 Ri rutziaq rukusan ndeqaqa hasta chiruqul raqen y ximil rorukꞌuꞌx rikꞌin jun ximibꞌel bꞌanun chare qꞌanapueq.1:13 Dn. 10:514Ri rusmal ruwiꞌ puchupuj achel rusaqil ri lana1:14 Dn. 7:9 y ri saqbꞌach, y ri pa teq ruwech achel ruxaq qꞌaqꞌ1:14 Ap. 2:18 keriꞌ. 15Ri raqen ngetzꞌintzꞌot achel bronce jabꞌel juqun ruwech.1:15 Ez. 1:7 Y ri ruchꞌabꞌel ndiqꞌajan, achel ngeqꞌajan santienta yaꞌ1:15 Ez. 43:2 ri ngeqaqa pa kiwiꞌ abꞌej. 16Pa rikiqꞌaꞌ ruqꞌaꞌ kꞌo wuquꞌ chꞌumil, y pa ruchiꞌ ndel pe jun espada1:16 Is. 49:2 chꞌut rutzaꞌ ri kaꞌiꞌ apeꞌ kꞌo rey, y ri ruwech ndiyikꞌan achel ri qꞌij atoq tzꞌan ruchuqꞌaꞌ.
17Y atoq xintzꞌet reꞌ, achel yin kamineq xitzaq qa chiraqen.1:17 Ez. 1:28; Dn. 8:18 Pero rijaꞌ xuyaꞌ ri rikiqꞌaꞌ ruqꞌaꞌ pa nuwiꞌ y xubꞌij chuwa: Ma taxibꞌij awiꞌ. Ja riyin ri nabꞌey y ri rukꞌisibꞌel chare nojel,1:17 Is. 41:4; 44:618ja riyin chuqaꞌ ri kꞌo nukꞌaslen, y xiken chochꞌulew, pero kin kꞌo wi nukꞌaslen chin jumul, y kꞌo uchuqꞌaꞌ pa nuqꞌaꞌ pa ruwiꞌ ri kamik y pa ruwiꞌ ri lugar apeꞌ yoꞌon kánima ri animaꞌiꞌ. 19Tatzꞌibꞌaj ri eꞌatzꞌeton pe, ri ndajin wokami y ri ngebꞌanatej más apu chuwech ri ndajin wokami. 20Ri xatzꞌet yan y ma kin ta qꞌalej rubꞌeyal chawech, ja niqꞌalajrisaj chawech: Ri wuquꞌ chꞌumil xatzꞌet pa wikiqꞌaꞌ jareꞌ: Ri wuquꞌ chꞌumil, ewuquꞌ nusamajelaꞌ ri ekꞌo pa kiwiꞌ wuquꞌ bꞌotzaj ralkꞌuaꞌl ri Dios ri ndikimal kiꞌ pa rubꞌiꞌ rijaꞌ pa rochꞌulew Asia, y ri wuquꞌ candeleros ebꞌanun chare qꞌanapueq, ja ri wuquꞌ bꞌotzaj ralkꞌuaꞌl ri Dios riꞌ.
2Ri xtzꞌibꞌex chake ri eralkꞌuaꞌl ri Dios ekꞌo pa tinamit Éfeso
1Tatzꞌibꞌaj reꞌ chare ri nusamajel kꞌo pa ruwiꞌ ri bꞌotzaj ralkꞌuaꞌl ri Dios ri ndikimal kiꞌ pa tinamit Éfeso:2:1 Hch. 19:1 Riyin ri Jesucristo ri ekꞌo wuquꞌ chꞌumil pa wikiqꞌaꞌ nuqꞌaꞌ y ngibꞌiyaj pa kinikꞌajal ri wuquꞌ candeleros ebꞌanun chare qꞌanapueq, nibꞌij kereꞌ: 2Riyin wetaman ri ngaꞌabꞌanalaꞌ,2:2 Sal. 1:6 chi atijon aqꞌij ndabꞌen ri nusamaj y akochꞌon awech chupan ri kꞌayew ndaqꞌasaj, y ma akꞌamon ta apu kiwech ri wineq itzel kinoꞌoj. Keriꞌ chuqaꞌ eꞌatojtobꞌen ri ndikibꞌij chi e-apóstoles y xa kiqꞌabꞌan kiꞌ y xaꞌawil chi xa ereqꞌóta.2:2 1Jn. 4:13Ma amalin ta kan nuwech, kin akochꞌon ri bꞌanun pe chawa roma yin ataqin y ma poyineq ta akꞌuꞌx.2:3 Gá. 6:9; He. 12:34Pero kꞌo jun achike pa akꞌaslen ri ma ndiqaꞌ ta chinuwech, chi xa ma ngatojowan chi ta achel xatojowan pa nabꞌey.2:4 Jer. 2:25Romariꞌ takꞌuxlaꞌaj ri kꞌaslen akꞌuan pa nabꞌey, tajalaꞌ anoꞌoj y titzolij pe awánima wikꞌin, y tabꞌanaꞌ achel xabꞌen pa nabꞌey. Si ma ke ta riꞌ xtabꞌen, ngibꞌa qa apeꞌ ratkꞌo, y niwelesaj e2:5 Mt. 24:48-51 ri a-candelero pa rukꞌojlibꞌel. 6Pero kꞌa kꞌo achike ri ndabꞌen pa akꞌaslen ri ndiqaꞌ chinuwech, chi itzel ndatzꞌet chare ri ndikibꞌanalaꞌ ri wineq ri ndibꞌix nicolaítas2:6 Ap. 2:15 chake, y ri ndikibꞌanalaꞌ rejeꞌ, itzel chuqaꞌ nitzꞌet chare riyin. 7¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios! Chare ri xtitiker ndubꞌen ri nubꞌiꞌin kan, niyaꞌ qꞌij chi ndukꞌux ruwech ri cheꞌ ri nduyaꞌ ri kꞌaslen2:7 Gn. 2:9 ma ndikꞌis ta, ri kꞌo pa qꞌusqꞌuj ru-paraíso ri Dios.
Ri xtzꞌibꞌex chake ri eralkꞌuaꞌl ri Dios ekꞌo pa tinamit Esmirna
8Tatzꞌibꞌaj reꞌ chare ri nusamajel kꞌo pa ruwiꞌ ri bꞌotzaj ralkꞌuaꞌl ri Dios ri ndikimal kiꞌ pa tinamit Esmirna: Riyin ri Jesucristo ri nabꞌey y ri rukꞌisibꞌel2:8 Ap. 1:8 chare nojel, ri xiken y xkꞌojeꞌ chik nukꞌaslen, nibꞌij kereꞌ: 9Riyin wetaman ri kꞌayew ndaqꞌasaj y chi maneq ok achajin, pero pa nuwech riyin kin rat bꞌeyon.2:9 Stg. 2:5 Wetaman chuqaꞌ chi ri ngebꞌiꞌin chi e-israelitas pero xa kiqꞌabꞌan kiꞌ, tzꞌan itzel teq tzij ndikibꞌilaꞌ chawij. Rejeꞌ xa jun bꞌotzaj wineq ri koqan rutijonik ri itzel. 10Ma taxibꞌij awiꞌ2:10 Is. 41:10, 14 rikꞌin ri ndaꞌaqꞌasaj, porque ri itzel ndubꞌen chake jujun ri ekꞌo chiꞌikajal chi ngeyoꞌox pa cheꞌ, chin ngixtojtobꞌex si qetzij yin itaqin, y lajuj qꞌij ndiqꞌasaj kꞌayew pa ikꞌaslen. Ma tajel ruwech atzij chi yin ataqin maske ndipuꞌun kamik2:10 Mt. 10:22; 24:13 chawij, y riyin niyaꞌ jun nimalej rajel-rukꞌexel chawa, y riꞌ ja ri kꞌaslen ma ndikꞌis ta.2:10 Stg. 1:1211¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios! Ri xtitiker ndubꞌen ri nubꞌiꞌin kan, nixta jun ruqꞌaꞌ ri rukan kamik chare.2:11 Ap. 20:14, 15
Ri xtzꞌibꞌex chake ri eralkꞌuaꞌl ri Dios ekꞌo pa tinamit Pérgamo
12Tatzꞌibꞌaj reꞌ chare ri nusamajel kꞌo pa ruwiꞌ ri bꞌotzaj ralkꞌuaꞌl ri Dios ri ndikimal kiꞌ pa tinamit Pérgamo: Riyin ri Jesucristo ri nukꞌuan ri espada2:12 Jos. 5:13, 14; He. 4:12; Ap. 1:16; 19:15, 21 chꞌut rutzaꞌ ri kaꞌiꞌ apeꞌ kꞌo rey, nibꞌij kereꞌ: 13Riyin wetaman chi ri tinamit apeꞌ ratkꞌo, rubꞌanun rukꞌojlibꞌel ri itzel chare, pero rat ma jumbꞌey yin ayoꞌon kan, y ma axibꞌin ta awiꞌ ndabꞌij chi yinkꞌo pa awánima, nixta chupan teq ri qꞌij atoq xkamisex ri nusamajel Antipas, ri ma jumbꞌey xujel ruwech rutzij chi yin rutaqin. Y rijaꞌ kin chiriꞌ chiꞌikajal xkamisex wi, pa itinamit apeꞌ kꞌo rukꞌojlibꞌel ri itzel. 14Pero ekꞌo achike pa akꞌaslen ri ma ndiqaꞌ ta chinuwech, roma ayoꞌon qꞌij chi ekꞌo jujun chiꞌikajal ri koqan rutijonik ri Balaam,2:14 2P. 2:15; Jud. 11 ri xukꞌut chuwech ri Balac achike rubꞌeyal xubꞌen chake ri israelitas chin xkiyaꞌ kan ri Dios. Ri Balaam xubꞌij chare chi kerutaqchiꞌij ri israelitas chin ndikikꞌux ri rikil sujun chikiwech tiox, y kerutaqchiꞌij chuqaꞌ chin ndikikꞌamalaꞌ qa kiꞌ xa achoq na ikꞌin2:14 Nm. 25:1; Hch. 15:29; 1Co. 6:13 chin ndikibꞌen mak. 15Keriꞌ chuqaꞌ, ayoꞌon qꞌij chi chiꞌikajal ekꞌo jujun ri koqan ri kitijonik ri wineq ndibꞌix nicolaítas2:15 Ap. 2:6 chake. 16Roma kꞌa riꞌ, ma tayaꞌ chik qꞌij chi ngekꞌojeꞌ chiꞌikajal y titzolij pe awánima wikꞌin. Si ma xtabꞌen ta keriꞌ, ngibꞌa yan qa paqiꞌ apeꞌ ratkꞌo, y nikusaj ri espada ndel pe pa nuchiꞌ chikij ri wineq riꞌ. 17¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios! Ri xtitiker ndubꞌen ri nubꞌiꞌin kan, niyaꞌ chare jubꞌaꞌ chin ri maná ewan kan chi ndukꞌux, y niyaꞌ chuqaꞌ chare jun chꞌuti seq abꞌej apeꞌ tzꞌibꞌan jun kꞌakꞌakꞌ bꞌiꞌaj.2:17 Is. 65:15 Xa kin xe ri achoq chare niyaꞌ ndiretamaj ri bꞌiꞌaj riꞌ, y ma jun chik.
Ri xtzꞌibꞌex chake ri eralkꞌuaꞌl ri Dios ekꞌo pa tinamit Tiatira
18Tatzꞌibꞌaj reꞌ chare ri nusamajel kꞌo pa ruwiꞌ ri bꞌotzaj ralkꞌuaꞌl ri Dios ri ndikimal kiꞌ pa tinamit Tiatira: Riyin ri Jesucristo, ri Rukꞌajol ri Dios, ri pa teq nuwech2:18 Ap. 1:14 achel ruxaq qꞌaqꞌ keriꞌ, y ri waqen ngetzꞌintzꞌot chuqaꞌ achel bronce jabꞌel juqun ruwech, nibꞌij kereꞌ: 19Wetaman ri ngaꞌabꞌanalaꞌ, wetaman chi ngatojowan, chi yin ataqin, chi eꞌatoꞌon ri ndikꞌatzin kitoꞌik y akochꞌon ri kꞌayew ndaqꞌasaj pa akꞌaslen. Wetaman chuqaꞌ chi wokami más ndabꞌen ri nusamaj ke pa nabꞌey. 20Pero kꞌo achike ndabꞌen ri ma ndiqaꞌ ta chinuwech, chi ayoꞌon qꞌij chare ri jun ixaq rubꞌiniꞌan Jezabel,2:20 1R. 16:31; 18:13 ri ndubꞌij chi kꞌo ruqꞌalajrisan ri Dios chare, y xa ma qetzij ta. Rijaꞌ ngerutijoj y ngerutaqchiꞌij ri nusamajelaꞌ chin ndikikꞌamalaꞌ qa kiꞌ xa achoq na ikꞌin chin ndikibꞌen mak, y ngerutaqchiꞌij chuqaꞌ chin ndikikꞌux ri rikil sujun chikiwech tiox. 21Y riyin nuyoꞌon tiempo chare ri ixaq riꞌ chi ndujel runoꞌoj,2:21 Ro. 2:4 y nduyaꞌ ránima wikꞌin, pero rijaꞌ ma ndirajoꞌ ta nduyaꞌ kan chi ndukꞌamalaꞌ qa riꞌ xa achoq na ikꞌin chin ndubꞌen mak. 22Romariꞌ, riyin nibꞌen chare chi ndiqaqa chochꞌat roma yabꞌil, y ri ndikibꞌen mak rikꞌin, niyaꞌ santienta kꞌayew pa kikꞌaslen si ma ndikiyaꞌ ta kan ri mak ri xerutijoj ri ixaq rikꞌin, y nditzolij pe ri kánima wikꞌin. 23Y pa kikꞌaslen ral ri ixaq riꞌ niyaꞌ jun yabꞌil chin kamik; y keriꞌ konojel bꞌotzaj ralkꞌuaꞌl ri Dios ndiketamaj chi ja riyin ri etamayon ri kꞌo pa kánima konojel y ri achike ndikinojij,2:23 1S. 16:7; 1Cr. 28:9; 29:17; Sal. 7:9 y chikijununal niyaꞌ rukꞌexel chake achel rukꞌulun chi niyaꞌ2:23 Sal. 62:12; Mt. 16:27; 2Co. 5:10 roma ri ngekibꞌanalaꞌ. 24Jakꞌa rix y ri chꞌaqa chik ri ekꞌo chuqaꞌ pa tinamit Tiatira, ri ma ibꞌanun ta ri ndukꞌut ri ixaq Jezabel, y ma iwetaman ta ri ndibꞌix nimalej teq noꞌoj chin ri Satanás chare, chiwa rix iwonojel kereꞌ nibꞌij: Ma niyaꞌ chi ta jun eqaꞌ más chiwij.2:24 Hch. 15:2825Xe niwojoꞌ chi titijaꞌ iqꞌij chi ma tikꞌis qa ri utz ndibꞌanalaꞌ, y keriꞌ jumul, hasta kꞌa kinuqaqa na chik jumbꞌey. 26Chare ri xtitiker ndubꞌen ri nubꞌiꞌin kan, y ndubꞌen ri nusamaj qꞌij-qꞌij hasta pa rukꞌisibꞌel, niyaꞌ uchuqꞌaꞌ pa ruqꞌaꞌ pa kiwiꞌ ri jalajaj kiwech wineq ekꞌo chochꞌulew, 27Kin nibꞌen chare chi achel rukꞌuan jun chꞌichꞌ pa ruqꞌaꞌ ri achoq chare ndubꞌen chi ndikinimaj rutzij, o ndukꞌis kiqꞌij achel ngepaxloꞌox bꞌambꞌel2:27 Sal. 2:8, 9 ebꞌanun rikꞌin chꞌabꞌeq. 28Niyaꞌ ri uchuqꞌaꞌ riꞌ chare achel ruyoꞌon ri Nataꞌ chuwa riyin, y niyaꞌ chuqaꞌ chare ri chꞌumil2:28 2P. 1:19; Ap. 22:16 nditzꞌetetej kumaj saqer. 29¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios!
3Ri xtzꞌibꞌex chake ri eralkꞌuaꞌl ri Dios ekꞌo pa tinamit Sardes
1Tatzꞌibꞌaj reꞌ chare ri nusamajel kꞌo pa ruwiꞌ ri bꞌotzaj ralkꞌuaꞌl ri Dios ri ndikimal kiꞌ pa tinamit Sardes: Riyin ri Jesucristo ri kꞌo ri wuquꞌ teq espíritu chin ri Dios wikꞌin y chuqaꞌ ri wuquꞌ chꞌumil, nibꞌij kereꞌ: Riyin wetaman ri ngaꞌabꞌanalaꞌ, wetaman chi ndibꞌix chawij chi yalan ri akꞌaslen, pero ma qetzij ta, rat xa rat kamineq3:1 Lc. 15:24; Ef. 2:1; Col. 2:13; 1Ti. 5:6 pa nuwech. 2¡Tikꞌastej awech!3:2 Nah. 2:1 Tabꞌanaꞌ chi ndikꞌamo pe riꞌ ri kaꞌi-oxiꞌ utz ri kꞌa kꞌo pa akꞌaslen, ma tayaꞌ qꞌij chi ngeken qa, porque nitzꞌet chi ma yalan ta utz ri ngaꞌabꞌanalaꞌ chuwech ri nu-Dios. 3Takꞌuxlaꞌaj ri tijonik yoꞌon kan chawa y awakꞌaxan pe, y tabꞌanaꞌ ri ndubꞌij. Tajalaꞌ ri anoꞌoj y titzolij pe awánima rikꞌin ri Dios. Porque si ma ndikꞌaseꞌ ta awech, kꞌateꞌ ruwech ngibꞌeqaqa apeꞌ ratkꞌo achel ndeqaqa jun eleqꞌon,3:3 Lc. 12:39; 1Ts. 5:2, 6; 2P. 3:10 y nixta ndanabꞌej atoq ngibꞌeqaqa pa awiꞌ. 4Pero kꞌa ekꞌo na jujun ralkꞌuaꞌl ri Dios pa tinamit Sardes ri ma kiseqꞌan ta ri kikꞌaslen rikꞌin ri ma utz ta. Rejeꞌ kin erukꞌulun chi ngebꞌiyaj wikꞌin kikusan puchupuj teq tzieq.3:4 Is. 52:1; Ap. 7:95Ri xtitiker ndubꞌen ri nubꞌiꞌin kan, kin niweq rikꞌin puchupuj teq tzieq, y ma jumbꞌey xtinyuj ri rubꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen3:5 Ex. 32:32; Sal. 69:28; Fil. 4:3; Ap. 21:27 ma ndikꞌis ta chake, y xtinbꞌij chuwech ri Nataꞌ y chikiwech ri ru-ángeles chi rijaꞌ wichin riyin.3:5 Mt. 10:326¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios!
Ri xtzꞌibꞌex chake ri eralkꞌuaꞌl ri Dios ekꞌo pa tinamit Filadelfia
7Tatzꞌibꞌaj reꞌ chare ri nusamajel kꞌo pa ruwiꞌ ri bꞌotzaj ralkꞌuaꞌl ri Dios ri ndikimal kiꞌ pa tinamit Filadelfia: Riyin ri Jesucristo ri yin loqꞌolej,3:7 Hch. 3:14 ri yin qetzij, ri yin ukꞌuayon ri lawiꞌil chin ri rey David,3:7 Is. 22:22; Ap. 1:18 ri ngijaqo y nixta jun nditiker nditzꞌapin y atoq nitzꞌapij, nixta jun nditiker ndijaqo3:7 Job 12:14 nibꞌij kereꞌ: 8Riyin wetaman ri ngaꞌabꞌanalaꞌ. Tatzꞌetaꞌ chi nujaqon jun puerta chawech ri nixta jun nditiker nditzꞌapin richin. Rat maske jubꞌaꞌ ok awuchuqꞌaꞌ, kin abꞌanun wi pe ri nubꞌiꞌin y ma awewan ta chi yin ataqin.3:8 Ap. 2:139Ri jun bꞌotzaj wineq ri kitaqin rutijonik ri Satanás, ri ndikibꞌij chi e-israelitas pero xa kiqꞌabꞌan kiꞌ, tayaꞌ cuenta chare, riyin nibꞌen chi jujun chikiwech rejeꞌ ngebꞌexukeꞌ y ndikiqasaj kijolon chiꞌawaqen,3:9 Is. 49:23; 60:14 y ndiketamaj chi riyin ngatinwojoꞌ.3:9 Is. 43:410Y roma abꞌanun pe ri nubꞌiꞌin chawa chi takochꞌoꞌ ri ndaqꞌasaj pa akꞌaslen, riyin ngatinkal chuqaꞌ chuwech ri kꞌayew3:10 2P. 2:9 nduqaqa pa ruwiꞌ nojel ri rochꞌulew ri achoq chupan ngetojtobꞌex ri wineq. 11Riyin nginuqaqa yan.3:11 Ap. 2:25; 22:7, 12, 20 Ma tayaꞌ kan chi yin ataqin, chin keriꞌ nixta jun xtimajo ri nimalej rajel-rukꞌexel xtiyoꞌox chawa.3:11 Ap. 2:1012Ri xtitiker ndubꞌen ri nubꞌiꞌin kan, riyin nibꞌen chare chi ndok columna chin rachoch ri nu-Dios y kin chiriꞌ rikꞌin ri Dios xtikꞌojeꞌ wi jumul. Riyin nitzꞌibꞌaj ri rubꞌiꞌ3:12 Ap. 14:1; 22:4 ri nu-Dios chirij, y keriꞌ chuqaꞌ ri rubꞌiꞌ ri rutinamit ri nu-Dios, ri kꞌakꞌakꞌ Jerusalén ri ndiqaqa pe chikaj apeꞌ kꞌo ri nu-Dios. Keriꞌ chuqaꞌ nitzꞌibꞌaj ri kꞌakꞌakꞌ nubꞌiꞌ yin chirij. 13¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios!
Ri xtzꞌibꞌex chake ri eralkꞌuaꞌl ri Dios ekꞌo pa tinamit Laodicea
14Tatzꞌibꞌaj reꞌ chare ri nusamajel kꞌo pa ruwiꞌ ri bꞌotzaj ralkꞌuaꞌl ri Dios ri ndikimal kiꞌ pa tinamit Laodicea: Riyin ri Jesucristo, kin ja wi ri nibꞌij, y ri achike nuqꞌalajrisan, kin qetzij y ma jumbꞌey nujalon ruwech. Ja riyin ri xirukusaj ri Dios chin xubꞌen nojel ri kꞌo,3:14 Jn. 1:1, 2 y ja riyin ri kereꞌ nibꞌij: 15Riyin wetaman ri ngaꞌabꞌanalaꞌ, chi nixta rat tew nixta rat maqꞌen chinuwech. ¡Más ta kꞌa utz chi rat ta tew o rat ta maqꞌen! 16Pero roma ma rat maqꞌen ta nixta rat tew, y xa rat lilaj, riyin ngatinxaꞌaꞌ e pa nuchiꞌ. 17Rat kereꞌ ndabꞌilaꞌ: Yin bꞌeyon,3:17 Os. 12:8; Zac. 11:5; 1Co. 4:8 santienta nuchajin, y ma jun achike ri man ta kꞌo wikꞌin, ngachajeꞌ. Pero ma ndanaꞌ ta awiꞌ chi xa juyo awech, lutz rubꞌanun ri akꞌaslen, maneq achike achajin, y xa achel rat soqꞌ y rat chꞌanel keriꞌ. 18Romariꞌ ngatinpixabꞌaj chi taloqꞌoꞌ qꞌanapueq chꞌajchꞌojrisan pa qꞌaqꞌ ri nikꞌayij yin, chin keriꞌ ndikꞌojeꞌ ri qetzij bꞌeyomal awikꞌin. Taloqꞌoꞌ chuqaꞌ seq teq tzieq chin ndakusaj, y keriꞌ ma nditzꞌetetej ta chik ri akꞌix, porque xa rat chꞌanel. Taloqꞌoꞌ chuqaꞌ aqꞌon chin ndayaꞌ pa teq awech y keriꞌ chaj ngatzuꞌun. 19Riyin nikꞌajisaj kiwech y nichojmirisaj kikꞌaslen konojel ri ngenwojoꞌ.3:19 Job 5:17; Pr. 3:11, 12; He. 12:5, 6 Roma kꞌa riꞌ, ma kakanej lilaj, xa kin tatijaꞌ aqꞌij chi ndayaꞌ kan ri itzel teq achike ngaꞌabꞌanalaꞌ y titzolij pe awánima rikꞌin ri Dios. 20Tayaꞌ cuenta chare chi riyin yin peꞌel chuchiꞌ ri puerta y ngikꞌujkꞌut apu. Si kꞌo jun ndirakꞌaxaj ri nuchꞌabꞌel y ndujeq pe ri puerta chinuwech,3:20 Cnt. 5:2 riyin nginok apu rikꞌin, ngiwaꞌ rikꞌin y rijaꞌ ndiwaꞌ wikꞌin riyin. 21Ri xtitiker ndubꞌen ri nubꞌiꞌin kan, niyaꞌ qꞌij chare chi nditzꞌuyeꞌ wikꞌin pa nu-trono, achel riyin xitiker xinbꞌen ri xubꞌij ri Nataꞌ chuwa y xitzꞌuyeꞌ rikꞌin rijaꞌ pa ru-trono.3:21 Mt. 19:28; 1Co. 6:2; 2Ti. 2:12; Ap. 2:2622¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios!
4Ri Juan ndutzꞌet chi ri Dios tzꞌuyul pa ru-trono
1Y atoq xbꞌix yan reꞌ chuwa, riyin Juan kꞌateꞌ ruwech xintzꞌet jun puerta jaqel chikaj, y ri jun chꞌabꞌel ri xinwakꞌaxaj pa nabꞌey ri ndiqꞌajan achel jun trompeta,4:1 Ap. 1:10 kereꞌ xubꞌij chuwa: Kajoteꞌ pe chireꞌ y riyin nikꞌut chawech ri ndikꞌatzin chi ngebꞌanatej más apu chuwech ri xatzꞌet4:1 Ap. 1:1, 19 yan.
2Y kin ja atoq riꞌ xikꞌojeꞌ chuxeꞌ ruchuqꞌaꞌ ri Espíritu Santo,4:2 Ap. 17:3; 21:10 y kꞌateꞌ ruwech xintzꞌet jun trono chikaj y xintzꞌet chuqaꞌ ri Dios tzꞌuyul pariꞌ4:2 Is. 6:1; Jer. 17:12; Ez. 10:1; Dn. 7:9 ri trono riꞌ. 3Y ri tzꞌuyul pa ru-trono, nditzuꞌun achel ri abꞌej ndibꞌix jaspe y cornalina chake. Y chirij ri trono rusiriren riꞌ jun kotoqꞌaꞌ,4:3 Ez. 1:28 rex nditzuꞌun achel ri abꞌej ndibꞌix esmeralda chare. 4Chirij ri trono riꞌ, kisiriren kiꞌ 24 tronos, y pa kiwiꞌ ri tronos riꞌ etzꞌuyul 24 rijilej teq achiꞌaꞌ4:4 Ap. 5:8, 14; 11:16 kiweqon kiꞌ rikꞌin seq teq tzieq y pa kijolon kikusan coronas ebꞌanun chare qꞌanapueq. 5Y chiriꞌ apeꞌ kꞌo ri trono ngeꞌel pe koyopaꞌ,4:5 Ez. 1:13 y rayos ri santienta ngeqꞌajan. Chuwech ri trono ngekꞌat chuqaꞌ wuquꞌ antorchas,4:5 Ex. 37:23; 2Cr. 4:20; Zac. 4:2 y ri wuquꞌ antorchas riꞌ ja ri wuquꞌ teq espíritu chin ri Dios. 6Y chuwech ri trono kꞌo jun achel mar4:6 1R. 7:23; Ap. 15:2 vidrio nditzuꞌun ruwech achel jun cristal, y pa nikꞌaj apeꞌ kꞌo ri trono kisiriren kiꞌ chirij ri trono ekajiꞌ ri kꞌo kikꞌaslen4:6 Ez. 1:5-14 ri nojneq runaqꞌ teq kiwech chikij y chikiwech. 7Ri nabꞌey chikiwech ri kajiꞌ kꞌo kikꞌaslen, achel jun koj keriꞌ. Ri rukan achel jun alaj wakx, ri rox achel ruwech jun achi keriꞌ, y ri rukaj achel jun kot ndirapap chikaj.4:7 Ez. 1:10; 10:148Ri kajiꞌ kꞌo kikꞌaslen, chikijununal kꞌo waqiꞌ kixikꞌ, y ri kixikꞌ nojneq rij-ruxeꞌ rikꞌin runaqꞌ teq kiwech. Y chi chaqꞌaꞌ chi paqꞌij ma ngeꞌuxlan ta ndikibꞌilaꞌ:
Kin loqꞌolej, kin loqꞌolej, kin loqꞌolej ri Ajaw Dios
Ri achoq pa ruqꞌaꞌ kꞌo nojel uchuqꞌaꞌ.4:8 Is. 6:2, 3
Ja rijaꞌ ri kin xixkꞌo wi pe, kꞌo wokami y kin xtuqaqa wi.4:8 Ap. 1:4, 8
9Y nojel mul atoq ri kajiꞌ kꞌo kikꞌaslen ndikinimrisaj rubꞌiꞌ ri Dios tzꞌuyul pa ru-trono4:9 Sal. 47:8 ri kin jumul wi kꞌo rukꞌaslen,4:9 Ap. 10:6; 15:7 y ndikiyaꞌ chuqaꞌ ruqꞌij y ngematioxin chare, 10ri 24 rijilej teq achiꞌaꞌ ngexukeꞌ y ngelukeꞌ chuwech4:10 Ap. 5:8, 14 ri tzꞌuyul pa ru-trono, chin ndikiyaꞌ ruqꞌij rijaꞌ ri kin jumul wi kꞌo rukꞌaslen. Ndikiyalaꞌ apu ri ki-coronas chuwech y kereꞌ ndikibꞌilaꞌ chare:
11Ajaw y qa-Dios,
Ja rat ri kin rukꞌulun chi ndiyoꞌox aqꞌij, y ndinimrisex abꞌiꞌ,
Ja rat ri kin rukꞌulun chi achajin nojel ruwech uchuqꞌaꞌ.4:11 Ap. 5:12
Porque xe wi rat bꞌanayon nojel ri ebꞌanun,4:11 Ap. 10:6; 14:7
Y roma arayibꞌel rat ekꞌo.
5Ri Alaj Karneꞌl y ri bꞌoton wuj
1Y xintzꞌet pa rikiqꞌaꞌ ruqꞌaꞌ ri Dios ri tzꞌuyul pa ru-trono jun bꞌoton wuj tzꞌibꞌan rij-rupan,5:1 Ez. 2:9 y wuquꞌ sellos5:1 Is. 8:16; 29:11; Dn. 12:4 tzꞌamayon richin. 2Y xintzꞌet jun ángel tzꞌan ruchuqꞌaꞌ ri rikꞌin kaw ruchꞌabꞌel xubꞌij: ¿Achike ta kꞌa jun rukꞌulun chin ndujeq ri bꞌoton wuj y ngerelesaj ri sellos tzꞌamayon richin? 3Pero nixta jun xilitej chikaj, chochꞌulew, nixta chuxeꞌ qa ri rochꞌulew, ri rukꞌulun ta chin ndujeq ri bꞌoton wuj, o ndunikꞌoj ri tzꞌibꞌan chupan. 4Riyin Juan santienta nginoqꞌ, porque nixta jun xilitej ri rukꞌulun ta chin ndujeq ri bꞌoton wuj, nixta chin ndunikꞌoj ri tzꞌibꞌan chupan. 5Ja atoq riꞌ jun chikikajal ri rijilej teq achiꞌaꞌ xubꞌij pe chuwa: Ma ngatoqꞌ chik. Tatzꞌetaꞌ, chikikajal ri santienta eriy-rumam ri Judá5:5 He. 7:14 ilon jun ri achel koj5:5 Gn. 49:9 porque tzꞌan ruchuqꞌaꞌ, jun riy-rumam kan ri rey David. Rijaꞌ xtiker xubꞌen nojel ri xubꞌij ri Dios chare, y rukꞌulun chi ngerelesaj ri wuquꞌ sellos tzꞌamayon richin ri bꞌoton wuj y ndujeq.
6Y atoq xitzuꞌun apu apeꞌ kꞌo ri trono, pa kinikꞌajal ri kajiꞌ kꞌo kikꞌaslen y ri 24 rijilej teq achiꞌaꞌ, xintzꞌet jun Alaj Karneꞌl5:6 Is. 53:7; Jn. 1:29 peꞌel apu chiriꞌ, y ndiqꞌalajin chi altíra sokotajneq roma ri kamik xuqꞌasaj. Xintzꞌet chi kꞌo wuquꞌ rukꞌaꞌ y wuquꞌ runaqꞌ teq ruwech,5:6 Zac. 3:9 y riꞌ ja ri wuquꞌ teq espíritu5:6 Ap. 4:5 chin ri Dios etaqon chuwech nojel ri rochꞌulew.5:6 Zac. 4:107Ri Alaj Karneꞌl riꞌ xjel apu y xukꞌen apu ri bꞌoton wuj pa rikiqꞌaꞌ ruqꞌaꞌ ri Dios ri tzꞌuyul pa ru-trono. 8Y atoq xukꞌen apu ri bꞌoton wuj, ri kajiꞌ kꞌo kikꞌaslen y ri 24 rijilej teq achiꞌaꞌ, xexukeꞌ y xelukeꞌ chuwech ri Alaj Karneꞌl. Chikijununal kikꞌuan jujun arpa y jujun mixixára bꞌanun chare qꞌanapueq ri enojneq rikꞌin pon. Ri pon riꞌ, ja ri ki-oraciones5:8 Sal. 141:2; Ap. 8:3, 4 ri loqꞌolej rutinamit ri Dios. 9Rejeꞌ ndikibꞌixaj jun kꞌakꞌakꞌ bꞌix5:9 Sal. 40:3 ri kereꞌ ndubꞌij:
Ja rat ri kin rukꞌulun5:9 Ap. 4:11 chi xakꞌen apu ri bꞌoton wuj y ndawelesaj ri wuquꞌ sellos tzꞌamayon richin,
Porque altíra xasokotej atoq xakamisex.
Y rikꞌin ri akikꞌel xaꞌalaqꞌ5:9 Mt. 26:28; Hch. 20:28; He. 9:12; 2P. 2:1; 1Jn. 1:7 jalajaj kiwech wineq, ri jalajaj kichꞌabꞌel, kitinamit y kirochꞌulew chin xeꞌok ralkꞌuaꞌl ri Dios.
10Xabꞌen chake chi xeꞌok jun tinamit apeꞌ ja ri qa-Dios ri Rey,
Y xabꞌen chuqaꞌ chake chi xeꞌok sacerdotes5:10 Ex. 19:6; Is. 61:6 chin ndikibꞌen ri rusamaj,
Y rejeꞌ ndekibꞌanaꞌ reinar chochꞌulew.
11Y xinwakꞌaxaj kichꞌabꞌel santienta ángeles y xintzꞌet chi kimolon apu kiꞌ chirij ri trono, y chikij chuqaꞌ ri kajiꞌ kꞌo kikꞌaslen y chikij ri rijilej teq achiꞌaꞌ. Ri ángeles5:11 Dt. 33:2; Sal. 68:17; Dn. 7:10; He. 12:22 riꞌ e-millones y millones ri maneq cheꞌel ngeꞌajilex ejarupeꞌ. 12Ri ángeles riꞌ rikꞌin kaw kichꞌabꞌel ndikibꞌilaꞌ:
Ri Alaj Karneꞌl ri xkamisex,
Kin rukꞌulun chi ndubꞌen mandar pa ruwiꞌ nojel, y chi kꞌo nojel bꞌeyomal pa ruqꞌaꞌ,
Kin rukꞌulun chuqaꞌ chi ndikꞌojeꞌ nojel etamabꞌel rikꞌin, y chi pa ruqꞌaꞌ rijaꞌ kꞌo nojel ruwech uchuqꞌaꞌ,
Rukꞌulun chi ndinimrisex rubꞌiꞌ, chi ndiyoꞌox ruqꞌij y kin utz ndibꞌix utzulej teq tzij chare.5:12 Ap. 7:12
13Y nojel ri kꞌo kikꞌaslen chikaj, chochꞌulew, chuxeꞌ qa ri rochꞌulew, y chupan ri mar, y nojel ri chꞌaqa chik ebꞌanun roma ri Dios, xenwakꞌaxaj chi kereꞌ ndikibꞌij:
Chare ri Dios ri tzꞌuyul pa ru-trono y chare ri Alaj Karneꞌl
Kin utz ndibꞌix utzulej teq tzij, ndiyoꞌox kiqꞌij, ndinimrisex kibꞌiꞌ, y kin ta kichin chuqaꞌ rejeꞌ ri uchuqꞌaꞌ
Pa ruwiꞌ nojel chin jumul.5:13 1Cr. 16:36; 29:11; Ef. 3:21
14Y ri kajiꞌ kꞌo kikꞌaslen, kereꞌ ndikibꞌilaꞌ: ¡Kin keriꞌ kꞌa tibꞌanatej! Y ri rijilej teq achiꞌaꞌ xexukeꞌ, xelukeꞌ5:14 Ap. 19:4 y xkiyaꞌ ruqꞌij ri Dios y ri Alaj Karneꞌl.
6Ri kajiꞌ nabꞌey teq sellos tzꞌamayon richin ri bꞌoton wuj
1Riyin xintzꞌet atoq ri Alaj Karneꞌl xuraqꞌachꞌij ri nabꞌey chikiwech ri wuquꞌ sellos tzꞌamayon richin ri bꞌoton wuj,6:1 Ap. 5:5, 7 y jun chikikajal ri kajiꞌ kꞌo kikꞌaslen, xinwakꞌaxaj chi xchꞌaꞌa, y rikꞌin ruchꞌabꞌel achel rayo6:1 Ap. 14:2; 19:6 xubꞌij: ¡Katámpe! 2Y atoq xitzuꞌun apu, xintzꞌet jun kej seq rij, y kꞌo jun ri tzꞌuyul pe chirij, rukꞌuan jun chꞌabꞌ, y xyoꞌox jun corona6:2 Ap. 14:14 chare. Y achel jun chꞌakoyineq chik xel e,6:2 Sal. 45:4, 5 y chin ndichꞌakon bꞌaneq wi.
3Atoq ri Alaj Karneꞌl xuraqꞌachꞌij ri rukan sello tzꞌamayon richin ri bꞌoton wuj, xinwakꞌaxaj ri rukan kꞌo rukꞌaslen chi xubꞌij: ¡Katámpe! 4Y xbꞌeꞌel pe jun chik kej. Ri kej riꞌ keq rij, y ri jun tzꞌuyul pe chirij, xyoꞌox jun espada nim chare. Xyoꞌox qꞌij chare chin nduyaꞌ oyowal chikikajal ri wineq y chin ndubꞌen chake chi ndikikamisalaꞌ kiꞌ chikiwech.
5Atoq ri Alaj Karneꞌl xuraqꞌachꞌij ri rox sello tzꞌamayon richin ri bꞌoton wuj, xinwakꞌaxaj ruchꞌabꞌel ri rox kꞌo rukꞌaslen chi xubꞌij: ¡Katámpe! Y atoq xintzꞌet, kꞌateꞌ ruwech xbꞌeꞌel pe jun kej xaq rij y ri jun tzꞌuyul pe chirij rukꞌuan jun etabꞌel pa ruqꞌaꞌ. 6Ja atoq riꞌ xinwakꞌaxaj jun chꞌabꞌel pa kinikꞌajal ri kajiꞌ kꞌo kikꞌaslen ri xubꞌij: Kaꞌiꞌ libra trigo, o waqiꞌ libra cebada, rajel jun qꞌij samaj, pero ma jun achike tabꞌen chake6:6 Ap. 9:4 ri aceite y ri vino.
7Atoq ri Alaj Karneꞌl xuraqꞌachꞌij ri rukaj sello tzꞌamayon richin ri bꞌoton wuj, xinwakꞌaxaj ruchꞌabꞌel ri rukaj kꞌo rukꞌaslen6:7 Ez. 10:14 chi xubꞌij: ¡Katámpe! 8Y atoq xitzuꞌun apu, xintzꞌet jun kej qꞌen-qꞌen rij y ri jun tzꞌuyul pe chirij rubꞌiniꞌan kamik, y oqan pe roma ri Hades ri lugar kichin ri animaꞌiꞌ, y xyoꞌox uchuqꞌaꞌ chake pa ruwiꞌ ri rukaj parte chin ri rochꞌulew chin ngekikamisaj ri wineq rikꞌin espada, wayijal, itzel teq yabꞌil y kꞌuxunel teq chikap6:8 Lv. 26:22; Ez. 14:21 chin ri rochꞌulew.
Ri ruwoꞌ y ri ruwaq sellos ri tzꞌamayon richin ri bꞌoton wuj ngejaq
9Atoq ri Alaj Karneꞌl xuraqꞌachꞌij ri ruwoꞌ sello tzꞌamayon richin ri bꞌoton wuj, xintzꞌet chuxeꞌ ri altar ri kánima ri ekamisan e roma ma xkimalij ta kan rutzijoxik ri rutzij ri Dios6:9 Ap. 1:9; 12:17 y ma xkiyaꞌ ta kan rutzijoxik chi kitaqin ri Dios.6:9 Ap. 20:410Y rikꞌin kaw kichꞌabꞌel xkibꞌij: Ajaw, rat ri ratkꞌo pa ruwiꞌ nojel, rat ri kin rat loqꞌolej wi y kin ndabꞌen nojel ri ndabꞌij, ¿jampeꞌ ndaqꞌet tzij6:10 Gn. 4:10; Ap. 19:2 pa kiwiꞌ ri wineq ri xekamisan qichin chochꞌulew y ndayaꞌ rukꞌexel chake? 11Xyoꞌox seq teq tzieq6:11 Ap. 3:5; 7:9 chake chikijununal y xbꞌix chake chi tikoyobꞌej chi na jubꞌaꞌ, hasta kꞌa ketzꞌaqet na ri ejarupeꞌ chik más chikikajal ri kitaqin ri Jesucristo y erusamajelaꞌ chuqaꞌ ri Dios ri ngekamisex achel xkikꞌulwachij e rejeꞌ.
12Y atoq ri Alaj Karneꞌl xuraqꞌachꞌij ri ruwaq sello tzꞌamayon richin ri bꞌoton wuj, xintzꞌet chi xbꞌanatej jun nim kobꞌraqen,6:12 Jl. 2:10; Ap. 16:18 y ri qꞌij xqꞌeqꞌumer qa, y xok qa xaq achel jun tzieq chin bꞌis. Y nojel ruwech ri raqen ikꞌ xubꞌen qa keq achel kikꞌ.6:12 Jl. 3:15; Mt. 24:29; Hch. 2:2013Y ri chꞌumilaꞌ ekꞌo chikaj xetzaq qa chochꞌulew,6:13 Ap. 8:10; 9:1 achel ngetzaq qa ri rex teq ruwech ri cheꞌ higuera atoq ndiselox roma ruchuqꞌaꞌ jun nim kaqiqꞌ. 14Y ri kaj xraqꞌachꞌitej y xubꞌat e riꞌ6:14 Sal. 102:26; Is. 34:4; He. 1:10-12 achel ndibꞌot jun wuj, y nojel teq juyuꞌ y chuqaꞌ ri chꞌuteq rochꞌulew ekꞌo pa mar, xjalatej kikꞌojlibꞌel. 15Ja atoq riꞌ ri reyes chin ri rochꞌulew, ri wineq kꞌo kiqꞌij, ri eꞌukꞌuey kibꞌey soldados más nim kiqꞌij, ri bꞌeyomaꞌ, ri kꞌo uchuqꞌaꞌ pa kiqꞌaꞌ, ri loqꞌon teq samajelaꞌ, ri e-libre, konojel reꞌ xkewalaꞌ kiꞌ chupan teq jul y chikikajal abꞌej pa teq juyuꞌ.6:15 Is. 2:10, 1916Y kereꞌ ndikibꞌij chake ri nimaꞌq teq abꞌej y ri juyuꞌ: Kixtzaq pe chiqij y qojiwewaj6:16 Os. 10:8; Lc. 23:30 chuwech ri Dios ri tzꞌuyul pa ru-trono y chuwech ri nimalej royowal ri Alaj Karneꞌl. 17Porque wokami xuqaqa ri nimalej qꞌij6:17 Is. 13:6; Sof. 1:14 chin ndiqaqa koyowal pa qawiꞌ, y, ¿kꞌo kami jun xtitiker xtukachꞌ6:17 Sal. 76:7 ralal ri oyowal riꞌ? Nixta jun.
7Ri ndibꞌanatej nabꞌey chuwech chi ndijaq ri ruwuq sello
1Atoq xbꞌanatej yan reꞌ, xitzuꞌun chi apu, y xintzꞌet ekajiꞌ ángeles epeꞌel chi jujun pa kiwiꞌ ri kajiꞌ ruchiꞌ ri rochꞌulew, kiqꞌaton ruwech ri kajiꞌ kaqiqꞌ,7:1 Ex. 15:10; Sal. 147:18; Is. 27:8; Dn. 7:2; Jon. 1:4 chin nixta jun kaqiqꞌ teqꞌax pa ruwiꞌ ri rochꞌulew, pa ruwiꞌ ri mar y nixta pa kiwiꞌ ri cheꞌ. 2Xintzꞌet chuqaꞌ jun ángel eleneq e apeꞌ ndalex pe ri qꞌij y jatal e chikaj, rukꞌuan jun sello chin ri Kꞌaslik Dios, ri achoq chare nduyaꞌ ketal ri eralkꞌuaꞌl ri Dios. Ri ángel riꞌ kaw xsikꞌin chake ri kajiꞌ ángeles ri achoq chake yoꞌon uchuqꞌaꞌ chin ndikiyaꞌ kꞌayew pa ruwiꞌ ri rochꞌulew y ri mar. 3Y xubꞌij chake: Ma tiyaꞌ yan kꞌayew pa ruwiꞌ ri rochꞌulew, ri mar, y ri cheꞌ, kꞌa tiqayaꞌ na etal7:3 Ez. 9:4; Ap. 9:4; 14:1; 22:4 pa runikꞌajal kiwech ri erusamajelaꞌ ri qa-Dios.
4Y xinwakꞌaxaj chi ri xyoꞌox ketal e-144 mil. Ri wineq riꞌ, kiy-kimam kan ri kabꞌlajuj rukꞌajol ri Israel. 5Ri xyoꞌox ketal, kabꞌlajuj mil chikikajal ri eriy-rumam ri Judá, kabꞌlajuj mil chikikajal ri eriy-rumam ri Rubén, kabꞌlajuj mil chikikajal ri eriy-rumam ri Gad, 6kabꞌlajuj mil chikikajal ri eriy-rumam ri Aser, kabꞌlajuj mil chikikajal ri eriy-rumam ri Neftalí, kabꞌlajuj mil chikikajal ri eriy-rumam ri Manasés, 7kabꞌlajuj mil chikikajal ri eriy-rumam ri Simeón, kabꞌlajuj mil chikikajal ri eriy-rumam ri Leví, kabꞌlajuj mil chikikajal ri eriy-rumam ri Isacar, 8kabꞌlajuj mil chikikajal ri eriy-rumam ri Zabulón, kabꞌlajuj mil chikikajal ri eriy-rumam ri José y kabꞌlajuj mil chikikajal ri eriy-rumam ri Benjamín. Konojel reꞌ xyoꞌox ketal.
9Y atoq xbꞌanatej yan reꞌ, xentzꞌet santienta wineq ri nixta jun nditiker ndajilan kichin. Ri wineq riꞌ jalajaj kirochꞌulew, jalajaj katit-kimamaꞌ, jalajaj kitinamit y kichꞌabꞌel.7:9 Ap. 5:9 Rejeꞌ kikusaloꞌon seq teq tzieq7:9 Ap. 3:5 y kikꞌuan ruqꞌaꞌ teq palma pa kiqꞌaꞌ, epeꞌel apu chuwech ri trono y chuwech ri Alaj Karneꞌl. 10Y rikꞌin kaw kichꞌabꞌel ndikibꞌilaꞌ:
Ri xebꞌanun chi xojkolotej,7:10 Sal. 3:8; Is. 43:11; Jer. 3:23; Os. 13:4 ja ri qa-Dios
Ri tzꞌuyul7:10 Ap. 5:13 pa ru-trono
Y ri Alaj Karneꞌl,
xechajeꞌ.
11Konojel ri ángeles epeꞌel apu kisiriren kiꞌ chirij ri trono y chikij ri rijilej teq achiꞌaꞌ, y ri kajiꞌ kꞌo kikꞌaslen7:11 Ap. 4:6 xexukeꞌ y xelukeꞌ qa chuwech ri trono chin xkiyaꞌ ruqꞌij ri Dios. 12Y ndikibꞌilaꞌ:
¡Amén!
Ri qa-Dios kin utz ndibꞌix utzulej teq tzij chare, kin utz ndiyoꞌox ruqꞌij,
Kin richin rijaꞌ nojel nojibꞌel, kin utz ndiyoꞌox matioxinik chare,
Kin utz ndinimrisex rubꞌiꞌ. Rijaꞌ kin rukꞌulun wi chi ndubꞌen mandar pa ruwiꞌ nojel y chi kꞌo nojel ruwech uchuqꞌaꞌ pa ruqꞌaꞌ chin jumul.
¡Amén!
13Y jun chikikajal ri rijilej teq achiꞌaꞌ xubꞌij pe chuwa: Re kiweqon kiꞌ rikꞌin ri seq teq tzieq, ¿eꞌachike rejeꞌ y apeꞌ eꞌeleneq pe ndabꞌij rat? 14Y riyin xinbꞌij chare: Táta, rat etamayon. Y rijaꞌ xubꞌij chuwa: Rejeꞌ ja ri eꞌeleneq pe chupan ri nimalej kꞌayew y kichꞌajchꞌojrisan7:14 Is. 1:18; Zac. 3:3-5 pe kiꞌ chupan rukikꞌel7:14 1Jn. 1:7; He. 9:14; Ap. 1:5 ri Alaj Karneꞌl, achel ndubꞌen jun ri nduchꞌej rutziaq y kin puchupuj ndubꞌen chare.
15Romariꞌ, ekꞌo apu chuwech ru-trono ri Dios,
Y ndikibꞌen rusamaj chi chaqꞌaꞌ chi paqꞌij,
Y ri Dios ri tzꞌuyul pa ru-trono,
Ndikꞌojeꞌ pa kinikꞌajal chin ngeruchajij.7:15 Is. 4:5, 6
16Y ma jun chik ruchꞌumunik pamaj ndikiqꞌasaj, nixta ndichaqiꞌj chik kichiꞌ.
Ri qꞌij ma ngerukꞌatisaj ta
Y nixta jun chik kꞌaten ndikinaꞌ.7:16 Sal. 121:6; Is. 49:10
17Porque ja ri Alaj Karneꞌl ri kꞌo apu apeꞌ kꞌo ri trono
Ri ndiyuqꞌun7:17 Sal. 23:1 kichin
Y kin xkerukꞌuaj apeꞌ ndalex pe ri yaꞌ ri ndiyoꞌon kꞌaslen ma ndikꞌis ta,
Y ja ri Dios ri ndisuꞌun e ri ruyiꞌal teq kiwech ri koqꞌej rejeꞌ.7:17 Is. 25:8
8Ri xbꞌanatej atoq xjaq ri rukꞌisibꞌel sello tzꞌamayon richin ri bꞌoton wuj
1Atoq ri Alaj Karneꞌl xujeq ri ruwuq sello tzꞌamayon richin ri bꞌoton wuj,8:1 Ap. 5:1 jun laꞌeq nikꞌaj hora nixta jun achike xakꞌaxex chikaj.
Pa kiqꞌaꞌ ewuquꞌ ángeles ndiyoꞌox jujun trompetas
2Y xentzꞌet ri wuquꞌ ángeles ri epeꞌel apu chuwech ri Dios, y xyoꞌox jujun trompeta8:2 Jos. 6:4 pa kiqꞌaꞌ chikijununal. 3Y xbꞌeqaqa chik jun ángel rukꞌuan pa ruqꞌaꞌ jun mixixára bꞌanun chare qꞌanapueq y xbꞌepeꞌeꞌ chuchiꞌ ri altar. Y xyoꞌox santienta pon chare, chin ndubꞌen xe jun chare rikꞌin ri ki-oraciones konojel ri loqꞌolej teq ralkꞌuaꞌl ri Dios chin ndusuj pariꞌ ri altar bꞌanun chare qꞌanapueq ri kꞌo apu chuwech ri trono. 4Y ri ángel xubꞌen chi ri rusibꞌil ri pon xjoteꞌ chuwech ri Dios, junan rikꞌin ri ki-oraciones8:4 Sal. 141:2 ri loqꞌolej teq ralkꞌuaꞌl ri Dios. 5Y ri ángel xunojisaj ri mixixára rikꞌin racheq qꞌaqꞌ ri kꞌo pariꞌ ri altar, y xutorij pe chochꞌulew. Ja atoq riꞌ xetzꞌetetej koyopaꞌ, xeꞌakꞌaxex rayos ri santienta ngeqꞌajan,8:5 Sal. 18:13; Is. 30:30 y xbꞌanatej jun nim kobꞌraqen.8:5 2S. 22:7-9; 1R. 19:11; Ap. 11:19; 16:18
6Y ri wuquꞌ ángeles ri kikꞌuan jujun trompetas xkinabꞌaꞌ kiꞌ chin ndikixulaj ri trompetas.
Ri kajiꞌ nabꞌey teq trompetas ngexulex
7Y ri nabꞌey ángel xuxulaj ri trompeta yoꞌon chare, y kꞌo saqbꞌach8:7 Ez. 38:22 y qꞌaqꞌ xolon rikꞌin kikꞌ ri xetorix pe chochꞌulew, y jun rox parte chin ri rochꞌulew xkꞌat, y keriꞌ chuqaꞌ jun rox parte ri cheꞌ xekꞌat y nojel rex teq qꞌayis chuqaꞌ.
8Ri rukan ángel xuxulaj ri trompeta yoꞌon chare, y jun achel nim juyuꞌ ndikꞌat pa qꞌaqꞌ xtorix pa mar, y jun rox parte chin ri mar xok qa kikꞌ. 9Y jun rox parte chin ri kꞌo kikꞌaslen pa mar xeken, y jun rox parte ri barcos ekꞌo pa mar xetzubꞌutzuꞌ chuqaꞌ.
10Atoq ri rox ángel xuxulaj ri trompeta yoꞌon chare, xintzꞌet xbꞌetzaq pe chikaj jun nim chꞌumil8:10 Ap. 9:1 ndikꞌat achel jun antorcha, y xqaqa pa kiwiꞌ jun rox parte ri raqen teq yaꞌ, y pa kiwiꞌ ri alaxbꞌel teq yaꞌ8:10 Ap. 16:4 chuqaꞌ. 11Ri chꞌumil riꞌ, rubꞌiniꞌan Xaqixaq, y jun rox parte ri yaꞌ chin ri rochꞌulew xkꞌayir,8:11 Ex. 15:23; Jer. 9:15; 23:15 y santienta wineq xeken romariꞌ.
12Ri rukaj ángel xuxulaj ri trompeta yoꞌon chare, y jun rox parte kiwech ri qꞌij, ri raqen ikꞌ y ri chꞌumilaꞌ xesokotej y xqꞌeqꞌumer8:12 Is. 13:10; Am. 8:9 qa, y romariꞌ jun rox parte chin ri aqꞌaꞌ y jun rox parte chin ri qꞌij, maneq chik kiyikꞌinik.
13Xintzꞌet y xinwakꞌaxaj jun kot ndirapap pa runikꞌajal ri kaj, y rikꞌin jun kaw chꞌabꞌel ndubꞌij: ¡Juyo kiwech! ¡Juyo kiwech! ¡Juyo kiwech ri wineq chochꞌulew! Porque wokami ja ngexulex ri oxiꞌ chik trompetas yoꞌon chake ri ángeles, y riꞌ ndukꞌen pe más kꞌayew.8:13 Ap. 9:12; 11:14
9Ri ruwoꞌ trompeta ndixulex
1Atoq ri ruwoꞌ ángel xuxulaj ri trompeta yoꞌon chare, xintzꞌet chikaj jun chꞌumil tzaqineq qa chochꞌulew, y chare ri chꞌumil riꞌ xyoꞌox ri lawiꞌil chin ri rar siwan.9:1 Ap. 17:8; 20:12Ri chꞌumil riꞌ xujeq ruchiꞌ ri rar siwan, y xbꞌeꞌel pe sibꞌ, achel ri sibꞌ ndel pe pa jun nim horno. Y ri sibꞌ riꞌ xubꞌen chi xqꞌeqꞌumer9:2 Jl. 2:2, 10 ruwech ri qꞌij y ri kaqiqꞌ. 3Chupan ri sibꞌ xebꞌeꞌel pe sakꞌ9:3 Ex. 10:4 ri xebꞌa chuwech ri rochꞌulew, y xyoꞌox uchuqꞌaꞌ chake chin ngetiꞌon achel alacranes. 4Y xbꞌix chake chi ma tikibꞌen chꞌaꞌoj9:4 Ap. 6:6; 7:3 chake ri qꞌayis, ri tikoꞌ y ri cheꞌ ekꞌo chochꞌulew, xaxe tikiyaꞌ kꞌayew pa kiwiꞌ ri wineq maneq retal ru-sello ri Dios pa runikꞌajal kiwech.9:4 Ez. 9:4; Ap. 14:15Pero ma xyoꞌox ta qꞌij chake chin ngekikamisaj ri wineq, xaxe chin ngekiyaꞌ pa qꞌaxomal woꞌoꞌ ikꞌ. Y ri qꞌaxomal ndikiyaꞌ, achel ri qꞌaxon nduyaꞌ jun alacrán atoq nditiꞌon.
6Chupan teq ri qꞌij riꞌ, ri wineq ndikikanolaꞌ kikamik9:6 Job 3:20-22; 7:15 y ma ndikil ta. Ndikirayilaꞌ pa kánima ngeken chin ngeꞌuxlan, pero ma jubꞌaꞌ ngerukꞌuaj ri kamik.
7Ri sakꞌ riꞌ eꞌachel teq kej9:7 Jl. 2:4 enabꞌan chik chin ngebꞌa pa guerra. Pa kijolon kꞌo achel coronas ebꞌanun chare qꞌanapueq, y ri kipalej achel kiwech wineq keriꞌ. 8Ri kiwiꞌ achel rusmal kiwiꞌ ixoqiꞌ keriꞌ, y ri keyaj achel kichin koj,9:8 Sal. 57:4; Jl. 1:69kikusan chuqaꞌ jun tobꞌel chokikꞌuꞌx achel ri tobꞌel ebꞌanun rikꞌin chꞌichꞌ, y ri kixikꞌ ngeqꞌajan achel ngeqꞌajan ekꞌiy carruajes9:9 Jl. 2:5 eqiriren koma kej ebꞌaneq pa guerra. 10Ri kijey y ri ruchꞌutal kijey achel kijey alacranes keriꞌ, y chikijey kꞌo kuchuqꞌaꞌ chin ngekiyaꞌ pa qꞌaxomal ri wineq woꞌoꞌ ikꞌ. 11Ri ki-rey9:11 Jn. 12:31; 14:30; Ef. 2:2 ri sakꞌ riꞌ, ja ri ángel rajawal ri rar siwan. Ri ángel riꞌ pa chꞌabꞌel hebreo rubꞌiniꞌan Abadón, y pa chꞌabꞌel griego rubꞌiniꞌan Apolión.
12Xqꞌax ri nabꞌey kꞌayew, pero chirij riꞌ epataneq kaꞌiꞌ chik kꞌayew.
Ri ruwaq trompeta ndixulex
13Y ri ruwaq ángel xuxulaj ri trompeta yoꞌon chare, y xinwakꞌaxaj jun chꞌabꞌel xel pe chikikajal ri kajiꞌ ukꞌaꞌ chin ri altar bꞌanun chare qꞌanapueq9:13 Ex. 30:1, 3; Ap. 8:3 ri kꞌo apu chuwech ri Dios. 14Ri chꞌabꞌel riꞌ kereꞌ xubꞌij chare ri ruwaq ángel ri rukꞌuan ri trompeta: Kaꞌakiraꞌ ri ekajiꞌ ángeles eximil chuchiꞌ ri nimalej raqen yaꞌ rubꞌiniꞌan Éufrates.9:14 Gn. 2:14; 2S. 8:3; Jer. 51:63; Ap. 16:1215Y xesoqꞌopix ri kajiꞌ ángeles ri enabꞌan apu chin ri hora, ri qꞌij, ri ikꞌ y ri junaꞌ chaꞌon chin ngekikamisaj jun rox parte ri wineq. 16Riyin Juan xinwakꞌaxaj chi ri ki-ejército ri ángeles riꞌ e-200 millones ri ndikitzꞌuyubꞌej kej.
17Chupan ri achel achikꞌ nibꞌen, xintzꞌet chi ri kej y ri etzꞌuyul chikij, chokikꞌuꞌx kikusaloꞌon tobꞌel keq nditzuꞌun achel qꞌaqꞌ, azul achel ri abꞌej rubꞌiniꞌan jacinto, y qꞌen achel ri azufre. Ri kijolon ri kej riꞌ, achel kijolon koj9:17 1Cr. 12:8 keriꞌ, y pa kichiꞌ ndel pe qꞌaqꞌ, sibꞌ y azufre. 18Y roma ri qꞌaqꞌ, ri sibꞌ, y ri azufre ri ndel pa kichiꞌ, xeken jun rox parte ri wineq. 19Ri kej riꞌ, pa kichiꞌ y chikijey kꞌo wi ri kuchuqꞌaꞌ; ri kijey kꞌo kijolon achel kijolon kumetz, y rikꞌin riꞌ ndikiyaꞌ qꞌaxomal.
20Ri wineq ri ma xeken ta pa ruqꞌaꞌ ri kꞌayew riꞌ, ma xkijel ta kinoꞌoj9:20 Jer. 5:3 chin ta xkiyaꞌ kan ruyaꞌik kiqꞌij itzel teq espíritu9:20 Dt. 32:17; Sal. 106:37 y tiox ekibꞌanun9:20 Dt. 31:29; Sal. 115:4; Is. 2:8; Jer. 44:8 chare qꞌanapueq, saqipueq, bronce, abꞌej y cheꞌ, tiox ri xa ma ngetzuꞌun ta, ma ngeꞌakꞌaxan ta9:20 Dn. 5:23 y ma ngebꞌiyin ta. 21Ma xkijel ta kinoꞌoj chin ta xkimalij kan ri ma utz ta ngetajin rikꞌin, achel ri ngekamisan, ri ngeꞌeleqꞌan, ri ndikibꞌen kiqꞌij wineq, y ri ndikikꞌamalaꞌ qa kiꞌ xa achoq na ikꞌin chin ndikibꞌen mak.
10Ri ndibꞌanatej nabꞌey chi ndixulex ri ruwuq trompeta
1Y xintzꞌet chik jun ángel santienta ruchuqꞌaꞌ bꞌaneq qa chochꞌulew pa jun nube, y jun kotoqꞌaꞌ,10:1 Ez. 1:28 pariꞌ ri rujolon. Ri ruwech ri ángel riꞌ achel ri qꞌij10:1 Mt. 17:2; Ap. 1:16 nditzuꞌun y ri raqen achel ruxaq teq qꞌaqꞌ.10:1 Ap. 1:152Pa ruqꞌaꞌ rukꞌuan jun chꞌuti bꞌoton wuj jaqel, y ri rikiqꞌaꞌ raqen xuyaꞌ pariꞌ ri mar, y ri ruxakan raqen pariꞌ ri rochꞌulew. 3Y kaw xsikꞌin pe, achel ruchꞌabꞌel jun koj. Y atoq xsikꞌin, xechꞌaꞌa pe wuquꞌ rayos10:3 Ap. 8:5; 14:2 y xqꞌajan kichꞌabꞌel. 4Atoq xechꞌaꞌa pe ri wuquꞌ rayos, riyin Juan ja nitzꞌuk qa kitzꞌibꞌaxik ri xkibꞌij, atoq xinwakꞌaxaj jun chꞌabꞌel chikaj ri xubꞌij chuwa: Tayakaꞌ pa awánima10:4 Is. 8:16; 29:11; Dn. 8:26; 12:4 ri xkibꞌij ri wuquꞌ rayos y ma tatzꞌibꞌaj.
5Ri ángel ri xintzꞌet chi peꞌel pariꞌ ri mar y ri rochꞌulew, xujotobꞌaꞌ ri rikiqꞌaꞌ ruqꞌaꞌ chikaj,10:5 Dn. 12:76y pa rubꞌiꞌ ri Dios ri kin jumul wi kꞌo rukꞌaslen,10:6 Jer. 10:10; Dn. 12:7; Ap. 1:18; 4:9 y kin bꞌanayon ri kaj y nojel ri kꞌo chuwech, ri rochꞌulew y nojel ri kꞌo chuwech, y ri mar y nojel ri kꞌo chupan, kereꞌ xubꞌen jurar: ¡Ma kꞌiy chi ta tiempo ndeqꞌax chin ndibꞌanatej ri rubꞌiꞌin ri Dios! 7Porque chupan teq ri qꞌij atoq ri ruwuq ángel ja ndutzꞌuk ruxulik ri trompeta10:7 Ap. 11:15 yoꞌon chare, ri Dios ndutzꞌaqatisaj ri rubꞌanun pe ruwech chi ndubꞌen, achel ruqꞌalajrisan kan chikiwech ri profetas ri erusamajelaꞌ, xchajeꞌ.
8Y ri aj chikaj chꞌabꞌel ri xinwakꞌaxaj xchꞌaꞌa chi pe chuwa y xubꞌij: Kaxuleꞌ qa apeꞌ kꞌo ri ángel peꞌel pariꞌ ri mar y ri rochꞌulew y takꞌamaꞌ apu pa ruqꞌaꞌ ri bꞌoton wuj jaqel. 9Xixuleꞌ qa apeꞌ kꞌo ri ángel, y xinbꞌij chare chi tuyaꞌ pe ri bꞌoton wuj chuwa, y rijaꞌ xubꞌij pe chuwa: Takꞌamaꞌ apu y takꞌuxuꞌ.10:9 Ez. 2:8; 3:1 Ri apan kin ndikꞌayir rikꞌin, pero pa achiꞌ achel rukiꞌil kabꞌ10:9 Sal. 19:10; Jer. 15:16 chin wanan xtanaꞌ chare, xchajeꞌ chuwa.
10Xinkꞌen kꞌa apu ri bꞌoton wuj pa ruqꞌaꞌ ri ángel y xinkꞌux. Pa nuchiꞌ xinnaꞌ achel rukiꞌil ri kabꞌ10:10 Ez. 3:3 chin wanan, pero atoq xinbꞌiqꞌ qa, xinnaꞌ chi xkꞌayir nupan. 11Y xbꞌix chuwa: Ndikꞌatzin ndaqꞌalajrisaj chik jumbꞌey ri ndubꞌij ri Dios pa ruwiꞌ ri ndebꞌanatej kikꞌin santienta wineq jalajaj kitinamit, jalajaj kirochꞌulew, y jalajaj kichꞌabꞌel y ri ndebꞌanatej kikꞌin reyes, xinucheꞌex.
111Xyoꞌox pe jun aj chuwa ri achel cheꞌ chin nginetan,11:1 Ez. 40:3 y kereꞌ xbꞌix chuwa: Kayakatej, taꞌawetaj ri rachoch ri Dios y ri altar; kaꞌawajilaj chuqaꞌ ri ngeyoꞌon ruqꞌij ri Dios chiriꞌ. 2Pero ri chijay chin rachoch ri Dios, ma tawetaj, porque jachon pa kiqꞌaꞌ wineq ma israelitas ta, y 42 ikꞌ ndikiyeqꞌelaꞌ chi aqen11:2 Lc. 21:24 ri loqꞌolej tinamit. 3Y riyin niyaꞌ uchuqꞌaꞌ chake ri ekaꞌiꞌ nusamajelaꞌ enuchaꞌon chin ndikiqꞌalajrisaj nutzij 1,260 qꞌij, y rejeꞌ ndikikusaj tzieq chin bꞌis atoq riꞌ.
4Ri ekaꞌiꞌ yoꞌol rutzijol nutzij, ja ri kaꞌiꞌ cheꞌ olivos11:4 Zac. 4:3 y ri kaꞌiꞌ candeleros, rejeꞌ ekꞌo apu chuwech ri Dios Rajaw ri rochꞌulew, xchajeꞌ. 5Y xa achike na jun ri ndirajoꞌ ndubꞌen itzel chake, ma nditiker ta, porque pa kichiꞌ ri ekaꞌiꞌ riꞌ ndel pe qꞌaqꞌ11:5 Jer. 5:14 ri achoq ikꞌin ngekiporoj ri itzel ngetzꞌeto kichin. Keriꞌ ri kamik ndukꞌulwachij xa achike na ri ndirajoꞌ ndubꞌen itzel chake. 6Ri ekaꞌiꞌ riꞌ yoꞌon uchuqꞌaꞌ pa kiqꞌaꞌ chin ndikibꞌen chi ma tiqaqa pe jabꞌ11:6 1R. 17:1; Stg. 5:17 chikaj, chupan teq ri qꞌij atoq ndikiqꞌalajrisaj ri ndubꞌij pe ri Dios pa kánima. Y chuqaꞌ yoꞌon uchuqꞌaꞌ pa kiqꞌaꞌ pa ruwiꞌ ri yaꞌ chin ndikibꞌen chi ndok qa kikꞌ, y chin ndikiyaꞌ jalajaj teq kꞌayew pa ruwiꞌ ri rochꞌulew jarupeꞌ na mul ndikajoꞌ ndikiyaꞌ. 7Y atoq ndikikꞌis rutzijol ri bꞌiꞌin pe chake chin ndikiqꞌalajrisaj, ri itzel chikap ri ndel pe pa rar siwan, nderubꞌanaꞌ guerra11:7 Dn. 7:21 chake, nditiker pa kiqꞌaꞌ y ngerukamisaj. 8Y ri ki-cuerpos ri ekaꞌiꞌ riꞌ ngepokꞌeꞌ pa nimabꞌey chin ri nimalej tinamit apeꞌ xkamisex ri Kajaw rejeꞌ cho cruz. Ri tinamit riꞌ ndijunumex rikꞌin ri tinamit Sodoma y rikꞌin ri rochꞌulew Egipto apeꞌ kꞌiy itzel teq achike xebꞌanatej. 9Y ekꞌo wineq jalajaj kitinamit, jalajaj katit-kimamaꞌ, jalajaj kichꞌabꞌel y jalajaj kirochꞌulew,11:9 Ap. 17:15 ngekitzꞌet ri cuerpos epakꞌal. Oxiꞌ qꞌij rikꞌin nikꞌaj ngepokꞌeꞌ11:9 Sal. 79:2, 3 ri cuerpos chiriꞌ y ri wineq ma ndikiyaꞌ ta qꞌij chin ngemuq. 10Ja atoq riꞌ ri wineq chochꞌulew ngekikot, ndikibꞌanalaꞌ nimaqꞌij y ndikitaqalaꞌ sipanik chikiwech, porque xeken ri ekaꞌiꞌ riꞌ11:10 Ap. 11:3 ri xeyoꞌon kꞌayew pa kikꞌaslen ri wineq chochꞌulew. 11Y atoq qꞌaxneq chik ri oxiꞌ qꞌij rikꞌin nikꞌaj, ri Dios nduteq espíritu chin kꞌaslen11:11 Gn. 2:7; Ez. 37:5, 14 chin ndok pa ki-cuerpo ri ekaꞌiꞌ riꞌ, y ngebꞌeyakatej chi pe. Y ri wineq ri ngetzꞌeto kichin, santienta xibꞌriꞌil ndok pa kánima. 12Y ri ekaꞌiꞌ samajelaꞌ riꞌ xkakꞌaxaj jun chꞌabꞌel chikaj ri kaw xubꞌij: ¡Kixjoteꞌ pe chireꞌ! Y xejoteꞌ e11:12 2R. 2:1 chikaj chupan jun nube11:12 Is. 60:8; Hch. 1:9 chikiwech ri itzel xetzꞌeto kichin. 13Y ja atoq riꞌ xbꞌanatej jun nimalej kobꞌraqen,11:13 Ap. 16:18, 19 y jun lajuj parte chin ri nimalej tinamit xwuluwuꞌ, y xeken wuquꞌ mil wineq. Y ri ma xeken ta, santienta xkixibꞌij kiꞌ y xkiyaꞌ ruqꞌij ri aj chikaj Dios.
14Rikꞌin nojel re xbꞌanatej, xqꞌax yan ri rukan kꞌayew, pero ja pataneq ri rox.
Ri ndibꞌanatej atoq ndixulex ri ruwuq trompeta
15Ri ruwuq ángel xuxulaj ri trompeta yoꞌon chare11:15 Is. 27:13 y chikaj xeꞌakꞌaxex nimalej teq chꞌabꞌel ri kereꞌ ndikibꞌilaꞌ:
Wokami pa ruqꞌaꞌ ri Qajaw Dios
Xyoꞌox ri aj rochꞌulew reino,
Y pa ruqꞌaꞌ chuqaꞌ ri Jun ri xuteq chochꞌulew chukolik ri rutinamit.
Y Rijaꞌ ndubꞌen reinar chin jumul11:15 Dn. 2:44; 4:3; Mi. 4:7; Lc. 1:33 pa kiwiꞌ.
16Y ri 24 rijilej teq achiꞌaꞌ ri etzꞌuyul pa teq ki-tronos11:16 Ap. 4:4 chuwech ri Dios, xexukeꞌ y xelukeꞌ. Y chin ndikiyaꞌ ruqꞌij ri Dios, 17kereꞌ ndikibꞌilaꞌ:
Ajaw Dios, pa aqꞌaꞌ rat kꞌo nojel uchuqꞌaꞌ.
Kin ratkꞌo wi pe y ratkꞌo wokami.
Chawa rat ndiqamatioxij porque wokami xqꞌalajin ri nimalej awuchuqꞌaꞌ,
Y xatzꞌuk e chin ndabꞌen reinar.
18Xyakatej koyowal jalajaj teq tinamit chawa,
Pero ja xuqaqa ri tiempo chin ndiqaqa awoyowal pa kiwiꞌ.
Ja xuqaqa ri tiempo chin ndaqꞌet tzij pa kiwiꞌ ri ekamineq,11:18 Hch. 10:42; 2Ti. 4:1; 1P. 4:5
Y chin chuqaꞌ ndayaꞌ rajel-rukꞌexel chake ri profetas roma ri samaj kibꞌanaloꞌon,
Chake ri loqꞌolej teq awalkꞌuaꞌl
Y chake ri kinimrisan ri abꞌiꞌ.
Chi chꞌutiꞌq chi nimaꞌq, kin ndayaꞌ rajel-rukꞌexel chake,
Y xuqaqa chuqaꞌ ri tiempo chin ndakꞌis kiqꞌij ri ngekꞌiso ruqꞌij ri rochꞌulew.
Ri ndibꞌanatej nabꞌey chi ngeqꞌalajin nimalej teq etal chikaj
19Y xjaqatej chikaj ri puerta chin ri rachoch ri Dios, y chiriꞌ xtzꞌetetej ri káxa11:19 Ex. 25:21, 22; Nm. 4:5; He. 9:4 ri achoq chupan yakel ri pacto ri xubꞌen ri Dios rikꞌin ri rutinamit. Xetiker pe koyopaꞌ y rayos ri santienta ngeqꞌajan, xbꞌanatej jun nim kobꞌraqen y xubꞌen chuqaꞌ santienta saqbꞌach.
12Ri ixaq ri ndalex ral
1Y xtzꞌetetej jun nimalej etal chikaj. Ri etal riꞌ jun ixaq ruweqon riꞌ chare ri qꞌij, y chuxeꞌ qa ri raqen kꞌo ri raqen ikꞌ y pa rujolon rukusan jun corona ruchajin kabꞌlajuj chꞌumil. 2Ri ixaq riꞌ ndisikꞌin roma ri qꞌaxomal ndunaꞌ, porque pataneq alanik chirij y ja ndajin ruqꞌaxon roma ndalex ri ral.
Ri ojer itzel kumetz keq rij
3Y xtzꞌetetej chik jun etal chikaj, y ri etal riꞌ jun mama itzel kumetz keq rij. Ri kumetz riꞌ wuquꞌ rujolon, lajuj rukꞌaꞌ12:3 Ap. 17:3 y pa teq rujolon rukꞌuan jujun corona. 4Ri kumetz riꞌ, rikꞌin ri rujey ruqiriren jun rox parte ri chꞌumilaꞌ chikaj, y xerukiraj pe chochꞌulew.12:4 Dn. 8:10 Ri itzel kumetz riꞌ xbꞌepeꞌeꞌ chuwech ri ixaq ri ndajin ruqꞌaxon roma ndalex ri ral, chin keriꞌ xe xtalex ri ral, ja nduqetzelaꞌ.12:4 1P. 5:85Y ri ixaq riꞌ xalex jun chꞌuti ral alaꞌ ri ndekꞌojeꞌ pa kiwiꞌ nojel kiwech wineq chochꞌulew, y kin achel rukꞌuan jun chꞌichꞌ12:5 Sal. 2:9; Ap. 2:27; 19:15 pa ruqꞌaꞌ ri achoq chare ndubꞌen chake ri wineq chi ndikinimaj rutzij. Y ri ral ri ixaq xkꞌan e y xukꞌuꞌex e apeꞌ kꞌo ri Dios y ri ru-trono. 6Ri ixaq riꞌ, xanimej xbꞌa pa jun chaqiꞌj y tzꞌiran ulew, apeꞌ ri Dios rubꞌanun rukꞌojlen jun lugar chare, chin ndilix 1,260 qꞌij.
7Y xbꞌanatej chuqaꞌ jun guerra chikaj. Ri Miguel12:7 Dn. 10:13; 12:1 y ri ángeles ekꞌo chuxeꞌ rutzij xkibꞌen guerra chare ri itzel kumetz y ri ru-ángeles. Keriꞌ chuqaꞌ ri itzel kumetz y ri ru-ángeles xkipabꞌaꞌ kiꞌ chuwech ri Miguel, 8pero ma xetiker ta pa ruqꞌaꞌ, y ma xyoꞌox chi ta qꞌij chake chi xekꞌojeꞌ chikaj. 9Xelesex kꞌa e ri mama ojer itzel kumetz12:9 Gn. 3:1 ri ndibꞌix chuqaꞌ Satanás12:9 Lc. 10:18; Jn. 12:31 chare. Ja rijaꞌ ri ndichꞌakatin kichin ri jalajaj kiwech wineq chochꞌulew. Y xetorix qa rijaꞌ y ri ru-ángeles12:9 2P. 2:4 chochꞌulew.
10Ja atoq riꞌ xinwakꞌaxaj jun nim chꞌabꞌel chikaj ri xubꞌij:
Wokami ri qa-Dios jabꞌel ruqꞌalajrisan chi ngerukal12:10 Ap. 19:1 ri rutinamit,
Chi kꞌo nimalej ruchuqꞌaꞌ, chi ja rijaꞌ ri ndubꞌen reinar,12:10 Ap. 11:15
Y chi kin kꞌo uchuqꞌaꞌ pa ruqꞌaꞌ ri Jun ri xuteq chochꞌulew chukolik ri rutinamit;
Porque ja xsututex e ri sujunel12:10 Job 1:9; 2:4, 5; Zac. 3:1 kichin ri qa-hermanos,
Ri ngerusujuj chi chaqꞌaꞌ chi paqꞌij
Chuwech ri qa-Dios.
11Y ri qa-hermanos riꞌ xetiker12:11 Ro. 8:37; 16:20 chirij ri itzel,
Roma rukikꞌel ri Alaj Karneꞌl
Y roma chuqaꞌ xkiyaꞌ rutzijol chi kitaqin rijaꞌ.
Ma xkipoqonaj ta ri kikꞌaslen, maske xekamisex.
12Roma kꞌa riꞌ, kixkikot rix,
Ri rixkꞌo chikaj,
Pero, ¡juyo iwech rix ri rixkꞌo chochꞌulew y rix ri rixkꞌo pa mar!
Porque ri itzel kin retaman chi xa jubꞌaꞌ chi ok qꞌij yoꞌon chare,
Y santienta royowal qajneq qa chochꞌulew apeꞌ rixkꞌo,
xchajeꞌ.
13Atoq ri itzel kumetz xuyaꞌ cuenta chare chi xtorix qa chochꞌulew, xutzeqlebꞌej ri ixaq ri xalex chꞌuti ral alaꞌ chin ndubꞌen itzel chare.12:13 Ap. 12:4, 514Y xyoꞌox chare ri ixaq riꞌ ri kaꞌiꞌ ruxikꞌ ri nimalej kot, chin ndirapap ndibꞌa pa chaqiꞌj y tzꞌiran ulew, apeꞌ kꞌo ri lugar bꞌanun rukꞌojlen chin ndilix jun junaꞌ, kaꞌiꞌ junaꞌ y nikꞌaj chik junaꞌ, chin ma tilitej roma ri itzel kumetz. 15Atoq ri itzel kumetz xutzꞌet chi keriꞌ, xupubꞌaj pe pa ruchiꞌ jun achel raqen yaꞌ, chin ta xqirirex ri ixaq roma ri yaꞌ. 16Pero ri rochꞌulew xjaqatej ruchiꞌ chin xutoꞌ ri ixaq y xubꞌiqꞌ qa ri yaꞌ ri xupubꞌaj pe ri itzel kumetz pa ruchiꞌ. 17Ja atoq riꞌ ri itzel kumetz xyakatej santienta royowal chare ri ixaq, romariꞌ xbꞌerubꞌanaꞌ guerra chake ri chꞌaqa chik ral ri ixaq12:17 Gn. 3:15 ri kiniman ri mandamientos ruyoꞌon kan ri Dios y ma kiyoꞌon ta kan chi ndikiyaꞌ utzulej rutzijol ri Jesús.12:17 Ap. 1:2, 918Y ri itzel kumetz xbꞌepeꞌeꞌ pariꞌ ri sanayiꞌ chin ri mar.
13Ri itzel chikap ri ndel pe pa mar
1Riyin Juan xintzꞌet chi pa mar xel pe jun itzel chikap lajuj rukꞌaꞌ13:1 Dn. 7:7 y wuquꞌ rujolon. Pa teq rukꞌaꞌ kꞌo jun corona, y pariꞌ teq ri rujolon tzꞌibꞌan jun bꞌiꞌaj ri nduyaqꞌ rubꞌiꞌ ri Dios. 2Ri itzel chikap xintzꞌet, achel leopardo13:2 Dn. 7:6 nditzꞌetetej. Ri raqen eꞌachel richin jun oso keriꞌ, y ri ruchiꞌ achel ruchiꞌ jun koj. Ri itzel kumetz13:2 Ap. 12:9 xuqꞌasaj ri ruchuqꞌaꞌ chare ri itzel chikap riꞌ, xuyaꞌ ri ru-trono y xuyaꞌ chuqaꞌ santienta uchuqꞌaꞌ pa ruqꞌaꞌ. 3Y xintzꞌet chi jun chikikajal ri rujolon ri itzel chikap riꞌ, achel kamineq roma xsokotej, pero ri sokotajik xkꞌachaj y konojel wineq chochꞌulew xsach kikꞌuꞌx y koqan13:3 2Ts. 2:3 ri itzel chikap. 4Ri wineq xkiyaꞌ ruqꞌij ri itzel kumetz, porque xuyaꞌ uchuqꞌaꞌ pa ruqꞌaꞌ ri itzel chikap, y xkiyaꞌ chuqaꞌ ruqꞌij ri itzel chikap y ndikibꞌilaꞌ: ¿La kꞌo kami jun achel re chikap reꞌ? ¿Kꞌo kami jun xtitiker pa ruqꞌaꞌ?
5Y xyoꞌox qꞌij chare ri itzel chikap chi ndichꞌaꞌa, chi ndunimrisalaꞌ riꞌ13:5 Dn. 7:23-25 y chi ngerubꞌilaꞌ yoqꞌonik teq tzij chirij ri Dios. Y chin 42 ikꞌ13:5 Ap. 11:2 xyoꞌox uchuqꞌaꞌ pa ruqꞌaꞌ chin ndubꞌen mandar pa kiwiꞌ ri wineq. 6Y ri itzel chikap xchꞌaꞌa, y xuyaqꞌ ri Dios, y xerubꞌilaꞌ yoqꞌonik teq tzij chirij rubꞌiꞌ ri Dios, chirij ri rachoch ri Dios, y chuqaꞌ chikij ri ekꞌo chiriꞌ. 7Y xyoꞌox qꞌij chare chi ndubꞌen guerra chake ri loqꞌolej ralkꞌuaꞌl ri Dios y chi nditiker pa kiqꞌaꞌ.13:7 Dn. 7:21 Y xyoꞌox chuqaꞌ uchuqꞌaꞌ pa ruqꞌaꞌ chin ndikꞌojeꞌ pa kiwiꞌ wineq jalajaj katit-kimamaꞌ, jalajaj kitinamit, kichꞌabꞌel y kirochꞌulew. 8Ri ngeyoꞌon ruqꞌij ri itzel chikap, ja ri wineq ri ekꞌo chochꞌulew ri xe jampeꞌ pa nabꞌey atoq kꞌajani titzꞌukutej pe ri rochꞌulew13:8 Ef. 1:4 ma tzꞌibꞌan ta kibꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen13:8 Dn. 12:1; Fil. 4:3; Ap. 21:27 ma ndikꞌis ta chake. Ri wuj riꞌ chin ri Alaj Karneꞌl13:8 Jn. 1:29, 36; 1P. 1:19 ri altíra sokotajneq roma ri kamik xuqꞌasaj.
9Ri ndirajoꞌ ndukꞌoxomaj, tukꞌoxomaj utz-utz re tzij reꞌ:
10Chupan teq ri qꞌij riꞌ, si kꞌo jun ri bꞌiꞌin chik pa ruwiꞌ chi ndukꞌuꞌex pa cheꞌ,
Pa cheꞌ ndeyoꞌox wi,
Si kꞌo jun bꞌiꞌin chik chi ndikamisex rikꞌin espada,
Rikꞌin espada ndikamisex.13:10 Mt. 26:52
Rikꞌin ri keriꞌ ndibꞌanatej, ndikꞌatzin chi ngekochꞌon13:10 Ap. 14:12 ri loqꞌolej ralkꞌuaꞌl ri Dios, y ndikꞌatzin chuqaꞌ chi ma ndikiyaꞌ kan chi kuqul kikꞌuꞌx rikꞌin ri Dios.
Ri itzel chikap ri ndel pe pa ulew
11Y xintzꞌet chik jun itzel chikap xel pe pa ulew. Ri itzel chikap riꞌ, kꞌo kaꞌiꞌ rukꞌaꞌ achel richin jun wíta karneꞌl, pero ndichꞌaꞌa achel jun mama itzel kumetz. 12Ri jun chik itzel chikap riꞌ, ndukusaj nojel ri uchuqꞌaꞌ yoꞌon chare ri nabꞌey itzel chikap13:12 Ap. 13:2, 3, 14 ri xel pe pa mar, y kin chuwech ri itzel chikap riꞌ ndukusaj wi. Y ndubꞌen chare ri rochꞌulew y ri ekꞌo chuwech chi ndikiyaꞌ ruqꞌij ri nabꞌey itzel chikap eleneq pe pa mar, ri xkꞌachaj chuwech ri sokotajik chin kamik. 13Y ndubꞌen nimalej teq milagros,13:13 Mt. 24:24; 2Ts. 2:9; Ap. 16:14 hasta ndubꞌen chi ndiqaqa pe qꞌaqꞌ chikaj y ndiqaqa chochꞌulew chikiwech ri wineq. 14Rikꞌin ri milagros13:14 Ap. 19:20 ri xyoꞌox qꞌij chare chi ngerubꞌanalaꞌ chuwech ri nabꞌey itzel chikap, ngeruchꞌakatij ri wineq chochꞌulew. Xubꞌen mandar chi tikibꞌanaꞌ jun rachibꞌel ri nabꞌey itzel chikap ri xsokotej rikꞌin espada y ma xken ta. 15Y chare ri rukan itzel chikap xyoꞌox chuqaꞌ uchuqꞌaꞌ chin nduyaꞌ rukꞌaslen ri rachibꞌel ri nabꞌey itzel chikap, chin keriꞌ tichꞌaꞌa pe ri achibꞌel, y tubꞌij chi kekamisex konojel ri ma ndikiyaꞌ ta ruqꞌij.13:15 Ap. 20:416Ri achibꞌel riꞌ, ndubꞌen chuqaꞌ chake konojel wineq chi tiyoꞌox jun etal13:16 Ap. 16:2 chirij ri rikiqꞌaꞌ teq kiqꞌaꞌ o pa runikꞌajal teq kiwech. Keriꞌ xubꞌij chi tibꞌan chake chi chꞌutiꞌq chi nimaꞌq, chake bꞌeyomaꞌ, chake ri maneq ok kichajin, chake loqꞌon teq samajelaꞌ y chake ri e-libres. 17Y xubꞌen chi nixta jun nditiker ndikꞌayin o ndiloqꞌon, si ma kꞌo ta ri etal riꞌ13:17 Ap. 14:11 chirij, y ri etal riꞌ, ja ri rubꞌiꞌ ri itzel chikap o ri número chin ri rubꞌiꞌ. 18Chin ndawetamaj ri ndubꞌij tzij ri número riꞌ, ndikꞌatzin nojibꞌel. Ri kꞌo nojibꞌel13:18 Sal. 107:43 rikꞌin, tiretamaj ri ndubꞌij tzij ri número chin ri itzel chikap, porque ri ru-número, xa kin chin wineq, y riꞌ ja ri 666.
14Ri Alaj Karneꞌl y ri echaꞌon roma ri Dios
1Atoq xitzuꞌun chi apu, kꞌateꞌ ruwech xintzꞌet ri Karneꞌl14:1 Jn. 1:29 peꞌel pariꞌ ri juyuꞌ rubꞌiniꞌan Sión, y rikꞌin rijaꞌ ekꞌo 144 mil14:1 Ap. 7:3, 4 wineq ri tzꞌibꞌan ri rubꞌiꞌ ri Alaj Karneꞌl y ri rubꞌiꞌ ri Rutataꞌ Dios pa runikꞌajal kiwech. 2Y xinwakꞌaxaj jun chꞌabꞌel pataneq chikaj. Ri chꞌabꞌel riꞌ, ndiqꞌajan achel santienta yaꞌ14:2 Ap. 1:15 ri ngeqaqa pa kiwiꞌ abꞌej, achel chuqaꞌ ndiqꞌajan jun nimalej rayo y achel ngeqꞌajan ri arpas14:2 Ap. 5:8 atoq ngeqꞌojomex keriꞌ. 3Y ri 144 mil wineq ndikibꞌixaj jun kꞌakꞌakꞌ bꞌix14:3 Ap. 5:9 chuwech ri Dios ri tzꞌuyul pa ru-trono, chikiwech ri kajiꞌ kꞌo kikꞌaslen y chikiwech ri rijilej teq achiꞌaꞌ. Y nixta jun nditiker ndiretamaj ri bꞌix riꞌ, xa kin xe wi ri 144 mil ri rikꞌin nimalej ajel xekolotej pe chochꞌulew. 4Jareꞌ ri ma xekꞌojeꞌ ta kikꞌin ixoqiꞌ y kin chꞌajchꞌaj wi ri kikꞌaslen.14:4 2Co. 11:2 Rejeꞌ ndikoqaj ri Alaj Karneꞌl apejeꞌ na ndibꞌa wi. Xeloqꞌ wi pe chikikajal ri wineq chochꞌulew, y eꞌachel ri nabꞌey teq ruwech tikoꞌ14:4 Stg. 1:18 ndisuj chare ri Dios y chare ri Alaj Karneꞌl. 5Y nixta jun chꞌakatinik xilitej pa kichiꞌ,14:5 Sof. 3:13 xa kin chꞌajchꞌaj14:5 Sal. 32:2; Jud. 24 ri kánima.
Ri aj chikaj ri xalex chikikajal ri wineq y waqiꞌ ángeles
6Y xintzꞌet jun chik ángel ndirapap pa runikꞌajal ri kaj rukꞌuan ri utzulej teq tzij chin ri kolotajik chin jumul,14:6 Tit. 1:2 chin nderuyaꞌ rutzijol chake ri ekꞌo chochꞌulew, chake konojel14:6 Mt. 28:19; Ef. 3:9 wineq jalajaj kirochꞌulew, jalajaj katit-kimamaꞌ, kichꞌabꞌel y kitinamit. 7Y rikꞌin kaw ruchꞌabꞌel xubꞌij: Tiyaꞌ ruqꞌij ri Dios y tinimrisaj rubꞌiꞌ, porque ja xuqaqa ri qꞌij chin nduqꞌet tzij. Kixxukeꞌ y kixlukeꞌ chuwech ri Dios ri xbꞌanun ri kaj,14:7 Sal. 33:6 ri rochꞌulew,14:7 Sal. 95:5; 124:8 ri mar14:7 Ex. 20:11; Neh. 9:6; Hch. 14:15 y ri alaxbꞌel teq yaꞌ.
8Atoq xqꞌax yan riꞌ, xbꞌeꞌel pe jun rukan ángel ri xubꞌij: ¡Xkꞌis ruqꞌij, xkꞌis ruqꞌij ri nimalej tinamit Babilonia14:8 Is. 21:9; Jer. 51:8; Ap. 16:19; 17:5 ri xbꞌanun chake ri wineq jalajaj kirochꞌulew chi xkiqꞌabꞌarisaj kiꞌ chupan nojel ri ruchuqꞌaꞌ ri mak ndajin chiriꞌ, y ri mak riꞌ ja ri ndikikꞌamalaꞌ qa kiꞌ xa achoq na ikꞌin chin ndikibꞌen mak!
9Atoq xqꞌax yan riꞌ, xbꞌeꞌel pe jun rox ángel ri rikꞌin kaw ruchꞌabꞌel xubꞌij: Xa achike na jun ri xtiyoꞌon ruqꞌij ri itzel chikap y ri rachibꞌel y nduyaꞌ qꞌij chin ndiyoꞌox retal ru-sello ri itzel chikap chiruqꞌaꞌ o pa runikꞌajal ruwech,14:9 Ap. 13:15, 1610ri wineq riꞌ kin xtutij nojel ruchuqꞌaꞌ ri castigo nduyaꞌ ri Dios,14:10 Sal. 75:8; Jer. 25:15 castigo ri kꞌo chupan ri copa chin ri royowal. Ndiyoꞌox kꞌayew chare pa qꞌaqꞌ ri ndiraqa rikꞌin azufre, y chikiwech ri loqꞌolej ángeles y chuwech ri Alaj Karneꞌl ndibꞌan wi. 11Y ri rusibꞌil ri qꞌaqꞌ ri achoq chupan ngeyoꞌox ri ndiyoꞌox kꞌayew chake, kin chin jumul ndijoteꞌ chikaj.14:11 Is. 34:10 Nixta jun uxlanen ndiyoꞌox chake, chi chaqꞌaꞌ chi paqꞌij ndikiqꞌasaj kꞌayew, porque xkiyaꞌ ruqꞌij ri itzel chikap y ri rachibꞌel. Keriꞌ ndibꞌan chake ri ngeyoꞌon qꞌij chi ndiyoꞌox retal rubꞌiꞌ ri itzel chikap chikiqꞌaꞌ o pa runikꞌajal kiwech. 12¡Chireꞌ nditzꞌetetej chi ri eloqꞌolej ralkꞌuaꞌl ri Dios ri kiniman ri ru-mandamientos14:12 Ap. 12:17 y ma kiyoꞌon ta kan chi kuqul kikꞌuꞌx rikꞌin ri Jesús, ndikꞌatzin chi ngekochꞌon!14:12 Ap. 13:10
13Ja atoq riꞌ riyin Juan xinwakꞌaxaj jun chꞌabꞌel chikaj ri xubꞌij: Tatzꞌibꞌaj reꞌ: Wokami nditiker e chi jabꞌel rokiqꞌij konojel ri ngeken14:13 Ec. 4:1, 2; Ap. 20:6 y xe jun kibꞌanun rikꞌin ri Ajaw.
Jaꞌn, keriꞌ, ndichajeꞌ ri Espíritu Santo. Porque kin ngeꞌuxlan14:13 Is. 57:2; 2Ts. 1:7; He. 4:9 chuwech ri itzel ndibꞌan chake roma rusamaj ri Ajaw, y nojel ri utz kibꞌanun ma xe ta keriꞌ ndikanej, xa kin ndiyoꞌox wi rajel-rukꞌexel chake.
14Atoq wakꞌaxan chik riꞌ, kꞌateꞌ ruwech xintzꞌet jun nube seq, y pariꞌ ri nube tzꞌuyul Jun ri kin achel ri aj chikaj ri xuꞌalex chiqakajal.14:14 Ez. 1:26; Dn. 7:13 Pa rujolon rukusan jun corona bꞌanun chare qꞌanapueq, y pa ruqꞌaꞌ rukꞌuan jun jos santienta rey. 15Ja atoq riꞌ jun chik ángel xel pe pa rachoch ri Dios, y rikꞌin kaw ruchꞌabꞌel xubꞌij chare ri tzꞌuyul pariꞌ ri nube: ¡Takusaj ri jos akꞌuan, taꞌaqꞌataꞌ kiwech ri tikoꞌ14:15 Jer. 51:33; Jl. 3:13; Mt. 13:39 kꞌo chochꞌulew! Porque utz chik chin ngeqꞌat.
16Y ri tzꞌuyul pariꞌ ri nube xukusaj ri rujos y xumal e ruwech ri tikoꞌ chochꞌulew.
17Ja atoq riꞌ jun chik ángel xel pe pa rachoch ri Dios chikaj, rukꞌuan chuqaꞌ jun jos santienta rey. 18Y jun chik ángel xbꞌeꞌel pe apeꞌ kꞌo ri altar. Ri ángel riꞌ yoꞌon uchuqꞌaꞌ pa ruqꞌaꞌ pa ruwiꞌ ri qꞌaqꞌ, y rikꞌin kaw ruchꞌabꞌel xubꞌij chare ri ángel ri rukꞌuan ri jos santienta rey: Takusaj ri jos akꞌuan y taqꞌataꞌ ri tzeqaj teq uva chochꞌulew, porque utz chik chin ngeqꞌat. 19Y ri ángel xujuꞌ ri rujos chuxeꞌ ri tzeqaj teq uva chochꞌulew, xerumal e y xebꞌeruyaꞌ chupan ri nimalej pitzꞌbꞌel apeꞌ ngepitzꞌ ri ruwech uva, y riꞌ ndubꞌij tzij, ri nimalej castigo ri nduyaꞌ ri Dios chin ndiqaqa ri royowal14:19 Ap. 19:15 pa kiwiꞌ. 20Y saqil e chin ri tinamit14:20 He. 13:12 xeyeqꞌeloꞌox ri ruwech uva chi aqen chupan ri nimalej pitzꞌbꞌel,14:20 Is. 63:3; Lm. 1:15 y chiriꞌ xel pe kikꞌ ri xjoteꞌ hasta apeꞌ kꞌo ki-frenos ri kej pa kichiꞌ, y jun laꞌeq 300 kilómetros xchemeꞌ ri kikꞌ riꞌ.
15Ri wuquꞌ ángeles y ri wuquꞌ kꞌayew
1Riyin Juan xintzꞌet jun chik nimalej etal chikaj ri ndisach akꞌuꞌx ndatzꞌet: Ri etal riꞌ, wuquꞌ ángeles kikꞌuan wuquꞌ rukꞌisibꞌel teq kꞌayew. Y kikꞌin ri kꞌayew riꞌ nditzꞌaqet rukꞌusaxik ri royowal15:1 Ap. 14:10; 16:1 ri Dios pa kiwiꞌ ri wineq.
Ri ndibꞌanatej nabꞌey chi ndiwoxix ri kꞌo chupan ri copas
2Y xintzꞌet jun achel mar15:2 Ap. 4:6 vidrio xolon rikꞌin qꞌaqꞌ nditzuꞌun, y pa ruwiꞌ ri achel mar riꞌ epeꞌel apu ri xetiker pa ruqꞌaꞌ ri nabꞌey itzel chikap y pa ruqꞌaꞌ ri rachibꞌel, y ma xkiyaꞌ ta qꞌij chi xyoꞌox ri ru-número ri rubꞌiꞌ chikiqꞌaꞌ, o pa runikꞌajal kiwech. Rejeꞌ kikꞌuan arpas ri xyoꞌox chake roma ri Dios. 3Y ndikibꞌixaj ri bꞌix ri xubꞌixaj ri Moisés15:3 Ex. 15:1 rusamajel ri Dios y ri bꞌix chin ndiyoꞌox ruqꞌij ri Alaj Karneꞌl, y kereꞌ ndikibꞌij:
Ajaw Dios, pa aqꞌaꞌ rat kꞌo nojel uchuqꞌaꞌ.
Ndisach qakꞌuꞌx roma ri nimalej teq asamaj abꞌanun,
Kin qetzij y chojmilej15:3 Dt. 32:4; Os. 14:9 wi ri ngaꞌabꞌanalaꞌ.
Ja rat ri Rey pa kiwiꞌ ri wineq jalajaj kirochꞌulew.
4Ajaw, ¿kꞌo kami jun ri man ta ndunimrisaj abꞌiꞌ
Y man ta nduyaꞌ aqꞌij?
Porque xa kin xe wi rat ri rat loqꞌolej.
Romariꞌ konojel wineq ri jalajaj teq kirochꞌulew ngetuqaqa y ndukiyaꞌ aqꞌij.
Porque xqꞌalajin chi ri ndabꞌen, kin pa ruchojmil ndabꞌen, xechajeꞌ.
5Y atoq xbꞌanatej yan riꞌ, kꞌateꞌ ruwech xintzꞌet chi chikaj xjaq15:5 Ap. 11:19 ri más loqꞌolej kꞌojlibꞌel chupan ri rachoch ri Dios ri bꞌanun chare kꞌul, apeꞌ kꞌo ri káxa ri achoq chupan yakel ri tzꞌajtzꞌeq teq abꞌej ri achoq chikiwech tzꞌibꞌan ri ley ri xyoꞌox chare ri Moisés. 6Y chupan ri loqꞌolej kꞌojlibꞌel riꞌ xebꞌeꞌel pe ri wuquꞌ ángeles kikꞌuan ri wuquꞌ kꞌayew. Ri ángeles riꞌ kiweqon kiꞌ rikꞌin chꞌajchꞌaj teq tzieq bꞌanun chare lino15:6 Ex. 28:6; Ez. 44:17 nditzꞌintzꞌot, y ximil rokikꞌuꞌx rikꞌin ximibꞌel bꞌanun chare qꞌanapueq. 7Y jun chikikajal ri kajiꞌ kꞌo kikꞌaslen15:7 Ap. 4:6 xujech wuquꞌ copas ebꞌanun chare qꞌanapueq chake ri wuquꞌ ángeles, jujun chikijununal xuyaꞌ chake. Ri copas riꞌ enojneq rikꞌin ruchuqꞌaꞌ ri castigo nduyaꞌ ri Dios ri kin jumul kꞌo rukꞌaslen. 8Ri loqꞌolej kꞌojlibꞌel chin ri rachoch ri Dios, xnoj15:8 Ex. 40:34; 1R. 8:10; 2Cr. 5:14 rikꞌin sibꞌ15:8 Is. 6:4 retal ri nimalej ruqꞌij y ruchuqꞌaꞌ ri Dios, y nixta jun nditiker ndok apu chiriꞌ, hasta kꞌa nditzꞌaqet na ri wuquꞌ kꞌayew ri ndikiyaꞌ ri wuquꞌ ángeles riꞌ.
161Ja atoq riꞌ xinwakꞌaxaj chi chupan ri más loqꞌolej kꞌojlibꞌel chin ri rachoch ri Dios, kꞌo jun ri rikꞌin kaw ruchꞌabꞌel kereꞌ xubꞌij pe chake ri wuquꞌ ángeles: ¡Kixbꞌiyin y teꞌiwoxij pa ruwiꞌ ri rochꞌulew ri ruchuqꞌaꞌ ri castigo nduyaꞌ ri Dios16:1 Ap. 14:10 chin ndukꞌusaj royowal,16:1 Ap. 15:1 castigo ri kꞌo chupan ri wuquꞌ copas ikꞌuan!
Ri wuquꞌ copas
2Ri nabꞌey ángel16:2 Ap. 8:7 xbꞌa, y pa ruwiꞌ ri rochꞌulew xbꞌeruwoxij ri kꞌo chupan ri copa rukꞌuan, y ri wineq ri xkiyaꞌ qꞌij chin xyoꞌox retal ru-sello ri nabꞌey itzel chikap chikij, y ndikiyalaꞌ chuqaꞌ ruqꞌij ri rachibꞌel ri chikap riꞌ, xebꞌeꞌel pe itzel y chuwilej teq chꞌaꞌk16:2 Ex. 9:9; Dt. 28:27; 1S. 5:6, 9 chikij ri ngeruyaꞌ pa qꞌaxomal.
3Ri rukan ángel xbꞌa, y pa ruwiꞌ ri mar xbꞌeruwoxij ri kꞌo chupan ri copa rukꞌuan, y ri mar xchuwir qa, kin achel rukikꞌel jun ámna xubꞌen qa, y nojel ri kꞌo kikꞌaslen pa mar xeken.16:3 Ap. 8:9
4Ri rox ángel xbꞌa, y pa kiwiꞌ ri raqen teq yaꞌ y ri alaxbꞌel teq yaꞌ16:4 Ap. 8:10 xbꞌeruwoxij ri kꞌo chupan ri copa rukꞌuan, y ri yaꞌ xok qa kikꞌ.16:4 Ex. 7:17, 205Y xinwakꞌaxaj ruchꞌabꞌel ri ángel ri yoꞌon uchuqꞌaꞌ chare pa ruwiꞌ ri yaꞌ chi kereꞌ xubꞌij:
Ajaw, rat ri kin rat loqꞌolej wi, ri kin ratkꞌo wi pe,16:5 Ap. 1:4, 8; 4:8; 11:17 y ratkꞌo wokami,
Kin pa ruchojmil16:5 Sal. 97:2 xabꞌen, roma kereꞌ castigo xayaꞌ.
6Porque rejeꞌ xekikamisaj
Ri loqꞌolej awalkꞌuaꞌl
Y ri a-profetas,16:6 Mt. 23:34
Y rat xabꞌen chake chi ndikitij kikꞌ,16:6 Is. 49:26
Kin achel rukꞌulun chi ndibꞌan chake,
xchajeꞌ.
7Y xinwakꞌaxaj jun chꞌabꞌel cho altar ri xubꞌij pe: Kin keriꞌ wi, Ajaw Dios, ri kꞌo nojel uchuqꞌaꞌ pa aqꞌaꞌ. Kin pa ruchojmil16:7 Ap. 19:2 ndayaꞌ castigo, y ja ri castigo ri rukꞌulun chi ndiyoꞌox, jariꞌ ri ndayaꞌ.
8Ri rukaj ángel16:8 Ap. 8:12 xbꞌa, y pa ruwiꞌ ri qꞌij xbꞌeruwoxij ri kꞌo chupan ri copa rukꞌuan, y ri qꞌij xkꞌojeꞌ ruchuqꞌaꞌ chin ngerukꞌatisaj ri wineq rikꞌin ruqꞌaqꞌal. 9Janíma xekꞌat ri wineq rikꞌin ruqꞌaqꞌal ri qꞌij y xkiyaqꞌ rubꞌiꞌ ri Dios ri kꞌo uchuqꞌaꞌ pa ruqꞌaꞌ pa ruwiꞌ teq ri kꞌayew riꞌ. Y ri wineq ma xkijel ta kinoꞌoj nixta xkiyaꞌ kánima rikꞌin ri Dios, chin ta xkiyaꞌ ruqꞌij.
10Ri ruwoꞌ ángel xbꞌa, y pa ruwiꞌ ru-trono ri nabꞌey itzel chikap xbꞌeruwoxij ri kꞌo chupan ri copa rukꞌuan, y jun nimalej qꞌequꞌ16:10 Ex. 10:21 xkꞌojeꞌ pa ruwiꞌ ri rochꞌulew apeꞌ ndubꞌen reinar ri chikap riꞌ. Y ri wineq ndikikachꞌulaꞌ kaqꞌ roma ri qꞌaxomal ndikinaꞌ. 11Y roma ri qꞌaxomal ndikinaꞌ y roma ri itzel y chuwilej teq chꞌaꞌk kꞌo chikij,16:11 Ap. 16:2 ri wineq ndikiyaqꞌ rubꞌiꞌ ri aj chikaj Dios, y ma xkiyaꞌ ta kan ri itzel teq achike ngekibꞌanalaꞌ.
12Ri ruwaq ángel xbꞌa, y pa ruwiꞌ ri nimalej raqen yaꞌ rubꞌiniꞌan Éufrates16:12 Ap. 9:14 xbꞌeruwoxij ri kꞌo chupan ri copa rukꞌuan, y ri raqen yaꞌ riꞌ xchaqiꞌj16:12 Jer. 50:38; 51:36 qa chin xbꞌan kan rukꞌojlen ri bꞌey apeꞌ ngeꞌeqꞌax ri reyes ri ngeꞌel pe apeꞌ ndalex ri qꞌij.16:12 Is. 41:2, 25
13Y xintzꞌet chi pa ruchiꞌ ri itzel kumetz,16:13 Ap. 12:13 pa ruchiꞌ ri nabꞌey itzel chikap y pa ruchiꞌ ri achi ri ruqꞌabꞌan riꞌ chi profeta,16:13 1Jn. 4:1 xebꞌeꞌel pe oxiꞌ seqꞌ teq espíritu eꞌachel xpeq. 14Ri espíritus riꞌ, kin erichin wi ri itzel. Ngekibꞌanalaꞌ nimalej teq milagros,16:14 2Ts. 2:9 ngebꞌa chikimolik ri ki-ejército ri reyes chochꞌulew chin ndikibꞌen guerra16:14 Ap. 20:8 chare ri Dios chupan ri nimalej qꞌij atoq nduyaꞌ castigo ri Dios ri achoq pa ruqꞌaꞌ kꞌo nojel uchuqꞌaꞌ.
15Ri Ajaw Jesucristo ndubꞌij: Kꞌateꞌ ruwech nginuqaqa achel nduqaqa jun eleqꞌon.16:15 Mt. 24:43; 1Ts. 5:2; 2P. 3:10 Kin jabꞌel rokiqꞌij ri ndikichajij kiꞌ y ndikikꞌuaj jun chojmilej kꞌaslen. Porque ri keriꞌ ngebꞌanun, kin achel kikusan kitziaq ngeꞌilitej atoq nginuqaqa, y ma ngekꞌix ta achel ndikꞌix jun ri ma rukusan ta rutziaq ndilitej.
16Ri oxiꞌ itzel teq espíritu xekimal ri reyes y ri ki-ejército pa jun lugar ri pa chꞌabꞌel hebreo rubꞌiniꞌan Harmagedón.
17Ri ruwuq ángel xbꞌa, y pa kaqiqꞌ xbꞌeruwoxij ri kꞌo chupan ri copa rukꞌuan. Y pa kꞌojlibꞌel más loqꞌolej chin ri rachoch ri Dios chikaj, apeꞌ kꞌo ri ru-trono, kꞌo jun ri rikꞌin kaw ruchꞌabꞌel kereꞌ xubꞌij pe: Rikꞌin xwoxix ri kꞌo chupan ri copa, xtzꞌaqet rukꞌusaxik ri royowal ri Dios pa kiwiꞌ ri wineq, xchajeꞌ. 18Ja atoq riꞌ xetiker pe koyopaꞌ, y rayos ri santienta ngeqꞌajan, y xbꞌanatej jun nim kobꞌraqen ri ma jumbꞌey keriꞌ bꞌanatajneq xe jampeꞌ ekꞌo pe wineq chochꞌulew.16:18 Dn. 12:119Y ri nimalej tinamit xperetej pa oxiꞌ y ri chꞌaqa chik tinamit ri ekꞌo jalajaj rochꞌulew, xewulutej, y ri Dios xukꞌuxlaꞌaj ri nimalej tinamit Babilonia16:19 Ap. 14:8 chin ndubꞌen chare chi tutijaꞌ16:19 Jer. 25:15, 16 nojel ruchuqꞌaꞌ ri castigo nduyaꞌ chin ndiqaqa ruqꞌaqꞌal ri royowal pa kiwiꞌ. 20Y konojel ri chꞌuteq rochꞌulew ri ekꞌo pa mar xekꞌis qa pa yaꞌ y ri juyuꞌ ma xeꞌilitej ta16:20 Ap. 6:14 chik. 21Y chikaj xtzaq pe chikij ri wineq nimaꞌq teq saqbꞌach16:21 Ap. 11:19 jubꞌama laꞌeq jun quintal kalal chi jujun. Y ri wineq xkiyaqꞌ rubꞌiꞌ ri Dios porque ri saqbꞌach riꞌ santienta kꞌayew xukꞌen pe chake.
17Ri xbꞌanatej nabꞌey chi ndiyoꞌox castigo chare ri ixaq tzꞌuyul chirij ri itzel chikap keq rij
1Y jun chikiwech ri wuquꞌ ángeles ri achoq chake xyoꞌox ri wuquꞌ copas xjel pe wikꞌin y xubꞌij chuwa: ¡Katámpe! Y nikꞌut chawech ri castigo ndiyoꞌox chare ri ixaq itzel chubꞌanik ri ndukꞌayilaꞌ riꞌ17:1 Nah. 3:4 chake achiꞌaꞌ. Ri ixaq riꞌ tzꞌuyul pariꞌ santienta yaꞌ.17:1 Jer. 51:132Rikꞌin rijaꞌ xkikꞌamalaꞌ qa kiꞌ ri reyes chin ri rochꞌulew chin xkibꞌen mak, y ri wineq ekꞌo chochꞌulew xkiqꞌabꞌarisalaꞌ kiꞌ rikꞌin rumak17:2 Jer. 51:7 ri ixaq ri xa achoq na ikꞌin ndubꞌanalaꞌ.
3Y chuxeꞌ ruchuqꞌaꞌ ri Espíritu Santo yinkꞌo atoq ri ángel xirukꞌuaj pa jun chaqiꞌj y tzꞌiran ulew.
Ri ixaq tzꞌuyul chirij ri itzel chikap
Chiriꞌ xintzꞌet jun ixaq tzꞌuyul chirij jun itzel chikap keq rij. Ri chikap riꞌ kꞌo wuquꞌ rujolon y lajuj rukꞌaꞌ,17:3 Ap. 12:3; 13:1 y nojneq rij rikꞌin bꞌiꞌaj ri nduyaqꞌ rubꞌiꞌ ri Dios.
4Ri ixaq riꞌ, ruweqon riꞌ rikꞌin tzieq morado y keq y chuqaꞌ rikꞌin qꞌanapueq, jabꞌel teq abꞌej y perlas.17:4 Ap. 18:12 Pa ruqꞌaꞌ rukꞌuan jun copa bꞌanun chare qꞌanapueq, nojneq rikꞌin mak ri ndimulu rukꞌuꞌx ri Dios rikꞌin, y keriꞌ chuqaꞌ nojneq kikꞌin seqꞌ teq mak ri ngerubꞌanalaꞌ ri ixaq xa achoq na ikꞌin. 5Pa runikꞌajal ruwech ri ixaq riꞌ, tzꞌibꞌan jun bꞌiꞌaj ri ma kin ta qꞌalej rubꞌeyal ri achike ndubꞌij tzij: Ri nimalej tinamit Babilonia, kiteꞌ ri ixoqiꞌ ri ndikikꞌayilaꞌ kiꞌ chake achiꞌaꞌ, y kiteꞌ ri ngebꞌanun seqꞌ teq mak chochꞌulew ri ndimulu rukꞌuꞌx ri Dios kikꞌin. 6Y xintzꞌet chi ri ixaq riꞌ ruqꞌabꞌarisan riꞌ rikꞌin ri kikikꞌel ri loqꞌolej ralkꞌuaꞌl ri Dios y rikꞌin ri kikikꞌel ri ekamisan17:6 Hch. 22:20; Ap. 2:13; 6:9; 12:11 roma xkiyaꞌ rutzijol ri rubꞌiꞌin kan ri Jesús.
Y atoq xintzꞌet ri ixaq riꞌ, santienta xsach nukꞌuꞌx. 7Y ri ángel xubꞌij chuwa: ¿Achike roma xsach akꞌuꞌx? Riyin niqꞌalajrisaj chawech achike ndubꞌij tzij ri itzel chikap keq rij, wuquꞌ rujolon y lajuj rukꞌaꞌ, y ri ixaq tzꞌuyul chirij. 8Ri itzel chikap xatzꞌet, xa jun ri xkꞌojeꞌ yan rukꞌaslen, y ma kꞌo chi ta, pero maske ma kꞌo ta, xa jubꞌaꞌ chik ndirajoꞌ chin ndel pe chupan ri rar siwan,17:8 Ap. 11:7 nabꞌey chi ndeyoꞌox apeꞌ ngeyoꞌox ri ma ngekolotej ta. Y ri wineq ekꞌo chochꞌulew, ri xe jampeꞌ pa nabꞌey atoq kꞌajani tibꞌan ri rochꞌulew17:8 Mt. 25:34; Ef. 1:4 ma tzꞌibꞌan ta kibꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen ma ndikꞌis ta chake, rejeꞌ ndisach kikꞌuꞌx chirij ri itzel chikap ri xkꞌojeꞌ yan y ma kꞌo chi ta, y ndekꞌojeꞌ chik jumbꞌey.
9Kꞌiy nojibꞌel17:9 Mt. 13:11; Ap. 13:18 ndirajoꞌ chin ndikꞌoxomex ri ndubꞌij tzij reꞌ: Ri wuquꞌ rujolon17:9 Ap. 13:1 ri chikap, ewuquꞌ juyuꞌ ri achoq pa kiwiꞌ tzꞌuyul ri ixaq, y ewuquꞌ reyes chuqaꞌ. 10Ewoꞌoꞌ chikiwech ri reyes riꞌ ma ndikibꞌen chi ta reinar, jun ndubꞌen reinar wokami, y jun kꞌajani tubꞌen reinar, y atoq nderubꞌanaꞌ reinar, xa chi jubꞌaꞌ ok tiempo ndubꞌen reinar. 11Ri itzel chikap ri xkꞌojeꞌ yan y ma kꞌo chi ta, ri ndeyoꞌox apeꞌ ngeyoꞌox ri ma ngekolotej ta, ja rijaꞌ ri ruwaqxaq rey y jun chikikajal ri wuquꞌ teq reyes.
12Ri lajuj teq ukꞌaꞌ17:12 Dn. 7:20; Ap. 12:3; 13:1 xatzꞌet, elajuj reyes ri kꞌajani tikibꞌen reinar,17:12 Dn. 2:40; 8:20, 24; Zac. 1:18, 21 pero xa jubꞌaꞌ ok tiempo ndiyoꞌox chake chin ndikibꞌen reinar junan rikꞌin ri itzel chikap. 13Ri lajuj reyes riꞌ, xe jun ruwech kitzij ndikibꞌen chin ndikijech ri uchuqꞌaꞌ kꞌo pa kiqꞌaꞌ y ri ki-reino chare ri itzel chikap. 14Y ndikibꞌen guerra17:14 Ap. 16:14 chare ri Alaj Karneꞌl, pero ri Alaj Karneꞌl nditiker pa kiqꞌaꞌ, porque rijaꞌ Rey pa kiwiꞌ konojel reyes y Ajaw pa kiwiꞌ konojel ajaw.17:14 Dt. 10:17; Jer. 50:44; 1Ti. 6:15 Y ri ekꞌo rikꞌin ri Alaj Karneꞌl, jariꞌ ri eꞌoyon, echaꞌon y ma jumbꞌey kiyoꞌon kan rijaꞌ.
15Y ri ángel xubꞌij chuqaꞌ chuwa: Ri santienta yaꞌ atzꞌeton apeꞌ tzꞌuyul ri ixaq ri ndukꞌayilaꞌ riꞌ chake achiꞌaꞌ, ndubꞌij tzij: Santienta wineq jalajaj kitinamit, kirochꞌulew y kichꞌabꞌel. 16Ri lajuj teq ukꞌaꞌ y ri itzel chikap ri xaꞌatzꞌet, itzel ndikitzꞌet ruwech ri ixaq ri ndukꞌayilaꞌ riꞌ chake achiꞌaꞌ; ndikimej e nojel ri achoq chare ruweqon riꞌ y ndikichꞌanabꞌaꞌ kan,17:16 Ez. 16:36-44; Ap. 18:8 ndikikꞌux ri ruchꞌakul y ri rubꞌaqil ndikiporoj. 17Porque ri Dios xuyaꞌ pa kánima rejeꞌ chin ndikibꞌen achel ndirajoꞌ rijaꞌ. Y romariꞌ ri reyes riꞌ, xe jun ruwech kitzij ndikibꞌen chin ndikiyaꞌ chare ri itzel chikap ri ki-reino, hasta kꞌa tibꞌanatej na17:17 Ap. 10:7 ri rubꞌiꞌin kan ri Dios. 18Y ri ixaq xatzꞌet, ja ri nimalej tinamit17:18 Ap. 16:19 ri kꞌo uchuqꞌaꞌ pa ruqꞌaꞌ pa kiwiꞌ ri reyes chochꞌulew.
18Ri nimalej tinamit Babilonia ndikꞌis ruqꞌij
1Atoq nutzꞌeton chik riꞌ, xintzꞌet jun chik ángel xulan pe chikaj ri kꞌo santienta uchuqꞌaꞌ pa ruqꞌaꞌ, y ri rochꞌulew xyikꞌex rikꞌin ri nimalej ruqꞌij ri ángel. 2Y rikꞌin kaw ruchꞌabꞌel xubꞌij:
¡Xkꞌis ruqꞌij! ¡Xkꞌis ruqꞌij ri nimalej tinamit Babilonia!18:2 Is. 13:19; 21:9; Jer. 51:8
Y xok qa kikꞌojlibꞌel itzel teq espíritu,
Kachoch konojel kiwech seqꞌ teq espíritu,
Kachoch seqꞌ aj xikꞌ teq chikap18:2 Is. 14:23; Jer. 50:39
Y kachoch seqꞌ teq chikap ri ndimulu akꞌuꞌx kikꞌin.
3Porque ri jalajaj kiwech wineq ekꞌo chochꞌulew
Xkiqꞌabꞌarisaj kiꞌ chupan ri rumak xubꞌen.
Keriꞌ chuqaꞌ xkibꞌen ri reyes chin ri rochꞌulew
Xkikꞌamalaꞌ qa kiꞌ rikꞌin chin xkibꞌen mak,
Y ri ngekꞌayin,
Xebꞌeyomer rikꞌin ri rukꞌisik méra xubꞌen roma xulaqꞌ xa achike na ndurayilaꞌ,
xchajeꞌ ri ángel.
4Y xinwakꞌaxaj jun chꞌabꞌel chikaj ri ndubꞌij:
Rix nutinamit, kixel pe18:4 Gn. 19:12; Is. 48:20; 52:11 chiriꞌ,
Chin ma tibꞌen mak achel ndikibꞌen rejeꞌ,
Y keriꞌ ma ndiqaqa ta pa iwiꞌ rix ri castigo ndiqaqa pa kiwiꞌ rejeꞌ.
5Porque ri mak chin ri tinamit riꞌ runukꞌun e riꞌ, ndeqaqa e hasta chikaj18:5 Gn. 18:20, 21; Jon. 1:2
Y ri Dios xukꞌuxlaꞌaj nojel ri itzel teq achike kibꞌanun ri aj chiriꞌ.
6Rix ri ngixyoꞌon castigo,18:6 Sal. 137:8; Jer. 50:15
Kamul rukꞌexel tiyaꞌ chare ri xubꞌen rijaꞌ chake chꞌaqa.
Chupan ri copa ri xukusaj chin xeruqꞌabꞌarisaj ri wineq rikꞌin ri rumak,
Tiyoꞌox kamul chare ri ruchuqꞌaꞌ ri castigo nduyaꞌ ri Dios.
7Y achel santienta xunimrisaj riꞌ rijaꞌ y xbꞌa ránima chukꞌisik méra roma ri ngerurayilaꞌ,
Keriꞌ chuqaꞌ rix tiyaꞌ santienta kꞌayew chare y tibꞌanaꞌ chi santienta ndoqꞌ chi bꞌis,
Porque ndunimrisalaꞌ riꞌ y kereꞌ ndubꞌij pa ránima:
Riyin jun reina ri ma jumbꞌey xtikꞌan e ri nu-reino,
Ma yin malkaꞌ18:7 Is. 47:7, 8 ta ixaq y nixta jumbꞌey xkinoqꞌ chi bꞌis,
ndichajeꞌ.
8Roma kꞌa riꞌ, kꞌateꞌ ruwech ndiqaqa jalajaj kꞌayew pa ruwiꞌ,
Y ri kꞌayew riꞌ, ja ri wayijal, ri bꞌis y ri kamik,
Y ndikꞌis ruqꞌij pa qꞌaqꞌ.
Porque kin nim wi ruchuqꞌaꞌ18:8 Sal. 62:11; Is. 27:1; Jer. 50:34; Ap. 11:17 ri Ajaw Dios ri xuqꞌet tzij pa ruwiꞌ.
9Y ri reyes18:9 Ap. 17:2 chin ri rochꞌulew ri xkikꞌamalaꞌ qa kiꞌ rikꞌin chin xkibꞌen mak y xbꞌa kánima chukꞌisik méra roma ri ngekirayilaꞌ, kin xtikoqꞌej y xtikibꞌisoj18:9 Jer. 50:46 ri nimalej tinamit riꞌ atoq ndikitzꞌet rusibꞌil ri qꞌaqꞌ ri ndikꞌiso ruqꞌij. 10Y chi nej epeꞌel roma santienta kixibꞌin kiꞌ ndikitzꞌet ri nim castigo xyoꞌox chare ri tinamit, y ndikibꞌilaꞌ:
¡Juyo ruwech! ¡Juyo ruwech ri nimalej tinamit,
Babilonia ri xkꞌojeꞌ santienta ruchuqꞌaꞌ!
Porque xe pa jumel xkꞌis ruqꞌij.18:10 Is. 21:9; Ap. 14:8
11Ri kꞌayinelaꞌ chin ri rochꞌulew ndikoqꞌej y ndikibꞌisoj chuqaꞌ ri nimalej tinamit, porque nixta jun chik ndiloqꞌo ri kikꞌay.18:11 Ez. 27:2712Ri kikꞌay rejeꞌ ja ri qꞌanapueq, saqipueq, jabꞌel teq abꞌej, perlas, tzieq bꞌanun chare lino jabꞌel ruwech, kꞌul ebꞌanun chare seda keq y morado kiwech, jalajaj tzꞌalen teq cheꞌ jubꞌulej kuxlaꞌ, kꞌay bꞌanun chare marfil, y chare cheꞌ santienta keqalen, chare bronce, chare chꞌichꞌ y chare mármol. 13Keriꞌ chuqaꞌ canela, jubꞌulej teq qꞌayis, pon, mirra, jubꞌulej teq aqꞌon, vino, aceite, harina, trigo, wakx, karneꞌl, kej, carruajes y wineq chin ngekꞌayix. 14Y kereꞌ ndibꞌix chare ri tinamit riꞌ:
Maneq chik awikꞌin nojel ri xjakꞌekꞌ awánima chirij,
Y xkꞌis chawech ri jalajaj teq achike tzꞌan rajel,
Y nixta jumbꞌey chik ngaꞌawil,
xucheꞌex.
15Ri ngekꞌayin ri kꞌay riꞌ, y xebꞌeyomer18:15 Ez. 27:33 chuqaꞌ rikꞌin ri kꞌay xkikꞌayij chiriꞌ, chi nej epeꞌel santienta kixibꞌin kiꞌ, roma ri nim kꞌayew xyoꞌox chare ri tinamit, ngeꞌoqꞌ y ngebꞌison ndikitzꞌet ri qꞌaxomal qajneq pa ruwiꞌ. 16Y ndikibꞌilaꞌ:
¡Juyo ruwech! ¡Juyo ruwech ri nimalej tinamit
Ri xuweq riꞌ rikꞌin tzieq bꞌanun rikꞌin lino jabꞌel ruwech,
Y tzieq keq y morado kiwech,
Y xuweq chuqaꞌ riꞌ rikꞌin qꞌanapueq, jabꞌel teq abꞌej y perlas,
17Porque, xe pa jumel xkꞌis ruqꞌij santienta bꞌeyomal!
xechajeꞌ.
Ri kikꞌuan ri barcos18:17 Ez. 27:29 pariꞌ ri mar, keriꞌ chuqaꞌ ri kitojon chin ngeꞌukꞌuꞌex pa barco, ri samajelaꞌ chin ri barcos y ri ngebꞌanun chꞌaqa chik samaj chin pa mar, kꞌa nej xebꞌekꞌojeꞌ wi. 18Y atoq ndikitzꞌet rusibꞌil ri qꞌaqꞌ ri ndikꞌiso ruqꞌij ri tinamit Babilonia, kereꞌ ngesikꞌin chubꞌixik: ¿La kꞌo kami jun chik tinamit kin nim ruqꞌij achel la tinamit laꞌ?18:18 Ez. 27:30, 3119Ri wineq riꞌ, ndikijopij ulew pa kijolon,18:19 Jos. 7:6; 1S. 4:12; Job 2:12 ndikibꞌisoj ri tinamit, y ngesikꞌin chi oqꞌej ndikibꞌilaꞌ:
¡Juyo ruwech! ¡Juyo ruwech ri nimalej tinamit,
Porque xe pa jumel xkꞌis ruqꞌij!
Chirij rubꞌeyomal xebꞌeyomer
Konojel kajaw ri barcos.
20¡Kixkikot kꞌa rix ri rixkꞌo chikaj
Roma ri xbꞌanatej rikꞌin ri tinamit riꞌ!
¡Kixkikot18:20 Sal. 48:11; 58:10; 96:11-13; Jer. 51:47, 48 rix loqꞌolej ralkꞌuaꞌl ri Dios,
Rix apóstoles, y rix profetas,
Porque ri Dios kin xuqꞌet tzij pa ruwiꞌ ri tinamit riꞌ,
Y rikꞌin riꞌ xuyaꞌ rukꞌexel chare roma ri xubꞌen chiwa!18:20 Is. 26:21; Ap. 19:1-3
21Ja atoq riꞌ jun ángel santienta ruchuqꞌaꞌ, xutzeqej jun mama abꞌej, achel jun nim abꞌej jokꞌbꞌel trigo y xutorij qa pa mar,18:21 Ex. 15:5; Jer. 51:63, 64 y xubꞌij:
Kereꞌ ndibꞌan chare ri nimalej tinamit Babilonia.
Rikꞌin jun nimalej uchuqꞌaꞌ nditorix,
Y ma ndilitej ta chik.18:21 Nah. 1:9
22Ma jumbꞌey chik ndakꞌaxex pa tinamit
Chi ngeqꞌajan arpas,18:22 Is. 24:8 xul y trompetas ri ngeqꞌojomex, nixta kichꞌabꞌel ri ngebꞌixan,
Nixta ngeꞌilitej ri ndikikusaj nojibꞌel pa ruwiꞌ ri samaj ndikibꞌen,
Nixta ndakꞌaxex chik chi ngeqꞌajan nimaꞌq teq abꞌej jokꞌbꞌel trigo.
23Ma jun chik lámpara ndiyikꞌan chiriꞌ,
Y ma jun chik nimaqꞌij chin kꞌulubꞌik ndakꞌaxex, xa ndikꞌis nojel,
Porque kin ndikinimrisalaꞌ kiꞌ ri kꞌayinelaꞌ chin ri tinamit riꞌ,
Y rikꞌin ri kisamaj ri aj itz18:23 2R. 9:22; Nah. 3:4 ekꞌo chiriꞌ, xechꞌakatix nojel kiwech wineq chochꞌulew,
xchajeꞌ ri ángel.
24Y chiriꞌ pa tinamit Babilonia xekamisex ri profetas, ri loqꞌolej ralkꞌuaꞌl ri Dios y chuqaꞌ konojel ri ekamisan chochꞌulew.18:24 Jer. 51:49
191Atoq xintzꞌet yan reꞌ, xinwakꞌaxaj jun nim chꞌabꞌel ri achel kichin santienta wineq chikaj, ri kereꞌ ndubꞌij:
¡Tinimrisex rubꞌiꞌ ri qa-Dios!
Porque ja rijaꞌ ri ndiyoꞌon ri kolotajik,19:1 Ap. 7:10; 12:10
Ja chuqaꞌ rijaꞌ ri kin rukꞌulun wi chi ndiyoꞌox ruqꞌij
Y pa ruqꞌaꞌ rijaꞌ kꞌo nojel uchuqꞌaꞌ.19:1 Ap. 4:11
2Porque pa ruchojmil nduqꞌet tzij19:2 Ap. 18:20 y ja ri castigo ri rukꞌulun chi ndiyoꞌox, jariꞌ ri nduyaꞌ.
Porque pa ruchojmil xuyaꞌ castigo chare ri ixaq itzel chubꞌanik ri ndukꞌayilaꞌ riꞌ chake achiꞌaꞌ.
Keriꞌ xubꞌen chare roma ri ixaq riꞌ xerutaqchiꞌij ri wineq chochꞌulew chin ndikikꞌamalaꞌ qa kiꞌ rikꞌin chin ndikibꞌen mak.
Ja chuqaꞌ rijaꞌ ri xkamisan kichin ri erusamajelaꞌ ri Dios,
Y romariꞌ ri Dios xuyaꞌ rukꞌexel19:2 Dt. 32:43; Ap. 6:10 chare.
3Y ri santienta wineq xkibꞌij chik jumbꞌey:
¡Tinimrisex rubꞌiꞌ ri Dios!
Porque ri rusibꞌil ri tinamit Babilonia chin jumul ndijoteꞌ19:3 Is. 34:10; Ap. 14:11 chikaj,
xechajeꞌ.
4Y ri 24 rijilej teq achiꞌaꞌ19:4 Ap. 4:4, 10 y ri kajiꞌ kꞌo kikꞌaslen, xexukeꞌ y xelukeꞌ y xkiyaꞌ ruqꞌij ri Dios ri tzꞌuyul pa ru-trono, y xkibꞌij: ¡Amén! ¡Tinimrisex rubꞌiꞌ ri Dios! xechajeꞌ.
5Y xel pe pa trono jun chꞌabꞌel ri kereꞌ xubꞌij:
¡Tinimrisaj ruqꞌij ri qa-Dios19:5 Sal. 134:1; 135:1
Rix iwonojel ri rusamajelaꞌ.
Chi chꞌutiꞌq chi nimaꞌq
Rix ri iniman rutzij, tiyaꞌ ruqꞌij!
Ri Dios ndiyoꞌox ruqꞌij
6Y xinwakꞌaxaj achel kichꞌabꞌel santienta wineq ri ngeqꞌajan achel santienta yaꞌ19:6 Ez. 1:24 ri ngeqaqa pa kiwiꞌ abꞌej, y chuqaꞌ achel ngeqꞌajan rayos, y kereꞌ ndikibꞌij:
¡Tinimrisex rubꞌiꞌ ri Dios!
Porque ri Ajaw qa-Dios ri achoq pa ruqꞌaꞌ kꞌo nojel uchuqꞌaꞌ, kin ndubꞌen reinar.
7Y qojkikot,
Tiqabꞌanaꞌ nimaqꞌij19:7 Is. 44:23 y tiqayaꞌ ruqꞌij ri Dios,
Porque ja xuqaqa ri qꞌij
Chin ndikꞌuleꞌ ri Alaj Karneꞌl,
Y ri xten ri ndok rixjayil rubꞌanun chik rukꞌojlen riꞌ.
8Y xyoꞌox qꞌij chare chi xuweq riꞌ
Rikꞌin tzieq bꞌanun rikꞌin lino jabꞌel ruwech ri kin chꞌajchꞌaj y nditzꞌintzꞌot.
Y ri lino riꞌ, ja ri utz ri ekibꞌanaloꞌon19:8 Sal. 132:9
Ri loqꞌolej ralkꞌuaꞌl ri Dios,
xechajeꞌ.
9Y kereꞌ xubꞌij ri ángel chuwa: Tatzꞌibꞌaj reꞌ: ¡Kin jabꞌel rokiqꞌij ri xeꞌoyox chin ngewaꞌ chupan ri nimaqꞌij19:9 Lc. 14:15 chin rukꞌulubꞌik ri Alaj Karneꞌl! Y xubꞌij chuqaꞌ chuwa: Re tzij re xinbꞌij chawa kin eqetzij wi, porque erutzij ri Dios.
10Y riyin xixukeꞌ y xilukeꞌ chin xiyaꞌ ruqꞌij ri xchꞌaꞌa pe chuwa, pero rijaꞌ xubꞌij: ¡Ma ndabꞌen kelaꞌ!19:10 Hch. 10:25, 26; Ap. 22:8, 9 Porque chi roj kaꞌiꞌ roj rusamajelaꞌ ri Dios, achel ri chꞌaqa chik a-hermanos ri ma kiyoꞌon ta kan chi ndikiyaꞌ utzulej rutzijol ri Jesús. ¡Ja ri Dios tayaꞌ ruqꞌij!
Porque ri ngeyoꞌon utzulej rutzijol ri Jesús, eꞌukꞌuan roma ri Espíritu ri xukꞌuan kichin ri profetas.
Ri Jun ri tzꞌuyul pe chirij jun kej seq rij
11Y xintzꞌet ri kaj jaqel, y kꞌateꞌ ruwech xqꞌalajin jun kej seq rij, y ri Jun ri tzꞌuyul pe chirij, ja ri kin ndubꞌen wi ri ndubꞌij y kin qetzij19:11 Jn. 14:6; Ap. 3:14 ri ndubꞌij. Rijaꞌ kin pa ruchojmil19:11 Is. 11:4 nduqꞌet tzij pa kiwiꞌ ri wineq y ndubꞌen guerra. 12Ri runaqꞌ teq ruwech eꞌachel ruxaq qꞌaqꞌ,19:12 Ap. 1:14 pa rujolon ekꞌiy coronas kꞌo, y kꞌo chuqaꞌ jun rubꞌiꞌ19:12 Ap. 2:17 tzꞌibꞌan, ri nixta jun etamayon, xa kin xe rijaꞌ. 13Ri rutziaq muꞌul pe pa kikꞌ,19:13 Is. 63:2, 3 y ri rubꞌiꞌ ndibꞌix chare, jareꞌ: Ri ndiqꞌalajrisan runoꞌoj ri Dios.19:13 Jn. 1:1; 1Jn. 5:714Y ri aj chikaj ejército koqan pe, kikusan tzieq bꞌanun rikꞌin lino jabꞌel ruwech, seq y chꞌajchꞌaj19:14 Ap. 3:4 y etzꞌuyul pe chikij kej seq kij. 15Y pa ruchiꞌ19:15 Ap. 1:16 ri Jun bꞌaneq chikiwech ri ejército, ndel pe jun espada chꞌut rutzaꞌ, ri achoq ikꞌin ngerusak ri jalajaj kiwech wineq chochꞌulew, y kin achel rukꞌuan jun chꞌichꞌ19:15 Sal. 2:9; Ap. 12:5 pa ruqꞌaꞌ ri achoq chare ndubꞌen chi ndikinimaj rutzij. Y achel ndibꞌan chare ri ruwech uva, ngeyeqꞌeloꞌox chi aqen19:15 Is. 63:3 apeꞌ ngepitzꞌ, keriꞌ chuqaꞌ rijaꞌ ngeruyeqꞌelaꞌ chi aqen ri kiyakon royowal ri Dios ri kꞌo nojel uchuqꞌaꞌ pa ruqꞌaꞌ, y nduyaꞌ nojel ruchuqꞌaꞌ ri castigo chake. 16Chirij ri rutziaq y chirij ri raꞌ tzꞌibꞌan jun bꞌiꞌaj ri ndubꞌij: Rey pa kiwiꞌ konojel reyes, y Ajaw pa kiwiꞌ konojel ajaw.19:16 Dn. 2:47; 1Ti. 6:15; Ap. 17:14
Ri itzel chikap nditorix qa chupan ri qꞌaqꞌ ri ndiraqa rikꞌin azufre
17Y xintzꞌet jun ángel peꞌel pariꞌ ri qꞌij ndisikꞌin chake ri chikap ngerapap pa runikꞌajal ri kaj y ndubꞌij: Kixámpe, timoloꞌ iwiꞌ chin ngixkꞌojeꞌ chupan ri nimalej waꞌin19:17 Ez. 39:17 rubꞌanun rukꞌojlen ri Dios chiwa, 18chin ndikꞌux kichꞌakul reyes, kichꞌakul ri eꞌukꞌuey kibꞌey soldados más nim kiqꞌij, kichꞌakul ri kꞌo uchuqꞌaꞌ pa kiqꞌaꞌ,19:18 Ez. 39:18, 20 kichꞌakul kej y ri etzꞌuyul chikij, kichꞌakul chuqaꞌ nojel kiwech wineq, chi loqꞌon teq samajelaꞌ chi e-libre, chi chꞌutiꞌq chi nimaꞌq, xchajeꞌ.
19Y ja atoq riꞌ xintzꞌet ri itzel chikap, xentzꞌet chuqaꞌ ri reyes chin ri rochꞌulew y ri ki-ejércitos, kimolon kiꞌ chin ndikibꞌen guerra19:19 Dn. 7:21; Ap. 13:7 chare ri Jun ri tzꞌuyul chirij ri kej seq rij y chare ri ru-ejército. 20Y xtzꞌan ri itzel chikap y ri achi ri ruqꞌabꞌan riꞌ chi profeta, ri rubꞌanun pe nimalej teq milagros chuwech ri itzel chikap. Rikꞌin ri milagros xerubꞌanalaꞌ ri achi riꞌ, xeruchꞌakatij ri wineq ri xkiyaꞌ qꞌij chin xyoꞌox retal ru-sello ri nabꞌey itzel chikap chikiqꞌaꞌ o pa runikꞌajal kiwech, y xubꞌen chuqaꞌ chake chi xkiyaꞌ ruqꞌij rachibꞌel ri itzel chikap. Rijaꞌ junan rikꞌin ri itzel chikap, kꞌa keriꞌ na ekꞌes xetorix qa chupan ri qꞌaqꞌ19:20 Dn. 7:11; Ap. 20:10 ri ndiraqa rikꞌin azufre. 21Y ri chꞌaqa chik ebꞌaneq pa guerra ekachibꞌilan ri ekaꞌiꞌ riꞌ, xekamisex rikꞌin ri espada ri ndel pe pa ruchiꞌ ri Jun tzꞌuyul chirij ri kej seq rij. Y konojel ri aj xikꞌ teq chikap, xenanoꞌ chukꞌuxik kichꞌakul ri xekamisex chiriꞌ.
20Ri itzel nditorix qa pa rar siwan
1Y xintzꞌet jun ángel xulan pe chikaj rukꞌuan ri lawiꞌil chin ri rar siwan,20:1 Ap. 9:1 y rukꞌuan chuqaꞌ pa ruqꞌaꞌ jun mama cadena. 2Ri ángel riꞌ xutzꞌen ri ojer itzel kumetz ri ndibꞌix Diablo y Satanás20:2 Ap. 12:9 chare, xuxim chin mil junaꞌ, 3y xutorij qa pa rar siwan y xutzꞌapij kan. Xubꞌen kan sellar ruwiꞌ ri rar siwan chin keriꞌ ri ojer kumetz ma ngeruchꞌakatij chi ta ri wineq,20:3 Mt. 24:24; Ap. 13:14 hasta kꞌa titzꞌaqet na ri mil junaꞌ y kꞌateriꞌ, ndikꞌatzin ndikir chik jumbꞌey, pero xe chin jubꞌaꞌ teq qꞌij.
4Y xentzꞌet tronos y chiriꞌ xetzꞌuyeꞌ qa ri xyoꞌox uchuqꞌaꞌ pa kiqꞌaꞌ chin ndikiqꞌet tzij. Xintzꞌet chuqaꞌ kánima ri xqupix kiqul roma xkitzijoj ri utzulej rutzij ri Dios20:4 Ap. 6:9 y ma xkiyaꞌ ta kan chin ndikiyaꞌ utzulej rutzijol ri Jesús, y xentzꞌet chuqaꞌ ri ma xkiyaꞌ ta ruqꞌij ri itzel chikap20:4 Ap. 13:12 y ri rachibꞌel, y ma xkiyaꞌ ta qꞌij chi xyoꞌox chikiqꞌaꞌ o pa runikꞌajal teq kiwech ri retal ru-sello ri itzel chikap. Konojel riꞌ xkꞌojeꞌ chik kikꞌaslen y xkibꞌen reinar junan rikꞌin ri Cristo mil junaꞌ. 5Jareꞌ ri nabꞌey kꞌastajibꞌel kichin ri animaꞌiꞌ,20:5 Lc. 14:14 jakꞌa ri chꞌaqa chik animaꞌiꞌ, hasta kꞌa ndeqꞌax na ri mil junaꞌ, kꞌajariꞌ ngekꞌastajbꞌex pe. 6Kin jabꞌel rokiqꞌij y loqꞌolej kikꞌaslen ri ngekꞌastajbꞌex pe chupan ri nabꞌey kꞌastajibꞌel. Ri rukan kamik20:6 Ap. 21:8 maneq ruqꞌaꞌ chake, xa kin ngebꞌeꞌok ru-sacerdotes ri Dios y ri Cristo, y ndikibꞌen reinar junan rikꞌin chin mil junaꞌ.
7Y atoq nditzꞌaqet ri mil junaꞌ,20:7 Ap. 20:2 ri Satanás ndelesex pe apeꞌ tzꞌapin. 8Y ndibꞌa chin ngerutaqchiꞌij rikꞌin chꞌakatinik ri jalajaj kiwech wineq chin ngebꞌa pa guerra20:8 Ap. 16:14 junan rikꞌin. Keriꞌ ndubꞌen chake ri ekꞌo chuwech ri kajiꞌ ruchiꞌ ri rochꞌulew, y riꞌ ja ri aj rochꞌulew Gog y ri aj rochꞌulew Magog.20:8 Ez. 38:2 Y ri ngemol kiwech, esantienta. Kin eꞌachel ri sanayiꞌ chuchiꞌ ri mar keriꞌ. 9Y kinojisan ruwech ri rochꞌulew ebꞌaneq e, y xkisirirej kiꞌ chirij ri tinamit ri tzꞌan ndirajoꞌ ri Dios apeꞌ ekꞌo ri loqꞌolej ralkꞌuaꞌl. Pero ja atoq riꞌ xqaqa pe qꞌaqꞌ chikaj y xerukꞌatisaj konojel ri kimolon kiꞌ chirij ri tinamit. 10Y ri itzel ri xchꞌakatin kichin ri jalajaj kiwech wineq, xtorix qa chupan ri qꞌaqꞌ ri ndiraqa rikꞌin azufre, apeꞌ ekꞌo ri itzel chikap y ri achi ri ruqꞌabꞌan riꞌ chi profeta. Chiriꞌ ngeyoꞌox pa qꞌaxomal chi chaqꞌaꞌ chi paqꞌij chin jumul.
Ri castigo ri nduyaꞌ ri Jun tzꞌuyul pa jun trono seq
11Y xintzꞌet jun nimalej trono seq rij y ri Jun tzꞌuyul chupan. Y chuwech ri Jun riꞌ xeꞌanimej ri rochꞌulew y ri kaj, y ma jumbꞌey chik xeꞌilitej.20:11 2P. 3:712Xentzꞌet chuqaꞌ ri ekamineq, chi chꞌutiꞌq chi nimaꞌq epeꞌel apu chuwech ri Jun tzꞌuyul pa trono, y xejaq jujun teq wuj, y xjaq chuqaꞌ ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen20:12 Sal. 69:28; Dn. 7:10; 12:1; Fil. 4:3 ma ndikꞌis ta chake. Y kin ja ri tzꞌibꞌan chupan teq ri wuj ri xekusex chin xqꞌat tzij pa kiwiꞌ ri ekamineq, y kin achel xkibꞌanalaꞌ20:12 2Co. 5:10 atoq xekꞌaseꞌ chochꞌulew, keriꞌ rajel-rukꞌexel xyoꞌox chake. 13Ri mar xerujech ri xeken chupan, keriꞌ chuqaꞌ ri kamik y ri lugar apeꞌ yoꞌon kánima ri animaꞌiꞌ, xekijech ri ekamineq ekꞌo kikꞌin. Y ri wineq riꞌ xqꞌat tzij pa kiwiꞌ chin xyoꞌox rajel-rukꞌexel chake achel xkibꞌanalaꞌ20:13 Jer. 17:10; Mt. 16:27; Ro. 2:6 pa kikꞌaslen. 14Ri kamik20:14 1Co. 15:26 y ri lugar apeꞌ xkꞌojeꞌ kánima ri animaꞌiꞌ, xetorix qa chupan ri qꞌaqꞌ ri ndiraqa rikꞌin azufre. Ri qꞌaqꞌ riꞌ, jariꞌ ri rukan kamik. 15Y konojel ri ma xilitej ta kibꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen ma ndikꞌis ta chake, xetorix qa chupan ri qꞌaqꞌ ri ndiraqa rikꞌin azufre.
211Y xintzꞌet jun kꞌakꞌakꞌ kaj y jun kꞌakꞌakꞌ rochꞌulew,21:1 Is. 65:17; 66:22 porque ri nabꞌey kaj y ri nabꞌey rochꞌulew emaneq chik, y ri mar maneq chik chuqaꞌ.
Ri kꞌakꞌakꞌ tinamit Jerusalén
2Y xintzꞌet ri loqꞌolej tinamit, ri kꞌakꞌakꞌ Jerusalén21:2 Gá. 4:26 eleneq pe chikaj apeꞌ kꞌo ri Dios. Ri tinamit riꞌ, ruweqon pe riꞌ achel jun xten ndikꞌuleꞌ rikꞌin ri kꞌajol ndok rachijil. 3Y xinwakꞌaxaj jun chꞌabꞌel xsikꞌin pe apeꞌ kꞌo ru-trono ri Dios ri kereꞌ xubꞌij: ¡Tatzꞌetaꞌ! Ri Dios ndubꞌen rachoch chikikajal ri wineq.21:3 Lv. 26:11; Ez. 43:7 Ja rejeꞌ ri rutinamit, y ja rijaꞌ ri ki-Dios y ndikꞌojeꞌ chikikajal. 4Rijaꞌ ndusuꞌ nojel ruyiꞌal teq kiwech21:4 Is. 25:8 ri koqꞌej, y chiriꞌ maneq chik kamik, y ma ngeꞌoqꞌ chi ta, nixta ngejila chi bꞌis y ma jun chik qꞌaxon ndikinaꞌ,21:4 Is. 35:10 porque nojel ri richin ri nabꞌey kꞌaslen xekꞌis yan.
5Y ri Jun tzꞌuyul21:5 Ap. 4:2, 9 pa ru-trono xubꞌij: ¡Tatzꞌetaꞌ! Riyin nibꞌen kꞌakꞌakꞌ21:5 Is. 43:19 chare nojel. Y xubꞌij pe chuwa: Tatzꞌibꞌaj reꞌ, porque re tzij reꞌ, kin qetzij y kin utz chi nditaqix.
6Y xubꞌij chuqaꞌ chuwa: Riyin xinbꞌen yan kꞌakꞌakꞌ chare nojel. Ja riyin ri Alfa y ri Omega, ri nabꞌey y ri rukꞌisibꞌel chin nojel. Ri ndichaqiꞌj ruchiꞌ, niyaꞌ qꞌij chare chi ndutij ri yaꞌ ndel pe pa alaxbꞌel yaꞌ ri ndiyoꞌon ri kꞌaslen21:6 Is. 12:3 ma ndikꞌis ta. 7Chare ri xtitiker ndubꞌen ri nubꞌiꞌin kan, kin niyaꞌ nojel reꞌ chare, y kin xtiqꞌalajin chi ja riyin ri ru-Dios21:7 Zac. 8:8 y ja rijaꞌ ri walkꞌuaꞌl. 8Pero ri ndikixibꞌij kiꞌ ndikitzijoj ri nutzij, ri ma nginikitaqij ta, ri ndikikꞌuaj jun kꞌaslen ri ndimulu nukꞌuꞌx rikꞌin, ri ngekamisan, ri ndikikꞌamalaꞌ qa kiꞌ xa achoq na ikꞌin chin ndikibꞌen mak, ri eꞌaj itz, ri ngeyoꞌon kiqꞌij tiox y konojel ri ngereqꞌon, konojel rejeꞌ ndiyoꞌox rukꞌexel chake chupan ri qꞌaqꞌ ri ndiraqa rikꞌin azufre.21:8 Ap. 19:20 Jareꞌ ri rukan kamik, xchajeꞌ.
9Y ri apeꞌ yinkꞌo, xjel pe jun chikiwech ri wuquꞌ ángeles21:9 Ap. 17:1 ri xeqꞌijo ri wuquꞌ rukꞌisibꞌel teq kꞌayew pa ruwiꞌ ri rochꞌulew, kꞌayew ri ekikꞌuan pa teq copas, y ri ángel riꞌ xubꞌij chuwa: ¡Katámpe! Nikꞌut chawech ri xten ndok rixjayil ri Alaj Karneꞌl.
10Y xikꞌojeꞌ chuxeꞌ ruchuqꞌaꞌ ri Espíritu Santo,21:10 Ap. 17:3 y ri ángel xirukꞌuaj pariꞌ jun nimalej juyuꞌ nej jatal chikaj, y xukꞌut chinuwech ri loqꞌolej tinamit Jerusalén ri pataneq chikaj, apeꞌ kꞌo ri Dios. 11Ri tinamit riꞌ roma ri nimalej ruqꞌij ri Dios21:11 Ez. 43:2, 4 nditzꞌintzꞌot achel jun abꞌej santienta rajel, achel ri abꞌej ndibꞌix jaspe chare, ri achel vidrio21:11 Ap. 4:6 ri kꞌo cheꞌel ngatzuꞌun apu chupan. 12Ri tinamit riꞌ tzꞌapin rij roma jun pimilej xan nej rujotolen. Ri xan riꞌ, ruchajin kabꞌlajuj puertas y chikijununal ri puertas yoꞌon jun chajinel ángel chikichiꞌ. Chikij chi jujun ri puertas tzꞌibꞌan jun bꞌiꞌaj, y ri bꞌiꞌaj riꞌ ja ri kibꞌiꞌ ri kabꞌlajuj rukꞌajol ri ojer tataꞌatz rubꞌiniꞌan Israel. 13Oxiꞌ puertas chin ri xan ngetzuꞌun ri lado apeꞌ ndalex pe ri qꞌij, oxiꞌ ri lado apeꞌ ndiqaqa ri qꞌij, oxiꞌ ngetzuꞌun ri lado norte y oxiꞌ ri lado sur.21:13 Ez. 48:31-3414Ruxeꞌel ri xan21:14 Ef. 2:20 chin ri tinamit kabꞌlajuj abꞌej okuneq, y chikij chikijununal ri abꞌej, tzꞌibꞌan jun bꞌiꞌaj kichin ri kabꞌlajuj ru-apóstoles21:14 Mt. 10:2-4; 16:18; Ef. 3:5; 4:11; Jud. 17; Ap. 18:20 ri Alaj Karneꞌl.
15Ri ángel ri ndichꞌaꞌa chuwa rukꞌuan jun aj bꞌanun chare qꞌanapueq chin ndiretaj21:15 Ez. 40:3; Zac. 2:1; Ap. 11:1, 2 ri tinamit, ri xan21:15 Ez. 42:15, 20 y ri kabꞌlajuj ru-puertas. 16Ri tinamit Jerusalén cuadrado rubꞌanun, ri raqen y ri ruwech ejunan. Ri ángel xretaj ri tinamit rikꞌin ri aj, ri ruwech 2,200 kilómetros, keriꞌ ri raqen y keriꞌ chuqaꞌ ri rujotolen. 17Y xretaj chuqaꞌ ri xan ri tzꞌapiyon rij ri tinamit, y ri rupimilen ri xan xretaj 64 metros. Ri aj ri xukusaj ri ángel chin xretaj, achel ri ndikikusaj ri wineq chochꞌulew keriꞌ.
18Ri xan chirij ri tinamit, bꞌanun chare abꞌej rubꞌiniꞌan jaspe, y ri tinamit bꞌanun chare qꞌanapueq qꞌasan pa qꞌaqꞌ y achel vidrio josqꞌin ruwech nditzuꞌun. 19Ruxeꞌel ri xan chin ri tinamit, eweqon rikꞌin kabꞌlajuj abꞌej21:19 Is. 54:11, 12 santienta kajel. Ri nabꞌey abꞌej rubꞌiniꞌan jaspe, ri rukan zafiro, ri rox ágata, ri rukaj esmeralda, 20ri ruwoꞌ ónice, ri ruwaq cornalina, ri ruwuq crisólito, ri ruwaqxaq berilo, ri rubꞌelej topacio, ri rulajuj crisoprasa, ri rujulajuj jacinto, y ri rukabꞌlajuj amatista. 21Ri kabꞌlajuj puertas chin ri xan, chare kabꞌlajuj perlas ebꞌanun, y chi jujun ri puertas jun perla okuneq. Ri nimabꞌey21:21 Ap. 22:2 chin ri tinamit, chare qꞌanapueq qꞌasan pa qꞌaqꞌ bꞌanun y achel vidrio ri kꞌo cheꞌel ngatzuꞌun apu chupan.
22Y chupan ri tinamit, ma jun achoch apeꞌ ndiyoꞌox ruqꞌij ri Dios xintzꞌet, porque ja ri Ajaw Dios ri kꞌo nojel uchuqꞌaꞌ pa ruqꞌaꞌ21:22 1Co. 15:28 y ri Alaj Karneꞌl ri eꞌokuneq rachoch ri Dios chiriꞌ. 23Y ma ndikꞌatzin chi ta chi ri qꞌij y ri raqen ikꞌ ngeyikꞌan richin ri tinamit. Porque ja ri nimalej ruqꞌij ri Dios ndiyikꞌan richin, y ri Alaj Karneꞌl ndiyikꞌan chuqaꞌ richin ri tinamit. 24Ri jalajaj kiwech wineq ekꞌo chochꞌulew kin xkebꞌiyaj pa ruyikꞌinik21:24 Is. 60:3 ri tinamit riꞌ. Y ri reyes chin ri rochꞌulew kin xtekijachaꞌ ri kibꞌeyomal chiriꞌ. 25Ri puertas chin ri tinamit, jumul ejaqel, y ma ngetzꞌapix ta,21:25 Is. 60:11 porque chiriꞌ ma ndichaqꞌaꞌ ta qa. 26Ri kibꞌeyomal ri jalajaj kiwech wineq ekꞌo chochꞌulew, bꞌeyomal ri bꞌanayon chake chi kꞌo kiqꞌij, ndejach chare. 27Pero ri wineq ri ngekibꞌanalaꞌ seqꞌ teq achike,21:27 Is. 35:8; 52:1; Ap. 22:14, 15 ma jumbꞌey xkeꞌok chupan ri tinamit riꞌ, nixta ri wineq ri ngebꞌanun chi ndimulu rukꞌuꞌx ri Dios, nixta ri ereqꞌóta. Xa kin xe ngeꞌok chiriꞌ ri kꞌo kibꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen21:27 Sal. 69:28; Dn. 12:1; Fil. 4:3 ma ndikꞌis ta chake. Ri wuj riꞌ chin ri Alaj Karneꞌl.
221Atoq nutzꞌeton chik reꞌ, ri ángel ri ukꞌuayon wichin xukꞌut chinuwech jun raqen yaꞌ ri ndiyoꞌon ri kꞌaslen ma ndikꞌis ta. Ri raqen yaꞌ riꞌ, achel vidrio nditzuꞌun y ndalex pe22:1 Ez. 47:1; Zac. 14:8 apeꞌ kꞌo ki-trono ri Dios y ri Alaj Karneꞌl. 2Pa runikꞌajal ri nimabꞌey chin ri kꞌakꞌakꞌ tinamit Jerusalén ndeqꞌax ri raqen yaꞌ riꞌ y chi kaꞌiꞌ lado chin ri raqen yaꞌ kꞌo ri cheꞌ ri ndiyoꞌon ri kꞌaslen22:2 Gn. 2:9; Ap. 2:7 ma ndikꞌis ta. Ri cheꞌ riꞌ kabꞌlajuj mul nduyaꞌ ruwech pa jun junaꞌ, ikꞌ-ikꞌ ndiwachin. Ri ruxaq ri cheꞌ ndikꞌatzin chin ngeꞌoqꞌomex ri jalajaj kiwech wineq ekꞌo chochꞌulew. 3Y chiriꞌ pa tinamit nixta jun ndikꞌojeꞌ chuxeꞌ ruchuqꞌaꞌ royowal ri Dios. Ri ki-trono ri Dios y ri Alaj Karneꞌl ndikꞌojeꞌ pa tinamit, y ri rusamajelaꞌ ri Dios ndikiyaꞌ ruqꞌij rijaꞌ, 4y ndikitzꞌet ruwech22:4 Mt. 5:8; 1Co. 13:12; 1Jn. 3:2 ri Dios, y ri rubꞌiꞌ ndikꞌojeꞌ pa runikꞌajal kiwech. 5Chiriꞌ ma ndichaqꞌaꞌ chi ta qa y ma ndikꞌatzin ta ruyikꞌinik lámparas nixta ruyikꞌinik ri qꞌij chake ri ngekꞌojeꞌ chiriꞌ, porque chiriꞌ ja ri Ajaw Dios ri ndiyikꞌan22:5 Sal. 36:9; 84:11 kichin, y rejeꞌ ndikibꞌen reinar22:5 Dn. 7:18, 27; Ro. 5:17; 2Ti. 2:12 chin jumul.
Ri Ajaw Jesús nduqaqa yan
6Y ri ángel xubꞌij chuwa: Re tzij re awakꞌaxan kin qetzij y kin utz chi nditaqix. Ri Ajaw Dios, ri ndiyoꞌon ri rutzij pa kánima ri profetas22:6 He. 1:1 chin ndikiqꞌalajrisaj, xuteq ri ru-ángel chin nduruqꞌalajrisaj chikiwech ri rusamajelaꞌ ri ndikꞌatzin chi ngebꞌanatej yan.
7Ja atoq riꞌ ri Ajaw xubꞌij: ¡Tiwakꞌaxaj kꞌa! ¡Riyin ngibꞌa yan qa22:7 Ap. 22:12, 20 chochꞌulew! ¡Kin jabꞌel roruqꞌij ri ndibꞌanun ri ndubꞌij ri tzij etzꞌibꞌan kan chupan re wuj reꞌ!22:7 Ap. 1:3 xchajeꞌ.
8Y ja riyin Juan ri xinakꞌaxan y xitzꞌeto22:8 Ap. 21:2 nojel reꞌ, y atoq xinwakꞌaxaj y xintzꞌet yan nojel ri xkꞌut chinuwech roma ri ángel, xixukeꞌ y xilukeꞌ chiraqen chin niyaꞌ ruqꞌij.22:8 Ap. 19:109Pero ri ángel xubꞌij chuwa: ¡Ma ndabꞌen kelaꞌ! Porque chi roj kaꞌiꞌ roj rusamajelaꞌ ri Dios, achel ri a-hermanos ri profetas, achel chuqaꞌ konojel ri ndikibꞌen ri ndubꞌij ri qꞌalajrisan kan chupan re wuj reꞌ. ¡Ja ri Dios tayaꞌ ruqꞌij!
10Y ri ángel xubꞌij chuqaꞌ chuwa: Ma tawewaj pa awánima ri tzij eqꞌalajrisan kan chupan re wuj reꞌ, porque ri qꞌij chin ngebꞌanatej, nduqaqa yan. 11Ri ma kikꞌuan ta jun chojmilej kꞌaslen, kꞌa keriꞌ tikibꞌanaꞌ, y ri kikꞌuan jun seqꞌ kꞌaslen, kꞌa keriꞌ tikibꞌanaꞌ22:11 2Ti. 3:13 chuqaꞌ. Ri kikꞌuan jun chojmilej kꞌaslen, kꞌa keriꞌ tikibꞌanaꞌ, y ri kikꞌuan jun loqꞌolej kꞌaslen, kꞌa keriꞌ tikibꞌanaꞌ.
12Ri Ajaw xubꞌij: ¡Tiwakꞌaxaj kꞌa! ¡Riyin ngibꞌa yan qa chochꞌulew!22:12 Is. 40:10 Y nikꞌuaj qa ri rajel-rukꞌexel ri rukꞌulun chi niyaꞌ chake ri wineq roma ri kibꞌanun pa kikꞌaslen chikijununal.22:12 Mt. 16:27; Ro. 2:6-1113Ja riyin ri Alfa y ri Omega, ri nabꞌey y ri rukꞌisibꞌel chin nojel,22:13 Is. 44:6 ja riyin ri kin yinkꞌo wi y ngikꞌojeꞌ chin jumul.
14Jabꞌel rokiqꞌij ri ndikichꞌajchꞌojrisaj ri kikꞌaslen. Chake rejeꞌ ndiyoꞌox qꞌij chin ndikikꞌux ruwech ri cheꞌ ri ndiyoꞌon kꞌaslen ma ndikꞌis ta, y chuqaꞌ chin ngeqꞌax chupan ri puerta chin ngeꞌok apu pa kꞌakꞌakꞌ tinamit Jerusalén. 15Pero chiriꞌ, ma ngeꞌok ta22:15 Ap. 21:8 ri tzꞌiꞌ teq wineq, ri aj itz, ri ndikikꞌamalaꞌ qa kiꞌ xa achoq na ikꞌin chin ndikibꞌen mak, ri ngekamisan, ri ngeyoꞌon kiqꞌij tiox, y konojel ri ndiqaꞌ chikiwech ngereqꞌon y jutaqil ngereqꞌon.
16Riyin Jesús, xinteq ri nu-ángel chin xbꞌeruqꞌalajrisaj nojel reꞌ chiwech rix ri bꞌotzaj teq ralkꞌuaꞌl ri Dios ri ndimal iwiꞌ pa rubꞌiꞌ. Y ja riyin ri ruxeꞌel kan ri rey David22:16 Is. 11:1; Jer. 23:5, 6; Zac. 6:12 y ri riy-rumam kan chuqaꞌ; ja riyin ri chꞌumil ri ndiyikꞌan atoq ndiseqresan pe.
17Ri Espíritu Santo y ri xten ri ndok rixjayil ri Alaj Karneꞌl kereꞌ ndikibꞌij: ¡Katuqaqa yan! Y ri ndirakꞌaxaj, tubꞌij chuqaꞌ: ¡Katuqaqa yan! Ri ndichaqiꞌj ruchiꞌ, tipuꞌun,22:17 Is. 55:1; Jn. 7:37 y ri ndirajoꞌ ndutij ri yaꞌ ndisipex, tutijaꞌ ri yaꞌ ndiyoꞌon ri kꞌaslen ma ndikꞌis ta.
18Chake konojel ri ndikakꞌaxaj ri tzij eqꞌalajrisan kan chupan re wuj reꞌ nibꞌij: Si jun nduyaꞌ ruwiꞌ ri tzꞌibꞌan kan chupan,22:18 Dt. 4:2; Pr. 30:6 ri Dios nduyaꞌ pa ruwiꞌ ri jun riꞌ ri castigo etzꞌibꞌan kan chupan. 19Y si jun wineq kꞌo ndirelesaj chare ri qꞌalajrisan kan chupan re wuj reꞌ, ri Dios ma nduyaꞌ ta qꞌij chare22:19 Ex. 32:33 chin ndukꞌux ruwech ri cheꞌ ri ndiyoꞌon kꞌaslen ma ndikꞌis ta, y ma nduyaꞌ ta chuqaꞌ qꞌij chare chi ndok apu pa loqꞌolej tinamit, y nixta nduyaꞌ chare ri utzulej rajel-rukꞌexel sujun kan chupan re wuj reꞌ.
20Ri xqꞌalajrisan re tzij reꞌ chinuwech, ndubꞌij: ¡Riyin ngibꞌa yan qa chochꞌulew! Y riyin xinbꞌij: Amén, ¡Katuqaqa yan, Ajaw Jesús!
21Ri favor ri nduyaꞌ ri Ajaw Jesús kin ta xtikꞌojeꞌ pa iwiꞌ rix iwonojel.