Ri wuj rutzꞌibꞌan kan ri apóstol Pablo chake ri hermanos ekꞌo pa teq tinamit chin ri rochꞌulew Galacia
1Ri Pablo nduteq ruxunaqil kiwech ri hermanos
1Riyin Pablo jun apóstol ri ma wineq ta echaꞌayon y etaqayon wichin chin nibꞌen ri rusamaj ri Ajaw. Ri etaqayon wichin ja ri Jesucristo y ri Tataꞌaj Dios1:1 1Ti. 1:1 ri xkꞌastajbꞌan pe ri Jesucristo chikikajal ri animaꞌiꞌ.1:1 Hch. 2:242Riyin y konojel ri hermanos ri ekꞌo wikꞌin,1:2 Fil. 4:21 ndiqateq e ruxunaqil iwech rix ri ralkꞌuaꞌl ri Dios ri ndimal iwiꞌ pa rubꞌiꞌ, ri rixkꞌo pa teq tinamit chin ri rochꞌulew Galacia. 3Ri Qatataꞌ Dios y ri Ajaw Jesucristo kin ta xtikiyaꞌ ki-favor pa iwiꞌ y xtikiyaꞌ chuqaꞌ uxlanen pa iwánima. 4Ri Ajaw Jesucristo xujech riꞌ pa kamik roma ri qamak1:4 Mt. 20:28; Ro. 4:25; Gá. 2:20 chin xojrukal pa ruqꞌaꞌ ri itzel teq rayinik ekꞌo chochꞌulew wokami. Keriꞌ xubꞌen porque jariꞌ rurayibꞌel ri Qatataꞌ Dios. 5¡Kin ta xtiyoꞌox ruqꞌij rijaꞌ chin jumul! Amén.
Kin xe wi jun rubꞌeyal ri utzulej teq tzij chin kolotajik
6Riyin ndisach nukꞌuꞌx chiwij, porque ja yan paqiꞌ ndiwoqaj jun chik tijonik ri pa itzij ndukꞌen pe kolotajik chiwa y xa ndiyaꞌ kan ri Dios ri xoyon iwichin1:6 Gá. 5:8 roma ri favor nduyaꞌ ri Cristo. 7Y maneq chik jun rubꞌeyal ri utzulej teq tzij chin kolotajik, pero ri ndajin chiꞌikajal jareꞌ: Ekꞌo jujun wineq ri ndikiyaꞌ tzij pa ixikin chin ndikiqasaj ijolon,1:7 Hch. 15:1; 2Co. 11:4 chin keriꞌ nditaqij jun chik tijonik ri ma junan ta rikꞌin ri utzulej teq tzij chin kolotajik ri xukꞌen pe ri Cristo. 8Pero si riyin, o jun ta chikiwech ri hermanos ri ekꞌo wikꞌin o jun ta ángel1:8 2Co. 11:14 chin chikaj ndiqatzijoj chiwa jun chik rubꞌeyal ri utzulej teq tzij ri ndukꞌen pe kolotajik chiwa, y ma junan ta rubꞌeyal rikꞌin ri qakꞌutun kan chiwech, kin tiqaqa pa ruwiꞌ ri castigo nduyaꞌ ri Dios. 9Roj qabꞌiꞌin chi kan chiwa y wokami nikamuluj rubꞌixik: Si kꞌo jun xtitzijon chiwa jun chik rubꞌeyal ri utzulej teq tzij ri ndukꞌen pe kolotajik,1:9 Dt. 4:2; 12:32 y ma junan ta rikꞌin ri itaqin, kin tiqaqa pa ruwiꞌ ri castigo nduyaꞌ ri Dios.
10Y atoq keriꞌ xinbꞌij chiwa, ma chin ta niwojoꞌ chi utz ngitzꞌat koma ri wineq, xa kin chin utz ngitzꞌat roma ri Dios.1:10 1Ts. 2:4 Riyin ma ja ta ri ndiqaꞌ chikiwech ri wineq ngitajin rikꞌin, porque si keriꞌ ta nubꞌanun pe, man ta yin rusamajel ri Cristo.
Ri Dios nduqꞌalajrisaj ri Jesucristo chuwech ri Pablo
11Hermanos, riyin nibꞌij chiwa chi ri utzulej teq tzij chin kolotajik ri nitzijoj riyin, ma kikꞌin ta wineq pataneq. 12Porque riyin ma jun ta wineq waweꞌ chochꞌulew xbꞌiꞌin chuwa o xirutijoj rikꞌin. Xa kin ja ri Jesucristo ri xqꞌalajrisan chinuwech.
13Porque rix iwakꞌaxan ri xenbꞌanalaꞌ atoq kꞌa yinkꞌo chupan ri ki-religión ri nuwinaqul israelitas, chi rikꞌin nojel woyowal xentzeqlebꞌej ri eralkꞌuaꞌl ri Dios chin xinbꞌen itzel1:13 Hch. 8:3; 1Ti. 1:13 chake, chin ta nikꞌis kiqꞌij xinwojoꞌ. 14Riyin más kꞌiy xinwetamaj1:14 Fil. 3:4-6 pa ruwiꞌ ri ki-religión ri nuwinaqul ke chikiwech ekꞌiy ri junan xojkꞌiy pe kikꞌin, porque ja yin ri más xbꞌa wánima chirij nojel ri kibꞌiꞌin kan ri ojer teq qawinaqul riꞌ. 15Pero ri Dios ri yin ruchaꞌon pe xe jampeꞌ atoq kꞌajani kinalex,1:15 Jer. 1:5 xiroyoj chin xinok ralkꞌuaꞌl roma xujoyowaj nuwech. Pero atoq xril ri tiempo ri xrajoꞌ rijaꞌ, 16xuqꞌalajrisaj ri Rukꞌajol chinuwech, chin netzijoj ri kolotajik ri nduyaꞌ rijaꞌ chake ri ma israelitas ta.1:16 Hch. 9:15; Gá. 2:7, 8 Y atoq keriꞌ xbꞌanatej, ma jun achoq chare xinkꞌutuj razón achike ri utz chi nibꞌen, 17nixta xibꞌa e pa tinamit Jerusalén apeꞌ ekꞌo ri xeꞌok apóstoles más nabꞌey chinuwech. Pa rukꞌexel riꞌ, xinel e pa tinamit Damasco y xibꞌa pa rochꞌulew Arabia, y kꞌajariꞌ xitzolij chik pa Damasco.
Ri Pablo ndubꞌij chi xbꞌa e pa tinamit Jerusalén
18Atoq qꞌaxneq chik oxiꞌ junaꞌ, xibꞌa e pa tinamit Jerusalén chin xbꞌenwetamaj ruwech ri Cefas,1:18 Cefas: Jariꞌ jun chik rubꞌiꞌ ri Simón Pedro. y xikꞌojeꞌ wolajuj qꞌij rikꞌin. 19Chiriꞌ ma jun apóstol más xintzꞌet ruwech, xaxe ri Santiago ri ruchaqꞌ1:19 Mt. 13:55; Mr. 6:3 ri Ajaw Jesucristo. 20Y chuwech ri Dios nibꞌij chi re nitzꞌibꞌaj e chiwa kin qetzij wi y ma ngireqꞌon ta.
21Kꞌajariꞌ xibꞌa pa rochꞌulew Siria y pa rochꞌulew Cilicia. 22Y chupan ri tiempo riꞌ, ri hermanos ri ndikimal kiꞌ pa rubꞌiꞌ ri Dios pa teq kitinamit pa rochꞌulew Judea, kꞌajani tiketamaj nuwech. 23Xaxe kakꞌaxan chuwij chi riyin ri jun tiempo kan, xentzeqlebꞌej ri kitaqin ri Cristo chin xinbꞌen itzel chake y xinwojoꞌ xinkꞌis kiqꞌij, pero xa kin xjalatej ri nukꞌaslen y wokami nitzijoj chake ri wineq ri utzulej teq tzij chin kolotajik ri ndubꞌij chi ndikꞌatzin ndikitaqij ri Cristo. 24Y ri hermanos riꞌ xkiyaꞌ ruqꞌij ri Dios, roma xjalatej ri nukꞌaslen.
21Atoq qꞌaxneq chik kajlajuj junaꞌ, xibꞌa chi e pa tinamit Jerusalén, junan rikꞌin ri Bernabé,2:1 Hch. 15:2 y bꞌaneq e chuqaꞌ ri Tito chiqij. 2Xibꞌa e pa tinamit Jerusalén roma ri Dios xuqꞌalajrisaj chinuwech chi ndikꞌatzin ngibꞌa e, y xaxe kikꞌin ri kꞌo kiqꞌij pa kiwech ri hermanos xinmal wiꞌ y xinqꞌasaj chikiwech ri achike rubꞌixik nibꞌen chare ri utzulej teq tzij chin kolotajik ri nutzijon chake ri ma israelitas ta, porque ma kꞌateꞌ xa ma pa rubꞌeyal ta ri nutzijon y romariꞌ xtiqasex reqalen ri samaj nubꞌanun. 3Pero ri nusamaj xqaꞌ chikiwech, porque ri Tito ri bꞌaneq chuwij, maske ma israelita ta, ma xkibꞌij ta chare chi por fuerza tubꞌanaꞌ circuncidar riꞌ. 4Ri Tito kin ma xbꞌan ta wi circuncidar, maske ekꞌo jujun achiꞌaꞌ ri xkajoꞌ keriꞌ. Rejeꞌ chilaqꞌel xeꞌok chiqakajal y kiqꞌabꞌan kiꞌ chi e-hermanos, pero xaxe chin ndikinachaj ri ndiqabꞌen roj ri xe jun qabꞌanun rikꞌin ri Cristo Jesús, si ndiqabꞌen o naq ri ndubꞌij ri ley xyoꞌox chare ri Moisés,2:4 Gá. 3:24, 25 roma xkajoꞌ xojkiyaꞌ chik chuxeꞌ ruchuqꞌaꞌ ri ley riꞌ. 5Pero ma jun xubꞌij ri qánima chi xqanimaj ri achel xkajoꞌ rejeꞌ, chin keriꞌ ndikꞌojeꞌ jumul pa iwánima rix ri qetzij ri ndubꞌij ri utzulej teq tzij chin kolotajik.
6Y ri hermanos ri ngetzꞌetetej chi kꞌo kiqꞌij nixta jun rutzꞌaqat ri utzulej teq tzij chin kolotajik ri nitzijoj riyin xkiyaꞌ, aunque si kꞌo kiqꞌij o maneq, ma jun ndubꞌen chuwa riyin, porque ri Dios ma nduyaꞌ ta pa cuenta si jun wineq kꞌo ruqꞌij o maneq ruqꞌij pa kiwech ri wineq. 7Pa rukꞌexel riꞌ, rejeꞌ xkiyaꞌ cuenta chare chi ri Dios chuwa riyin ruyoꞌon ri samaj chi nitzijoj ri utzulej teq tzij chin kolotajik chake ri ma israelitas ta,2:7 Hch. 9:15; Gá. 1:16 achel chuqaꞌ ruyoꞌon chare ri Pedro chi ndutzijoj ri utzulej teq tzij chin kolotajik chake ri israelitas. 8Porque ri Dios achel rutoꞌon ri Pedro chin rubꞌanun samaj chin jun apóstol chikikajal ri israelitas, keriꞌ chuqaꞌ yin rutoꞌon riyin chin nubꞌanun samaj chin jun apóstol chikikajal ri ma israelitas ta.
9Ri Santiago, ri Cefas y ri Juan, ri más kꞌo kiqꞌij pa kiwech ri eralkꞌuaꞌl ri Dios, atoq xkiyaꞌ cuenta chare chi ja ri Dios yoyon ri samaj riꞌ chuwa,2:9 Ro. 1:5 xkiyaꞌ kiqꞌaꞌ chuwa riyin y chare ri Bernabé, retal chi xojok kachibꞌil pa rusamaj ri Dios chin ndeqatzijoj ri utzulej teq tzij chin kolotajik chake ri ma israelitas ta, y rejeꞌ chake ri israelitas. 10Xaxe xkibꞌij chaqe chi ma tiqamestaj chi ngeqatoꞌ ri maneq ok kichajin.2:10 He. 13:16; 1Jn. 3:17 Y jariꞌ ri nutijon nuqꞌij chi nibꞌen.2:10 Hch. 11:29, 30; 24:17
11Pero atoq xqꞌax jubꞌaꞌ tiempo, ri Cefas xbꞌeqaqa pa tinamit Antioquía apeꞌ yinkꞌo chuqaꞌ riyin, y kin chupalej xinbꞌij chare chi ri ndajin rikꞌin ma utz ta. 12Porque pa nabꞌey ndiwaꞌ kikꞌin ri hermanos ma israelitas ta, pero atoq xebꞌeqaqa jujun israelitas ri etaqon e roma ri Santiago, ri Cefas xujekꞌ riꞌ y ma xwaꞌ chi ta kikꞌin ri hermanos ma israelitas ta, porque xuxibꞌij riꞌ chi ngebꞌan tzij chirij koma ri israelitas ri ndikibꞌij chi ndikꞌatzin ngebꞌan circuncidar konojel ri ndikitaqij ri Ajaw. 13Y ri hermanos israelitas ri ekꞌo pa tinamit Antioquía, xa xkoqaj runoꞌoj ri Cefas, porque xkijekꞌ chuqaꞌ kiꞌ, y ma xkimal chi ta kiꞌ kikꞌin ri hermanos ma israelitas ta, xa kaꞌiꞌ kipalej xkibꞌen, y hasta ri Bernabé xroqaj kinoꞌoj. 14Atoq xintzꞌet chi ma kikꞌuan ta ri kikꞌaslen achel ri qetzij ri ndubꞌij ri utzulej teq tzij chin kolotajik, chikiwech konojel2:14 1Ti. 5:20 xinbꞌij chare ri Cefas: Rat, rat israelita, y akꞌuan akꞌaslen achel man ta rat israelita keriꞌ. Si keriꞌ ndabꞌen rat, ¿achike roma ndabꞌen chake ri ma israelitas ta chi ndikikꞌuaj kikꞌaslen achel ri israelitas? xichajeꞌ chare.
Ri Dios ndubꞌen chi ma jun chik qamak ndiqeqalej roma qataqin ri Cristo
15Roj ri qalaxibꞌen chi roj israelitas, ndiqabꞌij chi ma roj aj mak ta achel ri wineq ma eqawinaqul ta. 16Pero qetaman chuqaꞌ chi jun wineq ma roma ta ndubꞌen ri ndubꞌij chupan ri ley xyoꞌox chare ri Moisés, kin ta romariꞌ nixta jun rumak ndireqalej2:16 Hch. 13:38, 39; Ro. 3:20 chuwech ri Dios, xa kin roma ndutaqij ri Jesucristo. Y roma chuqaꞌ riꞌ, roj israelitas xqataqij ri Cristo Jesús, chin keriꞌ nixta jun qamak qeqalen chuwech ri Dios, y riꞌ ma roma ta ndiqabꞌen ri ndubꞌij ri ley.2:16 Ro. 8:3; He. 7:18, 19 Porque nixta jun wineq roma ta ndubꞌen ri ndubꞌij ri ley, ma jun rumak ndireqalej chuwech ri Dios.
17Roj israelitas roma xqajoꞌ chi nixta jun qamak xqeqalej chuwech ri Dios, romariꞌ xe jun xqabꞌen rikꞌin ri Cristo. Pero atoq xe jun xqabꞌen rikꞌin, xqayaꞌ cuenta chare chi roj chuqaꞌ roj aj mak achel ri ma israelitas ta. ¿Ndubꞌij kami tzij chi ri Cristo xojrutaqchiꞌij pa mak? Ma ke ta riꞌ. 18Porque riyin ri nuyoꞌon kan chi kuqul nukꞌuꞌx chi ngikolotej roma nibꞌen ri ndubꞌij ri ley ri xyoꞌox chare ri Moisés, si wokami ninimaj chik jumbꞌey, riꞌ ndubꞌij tzij chi kin mak wi xinbꞌen atoq xinyaꞌ kan. 19Riyin rikꞌin ri ndubꞌij chupan ri ley xinkꞌoxomaj chi ri ley ma nditiker ta ngirukal, romariꞌ ma xinkuqubꞌaꞌ chi ta nukꞌuꞌx rikꞌin,2:19 Ro. 7:4, 6 porque xinkꞌoxomaj chi ndikꞌatzin nitaqij ri Cristo chin nibꞌen pa nukꞌaslen ri ndirajoꞌ ri Dios.2:19 Ro. 6:11 Riyin kin achel ta xikamisex junan rikꞌin ri Cristo cho cruz. 20Romariꞌ ma yin chi ta ukꞌuayon ri nukꞌaslen, xa kin ja ri Cristo. Y chupan nojel ri nibꞌen pa nukꞌaslen chireꞌ chochꞌulew, kuqul nukꞌuꞌx rikꞌin ri Rukꞌajol ri Dios ri santienta xirajoꞌ, y xujech riꞌ pa kamik woma riyin. 21Y ma nibꞌen ta chare ri favor nduyaꞌ ri Dios chi maneq reqalen, porque si jun wineq roma ta ndubꞌen ri ndubꞌij ri ley nixta jun rumak ndireqalej chuwech ri Dios, riꞌ ndubꞌij tzij chi ma jun xkꞌatzin chi ri Cristo xken cho cruz.2:21 Gá. 5:4
3Ri Espíritu Santo ndiyoꞌox pa qánima roma ndiqataqij ri Jesucristo
1Rix aj rochꞌulew Galacia, xa rix achel nakaneq teq wineq keriꞌ. ¿Achike xchꞌakatin iwichin chin ma nditaqij ta chik ri qetzij? Rix hasta xkꞌut chiwech chin xitzꞌet rikꞌin iwech ri achike rubꞌanik xbꞌan chare ri Jesucristo atoq xkamisex cho cruz. 2Xaxe niwojoꞌ nikꞌutuj razón chiwa: ¿Xyoꞌox ri Espíritu Santo pa iwánima porque xibꞌen ri ndubꞌij ri ley xyoꞌox chare ri Moisés? Ma ke ta riꞌ. Ri Espíritu Santo xyoꞌox pa iwánima porque xitaqij ri Jesucristo3:2 Gá. 3:14; Ef. 1:13 ri xtzijox chiwa. 3Xa kin qꞌalej chi rix nakaneq porque ndiwojoꞌ ndeꞌikꞌisaꞌ rikꞌin ri relik iwuchuqꞌaꞌ rix rukꞌuaxik ri kꞌakꞌakꞌ kꞌaslen ri xitzꞌen e rikꞌin ruchuqꞌaꞌ ri Espíritu Santo. 4Nojel ri kꞌayew ikꞌulwachin pe, ¿La ma jun kami xkꞌatzin chare ri ikꞌaslen? Maneq cheꞌel chi keriꞌ. 5Romariꞌ nibꞌij chiwa: Ri Dios ruyoꞌon pe ri Espíritu Santo pa iwánima y ndubꞌanalaꞌ chuqaꞌ milagros chiꞌikajal, y keriꞌ ndubꞌen ma roma ta chi rix ndibꞌen ri ndubꞌij ri ley xyoꞌox chare ri Moisés, xa kin roma xitaqij ri Jesucristo atoq xiwakꞌaxaj ri xqatzijoj kan chiwa.
Ri Abraham ma jun rumak xreqalej roma xutaqij chi ri Dios nduyaꞌ ri rusujun
6Tiqatzꞌetaꞌ ri xubꞌen ri Abraham ojer kan. Rijaꞌ xutaqij chi ri Dios nduyaꞌ ri rusujun, y romariꞌ ri Dios xubꞌen chare chi nixta jun rumak xreqalej.3:6 Gn. 15:4-6; Ro. 4:3, 9, 20-22; Stg. 2:237Romariꞌ, tiwetamaj chi ri qetzij eralkꞌuaꞌl3:7 Ro. 4:11 ri Abraham, ja ri ngetaqin chi ri Dios nduyaꞌ ri rusujun. 8Y chupan ri rutzij ri Dios ndiqil chi ri Dios xuyaꞌ jun utzulej rutzijol chare ri Abraham pa ruwiꞌ ri ndibꞌanatej más apu chuwech, atoq kereꞌ xubꞌij: Awoma rat, riyin nibꞌen chi ri jalajaj kiwech wineq chin nojel teq tinamit chin ri rochꞌulew3:8 Gn. 12:3 kꞌo cheꞌel ndikil ri favor niyaꞌ, xchajeꞌ chare. Wokami kin ndibꞌanatej ri ndubꞌij ri tzij riꞌ, porque ri Dios ndubꞌen chi ri jalajaj kiwech wineq ma israelitas ta, nixta jun kimak ndikeqalej chuwech roma ndikitaqij ri Jesucristo. 9Romariꞌ, konojel ri ndikitaqij chi ri Dios nduyaꞌ ri rusujun, ndikil ri favor nduyaꞌ ri Dios, achel xril ri Abraham ri xutaqij ri xubꞌij ri Dios chare.
10Keriꞌ nibꞌij chiwa porque konojel ri ndikajoꞌ chi ma jun kimak ndikeqalej chuwech ri Dios xaxe rikꞌin ndikibꞌen ri ndubꞌij ri ley ri xyoꞌox chare ri Moisés, qꞌaton chik castigo pa kiwiꞌ. Porque chupan ri rutzij ri Dios, kereꞌ ndubꞌij: Ri ma ndubꞌen ta nojel ri ndubꞌij ri ley, kin ndiqaqa pa ruwiꞌ ri castigo3:10 Dt. 27:26; Jer. 11:3 nduyaꞌ ri Dios. 11Y kin qꞌalej wi chi nixta jun wineq roma ta ndubꞌen ri ndubꞌij ri ley, ndibꞌan chare chi nixta jun rumak reqalen chuwech ri Dios. Porque ri rutzij ri Dios kereꞌ chuqaꞌ ndubꞌij: Ri nixta jun rumak reqalen chuwech ri Dios, kin ndiril ri qetzij kꞌaslen, roma kuqul rukꞌuꞌx rikꞌin ri Dios.3:11 Hab. 2:4; He. 10:3812Jun wi ri ndabꞌen ri ndubꞌij chupan ri ley xyoꞌox chare ri Moisés, y jun wi ri kuqul akꞌuꞌx rikꞌin ri Dios. Porque ri ley xaxe ndubꞌij: Ri ndibꞌanun nojel ri ndubꞌij re ley reꞌ, kin ndiril ri qetzij kꞌaslen3:12 Lv. 18:5 nduyaꞌ ri Dios. Keriꞌ ri ndubꞌij.
13Ri Cristo xojrulaqꞌ atoq kꞌa rojkꞌo pa ruqꞌaꞌ ri castigo ruqꞌaton ri ley pa qawiꞌ, roma ja rijaꞌ xkꞌojeꞌ chuxeꞌ ri castigo riꞌ pa qakꞌexel roj ri roj aj mak. Kin qꞌalej chi xkꞌojeꞌ chuxeꞌ ri castigo porque chupan ri rutzij ri Dios tzꞌibꞌan kan ndubꞌij: Xa achike na jun ri nditzeqebꞌex chuwech jun cheꞌ, ri castigo ri nduyaꞌ ri Dios kin qꞌalej chi qajneq pa ruwiꞌ.3:13 Dt. 21:2314Keriꞌ xubꞌen ri Cristo, chin keriꞌ ri favor sujun chare ri Abraham roma ri Dios, kin ndiyoꞌox chake ri jalajaj kiwech wineq ma israelitas ta ri ndikitaqij rijaꞌ. Y keriꞌ roj qonojel ri ndiqataqij3:14 Ro. 4:9-11 ri Cristo, ndiyoꞌox pa qánima3:14 Hch. 2:33 ri Espíritu Santo ri rusujun ri Dios chi nduyaꞌ.
Ri ley xyoꞌox chare ri Moisés ma xuyuj ta ri favor rusujun ri Dios chare ri Abraham
15Hermanos, tiwakꞌaxaj jun ejemplo ri ndibꞌanatej chiqakajal roj wineq: Jun wineq ri ndubꞌen jun trato rikꞌin jun chik, atoq kibꞌanun chik ruwujil, nixta jun nditiker ndiyuju y nixta jun nditiker nduyaꞌ más chupan ri trato riꞌ. 16Y atoq ri Dios kꞌo xusuj chare ri Abraham y chare ri riy-rumam ri ndekꞌojeꞌ, ma pa kiwiꞌ ta ekꞌiy riy-rumam ri Abraham xchꞌaꞌa wi, xa kin xe pa ruwiꞌ jun riy-rumam xchꞌaꞌa wi, y riꞌ ja ri Cristo. 17Y ri niwojoꞌ nibꞌij chiwa jareꞌ: Ri Dios xubꞌen jun pacto rikꞌin ri Abraham, y xuyaꞌ rutzij chare chi kin nduyaꞌ wi ri ndusuj. Y ri ley ri xyoꞌox chare ri Moisés 430 junaꞌ más kereꞌ pe,3:17 Ex. 12:40, 41 ma xujel ta ri pacto riꞌ, nixta xuyuj ri achike rusujun. 18Xa ta roma ndiqabꞌen ri ndubꞌij ri ley xyoꞌox chare ri Moisés, roma ta riꞌ ndiyoꞌox chaqe ri rusujun ri Dios chupan ri pacto xubꞌen rikꞌin ri Abraham, riꞌ ndubꞌij tzij chi ndikꞌatzin ndiqachꞌek y ma sipanik ta.3:18 Ro. 4:14 Pero ri Dios xubꞌij chare ri Abraham chi kin ndusipaj chare.
19Si keriꞌ, ¿achike xkꞌatzin chi ri Dios xuyaꞌ ri ley chare ri Moisés? Ri ley xyoꞌox chin ndiqꞌalajin chi ri wineq kin eꞌaj mak3:19 Ro. 3:20 wi, y ri ley riꞌ kin kꞌo wi reqalen hasta kꞌa xuqaqa na ri jun riy-rumam ri Abraham ri sujun chare chi nduqaqa. Atoq ri Dios xuyaꞌ ri ley, nabꞌey xuyaꞌ pe chake ri ángeles,3:19 Hch. 7:53; He. 2:2 ri ángeles xkiyaꞌ pe chare ri Moisés, y ri Moisés xuqꞌasaj rubꞌeyal ri ndubꞌij chake ri wineq. 20Atoq ekaꞌiꞌ ndikibꞌen jun trato, ndikꞌatzin chi kꞌo jun ri ndiqꞌasan tzij chikiwech. Pero atoq ri Dios kꞌo xusuj chare ri Abraham, ma jun qꞌasey tzij xukusaj, xa kin ja rijaꞌ ri xchꞌaꞌa chare ri Abraham.
Rikꞌin ri ndiqataqij ri Cristo, ngojelesex chuxeꞌ ruchuqꞌaꞌ ri ley
21Nojel reꞌ ndubꞌij tzij chi ri ley xuyaꞌ ri Dios chare ri Moisés, ma xuyuj ta ri rusujun ri Dios chare ri Abraham. Porque xa ta ri ley nditiker nduyaꞌ ri kꞌaslen ma ndikꞌis ta, ndubꞌen ta chuqaꞌ chaqe chi nixta jun qamak ndiqeqalej chuwech ri Dios. 22Pero ri rutzij ri Dios ri tzꞌibꞌan kan ndubꞌij chi konojel3:22 Sal. 14:1-3; Is. 53:6; Ro. 3:10-12; 11:32 wineq eꞌaj mak, chin keriꞌ ndiqꞌalajin chuqaꞌ achike roma ndikꞌatzin chi konojel ndikitaqij ri Jesucristo chin ndiyoꞌox chake ri rusujun kan ri Dios.
23Atoq kꞌajani tiqetamaj chi ndikꞌatzin ndiqataqij ri Jesucristo, ri ley xyoꞌox chare ri Moisés achel ta roj rutzꞌapin roj israelitas pa cheꞌ keriꞌ, y xojkꞌojeꞌ chuxeꞌ ruchuqꞌaꞌ hasta kꞌa xqꞌalajrisex na ri utzulej teq tzij ri achoq ikꞌin xqetamaj chi ndikꞌatzin ndiqataqij ri Cristo. 24Romariꞌ ndiqabꞌij chi ri ley xa achel jun tijonel pa qawiꞌ, ri jumul xojrutijoj hasta kꞌa xuqaqa na ri Cristo ri ndikꞌatzin chi ndiqataqij, chin keriꞌ nixta jun qamak ndiqeqalej chuwech ri Dios. 25Pero wokami qataqin chik, y ma rojkꞌo chi ta chuxeꞌ ruchuqꞌaꞌ ri ley ri xok achel jun tijonel pa qawiꞌ.
26Keriꞌ nibꞌij chiwa porque rix iwonojel ri itaqin ri Cristo Jesús, rix ralkꞌuaꞌl chik ri Dios.3:26 Jn. 1:1227Porque roj qonojel ri qabꞌanun bautizar qiꞌ pa rubꞌiꞌ ri Cristo, xe jun qabꞌanun rikꞌin.3:27 Ro. 6:3 Y kin ndiqꞌalajin ri Cristo pa qakꞌaslen, achel qaweqon ta qiꞌ rikꞌin ri rukꞌaslen rijaꞌ. 28Y chiqakajal roj ri xe jun qabꞌanun rikꞌin ri Cristo Jesús, ma jun ri más ta kꞌo ruqꞌij o maneq ta ok ruqꞌij chuwech ri Dios, si roj israelitas o ma roj ta israelitas,3:28 Ef. 3:6 si rojkꞌo chuxeꞌ rutzij jun ajaw chochꞌulew o naq, si achiꞌaꞌ o ixoqiꞌ. 29Y si rix richin chik ri Cristo, kin rix riy-rumam kan ri Abraham, y ndok iwichin chuqaꞌ ri bendición sujun chare ri Abraham ojer.
4Roj ma rojkꞌo chi ta chuxeꞌ ruchuqꞌaꞌ aj rochꞌulew costumbres
1Ri niwojoꞌ nibꞌij chiwa, jareꞌ: Atoq jun akꞌual kꞌajani rujunaꞌ chin ndiyoꞌox ri ru-herencia chare, ma jun yan ruqꞌaꞌ chare ri herencia ri ndok kan richin. Ri akꞌual riꞌ xa achel achike na chi samajel chin pa rachoch ri maneq ruqꞌaꞌ chare ri herencia, maske ri akꞌual riꞌ ndok rajaw nojel. 2Ri ndok rajaw ri herencia riꞌ, kin ekꞌo ngechajin richin y ekꞌo ndikisamajij y ndikibꞌen cuenta ri ru-herencia, hasta kꞌa nduqaqa na ri tiempo bꞌiꞌin roma ri rutataꞌ chi ndiyoꞌox chare. 3Keriꞌ chuqaꞌ roj israelitas jumbꞌey kan atoq kꞌajani tiqataqij ri Cristo, xojkꞌojeꞌ chuxeꞌ ruchuqꞌaꞌ ri aj rochꞌulew costumbres. 4Pero atoq xuqaqa ri tiempo ri rubꞌanun pe ruwech ri Dios, rijaꞌ xuteq pe ri Rukꞌajol chin xuꞌalex chochꞌulew chiruqꞌaꞌ jun xten, y xukꞌojeꞌ chuxeꞌ ruchuqꞌaꞌ ri ley4:4 Mt. 5:17 ri xyoꞌox chare ri Moisés, 5chin xojrulaqꞌ4:5 Gá. 3:13 roj ri xojkꞌojeꞌ chuxeꞌ ruchuqꞌaꞌ ri ley, chin keriꞌ xuyaꞌ rubꞌiꞌ chiqij chin xojok ralkꞌuaꞌl ri Dios. 6Y wokami ke roj ralkꞌuaꞌl chik ri Dios, rijaꞌ xuteq pe ri Espíritu chin ri Rukꞌajol pa qánima. Y ri Espíritu riꞌ ndubꞌij ¡Nataꞌ! chare ri Dios.4:6 Ro. 8:15, 167Romariꞌ, rat ri ataqin ri Cristo, rat ralkꞌuaꞌl chik ri Dios y ma ratkꞌo ta chik chuxeꞌ ruchuqꞌaꞌ ri ximiyon awichin jumbꞌey kan. Y si rat ralkꞌuaꞌl chik, ri Dios kin nduyaꞌ wi chawa ri herencia ri rusujun4:7 Ro. 8:17 chi nduyaꞌ.
8Jumbꞌey kan, atoq kꞌajani tiwetamaj runoꞌoj ri Dios, rix xiyal rubꞌanik kisamaj ri ma eqetzij ta dioses chin xiyaꞌ kiqꞌij.4:8 Ro. 1:259Pero wokami rix iwetaman chik ruwech ri Dios, o más utz ndiqabꞌij, chi ri Dios retaman iwech rix.4:9 1Co. 8:3 Y roma keriꞌ, ¿achike roma ndiwojoꞌ ndiyaꞌ chik iwiꞌ chuxeꞌ ruchuqꞌaꞌ aj rochꞌulew costumbres ri xa maneq kuchuqꞌaꞌ chin ngixkikal y ma jun keqalen?
10Keriꞌ nibꞌij chiwa porque bꞌaneq iwánima chuchajixik qꞌij, ikꞌ, junaꞌ y chꞌaqa chik nimaqꞌij.4:10 Col. 2:1611Yin nuchajin pena iwoma, porque ma kꞌateꞌ ma jun utz xukꞌen pe ri samaj xinbꞌen chiꞌikajal.
Ri Pablo ndiqꞌaxa ránima koma ri hermanos aj rochꞌulew Galacia
12Hermanos, riyin chin xinbꞌen achel rix ri ma rix israelitas ta, xinel chuxeꞌ ruchuqꞌaꞌ ri ley ri xyoꞌox chare ri Moisés. Romariꞌ nikꞌutuj kamelal chiwa chi tibꞌanaꞌ achel nubꞌanun yin, ma tijuꞌ iwiꞌ chuxeꞌ ri ley riꞌ. Rix kin utz inoꞌoj xibꞌen chuwa 13atoq roma jun yabꞌil xibꞌeqaqa pa itinamit, y xintzijoj nabꞌey mul ri utzulej teq tzij chin kolotajik chiwa. Rix jabꞌel iwetaman chi keriꞌ. 14Y kꞌo ta cheꞌel itzel xinitzꞌet o xinixutuj roma ri yabꞌil riꞌ, pero rix kin xikꞌen apu nuwech,4:14 Mt. 10:40 achel kin ta yin jun ángel chin ri Dios, o yin ta ri Cristo Jesús keriꞌ. 15Pero, ¿achike kꞌa xbꞌanatej rikꞌin ri bendición xinaꞌ wikꞌin pa nabꞌey? Porque qetzij nibꞌij chiwa chi chupan teq ri qꞌij atoq xikꞌojeꞌ chiꞌikajal, si kin xkꞌatzin ta chi rix xiwelesaj e ri runaqꞌ teq iwech chin ta xiyaꞌ chuwa, kin xibꞌen ta. 16¿Ndibꞌij kami rix chi riyin roma nibꞌij ri qetzij chiwa, ma ngixinwojoꞌ chi ta? Ma ke ta riꞌ.
17Ekꞌo jujun bꞌaneq kánima chiwij, pero ma utz ta ri ndikinojij, porque xa ndikajoꞌ chi rix ndiyaꞌ kan ri utzulej bꞌey qakꞌutun kan roj chiwech chin ngeꞌiwoqaj rejeꞌ. 18Utz wi chi ndibꞌa ránima jun chiwij, pero chin ta kꞌo utz ndukꞌen pe chiwa, y kin ta jumul xtubꞌen keriꞌ rikꞌin nojel ránima, y ma xe ta atoq yinkꞌo riyin chiꞌikajal. 19Rix ri kin achel rix walkꞌuaꞌl4:19 1Co. 4:15 keriꞌ, iwoma ninaꞌ chik jumbꞌey qꞌaxon pa wánima, y nijunumaj re qꞌaxon reꞌ rikꞌin ri qꞌaxomal nduqꞌasaj jun ixaq atoq ndalan, y ndikꞌis e, hasta kꞌa tiqꞌalajin na ri utzulej runoꞌoj ri Cristo pa ikꞌaslen. 20Riyin tzꞌan ta niwojoꞌ chi yinkꞌo apu iwikꞌin wokami, y chi nijel rubꞌeyal ri nutzij chiwa. Porque ma niwil ta rubꞌeyal ri ndajin chiꞌikajal.
Ri ejemplo ndelesex chikij ri Agar y ri Sara
21Rix ri ndiwojoꞌ ngixkꞌojeꞌ chik chuxeꞌ ruchuqꞌaꞌ ri ley xyoꞌox chare ri Moisés, nikꞌutuj razón chiwa: ¿Ma iwetaman ta kꞌa ri ndubꞌij ri ley riꞌ? 22Porque chiriꞌ ndubꞌij chi ri Abraham xekꞌojeꞌ kaꞌiꞌ rukꞌajol. Jun rukꞌajol xalex chiruqꞌaꞌ ri Agar ri loqꞌon samajel4:22 Gn. 16:15 chin chirachoch ri Abraham, y ri jun chik rukꞌajol xalex chiruqꞌaꞌ ri qitz rixjayil4:22 Gn. 21:1, 2 rubꞌiniꞌan Sara ri kin libre wi. 23Ri ral ri Agar ri loqꞌon samajel, xalex roma ri Abraham y ri Sara xkibꞌen ruwech chi ndikꞌojeꞌ qa ri Abraham rikꞌin ri Agar chin xalex akꞌual chiruqꞌaꞌ ri Agar. Jakꞌa ri jun chik ralkꞌuaꞌl ri Abraham xkꞌojeꞌ chiruqꞌaꞌ ri Sara ri kin libre wi y qitz rixjayil ri Abraham. Ri akꞌual riꞌ xalex roma kin bꞌiꞌin wi pe4:23 Gn. 17:15-19; 18:10-14 roma ri Dios chi ndalex. 24Ri ekaꞌiꞌ ixoqiꞌ riꞌ jun ejemplo chikij kaꞌiꞌ pactos erubꞌanun ri Dios, y kereꞌ ndubꞌij tzij: Ri Agar ndiqajunumaj rikꞌin ri pacto xbꞌan pariꞌ ri juyuꞌ rubꞌiniꞌan Sinaí, y konojel ri xeꞌalex chupan ri pacto riꞌ, kin xeximeꞌ chuxeꞌ ruchuqꞌaꞌ ri ley xyoꞌox chare ri Moisés. 25Y ndiqajunumaj chuqaꞌ ri Agar rikꞌin ri juyuꞌ rubꞌiniꞌan Sinaí ri kꞌo pa rochꞌulew Arabia, y ri rukꞌaslen ri Agar kꞌo ndukꞌut chiqawech pa ruwiꞌ ri achike rubꞌanun kikꞌaslen ri wineq pa tinamit Jerusalén wokami. Porque achel ri teꞌej rubꞌiniꞌan Agar ma libre ta, ri israelitas ri ekꞌo chuxeꞌ ruchuqꞌaꞌ ri ley, kin eꞌachel ri Agar y ri ral keriꞌ, porque ma e-libre ta chuqaꞌ. 26Pero ri teꞌej rubꞌiniꞌan Sara ri kin libre wi, ndiqajunumaj rikꞌin ri aj chikaj Jerusalén,4:26 He. 12:22; Ap. 3:12; 21:2 y ja rijaꞌ ri kin achel jun teꞌej chaqe roj ri qataqin ri Jesús y roj libre chuwech ruchuqꞌaꞌ ri ley. 27Porque ri rutzij ri Dios tzꞌibꞌan kan ndubꞌij:
Santienta kakikot rat ixaq ri ma ngatalan ta,
Kasikꞌin roma ndikikot awánima, rat ri ma awetaman ta ri qꞌaxomal nduqꞌasaj jun ixaq atoq ndalan.
Porque más ekꞌiy ral ngebꞌekꞌojeꞌ ri ixaq mestan kan,
Ke chuwech ri ixaq kꞌo rachijil rikꞌin.4:27 Is. 54:1
Keriꞌ tzꞌibꞌan kan.
28Hermanos, roj, roj ralkꞌuaꞌl chik ri Dios, roma keriꞌ rusujun kan. Roj junan rikꞌin ri Isaac, porque rijaꞌ ma roma ta aj rochꞌulew rayibꞌel xalex. Rijaꞌ xalex porque sujun kan chare ri Abraham roma ri Dios. 29Y achel xbꞌanatej kikꞌin ri kaꞌiꞌ akꞌolaꞌ ojer, keriꞌ ndibꞌanatej qikꞌin roj wokami. Porque ri Isaac ri xalex roma rurayibꞌel ri Espíritu Santo, itzel xtzꞌat4:29 Gn. 21:9 roma ri Ismael ri xalex roma aj rochꞌulew rayibꞌel. Roj ri kꞌo ri Espíritu Santo pa qánima, itzel ngojkitzꞌet ri ma kitaqin ta ri Cristo. 30Pero ri rutzij ri Dios tzꞌibꞌan kan ndubꞌij chi kereꞌ xbꞌix chare ri Abraham: Tawoqotaj e ri Agar ri loqꞌon asamajel y ri ral, porque ri herencia richin wi ri Isaac, y maneq cheꞌel ndijach chikiwech rikꞌin ri ral ri Agar.4:30 Gn. 21:10 Keriꞌ tzꞌibꞌan kan. 31Romariꞌ hermanos, ma roj ta achel ral ri Agar ri ixaq loqꞌon samajel, xa kin roj achel ral ri Sara ri kin libre wi.
5Ri más kꞌo reqalen chuwech ri Dios ja ri ndataqij ri Cristo
1Ri Cristo xojrelesaj chuxeꞌ ruchuqꞌaꞌ ri ley xyoꞌox chare ri Moisés chin xojel libre. Roma kꞌa riꞌ, kaw kixpeꞌeꞌ chupan ri libertad riꞌ, y ma tiyaꞌ chik iwiꞌ chuxeꞌ ruchuqꞌaꞌ ri ley riꞌ.
2Tiwakꞌaxaj ri nibꞌij riyin Pablo chiwa: Si rix ndiwojoꞌ ndibꞌen circuncidar iwiꞌ chin keriꞌ ri Dios ndubꞌen chiwa chi ma jun imak ndiweqalej5:2 Hch. 15:1 chuwech, riꞌ ndubꞌij tzij chi ma jun reqalen ri xubꞌen ri Cristo iwoma. 3Y nibꞌij chik jumbꞌey chi xa achike na achi ri ndirajoꞌ ndubꞌen circuncidar riꞌ, kin tirajoꞌ mani, ndikꞌatzin ndubꞌen nojel5:3 Gá. 3:10 ri ndubꞌij ri ley chuqaꞌ. 4Rix ri ndiwojoꞌ chi nixta jun imak ndiweqalej chuwech ri Dios roma ndibꞌen ri ndubꞌij ri ley,5:4 Ro. 9:31 xa xiyaꞌ yan kan ri Cristo y xa xixel yan e chuxeꞌ ri favor nduyaꞌ ri Dios. 5Pero roj roma qataqin ri Cristo, y roma chuqaꞌ kꞌo ri Espíritu Santo pa qánima, kuqul qakꞌuꞌx qoyobꞌen chi ri Dios ndubꞌen chaqe chi nixta jun qamak ndiqeqalej chuwech. 6Porque rat ri xe jun abꞌanun rikꞌin ri Cristo Jesús, ma jun reqalen si abꞌanun circuncidar awiꞌ o naq.5:6 Col. 3:11 Ri kꞌo reqalen ja ri ataqin ri Cristo, y chi romariꞌ ndabꞌen ri utz porque ngatojowan.
7Rix pa nabꞌey utz bꞌaneq ri ikꞌaslen chuwech ri Dios, pero wokami, ¿achike kꞌa xqasan ijolon chi ma ndiwojoꞌ chi ta ndinimaj ri qetzij?5:7 Gá. 3:18Ri Dios ri xoyon iwichin, ma ja ta rijaꞌ ri xqasan ijolon.5:8 Gá. 1:69Titzꞌetaꞌ na pe peꞌ. Si ndiwoqaj ri ma utz ta tijonik, riꞌ ndusuqꞌ inoꞌoj rix iwonojel, y ndiyaꞌ kan ri qetzij. Achel ndubꞌen jubꞌaꞌ levadura5:9 1Co. 5:6 ri ndiyoꞌox qa rikꞌin ri keꞌen, kin nduxal riꞌ chupan nojel ri keꞌen. 10Pero riyin kuqul nukꞌuꞌx rikꞌin ri Ajaw, chi rix ma xtijel ta ri ndinojij pa ruwiꞌ ri qetzij. Pero ri ndisuqꞌu inoꞌoj,5:10 Gá. 1:7 maske achike na chi wineq, kꞌo na jun qꞌij ndiqaqa pa ruwiꞌ ri castigo ri nduyaꞌ ri Dios.
11Hermanos, ekꞌo ngebꞌiꞌin chi riyin kꞌa nitzijoj chake ri wineq chi ndikꞌatzin ndikibꞌen circuncidar kiꞌ chin ma jun kimak ndikeqalej chuwech ri Dios. Xa ta qetzij chi keriꞌ nitzijoj, ri nuwinaqul israelitas man ta nginkitzeqlebꞌej chin ndikibꞌen itzel chuwa y man ta chik itzel ndikinaꞌ chare rutzijoxik ri rukamik ri Cristo cho cruz ri niyaꞌ riyin. 12Pero ri wineq ri ndikisuqꞌ inoꞌoj5:12 Gá. 1:8, 9 rikꞌin ri kitijonik, ma xe ta kꞌa tikibꞌanaꞌ circuncidar kiꞌ, xa kin tikiqꞌataꞌ e nojel ri ki-parte.
Rikꞌin ri ngatojowan ndabꞌen nojel ri ndubꞌij ri ley
13Rix hermanos, rix oyon5:13 Gá. 5:1 roma ri Dios chin xixel libres, pero ma roma ta rix libres, utz ta chi ndibꞌanalaꞌ ri itzel teq rayinik chin ri i-cuerpo.5:13 1P. 2:16 Pa rukꞌexel riꞌ, titolaꞌ iwiꞌ chiwech roma ndiwojoꞌ iwiꞌ. 14Porque ri ley xyoꞌox chare ri Moisés, ndubꞌij: Kaꞌawojoꞌ ri wineq5:14 Lv. 19:18; Ro. 13:9 achel ndawojoꞌ awiꞌ rat. Keriꞌ ndubꞌij ri ley. Y si rat ndanimaj re jun mandamiento reꞌ, kin ndabꞌen nojel ri ndubꞌij chupan ri ley. 15Pero si xa ndikꞌuxlaꞌ iwiꞌ chiwech y ndichapalaꞌ iwiꞌ, titzꞌetaꞌ na pe peꞌ chi iyon ndikꞌislaꞌ qa iwiꞌ chiwech.
Ri ukꞌuan kikꞌaslen roma ri rayinik chin ri ki-cuerpo y ri ukꞌuan kikꞌaslen roma ri Espíritu Santo
16Romariꞌ nibꞌij chiwa: Tiyaꞌ qꞌij chare ri Espíritu Santo chi ndukꞌuaj ri ikꞌaslen, y keriꞌ ma ndiyaꞌ ta qꞌij chare ri itzel teq rayinik chin ri i-cuerpo5:16 Ro. 6:12 chi ndikikꞌuaj ri ikꞌaslen. 17Porque ri itzel teq rayinik chin ri cuerpo, ma ndikajoꞌ ta ndikiyaꞌ qꞌij chare ri Espíritu Santo chi ndukꞌuaj ri ikꞌaslen y ri Espíritu Santo ma ndirajoꞌ ta nduyaꞌ qꞌij chare ri itzel teq rayinik chi ndikikꞌuaj ri ikꞌaslen. Ri ekaꞌiꞌ riꞌ ma ndikikꞌuaj ta kiꞌ,5:17 Ro. 7:15, 23 y romariꞌ rix ma ngixtiker ta ndibꞌen nojel ri ndirayij ndibꞌen. 18Pero si ja ri Espíritu Santo ukꞌuayon ri ikꞌaslen, riꞌ ndubꞌij tzij chi ma rixkꞌo chi ta chuxeꞌ ruchuqꞌaꞌ ri ley.
19Y kin qꞌalej wi ri ukꞌuan kikꞌaslen roma ri itzel teq rayinik chin ri cuerpo,5:19 1Co. 3:3 roma kereꞌ ngekibꞌanalaꞌ: Ndikikꞌamalaꞌ qa kiꞌ xa achoq na ikꞌin chin ndikibꞌen mak, kijachon kiꞌ pa ruqꞌaꞌ nojel ruwech mak, ma ndikiqꞌet ta kiꞌ ngekibꞌanalaꞌ mak ri santienta kꞌix ndukꞌen pe, 20ngekiyalaꞌ kiqꞌij tiox, ngekibꞌanalaꞌ kiqꞌij wineq, jumul kiyakon itzel teq achike pa kánima chirij jun chik, xe oyowal koma, ndiququt kánima chikij wineq, kin chaꞌanin paqiꞌ ndipuꞌun koyowal, xe ri kꞌo utz ndukꞌen pe chake ndikibꞌen, ejachoy kiwech wineq, ndikoqaj tijonik ri ma junan ta rubꞌeyal rikꞌin ri qetzij. 21Itzel ndikinaꞌ chare roma utz kibꞌanun chꞌaqa chik, ndikiqꞌabꞌarisaj kiꞌ, ndikibꞌen nimaqꞌij ri apeꞌ apux teq achike ngekibꞌanalaꞌ, y ngekibꞌanalaꞌ chꞌaqa chik itzel teq achike achel re ngojtajin chubꞌixik. Y riyin nikamuluj rubꞌixik ri nubꞌiꞌin kan chiwa xe pa nabꞌey, chi ri ngebꞌanun itzel teq achike achel ri kꞌaja ok xqabꞌij, ma ngeꞌok ta chupan ri ru-reino ri Dios.5:21 Ap. 22:15
22Pero atoq jun ukꞌuan rukꞌaslen roma ri Espíritu Santo, kereꞌ ndiqꞌalajin5:22 Jn. 15:2, 5 pa rukꞌaslen: Ndojowan, ndikikot, kꞌo uxlanen pa ránima, ma ndikꞌo ta rukꞌuꞌx ndiroyobꞌej jun achike, utz runoꞌoj chake ri wineq, utz ndubꞌen chake ri wineq, kin ndubꞌen ri ndubꞌij, 23loqꞌ ránima y nditiker nduqꞌet ri ru-cuerpo chuwech ri itzel teq rayinik. Si keriꞌ ri ikꞌaslen ndikꞌuaj, nixta jun ley5:23 1Ti. 1:9 ri xtubꞌij chiwij chi ma utz ta ri ngixtajin rikꞌin. 24Porque ri erichin ri Cristo Jesús, xeken yan chuwech ri itzel teq rayinik chin ri ki-cuerpo,5:24 Ro. 8:12, 13 y xa achel ta kibꞌajin ri itzel teq rayinik riꞌ chuwech cruz, chin ma ndukꞌuꞌex chi ta ri kikꞌaslen roma ri itzel teq rayinik riꞌ. 25Y roma ja ri Espíritu Santo yoyon kꞌakꞌakꞌ qakꞌaslen, tiqayaꞌ qꞌij chare chi tukꞌuaj chuqaꞌ ri qakꞌaslen.
26Ma tiqanimrisalaꞌ qiꞌ,5:26 Fil. 2:3 ma tiqabꞌanalaꞌ oyowal chiqawech, y ma itzel tiqanaꞌ chare roma utz kibꞌanun chꞌaqa chik chiqakajal.
6Ri ndikꞌatzin ndikibꞌen ri kitaqin ri Cristo
1Hermanos, si ndilitej jun ri ndajin rikꞌin mak, rix ri ukꞌuan ri ikꞌaslen roma ri Espíritu Santo, rikꞌin loqꞌ iwánima tibꞌochiꞌij ránima ri jun riꞌ chin nduyaꞌ kan ri mak y nditzolij ránima rikꞌin ri Ajaw.6:1 Stg. 5:19, 20 Pero tibꞌanaꞌ cuenta iwiꞌ, ma kꞌateꞌ kixtzaq chuqaꞌ rix pa mak. 2Titolaꞌ iwiꞌ chukꞌuaxik ri kꞌayew ndiqꞌasaj ri kin eꞌachel al teq eqaꞌ keriꞌ, porque si keriꞌ ndibꞌen, kin ndibꞌen ri ndubꞌij ri ley ruyoꞌon kan ri Cristo ri ndubꞌij chi tiqajoꞌ qiꞌ chiqawech.6:2 Jn. 15:12, 17; 1Jn. 3:23
3Porque si jun ndunaꞌ chi kin kꞌo ruqꞌij y romariꞌ ma ngerutoꞌ ta chꞌaqa chik, xa ruyon chuwech nduchꞌakatij qa riꞌ.6:3 1Co. 8:24Roma kꞌa riꞌ, chiqajununal tiqatzꞌetaꞌ si utz ri ngojtajin rikꞌin.6:4 2Co. 13:5 Si utz, kꞌo cheꞌel ndikikot qánima, y ma ndikꞌatzin ta ndiqajunumaj ri qasamaj rikꞌin ri samaj rubꞌanun jun chik. 5Porque chiqajununal ndikꞌatzin ndiqakꞌuaj ralal ri achike ngeqabꞌanalaꞌ pa qakꞌaslen.
6Rix ri ngixtijox rikꞌin rutzij ri Dios, keꞌitoꞌ ri ngetijon iwichin rikꞌin nojel ri ndikꞌatzin chake chin ndikiqꞌasaj ri kikꞌaslen.6:6 1Co. 9:14
7Ma tichꞌakatij qa iwiꞌ iyon.6:7 1Co. 6:9, 10 Ri Dios ma jun ndichꞌakatin richin,6:7 Job 13:9 porque ri achike ndutik jun wineq pa rukꞌaslen, jariꞌ ri nderutzꞌetaꞌ pa rukꞌaslen más apu chuwech. 8Si jun wineq ngerubꞌanalaꞌ ri itzel teq rayinik chin ri ru-cuerpo, ri jun riꞌ ndajin rikꞌin jun tikoꞌ ri xa kamik ndukꞌen pe chare. Pero ri ukꞌuan rukꞌaslen roma ri Espíritu Santo, ri jun riꞌ ndajin rikꞌin jun tikoꞌ ri ndukꞌen pe ri kꞌaslen ma ndikꞌis ta chare. 9Roma kꞌa riꞌ, ma qojkos chin ndiqabꞌen ri utz,6:9 2Ts. 3:13 porque nduqaqa jun qꞌij atoq ndiyoꞌox rajel-rukꞌexel chaqe, si ma ndiqamalij ta kan chi ndiqabꞌen ri utz. 10Romariꞌ, janipeꞌ na mul ngojtiker, tiqabꞌanaꞌ ri utz chake konojel, pero más chake ri kitaqin chik ri Cristo.
Ri rukꞌisibꞌel teq achike nduchilabꞌej e ri Pablo
11Tiyaꞌ cuenta chare ri nimaꞌq teq letras xentzꞌibꞌaj rikꞌin nuqꞌaꞌ6:11 1Co. 16:21 chupan re wuj reꞌ. 12Ri ndikajoꞌ chi por fuerza ndibꞌen circuncidar iwiꞌ, keriꞌ ndikibꞌen xe chin utz ngetzꞌat koma ri israelitas ri ma kitaqin ta ri Cristo, chin keriꞌ ma ngetzeqlebꞌex ta chin ndibꞌan itzel chake roma ndikitzijoj chi ri wineq ngekolotej roma rukamik ri Cristo cho cruz. 13Porque nixta ri ndikibꞌen circuncidar kiꞌ ndikinimaj nojel ri ndubꞌij ri ley ri xyoꞌox chare ri Moisés. Pero rejeꞌ ndikajoꞌ chi rix ndibꞌen circuncidar iwiꞌ, xe chin ndikinimrisaj kiꞌ chi rix ikꞌuan ri etal riꞌ pa i-cuerpo. 14Pero riyin ma ninimrisaj ta wiꞌ roma ri achike nubꞌanaloꞌon, xa kin ja ri rukamik ri Qajaw Jesucristo cho cruz ri ninimrisaj. Porque ri rukamik ri Cristo xubꞌen chuwa chi maneq chik reqalen chinuwech ri achike ndusuj ri rochꞌulew. Keriꞌ chuqaꞌ ri wineq ri ma kitaqin ta ri Jesucristo maneq reqalen chikiwech ri kin kꞌo wi reqalen chinuwech riyin. 15Ma jun ndubꞌen si qabꞌanun circuncidar qiꞌ o naq, ri ndikꞌatzin y kin kꞌo wi reqalen, ja ri kꞌakꞌakꞌ kꞌaslen6:15 2Co. 5:17; Ef. 4:23, 24 yoꞌon chaqe. 16Rix ri ikꞌuan ikꞌaslen achel ndirajoꞌ ri kꞌakꞌakꞌ kꞌaslen riꞌ, kin ta xtikꞌojeꞌ pa iwánima ri uxlanen y ri rujoyowaxik iwech nduyaꞌ pe ri Dios, junan kikꞌin ri eqetzij israelitas pa ruwech ri Dios.
17Wokami y ri más chiqawech apu, niwojoꞌ chi nixta jun chik xtiyoꞌon kꞌayew chuwa, porque riyin nukꞌuan pa nu-cuerpo ri retal ri kꞌayew nuqꞌasan roma yin rusamajel ri Jesús.
18Hermanos, ri favor nduyaꞌ ri Qajaw Jesucristo kin ta xtikꞌojeꞌ pa iwánima rix iwonojel. Amén.