Ri wuj rutzꞌibꞌan kan ri apóstol Pablo chake ri hermanos ekꞌo pa tinamit Colosas
1Ri Pablo nduteq ruxunaqil kiwech ri hermanos
1Riyin Pablo, apóstol chin ri Cristo Jesús, roma jariꞌ rurayibꞌel1:1 Ef. 1:1 ri Dios pa nuwiꞌ. Yin rachibꞌilan ri hermano Timoteo 2nitzꞌibꞌaj e re wuj reꞌ chiwa rix ri loqꞌolej1:2 Fil. 1:1 ralkꞌuaꞌl ri Dios ri rixkꞌo pa tinamit Colosas, ri xe jun ibꞌanun rikꞌin ri Cristo y kin kuqul ikꞌuꞌx rikꞌin rijaꞌ. Ri Qatataꞌ Dios kin ta xtuyaꞌ ru-favor pa iwiꞌ y xtuyaꞌ chuqaꞌ uxlanen pa iwánima.
Ri Pablo ndimatioxin chare ri Dios
3Atoq ndiqabꞌen orar iwoma rix, jumul ngojmatioxin1:3 Ef. 1:16 chare ri Dios ri Rutataꞌ ri Qajaw Jesucristo. 4Porque qakꞌaxan chi kuqul ikꞌuꞌx rikꞌin ri Cristo Jesús, y chi ngeꞌiwojoꞌ konojel ri loqꞌolej ralkꞌuaꞌl ri Dios,1:4 He. 6:105roma kuqul ikꞌuꞌx iwoyobꞌen chi ndiyoꞌox ri yakon apu chiwa chikaj,1:5 Mt. 5:12; 1P. 1:4 ri xiwakꞌaxaj rutzijol atoq xtzijox ri qetzij chiwa, y ri qetzij riꞌ ja ri utzulej teq tzij chin kolotajik. 6Ri utzulej teq tzij chin kolotajik xbꞌeqaqa rutzijol chiꞌikajal, y jabꞌel ndikꞌiy y ndiwachin achel jun tikoꞌ. Ri utzulej teq tzij riꞌ kꞌiyineq nojel apeꞌ chuwech ri rochꞌulew y kꞌiyineq chuqaꞌ chiꞌikajal rix,1:6 Jn. 15:16 xe jampeꞌ xiwetamaj y qetzij xikꞌoxomaj pe ri ru-favor1:6 Tit. 2:11 ri Dios. 7Jariꞌ ri xukꞌut kan ri hermano Epafras1:7 Col. 4:12; Flm. 23 chiwech. Rijaꞌ jun qachibꞌil ri tzꞌan ndiqajoꞌ y rikꞌin nojel ránima ndubꞌen rusamaj ri Cristo chiꞌikajal, chin kꞌo utz ndukꞌen pe chiwa. 8Ja rijaꞌ kꞌamayon pe rutzijol chaqe chi ngixojowan roma kꞌo ri Espíritu Santo pa iwánima.
Ri xubꞌen ri Dios chin xojrukal
9Romariꞌ, xe jampeꞌ qakꞌaxan chi keriꞌ rubꞌanun pe ri iwánima, roj ma qayoꞌon ta kan chi ndiqabꞌen orar iwoma, y ndiqakꞌutuj chare ri Dios chi xtunojisaj ri iwánima rikꞌin ri nojibꞌel y ri etamabꞌel ri nduyaꞌ ri Espíritu Santo, chin ndiwetamaj utz-utz nojel ri rurayibꞌel ri Dios.1:9 Ro. 12:210Chin keriꞌ ndikꞌuaj jun kꞌaslen achel ndirajoꞌ ri Ajaw,1:10 1Ts. 2:11, 12 y nojel ri ndibꞌen kin ta ndiqaꞌ chuwech,1:10 1Ts. 4:1 kin ta kꞌiy utz ngeꞌibꞌanalaꞌ chake chꞌaqa chik, kin achel jun cheꞌ ri yalan ndiwachin,1:10 Jn. 15:16 y kin ta más ngixkꞌiy pa ikꞌaslen roma ndiwetamaj ri utzulej runoꞌoj ri Dios. 11Ndiqakꞌutuj chi ri Dios rikꞌin ri santienta ruchuqꞌaꞌ ri kin nimalej ruqꞌij, kin ta xtuyaꞌ ruchuqꞌaꞌ ri iwánima, chin keriꞌ jumul kuqul ikꞌuꞌx rikꞌin ri Cristo, y ngixkochꞌon chupan ri kꞌayew ndiqꞌasaj pa ikꞌaslen.1:11 Hch. 5:4112Ndiqakꞌutuj chuqaꞌ chi kin ta ngixkikot ngixmatioxin chare ri Tataꞌaj Dios, porque xubꞌen chiwa chi kin rukꞌulun ndiyoꞌox herencia chiwa1:12 Ef. 1:11 junan kikꞌin ri loqꞌolej ralkꞌuaꞌl ri ekꞌo pa luz. 13Rijaꞌ xojrukal pe pa ruqꞌaꞌ ri rajawal ri qꞌequꞌ,1:13 Lc. 22:53 y xojruyaꞌ pa ru-reino ri Rukꞌajol ri tzꞌan ndirajoꞌ. 14Y rikꞌin ri kamik xuqꞌasaj ri Rukꞌajol, xojrulaqꞌ chin xojrukal pa ruqꞌaꞌ ri tzꞌamayon qichin jumbꞌey kan y xukuy chuqaꞌ ri qamak.
15Ri Dios ma nditzꞌetetej ta, pero roma ri Rukꞌajol ndiqetamaj achike ri Dios, porque ri Rukꞌajol qitz méra rubꞌanik ri Dios.1:15 Jn. 14:9 Ri Rukꞌajol kin xixkꞌo wi atoq kꞌajani titzꞌukutej pe nojel, y rijaꞌ kꞌo uchuqꞌaꞌ pa ruqꞌaꞌ pa kiwiꞌ nojel ri ebꞌanun. 16Keriꞌ nibꞌij chiwa, porque nojel ri ebꞌanun roma ri Dios, kin ja ri Cristo xukusaj chin xerubꞌen,1:16 Jn. 1:3 achel ri ekꞌo chikaj, ri ekꞌo chochꞌulew, ri ngetzꞌetetej y ri ma ngetzꞌetetej ta. Ja rijaꞌ bꞌanayon kichin ri espíritus ri ndikibꞌen reinar, ri kꞌo uchuqꞌaꞌ pa kiqꞌaꞌ, ri nimalej kiqꞌij chikaj, y ri ukꞌuey kibꞌey ri ángeles. Nojel ebꞌanun roma rijaꞌ y chin ndikiyaꞌ ruqꞌij erubꞌanun. 17Atoq kꞌajani titzꞌukutej pe nojel, ri Cristo kin xixkꞌo wi y ja rijaꞌ ndibꞌanun chi rikꞌin ri nimalej ruchuqꞌaꞌ, nojel ri erubꞌanun ekꞌo pa kikꞌojlibꞌel y ma ngebꞌojbꞌoꞌ ta. 18Ja ri Cristo ukꞌuey qabꞌey1:18 Ef. 1:22 roj ri ralkꞌuaꞌl ri Dios y roj okuneq ruwachinel ruqꞌa-raqen ri Cristo, y rikꞌin rijaꞌ xtzꞌukutej pe1:18 Ap. 3:14 ri kꞌakꞌakꞌ qakꞌaslen. Ja rijaꞌ ri nabꞌey xkꞌastej pe chikikajal ri animaꞌiꞌ1:18 Ap. 1:5 y ma ndiken chi ta, chin keriꞌ más nimalej ruqꞌij ke chikiwech nojel ri ebꞌanun. 19Kin xqaꞌ chuwech ri Tataꞌaj Dios chi ri Cristo qitz achel rijaꞌ.1:19 Col. 2:9 Romariꞌ ri Cristo kin Dios wi. 20Y xqaꞌ chuwech ri Dios chi roma ri xubꞌen ri Cristo, xukꞌen chi apu kiwech1:20 2Co. 5:18 ri ekꞌo chochꞌulew y ri ekꞌo chikaj, porque xrelesaj ri mak ri jachayon ruwech rijaꞌ kikꞌin rejeꞌ. Y xrelesaj ri mak roma xbꞌiyin rukikꞌel ri Cristo cho cruz.
Ri ndukꞌen pe ri kolotajik nduyaꞌ ri Dios
21Rubꞌanun kan, ma rix ralkꞌuaꞌl ta ri Dios y xqꞌalajin chi rix yakatajneq chirij, porque ri itzel teq achike ri xeꞌinojilaꞌ kin xeꞌibꞌanalaꞌ1:21 Ef. 2:3 wi. 22Maske keriꞌ xeꞌibꞌanalaꞌ jumbꞌey kan, wokami elesan ri mak jachayon iwech rikꞌin ri Dios, y kꞌamon apu iwech roma rijaꞌ, y riꞌ roma ri kamik xuqꞌasaj ri Cristo pa ru-cuerpo atoq xkꞌojeꞌ chochꞌulew. Keriꞌ xubꞌen rijaꞌ chin ndubꞌen loqꞌolej y chꞌajchꞌaj chare ri ikꞌaslen, y chin chuqaꞌ ma jun itzel achike ndilitej chiwij atoq ngixbꞌerujachaꞌ chuwech ri Dios. 23Pero chin ndibꞌanatej keriꞌ rikꞌin ri ikꞌaslen, ndikꞌatzin chi jumul kuqul ikꞌuꞌx rikꞌin ri Ajaw, kaw rix peꞌel chiraqen, y ma ndiyaꞌ kan royobꞌexik ri sujun chupan ri utzulej teq tzij chin kolotajik ri iwakꞌaxan. Y ja utzulej teq tzij riꞌ ri nditzijox chake konojel wineq chochꞌulew, y riyin Pablo yin okuneq samajel1:23 Ef. 3:6, 7 chin ndibꞌa más rutzijol.
Ri achike chi samaj yoꞌon pa ruqꞌaꞌ ri Pablo
24Riyin ngikikot roma ri kꞌayew niqꞌasaj iwoma,1:24 2Ti. 2:10 porque rikꞌin ri keriꞌ niqꞌasaj pa nukꞌaslen, nitzꞌaqatisaj pa nu-cuerpo ri kꞌayew qꞌaton pa nuwiꞌ chin niqꞌasaj pa rubꞌiꞌ ri Cristo koma ri ralkꞌuaꞌl ri Dios,1:24 2Co. 1:5, 6; 2Ti. 1:8 y riꞌ ja roj ri roj okuneq ruwachinel ruqꞌa-raqen ri Cristo. 25Ri Dios rubꞌanun chuwa chi yin okuneq samajel kichin ri ralkꞌuaꞌl ri Dios, roma ruchilabꞌen chuwa chi ngisamej chin ngixintoꞌ rix ri ma israelitas ta. Y rijaꞌ ndirajoꞌ chi niyaꞌ rubꞌeyal ri utzulej rutzij nojel apeꞌ. 26Ri tzij riꞌ ewan rubꞌeyal1:26 Ro. 16:25 ojer kan chikiwech ri wineq chupan ri tiempos eqꞌaxneq pe, pero wokami xqꞌalajrisex chikiwech ri loqꞌolej teq ralkꞌuaꞌl ri Dios, 27ri achoq chake ri Dios xrajoꞌ xukꞌut1:27 Ef. 3:3 ri nimalej ruqꞌij ri bꞌeyomal rukꞌamon pe ri utzulej teq tzij ri ma kin ta qꞌalej rubꞌeyal ojer, y wokami ndajin ruqꞌalajrisaxik chikiwech konojel wineq. Y ri nimalej bꞌeyomal riꞌ ja ri ndikꞌojeꞌ ri Cristo pa iwánima, ri ndibꞌanun chi iwoyobꞌen ri qꞌij atoq ngixbꞌekꞌojeꞌ rikꞌin chupan ri nimalej ruqꞌij.
28Y roj ja ri Cristo ndiqayaꞌ utzulej rutzijol, y ngeqapixabꞌaj konojel wineq y ngeqatijoj rikꞌin ri etamabꞌel1:28 1Co. 2:6, 7 ri pataneq rikꞌin ri Dios. Keriꞌ ndiqabꞌen, roma ndiqajoꞌ chi konojel xe jun ndikibꞌen rikꞌin ri Cristo, y tzꞌaqet kikꞌaslen ngebꞌeqajachaꞌ chuwech ri Dios. 29Romariꞌ nitij nuqꞌij nibꞌen rusamaj ri Cristo rikꞌin ri uchuqꞌaꞌ1:29 Ef. 1:19 ri nduyaꞌ rijaꞌ, uchuqꞌaꞌ ri kin nim wi pa nukꞌaslen.
21Porque riyin niwojoꞌ chi rix ndiwetamaj chi santienta nuchajin pena iwoma y koma ri hermanos aj tinamit Laodicea, y keriꞌ chuqaꞌ nubꞌanun koma konojel ri hermanos ri ma ketaman ta nuwech. 2Niwojoꞌ chi ndikꞌojeꞌ ruchuqꞌaꞌ iwánima,2:2 Ef. 6:22 y chi xe jun ndibꞌen rix iwonojel roma ndiwojoꞌ iwiꞌ. Niwojoꞌ chi ngixkꞌoxoman utz-utz chin keriꞌ ndiwetamaj ri ma kin ta qꞌalej rubꞌeyal ojer kan, y wokami xqꞌalajrisex roma ri Dios pa ruwiꞌ ri achike ri Cristo. 3Porque rikꞌin ri Cristo ndilitej nojel utzulej nojibꞌel2:3 Is. 11:2; Ro. 11:33 y etamabꞌel chin ri Dios, ri kin jun nimalej bꞌeyomal. 4Y reꞌ nibꞌij chiwa, chin keriꞌ nixta jun tichꞌakatin iwichin rikꞌin aj rochꞌulew teq nojibꞌel chin ta ndikiqasaj ijolon. 5Y maske ma yinkꞌo ta apu iwikꞌin, ri wánima kin kꞌo iwikꞌin, y ngikikot porque wetaman chi pa rubꞌeyal ngixtajin rikꞌin nojel pa ikꞌaslen y kaw rix peꞌel chiraqen ri Cristo roma kuqul ikꞌuꞌx rikꞌin.
Ri kꞌakꞌakꞌ kꞌaslen nduyaꞌ ri Cristo
6Romariꞌ, achel xitaqij yan pa iwánima ri Cristo Jesús ri Qajaw, tikꞌuaj ri ikꞌaslen achel ndirajoꞌ rijaꞌ roma xe jun ibꞌanun rikꞌin. 7Jumul titikeꞌ ri ikꞌaslen rikꞌin, achel jun cheꞌ nej bꞌaneq qa ruxeꞌ, o achel jun achoch ri jabꞌel ruxeꞌ2:7 Ef. 3:17 yoꞌon, y jumul tikuqubꞌaꞌ ikꞌuꞌx rikꞌin achel ri kꞌutun kan chiwech, y jumul tinoj iwánima rikꞌin matioxinik chare ri Dios.
8Tibꞌanaꞌ cuenta iwiꞌ chin ma ngixqaqa pa kiqꞌaꞌ2:8 Jer. 29:8; Ro. 16:17; Ef. 5:6; He. 13:9 ri ngekikꞌut jalajaj aj rochꞌulew nojibꞌel ri achel jabꞌel teq tijonik ngeqꞌalajin, pero xa tijonik ma etzꞌaqet ta,2:8 Gá. 4:3, 9 ma eqetzij ta y ma jun utz ndikikꞌen pe, porque xa aj rochꞌulew costumbres y xa nojibꞌel ri ma rikꞌin ta ri Cristo epataneq.
9Porque nojel ri qitz méra ri Dios nditzꞌetetej pa ru-cuerpo2:9 Jn. 14:9; Ro. 9:5 ri Cristo, roma rijaꞌ kin Dios wi. 10Y nojel ri ndikꞌatzin chin ri kꞌakꞌakꞌ ikꞌaslen, yoꞌon chiwa roma xe jun ibꞌanun rikꞌin ri Cristo ri kꞌo pa kiwiꞌ konojel espíritu nimaꞌq teq kiqꞌij y konojel espíritu ri kꞌo uchuqꞌaꞌ pa kiqꞌaꞌ.2:10 1P. 3:2211Y roma jun ibꞌanun rikꞌin ri Cristo, xbꞌan circuncidar ri iwánima,2:11 Jer. 4:4 pero ri circuncisión riꞌ ma wineq ta xebꞌanun richin, xa kin ja ri Dios xbꞌanun atoq xe jun xubꞌen chiwa rikꞌin ri Cristo y xixrelesaj chuxeꞌ ruchuqꞌaꞌ ri itzel teq rayinik chin ri i-cuerpo ri ximiyon iwichin. 12Atoq xixbꞌan bautizar, rix kin achel xixmuq rikꞌin ri Cristo2:12 Ro. 6:4 keriꞌ, y achel xixkꞌastajbꞌex pe junan rikꞌin ri Cristo chikikajal ri animaꞌiꞌ, porque kuqul ikꞌuꞌx rikꞌin ri nimalej ruchuqꞌaꞌ ri Dios ri xukꞌastajbꞌaꞌ pe ri Cristo chikikajal ri animaꞌiꞌ. 13Rubꞌanun kan rix kamineq pa mak chuwech ri Dios, y kꞌajani kixelesex chuxeꞌ ruchuqꞌaꞌ ri itzel teq rayinik chin ri i-cuerpo ri ximiyon iwichin, pero wokami ri Dios xuyaꞌ ikꞌaslen2:13 Ef. 2:5 rikꞌin ri Cristo, roma xukuy nojel qamak. 14Roj ma xojtiker ta xqabꞌen nojel ri ndubꞌij chupan ri ley xyoꞌox chare ri Moisés, pero ri Dios xrelesaj e ri castigo qꞌaton kan pa qawiꞌ y xojrukal rikꞌin rukamik ri Cristo cho cruz. 15Keriꞌ xubꞌen ri Dios chin xrelesaj ri uchuqꞌaꞌ kꞌo pa kiqꞌaꞌ ri itzel teq espíritu eqꞌatoy teq tzij y ri itzel teq espíritu kꞌo uchuqꞌaꞌ pa kiqꞌaꞌ, eruyutun xerukꞌen pe chikiwech konojel chin xerukꞌixbꞌisaj y xukꞌut chi xtiker pa kiqꞌaꞌ, rikꞌin ri kamik ri xuqꞌasaj ri Cristo cho cruz.
16Romariꞌ, ma tiyaꞌ lugar chake ri ndikajoꞌ ngewalal chiwij roma ri achike ngeꞌikꞌux o ngeꞌitij,2:16 Ro. 14:3 nixta roma ma ndibꞌen ta ri nimaqꞌij2:16 Ro. 14:5 ngekibꞌen rejeꞌ, nixta roma ma ndichajij ta ri qꞌij atoq ndel pe kꞌakꞌakꞌ ikꞌ, o roma ma ndichajij ta ri uxlanibꞌel qꞌij. 17Nojel reꞌ xa erumochꞌochꞌil ri bꞌiꞌin kan pa ruwiꞌ ri Cristo, pero rikꞌin ri xuqaqa rijaꞌ, ma ndikꞌatzin chi ta ri mochꞌochꞌil riꞌ. 18Ma tiyaꞌ qꞌij chi ngixchꞌakatix koma ri ngebꞌiꞌin chi ma rukꞌulun ta ndiyoꞌox chiwa ri rusujun ri Dios, porque ma ndibꞌen ta achel ndikibꞌanalaꞌ rejeꞌ, ri kimána ndikibꞌen chi ndikiqasaj kiꞌ, y ndikiyalaꞌ kiqꞌij ángeles. Ndikibꞌilaꞌ chi ja ri Dios qꞌalajrisayon chikiwech ri ndikitzijoj, pero xa aj rochꞌulew noꞌoj ri ngekinojilaꞌ y nim ngekinaꞌ chare. 19Ri wineq riꞌ, ma jun ta kánima kibꞌanun rikꞌin ri Cristo ri ukꞌuey bꞌey qichin roj ri qataqin rijaꞌ y roj okuneq ru-cuerpo. Ri Cristo nduyaꞌ ri ndikꞌatzin chare ri qakꞌaslen chin ngojkꞌiy achel ndirajoꞌ ri Dios. Roj achel jun cuerpo ri kin jabꞌel rutunun y ruyuqen riꞌ ri rubꞌochꞌil chin ndikꞌiy utz-utz.
Ri ndukꞌen pe ri kolotajik ri nduyaꞌ ri Cristo
20Rix ri xixken2:20 Col. 3:3 yan rikꞌin ri Cristo, xixken yan chuwech ri aj rochꞌulew costumbres, y maneq chik kiqꞌaꞌ chiwa. Y roma keriꞌ, ¿achike roma rix kꞌa ndibꞌen ri aj rochꞌulew costumbres kichin ri wineq?2:20 Gá. 4:921Achel ri ndikibꞌij: Ma tatzꞌen pa aqꞌaꞌ, laꞌ ma takꞌux2:21 Ro. 14:17 y ma tayaꞌ apu aqꞌaꞌ chirij laꞌ, ngechajeꞌ rejeꞌ. 22Tzij achel riꞌ xa ki-mandar wineq y xa rejeꞌ etzꞌukuyun qa, y ndichꞌaꞌa pa kiwiꞌ achikejeꞌ ri xa ngebꞌekꞌis roma ngekusex. 23Kin achel ta kꞌo nojibꞌel kikꞌuan ri tzij riꞌ, porque ngerutaqchiꞌij ri wineq chi ndikibꞌen ri xa ngeruyaꞌ pa kꞌayew, chi ndikibꞌen chi achel ta ndikiqasaj kiꞌ,2:23 Col. 2:18 y chi ndikisak ri ki-cuerpo, pero nojel riꞌ xa ma jun ndikꞌatzin porque ma ndirelesaj ta ri itzel teq rayinik kꞌo pa ránima jun wineq.
31Rix ri xixkꞌastajbꞌex pe chikikajal ri animaꞌiꞌ3:1 Ro. 6:4, 5; Ef. 2:6 junan rikꞌin ri Cristo, tikanoj ri achikejeꞌ chin chikaj ri nduyaꞌ chiwa ri Cristo ri tzꞌuyul pa rikiqꞌaꞌ ri Dios. 2Tiyaꞌ iwech chirij ri achikejeꞌ chin chikaj, y ma tiyaꞌ iwech chikij ri achikejeꞌ ekꞌo chochꞌulew. 3Porque rix xixken yan chuwech ri itzel teq rayinik ekꞌo chochꞌulew, y roma ri xubꞌen ri Cristo, ri ikꞌaslen kꞌo pa ruqꞌaꞌ ri Dios. 4Y atoq nduqaqa chik jumbꞌey3:4 1Ti. 6:14 ri Cristo, ri yoyon chiwa ri kꞌaslen ma ndikꞌis ta, rix ngixbꞌekꞌojeꞌ rikꞌin rijaꞌ chupan ri nimalej ruqꞌij.
Tiyaꞌ kan ri ojer kꞌaslen y tikꞌuaj ri kꞌakꞌakꞌ kꞌaslen
5Romariꞌ, ma tiyaꞌ qꞌij chare ri i-cuerpo chi ndubꞌanalaꞌ3:5 Ro. 8:3 ri itzel teq achike ngekibꞌanalaꞌ ri wineq. Ma ndikꞌamalaꞌ qa iwiꞌ xa achoq na ikꞌin chin ndibꞌen mak, ma tiseqꞌaj ri ikꞌaslen pa mak, ma tiyaꞌ qꞌij chi ngixqaqa pa kiqꞌaꞌ ri itzel teq rayinik, ma tiyaꞌ qꞌij chi ri iwánima ndibꞌa chirij ri ma utz ta, nixta kixjamem chirij méra, porque ri ngajamem xa junan rikꞌin ri ndayaꞌ kiqꞌij tiox.3:5 Ef. 5:3, 56Porque koma mak achel reꞌ, ndiqaqa royowal ri Dios pa kiwiꞌ ri ma ngeniman ta3:6 Ef. 5:6 chuwech. 7Rubꞌanun kan, rix xeꞌibꞌanalaꞌ mak achel reꞌ, atoq xixkꞌojeꞌ chupan. 8Pero wokami tiwelesaj e pa ikꞌaslen nojel ri ma utz ta, achel ri qelqaj ndinaꞌ chare, ri jumul santienta iwoyowal, ri ndinojilaꞌ itzel teq achike chikij chꞌaqa chik, ri chaponik, y ri mal teq tzij ndel pe pa ichiꞌ. 9Ma kixreqꞌon chiwech, porque rix xiyaꞌ yan kan ri itzel kꞌaslen xikꞌuaj ojer, y chuqaꞌ xeꞌiyaꞌ yan kan rubꞌanik nojel ri itzel teq achike xeꞌibꞌanalaꞌ. 10Wokami tiweqaꞌ ri ikꞌaslen rikꞌin ri kꞌakꞌakꞌ kꞌaslen ruyoꞌon ri Dios chiwa. Ri kꞌaslen riꞌ ndubꞌen chare ri ikꞌaslen chi qꞌij-qꞌij ndijalatej bꞌaneq, y más utz ndubꞌen pe chin ndok ri inoꞌoj achel runoꞌoj ri bꞌanayon iwichin. Y keriꞌ ndiwetamaj utz-utz nojel ri achike rijaꞌ. 11Y roma ri Dios rubꞌanun kꞌakꞌakꞌ chare ri qakꞌaslen, ma jun ndubꞌen si rat israelita o rat griego,3:11 Gá. 3:28 si bꞌanun ri circuncisión chawa o naq, si rat aj pa qꞌayis wineq o ma jun ok awetaman, si rat loqꞌon samajel o rat libre. Porque ri qetzij kꞌo reqalen, ja ri Cristo ri kꞌo pa ruwiꞌ nojel y kꞌo pa qánima roj ri qataqin.
12Ri Dios kin rix rojowan wi pe, y xixruchaꞌ3:12 1P. 1:2 chin xixok loqꞌolej rutinamit. Romariꞌ tiweqaꞌ iwiꞌ rikꞌin poqonaxik,3:12 Fil. 2:1 rikꞌin chuqaꞌ ndibꞌen utz inoꞌoj, rikꞌin ndiqasaj iwiꞌ, rikꞌin loqꞌ iwánima, y rikꞌin ndikachꞌ nojel ri ndipuꞌun pa ikꞌaslen. 13Tikochꞌolaꞌ iwiꞌ y tikuyulaꞌ iwiꞌ chiwech.3:13 Ef. 4:32 Atoq kꞌo jun ndisujun chirij jun chik, kixkuyun achel xixrukuy ri Ajaw. 14Y pa ruwiꞌ nojel reꞌ, ndikꞌatzin ndiweq ri ikꞌaslen rikꞌin ri ndiwojoꞌ iwiꞌ,3:14 Ro. 13:8 porque ja ri ndiwojoꞌ iwiꞌ ri ndiyuqen ikꞌaslen rix iwonojel chin jabꞌel yalan ndikꞌuaj iwiꞌ. 15Y ri uxlanen3:15 Sal. 29:11; Is. 26:3; Jn. 14:27; Ro. 14:17; Fil. 4:7 ri nduyaꞌ ri Cristo kin ta xtukꞌuaj ri iwánima chiꞌijununal, porque ri Dios xixroyoj chin xe jun iwech ndibꞌen rix iwonojel. Y kixmatioxin chare rijaꞌ.
16Kin ta xtinoj ri iwánima rikꞌin ri rutzij ri Cristo, y kin ta xtikꞌojeꞌ jumul chiriꞌ. Kin ta xtikusaj nojel ri utzulej nojibꞌel3:16 2Ti. 3:16 ri pataneq rikꞌin ri Cristo chin nditijoj y ndipixabꞌaj iwiꞌ chiwech. Rikꞌin nojel iwánima keꞌibꞌixaj salmos, himnos y chꞌaqa chik bꞌix ri nduyaꞌ ri Espíritu Santo chiwa3:16 Ef. 5:19 chin ngixmatioxin chare ri Dios. 17Y nojel ri ndibꞌij y ndibꞌen,3:17 1Co. 10:31 tibꞌanaꞌ pa rubꞌiꞌ ri Ajaw Jesús, y pa rubꞌiꞌ chuqaꞌ rijaꞌ kixmatioxin chare ri Qatataꞌ Dios.
Ri ndikꞌatzin ndikibꞌen ri eralkꞌuaꞌl ri Dios
18Rix ixoqiꞌ, chiꞌijununal tinimaj kitzij ri iwachijil, achel rukꞌulun chi ndikibꞌen ri ixoqiꞌ ri xe jun kibꞌanun rikꞌin ri Ajaw. 19Rix achiꞌaꞌ, chiꞌijununal keꞌiwojoꞌ ri iwixjayil,3:19 Ef. 5:25, 28, 33 y loqꞌ iwánima tibꞌanaꞌ chake.
20Rix alkꞌualaxelaꞌ, tinimaj kitzij ri ite-itataꞌ3:20 Ef. 6:1 rikꞌin nojel ri ndibꞌen pa ikꞌaslen, porque jariꞌ ri ndiqaꞌ chuwech ri Ajaw. 21Rix tataꞌatz, ma tipoyisaj kánima3:21 Ef. 6:4 ri iwalkꞌuaꞌl, ma kꞌateꞌ tibꞌen chake chi ndimalin-ndimalin kikꞌuꞌx.
22Rix ri rix loqꞌon teq samajelaꞌ, tinimaj3:22 Ef. 6:5, 6 nojel ri ndikibꞌij ri aj rochꞌulew iwajaw chiwa, pero ma xe ta atoq kꞌo ri iwajaw chiꞌinaqaj utz kixsamej, xe roma ndiwojoꞌ chi utz ngixtzꞌat koma. Xa kin rikꞌin nojel iwánima tibꞌanaꞌ ri ndikibꞌij, porque ngixniman chuwech ri Ajaw. 23Y xa achike na samaj ngeꞌibꞌen, tibꞌanaꞌ rikꞌin nojel iwánima,3:23 Ef. 6:7 kin achel rusamaj ri Ajaw ngixtajin rikꞌin y ma kisamaj ta wineq. 24Porque iwetaman chi kꞌo jun qꞌij ri Ajaw nduyaꞌ herencia chiwa, rajel-rukꞌexel ri samaj ndibꞌen.3:24 Ef. 6:8 Ma timestaj chi ja ri Cristo ri Rajaw ri samaj ndibꞌen. 25Pero ri ngebꞌanun itzel teq achike, ri Dios nduyaꞌ rukꞌexel chake roma ri xkibꞌen. Porque kin ja achel ri rukꞌexel ri rukꞌulun chi ndiyoꞌox roma ri qabꞌanaloꞌon chiqajununal, keriꞌ ri rukꞌexel nduyaꞌ chaqe.
41Rix ri rix ajaw pa kiwiꞌ loqꞌon teq samajelaꞌ, kin ja ri chaj y ri utz chin ndibꞌan ri tibꞌanaꞌ chake.4:1 Lv. 19:13; Mal. 3:5 Ma timestaj chi rix chuqaꞌ kꞌo jun Iwajaw chikaj ri ngixrutzutzaꞌ pe.
Pixabꞌanik chake konojel ralkꞌuaꞌl ri Dios
2Tixikꞌaꞌ iwiꞌ chin ndibꞌen orar,4:2 Lc. 18:1; Ro. 12:12; Ef. 6:18; 1Ts. 5:17 kꞌes-kꞌes iwech tibꞌanaꞌ orar y kixmatioxin chare ri Dios. 3Tikꞌutuj chuqaꞌ chare ri Dios pa qawiꞌ roj4:3 Ef. 6:19; 2Ts. 3:1 chi nduyaꞌ qꞌij chaqe4:3 1Co. 16:9; 2Co. 2:12 ndiqatzijoj ri rutzij, chin keriꞌ ndiqaqꞌalajrisaj ri ma kin ta qꞌalej rubꞌeyal4:3 Mt. 13:11; 1Co. 4:1 ojer kan, ri ndichꞌaꞌa pa ruwiꞌ ri achike ri Cristo y ri rukꞌamon pe chaqe. Y riyin roma niyaꞌ rutzijoxik ri utzulej teq tzij riꞌ yin tzꞌapel pa cheꞌ4:3 Ef. 6:20; Fil. 1:7 wokami. 4Tikꞌutuj chare ri Dios chi utz-utz ruqꞌalajrisaxik nibꞌen chare ri tzij riꞌ.
5Utz inoꞌoj tibꞌanaꞌ chikikajal ri wineq ri ma kitaqin ta4:5 1Ts. 4:12 ri Cristo, ma xetal keriꞌ teqꞌax ri tiempo4:5 Ef. 5:16 pa iwiꞌ. 6Kin ta kiꞌ ndakꞌaxex ri itzij4:6 Ec. 10:12 y kin ta pa rubꞌeyal ngixtzijon. Chin keriꞌ iwetaman achike tzij utz ndikusaj chin nditzolij ruwech kitzij4:6 1P. 3:15 ri kꞌo achike ndikikꞌutuj razón chiwa.
Ri Pablo nduteq ri rukꞌisibꞌel teq ruxunaqil kiwech ri aj Colosas
7Ri hermano Tíquico ri tzꞌan niwojoꞌ nderuyaꞌ rutzijol chiwa nojel ri achike rubꞌanun ri nukꞌaslen.4:7 Ef. 6:21, 22 Rijaꞌ jun wachibꞌil ri kin rikꞌin nojel ránima ndubꞌen rusamaj ri Ajaw. 8Romariꞌ, xinteq apeꞌ rixkꞌo chin nderuyaꞌ rutzijol ri ax cheꞌel qabꞌanun, y chin chuqaꞌ nderuyaꞌ ruchuqꞌaꞌ ri iwánima. 9Chirij ri Tíquico nutaqon e chuqaꞌ ri Onésimo.4:9 Flm. 10 Ri Onésimo jun iwinaq rix y jun hermano ri tzꞌan niwojoꞌ. Rijaꞌ kin kuqul rukꞌuꞌx rikꞌin ri Dios. Rejeꞌ ndekiyaꞌ rutzijol chiwa nojel ri ngebꞌanatej waweꞌ.
10Ri hermano Aristarco4:10 Hch. 19:29; 20:4; 27:2 ri wachibꞌil waweꞌ pa cheꞌ nduteq e ruxunaqil iwech. Nduteq chuqaꞌ ruxunaqil iwech ri hermano Marcos ri roxpochel ri Bernabé. Y achel nubꞌiꞌin chik chiwa, atoq ri Marcos xteqaqa iwikꞌin, jabꞌel rukꞌamik ruwech tibꞌanaꞌ. 11Y nduteq chuqaꞌ ruxunaqil iwech ri hermano Jesús, ri ndibꞌix Justo chare. Chikikajal ri israelitas ri kitaqin ri Cristo, xaxe rejeꞌ esamajneq junan wikꞌin chutzijoxik ri achike modo ngeꞌok ri wineq pa ru-reino ri Dios, y kin kiyoꞌon ruchuqꞌaꞌ ri wánima. 12Nduteq ruxunaqil iwech ri hermano Epafras, jun iwinaq rix. Rijaꞌ jun rusamajel ri Cristo Jesús, y kin jumul ndubꞌen orar. Ndukꞌutuj chare ri Dios pa iwiꞌ chi kaw ngixpeꞌeꞌ chiraqen ri Dios y ndikꞌiy utz-utz ri ikꞌaslen chuwech, y chi kin kuqul ikꞌuꞌx iwetaman ndibꞌen ri rurayibꞌel ri Dios. 13Riyin rikꞌin nuwech nutzꞌeton chi ri Epafras santienta ruchajin pena iwoma, y koma chuqaꞌ ri hermanos ekꞌo pa tinamit Laodicea,4:13 Col. 2:1 y pa tinamit Hierápolis. 14Ri hermano Lucas, ri aqꞌomanel ri tzꞌan ndiqajoꞌ, nduteq ruxunaqil iwech, y keriꞌ chuqaꞌ ri hermano Demas.4:14 Flm. 24
15Tiyaꞌ ruxunaqil kiwech ri hermanos ekꞌo pa tinamit Laodicea. Tiyaꞌ ruxunaqil ruwech ri Ninfas y chuqaꞌ konojel ri hermanos ri ndikimal kiꞌ pa rachoch4:15 Ro. 16:5 chin ndikiyaꞌ ruqꞌij ri Dios. 16Y atoq rix xibꞌen yan leer re wuj reꞌ chikiwech ri hermanos chiriꞌ, titaqaꞌ e chuqaꞌ chake ri hermanos ri ndikimal kiꞌ pa rubꞌiꞌ ri Dios pa tinamit Laodicea chin ndikibꞌen leer.4:16 1Ts. 5:27 Y rix tibꞌanaꞌ leer ri wuj nutaqon e chake rejeꞌ atoq xtikiteq pe chiwa. 17Tibꞌij chuqaꞌ kereꞌ chare ri hermano Arquipo:4:17 Flm. 2 Tatijaꞌ aqꞌij chi utz-utz ndabꞌen chare ri samaj yoꞌon pa aqꞌaꞌ pa rubꞌiꞌ ri Ajaw, kixchajeꞌ chare.
18Riyin Pablo rikꞌin nuqꞌaꞌ nitzꞌibꞌaj e ruxunaqil iwech. Tikꞌuxlaꞌaj chi yinkꞌo4:18 He. 13:3 pa cheꞌ y tibꞌanaꞌ orar woma. Ri favor nduyaꞌ ri Dios kin ta xtikꞌojeꞌ pa iwiꞌ rix iwonojel.