Ri rukan wuj rutzꞌibꞌan kan ri apóstol Pablo chake ri hermanos ekꞌo pa tinamit Tesalónica
1Ri Pablo nduteq ruxunaqil kiwech ri hermanos
1Riyin Pablo, yin kachibꞌilan ri hermano Silvano y ri Timoteo nitzꞌibꞌaj e re wuj reꞌ chiwa rix hermanos ri ndimal iwiꞌ pa rubꞌiꞌ ri Dios pa tinamit Tesalónica. Ndiqateq e ruxunaqil iwech rix ri xe jun ibꞌanun rikꞌin ri Qatataꞌ Dios y ri Ajaw Jesucristo. 2Ri Qatataꞌ Dios y ri Ajaw Jesucristo kin ta xtikiyaꞌ ki-favor pa iwiꞌ y xtikiyaꞌ chuqaꞌ uxlanen pa iwánima.
Ri Pablo ndubꞌij chi ndubꞌen orar koma ri hermanos aj Tesalónica
3Hermanos, roj kin ndikꞌatzin chi jutaqil ngojmatioxin chare ri Dios iwoma, y kin rukꞌulun chi keriꞌ ndiqabꞌen, porque rix qꞌij-qꞌij más ikuqubꞌan ikꞌuꞌx rikꞌin ri Ajaw Jesús, y más kꞌiyineq pa iwánima chi ndiwojoꞌ iwiꞌ chiwech. 4Y roma keriꞌ ngixtajin rikꞌin rix, roj ngojkikot ndiqatzijoj chake ri hermanos ri ndikimal kiꞌ pa rubꞌiꞌ ri Dios pa chꞌaqa chik tinamit, chi maske rix tzeqlebꞌen chin ndibꞌan itzel chiwa y maske kꞌo kꞌayew1:4 1Ts. 2:14 ndiqꞌasaj pa ikꞌaslen, kin ikochꞌon nojel y jumul kuqul ikꞌuꞌx rikꞌin ri Dios. 5Y rikꞌin ri keriꞌ ndiqꞌasaj1:5 Fil. 1:28, 29 pa ikꞌaslen, ndiqꞌalajin chi ri Dios pa ruchojmil nduqꞌet tzij, ndiqꞌalajin chuqaꞌ chi pa ruwech rijaꞌ rukꞌulun chi ngixok chupan ri ru-reino, ri achoq roma ndiqꞌasaj kꞌayew wokami.
6Porque ri Dios pa ruchojmil ndubꞌen atoq nduyaꞌ rukꞌexel chake ri ngebꞌanun itzel chiwa. 7Y rix ri ndibꞌan itzel chiwa, ri Dios kin pa ruchojmil ndubꞌen chi nduyaꞌ uxlanen1:7 Ap. 14:13 chiwa junan qikꞌin roj chupan ri qꞌij atoq ri Ajaw Jesús nduqꞌalajrisaj riꞌ chikaj1:7 1Ts. 4:16 chupan ruxaq teq qꞌaqꞌ, achibꞌilan pe koma ri ru-ángeles ri yoꞌon pe nimalej uchuqꞌaꞌ chake. 8Chupan ri qꞌij riꞌ, nduyaꞌ castigo chake konojel ri ma xkajoꞌ ta xketamaj runoꞌoj ri Dios,1:8 Sal. 79:6 y ma xkinimaj ta1:8 Ro. 2:8 ri ndubꞌij ri utzulej teq tzij chin kolotajik ri ndichꞌaꞌa pa ruwiꞌ ri Qajaw Jesús. 9Y ri castigo ndiyoꞌox chake kin nim, porque chin jumul,1:9 2P. 3:7 y ma ngebꞌekꞌojeꞌ ta chupan ri nimalej ruqꞌij1:9 Is. 2:19 ri Ajaw ri santienta ruchuqꞌaꞌ. 10Nojel reꞌ ndibꞌanatej chupan ri qꞌij atoq ri Ajaw nduqaqa, chin keriꞌ ri loqꞌolej rutinamit ndikiyaꞌ ruqꞌij y chin chuqaꞌ ndisach kikꞌuꞌx chirij konojel ri xetaqin richin. Y chikikajal ri xetaqin rixkꞌo rix, porque xitaqij chuqaꞌ ri utzulej teq tzij chin kolotajik ri xqatzijoj kan chiwa.
11Romariꞌ roj jumul ndiqabꞌen orar iwoma. Ndiqakꞌutuj chare ri qa-Dios chi ngixrutoꞌ chukꞌuaxik jun kꞌaslen ri ndubꞌen chi ndikikot rijaꞌ chi xixroyoj. Ndiqakꞌutuj chuqaꞌ chi rijaꞌ rikꞌin ri ruchuqꞌaꞌ ndubꞌen chiwa chi ngixtiker ndibꞌen ri utz ri ndiwojoꞌ ndibꞌen, y chi ngixtiker ndikꞌis kan nojel ri itzꞌamon rubꞌanik roma kuqul ikꞌuꞌx rikꞌin.1:11 1Ts. 1:312Chin keriꞌ ndinimrisex ruqꞌij ri Qajaw Jesús roma ri samaj ndubꞌen pa ikꞌaslen, y rijaꞌ ndunimrisaj chuqaꞌ ibꞌiꞌ rix. Nojel reꞌ ndibꞌanatej roma ri favor ndikiyaꞌ ri qa-Dios y ri Ajaw Jesucristo pa iwiꞌ.
2Ri ndibꞌanatej nabꞌey chi nditzolij pe ri Ajaw
1Hermanos, jakꞌa pa ruwiꞌ ri qꞌij atoq ri Qajaw Jesucristo nditzolij pe chikaj y ndeqamoloꞌ qiꞌ rikꞌin,2:1 Mt. 24:31; 1Ts. 4:172ngixqapixabꞌaj chi ma tijalatej ri achike ndinojij chin ta nditaqij paqiꞌ jun chik achike. Porque ekꞌo jujun ngebꞌiꞌin chi ri tiempo atoq ndibꞌanatej nojel ri rubꞌiꞌin kan ri Ajaw xuqaqa yan, pero rix ma tichꞌujrisaj iwiꞌ, maske ndikibꞌilaꞌ chi ja ri Espíritu qꞌalajrisayon chikiwech chi keriꞌ xbꞌanatej yan, o ndikibꞌij chi jariꞌ ri ndiqakꞌut roj, o ndikibꞌij chi roj mismo qatzꞌibꞌan wuj apeꞌ ndubꞌij chi xuqaqa yan ri tiempo riꞌ. 3Ma jun tichꞌakatin iwichin pa ruwiꞌ reꞌ, porque ri tiempo riꞌ, ma nduqaqa yan ta, kꞌa tibꞌanatej na chi ekꞌiy ngetzolij chikij y ndikiyaꞌ kan rokacheq chuwech ri Dios.2:3 1Ti. 4:1 Ja atoq riꞌ nduqꞌalajrisaj pe riꞌ ri jun itzel achi ri ma jun ley ndunimaj.2:3 Dn. 7:24, 25 Rijaꞌ kin chin wi ma ndikolotej ta. 4Ri jun itzel achi riꞌ, ndupabꞌaꞌ riꞌ y ndunimrisaj riꞌ pa ruwiꞌ nojel ri ndibꞌix Dios chare,2:4 Is. 14:12-14 y pa ruwiꞌ nojel ri ndiyoꞌox ruqꞌij koma ri wineq, hasta ndetzꞌuyeꞌ pa rachoch ri Dios y ndubꞌij chi ja rijaꞌ ri qetzij Dios.
5¿Ma ndikꞌuxlaꞌaj ta kꞌa chi xinbꞌij yan nojel reꞌ chiwa atoq xikꞌojeꞌ chiꞌikajal? 6Y rix iwetaman achike qꞌatayon ruwech ri itzel achi riꞌ chin ma nduqꞌalajrisaj yan ta pe riꞌ, hasta kꞌa terilaꞌ na ri tiempo yoꞌon chare chin nduqꞌalajrisaj riꞌ. 7Keriꞌ nibꞌij chiwa, porque wokami ndisamej chik chilaqꞌel jun itzel uchuqꞌaꞌ pa kánima ri wineq, ri ndibꞌanun chi ma jun ley ndikajoꞌ. Y kꞌo jun qꞌatayon richin ri itzel uchuqꞌaꞌ riꞌ, chin ma ndeqꞌax ta ruwiꞌ, pero nderilaꞌ qꞌij atoq ndelesex e ri jun qꞌatayon richin. 8Y ja atoq riꞌ ndeqꞌalajin pe ri itzel achi ri ma jun ley ndunimaj. Pero ri Ajaw Jesús rikꞌin ruchuqꞌaꞌ rutzij ndukamisaj ri itzel achi riꞌ,2:8 Job 4:8, 9 y rikꞌin nduqꞌalajrisaj riꞌ atoq nditzolij pe, ndurukꞌisaꞌ ruqꞌij ri uchuqꞌaꞌ kꞌo pa ruqꞌaꞌ ri itzel achi riꞌ. 9Pero nabꞌey chi ndikꞌis ruqꞌij, ja ri ruchuqꞌaꞌ ri Satanás ndikꞌamo pe richin ri itzel achi riꞌ atoq ndeqꞌalajin pe. Y rikꞌin ruchuqꞌaꞌ ri Satanás ndurubꞌanalaꞌ nimalej teq milagros, etal y nimalej teq achike ri nixta jumbꞌey etzꞌeton, xe chin ngeruchꞌakatij ri wineq.2:9 Dt. 13:1-3; Mt. 24:2410Ri itzel achi riꞌ nojel ruwech itzel teq achike ngerubꞌanalaꞌ chin ngeruchꞌakatij ri wineq ebꞌaneq chupan ri bꞌey chin ma ngekolotej ta, porque ma jubꞌaꞌ xkitaqij nixta xkajoꞌ ri rutzij ri Dios ri ndichꞌaꞌa pa ruwiꞌ ri qetzij, chin ta xekolotej. 11Y romariꞌ ri Dios nduteq pe jun chꞌakatinik ri kin kꞌo ruchuqꞌaꞌ chin ndiqasex kijolon, chin ndikitaqij ri ma qetzij ta2:11 Mt. 24:5; 1Ti. 4:1 ri ngerubꞌilaꞌ ri itzel achi riꞌ. 12Y keriꞌ ndiqꞌat tzij pa kiwiꞌ y ndiyoꞌox castigo chake konojel ri ma xkitaqij ta ri qetzij2:12 Ro. 1:25; 2:7, 8 y xbꞌa kánima chubꞌanik ri itzel teq achike.
Ri aj Tesalónica echaꞌon chin ndiyoꞌox kolotajik chake
13Pero roj ndikꞌatzin chi jumul ngojmatioxin chare ri Dios iwoma rix hermanos, ri santienta rix ojowan roma ri Ajaw, porque xe jampeꞌ pa nabꞌey rix ruchaꞌon2:13 Ef. 1:4; 1P. 1:2 ri Dios chin nduyaꞌ kolotajik chiwa. Ngixrukal roma rusamaj ri Espíritu Santo ri ndubꞌen loqꞌolej chare ri ikꞌaslen y roma chuqaꞌ itaqin ri qetzij. 14Kin chin wi ngixkolotej xixroyoj ri Dios, y ja roj ri xojrukusaj chin xqatzijoj ri utzulej teq tzij ri xukꞌen pe kolotajik chiwa, chin keriꞌ ndikꞌojeꞌ iqꞌij rikꞌin ri Qajaw Jesucristo chupan ri nimalej ruqꞌij.2:14 1Ts. 2:12
15Romariꞌ hermanos, kaw kixpeꞌeꞌ chiraqen ri Ajaw y ma jun tisoqꞌopij ri tijonik yoꞌon chaqe, tijonik ri qayoꞌon kan chiwa2:15 1Co. 11:2 atoq xojkꞌojeꞌ chiꞌikajal o xiwetamaj chupan wuj qatzꞌibꞌan e chiwa. 16Y ri Qajaw Jesucristo y ri Qatataꞌ Dios ri xojowan2:16 Jn. 3:16; 15:9; Ro. 5:8; Ef. 2:4; 1Jn. 4:10 qichin, ri ruyoꞌon ruchuqꞌaꞌ qánima chin jumul, y rubꞌanun chuqaꞌ chaqe chi qoyobꞌen ri kꞌaslen ma ndikꞌis ta ri nduyaꞌ rijaꞌ roma ri ru-favor, 17kin ta xtuyaꞌ ruchuqꞌaꞌ iwánima2:17 Col. 2:2; 1Ts. 3:13 rix, y kin ta xtubꞌen chiwa chi jumul ndibꞌen y ndibꞌij nojel ri utz.
3Ri Pablo ndukꞌutuj chi ndibꞌan orar roma rijaꞌ y ri erachibꞌil
1Hermanos, jun chik achike niwojoꞌ nibꞌij chiwa, jareꞌ: Tibꞌanaꞌ orar qoma, chin keriꞌ chaꞌanin ndibꞌa rutzijoxik ri utzulej rutzij ri Ajaw chꞌaqa chik apeꞌ, y chi ri wineq ndikiyaꞌ nim reqalen ri utzulej teq tzij riꞌ, achel ndiyaꞌ reqalen rix. 2Tikꞌutuj chuqaꞌ chare ri Dios chi ma qojqaqa pa kiqꞌaꞌ itzel teq wineq ri kin emachꞌikilik chikibꞌanik. Keriꞌ nibꞌij chiwa, porque ma konojel ta3:2 Ro. 10:16 wineq ndikitaqij ri utzulej teq tzij ri ndichꞌaꞌa pa ruwiꞌ ri kolotajik nduyaꞌ ri Ajaw. 3Pero ri Ajaw kin ndubꞌen wi ri ndubꞌij. Rijaꞌ kin nduyaꞌ ruchuqꞌaꞌ ri iwánima y ngixrubꞌen cuenta,3:3 Jn. 17:15; 2P. 2:9 chin keriꞌ maneq ruqꞌaꞌ ri itzel chiwa. 4Y roj kuqul qakꞌuꞌx rikꞌin ri Ajaw chi rix rutoꞌon y xkixrutoꞌ más apu chiqawech chin ndibꞌen ri ndiqabꞌen mandar chiwa. 5Ja ta kꞌa ri Ajaw ndukꞌuan ri iwánima chin ngixojowan achel ndojowan3:5 1Jn. 4:16 ri Dios, y ndikachꞌ ri kꞌayew ndiqꞌasaj pa ikꞌaslen, achel ri Cristo xukachꞌ ri kꞌayew xuqꞌasaj.
Ri Pablo ndubꞌij chi kesamej ri hermanos
6Hermanos, pa rubꞌiꞌ ri Qajaw Jesucristo ndiqabꞌen mandar chiwa, chi ma keꞌiwachibꞌilaj3:6 Ro. 16:17; 1Co. 5:11; 2Jn. 10 ri hermanos eqꞌoroy y ma ndikinimaj ta ri tijonik yoꞌon chaqe roj ri qabꞌiꞌin kan chake. 7Porque rix iwetaman chi kin ndikꞌatzin ndikꞌuaj ri ikꞌaslen achel ri kꞌaslen qakꞌutun kan chiwech, porque atoq xojkꞌojeꞌ chiꞌikajal xojsamej y ma xojqꞌoran ta. 8Ma jumbꞌey xqakꞌutuj chi xe ta keriꞌ xsipex jun rutzaꞌ qaway, pa rukꞌexel riꞌ xa kin chi chaqꞌaꞌ chi paqꞌij xqakosisaj qiꞌ pa samaj3:8 Hch. 18:3; 20:34; 1Co. 4:12 chin ma xojok ta jun eqaꞌ chiwa. 9Roj kꞌo ta wi cheꞌel xqabꞌij chiwa chi xojitzuq,3:9 Mt. 10:10; 1Co. 9:6 pero ma ke ta riꞌ xqabꞌen, xa kin xojsamej chin xqakꞌut chiwech chi keriꞌ chuqaꞌ tibꞌanaꞌ rix.3:9 1P. 5:310Porque atoq kꞌa rojkꞌo chiꞌikajal, xqayaꞌ kan re mandamiento reꞌ chiwa: Si jun ma ndirajoꞌ ta ndisamej,3:10 Gn. 3:19; Pr. 13:4; 1Ts. 4:11 ma tiwaꞌ chuqaꞌ. 11Y wokami ndiqakamuluj rubꞌixik chiwa, porque qakꞌaxan chi ekꞌo jujun chiꞌikajal ri xe ngeqꞌorayaj y ma jun samaj ndikajoꞌ ndikibꞌen, xa ndikitzeq kiꞌ xa apejeꞌ na. 12Chake rejeꞌ ndiqachilabꞌej y ndiqabꞌen mandar pa rubꞌiꞌ ri Ajaw Jesucristo, chi chaj kesamej3:12 Ro. 12:11; Ef. 4:28 chin ndikichꞌek ri kiway.
13Y chiwa rix hermanos, ndiqabꞌij chi ma kixkos ndibꞌen ri utz. 14Si kꞌo jun chiꞌikajal ri ma ndirajoꞌ ta ndubꞌen ri qatzꞌibꞌan e chupan re wuj reꞌ, tibꞌanaꞌ chi ndiqꞌalajin chikiwech konojel achike ri ndibꞌanun keriꞌ y ma tiwachibꞌilaj, chin keriꞌ tikꞌix. 15Pero rix ma titzꞌet achel ta jun yakatajneq chiwij keriꞌ, xa kin tipixabꞌaj3:15 Lv. 19:17; Gá. 6:1 achel ndipixabꞌaj xa achike na chi hermano.
Ri Pablo nduteq ruxunaqil kiwech ri hermanos
16Ri Ajaw ri nduyaꞌ uxlanen, kin ja ta kꞌa rijaꞌ ndiyoꞌon uxlanen jumul pa iwánima chupan nojel ri ndiqꞌasaj pa ikꞌaslen. Kin ta xtikꞌojeꞌ ri Ajaw chiꞌikajal rix iwonojel.
17Riyin Pablo rikꞌin nuqꞌaꞌ nitzꞌibꞌaj e3:17 1Co. 16:21 ruxunaqil iwech. Keriꞌ nibꞌen chupan nojel wuj ri ngenteq chake ri hermanos, chin ndetamex chi ja riyin ri ngitaqon ri wuj. 18Ri favor ri nduyaꞌ ri Qajaw Jesucristo kin ta xtikꞌojeꞌ pa iwiꞌ rix iwonojel.