Ri rukan wuj rutzꞌibꞌan kan ri apóstol Pablo chake ri hermanos ekꞌo pa tinamit Corinto
1Ri Pablo nduteq ruxunaqil kiwech ri hermanos aj Corinto
1Riyin Pablo, apóstol chin ri Cristo Jesús roma jariꞌ rurayibꞌel ri Dios, junan rikꞌin ri hermano Timoteo ndiqatzꞌibꞌaj e re wuj reꞌ chiwa rix ri ralkꞌuaꞌl ri Dios ri ndimal iwiꞌ pa rubꞌiꞌ pa tinamit Corinto, y chake konojel ri hermanos ekꞌo chiriꞌ pa rochꞌulew Acaya. 2Ri Qatataꞌ Dios y ri Ajaw Jesucristo kin ta xtikiyaꞌ ki-favor pa iwiꞌ y xtikiyaꞌ chuqaꞌ uxlanen pa iwánima.
Ri Dios ndubꞌochiꞌij qánima
3Kin ta xtiyoꞌox ruqꞌij ri ru-Dios y Rutataꞌ ri Qajaw Jesucristo, porque rijaꞌ Tataꞌaj ri kin ndijoyowan,1:3 Ex. 34:6; Mi. 7:18 y Dios chuqaꞌ ri ngojrutoꞌ chupan nojel ri kꞌayew ndiqaqꞌasaj chin ndubꞌochiꞌij qánima. 4Ja rijaꞌ ri ndibꞌochiꞌin qánima1:4 2Ts. 2:16, 17 chupan nojel ri kꞌayew ndiqaqꞌasaj, chin keriꞌ rikꞌin ri bꞌochinik ruyoꞌon chaqe ngojtiker ndiqabꞌochiꞌij kánima ri ndikiqꞌasaj xa achike na chi kꞌayew. 5Porque achel ndikꞌiyer ri kꞌayew pa qakꞌaslen roma qataqin ri Cristo,1:5 Ro. 8:17 keriꞌ chuqaꞌ roma qataqin ri Cristo ndikꞌiyer ri toꞌonik nduyaꞌ ri Dios chin ndubꞌochiꞌij qánima. 6Ri kꞌayew ndiqaqꞌasaj pa qakꞌaslen, chin ngojtijox chirij rubꞌochixik iwánima rix chin ngixkolotej. Y ri rubꞌochixik qánima ndubꞌen ri Dios, jariꞌ ri ndukusaj chin ndubꞌochiꞌij iwánima rix chin ngixtiker ndikachꞌ ri kꞌayew ri ndiqakachꞌ roj. 7Kin kuqul qakꞌuꞌx chi rix roma ndiqꞌasaj kꞌayew, ri Dios ndubꞌochiꞌij chuqaꞌ iwánima, porque keriꞌ ndubꞌen qikꞌin roj. Atoq ndiqaqꞌasaj kꞌayew, rijaꞌ ndubꞌochiꞌij qánima.
8Hermanos, roj ndiqajoꞌ chi rix ndiwetamaj ri kꞌayew xqaqꞌasaj pa rochꞌulew Asia. Tzꞌan chi kꞌayew xqaqꞌasaj chiriꞌ, hasta ya ma ndiqakachꞌ chi ta más y pa qatzij roj, xa chiriꞌ ngojken. 9Y kin xqanaꞌ pa qánima chi ngojken, pero riꞌ chin ma tiqakuqubꞌaꞌ qakꞌuꞌx1:9 Jer. 17:5, 7 rikꞌin ok ri quchuqꞌaꞌ roj, xa kin rikꞌin ri Dios ri ngerukꞌastajbꞌaꞌ pe ri animaꞌiꞌ.1:9 Ro. 4:17, 24
10Y ja ri Dios xkolo qichin chuwech ri kꞌayew chi kamik riꞌ, y keriꞌ chuqaꞌ xtubꞌen más chiqawech apu, kin kuqul qakꞌuꞌx rikꞌin rijaꞌ chi ngojrukal.1:10 1S. 17:37; Job 5:19-2211Y keriꞌ ndibꞌanatej si rix ngojitoꞌ pa oración.1:11 Fil. 1:19; Flm. 22 Si ekꞌiy ngebꞌanun orar qoma, ekꞌiy chuqaꞌ ngematioxin1:11 2Co. 4:15 roma ri favor nduyaꞌ ri Dios pa qawiꞌ.
Ri Pablo ndubꞌij achike roma ma xebꞌerutzꞌetaꞌ ta ri aj Corinto
12Keriꞌ ndiqabꞌij chiwa porque ri ndibꞌanun chaqe chi ndikuqer qakꞌuꞌx, ja ri ndubꞌij ri qánima chaqe chi qakꞌuan jun chꞌajchꞌaj kꞌaslen y ndubꞌij chuqaꞌ chi nojel ri ndiqabꞌen kin qetzij wi,1:12 Hch. 23:1 y más keriꞌ qabꞌanun chiwech rix. Roj ma ja ta ri aj rochꞌulew nojibꞌel ukꞌuayon qichin, xa kin ja ri ru-favor ri Dios ukꞌuayon qichin. 13Chupan ri wuj qatzꞌibꞌan e, nixta jun achike kaꞌiꞌ ta rubꞌeyal rukꞌoxomaxik, xa kin ja achel ndibꞌen leer y ndikꞌoxomaj, jariꞌ ri rubꞌeyal. Y nirayij chi ndikꞌoxomaj ta nojel ri qatzꞌibꞌan e, 14achel ikꞌoxoman chik jubꞌaꞌ ri achike roj, chi atoq nduqaqa chik jumbꞌey ri Ajaw Jesús, kin xkixkikot qoma,1:14 2Co. 5:12 achel roj xqojkikot iwoma1:14 Fil. 2:16; 4:1 rix.
15Y roma ikꞌoxoman jubꞌaꞌ nojel reꞌ, xinbꞌen ruwech chi ngineqꞌax nabꞌey iwikꞌin rix,1:15 1Co. 4:19 y ngineqꞌax chik jumbꞌey iwikꞌin atoq xkitzolij pe, y keriꞌ rix kamul ndiyoꞌox chiwa ri favor nduyaꞌ ri Dios. 16Riyin xinbꞌen ruwech chi ngiqꞌax iwikꞌin nabꞌey atoq ngibꞌa pa rochꞌulew Macedonia,1:16 1Co. 16:5 y atoq xkitzolij pe, ngineqꞌax chi pe jumbꞌey iwikꞌin, chin keriꞌ nginitoꞌ e atoq nitzꞌen nubꞌey ngibꞌa pa rochꞌulew Judea. 17Atoq xinyaꞌ pa wánima nojel reꞌ, ¿ndibꞌij rix chi yin ma xinnojij ta utz-utz? ¿Ndinojij rix chi nibꞌen achel ndubꞌen jun ri ma rutaqin ta ri Dios, ri ndubꞌij chi ndubꞌen jun achike y xa ma ndubꞌen ta?
18Ri Dios ri ma ndujel ta ruwech rutzij retaman chi ri xinbꞌij e chiwa, kin jariꞌ kꞌo pa wánima chin ta xinbꞌen, y ma kaꞌiꞌ ta ruwech nutzij. 19Porque ri Jesucristo, ri Rukꞌajol ri Dios,1:19 Mr. 1:1; Lc. 1:35 ma ndubꞌij ta jun achike ri ma ndubꞌen ta, rijaꞌ kin jumul wi ndubꞌen ri ndubꞌij, keriꞌ ri qatzijon kan riyin Pablo, ri Silvano y ri Timoteo1:19 Hch. 18:5 chiwa, y rikꞌin ri Cristo nditzꞌetetej chi ri Dios kin jumul wi ndubꞌen ri ndubꞌij, 20porque nojel ri rusujun pe ri Dios, rikꞌin ri Cristo Jesús ndiqil wi. Roma kꞌa riꞌ, atoq ngojchꞌaꞌa chare ri Dios pa rubꞌiꞌ ri Cristo, ndiqabꞌij: Amén, kin qetzij wi chi ndabꞌen ri ndabꞌij, ngojchajeꞌ chare, chin ndiyoꞌox ruqꞌij qoma roj. 21Y ja ri Dios ndibꞌanun chaqe roj y chiwa rix chi qꞌij-qꞌij más xe jun ndiqabꞌen rikꞌin ri Cristo, y roj ruchaꞌon chuqaꞌ chin ndiqabꞌen ri rusamaj. 22Ja chuqaꞌ rijaꞌ xyoꞌon qetal chi roj richin. Ruyoꞌon ri Espíritu Santo pa qánima,1:22 Ef. 1:13, 14; 1Jn. 2:20 retal chi qetzij chi kꞌo más nduyaꞌ chaqe.
23Pero ma yin bꞌaneq ta chiꞌitzꞌetik pa tinamit Corinto achel nunojin roma nipoqonaj iwech, y kin ja ta ri Dios xtok testigo chuwij y xtirelesaj ri nukꞌaslen, si ma qetzij ta ri nibꞌij. 24Ma tibꞌij rix chi roj kin kꞌo uchuqꞌaꞌ pa qaqꞌaꞌ chin ndiqabꞌij chiwa achike ri utz chi nditaqij, ma ke ta riꞌ, porque rix kin kuqul chik ikꞌuꞌx utz-utz rikꞌin ri Cristo. Ri ndiqajoꞌ roj, ja ri ngixqatoꞌ chin ndikikot más iwánima.
21Romariꞌ, xinyaꞌ pa wánima chi ma ngixbꞌentzꞌetaꞌ yan ta, chin ma neyaꞌ chik bꞌis pa iwánima. 2Porque si riyin xtenyaꞌ bꞌis2:2 2Co. 7:8 pa iwánima, ¿achike chik jun xtibꞌanun chuwa chi ngikikot, xu ja yin ri xibꞌanun chiwa chi ngixbꞌison? Porque ja rix ngixbꞌanun chi ngikikot. 3Re ngitajin chubꞌixik, reꞌ xintzꞌibꞌaj yan e chiwa, chin keriꞌ atoq ngixbꞌentzꞌetaꞌ, rix ri rukꞌulun ndibꞌen chuwa chi ngikikot, man ta ndiyaꞌ pe bꞌis chuwa. Y kin kuqul nukꞌuꞌx iwikꞌin rix iwonojel chi ri achike ndibꞌanun chuwa chi ngikikot, ndubꞌen chuqaꞌ chiwa rix chi ngixkikot. 4Santienta bꞌis xinnaꞌ y tzꞌan xqꞌaxa wánima atoq xintzꞌibꞌaj e ri jun wuj chiwa, hasta santienta xinoqꞌ. Pero ma chin ta xinbꞌen chiwa chi xixbꞌison xintzꞌibꞌaj e, xa chin tiwetamaj jarupeꞌ ngixinwojoꞌ.
Ri Pablo ndukuy ri jun ri xyoꞌon bꞌis chare
5Y ri jun xyoꞌon bꞌis chuwa, ma xe ta chuwa yin keriꞌ xubꞌen, xa jubꞌaꞌ ma chiwa rix iwonojel xuyaꞌ bꞌis. Keriꞌ nibꞌij, chin ma teqꞌax ruwiꞌ ri nibꞌij. 6Ekꞌiy chiꞌikajal rix xibꞌij yan chupalej ri jun ri xyoꞌon bꞌis pa wánima chi ma utz ta ri xubꞌen. Keriꞌ xibꞌen chin xikꞌajisaj ruwech, pero wokami ma tibꞌen chik keriꞌ. 7Xa kin tikuyuꞌ rumak y tibꞌochiꞌij ránima,2:7 Gá. 6:1 ma kꞌateꞌ tikꞌis ruqꞌij chupan santienta bꞌis. 8Romariꞌ, nikꞌutuj kamelal chiwa, chi tikꞌutuꞌ chik jumbꞌey chuwech chi qetzij ndiwojoꞌ. 9Keriꞌ nibꞌij chiwa porque ri jun chik roma xintzꞌibꞌaj e ri jun wuj, chin ngixintojtobꞌej si ndinimaj2:9 2Co. 7:15; 10:6 nojel ri nutaqon e rubꞌixik chiwa. 10Y keriꞌ kꞌa, si rix ndikuy rumak jun, keriꞌ chuqaꞌ nibꞌen yin. Si kꞌo jun achike ndikꞌatzin chi ndikuyutej, xinkuy yan roma ngixinwojoꞌ rix, y riꞌ kin chuwech ri Cristo nukuyun chik, 11chin keriꞌ ma tiqayaꞌ qꞌij chare ri itzel2:11 1Cr. 21:1, 2; Job 1:9; 1P. 5:8 chi ndurujuꞌ rutzaꞌ chiqakajal, porque qetaman chi rijaꞌ kꞌo ta man kꞌo ngerubꞌanalaꞌ chin ta ngojtzaq pa ruqꞌaꞌ.
Ri Pablo ma kiꞌ ta xunaꞌ chare pa tinamit Tróade
12Atoq xibꞌeqaqa pa tinamit Tróade2:12 Hch. 16:8; 20:6 chutzijoxik ri utzulej teq tzij ri ndichꞌaꞌa pa ruwiꞌ ri kolotajik nduyaꞌ ri Cristo, xintzꞌet chi ri Ajaw xuyaꞌ qꞌij chuwa chi xinbꞌen ri rusamaj chiriꞌ. 13Pero ri wánima ma kiꞌ ta xunaꞌ chare,2:13 2Co. 7:5 porque ma xinwil ta ri nu-hermano Tito chiriꞌ, romariꞌ xinyaꞌ kan ruxunaqil kiwech ri hermanos aj Tróade y xibꞌa pa rochꞌulew Macedonia.
Ri Pablo ndimatioxin chare ri Dios
14Pero matiox chare ri Dios ri roj rukꞌuan chupan ri desfile apeꞌ ndukꞌut chi xchꞌakon ri Cristo ri achoq ikꞌin xe jun qabꞌanun. Matiox chuqaꞌ chare ri Dios chi ngojrukusaj chin keriꞌ ri wineq ndiketamaj achike ri Cristo. Ri etamabꞌel riꞌ kin achel jun jubꞌulej aqꞌon ri nojel apeꞌ ndukiraj riꞌ ri ruxlaꞌ. 15Porque roj, roj achel ruxlaꞌ jun jubꞌulej aqꞌon ri ndusuj ri Cristo chuwech ri Dios. Y re jubꞌulej uxlaꞌ reꞌ, kin bꞌaneq chikikajal ri ngekolotej y ri ma ngekolotej ta.2:15 1Co. 1:18; 2Ts. 2:1016Re jubꞌulej uxlaꞌ reꞌ kin ruxlaꞌ ri kamik pa kiwech ri ma ngekolotej ta, porque ndikinaꞌ chi kamik ndukꞌen pe chake. Jakꞌa pa kiwech ri ngekolotej,2:16 1P. 2:7, 8 re jubꞌulej uxlaꞌ reꞌ kin ruxlaꞌ ri kꞌaslen, porque ja yan ndikinaꞌ ri kꞌaslen ndukꞌen pe chake. Romariꞌ, xa ma achike ta chi wineq nduqꞌalajrisaj ri etamabꞌel riꞌ. 17Keriꞌ nibꞌij chiwa, porque roj ma roma ta chꞌakoj méra ndiqatzijoj ri rutzij ri Dios achel ndikibꞌen ekꞌiy. Roj ndiqatzijoj ri rutzij ri Dios chake ri wineq rikꞌin nojel qánima, roma xe jun qabꞌanun rikꞌin ri Cristo. Keriꞌ ndiqabꞌen chuwech ri Dios ri taqayon qichin chin ndiqabꞌen ri samaj riꞌ.
3Ri Pablo jun samajel chin ri kꞌakꞌakꞌ pacto
1Atoq ndiqabꞌij chi ja ri Dios taqayon qichin, ¿pa itzij rix chi jumbꞌey chik qayon chiqawech ndiqayaꞌ qaqꞌij? ¿Ndikꞌatzin kami jun wuj apeꞌ ndubꞌij chi roj rusamajelaꞌ ri Dios chin ta ndikꞌen apu qawech?3:1 Hch. 18:27; 2Co. 5:12 O, ¿ndikꞌatzin kami ndiqakꞌutuj jun wuj chiwa chin ndikꞌan qawech jukꞌan chik apeꞌ, achel ndikibꞌen jujun? ¡Ma ndikꞌatzin ta! 2Porque konojel wineq kiyoꞌon cuenta chare ri utzulej samaj rubꞌanun ri Cristo pa ikꞌaslen roma ri samaj qabꞌanun chiꞌikajal. Y romariꞌ rix, rix achel jun wuj tzꞌibꞌan pa qánima ri kin qꞌalej ri achike ndubꞌij. 3Kin ndiqꞌalajin chi rix, rix achel jun wuj taqon roma ri Cristo, y ja roj ri roj rukusan ri Dios chin keriꞌ ri wuj riꞌ nditzꞌetetej koma ri wineq. Y ma tzꞌibꞌan ta chuwech tzꞌalen teq abꞌej,3:3 Ex. 24:12 nixta rikꞌin tzꞌibꞌabꞌel, xa kin rikꞌin ri Espíritu chin ri Kꞌaslik Dios tzꞌibꞌan pa kánima3:3 Ez. 11:19 ri kitaqin rijaꞌ.
4Y chuwech ri Dios ndiqabꞌij chi kin kuqul qakꞌuꞌx chi keriꞌ wi, roma ri samaj xubꞌen ri Cristo chiqaqꞌaꞌ chiꞌikajal. 5Ma ndiqabꞌij ta chi qayon chiqawech ngojtiker ndiqabꞌen ri samaj, xa kin nojel ri ndiqabꞌen, ja ri Dios ndibꞌanun chaqe chi ngojtiker ndiqabꞌen.3:5 1Co. 15:106Ja rijaꞌ bꞌanayon chaqe chi ngojtiker ndiqabꞌen ri samaj chupan ri kꞌakꞌakꞌ pacto.3:6 Jer. 31:31 Y ri rukꞌuꞌx ri pacto riꞌ, kin ja ri Espíritu Santo, y ma ja ta ri ndubꞌij chupan ri ley xyoꞌox chare ri Moisés. Porque chupan ri ley riꞌ ndubꞌij chi ndiqaqa kamik pa kiwiꞌ ri ngebꞌanun mak, pero ri Espíritu Santo nduyaꞌ kꞌaslen.3:6 Jn. 6:63; Ro. 7:6; 8:2
7Y ri ley ri ndubꞌij chi ndiqaqa kamik pa kiwiꞌ ri ngebꞌanun mak, xtzꞌibꞌex chuwech tzꞌalen teq abꞌej,3:7 Ex. 31:18 y xqꞌalajin chi kin kꞌo nimalej ruqꞌij atoq xyoꞌox chare ri Moisés. Romariꞌ ri israelitas ma xetiker ta xkitzꞌet ruwech ri Moisés, porque kin ndiyikꞌilan3:7 Ex. 34:30-34 ri ruwech y ri yikꞌinik riꞌ xa eqal-eqal xkꞌis qa chiruwech ri Moisés. 8Si keriꞌ ruqꞌij ri ley xqꞌalajin atoq xyoꞌox chare ri Moisés, kin más wi nim ruqꞌij ri samaj ndubꞌen ri Espíritu Santo3:8 Gá. 3:5 chiqakajal. 9Porque si ri ojer pacto ri xa castigo ndukꞌen pe xqꞌalajin chi kin kꞌo nimalej ruqꞌij, más nimalej ruqꞌij ri kꞌakꞌakꞌ pacto ri ndubꞌen chi nixta jun qamak ndiqeqalej3:9 Ro. 1:17 chuwech ri Dios. 10Keriꞌ nibꞌij, porque ri ojer pacto kin xkꞌojeꞌ ruqꞌij, pero ri kꞌakꞌakꞌ pacto xqꞌax ri nimalej ruqꞌij chuwech ri ojer pacto, y romariꞌ ri ojer pacto achel xa maneq ta ruqꞌij keriꞌ. 11Porque si ri ojer pacto xkꞌojeꞌ ruqꞌij y xa ma chin ta jumul ndikꞌojeꞌ, kin más wi nim ruqꞌij ri kꞌakꞌakꞌ pacto ri kin chin jumul ndikꞌojeꞌ.
12Y roma kuqul qakꞌuꞌx chi ri kꞌakꞌakꞌ pacto riꞌ jumul kꞌo ruqꞌij, roj ma ndiqaxibꞌij ta qiꞌ ndiqayaꞌ rutzijol.3:12 Ef. 6:1913Y ma ndiqabꞌen ta achel xubꞌen ri Moisés, ri xkꞌatzin chi xutzꞌapij ruwech rikꞌin jun kꞌul, chin keriꞌ ri israelitas ma ndikitzꞌet ta atoq ndikꞌis qa ri ndiyikꞌan chupalej. 14Pero ri nuwinaqul israelitas xtzꞌapitej ruwech ri kinoꞌoj,3:14 Is. 6:10; Jn. 12:40 romariꞌ ma xkikꞌoxomaj ta rubꞌeyal reꞌ, y kꞌa keriꞌ kibꞌanun wokami. Atoq ndibꞌan leer ri ojer pacto chikiwech, ma ndikikꞌoxomaj ta, xa kin achel tzꞌapin kiwech rikꞌin ri kꞌul riꞌ, porque kꞌaja na atoq jun ndabꞌen rikꞌin ri Cristo, ndel e ri kꞌul riꞌ. 15Y kꞌa keriꞌ na wokami, atoq ndibꞌan leer chikiwech ri ley xyoꞌox chare ri Moisés, kꞌo jun achel kꞌul tzꞌapiyon ri kinojibꞌal, romariꞌ ma ndikikꞌoxomaj ta. 16Pero atoq jun wineq ndutaqij ri Ajaw, ri kꞌul tzꞌapiyon ruwech ndikꞌan e. 17Porque ri Ajaw riꞌ, ja ri Espíritu y ri wineq ri kꞌo ri Espíritu3:17 Jn. 4:24 chin ri Ajaw pa ránima, ma jun achike ndiqꞌato3:17 Gá. 5:1, 13 richin chin ndukꞌoxomaj ri ndirajoꞌ ri Dios. 18Y romariꞌ, roj ri qataqin ri Ajaw, maneq chik kꞌul tzꞌapiyon qawech,3:18 2Co. 4:4, 6 y ndiqatzꞌet rijaꞌ achel pa jun espejo apeꞌ ndiyikꞌan ruqꞌij, y qꞌij-qꞌij ndijalatej ri qakꞌaslen chin nderubꞌanaꞌ achel rukꞌaslen rijaꞌ, y riꞌ roma ri samaj ndubꞌen ri Ajaw pa qakꞌaslen, y ri Ajaw riꞌ, ja ri Espíritu.
4Ri ru-luz ri Dios ndiyikꞌan pa qánima
1Romariꞌ, roj roma rujoyowan qawech ri Dios, ma ndiqamalij ta qa qakꞌuꞌx chupan ri samaj ruyoꞌon rijaꞌ chiqaqꞌaꞌ. 2Pa rukꞌexel chi ndiqamalij qa qakꞌuꞌx, kin qayoꞌon pa qánima chi ma jumbꞌey ndiqabꞌen jun achike chilaqꞌel ri ndukꞌen pe kꞌix chaqe, ma ngojchꞌakatin ta y ma ndiqajel ta4:2 1Ts. 2:3 rubꞌeyal ri rutzij ri Dios ri ndiqatzijoj. Ri Dios retaman chi ri ndiqabꞌen, ja ri ndiqaqꞌalajrisaj ri qetzij chake konojel kiwech wineq, achike na chi nojibꞌel kichajin. Keriꞌ ndiqabꞌen roma ndiqajoꞌ chi konojel ndikinaꞌ pa kánima chi ja ri qetzij ngojtajin chubꞌixik. 3Pero si ri utzulej teq tzij chin kolotajik ri ndiqatzijoj ma ndikꞌoxomex ta,4:3 Is. 6:9 ri ma ngekꞌoxoman ta richin, ja ri ebꞌaneq chupan ri bꞌey chin ma ngekolotej ta. 4Porque ja ri itzel ri rajawal4:4 Jn. 12:31 ri rochꞌulew, tzꞌapiyon kinoꞌoj, chin ma tikitzꞌet4:4 Is. 6:10 ri luz nduyaꞌ ri utzulej teq tzij chin kolotajik, utzulej teq tzij ri ngekꞌutu ri nimalej ruqꞌij ri Cristo, ri achoq ikꞌin nditzꞌetetej achike qitz runoꞌoj ri Dios. 5Porque atoq ngeqatijoj ri wineq, ma ja ta ri qakꞌaslen roj ndiqatzijoj. Ri ndiqatzijoj, ja ri Jesucristo ri Ajaw pa ruwiꞌ nojel. Roj xa roj ok samajelaꞌ iwichin rix,4:5 1Co. 9:19 roma ndiqabꞌen rusamaj ri Jesús chiꞌikajal. 6Porque ri Dios ri kereꞌ xubꞌij: Tiyikꞌiyoꞌ pe luz4:6 Gn. 1:14-18 pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima,4:6 Jn. 1:9; 8:12 chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.
Rikꞌin ri Cristo tiqakuqubꞌaꞌ qakꞌuꞌx chupan ri kꞌayew ngeqaqꞌasaj
7Y re samaj yoꞌon pa qaqꞌaꞌ chin ndiqabꞌen, kin achel jun bꞌeyomal, jakꞌa ri qa-cuerpo achoq ikꞌin ndiqabꞌen re samaj reꞌ, xa achel ok jun bꞌambꞌel bꞌanun rikꞌin chꞌabꞌeq,4:7 Job 33:6 chin keriꞌ nditzꞌetetej chi ri nimalej uchuqꞌaꞌ ndiqasamajij, ja ri Dios yoyon pe4:7 Ef. 1:19 y ma qichin ta roj. 8Romariꞌ, maske ndumal pe riꞌ kꞌayew chiqij,4:8 2Co. 7:5 pero xa ngojel chuwech. Janteq ma ndiqil ta achike ndiqabꞌen roma ri kꞌayew ndiqaqꞌasaj, pero ma ndiqamalij ta qa qakꞌuꞌx. 9Roj tzeqlebꞌen chin ndibꞌan itzel chaqe,4:9 1Co. 4:12 pero ri Dios ma roj ruyoꞌon ta kan qayon, y maske ndiqanaꞌ achel roj torin pa ulew, pero ri Dios ma ruyoꞌon ta qꞌij chi kꞌisneq jumul qaqꞌij. 10Xa apejeꞌ na ngojbꞌa wi, roj royobꞌen ri kamik achel xukꞌulwachij ri Jesús, chin keriꞌ ri rukꞌaslen ri Jesús ndiqꞌalajin chuqaꞌ pa qa-cuerpo. 11Porque ri qakꞌaslen, qꞌij-qꞌij ndiyoꞌox pa ruqꞌaꞌ ri kamik4:11 Ro. 8:36 roma qataqin ri Jesús, chin keriꞌ rukꞌaslen ri Jesús ndiqꞌalajin chuqaꞌ pa qa-cuerpo ri xa ndiken wi e. 12Qꞌij-qꞌij pa qabꞌey kꞌo ri kamik, pero ri ndiqatzijoj chiwa ndukꞌen pe kꞌaslen ri ma ndikꞌis ta.
13Y roma kuqul qakꞌuꞌx rikꞌin ri Dios, ndiqatzijoj ri qataqin pa qánima. Kin achel ndubꞌij ri tzꞌibꞌan kan chupan ri rutzij ri Dios: Xinkuqubꞌaꞌ nukꞌuꞌx rikꞌin ri Ajaw y romariꞌ xichꞌaꞌa.4:13 Sal. 116:10 Keriꞌ tzꞌibꞌan kan. 14Y qetaman chuqaꞌ chi ri xkꞌastajbꞌan e ri Ajaw Jesús chikikajal ri animaꞌiꞌ, más apu chiqawech ngojrukꞌastajbꞌaꞌ chuqaꞌ roj, achel xubꞌen chare ri Jesús, y junan iwikꞌin ngojrukꞌuaj apeꞌ kꞌo rijaꞌ. 15Y nojel ri ndiqaqꞌasaj pa qakꞌaslen, ndiqaqꞌasaj chin kꞌo utz ndukꞌen pe chiwa,4:15 2Co. 1:6 chin keriꞌ qꞌij-qꞌij más santienta wineq ndikil ri ru-favor ri Dios y más kꞌiy matioxinik ndukꞌen pe pa kánima y keriꞌ ndikiyaꞌ ruqꞌij ri Dios.
16Romariꞌ, roj ma ndiqamalij ta qa qakꞌuꞌx. Pa rukꞌexel riꞌ, maske ri qa-cuerpo qꞌij-qꞌij ndijar qa, ri qánima qꞌij-qꞌij más utz rubꞌanun pe. 17Porque ri jubꞌaꞌ kꞌayew ndiqaqꞌasaj wokami, ndubꞌen chaqe chi nim qaqꞌij ndeqilaꞌ rikꞌin ri Dios, nim qaqꞌij ri ma jumbꞌey xtikꞌis. Y atoq ndiqakꞌoxomaj reꞌ, ndiqanaꞌ chi xa jubꞌaꞌ ok4:17 Ro. 8:18 ri kꞌayew ngeqaqꞌasaj y xa chaꞌanin ngeꞌeqꞌax. 18Porque roj ma chirij ta ri ngetzꞌetetej bꞌaneq qánima, xa kin chirij ri ma ngetzꞌetetej ta,4:18 He. 11:1 porque ri ngetzꞌetetej wokami, kꞌo jun qꞌij ngebꞌekꞌis, pero ri ma ngetzꞌetetej ta, riꞌ jumul ngekꞌojeꞌ.
51Porque si ri aj rochꞌulew qa-cuerpo ndikꞌis ruqꞌij, qetaman chi ri Dios runabꞌan chi apu jun aj chikaj qa-cuerpo, jun achoch ri ma ndikꞌis ta ruqꞌij y ma wineq ta ebꞌanayon richin.5:1 He. 9:112Romariꞌ, ri qánima ndijila,5:2 Ro. 8:23 ndurayij chi ja yan ta paqiꞌ ndiweqeꞌ rikꞌin ri aj chikaj cuerpo riꞌ. 3Chin keriꞌ maske xtelesex e re jun aj rochꞌulew achoch reꞌ chirij ri qánima, ma xtitzꞌetetej ta chi maneq rutziaq5:3 Ap. 3:18 roma weqel chik rikꞌin ri aj chikaj achoch riꞌ. 4Kin qetzij wi chi chupan ri aj rochꞌulew qa-cuerpo, ngojjila y tzꞌan ngojbꞌison, porque ma ndiqajoꞌ ta chi ndiken e ri qa-cuerpo y maneq rachoch xtikꞌojeꞌ ri qánima. Ri ndiqajoꞌ, ja ta ri ndiweqeꞌ ri qánima rikꞌin ri aj chikaj qachoch, chin keriꞌ ri aj rochꞌulew cuerpo ri xa ndiken wi e, ndimuqeꞌ chupan ri kꞌaslen ma ndikꞌis ta.5:4 1Co. 15:42, 445Y ja ri Dios bꞌanayon chi ndiqil ri kꞌakꞌakꞌ rachoch ri qánima riꞌ, y ja rijaꞌ yoyon pa qánima ri Espíritu Santo,5:5 Ef. 1:13, 14 retal chi qetzij kꞌo más nduyaꞌ chaqe.
6Y roma ri Espíritu Santo kꞌo chik pa qánima, jumul kuqul qakꞌuꞌx rikꞌin ri Ajaw chi kin nduyaꞌ wi ri kꞌakꞌakꞌ rachoch ri qánima. Y qetaman chi kꞌajani rojkꞌo rikꞌin ri Ajaw, porque kꞌa rojkꞌo chupan re aj rochꞌulew qa-cuerpo. 7Wokami, ma ndiqatzꞌet ta ri Ajaw, pero ri qakꞌaslen ukꞌuan roma rijaꞌ, roma kuqul qakꞌuꞌx rikꞌin.5:7 Ro. 8:24, 258Roj kin jumul kuqul qakꞌuꞌx rikꞌin ri Ajaw, y más ndiqarayij5:8 Fil. 1:23 chi man ta chik rojkꞌo chupan re aj rochꞌulew qa-cuerpo, chin ngojbꞌekꞌojeꞌ apeꞌ kꞌo rijaꞌ. 9Romariꞌ, ndiqatij qaqꞌij ndiqabꞌen ri ndurayij ri Ajaw chin ngojqaꞌ chuwech. Ndiqajoꞌ chi ngojqaꞌ chuwech atoq kꞌa kꞌo na ri qánima chupan re aj rochꞌulew qa-cuerpo, y atoq ma kꞌo ta chik chupan chuqaꞌ. 10Porque roj qonojel, kꞌo jun qꞌij ngojbꞌeqaqa chuwech ri Cristo apeꞌ nduqꞌet tzij, chin ndiyoꞌox rukꞌexel chaqe chiqajununal ri xqabꞌen5:10 1R. 8:32; Job 34:11; Ap. 22:12 pa qakꞌaslen chupan ri aj rochꞌulew qa-cuerpo. Y kin achel ri utz o ma utz ta xqabꞌen, keriꞌ rukꞌexel ndiyoꞌox chaqe.
Ri achike modo ri wineq ndikil uxlanen rikꞌin ri Dios
11Y roma qetaman chi ri Ajaw jun qꞌij más chiqawech apu nduqꞌet tzij pa qawiꞌ, roj qaxibꞌin qiꞌ chuwech, ndiqatij qaqꞌij ndiqabꞌij chake konojel wineq chi tikitaqij rijaꞌ. Ri Dios kin retaman wi qanoꞌoj, y ndiqarayij chi rix chuqaꞌ pa ruchojmil ta kꞌa ngixnojin chiqij. 12Atoq ndiqabꞌij reꞌ, ma tinojij chi jumbꞌey chik qatzꞌamon rubꞌixik chi kin roj utz chin ndikꞌen apu qawech.5:12 2Co. 3:1 Ndiqabꞌij kereꞌ roma ndiqajoꞌ ndiqayaꞌ chiwa jun roma chin ndikikot iwánima qoma, chin keriꞌ ngixtiker nditzolij ruwech kitzij ri tijonelaꞌ ri ndikajoꞌ ngeqꞌalajin chi kin achel ta kikꞌuan jun utz kꞌaslen, pero ri kánima ma chꞌajchꞌaj ta. 13Porque si kꞌo ngojkitzꞌet achel ta ngojchꞌujuyaj,5:13 2Co. 11:1 riꞌ kin chin ndiqayaꞌ ruqꞌij ri Dios, pero si ngojtzꞌetetej chi pa ruchojmil ndiqabꞌen rusamaj ri Dios, riꞌ kin chin ndukꞌen pe utz chiwa rix. 14Y keriꞌ ndiqabꞌen roma ja ri ajowabꞌel chin ri Cristo ukꞌuayon qichin, porque kin qetaman chi ri rukamik ri Cristo xutaj qamak roj qonojel, y keriꞌ roj qonojel xojken yan chuwech ri castigo ndukꞌen pe ri mak. 15Ri Cristo xken qoma roj qonojel,5:15 Mt. 20:28 chin keriꞌ roj ri kꞌo qakꞌaslen rikꞌin rijaꞌ, ma ndiqabꞌen ta chik ri xe ndiqaꞌ chiqawech, xa kin ndiqakꞌuaj ri kꞌaslen ri ndiqaꞌ chuwech rijaꞌ ri xken y xkꞌastajbꞌex pe chikikajal ri animaꞌiꞌ chin ndukꞌen pe utz chaqe.
16Romariꞌ, ri achike ndiqanojij pa ruwiꞌ jun wineq, ma junan chi ta rikꞌin ri ndikinojij ri wineq ma kitaqin ta ri Dios, porque qetaman chi ri Cristo kin ngerajoꞌ wi konojel wineq. Y si roj atoq kꞌajani tiqataqij ri Cristo, kin xojnojin pa ruwiꞌ ri Cristo achel ndikinojij ri wineq ma kitaqin ta rijaꞌ, wokami ma keriꞌ chi ta ri ndiqanojij. 17Romariꞌ, ri xe jun rubꞌanun rikꞌin ri Ajaw Jesucristo, jun kꞌakꞌakꞌ wineq bꞌanun chare roma ri Dios. Ri ojer rukꞌaslen xkanej kan, y wokami kin kꞌakꞌakꞌ yan chik ri rukꞌaslen.5:17 Gá. 6:15
18Y nojel ri jalatajneq pa qakꞌaslen, pataneq rikꞌin ri Dios roma rukamik ri Cristo cho cruz. Ri Dios xrelesaj ri mak jachayon qawech rikꞌin rijaꞌ,5:18 Ro. 5:10, 11 y xukꞌen apu qawech, y ja rijaꞌ ri xyoꞌon pa qaqꞌaꞌ chi ndiqayaꞌ rutzijol ri achike modo ri wineq ndelesex chuqaꞌ ri mak jachayon kiwech rikꞌin rijaꞌ. 19Reꞌ ndubꞌij tzij, chi atoq xken ri Cristo, ja kamik riꞌ xukusaj ri Dios chin xrelesaj ri mak jachayon qawech roj wineq rikꞌin rijaꞌ, y ma xuyaꞌ chi ta pa cuenta5:19 Is. 43:25 ri mak qabꞌanun chin xukꞌen apu qawech. Y pa qaqꞌaꞌ roj xuyaꞌ chi ndiqayaꞌ rutzijol ri achike xubꞌen ri Dios chin keriꞌ ndelesex chuqaꞌ ri mak jachayon kiwech ri wineq rikꞌin rijaꞌ. 20Romariꞌ, roj taqon pa rubꞌiꞌ ri Cristo chin ngojchꞌaꞌa chake konojel wineq, y atoq ngojchꞌaꞌa chake, kin achel ja ta ri Dios ri ndibꞌochiꞌin ri kánima5:20 Ef. 6:20 chin kejel apu rikꞌin rijaꞌ, chin keriꞌ pa rubꞌiꞌ ri Cristo ndelesex e ri kimak jachayon kiwech rikꞌin ri Dios y ndikꞌan apu kiwech roma rijaꞌ. 21Nixta jun rumak xubꞌen ri Cristo, pero qoma roj ri Dios xubꞌen chare chi ja rijaꞌ xeqalen ri qamak,5:21 Is. 53:6, 9 chin keriꞌ roj ri xe jun qabꞌanun rikꞌin ri Cristo, nojel ri qamak eqabꞌanaloꞌon ma ndiqeqalej chi ta chuwech.5:21 Ro. 3:24
61Romariꞌ, roj ri junan ngojsamej6:1 1Co. 3:9 pa rusamaj ri Dios, ngixqapixabꞌaj: Ma tibꞌen chare ri ru-favor ri Dios ri rusipan chiwa achel maneq ta reqalen keriꞌ. 2Porque ri Dios chupan ri rutzij tzꞌibꞌan kan kereꞌ ndubꞌij:
Atoq xuqaqa ruqꞌijul chin nijoyowaj kiwech ri wineq, xatinwakꞌaxaj,
Y atoq xuqaqa ruqꞌijul chin ri kolotajik, xatinkal.6:2 Is. 49:8
Keriꞌ ndubꞌij.
Y wokami xuqaqa ruqꞌijul chin ndijoyowex kiwech ri wineq roma ri Dios. ¡Ja qꞌij reꞌ chin ri kolotajik nduyaꞌ rijaꞌ!
Ri kꞌayew ngeruqꞌasaj ri Pablo roma rusamaj ri Dios
3Roj ndiqatij qaqꞌij chi ndiqabꞌen nojel pa ruchojmil, chin keriꞌ ma romak ta jun ma utz ta xtiqabꞌen, ekꞌo wineq xtikiyaꞌ kan ri Ajaw, y romariꞌ xtiyoqꞌotej ri samaj ndiqabꞌen pa rubꞌiꞌ. 4Pa rukꞌexel riꞌ, ndiqatij qaqꞌij chi nditzꞌetetej pa qakꞌaslen chi qetzij roj rusamajelaꞌ6:4 1Co. 4:1 ri Dios rikꞌin nojel ri ndiqabꞌen. Qakochꞌon ri qꞌaxomal ndiqaqꞌasaj pa kiqꞌaꞌ ri wineq, qakochꞌon atoq maneq ndutzꞌen qaqꞌaꞌ, qakochꞌon ri kꞌayew qaqꞌasan pe, 5qakochꞌon qaroqik,6:5 2Co. 11:23, 24 qakochꞌon atoq xojyoꞌox pa cheꞌ, qakochꞌon atoq santienta wineq xeyakatej chiqij, qakosisan qiꞌ pa samaj y qakochꞌon, qakochꞌon chi ma roj warneq ta, y qakochꞌon wayijal. 6Qatijon chuqaꞌ qaqꞌij chi titzꞌetetej chi roj rusamajelaꞌ ri Dios rikꞌin chꞌajchꞌaj chi kꞌaslen qakꞌuan, rikꞌin qetaman rubꞌeyal ri qetzij, rikꞌin qakochꞌon ri kibꞌanun ri wineq chaqe, rikꞌin rupoqonaxik kiwech ri wineq ngeqabꞌen, rikꞌin chuqaꞌ chi ukꞌuan qakꞌaslen roma ri Espíritu Santo, rikꞌin ri ngojojowan, 7rikꞌin ndiqatzijoj ri qetzij y rikꞌin ndiqꞌalajin ruchuqꞌaꞌ ri Dios qikꞌin.6:7 Ef. 1:19; He. 2:4 Ndiqakusaj ri chojmilej qakꞌaslen ruyoꞌon ri Dios chin ndiqakowij qiꞌ chubꞌanik ri rusamaj, y chin chuqaꞌ ndiqatoꞌ qiꞌ chikiwech ri ngeyakatej chiqij. 8Janteq ndibꞌiloꞌox tzij chiqapalej y janteq ndinimrisex qabꞌiꞌ, y kꞌo chuqaꞌ utz y ma utz ta qatzijol ndibꞌan, y maske jumul ndiqabꞌij ri qetzij, ndibꞌix chiqij chi roj chꞌakatinelaꞌ. 9Ndibꞌan chaqe chi ma etaman ta qawech, xu xa etaman wi. Achel ja ta ngojken keriꞌ, pero kꞌa roj kꞌes. Roj bꞌanun castigar, pero ma roj kamineq ta pa ruqꞌaꞌ ri castigo.6:9 Sal. 118:1810Roj yoꞌon chi bꞌis, pero jumul ngojkikot,6:10 2Co. 7:4 maneq ok qachajin, pero qabꞌanun chake ekꞌiy chi xbꞌeyomer kikꞌaslen rikꞌin ri rutzij ri Dios,6:10 Hch. 3:6 y achel maneq ndutzꞌen qaqꞌaꞌ, pero nojel qichin roj.
11Hermanos aj Corinto, roj nixta jun achike qewan ta chiwech, ri man ta qabꞌiꞌin chiwa, xa kin qajaqon ri qánima chiwech. 12¡Rix aj Corinto! Kin rix tikil pa qánima,6:12 2Co. 12:15 pero roj ma rojkꞌo ta pa iwánima rix. 13Romariꞌ, riyin ri yin achel tataꞌatz pa iwiꞌ,6:13 1Co. 4:14 nikꞌutuj chiwa chi tijaqaꞌ ri iwánima chuwa, achel nubꞌanun riyin chiwa rix.
Ma tixim iwiꞌ kikꞌin ri ma kitaqin ta ri Dios
14Rix ri itaqin chik ri Ajaw, ma tixim iwiꞌ6:14 Dt. 7:2, 3; Ef. 5:7 kikꞌin ri ma kitaqin ta. Porque ri chojmilej kꞌaslen, ma chaj ta ndukꞌuaj riꞌ rikꞌin ri ma chojmilej ta kꞌaslen. Keriꞌ chuqaꞌ ri yikꞌan kikꞌaslen roma ri Dios, ma chaj ta ndikikꞌuaj kiꞌ kikꞌin ri kꞌa ekꞌo pa qꞌequꞌ. 15Keriꞌ chuqaꞌ ma ndikikꞌuaj ta kiꞌ ri Cristo rikꞌin ri itzel ri rubꞌiniꞌan chuqaꞌ Belial,6:15 Belial: Jariꞌ jun chik rubꞌiꞌ ri itzel, y ndubꞌij tzij: Rajawal ri itzel teq achike. y ma junan ta ránima jun ri rutaqin ri Ajaw rikꞌin jun ri ma rutaqin ta. 16Keriꞌ chuqaꞌ roj ri ndiqayaꞌ ruqꞌij ri Dios, roj rachoch ri Kꞌaslik Dios, y romariꞌ ma utz ta chi ndiqakꞌuaj qiꞌ kikꞌin ri ndikiyaꞌ kiqꞌij tiox, achel xubꞌij ri Dios chupan ri rutzij tzꞌibꞌan kan:
Ri yin kitaqin, nibꞌen wachoch chare ri kánima y ngikꞌojeꞌ chikikajal,
Riyin nginok ki-Dios,6:16 Lv. 26:12; Jer. 32:38; Ez. 11:20; Zac. 8:8
Y rejeꞌ ngeꞌok nutinamit.
17Romariꞌ, ri Ajaw ndubꞌij chuqaꞌ:
Kixel pe chikikajal ri ma enutinamit ta y tijachaꞌ e iwiꞌ kikꞌin,6:17 Is. 52:11; Ap. 18:4
Ma titzꞌen jun achike ri ndichꞌabꞌaqrisan ri ikꞌaslen,
Y riyin nikꞌen apu iwech,
18Y kin xkinok Tataꞌaj pa iwiꞌ,
Y rix ngixok nukꞌajol y numiꞌal.6:18 Jer. 31:1, 9; Ap. 21:7
Keriꞌ ndubꞌij ri Ajaw ri kꞌo nojel uchuqꞌaꞌ pa ruqꞌaꞌ.
71Y roma keriꞌ rusujun ri Dios chi nduyaꞌ, rix hermanos aj Corinto ri tzꞌan ngixqajoꞌ, ndiqabꞌij chiwa chi tiqachꞌajchꞌojrisaj qiꞌ,7:1 1Jn. 3:3 tiqabꞌanaꞌ cuenta ri qa-cuerpo y ri qa-espíritu chuwech ri ndichꞌabꞌaqrisan kichin. Qꞌij-qꞌij más loqꞌolej tiqabꞌanaꞌ chare ri qakꞌaslen chuwech ri Dios rikꞌin ri ndiqanimaj rutzij.
Ri apóstol Pablo ndikikot koma ri aj Corinto
2¡Tijaqaꞌ ri iwánima chaqe! Ma jun chiꞌikajal rix ri achoq chare qabꞌanun ri ma pa rubꞌeyal ta, ma jun ri qataqchiꞌin chin ndubꞌen ri ma pa rubꞌeyal ta, y ma jun chuqaꞌ qachꞌakatin.7:2 2Co. 12:173Atoq keriꞌ nibꞌij chiwa, ma chin ta niwelesaj chiꞌipalej ri ibꞌanun, porque nubꞌiꞌin chik chiwa chi jumul rixkꞌo pa wánima, y nixta ri kꞌaslen nixta ri kamik xtibꞌanun chi man ta xkixkꞌojeꞌ pa wánima.7:3 Fil. 1:74Nojel ri ndunaꞌ ri wánima chiwij, ma niwewaj ta chiwech, nojel nibꞌij chiwa, y nim ninaꞌ chare iwoma rix. Chupan nojel ri kꞌayew niqꞌasaj, ri Dios nduyaꞌ ruchuqꞌaꞌ wánima7:4 2Co. 1:4 y santienta ngikikot.
5Keriꞌ nibꞌij chiwa, porque atoq xojbꞌeqaqa pa rochꞌulew Macedonia, ma jun uxlanen xqil.7:5 2Co. 2:13 Pa rukꞌexel riꞌ, xa xqil nojel ruwech kꞌayew roma xeyakatej oyowal chiqij y pa qánima tzꞌan xibꞌriꞌil xqanaꞌ. 6Pero ri Dios ri ndiyoꞌon kuchuqꞌaꞌ ri poyineq kánima, xuyaꞌ ruchuqꞌaꞌ qánima roj,7:6 2Ts. 2:16, 17 roma xuqaqa ri Tito chireꞌ qikꞌin. 7Y ma xe ta roma xuqaqa ri Tito xikikot, xa kin roma chuqaꞌ kꞌo ruchuqꞌaꞌ ránima xuqaqa y reꞌ roma ri ngixtajin rikꞌin rix, y xubꞌij chuqaꞌ chaqe chi rix santienta ndiwojoꞌ nditzꞌet qawech, chi xinaꞌ bꞌis roma ri xbꞌanatej chiꞌikajal, y chi nditij iqꞌij ndibꞌen ri nubꞌiꞌin e chiwa, y roma nojel reꞌ más xikikot.
8Porque maske ri wuj ri xintzꞌibꞌaj e xukꞌen pe bꞌis7:8 2Co. 2:2 chiwa, ma ndiqꞌaxa ta chuwa chi xintzꞌibꞌaj e. Nabꞌey xqꞌaxa wi jubꞌaꞌ chuwa porque xinwetamaj chi ri wuj riꞌ xukꞌen pe bꞌis chiwa, pero ri bꞌis riꞌ ma xlayaj ta pa iwánima. 9Wokami ngikikot, pero ma roma ta chi xixbꞌison, xa kin roma chi ri bꞌis riꞌ xubꞌen chiwa chi xijel inoꞌoj y xtzolij pe iwánima rikꞌin ri Dios. Ri bꞌis ri xinaꞌ rix, ja ri Dios xyoꞌon qꞌij chi xiqꞌasaj, y rikꞌin ri keriꞌ xbꞌanatej, kꞌo cheꞌel ndiqabꞌij chi roj ma jun itzel xqabꞌen chiwa. 10Ri bꞌis riꞌ, ndubꞌen chare jun wineq chi nduyaꞌ kan ri mak y nduyaꞌ ránima rikꞌin ri Dios7:10 Jer. 31:18-20; Ez. 18:27-32 chin ndikolotej. Y ri ndiqꞌasan ri bꞌis riꞌ, ma nditunan ta. Pero ri bꞌis ndikil ri wineq roma bꞌaneq kánima chirij ri rayinik ekꞌo chochꞌulew, xa pa kamik ngerukꞌuaj. 11¡Tiyaꞌ cuenta chare ri jarupeꞌ utz xukꞌen pe chiwa ri bꞌis ri xuyaꞌ qꞌij ri Dios chi xiqꞌasaj! Xubꞌen chi xichojmirisaj ri ma utz ta xbꞌanatej chiꞌikajal, chi xikꞌut chi ma ja ta rix ri kꞌo imak rikꞌin ri xbꞌanatej, chi ma xqaꞌ ta chiwech ri xbꞌanatej, chi xixibꞌij qa iwiꞌ. Xubꞌen chuqaꞌ chi xiwojoꞌ xinitzꞌet, chi ma xixkꞌojeꞌ ta chupan ri xbꞌanatej, y chi xiyaꞌ castigo chare ri xbꞌanun mak chin xkꞌaj ruwech. Y rikꞌin ri keriꞌ xibꞌen, xixqꞌalajin chi rix maneq imak rikꞌin ri xbꞌanatej chiꞌikajal. 12Atoq xintzꞌibꞌaj e ri wuj riꞌ, ma xe ta roma ri xbꞌanun ri mak, nixta xe roma ri xbꞌan itzel chare xintzꞌibꞌaj e. Xintzꞌibꞌaj e, chin ndiyaꞌ cuenta7:12 2Co. 2:4 chare ri janipeꞌ ndinimaj ri uchuqꞌaꞌ ruyoꞌon ri Dios pa qaqꞌaꞌ roj.
13Y roma nditij iqꞌij chin ndichojmirisaj ri xbꞌanatej chiꞌikajal, xubꞌen chaqe chi xkꞌojeꞌ más ruchuqꞌaꞌ qánima.
Pero pa ruwiꞌ riꞌ, más xojkikot roma xqatzꞌet chi ri hermano Tito ndikikot ránima roma ri rubꞌanun ri ikꞌaslen.7:13 2Ti. 1:1614Riyin nubꞌiꞌin e chare ri Tito chi utz inoꞌoj,7:14 2Co. 8:24 y rix ma xiniyaꞌ ta chi kꞌix. Pa rukꞌexel chi keriꞌ, xqꞌalajin chi qetzij nojel ri xinbꞌij e chiwij chare ri Tito, y qetzij chuqaꞌ nojel ri nubꞌiꞌin e chiwa. 15Y rijaꞌ más ngixrajoꞌ kami, atoq ndukꞌuxlaꞌaj chi xinimaj rutzij, y hasta ixibꞌin iwiꞌ y ngixbꞌarbꞌot chuwech ri Dios xikꞌen apu ruwech. 16¡Kin ngikikot, porque kuqul nukꞌuꞌx7:16 2Ts. 3:4 chi rix ndibꞌen nojel ri nibꞌij chiwa!
8Ri ofrenda chin kitoꞌik ri ndikiqꞌasaj kꞌayew
1Wokami hermanos, ndiqajoꞌ chi rix ndiyaꞌ cuenta chare ri samaj ndubꞌen ri ru-favor ri Dios pa kiwiꞌ ri ralkꞌuaꞌl ekꞌo pa rochꞌulew Macedonia,8:1 Hch. 16:12 ri ndikimal kiꞌ pa rubꞌiꞌ pa teq kitinamit. 2Rejeꞌ maske ngetojtobꞌex rikꞌin ri nimalej kꞌayew ndikiqꞌasaj, santienta ngekikot, y maske maneq ok kichajin,8:2 Lc. 21:1-4; Stg. 2:5 kꞌiy ki-ofrenda xkiyaꞌ, kin achel ta ebꞌeyomaꞌ keriꞌ. 3Riyin kin qetzij nibꞌij chikij chi rejeꞌ rikꞌin nojel kánima xkiyaꞌ ri janipeꞌ xetiker, y kin kꞌa xqꞌax más chuwech ri janipeꞌ xetiker xkiyaꞌ, roma keriꞌ xalex pa kánima. 4Tzꞌan chi kamelal xkikꞌutuj chaqe chin tiqayaꞌ qꞌij chake chi ngetoꞌon rikꞌin ri ofrenda8:4 Ro. 15:25, 26 ndiqamal chin ndeqayaꞌ chake ri loqꞌolej ralkꞌuaꞌl ri Dios ri ndikꞌatzin kitoꞌik pa tinamit Jerusalén. 5Y kin xkibꞌen más chuwech ri qoyobꞌen roj chi ndikibꞌen. Porque nabꞌey xkiyaꞌ kikꞌaslen pa ruqꞌaꞌ ri Ajaw, y kꞌateriꞌ xkiyaꞌ ri kikꞌaslen chubꞌanik ri ndiqabꞌij roj, roma xkinaꞌ chi jariꞌ rurayibꞌel8:5 He. 13:16 ri Ajaw. 6Y romariꞌ, xqakꞌutuj kamelal chare ri Tito8:6 2Co. 12:18 chi terukꞌisaꞌ rumolik ri ofrenda ri rutzꞌukun kan rumolik chiꞌikajal. Ri ofrenda riꞌ ndukꞌut chi rix ngixojowan rikꞌin nojel iwánima. 7Santienta kꞌiyineq pa ikꞌaslen ri ru-favor8:7 2Co. 9:8 ri Dios, keriꞌ chuqaꞌ jabꞌel kuqul ikꞌuꞌx rikꞌin rijaꞌ, jabꞌel etamabꞌel kꞌo iwikꞌin, y jabꞌel rubꞌixik ndibꞌen ri etamabꞌel8:7 1Co. 1:5 riꞌ, jabꞌel nditij iqꞌij ndibꞌen ri ndiqaꞌ chuwech ri Dios y jabꞌel ngixojowan achel xiwetamaj qikꞌin. Nibꞌij chiwa chi achel kꞌiyineq nojel reꞌ pa ikꞌaslen, keriꞌ chuqaꞌ jabꞌel kixtoꞌon rikꞌin re ofrenda reꞌ.
8Riyin ma nibꞌij ta chiwa chi por fuerza keriꞌ tibꞌanaꞌ,8:8 1Co. 7:6 xaxe niwojoꞌ niwetamaj ri janipeꞌ ngixojowan, y romariꞌ nikꞌuxlaꞌaj chiwa ri janipeꞌ kitijon kiqꞌij ri chꞌaqa chik ri xetoꞌon yan. 9Porque rix iwetaman ri favor ruyoꞌon ri Qajaw Jesucristo, chi roma rujoyowaxik iwech, rijaꞌ maske kin pa ruqꞌaꞌ kꞌo nojel, xuꞌok achel jun ri maneq ok ruchajin8:9 Fil. 2:6, 7 chochꞌulew, y roma ri keriꞌ xurubꞌanaꞌ, rix xiwil ri bꞌeyomal chin chikaj.
10Wokami nibꞌij chiwa ri ninojij riyin pa ruwiꞌ ri ofrenda ndimal, porque riꞌ kin kꞌo utz ndukꞌen pe chiwa.8:10 Pr. 19:17 Rix xe junabꞌir8:10 2Co. 9:2 ma xe ta xiwojoꞌ xiyaꞌ, xa kin rikꞌin nojel iwánima xitzꞌuk rumolik. 11Wokami rikꞌin nojel iwánima tikꞌisaꞌ rumolik ri ofrenda, chin keriꞌ achel xitzꞌuk pe rumolik, keriꞌ nditzꞌaqatisaj rumolik achel xiyaꞌ pa iwánima nabꞌey. 12Porque si jun rikꞌin nojel ránima nduyaꞌ jun ofrenda, ri Dios kin ndukꞌen apu ri janipeꞌ nditiker nduyaꞌ,8:12 Ex. 35:21; 1Cr. 29:5-9 porque ri Dios ma ndukꞌutuj ta chi tuyaꞌ ri xa ma nditiker ta nduyaꞌ.
13Porque ri ofrenda ndiyaꞌ, ma chin ta ngebꞌeyomer chꞌaqa chik y rix maneq ta xtikusaj chin ndiqꞌasaj ri ikꞌaslen, xa kin chin kꞌo qikꞌin ri ndikꞌatzin chaqe chiqajununal. 14Chupan teq re qꞌij reꞌ, rix kꞌiy achike ichajin chin ngixtiker ngeꞌitoꞌ ri ndikiqꞌasaj kꞌayew. Jun chik qꞌij atoq rix xtiqꞌasaj kꞌayew, ja yan chik rejeꞌ xkixkitoꞌ rikꞌin ri xtikꞌatzin chiwa, y keriꞌ qonojel ndiqatolaꞌ qiꞌ rikꞌin ri ndikꞌatzin chaqe chiqajununal. 15Achel ndubꞌij chupan ri rutzij ri Dios tzꞌibꞌan kan: Ri kꞌiy xkimal, maneq xkiyek kan, y ri jubꞌaꞌ ok xkimal, ma xchꞌumuyaj8:15 Ex. 16:18 ta kipan. Keriꞌ tzꞌibꞌan kan.
Ri Tito nditaq e junan kikꞌin chꞌaqa chik pa tinamit Corinto
16Pero matiox chare ri Dios chi xubꞌen chare ránima ri Tito chi tzꞌan ndirajoꞌ ngixrutoꞌ, achel ri wánima yin. 17Porque atoq xinkꞌutuj kamelal chare chin ngixbꞌerutzꞌetaꞌ, tzꞌan xqaꞌ chuwech chi ndibꞌa, y kin rikꞌin nojel ránima ngixbꞌerutzꞌetaꞌ.
18Y chirij ri Tito, ndiqateq e ri jun hermano8:18 2Co. 12:18 ri kin etaman ruwech koma ri ndikimal kiꞌ pa rubꞌiꞌ ri Ajaw pa teq kitinamit, roma jabꞌel samajneq chutzijoxik ri utzulej teq tzij chin kolotajik. 19Y ma xe ta etaman ruwech, xa kin xchaꞌox8:19 1Co. 16:3 chuqaꞌ koma ri ndikimal kiꞌ pa rubꞌiꞌ ri Ajaw chin ndibꞌa chiqij atoq ndiril qꞌij chin ndeqajachaꞌ ri méra molon chin ndiyoꞌox chake ri hermanos ri ndikiqꞌasaj kꞌayew. Y atoq ndeqajachaꞌ ri ofrenda riꞌ, kin chin nimalej ruqꞌij ri Ajaw, y keriꞌ chuqaꞌ nditzꞌetetej chi qetzij ndiqajoꞌ ngojtoꞌon. 20Ndibꞌa chiqij, chin nixta jun xtitzꞌuku tzij chiqij8:20 Ef. 5:15 roma rujachik ri ofrenda, porque ri ofrenda kin kꞌiy. 21Y rikꞌin ri keriꞌ ndiqabꞌen, kin ndiqatij qaqꞌij ndiqabꞌen nojel pa ruchojmil, ma xe ta chuwech ri Ajaw, xa kin chikiwech chuqaꞌ konojel8:21 Pr. 3:4; Mt. 5:16; 1P. 2:12 wineq.
22Chikij ri ekaꞌiꞌ hermanos riꞌ, ndiqateq e jun chik hermano. Ri hermano riꞌ kꞌiy mul qatzꞌeton chi rikꞌin nojel ránima ndubꞌen jalajaj rusamaj ri Ajaw. Y wokami más rikꞌin nojel ránima ndirajoꞌ ndibꞌa iwikꞌin, roma kuqul rukꞌuꞌx chi kin utz inoꞌoj ndikꞌen apu ruwech. 23Pa ruwiꞌ ri Tito nikꞌuxlaꞌaj chiwa chi rijaꞌ jun wachibꞌil8:23 Fil. 2:25 ri junan ndiqabꞌen rusamaj ri Ajaw chiꞌikajal. Pa kiwiꞌ ri ekaꞌiꞌ chik, nibꞌij chi rejeꞌ etaqon e koma ri hermanos ri ndikimal kiꞌ pa rubꞌiꞌ ri Ajaw, y kin ndiyoꞌox ruqꞌij ri Cristo roma ri utzulej kꞌaslen kikꞌuan. 24Roma kꞌa riꞌ, keꞌiwojoꞌ ri eꞌoxiꞌ hermanos riꞌ, chin keriꞌ ndiqꞌalajin chikiwech ri hermanos ri ndikimal kiꞌ pa rubꞌiꞌ ri Ajaw pa jalajaj teq kitinamit, chi ma xe ta ngixojowan, xa kin qetzij chuqaꞌ ri qabꞌiꞌin chiwij chi jabꞌel ikuqubꞌan ikꞌuꞌx rikꞌin ri Dios.
91Pa ruwiꞌ ri ofrenda chin kitoꞌik ri loqꞌolej teq ralkꞌuaꞌl ri Dios,9:1 Ro. 15:26; 1Co. 16:1 ma ndikꞌatzin ta nitzꞌibꞌaj e más chiwa. 2Keriꞌ nibꞌij roma wetaman ri utzulej iwánima chi ndiwojoꞌ ngixtoꞌon, y kin ngikikot nibꞌij chake ri hermanos aj rochꞌulew Macedonia chi rix ri aj rochꞌulew Acaya kin xe junabꞌir9:2 2Co. 8:10 xiwojoꞌ xixtoꞌon. Y roma ri keriꞌ xiwojoꞌ xibꞌen, santienta aj rochꞌulew Macedonia xkajoꞌ chuqaꞌ xetoꞌon. 3Pero maske wetaman chi kin utz iwánima, ngenteq e ri Tito y ri ekaꞌiꞌ chik hermanos chin ngixkitoꞌ chi ndibꞌen rukꞌojlen nojel chin ndiyaꞌ ri ofrenda riꞌ. Ma kꞌateꞌ xtibꞌanatej chi maneq xkꞌatzin wi chi xikikot iwoma9:3 2Co. 7:4 atoq xinbꞌij chake ri aj rochꞌulew Macedonia chi ndiwojoꞌ ngixtoꞌon. 4Ma kꞌateꞌ xkebꞌa jujun aj Macedonia chuwij, y xtekilaꞌ chi kꞌajani timal ri ofrenda, y si keriꞌ, xa kꞌix ndukꞌen pe chaqe, aunque ri kꞌix riꞌ más iwichin rix. 5Romariꞌ, xinnaꞌ chi xkꞌatzin xinkꞌutuj kamelal chake ri hermanos chi nabꞌey kebꞌa apeꞌ rixkꞌo rix chin ndekikꞌisaꞌ rumolik ri ofrenda ri xe junabꞌir ibꞌiꞌin chi ndiyaꞌ. Y keriꞌ ndiqꞌalajin chi ri ma jubꞌaꞌ ta ok ofrenda ri ndiyaꞌ, pa iwánima rix xalex pe, y ma roma ta ja roj ngojkꞌutun chiwa.
Ri Dios kin nduyaꞌ rajel-rukꞌexel ri ofrenda ndikiyaꞌ ri aj Corinto
6Tikꞌuxlaꞌaj re nibꞌij chiwa: Jun tikonel ri jubꞌaꞌ ok semilla ndutik, jubꞌaꞌ ok chuqaꞌ ruwech tikoꞌ ndumal. Ri santienta semilla ndutik, santienta9:6 Pr. 11:24; 19:17 chuqaꞌ ruwech tikoꞌ ndumal. 7Chiꞌijununal tiyaꞌ ri janipeꞌ ndalex pa iwánima9:7 Ex. 35:5; Dt. 15:7 chin ndiyaꞌ. Ma kaꞌiꞌ ikꞌuꞌx tiyaꞌ, nixta xe roma ndikꞌutux chiwa tiyaꞌ. Porque ri Dios ndiqaꞌ chuwech ri ndikikot ránima nduyaꞌ ri ru-ofrenda. 8Y ri Dios kin kꞌo ruchuqꞌaꞌ chin ndubꞌen chi ndikꞌiyer9:8 Ef. 3:20; Fil. 4:19 nojel ruwech favor pa iwiꞌ, chin keriꞌ jumul ndikꞌojeꞌ iwikꞌin nojel ri ndikꞌatzin chiwa y hasta más chuwech ri ndikꞌatzin chiwa, chin ngixtiker ngeꞌitoꞌ chꞌaqa chik rikꞌin nojel ruwech favor. 9Achel ndubꞌij ri tzꞌibꞌan kan pa ruchꞌabꞌel ri Dios, pa ruwiꞌ jun ri chojmilej rukꞌaslen:
Rijaꞌ kꞌo xuyaꞌ chake ri maneq ok kichajin,
Y ri favor ndubꞌen, kin chin jumul ndikꞌojeꞌ.9:9 Sal. 112:9
Keriꞌ tzꞌibꞌan kan.
10Ri Dios ri ndiyoꞌon ri semilla chare ri tikonel, y ri ruway chin ndiwaꞌ, kin xtubꞌen chi ndikꞌiyer ri janipeꞌ kꞌo iwikꞌin chin ngixtoꞌon y xtubꞌen chuqaꞌ chi ndikꞌiyer ri janipeꞌ utz ndukꞌen pe ri toꞌonik ndiyaꞌ.9:10 Os. 10:1211Y keriꞌ ndikꞌiyer ri kꞌo iwikꞌin, chin keriꞌ más ngixtoꞌon rikꞌin nojel iwánima. Y ri ofrenda nditeq rix ri ndiqakꞌuaj roj, ndukꞌen pe matioxinik9:11 2Co. 4:15 chare ri Dios. 12Porque atoq ndiqakꞌuaj ri toꞌonik riꞌ, ma xe ta ngeqatoꞌ ri loqꞌolej teq ralkꞌuaꞌl ri Dios rikꞌin ri ndikꞌatzin chake, xa kin ndubꞌen chuqaꞌ chi santienta ngematioxin chare ri Dios.9:12 2Co. 1:1113Y rejeꞌ kin xtikiyaꞌ ruqꞌij ri Dios,9:13 Mt. 5:16 porque re toꞌonik reꞌ nduqꞌalajrisaj chi rix kin ndibꞌen ri ndubꞌij ri utzulej rutzij ri Cristo ri ndiyoꞌon kolotajik ri kuqul ikꞌuꞌx rikꞌin. Rejeꞌ chuqaꞌ xtikiyaꞌ ruqꞌij ri Dios roma ndikitzꞌet chi rix santienta toꞌonik ndiyaꞌ chake rejeꞌ y chake konojel. 14Y roma tzꞌan xkixkajoꞌ, kin xtikibꞌen orar pa i-cuenta, porque ndikitzꞌet chi ri Dios santienta favor ruyoꞌon pa iwiꞌ. 15¡Matiox chare ri Dios roma ri nimalej sipanik ruyoꞌon chaqe, sipanik ri ma ndiqil ta rubꞌixik rikꞌin aj rochꞌulew tzij!
10Ri Pablo ndutoꞌ riꞌ chikiwech ri ngechꞌaꞌa chirij
1Riyin Pablo, rikꞌin ri loqꞌ ránima y jabꞌel runoꞌoj ri Cristo,10:1 Mt. 11:29 kꞌo nukamelal niwojoꞌ nikꞌutuj chiwa, porque ekꞌo jujun chiꞌikajal ri ndikibꞌilaꞌ chi atoq yinkꞌo apu chiꞌikajal, xa niqasaj wiꞌ, pero atoq ma yinkꞌo ta chiꞌikajal, nim ninaꞌ chare. 2Ri kamelal nikꞌutuj chiwa jareꞌ: Tibꞌanaꞌ apu ruchojmil nojel ri bꞌanatajneq chiꞌikajal, chin keriꞌ atoq ngixbꞌentzꞌetaꞌ, ma ndikꞌatzin ta chi ngenkusaj kaw teq tzij,10:2 1Co. 4:21 achel nuyoꞌon pa wánima chi nikusaj chikij jujun chiꞌikajal ri ngebꞌiꞌin chi ri ndiqabꞌen roj xa ja ri qarayibꞌel y ma ja ta ri rurayibꞌel ri Ajaw. 3Qetzij wi chi xa roj aj rochꞌulew, pero ma ja ta ri aj rochꞌulew nojibꞌel ri ndiqakusaj chin ndiqabꞌen ri rusamaj ri Ajaw. 4Porque ri nimalej uchuqꞌaꞌ yoꞌon chaqe, ma richin ta ri rochꞌulew, xa kin rikꞌin ri Dios pataneq,10:4 Ef. 6:13; 1Ts. 5:8 y ja uchuqꞌaꞌ riꞌ ndiqakusaj chin ngeqakꞌis kiqꞌij nojel ri ngenojiloꞌox y ngebꞌiloꞌox chiqij. 5Ndiqakꞌis ruqꞌij nojel aj rochꞌulew nojibꞌel ri yakatajneq ri ma nduyaꞌ ta qꞌij chi ndetamex runoꞌoj ri Dios, y nojel nojibꞌel ngeqayaꞌ chuxeꞌ rutzij ri Cristo, chin tinimex rutzij rijaꞌ. 6Pero qabꞌanun ruwech chi ma ngojbꞌa yan ta apu apeꞌ rixkꞌo, chin keriꞌ nabꞌey ndiqatzꞌet jarupeꞌ chiwech rix ri qetzij ndikinimaj ri qatzꞌibꞌan e chiwa, kꞌajariꞌ ngojbꞌeqaqa iwikꞌin chin ngeqabꞌen castigar10:6 2Co. 13:2 konojel ri ma ngeniman ta.
7Tiyaꞌ utz-utz cuenta chare ri nditzꞌet chiqij. Si kꞌo jun ndunaꞌ chi rijaꞌ chin ri Cristo, tunojij utz-utz chi roj10:7 1Jn. 4:6 chuqaꞌ roj richin ri Cristo, achel rijaꞌ. 8Porque maske ndeqꞌax jubꞌaꞌ ruwiꞌ ri nibꞌij pa ruwiꞌ ri uchuqꞌaꞌ yoꞌon pa nuqꞌaꞌ, ma jun wineq xtikꞌixbꞌisan wichin, porque ri uchuqꞌaꞌ riꞌ, ja ri Ajaw yoyon pe chuwa chin ngixintoꞌ chin ngixkꞌiy pa ikꞌaslen chiraqen rijaꞌ, y ma chin ta nikꞌis iqꞌij.10:8 2Co. 13:109Riyin ma niwojoꞌ ta chi rix ndinojij chi ri wuj ngentzꞌibꞌaj e chiwa, xa chin ngixinxibꞌij. 10Keriꞌ nibꞌij chiwa, porque ekꞌo jujun chiꞌikajal ri ndikibꞌilaꞌ chi ri wuj ngenteq e chiwa, xe chꞌolinik y kaw teq tzij enutzꞌibꞌan e chupan, pero atoq yinkꞌo chiꞌikajal xa ma jun ok wuchuqꞌaꞌ y nixta jun ndiyoꞌon pa cuenta nutzij. 11Pero ri keriꞌ ngebꞌiꞌin chuwij, ndikꞌatzin ndiketamaj chi achel ri qanoꞌoj ndiqꞌalajin chupan ri wuj qatzꞌibꞌan e chiwa atoq ma rojkꞌo ta chiꞌikajal, keriꞌ chuqaꞌ qanoꞌoj ndeqabꞌanaꞌ atoq ngojbꞌeqaqa chik jumbꞌey chiꞌikajal.
Ri Pablo ndutzolij ruwech kitzij ri ngebꞌiꞌin chi ndunimrisaj riꞌ
12Qetzij wi kꞌa, chi roj ma jubꞌaꞌ ndubꞌij qánima chi ndiqajunumaj qiꞌ kikꞌin ri kiyon ndikiyalaꞌ qa kiqꞌij, chin ta ndiqatzꞌet si más roj utz o naq ke chikiwech rejeꞌ. Xa chikiwech qa rejeꞌ ndikijunumalaꞌ kiꞌ chin ndikitzꞌet achike ri más utz chikikajal. Pero atoq keriꞌ ndikibꞌen, qꞌalej chi xa ma pa ruchojmil ta ngenojin. 13Jakꞌa roj ma ndeqꞌax ta ruwiꞌ ri nim ndiqanaꞌ10:13 Ro. 12:3 roma ri samaj qabꞌanun, porque xe apeꞌ ndirajoꞌ ri Dios chi ndiqabꞌen ri rusamaj, xe chiriꞌ qatijon qaqꞌij ndiqabꞌen ri rusamaj, y jun apeꞌ ri rojowan rijaꞌ chi ngojsamej, ja ri pa itinamit rix aj Corinto. 14Porque si man ta xojbꞌesamej hasta chiꞌikajal rix, kꞌo ta cheꞌel ndibꞌix chiqij chi qayon chiqawech ndiqayaꞌ qa qaqꞌij roma jun samaj ri ma qabꞌanun ta. Pero ma ke ta riꞌ, porque ja roj ri nabꞌey xojtzijon chiwa ri utzulej teq tzij chin ri kolotajik ri nduyaꞌ ri Cristo. 15Y ma ndiqaqꞌabꞌaj ta qiꞌ chirij ri samaj kibꞌanun chꞌaqa chik10:15 Ro. 15:20 chin ndiqayaꞌ qaqꞌij, porque xa ta keriꞌ ndiqabꞌen, roj eleneq ta e chupan ri rubꞌiꞌin ri Cristo chaqe chi ndiqabꞌen. Ri ndiqarayij, ja ri ndikꞌojeꞌ más ruchuqꞌaꞌ iwánima rikꞌin ri Dios, y rikꞌin riꞌ iwoma rix ndinimer ri apeꞌ nduyaꞌ qꞌij ri Dios chin ngojsamej, y keriꞌ ndibꞌanatej jun nimalej samaj. 16Porque ndiqajoꞌ ndiqatzijoj ri utzulej teq tzij chin kolotajik kꞌa más nej apu chuwech ri itinamit rix, pero ma apeꞌ ta ekꞌo chꞌaqa chik ri ngesamej pa rubꞌiꞌ ri Ajaw, chin keriꞌ ma roma ta ri samaj kibꞌanun rejeꞌ ndiqayaꞌ qa qaqꞌij roj.
17Achel ndubꞌij ri rutzij ri Dios tzꞌibꞌan kan: Ri ndirajoꞌ nim ndunaꞌ chare, nim kꞌa tunaꞌ chare roma ri rubꞌanun ri Ajaw pa rukꞌaslen.10:17 Jer. 9:23, 24; 1Co. 1:31 Keriꞌ tzꞌibꞌan kan. 18Porque ma ja ta ri ruyon chuwech ndubꞌij qa chi utz ndubꞌen chare ri samaj, ja ta riꞌ ri utz,10:18 Pr. 27:2; Ro. 2:29 xa kin xe wi ri achoq chirij ndubꞌij ri Ajaw chi utz rubꞌanun chare ri samaj, jariꞌ ri utz ndubꞌen chare ri samaj.
11Ri apóstol Pablo y ri ma eqetzij ta apóstoles
1Kinikochꞌoꞌ jubꞌaꞌ roma ri kaꞌi-oxiꞌ tzij nibꞌij qa chiwa, porque xa achel ma nunojin11:1 2Co. 5:13 ta ngichꞌaꞌa. ¡Kinikochꞌoꞌ kꞌa! 2Porque ri santienta ngixinbꞌen cuenta, riꞌ rikꞌin ri Dios pataneq wi. Riyin nuyoꞌon nutzij chare ri Ajaw achel jun tataꞌatz nduyaꞌ rutzij chare jun kꞌajol chi ndikꞌuleꞌ ri rumiꞌal rikꞌin. Yin xinyaꞌ nutzij chare ri Jun ri ndok iwachijil chi ngixkꞌuleꞌ rikꞌin, y ri jun riꞌ ja ri Cristo. Niwojoꞌ chi chꞌajchꞌaj11:2 Col. 1:28 ngixbꞌenjachaꞌ pa ruqꞌaꞌ, achel jun qꞌopoj ri kꞌajani tikꞌojeꞌ rikꞌin achi.11:2 Lv. 21:133Pero nuxibꞌin wiꞌ chi achel ri kumetz xkaney ma xkaney xubꞌen chin xuchꞌakatij ri Eva11:3 Gn. 3:4, 5 ojer kan, keriꞌ chuqaꞌ xkixchꞌakatix rix chin xtiyaꞌ qꞌij chare ri itzel chi xtujel ri inojibꞌal y ma rikꞌin chi ta chꞌajchꞌaj ikꞌaslen, nixta rikꞌin nojel iwánima xtiwoqaj ri Cristo. 4Rix ndikꞌen apu ruwech jun ri nderutzijoj jun chik Jesús chiwa, y ma ja ta ri Jesús ri qatzijon kan roj chiwa, y rikꞌin nojel ikꞌuꞌx ikꞌamon apu chuqaꞌ ruwech jun chik espíritu, pero ma ja ta ri Espíritu Santo ri kꞌo chik pa iwánima, y ikꞌulun apu chuqaꞌ jun chik tijonik11:4 Gá. 1:6 ri achel ta utzulej teq tzij chin kolotajik keriꞌ, pero ma ja ta ri qatzijon kan roj chiwa. 5Pa nuwech yin, ma wíta ta weqalen ke chikiwech ri ndikibꞌij chi enimalej teq apóstoles.11:5 Gá. 2:66Maske pa kiwech jujun, riyin ma ngitiker ta ngichꞌaꞌa utz-utz chikiwech wineq, pero kin jabꞌel nukꞌoxoman ri achoq pa ruwiꞌ ngichꞌaꞌa. Y rikꞌin nojel ri xqabꞌij11:6 Ef. 3:4 y xqabꞌen atoq xojkꞌojeꞌ chiꞌikajal, kin xqꞌalajin chiwech chi nukꞌoxoman.
7Atoq xintzijoj ri utzulej teq tzij chin kolotajik chiwa, ¿mak kami xinbꞌen chi ma jun wajel xinkꞌutuj, y xa xinqasaj wiꞌ chin kꞌo iqꞌij rix? 8Riyin chin xinbꞌen rusamaj ri Dios chiꞌikajal, xinwelesaj ri wajel chikiqꞌaꞌ chꞌaqa chik bꞌotzaj ralkꞌuaꞌl ri Dios chin chꞌaqa chik tinamit. 9Y atoq xikꞌojeꞌ chiꞌikajal y maneq nikusaj, nixta jun chiꞌikajal rix ri xinyaꞌ ta ri eqaꞌ chirij, porque ri hermanos aj rochꞌulew Macedonia xinkitoꞌ rikꞌin ri xkꞌatzin chuwa atoq xebꞌeqaqa chiriꞌ. Riyin xintij nuqꞌij chi nixta jun eqaꞌ11:9 2Co. 12:14; 1Ts. 2:9; 2Ts. 3:8 xinyaꞌ chiwij, y kꞌa keriꞌ na xtinbꞌen ri más chiqawech apu. 10Rikꞌin ri qetzij chin ri Cristo kꞌo pa wánima, nibꞌij chi nixta jun hermano aj irochꞌulew Acaya xtubꞌen chuwa chi man ta nim ninaꞌ chare chi nixta jun nutoꞌik nukꞌutun chiwa. 11Y, ¿achike roma nibꞌij keriꞌ chiwa? ¿Roma kami ma ngixinwojoꞌ ta? ¡Dios retaman chi kin ngixinwojoꞌ!11:11 2Co. 12:15
12Y achel ri nubꞌanun pe chi ma niyaꞌ ta eqaꞌ chiwij,11:12 1Co. 9:11, 12 keriꞌ xtinbꞌen ri más chiqawech apu, chin keriꞌ ma niyaꞌ ta jun roma chake ri ndikajoꞌ ndikijunumaj kiꞌ qikꞌin, chin ta ndikibꞌij chi junan ndiqabꞌen kikꞌin, roma pa kitzij rejeꞌ qonojel ndiqakꞌutuj méra chiwa. 13Porque ri wineq riꞌ ma eqetzij ta chi apóstoles, xa echꞌakatinelaꞌ11:13 Gá. 1:7 teq samajelaꞌ, ri kiqꞌabꞌan kiꞌ chi eru-apóstoles ri Cristo. 14Pero rix ma tisach ikꞌuꞌx chirij ri ndikibꞌanalaꞌ rejeꞌ, porque iwetaman chi hasta ri Satanás11:14 Ap. 12:9 nduqꞌabꞌaj riꞌ chi achel ta rijaꞌ jun ángel11:14 Gá. 1:8 ri taqon pe roma ri Dios. 15Romariꞌ, ma ndisach ta chuqaꞌ qakꞌuꞌx chi ri chꞌakatinelaꞌ teq samajelaꞌ riꞌ, ndikibꞌen chi achel ta eꞌutzulej teq rusamajelaꞌ ri chojmilej Dios. ¡Pero rejeꞌ kin xtiyoꞌox rukꞌexel chake achel rukꞌulun chi ndiyoꞌox roma ri itzel ngetajin11:15 Jer. 29:32; Ro. 2:6 rikꞌin!
Ri achike roma ri Pablo nduyaꞌ jubꞌaꞌ ruqꞌij
16Nikamuluj rubꞌixik chiwa: Nixta jun tinojin chuwij chi ma ngennojij ta ri ngenbꞌilaꞌ, pero si ekꞌo keriꞌ ndikinojij chuwij, tikiyaꞌ qꞌij chuwa chi ngichꞌaꞌa kaꞌi-oxiꞌ tzij achel xa ta yin jun ri ma ndinojin ta, chin keriꞌ niyaꞌ jubꞌaꞌ nuqꞌij yin achel ndikibꞌen chꞌaqa chik. 17Y ri niyaꞌ jubꞌaꞌ nuqꞌij xa achel ma nunojin ta ri tzij ngenbꞌilaꞌ keriꞌ, porque reꞌ ma ja ta ri Ajaw ndibꞌiꞌin pe chuwa chi keriꞌ nibꞌen.11:17 Jer. 9:23, 2418Y roma ekꞌiy ndikiyalaꞌ kiqꞌij roma ri ketaman o kichajin, riyin chuqaꞌ niyaꞌ jubꞌaꞌ nuqꞌij. 19Porque rix maske ndinaꞌ chi kꞌiy iwetaman, xa kin kiꞌ chiwa ngeꞌiwakꞌaxaj ri ngebꞌiꞌin tzij ri ma kinojin ta rubꞌixik. 20Y ngeꞌikachꞌ chuqaꞌ ri ngixkiyaꞌ chuxeꞌ kitzij, ri ngewaꞌ chiwij, ri ngixkichꞌakatij, ri nixta jun iweqalen ndikibꞌen y ri ndikitzꞌajilaꞌ iwech. 21Riyin niyaꞌ chuwij chi kꞌo razón ichajin atoq ndibꞌij chi ma qakowirisan ta qiꞌ chin ndiqabꞌen achel kibꞌanun ri wineq riꞌ chiwa. ¿Kꞌix kami ndukꞌen pe chaqe roma ma xqakowirisaj ta qiꞌ chin ta xqabꞌen keriꞌ chiwa?
Pero roma rejeꞌ ndikiyaꞌ kiqꞌij, riyin chuqaꞌ keriꞌ nibꞌen, maske rikꞌin ri keriꞌ nibꞌen xkitzꞌetetej achel jun ri ma ndunojij ta ri achike ngerubꞌilaꞌ. 22Rejeꞌ nim ndikinaꞌ chare roma e-hebreos, riyin chuqaꞌ yin jun hebreo. Rejeꞌ nim ndikinaꞌ chare roma e-israelitas, ri rutinamit ri Dios, riyin chuqaꞌ yin israelita.11:22 Hch. 22:3 Rejeꞌ nim ndikinaꞌ chare roma eriy-rumam kan ri Abraham, riyin chuqaꞌ yin riy-rumam kan ri Abraham. 23Rejeꞌ nim ndikinaꞌ chare roma ndikibꞌij chi erusamajelaꞌ ri Cristo. Pero riyin kꞌo cheꞌel más nim ninaꞌ chare porque kꞌo más samaj chin ri Cristo nubꞌanun ke chikiwech rejeꞌ,11:23 1Co. 15:10 maske atoq keriꞌ nibꞌij, xa yin achel jun wineq ri ngerubꞌilaꞌ tzij ri ma erunojin ta. Riyin más nutijon nuqꞌij nibꞌen rusamaj ri Cristo, más kꞌiy mul yin tzꞌapin pa cheꞌ, más kꞌiy mul yin roqon y kꞌiy mul jubꞌama yin kamisan.11:23 Hch. 9:1624Ri nuwinaqul israelitas 39 roq11:24 Dt. 25:3 kiyoꞌon chuwa chare koloꞌ, y woꞌoꞌ mul keriꞌ nukꞌulwachin pa kiqꞌaꞌ. 25Oxmul yin jichꞌan chare xikꞌaꞌy11:25 Hch. 16:22 y jumbꞌey yin kꞌaqon chare abꞌej.11:25 Hch. 14:19 Oxmul yin bꞌaneq pariꞌ mar y ri barcos xebꞌa qa chuxeꞌ yaꞌ,11:25 Hch. 27:41-44 jun qꞌij y junaqꞌaꞌ xikꞌojeꞌ nej apu chupan ri mar, y jubꞌama xijiqꞌ pa yaꞌ. 26Santienta bꞌey nubꞌanun chubꞌanik rusamaj ri Ajaw, jutzꞌima xirukꞌuaj yaꞌ atoq xinqꞌasaj nimalej teq raqen yaꞌ, jutzꞌima xiqaqa pa kiqꞌaꞌ eleqꞌomaꞌ, jutzꞌima xinkikamisaj ri nuwinaqul israelitas11:26 Hch. 9:23; 17:5 y jutzꞌima xinkikamisaj ri ma e-israelitas ta.11:26 Hch. 13:50 Nuqꞌasan kꞌayew pa teq tinamit, pa chaqiꞌj y tzꞌiran ulew, pariꞌ teq mar y pa kiqꞌaꞌ ma eqetzij ta hermanos. 27Nuqꞌasan kosik roma ri samaj enubꞌanun, kꞌiy mul ma yin warneq ta, nuqꞌasan wayijal, nuqꞌasan chaqiꞌj chiꞌ. Kiy mul ma yin wayineq ta roma ri samaj, kiy mul nusikiken pe tew y kꞌisneq qa nutziaq chuwij.11:27 1Co. 4:11
28Pa ruwiꞌ nojel ri kꞌayew niqꞌasaj pa nukꞌaslen, qꞌij-qꞌij kꞌo ralal ri samaj chuwij, ri achike ndikꞌatzin nibꞌen chin ngenbꞌen cuenta konojel ri bꞌotzaj teq ralkꞌuaꞌl ri Dios ri ndikimal kiꞌ pa rubꞌiꞌ. 29Porque atoq jun chikikajal ri ralkꞌuaꞌl ri Dios maneq ruchuqꞌaꞌ ndunaꞌ pa rukꞌaslen, riyin chuqaꞌ ninaꞌ pa wánima ri nduqꞌasaj,11:29 1Co. 9:22 y si kꞌo jun ndibꞌan chare chi ndiril jun roma nduyaꞌ kan ri Dios, riyin ndiyakatej woyowal roma keriꞌ ndibꞌanatej. 30Si ndikꞌatzin chi riyin niyaꞌ jubꞌaꞌ nuqꞌij, kin nitzijoj ri nuqꞌasan pa nukꞌaslen ri ngekꞌutu chi xa yin relik wineq y maneq ok wuchuqꞌaꞌ.11:30 2Co. 12:5, 9, 1031Ri ru-Dios y Rutataꞌ ri Ajaw Jesús ri kin rukꞌulun wi chi jumul ndiyoꞌox ruqꞌij,11:31 Ro. 9:5 retaman chi kin qetzij re nibꞌij chiwa. 32Atoq xikꞌojeꞌ pa tinamit Damasco, ri gobernador ri kꞌo chuxeꞌ rutzij ri rey Aretas xeruyaꞌ soldados chuchiꞌ ri puertas chin ri tinamit chin ta xirutzꞌen11:32 Hch. 9:23-25 y xirutzꞌapij pa cheꞌ. 33Pero ekꞌo xetoꞌon wichin, xinkelesaj pa jun ventana ri kꞌo chuwech ri xan ri rutzꞌapin rij ri tinamit y pa jun mama chakech xinkiqasaj pe pa ulew, y keriꞌ xinanimej pa ruqꞌaꞌ.
12Ri nimalej ruchuqꞌaꞌ ri Dios ndiqꞌalajin pa rukꞌaslen ri Pablo
1Hermanos, riyin wetaman chi nixta jun utz ndukꞌen pe si niyaꞌ nuqꞌij, pero roma rix kin ndiqaꞌ chiwech ngeꞌiwakꞌaxaj ri ndikiyalaꞌ kiqꞌij, riyin chuqaꞌ niyaꞌ jubꞌaꞌ nuqꞌij y ngichꞌaꞌa pa ruwiꞌ ri achel teq achikꞌ12:1 Hch. 26:19; Gá. 1:12 y ri nojel teq achike ruqꞌalajrisan ri Ajaw. 2Ja laꞌeq jun 14 junaꞌ wokami, chi jun achi ri xe jun rubꞌanun rikꞌin ri Cristo Jesús,12:2 2Co. 5:17 xukꞌuꞌex e kꞌa pa rox kaj y xtzolij chi pe jumbꞌey. Riyin wetaman ruwech ri achi riꞌ. Ri ma wetaman ta, ja si xukꞌuꞌex pa ru-cuerpo o xaxe ri ránima, riꞌ kin xe ri Dios etamayon. 3Y riyin wetaman chi ri achi riꞌ xukꞌuꞌex e, pero si xukꞌuꞌex pa ru-cuerpo o xaxe ri ránima, riꞌ kin xe ri Dios etamayon. 4Rijaꞌ xukꞌuꞌex pa jun qꞌusqꞌuj lugar rubꞌiniꞌan paraíso12:4 Lc. 23:43 apeꞌ kꞌo ri Dios, y xbꞌerakꞌaxaj tzij ri maneq rubꞌixik chochꞌulew, ri ma yoꞌon ta qꞌij chake wineq chi ndikiyaꞌ rutzijol. 5Riyin kꞌo cheꞌel niyaꞌ ruqꞌij ri achi riꞌ roma ri xbꞌerakꞌaxaj, pero nuyon chinuwech ma niyaꞌ ta qa nuqꞌij. Pero si niyaꞌ jubꞌaꞌ nuqꞌij, ngichꞌaꞌa pa ruwiꞌ ri nuqꞌasan pa nukꞌaslen ri ngekꞌutu chi xa yin relik wineq y maneq ok wuchuqꞌaꞌ.12:5 2Co. 11:306Porque si riyin niwojoꞌ niyaꞌ jubꞌaꞌ nuqꞌij, ma yin ta achel jun wineq ri ma runojin ta ri ngerubꞌilaꞌ,12:6 2Co. 11:16 porque kin ja ri qetzij nibꞌij. Pero niqꞌet wiꞌ chi niyaꞌ nuqꞌij, chin ma tikinojij ri wineq chi kin kꞌo más nuqꞌij ke chuwech ri ndikitzꞌet pa nukꞌaslen o chuwech ri ndikakꞌaxaj chi nitzijoj.
7Kin nimalej teq achike ri xeqꞌalajrisex chinuwech chupan ri achel teq achikꞌ. Y chin ma tinyaꞌ más nuqꞌij, ri Ajaw xuyaꞌ qꞌij chare ri itzel12:7 Job 2:6, 7; Lc. 13:16 chi xuyaꞌ jun achel kꞌix12:7 Ez. 28:24 pa nu-cuerpo ri ngiruyaꞌ pa kꞌayew chin ma ninimrisaj ta más wiꞌ. 8Y riyin oxmul nukꞌutun chare ri Ajaw chi tirelesaj e pa nu-cuerpo. 9Pero ri Ajaw rubꞌiꞌin chuwa: Kelaꞌ na tubꞌanaꞌ ri akꞌaslen.12:9 Dt. 3:26 Maske maneq ok awuchuqꞌaꞌ, xa kin kꞌo ri nu-favor pa awiꞌ. Keriꞌ nibꞌij chawa porque ri wuchuqꞌaꞌ ndiqꞌalajin pa kikꞌaslen ri maneq ok kuchuqꞌaꞌ, xchajeꞌ. Romariꞌ, si niyaꞌ jubꞌaꞌ nuqꞌij, niyaꞌ nuqꞌij rikꞌin ri nuqꞌasan pa nukꞌaslen ri ngekꞌutu chi xa yin relik wineq y maneq ok wuchuqꞌaꞌ, chin keriꞌ nditzꞌetetej ruchuqꞌaꞌ12:9 Is. 40:29; 41:10; He. 2:18 ri Cristo pa nukꞌaslen. 10Romariꞌ, riyin ngikikot12:10 Ro. 5:3; 2Co. 7:4 rikꞌin ri niqꞌasaj pa nukꞌaslen ri ngekꞌutu chi maneq ok wuchuqꞌaꞌ, achel ri yoqꞌonik teq tzij ngebꞌan chuwij, ri maneq ndutzꞌen nuqꞌaꞌ, ri ngitzeqlebꞌex chin ndibꞌan itzel chuwa, y ri jalajaj teq kꞌayew niqꞌasaj roma nibꞌen rusamaj ri Cristo. Porque atoq maneq ok wuchuqꞌaꞌ, kin ndiqꞌalajin ruchuqꞌaꞌ12:10 2Co. 13:4 rijaꞌ pa nukꞌaslen.
11Qetzij wi kin achel yin jun achi ri ma ndunojij ta ri ngerubꞌilaꞌ ngiqꞌalajin chiwech, pero ja rix ri xixok chuwa chi xkꞌatzin xinyaꞌ jubꞌaꞌ nuqꞌij. Porque ja ta rix ri xkꞌatzin chi xibꞌij chi kꞌo nuqꞌij, roma riyin ma wíta ta weqalen ke chikiwech ri ndikibꞌij chi enimalej teq apóstoles. Keriꞌ nibꞌij chiwa maske wetaman chi maneq ok nuqꞌij. 12Rix xkꞌatzin ta chi xibꞌij chi kꞌo jubꞌaꞌ nuqꞌij, porque junan rikꞌin ri kꞌayew xinqꞌasaj ri xinkachꞌ nuwech chupan, ri Dios xirukusaj chin xebꞌanatej chinuqꞌaꞌ nimalej teq retal ruchuqꞌaꞌ, nimalej teq achike ri nixta jumbꞌey etzꞌeton y milagros chiꞌikajal ri ngeqꞌalajrisan chi qetzij yin apóstol.12:12 1Co. 9:213Y riyin ma xinok ta jun eqaꞌ chiwij chin ta xiyaꞌ ri xkꞌatzin chuwa,12:13 1Co. 9:11, 12 achel kiyoꞌon ri chꞌaqa chik bꞌotzaj teq ralkꞌuaꞌl ri Dios chuwa. Si rix ndinaꞌ chi maneq iweqalen xinbꞌen chiwa roma ma xinok ta jun eqaꞌ chiwij, ¡tikuyuꞌ kꞌa ri numak!
Ri Pablo ndirajoꞌ ngebꞌerutzꞌetaꞌ ri aj Corinto
14Tiyaꞌ kꞌa pa cuenta re nibꞌij chiwa: Riyin nubꞌanun chik nukꞌojlen chin ngibꞌa chiꞌitzꞌetik, y ja rox mul rikꞌin reꞌ12:14 2Co. 13:1 ri ngibꞌa apu, y kin ma xkinok ta jun eqaꞌ chiwij. Porque riyin ma ja ta ri ichajin ri bꞌaneq wánima chirij.12:14 Hch. 20:33 Ri achoq chirij bꞌaneq ri wánima, ja rix. Porque ma keqaꞌ ta ri alkꞌualaxelaꞌ chin ndikimal ruchiꞌ méra chin ndikiyaꞌ chake ri kite-kitataꞌ, xa kin ja ri teꞌej-tataꞌatz12:14 1Co. 4:14, 15 ri ngemolo ruchiꞌ méra chin ndikiyaꞌ kan chake ri kalkꞌuaꞌl. 15Riyin rikꞌin nojel wánima nikusaj ri nuchajin y hasta niyaꞌ wiꞌ pa samaj chin kꞌo utz ndukꞌen pe chare ri iwánima. Si riyin qꞌij-qꞌij más ndikꞌiy pa wánima chi ngixinwojoꞌ,12:15 1Ts. 2:8 ¿pa ruchojmil kami ndibꞌen chi qꞌij-qꞌij más ndikꞌis qa pa iwánima chi nginiwojoꞌ?12:15 2Co. 6:12
16Rix iwetaman chi riyin ma yin okuneq ta jun eqaꞌ chiwij.12:16 2Co. 11:9 Pero ekꞌo jujun chiꞌikajal ri ngebꞌiꞌin chi keriꞌ xinbꞌen roma xkaney nunoꞌoj chi rikꞌin chꞌakatinik xtinwelesaj méra chiꞌiqꞌaꞌ. 17¿Xenkusaj kami ri hermanos xenteq chiꞌitzꞌetik chin xixinchꞌakatij?12:17 2Co. 7:2 Ma ke ta riꞌ. 18Chare ri Tito xinkꞌutuj chi xixbꞌerutzꞌetaꞌ y rikꞌin rijaꞌ xinteq ri jun chik hermano. ¿Xbꞌerelesaj kami méra chiꞌiqꞌaꞌ ri Tito?12:18 2Co. 8:6 Ma ke ta riꞌ. Porque junan qánima y qanoꞌoj qabꞌanun rikꞌin ri Tito pa rusamaj ri Ajaw.
19Rikꞌin jubꞌaꞌ rix ndinojij chi qabꞌiꞌin nojel reꞌ roma ndiqajoꞌ ndiqatoꞌ qiꞌ chiwech, pero ma ke ta riꞌ. Xa kin qetzij ri ndiqabꞌij roma xe jun qabꞌanun rikꞌin ri Cristo y kin chuwech ri Dios ngojchꞌaꞌa wi. Y nojel ri ngojtajin chubꞌixik chiwa rix ri tzꞌan ngixqajoꞌ, xa kin chin ngixkꞌiy chupan ri kꞌakꞌakꞌ kꞌaslen ruyoꞌon ri Dios chiwa. 20Riyin nurayin chi atoq xkixbꞌentzꞌetaꞌ, chojmilej ta chi kꞌaslen ikꞌuan, pero xa nuxibꞌin wiꞌ, porque rikꞌin jubꞌaꞌ ma ke ta riꞌ ri kꞌaslen ikꞌuan atoq xkibꞌeqaqa apeꞌ rixkꞌo. Y riꞌ xtubꞌen chi ma xtenbꞌanaꞌ ta chiꞌikajal12:20 1Co. 4:21 achel ri iwoyobꞌen chuwa. Porque ma kꞌateꞌ ngixbꞌenwilaꞌ chi ngixtajin rikꞌin oyowal, o ekꞌo ri itzel ndikinaꞌ chare roma utz kibꞌanun chꞌaqa chik, o ekꞌo ri ndiququt kánima chikij wineq, o ekꞌo ndikibꞌen xe ri kꞌo utz ndukꞌen pe chake, o ekꞌo ri ndikibꞌilaꞌ itzel teq tzij chikij chꞌaqa chik, o ekꞌo ri ngechꞌaꞌa chikij wineq, o ekꞌo ri nim ndikinaꞌ kiꞌ o kꞌo ngebꞌanatej chiꞌikajal ri ma pa ruchojmil ta. 21Riyin nuxibꞌin wiꞌ chi atoq xkixbꞌentzꞌetaꞌ, ri Dios xtubꞌen chuwa chi xkikꞌix iwoma, y xtubꞌen chuwa chi xkinoqꞌ12:21 2Co. 2:1, 4 komak ekꞌiy chiꞌikajal ri kꞌo chik tiempo ekꞌo pa mak y ma kiyoꞌon ta kan ri itzel teq rayinik ndurayij ri ki-cuerpo, ndikikꞌamalaꞌ qa kiꞌ xa achoq na12:21 1Co. 5:1 ikꞌin chin ndikibꞌen mak, y chuqaꞌ ma kiyoꞌon ta kan ri itzel teq achike ngekibꞌanalaꞌ.
131Riyin ja rox mul rikꞌin reꞌ ngixbꞌentzꞌetaꞌ, y atoq yinkꞌo chiꞌikajal, ri sujunik ngeyoꞌox, kin ndikꞌatzin ndiqabꞌen rukꞌojlen achel ndubꞌij chupan ri rutzij ri Dios tzꞌibꞌan kan: Kikꞌin kaꞌiꞌ o eꞌoxiꞌ13:1 Nm. 35:30 testigos ndetamex si kꞌo mak bꞌanatajneq o naq. Keriꞌ tzꞌibꞌan kan. 2Atoq xixbꞌentzꞌetaꞌ pa rukamul, xinbꞌij kan chake ri xebꞌanun mak13:2 2Co. 12:21 y chiwa rix iwonojel, y wokami ri ma yinkꞌo ta apu iwikꞌin, nikamuluj chi e rubꞌixik chiwa: Atoq xkixbꞌentzꞌetaꞌ chik jumbꞌey, nixta jun ri ndibꞌanun mak chiꞌikajal xtinpoqonaj ruwech.13:2 2Co. 10:23Y roma rix ndiwojoꞌ ndiwetamaj si qetzij ri Cristo ngirukusaj chin nibꞌij reꞌ chiwa, ri Cristo kin xtiqꞌalajin chi ma achel ta jun wineq ri maneq ok ruchuqꞌaꞌ, xa kin xtiqꞌalajin wi chi rijaꞌ nimalej ruchuqꞌaꞌ chiꞌikajal. 4Qetzij wi chi atoq xkamisex ri Cristo cho cruz,13:4 Fil. 2:7, 8 xqꞌalajin achel maneq ok ruchuqꞌaꞌ, pero wokami kꞌo rukꞌaslen roma ruchuqꞌaꞌ ri Dios. Keriꞌ chuqaꞌ roj ri xe jun qabꞌanun rikꞌin ri Cristo, ndiqꞌalajin achel maneq ok quchuqꞌaꞌ, pero rikꞌin ruchuqꞌaꞌ ri Dios13:4 2Co. 10:3, 4 kꞌo qakꞌaslen13:4 Ro. 6:4 rikꞌin ri Cristo, y rikꞌin ri uchuqꞌaꞌ riꞌ ndeqabꞌanaꞌ ri ndikꞌatzin chi ndiqabꞌen chiꞌikajal.
5Tinikꞌoj utz-utz ri ikꞌaslen13:5 1Co. 11:28 chin nditzꞌet si qetzij itaqin ri Jesucristo. ¿Ma ndiyaꞌ ta kꞌa cuenta chare chi rijaꞌ kꞌo pa iwánima?13:5 Ro. 8:10 O rikꞌin jubꞌaꞌ atoq ndinikꞌoj ri ikꞌaslen, xa ndinaꞌ qa iwiꞌ chi ma itaqin ta rijaꞌ. 6Pero riyin kuqul nukꞌuꞌx chi rikꞌin ri ndinikꞌoj ri ikꞌaslen, xtiyaꞌ chuqaꞌ cuenta chare chi roj qetzij qataqin ri Cristo y roj rusamajelaꞌ. 7Y ndiqakꞌutuj chare ri Dios iwoma rix, chi nixta jun itzel achike xtibꞌen. Atoq keriꞌ ndiqakꞌutuj, ma chin ta chi rix ndibꞌij chi kꞌo ri Cristo y ri ruchuqꞌaꞌ qikꞌin. Ma ke ta riꞌ. Roj ndiqajoꞌ chi ndibꞌen ri utz, maske pa iwech rix, roj maneq ri Cristo y ri ruchuqꞌaꞌ qikꞌin. 8Porque roj ma jun ndubꞌij qánima chi ndiqaqꞌet ruwech ri qetzij, xaxe ngojtiker ngojtoꞌon chin ndibꞌa más rutzijol. 9Y romariꞌ, kin tzꞌan ngojkikot atoq utz bꞌaneq ri ikꞌaslen rix, y ma ndikꞌatzin ta chi ndiqakusaj chiwij ri uchuqꞌaꞌ ruyoꞌon ri Dios pa qaqꞌaꞌ, maske chꞌaqa chik ngojkitzꞌet chi achel xa maneq ri uchuqꞌaꞌ riꞌ pa qaqꞌaꞌ. Y ndiqakꞌutuj chare ri Dios chi kin ta xtubꞌen chi ngixok nojel ri ndirajoꞌ chi ngixok.13:9 2Ti. 3:17; He. 6:110Romariꞌ nitzꞌibꞌaj e re wuj reꞌ chiwa wokami re kꞌajani kibꞌa chiꞌitzꞌetik, chin keriꞌ atoq xkibꞌeqaqa chiriꞌ, ri uchuqꞌaꞌ ruyoꞌon ri Ajaw pa nuqꞌaꞌ, ma nikusaj ta chin ngixinchꞌolij,13:10 1Co. 4:21 porque ri uchuqꞌaꞌ riꞌ, ma chin ta chꞌolinik, xa chin ngixkꞌiy chupan ri kꞌakꞌakꞌ kꞌaslen ruyoꞌon ri Dios chiwa, y ma chin ta nikꞌis iqꞌij.
11Hermanos, pa rukꞌisibꞌel nibꞌij chiwa: Tikikot ri iwánima. Titijaꞌ iqꞌij chin nditzꞌaqatisaj ri kꞌajani titzꞌaqet pa ikꞌaslen, tibꞌochilaꞌ iwiꞌ chiwech, jun ruwech iwánima tibꞌanaꞌ13:11 Ro. 12:16; 1Co. 1:10; 1P. 3:8 y man ta jun oyowal chiꞌikajal. Y ri Dios ri tzꞌan ndojowan13:11 1Jn. 4:9, 10 y ndiyoꞌon uxlanen13:11 1Ts. 5:23; He. 13:20 kin xtikꞌojeꞌ pa iwánima. 12Tiyalaꞌ ruxunaqil iwech chiwech rikꞌin jun loqꞌolej tzꞌubꞌanik chiꞌiqꞌoꞌtz.13:12 Ro. 16:16 Konojel ri loqꞌolej ralkꞌuaꞌl ri Dios ri ekꞌo chireꞌ ndikiteq ruxunaqil iwech.
13Kin ta xtikꞌojeꞌ pa ikꞌaslen ri favor nduyaꞌ ri Ajaw Jesucristo, y ri rajowabꞌel ri Tataꞌaj Dios y kin ta jun iwánima13:13 Fil. 2:2 ibꞌanun roma ri Espíritu Santo. Amén.