Ri nabꞌey wuj rutzꞌibꞌan kan ri apóstol Pedro
1Ri Pedro nduteq e ruxunaqil kiwech ri hermanos
1Riyin Pedro, yin apóstol chin ri Jesucristo. Niteq e ruxunaqil iwech rix, ri rix oqotan e pa itinamit, y wokami rixkꞌo pa teq tinamit ri ekꞌo pa rochꞌulew Ponto, pa rochꞌulew Galacia, pa rochꞌulew Capadocia, pa rochꞌulew Asia1:1 Hch. 2:9 y pa rochꞌulew Bitinia. 2Ri Tataꞌaj Dios xe jampeꞌ pa nabꞌey rubꞌanun pe ruwech pa iwiꞌ rix chi rix ruchaꞌon1:2 2Ts. 2:13 pe chin nduchꞌajchꞌojrisaj ikꞌaslen roma ri samaj ndubꞌen ri Espíritu Santo pa ikꞌaslen, chin keriꞌ ngixniman, y chin chuqaꞌ ndichꞌaj ri mak chiwij rikꞌin ri rukikꞌel1:2 He. 12:24 ri Jesucristo. Kin ta xtikꞌojeꞌ santienta uxlanen pa iwánima y ri favor ri nduyaꞌ ri Dios pa iwiꞌ.
Tiqayaꞌ ruqꞌij ri Dios roma ri kolotajik nduyaꞌ chaqe
3Kin ta xtiyoꞌox ruqꞌij ri Dios, ri ru-Dios y Rutataꞌ ri Qajaw Jesucristo, ke roma ri nimalej rujoyowaxik qawech, xubꞌen chi xojalex chik jumbꞌey,1:3 Stg. 1:18 roma ri Jesucristo xkꞌastajbꞌex pe chikikajal ri animaꞌiꞌ. Reꞌ ndubꞌen chaqe chi kuqul qakꞌuꞌx qoyobꞌen ri rusujun kan. 4Y ndubꞌen chuqaꞌ chi ndiyoꞌox ri herencia yakon apu chiwa chikaj roma ri Dios. Ri herencia riꞌ ma ndiqꞌey ta,1:4 Mt. 6:20 kin jumul chꞌajchꞌaj y ma ndikꞌis ta ruqꞌij. 5Y roma kuqul ikꞌuꞌx rikꞌin ri Dios, rijaꞌ ngixruchajij1:5 Jn. 10:28, 29 rikꞌin ri nimalej ruchuqꞌaꞌ, chin keriꞌ ndiwil ri kolotajik ri runabꞌan chik chin nduqꞌalajrisaj chupan ri rukꞌisibꞌel teq qꞌij.
6Y jariꞌ ndibꞌanun chiwa chi santienta ngixkikot, maske wokami xtiqꞌasaj jalajaj teq kꞌayew1:6 Ro. 12:12 jubꞌaꞌ teq qꞌij si keriꞌ ndirajoꞌ ri Dios. 7Ri kꞌayew xa chin ndiqꞌalajin chi qetzij kuqul ikꞌuꞌx rikꞌin ri Dios,1:7 Sal. 66:10 y más kꞌo reqalen chi kuqul ikꞌuꞌx ke chuwech ri qꞌanapueq ri xa ndikꞌis. Ri qꞌanapueq ndikꞌatzin ndiqꞌasex pa qꞌaqꞌ1:7 Is. 48:10 chin ndikanej kan ri qetzij qꞌusqꞌuj qꞌanapueq. Keriꞌ kꞌa chuqaꞌ rix, ndikꞌatzin ngixqꞌax pa kꞌayew, chin keriꞌ atoq iqꞌasan chik ri kꞌayew y ndiqꞌalajin chi kuqul ikꞌuꞌx, riꞌ kin ndukꞌen wi pe chiwa chi ndiyoꞌox iqꞌij y ndinimrisex ibꞌiꞌ chupan ri qꞌij atoq nduruqꞌalajrisaj chik riꞌ ri Jesucristo.
8Rix kin ndiwojoꞌ rijaꞌ maske ma itzꞌeton ta1:8 1Jn. 4:20 ruwech, y wokami itaqin1:8 Jn. 20:29; 2Co. 5:7 maske ma nditzꞌet yan ta. Y roma santienta ngixkikot, hasta ma ndiwil ta tzij chin ndibꞌij ri ndinaꞌ, xa kin ngixkikot achel ngekikot ri ekꞌo chikaj. 9Porque rikꞌin riꞌ, ndeꞌiwilaꞌ ri achike roma iyoꞌon iwánima rikꞌin ri Ajaw, y riꞌ ja ri ikolotajik.
10Ojer kan, ri profetas xkitij kiqꞌij chi xkajoꞌ ta xketamaj más pa ruwiꞌ ri kolotajik ri yoꞌon chiwa rix wokami roma ru-favor ri Dios, favor ri achoq pa ruwiꞌ xechꞌaꞌa kan jubꞌaꞌ. 11Xkitij kiqꞌij chin xkajoꞌ xketamaj achike ri Cristo y jampeꞌ ndebꞌanatej ri ndubꞌij pe ri Espíritu chin ri Cristo pa kánima, porque ri Espíritu ruqꞌalajrisan chake chi ri Jun ri nduteq pe ri Dios chukolik ri rutinamit kin xtuqꞌasaj1:11 Sal. 22:6-8; Is. 53:3; Dn. 9:26 wi kꞌayew, y atoq qꞌaxneq chik chupan ri kꞌayew, ngebꞌanatej nimalej teq favores ri ngekꞌutu chi nimalej ruqꞌij. 12Pero ri Dios xuqꞌalajrisaj chake ri profetas chi ri favor ndikitzijoj, ma pa ki-tiempo1:12 Dn. 12:8, 9; He. 11:39 ta rejeꞌ ndiyoꞌox, xa kꞌa pa i-tiempo rix. Y ja favor riꞌ ri iwakꞌaxan pa kichiꞌ ri ngetzijon ri utzulej teq tzij chin kolotajik, rikꞌin ruchuqꞌaꞌ ri Espíritu Santo taqon pe chikaj. ¡Y hasta ri ángeles chuqaꞌ ndikajoꞌ ndiketamaj rubꞌeyal ri favor riꞌ! 13Roma kꞌa riꞌ, utz rukusaxik tibꞌanaꞌ ri inojibꞌal, y kin pa iwuxnaqil tibꞌanaꞌ nojel. Nojel iwánima tiwoyobꞌej ri favor rusujun ri Dios chin nduyaꞌ chiwa chupan ri qꞌij atoq nduruqꞌalajrisaj chik riꞌ ri Jesucristo.
Ri Dios ngojrupixabꞌaj chin ndiqakꞌuaj jun loqꞌolej kꞌaslen
14Kin tikꞌutuꞌ chi qetzij rix ralkꞌuaꞌl ri Dios. Tinimaj rutzij, ma tikꞌuaj chik ri ikꞌaslen chupan ri itzel teq rayinik1:14 1P. 4:2-4 ri xeꞌibꞌanalaꞌ ojer, atoq kꞌajani tiwetamaj ri ndirajoꞌ ri Dios chiwa. 15Pa rukꞌexel riꞌ, tikꞌuaj jun loqꞌolej1:15 2Co. 7:1; 1Ts. 4:7; 2P. 3:11 kꞌaslen, porque ri Dios ri xoyon iwichin, kin loqꞌolej wi. 16Porque chupan ri rutzij ri Dios ri tzꞌibꞌan kan, kereꞌ ndubꞌij: Tikꞌuaj jun loqꞌolej kꞌaslen, porque riyin kin yin loqꞌolej1:16 Lv. 11:44 wi. Keriꞌ ndubꞌij ri Dios.
17Rix ndibꞌij Qatataꞌ chare ri Dios ri ndiqꞌato tzij pa kiwiꞌ konojel wineq chin nduyaꞌ rukꞌexel1:17 Mt. 16:27 chake achel kibꞌanun pa kikꞌaslen. Romariꞌ, ndikꞌatzin chi ndinimaj rutzij rikꞌin nojel iwánima ri janipeꞌ qꞌij ndikꞌojeꞌ ikꞌaslen chochꞌulew. 18Rix iwetaman chi ri Dios xixrelesaj pe chupan ri itzel kꞌaslen ri xikꞌen kan rikꞌin ri kikꞌaslen ri ojer teq iwatit-imamaꞌ. Y rix iwetaman chi ri rajel ri ikolotajik, ma xtoj ta rikꞌin qꞌanapueq nixta rikꞌin saqipueq ri xa ngekꞌis. 19Rix xixloqꞌ1:19 Ap. 5:9 rikꞌin ri nimalej reqalen rukikꞌel ri Cristo ri xsuj chuwech ri Dios, achel ndisuj rukikꞌel jun alaj karneꞌl1:19 Jn. 1:29 tzꞌaqet ruqꞌa-raqen y jabꞌel chꞌajchꞌaj. 20Ri Cristo kin bꞌiꞌin wi pe pa ruwiꞌ chi nduken pa kikꞌexel ri wineq, y riꞌ kin xe atoq kꞌajani tibꞌan ri rochꞌulew.1:20 2Ti. 1:9; Tit. 1:2, 3 Pero kꞌaja chupan re rukꞌisibꞌel teq tiempo rojkꞌo, xtaq pe chin xukꞌen pe utz chiwa. 21Rix roma itaqin ri Cristo, xe chare ri Dios iyoꞌon wi itzij, ri Dios ri xkꞌastajbꞌan e ri Cristo chikikajal ri animaꞌiꞌ y xubꞌen chare chi xkꞌojeꞌ chik nimalej ruqꞌij, y keriꞌ kin rikꞌin ri Dios ikuqubꞌan ikꞌuꞌx y iwoyobꞌen ri rusujun kan.
22Wokami roma iniman ri qetzij, rix ichꞌajchꞌojrisan ri ikꞌaslen chin ngeꞌiwojoꞌ ri hermanos rikꞌin nojel iwánima. Romariꞌ, rikꞌin chꞌajchꞌaj iwánima santienta tiwojoꞌ iwiꞌ1:22 He. 13:1; 1P. 3:8 chiwech. 23Rix xixalex chik jumbꞌey,1:23 Jn. 1:13; 3:3; Stg. 1:18 pero ri jun alaxik riꞌ, ma achel ta ri alaxik chikiqꞌaꞌ ri ite-itataꞌ ri xa ngeken e, xa kin xixalex roma rutzij ri Dios, ri kin kꞌaslik wi y ma ndikꞌis ta. 24Romariꞌ chupan ri rutzij ri Dios tzꞌibꞌan kan ndubꞌij:
Konojel wineq xa eꞌachel ri qꞌayis.
Y ri kiqꞌij ri wineq, xa achel rukontzꞌijal qꞌayis.
Porque ri qꞌayis ndichaqiꞌj qa y ri rukontzꞌijal nditzaq e.1:24 Stg. 1:11
25Pero ri rutzij ri Ajaw, kin chin wi jumul ndikꞌojeꞌ.1:25 Is. 40:6-8
Keriꞌ tzꞌibꞌan kan.
Y ri utzulej teq tzij riꞌ, ja ri utzulej teq tzij chin kolotajik ri tzijon kan chiwa rix.
2Ri kꞌakꞌakꞌ rutinamit ri Dios
1Romariꞌ, rix tiyaꞌ kan nojel ri itzel teq achike kꞌo pa iwánima chikij chꞌaqa,2:1 Ef. 4:31 tiyaꞌ kan nojel ruwech chꞌakatinik, ri kaꞌiꞌ ipalej, ri itzel ndinaꞌ chare roma utz kibꞌanun chꞌaqa chik, y nojel itzel teq tzij2:1 Stg. 4:11 ri ndikusaj chin ndiqasaj kiqꞌij chꞌaqa. 2Achel ri chꞌuteq akꞌolaꞌ2:2 Mt. 18:3 ri kꞌa tzꞌun kipan tzꞌan ndikirayij ngetzꞌuman, keriꞌ tibꞌanaꞌ rix. Kin tirayij tikanoj rukꞌiyilen ri ikꞌaslen rikꞌin ri qetzij rutzij ri Dios, chin ngixkꞌiy pa ikꞌaslen, hasta kꞌa kixkolotej na e chin jumul, 3Keriꞌ tibꞌanaꞌ, porque iwetaman chi ri Ajaw kin utz runoꞌoj iwikꞌin.2:3 Lc. 6:35
4Kixjel apu rikꞌin ri Ajaw. Ja rijaꞌ ri kꞌaslik abꞌej, ri pa kiwech ri wineq,2:4 Ri wineq achoq pa kiwiꞌ ndichꞌaꞌa re jun versículo reꞌ, ja ri achiꞌaꞌ ri kꞌo uchuqꞌaꞌ pa kiqꞌaꞌ pa ruwiꞌ ri tinamit Israel (Sal. 118:22; Is. 8:14; 28:16). ma jun rikꞌaꞌtz chin ta xkusex, pero pa ruwech ri Dios, ri abꞌej riꞌ, kin chaꞌon wi y yalan reqalen. 5Y rix chuqaꞌ rix achel kꞌaslik teq abꞌej,2:5 Ef. 2:21, 22 ri ndajin samaj pa iwánima chin ngixok rachoch ri Dios, ri apeꞌ ngixkusex chi loqꞌolej teq sacerdotes.2:5 Is. 66:21 Y keriꞌ rix ukꞌuan roma ri Espíritu Santo ndisuj sipanik2:5 Os. 14:2 ri ndiqaꞌ chuwech ri Dios roma ri Jesucristo. 6Porque ri rutzij ri Dios tzꞌibꞌan kan kereꞌ ndubꞌij:
Tiyaꞌ cuenta chare chi pa tinamit Sión riyin niyaꞌ jun nusamajel ri nijunumaj rikꞌin jun abꞌej
Ri ndikꞌatzin chin ndok ruchuqꞌaꞌ ruxeꞌ ri jay,
Jun abꞌej ri kin chaꞌon wi y yalan nim reqalen.
Y ri nditaqin richin rijaꞌ, ma jumbꞌey xtikꞌixbꞌisex, porque kin ndiyoꞌox wi chare ri sujun kan.
Keriꞌ tzꞌibꞌan kan.
7Pa iwech rix ri ngixtaqin richin rijaꞌ, ri abꞌej riꞌ yalan reqalen, pero pa kiwech ri ma kitaqin ta, ma jun reqalen, achel ndubꞌij chupan ri rutzij ri Dios tzꞌibꞌan kan:
Ri abꞌej ri pa kiwech ri bꞌanuy teq jay ma jun rikꞌaꞌtz chin ta xkikusaj,
Ja abꞌej riꞌ, ri xkꞌatzin chin xok ruchuqꞌaꞌ ruxeꞌ ri jay.2:7 Sal. 118:22
8Y chupan ri rutzij ri Dios tzꞌibꞌan kan ndubꞌij chuqaꞌ:
Jun abꞌej ri achoq chuwech ndikipajkꞌij kaqen ri wineq, jun nimalej abꞌej ri achoq pariꞌ2:8 Is. 8:14; Ro. 9:32, 33 ngetzaq.
Keriꞌ tzꞌibꞌan kan.
Ri wineq riꞌ ndikipajkꞌij kaqen chuwech, porque keriꞌ bꞌiꞌin kan chi ndibꞌanatej kikꞌin, porque ma ndikitaqij ta ri utzulej teq tzij chin kolotajik.
9Pero rix, rix jun tinamit chaꞌon2:9 Dt. 10:15 roma ri Dios, rix sacerdotes ri ndibꞌen rusamaj ri Dios ri nimalej Rey, rix jun loqꞌolej tinamit y rix loqꞌon roma ri Dios. Keriꞌ rubꞌanun ri Dios chiwa, chin nditzijoj ri nimalej teq achike erubꞌanun rijaꞌ ri xoyon iwichin chin xixrelesaj pe chupan ri qꞌequꞌ y xixruyaꞌ chupan ri nimalej ru-luz rijaꞌ. 10Rix jumbꞌey kan, nixta rix rutinamit ri Dios, pero wokami rix rutinamit.2:10 Os. 2:23; Ro. 9:25, 26 Jumbꞌey kan, ri Dios ma rujoyowan ta iwech, pero wokami kin rujoyowan iwech.
Tikꞌuaj jun utzulej kꞌaslen
11Hermanos, riyin tzꞌan ngixinwojoꞌ. Y roma ma chochꞌulew ta kꞌo ri qetzij iwachoch, y xaxe jubꞌaꞌ ngixkꞌojeꞌ e chuwech ri rochꞌulew, nikꞌutuj kamelal chiwa chi tiqꞌataꞌ iwiꞌ chuwech ri itzel teq achike ndurayij ri i-cuerpo, ri ndikajoꞌ ndikiyaꞌ ri iwánima chuxeꞌ ri kuchuqꞌaꞌ.2:11 Stg. 4:112Tikꞌuaj jun utzulej kꞌaslen2:12 Fil. 2:15 chikikajal ri ma kitaqin ta ri Dios, chin keriꞌ maske ndikibꞌij chiwij chi rix bꞌanuy itzel teq achike,2:12 1P. 3:16 rejeꞌ roma ndikitzꞌet chi rix ndibꞌen ri utz chikitoꞌik ri wineq, kin xtikiyaꞌ ruqꞌij ri Dios chupan ri qꞌij atoq rijaꞌ nduyaꞌ qꞌij chake chi ndikitaqij ri utzulej teq tzij chin kolotajik.
Tinimaj kitzij ri kꞌo uchuqꞌaꞌ pa kiqꞌaꞌ pa ruwiꞌ ri itinamit
13Rix roma itaqin ri Ajaw, ndikꞌatzin ndinimaj kitzij konojel ri kꞌo uchuqꞌaꞌ pa kiqꞌaꞌ pa ruwiꞌ ri itinamit.2:13 Mt. 22:21; Ro. 13:1 Tinimaj rutzij ri rey, porque ri rey jariꞌ ri más kꞌo ruqꞌij chikikajal ri kꞌo uchuqꞌaꞌ pa kiqꞌaꞌ chochꞌulew. 14Tinimaj kitzij chuqaꞌ ri ngebꞌanun gobernar, porque rejeꞌ yoꞌon uchuqꞌaꞌ pa kiqꞌaꞌ pa kiwiꞌ ri tinamit roma ri rey chin ngekibꞌen castigar ri ngebꞌanun itzel teq achike,2:14 Ro. 13:4 y chin chuqaꞌ ndikinimrisaj kibꞌiꞌ ri ngebꞌanun ri utz. 15Porque ri rurayibꞌel ri Dios chiwa, ja ri ndibꞌen ri utz, chin keriꞌ ri wineq ri ma pa ruchojmil ta ngenojin y xetal ngekibꞌilaꞌ tzij chiwij, atoq ndikitzꞌet ri utz ngixtajin rikꞌin, ma jun chik achike xtikibꞌij chiwij.
16Rix, rix libre chik,2:16 1Co. 7:22; Gá. 5:1 pero ma tikusaj ri libertad riꞌ chin ndibꞌen mak. Xa kin pa ruqꞌaꞌ ri Dios tijachaꞌ ri ikꞌaslen y tibꞌanaꞌ ri ndirajoꞌ rijaꞌ. 17Tibꞌanaꞌ chi konojel wineq kꞌo keqalen pa iwech, keꞌiwojoꞌ ri hermanos, tinimaj rutzij ri Dios rikꞌin nojel iwánima, y tibꞌanaꞌ chi kꞌo reqalen pa iwech ri rey kꞌo pa ruwiꞌ ri itinamit.
Ri ndikꞌatzin ndikibꞌen ri ekꞌo chuxeꞌ kitzij chꞌaqa chik
18Rix samajelaꞌ, chiꞌijununal tinimaj kitzij2:18 Ef. 6:5 ri iwajaw chochꞌulew rikꞌin nojel iwánima, y ma xe tinimaj kitzij ri iwajaw ri ngixkajoꞌ y utz kinoꞌoj chiwa, xa kin ndikꞌatzin chuqaꞌ ndinimaj kitzij ri ma utz ta kinoꞌoj chiwa. 19Porque si roma ndiwojoꞌ ndibꞌen ri ndirajoꞌ ri Dios ndikachꞌ qꞌaxomal2:19 Mt. 5:10 ri maneq roma bꞌanun chiwa, riꞌ kin kꞌo reqalen chuwech ri Dios. 20Porque, ¿kꞌo kami reqalen ndiwil chuwech ri Dios si roma imak ngixchꞌay y ndikachꞌ? Ma jun. Pero si roma ndibꞌen ri utz2:20 1P. 3:14 ndiqꞌasaj keriꞌ y kin ndikachꞌ, reꞌ kin kꞌo reqalen chuwech ri Dios. 21Porque xixoyox roma ri Dios chin ndiqꞌasaj jubꞌaꞌ kꞌayew2:21 Hch. 14:22 roma ri utz ngixtajin rikꞌin, porque ri Cristo chuqaꞌ xuqꞌasaj kꞌayew iwoma,2:21 1P. 3:18 y keriꞌ xuyaꞌ kan ejemplo chiwech chi tiwoqaj ri achel xubꞌen rijaꞌ pa rukꞌaslen. 22Rijaꞌ ma jun mak xubꞌen, y nixta jun chꞌakatinik xel pa ruchiꞌ.2:22 Is. 53:923Atoq xebꞌix mal teq tzij chare, ma xutzolij ta rukꞌexel,2:23 Is. 53:7 y atoq xyoꞌox pa kꞌayew, ma xubꞌij ta chi ndutzolij rukꞌexel. Rijaꞌ xa kin xujech riꞌ pa ruqꞌaꞌ ri Dios ri pa ruchojmil nduqꞌet tzij pa kiwiꞌ ri wineq. 24Ri Cristo xreqalej ri qamak pa ru-cuerpo cho cruz, chin keriꞌ ngojken chuwech ri qamak y ndiqakꞌuaj jun chojmilej kꞌaslen. Ri Cristo xsokotej chin keriꞌ roj xojkꞌachꞌojrisex.2:24 Is. 53:525Porque rix jumbꞌey kan, rix achel karneꞌl sachineq bꞌey chikiwech,2:25 Ez. 34:5, 6 pero wokami xtzolij pe iwánima rikꞌin ri Cristo ri Yuqꞌunel2:25 Jn. 10:11 y Chajinel chin ri iwánima.
3Ri ndikꞌatzin ndikibꞌen ri ekꞌulan
1Keriꞌ chuqaꞌ rix ixoqiꞌ, chiꞌijununal tinimaj kitzij ri iwachijil, chin keriꞌ si ekꞌo jujun ri ma kitaqin ta ri Dios, atoq ndikitzꞌet ri ikꞌaslen rix, rejeꞌ ndikitaqij3:1 1Co. 7:16 ri utzulej teq tzij chin kolotajik, maske rix ma jun tzij ndibꞌij chake pa ruwiꞌ ri kolotajik riꞌ. 2Porque ri iwachijil ndikitzꞌet ri chꞌajchꞌaj ikꞌaslen ikꞌuan y ndikiyaꞌ cuenta chare chi kin ngixniman wi. 3Atoq ndiweq iwiꞌ, ma tibꞌen rukꞌojlen ri iwiꞌ xe chin ndibꞌananelaꞌ, y ma tibꞌa iwánima chirij rukusaxik joyas ebꞌanun rikꞌin qꞌanapueq, nixta pa ruwiꞌ jabꞌel teq tzieq santienta kajel. 4Ri iweqbꞌel ndikꞌatzin, ja ri ndikꞌuaj jun jabꞌel yalan noꞌoj y ki-kiꞌ iwánima. Jun weqbꞌel keriꞌ, kin santienta reqalen chuwech ri Dios. 5Porque keriꞌ ruweqbꞌel kánima xkibꞌen ri loqꞌolej teq ixoqiꞌ ojer, xkikuqubꞌaꞌ kikꞌuꞌx rikꞌin ri Dios y xeniman chikiwech ri kachijil.3:5 Ef. 5:226Achel xubꞌen ri Sara ojer kan, xunimaj rutzij ri Abraham ri rachijil y xubꞌij wajaw3:6 Gn. 18:12 chare. Y rix, rix achel ral ri Sara, si ndibꞌen ri utz y ma ndixibꞌij ta iwiꞌ ndiqꞌasaj kꞌayew pa ikꞌaslen.
7Keriꞌ chuqaꞌ rix achiꞌaꞌ, rikꞌin utzulej noꞌoj tikꞌuaj ri kꞌaslen rikꞌin ri iwixjayil.3:7 1Co. 7:3; Ef. 5:28, 29 Tiyaꞌ keqalen, tikꞌuxlaꞌaj chi más jubꞌaꞌ ok kuchuqꞌaꞌ ke chiwech rix, y chi junan kikꞌin rejeꞌ ndikochij ri kꞌaslen ri nduyaꞌ ri Dios chiwa roma ri ru-favor. Keriꞌ tibꞌanaꞌ kikꞌin, chin nixta jun achike ndiqꞌato ri i-oración.
Ri ndikꞌatzin ndikibꞌen konojel ri kitaqin ri Ajaw
8Ri rukꞌuꞌx nojel re ngitajin chutzꞌibꞌaxik chiwa, jareꞌ: Xe jun iwánima3:8 Ro. 12:16 tibꞌanaꞌ rix iwonojel, kixpoqonan,3:8 Ef. 4:32; Col. 3:12 tiwojoꞌ iwiꞌ chiwech, utz inoꞌoj tibꞌanaꞌ y ma tinimrisaj iwiꞌ. 9Ma titzolij rukꞌexel ri itzel ndibꞌan chiwa, nixta titzolij rukꞌexel ri mal teq tzij3:9 Mt. 5:39, 44 ndibꞌix chiwa. Pa rukꞌexel riꞌ, tikꞌutuj chare ri Dios chi tuyaꞌ ru-favor pa kiwiꞌ ri ngebꞌanun keriꞌ chiwa. Porque ri Dios rix royon chin nduyaꞌ ru-favor3:9 Mt. 25:34 pa iwiꞌ. 10Porque ri rutzij ri Dios tzꞌibꞌan kan, kereꞌ ndubꞌij:
Ri ndirajoꞌ ndukꞌuaj jun yalan kꞌaslen chochꞌulew y ndirajoꞌ ndikikot,
Tuqꞌataꞌ riꞌ chin ma ngerubꞌilaꞌ mal teq tzij chake chꞌaqa chik,
Y ma tukusaj ruchiꞌ chin ndichꞌakatin.
11Tuyaꞌ kan ri itzel kꞌaslen, y tubꞌanaꞌ ri utz,
Tukanoj nojel ri ndukꞌen pe uxlanen chikikajal ri wineq y ja ri kꞌaslen chin uxlanen tiroqaj.
12Porque ri Ajaw ngerutzutzaꞌ pe ri kikꞌuan jun chojmilej kꞌaslen chin ngeruchajij,
Y ndirakꞌaxaj ri oraciones ndikibꞌen.3:12 Jn. 9:31
Pero yakatajneq royowal chake ri ndikibꞌanalaꞌ itzel teq achike.3:12 Sal. 34:12-16
Keriꞌ tzꞌibꞌan kan.
13Si jumul nditij iqꞌij ndibꞌen ri utz chake chꞌaqa chik, nixta jun ndibꞌanun itzel chiwa.3:13 Pr. 16:714Pero si roma ndikꞌuaj jun chojmilej kꞌaslen ndibꞌan chiwa chi ndiqꞌasaj kꞌayew, ¡kin jabꞌel roꞌiqꞌij!3:14 Mt. 5:10 Ma tixibꞌij iwiꞌ3:14 Is. 8:12; Jer. 1:8 chikiwech ri keriꞌ ngebꞌanun chiwa, nixta tichꞌujrisaj iwiꞌ chunojixik. 15Pa iwánima tinimrisaj ruqꞌij ri Cristo, rikꞌin ndibꞌen chare chi ja rijaꞌ rajaw ri ikꞌaslen. Kin jumul kꞌes inoꞌoj chin nditzolij ruwech kitzij3:15 Col. 4:6; 2Ti. 2:25 ri ngekꞌutun razón chiwa chi achike roma kuqul ikꞌuꞌx iwoyobꞌen ri rusujun kan ri Dios. 16Pero atoq nditzolij ruwech kitzij, tibꞌanaꞌ rikꞌin jun iwánima ri nixta jun oyowal ndurayij3:16 Mt. 5:44; 1P. 2:12 y rikꞌin yalan teq tzij. Tikꞌuaj jun chꞌajchꞌaj kꞌaslen, chin ma itzel tunaꞌ ri iwánima, chin keriꞌ ri ngewalal chirij ri utzulej kꞌaslen ikꞌuan roma itaqin ri Cristo, xa kiyon ndikikꞌixbꞌisaj qa kiꞌ roma ri tzij ndikibꞌilaꞌ chiwij.
17Porque más utz ndiqꞌasaj kꞌayew roma ndibꞌen ri utz,3:17 2Ti. 3:12 si jariꞌ ri rurayibꞌel ri Dios chi ndiqꞌasaj pa ikꞌaslen, ke chuwech ndiqꞌasaj kꞌayew roma ndibꞌen ri ma utz ta. 18Tikꞌuxlaꞌaj chi ri Cristo xe jumbꞌey xkꞌatzin xken chin xutaj ri qamak. Rijaꞌ nixta jun mak rubꞌanun, y xuqꞌasaj kꞌayew qoma roj ri roj aj mak, chin xujeq bꞌey chiqawech chin kꞌo cheꞌel ngojok rikꞌin ri Dios.3:18 Col. 1:21, 22 Ri aj rochꞌulew ru-cuerpo ri Cristo xken, pero ri ru-espíritu kin kꞌes wi. 19Y pa ru-espíritu xbꞌa apeꞌ etzꞌapel ri espíritus y xbꞌetzijon chikiwech. 20Ri espíritus riꞌ, ja ri ma xeniman ta chupan teq ri qꞌij atoq ri Noé ndajin rikꞌin ri nimalej barco.3:20 Gn. 6:13, 14 Atoq riꞌ, ri Dios layaj xeroyobꞌej ri wineq chin ta xtzolij kánima rikꞌin, pero xa waqxaqiꞌ ok wineq xkikal kiꞌ,3:20 He. 11:7 porque xeꞌok chupan ri barco ri xuliꞌej ri yaꞌ. 21Y achel xkibꞌen ri wineq ojer ri xkikal kiꞌ chupan ri yaꞌ, roj wokami ndiqabꞌen bautizar3:21 Ef. 5:26; Tit. 3:5 qiꞌ, chin ndiqakꞌut chi xojkolotej yan chuwech ri castigo nduyaꞌ ri Dios. Ri bautismo ma chin ta nduchꞌajchꞌojrisaj ri qa-cuerpo. Ri bautismo ndukꞌut chi ndiqajoꞌ chi jumul utz rubꞌanun ri qánima chuwech ri Dios, y chi rijaꞌ roj rukolon roma ri Jesucristo xkꞌastej pe chikikajal ri animaꞌiꞌ. 22Ri Jesucristo atoq xbꞌa e chikaj, xbꞌekꞌojeꞌ pa rikiqꞌaꞌ3:22 Ro. 8:34; Ef. 1:20; Col. 3:1; He. 1:3 ri Dios y chuxeꞌ rutzij ekꞌo ángeles, ekꞌo chuqaꞌ ri chꞌaqa chik espíritus ri kꞌo uchuqꞌaꞌ pa kiqꞌaꞌ, y ekꞌo chuqaꞌ ri nimalej kuchuqꞌaꞌ.
41Roma kꞌa riꞌ, achel ri Cristo xuqꞌasaj kꞌayew pa ru-cuerpo, rix tiyaꞌ pa iwánima chi keriꞌ ndikꞌatzin ndiqꞌasaj chuqaꞌ, porque si jun hermano nduqꞌasaj kꞌayew pa ru-cuerpo roma rutaqin ri Cristo, maneq chik más ruchuqꞌaꞌ ri mak4:1 Ro. 6:2, 7; Gá. 5:24; Col. 3:5 pa rukꞌaslen. 2Keriꞌ tiyaꞌ pa iwánima, chin keriꞌ ri janipeꞌ chik qꞌij ngixkꞌaseꞌ e chochꞌulew, ma tukꞌuꞌex ri ikꞌaslen roma ri itzel teq rayinik ri ndalex pe pa iwánima,4:2 Ro. 6:11-13; Tit. 2:12 y xa kin tibꞌanaꞌ ri rurayibꞌel ri Dios. 3Rix jumbꞌey kan, kꞌiy tiempo xikꞌuaj jun kꞌaslen achel kikꞌaslen ri wineq ma kitaqin ta ri Dios.4:3 Ef. 4:17-20 Ma xixtiker ta xiqꞌet iwiꞌ chuwech ri ma utz ta ndurayij ri i-cuerpo, kin xbꞌa iwánima chirij itzel teq rayinik, xeꞌibꞌen nimaqꞌij apeꞌ xixwayilaꞌ y xiqꞌabꞌarisaj iwiꞌ, santienta awariénta xitijlaꞌ, y xiyalaꞌ kiqꞌij tiox4:3 Gá. 5:20 ri kin ndimulu rukꞌuꞌx ri Dios rikꞌin. 4Wokami ri wineq ri ma kitaqin ta ri Dios, ndisach kikꞌuꞌx chiwij, roma rix ma ndibꞌen chi ta achel ndikibꞌen rejeꞌ, chi kikꞌuan jun itzel kꞌaslen, y romariꞌ itzel ngechꞌaꞌa chiwij.4:4 1P. 3:165Pero ri wineq riꞌ, ndeqaqa jun qꞌij ndekibꞌij ri xkibꞌen pa kikꞌaslen chuwech ri Cristo ri kin runabꞌan chik riꞌ chin nduqꞌet tzij pa kiwiꞌ ri ekꞌes y ri ekamineq.4:5 Hch. 10:42; 17:31; Ro. 14:106Romariꞌ xtzijox chuqaꞌ ri utzulej teq tzij chin kolotajik chake ri ekamineq,4:6 1P. 3:19 chin ndikꞌojeꞌ rukꞌaslen ri ki-espíritu, achel kꞌo rukꞌaslen ri Dios ri kin espíritu wi, maske chireꞌ chochꞌulew ri wineq riꞌ xeken wi e, achel qꞌaton pa kiwiꞌ konojel wineq.
Utz rukusaxik tiqabꞌanaꞌ ri loqꞌolej teq sipanik ngeruyaꞌ ri Dios
7Ri rukꞌisibꞌel chin nojel ri ndajin chochꞌulew nduqaqa yan,4:7 Ro. 13:12; Fil. 4:5; He. 10:25 romariꞌ titzꞌetaꞌ utz-utz ri ndibꞌen pa ikꞌaslen, y titijaꞌ iqꞌij chi jumul ndibꞌen orar. 8Y pa ruwiꞌ nojel ri ndibꞌen pa ikꞌaslen, ri más ndikꞌatzin ja ri ndiwojoꞌ iwiꞌ rikꞌin nojel iwánima. Porque ri ngixojowan4:8 1Co. 13:7 ndubꞌen chiwa chi ndikuy santienta mak.4:8 Stg. 5:209Atoq ndikꞌatzin ndikꞌen apu kiwech pa iwachoch ri epataneq jukꞌan chik apeꞌ, tibꞌanaꞌ rikꞌin nojel iwánima, y ma kixwalal ri keriꞌ ndibꞌen. 10Chiꞌijununal tikusaj ri loqꞌolej sipanik yoꞌon chiwa roma ri Dios chin ngeꞌitoꞌ ri chꞌaqa chik hermanos. Kin ta qꞌalej chi rikꞌin nojibꞌel ndikusaj ri jalajaj ruwech loqꞌolej sipanik ngeruyaꞌ ri Dios roma ri nimalej ru-favor. 11Ri hermano ri yoꞌon loqꞌolej sipanik chare chi ndipixabꞌan, kin tukusaj tzij ri pataneq rikꞌin ri Dios.4:11 Jer. 23:28 Atoq jun ngerutoꞌ ri ndikꞌatzin kitoꞌik, tiqꞌalajin rikꞌin chi ja ri Dios yoyon uchuqꞌaꞌ chare chin nditoꞌon. Nojel ri ndibꞌen, tibꞌanaꞌ chin ndiyoꞌox ruqꞌij ri Dios roma ri xubꞌen ri Jesucristo. Rijaꞌ kin nimalej ruqꞌij y nimalej ruchuqꞌaꞌ chin jumul.4:11 1Ti. 6:16; 1P. 5:11; Ap. 1:6 Amén.
Tikikot qánima chupan ri kꞌayew ndiqaqꞌasaj roma qataqin ri Dios
12Hermanos, riyin tzꞌan ngixinwojoꞌ, y nibꞌij chiwa chi ma tisach ikꞌuꞌx roma ri kꞌayew ndiqꞌasaj, porque ri kꞌayew riꞌ chin nditojtobꞌex ri iwánima si qetzij kuqul ikꞌuꞌx rikꞌin ri Dios.4:12 1P. 1:6, 7 Y ma tinaꞌ chi ja rix ri nabꞌey ndikꞌulwachij jun kꞌayew keriꞌ. 13Pa rukꞌexel chi ndisach ikꞌuꞌx, xa kixkikot chi jajun rix ndiqꞌasaj jubꞌaꞌ kꞌayew achel xuqꞌasaj ri Cristo iwoma, chin keriꞌ atoq nduruqꞌalajrisaj riꞌ chupan ri nimalej ruqꞌij, rix chuqaꞌ kin santienta xkixkikot rikꞌin.4:13 Ro. 8:17; 2Co. 1:714Jabꞌel roꞌiqꞌij atoq ndibꞌix itzel teq tzij chiwa4:14 Mt. 5:11; 2Co. 12:10; Stg. 1:12; 1P. 2:19, 20 roma itaqin ri Cristo, porque ri Espíritu chin ri Dios ri kꞌo nimalej ruqꞌij kin kꞌo wi pa iwiꞌ rix. 15Man ta ndibꞌanatej chi jun chiꞌikajal rix nduqꞌasaj kꞌayew roma xubꞌen jun kamik, o jun eleqꞌ, o jun chꞌaꞌoj, o rujuꞌun apu riꞌ apeꞌ ma oyon ta.4:15 2Ts. 3:11; 1Ti. 5:1316Pero si kꞌo jun nduqꞌasaj kꞌayew roma rutaqin ri Cristo, ma tikꞌix, xa kin tuyaꞌ ruqꞌij ri Dios roma rutaqin ri Cristo.4:16 Hch. 5:41
17Roma ja tiempo chik chi ri Dios nduqꞌet tzij pa kiwiꞌ ri wineq, pero ri nabꞌey keriꞌ ndibꞌan chaqe, ja roj ri qataqin rijaꞌ, chin ndichojmirisex ri qakꞌaslen. Y si ndiqꞌat tzij nabꞌey pa qawiꞌ roj ri qataqin chik, tinojij na kꞌa janipeꞌ chi castigo ndiyoꞌox4:17 Lc. 10:12 chake ri ma ndikinimaj ta ri utzulej teq tzij chin kolotajik ri nduyaꞌ ri Dios. 18Achel ndubꞌij ri rutzij ri Dios tzꞌibꞌan kan: Si ri kikꞌuan jun chojmilej kꞌaslen chuwech ri Dios, cuesta ngekolotej, ¿achike xtibꞌanatej kikꞌin ri wineq maneq Dios pa kiwech, y jumul ndikibꞌen mak?4:18 Pr. 11:31 Keriꞌ tzꞌibꞌan kan. 19Roma kꞌa riꞌ, roj ri ndiqaqꞌasaj kꞌayew roma ndiqabꞌen ri rurayibꞌel ri Dios,4:19 1P. 3:17 ma tiqayaꞌ kan chi ndiqabꞌen ri utz y jumul tiqajachaꞌ qánima pa ruqꞌaꞌ ri Dios ri bꞌanayon qichin, y kin ndubꞌen wi ri ndubꞌij.
5Ri ndikꞌatzin ndikibꞌen ri ukꞌuey bꞌey chikiwech ri hermanos
1Y roma re qabꞌiꞌin pe, ngixinpixabꞌaj chuqaꞌ rix ri ukꞌuey bꞌey chikiwech ri hermanos. Riyin chuqaꞌ yin jun ukꞌuey bꞌey achel rix, y yin jun ri xintzꞌet ri kꞌayew xuqꞌasaj ri Cristo. Riyin chuqaꞌ jun ri ndikꞌojeꞌ nuqꞌij chikikajal ri ndikꞌojeꞌ kiqꞌij atoq ri Cristo xtuqꞌalajrisaj chik riꞌ chupan ri nimalej ruqꞌij.5:1 Ro. 8:172Keꞌichajij utz-utz ri hermanos5:2 Jn. 21:16 achel ndubꞌen jun yuqꞌunel kikꞌin ri rukarneꞌl, porque ri hermanos riꞌ erichin ri Dios y ejachon pa iqꞌaꞌ rix chin ngeꞌichajij. Ma tinaꞌ chi jun eqaꞌ chiwij, xa kin nojel iwánima keꞌichajij achel ndirajoꞌ ri Dios chi ndibꞌen. Ma tibꞌen ri samaj roma ndiwojoꞌ ndiwelesaj méra chikiqꞌaꞌ,5:2 1Ti. 3:3, 8 xa kin tibꞌa iwánima chikichajixik. 3Ma tibꞌen achel rix kajaw5:3 Ez. 34:4; Mt. 20:25 ri hermanos ri ejachon pa iqꞌaꞌ chin ngeꞌichajij. Pa rukꞌexel riꞌ, titijaꞌ iqꞌij tikꞌuaj jun chojmilej kꞌaslen chikiwech, chin keriꞌ ndikoqaj ri ikꞌaslen. 4Y keriꞌ, atoq nduruqꞌalajrisaj chik riꞌ jumbꞌey ri Cristo ri nimalej Yuqꞌunel5:4 He. 13:20 kichin ri yuqꞌunelaꞌ, kin xtiyoꞌox chiwa jun nimalej rajel-rukꞌexel, y riꞌ, ja ri xtikꞌojeꞌ iqꞌij chin jumul.
Ri ndikꞌatzin ndikibꞌen ri hermanos
5Y achel qabꞌiꞌin pe chi ndikꞌatzin ndiqanimaj qiꞌ chiqawech, keriꞌ chuqaꞌ rix qꞌopojiꞌ y kꞌajolaꞌ, tinimaj kitzij ri eꞌukꞌuey bꞌey chikiwech ri hermanos. Rix iwonojel tiqasaj iwiꞌ chin ndinimaj iwiꞌ chiwech.5:5 Ef. 5:21 Porque ri rutzij ri Dios tzꞌibꞌan kan kereꞌ ndubꞌij:
Ri Dios ma ndukꞌen ta apu kiwech ri ndikinimrisalaꞌ kiꞌ,
Pero nduyaꞌ ri ru-favor pa kiwiꞌ ri ndikiqasaj kiꞌ chuwech.5:5 Pr. 3:34; Stg. 4:6
Keriꞌ tzꞌibꞌan kan.
6Romariꞌ, tiqasaj iwiꞌ chuwech ri Dios ri kin nimalej ruchuqꞌaꞌ, y rijaꞌ kin xtunimrisaj iqꞌij chupan ri qꞌij ri runojin rijaꞌ pa iwiꞌ.5:6 Mt. 23:12; Stg. 4:107Tiyaꞌ pa ruqꞌaꞌ ri Dios nojel ri kꞌayew ndinaꞌ pa iwánima,5:7 Sal. 55:22; Mt. 6:25; Fil. 4:6 porque rijaꞌ kin ngixrubꞌen cuenta.
8Pa iwuxnaqil tibꞌanaꞌ nojel y tichajij utz-utz ri ikꞌaslen, porque ri itzel5:8 Mt. 4:1-11; Jn. 8:44; Ef. 4:27; 6:11; Stg. 4:7 royowal chiwa, y achel jun koj ndisikꞌin ndukanoj achike ta jun nduqetzelaꞌ chi eyaj. 9Tipabꞌaꞌ iwiꞌ chuwech ri itzel, rikꞌin jabꞌel kuqul ikꞌuꞌx5:9 Col. 2:5 rikꞌin ri Dios, porque iwetaman chi nojel apeꞌ pariꞌ ri rochꞌulew, ri qa-hermanos ndikiqꞌasaj kꞌayew achel ri ndiqꞌasaj rix wokami. 10Y ri Dios ri ndiyoꞌon nojel ruwech favor, ri xoyon iwichin chin ndikꞌojeꞌ iqꞌij chupan ri nimalej ruqꞌij ri Cristo,5:10 Ro. 8:18 roma xe jun ibꞌanun rikꞌin, rijaꞌ atoq iqꞌasan chik jubꞌaꞌ tiempo5:10 1P. 1:6 chupan ri kꞌayew, ndubꞌen chiwa chi ngixok nojel ri ndirajoꞌ rijaꞌ chi ngixok, ndubꞌen chiwa chi ma jumbꞌey xtiyaꞌ kan, chi kꞌo ruchuqꞌaꞌ ri iwánima, y chi nixta jun ndelesan e iwichin pa ruqꞌaꞌ rijaꞌ. 11Kin richin wi rijaꞌ ri uchuqꞌaꞌ pa ruwiꞌ nojel chin jumul.5:11 1P. 4:11 Amén.
Ma kixel e chupan ri favor nduyaꞌ ri Dios
12Ri Silvano5:12 2Co. 1:19; 2Ts. 1:1 xirutoꞌ chin xintzꞌibꞌaj e re wuj reꞌ chiwa. Rijaꞌ jun hermano ri kin kuqul nukꞌuꞌx rikꞌin. Chupan re wuj reꞌ ma kꞌiy ta ok achike nutzꞌibꞌan e chiwa,5:12 He. 13:22 pero ri achike nutzꞌibꞌan e, kin chin ngixinpixabꞌaj y chin chuqaꞌ nibꞌij chiwa chi ri favor iwilon ndikꞌutu chi qetzij ri Dios ngixrajoꞌ. Roma kꞌa riꞌ, ma jumbꞌey kixel e chuxeꞌ ri favor riꞌ.
13Ri hermanos ekꞌo pa Babilonia, ri echaꞌon roma ri Dios, achel rubꞌanun chiwa rix, ndikiteq e ruxunaqil iwech. Keriꞌ chuqaꞌ ri Marcos5:13 Hch. 12:12 ri kin achel nukꞌajol pa rubꞌiꞌ ri Ajaw, nduteq e ruxunaqil iwech. 14Keriꞌ chuqaꞌ rix, tiyaꞌ ruxunaqil iwech chiwech rikꞌin jun loqꞌolej tzꞌubꞌanik5:14 Ro. 16:16 chiꞌiqꞌoꞌtz.
Rix iwonojel ri xe jun ibꞌanun rikꞌin ri Cristo, tikꞌojeꞌ uxlanen pa iwánima.