Ri nabꞌey wuj rutzꞌibꞌan kan ri apóstol Juan
1Ri Jun ri ndiqꞌalajrisan runoꞌoj ri Dios nduyaꞌ kꞌaslen
1Re wuj re nitzꞌibꞌaj e chiwa, ndichꞌaꞌa pa ruwiꞌ ri Jun ri kin xixkꞌo wi atoq kꞌajani tibꞌan ri kaj y ri rochꞌulew.1:1 Jn. 1:1 Y roj ri roj apóstoles kin rikꞌin qawech xqatzꞌet rijaꞌ,1:1 2P. 1:16 rikꞌin qaxikin xqakꞌaxaj ri xubꞌij, y rikꞌin qaqꞌaꞌ xqatzꞌen.1:1 Lc. 24:39 Y ri achoq pa ruwiꞌ ngojchꞌaꞌa, ja ri Jun ri ndiqꞌalajrisan runoꞌoj ri Dios1:1 Ap. 19:13 y nduyaꞌ kꞌaslen. 2Ri Jun ri ndiyoꞌon kꞌaslen,1:2 Jn. 1:4 xuruqꞌalajrisaj riꞌ chochꞌulew y roj rikꞌin qawech xqatzꞌet, y ndiqatzijoj chi qetzij porque xqatzꞌet.1:2 1Ti. 3:16 Y ri kꞌaslen nduyaꞌ rijaꞌ, ja ri kꞌaslen ma ndikꞌis ta. Y ri ndiyoꞌon ri kꞌaslen riꞌ, kin xixkꞌo wi rikꞌin ri Tataꞌaj Dios, y xuruqꞌalajrisaj riꞌ chiqawech. 3Ndiqatzijoj chiwa ri xqatzꞌet1:3 Jn. 19:35 y ri xqakꞌaxaj, chin keriꞌ ma ndiyaꞌ kan chi xe jun ibꞌanun qikꞌin, achel xe jun qabꞌanun rikꞌin ri Qatataꞌ Dios,1:3 Jn. 17:21 y rikꞌin ri Jesucristo ri Rukꞌajol. 4Nojel reꞌ ndiqatzꞌibꞌaj chiwa,1:4 1Jn. 2:1 chin keriꞌ tzꞌaqet ndikikot qánima1:4 Jn. 15:11 roj qonojel.
Ndikꞌatzin ndiqabꞌij chare ri Dios ri mak qabꞌanun
5Y jareꞌ ri tijonik rukꞌutun kan ri Jesucristo chiqawech y ndiqatzijoj chiwa wokami: Ri Dios kin luz wi,1:5 Jn. 1:9; 8:12; 9:5 y rikꞌin rijaꞌ ma jun qꞌequꞌ kꞌo. 6Si ndiqabꞌij chi xe jun qabꞌanun rikꞌin ri Dios, pero xa qakꞌuan ri qakꞌaslen pa qꞌequꞌ,1:6 Jn. 12:35 xa ngojreqꞌon, y ma ndiqabꞌen ta ri qetzij1:6 1Jn. 2:4, 11 pa qakꞌaslen. 7Pero si ndiqakꞌuaj qakꞌaslen pa luz achel rijaꞌ kꞌo pa luz,1:7 Is. 2:5; 1Ti. 6:16 riꞌ ndubꞌen chaqe chi xe jun ndiqabꞌen chiqawech kikꞌin ri hermanos, y ri rukikꞌel ri Jesús ri Rukꞌajol, qꞌij-qꞌij ngojruchꞌajchꞌojrisaj chuwech nojel qamak.
8Si ndiqabꞌij chi nixta jun qamak,1:8 Ec. 7:20; 1R. 8:46; Stg. 3:2 xa qayon ndiqachꞌakatij qiꞌ, y ri qetzij ma kꞌo ta pa qánima. 9Pero si ndiqayaꞌ chiqij ri mak qabꞌanun, rijaꞌ kin ndukuy ri qamak y ngojruchꞌajchꞌojrisaj chuwech nojel ri itzel teq achike qabꞌanaloꞌon. Rijaꞌ ndukuy qamak, porque kin chojmilej y kin ndubꞌen wi ri ndubꞌij. 10Si ndiqabꞌij chi maneq mak1:10 Job 15:14 qabꞌanun, ndiqabꞌen chare achel xa jun reqꞌóta keriꞌ,1:10 1Jn. 5:10 y ri rutzij ma kꞌo ta pa qánima.
21Rix ri kin achel rix walkꞌuaꞌl keriꞌ, nitzꞌibꞌaj e nojel reꞌ chiwa, chin ma ngixtzaq pa mak, pero si kꞌo jun ndubꞌen mak, kꞌo jun ndichꞌaꞌa pa qakꞌexel chare ri Tataꞌaj Dios, y riꞌ ja ri Jesucristo ri kin chojmilej rukꞌaslen.2:1 Ro. 8:34; 1Ti. 2:5; He. 7:252Rijaꞌ xujech rukꞌaslen pa kamik pa qakꞌexel chin xkꞌis royowal ri Dios pa qawiꞌ roma ri qamak, y ma xe ta roma ri qamak roj, xa kin roma chuqaꞌ kimak konojel wineq chochꞌulew.2:2 Jn. 1:29; Ro. 3:25; 1Jn. 4:10
Ri Dios ndubꞌij chi tiqajoꞌ qiꞌ
3Si roj ndiqabꞌen ri ndubꞌij ri ru-mandamientos ri Dios, jariꞌ ndikꞌutu chi qetzij qetaman runoꞌoj rijaꞌ.2:3 Jn. 14:154Pero si kꞌo jun ndubꞌij chi retaman runoꞌoj ri Dios, y ma ndubꞌen ta ri ndubꞌij ri ru-mandamientos, xa ndireqꞌon y maneq ri qetzij pa ránima.2:4 1Jn. 1:6; 3:65Pero ri ndiniman rutzij ri Dios, pa rukꞌaslen ri jun riꞌ, ndiqꞌalajin chi kin qetzij ndojowan achel ndojowan ri Dios. Y jareꞌ ri ndikꞌutu chi xe jun qabꞌanun rikꞌin ri Dios:2:5 Jn. 14:236Ri ndibꞌiꞌin chi jumul xe jun rubꞌanun rikꞌin ri Dios, ndikꞌatzin chi ri rukꞌaslen achel ri kꞌaslen xukꞌuaj ri Jesucristo2:6 Mt. 11:29 chochꞌulew.
7Hermanos ri tzꞌan ngixinwojoꞌ, re mandamiento re nitzꞌibꞌaj e wokami chiwa ma kꞌakꞌakꞌ ta,2:7 1Jn. 3:11; 2Jn. 5 xa kin ja ri mandamiento xyoꞌox chiwa atoq xitaqij ri Cristo. Re ojer mandamiento reꞌ ja ri iwakꞌaxan pe. 8Pero kꞌo chuqaꞌ cheꞌel ndiqabꞌij chi ri nitzꞌibꞌaj e chiwa jun kꞌakꞌakꞌ mandamiento,2:8 Jn. 13:34 porque ri rubꞌeyal ri kꞌaslen xukꞌuaj ri Cristo, y ri rubꞌeyal ikꞌaslen chuqaꞌ rix, ndukꞌut chi kꞌakꞌakꞌ. Porque ri qꞌequꞌ ja ndikꞌis e pa ikꞌaslen, y wokami ndiyikꞌan chik pa ikꞌaslen ri qetzij luz pataneq rikꞌin ri Dios.2:8 Jn. 1:9; 8:12; Ro. 13:12; Ef. 5:8
9Si jun ndubꞌij chi rukꞌuan rukꞌaslen chupan ri luz riꞌ, pero xa itzel ndutzꞌet ruwech jun ru-hermano, xa kꞌa pa qꞌequꞌ kꞌo ri rukꞌaslen.2:9 1Jn. 3:10, 1610Jakꞌa ri kin jabꞌel ndirajoꞌ ri ru-hermano, kin qetzij chi rukꞌuan rukꞌaslen chupan ri luz, y ma jun achike xtibꞌanun chare chi nduyaꞌ kan ri Dios.2:10 Jn. 11:9; 2P. 1:1011Pero ri itzel ndutzꞌet ruwech jun hermano, pa qꞌequꞌ kꞌo wi y ja ri qꞌequꞌ ri ukꞌuayon ri rukꞌaslen. Ma retaman ta apeꞌ bꞌaneq ri rukꞌaslen, roma ri qꞌequꞌ achel soqꞌ rubꞌanun chare.2:11 Jn. 12:35; 2Co. 4:4
Ri qetzij kuqul kikꞌuꞌx rikꞌin ri Cristo
12Rix ri kin achel rix walkꞌuaꞌl keriꞌ, nitzꞌibꞌaj e reꞌ chiwa, porque ri imak xekuyutej yan roma ri xuqꞌasaj ri Jesucristo iwoma.2:12 Hch. 13:38; 1Co. 6:1113Nitzꞌibꞌaj e reꞌ chiwa rix ri achel tataꞌatz chikikajal ri kitaqin ri Cristo, porque iwetaman runoꞌoj ri Cristo2:13 Jn. 14:7 ri kin xixkꞌo wi atoq kꞌajani tibꞌan ri kaj y ri rochꞌulew. Nitzꞌibꞌaj e chuqaꞌ chiwa rix ri achel akꞌolaꞌ chikikajal ri kitaqin ri Cristo, porque xixtiker yan pa ruqꞌaꞌ ri itzel. 14Nitzꞌibꞌaj e reꞌ chiwa rix, ri kin achel chꞌuteq wíta akꞌolaꞌ, porque iwetaman runoꞌoj ri Tataꞌaj Dios. Nitzꞌibꞌaj e reꞌ chiwa rix ri achel tataꞌatz chikikajal ri kitaqin ri Cristo, porque iwetaman runoꞌoj ri Cristo ri kin xixkꞌo wi atoq kꞌajani tibꞌan ri kaj y ri rochꞌulew. Nitzꞌibꞌaj e chuqaꞌ chiwa rix ri achel akꞌolaꞌ chikikajal ri kitaqin ri Cristo, porque santienta iwuchuqꞌaꞌ,2:14 Ef. 6:10; Col. 1:11 y ri rutzij ri Dios kin kꞌo pa iwánima y xixtiker yan pa ruqꞌaꞌ ri itzel.2:14 Sal. 119:11
15Ma tibꞌa iwánima chirij ndibꞌen ri ma utz ta ndikibꞌen ri wineq chochꞌulew, nixta chirij ri achike ekꞌo chochꞌulew, porque ri ndibꞌanun keriꞌ, ndiqꞌalajin chi ma ndirajoꞌ ta ri Tataꞌaj Dios pa ránima.2:15 Stg. 1:27; 4:416Porque nojel ri itzel teq achike ekꞌo chochꞌulew, ma rikꞌin ta ri Tataꞌaj Dios pataneq, xa kin chin ri rochꞌulew, y ri itzel teq achike riꞌ, jareꞌ: Ri itzel teq rayinik chin ri qa-cuerpo,2:16 Ef. 2:3 ri itzel teq rayinik chin ri qawech y ri nim ndiqanaꞌ chare roma ri kꞌo qikꞌin chochꞌulew. 17Y ri wineq ri ngebꞌanun ri ma utz ta chochꞌulew xa kin xkekꞌis, y ngekꞌis chuqaꞌ nojel ri itzel teq kirayinik, pero si jun ndubꞌen pa rukꞌaslen ri rurayibꞌel ri Dios, ndiril ri kꞌaslen ma ndikꞌis ta.2:17 Sal. 125:1
18Rix ri kin achel chꞌuteq wíta akꞌolaꞌ keriꞌ, iwetaman chi rojkꞌo chik chupan ri rukꞌisibꞌel tiempo2:18 Ro. 13:11; 1Ti. 4:1 chin ri rochꞌulew. Y achel iwakꞌaxan chi nduqaqa ri jun ri ndiyakatej chirij ri Cristo,2:18 Mt. 24:5; 2Ts. 2:3 wokami ekꞌiy chik ri eyakatajneq chirij ri Cristo, romariꞌ qetaman chi xa rojkꞌo chik chupan ri rukꞌisibꞌel tiempo chin ri rochꞌulew. 19Rejeꞌ chiqakajal roj xeꞌel e, pero ma eqachibꞌil ta, porque xa ta eqachibꞌil, xekꞌojeꞌ ta jumul chiqakajal. Pero xeꞌel e chiqakajal, chin xqꞌalajin2:19 1Co. 11:19 chi ma konojel ta eqachibꞌil.
20Pero rix, rix ukꞌuan roma ruchuqꞌaꞌ ri Espíritu ri yoꞌon chiwa2:20 Is. 44:3 roma ri Cristo ri kin loqꞌolej wi,2:20 Jn. 14:26; 16:13 y romariꞌ rix iwonojel iwetaman chik ri qetzij ruqꞌalajrisan ri Dios. 21Nitzꞌibꞌaj e reꞌ chiwa, ma roma ta chi man ta iwetaman ruchojmil ri qetzij, xa kin roma iwetaman2:21 2P. 1:12 ruchojmil, y roma chuqaꞌ iwetaman chi nixta jun aqꞌ nditzꞌukutej pe rikꞌin ri qetzij. 22¿Achike ri altíra tireqꞌon? Riꞌ ja ri ndibꞌiꞌin chi ri Jesús ma ja ta ri Jun taqon pe roma ri Dios chukolik ri rutinamit.2:22 1Jn. 4:3; 2Jn. 7 Ri ndibꞌiꞌin keriꞌ ndiqꞌalajin chi yakatajneq chirij ri Cristo, porque ndubꞌij chi ri Dios ma Rutataꞌ ta ri Cristo, y ri Cristo ma Rukꞌajol ta ri Dios. 23Konojel ri ndikibꞌij chi ri Jesús ma Rukꞌajol ta ri Tataꞌaj Dios, maneq ri Tataꞌaj Dios pa kánima. Pero ri ndibꞌiꞌin chi ri Jesús kin Rukꞌajol ri Dios, kꞌo chuqaꞌ ri Tataꞌaj Dios2:23 Jn. 14:7 pa ránima.
24Romariꞌ, jumul tikꞌojeꞌ pa iwánima ri utzulej teq tzij ri ndichꞌaꞌa pa ruwiꞌ ri Cristo, ri xiwakꞌaxaj xe jampeꞌ xitaqij pe. Si ri utzulej teq tzij riꞌ jumul ndikꞌojeꞌ pa iwánima, riꞌ ndubꞌen chi jumul xe jun ndibꞌen rikꞌin ri Rukꞌajol ri Dios y rikꞌin ri Tataꞌaj Dios.2:24 2Jn. 925Y si jumul xe jun qabꞌanun rikꞌin, kin qichin wi ri kꞌaslen ma ndikꞌis ta ri rusujun kan rijaꞌ chaqe.2:25 Jn. 17:3
26Riyin nitzꞌibꞌaj e reꞌ chiwa, chin ma ngixqaqa pa kiqꞌaꞌ ri wineq ri ndikajoꞌ ngixkichꞌakatij.2:26 2Jn. 727Pero rix kꞌo ruchuqꞌaꞌ ri Espíritu Santo pa iwánima ri ruyoꞌon ri Jesucristo chiwa, y ma ndikꞌatzin ta chi ri wineq riꞌ ngixkitijoj, porque ja ri Espíritu Santo nditijon iwichin pa ruwiꞌ nojel ri ruqꞌalajrisan ri Dios, y nojel ri ndukꞌut rijaꞌ kin qetzij, ma aqꞌ ta.2:27 Jn. 14:26; 16:13 Romariꞌ jumul xe jun tibꞌanaꞌ rikꞌin ri Cristo, achel rukꞌutun ri Espíritu Santo chiwech.
28Wokami rix ri kin achel rix walkꞌuaꞌl keriꞌ, jumul xe jun tibꞌanaꞌ rikꞌin ri Cristo, chin keriꞌ atoq rijaꞌ nduruqꞌalajrisaj riꞌ, roj kin kuqul qakꞌuꞌx rikꞌin,2:28 1Jn. 4:17 y ma ngojkꞌixbꞌiyaj ta ngojel e chuwech atoq nduqaqa chik jumbꞌey.2:28 1Jn. 3:2
Ri rubꞌanik kikꞌaslen ri eralkꞌuaꞌl ri Dios
29Rix iwetaman chi ri Jesucristo pa ruchojmil ndubꞌen nojel, romariꞌ tiwetamaj chuqaꞌ, chi konojel ri ndikikꞌuaj jun chojmilej kꞌaslen, ndiqꞌalajin chi kikꞌuan ri kꞌakꞌakꞌ alaxik nduyaꞌ ri Dios.
31Tiyaꞌ cuenta chare chi ri Tataꞌaj Dios santienta ngojrajoꞌ roma hasta ndubꞌij ralkꞌuaꞌl chaqe, y kin qetzij wi chi roj ralkꞌuaꞌl.3:1 Jn. 1:12 Y ri wineq ma ndikiyaꞌ ta pa cuenta chi roj ralkꞌuaꞌl, roma ma ketaman ta runoꞌoj rijaꞌ. 2Y nibꞌij chiwa rix ri tzꞌan ngixinwojoꞌ, chi wokami roj ralkꞌuaꞌl chik ri Dios, y maske kꞌajani tiqꞌalajin ri kꞌakꞌakꞌ rubꞌanik qakꞌaslen ndubꞌen ri Dios más apu chiqawech, kin qetaman chi atoq ri Jesucristo nduqaqa chik jumbꞌey, ri rubꞌanik ri qakꞌaslen ndubꞌen qa achel rukꞌaslen rijaꞌ, porque kin xtiqatzꞌet rikꞌin qawech qitz achike rijaꞌ.3:2 Job 19:26; Sal. 17:15; Mt. 5:83Y konojel ri koyobꞌen chi keriꞌ ndibꞌanatej, jumul ndikichꞌajchꞌojrisaj ri kikꞌaslen, chin ndikibꞌen chare achel rukꞌaslen ri Jesucristo, ri kin chꞌajchꞌaj wi.3:3 2Co. 7:1
4Pero konojel ri xe mak koma, ndikiqꞌej ri ndubꞌij ri ley ruyoꞌon kan ri Dios, porque ri mak ja ri ndaqꞌej ri ndubꞌij ri ley. 5Rix iwetaman chi ri Jesucristo xuqaqa chochꞌulew chin xurelesaj ri mak qeqalen, pero rijaꞌ nixta jun rumak.3:5 Is. 53:5; Mt. 1:21; 2Co. 5:21; He. 1:36Konojel ri jumul xe jun kibꞌanun rikꞌin rijaꞌ, kiyoꞌon kan ri mak, pero konojel ri xe mak koma, ma kikꞌoxoman ta achike rijaꞌ, nixta ketaman ri utzulej runoꞌoj.3:6 3Jn. 117Rix ri kin achel rix walkꞌuaꞌl keriꞌ, nixta jun tichꞌakatin iwichin, porque ri ndikitij kiqꞌij ndikibꞌen nojel pa ruchojmil, kin chojmilej kikꞌaslen chuwech ri Dios, achel ri Jesucristo kin chojmilej rukꞌaslen. 8Pero ri jun ri xe mak roma, xa kin chin wi ri itzel,3:8 Mt. 13:38; Jn. 8:44 porque ri itzel xe jampeꞌ kꞌajani tibꞌan ri kaj y ri rochꞌulew ndajin rikꞌin mak. Y ri Rukꞌajol ri Dios xuqꞌalajrisaj riꞌ chin ndurukꞌisaꞌ ruqꞌij rusamaj ri itzel.3:8 Gn. 3:15
9Konojel ri kikꞌuan ri kꞌaslen nduyaꞌ ri Dios, ma ndikibꞌen chi ta mak, porque ri ru-Espíritu ri Dios kꞌo pa kánima, y jariꞌ ri ndibꞌanun chake chi ma ndikibꞌen chi ta mak.3:9 1Jn. 5:18, 1910Rikꞌin reꞌ nditzꞌetetej achike ri eralkꞌuaꞌl ri Dios y achike ri eralkꞌuaꞌl ri itzel: Ri ma ndukꞌuaj ta jun chojmilej kꞌaslen, y ma ngerajoꞌ ta ri ru-hermanos, ma richin ta ri Dios.
Ri mandamiento ruyoꞌon kan ri Dios, ja ri tiqajoꞌ qiꞌ chiqawech
11Porque ri tijonik ri xyoꞌox pe rubꞌixik chiwa xe jampeꞌ xitaqij pe ri Cristo jareꞌ: Tiqajoꞌ qiꞌ chiqawech.3:11 Jn. 13:34, 35; 15:12; Ef. 5:212Ma tiqabꞌen achel xubꞌen ri Caín ojer. Porque rijaꞌ kin chin wi ri itzel y xukamisaj ri ruchaqꞌ. Y, ¿achike roma xukamisaj? Porque ri xerubꞌanalaꞌ ri Caín pa rukꞌaslen kin itzel wi,3:12 Gn. 4:8 jakꞌa ri xerubꞌanalaꞌ ri ruchaqꞌ, kin pa ruchojmil wi.
13Hermanos, ma tisach ikꞌuꞌx si itzel ngixtzꞌat koma ri wineq.3:13 Jn. 15:18, 1914Roj qetaman chi xojkolotej yan chuwech ruchuqꞌaꞌ ri kamik, y wokami kꞌo chik ri kꞌaslen ma ndikꞌis ta qikꞌin roma ngekajoꞌ ri hermanos. Pero ri ma ndojowan ta, kꞌajani tikolotej chuwech ruchuqꞌaꞌ ri kamik. 15Ri jun ri itzel ndutzꞌet ru-hermano,3:15 1Jn. 4:20 xa achel jun kamisanel keriꞌ.3:15 Mt. 5:21, 22; Ap. 21:8 Y rix iwetaman chi jun kamisanel maneq ri kꞌaslen ma ndikꞌis ta rikꞌin. 16Y rikꞌin ri xuyaꞌ rukꞌaslen ri Jesucristo qoma, xqetamaj achike rubꞌeyal ri qetzij ngojojowan.3:16 Jn. 3:16; Ro. 5:8; Ef. 5:2, 25 Qojojowan kꞌa roj achel ngojojowex roma ri Dios, tiqayaꞌ qakꞌaslen chikitoꞌik ri hermanos. 17Pero si kꞌo jun kꞌo ruchajin chochꞌulew, y ndutzꞌet chi ri ru-hermano maneq ok achike rikꞌin chin nduqꞌasaj rukꞌaslen, y ma ndupoqonaj ta ruwech chin ndutoꞌ, ri jun riꞌ xa maneq rajowabꞌel ri Dios pa ránima.3:17 Dt. 15:7; Lc. 3:1118Rix ri kin achel rix walkꞌuaꞌl keriꞌ, ma xe rikꞌin qachiꞌ tiqabꞌij chi ngeqajoꞌ ri hermanos, xa kin qetzij qojojowan rikꞌin ri utz ri ngeqabꞌanalaꞌ chikitoꞌik.3:18 Ro. 12:9
19Y rikꞌin ri qetzij ngojojowan, qetaman chi rojkꞌo chupan ri qetzij, y riꞌ ndubꞌen chaqe chi kuqul qakꞌuꞌx chuwech. 20Pero si pa qánima ndiqanaꞌ chi roj aj mak, ri Dios más retaman ke chuwech ri qánima, y ja rijaꞌ ri etamayon nojel. 21Y nibꞌij chiwa rix ri tzꞌan ngixinwojoꞌ: Si pa qánima ma jun qamak qewan chuwech ri Dios, riꞌ ndubꞌen chaqe chi kuqul qakꞌuꞌx ngojjel apu chuwech rijaꞌ.3:21 Job 22:26; He. 10:2222Y ri Dios nduyaꞌ pe chaqe nojel ri achike ndiqakꞌutuj chare, porque ndiqabꞌen ri ndubꞌij ri ru-mandamientos y ndiqabꞌanalaꞌ chuqaꞌ ri ndiqaꞌ chuwech.3:22 Mt. 21:22; Mr. 11:24; Jn. 14:1323Y ri mandamiento ruyoꞌon kan ri Dios chaqe, jareꞌ: Tiqataqij ri Jesucristo ri Rukꞌajol,3:23 Jn. 6:29 y tiqajoꞌ qiꞌ chiqawech achel xubꞌen kan mandar chaqe. 24Y ri ndiniman ri ndubꞌij ri ru-mandamientos ri Dios, jumul xe jun rubꞌanun rikꞌin ri Dios, y ri Dios jumul xe jun rubꞌanun rikꞌin rijaꞌ.3:24 Jn. 17:21 Y qetaman chi ri Dios jumul xe jun rubꞌanun qikꞌin roma ruyoꞌon ri Espíritu Santo chaqe.3:24 Ro. 8:9
4Kin ngeqꞌalajin ri erichin ri Dios y ri ma erichin ta
1Rix ri tzꞌan ngixinwojoꞌ, nibꞌij chiwa chi nabꞌey keꞌitojtobꞌej ri ngebꞌiꞌin chi rikꞌin ri Dios pataneq ri ndikibꞌij, chin nditzꞌet si qetzij ri ndikibꞌij o xa eꞌukꞌuan roma jun espíritu ri ma richin ta ri Dios. Keriꞌ nibꞌij chiwa porque chochꞌulew ebꞌaneq ekꞌiy ri ndikiqꞌabꞌaj kiꞌ chi eru-profetas ri Dios.4:1 Jer. 29:82Y jareꞌ ri rubꞌeyal chin ndiwetamaj achike ri ukꞌuan roma ri Espíritu Santo: Ri ndibꞌiꞌin chi ri Jesucristo xuqaqa chochꞌulew y xkꞌojeꞌ ru-cuerpo achel qa-cuerpo roj wineq, qꞌalej chi rikꞌin ri Dios pataneq ri ndubꞌij.4:2 1Co. 12:33Pero si jun ndubꞌij chi ri Jesús ma xuqaqa ta chochꞌulew, nixta xkꞌojeꞌ ru-cuerpo achel qa-cuerpo roj wineq, ri jun riꞌ ma ja ta ri Espíritu Santo ukꞌuayon richin, xa ja ri espíritu chin ri jun ri yakatajneq4:3 2Jn. 7 chirij ri Cristo. Y rix iwakꞌaxan pe chi ri itzel espíritu riꞌ nduqaqa wi, y wokami kꞌo chik chochꞌulew.
4Rix ri kin achel rix walkꞌuaꞌl keriꞌ, rix richin ri Dios, y xixtiker yan pa kiqꞌaꞌ ri kiqꞌabꞌan kiꞌ chi e-profetas, porque ri Espíritu Santo ri kꞌo pa iwánima más kꞌo ruchuqꞌaꞌ ke chuwech ri itzel ri rajawal ri rochꞌulew. 5Ri kiqꞌabꞌan kiꞌ chi e-profetas, xa eꞌaj rochꞌulew y aj rochꞌulew teq nojibꞌel ndikibꞌilaꞌ. Romariꞌ ri wineq erichin ri rochꞌulew ndikitaqij ri ndikibꞌij.4:5 Jn. 15:19; 17:146Jakꞌa roj, roj richin ri Dios, y ri wineq ri ketaman runoꞌoj ri Dios ndikitaqij ri ndiqabꞌij,4:6 Jn. 18:37 pero ri wineq ri ma erichin ta ri Dios ma ndikitaqij ta ri ndiqabꞌij.4:6 Jn. 8:47 Rikꞌin reꞌ ndiqetamaj achike jun kꞌo ri Espíritu chin ri qetzij pa ránima, y achike jun kꞌo ri espíritu chin chꞌakatinik pa ránima.
Ri ndiqajoꞌ qiꞌ, retal chi xe jun qabꞌanun rikꞌin ri Dios
7Rix ri tzꞌan ngixinwojoꞌ, nibꞌij chiwa: Tiqajoꞌ qiꞌ chiqawech, porque rikꞌin ri Dios pataneq chi ngojojowan. Y konojel ri ngeꞌojowan, kikꞌuan chik ri kꞌaslen nduyaꞌ ri Dios y ketaman runoꞌoj ri Dios. 8Jakꞌa ri ma ndojowan ta, ma retaman ta runoꞌoj ri Dios, porque ri Dios kin richin wi chi ndojowan. 9Y ri Dios xukꞌut chi santienta ngojrajoꞌ, porque xuteq pe ri junayon Rukꞌajol chochꞌulew, chin keriꞌ roma rijaꞌ kꞌo kꞌakꞌakꞌ qakꞌaslen.4:9 Jn. 3:1610Ri rukꞌuꞌx ri ajowabꞌel jareꞌ: Ri Dios xojrajoꞌ nabꞌey, y ma ja ta roj ri xojojowan richin rijaꞌ. Y roma xojrajoꞌ, xuteq pe ri Rukꞌajol chin xujech rukꞌaslen pa kamik pa qakꞌexel, chin xkꞌis royowal ri Dios ri yakatajneq pa qawiꞌ roma ri qamak.4:10 Tit. 3:4, 5
11Rix ri tzꞌan ngixinwojoꞌ, nibꞌij chiwa: Si ri Dios keriꞌ xubꞌen chin xukꞌut chi ngojrajoꞌ, roj chuqaꞌ ndikꞌatzin ndiqajoꞌ qiꞌ chiqawech. 12Ri Dios ma jumbꞌey tzꞌeton ruwech roma jun wineq,4:12 Ex. 33:20; Jn. 1:18; 1Ti. 6:16 pero si ndiqajoꞌ qiꞌ chiqawech, rijaꞌ jumul xe jun rubꞌanun qikꞌin, y keriꞌ qetaman chi tzꞌaqet ngojojowan. 13Qetaman chi jumul xe jun qabꞌanun rikꞌin ri Dios y rijaꞌ jumul xe jun rubꞌanun qikꞌin, roma ruyoꞌon ri Espíritu Santo pa qánima.4:13 Jn. 14:2014Y roj rikꞌin qawech qatzꞌeton ri Rukꞌajol ri Dios4:14 Jn. 1:14 y ndiqatzijoj chi ja ri Tataꞌaj Dios taqayon pe chin xuꞌok Kolonel qichin roj wineq.4:14 Jn. 3:1715Xa achike na jun ri ndutaqij chi ja ri Jesús ri Rukꞌajol ri Dios,4:15 Ro. 10:9 jumul xe jun rubꞌanun rikꞌin ri Dios, y ri Dios jumul xe jun rubꞌanun rikꞌin rijaꞌ.
16Y roj qetaman y ndiqataqij chi ri Dios ngojrajoꞌ. Ri Dios kin richin wi chi ndojowan, y ri jun ri jumul ndojowan, jumul xe jun rubꞌanun rikꞌin ri Dios, y ri Dios jumul xe jun rubꞌanun rikꞌin rijaꞌ. 17Y rikꞌin ri jumul xe jun qabꞌanun rikꞌin ri Dios, nditzꞌaqet ri ajowabꞌel pa qánima, y riꞌ ndubꞌen chaqe chi kuqul qakꞌuꞌx chi ma ndiyoꞌox chi ta castigo chaqe chupan ri qꞌij atoq ri Dios nduqꞌet tzij.4:17 1Jn. 2:28 Kuqul qakꞌuꞌx porque achel ndojowan ri Cristo, keriꞌ chuqaꞌ ngojojowan roj chochꞌulew. 18Si ngojojowan achel ndojowan rijaꞌ, maneq roma ndiqaxibꞌij qiꞌ, porque ri tzꞌaqet ajowabꞌel ndirelesaj ri xibꞌriꞌil.4:18 Ro. 8:15 Ri wineq ri kꞌa nduxibꞌij riꞌ chi ri Dios nduyaꞌ castigo chare, kꞌajani tzꞌaqet ndojowan.
19Roj ngojojowan, porque ri Dios xojrajoꞌ nabꞌey. 20Si kꞌo jun ri kereꞌ ndubꞌij: Riyin niwojoꞌ ri Dios, ndichajeꞌ, pero xa itzel ndutzꞌet ruwech ri ru-hermano, xa ndireqꞌon. Porque si ma ndirajoꞌ ta ri ru-hermano4:20 1Jn. 3:17 ri kin ndutzꞌet wi ruwech, ma nditiker ta chuqaꞌ ndirajoꞌ ri Dios, ri ma jumbꞌey rutzꞌeton. 21Y jareꞌ ri mandamiento4:21 1Jn. 2:4 ri ruyoꞌon kan ri Cristo: Ri ndirajoꞌ ri Dios, tirajoꞌ chuqaꞌ ri ru-hermano.
5Ri ataqin ri Dios ndubꞌen chawa chi ngatojowan
1Konojel ri ndikitaqij chi ri Jesús jariꞌ ri Jun taqon pe roma ri Dios chukolik ri rutinamit,5:1 1Jn. 2:22, 23 kikꞌuan chik ri kꞌakꞌakꞌ alaxik nduyaꞌ ri Dios. Y konojel ri ndikajoꞌ jun tataꞌatz, ndikajoꞌ chuqaꞌ ri ralkꞌuaꞌl ri tataꞌatz riꞌ. 2Y atoq ndiqajoꞌ ri Dios y ndiqabꞌen ri ndubꞌij ri ru-mandamientos, nditzꞌetetej chi ngeqajoꞌ ri eralkꞌuaꞌl ri Dios chuqaꞌ. 3Keriꞌ nibꞌij chiwa, porque atoq ndiqabꞌen ri ndubꞌij ri ru-mandamientos ri Dios, ndiqꞌalajin chi ndiqajoꞌ rijaꞌ,5:3 Jn. 14:15; 2Jn. 6 y ri mandamientos riꞌ ma cuesta ta chin ngeqanimaj.5:3 Mt. 11:304Porque qonojel ri qakꞌuan chik ri kꞌaslen nduyaꞌ ri Dios, ngojtiker pa ruqꞌaꞌ ri itzel teq rayinik chin ri rochꞌulew, y roj ngojtiker pa ruqꞌaꞌ ri itzel teq rayinik, roma qataqin ri Ajaw.5:4 Jn. 16:335Y ri ngetiker pa ruqꞌaꞌ ri itzel teq rayinik, ja ri ngetaqin chi ri Jesús kin Rukꞌajol wi ri Dios.5:5 1Co. 15:57
6Ri Jesucristo xuqaqa chochꞌulew, xbꞌan bautizar rikꞌin yaꞌ y xbꞌiyin rukikꞌel atoq xbꞌajix cho cruz.5:6 Jn. 19:34 Ma xe ta xbꞌan bautizar rikꞌin yaꞌ, xa kin xbꞌiyin chuqaꞌ rukikꞌel. Y ja ri Espíritu Santo ndiqꞌalajrisan nojel reꞌ chiqawech, porque ja rijaꞌ ri qetzij.5:6 Jn. 15:267Eꞌoxiꞌ ri ngeqꞌalajrisan chikaj chi ja ri Jesús ri rukꞌajol ri Dios: Ri Tataꞌaj Dios, ri Jun ri ndiqꞌalajrisan runoꞌoj ri Dios y ri Espíritu Santo. Y re eꞌoxiꞌ reꞌ xe jun ruwech kitzij kibꞌanun.5:7 Chupan ri más ojer teq manuscritos maneq ri rukan parte chin ri versículo 7, y ri nabꞌey parte chin ri versículo 8.8Y eꞌoxiꞌ chuqaꞌ ri ngeqꞌalajrisan chochꞌulew: Ri Espíritu Santo, ri chꞌabꞌel xakꞌaxex chikaj atoq xbꞌan bautizar ri Jesús, y ri rukikꞌel ri Jesús ri xbꞌiyin cho cruz. Y chi eꞌoxiꞌ ndikiqꞌalajrisaj chi keriꞌ wi.5:8 Dt. 6:4; 1Co. 12:4-69Si roj ndiqayaꞌ pa cuenta ri ndikibꞌij ri wineq, ri ruqꞌalajrisan ri Dios pa ruwiꞌ ri Rukꞌajol kin más kꞌo reqalen chin ndiqayaꞌ pa cuenta. Porque ri qꞌalajrisan pa ruwiꞌ ri Rukꞌajol, kin ja ri Dios qꞌalajrisayon.5:9 Jn. 8:1810Ri kitaqin ri Rukꞌajol ri Dios, ndikinaꞌ chi ri ruqꞌalajrisan ri Dios pa ruwiꞌ ri Rukꞌajol kin qetzij wi.5:10 Jn. 3:33 Pero ri ma kitaqin ta ri Dios ndikibꞌen chare achel xa jun reqꞌóta keriꞌ, porque ma ndikitaqij ta ri ruqꞌalajrisan pa ruwiꞌ ri Rukꞌajol. 11Y jareꞌ ri ruqꞌalajrisan ri Dios chiqawech: Ruyoꞌon ri kꞌaslen ma ndikꞌis ta chaqe, y ri kꞌaslen riꞌ yoꞌon chaqe roma xe jun qabꞌanun rikꞌin ri Rukꞌajol.5:11 Jn. 1:412Ri xe jun rubꞌanun rikꞌin ri Rukꞌajol ri Dios, kꞌo ri kꞌaslen ma ndikꞌis ta rikꞌin,5:12 Jn. 5:24 pero ri ma rutaqin ta ri Rukꞌajol ri Dios, maneq ri kꞌaslen ma ndikꞌis ta rikꞌin.
Ri rukꞌisibꞌel teq achike nduchilabꞌej e ri Juan
13Nojel reꞌ nitzꞌibꞌaj e chiwa rix ri itaqin chi ja ri Jesús ri Rukꞌajol ri Dios, chin kuqul ikꞌuꞌx chi kꞌo ri kꞌaslen ma ndikꞌis ta iwikꞌin.5:13 Jn. 20:31; 1Jn. 1:2
14Y roj kuqul qakꞌuꞌx chi atoq ndiqakꞌutuj jun achike chare ri Dios, si ri ndiqakꞌutuj kꞌo pa rurayibꞌel rijaꞌ, kin ngojrakꞌaxaj wi.5:14 1Jn. 3:2115Y roma qetaman chi rijaꞌ ndirakꞌaxaj ri achike ndiqakꞌutuj, qetaman chuqaꞌ chi nduyaꞌ chaqe ri ndiqakꞌutuj chare.
16Si jun ndutzꞌet jun ru-hermano ndajin rikꞌin mak, pero ri mak riꞌ ma ndukꞌuan ta pa kamik, tukꞌutuj chare ri Dios roma, y ri Dios nduchojmirisaj rukꞌaslen ri jun ri ndajin rikꞌin mak. Pero kꞌo mak ri ndukꞌuan pa kamik,5:16 Mt. 12:31; Mr. 3:29; Lc. 12:10 y pa kiwiꞌ ri ngetajin rikꞌin ri mak riꞌ, ma nibꞌij ta chiwa chi tikꞌutuj koma. 17Nojel ri itzel teq achike ngebꞌanaloꞌox, kin mak wi,5:17 1Jn. 3:4 pero kꞌo mak ri ma ndukꞌuan ta pa kamik.
18Qetaman chi konojel ri kikꞌuan chik ri kꞌaslen nduyaꞌ ri Dios, ma ndikibꞌen chi ta mak,5:18 1Jn. 3:9 porque ri Rukꞌajol ri Dios ndichajin kichin, y ri itzel maneq ruqꞌaꞌ chake.
19Roj qetaman chi roj richin ri Dios, y qetaman chuqaꞌ chi konojel wineq ri ma kitaqin ta ri Cristo, ekꞌo chuxeꞌ ruchuqꞌaꞌ ri itzel. 20Qetaman chuqaꞌ chi ri Rukꞌajol ri Dios xuqaqa chochꞌulew, y xuyaꞌ etamabꞌel chaqe chin ndiqetamaj runoꞌoj ri qetzij Dios.5:20 Lc. 24:45 Y roj xe jun qabꞌanun rikꞌin ri qetzij Dios, porque xe jun qabꞌanun rikꞌin ri Jesucristo ri Rukꞌajol.5:20 Jn. 17:3 Ja rijaꞌ ri qetzij Dios, y ja rijaꞌ ri ndiyoꞌon ri kꞌaslen ma ndikꞌis ta. 21Romariꞌ rix ri kin achel rix walkꞌuaꞌl keriꞌ, tibꞌanaꞌ cuenta iwiꞌ, ma tiyaꞌ kiqꞌij tiox.5:21 1Co. 10:14