12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
12345678910111213141516171819202122

3 John

1

1 Aw sik magurang aw. Ay nanriruk aw sa emu, Gayu, ku fakesugun fag mangama. Ay kesug aktuwa emu sa at matuyan. 2 Ku fakesugun fag taw, igdarangin aw emu. Laman fagayu at kumdasug ban sa emu masine tuwa. Ay laman manga mabitsug tuwo. Nasaful aw te, masine tuwa am amatanganan ay nu mabanwan o. 3 Ebia taw guseganan aw dawdaw tam ngay fadugsay at kindasug stiye ay nafoyung sa angku te, kafandiug tuwo ay igfaning tuwo sat matuyan fag longan. 4 Ebi ginan ay anggan katsi ban, da kia batang guseganan takatvngvd katsi nu guseganan aw te, ku ngay sisian igfaning tuwa sat matuyan fag longan. 5 O, ku fakesugun fag taw, matuyan am fagbulun anway igtarabang tuwo tam ngay fadugsay at bagu kadasug sa emu. Ay anggan igtarabang tuwo at tiba dewa o yud batang glag anya. 6 Am natarabang fag taw at nafoyung ste sa emi sas bale fakafulan te, kafanyu tuwo. Tarabangi yangay tam ngay fadugsay, laman di e fagayudanun gina glo. Anway kanya fag taw at nanfoyung wa Funbalugu At longan. 7 Anway kanya at fagnaloun laman nanfaning Funbalugu At fasadan. Ay anggan dua gbul nus nge wain siginan at yud kafandiug. 8 Masine nu gtarabang watam takatanya fag taw. Laman kata nu gufud tam sat nanfoyung at matuyan fag longan. 9 Ebi gina aw nariruk sa am bale fakafulan at taw, sik taw, Seus-Nafagut, dua kaumsig gdungug sa ku foyungan. At fakaumsigun anway te, kanya tuwa tagmagurang at ngay taw. 10 Ay gina ban aw umdasug, nanfoyung akyay ban ayu ka fag taw at fagbulun. Anway mauri way at longan sa angku baliwa. Ay e glabi yay kanya at mauri. Anway kanya dua gfasakabo tam ngay fadugsay at bagu kadasug. Ay manga igsalag yangay at tiba dewa gfasakbo anya. Ay anggan naayiyan way at tagfasakbo at tiba siginan am bale fakafulan. 11 Ku fakesugun fag taw, dangai gfaning at mauri. Faningi tuwa sat masine. Kanya nu masine tuwa at fagbulun, kanya anwa Funbalugu At taw. Ay kanya nu mauri way at fagbulun, kanya at yud way nasaful Funbalugu. 12 Fagayu taw nafoyung at tiba te, masine Tagfadaragang-Tanum-At-Fanuguan at fagbulun. Ay anggan at matuyan fag ugali nafalag sa tiba te, masine tuwa kanya fag taw. Ay anggan aw nafoyung kyangay te, masine tuwa ngaro kanya fag taw. Ay nasaful wo te, matuyan fagayu ku longan. 13 Ngayu yama ku fagalongunun sa emu. Roro da kua igriruk. 14 Ku fakaumsigun lag nangus glugo nu lumadlagan ta, laman sumulitanan yap ta. 15 Tam Funbalugu At nanfanabayan nangus emu. Iste tam ngay fagues nafadasug at fagusegananun sa emu te, gamatangan tuwa emu. Ay anggan o, foyungi yangay sa tam ngay fagues tagsanya sadi sadi ku fagusegananun te, gamatangan aktuwa anya.