‑PƆƆKƲLƲ ’PƆƆLË FAA’ FILEMƆƆ
FILEMƆƆ
‑Pɔɔkʋlʋa ’mlɩa wii
‑Jie ’lɩ ’Pɔɔlë bä kä ’ɔnya fa Filemɔɔ ‑taa ‑pɔɔkʋlʋ. ’Ia ’taɩn ’lɩ nɩ, Kolɔɔsëbätä Filemɔɔ bä kä, ’be ’ia ’cɛcɩnyɔɔ ’ɔ bä. ’Ɔa nyüköli ’cɛcɩnyüü ma trara ‑bɛ ’ü ma bibie Nyɔsʋa. ’Pɔɔlë ’ɔɔ nʋ ’iin Filemɔɔ nya ’cici ’ɔa bobowli ’ɔnya ’nyiere Nyɔsʋa ’klɩ; ’üa ’sɔɔ nya bä ’tasɩrɩa ‑gbötü.
Filemɔɔ ma kä ‑geei ’doo ’ɔɔ ’ü ’dara Onɛsiimë. ’Ɔa ’nyrɩa ‑gbaa bä: «Kä ‑tɔɔɔ». ’A ‑geelɛ nɩ, ’ɔɔ fɔlɔ ’ɔa käkänyɔɔ Filemɔɔ kälɩ, ’ɔ nyra ’Pɔɔlë nya trara ‑jie ’lɩ. ’A ’Pɔɔlë känyrɩ Onɛsiimë nya ’nyiere ’Kriisë ’klɩ. Onɛsiimë nya ji ’ɔɔn ‑gba ‑gböösa. ‑Maa ’Pɔɔlë bäa’ Filemɔɔa ’tasɩrɩa ‑bei nɩ, ’ɔnya ‑nyɩgla ’ia ’fɩɔ ’kä, ’ɔmä Onɛsiimë dɛrɩblöö. ‑Jäsɩ ‑dɔ ‑gbaa’ nɩ, ‑geeilɛ fɔlɔa’ ’ɔa käkänyɔɔ ’klɩ nɩ, ’ü kä ’ümä ’ɔɔn ’pɔnɩ ‑gböösa. ’A ’ia ‑gʋ ’Pɔɔlë fa Filemɔɔ ‑pɔɔkʋ. ‑Pɔɔkʋlʋa ’mlɩ nɩ, ’ɔ jre ’iin ’sɩrɩ Filemɔɔ ’kamaa’ nyɔɔlɔ, ’ɔnya bibie ’ɔɔn ’ɔ ‑kanyɩ ’kpla ’ɔɔn ‑geeisa, ‑maa ’ɔ ’kpla ’ɔɔn ‑wlajʋa ’sa ’Kriisëa ‑gʋ.
‑Jäsɩ ‑pɔɔkʋlʋ ’totroa’ ’klɩ:
’Trɔrʋ 1-3
’Pɔɔlë ’trɛɛ Nyɔsʋa Filemɔɔa ‑gʋ 4-7
Wiili ’Pɔɔlë ’batraa’ Filemɔɔ kälɩ 8-20
‑Gälɩblöröwii nyra ‑gälɩblörö ’trɔrʋ 21-25
1’Trɔrʋ
1’Mɔɔ ’Pɔɔlë ɔ bäa’ Jesu ’Kriisëa ‑jienyɔɔ1.1 Tɛ 1.13,22-23. nyra ‑wlajʋ Timotee, amɔ ‑jɩjra ‑mɩ ’wʋ Filemɔɔ; ‑mɔ bäa’ ana ‑wawa ’jrʋpaa ’wʋfɛɛrɛnyɔɔ. 2A ’trɛɛ bɩa ana ‑wawanyɔɔ1.2 ‑wawanyɔɔ: ’Ŋlʋʋ bäsaa. Grɛɛkë ‑kätɩpɔɔkɩ ‑mɩdooa ’mlɩ ’i ‑jɩjra: «‑wladia». Afia, nyra Akiipë ana tou ’wʋfloronyɔɔ nyɔsʋaplɛtorokʋ ’lɩ, nyra ’cɛcɩnyüülü traraa’ ‑na nyüköli. 3Abɩa Nyɔsʋalɔ bäa’ ana Tʋ nyra ’Pläkänyɔɔ Jesu ’Kriisëa ‑gbinanakʋ nyra plɛgälɩflɛrɛkʋ bä ’amɩ ‑gälɩ.
’Pɔɔlë ’trɛɛ Nyɔsʋa Filemɔɔa ‑gʋ
4’Asɩ ’n bibiea’ Nyɔsʋa nɩ, ’n bibie ‑na ’wliri ’kä ’n ’trɛɛ ’na Nyɔsʋaa ’doo ‑na ‑gʋ, 5’be ’n ’nu ’sɩrɩ ‑waa’ Nyɔsʋaa ’nyünanyüüa ’fɩɔ, nyra ‑na nyɔsʋaplɛtorokʋ ’Pläkänyɔɔ Jesua ’pɛlɩ. 6’N bibie Nyɔsʋa ’kä ’ia nyɔsʋaplɛlɛ ‑maa’ amɩ, ‑mä ’wʋsɔɔrɔ ’ɛmä ’cɩcasaa ’fɩɔ jre ’cɩcasalä a1.6 a: Grɛɛkë ‑kätɩpɔɔkɩ ‑mɩdooa ’mlɩ ’i ‑jɩjra: ’a. ’klaaa’ ’Kriisë Jesua1.6 Jesu: ‑Taa waklöölä ’nyɩ grɛɛkë kätɩpɔɔkɩ ‑mɩdooa ’mlɩ ‑a bä. ‑gʋ. 7’Be ’na ‑wlajʋ, ‑blaara Nyɔsʋaa ’nyünanyüü dɔrʋ ‑na ‑wawaplɛa ‑gʋ; ’i kä ’mɩ dɔrʋ ’wʋ ‑gböösa ‑bɛ ’i ’paa ’mɩ ’klü ’lɩ.
Wiili ’Pɔɔlë ’bataa’ Filemɔɔ ’mäa’ nʋ
8’A ’ia ‑gʋ, ’n jre ’iin ’kä ’Kriisëa ’nyrɩklɩa ‑gʋ nɩ, ’n ’mrɛɛ ‑a ‑gbala ‑mɩ wiili ‑nëmäa’ nʋ; ‑maa, 9’i kä ’mɩ ’tʋ ’kä ‑a bibie ‑mɩ ‑wawakʋa ’nyrɩklɩ, ’mɔɔ tagbö ’Pɔɔlë, ɔ bɩaa’ ’klɩ ‑bɛ ɔ bäa’ ‑mlatɩ Jesu ’Kriisëa ‑jienyɔɔ. 10’N bibie ‑mɩ ’na ’jʋ Onɛsiimëlɔ1.10 Onɛsiimë: ’Ɔa ’nyrɩa ‑gbaa bä: «kä ‑tɔɔɔ». Tɛ Kolɔɔsënyüü 4.9. ’n ‑glooroa’ ‑jie ’lɩ, ’ɔa ‑gʋ. 11‑Kätɩsa, ’jrʋpalä ’ɔ ma ‑fɛɛɛrɛa’ ‑na ‑nyɛɛ ’nyɩ kä ‑tɔɔ ‑a kä, ‑maa ’köklesa ‑plɩɩ ɔ nɩ, ’ä ’a ‑tɔɔ kä ana ’sɔɔa ‑gʋ.
12’Ɔɔ ’n ’blöö ‑mɩ bei ’wʋ dɛrɩ. ’Ii känyrɩ, ’kpla ’ɔɔn ‑beere ’na ’mʋgbɛa ’pɛ. 13’N ’bata ɩ ‑a ‑tʋ ɩ ’ɔɔn ‑wälɩ ’ɔmä ’mɩ ‑gbaji ‑na ‑pi ’lɩ ‑tɛ ‑jie ’lɩ ’n bäa’ ’Mʋfagogoa ‑gʋ. 14‑Maa ’n ‑kaaŋlʋa’ ‑na ‑nyɛɛa ni ’jä nɩ, ’nyɩ ’lɩ ‑a bɩa ‑a nʋ dɛɛ, ’cɩcagbili ‑nëmäa’ nʋ ‑pɩ ‑beere ’sɩrɩ ’n kpɛrɛa’ ‑mɩ, ‑maa i sɔ ‑na ’mʋgbɛa ’cɩcagbi ’lɩ. 15‑Beeredɛ, ’a ’ia ‑gʋ Onɛsiimë sɔ ‑mɩ ‑gba jrüü jiea ’mlɩ, ‑bɛ ’ɔmä ‑na ‑nyɛɛ dɛrɩ ’blöö ’plɔʋplɔʋa ‑gʋ. 16’Ɔ ‑kanyɩ ‑geei ‑a bä, ‑maa ’ɔ ‑si ‑geei ’wʋ: ‑wawawlajʋ ’ɔ bä. ’Na ‑wawawlajʋ; ‑maa ‑na në ‑gʋ nɩ, ’ɔ bä ‑na ‑wawawlajʋ ‑gböösa ’jajɛ ’lɩ nyra ’Pläkänyɔɔ ’lɩ!
17’Ii känyrɩ, ‑ama ’kpla ’mɩ ‑beere ‑na ‑bei nɩ, ’kpla ’ɔɔn ‑beere ’sɩrɩ ’na ’mʋgbɛ ji ɩa’ ‑na ‑nyɛɛ.
18Ɔma nʋ kä ‑mɩ bʋbɔgbi ‑gba, ’aiɛ ɔma ’klaa ‑na dɛɛ nɩ, ’mɔɔ ‑a be ’iin ’wli. 19’Mɔɔ ’Pɔɔlë, ’na ’mʋgbɛa wlu ’n nʋ ’nya ‑jɩjra waklüülü kʋa’ ‑pɩ u ’n jaa’ ‑mɩ. ’Nyaa ‑mɩ ’iin ’pɛɛa. ’Nyɩ kä ‑a kä ’mä ‑mɩ ‑gbala ’sɩrɩ ‑na ’mʋgbɛ ’klaaa’ ’na ’kpa: ‑na ’klä. 20‑Yɛɛ, ’na ‑wlajʋ, ’nyiere wiili ’n ’betrea’ ‑mɩ ’lɩ ’Pläkänyɔɔa ‑gʋ. ’Sie ’na plɛ dɔrʋ ’klɩ ’Kriisë1.20 ’Kriisë: Grɛɛkë kätɩpɔɔkɩ ‑mɩdooa ’mlɩ ’i ‑jɩjra: «’Pläkänyɔɔ ’lɩ.» ’lɩ.
‑Gälɩblöröwii nyra ‑gälɩblörötrɔrʋ
21’N jresaa wiili ’n ’betrea’ ‑mɩ ’lɩ ‑pɔɔkʋa ’mlɩ, ‑nya ’iin nʋa. ’Nyaa jre bɩa ’saa ‑nya ’iin nʋa ’kä ‑nya ’lɩgbasia ’mʋgbɛ. 22Tɛrɛ dotro ’mɩ ’pifa, ’ana nyɔsʋabibiekʋa ‑gʋ ’n jresaa ’nyaa ’sɔɔwʋ ’ana ‑tɔrʋpɩɔ dɛrɩ ’blööa.
23Epafarasë ’nyraa ’ɔɔn bäa’ ‑jie ’lɩ Jesu ’Kriisëa ‑gʋ ’trɛɛ ‑mɩ. 24’Na ’jrʋpawʋfɛnyüü Marëkë, Alisëtaakë, Demasë nyra Lukë ’trɛɛ bɩa ‑mɩ.
25Abɩa ana ’Pläkänyɔɔ Jesu ’Kriisëa ‑gbinanakʋ bä ’ana bobowli ‑gälɩ. ’Asɩ i bä1.25 ’Asɩ i bä: ‑Taa waklüülü ’nyɩ grɛɛkë ‑kätɩpɔɔkɩ ‑mɩdooa ’mlɩ ‑a bä..