JAAN A TÄÄA NU ‑PƆƆKƲ
3 JAAN
‑Pɔɔkʋa ’mlɩa wii
Jaan a tää fafapɔɔkʋ kʋ ‑pɩ. ’Cɛcɩnyɔɔ ’doo ’ü ’daraa’ Gaiisë ’ɔɔ Jaan ‑jɩjra ’wʋ.
Jaan blɔ nyüü ü mi ü ’pala nyüülü toroa’ Nyɔsʋa plɛ nyɔsʋaawii ‑gba. ‑Maa ’ü ’tɔa’ Gaiisëa bätä nɩ, nyɔɔ ’doo bä kä ’lɩ ’ɔɔ ’ü ’dara Diotrɛɛfë, ’ɔnyɩ ’nyie ‑a ’nyie ’ümä ’ɔa ‑nyɛɛ kʋ. Plɛtoronyüü ‑mülü dɔrɔ ɩa’ ’üün ’wʋ ’üa ‑nyɛɛ nɩ, ’ɔnya ’blöö ’üün ’cɛcɩnyüüa ‑nyɛɛ dɛrɩ. ’A ’ia ‑gʋ Jaan fa Gaiisë ’kɔlɔ ‑pɔɔkʋ, ’ɔnya ‑gbala ’ɔɔn ’ɔnyɩ dɔrɔ Diotrɛɛfëa ‑gbi ’wʋ.
’Ɔ ‑gbala Gaiisë ɔ kpla Demetriusëlɔ jaa’ ’ɔɔn ‑pɔɔkʋlʋ ’cɩcasa; ’be ’ɔa ’mʋgbɛ bä ’Pläkänyɔɔa ’jrʋpafɛyɔɔ.
’Ɔa ‑taa ‑pɔɔkʋlʋ ’kpɩa amɩ ’sɩrɩ a käa’ amäa’ nyüülü ‑fɛɛɛa’ ’Pläkänyɔɔa ’jrʋpa ’lɩkʋɛɛ ‑wawakʋ ’lɩ.
‑Jäsɩ ’u ’totroa’ ’klɩ:
’Trɔrʋ 1-4
Plɛgälɩpienyɔɔ Gaiisë 5-8
Diotrɛɛfë ‑bɛ Demetriusë 9-12
’Täpa ’trɔrʋ 13-15
1’Trɔrʋ
1’Mɔɔ Tagbö1.1 Tagbö: Jaan ’ü ’dara ’saa; ’ɔɔ bä kä ’cɛcɩtagbö., ’mɔɔ ‑jɩjra ’na ‑wlajʋ Gaiusë1.1 Akëtë 19.29; Rɔmënyüü 16.23; 1 Korɛɛntënyüü 1.14. ’wʋ, ɔ ’n ‑waa’ ’cɩcasa ’lɩ. 2’Na ‑wlajʋ, wiili kä ’doo ’n boboa’ nɩ, abɩa ‑na diia ’fɩɔ ’wʋlɩmlɩ ’kä ‑na fugba ’na, ’sɩrɩ ‑na ‑susu ‑jrɛɛɛa’. 3’Taɩn ’lɩ ‑wlajü ‑mölöö jia’ ‑bɛ ’ü ’paa’ ’cɩcasalä ’ü ’järäa’ ‑mɩ ’lɩ, ’äa ‑gä nɩ, ‑bɛ ’sɩrɩ ‑nyɛɛrɛa’ ’cɩcasa ’lɩ nɩ, dɔrʋlʋ ’blaa’ ’mɩ ‑mää ’ua ‑srɩ ’nyɩ ‑pɛ. 4Ama ’nu ‑maa, ’na ’jü ’nyɛrɛ ’cɩcasa ’lɩ, ’dɔrʋlʋ ’blaaa’ ’mɩ ’u ‑kanyɩ bä ‑a bä.
Plɛgälɩpienyɔɔ Gaiusë
5’Na ‑wlajʋ, wiili ‑nöa’ ana ‑wlajü nyra ’nɩmɩ nyɔtugbawlajüa ‑gʋ nɩ, wiili Nyɔsʋa ’bataa’, ’ii ‑nö. 6’A ’ü ‑gbala ’cɛcɩ ‑na ‑wawaplɛa ‑gä. ’Asɩ ‑a ’doo ‑a nʋ ‑a ji ’üün ‑gba Nyɔsʋa ’nyrɩklɩa ‑gʋ nɩ, ’ii ‑si ’nanakʋ. 7’Be Jesua ’nyrɩa ‑gʋ ’ü mi, ’ü ‑pɩ bɩa nyüülü ’nyɩa’ Nyɔsʋa jre ’üa kälɩa dɛɛ ‑gbafɛ. 8’Ia ’samaa nyüülü nɩ, a kä amä ’üün ’lɩkʋɛɛ, a nyra ’üün ’mä ’jrʋpa ’wʋ ‑fɛɛɛrɛ ’cɩcasaa ‑gʋ.
Diotrɛɛfë ‑bɛ Demetriusë
9’N ‑jɩjra ’cɛcɩnyüü ’wʋ; ‑maa Diotrɛɛfë, ɔ ‑waa’ ’kamakʋ nɩ, ’ɔnyɩ nʋ wiili a ’daaa’ ‑a. 10’A ’ia ‑gʋ, ama ji nɩ, ’nyaa ’lɩ wiili kä ’fɩɔ ’ɔ nöa’ ’saa: ‑gbagblɛlɛ kä ’fɩɔ ’ɔ ‑tʋa’ amɩ ‑gälɩ. ’Pɩrɩgälɩ nɩ, ’ɔ ’nɩ ’kʋɛɛlɩ ‑wlajülü ‑a, ‑bɛ ‑mülü ’bataa’ ’ia nʋnʋkʋ nɩ, ’ɔ ’nɩ ’dɛrɛlɩ ’ümɩ ‑a, ’kä ’ɔ nö ’ɔmä ’üün ’cɛcɩ ’lɩ prɛ. 11’Na ‑wlajʋ, ‑nyɩ tɛ ‑balʋ ’klɩ ‑maa ’cɩcasa ‑a ‑tɛ ’klɩ. Nyɔɔlɔ nöa’ ’cɩcasa nɩ, Nyɔsʋaa ’jʋ ’ɔ bä; nyɔɔlɔ nöa’ ‑balʋ nɩ, ’ɔnyɩ Nyɔsʋa ‑a jre ’plɔʋ. 12Nyüüa ’fɩɔ ’paa Demetriusëa ’cɩcanyrɩ. ’Ɔa ’cɩcagbia ’mʋgbɛ ’paa ’ɔa ‑gä, ana ’mʋgbɛ ’paa bɩa ’ɔa ‑gä, ‑bɛ ‑jre1.12 ‑jre: Grɛɛkë kätɩpɔɔkɩ ‑mɩdooa ’mlɩ ’i ‑jɩjra: ’a jre. ’iin ’sɩrɩ ama ’paa’ nyɔɔa ‑gä, ’i bäa’ ’cɩcasa.
’Täpa ’trɔrʋ
13Wii ’kɔkɔmlɛ bälɩ ’mä ‑mɩ ‑gbala, ‑maa ’nyɩ ’bata ’ia ‑jɩjrakʋ ‑a. 14’N jresaa ’nyaa ‑mɩ ’jäa jrüüa ’mlɩ ‑bɛ amä ’mäklɩdɛtrɛ. 15Abɩa ‑na plɛgälɩ flɛrɛ! ‑Na ‑wlajü ’trɛɛ ‑mɩ. A ’trɛɛ bɩa ‑wlajülü bäa’ ‑nyɛɛ; ‑moloo ‑bɛ ’ɔa ’trɔrʋ.