JAAN A ’SƆƆA NU ‑PƆƆKƲ
2 JAAN
‑Pɔɔkʋa ’mlɩa wii
’A Jaan a ’sɔɔa nu fafapɔɔkʋ. ’Ɔɔ ‑jɩjra «’Ŋlʋʋlɔ Nyɔsʋa ’baa’ ’lɩ». A jresaa nyüülü toroa’ Nyɔsʋa plɛ ’üü Jaan ’dara ’saa; ’üa ’nyrɩ ’ɔ ‑sisie. ’Ɔ ‑gbala ’üün ’sɩrɩ ’cɛcɩnyüü käa’ ’ümäa’ ‑wawla. ’Ɔnya ‑gbala bɩa ’üün abɩa ’üa nyɔsʋaplɛ ‑sɔɔrɔwʋ, ’kä ’ü ‑tʋʋä ’üa nyüfë ’nyügba, nyüülü ’nyɩ ‑trääräa’ ’lɩ ’mʋfa ’Papawii, ’üa ‑gʋ.
‑Jäsɩ ’u ’totroa’ ’klɩ:
’Trɔrʋ 1-3
’Cɩcasa nyra ‑wawlakʋ 4-11
‑Gälɩblörö ’trɔrʋ 12-13
1’Trɔrʋ
1’Mɔɔ Tagbö, ’mɔɔ ‑jɩjra ’Ŋlʋʋlɔ Nyɔsʋa ’baa’ ’lɩ ’wʋ, ’ɔɔ ‑bɛ ’ɔa ’jülü ’n ‑waa’ ’cɩcasa ’lɩ1.1 Jaan ’ü ’dara ’saa; ’ɔɔ bä kä ’cɛcɩtagbö. ’Ŋlʋʋlɔ kä ‑gä Jaan ’paaa’ nɩ, ’cɛcɩ ’ɔ ’daa. ’Jülü nɩ, ’a ’cɛcɩnyüü.. ‑Mää ’na ’doo ’nyɩ ’amɩ ‑wa, ‑maa ü kä ’fɩɔ jrea’ bɩa ’cɩcasa. 2’A ’cɩcasalä bäa’ amɩ ’lɩ ‑bɛ a nyra ’ään ’mäa’ ‑wälɩkʋ ’plɔʋplɔʋ nɩ, ’äa ‑gʋ a ‑wa ’amɩ. 3Abɩa Nyɔsʋalɔ bäa’ Tʋ, nyra ’Pläkänyɔɔ1.3 ’Pläkänyɔɔ: ‑Taa waklöölä ’nyɩ grɛɛkë kätɩpɔɔkɩ ‑mɩdooa ’mlɩ ‑a bä. Jesu ’Kriisëlɔ bäa’ Tʋa ’jʋ ‑nyɩ amɩ1.3 amɩ: Grɛɛkë kätɩpɔɔkɩ ‑mɩdooa ’mlɩ ’i ‑jɩjra: ’amɩ. ‑gbinanakʋ, nyatɛplɛ, nyra plɛgälɩflɛrɛkʋ, ’cɩcasa nyra ‑wawakʋ ’lɩ.
’Cɩcasa ‑bɛ ‑wawakʋ
4’N ’jäa’ ‑na ’jü ’ü ’nyɛrɛa’ ’cɩcasa ’lɩ, ’sɩrɩ Tʋa ‑dɔ ‑gbaa’, dɔrʋlʋ ’blaa’ ’mɩ ‑mää ’ua ‑srɩ ’nyɩ ‑pɛ. 5’Ŋlʋʋ, wiili ’mäa’ ‑plɩɩ ‑mɩ ‑gbala nɩ, ’iibä: a ‑wawla. ‑Mää ‑dɔ dëdrä ’nyɩ ’saabä, ‑maa ’a ‑dɔ ’doolʋ a ’järä käa’ ’käkolofa ’wʋ. 6‑Bɛ dɛɛlɛ bäa’ ‑wawakʋ nɩ, ’iibä ’ɔa ‑dɔa ’lɩträäräkʋ. ’A ‑dɔlʋ ’a käa’ ’amäa’ ’lɩträärä ’sɩrɩ ’a ’nua’ ’uun ’wli ’käkolofa ’wʋ.
7’Be nyüütrɔɔrɔnyüü ’kɔkɔmlɛ ’a ’pläa ’mlɩ ‑gbaala. ’Sɩrɩ Jesu ’Kriisë ‑sröröa’ nyɔɔ ’lɩ ‑bɛ ’ɔ jia’ ’pläa ’mlɩ nɩ, ’inyɩ ja ’üa mlɩ ‑a. Nyɔɔlɔ nöa’ ’saa nɩ, ’ɔɔ bä nyüütrɔɔrɔnyɔɔlɔ, ‑bɛ ’ɔ bä ‑gbagblɛ ’kriisëlɔ1.7 Tɛ wiili ‑jɩjraa’ 1 Jaan 2.18 ‑wälɩ; 1 Jaan 4.3; 2.18.. 8’Ii känyrɩ, ’ba ‑tre ’ana nyüfë, ana ’jrʋpaa jijrɛ ‑pɩ amɩ kälɩ ’wʋ, ‑maa ’ɛmä amɩ ’wʋ ‑ji1.8 ana … amɩ … amɩ: Grɛɛkë kätɩpɔɔkɩ ‑mɩdooa ’mlɩ ’i ‑jɩjra: «’ana ’jrʋpaa jijrɛ ‑pɩ ’amɩ kälɩ ’wʋ … ’amɩ ’wʋ ji», ’aiɛ «’ana ’jrʋpaa jijrɛ ‑pɩ amɩ kälɩ ’wʋ … ’amɩ ’wʋ ji.». 9Nyɔɔ o nyɔɔ ’nyɩ ‑trääräa’ ’lɩ ’Kriisëa ’kpɩkpɩakʋ nɩ, ’ɔnyɩ Nyɔsʋa ’lɩ ‑a bä. ‑Mɔlɔ ‑trääräa’ ’lɩ ’Kriisëa1.9 ’Kriisë: ‑Taa waklöölä ’nyɩ grɛɛkë kätɩpɔɔkɩ ‑mɩdooa ’mlɩ ‑a bä. ’kpɩkpɩakʋ nɩ, ’ɔɔ bä Tʋ nyra ’Jʋ ’lɩ. 10Nyɔɔ ma ji ’ana ‑nyɛɛ ‑bɛ ɔma ’nyɩ ’saalɩ wiili ’Kriisë ’kpɩaa’ ‑a nɩ, ’anyɩ pla ’ɔɔn ’ana nyüköli, ’anyɩ ’trɛɛ ’ɔmɩ. 11Nyɔɔ ma ’trɛɛa’ ’ɔmɩ nɩ, ‑gba ’ɔ jö ’ɔɔn ’ɔa bʋbɔgbia ’mlɩ.
‑Pɔɔkʋa ‑jraarafa
12Wii ’kɔkɔmlɛ bälɩ ’mä ’amɩ ’iin ‑gbala, ‑maa ’nyɩ ’bata ’ia ‑jɩjrakʋ ‑a. ’N jresaa ’nyaa ’ana ‑nyɛɛ jia, ‑bɛ amä ’mäklɩdɛtrɛ ana dɔrʋ ’mä ’wli ‑sie. 13‑Na ‑wladialɔ1.13 ‑wladialɔ: ’Cɛcɩ Jaan ’daa. Nyɔsʋa ’baa’ ’lɩ, ’ɔa ’jü ’trɛɛ ‑mɩ. ’Asɩ i bä1.13 ’Asɩ i bä: ‑Taa waklöölä ’nyɩ grɛɛkë ‑kätɩpɔɔkɩ ‑mɩdooa ’mlɩ ‑a bä..