1 JAAN

JAAN A ’KLƖSA ‑PƆƆKƲ

1 JAAN

‑Pɔɔkʋa ’mlɩa wii

Jaan a ’klɩsa fafapɔɔkʋ kʋ ‑pɩ. ’Ɔ ’a kä ‑pɔɔkʋ ‑moloo ‑jɩjra, ‑srɩlɩ Jesu ‑sia’ ‑pɩ ‑tʋtʋ ‑gälɩ, ’ia ‑gä ’ɔ ’pa: «’Mʋfagogolä Jaan ‑jɩjraa’». ’Ɔnya ‑jɩjra ’sɔɔwʋ ‑pɔɔkɩ ‑mɩdoo ‑taa nua dɛrɩ.

Nyüü ma kä ‑gbagblɛ. ’Ü ma ‑gbala nyüü ‑maa Jesulɔ jia’ ‑pɩ ‑tʋtʋ ‑gälɩ ɔ bäa’ nyɔɔ ’nyɩ Nyɔsʋaa ’Jʋ ‑a bä. ’Ü nɩnɩa bɩa nyɔɔ ’mrɛɛ ɔ nʋ dɛɛlɛ ’ɔ ‑waa’, Nyɔsʋa ‑nëmä ’ɔɔn ‑pasasa ‑a ’kplaa. ’A ’ia ‑gʋ Jaan ‑jɩjra ’cɛcɩnyüü ’wʋ ’ɔmä nyɔɔlɔ bäa’ Jesu srara. ’Ɔ ‑gbala ’üün ’sɩrɩ ’klälä ’nyɩa’ blöröfa kä bäa’ ’kasa ’lɩ. ’Ɔnya ‑gbala ’üün ’sɩrɩ nyɔɔ ’mrɛɛa’ ’ɔmäa’ ’ään ’jä: Nyɔɔ o nyɔɔ toroa’ Jesu plɛ nya ’klälä ’jäa. ’Ɔnya ‑gbala nyüü ’ü nyra Nyɔsʋa nyra ’ɔa ’Jʋ bä ’doo ‑bɛ ü ‑wa Nyɔsʋa nyra nyüülü kä ’fɩɔ toroa’ Nyɔsʋa plɛ. ’Üma nʋ ’imɩ nɩ ’ünya ’klälä ’nyɩa’ blöröfa kä ’jäa.

‑Jäsɩ ‑pɔɔkʋlʋ ’totroa’ ’klɩ:

’Papawiili ‑nyɛɛa’ ’klä 1.1-4

’Napɛ ’klɩa ’nyɛrɛkʋ 1.5–2.2

Nyɔɔlɔ jrea’ Nyɔsʋa, ’ɔɔ ‑träärälɩ ’ɔɔn 2.3-17

’Kriisëa ’nyüamlɩjraranyüü nyra Nyɔsʋaa ’jü 2.18–3.10

‑Wawlakʋ 3.11–4.21

Nyɔɔ kä ’ɔmä ‑tʋtʋ ‑gälɩa dii ’wʋsi 5.1-21

’Papawiili ‑nyɛɛa’ ’klä

¹I bä käa’ ’pläa ’käkolofa1.1 ’pläa ’käkolofa: Tɛ bɩa Jaan 1.1; 8.44; 15.27; 16.4. ’wʋ, i a ’nua’ ’wli, ‑bɛ ana ’nyü ’jäa’, i a ’jäjräa’, ‑bɛ ana wlu ‑fɛfɛa’ ‑gba nɩ, ’a ’Papawiili bäa’ ’klä. ²’Klälä srara ’äa nyufa: anya ’jäjrä ’ämɩ, ’a ’äa ‑gä a ’paa. ’A ’klälä ’nyɩa’ blöröfa kä ‑bɛ ä bä käa’ Tʋa ‑gba, ä sraraa’ amɩ ’äa nyufa nɩ, ’äa ‑gä a ‑gbala ’amɩ. ³I a ’jäa’ ‑bɛ a ’nua’ ’wli nɩ, ’ii a ‑gbala bɩa ’amɩ, ’ana ’mʋgbɛ nyra amɔ ’mä ’doo bä. ‑Mää ana ’kpɔ ‑a, ‑maa a nyra Tʋ ‑bɛ ’ɔa ’Jʋ Jesu ’Kriisë nëmä ’doo bä. ⁴Ana1.4 Ana: Grɛɛkë kätɩpɔɔkɩ ‑mɩdooa ’mlɩ ’i ‑jɩjra: ’Ana. dɔrʋ ’mä ’wlisie, ’a ’ia ‑gʋ a ‑jɩjra ’amɩ ’iin ’wʋ.

’Napɛ ’klɩa ’nyɛrɛkʋ

⁵Wiili a ’nröröa’ ’ɔa mlɩ ’wli ‑bɛ a ‑gbalaa’ ’amɩ nɩ, ’iibä: Nyɔsʋa bä ‑srɩ, ’jöjrüükpüa dɩjɔ ’doo ’nyɩ ’ɔɔn ’lɩ ‑a bä. ⁶Ama ’daa a nyra ’ɔɔn bä ’doo ‑bɛ ama ’nyɛrɛ ’jöjrüükpü ’lɩ nɩ, ‑gbagblɛnyüü a bä, ’cɩcasa ’nyɩ ana ’kläa ’mlɩ ‑a bä. ⁷‑Maa ama ’nyɛrɛ ‑srɩ ’klɩ, ’sɩrɩ ’ɔa ’mʋgbɛ bäa’ ‑srɩ nɩ, anya ‑maa, ’kä ’ɔa ’jʋ Jesu ’Kriisëa1.7 ’Kriisëa: ‑Taa waklöölä ’nyɩ grɛɛkë kätɩpɔɔkɩ ‑mɩdooa ’mlɩ ‑a bä. ‑toru nya amɩ ‑gbafuto, ana ‑balʋa ’fɩɔa ‑gʋ. ⁸Ama ’daa anyɩ ‑balʋ ‑a kä nɩ, ana nyüfë a ’saa ‑gbagblɛ, ’cɩcasa ’nyɩ bɩa amɩ ’lɩ ‑a bä. ⁹Nyɔsʋa ’nyɩ ’sa ’ɔa mlɩa wii ‑gälɩ ‑a, ’ɔ ‑gäklɩ. Ama ’sara ’lɩ ’ɔɔn ana ‑balʋ nɩ, ’ɔnya amɩ ’uun cerea, ’kä ’ɔnya ana bʋbɔgbia ’fɩɔ kpëtä. ¹⁰‑Bɛ ama ’daa anyɩ ‑balʋ ‑a kä nɩ, ‑gbagblɛnyɔɔ a ’dara ’ɔɔn, ‑bɛ ’ɔa ’papawii ’nyɩ bɩa amɩ ’lɩ ‑a bä.

¹’Na ’jü ’amɩ, ’a ‑pɩ ‑balʋ nʋ ’a ’ia ‑gʋ ’n ‑jɩjra ’amɩ ’wʋ. ‑Maa nyɔɔ ma nʋ ‑balʋ nɩ, a kälä Tʋa ‑gba ana ’wli ’lɩa wiipanyɔɔ: Jesu ’Kriisëlɔ ‑gäa’ ’klɩ. ²’Ɔɔ ’sa ’ɔa nyufa ana ‑balʋa ‑gʋ Nyɔsʋaa ’crɛ nya ’ciewʋ. ‑Mää ana ’dooa ‑gʋ ‑a, ‑maa ’pläa ’fɩɔa ‑gʋ bɩa.

Nyɔɔlɔ jrea’ Nyɔsʋa, ’ɔɔ ‑träärälɩ ’ɔɔn

³Ama ‑träärälɩ ’ɔa ‑dɔ nɩ, ’a ‑plɩɩ a jresaa ’sɩrɩ a jrea’ ’ɔmɩ. ⁴Nyɔɔlɔ nöa’ ‑maa: «’N jre ’ɔmɩ» ‑bɛ ’ɔnyɩ ‑trääräa’ ’lɩ ’ɔa ‑dɔ nɩ, ‑gbagblɛnyɔɔ ’ɔ bä, ’cɩcasa ’nyɩ ’ɔɔn ’lɩ ‑a bä. ⁵‑Maa ‑mɔlɔ ‑trääräa’ ’lɩ ’ɔa mlɩa wii nɩ, Nyɔsʋaa ‑wawakʋlʋ bäa’ ’ɔɔn ’lɩ ’u jräwli. ’A ‑plɩɩ a jresaa ’sɩrɩ a bäa’ ’ɔɔn ’lɩ. ⁶Nyɔɔlɔ ’daa ‑maa ’ɔ bä ’ɔɔn ’lɩ nɩ, ’sɩrɩ ’ɔa ’mʋgbɛ ’nyɛa’ nɩ, ’asɩ ’ɔ ’kä ’ɔmä bɩa ’nyɛ.

⁷’Na ‑wlajü ’amɩ ‑mää ‑dɔ dëdrä ’nyɩ ‑jɩjra; ‑maa ’a ‑kätɩ ‑dɔlʋ ’a jrea’ ’bala ’käkolofa ’wʋ nɩ, ’uu bäsaa. ‑Kätɩ ‑dɔlʋ nɩ, ’a ’papawiili ’a ’nua’ ’wli ’käkolofa ’wʋ2.7 ’käkolofa ’wʋ: ‑Taa waklüülü ’nyɩ grɛɛkë kätɩpɔɔkɩ ‑mɩdooa ’mlɩ ‑a bä.. ⁸’Nyaa bɩa ’daa ‑dɔ dëdrä ’n ‑jɩjra ’amɩ. ’Ua ’wʋcrɛrɛdɛɛ bä ’ɔɔn ’lɩ. ’Unya bä bɩa ’amɩ ’lɩ, ’be ’tasɩrɩa ‑srɩ ’a pa, ’jöjrüükpü ‑gbaakä. ⁹Nyɔɔlɔ nöa’ ‑maa ‑srɩ ’klɩ ’ɔ bä, ‑bɛ ɔ jraraa’ ’ɔa ‑wlajʋ ’nyüamlɩ nɩ, ’ɔ ‑ka bä ’jöjrüükpü ’lɩ. ¹⁰‑Mɔlɔ ‑waa’ ’ɔa ‑wlajʋ nɩ, ’ɔɔ bä ‑srɩ ’klɩ, ‑bɛ dɛɛ ’nyɩ ’ɔɔn ’lɩ ‑a bä ’ɛmä ’ɔɔn ’käkpa. ¹¹‑Maa ‑mɔlɔ jraraa’ ’ɔa ‑wlajʋ ’nyüamlɩ nɩ, ’jöjrüükpü ’lɩ ’ɔ bä: ’jöjrüükpü ’lɩ ’ɔ ’nyɛrɛ, ‑bɛ ‑plɩɩlɩ ’ɔ möa’ ’ɔnyɩ ’lɩ ‑a jre, ’be ’jöjrüükpü bä ’ɔa ’nyüa ’mlɩ.

¹²’Na ’jü ’amɩ, ’amɔ ’n ‑jɩjra ’wʋ: ’ana ‑balʋ ’a cere ’ɔa ’nyrɩa ‑gʋ.

¹³Tʋɩɩ ’amɩ, ’amɔ ’n ‑jɩjra ’wʋ: ’a jre ɔ bä käa’ ‑plɩɩ ’käkolofa ’wʋ.

‑Sëgbë ’amɩ, ’amɔ ’n ‑jɩjra ’wʋ: ’anya ’a Plɛbʋbɔsusu2.13 Plɛbʋbɔsusu: Sataan bäsaa. du.

’Jü ’amɩ, ’amɔ ’n ‑jɩjra ’wʋ: ’a jre Tʋ2.13 ’Jü ’amɩ, ’amɔ ’n ‑jɩjra ’wʋ: ’a jre Tʋ: Grɛɛkë kätɩpɔɔkɩ ‑mɩdoo ‑tʋʋä waklüülü kʋa’ ‑pɩ 14 ‑gälɩ..

¹⁴Tʋɩɩ ’amɩ, ’nyaa ’amɩ ’wʋ ‑jɩjra: ’a jre ɔ bä käa’ ‑plɩɩ ’käkolofa ’wʋ.

‑Sëgbë ’amɩ, ’nyaa ’amɩ ’wʋ ‑jɩjra: ’a ‑sɔɔrɔwʋ, Nyɔsʋaa ’papawii nya bä ’amɩ ’lɩ, ’anya du Plɛbʋbɔsusu.

¹⁵’Anyɩ ‑wa ’plä, ’anyɩ ‑wa bɩa ibäa’ ’pläa ’mlɩ. Nyɔɔ ma ‑wa ’plä nɩ, Nyɔsʋaa ‑wawakʋ ’nyɩ ’ɔɔn ’lɩ ‑a bä. ¹⁶’Be i kä ’fɩɔ bäa’ ’pläa ’mlɩ: ibäa’ cacɩgbi, dɛɛnyükäkäkʋ nyra dii käkäkʋa ‑tɔklʋbɔtɔkʋ; ’ia ’fɩɔlʋ ’nyɩ Tʋa ‑nyɛɛ ‑a sɔ, ’pläa ’mlɩ ’i sɔ. ¹⁷‑Bɛ ’plä ‑sööö, ’äa dɛɛnyü ‑sööö, ‑maa ‑mɔlɔ nöa’ wiili Nyɔsʋa ’bataa’ nɩ, ’ɔ bälɩ ’plɔʋplɔʋa ‑gʋ.

‑Gbagblɛ ’kriisë

¹⁸’Na ’jü ’amɩ, ‑gälɩblörögliii ’lɩ a bä. ’A ’nu ’sɩrɩ ‑gbagblɛ ’kriisë2.18 ‑gbagblɛ ’kriisë: ’A nyɔɔlɔ ’nyɩa’ ’Kriisë ‑wa, ɔ nyra ’ɔɔn totroa’ ’wli. Tɛ 2.22; 4.3; 2 Jaan 7. Tɛ bɩa 2 Tɛsalonikënyüü 2. jöa’, ‑bɛ ‑plɩɩlɩ a ’palaa’ wii nɩ, ‑gbagblɛ ’kriisë ’kɔkɔmlɛ ’a ji. ’Ii ‑gbala amɩ ’sɩrɩ a bäa’ ‑gälɩblörögliii ’lɩ. ¹⁹Ana ‑tɔrʋpɩɔ ’ü sɔ, ‑maa ’ü ma ’nyɩ ana ‑nyɛɛa nü ‑a bä. Üma bä ɩ ana ‑nyɛɛa nü nɩ, ’ü nyra amɔ nya ɩ ‑wälɩkʋa. ‑Maa ’ü sɔ amɩ dɛrɩ nyüü ’mä ’saa jre ’üa ‑tɔrʋpɩɔa nyɔɔ ’doo ’nyɩ kä ’kasa ana ‑nyɛɛa nyɔɔ ‑a bä. ²⁰’Amɔlɔ nɩ, nyɔɔlɔ ‑balʋ ’nyɩa’ ’lɩbä ’balɩ ’amɩ ’ɔ ‑nyɩ ’amɩ ’Nyüna ‑Susu, a jre wiia ’fɩɔ2.20 a jre wiia ’fɩɔ: Grɛɛkë kätɩpɔɔkɩ ‑mɩdooa ’mlɩ ’i ‑jɩjra: ’ana ’fɩɔ nya jre ’cɩcasa.Tɛ waklüülü ‑jɩjraa’ 27 ‑gälɩ.. ²¹Ama ‑jɩjraa’ ’amɩ ’wʋ nɩ, ‑mää ’kä ’anyɩ ’cɩcasa ‑a jre, ‑maa ’a ’cɩcasa ’a jre; ‑bɛ dɛɛ bäa’ ‑gbagblɛ nɩ, ’ɛ nyra ’cɩcasa ’nyɩ sɔ ‑pɩɔ ’doo ’wʋ ‑a. ²²Nyɔɔ ’plɛɛ bä ‑gbagblɛnyɔɔ le? ’A nyɔɔlɔ nöa’ ‑maa Jesu ’nyɩ ’Kriisë ‑a bä2.22 Jaan ’taɩn ’lɩ nɩ, ’kpɩkpɩanyüü ma ’kpɩa nyüü ‑gbagblɛwii. ’Ü nɩnɩa ‑maa Nyɔsʋaa ’Jʋ, ’Kriisë nyra Jesu bä ’dɔ, ‑mää nyɔɔ ’doo ‑a. ’Sɩrɩ Nyɔsʋaa ’Jʋ ’Kriisë ‑sröröa’ nyɔɔ ’lɩ nɩ, ’ü ‑pɩ ’iin ’klɩnyiere. ‑Maa Jaan nɩnɩa, nyɔɔ ’nyɩa’ ’Jʋ ’klɩ ’nyiere nɩ, ’ɔnyɩ bɩa Tʋ ’klɩ ‑a ’nyiere. ’Be ’Jʋ ’lɩ a ’järä Tʋ. ’Ima ’nyɩ ’iin bä ‑a bä, nyɔɔ ‑nëmä Tʋ ‑a ’jä. Matiö 11.27.; ’ɔɔ bä ‑gbagblɛ ’kriisë, ’ɔɔ blara Tʋ nyra ’Jʋ ’klɩ. ²³Nyɔɔ o nyɔɔ blaraa’ ’Jʋ ’klɩ nɩ, ’ɔnyɩ bɩa Tʋ ‑a jre. ‑Mɔlɔ ’nyierea’ ’Jʋ ’klɩ nɩ, ’ɔ jre bɩa Tʋ2.23 ‑Mɔlɔ ’nyierea’ ’Jʋ ’klɩ nɩ, ’ɔ jre bɩa Tʋ: ‑Taa waklüülü ’nyɩ grɛɛkë kätɩpɔɔkɩ ‑mɩdooa ’mlɩ ‑a bä.. ²⁴’Ia ‑gʋ ’amɔlɔ nɩ, abɩa wiili ’a ’nua’ ’wli ’käkolofa ’wʋ kʋ ’amɩ ’lɩ. Wiili ’a ’nua’ ’wli ’käkolofa ’wʋ ma kʋ ’amɩ ’lɩ nɩ, ’anya bɩa ’Jʋ nyra Tʋ ’lɩ kʋa. ²⁵‑Bɛ dɛɛlɛ ’ɔ ’daaa’ ’ɔmäa’ amɩ2.25 amɩ: Grɛɛkë kätɩpɔɔkɩ ‑mɩdooa ’mlɩ ’i ‑jɩjra: ’amɩ. ‑nyɩ nɩ, ’ɛɛ bä ’klälä ’nyɩa’ blöröfa kä.

²⁶Nyüülü ’paaa’ ’amɩ mlüülɩ nɩ, ’üa ‑gʋ ’n ‑jɩjra ’imɩ. ²⁷‑Maa ’amɔlɔ ’ɔ ’baa’ ’lɩ, ‑bɛ ’ɔ ‑nyɩa’ ’Nyüna ‑Susu nɩ, ’u bä ’amɩ ’lɩ. ’A ‑kanyɩ ’kpɩkpɩakʋ ‑a kä, ’be ‑Susulu ’ɔ ‑nyɩa’ ’amɩ nɩ, ’u ’kpɩa ’amɩ diia ’fɩɔ. ’U ’salɩ ’cɩcasa, ’u ’nɩ kä ‑gbagblɛ ‑a. ’Sɩrɩ ’u ’kpɩaa’ ’amɩ nɩ, ’asɩ ’ba kʋ ’ɔɔn ’lɩ.

Nyɔsʋaa ’jülü

²⁸’Na ’jü ’amɩ, ’ba kʋ ’ɔɔn ’lɩ. ’Ia ’taɩn ’lɩ ɔma ji ‑srɩɩ nɩ, ana plɛ ’mä nyɔnyrɔ, ’nyüsü ‑pɩ amɩ ’bla ’ɔa jijitaɩn ’lɩ. ²⁹’Ama jre ’iin ’sɩrɩ ’ɔ ‑gäa’ ’klɩ nɩ, ’ba jresaa nyɔɔ o nyɔɔ nöa’ wiili ‑gäa’ ’klɩ nɩ, ’ɔɔ bä ’ɔa ’jʋ.

¹’Ba ’jä ’sɩrɩ Tʋ ‑waa’ amɩ: ’ɔ ’dara ’nɩmɩ amɩ ’ɔa ’jü, ‑bɛ ’üü a bä ’kasa3.1 ‑bɛ ’üü a bä ’kasa: ‑Taa waklüülü ’nyɩ grɛɛkë kätɩpɔɔkɩ ‑mɩdooa ’mlɩ ‑a bä.! ’A ’ia ‑gʋ ’plä ’nyɩ amɩ jre, ’be ’änyɩ ’ɔɔn jre ‑a jre. ²’Na ‑wawanyüü ’amɩ, Nyɔsʋaa ’jü a bä ‑mlatɩ, ‑bɛ ’sɩrɩ amäa’ ‑srɩɩ bä nɩ, Nyɔsʋa ‑kaaŋlʋ amɩ ’iin srara. ‑Maa wiili a jrea’ nɩ, ’taɩn ’lɩ ’ɔmäa’ ‑srɩɩ ’ɔa nyufa srara nɩ anya ’ɔa ’sa bäa, ’be ’sɩrɩ ’ɔ bäa’, ’asɩ amä ’ɔɔn ’jä. ³Nyɔɔ o nyɔɔ ’piea’ ’iin plɛ ‑gälɩ nɩ, ’ɔa nyufa ’ɔ kpëtä ’sɩrɩ ’Kriisëa ’mʋgbɛa ’nyü ’naa’.

⁴Nyɔɔ o nyɔɔ nöa’ ‑balʋ nɩ, Nyɔsʋaa ‑dɔ ’ɔ ’pɩɛ ‑gälɩ. ’Be ‑balʋa nʋnʋkʋ bä ‑dɔa ‑gälɩpɩpɩkʋ. ⁵’A jre ’imɩ ’sɩrɩ Jesu jia’ ’lɩ ana3.5 ana: ‑Taa waklöölä ’nyɩ grɛɛkë kätɩpɔɔkɩ ‑mɩdooa ’mlɩ ‑a bä. ‑balʋ ’ba, ‑bɛ ‑balʋ ’nyɩa’ ’ɔɔn ’lɩ bä ’plɔʋ. ⁶’Ii känyrɩ, nyɔɔ o nyɔɔ kʋa’ ’ɔɔn ’lɩ ’nyɩ nʋ ‑balʋ ‑a. Nyɔɔ o nyɔɔ nöa’ ‑balʋ nɩ, ’ɔnyɩ ’ɔɔn ’jä ‑a ’jä, ‑bɛ ’ɔnyɩ ’ɔɔn jre ‑a jre. ⁷’Na ’jü ’amɩ, nyɔɔ ’nyɩ ’pa ’amɩ mlüülɩ. Nyɔɔ o nyɔɔ nöa’ wiili ‑gäa’ ’klɩ nɩ, ’ɔ ‑gäklɩ ’sɩrɩ Jesua ’mʋgbɛ ‑gäa’ ’klɩ. ⁸Nyɔɔ nöa’ ‑balʋ nɩ, Sataan a ’jʋ ’ɔ bä, ’be ’bala ’käkolofa ’wʋ Sataan nö ‑balʋ. ‑Bɛ Nyɔsʋaa ’Jʋ ji ’ɔmä Sataan a ’jrʋpa ‑gblooo3.8 Jenɛɛsë 3.15.. ⁹Nyɔɔ o nyɔɔ bäa’ Nyɔsʋaa ’jʋ nɩ, ’ɔnyɩ nʋ ‑balʋ ‑a, ’be Nyɔsʋaa ’pɛ bä ’ɔɔn ’lɩ. ’Ɔ ‑kanyɩ ’lɩ ‑a bɩa ɔ nʋ ‑balʋ, ’be Nyɔsʋaa ’jʋ ’ɔ bä. ¹⁰‑Jää ’sɩ ’ü jrea’ Nyɔsʋaa ’jü nyra Sataan a ’jü: nyɔɔ o nyɔɔ ’nyɩa’ ’klɩgä, ’aiɛ ɔnyɩa’ ’ɔa ‑wlajʋ ‑wa nɩ, ’ɔnyɩ Nyɔsʋaa ’jʋ ‑a bä.

A ‑wawla

¹¹Wiili a ‑gbalaa’ ’amɩ, ‑bɛ ’a ’nua’ ’wli ’käkolofa ’wʋ nɩ, ’iibä: a kä amä ‑wawla, ¹²a ‑pɩ Kaɛɛn a ’sa bä, ɔ bä käa’ Plɛbʋbɔsusua3.12 Plɛbʋbɔsusu: Sataan a ’nyrɩ bäsaa. ’jʋ, ‑bɛ ’ɔ ’blaa’ ’ɔa ‑wlajʋ. Dɛplɛɛ kä ‑gʋ ’ɔ ’bla ’ɔɔn le? Wiili ’ɔ ma nöa’ ’i bʋbɔ, ‑bɛ ’ɔa ‑wlajʋ ma kä ’klɩgägbi3.12 Jenɛɛsë 4.1-16.. ¹³’Na ‑wlajü ’amɩ, ’plä ma jrara ’amɩ ’nyüa ’mlɩ, ’inyɩ kala ’amɩ plɛ ’klɩ. ¹⁴Amɔlɔ nɩ, a jresaa anya ’a jäjä ’lɩ sɔ, anya ’a ’klä ’lɩ ji, ’be a ‑wa ana ‑wlajü. Nyɔɔlɔ ’nyɩa’ ’ɔa ‑wlajʋ ‑wa nɩ, jäjä ’lɩ ’ɔ ‑ka bä. ¹⁵Nyɔɔ o nyɔɔ jraraa’ ’ɔa ‑wlajʋ ’nyüa ’mlɩ nɩ, nyüüblanyɔɔ ’ɔ bä, ‑bɛ ’a jre ’iin3.15 Jenɛɛsë 9.6. ’sɩrɩ nyüüblanyɔɔ ’nyɩa’ ’klälä ’nyɩa’ blöröfa kä kä. ¹⁶Amɔlɔ nɩ, a jre dɛɛlɛ bäa’ ‑wawakʋ, ’be ’ɔ ’sa ’ɔa ’klä ana ‑gʋ. Ana ’mʋgbɛlü nɩ, a kä amä ana ’klä ‑nyɩ ana ‑wlajüa ‑gʋ. ¹⁷Nyɔɔ ma kä dii, ‑bɛ ɔma bʋblɔ ’ɔa ‑wlajʋlɔ ’nyɩa’ dɛɛ kä plɛ ’wʋ nɩ, ‑asɩ ’ɔmä Nyɔsʋa ‑wa le? ¹⁸’Na ’jü ’amɩ, anyɩ nʋ mlɩa wiia ’kpɔ anyɩ ‑wawla, ‑maa a nʋ ’ia ’sa ’cɩcasa ’lɩ. ¹⁹’A ‑plɩɩ anya ’saa jre ’sɩrɩ a bäa’ ’cɩcasaa ’jü; ana plɛ ‑nëmä bɩa ’lɩ ‑a ‑taara Nyɔsʋaa ’klɩ. ²⁰’Be ana plɛ ma ’nyɩ ‑si ‑a ‑si nɩ, Nyɔsʋa ’bʋa ’ɔnya ‑si ana plɛ ’wʋ, ’ɔ jre wiia ’fɩɔ3.20 Deteronɔɔmë 15.7-9.. ²¹‑Maa, ’na ‑wawanyüü ’amɩ, ana plɛ ma ‑si nɩ, ’ɛ ‑nëmä ’lɩ ‑a ‑taara Nyɔsʋaa ’klɩ. ²²‑Bɛ dɛɛ o dɛɛ a nëmäa’ ’bete nɩ, ’ɔnya amɩ ’ɛɛn ‑nyɩa, ’be a ‑träärälɩ ’ɔa ‑dɔ ‑bɛ wiili käa’ ’ɔɔn ’tʋ nɩ, ’ii a nö. ²³‑Jää ’ɔa ‑dɔlʋ ’ɔ ‑nyɩa’ amɩ: a toro ’ɔa ’Jʋ Jesu ’Kriisëa ’nyrɩ plɛ, ’kä a ‑wawla ’sɩrɩ ’ɔa ‑dɔlʋ ’ɔ ‑nyɩa’ ’amɩ ‑gbaa’. ²⁴Nyɔɔlɔ ‑trääräa’ ’lɩ ’ɔa ‑dɔ nɩ, ’ɔ kʋ Nyɔsʋa ’lɩ, Nyɔsʋa nya kʋ ’ɔɔn ’lɩ. ‑Bɛ a jre ’sɩrɩ ’ɔ bäa’ amɩ ’lɩ, ’be ’ɔ ‑nyɩ amɩ ’ɔa ‑Susu.

’Cɩcasusu nyra ‑gbagblɛsusu

¹’Na ‑wawanyüü ’amɩ, ’a ’nɩ ’pie ‑sisia ’fɩɔ plɛ ‑gälɩ; ‑maa ’ba tɛlɩ ’iin ’amä ’iin ’jä ima bä Nyɔsʋaa ‑susu4.1 Deteronɔɔmë 13.2-6.. ‑Gbagblɛnyüülü ’daraa’ ’üa nyüfë nyɔsʋaamlɩpalanyüü, ü jia’ ’plälä kʋa’ ‑pɩa ’mlɩ, ’ü ‑sümlö. ²‑Jää ’sɩ ’amäa’ Nyɔsʋaa ‑Susu jre: ‑Susulu jrea’ ’sa Jesu ’Kriisë ‑srörö nyɔɔ ’lɩ4.2 ‑sröröa’ nyɔɔ ’lɩ: Grɛɛkëwii ’lɩ ’ü nö: «’ɔ ‑srörö ’jajɛ ’lɩ.», ’uu bä Nyɔsʋaa ‑Susu. ³‑Susulu ’nyɩ ’salɩ ’sɩrɩ Jesu ’Kriisë ‑srörö nyɔɔ ’lɩ nɩ4.3 ’Kriisë ‑srörö nyɔɔ ’lɩ nɩ: ‑Taa waklüülü ’nyɩ grɛɛkë kätɩpɔɔkɩ ‑mɩdooa ’mlɩ ‑a bä., ‑mää Nyɔsʋaa ‑nyɛɛ ’unyɩ sɔ. ‑Gbagblɛ ’kriisëa ‑susulu4.3 ‑Gbagblɛ ’kriisëa ‑susulu: Tɛ 2.18. kä jijigä ’a ’nua’ ’wli ‑bɛ unyaa’ ’pläa ’mlɩ ji nɩ, ’uu bäsaa. ⁴’Amɔlɔ nɩ, ’na ’jüjie ’amɩ, Nyɔsʋaa nü ’a bä; ’anya ’a ‑gbagblɛnyüülü du, ’be ‑susulu bäa’ ’amɩ ’lɩ ’u ’bʋa ’unya ‑si ‑mulu bäa’ ’pläa ’mlɩ ’wʋ. ⁵’Üülü nɩ, ’pläa nyüü ’ü bä. ’A ’ia ‑gʋ ’ü ’paa ’pläa ‑gä, ‑bɛ ’pläa nyüü po ’üün ’nyakli. ⁶Amɔlɔ nɩ, Nyɔsʋaa nü a bä. Nyɔɔlɔ jrea’ Nyɔsʋa nɩ, ’ɔ po amɩ ’nyakli. Nyɔɔlɔ ’nyɩa’ Nyɔsʋaa nɔ bä nɩ, ’ɔnyɩ po amɩ ’nyakli ‑a. ’A ‑plɩɩ a jrere ’cɩcasusu nyra ‑gbagblɛsusu.

Nyɔsʋa srara amɩ ‑wawlakʋ

⁷’Na nyüü ’amɩ, a ‑wawla ’be Nyɔsʋa ’ɔɔ ja ‑wawakʋ. Nyɔɔ o nyɔɔ ‑waaa’ ’ɔa ‑wlajʋ nɩ, Nyɔsʋaa ’jʋ ’ɔ bä, ’ɔ jre Nyɔsʋa. ⁸Nyɔɔlɔ ’nyɩ ‑waa’ ’ɔa ‑wlajʋ nɩ, ’ɔnyɩ Nyɔsʋa ‑a jre, ’be Nyɔsʋa bä ‑wawakʋ. ⁹‑Jää ’sɩ Nyɔsʋa sraraa’ amɩ ’sɩrɩ ’ɔ ‑waa’ amɩ: ’ɔ ja ’ɔa ’Jʋ ’doo ’doo ’pläa ’mlɩ, amä ’ɔɔn kälɩ ‑srörö amä ’klä ’jä. ¹⁰‑Jää dɛɛlɛ bäa’ ‑wawakʋ: ‑mää amɔ ’nyɩ Nyɔsʋa ‑wa, ‑maa ’ɔɔ ‑wa amɩ. Ana ‑wawakʋa ‑gʋ nɩ, ’ɔnya ’sa ’ɔa ’Jʋ ana ‑balʋa ‑gʋ ‑bɛ ’ɔa ’crɛ ’mä ’wʋcie.

¹¹’Na nyüü ’amɩ, Nyɔsʋa ma nʋ ’saa ɔma ‑wa amɩ nɩ, ana ’mʋgbɛ kä amä ’saa ‑wawla. ¹²Nyɔɔ ‑kaapɩɔ Nyɔsʋa ’jä; ‑maa ama ‑wawla nɩ, Nyɔsʋa bä amɩ ’lɩ, ‑bɛ amɔ ’lɩ ’ɔa ‑wawakʋ jräräwli ’cɩcasa. ¹³‑Jää dɛɛlɛ ‑gbalaa’ amɩ ’sɩrɩ a bäa’ ’ɔɔn ’lɩ ‑bɛ ’ɔ bäa’ amɩ ’lɩ: ’ɔ ‑nyɩ amɩ ’ɔa ‑Susu. ¹⁴Ana ’mʋgbɛlɔ nɩ, anya ’jä ’iin, ’ii a ’saalɩ: Tʋ blɔ ’ɔa ’Jʋ, ’pläa ’lɩmlɩbanyɔɔ4.14 Tɛ Jaan 3.17; 4.42.. ¹⁵Nyɔɔlɔ ’saaa’ ’lɩ ‑maa: «Jesu bä Nyɔsʋaa ’Jʋ» nɩ, Nyɔsʋa bä ’ɔɔn ’lɩ, ’ɔnya bä Nyɔsʋa ’lɩ.

¹⁶Amɔlɔ nɩ, a jre ‑wawakʋlʋ Nyɔsʋa ‑waa’ amɩ, anya toro ’uun plɛ. Nyɔsʋa bä ‑wawakʋ. Nyɔɔlɔ kʋäa’ ‑wawakʋ ’lɩ nɩ, Nyɔsʋa ’lɩ ’ɔ kʋ, ‑bɛ Nyɔsʋa kʋ ’ɔɔn ’lɩ. ¹⁷’Ii ‑gbala amɩ ’sɩrɩ amɔ ’lɩ ’ɔa ‑wawakʋ jräräwli, ’be ’sɩrɩ ’ɔ bäa’ ’asɩ a bä ‑pɩ ‑tʋtʋ ‑gälɩ, ana plɛ ’mä nyɔnyrɔ ‑gätʋsrɩ ’lɩ. ¹⁸Ŋalɛ ’nyɩ ‑wawakʋ ’lɩ ‑a bä, ‑maa ‑wawakʋlʋ jräa’ ’wli nɩ, ’u prɛ ŋalɛ. Nyɔɔ ’ümäa’ ’pɔnɩ, ’ɔɔ ŋalɛ ’blaa’. ’Ii känyrɩ, nyɔɔlɔ ŋalɛ ’blaaa’ nɩ, ’ɔa ‑wawakʋ ’nyɩ ’wli ‑a jrä. ¹⁹Amɔlɔ nɩ, a ‑wa ’ɔɔn, ’be ’ɔɔ ‑kätɩ ‑wa amɩ. ²⁰Nyɔɔ ma ’daa ’ɔ ‑wa Nyɔsʋa ‑bɛ ɔma jrara ’ɔa ‑wlajʋ ’nyüa ’mlɩ nɩ, ‑gbagblɛnyɔɔ ’ɔ bä. Nyɔɔ ’nyɩa’ ’ɔa ‑wlajʋlɔ ’ɔ ’jääa’ ’wʋ ‑wa nɩ, ‑asɩ ’ɔnya Nyɔsʋalɔ ’ɔnyɩ ’jääa’ ’wʋ ‑wa le? ²¹‑Jää ’ɔa ‑dɔlʋ ’ɔ ‑nyɩa’ amɩ: nyɔɔlɔ ‑waa’ Nyɔsʋa nɩ, ’ɔ kä ’ɔmä bɩa ’ɔa ‑wlajʋ ‑wa.

Jesua plɛtorokʋ

¹Nyɔɔ o nyɔɔ jrea’ ’saa Jesu bä ’Kriisë nɩ, Nyɔsʋaa ’jʋ ’ɔ bä. Nyɔɔ o nyɔɔ ‑waaa’ tʋ nɩ, ’ɔ ‑waaa’ bɩa ’ɔa ’Jʋ. ²Ama ‑wa Nyɔsʋa, ‑bɛ ama ‑träärälɩ ’ɔa ‑dɔ nɩ, a jresaa a ‑wa Nyɔsʋaa ’jü. ³’Be Nyɔsʋaa ‑wawakʋ bä ’ɔa ‑dɔa ’lɩträäräkʋ. ‑Bɛ ’ɔa ‑dɔ ’nyɩ ’kʋɛɛ ‑a bä5.3 Jaan 14.15.. ⁴Nyɔsʋaa ’jüa ’fɩɔ duö ’plä. ‑Bɛ dɛɛlɛ nöa’ ’iin ‑bɛ a duöa’ ’plä, ’ɛɛ bä ana nyɔsʋaplɛ5.4Ana nyɔsʋaplɛ ‑gbala amɩ ’sɩrɩ Jesu bäa’ Nyɔsʋaa ’Jʋ. Matiö 16.16; Jaan 1.34.. ⁵Ima ’nyɩ nyɔɔlɔ jrea’ ’saa Jesu bä Nyɔsʋaa ’Jʋ ‑a bä, nyɔɔ ’plɛɛ duö ’plä le? ⁶’A Jesu ’doolɔ bäa’ ’Kriisë, ’ɔɔ jara ’nɩ nyra ‑toru ’lɩ; ‑mää ’nɩa ’doo ‑a, ‑maa ’nɩ nyra ‑toru. Nyɔsʋaa ‑Susu ’uu ’salɩ ’imɩ, ‑bɛ ’u bä ’cɩcasa. ⁷’Be ’ü bä tää ’üü ’paa ’ia ‑gä cɛlɩ: Tʋ, Nyɔsʋaa ’Papawii nyra ’Nyüna ‑Susu. ’Üa tää bä ’doo5.7 cɛlɩ: Tʋ, Nyɔsʋaa ’Papawii nyra ’Nyüna ‑Susu. ’Üa tää bä ’doo: ‑Taa waklüülü ’nyɩ grɛɛkë kätɩpɔɔkɩ ‑mɩdooa ’mlɩ ‑a bä. Tɛ Deteronɔɔmë 19.15; Jaan 5.31-37.. ⁸‑Bɛ tää bä ‑tʋtʋ ‑gälɩ, ’ü ’paa bɩa ’imɩ. ’Üü bä: ‑Susu, ’nɩ, nyra ‑toru, ’üa tää nya bä ’doo5.8 ‑Bɛ tää bä bɩa ‑tʋtʋ ‑gälɩ, ’ü ’paa bɩa ’imɩ. ’Üü bä: ‑Taa waklüülü ’nyɩ grɛɛkëa ‑kätɩ ‑pɔɔkɩ ‑mɩdooa ’mlɩ ‑a bä.. ⁹A ’dara nyüüamlɩawii wii, ‑maa Nyɔsʋaa wiili ’ɔ ’saaa’ ’lɩ i ‑sia’ ’wʋ nɩ, ’ii a ‑nëmä wii ’dara? Wiili ’ɔ ’saalɩ: ’ɔa ’Jʋa ‑gä ’ɔ ’salɩ. ¹⁰Nyɔɔlɔ toroa’ Nyɔsʋaa ’Jʋ plɛ nɩ, ’ɔ jre ’iin ’ɔa plɛklɩ ’sɩrɩ ’i bäa’ ’cɩcasa. Nyɔɔlɔ ’nyɩ toroa’ Nyɔsʋa plɛ nɩ, ‑gbagblɛkänyɔɔ ’ɔ ’dara ’ɔɔn, ’be wiili Nyɔsʋa ’saa’ ’lɩ ’ɔa ’Jʋa ‑gʋ, ’ɔnyɩ ’dara ’iin wii ‑a. ¹¹‑Jää wiili Nyɔsʋa ’saa’ ’lɩ: ’Ɔ ‑nyɩ amɩ ’klälä ’nyɩa’ blöröfa kä, ‑bɛ ’klälä nɩ, ’ɔa ’Jʋ ’lɩ ’ä bä. ¹²Nyɔɔlɔ bäa’ ’Jʋ ’lɩ, ’ɔ ’klaa ’klä. Nyɔɔlɔ ’nyɩa’ Nyɔsʋaa ’jʋ ’lɩbä nɩ, ’ɔnyɩ ’klä ‑a ’klaa.

‑Pɔɔkʋa ‑jraarafa

¹³’Amɔlɔ toroa’ Nyɔsʋaa ’Jʋa ’nyrɩ plɛ ’amä ’iin jre ’sɩrɩ ’a ’klaaa’ ’klälä ’nyɩa’ blöröfa kä ‑bɛ ’amä Nyɔsʋaa ’Jʋa ’nyrɩ plɛtoro5.13 ‑bɛ ’amä Nyɔsʋaa ’Jʋa ’nyrɩ plɛtoro: ‑Taa waklüülü ’nyɩ grɛɛkë kätɩpɔɔkɩ ‑mɩdooa ’mlɩ ‑a bä., ’ia ‑gʋ ’n ‑jɩjra ’amɩ ’wʋ. ¹⁴Ama ‑sɛ ’ɔmɩ dɛɛ ’sɩrɩ ’ɔ ’bataa’ nɩ, ’ɔ po amɩ ’nyakli, ‑jää wiili kä ‑gʋ ana plɛ ’nyɩ ‑taaraa’ ’lɩ Nyɔsʋaa ’klɩ. ¹⁵Ama jresaa dɛɛ a ’betea’ ’ɔ po amɩ ’nyakli nɩ, a jre bɩa ’saa dɛɛlɛ a ’betrea’ ’ɔmɩ ’lɩ nɩ, a ’klaa ’ɛɛn. ¹⁶Nyɔɔ ma ’jä ’ɔa ‑wlajʋ ɔma nʋ ‑balʋlʋ ‑nëmäa’ ’ɔɔn ’bla5.16 ’bla: ’Bablakʋlʋ kʋa’ ‑pɩ nɩ, ’iibä ‑balʋlʋ tʋŋlɔa’ ’lɩ nyɔɔ Nyɔsʋaa dɛrɩ ’plɔʋplɔʋ ‑a ‑gʋ. nɩ, ɔ bibie ’ɔa ’wlili, ‑bɛ Nyɔsʋa ’mä ’ɔɔn ’klä ‑nyɩ. Nyüülü ’nyɩ nʋa’ ‑balʋlʋ ’blaaa’, ’üü ’n ’daa. ‑Balʋ ’doo bälɩ, ’u ’blaa, ‑mää ’ua ’wlili ’nyɩ ’daa ’ba bibie5.16 Nyüülü Jaan ’daaa’ nɩ, ’a nyüülü ’kpɩaa’ ’kä Jesu ’nyɩ nyɔɔ ’lɩ ‑a ‑srörö ’ɔnyɩ ‑tʋtʋ ‑gälɩ ‑a ji, ‑bɛ ’ɔnyɩ bɩa Nyɔsʋaa ’Jʋ ’Kriisë ‑a bä.. ¹⁷Nʋnʋgbili kä ’fɩɔ ’nyɩ ‑trääräa’ ’lɩ Nyɔsʋa nɩ, ’ia ’fɩɔ bä ‑balʋ. ‑Maa ‑balʋ ‑moloo ’nyɩ ’bla nyɔɔ ‑a5.17 ’Bablakʋlʋ kʋa’ ‑pɩ nɩ, ’iibä ‑balʋlʋ tʋŋlɔa’ ’lɩ nyɔɔ Nyɔsʋaa dɛrɩ ’plɔʋplɔʋ ‑a ‑gʋ. Tɛ Nɔɔbrë 15.30; Marëkë 3.28-30..

¹⁸A jre ’iin, nyɔɔ o nyɔɔ bäa’ Nyɔsʋaa ’jʋ nɩ, ’ɔnyɩ nʋ ‑balʋ ‑a, ’be nyɔɔlɔ bäa’ Nyɔsʋaa ’jʋ nɩ, ’ɔa nyufa ’ɔ ‑gäälänyiöli5.18 ’ɔa nyufa ’ɔ ‑gäälänyiöli: Grɛɛkë kätɩpɔɔkɩ ‑mɩdooa ’mlɩ ’i ‑jɩjra: Nyɔsʋaa ’Jʋ ‑gäälä ’ɔɔn ’nyiöli. Plɛbʋbɔsusu5.18 Plɛbʋbɔsusu: Sataan a ’nyrɩ bäsaa. ‑pɩ ’ɔa ‑gbanʋdɛɛ kä.

¹⁹A jre ’iin ’sɩrɩ a bäa’ Nyɔsʋaa ’jü, ‑bɛ a jre bɩa ’iin ’sɩrɩ ’pläa ’fɩɔ bäa’ Plɛbʋbɔsusu kälɩ.

²⁰A jre bɩa ’iin ’sɩrɩ Nyɔsʋaa ’Jʋ jia’, ’sɩrɩ ’ɔ ‑nyɩa’ amɩ ’lɩgaglakʋ, amä ’cɩca Nyɔsʋa jre. ’Ɔa ’Jʋ Jesu ’Kriisë ’lɩ a bä; ’a ’ia ‑gʋ a bä ’cɩca Nyɔsʋa ’lɩ. ’Ɔɔ bä ’cɩca Nyɔsʋa nyra ’klälä ’nyɩa’ blöröfa kä.

²¹’Na ’jü amɩ, ’anyɩ toro ‑gbagblɛ nyɔsʋaɩɩ5.21 ‑gbagblɛ nyɔsʋaɩɩ: Nyüülü ’kpɩaa’ ‑gbagblɛ nyɔsʋaawii, ’üü Jaan ’daa. plɛ! ’Asɩ i bä.5.21 ’Asɩ i bä: ‑Taa waklöölä ’nyɩ grɛɛkë ‑kätɩpɔɔkɩ ‑mɩdooa ’mlɩ ‑a bä.