Kejadian
1Hari panambaian: Allah manjadiakan tarang wan mamisahakannya lawan kadap.
1Pamugaan, Allah manjadiakan langit wan bumi. 2Bumi baluman bapotongan wan puang. Bumi dibungkus banyu wan kadada tarang di mana-mana. Ruh Allah malayang-layang di atas banyu. 3Lalu Allah bapirman, “Baadalah tarang!” Lalu tarang tu ada. 4Allah maanggap baik wan katuju malihat tarang nang diadaakan-Nya tu. Lalu dipisahakan-Nya ai tarang tu lawan kadap. 5Tarang tu dingarani-Nya “siang”, nang kadap tu dingarani-Nya “malam”. Imbah malam, lalu baisukan. Itu pang hari nang panambaian.
Hari kadua: Allah manjadiakan langit.
6Pada hari nang kadua, Allah bapirman, “Baadalah kubah hawa ditangah-tangah samunyaan banyu gasan mahalat banyu nang ada di atas lawan banyu nang ada di bawah.” 7Lalu ada ai kubah hawa tu. 8Kubah hawa tu dingarani-Nya “angkasa”.
Hari katalu: Allah manjadiakan daratan, lautan, wan papuhunan.
9Pada hari nang katalu, Allah bapirman, “Bakumpul, samunyaan banyu nang ada di bawah langit sakira talihat tanah nang karing”. Lalu kalihatan ai tanah nang karing tu. 10Tanah nang karing tu dingarani-Nya ’daratan’, sadangkan kumpulan banyunya dingarani-Nya ’lautan’. Allah maanggapnya baik wan katuju malihatnya. 11Lalu Allah bapirman, “Balacukan ja di tanah samunyaan tatumbuhan nang babigi wan papuhunan nang babuah buah nang babigi sakira papuhunan tu tatarusan ada di bumi.” 12-13Lalu balacukan ai tatumbuhan wan papuhunan di tanah tu. Allah maanggapnya baik wan katuju malihatnya.
Hari kaampat: Allah manjadiakan matahari, bulan wan bintang-bintang.
14Pada hari nang kaampat, Allah bapirman “Baadalah matahari, bulan, wan bintang-bintang gasan mamisahakan siang lawan malam, wan manjadi tanda nang manunjukakan bamulanya wan baahirnya musim, hari, wan tahun-tahun 15wan jua gasan manarangi bumi.” Ada ai lalu matahari, bulan wan bintang-bintang tu. 16Nang taganal, yaitu matahari, gasan manarangi siang. Nang tahalus, yaitu bulan, gasan manarangi malam, wan diadaakan-Nya jua bintang-bintang. 17Samunyaan nang itu diandak Allah di atas langit gasan manarangi bumi, 18-19yaitu gasan manarangi siang wan malam, wan gasan mamisahakan tarang lawan kadap. Allah maanggapnya baik wan katuju malihatnya.
Hari kalima: Allah manjadiakan makhluk hidup nang bakariapan di banyu wan makhluk hidup nang batarabangan.
20Pada hari nang kalima, Allah bapirman, “Baadalah sagala macam makhluk hidup nang bakariapan di banyu, wan sagala macam makhluk hidup nang bahalar nang batarabangan di angkasa.” 21Maka dijadiakan-Nya binatang-binatang laut nang ganal-ganal wan sagala macam makhluk hidup nang bakunyungan, nang bakariapan dalam banyu, wan sagala macam makhluk hidup nang bahalar. Allah maanggapnya baik wan katuju malihatnya. 22-23Allah mambarkahi samunyaan nang itu wan manyuruh makhluk nang hidup di banyu supaya baranakan, batambah banyak sampai mahibaki lautan, wan manyuruh makhluk-makhluk nang bahalar supaya batambah banyak.
Hari kaanam: Allah manjadiakan sagala macam makhluk nang bagarak, wan manjadiakan manusia.
24Pada hari nang kaanam, Allah bapirman, “Baadalah di bumi sagala macam makhluk nang bagarak, binatang inguan, binatang nang marayap, wan sagala macam binatang liar.” Lalu ada ai samunyaan nang itu. 25Imbah manjadiakan samunyaan nang itu, Allah maanggap baik wan katuju malihat samunyaannya. 26Lalu Allah bapirman, “Nah, Kami handak manjadiakan manusia nang kaya gambaran Kami.1:26 Kata ’Kami’ di sini manunjuk ka Allah nang bapandir lawan malaikat-malaikat-Nya. Lihati 1 Raja 22:19–22; Ayub 1:6–12; 2:1–6; Yes. 6:1–8. Di Kej 3:5 ular gin manyambatnya "makhluk-makhluk surgawi". Allah mambawai bubuhannya gasan maitihi panciptaan manusia (bisa jua gasan memuliakan/memuji, lihati Ayub 38:7). Tapi Allah manjadiakan manusia hanya lawan firman-Nya, kada ditulung siapa-siapa. Lantaran itu pang kita mamakai kata ’Kami’ lain kata ’Kita’. Maka manusia pacangan bakuasa atas iwak-iwak, burung-burung, binatang-binatang inguan, wan samunyaan binatang nang bagarak di bumi, pokoknya manusia pacangan bakuasa atas saluruh bumi.” 27Maka Allah manjadiakan manusia tu nangkaya gambaran-Nya, nangkaya gambaran Allah saurang, dijadiakan-Nya manusia, lalakian wan babinian. 28Allah mambarkahi bubuhannya wan bapirman ka bubuhannya: “Baanakcucu wan batambah banyak, hibaki wan kuasai bumi! Kuasai iwak-iwak wan burung-burung, wan sagala binatang nang bagarak di bumi. 29Nah, gasan makanan bubuhan ikam, kubariakan samunyaan tatumbuhan nang babigi wan pupuhunan nang buahnya babigi di saluruh bumi” ujar Allah bapirman ka manusia. 30“Tapi gasan sagala binatang nang banyawa di bumi wan sagala burung di angkasa, kubariakan sagala tatumbuhan hijau gasan makanannya” ujar Allah bapirman. Lalu jadi ai nang kaya itu. 31Imbah malihat samunyaan nang diadaakan-Nya tu, Allah katuju wan maanggapnya bujur-bujur baik banar.
2Allah mambarkahi hari nang kapitu
1Kaputingannya, pada hari nang kaanam tu, tuntungan ai langit, bumi lawan sagalaan isinya. 2Imbah manuntungakan gawian-Nya tu, baistirahat ai Allah pada hari nang kapitu.2:2 Kel. 20:11; Ibr. 4:4, 103Karna pada hari nang kapitu Allah sudah ampih bagawi manjadiakan samunyaan nang sudah diadaakan-Nya tu, maka hari nang kapitu tu, dibarkahi wan dikudusakan Allah.
4Nang kaya itu pang kisahnya langit wan bumi wayah dijadiakan-Nya.
Wayah Allah Al Khalik2:4 Allah Al Khalik: Allah Pancipta, nang manjadiakan samasta alam. manjadiakan bumi wan langit, 5baluman ada lagi kakumpaian di bumi wan baluman ada jua papuhunan nang mancungulan di padang lantaran Allah Al Khalik baluman manurunakan hujan ka bumi, wan baluman ada jua urang nang manggawi tanah tu.
6Tapi wayah itu ada banyu kaluar matan tanah nang mambasahi saluruh bumi. 72:7: 1Kor. 15:45Allah Al Khalik maulah manusia nang panambaian matan tanah lalu ditiup-Nya pahinakan nang mambariꞌi hidup ka dalam hidungnya, lalu hidup ai manusia tu.
Manusia di Taman Eden di bumi
8ALLAH Al Khalik manyiapakan Taman Eden2:8 Eden: Dalam bahasa asli baarti “nang maulah hati sanang.” di bumi di subalah timur. Disitu pang diandak-Nya manusia nang diulah-Nya tu. 9ALLAH Al Khalik manumbuhakan bamacam-macam papuhunan nang bagus-bagus gasan dilihat lawan nang buahnya nyaman-nyaman gasan dimakan. Di tangah-tangah taman tu, ada dua rapun puhun. Sarapun puhun nang mambari hidup. Sarapunnya puhun nang mambari pangatahuan sual napa nang baik wan napa nang jahat.2:9 Why. 2:7; 22:2, 14
10Ada sungai nang maalir matan daerah Eden nang mambariꞌi banyu gasan taman tu. Imbah kaluar matan situ, tabagi manjadi ampat sungai. 1112131415Allah Al Khalik maulah manusia tu bagana di Taman Eden tu gasan bausaha wan maharagunya.
16“Samunyaan pupuhunan dalam taman ini kawa haja ikam makan buahnya sakahandak hati ikam 17kacuali puhun nang mambari pangatahuan tantang napa nang baik wan napa nang jahat, jangan ikam makan buahnya, sualnya amun ikam mamakannya, ikam musti mati, hari itu jua” ujar ALLAH Al Khalik bapirman ka manusia tu.
18“Kada baik amun manusia tu saurangan haja. Aku handak maulahakan pasangan nang cocok gasan mangganiꞌi inya” ujar ALLAH Al Khalik bapirman.
19ALLAH Al Khalik maulah matan tanah sagala binatang hutan wan sagala burung di angkasa. Lalu samunyaan dibawa-Nya ka manusia tu, gasan malihat nangkaya apa manusia tu mangaraninya. Ngaran nang dibariakan manusia tu, itu pang nang manjadi ngaran tiap-tiap makhluk hidup tu. 20Lalu manusia tu mangarani sagala binatang inguan, sagala burung di angkasa, wan sagala binatang hutan. Manusia tu sadar amun samunyaan binatang bapasang-pasangan, lalakian wan babinian. Tagal gasan inya saurang, baluman ada pasangannya. 21Maka ALLAH Al Khalik maulah manusia tu guring janak. Parahatan inya guring tu, dicabut ALLAH Al Khalik sabilah tulang rusuknya. Lalu ditukupi-Nya pulang lawan daging. 22Matan tulang rusuk nang dicabut ALLAH Al Khalik tu, diulah-Nya saikung babinian, lalu imbah manusia tu bangun guring, babinian tu dihadapakan Allah ka manusia tu. 23
“Nah ini pang, tulang matan tulangku,
wan daging matan dagingku.
Inya pacangan disambat babinian
sualnya inya diambil matan lalakian2:23 sualnya inya diambil matan lalakian: Dalam bahasa asli kata gasan lalakian adalah “ih”, sadangkan kata gasan babinian adalah “ihhah”.” ujar manusia tu baucap.
24Lantaran itu pang, lalakian pacangan maninggalakan abahnya wan umanya lalu basatu lawan bininya, makanya kaduduanya manjadi satu. 25Manusia wan bininya tu, kaduduanya batilanjang bulat, tagal biar nangkaya itu bubuhannya kada marasa supan.
3Bamulanya manusia badusa
1Nah, di antara samunyaan binatang di darat nang diadaakan ALLAH Al Khalik, ular adalah binatang nang paliciknya.
“Bujurlah Allah manangati bubuhan ikam mamakan samunyaan bubuahan di taman ini?” ujar ular manakuni babinian tu.3:1 Why. 12:9, 20:2
2“Kada nang kaya itu pang! Samunyaan buah matan pupuhunan nang ada di taman ini, bulih haja kami makan 3kacuali buah puhun nang tumbuh di tangah-tangah taman ini. Kami ditangati Allah mamakannya. Manjapainya haja gin, kada bulih! Kaina kami mati jar-Nya” ujar babinian tu manyahut.
4“Bah, bubuhan ikam tu kada pacangan mati pang! 5Tapi bubuhan ikam pacangan manjadi nangkaya Allah sualnya bubuhan ikam pacangan tahu napa nang baik wan napa nang jahat. Allah gin sudah tahu jua nang itu. Makanya Inya manangati bubuhan ikam mamakan buah nang itu” ujar ular mambunguli babinian tu.
6Babinian tu malihat amun buah puhun tu pina bagus-bagus kalihatannya, wan pina nyaman-nyaman, amun dimakan. Lawan pulang, buah puhun tu pina mambari kapingin lantaran bisa maulah urang batambah pintar. Diputiknya ai buah tu, lalu diigutnya. Diunjukinya jua ka lakinya nang ada di higanya. Lalu umpat ai jua lakinya mamakan buah tu. 7Imbah itu, langsung supan ai bubuhannya sualnya bubuhannya hanyar haja sadar amun bubuhannya tu batilanjang bulat. Lalu bubuhannya maayam daun puhun ara gasan manukupi aurat bubuhannya.
8Wayah hari naung, manusia wan bininya tu mandangar ALLAH, Al Khalik, datang di taman itu. Lalu basambunyian ai bubuhannya di sasala pupuhunan di taman tu.
9“Ui, Dam, lagi di mana ikam?”3:9 Lagi di mana ikam: Tatakunan nang ini kada manakuni wadah Adam, malah manakuni kanapa maka Adam basambunyi matan hadirat Allah. ujar ALLAH Al Khalik mangiaw lalakian nang panambaian tu.
10“Pas mandangar Pian ada di sini, takutan ai ulun sualnya ulun batilanjang. Lantaran itu pang, ulun lalu basambunyi” ujar manusia tu manyahut.
11“Siapa garang nang mamadahi ikam amun ikam tu batilanjang? Bisa bisa ikam sudah mamakannyalah, buah puhun tu nang kutangati ikam mamakannya?” ujar ALLAH Al Khalik batakun.
12“Babinian nang Pian bawaakan gasan ulun tu nah, inya nang manjulungi ulun buah nang itu, makanya ulun makan” ujar manusia tu manyahut.
13“Kanapa maka ikam sampai balaku nang kaya itu?” ujar ALLAH Al Khalik manakuni babinian tu.
“Ular tu nah nang mambunguli ulun sampai ulun tamakan buah puhun tu” ujar babinian tu manyahut.
Manusia dihukum ALLAH Al Khalik lantaran badusa
14“Lantaran ikam balaku nang kaya itu, takutuk ikam di antara samunyaan binatang inguan wan binatang hutan. Lawan parut ikam tu pang, ikam pacangan manjalar wan pacangan tamakan dabu tanah saumur hidup ikam. 15Aku pacangan maulah ikam wan babinian tu bamusuhan, wan antara juriat ikam wan juriat babinian tu bamusuhan jua. Juriat babinian tu pacangan maramukakan kapala ikam, wan ikam pacangan mamatuk tumit juriatnya” ujar ALLAH Al Khalik baucap ka ular tu.
16Lalu ujar ALLAH Al Khalik ka babinian tu, “Aku pacangan maulah ikam ngalih wayah ikam batianan wan banyak maharit sakit wayah ikam baranak. Ikam handak manguasai laki ikam, tapi malahan inya nang pacangan bakuasa atas ikam.”
17Lalu ujar ALLAH Al Khalik ka lalakian tu, “Ikam hakun maumpati pandiran bini ikam wan mamakan buah puhun nang sudah kutangati. Maka lantaran itu pang, tanah ini Ku-kutuk. Ikam pacangan ngalih wan uyuh bacari rajaki matan tanah ini saumur hidup ikam.3:17 Ibr. 6:818Rukam wan kumpai baduri nang pacangan tumbuhan. Napa nang ikam tanam di padang pacangan manjadi makanan ikam. 19
Pacangan bapaluh leher
ikam mancari makan
sampai ikam babulik pulang manjadi tanah
sualnya matan tanah tu, ikam diulah.
Lantaran ikam tu matan tanah,
ikam pacangan babulik pulang ka tanah” ujar ALLAH Al Khalik baucap ka lalakian tu.
20Manusia tu mangarani bininya ’Hawa’ lantaran inya tu pang nang pacangan manjadi paninian samunyaan manusia.3:20 Hawa: Dalam bahasa aslinya, artinya ’hidup’. Samunyaan manusia nang hidup pacangan baasal matan inya. Makanya inya dingarani ’Hawa’.21Lalu ALLAH Al Khalik maulah baju matan kulimbit binatang gasan manusia wan bininya. Lalu dipurukakan-Nya baju tadi ka bubuhannya.
Manusia disuruh bajauh matan taman Eden
22“Nah, manusia tu sudah manjadi nang kaya salah satu dari Kita sualnya bubuhannya sudah tahu sual napa nang baik wan napa nang jahat. Maka wayah ini jangan sampai inya mamutik buah matan puhun nang mambari hidup tu, lalu mamakannya, lalu hidup salawasan ai kaina inya” ujar ALLAH Al Khalik bapirman.3:22 Why. 22:1423Maka bubuhannya disuruh bajauh ulih ALLAH Al Khalik di Taman Eden tu sakira manggawi tanah nang matan tanah tu inya diambil. 24Imbah manyuruh manusia tu bajauh matan Taman Eden tu, Allah Al Khalik manugasakan babarapa ikung malaikat manjaga di subalah timur taman tu.3:24 babarapa ikung malaikat manjaga: Bahasa Ibrani: “Kerub”, golongan malaikat nang malambangakan hadirat wan kaagungan Allah (Lihati Mzm 18:10, 1 Raj 6:23-28). Diandak-Nya jua pedang nang banyala-nyala wan bapusing-pusing manyambar-nyambar ka sagala arah gasan manjaga jalan masuk ka puhun nang mambari kahidupan tu.
4Kabil lawan Habil
1Imbah itu, Adam guring lawan Hawa, bininya. Batianan ai bininya tu, lalu inya maranakakan saikung anak lalakian nang dingaraninya Kabil.4:1 Kabil: Dalam bahasa aslinya, kata ’Kabil’ baarti baulihi.
“Lawan partolongan Allah ta alla, aku sudah baulihi saikung anak lalakian” ujar Hawa. 2Lalu, diranakakannya pulang Habil, adingnya Kabil. Habil bainguan kambing domba. Sadangkan Kabil bakabun. 3Kada lawas, Kabil mambawa sapalih matan hasil kabunnya jadi kurban parsambahan gasan basukur wan mahurmati Allah. 4Lalu Habil mambawa korban parsambahan jua, nang dibawanya tu bahagian nang pambaiknya matan anak panambaian kambing dombanya nang disumbalihnya. Maka sanang ai Allah lawan Habil wan parsambahannya, 5tapi kurban parsambahan Kabil kada diherani-Nya. Lalu panas ai hati Kabil wan muhanya marangut.
6Lalu Allah baucap lawan Kabil, “Kanapa maka hati ikam pina panas wan muha ikam pina marangut? 7Amun kalakuan ikam tu bujur, musti Kutarima ikam wan kurban parsambahan ikam. Tapi amun kalakuan ikam tu kada bujur, maka dosa sudah mahadang handak manguasai ikam, tapi ikam tu pang nang samustinya manguasainya.”
8“Bil, kita ka padang kah?” ujar Kabil baucap lawan Habil, adingnya. Wayah baduaan ada di padang, bakakajutan Kabil mamangkung Habil, lalu dimatiꞌinya, adingnya tu.
9“Bil, mana si Habil, ading ikam tu?” ujar Allah batakun lawan Kabil.
“Mana ulun tahu? Ulun ni lain tukang jaganya” ujar Kabil manyahut.
10“Sudah kaliwaran kalakuan ikam ni. Darah ading ikam bakuciak matan tanah bahadu lawan Aku. 11Takutuk ikam. Lantaran itu, tanah nang muntungnya manganga manarima darah ading ikam, nang ikam matiꞌi tu, kada manarima ikam lagi. Ikam Kusuruh bajauh matan banua ini. 12Bilanya ikam manggawi tanah tu, maka tanah tu pacangan kada tapi kawa lagi mambawa hasil gasan ikam. Ikam pacangan diburu-buru, makanya ikam kaina bapindah-pindah tarus di bumi” ujar Allah.
13“Hukuman ulun ni barat banar. Ulun kada sanggup manyandangnya. 14Kaya apa yo ulun ni? Wayah ini jua, Pian manyuruh ulun bajauh matan banua ini, amun kaya itu bujur-bujur tapisah ai ulun lawan Pian. Ulun ni kaina jadi urang nang diburu-buru wan bapindah-pindah tarus. Makanya siapa haja nang batamuan lawan ulun ni musti handak mamatiꞌi ulun” ujar Kabil lawan Allah.
15“Kada pacangan nang kaya itu pang! Amun ada jua urang nang mamatiꞌi ikam, urang tu pacangan dibalas pitu kali lipat” ujar Allah lawan Kabil.
Lalu Kabil dibari ciri ulih Allah sakira inya kada dimatiꞌi urang. 16Maka tulak ai Kabil maasingakan dirinya saurang matan hadirat Allah. Mulai wayah itu, inya kada kawa lagi bapandir langsung lawan Allah. Lalu inya bagana di banua nang bangaran Nod, di subalah timur Eden.4:16 Nod: Dalam bahasa aslinya, kata ’Nod’ baarti banua gasan musapir.
Juriat Kabil, Set, wan Enos
17Lalu Kabil guring lawan bininya. Batianan ai bininya tu lalu maranakakan saikung anak lalakian nang dibari ngaran Henok. Lalu Kabil maulah sabuah kota nang dingaraninya Henok, nang kaya ngaran anaknya. 18Henok tu abahnya Irad, Irad tu abahnya Mehuyael. Mehuyael tu abahnya Metusael. Metusael tu abahnya Lameh.
19Lameh tu babini dua. Nang saikung bangaran Ada. Nang saikungnya lagi bangaran Zila. 20Si Ada maranakakan Yabal. Yabal tu pang padatuan urang-urang nang bagana di tenda-tenda, nang gawiannya bainguan. 21Adingnya Yabal tu bangaran Yubal. Yubal tu urang nang panambaian nang jadi pamain kecapi wan kuriding. 22Zila maranakakan Tubal-Kain. Tubal-Kain tu urang nang panambaian jadi pandai wasi wan tambaga. Ading babiniannya bangaran Naama.
23Kadudua bini Lameh dikiaunya balalu inya baucap,
“Ui, bini biniku, cuba dangarakan Abah bakisah:
Ada saikung lalakian kumatiꞌi lantaran inya malukai aku.
Lalakian nang anum tu kumatiꞌi lantaran inya mahantam aku sampai bangkak. 24
Amun nang mamatiꞌi Kabil harus dibalas pitu kali lipat,
maka nang mamatiꞌi aku, harus dibalas pitu puluh pitu kali lipat.”
25Lalu Adam guring pulang lawan bininya. Baranak ai pulang bininya tu. Anak lalakian tu dingarani Set4:25 Set: Dalam bahasa aslinya, ngaran nang ini sambatannya nang kaya kata Ibrani nang artinya “sudah dibariakan” ulih bini Adam sualnya inya baucap, “Ulun dibari Allah pulang anak lalakian gasan pangganti Habil nang dimatiꞌi Kabil, kakanya.”
26Imbah itu, gasan Set diranakakan jua saikung anak lalakian lalu dingaraninya Enos. Wayah itu, hanyar urang bamula mamakai ngaran ALLAH sambil manyambah ALLAH.
61234
5ALLAH malihat kalakuan manusia nang bakaliwaran jahatnya di bumi. Sagala kahandak hati bubuhannya bilang nang jahat-jahat haja.
6Maka manyasal ai Allah lantaran manjadiakan manusia di bumi. Inya tasinggung banar. 7Lalu Allah bapirman, “Aku handak mambinasaakan manusia nang sudah Kujadiakan, tamasuk samunyaan binatang wan burung-burung. Sualnya Aku manyasal banar sudah manjadiakan bubuhannya.”
8Tagal Nuh dibariꞌi rahmat ulih Allah.
Riwayat Nuh
9Ini nah riwayat Nuh. Sidin tupang nang bujur urangnya wan kadada calanya di antara urang-urang nang hidup di jaman itu. Sidin tu parak banar lawan Allah. 10Sidin baisi talu ikung anak lalakian nang bangaran Sim, Ham, wan Yapet. 11Tagal di mata Allah urang-urang nang lain samunyaannya jahat-jahat; di mana-mana hati bubuhannya kajam-kajam wan katuju bakakarasan. 12Allah manjanaki bumi. Sabujurannya bumi tu sudah rusak banar lantaran samunyaan makhluk kadada nang bujur hidupnya. 13Lalu Allah bapirman lawan Nuh, “Nuh, Aku handak mambinasaakan samunyaan makhluk di bumi sualnya bilang bakakarasan haja kalakuan bubuhannya.
14Ulah gasan ikam lawan kulawarga ikam sabuah parahu matan kayu gofir6:14 Kayu gofir artinya nama jenis kayu nang bagus mutunya.. Parahu tu musti ikam ulah bapitak-pitak. Dampuli sabalah luar wan sabalah dalamnya sakira kada masuk banyu. 15Nang kaya ini nah ikam musti maulah parahu tu, panjangnya 133 meter, libarnya 22 meter, wan tingginya 13 meter. 16Ulahakan parahu tu hatapnya 44 sentimitir di atas tawing-tawingnya. Ulah parahu tu talu tingkat: bawah, tangah, wan atas. Imbah itu, bariꞌi lawang di tawing higanya. 17Sabujurannya, Aku handak mandatangakan banyu baꞌah ganal wan hujan labat sampai sabumian tinggalam supaya matian samunyaan nang hidup wan banyawa di kulung langit. Sabarataan nang hidup di bumi pacangan matian. 18Sadangkan lawan ikam, Aku handak maadaakan parjanjian. Ikam, bini ikam, anak-anak lalakian ikam, lawan minantu-minantu ikam pacangan babuatan ka dalam parahu tu. 19Bawa ka dalam parahu tu samunyaan makhluk hidup, sapasang sapasang satiap janisnya sakira bubuhanya taharagu wan tatap hidup basama-sama lawan ikam. 20Samunyaan binatang nang bagarak pacangan datangan sapasang sapasang ka ikam sakira bubuhannya taharagu wan tatap hidup.
21Ikam Nuh-ai, bawa samunyaan nang kawa dimakan; kumpulakan gasan makanan bubuhan ikam wan binatang binatang tadi” ujar Allah bapirman ka Nuh. 22Lalu digawi Nuh ai samunyaan parintah Allah tu. Napa nang diparintahakan Allah, kaya itu pang nang digawi sidin.
7Banyu baꞌah ganal
1Lalu Allah bapirman lawan Nuh, “Ayu babuatan ka dalam parahu, ikam, bini ikam, anak-anak wan minantu-minantu ikam. Sualnya ikam haja nang Ku-lihat bujur di antara urang-urang di jaman ini. 2Matan samunyaan binatang nang kada haram bawa pitu pasang, laki wan bini. Sadangkan binatang nang haram bawa sapasang-sapasang haja, laki wan bini. 3Kaya itu jua, satiap janis burung bawa pitu pasang, laki wan bini sakira kada habis di saluruh bumi. 4Sualnya pitu hari lagi Aku handak manurunakan hujan labat nang kada sing ampihan salawas ampat puluh hari ampat puluh malam, wan Aku handak mabinasaakan samunyaan makhluk nang sudah Kujadiakan di bumi.” 5Lalu digawi Nuh ai samunyaan nang disuruhakan Allah ka sidin.
6Wayah banyu baꞌah ganal maninggalamakan bumi, umur Nuh anam ratus tahun.
7Lantaran handak baꞌah tu, Nuh, bini sidin, lawan anak-anak sidin lawan minantu-minantu sidin babuatan ka dalam parahu tu. 8Lalu datangan ai sapasang-sapasang matan samunyaan janis binatang nang kada haram lawan nang haram, burung-burung lawan samunyaan binatang nang marayap di bumi, 9babuatan ka parahu mandapati Nuh nang kaya nang disuruhakan Allah. 10Imbah pitu hari, datang ai banyu baꞌah ganal nang maninggalamakan bumi. 11Pas Nuh baumur anam ratus tahun, di bulan nang kadua, hari nang kapitu walas, tabungkasan samunyaan sumber-sumber banyu nang ada di dalam tanah. Banyu-banyu nang ada di langit gin saling darasan baguguran ka bumi. 12Turun ai hujan nang sing labatan, kada sing ampihan ampat puluh hari ampat puluh malam. 13Damintu jua, Nuh, bini sidin, lawan anak-anak sidin nang bangaran Sim, Ham, wan Yapet, lawan minantu-minantu sidin babuatan ka dalam parahu tu. 14Umpat jua babuatan sagala janis makhluk nang hidup, sagala binatang liar, sagala binatang inguan, sagala janis binatang nang bahalar, lawan sagala janis binatang nang marayap. 15Samunyaan nang banyawa datangan sapasang-sapasang babuatan ka dalam parahu tu mandapati Nuh. 16Nang babuatan tu laki bini satiap janis binatang, nang kaya disuruhakan Allah lawan Nuh. Imbah itu, ditukup Allah lawang parahunya. 17Ampat puluh hari ampat puluh malam hujan labat sampai maninggalamakan bumi. Banyunya batinggi tarus lalu parahu tu timbul, taangkat tinggi matan tanah. 18Banyunya batambah banyak, batinggi tarus manguasai bumi, lalu timbul ai parahu tu di atas banyu. 19Banyunya daras banar batambah tarus sampai tinggalaman gunung-gunung nang tinggi nang ada di saluruh bumi. 20Banyunya batinggi tarus sampai pitu miter tingginya di atas puncak-puncak gunung. 21-23Maka matian ai sabarataan makhluk hidup nang banyawa, nang bahinak, nang bagarak di bumi, burung-burung, binatang liar, binatang inguan, sagala binatang nang marayap, nang bakariapan di bumi, tamasuk manusia jua. Maka Nuh haja nang masih hidup lawan samunyaan nang ada lawan sidin dalam parahu tu. 24Banyunya manguasai bumi, kada sing surutan salawas 150 hari.
8Banyu baꞌah ganal surut
1Allah mangganang Nuh lawan sagala binatang liar, wan sagala binatang inguan nang ada lawan sidin dalam parahu tu. Maka Allah maulah angin batiup di bumi nang maulah banyu basurut. 2Sumber-sumber banyu nang di bawah tanah wan sumber-sumber banyu nang di langit disumpali. Lalu ampih ai hujannya. 3Banyunya sasar basurut di bumi. Imbah 150 hari banyunya kada tapi tinggi lagi. 4Dalam bulan nang kapitu, pada hari nang kapitu walas, parahu tu tagalang di pagunungan Ararat. 5Banyunya basurut tarus sampai bulan nang kasapuluh. Pada hari nang panambaian di bulan nang kasapuluh, talihat sudah puncak-puncak gunung.
6Imbah ampat puluh hari, Nuh mambuka lalongkang nang diulah sidin di parahu tu. 7Lalu dilapas sidin saikung burung gagak. Burung tu tarabang bulang bulik sampai banyunya bujur-bujur surut. 8Lalu Nuh malapas saikung burung dara gasan malihati kalu ai banyu sudah surut di bumi. 9Tagal burung dara tu kada mandapati wadah gasan hinggap sualnya banyunya masih manukupi bumi. Maka babulik ai inya ka parahu. Nuh manyurung tangan sidin, lalu dibawa sidin masuk burungnya. 10Dihadangi sidin pitu hari lagi, lalu dilapas sidin pulang burung dara tu matan parahu. 11Wayah kamarian, burung dara tu babulik pulang ka wadah sidin, sakalinya di hujung patuknya ada salambar pucuk zaitun nang masih sigar! Maka tahu ai Nuh amun banyu sudah surut di bumi. 12Dihadangi sidin pulang pitu hari lagi. Lalu dilapas sidin pulang burung daranya. Sakalinya, burung dara tu kada babulik pulang ka wadah sidin.
13Wayah Nuh baumur 601 tahun, pada hari nang panambaian dalam bulan nang panambaian, bumi bamula karing. Nuh mambuka hatap parahu tu lalu balilihat. Sakalinya tanahnya sudah karing. 14Dalam bulan nang kadua, pada hari nang kadua puluh pitu tu, bumi sudah bujur-bujur karing.
15Lalu, Allah bapirman lawan Nuh: 16“Turunan ja matan parahu, ikam, lawan bini ikam, anak-anak ikam, lawan minantu-minantu ikam. 17Bawa turun jua samunyaan makhluk nang banyawa nang ada lawan ikam, burung-burung, binatang, wan sagala binatang nang marayap di bumi sakira bubuhannya mahibaki bumi, baranakan, wan batambah banyak di atas bumi.”
18Maka turunan ai Nuh, bini sidin, anak-anak sidin, lawan minantu-minantu sidin. 19Sagala binatang liar, sagala binatang nang marayap wan sagala burung, pokoknya samunyaan nang bagarak di bumi turunan matan parahu tu manurut janisnya. 20Lalu Nuh manyusun batu manjadi mija gasan mambanam hewan kurban gasan mahurmati Allah. Diambil sidin babarapa ikung matan satiap janis binatang wan burung nang kada haram. Lalu diparsambahakan sidin manjadi kurban banaman di atas mija batu tadi. 21Allah mancium parsambahan nang harum tu lalu bapandir dalam hati-Nya, “Aku kada pacangan lagi mangutuk bumi lantaran manusia, biar bubuhannya bakahandak jahat mulai lagi anum. Aku kada pacangan lagi mahabisi samunyaan makhluk hidup nang kaya sudah Ku-binasaakan lawan banyu baꞌah ganal. 22Salawas bumi masih ada, pacang ada tatarusan musim batanam wan mangatam, musim dingin wan musim panas, musim kamarau wan musim hujan, siang wan malam.”
9Parjanjian Allah lawan Nuh
1234567
8Lalu Allah bapirman lawan Nuh wan anak-anak sidin nang ada basama-sama lawan sidin, 9“Sabujurannya, Aku maadaakan parjanjian lawan ikam wan juriat ikam 10lawan sagala makhluk hidup nang ada basama-sama lawan ikam, burung-burung, binatang inguan, binatang liar nang kaluar baimbaian lawan ikam matan parahu, artinya sagala binatang nang ada di bumi tu pang. 11Ini nah parjanjian-Ku lawan ikam: tumatan wayah ini, Aku bajanji Aku kada pacangan lagi mahabisi sagala makhluk hidup wan kada pacangan lagi maninggalamakan bumi lawan banyu baꞌah ganal. 12-13Aku handak maandak balahindangku atawa palangiku di langit. Itu pang nang manjadi tanda jaminan parjanjianKu nang Kuadaakan antara Aku lawan ikam, lawan sagala makhluk hidup nang ada basama-sama lawan ikam turun-tamurun gasan salawasan. 14Amun Kudatangakan awan-awan di langit lalu talihat balahindang, 15maka Aku pacangan mangganang parjanjian-Ku nang sudah Kuadaakan lawan ikam wan sagala makhluk nang hidup, wan sagala nang banyawa. Kada pacangan ada banyu baꞌah ganal lagi nang mahabisi sagala makhluk nang hidup. 16Amun balahindang tu ada di langit, maka Aku pacang malihatnya lalu mangganang parjanjian-Ku nang kakal antara Aku lawan sagala makhluk nang hidup nang ada di bumi.”
17Allah bapirman pulang lawan Nuh, “Nah, itu pang tanda parjanjianKu nang Kuadaakan antara Aku lawan ikam wan sagala makhluk hidup nang ada di bumi.” 181920212223242526272829
12Allah manyuruh Abram tulak ka banua hanyar, imbah itu, Inya bajanji mambarkahi sidin
1“Tinggalakan haja banua ikam, rumah kuitan ikam wan dangsanak-dangsanak ikam. Tulak ja ka banua nang pacang Kutuduhakan lawan ikam. 2Aku pacangan maulah juriat ikam manjadi suku nang ganal, mambarkahi ikam wan jua maulah ngaran ikam dikatahui wan dihurmati urang banyak. Malalui ikam, Aku pacangan mambarkahi urang lain jua. 3Aku pacangan mambarkahi urang-urang nang baik lawan ikam. Sadangkan, nang jahat lawan ikam, pacangan Kukutuk. Wan malalui ikam samunyaan suku-suku di bumi pacangan Kubarkahi” ujar Allah bapirman lawan Abram.
4-5Abram maasi lawan napa nang disuruhakan Allah. Tulak ai sidin matan kuta Haran12:4-5 Kota Haran: Kota ini di banua Irak wayahini., baampah ka banua Kanaꞌan12:4-5 Banua Kanaꞌan: Banua nang ini di Timur Tengah.. Dibawa sidin bininya, nang bangaran Sarai, wan kamanakannya nang bangaran Lot. Dibawa sidin jua samunyaan harta banda, binatang-binatang inguannya, wan sasuruhan-sasuruhan nang sidin kulihi wayah di kuta Haran. Lalu sampaian ai bubuhannya di banua Kanaꞌan. Wayah itu, sidin baumur pitung puluh lima tahun.
6Abram bajalan tarus di banua nitu sampai ka puhun ganal di wadah nang bangaran More, nang parak kampung Sikhem yaitu wadah ibadah. Wayah itu, urang-urang Kanaꞌan bagana di situ.
7Allah manampaiakan diri-Nya lawan Abram.
“Banua Kanaꞌan ini pacangan Kubariakan gasan juriat ikam” ujar Allah bapirman ka Abram.
Lalu Abram manyusun batu manjadi mija wadah mambanam binatang kurban gasan mahurmati Allah nang sudah manampaiakan diri-Nya lawan sidin. 891011121314151617181920
13123456789101112131415161718
14123456789101112131415161718192021222324
15Allah maulangi janji-Nya lawan Abram
1Imbah itu, Abram manarawang. Wayah sidin manarawang, sidin mandangar ucapan Allah.
“Bram, jangan takutan! Aku ni pang nang malindungi wan manulungi ikam. Aku pacangan mambarkahi ikam kaina” ujar Allah.
2“Ya ALLAH, Tuhan ulun, sabujurannya, gasan apa jua Pian mambariꞌi napa-napa gasan ulun sualnya ulun kaina pacangan kada baisi anak jua sampai ulun maninggal? Sasuruhan ulun, si Eliezer, urang Damsyik tupang, kaina nang mawarisi kasugihan ulun. 3Pian kada mambari ulun anak, maka sasuruhan ulun ai kaina, nang manjadi ahli waris ulun” ujar Abram manyahut.
4“Kada Bram ai, lain urang nang ini pang, tapi anak kandung ikam saurang nang pacangan manjadi ahli waris ikam kaina!” ujar Allah baucap pulang. 5Imbah itu, Allah mambawa Abram kaluar matan tenda.
“Janaki pang ka langit! Rekeni bintang-bintang amun ikam kawa marekeninya. Saitu pang kaina banyaknya juriat ikam!” ujar Allah manjalasakan.
6Lalu bujur-bujur parcaya ai Abram lawan napa nang dijanji’i Allah. Lantaran itu, Allah maanggap Abram tu urang nang bujur. 789101112131415161718192021
16Hajar maranakakan Ismail.
1Bini Abram, nang bangaran Sarai tu, kada sing anakan jua. Tagal, inya baisi saikung sasuruhan babinian urang Mesir nang bangaran Hajar.
2“Pian tahu ai, kalo? Allah kada mambulihakan ulun baranak. Lantaran itu pang, kawini ja sasuruhan ulun tu. Kalo ai ulun kawa baulihi anak matan inya” ujar Sarai baucap lawan Abram.
Abram akur haja lawan kahandak bininya tu. 3Lalu disarahakan Sarai sasuruhannya tu lawan lakinya gasan jadi madunya. Wayah itu, sudah sapuluh tahun Abram bagana di banua Kanaꞌan. 4Abram guring bakumpul lawan Hajar. Lalu batianan ai Hajar. Tagal imbah Hajar tahu amun inya tu batianan, inya jadi wani lawan majikannya, Sarai.
5“Imbah batianan, inya mahina ulun. Bujur ja ulun saurang nang manyarahakan inya ka Pian. Tapi wayahini inya wani lawan ulun, itu pang kasalahan Pian. Biar haja Allah nang mahakimi siapa nang bujur antara ulun wan Pian” ujar Sarai maniwas lakinya.
6“Inya tu sasuruhan ikam, kalo? Diapa-i ja inya sakahandak ikam napa nang ikam anggap baik” ujar Abram manyahut.
Lalu bakajam ai Sarai lawan Hajar, sampai inya tajun maninggalakan majikannya.
7Lalu malaikat ALLAH manamuinya parak sumber banyu di padang pasir, yaitu di jalan nang baampah ka Syur.16:7 Syur: Wadah nang ini parak tambitan nagara Mesir.
8“Ui Hajar, sasuruhan Sarai, ikam matan mana wan handak ka mana?” ujar malaikat tadi.
“Ulun tajun maninggalakan Sarai, majikan ulun” ujar Hajar manyahut.
9“Babulik ja ka majikan ikam. Biar ja inya balaku kajam lawan ikam, turuti ja napa nang kahandak inya. 10Aku pacang manjadiakan juriat ikam banyak banar, sampai kada kawa direkeni lantaran saling banyakan” ujar malaikat Allah tadi. 1112131415Hajar manuruti suruhan malaikat wan babulik ka Sarai, lalu inya maranakakan saikung anak lalakian gasan Abram. Anak tu dingarani Ismail ulih Abram. 16Wayah itu, Abram baumur lapan puluh anam tahun.
17Allah mangganti ngaran Abram manjadi Ibrahim lalu diucapakan pulang janji-Nya lawan sidin.
1Wayah Abram baumur sambilan puluh sambilan tahun, Allah manampaiakan diri-Nya lawan sidin.
“Bram, Aku ni Allah Nang Mahakuasa, maasi ja lawan Aku wan lakuakan ja kahandakKu. 2Maka, Aku maadaakan parjanjian antara Aku lawan ikam, wan juriat ikam pacangan Kuulah jadi banyak banar” ujar Allah sambil batampai lawan Abram. 3Basujut ai Abram. 4“Nah, ini nah parjanjianku lawan ikam. Aku bajanji ikam pacangan manjadi padatuan banyak urang. 5Lantaran itu pang, ngaran ikam lain Abram lagi, kuganti jadi Ibrahim sualnya ikam sudah Kupilih jadi padatuan banyak urang.17:5 Dalam bahasa aslinya, ngaran Abram baarti ’abah nang dihurmati’ sedangkan dalam bahasa aslinya, gasan ngaran Ibrahim, kadangarannya nang kaya nang baarti ’Abah nang juriatnya banyak urang’.6Juriat ikam pacangan Kuulah saling banyakan sampai manjadi urang-urang. Raja-raja gin pacangan baasal matan ikam jua. 7Aku maadaakan parjanjianKu lawan ikam wan juriat ikam turun-tamurun manjadi parjanjian nang kakal. Aku nang manjadi Tuhan ikam wan Tuhan juriat ikam” ujar Allah baucap pulang. 891011121314
Allah bajanji Ibrahim wan Sarah pacangan baisi anak lalakian.
15“Sarai bini ikam tu, jangan lagi ikam kiau Sarai. Bamula wayah ini, ngarannya jadi Sarah.17:15 Dalam bahasa aslinya, “Sarah” baarti putri16Aku pacangan mambarkahinya. Malalui inya, ikam pacangan Kubari saikung anak lalakian. Malahan Sarah pacangan manjadi padatuan urang-urang. Raja-raja urang gin pacangan baasal matan juriat inya” ujar Allah baucap lawan Ibrahim.
17Basujut ai Ibrahim lalu tatawa lantaran rasa kada mungkin.
“Masih kawalah urang nang sudah baumur saratus tahun nang kaya aku ni baulihi anak? Lawan pulang, biniku sudah baumur sambilan puluh tahun. Mana kawa inya maranakakan anak?” ujar Ibrahim bapandir saurangan.
18“Jakanya Ismail haja pang nang Pian barkahi jadi ahli waris ulun,” ujar Ibrahim baucap ka Allah.
19“Sabujurannya, Sarah, bini ikam tu, pacangan maranakakan saikung anak lalakian gasan ikam. Inya pacang ikam ngarani Ishak17:19 Dalam bahasa aslinya, ngaran Ishak nang baarti ’Inya tatawa’. Baik Ibrahim maupun Sarah tatawa wayah mandangar janji Allah bahwa bubuhannya, nang sudah tuha, cagar baulihi saikung anak lalakian.. Aku handak maadaakan parjanjian-Ku lawan inya. Parjanjian-Ku tu pacangan kakal gasan juriatnya jua. 20Sual Ismail, sudah kudangar parmintaan ikam. Inya pacangan Kubarkahi jua. Juriatnya Kuulah manjadi banyak banar. Anak-anaknya pacangan manjadi dua walas raja. Juriatnya pacangan Ku-ulah manjadi urang nang ganal. 21Tagal parjanjian-Ku pacang Kuadaakan lawan Ishak, nang pacang diranakakan Sarah gasan ikam tahun dudi pas bulan nang kaya ini” ujar Allah manyahuti Ibrahim.
22Tuntung bapandir lawan Ibrahim, Allah maninggalakan sidin. 2324252627
18Allah manampaiakan diri-Nya lawan Ibrahim lalu dijanjiakan saikung anak lalakian.
1Suatu hari, Ibrahim rahatan duduk di muhara lawang kemahnya di parak puhun-puhun di Mamre. Lalu Allah manampaiakan diri-Nya lawan sidin. Wayah itu, harinya panas manggantang.
2Pas sidin manangadah sadikit ka jalan, sakalinya ada talu ikung musapir badiri bahadapan lawan sidin.18:2 Sabujurannya saikung musapir tu Allah, nang lainnya malaikat. Babaya malihat bubuhannya, sidin langsung bukah manyambut bubuhanya. Lalu sidin basujut sampai ka tanah.
3“Pagustian ulun, amun pian hakun, baelang pang ka kemah ulun. Jangan balalu haja” ujar Ibrahim baucap.
4“Biar sadikit banyu diambilakan, jadi pian pian kawa mambasuh batis, lalu dudukan ai baistrahat di bawah puhun nang ini. 5Ijinakanlah ulun manyiapakan makanan sakadarnya nyaman pian pian sigar pulang. Lalu, pian pian kawa manarusakan parjalanan. Ulun marasa tahurmat lantaran pian pian sudah hakun baelang ka wadah kami” ujar Ibrahim baucap pulang.
“Ayuja” sahut bubuhannya.
6Lalu badadas ai Ibrahim mandapati Sarah di kemah.
“Ding, lakasi, ambil sabantal galapung gandum nang pambaiknya, adoni, ulah manjadi ruti bulat” ujar Ibrahim ka bininya.
7Imbah itu, bukah ai Ibrahim ka wadah sapi-sapi inguannya. Lalu diambilnya saikung anak sapi nang lamak. Lalu dijulungnya lawan pambantunya. Lalu langsung dimasakakannya. 8Diambilnya keju, susu lawan daging anak sapi nang sudah dimasak tu, lalu disurungakan sidin ka bubuhan musapir tu. Parahatan bubuhannya makanan, sidin badiri haja parak bubuhannya di bawah puhun tu.
9“Mana bini ikam?” ujar bubuhannya batakun.
“Itu nah, urangnya ada di dalam kemah!” ujar Ibrahim manyahut.
10“Nah ingatakan ja, Him ai, tahun dudi, aku pacangan babulik pulang mandapati ikam. Wayah itu, Sarah, bini ikam tu, pacangan baisi saikung anak lalakian” ujar saikung matan bubuhan musapir tu baucap.
Sarah umpat mandangarakan jua di lawang kemahnya. 11Sabujurnya Ibrahim wan Sarah tu sudah tuha banar, Sarahnya sudah ampih datang bulan. 12Lalu tatawa ai Sarah.
“Sudah tuha nang kaya ini, masih bisa guring bakumpulkah akuni lawan Abahnya? Sidin gin sudah tuha jua” ujar Sarah baucap dalam hatinya.
13“Kanapa maka Sarah tatawa wan kada parcaya amun inya masih kawa baranak biar inya sudah tuha? 14Adalah nang mustahil gasan Allah? Tahun kaina, wayah nang sudah Aku tantuakan tadi tu, Aku pacangan babulik pulang mandapati ikam. Wayah itu pang Sarah pacangan baisi saikung anak lalakian” ujar ALLAH baucap lawan Ibrahim.
15“Kada, ulun kada katawa” ujar Sarah sambil bakulim lantaran takutan banar.
“Iya ai, jangan bakulim! Ikam dasar katawa tadi tu!” ujar Allah manyahut. 161718192021222324252627282930313233
21Sarah maranakakan Ishak
1ALLAH mambarkahi Sarah, nang kaya nang dipirmanakan-Nya, wan ALLAH malakuakan lawan Sara nang kaya nang dijanjiakan-Nya. 2Maka batianan ai Sarah, lalu inya maranakakan saikung anak lalakian gasan Ibrahim wayah sidin sudah tuha, pas wayah nang sudah dijanjiakan Allah. 3Ibrahim mangarani anaknya nang hanyar diranakakan Sarah tu, Ishak21:3 Ngaran Ishak baarti ’inya tatawa’. 4Lalu Ibrahim manyunat Ishak, anaknya itu, wayah baumur delapan hari, nang kaya nang disuruhakan Allah lawan inya21:4 Kej. 17:10-12. 5Wayah Ishak diranakakan, Ibrahim sudah baumur saratus tahun.
6“Allah sudah maulah aku katawa. Satiap urang nang mandangarnya pacang katawa jua nang kaya aku. 7Kadada saikung ikung gin nang parcaya aku kawa baisi anak. Tagal lihati aku sudah maranakakan saikung anak lalakian gasan lakiku wayah sidin sudah tuha” ujar Sarah baucap ka Ibrahim.
Ibrahim manyuruh Hajar wan anaknya bajauh
8Lawas kalawasan, anak tu tambah ganal. Wayah anak tu ampih disusui umanya, Ibrahim baaruh ganal gasan marayakan kajadian nang itu. 9Wayah itu, Sarah malihat anak Ibrahim nang diranakakan Hajar, urang Mesir tu, maajaki Ishak. 10Lantaran tu, Sarah baucap lawan lakinya, “Abahnya, suruh pang bajauh sasuruhan ulun tu lawan anaknya sualnya anak sasuruhan tu kada pacangan umpat manjadi ahli waris lawan anakku, Ishak.”
11Kahandak Sarah tu maulah Ibrahim pusang sualnya Ismail tu anak lalakian sidin jua.
12“Ikam kada usah pusang, Him ai, sual budak ikam wan anaknya tu. Umpati ja kahandak Sarah tu sualnya matan Ishak ikam pacangan baulihi juriat nang Kujanjiakan tu. 13Tapi juriat anak Hajar tu nang pacangan kuulah jua manjadi satu urang sualnya inya tu anak ikam jua” ujar Allah baucap lawan Ibrahim.
14Isuk baisukan, Ibrahim maambil makanan, sabuting kantung kulit nang baisi banyu, lalu diandaknya di bahu Hajar gasan sangu, imbah itu Hajar wan Ismail, anaknya, disuruhnya tulak bajauh. Lalu tulakan ai bubuhannya mangambara di padang gurun nang parak Kota Bersyeba. 15Imbah banyu nang di kantung kulit tu puang, dirabahakannya anak tu di bawah pupuhunan halus. 16Ditinggalakannya bajauh, lalu inya duduk kira-kira anam puluh depa jauhnya matan situ.
“Aku kada purun malihat anakku mati” ujar Hajar baucap dalam hati.
Rahatan duduk di situ, inya manangis mahalulung. Anaknya manangis jua.
17Allah mandangar tangisan anaknya tu.
“Kanapa maka ikam sadih banar? Kada usah takutan sualnya Allah sudah mandangar tangisan anak tu matan wadah inya barabah. 18Paraki anak ikam, diriakan inya, wan tuntun inya. Ikam musti maharagunya sualnya Aku pacangan maulah inya manjadi urang nang ganal” ujar malaikat Allah baucap lawan Hajar matan langit.
19Lalu Allah malihatakan lawan Hajar sabuah sumur. Hajar mandatangi sumur tu lalu kantung kulitnya diisinya lawan banyu. Imbah itu, anaknya dibariꞌinya minum.
20Allah manjagai anak tu sampai inya ganal. Inya bagana di padang gurun Paran lalu inya manjadi saikung pamanah nang harat. 21Wayah inya bagana di padang gurun tu, inya dibiniakan ulih umanya lawan babinian matan Mesir. 22232425262728293031323334
22Allah manyuruh Ibrahim mangurbanakan anak sidin jadi kurban banaman.
1Imbah samuaan kajadian nang itu, Allah mauji kaimanan Ibrahim.
“Ui, Ibrahim” ujar Allah baucap.
“Pun” sahut Ibrahim.
2“Bawa Ishak, anak ikam nang saikungannya, nang ikam sayangi tu, lalu tulak ja ka banua Moria. Di situ di salah satu gunung nang pacang Kutuduhakan lawan ikam, parsambahakan inya manjadi kurban banaman gasan Aku” ujar Allah manjalasakan.
3Isuknya, imbah bangun guring, baisukan banar, Ibrahim mambalah kayu gasan mambanam kurban. Imbah dijaratnya kayu tadi, diandaknya di lapak kaladainya, wan dikiaunya dua ikung pambantunya wan Ishak, anaknya. Lalu tulakan ai bubuhannya ka wadah nang dipadahakan Allah lawan sidin. 4Imbah talu hari bajalan, gunung nang itu sudah talihat ulih Ibrahim matan jauh.
5“Hadangi di sini haja nah bubuhan ikam lawan kaladai tu nah. Aku wan anakku handak tulak ka sana, kami handak sambahyang, imbah itu kami babulik pulang ka sini” ujar Ibrahim baucap lawan dua ikung pambantunya.
6Diambil sidin kayu gasan mambanam kurban tu, lalu disuruh sidin Ishak manyahan kayu tu. Sadangkan sidin saurang mambawa bara api wan lading. Lalu tulakan ai kaduduannya bajalan baimbai.
7“Bah” ujar Ishak baucap lawan abahnya.
“Kanapa nak?” sahut sidin.
“Bara api wan kayu sudah ada kita bawa, tagal anak domba nang cagar dibanam gasan kurban, mana inya bah?” ujar Ishak batakun.
8“Allah, nak ai, nang pacangan manyadiakan anak domba tu, nang jadi kurban banaman gasan Inya” sahut sidin.
Lalu bajalan pulang kaduduannya baimbai.
9Imbah sampai ka wadah nang dipadahakan Allah tu, Ibrahim manyusun batu maulah mija gasan mambanam kurban. Disusunnya kayu gasan mambanam, dijaratnya Ishak anaknya tu, lalu diandaknya di atas kayu tu nang ada di atas mija batu tu. 10Imbah itu, sidin maambil lading. Pas handak manyumbalih anaknya, 11bakakajutan tadangar suara malaikat Allah di langit.
“Him, Him, Ibrahim!” ujar malaikat Allah mangiau.
“Pun” sahut sidin.
12“Jangan dimatiꞌi anak ikam tu, wan jangan diapa-apai inya, sualnya wayah ini Allah sudah tahu amun ikam tu hurmat wan maasi lawan parintah-Nya. Lawan pulang, ikam langsung hakun mamparsambahakan anak ikam nang saikungannya tu gasan Allah” ujar malaikat Allah baucap.
13Ibrahim manulih lalu talihat saikung domba laki di balakang sidin nang tanduknya takait di padang sabat. Diambil sidin domba tu lalu dikurbanakannya gasan mahurupi anaknya. Lalu domba tu dibanamnya.
14Lantaran itu, wadah nang itu dingarani sidin, “Allah manyadiaakan”. Lantaran itu pulang, sampai wayah ini urang-urang biasa baucap, “Di atas gunung pacang disadiaakan Allah.”
15Lalu malaikat Allah baucap pulang matan langit wan Ibrahim,
16“Aku, Him ai, basumpah demi ngaranKu saurang. Lantaran ikam sudah balaku nang kaya itu, wan langsung hakun mamparsambahakan anak ikam nang saikungannya gasan Aku, 17maka Aku pacangan bujur-bujur mambarkahi ikam. Juriat ikam pacangan Kuulah banyak banar nang kaya bintang di langit wan karangan di pantai. Juriat ikam tu pacangan manguasai kuta-kuta musuhnya. 18Malalui juriat ikam, samunyaan urang-urang di bumi pacangan Ku-barkahi lantaran ikam maasi lawan parintah-Ku” ujar malaikat tadi manyampaiakan Pirman Allah lawan Ibrahim.
19Babulik ai Ibrahim wan anaknya mandapati kadua pambantunya lalu bubuhannya tulakan baimbai ka Kota Bersyeba. Lalu, Ibrahim salajur bagana di situ. 2021222324