लूका

Luke

लूका

ज़ानकारी

¹ ओ थियुफिलुस साहब, यीशु मसिऐ ज़ो कुछ़ काम आमु मांझीऐ पुरौ कियौ आ, तिऊं बुशु रै बारै दी भौरी लोगुऐ लिखणे री कोशिश की आ। ² इयै खुशी री खौबरa लोगु झ़ाऊं यीशु रै तिऊं पैहलै च़ेलेऊ रै ज़रीऐ पौउंच़ौ आ ज़ुणीऐ इयै बुशै आपणी आखी कौरीऐ पुरी औन्दै देखी थी और इयै खौबर आमुकै तिऊंकु मिली आ ज़ुण तेबी तिऐ ज़ीऊंदै मान थै। ³ तैबै मुइंयै यीशु रै बारै दी ज़नमा कु सारी बुशै पौरखियौ इणौ फैसलौ कियौ कि इयै एक-एक बूश सुंच़ी सौमझ़ीऔ ताउंलै लिखु। ⁴ ताकी ताउंकै पौतौ लागा की ज़ेज़ी शिक्षा ताउंलै मिली ऐंदी और ज़ेज़ी तू सौच़ी माना ई सै बूश ठीक और पाकी आ।

यूहन्ना पैदा हुणै री खौबर

⁵ सारी बुशु री शुरुआत यहुदी याजक जकर्याह नांवा रै आदमी कु हुई आ ज़ुण यहुदिया रौ राज़ौ हैरोदेसा रै बौग्ता दी ज़ीउंदौ थौ, जकर्याह याजक अबियाह नांवा रै याजकीयै गुटा रौ आदमी थौ और जकर्याह री छ़ेउड़ी इलिशीबा थी हारुन नांवा रै याजकू री खानदानी री। ⁶ जकर्याह औऱ इलिशीबा परमेश्वरा री नौज़रीऐ धौर्मी थै, और सै दुइया परमेश्वरा रै हुकम और विधी आछ़ा कौरी माना थै। ⁷ पर इलिशीबा रै कोई भी सनतान नाईं थी कैलैकि तियांरी कूख बौन्द थी और सै दुइया बुड़ै थै। ⁸ जकर्याह गुटा रै लोग ज़ो याजक थै सै परमेश्वरा रै घौरा दी याजका रौ काम कौरा थै कैलैकि तेबी तिउंरी बारी थी; ⁹ याजकु री रीती रिवाजा़ कौरी जकर्याह नांवा री चिट्ठी निकल़ी कि सेउ प्रभु रै घौरा भीतै डेइयौ धूप जा़ला़। ¹⁰ धूपा जा़ल़णा रै बौग्तै लोगु री भीड़ बाइरै प्राथना कौरदै थी लागी ऐन्दी। ¹¹ सेज़ै बौग्तै जकर्याह कै परमेश्वरा रौ एक दूत बेदी री सुल़टी भीलै परगट हुइयौ दिशौ। ¹² सेउ तेस दुता देखीयौ डौरौ और कांबदै लागौ। ¹³ पर तिणी दुतै तेसलै बोलौ, ओ जकरयाह, नाईं डौर कैलैकि ज़ो प्राथना तांऐ सनतान पाइणा लै की आ, सै प्राथना परमेश्वरै शुणी गोई आ, ‘तेरी छ़ेउड़ी इलीशिबा रौ एक मांऊ हुआ, तू तेसरौ नाऊं यहुना छ़ाड़ै, ¹⁴ तेस पैदौ हुइयौ ताऊं लै और भौरी लोगु लै बौड़ी खुशी हुआ आ, ¹⁵ कैलैकि सेऊ प्रभु री नौज़री दी बौड़ौ हुआ; सेऊ केबी भी अंगुरा रौ रस और सूर नाईं पिंदौ; आपणी मां रै गर्भा कु ई सेऊ परमेश्वरा री पवित्र आत्मा कौरी भरपूर हुआ सा। ¹⁶ ज़ैबै सेऊ बौड़ौ हुआ लौ तैबै सेऊ आपणै सन्देशा कौरीऐ इस्राइलिऊ लोगु मांझीया कु भौरी लोगु आपणै प्रभु परमेश्वरा भीलै आणा आ। ¹⁷ सेऊ परमेश्वरा रै सेवक, एलियाह भविश्यवक्ता ज़िणौ आत्मिक और शक्ति़शाली हुणौ आ। सेऊ प्रभु रै जनमा कु पैहलै आशा, ताकी प्रभु कालै आदमी त्यार कौरा। तैरौ छोहरु मां-बाबा रौ ज़ीऊ आपणै लोल़डेऊ भीलै फेरा, और तिउंलै आज्ञा मानणे री शिक्षा दिआ आ। ¹⁸ जकर्याह ऐ परमेश्वरा रै दुता कु पुछ़ौ, ‘ज़ो तांऐ बोलौ आ तेस हाऊं सौच़ौ किणै कौरी मानु। कैलैकि हाऊं ता गो ऊ बुड़ौ हुई और मेरी छ़ेउड़ी भी गोई बुड़ी हुई। ¹⁹ तैबै परमेश्वरा रै दुतै तेसलै ज़वाब दैऔ मैरौ नांऊ ज़िब्राइल आ और हाऊं सौदा परमेश्वरा काऐ खौड़ौ रौआ ऊ। और तेसरी मिठी बुशै शुणाऊ। तिणीऐ ई हाऊं एज़ी खौबरी कौरी ताऊं काऐ भेज़ौ ऊ। ²⁰ और ज़ो बूश मुइंयै ताऊं आइलै बोली आ, ताऐं तेथ माथै विश्वास नाईं कियौ, आबै ज़ेबी झा़ऊं तैरौ छ़ोहरू नाईं औआ लौ तेबी झा़ऊं तू लाटौ रौआ ई और कुछ़ भी बोली नाईं बौल़दौ कैलैकि ज़ो बूश मुइंयै ताऊं लै बोली आ, सै बूश आपणै ठीक बौकता दी पुरी हुआ आ। ²¹ तैबै लोग दारा काऐ जकर्याह बाइरै पौखदै थै लागै औन्दै, सै परेशान थै हुऐ औन्दै कि जकर्याह कै परमेश्वरा रै घौरा भीतै एती बौग्त कैलै लागौ औलौ? ²² ज़ेबी जकर्याह भीतरा कु बाइरै आशौ ता तिऊं लोगु आइलै सेऊ कुछ़ भी ना बोली बौल़ौ। और सै सौमझ़ी गौऐ कि इणीऐ प्रभु रै घौरा भीतै कोई दर्शन देखौ। सेऊ तिऊं आइलै इशारै कौरी बुशै लाईंदै लागौ कैलैकि सेऊ लाटौ बौणी गौ थौ। ²³ ज़ैबै जकर्याह री सेवा कौरनै री बारी पुरी हुई तैबै सेऊ आपणै घौरै डैऔ। ²⁴ तेथ बसीऐ तेसरी छ़ेउड़ी इलिशीबा गौरकड़ी हुई और पाँज़ा मिहनै झ़ाऊं तिउंऐ इऐ बुशै कासी आइलै ना बोली, ²⁵ और सै आपणै ज़ीवा दी सुंच़दै लागी कि परमेश्वर केती दयालु आ कि मु आइलै केती बौड़ौ काम कियौ आ।

यीशु पैदा हुणै री खौबर

²⁶ ज़ैबै इलिशीबा रै छ़ौऊऔ मीहनौ हुऔ, तैबै परमेश्वरै ज़िब्राइल नाँवा रौ दूत गलील परदेशा रै नासरत इलाकै दी, ²⁷ मरियमा काऐ भेज़ौ ज़ुण बिण बयाही थी। और सै युसुफ नाँवा रै छ़ोहरू लै थी लाई ऐन्दी। ²⁸ परमेश्वरा रौ दूत मरियमा काऐ पौगड़ौ हुऔ और बोलदै लागौ, तेरी ज़ै ज़ैकार होb, ताऊं माथै परमेश्वरा री दया हुई आ, और परमेश्वर ताऊं आइलै आ। ²⁹ इऊं बुशै शुणीयौ मरियम डौरी और हैरानी कौरीऐ सुंच़दै लागी कि एस ज़ै-ज़ैकारा री खौबरी रौ का मतलब औलौ? ³⁰ परमेश्वरा रै दुतै मरियमा लै बोलौ, ‘‘ओ मरियम डौर नाईं कैलैकि परमेश्वरा री दया ताऊं माथै हुई आ। ³¹ तू गौरकी हुआ ई, और ताऊंकु एक छ़ोहरू हुआ, तू तेसरौ नाऊं यीशु छ़ाड़ै। ³² सेऊ सारेऊ कु बौड़ौ हुआ आ और तेसलै परमपरधान परमेश्वरा रौ छ़ोहरू बोलाई और प्रभु परमेश्वर तेसकै तेसरै पुरखा दाऊद राज़ै री राज़गधी दिआ सा। ³³ और सेऊ इस्राइली लोगु माथै सौदा राज़ कौरा आ। तेसरौ राज़ केभी भी खातम नाईं हुन्दौ। ³⁴ मरियमै परमेश्वरा रै दुता लै बोलौ, ‘इणौ किणै कौरी हुआ? हाऊं ता औज़ौ बिण बयाही छ़ोटूड़ ऊ। ³⁵ परमेश्वरा रै दुतै तिआंलै ज़वाब दैऔ, ’पवित्र आत्मा ताऊं दी आशा, और परमपरधान परमेश्वर ज़ुण सारेऊ कु बौड़ौ आ तेसरी शक्ति ताऊं माथै आशा। ज़ो छ़ोहरु ताऊंकु हुणौ आ सेऊ पवित्र हुणौ, और तेसलै परमेश्वरा रौ छ़ोहरु बोलाई। ³⁶ और देख तेरी रिश्तेदार इलिशीबा भी बुड़ींदी बारै गौरकी हुई आ। लोग तिआंलै बोला थै कि इआंरी आ कूख बन्द, पर तिंआरै आज़कालै छ़ौउऔ मीहनौ आ। ³⁷ कैलैकि परमेश्वरा कालै केज़ौ भी काम कठीण नांई आसतौ। ³⁸ एज़ी बुशा माथै मरियमै बोलौ, ‘देख, हाऊं ता परमेश्वरा री दासी ऊ, ज़िणौ ताऐं बोलौ आ, तिणी च़ांई हुऔ। तेथ बसीऐ परमेश्वरा रौ दूत तियां काऐ कु डेई गौ।

मरियमा रौ इलीशिबा कु मिलदै डेउणौ

³⁹ कुछ़ दिना बासीऐ मरियम त्यार हुइयौ डांडैउ माथै यहुदा परदेशा रै एक इलाकै दी डेई। ⁴⁰ ज़िऐ जकर्याह रौआ थौ तेसरै काऐ डेइयौ मरीयमै तेसरी छ़ेउड़ी इलिशिबा कै डाल की। ⁴¹ ज़िणी ई इलिशीबै मरियमा री डाल शुणी, तिणी ई इलिशीबा रै पेटा दी माऊं हिलदै लागौ, और इलिशीबा परमेश्वरा री पवित्र आत्मा कौरीऐ भौरुई। ⁴² तैबै तिआंऐ ज़ोरै मरियमा लै बोलौ, ‘तू सारी छ़ेउड़ी मांझ़ीआ कु परमेश्वरा री नौज़री दी भौली ई, और तैरौ गर्भा रौ छ़ोहरु भी भौलौ आ। ⁴³ इयै केती बौड़ी इज़्ज़ता री बूश आ, कि मैरै प्रभु री माँ मु ज़िणी छ़ेउड़ी कु मिलदै आशी आ। ⁴⁴ ज़ीणी ई ताऐं मुकै डाल की आ, तिणी ई मैरै पेटा दी माऊं खुशी कौरीऐ हिलदै लागौ। ⁴⁵ भौली तू कैलैकि ताऐं विश्वास कियौ आ, कि ज़ो भी बूश परमेश्वरा री तौरफा कु बोली आ सै बूश पुरी हुआ आ।

मरियमा रै स्तूती- भजन गाईणै

⁴⁶ तैबै मरियमै बोलौ, ‘मैरौ आत्मा प्रभु री बौड़ाई कौरा आ, ⁴⁷ आ…… हा…… मेरी आत्मा मैरै उधार कौरनै वाल़ै परमेश्वरा री बौड़ाई कौरा आ। 48कैलैकि परमेश्वरै आपणी दासी री गरीबी देखी आ एथीलै, "ओ परमेश्वर आज़ा कु मुलै जुगा-जुगा झ़ाऊं भौलौ बोलाई" ⁴⁸ कैलैकि परमेश्वरै आपणी दासी री गरीबी देखी आ एथीलै, "ओ परमेश्वर आज़ा कु मुलै जुगा-जुगा झ़ाऊं भौलौ बोलाई" ⁴⁹ तिणी परमेश्वरै ज़ुण सारेउ कु शक्तिवाल़ौ आ मुलै बौड़ै-बौड़ै काम किए ई। तेसरौ नांऊ पवित्र आ। ⁵⁰ ज़ुण परमेश्वरा रौ डौर माना ई तिऊं माथै परमेश्वरा री दया तिंउरै सारी पिड़ी झ़ाऊं रौआ आ। ⁵¹ परमेश्वरै आपणी बाई री एती शक्ति देखाई, ज़ुण आपुलै बौड़ै बौणा थै सै किणै तित्तर-बित्तर किए ई। ⁵² तिणी परमेश्वरै राज़ै-महाराज़ै कु तिउंरी राज़गधी छ़ुड़ाई आ, और गरीबु री छ़ाड़ी इज़्ज़त। ⁵³ और भुखै लोगु लै खिलाई आच़्छ़ी-आच़्छ़ी रोटी, और सेठ गाड़ै खाली हाथै बाइरै। 54परमेश्वरै आपणै इस्राइली लोगु री मज़द की, और तिऊं आइलै कियौ औन्दौ आपणौ वाइदौ नाईं बिसुरदौ। ⁵⁴ परमेश्वरै आपणै इस्राइली लोगु री मज़द की, और तिऊं आइलै कियौ औन्दौ आपणौ वाइदौ नाईं बिसुरदौ। ⁵⁵ तिणीऐ आमारै पुरखा अब्राहम और तिंउरै वंशा (पिड़ी) आइलै वायदौ कियौ कि परमेश्वरा री दया तिऊं माथै सौदा बौणी रौआ। ⁵⁶ मरियम कम से कम चिया मीहनै झ़ाऊं इलिशीबा आइलै रौई, और तेथ बसीऐ डेई वापिस आपणै घौरै।

यूहन्ना बपतिस्मा देणै वाल़ौ पैदौ हुणौ

⁵⁷ तैबै इलिशीबा रै औल़खीणा रै दीन पुरै हुऐ और तिआंरौ एक माऊं हुऔ। ⁵⁸ और इयै खौबर खरकच़ार तिआंरै आस-पड़ोसा दी और सारै रिश्तेदारु मांझ़ीऐ फौइली गोई, कि प्रभुऐ तिआं माथै बौड़ी दया की आ। तैबै सौभीऐ तिआं आइलै खुशी मौनाई। 59ज़ैबै सेऊ माऊं आठा दिना रौ हुऔ तेबी सारै रिश्तेदार और गोष्टण तेस माऊं रौ खतना कौरना लै कौठै हुऐ, सै तेस माऊं रौ नाऊं तेसरै बाब जकर्याह ज़िणौ छ़ाड़दै लागै, 60पर तेस माऊं री आमै तेसरौ नाऊं छ़ाड़ना लै मना की, और बोलौ, “एसरौ नाऊं यहुना जा छ़ाड़नौ” ⁵⁹ ज़ैबै सेऊ माऊं आठा दिना रौ हुऔ तेबी सारै रिश्तेदार और गोष्टण तेस माऊं रौ खतना कौरना लै कौठै हुऐ, सै तेस माऊं रौ नाऊं तेसरै बाब जकर्याह ज़िणौ छ़ाड़दै लागै, 60पर तेस माऊं री आमै तेसरौ नाऊं छ़ाड़ना लै मना की, और बोलौ, “एसरौ नाऊं यहुना जा छ़ाड़नौ” ⁶⁰ पर तेस माऊं री आमै तेसरौ नाऊं छ़ाड़ना लै मना की, और बोलौ, “एसरौ नाऊं यहुना जा छ़ाड़नौ” ⁶¹ इणै शुणीयौ सारै लोगुऐ हैरानी कौरीऐ पुछ़ौ, “कैलै”? तैरै टौबरा दी ता एज़ै नावां रौ कोई नाई? ⁶² २तैबै रिश्तैदारुऐ तेस माऊं रै बाबा कु साना कौरीयौ पुछ़ौ। ⁶³ तिणी जकर्याह ऐ लिखणा लै तौखती मांगी और तिदरा ई लिखौ कि एसरौ नाऊं यहुना सा। इणै शुणीयौ सारै हैरान हुऐ। ⁶⁴ तैबै जकर्याह रौ मुंह खुलौ और बेज़ौ बौणौ। और परमेश्वरा री बौड़ाई कौरदै लागौ। 65तेसरै आस-पड़ोसा दी रौइणै वाल़ै सारै डौरी गौऐ, और इयै बुशै यहुदा परदेशा रै सारै पहाड़ी मुलखा दी फौइली गोई। ⁶⁵ तेसरै आस-पड़ोसा दी रौइणै वाल़ै सारै डौरी गौऐ, और इयै बुशै यहुदा परदेशा रै सारै पहाड़ी मुलखा दी फौइली गोई। ⁶⁶ सारै शुणनै वाल़ै आपणै ज़ीवा दी सुंच़दै लागै कि एऊ छ़ोहरू किणौ औलौ इणौ पा? कैलैकि प्रभु री शक्ति एस माऊं आइलै थी।

जकरयाह रै स्तूती- भजन गाईणै

⁶⁷ तैबै माऊं रै बाब जकरयाह माथै परमेश्वरा री पवित्र आत्मा आशी और सेऊ भविष्यवाणी कौरदै लागौ। ⁶⁸ इस्राइला रै प्रभु परमेश्वरा री बौड़ाई च़ांई हुई, कैलैकि तिणीऐ लोगु माथै तौइंऐ दया कौरीयौ तिऊंरौ छ़ुटकारौ कियौ आ। ⁶⁹ और आपणै दास दाऊदा रै वंशा कु आमुकालै एक पापा कु छ़ुटकारौ देणैवाल़ौ भेज़ौ। ⁷⁰ ज़िणौ तिणीऐ पुराणै बौग्ता रै गुरु रै ज़रीऐ बोलौ थौ, ⁷¹ कि आबै आमै आपणै सारै दुश्मना रै हाथा कु बौच़ी ई ⁷² परमेश्वरै आपणौ पवित्र वायदौ ज़ो आमारै पुरखा आइलै कियौ थौ तेस वाइदौ याद छ़ाड़ीयौ आपणै लोगु माथै दया की। ⁷³ और सै कसम ज़ो परमेश्वरै अब्राहमा आइलै खाई थी ⁷⁴ कि परमेश्वर आमु आमारै दुश्मना रै हाथा कु छ़ुड़ावा ताकी आमै आपणै दुश्मना कु निडर हुइयौ परमेश्वरा री सेवा, ⁷⁵ तिंउरै सामनै पवित्र और नियम धौर्मा कौरी सारी उमरीऐ कौरी सौका। ⁷⁶ और ओ छ़ोहरू ताउंलै लोग परमपरधान शक्तिवाल़ै परमेश्वरा री तौरफा कु भेज़ौ औन्दौ गुरु बोला ई, कैलैकि तू प्रभु कालै बाट त्यार कौराई। ⁷⁷ तू तिऊं लोगु कै शिखावा ई कि पापा री माफी पाइयौ, छ़ुटकारौ किणौ मिला आ। ⁷⁸ इयौ सब परमेश्वरा री बौड़ी दया कौरीऐ हुआ, ज़ेथ कौरीऐ परमेश्वरा री तौरफा कु आमुलै नौईं ज़ीन्दगी मिला सा। ⁷⁹ न्यारै और मौरनै रै डौरा री छ़ांई दी रौइणै वाल़ेऊ लै पयाशौ दिआ, और आमारै कदम आच़्छ़ी बाटा दी सीधै हंडावा। ⁸⁰ तैबै सेऊ माऊं बौड़दै लागौ और आत्मा दी मज़बूत औन्दै लागौ, और इस्राइली लोगु मांझ़ीऐ सेऊ परगट हुन्दै झ़ाऊं सेऊ शुनशान ज़ागहा दी रौ।

यीशु रौ ज़ौनम

(मती1:18-25)

¹ सेज़ै दिनु दी औगस्तुस नावां रै बौड़ै राज़ै हुकम दैऔ कि सारै रोमी राज़ा रै लोग आपणै-आपणै नाऊं दर्ज़ कौरौ। ² इऐ पैहली नाऊं लिखाई थी, और इऐ तेबी हुई ज़ेबी क्विरिनियुस नावां रौ आदमी सीरिया देशा रौ आफसर थौ। ³ तैबै सारै लोग आपणै नाऊं लिखाउंदै आपणै-आपणै इलाकै दी डेवै। ⁴ युसुफ भी ज़ुण गलील परदेशा रै नासरत गावां रौ थौ, आपणै नावां लिखाउंदै यहुदा परदेशा दी दाऊदा रै गाऊं बैतलैहमा दी डैऔ। कैलैकि सेऊ दाऊदा री खानदानी रौ थौ। ⁵ सेऊ आपणी मंगेतर मरियमा आइलै ज़ुण गौरकड़ी थी तिऐ नाऊं लिखाऊंदै डैऔ। 6तिंउरै तिऐ रौइणा रै बौकता दी मरियमा रै, औल़खिणा रै दीन पुरै हुऐ। ⁶ तिंउरै तिऐ रौइणा रै बौकता दी मरियमा रै, औल़खिणा रै दीन पुरै हुऐ। ⁷ मरियमा रै तिऐ पैहलौ ज़ाऔ हुऔ और तिआंऐ सेऊ जुड़कै दी मेटाइयौ खौरली दी छ़ाड़ौ, कैलैकि तिउंकै सराऐं दी रौइणा लै ज़ागहा नाईं थी।

सौरगा रै दुतु रै ज़रिए भेराल़डु लै खौबर

⁸ सेज़ै इलाकै दी काई भेराल़डु थै ज़ुण राची, थाचा दी रौइयौ आपणै शाल़ा री च़ौकीदारी कौरा थै। भेराल़डु आपणी भेरीऊ ज़ागदै ⁹ सेज़ी राची परमेश्वरा रौ एक दूत तिऊं काऐ आशौ और तिऊं भेराल़डु रै च़ारौ तौरफा दी प्याशौ च़ौमकौ। तैबै तेस देखीयौ सै भौरी डौरी गौऐ ¹⁰ तिणी दूतै तिउंलै बोलौ, “डौरौ नाईं” कैलैकि हाऊं तुमुकै आज़ बौड़ी खुशी री खौबर शुणावा ऊ ज़ो सारै लोगु लै आ। ¹¹ आज़ दाऊदा रै इलाकै दी तुमारौ उद्धार कौरनै वाल़ौ पैदौ हुई गौ आ ज़ो प्रभु मसिह आ। ¹² और तेसरौ पौतौ तुमु लै इणौ सा, कि तुमुकै एक माऊं खौरल़ी दी जुड़कै दी मेटाऔ औन्दौ मिला सा। ¹³ तैबै तिऐ परमेश्वरा रै दूता आइलै परमेश्वरा रै भौरी दूत परमेश्वरा री बौड़ाई कौरदै और इणै बोलदै दिशै, ¹⁴ "सौरगा दी परमेश्वरा री बौड़ाई च़ांई हुई। और धौतरी माथै तिऊं लोगु लै शान्ती च़ांई मिली ज़ासकु परमेश्वर खुश हुआ आ;" ¹⁵ ज़ेबी परमेश्वरा रै दूत तिऊं काऐ कु सौरगा लै डेवै तैबै भेराल़डु आपु मांझ़ीऐ बोलदै लागै कि, आशौ आमै बेतलैहमा लै डेई ई ज़ो बूश प्रभुऐ आमु आइलै बोली आ तिऐं आमै देखी ई। ¹⁶ तैबै सै तिदरु फेटी डै, तिउंऐ तिऐ मरियम, युसुफ और खौरली भीतै सेऊ माऊं देखौ। 17इणै देखीयौ तिऊं भेराल़डुऐ सै बूश ज़ो एस माऊं रै बारै दी पैहलै शुणी थी सै सारेउ कै बोली। ¹⁷ तैबै सै तिदरु फेटी डै, तिउंऐ तिऐ मरियम, युसुफ और खौरली भीतै सेऊ माऊं देखौ। 17इणै देखीयौ तिऊं भेराल़डुऐ सै बूश ज़ो एस माऊं रै बारै दी पैहलै शुणी थी सै सारेउ कै बोली। ¹⁸ भेराल़डु री इऊं बुशै शुणीयौ सारै लोग हैरान हुऐ ज़ो तिऐ थै। ¹⁹ पर मरियमे इऐ सारी बुशै शुणीयौ आपणै ज़िवा दी छ़ाड़ी और सुंच़दै लागी। ²⁰ भेराल़डु लै, ज़िणौ परमेश्वरा रै दूतै बोलौ औन्दौ थौ तिणौ सारौ शुणीयौ और देखीयौ परमेश्वरा री बौड़ाई और स्तुती कौरी-कौरीयौ तिदरु वापिस डेवै।

यीशु रौ नाऊं छ़ाड़नौ

²¹ आठा दिना बासीऐ ज़ैबै तेस माऊं रौ खतना हुऔ। तैबै तेसरौ नाऊं यीशु छ़ाड़ौ ज़ो परमेश्वरा रै दूतै तेसरै गर्भा दी आशणै कु पैहलै बोलौ थौ।

परमेश्वरा रै घौरा दी यीशु परमेश्वरा री सेवा लै देणौ

²² कुछ़ बौकता बासीऐ मुसा गुरु रै नियमा कौरीऐ तिंउरै शुद्ध हुणै रै दीन पुरै हुऐ, तिउंऐ यीशु परमेश्वरा रै घौर यरश्लैमा दी निऔं। ²³ ज़िणौ प्रभु रै नियमा दी थौ लिखौ औन्दौ कि केज़ौ भी पैहलौ छ़ोहरू प्रभु कालै पवित्र हुआ सा। ²⁴ और प्रभु रै नियमा दी ज़िणौ ठीक थौ, कबुतरा रै ज़ोड़ै या पंडुका रै ज़ो कबुतरा ज़िणै हुआई देखणा लै, तिउंऐ सै आणीयौ बौल़ी किऐ।

शमौना रौ गीत

²⁵ यरुश्लैमा दी शमौन नावां रौ एक आदमी थौ ज़ुण धौर्मी और परमेश्वरा रौ भौगत थौ, सेऊ पवित्र आत्मा कौरीऐ भरपूर थौ, और सेऊ आपणै लोगु इस्राएला लै सुख शान्ति पौखदै थौ लागौ औन्दौ। ²⁶ पवित्र आत्मै तेसरै ज़ीवा दी बूश थी पाई ऐन्दी कि, ज़ेबी झ़ाऊं तू प्रभु री तौरफा कु भेज़ौ औन्दौ मसिहा ना देखा लौ तेबी झ़ाऊं तू नाईं मौरदौ। ²⁷ और पवित्र आत्मा रै बोल़नै माथै शिमौन परमेश्वरा रै घौरा दी डैऔ और सेज़ै दिना दी मरियम और युसुफा रै भी माऊं यीशु परमेश्वरा रै घौरा दी थौ आणौ औन्दौ ज़िणौ तिंउरै नियमा दी थौ। ²⁸ और शिमौन भी तिऐ थौ, तिणीऐ सेऊ माऊं आपणी उंगाल़ी दी पाकड़ौ और परमेश्वरा री बौड़ाई कौरदै लागौ। ²⁹ कि, ओ… प्रभु ऐबै तू आपणौ दास शान्ती कौरिऐ आपु काऐ औटाऊ। ज़िणौ तैरै वचना दी आ। ³⁰ कैलैकि मेरी आखी ऐ मुक्ती दैणै वाल़ौ देखी गौ आ। ³¹ ज़ुण ताऐं सौभी लोगु लै भेज़ौ आ। ³² और सेऊ एक इणौ प्याशौ आ ज़ुण सारै देशा और दुज़ी ज़ाती रै लोगु रै सामनै परमेश्वर प्रगट कौरा आ, और तैरै आपणै लोग इस्राइला लै बड़ाई आ। ³³ यीशु रै बारै दी जो कुछ शमौन थौ बौलदै लागौ औन्दौ, तेसरी बुशै शुणियौ तेसरै मां बाप हैरान हुऐ। ³⁴ तैबै शिमौनै तिउंलै आशीष देई और बौलौ,“ मरियम ! ऐऊ माऊं ता परमेश्वरा री तौरफा कु चुनौ (छ़ांटौ) औन्दौ निशाण आ, भौरी सारै इस्राइली लोग ऐस नांई मानदै और ऐज़ी बूश तिऊं इस्राइला लोगु नाश कौराई पर भौरी सारै इ़स्त्राइली लौगु लै सेऊ खुशी रौ कारण बौणा आ, ज़ासरै विरोधाई बुशै ला ई। ³⁵ तुमारै ज़ीवा दी वार-पार तलवारी कौरी छ़ेद हुआई ।

हन्नाह री गवाई

³⁶ एक, भविश्यवणी कौरनै वाली छ़ेवडी थी ज़ासरौ नावं हन्नाह थौ। सै भी सेजै बौक्ते तिऐ थी। और सै अशेर खानदानी मांझिऐ कु फनुऐल नावां रै आदमी री छ़ोटूड़ थी। ज़ेबी तिआंरी शादी हुई तेथकु साता साला बासियै तिआरौ बोउटौ मौरौ पोरु और सै विधवा हुई। और सै भौरी बुढ़ी थी। ³⁷ ऐबै तिआंरी ऊमर 84 साल थी और सै परमेश्वरा रै घौरा छ़ाडीयौ केशी ना डेआ थी । सै ब्रोत और प्राथना कौरी कौरियौ राची दिनै परमेश्वरा री भौक्ति कौरा थी। ³⁸ और सेज़ै भौक्ते तिऐ आशियौ परमेश्वरा रौ धन्यावाद कौरदी थी लागी औन्दी, और ति़ऊं सभी कै ज़ुण यरुश्लेमा रै छ़ुटकारै पौखदै थै लागै औन्दै, यीशु रै बारै दी बुशै लाइदै लागी। ³⁹ जैबै तिउंऐ प्रभु रै नियमा कौरीऐ सारौ काम पुरौ कियौ, तैबै सै गलील प्रदेशा दी आपणै गांव नासरता लै डेई गौए। ⁴⁰ यीशु बौड़दै लागौ, आत्मा दी मज़बूत और अकल बुद्धि कौरिऐ भी भौरिदौ लागौ, और परमेश्वरा री दया तेस माथै थी।

छ़ोहरू यीशु परमेस्वरा रै घौरा दी

⁴¹ हर सालै यीशु और यीशु रै मां-बाप फसह रै साज़ै मनाउणा लै यरूशलेमा लै डिआ थै इणौ कौरनौ सारै यहूदी लोगु लै ज़रूरी थौ। ⁴² ज़ेबी यीशु बारहा साला रौ थौ। तैबै सै सारै साज़े लै यरूशलेमा लै डेवे, ज़िणै सै हर सालै डिआ थै। ⁴³ ज़ैबै सै साज़ै रै दिन पूरै हुऐ तैबै सै आपणै घौरै वापिस डेवै और माऊं यीशु रौऔ यरुशलेमा दी, और तेसरै मां-बापा कै ना लागौ पौतौ। ⁴⁴ तैबै तिउंऐ समझौ कि सेऊ ओरी आदमीऊ आईले औलौ। एकी दिन आंडिऔ बितणै बासिऐ सै यीशु आपणै पड़ौसी और ज़ीयै तिंउरै जाननै वालै थै तिऐ लोड़दै लागै। ⁴⁵ पर ज़ैबै तिऊं कै यीशु नांई मिलौ तैबै सै लोड़दै-लोड़दै यरूशलेमा दी वापिस पहुचै। 46और चीज़ै दिना बासिऐ तिउंऐ यीशु परमेश्वरा रै घौरा दी तिऊं मांझिऐ बौशौ औन्दौ देखौ ज़ुण तिऐ शिक्षा दिया थै। और सेऊ तिउंरी शुणदै और सवाला पुछदै तेहरै मां-बाबै देखो। ⁴⁶ और चीज़ै दिना बासिऐ तिउंऐ यीशु परमेश्वरा रै घौरा दी तिऊं मांझिऐ बौशौ औन्दौ देखौ ज़ुण तिऐ शिक्षा दिया थै। और सेऊ तिउंरी शुणदै और सवाला पुछदै तेहरै मां-बाबै देखो। ⁴⁷ ज़ैती भी तिऐ शुणदै थै लागै औन्दै सै सब यीशु री औकल और ज़वाबा शुणीयौ हैरान थै। ⁴⁸ तैबै यीशु रै मां-बाप आपणै छोहरू देखियौ हैरान हुऐ और तेसरी आमै मरियमे तेसलै बोलौ ओ मैरौ छोहरू ताइंऐ आंमु आईलै इणौ बरताब कैले कियौ। देख तैरौ बाब और हांऊ केती परेशानी कौरीयै थै ताऊं लोड़दै लागै औन्दै। ⁴⁹ यीशुऐ तिऊं लै बोलौ तुमे मु लोड़दै केलै ई लागै औन्दै का तुमु के ठेऊ नाईं कि मुं परमेश्वरा रै घौरा दी रोइणौ ज़रूरी आ। ⁵⁰ पर ज़ो बूश यीशुऐ तिऊं आइलै बोली, से तेसरै मां-बाबा के नांई समझ़ुई, ⁵¹ तैबे सेऊ तिऊं आईलै नासरत गांवा दी आशौ और तिऊं आईलै रौ और तेसरी मांऐ मरियमे ऐ सारी बुशै आपणी जीवा दी छ़ाडी। ⁵² यीशु औकली दी और शरीरा दी परमेश्वर और आदमी री कृपा कौरी बौड़दै लागौ।

यूहन्ना बपतिस्मा देणै वाल़ै री खुशी री खौबर

(मती3:1-12; लूका1:1-8; यूहन्ना1:19-28)

¹ ज़ेबी तिबिरियुस नांवा रै बौड़ै राज़ै रौ राज़ थौ तेसरै पौन्दरवी साले ज़ेबी पुन्‍तियुस पिलातुस यहुदा परदेशा रौ आफसर थौ, गलील इलाकै दी हैरौदेस, इतुरिया और त्रखोनीतिस इलाकै दी थौ तेसरौ भाई फिलिफुस, और अविलेने इलाकै दी थौ लिसानियास इयै सारै च़ोथै हिस्सै रै आफसर थै। ² ज़ेबी हन्ना और कैफा एज़ै इलाकै रै परधान याजक थै, सेजै वक्ता दी परमेश्वरा रौ वचन ज़ांगला दी जकरय्याह रै छ़ौहरु यहुन्ना काऐ पौउंचौ। ³ यहुन्ना यरदन नौईं रै नज़दीका रै इलाकेउ दी डेइयौ परचार कौरदै लागौ कि,“यहुन्ना बप्तिस्मा दैणै वाल़ौ| सारै लोग आपणै-आपणै पापा कु माफी पाइणा ले बुरै कामा कु मन बौदल़ौ़ और बप्तिस्मा निंऔ। ⁴ ज़िणौ यशायाह गुरुऐ भौरी साल पैहलै थौ लिखौ औन्दौ कि,“सुनसान ज़ागहा दी एक आकै मारीयौ बोलदै लागौ औन्दौ, प्रभु री बाट तैयार और सिधी कौरौ , ⁵ और सारी घाटी भौरीया सारै उंच़ै ड़ांडै धौनी झुका ई, और ज़ो दारखै-बांगै, उंच़ै-निउठै ई सै बराबर बौणाई। ⁶ और सारै लोग परमेश्वर री मुक्ति और भौलाई देखा ई। ⁷ ज़ेती भी लोगु री भीड़ यहुन्ना काऐ बप्तिस्मा निंदै आशा थी। सेऊ तिउलै बोला थौ, "ओ सापा रै छ़ोहरू ओ तुमै कुणीयै च़ितलाऐ कि तुमै परमेश्वरा रै आशणै वाल़ै रोशा कु भागौ। ⁸ आबै तुमै बुराई कु मन बदुलनै लाईक फल़ आणौ। तुमै आपणै ज़ीवा दी इणौ ना सुंच़ौ कि आमारौ बाब अब्राहम आ। हाऊं तुमुलै बोलाऊ कि परमेश्वर इंऊ पात्थरू कु भी अब्राहमा कालै सन्तान पैदी कौरी सौका आ। ⁹ आबै परमेश्वरा रै रोशा री कुराड़ पैडु री ज़ौडी काऐ छ़ाडी ऐन्दी ज़ो पेड़ आच्छ़ौ फल़ नाईं आणालौ तेस काटियौ आगी दी पा ई। ¹⁰ लोगुऐ यहुन्ना कु पुछ़ौ, "तैबै परमेश्वरा रै रोशा कु बौच़णा लै आमुऐ का च़ांई कौरनौ। 11यहुन्नै तिउंलै ज़वाब दैऔ, “ज़ासकै दुई कुरतै ई तिणिऐ एक कुरतौ तेसकै च़ांई दैणौ ज़ासकै नांई आ और ज़ासकै रोटी ई तिणिऐ भी च़ांई बांटीऔ खाणी। ¹¹ यहुन्नै तिउंलै ज़वाब दैऔ, “ज़ासकै दुई कुरतै ई तिणिऐ एक कुरतौ तेसकै च़ांई दैणौ ज़ासकै नांई आ और ज़ासकै रोटी ई तिणिऐ भी च़ांई बांटीऔ खाणी। ¹² तैबै मामलै निणै वाल़ै भी बप्तिस्मा निंदै आशै, तिउंऐ यहुन्ना कु पुछ़ौ कि, ओ गुरू, “आमै का कौरूलै?” ¹³ तिणिऐ तिंऊ लै बोलौ इमान्दार बौणौ ज़ेती तुमुलै मामलै निणा लै आ बोलौ औन्दौ, तेथकु ज़ादौ मामलौ नांई निऔ। ¹⁴ तैबै सिपाइउऐ भी तेसकु पुछ़ौ आमै का कौरू लै? यहुन्नै तिऊं लै बोलौ तुमै कासी भी आदमी तंग नाई कौरेऊ, और ना कासी माथै झ़ुठै आरोप लाएऊ, ज़ेती तुमुलै मज़दूरी मीला सा तेती दी खुश रौऔ। ¹⁵ लोगुऐ पैहलै कु थी मसिह आशणे री आश लाई औन्दी, तिउंऐ आपणै ज़िवा दी यहुना रै बारे दी सुंच़ौ, का एऊ ता नाईं सेऊ मसिह? ¹⁶ तैबै यहुनै तिउंलै बोलौ, “हाऊं ता तुमुलै पाणी कौरी बप्तिस्मौ दिआऊ। पर ज़ो सेऊ आशणे वाल़ौ मसिहा सा सेऊ मुकु ज़ादौ शक्ती वाल़ौ आ। हाऊं ता तेसरै बुटा रै तौसमै खोलनै रै लायक भी नाईं, सेऊ तुमुलै परमेश्वरा री आत्मा और आगी कौरीऐ बप्तिस्मौ दिआ आ। ¹⁷ तेसरौ शुपौ तेसरै हाथा दी आ सेऊ आपणौ खौल़ौ आच़्छ़ै कौरीऐ साफ कौरा। तैबै गिऊं छ़ाड़ा आपणी खौन्दीआल़ी दी भूस ज़ाल़ा आगी दी ज़ो आग केबी ना इशदी। ¹⁸ यहुना भौरी शिक्षा देई-देइयौ लोगु कै खुशी रौ सन्देश शुणावा थौ। ¹⁹ और यहुनै हैरोदेस ज़ुण इस्राएल देशा रै च़ोथै हिस्सै रौ आफसर थौ सेऊ भी डांटौ कैलैकि हैरोदेसै आपणै भाई फिलीपुसा री छ़ेउड़ी आइलै बुरै काम किऐ थै। ²⁰ पर हैरोदेसै तिऊं सौभी बुरै कामा कु भी एज़ौ बुरौ काम कियौ कि तिणीऐ यहुना ज़ेला दी पाऔ।

यीशु रौ बपतिस्मौ

(मती3:13:1:17; मरकुस1:9-11)

²¹ ज़ेला दी डेउणै कु पैहलै, एकी दिनै ज़ेबी यहुना बप्तिस्मा दैन्दै थौ लागौ औन्दौ। तेबी यीशुऐ भी बप्तिस्मौ निऔं। बप्तीस्मा नीं ई औ, ज़ेबी यीशु प्राथना कौरदै थौ लागौ औन्दौ तेबी सौरग खुलौ। ²² और परमेश्वरा री आत्मा कबुतरा रै रुपा दी यीशु माथै आशी, और सौरगा कु परमेश्वरा री हाक शुणुई कि, “तू मैरौ गौरतौ छ़ोहरू ई हाऊं ताऊं कु भौरी खुश ऊ।”

यीशु रौ वंश

(मती1:1-17)

²³ ज़ेबी यीशुऐ शिक्षा देणी शुरू की, तेबी यीशु री उमर तकरीबन तीस साल थी। ज़िणौ लोग ज़ाणा थै कि युसुफ ता एली रौ छ़हरू थौ, ²⁴ और एली थौ मत्ताता रौ, और मत्तात थौ लेवी रौ, लेवी थौ मलकी रौ, मलकी थौ यन्ना रौ, यन्ना थौ युसुफा रौ, ²⁵ युसुफ थौ, मतित्याह रौ, मतित्याह थौ आमोसा रौ, आमोस नहुमा रौ, नहुम थौ असल्याह रौ, और सेऊ थौ नोगहा रौ, ²⁶ नोगहा थौ माता रौ, मात थौ मतित्याह रौ, सेऊ थौ शिमी रौ, शिमी थौ योसेखा रौ, योसेख थौ योदाहा रौ, ²⁷ योदाह थौ युहना रौ, युहना थौ रेसा रौ, रेसा थौ जरुब्बाबिला रौ, सेऊ थौ शलतिएला रौ, शालतिएल थौ नेरी रौ, ²⁸ नेरी थौ मलकी रौ, मलकी थौ अद्दी रौ, अद्दी थौ कोसामा रौ, कोसाम थौ इलमोदामा रौ, इलमोदाम थौ एरा रौ, ²⁹ और एर थौ यहोशुआ रौ, यहोशुआ थौ इलज़ारा रौ इलज़ार थौ योरीमा रौ, योरीम थौ मत्तता रौ, मत्तात थौ लेवी रौ, ³⁰ लेवी थौ शमौना रौ, शमौन थौ यहुदा रौ, यहुदा थौ युसुफा रौ, युसुफ थौ योनाना रौ, योनान थौ इलियाकीमा रौ, ³¹ इलियाकीम थौ मेलिया रौ, मेलिया थौ मिन्नाह रौ, मिन्नाह थौ मत्ताता रौ, मत्तात थौ नाताना रौ, नातान थौ दाऊदा रौ, ³² और दाऊद थौ यिशै रौ, यिशै थौ ओबेदा रौ, ओबेद थौ बोअज़ा रौ, बोअज़ थौ सलमोना रौ, सलमोन थौ नहशोना रौ, ³³ नहशोन थौ अम्मीनादाब रौ, सेऊ थौ आदमीना रौ, आदमीन थौ अरनी रौ, अरनी थौ हिस्रोना रौ, हिस्रोन थौ फिरिसा रौ, फिरिस थौ यहुदाह रौ, ³⁴ और यहुदाह थौ याकूबा रौ, याकूब थौ इसहाका रौ, इसहाक थौ अब्राहमा रौ, अब्राहम थौ तिरहा रौ, तिरह थौ नाहोरा रौ, ³⁵ सेऊ थौ सरुगा रौ, सरुग थौ रऊ रौ, रऊ थौ फिलिगा रौ, फिलिग थौ एबीरा रौ, एबीर थौ शिलहा रौ, ³⁶ शिलह थौ केनाना रौ केनान थौ अरफक्षदा रौ, सेऊ थौ शेमा रौ, शेम थौ नूह रौ नूह थौ लिमिका रौ, ³⁷ लिमिक थौ मथूशिलह रौ, सेऊ थौ हनोका रौ, हनोक थौ यिरिदा रौ यिरिद थौ महललेला रौ महललेल थौ केनाना रौ, ³⁸ और केनान थौ यनोशा रौ, यनोश थौ शेता रौ, शेत थौ आदमा रौ, और आदम थौ परमेश्वरा रौ छ़ोहरू।

यीशु रौ इम्तीहान

(मती4:1-11; मरकुस1:12-13)

¹ तैबै यीशु परमेश्वरा री आत्मा कौरीऐ भौरुइयौ यरदन नौईं काऐ कु वापिस डैऔ और चालिस दिना झ़ाऊं पवित्र आत्मा रै ज़रियै सुनसान ज़गह दी आंडदै लागौ, तिऐ शैतान यीशु पौरखदै लागौ। ² तिऊं चालिस दिना दी यीशुऐ कुछ़ा ना खाऔ पिऔ, ज़ैबै सै दीन पुरै हुऐ तैबै यीशु कै भूख लागी। ³ तैबै शैतानै यीशु लै बोलौ, “आगर तू परमेश्वरा रौ छ़ोहरू ई ता एस पात्थरा लै बोल कि रोटी बौण।” ⁴ यीशुऐ शैताना लै ज़वाब दैऔ, “पवित्र शास्त्रा दी इणौ लिखौ औन्दौ कि आदमी सिरफ रोटी ई कौरीऐ ज़ीउंदौ नाईं रौउंदौ, ⁵ तैबै शैतानै यीशु उंच़ी ज़ागह दी निऔं और तिणीऐ यीशुकै एकी गौड़ीऐ दुनीया रै सारै मुलुख देखाल़ै। ⁶ और यीशु लै बोलौ, ‘हाऊं दुनीया रै सारै हक और महिमा ताऊं कै दियाऊ, कैलैकि इयौ सारौ मुकै आ सौंभाल़ौ औन्दौ, हाऊं ज़ासकै च़ाह ऊ तेसकै दिआऊ। ⁷ अगर तू मुकै झुकीयौ ढाल कौरालौ ता एऊ सब कुछ़ तैरौ हुआ सा। ⁸ यीशुऐ तेसलै ज़वाब दैऔ, “कि पवित्र शास्त्रा दी इणौ आ लिखौ औन्दौ, कि “तू आपणै परमेश्वरा काऐ झुकीयौ ढाल कौर और सिर्फ तेसी री भौक्ती कौर। ⁹ तैबै शैतानै यीशु यरुश्लेमा दी निऔं और तिऐ परमेश्वरा रै घौरा रै छ़ापरा माथै खौड़ौ कियौ और तेसलै (यीशु) लै बोलौ अगर तू परमेश्वरा रौ छ़ोहरू ई ता इदरू तौल़ै फाल़ दै। 10कैलैकि पवित्र शास्त्रा दी इणौ आ लिखौ औन्दौ तैरै बारै दी “कि परमेश्वर आपणै दूता लै हुकम दिया कि सै ताऊं बौच़ावा। ¹⁰ कैलैकि पवित्र शास्त्रा दी इणौ आ लिखौ औन्दौ तैरै बारै दी “कि परमेश्वर आपणै दूता लै हुकम दिया कि सै ताऊं बौच़ावा। ¹¹ सै ताऊं हाथा-हाथा दी नीयां ई ताकी तैरै बांगणे दी पात्थरा कु ठोकर ना लागा। ¹² यीशुऐ तेसलै ज़वाब दैऔ। “पवित्र शास्त्रा दी इणौ भी आ लिखौ औन्दौ कि, “तू आपणौ परमेश्वर ना पौरखै। ¹³ ज़ैबै शैतानै यीशु री परिक्षा कौरी एरी तैबै सेऊ कुछ़ बौग्ता लै यीशु काऐ कु पोरु डैऔ।

यीशु री सेवा रै कामा री शुरुआत

(मती4:12-17; मरकुस1:14-15)

¹⁴ तैबै पवित्र आत्मा री शक्ति कौरी भौरुईयौ यीशु गलीला लै वापिस डैऔ। और यीशु रै बारै दी बुशै आस-पड़ोसा रै देशा दी फौइली गोई। ¹⁵ और यीशु यहुदीऊ रै आराधना कौरने री ज़ागहा दी शिक्षा दैंदै लागौ। और सारै लोग यीशु री बौड़ाई कौरा थै।

नासरता दी यीशु री बेइज्ज़ती

(मती13:53-58; मरकुस6:1-6)

¹⁶ ज़ैबै यीशु नासरत गावां दी आशौ ज़िऐ सेऊ धाचौ-पाल़ौ थौ। सेऊ रोज़ कै ज़िणौ आरामा रै दिना दी धार्मिक खुम्बल़ी दी डैऔ तिऐ धर्म शास्त्र पौड़ना लै खौड़ी हुऔ। 17और यीशु कै पौड़ना लै यशायाह गुरू री किताब देई, और यीशुऐ सै किताब खोली और तिदरु पौड़दै लागौ ज़िऐ इणौ थौ लिखौ औन्दौ, ¹⁷ और यीशु कै पौड़ना लै यशायाह गुरू री किताब देई, और यीशुऐ सै किताब खोली और तिदरु पौड़दै लागौ ज़िऐ इणौ थौ लिखौ औन्दौ, ¹⁸ “प्रभू री आत्मा मुं माथै आ, कैलैकि तिणीऐ हाऊं गरीबू लै खुशखबरी शुणाउणा लै च़ुनौ ऊ। और हाऊं एथीलै भेज़ो ऊ कि, गुलामु लै छ़ुटकारै रौ और ‍शेड़ेऊ लै देखणे री खुशखौबरी शुणाऊ, और दुखी लाच़ार लोगु तिऊं कु बौच़ाऊ ज़ुण तिऊं माथै ज़ुलम कौरा आ। ¹⁹ केलैकि परमेश्वरा री तौरफा कु आमु माथै दया कौरनै रौ बौग्त आशी गौ आ। ²⁰ तैबै यीशुऐ सै किताब बन्द कौरीयौ तिदलै नुकरा कै देई, और आपु बोशौ धौनी। तैबै ज़ो लोग शुणदै थै लागै औन्दै सै लोग यीशु भीलै बौड़ै च़ाहा कौरीऐ देखदै लागै। ²¹ तैबै यीशु तिउंलै बोलदै लागौ, आज़ ही तुमारै सामनै एऊ लिखौ औन्दौ (वचन) पुरौ हुऔ। ²² ज़ो भी लोग तिऐ मौज़ूद थै सै सारै खुश हुऐ और यीशु रै मुआं कु दया वाल़ी बूशै शुणीयौ हैरान हुऐ, कि एऊ सब किणौ हुई सौका? सै आपु मांझ़ीऐ चौपड़ींदै लागै “का एऊ युसुफा रौ छ़ोहरू नाईं?” ²³ यीशुऐ तिउंलै बोलौ, “शायद तुमै मुं माथै इणी कहावत ज़ुरुरी बोला ई कि, “ले डाकटरा आपणौ इलाज़ ता कौर और ज़िणै ताऐं कफरनहुमा गावां दी चमतकार किऐ ई तिणै चमतकार इदै आपणै गावां दी भी कौर? ²⁴ पर सौच़्च़ाई इऐ आ कि केज़ै भी गुरू लै आपणै गावां या इलाकै दी इज़्ज़त मान नाईं मिलदी। ²⁵ यीशुऐ औज़ौ बोलौ, हाऊं ताउंलै सच्च़ौ बोलाउ कि, एलियाह रै बौग्ता दी ज़ेबी साड़ै चिया साला झ़ाऊं शुकौ पौड़ौ और सारै देशा दी बौड़ौ काल़ पौड़ौ, तेबी इस्राएल देशा दी भौरी इणी विधवा छ़ेउड़ी थी।” ²⁶ पर परमेश्वरै एलियाह भविष्यवक्ता तिऊं कासी काऐ ना भेज़ौ, पर सेऊ सैदा शहरा रै सारपत गावां दी एकी विधवा काऐ भेज़ौ ज़ो यहुदी नाईं थी। ²⁷ या एलिशा गुरू रै बारै दी विच़ार कौरौ ज़ुणीऐ नामान कोड़ी ठीक कियौ आ ज़ो सिरीया देशा रौ थौ। ज़ैबै कि सेज़ै बौकता दी इस्राएला दी भौरी कोड़ी थै, ज़ासकै तेबी च़ांगै हुणै री भौरी ज़ुरत थी। ²⁸ धार्मिक खुम्बल़ी दी ज़ो लोग इऊं बूशु शुणदै थै लागै औन्दै सै भौरी रोशुऐ। ²⁹ और तिउंऐ खौड़ी उठीऔ यीशु घेरौ और शहरा कु बाइरै गाड़ौ, ज़ेज़ी पहाड़ी माथै तिऊंरौ शहर थौ बौसौ औन्दौ, और सेऊ तिऐ पहाड़ी रै टिरा माथै निऔ ताकी तेस तिदरु तौल़ै पा। ³⁰ पर यीशु तिऊं मांझ़ीआ कु निकल़ीऔ पोरु डैऔ।

बुरी आत्मा वाल़ौ आदमी च़ांगौ कौरणौ

(मरकुस1:21-28)

³¹ तैबै यीशु गलील परदेशा रै कफरनहुम इलाकै दी डैऔ और तिऐ हर आराम वाल़ै दिना दी लोगु लै शिक्षा दिआ थौ। ³² तिदै भी लोग यीशु री शिक्षा शुणीऔ हैरान हुऐ कैलैकि यीशु वचन हका कौरीऐ बोला थौ। ³³ एकी दिनै यीशु धार्मिक खुम्बल़ी दी थौ, तिऐ एक इणौ आदमी थौ ज़ासदी बुरी आत्मा थी, सेऊ यीशु लै ज़ोरै हाका मारीयौ बोलदै लागौ। ³⁴ “ओ यीशु आमुकै ताऊं कु का काम आ? का तू आमु नाश कौरदे ई आशौ औन्दौ? हाऊं ताऊं ज़ाणाऊ कि तू कुण ई, तू परमेश्वरा री तौरफा कु भेज़ौ औन्दौ पवित्र आदमी ई। ³⁵ यीशुऐ तेसलै डांटीयौ ज़वाब दैऔ, “च़ुटुक थाक” और एस आदमी कु बाइरै निकुल़” तैबै तिंऐ बुरी आत्मै सेऊ आदमी मांझ़िऐ धौनी बिछ़ांडौ बिणा नुकसान कौरीयौ तेसकु बाइरै निकल़ी। ³⁶ तैबै सै हैरान हुऐ और आपु मांझ़ीऐ चौपड़ुईयौ बोलदै लागै, एस आदमी रै हुक्मा दी का शक्ती और हक आ; “कि बुरी आत्मा भी एसरी शुणीऔ पोरु भागा ई” ³⁷ यीशु री बूशै आगी बाशीऐ सारै मुलखा दी फैली गोई।

पतरसा री शाशु और ओरी लोगु च़ांगै कौरणै

(मती8:14-17; मरकुस1:29-34)

³⁸ सेज़ै दिना दी यीशु धार्मिक खुम्बल़ी कु निकल़िऔ शिमौना रै घौरै डैऔ। तिऐ शिमौना री शाशु बुखारा कौरीऐ भौरी बिमार थी, सौभी यीशु कु औरज़ कौरदे लागै कि इऐं ठीक कौरौ। ³⁹ यीशु ऐ तियां काऐ खौड़ी हुईयौ तिआंरै बुखार डांटै और तिंआरै बुखार ठीक हुऐ। सै खरकच़ार खौड़ी हुई और तिउंरी सेवा कौरदै लागी। ⁴⁰ दूस ओड़दै- ओड़दै तेस गावां दी ज़ासरै काऐ लोगु दी काई रौंगा री बिमारी थी लागी औन्दी तिऊं सब यीशु काऐ आणा थै। यीशुऐ सारै बिमार लोगु माथै हाथ छ़ाड़ै और सारै च़ांगै किऐ। ⁴¹ भौरी लोगु दी बुरी आत्माऐं थी, सारी बुरी आत्माऐं यीशु री आज्ञा शुणीयौ बाईरै निकल़ा थी और हाकै मारीयौ बोला थी कि तू परमेश्वरा रौ छ़ोहरु ई। "कैलैकि सै बुरी आत्माऐं ज़ाणा थी कि यीशु ही मसीहा सा।

आराधनालय दी प्रचार कौरणौ

(मरकुस1:35-39)

⁴² दुजी दोअती यीशु शहरा कु निकल़ीऔ सुनसान ज़ागहा दी डैऔ, और सारी भीड़ यीशु लोड़दै-लोड़दै यीशु काऐ आशीऔ तेस रोकदै लागी कि आमु छ़ाड़ीयौ नाईं डेऊ, ⁴³ पर तिणीऐ बोलौ मुं ओरी लोगु मांझ़ीऐ भी परमेश्वरा रै राज़ा रौ खुशी रौ सन्देश शुणाउणौ ज़ुरुरी आ कैलैकि हाऊं एथीले ऊ भेज़ौ औन्दौ। ⁴⁴ और यीशु गलील परदेशा दी धार्मिक खुम्बल़ीउ दी खुशी रौ सन्देश देंदै लागौ।

पैहलै च़ेलेऊ औटाऊणै

(मती4:18-22;मरकुस1:16-20)

¹ एकी दिनै यीशु गन्नेसरत नावां रै समुन्दरा रै डीका काऐ खौड़ौ थौ। तिऐ यीशु रै वचना शुणदै एतरी भीड़ कौठै हुई कि यीशु माथै थी पौड़दै लागी ऐन्दी, तैबै इणौ हुऔ, ² यीशुऐ समुन्दरा रै डीका दी दुई किश्ती देखी, और झ़ींवर थै किश्ती कु उतरी औ ज़ाल़ा धोउंदै लागै औन्दै। ³ यीशु तिऊं किश्ती मांझीया कु एकी किश्ती दी च़ौड़ौ, ज़ो शिमौन नावां रै आदमी री थी। तैबै यीशुऐ शिमौना लै बोलौ इऐं किश्ती डीका काऐ कु थोड़ौ पौल़डै नीऊ़, तैबै यीशु किश्ती दी बोशीयौ लोगुलै शिक्षा दैंदै लागौ। ⁴ ज़ैबै यीशु शिक्षा देइयौ फारीक हुऔ तैबै शिमौना लै बोलौ इयैं किश्ती समुन्दरा रै बिचा दी नीऊं, और माछ़ीऊ पाकुड़ना लै आपणौ ज़ाल़ समुन्दरा दी पा। ⁵ शिमौनै यीशु लै बोलौ, "ओ गुरू आमुऐ पुरी राचीऐ माच़्छ़ी पाकुड़ना लै भौरी मैहनत की आ पर कुछ़ ना पौड़ौ, तेबै भी हाऊं तुमारै बोलनै माथै ज़ाल़ पा ऊ।" ⁶ ज़ैबै तिउंऐ ज़ाल़ पाऔ तैबै तिंउरै ज़ाल़ा दी भौरी माच़्छ़ी फौसी इदरा झ़ाऊं कि तिंउरै ज़ाल़ भी च़ीरीन्दै लागै। ⁷ तैबै तिउंऐ आपणै साथीऊ लै ज़ो दुजी कीश्ती दी थै, साना कौरी बोलौ ओरु आशौ आमारी मज़द कौरौ, तैबै सै तिऊं काऐ आशै और तिउंऐ दुईया कीश्ती दी एतरी माच़्छ़ी भौरी कि तिउंरी कीश्ती भी डुबदै लागी। ⁸ इणै देखीयौ शिमौन पतरसै यीशु रै बांगणै माथै पौड़ीऔ यीशु लै बोलौ, "ओ प्रभु, मुकाऐ कु पोरु डैऔ केलैकि हाऊं पापी आदमी ऊ। ⁹ कैलैकि एतरी माच़्छ़ीऊ पाकड़ीयौ शिमौन और तेसरै साथीऊ के भौरी हैरानी हुई। 10तिणी ई जबदी रै छ़ौहरू याकूब और यहुना कै भी हैरानी हुई ज़ो शिमौना रै साथी थै। तैबै यीशुऐ शिमौना लै बोलौ, "नाईं डौर आज़ा कु तू आदमीऊ मुकाऐ आणा ई ¹⁰ तिणी ई जबदी रै छ़ौहरू याकूब और यहुना कै भी हैरानी हुई ज़ो शिमौना रै साथी थै। तैबै यीशुऐ शिमौना लै बोलौ, "नाईं डौर आज़ा कु तू आदमीऊ मुकाऐ आणा ई ¹¹ तिउंऐ आपणी-आपणी किश्ती डीका काऐ आणी और सब कुछ़ छ़ाड़ीयौ यीशु पीछ़ु डेवै।

कोढ़ा वाल़ौ आदमी ठीक कौरणौ

(मती8:1-4; मरकुस1:40-45)

¹² एकी इलाकै दी यीशु कै एक कोड़ी आदमी मिलौ और सेऊ धौनी झ़ुकीयौ यीशु कै औरज़ कौरदै लागौ कि, "ओ प्रभु अगर तू च़ाह लौ ता मु च़ांगौ कौरी बौल़ा ई" ¹³ यीशुऐ तेस कोड़ी माथै हाथ छ़ाड़ौ और बोलौ, "हाऊं च़ाह ऊ कि तू च़ांगौ हु ऊ।" और तेबी तेसरौ कोड़ ठीक हुऔ। ¹⁴ तैबै यीशुऐ सेऊ च़ितलाऔ, "कि ज़ो कुछ़ ताऊं आइलै हुऔ आ तेस कासी आईलै ना बोलै" पर डेऊ याजका काऐ देखाल़ीऊ और परमेश्वरा रै आपणै सेवक मुसा रै ज़रीऐ ज़ेज़ै नियम ई दैऔ औन्दै तिऊं अपणाईयौ बौल़ी च़ौड़ाऊ ताकी सै तैरै बारै दी लोगु काऐ बोला कि तू च़ांगौ हुई गो ई ¹⁵ पर यीशु री खौबर सारै मुलखा दी फैली गोई, भौरी लोग तेसरी शिक्षा शुणदै और आपणी बिमारी कु च़ांगै हुणा लै यीशु काऐ कौठै हुन्दे लागै। ¹⁶ पर यीशु एखुली सुनसान ज़ागहा दी डेईयौ प्राथना कौरा थौ।

अधरौंगा वाल़ौ आदमी च़ांगौ कौरणौ

(मती9:1-8; मरकुस2:1-12)

¹⁷ एक दिनै इणौ हुऔ कि यीशु एकी घौरा दी शिक्षा दैंदै थौ लागौ औन्दौ तिऐ फरिसी और तिंउरै नियमा रै गुरू थै बोशै औन्दै, ज़ो गलील और यहुदिया परदेशा रै हरेक गाऊं और यरुश्लेमा कु थै आशै औन्दै, और च़ांगै कौरना लै प्रभु री शक्ती यीशु आइलै थी। 18सेज़ै बौग्तै तिऐ कुछ़ लोगुऐ एक इणौ आदमी बिस्तरै दी आणौ ज़ासकै आपणै ज़िस्मा रौ केज़ो भी अंग नाईं हिलाइया थौ, यीशु काऐ पऊंच़ाऊणा लै तिउंऐ भीड़ा मांझ़ीऐ काफी कोशीश की ताकी यीशु तेस बिमार आदमी ठीक कौरा। ¹⁸ सेज़ै बौग्तै तिऐ कुछ़ लोगुऐ एक इणौ आदमी बिस्तरै दी आणौ ज़ासकै आपणै ज़िस्मा रौ केज़ो भी अंग नाईं हिलाइया थौ, यीशु काऐ पऊंच़ाऊणा लै तिउंऐ भीड़ा मांझ़ीऐ काफी कोशीश की ताकी यीशु तेस बिमार आदमी ठीक कौरा। ¹⁹ पर भीड़ा रै कारण सै यीशु काऐ नाईं पौऊंच़ी बौल़ै तैबै सै तेस घौरा रै छ़ापरा माथै डेवे और छ़ापरा कु कुछ़ ज़ाण्टै गाड़ीयौ च़ारपाई रै च़ारा कुणै दी लोऊल़ी बानीयौ सेऊ बिमार आदमी यीशु काऐ धौनी उतारौ। बिमार आदमी धौनी यीशु काऐ उतारौ छ़ापरा बाटीऐ ²⁰ इणै कौरी यीशुऐ तिंउरै विश्वासा देखीयौ तेस बिमार आदमी लै बोलौ, "ओ छ़ोहरू तैरै पाप माफ हुई गौऐ ई" ²¹ तैबै शास्त्री और फरिसी आपु मांझ़ीऐ गुणमुणांदै लागै, "एऊ कुण आ इणौ पा ज़ुण परमेश्वरा री बुराई कौरा सा? पाप ता सिर्फ परमेश्वर ही माफ कौरा। ²² यीशुऐ तिउंरी मौना री बुशै ज़ाणी गोई, तैबै यीशुऐ तिंउलै बोलौ तुमै इणौ कैलै सुचांई कि हाऊं परमेश्वरा री बैइज़ती कौरदेउ लागौ औन्दौ। ²³ आसान का सा? बिमार आदमी लै इणौ बोलनौ कि ’तैरै पाप माफ हुई गौऐ’ या इणौ बोलनौ कि ’खाड़ी ऊठ आपणौ बिस्तर च़ुंग और आंडदै लाग?’ ²⁴ तुमकै देखाणलै कि "आदमी रै छोहरू” कै धौतरी माथै पाप माफ कौरनै रौ भी हक आ तैबै यीशुऐ तेस बिमार आदमी भीलै देखीयौ बोलौ हाऊं ताउंलै बोलाऊ, खौड़ी उठ, आपणौ बिस्तर च़ुंग और आपणै घौरै डेऊ। तू ठीक हुई गो ई। ²⁵ सेऊ आदमी खरकचार तिऊंकाऐ कु उठीयौ खौडौ हुऔ, और ज़ेथ माथै सेऊ आणौ थौ तेस बिस्तर च़ुंगीयौ परमेश्वरा री बौड़ाई कौरी-कौरीयौ तिदरु आपणै घौरे डैऔ। ²⁶ इणै देखीयौ सारै लोग हैरान हुऐ और परमेश्वरा री बौड़ाई कौरदै लागै, और डौरीयौ बोलदै लागै आज़ आमुऐ नोखी बुश देखी आ।

लेवी औटाउणौ

(मती9:9-13;मरकुस2:13-17)

²⁷ तेथ बासिए ज़ैबै यीशु तेस इलाकै कु बाइरै डैऔ। तेबै यीशुऐ लेवी नावां रौ एक मामलै निणै वालौ, आडै माथै बोशौ औन्दौ देखौ। और यीशुऐ तेसलै बोलौ, “मु पिछु आश।" ²⁸ तैबै सेऊ तेबी आपणौ सब कुछ़ छ़ाड़ीयौ यीशु पिछ़ु आंडदै लागौ। ²⁹ तैबै तीणी लैवी ऐ यीशु आपणै घौरै निऔं और बौडी धाम देई, तिऐ मामलै निणै वाल़ै और भौरी लोग तिऊं आइलै रोटी खादै बोशी गोए। ³⁰ इणै देखीयौ फरीसी और तिंउरै शास्त्री यीशु और तेसरै च़ेलेऊ लै बोलदै लागै कि, "तुमै मामलै निणै वाल़ै और पापी लोगु आइलै रोटी कैलै खा पिआ ई?" ³¹ यीशुऐ तिउंलै ज़वाब दैऔ कि डाक्टरा री ज़रुरत भलै-चांगै आदमी लै नांई पर बिमार आदमी लै औआ सा। ³² हांऊ धर्मी आदमी नांई पर पापी आदमी रै मन बदुलना लै ऊ आशौ औन्दौ।

ब्रौता(उपवासा) रौ सवाल

(मती9:14-17; मरकुस2:18-22)

³³ फरिसी और शास्त्रीयु ऐ यीशु लै बोलौ, "युहन्ना रै च़ेलै ता नियमा कौरिए घौड़ी-घौड़ी ब्रौत छ़ाड़ा और प्राथना कौरा ई, और तिणी ई फरिसी रै च़ेलै भी कौरा ई, पर तैरै चेलै ता सौदा खा पिया ई।" ³⁴ यीशुऐ तिऊं कु पुछ़ौ, “ज़ेबी झ़ाऊं लाड़ौ तिऊं आइलै साथा दी हुआ का तेबी बराती ब्रौत छ़ाड़ाई? ³⁵ पर सेज़ै दिन भी आशा ई ज़ेबी लाड़ौ तिऊं कु अलग कौरालै सेज़ै बौग्ता दी सै ब्रौत कौराई। ³⁶ यीशुऐ तिउंलै एक औनेणौ भी दैऔ, “केज़ौ भी आदमी नौऐं जुड़कै रौ टालकौ पुराणै जुड़कै दी नांई लाइंदौ। नाईं ता धोइदीं बारै सेऊ नौऐं जुड़कै रौ टालकौ तेस पुराणौ जुड़कौ पौरु थोसियौ ज़ादडौ चीरा सा। और सेऊ टालकौ पुराणै जुड़कै आइलै मेल भी ना खान्दौ। ³⁷ कोई भी आदमी अगुंरा री सुर चाणना लै ताज़ै अगुंरा रौ रस पुराणै चामड़ै री थोउली दी नाईं छ़ाड़दौ। नांई ता अगुंरा रौ रस दख बौग्ता बासीऐ फैलीयौ तेस पुराणै चामड़ै रौ थोउलौ भी पोरु च़ीरा, ज़ेथ कौरीऐ अगुंरा रौ रस और थोउलौ दुइया बरबाद हुआ ई। 38एथीलै लोग ताज़े अगुंरा रौ रस नौऐ थौउलै दी भराई । ³⁸ एथीलै लोग ताज़े अगुंरा रौ रस नौऐ थौउलै दी भराई । ³⁹ केज़ौ भी आदमी पुराणौ अगुंरा रौ रस पीई औ आच्छ़ौ दाखरस नांई च़ाहांदौ कैलैकि सेऊं बोला, कि पुराणौ ई भौरी आच़्छ़ौ आ।

आरामा रै दिना रौ प्रभु

(मती12:1-8; मरकुस2:23-28)

¹ तैबै आराम वाल़ै दीना दी यीशु आपणै च़ेलेऊ आइलै डोखरेऊ बाटीऐ थौ लागौ औन्दौ ड़ेऊंदै, तेसरै च़ेलै लागै डोखरे कु गिऊंआ रै सिलै चोड़ीयौ और हाथा दी मांडियौ खान्दै। ² तैबै फरीसीऊ मांझ़ीऐ कु कुछ़ लोगुऐ तिउंलै बोलौ, जेज़ौ काम आरामा रै दिनां दी नाईं जान्दौ कौरनौ, सेजौ काम तुमै केलै कौराई? ³ यीशुऐ तिउंलै ज़वाब दैऔ का तुमुऐ धर्म शास्त्रा दी नांई पौड़ौ? ज़ेबी राज़ौ दाऊद और तेसरै साथी भुखै थै, तिउंकै खाणालै कुछ़ भी नांई थौ, तैबै राज़ै दाऊदै का कियौ? ⁴ सेऊ परमेश्वरा रै घौरा दी डैऔ और तिऐ परमेश्वरा लै चड़ाई औन्दी भोगा री रोटी खाई और आपणै साथीऊ लै भी देई, जो सिरफ याजक ही खा थै। ⁵ यीशुऐ तिउंलै इणौ भी बोलौ, “हाऊं ज़ुण "आदमी रो छ़ोहरु’ आरामा रै दिना रौ भी प्रभु ऊ।”

शुकै औन्दै हाथा वाल़ौ आदमी च़ांगौ कौरणौ

(मती12:9-14;मरकुस3:1-6)

⁶ एकी औज़ौ आरामा रै दीना दी यीशु धर्मिक खुम्बल़ी दी डेइयौ शिक्षा दैन्दै लागौ, तिऐ एक आदमी थौ ज़ासरौ सुलटौ हाथ बिमारी कौरी शुकौ औन्दौ थौ। ⁷ तैबै कुछ़ फरीसी और शास्त्री लोग यीशु माथै आरोप लाईणा लै तेसरी ताकी दी थे रौऐ औन्दै, कि का यीशु एस आदमी आराम वाल़ै दिना दी च़ांगौ कौरा की नांई कौरदौ? ⁸ पर यीशु तिंउरै मौना रै विच़ार ज़ाणा थौ एज़ी तांइयै यीशुऐ तेस शुकै औन्दै हाथ वाल़ै आदमी लै बोलौ, “उठ मांझ़ाई आशियौ खाड़ौ ऊ।” तेबै सेऊ आदमी उठीऔ खौड़ौ हुऔ। 9यीशुऐ लोगु कु पुछ़ौ, “आरामा रै दिना दी का नियम ठीक आ, भौलौ कौरनौ, या बुरौ कौरनौ? प्राण ब़च़ाउणौ या झ़ांगणौ । ⁹ यीशुऐ लोगु कु पुछ़ौ, “आरामा रै दिना दी का नियम ठीक आ, भौलौ कौरनौ, या बुरौ कौरनौ? प्राण ब़च़ाउणौ या झ़ांगणौ । ¹⁰ तैबै यीशुऐ फिदीयालै देखीयौ तेस शुकै औन्दै हाथा वाल़ै आदमी लै बोलौ, “आपणौ हाथ औगाऊं कर।” तिणीऐ हाथ औगाऊं कियौ, तैबै तेसरौ हाथ तेबी ठीक हुऔ। ¹¹ तैबै तिंउरै भौरी रोश आशै और सै आपु माझिऐ गुणमुणादै लागै कि आमै एस यीशु आइलै का कौरुलै?

बारहा च़ेलेउ रौ(प्रेरित) छ़ाँटिणौ

(मती10:1-4;मरकुस3:13-19)

¹² सैज़ै दीना दी यीशु पहाड़ी माथै प्राथना कौरदै ड़ैऔ और परमेश्वरा कु प्राथना कौरदै-कौरदै सारी राच बिताई। ¹³ ज़ेबी दुसौ हुऔ तैबै यीशुऐ आपणै च़ेलै औटाऐ और तिऊं माझिंऐ कु १२ च़ेलै छ़ांटै और यीशुऐ तिउंलै प्रेरित बोलौ। ¹⁴ और सै च़ेलै एज़ैई: शिमौन जासरौ नाऊं यीशुऐ पतरस छ़ाड़ौ, पतरसा रौ भाई अन्द्रियास और याकुब, यहुन्ना और फिलिपुस और बरतुल्मै । ¹⁵ मति, थोमा, और हलफई रौ छ़ौहरु याकुब शिमौन ज़ासलै जेलोतेस बोला थै। ¹⁶ और याकुबा रौ छ़ौहरु यहुदा और यहुदा इस्करियोती जुणिऐ यीशु बासिऐ पकड़वाऔ आ।

शिखाउणौ और च़ांगौ कौरणौ

(मती4:23-25)

¹⁷ तैबै यीशु आपणै चेलेऊ आइलै पहाड़ी कु तौल़ै उतरौ सीधी ज़गाह दी खौड़ौ हुऔ और तिऐ तेसरै चेलेऊं री बौड़ी भीड़ कौठै हुई, और सारै यहुदिया यरुश्लेम, सूर, सैदा इलाकै रै लोग ज़ुण-ज़ुण समुन्द्रा रै नज़दीक रौआ थै सै भी तिऐ आशै। ¹⁸ ज़ो शिक्षा शुणदै और आपणी बीमारी कु च़ांगै हुणा लै यीशु काऐ आशा थै, और यीशु, बुरी आत्मा कौरी परेशान लोगु भी ठीक कौरा थौ। ¹⁹ सारै लोग यीशु छ़ुइणौ च़ाह थै कैलैकि यीशु कु च़ांगै कौरनै री शक्ती निकल़ा थी और सब च़ागै हुआ थै

आशीष और दुखी री बूश

(मती5:1-12)

²⁰ तैबै तिणीऐ आपणै च़ेलेऊ भीलै देखीयौ बोलौ, "आशीश वाल़ै ई सै लोग ज़ो निऊले ई; कैलैकि परमेश्वरा रौ राज़ तुमारौ आ। ²¹ आशीश वाल़े ई सै लोग, ज़ो आबै बुखै ई; कैलैकि तिउंलै रौज़ीयौ मिला सा और सै ज़ुण आबै लेरा ई सै हसा ई। ²² आशीश वाल़े ई तुमै, ज़ुण आदमी रै छ़ोहरु रै कारण दुख उठाऊवा ई, और लोग तुमु आइलै दुशमनी छ़ाड़ाई और तुमु पोरु गाड़ाई, तुमारी बेइज्जती कौराई , और तुमारौ नाऊं बुरौ समझ़ियौ काटाई। ²³ सेज़ै दिनै तुमै खुश हुइयौ नाच़णौ, कैलैकि देखौ तुमुलै सौरगा दी बौड़ौ इनाम आ, तिंउरै बाप-दादै भी, भविश्यवाणी कौरनै वाल़ै गुरु आइलै तिणौ कौरा थै। ²⁴ .यीशुऐ तौऐं बोलौ, “आज़ ज़ुण तुमै सेठ ई; तुमुलै दुखा रै दिन आशणै ई कैलैकि तुमारौ सुख शान्ती इयै दुनिया तेबी झ़ाऊं आ ज़ेबी झ़ाऊं तुमारी ज़िन्दगी आ। ²⁵ आज़ ज़ो तुमै रौज़ै औन्दै ई; तुमुलै भोखे रौइणा रै दीन आशणै ई। आज़ ज़ो तुमै नीफिक्री कौरी हौसाई; तुमारी ऐ खुशी, दु:खा दी बदलिया ई। ²⁶ आज़ ज़ो आदमी तुमारी बौड़ाई कौराई, सै तुमुलै दु:ख मानावा ई, कैलैकि तिंउरै नान-बुढु भी झुठै गुरु आइलै इणौ कौरा थै

दुशमणु आइलै प्यार

(मती5:38-48;7;12)

²⁷ हाऊं तुमु शुणने वालेऊं लै बोला ऊ कि आपणै दुश्मना आइलै प्यार कौरौ। और ज़ुण तुमारौ बुरौ कौरा आ तेसरौ भौलौ कौरौ। ²⁸ ज़ुण तुमु लै श्राप दिआ लौ तेसलै आशीश दैऔ, ज़ुण कौरा लौ तुमारी बेइज़ती तेसलै कौरौ प्राथना। ²⁹ ज़ुण तुमारै एकी खोखोटे दी थापै ला लौ तेस बिलै दुजौ गौलौण्टौ भी मुड़ाऔ और ज़ुण तुमारी धोती छ़ुड़ावा लौ तेसकै आपणौ कुरतौ भी दैऔ। ³⁰ ज़ुण तुमु कु कुछ़ मागां लौ तेसकै दैऔ और ज़ुण ताऊंकु निआं लौ तेसकु तिंऐ चीज़ वापिस ना मांगै । ³¹ ज़िणौ तुमै लोगु कु च़ाह ई कि लोग तुमु आइलै कौरा, तुमै भी तिऊं आइलै तिणौ कौरौ। ³² अगर तुमै आपु आइलै प्यार कौरनै वालेऊं आइलै प्यार कौरा ई तै का बड़ी बात आ। (कैलैकि पापी भी, आपु आइलै प्यार कौरनै वाल़ेऊ आइलै प्यार कौरा ई। ³³ आगर तुमै तिऊं आइलै भलाई कौरालै ज़ो तुमु आइलै भलाई कौराई, तै का बड़ी बात आ, कैलैकि पापी लोग भी इणौ कौरई। ³⁴ अगर तुमै तिउंकै उद्दार दिआई ज़ासकु वापिस मिलनै री आश छ़ाड़ाई, तै का बौड़ी बात आ, कैलैकि पापी लोग भी पापी लोगु कै उदार दिआइ और बासिऐ मांगाई तेती वापिस। ³⁵ तुमै आपणै दुश्मना आइलै प्रेम छ़ाड़ौ और भलाई कौरौ, और बासिऐ वापिस ना मांगणै री आश छ़ाड़ीऔ उदार दैऔ, तैबै तुमु लै सौरगा दी बोड़ौ इनाम मिला सा। और तुमै परमपरधान परमेश्वरा रै छ़ोहरु बौणा ई। कैलैकि सेऊ आदमी, तिऊं लोगु लै ज़ो धन्यवाद नांई कौरदै, और बुरै लोगु लै, भी भौलौ आ। ³⁶ ज़िणौ तुमारौ बाब परमेश्वर दया कौरनै वालौ आ तिणी तुमै भी दयालु बौणौ।

दोष न लाऔ

(मती7:1-4)

³⁷ कासी दी भी झ़ुठै आरोप नांई लाऔ तैबै तुमु दी भी झुठै आरोप नांई लागदै, कासी भी बुरै नाईं चाणौ, तैबै तुमु भी कोई गलत नांई च़ाणदौ, माफ कौरौ तैबै तुमु लै माफी मिला। ³⁸ दैऔ ता तुमु लै भी दिआई, लोग पुरौ पाथौ च़ेसी-च़ेसीयौ और हिलाई-हिलाईयौ और ढाल़ी-ढाल़ीयौ तुमारी ऊगाल़ी दी पा ई, कैलैकि ज़ैज़ै पाथै कौरियै तुमै नापा लै सैज़ै पाथै कौरियै तुमुलै भी नापा ई । ³⁹ तैबै यीशुऐ तिउंलै अनेणै देइयौ बोलौ का एक शेड़ौ दुज़ै शैड़ै कै बाट देखाल़ी बौल़ा सा? का इणै कौरी सै दुइया खाल़ी दी ना पौड़दै? ⁴⁰ च़ेलौ केबी भी आपणै गुरु कु बौड़ौ नांई औन्दौ पर ज़ुणी च़ेलै पुरौ कौरी औलौ शिखौ औन्दौ, सेऊ आपणै गुरु ज़िणौ औआ सा। ⁴¹ तू आपणै भाई री आखी दी सांगर कैलै देखाई का तांउकै आपणी आखी रौ ड़िगंच़ौ नांई च़ौगरीं दौ? ⁴² ज़ैबै तांउकै आपणी आखी रौ ड़िगंच़ौ नाईं दीशदौ तैबै तू आपणै भाई लै किणौ बोली सका ई कि “भाई टेक हाऊं तेरी आखी रौ सांगर गाड़ाऊ? ओ कौपटी पैहलै आपणी आखी रौ ड़िगंचौ गाड़, तैबै तू आपणै भाई री आखी कु तेस सांगर आच़्छ़ै कौरी गाड़ी सौका ई।

ज़िणौ पेड़ तिणौ फौल़

(मती7:16-20;12:33-35)

⁴³ कैलैकि कैज़ौ भी आच्छौ पेड़ इणौ नांई आ ज़ेथकु निकामौ फल़ निकल़ा और ना ई आ निक्कामौ पेड़ इणौ, ज़ेथकु आच्छ़ै फल़ निकल़ा। ⁴⁴ हर पेड़ तेसरै फल़ा कौरी रवाइया आ; कैलैकि लोग झ़ाड़ी मांझ़ीआ कु फेड़ु नाईं चोड़दै, और ना (कुईणी) झ़ांगड़ा कु अंगूर चोड़दै। ⁴⁵ भौलौ आदमी आपणै भौलै ज़ीवा कु भौली बूशै ला सा, और बुरौ आदमी ला सा आपणै बुरै ज़ीवा कु बुरी बूशै; ज़ो तुमारै ज़ीवा दी औलौ, सेऊ निकल़ा मुआं कौरी बाइरै।

घौर चाणनै वाल़ै दुई आदमी

(मती7:24-27)

⁴⁶ "ज़ैबै तुमै मैरौ बोलौ नाईं शुणदै, तैबै तुमै मुलै, "ओ प्रभु-ओ प्रभु कैलै बोलाई? ⁴⁷ ज़ुण-कुण मुकाऐ आशा और मेरी बूशेऊ शूणा और माना, हाऊं तुमु लै बोलाऊ कि सेऊ कास ज़िणौ आ; ⁴⁸ सेऊ तेस आदमी ज़िणौ आ ज़ुणीऐ घौरा चाणदी बारै ज़बीन डुंगी खोदीयौ पाकी ज़ागहा दी पौई बोशाल़ी आ, और ज़ेबी नौं आशी बौरुईयौ और तेथारौ छ़ालौ तेस घौरा दी लागौ पर सेऊ घौर हिलौ भी नाईं कैलैकि सेऊ घौर पाकी ज़ागहा दी थौ बौणौ औन्दौ। ⁴⁹ ज़ुण वचन शुणीयौ नाईं मानदौ सेऊ तेस आदमी ज़िणौ आ ज़ुणीऐ बाल़ु माथै बिण पौई ऐ घौर चाणौ और ज़ेबी नौ आशी भौरुईयौ सेऊ घौर खरकच़ार सिकी गौ आ और सिकी औ तेसरौ सत्यानाष हुई गौ आ"

एकी सुबेदारा रौ विश्वास

(मती8:5-13)

¹ ज़ैबै यीशुऐ लोगु कै सारी बुशै शुणाई गोई, तेबै यीशु कफरनहूम गांवा दी आशौ। ² तिऐ रोमी सिपाइऊ रै आफसरा रौ एक नुकुर, ज़ो तेसरौ भौरी गौरतौ नुकुर थौ सेऊ नुकुर एती बीमार थौ कि मौरनै वाल़ौ थौ। ³ तीणी फौज़िए यीशु रै बारै दी शुणौ तैबै तिणीऐ यहुदी लोगू रै कई स्याणै औरज़ कोरना लै यीशु काऐ भेज़ै ताकी यीशु आशियौ मैरौ नुकुर च़ांगौ कौरा। ⁴ सै स्याणै यीशु काऐ आशै और बौड़ी औरज़ कौरियौ यीशु लै बोलदै लागै कि, "सेऊ इणे लायक आसती आ कि तू तेस माथै दया कौरा कौरा"। ⁵ कैलैकि सेऊ फ़ौज़ी आमारै लोगू आइलै प्यार कौरा सा और तिणीऐ इ आमु कालै धार्मिक खुम्बल़ी रौ घौर चाणौ आ। ⁶ तैबै यीशु तिऊं आइलै तेस फ़ौज़ी रै घौरा लै च़ाल पौड़ौ पर ज़ेबी यीशु तेसरै घौरा रै नज़दीक पौऊंच़ौ, तैबै तीणी फ़ौज़िऐ आपणै कुछ़ दोस्त यीशु काऐ इणै समझ़ाइयौ भेज़ै कि, "ओ प्रभु ऐती कौष्ट ना कौरौ (इदै आशणै रौ) कैलैकि हाऊं इणै लायक नाईं आसतौ कि तुमे मैरै घौरा कै आशा। ⁷ एथीलै मुइंयैं आपुलै इणै लायक ना समझ़ौ कि तुमु काऐ आशु, पर तीदरा कु वचन बोल, तैबै मैरौ नुकुर च़ांगौ हुआ सा। ⁸ हाऊं भी एक फ़ौज़ी ऊ मुकै हक आ और कई सिपाही मैरै हाथा दी आ, ज़ेबी हाऊं एकीलै बोलाऊ आश्श तैबै सेऊ आशा सा, और दुजै लै बोलुलै डेऊ तैबै डेवा सा, अगर आपणै कास नुकरा लै बोलु लै कि इणौ कौर, तैबै सेऊ तीणी कौरा सा। ⁹ इणै शुणीयौ यीशु कै हैरानी हुई तैबै यीशुऐ पिछ़ाऊं फिरीयौ तिऊं लोगु लै बोलौ ज़ो तेस पिछ़ु थै आशदै लागै औन्दै, "हाऊं तुमु लै बोलाऊ कि मुइंयै इस्राएल देशा रै लोगु दी भी इणौ विश्वास नाईं देखौ।" ¹⁰ तैबै सै लोग ज़ो फौज़ीऐ यीशु काऐ थै भेज़ै औन्दै सै वापिस घौरै डै और तिउंऐ सेऊ बिमार नुकुर च़ांगौ हुऔ औन्दौ देखौ।

विद्धवा रै छ़ोहरू लै जीवनदान

¹¹ तेथ बासीऐ यीशु आपणै च़ेलेऊ आइलै नाइना रै गावां-शहरा दी डैऔ तेस आइलै लोगु री बौड़ी भीड़ भी थी डेऊंदै लागी ऐन्दी। ¹² २ज़ैबै सै तेस गावां री खोल़ी काऐ पौऊंच़ै, तैबै तिउंऐ देखौ की लोग एक मौड़ौ निंदै थै लागै औन्दै बाइरै। ज़ो आपणी मां रौ एकलौतौ छ़ोहरू थौ, और तेसरी मां विधवा थी। और साथा दी गावां रै भौरी लोग थै। ¹³ ज़ैबै प्रभुऐ सै विधवा देखी ता तेसरै तियां माथै बौड़ी दया आशी और तियां लै बोलौ, "नाईं लेर।" ¹⁴ तैबै यीशुऐ नज़दीक डेईयौ सै खाट छ़ुईं, तैबै खाट च़ुंगणै वाल़ै रुकै। तैबै यीशुऐ बोलौ, "हाऊं ताऊं लै बोलाऊ ओ ज़वान छ़ोहरु उठ।" ¹⁵ तैबै सेऊ मौड़ौ ज़ीऊंदौ हुऔ, उठीयौ बोशौ और बुशै लाइंदै लागौ तैबै सेऊ छ़ोहरु, यीशुऐ तेसरी आमा कै सौम्भाल़ौ। ¹⁶ इणै देखीयौ सारै लोग भौरी डौरै और परमेश्वरा री बौड़ाई कौरीयौ बोलदै लागै, "कि आमु मांझ़ीऐ एक बौड़ौ गुरू पैदौ हुई गौ आ, और आज़ परमेश्वर आपु आमु माझ़ीयै पौगड़ौ हुऔ आ।

युहन्ना बौपतिस्मौ दैणै वाल़ै रौ सौवाल

(मती 11:2-19)

¹⁷ सै बुशै यहूदीया और आस-पड़ोसा रै सारै परदेशा दी फौइली गोई। ¹⁸ यीशुऐ ज़ो कुछ़ कियौ थौ तेथरै बारै दी यहुना रै च़ेलेउऐ यहुना काऐ बोलौ। ¹⁹ तैबै यहुनै आपणै दुई च़ेलै यीशु काऐ इणै पुछ़णा लै भेज़ै की, "का आशणै वाल़ौ मसीहा तु ई आ, या आमै कास ओरी पौखुलै? ²⁰ यहुना रै दुई च़ेलै यीशु काऐ आशीयौ बोलदै लागै, "यहुना बप्तिसमा दैणै वाल़ै, आमै ताऊं काऐ इणौ पुछ़णा लै भेज़ै ई, कि का आशणै वाल़ौ मसीहा तु ई आ? "या आमै कास ओरी पौखुलै?" ²¹ सेज़ै बौग्तै यीशुऐ भौरी बिमार और दुखी लोग च़ांगै किऐ ई, और कई आदमी बुरी आत्मा कु आज़ाद किऐ ई, और भौरी शेड़ैवे कै आखी देई। ²² तैबै यीशुऐ यहुना रै च़ेलेऊ लै बोलौ, " ज़ो कुछ़ तुमुऐ देखौ और शुणौ आ डेईयौ तेस यहुना कै बोलौ, कि शेड़ै देखाई, लौंगड़ै ई आंडा, कोड़ी हुआई ठीक, टौणै ई शुणा, मौरै औन्दै हुआई ज़ीऊंदै, और गरीब आदमीऊ लै शुणावा खुशी रौ संदेश। ²³ और आशीश वाल़े ई सै लोग, ज़ुण मु माथै शक नाईं कौरदै कि हाऊं मसीहा आसती ऊ कि नाईं। ²⁴ ज़ेबी यहुना रै च़ेलै यीशु काऐ कु डेवै तैबै यीशु यहुना रै बारै दी लोगु आइलै बोलदै लागौ, "तुमै सुनसान ज़ागहा दी का देखदै थै डैऔ औन्दै? का बागुरा कौरी हिलणै वाल़ै शाऊंटै देखदै? ²⁵ तैबै तुमै का देखदै थै डैऐ औन्दै? "च़ोगै-बागै भिड़ै औन्दै आदमी देखदै डेवै थै? नाईं कैलैकि ज़ो आदमी च़ोगै-बागै बीड़ाई सै ठाटा कौरी आपणै मैहला दी रौआई। ²⁶ तैबै तुमै का देखदै थै डैऔ औन्दै, कास गुरू देखदै? ओ, हाऊं तुमु लै बोलाऊ सेऊ भविश्यवक्ता कु भी बौड़ौ आ। ²⁷ यहुना ही सा सेऊ दूत ज़ासरै बारै दी धर्मशास्त्रा दी इणौ लिखौ औन्दौ; "कि देख हाऊं आपणौ दूत ताऊंकु औगाड़ीऐ भेझ़ाऊं, सेऊ ताऊंकु औगाड़ीऐ डेइयौ ताऊं कालै तेरी बाट तैयार कौरा। ²⁸ तैबै यीशुऐ तौंऐ बोलौ, "हाऊं तुमुलै बोला ऊ की इबी झ़ाऊं कोई भी इणौ आदमी पैदौ नाईं हुऔ ज़ो यहुना कु बौड़ौ आ। पर परमेश्वरा रै राज़ा दी ज़ुण छ़ोटै कु छ़ोटौ आ सेऊ यहुना कु भी बौड़ौ गुरू आ," ²⁹ तैबै सारै लोगुऐ और मामलै निणै वाल़ेऊऐ ज़ुणीऐ यहुना कु बप्तीस्मौ निऔं थौ तिउंऐ इणै शुणीयौ मानी एरौ कि परमेश्वर धर्मी आ। ³⁰ पर फरीसीऊ और कानुना रै धर्म शास्त्रीउऐ परमेश्वरा रौ सुंच़ौ औन्दौ नाईं मानौ, कैलैकि तिउंऐ यहुना रै बप्तिस्मा निणा लै मना की थी। ³¹ यीशुऐ तौऐं बोलौ, "हाऊं एज़ै जुगा रै लोगु रै बारै दी तुमु काऐ किणौ बोलु, और एज़ै जुगा रै लोगु रौ अनैणौ कास आइलै देऊ। ³² कैलैकि सै इणै छ़ोहरू ज़ीणे ई, ज़ुण बजारा दी डेइयौ खेल खेलाई और सै आपणै दोस्तु कु शिकायत कौरा ई कि, "आमुऐ तुमु लै शादी रै गेत गाऐ ई पर तुमै ता नाच़ै नाईं, और आमुऐ दु:खा रै गाअणै गाऐ पर तुमै ना लेरै। ³³ बप्तीस्मा दैणै वाल़ै यहुनै सौदा ब्रौत छ़ाड़े ई। और कादी अंगुरा रौ रस नाईं पिऔ, और तिणीऐ पर तुमै बोलाई इणौ कि तेसदी आ बुरी आत्मा। ³⁴ हाऊं आदमी रौ छ़ोहरू, खा पिआ ऊ, पर तुमै बोलाई इणौ कि हाऊं पेटु और सूरी पिणै वाल़ोऊ, मामलै निणै वाल़ेऊ और पापी लोगु रौ गोश्टण ऊ ³⁵ पर ज़ुण परमेश्वरा री शिक्षा मानीऔ च़ाला ई तिउंरी ज़ीन्दगी कु परमेश्वरा रौ ज्ञान सौच़्च़ौ साबीत हुआ आ।

फरिसी रै घौराई पापी छ़ेउड़ी लै माफी

³⁶ तैबै एकी फरीसी आदमीऐ यीशु कु औरज़ की, कि मैरै घौरै आशीयौ मु आइलै रोटी खाऔ, तैबै यीशु फरीसी आदमी रै घौरा कै डेइयौ तेस आइलै रोटी खान्दै बोशौ। ³⁷ तेस इलाकै री एक पापीण छ़ेउड़ी, इणै शुणीयौ कि यीशु फरीसी रै घौरा दी आ रोटी खान्दै बोशौ औन्दौ, तिऐं छ़ेउड़ीऐ यीशु काऐ एकी शंखमोरा री शीशी दी खुश्बुदार तेल आणौ, ³⁸ और यीशु री लाता काऐ आशीयौ लेरदै लागी और यीशु रै बांगणै आपणै आशु कौरीऐ भिज़ाऐ और आपणै बाल़ा कौरीऐ गुशै, और यीशु रै बांगणै दी खोबु देईयौ तेस खुश्बुदार तेला मांडदै लागी। ³⁹ इणै देखीयौ सेऊ फरीसी ज़ुणीऐ यीशु थौ औटाऔ औन्दौ, आपणै मौना दी सुंच़दै लागौ कि, "अगर यीशु भविष्यवक्ता हुआ थौ" तैबै एसकै पौतौ लागा थौ की ज़ो छ़ेउड़ी एस छ़ुईंदै आ लागी ऐन्दी सै कुण और कीणी छ़ेउड़ी आ, कैलैकि इयै छ़ेउड़ी ता पापीण आ। 40यीशुऐ तेसलै बोलौ, "ओ शमौन मुऐ ताउंलै कुछ़ बोलनौ आ।" शमौनै बोलौ "ओ गुरू बोलौ" ⁴⁰ यीशुऐ तेसलै बोलौ, "ओ शमौन मुऐ ताउंलै कुछ़ बोलनौ आ।" शमौनै बोलौ "ओ गुरू बोलौ" ⁴¹ एकी सेठा रै दुई कर्ज़दार थै एकी कै थौ पांज़ शौ दिनारc, दुजै कै थौ पचास दिनारा रौ कौर्ज़। ⁴² ज़ैबै तिऊं कर्ज़दारा कै वापिस दैणा लै कुछ़ ना रौ तैबै तिणी सेठै तिऊं दुईया रौ कौर्ज़ माफ किऔ, आबै इऊं दुई मांझ़ीआ कु सेठा आइलै कुण छ़ाड़ा ज़ादौ प्यार?" ⁴³ शमौनै ज़वाब दैऔ, "मेरी सौमझ़ीऐ सेऊ ज़ासरौ ज़ादौ कौर्ज माफ हुऔ आ" यीशुऐ तेसलै बोलौ ताऐं ठीक सुंच़ौ आ। ⁴⁴ तैबै तिऐं छ़ेउड़ी भीलै फीरीऔ यीशुऐ शमौना लै बोलौ, "का तू इऐ छ़ेउड़ी देखाई?" हाऊं तैरै घौरा कै आशौ ताऐं मैरै लाता धोइणा लै पाणी नाईं दैऔ पर इऐं छ़ेउड़ीऐ मेरी लातै आपणै आशु कौरीऐ धोई और बाल़ा कौरीऐ ई गुशी। ⁴⁵ ताऐं मुंदी खोबु नाईं दैऔ पर ज़ेबी कु हाऊं आशोऊ तेबी ओउलै इयै छ़ेउड़ी मैरै बांगणै दी खोबु दैन्दै लागी औन्दी। ⁴⁶ ताऐं मैरै मुंडा दी तेल नाईं मांडौ पर इऐं छ़ेउड़ीऐ मैरै बांगणेऊ दी खुश्बुदार मैहगौं तेल मांडौ आ। ⁴⁷ एथीलै हाऊं ताउंलै बोलाऊ की इयांरै पाप ज़ो भौरी थै आबै माफ हुई गौऐ कैलैकि इयांऐ भौरी प्यार कियौ आ पर ज़ासरै थोड़ै पाप माफ हुऐ सेऊ थोड़ौ प्यार कौरा आ। 48यीशुऐ तिऐं छ़ेउड़ी लै बोलौ, "तैरै पाप माफ हुई गौऐ।" ⁴⁸ यीशुऐ तिऐं छ़ेउड़ी लै बोलौ, "तैरै पाप माफ हुई गौऐ।" ⁴⁹ तैबै ज़ो लोग तेस आइलै रोटी खान्दै थै बोशै औन्दै सै आपणै-आपणै मौना दी सुंच़दै लागै, "इयौ कुण आ ज़ो पाप भी माफ कौरा आ?" ⁵⁰ पर यीशुऐ तिऐं छ़ेउड़ी लै बोलौ, "तैरै विश्वास कौरीऐ तू बौच़ी गोई आ शान्ती कौरीऐ डेऊ।"

यीशु री शिखणै वाल़ी

¹ तेथ बासिऐ यीशु इलाकै-इलाकै और गांवा-गांवा दी ड़ेइयौ परचार कौरदै-कौरदै परमेश्वरा रै राज़ा रौ सन्देश शुणावा थौ, और तेसरै बारहा च़ेलै भी तेस आइलै थै। ² कुछ़ छ़ेऊंड़ी भी यीशु आइलै थी ज़ुण पेहलै यीशुऐ बुरी आत्मा और बिमारी कु च़ांगी की गोई थी। सै छ़ेऊंड़ी एज़ी थी, मरियम ज़ासलै मगदलीनी बौला थै ज़ासकु यीशुऐ सात बुरी आत्माऐं गाड़ी थी । ³ और हेरौदेस राज़ै रै भन्ड़ारी खुज़ा री बोऊटी योअन्ना और सुसन्नाह नांवा री छ़ेउडी और भौरी ओर छ़ेउडी। सै आपणै धन ज़यदाद कौरीयै तिउंरी सेवा कौरा थी।

बीज बौईणै वाल़ै रौ औनैणौ

(मती13:1-9;मरकुस4:1-9)

⁴ ज़ैबै बौड़ी भीड़ कौठै हुई और इलाकै-इलाकै रै लोग यीशु काऐ आशै, तैबै तिणीऐ अनैणै देइयौ तिउंलै बौलौ:, ⁵ एक बीज़ा बौइणै वाल़ौ बीज़ा बौइन्दै निकल़ौ बीज बौइणै वाल़ौ बौइन्दी बारै कुछ़ बीज पौड़ौ बाटा दी, सेऊ बीज़ फ़ैंच़ुऔ और च़िडु-चिटकोरुऐ च़ुणौ। ⁶ और कुछ़ बीज़ पौड़ौ पथरियाल़ी ज़बीना दी सेऊ बीज ज़मौ पर बिण पाणिऐ शुकौ पोरु। 7कुछ़ बीज पौड़ौ कौंडियाल़ी झ़ाड़ीऊ मांझ़िऐ, सेऊं बौड़िदैं-बौड़िदैं दाबुऔ पोरु झ़ाड़ीऊ थाल़। ⁷ कुछ़ बीज पौड़ौ कौंडियाल़ी झ़ाड़ीऊ मांझ़िऐ, सेऊं बौड़िदैं-बौड़िदैं दाबुऔ पोरु झ़ाड़ीऊ थाल़। ⁸ कुछ़ बीज पौड़ौ आच़्छ़ी ज़बीना दी, और सेऊ ज़मियौ शौ गुणौ फल़ौ।” इणै बोलीयौ यीशुऐ तौंऐ ज़ोरै बोलौ ,“तुमै मेरै अनैणौ रै मतलब समझ़ुणौ च़ाहा ई, ता तुमै ध्याना देइयौ सुच़ेऊ कि तुमै का शुणा ई।"

औनेणै रौ मतलब

(मती13:10-17;मरकुस4:10-12)

⁹ यीशु रै च़ेलेउंऐ यीशु कु पुछ़ौ, “एस अनेणैd रौ मतलब का सा?” ¹⁰ तैबै यीशुऐ तिउंलै ज़वाब दैऔ, “इबी झ़ाऊं लोग नाईं ज़ाणा थै कि परमेश्वर आशियौ लोगु रै ज़ीबा दी राज़ कौरा आ। तुमु कै ता एस भेता रै बारै दी मुइंयै सब कुछ़ आ बोलौ औन्दौ, पर ज़ो लोग परमेश्वरा री बाटा दी ना आशै, एऊ अनैणौ तिऊं लोगु लै आ। इणै लोग देखा ताई रौंगै, पर सुंच़दै नाईं, और शुणा ताई रौंगै पर समझ़दै नाईं।

बीज बौईणै वाल़ै औनैणै रौ मतलब

(मती13:18-23;मरकुस4:13-20)

¹¹ कहाणी रौ मतलब इणौ आ, “कि बीज़ परमेश्वरा रौ वचन आ। ¹² ज़ो बीज़ बाटा दी पोड़ौ तैथरौ मतलब आ कि कुछ़ लोग परमेश्वरा रौ वचन ताई शुणा पर आपणै ज़ीवा दी ना छ़ाड़दै, तैबै शैतान तिंउरै ज़ीवा कु खरकच़ार आशीऔ परमेश्वरा रौ वचन च़ोरा, ताकी लोग विश्वास कौरीऔ मुक्ति ना पा। ¹³ ज़ो ब़ीज पथरीयाल़ी ज़बीना दि पौड़ौ तेथरौ मतलब आ इणौ, कि लोग खरकच़ार खुशी कौरियै वचन माना ई पर ज़ैबै विश्वासा रै कारण केज़ौ भी कष्ट या सताव आशा, तैबै सै फेटी फशटा ई कैलैकि सै परमेश्वरा रौ वचन आपणै ज़ीवा दी नाईं बसाल़दै। ¹⁴ और ज़ो बीज झ़ाड़िऊ मांजिऐ पौड़ौ थौ सेऊ खौड़ी ना उखरांदौ। तेथरौ मतलब इणौ आ। कि कुछ़ लोग परमेश्वरा रौ वचन शुणा ई। बासियै दुनिया री च़िन्ता दी, रुपाऐ-पैसै, ज़ीन्दगी रै सुखा दी फसियौ परमेश्वरा रै विश्वासा दी नाईं बौढ़दै। ¹⁵ ज़ो बीज आछ़ी ज़बीना दी पौड़ौ थौ, सौ भौरी फौल़ा। तेथरौ मतलब इणौ आ कि कुछ़ लोग परमेश्वरा रौ वच़न आच्छ़ै कौरीयै शुणाई और तेस वच़ना माथै च़ाला ई और विश्वासा दी बौड़ाई इणै आदमी तेस बीजा बाशिऐ ई ज़ो बीज़ शौ पाथै फौल़ा आ।

लौम्पा रौ औनैणौ

(मरकुस4:21-25)

¹⁶ कौई भी आदमी लम्प जालियौ ओखरा थाल नांई छ़ाड़दौ और न पंलगा थाल छ़ाड़दौ, पर तेस घौरा दी ऊंच़ी ज़ागहा दी छ़ाड़ाई ताकि भीतरै आशणै वालै लोगु लै‍प्याशौ लागा। 17कैलैकि कोई भी च़ीज़ मेरी नौज़री कु छ़िपी औन्दी ना आसती, जो परगट ना करियाली, और ना ही कुछ़ छ़ुपौंदौ आसदौ, ज़ो ऊज़ाल़े दी ना आणियालौ। ¹⁷ कैलैकि कोई भी च़ीज़ मेरी नौज़री कु छ़िपी औन्दी ना आसती, जो परगट ना करियाली, और ना ही कुछ़ छ़ुपौंदौ आसदौ, ज़ो ऊज़ाल़े दी ना आणियालौ। ¹⁸ एथिलै होशियार रौऐऊ कि तुमे किणौ शुणाई? कैलै की ज़ासकै आसा तेसलै औज़ौ मीला, और ज़ासकै कुछ़ा नाईं तेसकु सेऊं भी पोरू नींआई आ ज़ास सेऊं आपणौ सौमझ़ा।

यीशु री माँ और भाई

(मती12:46-50;मरकुस3:31-35)

¹⁹ यीशु री मां और भाई यीशु काऐ आशै, पर भिड़ हुणा रै कारण सै यीशु काऐ नाईं डेई बौल़ै। ²⁰ तेस आइलै कुणि एकियै बोलौ, “तेरी मां और तैरौ भाई बाइरै खौड़ौ ई, सै ताऊं कु मिलनौ च़ाहा ई। ²¹ यीशुऐ तिऊं लै ज़वाब देयौ, “मेरी मां और भाई इऐ सब लोग ई ज़ो परमेश्वरा रौ संदेश शुणाई और तेथ माथै च़ालाई।

भूँच़ाल़ शान्त कौरणौ

(मती8:23-27;मरकुस4:35-41)

²² तैबै एकी दिनै यीशु और तेसरै च़ेलै किश्ती दी च़ौड़ै और यीशुऐ तिउंलै बोलौ, “च़ालौ आमै झिला पारभिलै डेई।” तैबै तिउंऐ किश्ती खुंटीकु खोली गोई। ²³ और किश्ती च़ालदै लागी, पर यीशु गौ सुती, और तेबी झ़ीला दी तेज़ बागुर लागी, इदरा झ़ांऊ कि किश्ती दी पाणी बौरींदै लागौ सै सारै मुसिबता दी थै। ²⁴ तैबै तिऊं च़ेलेउऐ नज़दीक डेइयौ यीशु उज़ीआऔ और बोलौ "गुरू-गुरु" आमै नाश ई औन्दै लागौ औन्दै।” तैबै यीशु उठौ और तेज़ बागुर और पाणी रौ छ़ालौ डांटौ, तैबै सै पाणी रै छ़ालै और तेज़ बागुर शान्त हुई और शाई पौड़ी गोई। ²⁵ तैबै यीशुऐ तिऊं च़ेलेऊ लै बोलौ, “तुमारौ विश्वास कियै थौ?” तैबै सै डौरी गौऐ हैरान हुइयौ आपु माझ़ीऐ चौपड़िदै लागै, “इयौ कुण औलौ इणौ पा कि पाणी और बागुरा लै हुकम दिआ ऐ एसरी बुश मानाई?

बुरी आत्मा वाल़ौ आदमी च़ांगौ कौरणौ

(मती8:28-34;मरकुस5:1-20)

²⁶ तैबै सै गिरासेनिऊ रै इलाकै दी पौउंच़ै ज़ो झ़िला पारभिलै गलील इलाकै रै सामनै आ। ²⁷ ज़ीणी यीशु झ़ीला रै ड़िका काऐ किश्ती कु उतरौ तिणी सेजै इलाकै रौ एक आदमी यीशु कु मिलौ, ज़ासदी बुरी आत्माऐ थी, सेऊं आदमी भौरी दिना ओलै ना ता ज़ुड़कै भीड़ा थौ और ना ता घौरा कै रौआ थौ पर तिऐ रौआ थौ ज़ीऐ मौरै औन्दै लोगु दाबा ई। ²⁸ सेऊं आदमी यीशु देखीऔ राड़ै मारदै लागौ और यीशु काऐ धौनी पौड़ीयौ हाकै देइयौ बोलदै लागौ, “ओ परमपरधान परमेश्वरा रै छ़ोहरु यीशु तू मुकु का च़ाहा ई?” हांऊ ताऊंकु औरज कौराऊं कि तू मुलै दुख नांई दै।” ²⁹ कैलैकि यीशुऐ तिऊं बुरी आत्माऐं लै तेस आदमी कु बाइरै निकुल़नै रौ हुकम देई गौ थौ। और सै बुरी आत्माऐं तेस आदमी दी घौड़ी-घौड़ीऐ आशा थी लोग तेस आदमी शांगल़ी और रशेउ दी बाना थै तींउ भी सेउ पोरु च़ोड़ा थौ और सै बुरी आत्माऐ तेस सुनसान ज़ागहा दी निया थी। ³⁰ यीशुऐ तिऐं बुरी आत्मा कु पुछ़ौ कि तैरौ का नांऊ?” बुरी आत्मै बोलौ मेरौ नांऊ आ "सेना।" कैलैकि तेसदी भौरी बुरी आत्मा थी लागी ऐन्दी। ³¹ तिऊं बुरी आत्मै यीशु कु औरज़ की, कि आमु नौरका री खाल़ी दी ना पाऔ। ³² तिऐ पाहाड़ा माथै सुंगरु रौ गोल़ थौ च़ौरदे लागौ औन्दौ तिऐं बुरी आत्मै यीशु कु औरज़ की कि आमु इऊं सुंगरु दी भेज तैबै यीशुऐ तिउंलै हुकम दैऔ। ³³ तैबै सै बुरी आत्माऐ तेस आदमी कु निकल़ी औ तिऊं सुंगरु भिलै डेई। तैबै सुंगरु रौ गोल़ मातो़ल़ै दुड़ियौ झ़िला दी पौड़ै और डुबियौ मौरै। ³⁴ तिऊं सुंगरु च़ारणै वाल़ै इणै देखीऔ तिदरु पोरु भागै और इलाकै, गांवा दी ड़ेइयौ लोगु कै इऐ खबर शुणाई। ³⁵ ज़ो तिऐ हुऔ थौ तेस देखणालै लोग आशै और यीशु काऐ आशीऔ, ज़ास आदमी कु बुरी आत्माऐ निकल़ी थी सेऊ आदमी तिउंऐ तीशु रै बांगणै काऐ झ़ुड़कै भीड़ीऔ और शान्त बोशौ औन्दौ देखौ, इणे देखीयौ सै लोग ड़ौरी गौऐ। ³⁶ और ज़ुणीऐ भी सेऊ आदमी ठीक हुन्दै देखौ थौ तिउंऐ तिऊं ओरी लोगु कै बोलौ की सेऊ बुरी आत्मा कु बिमार आदमी किणै कौरीऐ ठीक हुऔ आ। ³⁷ तैबै गिरासेनिउ इलाकै रै नज़दिका रै सारै लोगुऐ यीशु कु औरज़ की छ़ौंअटी आमरै इलाकै कु पोरु ड़ेऊ। कैलैकि सै भौरी ड़ौरी गौऐ थै तैबै यीशु किश्ती दी च़ौड़ीऔ तिदरु डेउंदै लागौ। ³⁸ ज़ास आदमी कु बुरी आत्माऐ निकली थी सेऊ यीशु कु औरज़ कौरदै लागौ कि मूं आपू आइलै दैऔ रौइणै पर यीशु सेऊ वापिस भेज़ौ और तेसलै बोलौ, ³⁹ कि आपणै घौरे ड़ेऊ और लोगु काऐ बोल कि परमेश्वरै ताऊं माथै दया कौरीऔ किणै बौड़ै-बौड़ै काम किऐ ई, सेऊ आदमी तिदरु ड़ेइयौ सारै इलाकै दी बोलदै लागौ कि यीशुऐ मु आइलै किणै बौड़ै-बौड़ै काम किए ई।

याईरा री मौरी औन्दी छ़ोटी और एक रोगली छ़ेवड़ी

(मती9:18-26;मरकुस5:21-43)

⁴⁰ ज़ैबै यीशु वापिस आशौ तैबै लोग खुशी कौरीयै यीशु कु मिलै कैलैकि सै लोग यीशु पौखदै थै लागै औन्दै। ⁴¹ तैबै धार्मिक खुम्बल़ी रौ एक मुख्यौ यीशु काऐ आशौ तेसरौ नाऊं याईर थौ, सेऊ यीशु री लातेऊ माथै पौड़ीयौ यीशु कु औरज़ कौरदै लागौ कि छ़ौंअटी मैरै घौरै च़ालौ। ⁴² कैलैकि तेसरी एका माईं थी बारहा बौरशा री, सै माईं मौरनै वाल़ी थी, ज़ैबै यीशु डेऊंदै लागौ तैबै लोगु री बौड़ी भीड़ यीशु आइलै थी डेऊंदै लागी ऐन्दी। ⁴³ तैबै एक छ़ेउड़ी ज़ासदी बारहा बौरशा ओऊलै लोऊ बौइणै री बिमारी थी, तिआऐं आपणै इलाज़ा कौरना लै आपणी सारी कौमाई खौर्च़ की गोई थी, पर तैबै भी तिआंलै किऐ भी च़ंगाई नाईं मिलौ। ⁴⁴ सै छ़ेउड़ी भीड़ा माज़ीऐ कु यीशु पिछ़ु आशी और तिआऐं यीशु रै च़ोल़ै रौ धुरौ छ़ुऔं और तेबी तिआंरौ लोऊ बौइणौ बन्द हुऔ। ⁴⁵ तैबै यीशुऐ बोलौ, "हाऊं कुणीऐ छ़ुंओऊ?" ज़ैबै सारै लोग मुकुरदै लागै तैबै पतरस और तेसरै साथीऊऐ यीशु लै बोलौ, "गुरू जी" तुमू माथै एतरी भीड़ आ पौड़दै लागी ऐन्दी। तैबै आमै किणै कौरी बोली बौल़ी, कि तुमै कुणीऐ छ़ुऐं ई ⁴⁶ पर यीशु ऐ बोलौ, "कुणीऐ हाऊं छ़ुऔं ऊ कैलैकि मुकै च़ौगरुऔ आ, कि मुकु शक्ती निकल़ी आ।" ⁴⁷ ज़ैबै तिऐं छ़ेउड़ीऐ देखौ कि यीशु कै पौतौ लागी गौ आ तैबै सै कांबी-कांबीऔ यीशु काऐ आशी और यीशु री लातेऊ माथै पौड़ीयौ सारेऊ लोगु काऐ बोलदै लागी कि मुइंयै केज़ै कारण यीशु छ़ुंऔ आ और आबै हाऊं एक दम किणी च़ांगी हुई गो ई। ⁴⁸ यीशुऐ तिआंलै बोलौ, "धीआ, तैरै विश्वासा कौरीऐ तू ठीक हुई ई शान्ती कौरीयै डेऊ।" 49ज़ैबै यीशु बुशै लाईंदै थौ लागौ औन्दौ तेबी याईरा रै घौरा कु कुछ़ लोग आशीयौ याईरा लै बोलदै लागै, "कि तेरी माईं मौरी गोई आ आबै गुरू लै कौष्ट नाईं दै।" ⁴⁹ ज़ैबै यीशु बुशै लाईंदै थौ लागौ औन्दौ तेबी याईरा रै घौरा कु कुछ़ लोग आशीयौ याईरा लै बोलदै लागै, "कि तेरी माईं मौरी गोई आ आबै गुरू लै कौष्ट नाईं दै।" ⁵⁰ यीशु ऐ इणै शुणीयौ याईरा लै बोलौ, "डौर नाईं सिरफ विश्वास छ़ाड़ तैबै तेरी माई पोरू बौच़ा आ।" ⁵¹ याईरा रै घौरा कै पौऊंच़ीयौ यीशु ऐ पतरस, यहुना, याकूब और तिंऐ माई रै मा-बाबा छ़ाड़ीयौ कोई भी भीतरै तिऐं माई काऐ नाईं दै आशणै। ⁵² तिऐ सारै लोग छ़ाती पिटीयौ लेरदै थै लागै औन्दै तिऐं माईं लै" पर यीशुऐ तिउंलै बोलौ लेरौ नाईं कैलैकि इयै माईं मौरी नाईं भी नाईं सुती ऐन्दी आ। ⁵³ लोग इणै ज़ाणीयौ कि माईं मौरी गोई आ यीशु रौ मज़ाक उड़ाऊंदै लागै। ⁵⁴ तैबै यीशुऐ तिऐं माईं रौ हाथ पाकड़ौ और तियां लै हाका देइयौ बोलौ, "ओ माईं उठ" 55तैबै सै माईं ज़ीऊंदी हुई गोई, और सै खरकच़ार उठीयौ बोशी। तैबै यीशुऐ तिऐं माईं रै मां-बाबा लै बोलौ कि इऐं माईं लै कुछ़ खाणा लै दैऔ। ⁵⁵ तैबै सै माईं ज़ीऊंदी हुई गोई, और सै खरकच़ार उठीयौ बोशी। तैबै यीशुऐ तिऐं माईं रै मां-बाबा लै बोलौ कि इऐं माईं लै कुछ़ खाणा लै दैऔ। ⁵⁶ मांई रै मां-बाब हैरान हुऐ पर यीशुऐ तिउंकै च़ितलाऔ कि ज़ो इदै हुऔ आ कासी कै ना बोलेऊ।

बाहरा च़ेलै भेज़णै

(मती10:5-15;मरकुस6:7-13)

¹ एकी दिनै यीशुऐ आपणै च़ुनै औन्दै बाहरा च़ेलै आपु काऐ औटाऐ, तिउंकै बुरी आत्माऐं गाड़ने और बिमारीऊ च़ांगी कौरनै री शक्ती और हक दैऔ। ² तैबै यीशुऐ सै, परमेश्वरा रै राज़ा रौ परचार कौरना लै, और बिमार लोगु च़ागै कौरना लै भेज़ै। ³ यीशु च़ाहा थौ कि च़ेलै आपणी ज़ुरता रै बारै दी च़िन्ता ना कौरा। एज़ै कारण च़ेलेऊ लै यीशुऐ बोलौ, "बाटा लै आपुकै कुछ़ ना निएऊ, ना डिंगौ, ना बैग, ना रोटी और ना पैसै, ना दुई-दुई कुरतै। ⁴ ज़ेज़ै घौरा दी तुमैं डिआ लै सेज़ै घौरा दी रौइणौ, ज़ेबी झ़ाऊं तुमै सेज़ै गांवा दी ई। ⁵ ज़ो लोग तुमु नाईं माना लै तैबै तिराकु निकल़ियौ आपणी चैपली री धूड़ भी पोरु झाड़ै ऊ। इणै देखियौ सै समझ़ा ई कि परमेश्वर तिउंलै ज़ुरुर सज़ा दिया आ।" कैलैकि तिउंऐ परमेश्वरा री शिक्षा नाईं शुणी। ⁶ तेथ बासिऐ सै बारह च़ेलै अलग-अलग गांवा दी डेइयौ खुशी रौ सन्देश शुणावा थै और हर ज़गाह दी लोगु च़ांगै कौरदै लागै।

हेरोदेसा री परेशानी

(मती14:1-12;मरकुस6:14-29)

⁷ इणै शुणीयौ हैरोदेस ज़ो सेज़ै देशा रै च़ोथै हिसै रौ आफसर थौ, घौबराई गौ कैलैकि कुछ़ लोग बोला थै कि यहुना ज़ीउंदौ हुई गौ आ। ⁸ और कुछ़ लोग बोला थै इणौ कि एलियाह भविष्यवक्ता परगट हुई गौ आ, और कुछ़ बोला थै कि पुराणै ज़मानै रै भविष्यवक्ता माझ़ीया कु कुण ज़ीउंदौ हुई गौ आ। ⁹ पर हैरोदेसै बोलौ, कि यहुना रौ ता मुइयै मूंड कौटाऔ आ, आबै इयौ कुण आ ज़ासरै बारै दी हाऊं इणी बुशै शुणाऊ?" तैबै हैरोदेस यीशु देखणौ च़ाह थौ।

पाँज़ हज़ार पूरषा लै रोटी खिलाउणी

(मती14:13-21;मरकुस6:30-44;युहन्ना6:1-14)

¹⁰ तैबै भेज़ै औन्दै च़ेलेऊ ऐ वापिस अशीयौ ज़ो कुछ़ तिउंऐ कियौ थौ यीशु काऐ बोलौ, और यीशु ऐ सै अलग कौरीयौ बैतसैदा इलाकै दी निंऐ। ¹¹ इणै देखीयौ भीड़ यीशु पिछ़ु च़ाल पौड़ी और यीशु खुशी कौरी तिऊं लोगु कु मिलौ और तिऊं आइलै परमेश्वरा रै राज़ा री बुशै लाइंदै लागौ, तैबै ज़ुण ठीक हुणौ च़ाह थै यीशुऐ सै च़ांगै किऐ। ¹² ज़ैबै ब्याल़ हुई गोइ तैबै सै बारह रै बारह यीशु काऐ आशीऔ बोलौ कि “इऐ ज़ागाह सुनसान आ तुमै इऊं लोगु नीज़ुका रै बस्ती और गांवा दी छ़ाड़ौ ताकी इऐ लोग आपुकालै रौइणै रौ और खाणै रौ इन्तज़ाम कौरा। ¹³ यीशुऐ च़ेलेऊ लै बोलौ “तुमै दैऔ इऊं लै खाणा लै तिउंऐ बोलौ आमुकै पांज़ रोटी और दुई माछ़ी छ़ाड़ीऔ कुछ़ा ना आसतौ पर अगर आमै इऊं सौभी लोगु लै नाज़ खरीदिऔ आणुलै तैबै हुई सौका, भीड़ा रै लोगु मांझिए कम से कम पांज़ हज़ार ता मर्द थै। ¹⁴ तैबै यीशुऐ आपणै च़ेलेउलै बोलौ, “इऊं लोगु धौनी बोशलौ पचास पचास री पांगती दी।” ¹⁵ च़ेलेउऐ तिणी कियौ और सारै लोग बोशाल़ी गौऐ। ¹⁶ तैबै यीशुऐ सै पाज़ रोटी और दुई माछ़ी आपणै हाथा दी की और सौरगा बिलै देखीऔ परमेश्वरा रौ धन्यवाद देइयौ आशीष मांगी और रोटी च़ेलैऊ कै देई और च़ेलै लागै लोगु कै बांटदै। ¹⁷ तैबै सारै लोगुऐ पेटा भोरीऔ रोटी खाई। तेती माथै भी च़ेलेउऐ बौच़ै औन्दै रोटी और माछ़ी रै बारह छ़ाबडै बौरै।

पतरसा रौ यीशु “मसीह” मानणौ

(मती16:13-20;मरकुस8:27-30)

¹⁸ एकी दिनै यीशु भीड़ा रै लोगु छ़ाड़ीयौ एखुलै दी प्राथना कौरदै डैऔ, और यीशु रै च़ेलै भी थै यीशु आइलै तैबै यीशुऐ च़ेलेऊ कु पुछ़ौ, "लोग मैरै बारै दी का बोलाई कि हाऊं कुण ऊ?" ¹⁹ तिउंऐ ज़वाब दैऔ, "कुछ़ बोलाई इणौ कि यहुना बप्तिस्मा दैणै वाल़ौ ज़ीऊंदौ हुई गौ आ, और कुछ़ बोलाई एलिय्याह भविष्यवक्ता, और कुछ़ बोलाई इणौ कि पुराणै ज़मानै रै भविष्यवक्ता माझ़ीऐ कु एक भविष्यवक्ता ज़ीऊंदौ हुई गौ आ।" ²⁰ यीशुऐ तिऊंकु पुछ़ौ, "तुमै का सौमझ़ा ई मूं (मैरै बारे दी)?" पतरसै ज़वाब दैऔ, "तुमै परमेश्वरा री तौरफा कु भेज़ै औन्दै मसीहा ई। ²¹ तैबै यीशुऐ तिउंकै च़ितलाऔ कि, एथरै बारे दी कासी आइलै ना बोलेऊ।

आपणी मौता रै बारै दी यीशु री भविष्यवाणी

(मती16:21-23;मरकुस8:31-33)

²² और यीशुऐ तौऐं बोलौ, "कैलैकि, आदमी रै छ़ोहरूऐ भौरी दुख उठाउणे ई; यहुदी स्याणै लोग, बौड़ै याजक, और शास्त्री मूं नाईं मानदै, मेरी इज़्ज़त नाईं कौरदै। और मूं पोरु झ़ांगाई पर हाऊं चिजै दिनै ज़ीउंदौ हुआऊ।

यीशु पीछ़ु आण्डणै रौ मतलब

(मती16:24-28;मरकुस8:34—9:1

²³ तैबै यीशुऐ सारै लोगु लै बोलौ, "अगर कुण मूं पिछ़ु हाण्डणौ च़ाहा, (मैरौ च़ेलौ बौणनौ च़ाहा लौ) सेऊ आपणी इच़्छा पोरु छ़ाड़ा लौ" और आपणौ क्रूस च़ुंगीयौ हर रोज़ मूं पिछ़ु हाण्डा लौ। ²⁴ कैलैकि ज़ुण-कुण आपणौ प्राण दैणै नाईं च़ाह लौ तेसलै परमेश्वरा आइलै सदा री ज़ीन्दगी नाईं मिलदी, पर ज़ो मुकालै तयार औलौ तेसलै परमेश्वरा आइलै सदा री ज़ीन्दगी मिला आ। ²⁵ लोग पुरै संसार पाई बल़ा ई, पर एथरौ का फाइदौ आ आपणौ प्राण खोआ लै पोरू? ²⁶ ज़ो मेरी ताईं और मेरी शिक्षा री ताईं शर्मिया लौ, ता ज़ेबी हाऊं आदमी रौ छ़ोहरू आपणी, बाबा री और, पवित्र दूतु री शाना देखाईऔ आशु लै, तेबै हाऊं भी शर्मिया ऊ। ²⁷ पर, "हाऊं तुमु लै सच़्च़ौ बोलाऊ कि इदै इऊं खौड़ै लोगू मांझ़िऐ कु कुछ़ आदमी ज़ुरूर आपणी ज़िन्दगी दी देखा लै कि परमेश्वर शक्ति भौलौ राज़ कौरना लै आशौ आ।

यीशु रौ रूप बौदलिणौ

(मती17:1-8;मरकुस9:2-8)

²⁸ इऊं बुशैऊ कु आठा दिना बसीयै यीशुऐ पतरस, यहुना और याकूब आपु आइलै निअंऔ प्राथना कौरना लै एकी धारा माथै डैऔ। ²⁹ ज़ैबै यीशु प्राथना कौरदै लागौ, तैबै प्राथना कौरदै-कौरदै यीशु रै मुआं रौ रूप बौदलुई गौ, और यीशु रै जुड़कै उज़ल़ै हुईयौ च़मकदै लागै। ³⁰ और तिंआ ताकै तिऐ यहुदी लोगु रै पुराणै ज़मानै रै दुई स्याणै भी परगट हुऐ ज़ासरै नाऊं मुसा और एलिय्याह थै, सै दुई थै लागै औन्दै यीशु आइलै बुशै लाईंदै। ³¹ सै शाना कौरीयै दिशै, और यीशु रै मौरनै री बुशै लाईंदै थै लागै औन्दै ज़ो यरुश्लेमा दी हुणै वाल़ौ थौ यीशु आइलै। ³² पर पतरस और तेसरै साथी थै गहरी निजा दी सुतै औन्दै, ज़ैबै सै च़ेलै आच़्छ़ै कौरीऐ थौरकै तैबै तिउंऐ यीशु री शान और सै दुई आदमी देखै ज़ुण यीशु आइलै खौड़ै थै। 33ज़ैबै सै दुई भविष्यवक्ता यीशु काऐ कु डेऊंदै लागै, तैबै पतरसै यीशु लै बोलौ, "ओ गुरूजी, आमारौ इदै रौउणौ भौलौ आ, आबै आमै इदै चिन बेदी चाणी, एक ताऊं कालै, एक मुसा कालै और एक एलिय्याह कालै।" सेऊ नाईं ज़ाणा थौ कि हाऊं का बोलदै ऊ लागौ औन्दौ, ³³ ज़ैबै सै दुई भविष्यवक्ता यीशु काऐ कु डेऊंदै लागै, तैबै पतरसै यीशु लै बोलौ, "ओ गुरूजी, आमारौ इदै रौउणौ भौलौ आ, आबै आमै इदै चिन बेदी चाणी, एक ताऊं कालै, एक मुसा कालै और एक एलिय्याह कालै।" सेऊ नाईं ज़ाणा थौ कि हाऊं का बोलदै ऊ लागौ औन्दौ ³⁴ ज़ेबी सेऊ बोलदै थौ लागौ औन्दौ, तेबी ई सौरगा दी बादल कौठै हुऐ और सै बादला दी घेरुई गौऐ तैबै सै च़ेलै डौरी गौऐ। ³⁵ तैबै बादला माज़ियै कु एक हाक शुणुई कि, "एऊ मैरौ प्यारा छ़ोहरू आ, और मैरौ चुनौ औन्दौ आ एसरी शुणौ। ³⁶ ज़िणी तिऊं च़ेलेऊ कै इयै आवाज़ शुणुई तेत बासीऐ तिउंऐ यीशु एखुली देखौ, तैबै सै च़ेलै च़ुटुकच़ार थाकै और ज़ो कुछ़ तिउंऐ तिऐ देखौ थौ सै बूश तिउंऐ सेज़ै दिना दी कासी आइलै ना लाई।

बूरी आत्मा वाल़ौ छ़ोहरू च़ागौ कौरणौ

(मती17:14-18;मरकुस9:14-27)

³⁷ दुज़ै दिनै ज़ैबै यीशु और तेसरै च़ेलै पहाड़ी माथा कु तौल़ै आशै तैबै भौरी लोगु री भीड़ यीशु कु मिली। ³⁸ तियें भीड़ा मांझ़िऐ कु एक आदमी राड़ै मारीयौ थौ बोलदै लागौ औन्दौ कि, "ओ गुरू हाऊं ताऊं कु औरज़ कौराऊ कि मैरै छ़ोहरू माथै दया कर कैलैकि सेऊ मैरौ एकलौतौ छ़ोहरू आ। ³⁹ एक बुरी आत्मा तेस छ़ोहरू पाकड़ा सा और सेऊ छ़ोहरू किचराल़ी मारा आ, सै बुरी आत्मा तेस इणौ मेका सा कि तेसरै मुआं दी शेफै पा आशा ई बासिऐ तेस मेकीयौ और फैंच़ीयौ बौड़ी मुश्कल़ा कौरीयै पोरु छ़ाड़ा सा। ⁴⁰ मुइंयै तैरै च़लेऊ कु औरज़ की थी कि इयैं बुरी आत्मा पोरू गाड़ौ, पर सै नाईं गाड़ी बौल़ै। ⁴¹ तैबै यीशुऐ बोलौ, "का कौरुलै, तुमुकै मूं माथै इबी झ़ाऊं विश्वास नाईं आसतौ? तुमारौ ज़ीऊ ता भौरी काठौ आ, हाऊं केबी झ़ाऊं रौआऊ तुमु आइलै और केबी झ़ाऊं सहन कौराऊ? आपणौ छ़ोहरू इदै आण। ⁴² ज़ेबी सेऊ आदमी आपणै छ़ोहरू आणीयौ आशदै लागौ, तेबी ई बुरी आत्मै सेऊ छ़ोहरू धौनी लोटाल़ौ और मेकौ पर यीशुऐ सै बुरी आत्मा डांटी और छ़ोहरू तेबी च़ांगौ कौरीयौ तेसरै बाबा कै सौंभाल़ौ। बिमार माऊं च़ांगौ कियौ

आपणै मौरणै रै बारै दी यीशु री भविष्यवाणी

(मती17:22-23;मरकुस9:30-32)

⁴³ तैबै सारै लोग परमेश्वरा रै एज़ै बौड़ै शक्ति वाल़ै कामा देखीयौ हैरान हुऐ, ज़ैबै सारै लोग यीशु रै कामा देखीयौ हैरान थै, तैबै यीशुऐ आपणै च़ेलेऊ लै बोलौ, ⁴⁴ तुमै इऊं बुशैऊ दी कौन्थु लाऔ कैलैकि आदमी रौ छ़ोहरू लोगु रै हाथा दी पौकड़ाइणै वाल़ौ आ। ⁴⁵ पर च़ेलै एज़ी बूश नाईं सौमझ़ा थै, और इयै बुशै तिऊंकु च़ोरुई औन्दी थी ताकी सै ना सौमझ़ा, और च़ेलै इऊं बुशु रै बारै दी यीशु कु पुछ़णा लै डौरा थै।

सारेउकु बौड़ौ कुण?

(मती18:1-5;मरकुस9:33-37)

⁴⁶ तैबै यीशु मसीह रै च़ेलै आपु मांझ़ीऐ बोलींदै लागै कि आमु माझ़ीयै बौड़ौ कुण आ? 47यीशुऐ तिंउरै मौना रै विच़ार सौमझ़ी गौऐ, यीशुऐ एक छ़ोहरू आणीयौ आपु काऐ खौड़ौ कियौ। ⁴⁷ यीशुऐ तिंउरै मौना रै विच़ार सौमझ़ी गौऐ, यीशुऐ एक छ़ोहरू आणीयौ आपु काऐ खौड़ौ कियौ। ⁴⁸ और च़ेलेऊ लै बोलौ, "ज़ो एस ज़ीणो छ़ोहरू मैरै नावां कौरी अपणावा ई सै मूं अपणावा ई, और ज़ुण कुण मूं आपणावा ई सै मैरौ बाब ज़ुणीयै हाऊं भेज़ोऊ तेस आपणावा ई; केलैकि तुमु मांझ़ीऐ ज़ुण सारेऊ कु छ़ोटौ बौणा लौ सेऊ बौड़ौ हुआ सा।

ज़ो बिरोधा दी नाई सेउ हका दी आ

(मरकुस9:38-40)

⁴⁹ तैबै यहुना नावां रै च़ेलैऐ यीशु लै बोलौ, "ओ गुरूजी, आमुऐ एक आदमी देखौ आ ज़ुण तुमारै नावां कौरीयै बुरी आत्मा गाड़दै थौ लागौ औन्दौ। आमुऐ कौरी तेसलै मना। कैलैकि सेऊ तुमारै च़ुनै औन्दै च़ेलेऊ माझ़ीऐ कु नाईं थौ। ⁵⁰ यीशुऐ तेसलै बोलौ, "तेस आदमी लै मना नाईं कौरौ कैलैकि ज़ुण आमारै विरोधा ई नाई आसतौ सेऊ आमारै हका दी आ। ⁵¹ ज़ैबै यीशु रै सौरगा लै डेऊणै रै दीन नज़दीक आशदै लागै, तैबै यीशुऐ यरुश्लैमा लै डेऊणै रौ विच़ार पाकौ की गौ आ। ⁵² डेऊणे कु पैहलै यीशुऐ सामरी इलाकै दी ज़ो गाऊं थै तिऊं गावां दी आपणै दूत भेज़ै कि सै यीशु कालै ज़ागहा तयार कौरा। ⁵³ पर तिऊं गावां रै लोगुऐ सै वापिस भेज़ै। कैलैकि यीशु यरुश्लेमा लै थौ डेउंदै लागौ औन्दौ। ⁵⁴ ज़ैबै तेसरै च़ेले याकुबै और यहुनै इणौ शुणौ, तैबै तिउंऐ यीशु लै बोलौ, "ओ प्रभु" आमुलै आज्ञा दै कि आमै सौरगा कु आग बरसाइयौ इऊं लोगु पोरु ज़ाल़ी। ⁵⁵ पर यीशु तिऊं भिलै मुड़ै और सै डांटै और बोलौ, "तुमै नाईं ज़ाणदै कि तुमै किणी आत्मा रै सा। कैलैकि आदमी रौ छ़ोहरू लोगु रै प्राण नाश कौरदै नाईं बल्की बच़ाउणा लै आ आशौ औन्दौ। ⁵⁶ तैबै सै तिदरू दुजै गावां बाटीऐ निकल़ी गौऐ।

यीशु रौ च़ेलौ बौणनै रौ मतलब

(मती8:19-22)

⁵⁷ ज़ैबै सै बाटा दी डेऊंदै थै लागै औन्दै, तैबै कुणीऐ यीशुलै बोलौ, "तुमै च़ाऊ ज़ीऐ भी डेवा लै हाऊं तुमु पिछ़ु आशाऊ। ⁵⁸ पर यीशुऐ तेसलै ज़वाब दैऔ, "शालटा, रै ता रौइणा लै डौरै हुआई और च़िड़ु-च़िटकेरु रै रौइणा लै कोल़ै हुआई, पर आदमी रै छ़ोहरू कै मुंडा छ़ाड़ने री भी ज़ागहा नाईं आ। 59यीशुऐ दुजै आदमी लै बोलौ, "आश्श मैरौ च़ेलौ बण, सेऊ आदमी राज़ी हुऔ, पर सेऊ बोलदै लागौ, "प्रभु मूं पैहलै डेऊणै दै कि आपणौ बाब कौबरी दी दाबु।" ⁵⁹ यीशुऐ दुजै आदमी लै बोलौ, "आश्श मैरौ च़ेलौ बण, सेऊ आदमी राज़ी हुऔ, पर सेऊ बोलदै लागौ, "प्रभु मूं पैहलै डेऊणै दै कि आपणौ बाब कौबरी दी दाबु।" ⁶⁰ यीशुऐ तेसलै बोलौ, "ज़ुण आत्मा कु मौरै औन्दै ई तिऊं आपणै मुर्दै दाबणै दैऔ। तैरौ काम एज़ौ कि तू परमेश्वरा रै राज़ा रौ खुशी रौ संदेश शुणांऊ। ⁶¹ एकी आदमी ऐ तौंऐ बोलौ, "ओ प्रभु हाऊं ताऊं पिछ़ु आशाऊ पर पैहलै मूं डेऊणै दै कि आपणै टौबरा कु इज़ाज़त निऊं लौ। ⁶² यीशुऐ तेसलै बोलौ, "ज़ो आदमी बाइंदी बारै हौल़ा री आड़ी माथै हाथ छ़ाड़ीयौ पिछ़ाऊं देखा सेऊ परमेश्वरा रै राज़ा रै लायक नाईं आसतौ।

सौत्तर च़ेलै भेजणै

¹ इऊं बूशेऊ बासिऐ प्रभु सत्तर च़ेलै तौऐं छ़ांटै और ज़ेज़ै-ज़ेज़ै शहर और ज़ागहा दी सेऊ डेऊणै वाल़ौ थौ तिऐ-तिऐ यीशुऐ आपु कु पैहलै दुई-दुई च़ेलै भेज़ै। ² यीशुऐ तिउंलै बोलौ, "पाच़ी ऐन्दी फसल ता भौरी सी, पर तिऐं फसली मेटणे वाल़ै ज़ीमदार भौरी कम ई। एथीलै डोखरै रै मालीका कु औरज़ कौरौ कि आपणै डोखरै दी पाच़ी ऐन्दी फसली लौऊणा लै ज़ीमदार भेज़। ³ आबै डैऔ; और याद छ़ाड़ौ कि हाऊं तुमु शाल़टेऊ (भेड़ीया) माझ़ीऐ भेरी बाशिऐ भेझ़ाऊं। ⁴ तुमै डेऊंदी बारै आपकै ना बटुऐ, ना झ़ोल़े, इदरा झ़ाऊं कि दुजी ज़ोड़ी बूट भी ना निऐऊ, और बाटा दी कासी काऐ टेकियौ ढाल भी ना कौरेऊ। ⁵ और ज़ेज़ै घौरा दी तुमै डिआ लै, पैहलै बोलेउ कि एस घौरा दी शान्ति मिला। ⁶ और अगर शान्ति लायक आदमी तेस घौरा दी औलै ता तिउंलै आशीष मिला सा, अगर सै इणै लायक नाईं ता सै आशीष और शान्ति वापिस तुमुकै आशा सा। ⁷ ज़ेज़ै घौरा दी तुमै डिआलै, सेज़ै घौरा दी रौएऊ, और ज़ो कुछ़ मिला लौ सेज़ौ खाऐ पिएऊ, कैलैकि मज़दुरा लै तेसरी मज़दुरी मिलणी च़ांई, घौरा-घौरा कै नाईं रिटणौ। ⁸ ज़ेज़ै इलाकै दी तुमु खुशी कौरी माना लै और ज़ो कुछ़ सै तुमुलै खाणा लै दिआ ले तेस खुशी कौरीऐ खाएऊ। ⁹ तिदलै बिमार लोगु तुमै च़ांगै कौरेऊ, और तिउंलै बोलेऊ कि परमेश्वरा रौ राज़ तुमारै नज़दीक पौऊंच़ी गौ आ। ¹⁰ पर ज़ेज़ै इलाकै दी तुमु नाईं माना लै ता तुमै तेस इलाकै री सड़की दी डेईयौ बोलेऊ, ¹¹ तुमारै इलाकै री धूड़ भी ज़ो आमारै बांगणे दी लागी एन्दी, इयैं धूड़ आमै तुमु काऐ झाड़ी आ, तैबै भी तुमै इणौ ज़ाणौ कि, "परमेश्वरा रौ राज़ तुमारै नज़दीक पौऊंच़ी गौ आ। ¹² हाऊं तुमु आइलै बोला ऊ कि, "फैसलै रै दिनै तेस इलाकै री हालत सदोम शहरा कु भी बुरी हुणी आ।

बिण विश्वासा वाल़ै इलाकै धिकारनै

(मती11 :20-24)

¹³ तैबै यीशुऐ दुई शहर खुराजीन और बैतसैदा लै दुखा कौरीयै बोलौ, हाऐ खुराजीन और बैतसैदा: ज़ो शक्ती वाल़ै काम मुइंयै तुमु मांज़ीऐ किएई अगर तिऊं काम हाऊं बुरै इलाकै सूर और सैदा दी कौरा थौ ता सै तिंउरै बौणै औन्दै बोरी रै जुड़कै भीड़ीयौ और आपणै ज़ीवा दी छ़ारा मांडीयौ केबकै आपणौ मन पापा कु बौदल़ा थै। ¹⁴ पर फैसलै रै दिना दी तुमारी हालत तिऊं सूर-सैदा इलाके कु भी ज़ादी बुरी हुणी आ। 15ओ कफरनहुमा रै लोगुओ, का तुमु सौरगा झ़ाऊं ऊंच़ौ कौरा ई? तुमु ता तौल़ै उतारा ई पैताल़ा लै। ¹⁵ ओ कफरनहुमा रै लोगुओ, का तुमु सौरगा झ़ाऊं ऊंच़ौ कौरा ई? तुमु ता तौल़ै उतारा ई पैताल़ा लै। ¹⁶ तैबै यीशुऐ आपणै बारहा च़ेलेऊलै बोलौ, "ज़ो लोग तुमारी शुणाई सै मेरी शुणाई, और ज़ो तुमारौ संदेश नाईं मानदै, सै मूं नाईं मानदै, और ज़ो मेरी बूश नाईं मानदै सै तेस भी ना मानदै ज़ुणीऐ हाऊं भेज़ो ऊ।

सौत्तर च़ेलेउ रौ वापिस आशणौ

¹⁷ तैबै सै सत्तर च़ेलै यीशु काऐ खुशी कौरीऐ वापिस आशै, और सै बोलदै लागै, "ओ प्रभु तुमारै नावां कौरीऐ बुरी आत्मा भी आमारै बौशा दी आ। ¹⁸ यीशुऐ बोलौ, "मुइंयै शैतान बिज़ली बाशीऐ सौरगा कु तौल़ै पौड़दै देखौ आ।" ¹⁹ देखौ मुइंयै तुमुकै साप और बिच़्छ़ु लाता थालै ज़ांगणा, और शैताना री सारी ताकती माथै हक आ दैऔ औन्दौ, और केज़ी भी च़िज़ा कु तुमु लै कोई भी नुकसान नाईं औन्दौ। ²⁰ तैबै भी तुमै खुश नाईं हुएऊ कि आत्मा तुमारै बशा दी आ, "पर एथलै खुश हुएऊ कि तुमारै नाऊं सौरगा दी ई लीखै औन्दै।"

यीशु रौ खुश हुणौ

(मती11:25-27;13:16-17

²¹ और सेज़ै बौग्तै यीशुऐ पवित्र आत्मा दी खुशी कौरियै भौरुइयौ बोलौ, "ओ मैरौ बाब" सौरग और धौतरी रै प्रभु, हाऊं तैरौ धन्यवाद कौरा ऊ कि ताऐं इयै बुशै ज्ञानी और समझ़दारू कु च़ोरी छ़ाड़ी और लोल़डेऊ माथै परगट की, कैलैकि, "ओ बाब ताउंकै इणौ ई आच़्छ़ौ लागा। ²² तैबै यीशुऐ आपणै च़ेलेऊ लै बोलौ, "मैरै बाबै मुकै सब कुछ़ सौंभाल़ी गौ आ; कोई ना ज़ाणदौ कि छ़ोहरू कुण आ, सिर्फ बाब ज़ाणा सा, और बाब कुण आ इणौ भी कोई ना ज़ाणदौ सिर्फ छ़ोहरू या ज़ास माथै छ़ोहरू तेस परगट कौरनै च़ाह लौ। ²³ तैबै यीशुऐ आपणै च़ेलेऊ भीलै मुड़ीयौ एखुले दी बोलौ, भौली सै आखी ज़ो इणौ देखदे ई लागी औन्दी। ²⁴ कैलैकि हाऊं तुमुलै बोला ऊ कि भौरी गुरूऐ, और राज़ेऊ ऐ च़ाऔ कि सै तिऐं बूश देखा और शुणा, ज़ो बुशै तुमुऐ हाऊं कौरदै देखौ और बोलदै शुणौ ऊ, पर सै इऊं बुशै ना देखी बौल़ै और ना शुणी बौल़ै।

दयालु सामरी रौ औनैणौ

²⁵ तैबै एक शास्त्री उठौ और इणै बोलीऔ यीशु री परिक्षा कौरदै लागौ, कि सौदा री ज़िन्दगी पाईणा लै मुइंयै का जा सा कौरनौ? ²⁶ यीशुऐ तेसलै ज़वाब दैऔ, "धर्म शास्त्रा दी का सा लिखौ औन्दौ, और ताऐं किणौ पौड़ौ आ? ²⁷ तिणी आदमी ऐ ज़वाब दैऔ, इणौ आ लिखौ औन्दौ कि, "तू आपणै ज़िवा कौरीऐ, आपणै पुरै प्राणा कौरीयै, सारी ताकती कौरीयै और पुरै दिमागा कौरीयै परमेश्वरा आइलै प्रेम कर, "और ज़िणौ प्रेम तू आपु आइलै कौरा ई तिणौ प्रेम तू आपणै आस-पड़ोसा रै लोगु आइलै भी कर। ²⁸ यीशु ऐ शास्त्री लै बोलौ, "तू ठीक बोला ई, इणौ ई कर तैबै तु ज़िउंदौ रौआई।" ²⁹ पर तिणी शास्त्री ऐ आपुलै धर्मी सौमझ़ीऔ यीशु कु पुछ़ौ कि, मैरौ पड़ोसी कुण आ? ³⁰ यीशुऐ तेसलै ज़वाब दैऔ, "एक आदमी यरुश्लेमा कु यरीहो गावां लै थौ लागौ औन्दौ डेऊंदै, बाटा दी सेऊ च़ोर डाकुऐ घेरौ और तेसरै ज़ुड़कै च़िरै और सेऊ पिटीऔ अदमौरौ कियौ, और आपु भागै तिदरू पोरू। ³¹ तैबै इणौ हुऔ कि सेज़ी बाटा दी एक याजक आशौ तिणीऐ सेऊ अदमौरौ आदमी देखौ और तेसकु बारुइयौ तिदरू पोरु डैऔ। ³² इणी एक लेवी ज़ाती रौ आदमी भी तेशी आलै आशौ और सेऊ भी तेसकु बारुइयौ तिदरू पोरु डैऔ। ³³ तैबै सामरी ज़ाती रौ आदमी तेशी आलै आशौ और तिणीऐ सेऊ अदमौरौ आदमी दैखौ और तेस माथै दया की। ³⁴ सेऊ तेस अदमौरै आदमी काऐ आशौ और तेसरै ज़खमा दी तेल और दवाई लाईयौ पट्टी बानी और आपणै गादहै माथै बोशाल़ीयौ आपु आइलै एकी सरायैं दी निऔं तिऐ तेसरी सेवा की। ³⁵ दुजै दिनै तिणी सामरी आदमीऐ सरायं रै मालिका कै दुई च़ांदी रै रुपाई दै, और बोलौ एसरी सेवा कौरै ज़ो कुछ़ तैरौ औज़ौ लागा लौ तेस हाऊं वापसी दी आशीयौ ताऊं कै दिआऊ। ³⁶ तेथ बासीऐ यीशुऐ तेस शास्त्री लै बोलौ, "आबै तेरी सौमझ़ी दी तेस अदमौरै आदमी ज़ुण डाकुऐ पिटौ, तेसरौ पड़ोसी कुण बौणौ तिऊं चिआ माझ़ीया कु ज़ुण तेशी आलै बाटा दी आशे ई? ³⁷ तिणी शास्त्रीऐ ज़वाब दैऔ, "सेऊ आदमी ज़ुणीऐ तेस अदमौरै आदमी माथै दया की आ।" "यीशुऐ बोलौ डेऊ तू भी इणौ कर।"

मार्था और मरियमा घौरा कै यीशु

³⁸ ज़ैबै यीशु और तेसरै च़ेलै डेऊंदै थै लागै औन्दै तैबै यीशु एकी गावां दी डैऔ, तिऐ मारथा नावां री एकी छ़ेउड़ीऐ यीशु आपणै घौरै निऔ। ³⁹ तिआंरी एक बौइण थी ज़ासरौ नाऊं मरियम थौ, मरियम यीशु री लाता काऐ बोशीयौ यीशु रै वचन शुणा थी। ⁴⁰ पर मारथा भौरी काम कौरदै-कौरदै निराश हुई गोई थी तैबै मारथा तिऊं काऐ आशीऔ बोलदै लागी, "ओ प्रभु का ताउंकै फिकर नाईं आसती कि मेरी बौइणीऐ हाऊं कामा कौरना लै एखुली छ़ाड़ी गो ऊ? आबै इआंलै बोल कि मेरी मज़द कर ⁴¹ यीशुऐ तिआंलै ज़वाब दैऔ, "मारथा ओ मारथा तू भौरी बुशा लै फिकर केलै कौरा ई और तू घबरा कैलै ई? ⁴² पर एक बूश ज़ुरुरी आ कि मरियमै सै आच़्छ़ी ज़ागहा चुनी गो ई ज़ो तिआंकु कादी ना छ़ुड़ाईंदी।"

च़ेलेउ कै प्राथना कौरनी शिखाऊणी

(मती6:9-13)

¹ एकी ज़ागहा दी यीशु प्राथना कौरदै थौ लागौ औन्दौ, ज़ैबै यीशु प्राथना कौरीयौ उठौ, तैबै यीशु रै च़ेलेऊ मांज़ीया कु एकी च़ेलै यीशु लै बोलौ, "ओ प्रभु ज़िणौ यहुनै आपणै च़ेलेऊ कै प्राथना कौरनी शिखाई आ, तिणी तुमै भी आमुकै प्राथना कौरनी शिखाऔ। ² यीशुऐ आपणै च़ेलेउलै बौलौ, “ज़ेबी तुमै प्राथना कौरा, लै ता इणी कौरनी, "ओ आमारै बाब: तैरौ नाऊं पवित्र मानणौ च़ाई; तैरौ राज़ चाई आशौ। ³ आमुलै हर दिना री रौटी रोज़ दै। ⁴ और आमारै पाप माफ कर; कैलैकि आमै भी आपणै दुश्मन माफ कौरी ई; और आमु परखै नाईं।

प्राथना रै बारै दी यीशु री शिक्षा

(मती 7:7-11)

⁵ तैबै यीशुऐ आपणै च़ेलेऊलै बौलौ, “तुमु माझीऐ इणौ कुण आ ज़ासरौ एक गोश्टण आधी राच़ीऐ तेस काऐ आशियौ तेसलै बौला लौ, “ओ गोश्टण मुकै चिन रोटी दै एरी। ⁶ कैलैकि मैरै काऐ एक गोश्टण दुरा कु आशौ औन्दौ और मुकै तेसलै दैणा लै कुछ़ा ना आसतौ। ⁷ और तेसरौ गोश्टण भितरा कु बोला लौ इणौ कि, मु आधी राच़ीऐ तंग ना कौर कैलैकि आबै दार बंद हुई गौऐ और मैरै लोल़डै ई मुकाऐ सुतै औन्दै हाऊं तांऊकै उठीयौ रोटी नाईं देई बौल़दौ?” ⁸ तैबै यीशुऐ बोलौ, “हांऊ तुमु लै बौलाऊ अगर तेसरौ गोश्टण हुईयौ भी तेसकै रोटी नाईं दिआ लौ, तैबै भी तेसरै लाज़ शरम छ़ाडीऔ मागणै रै कारण, तेसकै ज़ेती ज़रुरत आ तेती तेसकै उठीऔ दिआ आ। ⁹ और हांऊ तुमुकै बोलाऊ, “कि मांगा लै ता तुमुकै दिआई, लोड़ा लै ता तुमुकै मिला, खटखटावा लै ता खुला। ¹⁰ कैलैकि ज़ुण मांगा तेसलै मिला, और ज़ुण लोड़ा लौ तेसकै मिला, और ज़ुण खटखटावा लौ तेसलै दार खुला सा। ¹¹ तुमु मांझ़ीऐ इणौ बाब कुण हुआ आ, कि ज़ेबी तेसरौ छ़ोहरु रोटी मांगा लौ, ता तेसलै पात्थर दिआ लौ, या माछ़ी मांगालौ, ता तेसलै माछ़ी रै बौदलै साप दिआ? ¹² या आंडौ मांगा लौ ता तेसलै बींच्छ़ु दिआ? ¹³ ज़ैबै तुमै बुरै हुईयौ आपणै लोल़डेऊ कै आच़्छ़ी च़ीज़ै दैणौ ज़ाणाई, तैबै सौरगा दी रौइणै वालौ सारेऊ रौ बाब आपणै मांगणै वालै लोल़डेऊ कै पवित्र आत्मा कैलै ना दैन्दौ।”

यीशु और बालज़बूल

(मती12:22-30; मरकुस3:20-27)

¹⁴ तैबै यीशुऐ एकी आदमी कु लाटी, बुरी आत्मा गाड़ी। ज़ैबै बुरी आत्मा तेस आदमी कु निकल़ी, तैबै सेऊ आदमी बुशै लाइंदै लागौ। इणै देखीयौ लोग हैरान हुऐ। ¹⁵ तिऊं लोगु मांझ़ीया कु कुछ़ लोगुऐ बोलौ, "एऊ यीशु ता बालज़बूल शैताना रै ज़रीयै बुरी आत्माऐं गाड़ा सा।" ¹⁶ और कुछ़ लोगुऐ यीशु परखुणा लै यीशु कु सौरगा रौ एक निशाण मांगौ। ¹⁷ पर यीशुऐ तिंउरै मना री बूश ज़ाणीयौ तिउंलै बोलौ, "ज़ेज़ै इलाकै दी आपु माझ़ीयै फूट पौड़ा ली सेऊ इलाकौ पोरु उझड़ा सा; और ज़ेज़ै परिवारा दी फूट औली सेऊ घौर नाश हुआ सा। ¹⁸ अगर शैतान आपणौ विरोधी या दुश्मन औलौ ता तेसरौ राज़ किणै कौरीयै बौणी रौआ सा? कैलैकि तुमै मैरै बारे दी ता बोला ई इणौ कि एऊ शैताना रै ज़रीयै बुरी आत्मा गाड़ा सा। ¹⁹ अगर हाऊं शैताना रै ज़रीयै बुरी आत्मा गाड़ा ऊ ता, तुमारी सन्तान कासरै ज़रीयै बुरी आत्मा गाड़ा ई? आबै सै ई तुमारौ फैसलौ कौरा ई। ²⁰ अगर हाऊं परमेश्वरा री शक्ति कौरीयै बुरी आत्मा गाड़ा ऊ ता परमेश्वरा रौ राज़ तुमारै बिच़ा दी आशी गौ आ। ²¹ अगर एक ताकती वाल़ौ आदमी आपु कै हथीयार छ़ाड़ीयौ आपणै घौरा री च़ोउकीदारी कौरा लौ ता तेसरी धन-ज़यदाद कोई ना नीं बौल़दौ। ²² पर ज़ैबै तेसकु भी ज़ादौ ताकती वाल़ौ आदमी तेस हराइयौ ज़ीता सा, तैबै सेऊ तेसरै तिऊं हथीयार ज़ेथरै ज़रीयै सेऊ रखवाल़ी कौरा थौ तिऊं छ़ुड़ावा सा और तेसरी धन-ज़यदाद नीं औ बांटा सा। ²³ तौऐं यीशुऐ बोलौ, "ज़ुण मैरै साथा दी नाईं, सै मैरै विरोधा ई और ज़ुण मूं आइलै कौठै नाईं कौरदै सै डाल़ा ई।

आधै सुधारा कु मुश्किल

(मती12:43-45)

²⁴ ज़ैबै आदमी कु बुरी आत्मा निकल़ा सा तैबै सै बुरी आत्मा आपु कालै खाली ज़ागहा दी आराम वाल़ी ज़ागहा लोड़ा आ, और ज़ैबै बुरी आत्मा कै किए भी ज़ागहा नाईं मिलदी, तैबै सै बोला सा हाऊं आबै आपणै सेज़ै घौरा दी डिआऊ ज़िदरु हाऊं निकल़ी ऊ। ²⁵ ज़ैबै सै बुरी आत्मा वापिस तिए आशा ज़ीदरु सै निकल़ी थी तिऐ तिआंकै सै ज़ागहा साफ-सुथरी और सज़ी औन्दी मिला सा। ²⁶ और सै बुरी आत्मा डेइयौ आपु आइलै औज़ौ सात बुरी आत्माऐं आणा सा, ज़ो तियांकु भी बुरी हुआ ई। इणै कौरीयै सै सारी बुरी आत्माऐं तेस शरीरा दी डेइयौ वास कौरा ई तेस आदमी री हालत ज़ासदी सै बुरी आत्माऐं हुआई पैहलै कु भी ज़ादी बुरी बौणा सा।

भौलौ कुण आ?

²⁷ ज़ेबी यीशु बुशै लाइंदै थौ लागौ औन्दौ तेबी ई भीड़ा मांझ़ीऐ कु एकी छ़ेउड़ी ऐ ज़ोरै हाक देईयौ बोलौ, ’भौलौ सेऊ गर्भ ज़ेथदी तू रौ थौ, और भौलै ई सै बुबु ज़ेथकु ताऐं दूध पियौ थौ।" ²⁸ यीशुऐ बोलौ, " ओ बा पर भौलै ता सै ई, ज़ुण परमेश्वरा रै वचन शुणा और माना ई।"

सौरगा रै निशाणा री मांग

(मती12:38-42)

²⁹ ज़ैबै भौरी भीड़ कौठै हुन्दै लागी तैबै यीशु बोलदै लागौ, "एज़ै पोस्तै रै लोग बुरै ई, ज़ुण निशाणी मागां ई, पर योना भविष्यवक्ता री निशाणी छ़ाड़ीयौ हाऊं केज़ी भी निशाणी नाईं देखल़दौ। ³⁰ ज़िणौ योना भविष्यवक्ता निनवै इलाकै रै लोगु लै निशाण बौणौ आ, तिणी आदमी रौ छ़ोहरू भी एज़ै पोस्तै रै लोगु लै निशाण बौणा आ। ³¹ दक्षिण तौरफा री राणी परमेश्वरा रै फैसलै रै दिना दी एज़ै पोस्तै रै लोगु आइलै उठीयौ तिऊं माथै इलज़ाम ला सा, कैलैकि इयै राणी सुलेमान ज्ञानी रै ज्ञान शुणना लै धौतरी रै धुरै कु आशी थी, सुलेमान राज़ै काऐ। और देखौ इदै ता सुलेमान ज्ञानी कु भी बौड़ौ ज्ञानी आ। ³² और निनवे देशा रै लोग भी एज़ै पोसतै रै लोगु आइलै उठीयौ परमेश्वरा रै फैसलै रै दिना दी तिऊं माथै इलज़ाम ला ई, कैलैकि तिउंऐ योना भविष्यवक्ता रौ परचार शुणीयौ आपणौ मन पापा कु बौदलौ आ और इदै ता योना भविष्यवक्ता रौ भी भविष्यवक्ता आ।

शरीर और प्याशौ

(मती5:15; 6:22,23)

³³ यीशुऐ तौऐं बोलौ, "कोई भी आदमी लम्प ज़ाल़ीयौ नीऊठी ज़ागहा दी नाईं छ़ाड़दौ, पर लम्प ऊंच़ी ज़ागहा दी छ़ाड़ाई ताकी बितरै आशणै वाल़ेऊ कै प्याशौ लागा। ³⁴ तुमारै शरीरा रौ लम्प तुमारी आख आ, अगर तेरी आख साफ-सुथरी आ तैबै तैरौ शरीर भी साफ-सुथरौ रौआ, अगर तेरी आख शेड़ी/बुरी आ तैबै तैरौ पुरौ शरीर भी इनारे दी आ। ³⁵ आबै च़ोकसीऐ रौएऊ ताकी ज़ो प्याशौ तुमुदी आ सेऊ इशौ ना च़ाईं। ³⁶ अगर तैरौ सारौ शरीर प्याशलौ आ और कोई भी शरीरा रौ अंग इनारे दी नाईं आ तैबै सब कुछ़ प्याशलौ रौआ आ, ज़िणौ कि लम्पा ज़ाल़ीयौ प्याशौ हुआ सा।

शास्त्रिउ और फरीसिउ री बुराई रै बारै दी रोशिणौ

(मती23:1-36; मरकुस12:38-40))

³⁷ ज़ेबी यीशु बुशै लाइंदै थौ लागौ औन्दौ, तैबै एकी फरिसी ऐ सेऊ आपणै घौरै रोटी खान्दै औटाऔ। तैबै यीशु तेसरै काऐ भितरै डैऔ और रोटी खान्दै बोशौ। ³⁸ तेस फरिसी कै इणै देखीयौ हैरानी हुई कि यीशु बिणा धोईयौ रोटी खान्दै बोशी गौ आ। ³⁹ प्रभुऐ तेसलै बोलौ, "ओ फरिसी तुमै ज़ौगटी, थाल़ी बाइठी माज़णा लै बौड़ौ ख्याल छ़ाड़ाई, पर तुमु बितै ता इबी भी मौल़ आ, तुमुदी ता इबी भी लाल़च़ और बुराई भौरुई एन्दी। ⁴⁰ ओ मुर्ख लोगुओ, "का परमेश्वरै भीतरी और बाइरी दुई भीलै ना चाणै? ⁴¹ ज़ो कुछ़ तुमारै कमाऔ औन्दौ आ, तेस तुमै गरीबु मांझ़ीऐ बांटौ, तैबै तुमै आच़्छ़ा कौरीयै शुद्ध हुआई। ⁴² "पर ओ फरिसीओ, तुमुलै ता ऐ केती बुरी बूश आ। तुमै ता आपणी छ़ोटी कु छ़ोटी कमाई रौ और पदीनै, सुदाब और सारी साल-फसली रौ दसवौ हिसौ दिआई, पर फैसलै और परमेश्वरा रौ प्यार टाल़ा ई पोरु। तुमु च़ाईं थौ इणौ कौरनौ, दश्वांस भी च़ांई थौ दैणौ और परमेश्वरा री बुशै भी थै माना। ⁴³ ओ फरिसीयों तुमुलै ता ऐ केती बुरी बूश आ, कि तुमै ता धर्मिक खुम्बल़ी दी भी ऊंच़ी ज़ागहा लोड़ा ई बोशणा लै, और इणौ भी ज़ाणा ई कि बज़ारा दी और बाटा-घाटा दी आशणै वाल़ै आदमी आमुकै ढाल कौरा। ⁴⁴ तुमुलै एज़ी भी केती बुरी बूश आ, कि तुमै तिऊं च़ोरुई एन्दी कबरा बाशीयै ई ज़ेथ माथै लोग आंडा ई और तिउंकै इणौ पौतौ ना लागदौ कि इऊं भितै केती शौड़ी एन्दी च़िज़े ई।" ⁴⁵ तैबै कानुना रै एकी ज्ञानीऐ यीशु लै बोलौ, ओ गुरू ज़ो कुछ़ बुशै तुमुऐ इबी झ़ाऊं बोली ई तिऊं बुशु कौरी तुमुऐ आमारी बेइज़्ज़ती की आ। ⁴⁶ यीशुऐ बोलौ, "ओ कानुना रै ज्ञानीओ तुमुलै एज़ी भी केती बुरी बूश आ। ज़ो च़ीज़ च़ुंगणा लै गौरकी आ तिऐं च़ीज़ तुमै ओरी कु च़ुंगावा ई पर आपु नाई तुमै तिऐं च़ीज़ औंउठी कौरीऐ भी छ़ुईंदै। ⁴⁷ तुमुलै एज़ी केती बुरी बूश आ, कैलैकि तुमै पुराणै गुरु (नबीऊ) कालै कबर चाणा ई ज़ुण तुमारै नाना-बुड़ुऐ ज़ांगे ई। ⁴⁸ और तुमै गवाई आ, आपणै नाना बुड़ु रै काम ज़ाणा ई कैलैकि तिउंऐ सै पुराणै ज़मानै रै गुरू ज़ांगेई, तुमै तिउंरी कबरै चाणाई। ⁴⁹ परमेश्वरै री बुद्धी ऐ तुमुलै इणौ बोलौ आ, हाऊं तिऊं काऐ भविष्यवक्ता और भेज़ै औन्दै च़ेलै भेज़ाऊ और सै तिऊं माझीऐ कु कास ज़ांगा ई और कास आइलै कौराई बुरौ। ⁵⁰ दुनिया दी ज़ेती भी पैहलै औउलै भविष्यवक्ता झांगै ई, तिऊं रै ज़िमैबार एज़ै ज़ुगा रै लोग हुणेई। ⁵¹ हाबिल नावां रै धर्मी आदमी कु, जकर्याह नावां रै पुराणै याजका झ़ाऊं, ज़ुण परमेश्वरा रै घौरा दी बेदी और पवित्र ज़ागहा रै बिचा दी झ़ांगौ थौ: तेथरै ज़िमबार एज़ै जुगा रै लोग हुणेई। ⁵² कानूना रै ज्ञानीउ लै ऐ केती बूरी बूश हूणी आ कैलैकि तुमुऐ ज्ञाना री तालटी आपुकै नीं गो ई आ, ना ता तुमै आपु परमेशवरा रै राजा दी डेऊंदै और ना दुजेऊ दैंदै डेऊंणै। ⁵³ यीशु ऐ ज़ैबै आपणी बुशै बोली एरी, तैबै शास्‍त्री और फरीसी तेस आइलै दुश्मनी छ़ाड़दै लागै। और सै यीशु कु भौरी सवाल–ज़वाब कौरदै लागै। ⁵⁴ और एज़ी कोशीशा दी थाकै लागी कि यीशु रै मुआ कु कोई इणी बूश निकल़ा ज़ेज़ी बुशैऊ कौरी यीशु गलत साबित हुआ।

बूरै और पाखण्डी लोगु कु च़ितलाउणै

(मती10:26;27)

¹ सेज़ै बौग्तै तिऐ कई हज़ार लोग कौठै हुई गौऐ और लोगु री भीड़ एती बौड़ी गोई कि, एकी दुजै माथै लागै लोटदै। यीशु सौभी कु पैहलै आपणै च़ेलेऊ भिलै मुड़ीयौ बोलदै लागौ, फरिसी रै संज़ैड़े कु बौच़ीयौ रौएऊ। ² सेऊ बौग्त आशदै लागौ औन्दौ, ज़ेबी सारी बुशै परगट हुआई। और ज़ो कुछ़ गुप्त आ सेऊ सामनै आशणौ आ। ³ ज़ो बुशै तुमुऐ पिठी पिछ़ु बोली आ सै बुशै छ़ापरा माथै खौड़ी हुईयौ हाके मारीयौ बोलाई, ताकी सारै लोग तिऊं बुशै शुणी बौल़ा।

कास कु डौरी लै

(मती10:28-31)

⁴ यीशुऐ आपणै च़ेलेऊलै बोलौ, मैरै प्यारै गोश्टणो, तुमै तिऊं कु ना डौरौ ज़ो सिर्फ तुमारौ शरीर ज़ांगी बौल़ाई तेथकु ज़ादौ सै कुछ़ नाईं कौरी बौल़दै। ⁵ पर हाऊं तुमुलै बोलाऊ, कि कासकु डौरनौ च़ांई, परमेश्वरा कु डौरौ ज़ासकै लोगु ज़ांगणै और नरका दी पाइणै री ताकट आ। ⁶ का पांज़ च़ौड़की दुई रुपाऐ दी ना बिकदी? तैबै भी परमेश्वर तिऊं मांझ़ीआ कु एक भी ना बिसुरदौ। ⁷ और तुमारै मुंडा रै बाल़ भी गौणै औन्दै ई, तुमै डौरौ नाईं कैलैकि तुमै परमेश्वरा लै तिऊं च़ौड़की रै बालरा कु भी ज़ादै किमती ई।

यीशु मानणौ या नाईं मानणौ

(मती10:32,33; 12,32; 10:19,20)

⁸ हाऊं तुमुलै बोलाऊ, कि ज़ुण-कुण मूं लोगु माझ़ीऐ माना लौ, ता हाऊं आदमी रौ छ़ोहरू तेस आदमी परमेश्वरा रै दूता रै सामनै माना ऊ। ⁹ पर अगर कुण, लोगु काऐ मैरौ इन्कार कौरा लौ, ता हाऊं तेस आदमी रौ परमेश्वरा रै दूता रै सामनै इन्कार कौरा ऊ ¹⁰ ज़ुण कुण आदमी रै छ़ोहरू रै खिलापा दी बोला लौ तेस लै ता माफी मिला सा। पर ज़ुण कुण पवित्र आत्मा री बेइज़्ज़ती कौरा लौ तेस लै केबी भी माफी नाईं मिलदी। ¹¹ ज़ैबै तुमु धार्मिक खुम्बल़ी दी राज़ च़लाऊणै वाल़ै, बाकी अधीकारी लोगु काऐ तुमारौ मुकदमौ च़लावा लै ता तुमुऐ फिकर नाईं कौरनी, कि आपु बौच़णा लै आमु का और किणौ जा बोलनौ? ¹² कैलैकि ज़ैबै तुमै तिऐ खौड़ै औलै, सेज़ै बौग्तै पवित्र आत्मा तुमु कु शिखावा कि तुमु का ज़वाब जा दैणौ।

एक सेठ मूर्खा रौ औनैणौ

¹³ तैबै भीडा मांझिए कु एकी आदमिए यीशु लै बोलौ, ओ गुरू, ‘मैरै भाई ले बोल एरी कि आमै आपणै बाबा री ज़यदाद बांटी। ¹⁴ यीशुऐ तेसलै बोलौ, "ओ छ़ोहरू, हाऊं कुण औआ ऊ तुमारौ फैसलौ कौरनै वाल़ौ और तुमारी ज़यदाद बांटणै वाल़ौ?" ¹⁵ यीशुऐ तिउंलै तौऐं बोलौ, "च़ोकस रौ और सारै लोभ लाल़च़ा कु आपु बौच़ी थाकौ; कैलैकि कासी री भी ज़ीन्दगी धन-ज़यदादा कौरीयै नाईं काटींदी।" ¹⁶ यीशुऐ तिऊं लै एक अनैणौ दैऔ, एकी सेठा री ज़मीना दी भौरी नाज़ हुऔ। ¹⁷ तैबै सेऊ सेठ आपणै मना दी विच़ार कौरदै लागौ कि आबै हाऊं किणौ कौरुलौ कैलैकि मुकै इयैं फौसली छ़ाड़ना लै ज़ागहा नाईं आसती। ¹⁸ तैबै तिणी सेठै सुंच़ौ कि हाऊं इणौ कौरा ऊ इऊं छ़ोटै कुठार ढाल़ीयौ बौड़ै चाणा ऊ, और इयैं फसल तेथ भितै छ़ाड़ाऊ। ¹⁹ तैबै हाऊं आपणै प्राणा लै बोला ऊ, "ओ मैरै प्राण ताऊं कालै भौरी साला लै धन-ज़यदाद और नाज़ कौठै कियौ औन्दौ, खाऊ-पिऊ और मौज़ कर। ²⁰ पर परमेश्वरै तेस सेठा लै बोलौ, आज़ ई राचीऐ तैरौ प्राण ताऊंकु पोरु निंईआ ई, तैबै ज़ो कुछ़ तैरै कौठै कौरीयौ आ छ़ाड़ौ औन्दौ सेऊ कासरौ हुआ आ?" ²¹ तिणौ सेऊ आदमी भी आ ज़ुण आपुकालै ज़यदाद कौठै कौरा सा, सेऊ आदमी परमेश्वरा री नौज़री ऐ सेठ नाईं आसतौ।

परमेश्वरा माथी भरोसौ छ़ाड़ौ

(मती6:25-34)

²² तैबै यीशुऐ आपणै च़ेलेऊ लै बोलौ, "आबै हाऊं तुमु लै बोला ऊ आपणै प्राणा री फिकर नाईं कौरौ कि, आमै का खाऊ लै; और ना आपणै शरीरा री फिकर कौरौ कि आमै का भिड़ु लै। ²³ कैलैकि रोटी कु प्राण और जुड़के कु शरीर बौड़ौ किमती आ। ²⁴ कौगै माथै ध्यान दैऔ; सै ना बौइंदै, ना लौइंदै, और ना तिंउरै कुठार औन्दै, और नां तिंउरै खातै औन्दै, तैबै भी परमेश्वर तिऊं धाचा सा। पर तुमारी किम्मत ता च़ौड़किऊ कु भी काफी ज़ादी आ। ²⁵ तुमु मांझ़ीऐ इणौ कुण आ, ज़ो फिकर कौरीयौ आपणी उमर थोड़ी भी बड़ाई बौल़ा आ। ²⁶ अगर तुमै छ़ोटै कु छ़ोटौ काम नाईं कौरी बौल़दै तैबै बौड़ी बुशैऊ लै फिकर कैलै कौराई? ²⁷ ज़ांगल़ी फुला दी ध्यान दैऔ कि सै किणै बौड़ा ई सै ना ता मैहनत कौरदै और ना आपुकालै जुड़कै चाणदै तैबै भी केती बांठणे ई पर हाऊं तुमु लै बोलाऊ कि सुलेमान राज़ै भी आपणी सुखी ज़ीन्दगी दी इऊं फुलु ज़िणै बांठणै जुड़कै नाईं भीड़ै। ²⁸ अगर परमेश्वर इयैं धौतरी दी घास ज़मावा सा ज़ो घास आज़ औआ और बासीऐ ज़ल़ा पोरु तैबै; ओ अविश्वासी लोगुओ तुमुकै सेऊ परमेश्वर जुड़कै कैलै ना भिड़ाऊंदौ। ²⁹ और ना तुमै एज़ी बुशैऊ री फिकर कौरौ कि आमै का खाऊ लै और का पिऊ लै और ना शक कौरौ। ³⁰ कैलैकि पुरी दुनिया रै लोग इऊं सारी च़िज़ा लै फिकर कौरदै थाका ई लागी पर तुमारौ बाब परमेश्वर ज़ाणा सा कि तुमुकै इऊं च़िज़ा री ज़ुरुरत आ। ³¹ पर हाऊं तुमुलै बोलाऊ कि परमेश्वरा रौ राज़ लोड़ौ तैबै सारी च़िज़ै तुमुकै मिला सा।

सौरगा रौ धन

(मती6:19-21)

³² ओ छ़ोटी खुम्बल़ी रै लोगुओ, "डौरौ नाईं कैलैकि तुमारौ बाब परमेश्वरा कै इणौ आछ़ौ लागा कि सेऊ तुमारै ज़िवा दी राज़ कौरा। ³³ आपणी ज़यदाद बेच़ीयौ गरीबु लै दाण दैऔ और आपुकालै इणै बटुऐ चाणौ ज़ो केबी नां च़िरींदै और आपु कालै सौरगा दी इणी धन-ज़यदाद सांज़ौ ज़ो कादी ना घौटदी ज़िऐ ना ता च़ोर च़ोरदौ और ना किड़ौ लागदौ। ³⁴ कैलैकि ज़ियै तुमारौ धन औलौ तिऐ तुमारौ ज़ीऊ भी लागा।

उज़ी रौएऊ

³⁵ कौमरा कौशीयौ और दियै ज़ाल़ीयौ सदा तैयार थाकौ (परमेश्वरा रै कामा लै)। ³⁶ तिऊं आदमीऊ बाशीयै बौणौ, ज़ुण आपणै मालिका रौ इन्तज़ार थाका ई कौरदै लागी कि मैरौ मालिक शादी ब्याह कु वापिस केबड़ी आशा। और ज़िणी सेऊ मालिक दार खटखटावा लौ और सेऊ तेसलै खरकच़ार दार उगाड़ा और तेसरै स्वागत कौरना लै तैयार रौआ। ³⁷ और ज़ो तेस पौखदे ई लागै औन्दै, और सेज़ै बौग्ता लै तैयार ई, हाऊं तुमु लै सौच़ौ बोलाऊ सेऊ मालिक तेस आपणौ नुकुर धौनी बोशाल़ा आ, रोटी खान्दै। और आपणी कमर कौशीयौ आपु तेस दासा री सेवा कौरा आ। ³⁸ अगर सेऊ मालिक राचकै दुजै या चिजै पौहरै दी आशीयौ आपणौ दास उज़ी देखा लौ ता सेऊ भौलौ आ। ³⁹ और एज़ी बुशु माथै ध्यान दैऔ कि, अगर घौरा रौ मालिक ज़ाणा लौ कि च़ोर केज़ै बौग्तै आशा आ, तैबै सेऊ मालिक तेस च़ोर भितरै आशणै नाईं दैंदौ। ⁴⁰ तुमुऐ हर बौग्तै तैयार रौइणौ च़ाईं, कैलैकि आदमी रौ छ़ोहरू तेबी आशा सा ज़ेबी तुमै सुंच़ा भी नाईं लै।

विश्वासा वाल़ौ या बिण विश्वासा वाल़ौ सेवक

(मती24:45-51)

⁴¹ पतरसै यीशु कु पुछ़ौ, "ओ प्रभु का एऊ अनैणौ आमुलै आ या सारेऊ लै आ?" ⁴² प्रभुऐ तेसलै ज़वाब दैऔ, "हाऊं केज़ै भी विश्वास वाल़ै, और बुद्धी वाल़ै लोगु रै बारै दी ऊ बोलदै लागौ औन्दौ, ज़ासकै तिऊंरौ मालिक आपणै घर-परिवारा री देखबाल़ कौरना री और रोटी दैणै री ज़िमैबारी दिआ लौ। ⁴³ अगर सेऊ मालिक आशियौ देखालौ कि तेसरै दासै आछ़ा कौरीऐ ज़िमैबारी सौम्भाल़ी आ ता सेऊ भौलौ आ। ⁴⁴ हाऊं तुमुलै सच़्च़ बोलाऊ कि, मालिक आपणै तेस दासा कै आपणी सारी धन-ज़यदादा सौम्भाल़नै रौ हक दिआ सा। ⁴⁵ अगर सेऊ दास सुंच़ा लौ मैरौ मालिक ता कुछ़ दिना झ़ाऊं वापिस ना आशदौ और दुजै नुकरा लै दु:ख दैणौ शुरू कौरा लौ, और आपुलै खाणै पिणै रौ इन्तज़ाम कौरा लौ और सूर पिआ लौ। ⁴⁶ ता तेसरौ मालिक बिण बोली तेबी आशा ज़ेबी तेसरै सुंच़ौ औन्दौ भी ना औलौ, और सेऊ मालिक तेस नुकरा लै सज़ा दिआ और अविश्वासिऊ मंझ़ीऐ भेज़ा। ⁴⁷ तेस नुकरा लै काठी सज़ा दिआई, कैलैकि ज़ैबै सेऊ आपणै मालिका री ईच़्छ़ा ज़ाणा थौ, तैबै भी तीणिऐ आपणी ज़ीमैबारी पूरी नाईं की। ⁴⁸ पर सै लोग, ज़ुण नाईं ज़ाणा थै अगर सै गलत काम कौरा ई, तिउंलै थोड़ी सज़ा मिला आ। ज़ासकै ज़ादौ दैऔ औन्दौ तेसकु ज़ादौ हिसाब मांगा ई और ज़ासकै ज़ादौ सम्भाल़ौ औन्दौ तेसकु भी तेती हिसाब मांगा ई ज़ेती तेसकै सम्भाल़ौ औन्दौ आ।

यीशु रै आशणै रौ नतीज़ौ

(मती10:34-36)

⁴⁹ हाऊं धौतरी माथै आगी लाइंदे ऊ आशौ औन्दौ, और हाऊं च़हा ऊ कि मैरौ एऊ काम इबी लै पुरौ च़ांई थौ हुऔ। ⁵⁰ पर मुइंयै ता तौऐं एक बप्तिस्मा निणौ आ, और ज़ेबी झ़ाऊं मुइंयै सेऊ निऔं नाई तेबी झ़ाऊं हाऊं परेशान रौआ ऊ। ⁵¹ तुमै का सुंच़ा ई कि हाऊं धौतरी दी मेल मिलाप कौरदे ऊ आशौ ओन्दौ? हाऊं तुमुलै बोलाऊ कि, नाईं बल्कि अलग कौरदे ऊ अशौ औन्दौ। ⁵² कैलैकि इबी कु एकी घौरा दी पांज़ आदमी आपु मांझ़ीऐ बिरोध छ़ाड़ाई, चीन दुई आइलै और दुई चीआ आइलै। ⁵³ बाब छ़ोहरु आइलै, छ़ोहरू बाबा आइलै बिरोध छ़ाड़ा, मां छ़ोटी आइलै, और छ़ोटी मां आइलै, शाशु बोऊ आइलै और बोऊ शाशु आइलै बिरोध छ़ाड़ाई।

बौगता रौ (लक्षण) असर

⁵⁴ यीशुऐ भीड़ा रै लोगु आइलै भी बोलौ, "ज़ैबै तुमै बादल तिदै उड़दै देखा ई ज़ेज़ी भिलै सुरज छ़िपा सा, तैबै तुमै खरकच़ार बोला ई कि पाणी-बागुर लागणै वाल़ौ आ और तिणौ हुआ सा। ⁵⁵ और ज़ेबी सुलटी भिलै बागुर फिरदै देखा लै ता तुमै फेटी बोलाई कि आबै गर्मी पौड़ाई तैबै तिणौ हुआ सा। ⁵⁶ ओ कप्टी लोगुओ तुमै धौतरी और सौरगा रै भेद ज़ाणा ई पर एज़ै जुगा रै बारे दी भेद कैलै ना ज़ाणदै।

आपणै बिरोधिऊ आइलै सूलौ

(मती5:25-26)

⁵⁷ तुमै आपु ऊ एज़ी बुशु रौ फैसलौ कैलै ना निंदै कि किणौ कौरनो ठीक आ। ⁵⁸ अगर तुमु कोर्टा लै निन्दै औलै लागै औन्दै और बाटा दी तुमुकै तुमारौ बिरोधी मिला लौ ज़ुणीऐ तुमु माथै केस कियौ थौ, तैबै तिऐ आपु मांझीऐ सुलौ कौरौ, नाईं ता तुमु लै सज़ा भी हुई सका और तुमु कास अधीकारी कै सम्भाल़ा और सेऊ पा तुमु ज़ेला दी। ⁵⁹ अगर इणौ हुई जा लौ, ता तुमै आज़ाद नाईं हुई बौल़दै ज़ेबी झ़ाऊं तुमै एक-एक पाई रौ हिसाब ना दिआलै।

मन फिराऔ या नाश हुऔ

¹ सेज़ै बौग्तै कुछ़ लोगुऐ यीशु कै एज़ी खौबर शुणाई कि ज़ेबी गलील परदेशा रै कुछ़ लोग यरुश्लेमा दी परमेश्वरा रै घौरा दी बौल़ी च़ड़ावा थै, तेबी पिलातुसै सै पोरु झ़ौंगाऐ। ² इणै शुणीयौ यीशुऐ बोलौ, "का तुमै ज़ाणाई कि इयै गलीली लोग, ओरी गलीली लोगु कु ज़ादै पापी थै? का एज़ी तांइऐ तिऊं माथै एज़ी मुसीबत आशी आ? ³ हाऊं तुमु लै बोला ऊ, इणौ नाईं भी नाईं, पर, अगर तुमै आपणौ ज़ीऊ ना बौदल़ा लै़ ता तुमै सारै भी इणै कौरीयै नाष हुआई।" ⁴ या तुमै तिऊं ठाहरा आदमीऊ रै बारै दी का सौमझ़ा ई ज़ास माथै शिलोहा रौ गुम्मट ढौल़ौ थौ और सै सारै दाबुइयौ मौरी गौऐ; का सै यरुश्लेमा दी रौइणै वाल़ेऊ मांझ़ीया कु ज़ादै पापी थै? ⁵ हाऊं तुमुलै बोलाऊ कि, इणौ नाईं भी नाईं, पर, अगर तुमै आपणौ ज़ीऊ ना बौदल़ा लै़ ता तुमै सारै भी इणै कौरीयै नाष हुआई।"

बिणा फौल़ा रौ फेड़ू रै पेड़ा रौ औनैणौ

⁶ तैबै यीशुऐ तिउंलै एज़ौ औनेणौ भी दैऔ; "एकी आदमी रै अंगूरा रै बगीचा़ दी फेड़ू रौ पेड़ थौ लागौ औन्दौ और सेऊ आदमी तेस फेड़ू रै पेडा़ दी फौल़ा लोड़दै लागौ, पर तेसकै फल़ नाईं मिलै। ⁷ तैबै तिणीऐ बगीच़ा रै च़ोअकीदारा कै बोलो, "देख चीआ साला ओउलै एस फेड़ू रै पेड़ा दी हाऊं फौल़ा लोड़दै आशाऊ पर फल़ नाईं मिलदै एस पोरू काट, एसरै फाल़तू आ ज़बीन घेरी ऐन्दी। ⁸ च़ोकीदारै बोलो, "ओ मालिक! ऐज़ी सालै भी एस रौअणै दै कि हाऊं एथरै च़ारौ तौरफा दी खोदियौ खाद पा आ ऊ। ⁹ अगर अगली बारै फौल़ा लौ ता ठीक आ नांई ता काटाऊ एस पोरू।

आरामा रै दिना दी कुबड़ी छ़ेवड़ी ठीक कौरणी

¹⁰ आराम वाल़ै दिना दी यीशु धार्मिक खुम्बल़ी दी परचारा कौरदै थौ लागौ औन्दौ। ¹¹ तिऐ एक छ़ेवड़ी थी ज़ासदी कमज़ोर कौरनै वाल़ी बुरी आत्मा थी लागी ऐन्दी, और सै ठाहरा बौरशा ओउलै कुबड़ी थी, तींआकै सिधौ नाईं हुइया थौ। ¹² ज़ैबै यीशुऐ सै देखी, "तिंआलै औटाइयौ बोलौ, ’ओ बौइण तू आपणी बीमारी कू ठीक हुई गोई आ।" ¹³ इणै बोलीयौ यीशुऐ तिंआ माथै हाथ छा़ड़ौ सै खरकचा़र सीधी हुई गोई और परमेश्वरा री बौडा़ई कौरदै लागी ¹⁴ एथीलै कि यीशुऐ सै ब्रौता रै दीना दी ठीक की थी, धर्मिक खुम्बल़ी रौ मुख्यौ यीशु लै रोशुऔ और लोगु आइलै बोल़दै लागौ, "छ़ौ दीन ई ज़ेज़े दिना दी काम चांई कौरनौ और सेज़ै दिना दी आशीयौ ठीक भी हुऔ, पर ब्रौता रै दिना दी इणौ नाईं च़ाईं कौरणौ। ¹⁵ इणै शुणीयौ प्रभुऐ ज़वाब दैऔ, “ओ कपटीयौ का तुमैं आपणै बौल़दा या गादै ब्रौता रै दिना दी खुंटे कु खोलियौ पाणी पिआउणा लै नाईं नींदै? ¹⁶ का ठीक नाईं थौ कि इयै बौइण ज़ुण अब्राहमा रै वंशा री छोटूड आ, ज़ुण शैताना रै अठाराह बौरशा ओ लै बीमार थी की ऐन्दी, ब्रौता रै दिना दी इयें बीमारी कू ठीक हुई आ? ¹⁷ ज़ैबै यीशुऐ ऐज़ी बुशै बोली, ता तेसरै सारै विरोधी रै शौर्म पौड़ी और सारी भीड़ तिऊं हैरनी वाल़ै कामा कु ज़ो यीशु कौरा थौ खुश हुऐ।

राई रै बीजा रौ औनेणौ

(मती13:31,32, मरकुस4:30-32)

¹⁸ तैबै यीशुऐ तौऐ बोलौ, “परमेश्वरा रौ राज़ कास ज़िणौ आ? हाऊं परमेश्वरा रै राज़ा री बराबरी कास आइलै कौरु? ¹⁹ परमेश्वरा रौ राज़ एक राई रै गुल़ै ज़िणौ आ; बौइयौ सेऊ बौड़ा सा और पेड़ बौणा आ, और च़ड़कु आशियौ तेसरी डाल़ी दी वास कौराई।”

संज़ेड़ा रौ औनैणौ

(मती13:33)

²⁰ यीशुऐ तौऐं बोलौ, "परमेश्वरारै राज़ा री बराबरी कास आइलै कौरू? ²¹ परमेश्वरारौ राज़ एक संज़ेड़े ज़िंणौ आ, ज़ो एकी छ़ेउड़ी ऐ चिन पाथै पिठै मांझ़ीऐ मुछ़ौ आ, और देखदै-देखदै सारौ पिठौ ओसरी गौ आ।"

साँगड़ौ दार

(मती7:13,14, 21-23)

²² यीशु इलाकै-इलाकै और गाँवा-गाँवा बाटीऐ परचार कौरदै-कौरदै यरुश्लेमा लै थौ डेउंदै लागौ औन्दौ। ²³ तैबै बाटा दी एकी आदमी ऐ यीशु कु पुछ़ौ, "ओ प्रभु का मुक्ति पाइणै वाल़ै भौरी कम ई? तिणीऐ ज़वाब दैऔ, ²⁴ "घाटै दारा बाटीयै डेउणे री कोशिष कौरौ कैलैकि हाऊं तुमुलै बोलाऊ कि भौरी लोग सांगड़ै दारा बाटीऐ डेऊणे री कोशिष कौरा ई पर डेई नाईं बौल़दै ²⁵ ज़ैबै घौरा रौ मालिक उठीयौ दार उड़ी एरा लौ और तुमै बाइरी बिलै दार खटखटाइयौ बोलदै लागा लै, "ओ प्रभु आमु लै दार खोल और सेऊ मालिक ज़वाब दिआ लौ कि, "हाऊं तुमु नाईं ज़ाणदौ कि तुमै किदले ई? ²⁶ तैबै तुमै बोलदै लागा लै कि, "आमुऐ ताऊं काऐ खाऔ-पिऔ और ताऐं आमारै बज़ारा दी परचार कियौ।’ ²⁷ पर सेऊ बोला लौ कि, "हाऊं तुमु लै बोलाऊ कि हाऊं तुमु नाईं ज़ाणदौ कि तुमै किदले ई? ओ बुरै काम कौरनै वाल़ै लोगुओ तुमै सारै मुकाऐ कु दूर डैऔ। ²⁸ तिऐ लेरनौ और दाँद चाकणौ औणौ आ। तुमै तिऐ अब्राहम, इसहाक, याकूब और सारै पुराणै भविष्यवक्ता परमेश्वरा रै राज़ा दी देखालै और आपु दिशा लै बाइरी गाड़ै औन्दै। ²⁹ पूर्व, पश्चिम, और उत्तर, दक्षिणा कु लोग आशीऔ परमेश्वरा रै राज़ा दी रोटी खान्दै औआई, ³⁰ और देखौ "कुछ़ पिछ़ाड़के ई सै औगाड़ीऐ हुआई और जो पैहले ई सै पिछ़ाड़ीऐ हुआई।"

हेरोदेसा री दुशमणी

³¹ तेबी कुछ़ फरिसीऊऐ आशीयौ यीशु लै बोलौ, "इदरा कु पोरु भाग कैलैकि हैरोदेस ताऊं झ़ागणौ च़ाहा सा।" ³² यीशुऐ तिउंलै बोलौ, "डैऔ तेस शाल़टे लै बोलौ, "कि हाऊं आज़ और कालै बुरी आत्मा गाड़ाऊ और बिमार आदमी च़ांगै कौराऊ और चिजै दिनै आपणौ काम पुरौ कौराऊ। ³³ तैबै भी आज़, कालै और पौरशी हांडणौ ज़ुरुरी आ, कैलैकि इणौ नाईं हुन्दौ कि कोई भी भविष्यवक्ता यरुश्लेमा कु बाइरै झ़ांगा।

यरुश्लेमा लै लेरणौ

(मती23:37-39)

³⁴ "ओ यरुश्लेम! ओ यरुश्लेम! तू एक इणौ इलाकौ ई कि तांऐ भौरी भविष्यवक्ता झ़ांगे ई, और ज़ो लोग परमेश्वरा रौ खुशी रौ सन्देश शुणावा ई सै ताइंऐ ढोल़ीयाऐ ई! मुइंऐ कई बारै सुंच़ौ कि ज़िणी कुखड़ी आपणै टैएणु आपणै पांखै थालै च़ोरा तिणी ई मुइंयै भी तैरै छ़ोहरू कौठै कौरनै च़ाऐ, पर तांऐ हाऊं इणौ नाईं दैऔ कौरनै। ³⁵ और आबै देखौ तुमारौ घौर तुमुलै शुनौ छ़ाड़ाऊ, और हाऊं तुमुलै बोलाऊ: ज़ेबी झ़ाऊं तुमै नाईं बोलालै कि, "भौलौ सेऊ ज़ुण परमेश्वरा रै नांवा कौरी आशा सा, और तेबी झ़ाऊं मुं तुमै केबी ना देखालै।"

फरीसी रै घौरा दी यीशु

¹ तैबै यीशु ब्रौता रै दिना दी फरिसीऊ रै मुख्यै मांझ़ीया कु कास एकी रै काऐ रोटी खान्दै डैऔ और सै यीशु ताकी दी थै। ² तिऐ तेसरै मुआ काऐ एक इणौ आदमी थौ ज़ासदी पुरै शरीरा दी दुखणै थै लागै औन्दै और दुखणेऊ कु पाणी च़ुड़ा थौ। ³ इणै देखीयौ यीशुऐ कानुना रै गुरू और फरिसीऊ कु पुछ़ौ, "का ब्रौता रै दिना दी च़ांगौ कौरनौ ठीक आ या नाईं?" ⁴ पर सै च़ुटुकच़ार थाकै। तैबै तिणीऐ सेऊ आदमी ज़ासदी दुखणे री बिमारी थी लागी ऐन्दी छ़ुईंयौ च़ांगौ कियौ और डेउणै दैऔ। ⁵ और तिउंलै बोलौ, "तुमु मांझ़ीऐ इणौ कुण आ, ज़ासरौ छ़ोहरु या बौल़द आरामा रै दिनै कुंऐ दी पौड़ा लौ ता का सेऊ तेस फेटी बाइरै नाईं गाड़ा लौ?" ⁶ सै इऊं बुशु रौ कोई भी ज़वाब नाईं देई बौल़ै।

नीउलौ और पाउणै री इज्ज़ती रै बारै दी

⁷ ज़ैबै यीशुऐ देखौ कि औटाऐ औन्दै पाऊणै बोशणा लै किणी आच़्छी-आच़्छी ज़ागहा छ़ांटाई। तैबै यीशुऐ एक अनैणै देईयौ तिउंलै बोलौ, ⁸ ज़ैबै ताऊं कुण शादी-ब्याह दी औटावा लौ ता आच़्छ़ी ज़ागहा दी नाईं बोशणौ, केशी इणौ ना च़ाईं हुऔ कि तिणी आदमीऐ ताऊंकु भी बौड़ौ आदमी औलौ औटाऔ औन्दौ। ⁹ और ज़ुणीऐ ताउंलै और तेसलै नीऊंदौ औलौ दैऔ औन्दौ और सेऊ आशीयौ ताउंलै बोला लौ, "एस कालै ज़ागहा दै तैबै ताऐं बेशर्म हुईयौ सौभी कु बेकार ज़ागहा दी जा बोशणौ ¹⁰ पर ज़ैबै ताऊं औटावा लै ता सौभीकु निउठी ज़ागहा दी बोशणी। ताकी ज़ैबै सेऊ ज़ुणीऐ तू औटाऔ औन्दौ ई आशा लौ, ता ताउंलै बोला, "ओ गोश्टण, आच़्छ़ी ज़ागहा दी बोश, तैबै ताऊं आइलै बोशणे वाल़ेऊ मांझ़ीऐ तेरी बौड़ाई हुआ सा। ¹¹ कैलैकि ज़ुण आपुले बौड़ौ बौणा आ तेस छ़ोटौ चाणाई, और ज़ुण कुण आपुलै छ़ोटौ बौणा लौ तेस चाणा ई बौड़ौ।" ¹² तैबै यीशुऐ तेसलै बोलौ ज़ुणीऐ यीशु औटाऔ औन्दौ थौ, "ज़ेबी तू दुसकी या ब्याल़की रोटी दिया लौ ता आपणै भाई, गोश्टण या पड़ोसिऊ और सेठ आदमीऊ ना ओटाऐ, कैलैकि सै भी ताऊं औटावा ई और तैरौ बौदलौ वापिस कौरा ई। ¹³ पर ज़ेबी तु रोटी दिया लौ ता गरीब, लौंगड़ै, टुंडै और शेड़ै लोग औटाऐ। ¹⁴ तैबै तू भौलौ हुआई, कैलैकि तिउंकै वापिस दैणा लै कुछ़ ना आसतौ, पर ज़ेबी धर्मी लोग ज़ीउंदै औआ लै तेभी ताउंलै एथरौ इनाम मिला।

बौड़ी दुपारी (भोज) रौ औनैणौ

(मती 22:1-10)

¹⁵ यीशु आइलै ज़ो लोग रोटी खान्दै थै बोशै औन्दै ईऊं बुशै शुणीयौ एकी आदमीऐ बोलौ, "भौलौ सेऊ ज़ुण परमेश्वरा रै राज़ा दी रोटी खा सा। ¹⁶ यीशुऐ तेसलै ज़वाब दैऔ, "एकी आदमीऐ बौड़ी धाम देई और भौरी लोग थै औटाऐ औन्दै। ¹⁷ ज़ैबै धाम तैयार हुई गोई, ता तिणीऐ आपणै नुकरा लै बोलौ, ज़ासलै निऊंदौ आ दैऔ औन्दौ तिऊं औटाऊ कि धाम तैयार हुई गोई आ।’ ¹⁸ पर सै सारै माफी मांगदै लागै। पैहलै आदमीऐ तेसलै बोलौ, मैरै डोखरौ किमतिऐ निंऔ औन्दौ, और ज़ुरुरी आ कि तेस डोखरौ देखु हाऊं ताऊं कु औरज़ कौरा ऊ कि मूं माफ कौरै। ¹⁹ दुजै आदमीऐ बोलौ, ’मुइंयै पांज़ ज़ोड़ी बौल़द खरीदै औन्दै, हाऊं डिआऊ तिऊं परखदै, हाऊं ताऊंकु औरज़ कौराऊ कि मुं माफ कौरै।’ ²⁰ औज़ौ एकीऐ बोलौ, ’मुइंयै नौईं-नौईं शादी कौरी एन्दी मुकै नाईं आशींदौ।’ ²¹ तिणी नुकरै आपणै मालिका काऐ आशीयौ इयै सारी बुशै शुणाई, तैबै घौरा रै मालिकै रोशुईयौ आपणै नुकरा लै बोलौ, एस इलाकै रै बज़ारा और गल़ीऊ दी फेटी डेईयौ, गरीब, टुण्डै, लौंगड़ै और शेड़ै इदै आण।’ ²² नुकरै तौऐं बोलौ, ’ओ मालिका ज़िणौ ताऐं बोलौ आ तिणी ई कौरी गौ आ तौंऐ भी ज़ागहा आसती आ।’ ²³ मालिकै आपणै नुकरा लै बोलौ, ’सौड़की और डोखरेऊ दी डैऔ और लोगु ज़ौबरीऐ आणौ ताकी मैरौ घौर पुरौ भौरीया।’ ²⁴ कैलैकि हाऊं तुमु लै बोलाऊ कि, ज़ुण लोग मैरै औटाऐन्दै थै तिऊं मांझ़ीआ कु कोई भी मेरी ईयैं धाम नाईं च़ाखी बौल़दौ।’

च़ेलेऊ चाणनै री कीमत

(मती10:37,38)

²⁵ ज़ैबै यीशु आइलै बौड़ी भीड़ थी डेऊंदै लागी ऐन्दी तैबै तिणीऐ पिछ़ांऊ मुड़ीयौ तिउंलै बोलौ, ²⁶ "अगर कुण मुकाऐ आशालौ, सेऊ आपणै माँ-बाब, छ़ेउड़ी, छ़ोहरु और भाई बौईणी इदरा झ़ाऊं कि आपणै प्राणा कु भी ज़ादौ मुं आइलै प्यार कौरा। नाईं ता सेऊ मैरौ च़ेलौ नाईं बौणी बौल़दौ। ²⁷ और ज़ुण-कुण आपणौ क्रूस नाईं उठाऊवालौ, और मूं पिछ़ु नाईं आशा लौ सेऊ भी मैरौ च़ेलौ नाईं बौणी बौल़दौ। ²⁸ तुमू मांझ़ीऐ इणौ कुण आ ज़ुण बड़ौ घौर चाणनौ च़ाह लौ और बोशीयौ पैहलै कीमत नाईं ज़ोड़ा लौ कि मुकै एती बजट आसती की नाईं? ²⁹ कियै इणौ ना च़ांई हुऔ कि पौई पाईयौ उपरै ना चाणुऔ नाईं, और लोग इणै देखीयौ तेसरौ मज़ाक उड़ाऊंदै लागा, ³⁰ कि एऊ आदमी चाणदै लागौ पर उपरै ना चाणी बौल़ौ। ³¹ या इणौ कुण राज़ौ आ ज़ो दुज़ै राजै आइलै लौड़दै ड़िआ लौ और पैहलै विच़ार नाईं लौ कौरा कि, बिश हज़ार मुं आइलै लौड़ा ई का मैरै दस हज़ारा कौरीयै तिऊंरौ मुकाबलौ कौरूई जा सा? या नाईं कौरींदौ? ³² नाईं ता तेस राज़ै काऐ आपणै दूता भेज़ीयौ तेस आइलै तिदै डेईयौ सुलौ कौरनौ च़ाह सा। ³³ इणै कौरीयै तुमु मांझ़ीऐ कु, ज़ुण-कुण आपणौ सब कुछ़ ना छ़ाड़ा लौ सेऊ मैरौ च़ेलौ नाईं बौणी बौल़दौ।

बिण स्वादा रौ लूण

(मती5:13;मरकुस9:50)

³⁴ लूण ता आच़्छ़ौ आ पर अगर लुणा रौ स्वाद बिगड़ी जा लौ, ता तेस केज़ी च़िज़ा कौरी लुणुऔ चाणा ई? ³⁵ सेऊ ना ता ज़बीना दी खादी रै कामा दी आशदौ, तेस ता लोग बाइरै शोटा ई। ज़ासरै शुणना रै कौन्थु औलै सै आच़्छ़ा कौरीयै शुणा लै।

औच़ी औन्दी भेरी रौ औनेणौ

(मती18:12-14)

¹ सारै मामलै निणै वाल़ै और पापी लोग यीशु काऐ आशा थै तेसरी बुशै शुणदै। ² पर फरिसी और यहुदी शास्त्रीउ आपु मांझ़ीऐ गुणमुणांदै लागै, "कि एऊ ता पापी लोगु आइलै मिला और रोटी भी खा सा। ³ तैबै यीशुऐ तिउंलै एज़ौ औनेणौ दैऔ: ⁴ तुमु मांझ़ीऐ इणौ कुण आ ज़ासरी शौ भेरी औली और तिऊं मांझ़ीया कु एक औच़ा ली पोरु, तैबै तिऊं बाकी बौच़ी ऐन्दी (नड़ीनवे) भेरी तिऐ सुनसान दी छ़ाड़ीयौ तिंऐ औच़ी ऐन्दी नड़आनवे भेरी तेबी झ़ांऊ ना लोड़ा ज़ेबी झ़ाऊं सै ओरू ना मिला? ⁵ और ज़ेबी सै औच़ी ऐन्दी भेर ओरु मिला आ तैबै सेऊ भेराल़डु तिऐं भेर खुशी कौरीऐ आपणै काछ़ा माथै च़ुंगा सा। ⁶ और घौरा कै आशीयौ आपणै दोस्त और पड़ोसिऊ औटाइयौ तिउंलै बोला मुं आइलै खुशी मनाऔ, कैलैकि मेरी औच़ी ऐन्दी भेर मिली गोई आ। ⁷ हाऊं तुमु लै बोलाऊ इणी ई सौरगा दी भी तिऊं बाकी धौर्मी छ़ाड़ीयौ ज़ासकै पापा कु मन बदुल़नै री ज़ुरुरत नाईं आसती, पर मन बदुल़नै वाल़ै एक पापी लै इणी खुशी हुणी आ।

औच़ै औन्दै सिक्कै रौ औनैणौ

⁸ या कुण छ़ेउड़ी इणी आ ज़ासकै च़ांदी रै दस डौलर औलै, और तिऊं मांझ़ीया कु एक औच़ा लौ पोरु, और सै छ़ेउड़ी तेस डौलर लौम्पा ज़ाल़ीयौ और घौरा दी ऐज़ियौ और लोड़ीऔ ज़ेबी झ़ाऊं सेऊ मिला नाईं लौ का तेबी झ़ाऊं तेस नाईं लोड़दी? ⁹ और ज़ेबी सेऊ डौलर मिला लौ तैबै सै छ़ेउड़ी आपणी सहेलीऊ और आपणी पड़ोसीऊ औटाईऔ तिऊं लै बोला आ! मुं आइलै खुशी मनाऔ, ’कैलैकि मैरौ औच़ौ औन्दौ डौलर मिली गौ आ।’ ¹⁰ हाऊं तुमु लै बोला ऊ कि इणी ई खुशी एक पापी रै मन बदुल़नै कु पमेश्वरा रै दूता रै सामनै हुआ सा।

औच़ौ औन्दौ छ़ोहरू

¹¹ यीशुऐ तौऐं बोलौ, "एकी आदमी रै दुई छ़ोहरु थै। ¹² तिऊं मांझ़ीऐ कु छ़ोटै छ़ोहरू ऐ आपणै बाबा लै बोलौ, ओ बाब ज़मीन-ज़यदादा दी ज़ो मैरौ हिस्सौ आ, तेस मुकै दैऔ’ तैबै तेसरै बाबै तिउंकै ज़मीन-ज़यदाद बांटी। ¹³ कुछ़ दिना बासिऐ तिणी छ़ोटै छ़ोहरुऐ आपणी सारी धन-ज़यदाद कौठै की और दूर देशा लै डैऔ। तिऐ तिणीऐ आपणी ज़यदाद बुरै कामा दी खर्च़ की। ¹⁴ ज़ेबी तिणीऐ आपणी सारी धन-ज़यदाद खर्च़ की एरी। तेबी तेस देशा दी बौड़ौ काल़ पौड़ौ और सेऊ छ़ोहरु कंगाल बोणौ। ¹⁵ तैबै सेऊ सेज़ै इलाकै रै एकी ज़ीमीदारा रै काऐ डैऔ, तिऐ तिणी ज़ीमीदारै सेऊ आपणै डोखरै दी सुंगरु च़ारदै लाऔ। ¹⁶ सेऊ च़ाह थौ की ज़ेज़ौ चापण इयै सुंगुर खा ई, सेज़ै चापणा खाइयौ आपणौ पेट भौरु, और तेसलै कोइयौ कुछ़ा ना दिआ थै। ¹⁷ ज़ैबै सेऊ छ़ोहरु होशी दी आशौ। तैबै बोलदै लागौ, ’कि मैरै बाबा रै केती मझ़दूर ई ज़ो पेटा भौरीयौ रोटी खा ई, और हाऊं इदै बुखौ मौरदै लागौ औन्दौ। ¹⁸ आबै हाऊं उठीऔ आपणै बाबा काऐ डिआऊ, और बोलाऊ, ’ओ बाब मुइंयै सौरगा रै खिलाप और तुमारी नौज़रीऐ पाप कियौ आ, ¹⁹ आबै हाऊं इणै जोगी नाईं रौ कि तुमे मुलै छ़ोहरू बोला, मूं तुमै आपुकाऐ एक नुकरा बाशीयै छ़ाड़ौ। ²⁰ तैबै सेऊ उठीयौ आपणै बाबा भीलै च़ाल पौड़ौ सेऊ औज़ौ आपणै घौरा कु दख दुडड़ै थौ कि तेसरै बाबै सेऊ आपणौ छ़ोहरू दुरा कु देखौ और तेसरी आखी भौरुई। तेस काऐ फेट मारीयौ डैऔ, तेसदी घीण लाई और सेऊ खोबिआऔ। ²¹ तिणी छ़ोहरु ऐ आपणै बाबा लै बोलौ, ’ओ बाब, मुइंयै सौरगा रै खिलाप और तुमारी नौज़रीऐ पाप कियौ आ, आबै हाऊं इणै जोगी नाईं रौ कि तुमे मुलै आपणौ छ़ोहरू बोला। ²² पर तेसरै बाबै आपणै नुकरू लै बोलौ फेटी आछ़ै-आछ़ै जुड़कै आणौ और एसकै भिड़ाऔ और एसरै हाथा दी कांगणी और लाता दी बूट लाऔ। ²³ और धाचै औन्दै पशु मांझीया कु एक काटौ ताकी आमै खाईऔ खुशी मौनाई लै। ²⁴ कैलैकि मैरौ एऊ छ़ोहरू मौरी गौ थौ। आबै ज़ीऊंदौ हुई गौ आ, औच़ी गौ थौ आबै मिली गौ आ। तैबै सै खुशी मनाऊंदै लागै। ²⁵ पर तेसरौ ज़ेठौ छ़ोहरु थौ डोखरै दी, ज़ेबी सेऊ वापिस आपणै घौरा रै नज़दीक पौऊंच़ौ, ता तेसकै गाइणौ बज़ाउणौ और नाच़णौ शुणुऔ। ²⁶ तैबै तिणीऐ एक नुकुर औटाइयौ तेसकु पुछ़ौ, "भीतै का सा औन्दै लागौ औन्दौ? ²⁷ तिणी नुकरै तेसलै बोलौ, ’तैरौ भाईटु आशी गौ आ।’ और तैरै बाबै तेसरै आशणै री खुशी दी बौड़ी धाम आ देई ऐन्दी, कैलैकि तैरौ भाई भौलौ-च़ांगौ वापिस आशौ आ। ²⁸ इणै शुणीयौ तेसरै भौरी रोश आशै, और सेऊ भितरै डेउणौ नाईं च़ाहा थौ, तैबै तेसरौ बाब बाइरै आशीयौ तेस मौनाऊंदै लागौ। ²⁹ तिणीऐ आपणै बाबा लै ज़वाब देइयौ बोलौ, ’देखौ हाऊं एती बौरशा ओउलै तुमारी सेवा कौरदे ऊ लागौ औन्दौ, मुइंऐ केबी भी तुमारी बूश नाईं टाल़ी। तैबै भी तुमुऐ मुलै केबी एक बाकरी रौ च़ेल़टु भी ना दैऔ, कि हाऊं आपणै गोश्टणु आइलै खुशी मौनाऊ। ³⁰ पर ज़ेबी तुमारौ इयौ छ़ोहरू ज़ुणीयै तुमारी ज़यदाद गान्दै कामा दी खर्च़ की, वापिस आशौ आ ता तेसलै तुमुऐ धाचौ औन्दौ पशु पा कौटाऔ आ। ³¹ तेसरै बाबै तेसलै बोलौ, ’छ़ोहरू आ तू ता सौदा मू ई आइलै ई, ज़ो कुछ़ मैरौ आ, सेऊ सारौ तैरौ आ। ³² पर आबै च़ांई आमुऐ खुशी मौनाऊणी कैलैकि एऊ तैरौ भाई मौरी गौ थौ आबै ज़ीऊंदौ हुई गौ आ, औच़ी गौ थौ आबै मिली गौ आ।

च़लाक भौण्डारी

¹ तैबै यीशुऐ आपणै च़ेलेऊ लै भी बोलौ, “एकी सेठा रौ एक खज़ान्च़ी थौ, और लोग तेस सेठा काऐ तेस खज़ान्च़ी माथै इल्ज़ाम लाइंदै लागै कि इयौ खज़ान्च़ी तेरी सारी धन ज़यदाद उड़ाऊंदै आ लागौ औन्दौ। ² तैबै सेठै सेऊ खज़ान्च़ी आपुकाऐ औटाऔ और बोलौ तैरै बारै दी हाऊं का बूश ऊ शुणदै लागौ औन्दौ? तू आबै आपणौ खज़ान्च़ी वालौ हिसाब किताब दै ओरु कैलैकि तू आबै खज़ान्च़ी रै लायक नाईं रौ। ³ तैबै सेऊ खज़ान्च़ी आपणै ज़ीवा दी सुच़दै लागौ, कि आबै हाऊं का कौरु लै, कैलैकि आबै मैरौ बाबु ता मूं खज़ान्च़ी रै कामा कु पोरु गाड़दै लागौ औन्दौ, बांजर मुकै खोदिंदौ नाईं और भीखा मांगणा री लागा मुकै शौरम। ⁴ इणै सुंच़ीयौ तिणी आपणै ज़ीवा दी बीच़ार कियौ कि, आबै मेरी सौमझ़ी दी आशी गौ आ कि मुइंऐ का जा कौरनौ, ताकी ज़ेबी मूं मेरौ मालिक खज़ान्च़ी रै कामा कु पोरु गाड़ा लौ, तेबी लोग मूं आपणै घौरै निआं। ⁵ तैबै तिणी खज़ान्च़ीऐ आपणै मालिका रै सारै कर्ज़दार एक-एक कौरीऐ आपु काऐ औटाऐ और पैहलै कर्ज़दारा कु पुछ़ौ, “ताऊं माथै मैरै मालिका रौ केती कौर्ज़ा आ? ⁶ तिणिऐ बोलौ शौ मण तेल खज़ान्च़ीऐ बोलौ की आपणौ बौई-खातौ कर और फेटी पचास लिख। ⁷ तैबै पुछ़ौ तिणीऐ दुज़ै कु, ‘ताऊं माथै केती कौर्ज़ौ आ? तिणिए बोलौ, ‘शौ मण गीऊं’ तैबै खज़ान्च़ीऐ बोलौ आपणौ बौई खातौ कर और आस्सी लिख। ⁸ तैबै यीशुऐ बोलौ, “तिणी सेठै तेस च़लाक खज़ान्च़ी री तारीफ की, कि तांऐ केती च़ालाकी कौरिऐ काम कियौ आ, कैलैकि ऐज़ै संसारा रै लोग आपणै साथा रै लोगू आइलै रिति-रिवाज़ा और च़ाल-च़ालना दी धौर्मी लोगु कु भौरी च़लाक ई। ⁹ और हाऊं तुमुलै बोलाऊ, "कि एस संसारा रै धन-ज़यदादा कौरीऐ आपु कालै इणै गोश्टण चाणौ, ताकी ज़ेबी तुमुकै सै धन-ज़यदाद पोरु सौंबड़ा ली तेबी सै गोश्टण तुमु केबी ना सौम्बुड़नै वाल़ी ज़ागहा दी निआं। ¹⁰ ज़ुण छ़ोटी-छ़ोटी बशेऊ दी सौच़्च़ौe रौआ सा सेऊ बौड़ी-बौड़ी बुशैऊ दी भी सौच़्च़ौ रौआ, और ज़ुण छ़ोटी-छ़ोटी बशेऊ दी बेईमान औआ सा, सेऊ बौड़ी-बौड़ी बुशैऊ दी भी बेईमान औआ। ¹¹ एथीलै ज़ैबै तुमै संसारा रै धन-ज़यदादा दी सौच़्च़ै नाईं रौआ लै ता तुमुकै आत्मिक (सौरगा रौ) धन- ज़यदाद कुण दिआ सा? ¹² और ज़ैबै तुमै बिगानै धन-ज़यदादा दी सौच़्च़ै विश्वास वाल़ै नाईं रौआ लै ता, तैबै ज़ो तुमुकै आपणौ आ तेस तुमु कै कुण दिआ सा? ¹³ "कोई भी नुकुर दुई मालिका री सेवा नाईं कौरी बौल़दौ, कैलैकि सेऊ या कौरा एकी आइलै नफरत और दुजै आइलै कौरा प्रेम या, एकी आइलै रौआ मिली झ़ुलीऔ दुजै आइलै छ़ाड़ा राग।; तुमै परमेश्वर और दुनिया री धन-ज़यदाद, दुइया री सेवा नाईं कौरी सौकदै।"

यीशु रै कुछ़ उपदेश

(मती11:12,13; 5:31,32; मरकुस10:11,12)

¹⁴ फरीसि लोग ज़ुण लाल़ची थै सै इऊं बुशैऊ शुणीयौ यीशु रौ मज़ाक उड़ाऊंदै लागै। ¹⁵ यीशुऐ तिउंलै बोलौ, "तुमै ता इणै लोग ई ज़ो लोगु माझ़ीऐ आपु लै धर्मी बौणाई, पर परमेश्वर तुमारै ज़ीऊ ज़ाणा सा। कैलैकि ज़ो च़ीज लोगु री नौज़रीयै आच़्छ़ी आ, सै च़ीज़ परमेश्वरा री नौज़रीयै बुरी आ।" ¹⁶ यीशुऐ बोलौ, नियम और भविष्यदवक्ता ता यहुना रै बौग्ता झ़ाऊं थै तेथ बासीऐ ता परमेश्वरा रै राज़ा री खौबर आ शुणाउणै लाई ऐन्दी। और हर आदमी परमेश्वरा री बाटा दी पुरी ताकती कौरीऐ आ आशदै लागौ औन्दौ। ¹⁷ सौरग और धौतरी टौल़ी सौका ई पर परमेश्वरा रै चाणै औन्दै धौर्म-नियमा रौ एक भी बिन्दु नाईं टौल़ी सौकदौ। ¹⁸ ज़ुण आदमी आपणी बोऊटी गाड़ीयौ दुजी शादी कौरालौ सेऊ गलत काम कौरा आ, और ज़ुण आदमी दुज़े री गाड़ी ऐन्दी छ़ेउड़ी आइलै शादी कौरालौ सेऊ भी कौरा गलत काम।

सेठ आदमी और गरीब लाज़र

¹⁹ एक आदमी थौ ज़ुण मैहंगै-मैहंगै और मखमला रै जुड़कै बीड़ा थौ, और रोज़ सुखी और खुश रौआ थौ। ²⁰ और लाज़र नावां रौ थौ एक गरीब ज़ासरै पुरै ज़ीस्मा दी दुखणै थै, लोग तेस रोज़ च़ुंगीयौ सेठा री खोल़ी काऐ छ़ाड़ा थै। ²¹ कैलैकि सेऊ च़ाहा थौ कि सेठा री फोकुई ऐन्दी ज़ुठी रोटी खाईयौ आपणौ पेट भौरु। तिऐ कुकुर भी आशीयौ तेसरै दुखणै च़ाटा थै। ²² इणौ हुऔ कि एकी दिनै सेऊ गरीब आदमी मौरौ, और परमेश्वरारै दुतुऐ सेऊ च़ुंगीयौ अब्राहमा री उंगाल़ी दी छ़ाड़ौ। तैबै सेऊ सेठ आदमी भी मौरौ और लोगुऐ सेऊ दाबौ। ²³ और सेऊ डैऔ नौरका दी तिऐ सेऊ भौरी दु:खा दी थौ तौड़पदै लागौ औन्दौ ज़ैबै तिणीऐ आपणी नौज़र उपरै लाई तैबै तिणीऐ दुरा कु सेऊ लाज़र अब्राहमा री ऊंगाल़ी देखौ। ²⁴ तैबै तिणीऐ आकै मारीयौ बोलौ, ’ओ बाब अब्राहम मुं माथै दया कौरौ एस लाज़र मुकाऐ भेज़ौ ताकी एऊ आपणी औऊंठी री मुंडकी पाणी दी बीज़ाइयौ मेरी ज़ीभ शेल़ावा, कैलैकि हाऊं इयैं नौरका री आगी दी तड़पदेऊ लागौ औन्दौ। ²⁵ पर अब्राहमै बोलौ, "ओ छ़ोहरु याद कर कि ताऐं ता आपणी ज़ीन्दगी दी आच़्छ़ी-आच़्छ़ी च़िज़ेऊ कौरीऐ आराम कियौ। और इणी लाज़रै भी गौऐ दु:ख झेली। आबै एऊ इदै सुख शान्ति दी, और तू ई तड़पदै लागौ औन्दौ। ²⁶ इऊं सारी बुशै छ़ाड़ीयौ आमारै और तैरै बिचा दी एक बौड़ी खाल़ आ ताकी ज़ो इदरु ताऊं काऐ आशणौ च़ाहा लौ सेऊ नाईं आशी बौल़ा, और ना ताऊं काऐ कु इदै आमु काऐ आशी बौल़ा। ²⁷ तिणीऐ बोलौ, "ओ बाब इणौ कर हाऊं ताऊं कु औरज़ कौरा ऊ कि तू एस लाज़र मैरै बाबा रै घौरै भेज़। ²⁸ कैलैकि मैरै पाँज़ भाई ई, और एउ लाज़र तिऊं काऐ इऊं बुशु री गवाही दिआ, इणौ नाईं च़ांई हुऔ कि सै भी इदै नौरका दी आशा। ²⁹ अब्राहमै तेसलै बोलौ, "तिउंकै ता मुसा और भविष्वदवक्ताओं री किताबे ई, तिउंऐ च़ाईं तेथरी शुणनी।" ³⁰ तिणीऐ बोलौ, "ओ बाब अब्राहम इणौ नाईं भी नाईं, अगर तिऊं काऐ कुण मौरै औन्दै माझ़ीया कु ज़ीऊंदै हुईयौ डिआलौ तैबै बौदला ई सै पापा कु आपणौ ज़ीऊ। ³¹ अब्राहमै तेसलै बोलौ, "ज़ैबै सै मुसा और भविष्वदवक्ताओं री बूश नाईं शुणदै, तैबै सै तेसरी भी नाईं शुणदौ ज़ुण तिऊं काऐ मौरै औन्दै मांझ़ीआ कु ज़ीऊंदै हुइयौ डिआ लौ।"

ठोकरा रौ कारण बौणनौ

(मती18:6,7,21,22; मरकुस9:42)

¹ तैबै यीशुऐ आपणै च़ेलेऊ लै बोलौ, "आदमीऊ कै पाप कौरना लै परीक्षा ता आशा ई, पर फिटकार तिऊं आदमीऊलै ज़ासरै कारण इयै परिक्षा आशा ई। ² ज़ुण इऊं छ़ोटेऊ मांझ़ीया कु कास एक भी ज़ौबरीयै परिक्षा दी पा लौ, तेसलै ता आच़्छ़ौ इणौ हुआ थौ कि तेस आदमी रै गौल़ै दी घौरटा रौ ज़ौन्दर बानियौ समुन्दरा दी पा। ³ हाऊं तुमु खबरदार कौराऊ; अगर कुण विश्वासी भाई तैरै विरोधा दी बुरौ कौरालौ, तेस डांटीऔ सौमझ़ाऔ। अगर सेऊ पछता लौ ता तेस माफ कौरौ। ⁴ अगर सेऊ दिना दी साता बारै भी तैरै विरोधा ई बुरौ कौरा, और आशीयौ बोला कि हाऊं पछताऊ मुं माफ कर, ता तू तेस माफ कौर।

विश्वास

⁵ तैबै भेज़ै औन्दै च़ेलेउऐ प्रभु लै बोलौ, आमारौ विश्वास बौड़ाऊ।’ ⁶ यीशुऐ तिउंलै ज़वाब दैऔ, "अगर तुमारौ विश्वास राई रै गुल़ै ज़ेती भी औआ थौ, ता तुमै एस किमु रै पेड़ा लै बोलालै, कि तू ज़ौड़ी कु पोटुइयौ समुन्दरा दी लाग। ता सेऊ तुमारी बूश माना थौ।"

एकी सेवका रौ काम

⁷ ज़ैबै कुण नुकुर डोखरै बाइयौ या भेरी च़ारीयौ आशा सा, "का तेसरौ मालिक तेसलै इणौ बोला कि फेटी आश रोटी खा? ⁸ का सेऊ इणौ ना बोलदौ, "पैहलै मुलै रोटी चाण, ज़ेबी झ़ाऊं हाऊं खाई-पी औ फारीक ना औलौ, तेबी झ़ाऊं मेरी सेवा कर तेथ बासीऐ खायै तू। ⁹ आपणी आज्ञा पुरी कौरना लै सेऊ मालिक आपणै तेस नुकरा लै शाबाशी केभी ना दैन्दौ। ¹⁰ इणै ऐ कौरीऐ ज़ेबै तुमै मेरी आज्ञा मानालै, ता तुमुऐ भी इणौ बोलनौ आ कि आमै तारीफा रै जोगी नाईं आसतै। आमै ता नुकुर ई ज़ुण आपणौ फरज़ पुरौ कौरदे ई लागै औन्दै।

कोढ़ा रै दस रोगी च़ांगै कौरणे

¹¹ यीशु आपणै च़ेलेऊ आइलै यरुश्लेमा लै च़ाल पौड़ौ, तैबै सै सामरीया और गलील इलाकै बाटीयै लागै डेउंदै। ¹² ज़ीणी सै एकी गाँवा दी डेवै तिऐ दख दुडड़ै तिउंकै दस कोड़ी मिलै। ¹³ तिउंऐ ज़ोरै आकै मारीयौ बोलौ, "ओ यीशु’ ओ मालिक आमु माथै दया कौर। ¹⁴ यीशुऐ तिऊं भीलै देखीयौ बोलौ, "डैऔ आपणै याजकु कै देखाल़ीयौ। खरकच़ार डेउंदै-डेउंदै तिऊंरौ कोड़ ठीक हुई गौ आ। ¹⁵ तिऊं मांझ़ीयै ज़ैबै एकी ऐ देखौ कि हाऊं च़ांगौ हुई गो, ऊ ता सेऊ वापिस यीशु काऐ आशौ और ज़ोरै-ज़ोरै बोलदै लागौ, "हाऊं ठीक हुई गो ऊ परमेश्वरा री बौड़ाई च़ाईं हुई।" 16सेऊ यीशु रै बांगणै माथै पौड़ीयौ यीशु रौ धन्यवाद कौरदै लागौ सेऊ आदमी एक सामरी थौ। ¹⁶ सेऊ यीशु रै बांगणै माथै पौड़ीयौ यीशु रौ धन्यवाद कौरदै लागौ सेऊ आदमी एक सामरी थौ। ¹⁷ यीशुऐ तेसकु पुछ़ौ, "का मुइंऐ दस आदमी ठीक नाईं कियै, तैबै नौ आदमी किएई?" ¹⁸ का परमेश्वरा री बौड़ाई कौरदै एका परदेसी वापस आशौ आ? ¹⁹ यीशुऐ तेस आदमी लै बोलौ, "आबै उठ, और डेऊ तैरौ ज़ो विश्वास आ तिणीऐ तू च़ांगौ कियौ ई।

परमेश्वरा रै राज़्य रौ आशणौ

(मती24:23-28, 37-41)

²⁰ ज़ैबै फरीसि लोगुऐ यीशु कु पुछ़ौ, ’परमेश्वरा रौ राज़ केबी आशा आ?’ तैबै यीशुऐ तिउंलै ज़वाब दैऔ, "परमेश्वरा रौ राज़ दिशणै रै रुपा दी नाईं आशदौ, ²¹ और ना लोग इणौ बोलदै कि देखौ परमेश्वरा रौ राज़ इदै आ या तिऐ आ, देखौ परमेश्वरा रौ राज़ ता तुमु मांझ़ीयै आ।" ²² तैबै यीशुऐ च़ेलेऊ लै बोलौ, "इणै दीन आशणे ई ज़ेथदी तुमै आदमी रै छ़ोहरु मांझ़ीया कु एक दीन देखणौ च़ाहा लै पर नाईं देखी बौल़दै। ²³ लोग तुमु लै बोलालै, देखौ आदमी रौ छ़ोहरू तिऐ आ या इदै आ। पर तुमुऐ डेऊणौ नाईं और ना तिऊं पिछ़ु हुणौ। ²⁴ कैलैकि ज़िणी, बीज़ल़ी सौरगा रै एकी धुरे कु दुजै धुरा झ़ाऊं च़ौमका आ, तिणी आदमी रौ छ़ोहरु भी आपणै दिना दी परगट हुआ सा। ²⁵ पर एथकु पैहलै आदमी रै छ़ोहरु ऐ भौरी दु:ख जा ई उठाउणै। और एस जुगा रै लोग तेस बिगानौ सौमझ़ा ई। ²⁶ ज़िणौ पैहलै ज़मानै रै नूह गुरु रै बौग्ता दी हुऔ आ, तिणी आदमी रै छ़ोहरु रै बौग्ता दी भी हुआ सा। ²⁷ ज़ेबी झ़ाऊं नूह समुन्दरी ज़हाज़ा दी ना डैऔ, सेज़ै दिना झ़ाऊं लोग खा-पिआ थै और तिऊं मांझ़ीऐ शादी-ब्याह हुआ थै। तैबै इणौ पाणी लागौ कि सब कुछ़ खातम हुऔ। ²⁸ और ज़िणौ लूत नावां रै आदमी रै बौग्ता दी हुऔ थौ कि लोग थै खांदै-पिंदै और लेन-देन कौरदै, पेड़-पौधै लाईंदै, और घौर बार चाणदै लागै औन्दै। ²⁹ पर ज़ेज़ै दिनै लूत सदोम इलाके कु निकल़ौ सेज़ै दिनै सौरगा कु आग और दारु बौरसै और सारै खातम कियै। ³⁰ आदमी रौ छ़ोहरु परगट हुणै रै दिना दी भी इणौ हुणौ आ। ³¹ सेज़ै दिनै ज़ुण छ़ापरा माथै औलौ और तेसरौ सामान औलौ घौरा बितै, तैबै सेऊ तेस समाना निंदै नाईं आशा, तिणी ज़ुण डोखरै दी औलौ सेऊ भी वापिस घौरै नाईं आशा। ³² लुता री छ़ेउड़ी याद छ़ाड़ौ। ³³ ज़ुण-कुण आपणै प्राण बौच़ाउणै च़ाहा लौ सेऊ तेस खातम कौरा, और ज़ुण कौरा तेस खातम सेऊ आ बौच़ावा। ³⁴ हाऊं तुमुलै बोलाऊ, "सेज़ी राचीऐ दुई आदमी एकी च़ारपाई माथै औलै सुतै औन्दै तिऊं मांझ़ीऐ कु एक निणौ और दुजौ छ़ाड़नौ तिऐ। ³⁵ दुई छ़ेउड़ी ज़ांज़ै पिशदै औली तिऊं मांझ़ीऐ कु एक निणी दुजी छ़ाड़नी तिऐ। ³⁶ दुई ज़ौणै डोखरे दी औलै एक निणौ एक छ़ाड़नौ तिऐ। ³⁷ इणै शुणीयौ तिउंऐ यीशु कु पुछ़ौ, "ओ प्रभुआ एज़ी बुशै किऐ औणी आ?" यीशुऐ तिउंलै बोलौ, "ज़िणौ गौरुड कौठै हुणै कु ठेऊ लागा कि इदरा बाटीयै कुछ़ मौरौ औन्दौ आ, तिणी ज़ेबी आमैं भी इणी बुशै शुणुलै या देखुलै तैबै आमुकै भी ठेऊ लागा कि सेऊ बौग्त नज़दीक आ।

अधौर्मी फैसलै कौरणे वाल़ौ और बिधवा रौ औनेणौ

¹ तैबै यीशुऐ एथरै बारै दी औनैणौ दैऔ कि आमु रोज़ प्राथना कौरनी और हिम्मत च़ांई छ़ाड़नी। ² एकी इलाके दी एक फैसलौ कौरनै वाल़ौ रौआ थौ, ज़ुण ना परमेश्वरा कु डौरा थौ और ना कासी आदमी री परवाह कौरा थौ। ³ सेज़ै इलाके दी एक विधवा भी रौआ थी ज़ो तेस फैसलै कौरनै वाल़ै काऐ घौड़ी-घौड़ीऐ आशीयौ बोला थी, मैरौ फैसलौ कर और मूं मैरै दुश्मना कु बौच़ाऊ। ⁴ काफी बौग्ता झ़ाऊं ता तिणीऐ तिआंरी कौन्थशुणी की पर आखरी दी तिणीऐ आपणै ज़ीवा दी विच़ार कियौ कि ना ता हाऊं परमेश्वरा कु डौरदौ और ना कासी आदमी री परवाह कौरदौ। ⁵ तैबै भी इयै विधवा मुं रोज़ आशीयौ तंग कौरा, आबै मुं इयैं विधवा रौ फैसलौ कौरनौ जा। केशी इणौ ना च़ाईं हुऔ कि इयै घौड़ी-घौड़ीऐ आशीयौ मुं भौरी परेशान कौरा। ⁶ प्रभुऐ बोलौ, "शुणौ, एऊ बुरौ फैसलै कौरनै वाल़ौ का बोलौ आ? ⁷ तैबै का परमेश्वर आपणै च़ुनै औन्दै लोगु रौ फैसलौ नाईं कौरा लौ? ज़ुण राच दिन तेसरी प्राथना कोराई? का परमेश्वर आपणै लोगु लै बेर पा? ⁸ हाऊं तुमु लै बोलाऊ परमेश्वर आपणै लोगुरौ फैसलौ फेटी कौरा! तैबै भी ज़ेबी आदमी रौ छ़ोहरु आशा लौ, "का तेबी सेऊ धौतरी माथै लोगु दी विश्वास पा लौ?

फरीसी और मामलै निणे वाल़ै रौ औनेणौ

⁹ ज़ुण आपु लै धर्मी बौणा थै और दुजै लोगु सौमझ़ा थै बेकार तिउंलै यीशुऐ एज़ौ औनैणौ दैऔ कि, ¹⁰ दुई आदमी परमेश्वरा रै घौरा दी प्राथना कौरदै डै, एक थौ फरीसी दुजौ थौ मामलै निणै वाल़ौ, ¹¹ फरीसी आपणै मौना दी इणी प्राथना कौरदै लागौ कि, ’ओ परमेश्वर, हाऊं तैरौ धन्यवाद कौराऊ कि हाऊं दुजै लोगु ज़िणौ डाकु, ठगणै वाल़ौ और गान्दै काम कौरनै वाल़ौ नाईं आसतौ, और ना एस मामलै निणै वाल़ै ज़िणौ आसतौ ज़ो इदै आ। ¹² हाऊं हफ्ते दी दुई बारै ब्रौत छ़ाड़ाऊ, और हाऊं आपणी सारी कमाई रौ दसवौ हिस्सौ भी दिआ ऊ। ¹³ पर मामलै निणै वाल़ै दूर खौड़ी हुइयौ सौरगा भीलै देखणौ भी ना च़ाऔ, और आपणै हिकड़ै पिटी-पिटीऔ बोलदै लागौ, ’ओ प्रभु’ मुं पापी माथै दया कर। ¹⁴ तैबै यीशुऐ बोलौ, "हाऊं तुमुलै बोलाऊ, कि सेऊ फरीसि नाईं बल्की एऊ मामलै निणै वाल़ौ आदमी परमेश्वरा री नौज़री दी धर्मी बौणीयौ आपणै घौरै डैऔ आ, कैलैकि ज़ुण आपुलै बौड़ौ बौणा लौ सेऊ छ़ोटौ बौणनौ आ। और ज़ुण बौणा लौ आपु लै छ़ोटौ सेऊ बौणनौ आ बौड़ौ।

छ़ोहरु लै आशीर्वाद

(मती19:13-15; मरकुस10:13-16)

¹⁵ तैबै लोग आपणै लोल़डेऊ भी यीशु काऐ लागै आणदै ताकी यीशु तिऊं माथै हाथ छ़ाड़ा, पर च़ेलै लागै तिऊं धौमकाऊंदै। ¹⁶ यीशुऐ लोल़डै आपु काऐ औटाऐ और बोलौ, "लोल़डेऊ मुं काऐ आशणै दैऔ" इऊं नाईं रोकौ कैलैकि परमेश्वरा रौ राज़ इणेऊ ज़िणौ आ। ¹⁷ हाऊं तुमु लै सौच़्च़ौ बोलाऊ ज़ुण परमेश्वरा रौ राज़ इऊं लोल़डेऊ ज़िणौ नाईं माना लौ सेऊ परमेश्वरा रै राज़ा दी केबी भी नाईं डेई बौल़दौ।

सेठ आदमी और सदा री ज़िन्दगी

(मती19:16-30; मरकुस10:17-31)

¹⁸ तैबै यहुदीऊ रै एक मुख्यै यीशु कु पुछ़ौ, ’ओ महान गुरू’ सौदा री ज़ीन्दगी पाइणा लै हाऊं का कौरु?’ ¹⁹ यीशुऐ तेसलै बोलौ, "तू मुलै सारेऊ कु महान गुरु कैलै बोला ई?" कोई भी आच़्छ़ौ नाईं आसतौ परमेश्वरा रै सिवाऐ। ²⁰ तू आज्ञाऐं ता ज़ाणदौ औलौ, ’गान्दै काम ना कौरनी, खून ना कौरनौ, च़ोरी ना कौरनी, ना झ़ुठी गवाही दैणी, और आपणै मां-बाबा री इज़्ज़त कौरनी। ²¹ तिणी मुख्यै बोलौ, इऊं आज्ञाऐं ता हाऊं लोल़डी औउलै मानाऊ। ²² इणै शुणीयौ यीशुऐ तेसलै बोलौ, "ताऊंदी औज़ौ भी एकी बुशा री कामी आ।" आपणी सारी ज़यदाद बेच़ीयौ गरीबु लै बांट, ताउंलै मिला सौरगा दी धन-ज़यदाद, और आपु आंड मुं आइलै। ²³ इणै शुणीयौ सेऊ मुख्यौ भौरी दु:खी हुऔ कैलैकि सेऊ भौरी सेठ थौ। ²⁴ यीशुऐ सेऊ सेठ दु:खी देखीयौ आपणै च़ेलेऊ लै बोलौ, ’सेठा रौ परमेश्वरा रै राज़ा दी डेउणौ भौरी कठीन आ। ²⁵ सेठ आदमी रै परमेश्वरा रै राज़ा दी डेउणै कु उंटा रै सिउणी रै शेड़ै बाटीयै डेउणौ आसान आ। ²⁶ इणै शुणीयौ लोगुऐ बोलौ, तैबै कासरौ उद्धार हुई बौल़ा सा? ²⁷ यीशुऐ बोलौ, "ज़ो आदमी रै बोलै नाईं औन्दौ सेऊ परमेश्वरा रै बोलै औआ सा। ²⁸ पतरसै बोलौ, "देखौ आमै ता आपणौ घौर-बार छ़ाड़ीयौ ताऊं पिछ़ु च़ाल पौड़ै ई। ²⁹ यीशुऐ बोलौ, "हाऊं तुमुलै सौच़्च़ौ बोलाउ इणौ कोई ना आसतौ ज़ुणीऐ परमेश्वरा रै राज़ा री ताइंऐ, आपणौ घौर, छ़ेउड़ी, भाई और माम-बाब या लोल़डै छ़ाड़ै औलै, ³⁰ और तेसलै इयैं ज़ीन्दगी दी कई गुणौ ज़ादौ और आशणै वाल़ै जुगा दी सौदा री ज़ीन्दगी ना मिला।

आपनै मौरणै रै बारै दी यीशु रै चीजी बारै बोलणौ

(मती20:17-19; मरकुस1ओ:32-34)

³¹ तैबै यीशुऐ आपणै बारहा च़ेलै आपुकाऐ औटाऐ और तिउंलै बोलौ, "देखौ आमै यरुश्लेमा ले ई लागै औन्दै डेउन्दै, ज़ो-ज़ो बुशै आदमी रै छ़ोहरु रै बारे दी पुराणै गुरूऐ लिखी सै सारी पुरी हुणी आ। ³² कैलैकि तेस दुजी ज़ाती रै लोगु रै हाथा दी दिआई, सै तेसरौ मज़ाक उड़ावा ई। सै तेसरी बेइज़्ज़ती कौरा ई और तेस माथै थुका ई। ³³ और तेसदी कोड़ै ला ई, तेस पोरु झ़ांगा ई पर सेऊ चिजै दिनै ज़ीऊंदौ हुआ सा।" ³⁴ पर तिऊं च़ेलेउऐ यीशु री केज़ी भी बूश नाईं सौमझ़ी और इयै बुशै तिऊंकु च़ोरुई थाकी, ज़ो बोलौ थौ सेऊ तिउंरी सौमझ़ी दी ना आशौ।

शेड़ै भिखारी आखी रौ दाण

(मती20:-29;34; मरकुस10:46-52)

³⁵ ज़ेबै यीशु यरीहो इलाके रै नज़दीक पौउंच़ौ, तिऐ बाटा दी एकी भीलै बोशीयौ एक शेड़ौ भीखा मांगदै थौ लागौ औन्दौ। ³⁶ तिणी शेड़ै भीड़ा री आवाज़ शुणीयौ पुछ़ौ, ’एउ का औन्दै लागौ औन्दौ? ³⁷ भीड़ा रै लोगुऐ बोलौ, नासरत गावां रौ यीशु आ इदरा बाटीयै डेउन्दै लागौ औन्दौ। ³⁸ इणै शुणीयौ सेऊ शेड़ौ भीखारी च़िलांदै लागौ ’ओ यीशु दाऊदा रौ छ़ोहरु मूं माथै दया कर। ³⁹ ज़ो लोग औगाड़ीऐ थै लागै औन्दै डेउन्दै तिउंऐ तेसलै डांटीयौ बोलौ, "च़ुटुक थाक" पर सेऊ तौऐं भी ज़ोरै-ज़ोरै लागौ च़िलांदै, "ओ दाऊदा रौ छ़ोहरु मूं माथै दया कर।" ⁴⁰ ज़ैबै यीशुऐ तेसरी हाक शुणी, ता यीशु खौड़ी टेकौ और आज्ञा देई कि "एस मु काऐ आणौ" ज़ेबै सेऊ शेड़ौ भीखारी यीशु रै नज़दीक आशौ ता यीशुऐ तेसकु पुछ़ौ, ⁴¹ "तू का च़ाहा ई? हाऊं ताउंलै का कौरु? तैबै तिणीऐ बोलौ, "ओ प्रभु हाऊं च़ाहा ऊ की हाऊं देखदै लागु।" ⁴² यीशुऐ बोलौ, "ठीक आ तू देखी बौल़ा ई" तैरै विश्वासै तू ठीक कियो ई।" ⁴³ तेबी ई सेऊ शेड़ौ भीखारी देखदै लागौ, और परमेश्वरा री बौड़ाई कौरीयौ यीशु पिछ़ु आण्डदै लागौ। ज़ुणीऐ भी एज़ौ चमतकार देखौ सै सारै परमेश्वरा री महिमा कौरदै लागै।

मामलै निणे वाल़ौ जक्कई

¹ यीशु यरीहो इलाके बाटीयै थौ डेउंदै लागौ औन्दौ। ² तिऐ जक्कई नावां रौ एक आदमी थौ ज़ुण मामलै निंणै वाल़ेऊ रौ मुख्यो थौ और सेऊ बौड़ौ सेठ थौ। ³ सेऊ यीशु देखणे री कोशिश थौ लागौ औन्दौ कौरदै कि सेऊ कुण आ पर भीड़ा रै कारण सेऊ यीशु नाईं देखी बौल़ौ कैलैकि सेऊ कौदा रौ छ़ोटौ थौ। ⁴ तैबै यीशु देखणा लै सेऊ भीड़ा कु औगाड़ीयै फेटा मारीयौ डैऔ और एक गुलरा (फेड़ु) रै पेड़ा दी च़ौड़ौ कैलैकि यीशु सेज़ी बाटा दी डेउणै वाल़ौ थौ। ⁵ ज़ैबै यीशु तेस पेड़ा काऐ पौउंच़ौ, तैबै उपरै देखीयौ तेस जक्कई लै बोलौ, "ओ जक्कई फेटी धौनी उत्तुर कैलैकि आज़ मुइंयै तैरै घौरा कै रौइणौ आ।" ⁶ जक्कई फेटी उत्तरौ, और यीशु खुशी कौरीयै आपणै घौरै निंयौ। ⁷ इणै देखीयौ सारै लोग आपु मांझ़ीयै गुणमुणांइयौ बोलदै लागै, ’यीशु ता पापी आदमी रै काऐ पा डेई गौ आ।’ ⁸ जक्कई खौड़ौ उठौ और यीशु लै बोलदै लागौ, ’ओ प्रभु हाऊं आपणी आधी ज़यदाद गरीबु लै दिआऊ और अगर मुइयै कासी कु भी दोखै देइयौ ज़ादौ मामलौ निऔं आ तेसकै हाऊं च़ार गुणौ वापिस दिआऊ।’ ⁹ यीशुऐ तेसलै बोलौ, "आज़ एस घौरा दी मुक्ती हुई आ कैलैकि एऊ आदमी भी अब्राहमा रै वंशा रौ आ। ¹⁰ हाऊं आदमी रौ छ़ोहरु इणै लोगु ज़ो परमेश्वरा कु दूर पापा दी ई डुबै औन्दै तिऊं लोड़दै और बौच़ाउंदे ऊ आशौ औन्दौ।

दस मूहरी (तोड़ैऊ) रौ औनैणौ

(मती25:14-30)

¹¹ ज़ैबै लोग इऊं बुशु शुणदै थै लागै औन्दै तैबै यीशुऐ एक औनेणै देइयौ बोलौ, कैलैकि सेऊ यरुश्लेमा रै नज़दीक थौ, और लोग सौमझ़ा थै कि परमेश्वरा रौ राज़ शिग्री परगट हुणौ आ। ¹² एथीलै यीशुऐ बोलौ, ’एक सेठ आदमी दूर देशा लै डैऔ ताकी सेऊ राज़ै रौ हक पाइयौ वापिस आशा। ¹³ तैबै तिणीयै आपणै नुकरा मांझ़ीया कु दस नुकुर औटाऐ, और तिउंकै दस शर्फी मुहरै देइयौ तिउंलै बोलौ, मैरै आशणै झ़ाऊं एथरौ लेण-देण कौरेऊ। ¹⁴ और तेस सेठा रै इलाकै रै लोग तेस आइलै दुश्मनी छ़ाड़ा थै, तैबै तिउंऐ तेस सेठा पिछ़ु आपणौ दूत खौबरी कौरी भेज़ौ कि आमै नाईं च़ांअदै कि एऊ आदमी आमु माथै राज़ कौरा। ¹⁵ ज़ैबै सेऊ आपणै राज़ा रौ हक पाइयौ वापिस आशौ तैबै तिणीऐ आपणै नुकुर औटाऐ ज़ासकै तिणीऐ सर्फी मुहरै थी देई ऐन्दी, ताकी सेऊ तिऊंकु लेण-देणा रै बारे दी पौतौ कौरा कि तिउंऐ का-का कौमाऔ आ? ¹⁶ तैबै पैहलै नुकरै बोलौ, ’मालिक तेरी देई ऐन्दी शर्फी मुहरी माथै मुइंयै दस औज़ौ कौमाई। ¹⁷ तिणी सेठै तेस नुकरा लै बोलौ, ’ओ मैरै सौभी कु आच़्छ़ै नुकुर शाबाश” तू भौरी थोड़े दी भी विश्वास वाल़ौ निकल़ो ई आबै तू दस इलाकै माथै राज़ कर। ¹⁸ तैबै दुजै नुकरै भी आशीयौ बोलौ, मुइंयै तेरी शर्फी महरी कौरी पांज़ औज़ौ कौमाई। ¹⁹ तिणी सेठै तेसलै भी बोलौ “शाबाश” तू भी पांज़ इलाकै माथै राज़ कर। ²⁰ चिजै नुकरै भी आशीयौ बोलौ, ओ मालिक तेरी देई ऐन्दी मुहर (च़ांदी रौ रुपाई) इदै आ, ज़ो मैरै च़ादरु रै धुरे दी थी बानियौ छ़ाड़ी ऐन्दी। ²¹ हाऊं ताऊंकु भौरी डौरा थौ कैलैकि तू काठौ आदमी ई ज़ीऐ तैरौ नाईं आ तिदरु भी तू निंआई ज़ो तू नाईं बौइंदौ तेस भी तू लौआ ई। ²² सेठै तेसलै बोलौ, ओ दुष्ट नुकुर हाऊं तैरै मुआं कौरीऐ ताऊं आरोपी चाणाऊ, ज़ैबै तू ज़ाणा थौ कि हाऊं काठौ आदमी ऊ ज़ो मैरौ नाईं आ तेस हाऊं च़ुंगाऊ और ज़ो हाऊं नाईं बौइंदौ तेस हाऊं लौआऊ। ²³ तैबै ताऐं मेरी शर्फी मुहरै ब्याज़ा माथै कैलै ना देई ताकी ज़ेबी हाऊं आशा थौ ता तेबी सित ब्याज़ै निआं थौ। ²⁴ तिणी सेठै तिउंलै बोलौ ज़ो तिऐ खौड़ै थै, इयैं सर्फी महरै एसकु ओरु छ़ुड़ाऔ और तेसकै दैऔ ज़ासकै दस शर्फी मुहरै ई। ²⁵ तिउंऐ तेस सेठा लै बोलौ, ओ मालिक तेसकै ता ई आसती दस शर्फी मुहरै। ²⁶ हाऊं तुमु लै बोलाऊ, ज़ासकै आसती आ और सेऊ ठीक डौंगा रौ बौरता लौ तेसकै औज़ौ मिला। ज़ुण ठीक डौंगा रौ ना बौरता लौ तेसकु सेऊ भी ओरु निईआ सा ज़ो तेसकै औलौ। ²⁷ पर मैरै तिऊं दुश्मन ज़ो नाईं च़ाहा थै कि हाऊं तिऊं माथै राज़ कौरु, तिऊं इदै मुकाऐ आणीयौ पोरु झ़ांगौ।

यरुश्लेमा दी ज़ीत आशणी

(मती21:1-11; मरकुस11:1-11;यूहन्ना12:12-19)

²⁸ इऊं बुशै बोलीयौ यीशु यरुश्लेमा लै तिऊं सौभीऊ कु औगाड़ीयै आण्डदै लागौ। ²⁹ ज़ैबै सै जैतून नाव़ां री पहाड़ी काऐ पौउंच़ै तिऐ बैतफगै और बेतनियाह नावां रै दुई गाऊं थै। तैबै यीशुऐ च़ेलेऊ मांझ़ीया कु दुई च़ेलै इणै बोलीयौ भेज़ै कि, ³⁰ आपणै सामनै वाल़ै गावां दी डैऔ, तिऐ पौउंच़ीयौ तुमुकै एक गदेटु मिला खुंटी दी बानौ औन्दौ। ज़ास माथै इबी झ़ाऊं कोई ना बोशौ, तेस खोलीयौ ओरु आणेऊ। ³¹ अगर तुमु कु कुण पुछ़ा लौ कि एस कैलै खोला ई? तैबै तुमै बोलेऊ प्रभु कै एसरी ज़ुरुरत आ। ³² ज़ो च़ेलै यीशुऐ भेज़ै औन्दै थै तिउंऐ तिऐ डेइयौ तिणौ देखौ ज़िणौ यीशुऐ तिउंलै बोलौ थौ। ³³ ज़ैबै सै च़ेलै गदेटु खोलदै लागै तैबै तेसरै मालिकुऐ तिऊं लै बोलौ, एस गदेटु कैलै खोलाई? ³⁴ तिउंऐ बोलौ प्रभु कै एसरी ज़ुरुरत आ। ³⁵ तैबै च़ेलेउऐ सेऊ गदेटु खोलियौ यीशु काऐ आणौ और तेस माथै आपणै जुड़कै पाईयौ यीशु तेस माथै बोशाल़ौ। ³⁶ ज़ैबै यीशु आण्डदै लागौ तैबै लोग आपणै जुड़कै बाटा दी बिछ़ाऊंदै लागै, यीशु रै स्वागता लै। यीशु रौ स्वागत ³⁷ ज़ैबै यीशु जैतून पहाड़ी री उतराई दी पौऊंच़ौ, तैबै च़ेलेऊ री सारी भीड़ यीशु रै सारै शक्ती वाल़ै कामा देखीयौ खुश हुऐ और परमेश्वरा री बौड़ाई कौरदै लागै। ³⁸ "भौलौ सेऊ राज़ौ ज़ुण प्रभु रै नावा दी आशा आ, सौरगा दी शान्ती और परमेश्वरा री बौड़ाई हो। ³⁹ तैबै भीड़ा मांझ़ीया कु कुछ़ फरीसि लोगुऐ यीशु लै बोलौ ओ गुरु आपणै च़ेलैऊ धौमकाऊ कि च़ुटुक थाका। ⁴⁰ यीशुऐ ज़वाब दैऔ, "हाऊं तुमुलै बोलाऊ अगर इयै च़ुटुक थाका लै तैबै ढोल़ च़िलांदै लागा।

यरुश्लेमा लै लेरणौ

⁴¹ ज़ैबै यीशु यरुश्लेमा रै नज़दीक पौउंच़ौ तैबै यीशु यरुश्लेम शहरा देखीयौ लेरौ। ⁴² और बोलौ, केती भौलौ औआ थौ कि तू, ओ तू ई, आज़ कै दिना री शक्ती री बुशै ज़ाणा थौ। पर आबै इयै बुशै तेरी नौज़री कु च़ोरुई गोई। ⁴³ कैलैकि ताऊं माथै इणै दीन आशणे ई कि तैरै दुश्मन कौठै हुईयौ ताऊं च़ारो तौरफा कु घेरीयौ दबाउवा ई। ⁴⁴ ताऊं और तैरै लोल़डै ज़ो ताऊं भीतै ई माटै दी मिलावा ई ताऊं दी पात्थरा माथै पात्थर भी ना छ़ाड़नै, कैलैकि ताऐं सेज़ौ मौकौ नाईं सौमझ़ौ ज़ेबी ताऊं माथै दया हुई थी।

परमेश्वरा रै घौरा कु सामाना बेच़णै वाल़ै गाड़नै

(मती21:12-17;मरकुस11:15-19; यूहन्ना2:13-22)

⁴⁵ तैबै यीशु परमेश्वरा रै घौरा दी डैऔ और समान बेच़णे वाल़ै बाइरै भगाऐ। यीशु परमेश्वरा रै घौरा दी ⁴⁶ और बोलौ, "धर्मशास्त्रा दी इणौ आ लिखौ औन्दौ कि मैरौ घौर प्राथना कौरनै रौ घौर आ। पर तुमुऐ ता एऊ लुटणे वाल़ेऊ रौ आड्डौ चाणी गौ आ।" ⁴⁷ यीशु रोज़ परमेश्वरा रै घौरा दी लोगु लै शिक्षा दिआ थौ। पर बौड़ै याजक यहुदी शास्त्री और लोगु रै बौड़ै नेतै यीशु झ़ांगणै रौ मौकौ लोड़ा थै। ⁴⁸ पर तिउंकै यीशु झ़ांगणै रौ कोई मौकौ ना मिलौ कैलैकि सारै लोग यीशु री बुशै बौड़ै ध्याना कौरी शुणा थै।

यीशु रै अधिकारा माथी सवाल

(मती21:23-27; मरकुस11:27-33)

¹ एकी दिनै इणौ हुऔ कि ज़ेबी यीशु परमेश्वरा रै घौरा दी लोगु लै शिक्षा दैंदै और खुशी रौ सन्देश शुणाऊंदै थौ लागौ औन्दौ, ता बौड़ै याजक, यहुदी शास्त्री, और स्याणै लोग यीशु काऐ आशै, ² और बोलदै लागै, "आमुकै बोल, तू इणै काम केज़ै हक्का कौरीयै कौरा ई? और सेऊ कुण आ ज़ुणीऐ ताउंकै एऊ हक्क दैऔ आ?" ³ यीशुऐ बोलौ, "हाऊं भी तुमु कु एक सवाल पुछ़ा ऊ, तुमै भी तेथरौ ज़वाब दैऔ, ⁴ यहुन्ना रौ बप्तीसमा सौरगा री तौरफा कु थौ या आदमी री तौरफा कु थौ? ⁵ तैबै सै आपु मांझ़ीयै चौपड़ींदै लागै, "अगर आमै बोलुलै परमेश्वरा री तौरफा कु दिआ थौ, तैबै इणीऐ बोलनौ आ इणौ कि, तुमुऐ तेस माथै विश्वास कैलै ना कियौ?" ⁶ अगर बोलुलै आमै आदमी री तौरफा कु तैबै ई लोग आमु डोल़ीयावा, कैलैकि इयै ज़ाणा ई कि यहुन्ना भविष्यदवक्ता थौ। ⁷ तैबै तिउंऐ यीशुलै ज़वाब दैऔ, ’आमै नाईं ज़ाणदै कि सेऊ कासरी तौरफा कु थौ। ⁸ यीशुऐ तिउंलै बोलौ, "हाऊं भी तुमु कै नाईं बोलदौ कि हाऊं एज़ौ काम केज़ै हक्का कौरीयै कौरा ऊ।

बुरै ज़िमीदारु रौ औनेणौ

(मती21:33-46; मरकुस12:1-12)

⁹ तैबै यीशुऐ लोगु कै एक औनैणौ दैऔ, "कि एकी आदमीऐ अंगुरा रौ बौगीच़ौ लाऔ, और तेथरौ ठेकौ ज़िमदारु कै देइयै आपु डैऔ भौरी दिना लै परदेशा लै। ¹⁰ ज़ैबै अंगुर चोड़नै रौ बौग्त आशौ ता तिणी मालिकै आपणौ एक नुकुर ज़ीमदारु काऐ आपणै हिस्सै मांगदै भेज़ौ, पर तिऊं ज़ीमदारुऐ सेऊ नुकुर पिटौ और तिदरु खाली हाथ भेज़ौ। ¹¹ तैबै तिणी मालिकै तौऐं एक नुकुर भेज़ौ, पर तिऊं ज़ीमदारुऐ सेऊ भी पिटौ और तेसरी बेइज़्ज़ती कौरीयौ सेऊ भी खाली हाथ वापिस भेज़ौ। ¹² तैबै भेज़ौ तिणीऐ चिजौ नुकुर, तैबै तिउंऐ सेऊ भी पिटीयौ घायल कियौ और तिदरु पोरु गाड़ौ। ¹³ तैबै तिणी बगीच़ै रै मालिकै आपणै ज़ीवा दी सुंच़ौ, ’आबै हाऊं का कौरुलै? आबै हाऊं आपणौ गौरतौ छ़ोहरु भेज़ाऊ, हुई सौका कि सै तेसरी इज़्ज़त कौरा। ¹⁴ पर ज़ेबी तिऊं ज़िमदारुऐ सेऊ मालिका रौ छ़ोहरु देखौ ता सै आपु मांझ़ीऐ चौपड़ींदै लागै, कि एऊ ता एस बौगीच़ै रौ हकदार आ। आशौ आमै एस पोरु झ़ांगी ई, ताकी एऊ बौगीच़ौ आमारौ हुआ। ¹⁵ तैबै तिऊं ज़िमदारुऐ सेऊ मालिका रौ छ़ोहरु बौगीच़ै कु बाइरै गाड़ीयौ पोरु झ़ांगौ। आबै सेऊ मालिक तिऊं ज़िमदारु आइलै का कौरा? ¹⁶ आशीयौ तिऊं ज़िमदारु पोरु झ़ांगा और अंगुरा रौ बौगीच़ौ ओरी लोगु कै सौंभाल़ा। इणै शुणीयौ लोगुऐ बोलौ, परमेश्वर कौरा, कि इणौ केबी ना च़ाईं हुऔ।" ¹⁷ यीशुऐ तिऊं लोगु भिलै देखीयौ बौलौ, "तैबै एऊ का सा लिखौ औन्दौ, "कि ज़ेज़ौ पात्थर घौरा चाणनै वाल़ै मिस्त्रीऊऐ बेकार ज़ाणीयौ पोरु शोटी गौ थौ, सेज़ौ पात्थर कुणे दी लागणे वाल़ौ बौणौ। ¹⁸ ज़ुण-कुण़ तेस पात्थरा माथै लोटालौ सेऊ च़ूर-च़ूर हुआ, और ज़ास माथै पौड़ालौ सेऊ पात्थर सेऊ पिशीया पोरु पा

कैसरा लै मामलौ देणौ

(मती22:15-22; मरकुस12:13-17)

¹⁹ यहुदी शास्त्रीउऐ और धर्म गुरुऐ ज़िणी ई एउ ओनेणौ शुणौ, ता तिउंऐ यीशु पाकुड़नौ च़ाऔ कैलैकि सै सौमझ़ी गौऐ थै कि एऊ औनैणौ आमु लै बोलौ आ, पर सै लोगु कु डौरा थै। ²⁰ और सै एज़ै मौकै देखदै लागै कि, केबड़ी एऊ इणी बूश बोला, कि ज़ेज़ी बुशा दी एस फसाइयौ पाकड़ीलै। इणै कामा लै तिउंऐ आपणै दुई गुप्त आदमी भेज़ै तिंउरै भेषा दी। ²¹ तिउंऐ यीशु कु पुछ़ौ, ’ओ गुरु आमै ज़ाणी कि तू बिल्कुल ठीक बोला ई और शिखावा ई, और कासी रौ पक्ष भी नाईं कौरदौ। तुमै सौच़्च़ाई कौरीयै परमेश्वरा री बाट देखाल़ाई। ²² तुमै इणौ बोलौ, का कैसर राज़ै लै मामलै दैणै रौ हक आमुकै आसती कि नाईं? ²³ यीशुऐ तिउंरी च़ालाकी सौमझ़ी गो ई, और तिउंलै बोलौ, ²⁴ "मुकै एक सिक्कौf देखाल़ौ और बोलौ, एस सिक्के दी कासरौ नाऊं और फोटु आ छ़ापौ औन्दौ? तिउंऐ बोलौ रोमी बौड़ै राज़ै रौ।" ²⁵ यीशुऐ बोलौ, "तैबै ठीक आ’ ज़ो कैसर राज़ै रौ आ तेस कैसर राज़ै कै दैऔ, पर ज़ो परमेश्वरा रौ आ तेस सिर्फ परमेश्वरा लै दैऔ।" ²⁶ सै लोगु रै सामनै एज़ी बुशा दी यीशु पाकड़ी ना बौल़ा, और तेसरै ज़वाबा शुणीयौ च़ुटुकच़ार थाकै।

दूजी बारै पैदौ हुणौ और शादी

(मती22:23-33; मरकुस12:18-27)

²⁷ तैबै सदुकी लोग ज़ो इणौ मानाई कि ज़ुण मौरा ई सै ज़ीऊंदै नाईं हुन्दै, तिऊं मांझ़ीयै कु कुछ़ आदमीऊ ऐ यीशु काऐ आशीयौ पुछ़ौ, ²⁸ "ओ गुरु, मुसा गुरुऐ आमुलै इणौ लिखौ आ, कि अगर कासरौ भाई, शादी-शुदा औइयौ बिण औलादीऐ मौरा लौ, ता तेसरौ भाई तेसरी छ़ेउड़ी आइलै शादी कौरालौ, और आपणै भाई कालै वंश पैदौ कौरा। ²⁹ सात भाई थै, पैहलौ भाई शादी कौरीयौ बिणा औलादीयै मौरी गौ आ, ³⁰ तैबै दुजै भाईऐ तियां विधवा आइलै शादी की पर सेऊ भी बिणा औलादीऐ मौरी गौ, ³¹ तैबै एक- एक कौरीयै सारै भाईऊऐ तिंऐ विधवा आइलै शादी की और सारै बिणा औलादीऐ मौरी गौऐ। ³² और बासीयै सै विधवा भी मौरी पोरु? ³³ आबै आमु आइलै इणौ बोलौ, ’ज़ैबै सै सारै ज़ीऊंदै औलै ता, तिंया लै कासरी छ़ेउड़ी बोला ई? कैलैकि तिऊं साता भाईऊ ऐ तियां आइलै शादी की थी?" ³⁴ यीशुऐ तिऊं लै ज़वाब दैऔ, "शादी ता इयैं धौतरी माथै आदमीऊ लै औआई। ³⁵ पर आशणै वाल़ै बौग्तै, इणौ कुछ़ ना हुन्दौ। कैलैकि ज़ो मौरै औन्दै मांझ़ीया कु ज़ीऊंदै हुणै लायक लोग ई; सेज़ै जुगा दी तिऐ ना ता आदमी शादी कौरदै और ना छ़ेउड़ी शादी लै दैंदै। ³⁶ और सै तेथ बासीऐ केबी ना मौरदै। कैलैकि सै परमेश्वरा रै दुता बाशीयै हुणे ई। ज़ीउंदै हुइयौ तिउंलै परमेश्वरा री सन्तान बोलाई। ³⁷ पर मौरै औन्दै ज़ीऊंदै हुआई कि नाईं, एथरै बारै दी शुणौ; मुसा गुरुऐ भी ऐ बुशै साबित की आ, ज़ैबै तिणीऐ तिऊं झ़ाड़ी रै बारै दी लिखौ ज़ो तिणीऐ परमेश्वरा री बौरसाई ऐन्दी आगी कौरी ज़ौल़दै देखी आ। और मुसा गुरु अब्राहमा रौ परमेश्वर, इसाहक और याकुबा रौ परमेश्वर कौरीयै औटावा थौ, ज़ो कई साल पैहलै मौरी गौऐ थै। ³⁸ और सेऊ ज़ीऊंदै रौ परमेश्वर आ, मौरै औन्देऊ रौ नाईं भी नाईं। परमेश्वरा कालै सै सारै ज़ीऊंदे ई। ³⁹ तिऐ मौज़ूद यहुदी शास्त्रीऊ मांझ़ीया कु काइएउऐ बोलौ, "गुरुजी तुमुऐ ठीक बोलौ।" ⁴⁰ तेथ बासीयै कासी री भी प्रभु यीशु कु केज़ी बूश पूछ़णे री हिम्मत नाईं रौई।

मसीह कासरौ छ़ोहरु आ?

(मती22;41-46; मरकुस12:35-36)

⁴¹ तैबै यीशुऐ तिऊंकु पुछ़ौ, "मसीही लै दाऊदा री सन्तान कैलै बोलाई?" ⁴² कैलैकि दाऊदै आपु भजन सहिंता री किताबी दी बोलौ आ, "प्रभऐ मैरै प्रभु लै बोलौ" ⁴³ मेरी सुलटी भीलै बोश, ज़ेबी झ़ाऊं हाऊं तैरै दुश्मनु तेरी लाता थालै ना कौरु।" ⁴⁴ दाऊद ता तेसलै प्रभु बोला आ; तैबै मसीह दाऊदा री सन्तान किणौ हुई सौका?

शास्त्रिउ कु बौच़ियौ रौएउ

(मती23:1-36; मरकुस12:38-40))

⁴⁵ ज़ेबी सारै लोग बुशै शुणदै थै लागै औन्दै, तेबी यीशुऐ आपणै च़ेलेऊ लै बोलौ, ⁴⁶ "इऊं यहुदी शास्त्रीउ कु बौच़ीयौ रौएऊ।" ज़ासकै लाम्बै-लाम्बै ज़ुड़कै भीड़ीयौ घुमणौ आच़्छ़ौ लागा सा। ज़ेबी सै बज़ारा दी घुमा ई तिउंकै आच़्छ़ौ लागा कि लोग तिऊं कै झुकियौ ढाल कौरा। धार्मीक खुम्बल़ी और ज़ीयै धाम दिआई तिऐ भी सै च़ाहा ई कि आमु आच़्छ़ी और पहली ज़ागहा दी बोशाल़ा तिऐ तिउंकै आच़्छ़ौ लागा आ। ⁴⁷ पर सै विधवा छ़ेउड़ी रै धौर-बार लुटा ई और देखाउणा लै सै काफी बौकता झ़ाऊं प्राथना कौराई; इणै लोग भौरी बौड़ी सौज़ा पा ई।

गरीब बिधवा रौ दाण

(मरकुस12:41-44)

¹ ज़ेज़ै बौग्तै यीशु परमेश्वरा रै घौरा दी थौ, तेबी तिणीऐ सेठ आदमी पेटी दी आपणी भेंटा पाइंदै देखौ। ² और तिणीऐ विधवा भी तिऐ भेंटा री पेटी दी दुई दामड़ी पाइंदै देखी। ³ तैबै यीशुऐ बोलौ, "हाऊं तुमुलै सौच़्च़ौ बोलाऊ कि इयैं गरीब विधवै सौभी कु ज़ादी भेंट देई आ। ⁴ कैलैकि इऊं सौभीयै ता आपणी भौरी कौमाई कु सिर्फ थोड़ी भेंट परमेश्वरा लै देई। पर इयैं गरीब विधवै आपणी ज़िन्दगी री सारी कमाई भेंटा दी पाई आ।

परमेश्वरा रै घौरा रै विनाशा री भविष्यवाणी

(मती24:1,2; मरकुस13:1,2)

⁵ ज़ैबै कुछ़ च़ेलै परमेश्वरा रै घौरा रै बारै दी बुशै लाईंदै थै लागै औन्दै, कि एऊ घौर बांठणै पात्थरा कौरीयै और भेंटा री देई ऐन्दी च़िज़ा कौरीयै किणौ बांठणौ आ चाणौ औन्दौ। तैबै यीशुऐ बोलौ; ⁶ "इणै दीन आशणे ई ज़ेज़ै दिना दी ज़ो तुमै देखदे ई लागै औन्दै, इऊं मांझ़ीया कु पात्थरा माथै पात्थर भी ना रौउणै। सब कुछ़ ढाल़ीयौ नाष कौराई।

मुसीबत और कल़ेश

(मती24:3-14; मरकुस13:3-13)

⁷ तैबै तिऊं च़ेलेउऐ यीशु कु पुछ़ौ, "ओ गुरु" इणौ केबी हुणौ आ? और इऊं बुशै पुरी औन्दी बारे का निशाण औआई? ⁸ यीशुऐ बोलौ, ’बौच़ीयौ रौएऊ तुमै कासी कु ठौगाइएऊ नाईं। कैलैकि कई लोग मैरै नावां कौरीयै आशीयौ बोलाई कि हाऊं मसिहा ऊ सेज़ौ बौग्त आशी गौ आ। तैबै तुमै तिऊं पिछ़ु ना डेवेऊ। ⁹ ज़ेबी तुमै शुणालै कि ज़ागहा-ज़ागहा दी लड़ाई-झ़ौगड़ै ई हुन्दै लागौ औन्दै तेबी तुमै घौबराएऊ नाईं। कैलैकि इयै बुशै पैहलै हुणी ज़ुरुरी ई। तैबै भी सेज़ौ बौग्त आखरी नाईं हुन्दौ। ¹⁰ तैबै यीशुऐ बोलौ, "एकी ज़ाती रै लोग दुजी ज़ाती रै लोगु रौ विरोध कौराई। एक देश दुजै देशा रौ विरोध कौरा। ¹¹ भौरी ज़ागहा दी बौड़ै-बौड़ै भुईंच़ल़ हुणेई और ज़ागहा-ज़ागहा दी काल़ पौड़ने ई और बौड़ी बिमारी हुणी। सौरगा दी डराऊंदी बुशै और बौड़ै-बौड़ै निशाण परगट हुणे ई। ¹² पर इऊं सब बुशै हुणे कु पैहलै सै मैरै नावां रै कारण तुमु पाकड़ा ई और तंग कौरीयौ धार्मिक खुम्बल़ी दी निआं ई और ज़ेला दी पा ई, और राज़ेऊ और जजा काऐ निआंई। ¹³ एऊ तुमुकै मैरै बारे दी गवाही दैणै रौ मौकौ औआ सा। ¹⁴ और तुमै ज़वाब दैणा लै पैहलै कु अपने ज़ीवा दी तयारी नाईं कौरनी और ना फीकर कौरनी, ¹⁵ कैलैकि, हाऊं तुमुलै इणी बुद्धी दिआऊ और तुमारै मुआं कु इणी बूश बोलावा ऊ कि तुमारै कोई भी दुश्मन तुमारौ सामनौ नाईं कौरी बौल़दौ, ¹⁶ इदरा झ़ाऊं कि तुमारै मां-बाब, भाई-भौगीयाल़, और रिश्तेदार तुमारै गोश्टण भी तुमु पौकड़ावा ई और कई ता झ़ंगावा भी ई। ¹⁷ मैरै नावां रे कारण सारै लोग तुमु आइलै दुश्मनी छ़ाड़ाई। ¹⁸ तैबै भी तुमारै मुंडा रौ एक भी बाल़ बांगौ नाईं औन्दौ। ¹⁹ और आपणी सौबरी कौरीयै तुमै आपणै प्राण बच़ाई छ़ाड़ा ई।

यरुश्लेमा री बिनाशा री भविष्यवाणी

(मती24:15-21; मरकुस13:14-19)

²⁰ ज़ैबै तुमै यरुश्लेम भौरी लोगु मांझ़ीयै घेरु औन्दौ देखालै तैबै तुमै सौमझ़ेऊ कि तेसरै नाष हुणै रौ बौग्त आशणे वाल़ौ आ। ²¹ तैबै ज़ेज़ै लोग यहुदी परदेशा दी औलै तिउंऐ बौच़णा लै पहाड़ी दी जा डेऊणौ, और ज़ुण औलै यरुश्लेम शहरा बितै तिउंऐ निकल़ेऊ बाइरै, और ज़ुण औलै गांवा दी तिउंऐ ना डेवेऊ शहरा लै। ²² कैलैकि एज़ै दीन बदला निणा रै दीन हुणे ई। ताकी सै बुशै ज़ो धर्म शास्त्रा दी लिखी ऐन्दी, सै सारी पुरी हुआ ई। ²³ सेज़ै दिना दी तिऊं छ़ेउड़ीऊ लै फिटकार ज़ुण गौरकै ज़ीवा री औली और ज़ासकै दुधा पिणै वाल़ै लोल़डै औलै। कैलैकि सारी धौतरी माथै भौरी दु:ख हुणौ और इऊं लोगु माथै परमेश्वरा रै भौरी रोश आशणे ई। ²⁴ तिऊं तलवारी कौरीऐ झ़ांगाई और सब देशा रै लोगु मांझ़ीयै कैदी बाशी बानीयौ आणाई ज़ेबी झ़ाऊं दुजी ज़ाती रौ बौग्त पुरौ ना हुआ लौ तेबी झ़ाऊं यरुश्लेम दुजी ज़ाती रै लोगु थालीऐ दबाउआ ई।

आदमी रै छ़ोहरु रौ दूजी बारै आशणौ

(मती24:29-31; मरकुस13:24-27)

²⁵ सूरज ज़ून और तारेऊ दी निशाण दिशाई और धौतरी दी सारै लोगु माथै मुसीबत आशणी आ। कैलैकि सै समुन्दरा रै छ़ालै और शोरा कौरीऐ डौराई। ²⁶ दुनीया दी आशणे वाल़ी मुसीबत पौखदै-पौखदै लोगु रै ज़ीऊ घौबरा ई। कैलैकि सौरगा री सारी शक्ती हिलाईआ ई। ²⁷ तैबै लोग मूं, ज़ुण परमेश्वरा री तौरफा कु भेज़ौ औन्दो ऊ पुरी शक्ति और बौड़ै शाना कौरीयै बादल़ा माथै आशदै देखा ई। ²⁸ ज़ैबै इणौ हुन्दै लागा लौ तैबै तुमै खौड़ै हुईयौ सौरगा भीलै देखेऊ कैलैकि तेबी तुमारौ छ़ुटकारौ हुणौ आ।

फेड़ु रै पेड़ा रौ उदाहरण

(मती24:32-35; मरकुस13:28-31)

²⁹ यीशुऐ तिउंकै एक औनैणै देईयौ बोलौ, "फेड़ु रौ पेड़ और सारै पेड़ देखौ, ³⁰ यीशुऐ तिउंकै एक औनैणै देईयौ बोलौ, "फेड़ु रौ पेड़ और सारै पेड़ देखौ, ³¹ ज़ैबै तिऊंदी मिण्डु निकल़ाई तैबै तुमुकै तिऊं देखीयौ पौतौ लागा कि आबै गौरमी आशणै वाल़ी आ।" ³² तिणी ज़ेबी तुमै इऊं मुसीबता री बुशै औन्दै देखा लै तैबै तुमै सौमझ़ेऊ कि परमेश्वरा रौ राज़ आशणे वाल़ौ आ। ³³ हाऊं तुमुलै सौच़्च़ौ बोलाऊ कि ज़ेबी झ़ाऊं ऐ सारी बुशै पुरी ना औली, "तेबी झ़ाऊं एज़ी पिड़ी रौ नाष नाईं औन्दौ।

उज़ी रौएऊ

(मती24:36-44;मरकुस13:32-37)

³⁴ सौरग और धौतरी टौल़ी सौका ई पर मेरी बुशै केबी ना टौल़दी। ³⁵ कैलैकि सेज़ौ दीन धौतरी माथै सब रौइणै वाल़ेऊ मांझ़ीयै इणै कौरी खरकच़ार आशणौ आ। ³⁶ शुणौ ऊज़ी रौ और हर बौग्तै रोज़ प्राथना कौरदै थाकौ लागी ताकी तुमै इऊं सारी मुसीबता कु बौच़णै और आदमी रै छोहरु रै सामनै खौड़ी औणै जोगी बौणा। ³⁷ यीशु हर दिना दी परमेश्वरा रै घौरा दी शिक्षा दिआ थौ और राची लै डिआ थौ जैतूना री पहाड़ी दी रौइंदै। ³⁸ और दोउत राची सारै लोग उठीयौ यीशु री शिक्षा शुणदै परमेश्वरा रै घौरा दी यीशु काऐ आशा थै।

यीशु रै बिरोधा दी यीशु पकुड़ना लै च़ाल

(मती26:1-5; मरकुस14:1,2; यूहन्ना11:45-53)

¹ बिण संज़ेड़ै री रोटी रौ साज़ौ, ज़ेथरी शुरुआत फसह रै साज़ै कु औआ थी, सेऊ साज़ौ नौज़दीक आशी गौ आ। ² सेज़ै बौग्तै मुख्य याजक लोग और यहुदी शास्त्री यीशु पाकुड़नै और झ़ांगणै रौ मौकौ लोड़दै थै लागै औन्दै, पर सै लोगु कु डौरा थै।

यहूदा रौ विश्वासघात

³ तैबै शैतान यहुदा भीतै आशौ, ज़ासलै इस्करियोती बोला थै और सेऊ यीशु रै बारह च़ेलेऊ मांझ़ीयै कु एक थौ। ⁴ सेऊ महायाजकु और परमेश्वरा रै घौरा रै च़ोकीदारु रै मुख्य काऐ डैऔ। ताकी यीशु पाकुड़नै रै तरीका रै बारे दी चौपड़ा। ⁵ वे भौरी खुश हुऐ, और तेसलै इनाम दैणै रौ वाइदौ भी कियौ। ⁶ यहुदा सेज़ी बुशा लै तैयार हुई गौ, और तेभी कु सेऊ यीशु पकड़ाउणा री ताकी दी रौ, कि ज़ेबी यीशु काऐ भौरी भीड़ ना औली, सेज़ै बौग्तै सेऊ, यीशु पौकड़ाई बौल़ा।

च़ेलेउ आइलै आखरी बार साज़ै री रोटी खाणी

(मती26:17-25; मरकुस14:12-21; यूहन्ना13:21-30)

⁷ तैबै बिणा संज़ेड़े री रोटी रै साज़ै रौ दीन आशौ ज़ेबी यहुदी लोगु रै हर टबर फसह रै गाबड़ु री बल़ी च़ड़ावा थै। ⁸ यीशुऐ पतरस और यहुन्ना इणै बोलीयौ भेज़ै कि, "डैऔ आमारै फसह री रोटी खाणै रौ इन्तज़ाम कौरौ।" ⁹ च़ेलेउऐ यीशु कु पुछ़ौ, ’गुरु जी तुमै कियै च़ाहा ई कि आमै साज़ै री रोटी रौ इन्तज़ाम कौरी?’ ¹⁰ यीशुऐ तिउंलै बोलौ, "देखौ शहरा दी पौउंच़ीयौ तुमुकै एक आदमी मिला काछ़ा माथै पाणी री बोटलोई कौरी डेउंदै लागौ औन्दौ, ज़ेज़ै घौरा दी सेऊ डिआ लौ, तुमै भी तेस पिछ़ु सेज़ै घौरा दी डेवेऊ।" ¹¹ और तेस घौरा रै स्याणै लै बोलेऊ; गुरु ताउंलै इणौ बोला कि मुकालै तैयार कियौ औन्दौ कौमरौ केज़ौ आ? ज़ियै हाऊं आपणै च़ेलेऊ आइलै फसह री रोटी खाऊ।" ¹² तैबै सेऊ तुमुकै माथली मंज़ली दी सज़ाऔ औन्दौ कौमरौ देखाल़ा, तिऐ तुमै फसह री रोटी रौ इन्तज़ाम कौरेऊ। ¹³ तैबै ज़िणौ यीशुऐ तिउंलै बोलौ थौ, तिऊं च़ेलेउऐ तिऐ डेईयौ तिणौ देखौ, और तिउंऐ तिऐ फसह री रोटी तैयार की।

प्रभू भोज

(मती26:26-30; मरकुस14:22-26 1कुरुन्थियों11:23-25)

¹⁴ ज़ेबी रोटी खाणै रौ बौग्त आशौ ता यीशु आपणै बारह च़ेलेऊ आइले रोटी खान्दै बोशौ। यीशु च़ेलेउ आइलै आखरी बारै रोटी खा आ ¹⁵ तैबै यीशुऐ तिउंलै बोलौ, "मेरी बौड़ी इच़्छ़ा थी कि हाऊं दु:ख भोगणे कु पैहलै तुमु आइलै बोशीयौ एज़ै फसह रोटी खाऊ।" ¹⁶ कैलैकि हाऊं तुमुलै बोलाऊ, "कि ज़ेबी झ़ाऊं इयै बुशै परमेश्वरा रै राज़ा दी पुरी नाईं औआली, तेबी झ़ाऊं हाऊं इयैं फसह री रोटी केबी ना खान्दौ।" ¹⁷ तैबै यीशुऐ अंगुरा रै रसा रौ खोरु च़ुंगौ और परमेश्वरा रौ धन्यवाद की ईयौ, आपणै च़ेलेऊ लै देइयौ बोलौ एस आपु मांझ़ीयै बांटौ। ¹⁸ कैलैकि हाऊं तुमु लै बोलाऊ कि ज़ेबी झ़ाऊं परमेश्वरा रौ राज़ नाईं आशा लौ तेबी झ़ाऊं हाऊं अंगुरा रौ रस केबी ना पिन्दौ। ¹⁹ तैबै यीशुऐ रोटी च़ुंगी और परमेश्वरा रौ धन्यवाद कौरीयौ चोड़ी और इणै बोलीयौ आपणै च़ेलेऊ कै देई कि इयौ मैरौ ज़ीसम आ ज़ो तुमुलै दैऔ औन्दौ,। मुं याद कौरना लै इणौ कौरेऊ।" ²⁰ इणै कौरीयै रोटी खाइयौ यीशुऐ अंगुरा रै रसा रौ खोरु भी इणै बोलीयौ दैऔ, "एस अंगुरा रौ रस तुमै मैरौ लोऊ सौमझ़ौ ज़ो भौरी लोगु तिंउरै पापा कु बौच़ाऊणा लै बौइणै वाल़ौ आ। मैरै मौरनै कु परमेश्वर लोगु आइलै एक नौऐं रिश्तै रौ वादौ पाकौ कौरा आ। ²¹ ॰पर देखौ मुं पौकड़ाउणै वाल़ौ इदै आ आमु आइलै रोटी खान्दै लागो औन्दौ। ²² कैलैकि हाऊं ज़ुण परमेश्वरा री तौरफा कु भेज़ौ औन्दौ ऊ मैरौ मौरनौ ता इणी भी आ, ज़िणौ धर्मशास्त्रा दी आ लिखौ औन्दौ। पर फिटकार आ तेस आदमी लै ज़ुण मुं पकड़ावा आ। ²³ तैबै सै च़ेलै आपु मांझ़ीयै एकी दुजै कु पुछ़दै लागै कि आमुं मांझ़ीयै कुण औलौ ज़ुण इणै काम कौरा?

बौड़ौ कुण आ? एथ माथी वाद-विवाद कौरणौ

²⁴ तैबै तिऊंरौ झ़ौगड़ौ भी हुऔ कि आमु मांझ़ीयै कु बौड़ौ कुण आ? ²⁵ यीशुऐ तिउंलै बोलौ, "दुजी ज़ाती रै राज़ै आपणै लोगु माथै राज़ कौराई, और तिऊं माथै हक्क छ़ाड़ाई, और सै तिउंलै फाइदै वाल़ौ बोलाई।" ²⁶ पर तुमै इणौ ना बोलेऊ, ज़ुण तुमु मांझ़ीयै बौड़ौ आ तिणीयै छ़ोटौ बौणनी, और ज़ुण आ परधान तिणीऐ बौणनी सेवा कौरनै वाल़ौ। ²⁷ कैलैकि बौड़ौ कुण आ सेऊ ज़ुण रोटी खान्दै आ बोशौ औन्दौ या सेऊ ज़ुण तिउंरी सेवा कौरदै आ लागौ औन्दौ? का सेऊ नाईं ज़ुण रोटी खान्दै आ बोशौ औन्दौ? और हाऊं तुमु मांझ़ीयै सेवा कौरनै वाल़ै ज़ीणो ऊ। ²⁸ और तुमै भी मुं आइलै परखणै रै बौग्तै दी सदा रौऐ ई। ²⁹ ज़िणौ मैरै बाबै परमेश्वरै मुकालै राज़ दैऔ औन्दौ तिणी हाऊं भी तुमु कालै राज़ दिआऊ। ³⁰ ताकी तुमै मैरै राज़ा दी मुं आइलै बोशीयौ खा पिआलै और राज़गादी माथै बोशीयौ इस्रायला रै बारह गोत्रा रै लोगु रौ फैसलौ कौरा।

पतरसा रै मुकुरना री भविष्यवाणी

(मती26:31-35; मरकुस14:27-31 यूहन्ना13:36-38)

³¹ प्रभुऐ बोलौ, ’शमौन! ओ शमौन, "देख शैतानै तुमै गीऊं बाशी छ़ांटणा लै मुकु मांगी गौऐ। ³² पर मुइंयै तैरै बारे दी परमेश्वरा कु औरज़ कौरी एरी आ ताकी तैरौ विश्वास न खत्म ना हुआ। और ज़ेबी तू पौरखणै बासिये, वापिस आशा लौ तेबी आपणै भाईऊ भी विश्वासा दी मज़बूत कौरा। ³³ शमौनै यीशुलै बोलौ, "प्रभु हाऊं ताऊं आइलै ज़ेला ई डेऊणा लै और मौरना लै भी तैयार ऊ। ³⁴ यीशुऐ शमौना लै बोलौ, "हाऊं ताऊं लै बोलाऊ कि आज़ राची कुखड़ै रै बाशणे कु पैहलै आपणै मुंआ कु चिआ बारै बोला ई कि तू मुं नाईं ज़ाणदौ।

बटुऔ, झोल़ी, और तलवार

³⁵ तैबै यीशुऐ आपणै च़ेलेऊ कु पुछ़ा, "ज़ेबी मुइंयै तुमै बिण बटुऐ, बिण झ़ोल़ै, और बिण बुटै भेज़ै थै का तुमुलै केज़ी च़िज़ा री कामी हुई आ?" च़ेलेउऐ बोलौ! केज़ी च़िज़ा री नाईं।" ³⁶ यीशुऐ तिउंलै बोलौ, "पर आबै ज़ासकै बटुवौ औलौ सेऊ आपकै निआलौ, झ़ोलौ भी निऔ, और ज़ासकै तलवार नाईं औली सेऊ आपणै जुड़कै बेच़ीयौ खरीदा लौ। ³⁷ कैलैकि हाऊं तुमुलै बोलाऊ, ’ज़ो धर्मशास्त्रा दी आ लिखौ औन्दौ कि सेऊ बुरै आदमीऊ आइलै गिणुऔ औन्दौ सेऊ मुलै पुरौ हुणौ ज़ुरुरी आ, कैलैकि मैरै बारे दी लिखी ऐन्दी बुशै पुरी औणै वाल़ी आ। ³⁸ च़ेलेउऐ बोलौ, "देख इदै दुई तलवारी ई, यीशुऐ बोलौ मोकती ई।"

जैतूना री टीरा माथी यीशु री प्राथना

(मती26:36-46; मरकुस14:32-42)

³⁹ तैबै यीशु तेस कमरै कु निकल़ीयौ रोज़ कै ज़िणौ जैतून नावां री पहाड़ी माथै डैऔ, और तेसरै च़ेलै भी तेस आइलै च़ाल पौड़ै। ⁴⁰ तिऐ पौउंच़ीयौ यीशुऐ आपणै च़ेलेऊ लै बोलौ, "प्राथना कौरदै थाकौ लागी ताकी तुमै मुसीबता दी ना पौड़ा" ⁴¹ सेऊ च़ेलेऊ कु थोड़ौ दूर डैऔ और धौनी घुंडै माथै टेकियौ प्राथना कौरदै लागौ, ⁴² "ओ बाब, अगर तू च़ाह ई ता, मुकाऐ कु एस दु:खा रौ खोरु पोरु निऊं। तैबै भी मेरी नाईं तुमारी मर्ज़ी पुरी च़ाईं हुई। ⁴³ तैबै सौरगा कु एक दूत परगट हुऔ, और तिणीऐ यीशुलै शक्ती देई। ⁴⁴ यीशु भौरी दु:खी हुईयौ प्राथना कौरदै लागौ, यीशु रै ज़ीवा रौ दु:ख एती बौड़ी गौ कि तेसरौ पसिनौ मानौ लोऊ रै टिपु बौणीयौ ज़ौबिना माथै पौड़दै लागौ। ⁴⁵ तैबै यीशु प्राथना कौरीयौ उठौ और आपणै च़ेलेऊ काऐ आशौ पर निराशा रै कारण यीशुऐ सै च़ेलै सुतै औन्दै देखै। ⁴⁶ यीशुऐ तिउंलै बोलौ, "तुमै कैलै ई सुतदै लागै औन्दै? "उठौ और प्राथना कौरौ" नाईं ता मुसीबता ई पौड़ा ई।"

यीशु धोखै दी पाकुड़नौ

(मती26:47-56;मरकुस14:43-50; यूःन्ना18:3-12)

⁴⁷ ज़ेबी यीशु प्राथना रै बारै दी थौ बोलदै लागौ औन्दौ, तेबी लोगु री बौड़ी भीड़ तिऐ पौउंच़ी गो ई। तिऊं बारहा च़ेलेऊ मांझ़ीया कु एक च़ेलौ ज़ासरौ नाऊं यहुदा थौ, तिऐं भिड़ा कु औगाड़ी-औगाड़ीयै थौ आण्डदै लागौ औन्दौ। यहुदा यीशु खोबीयाऊंदै यीशु काऐ आशौ। ⁴⁸ यीशुऐ तेसलै बोलौ, "ओ यहुदा का तू खोबु देइयौ आदमी रौ छ़ोहरु पौकड़ावा ई?" ⁴⁹ यीशु रै साथीऊ ऐ ज़ैबै देखौ कि का हुणै वाल़ौ आ, यीशु लै बोलौ "का आमै तलवार च़लाउलै? ⁵⁰ तिऊं मांझ़ीयै कु एकीऐ बौड़ै याजका रै नुकरा दी तलवारी री लाई और तेसरौ सुलटौ कौन्थु काटौ।" ⁵¹ तेथ माथै यीशुऐ बोलौ, "बस आबै नाईं कौरौ इणौ।" और यीशुऐ तेस नुकरा रौ कौन्थु छ़ुंऔ और च़ांगौ कियौ। ⁵² तैबै यीशुऐ परधान याजकु और परमेश्वरा रै घौरा रै च़ोउकीदारू रै मुख्यै और स्याणेऊ लै बोलौ, ज़ुण यीशु पाकुड़दै थै आशै औन्दै," का तुमै डाकु सौमझ़ीयौ तलवारी और डिंगै कौरीऐ ई मुं पाकुड़दै आशै औन्दै? ⁵³ ज़ेबी हाऊं परमेश्वरा रै घौरा दी हर दिना दी तुमु आइलै थौ तेबी ता तुमुऐ हाऊं पाकड़ौ नाईं; पर एज़ौ तुमारौ बौग्त आ, और नयारै रौ हक आ।"

पतरसा रौ इन्कार

(मती26:57-68; मरकुस14:53,54,66-72; यूहन्ना18:13,14, 19-24)

⁵⁴ तैबै तिउंऐ यीशु पाकड़ीयौ बौड़ै याजका रै घौरै निऔं। और पतरस यीशु पिछ़ु दूर-दूर थौ आण्डदै लागौ औन्दौ। ⁵⁵ च़ोकीदारुऐ याजका रै गौड़ा दी आग ज़ाल़ी और फिदीआलै बोशी गौऐ, पतरस भी तिऊं मांझ़ीऐ आशीयौ बोशी गौ। ⁵⁶ एकी नुकराणीऐ आगी रै प्याशे दी पतरस देखौ और तेसलै बोलौ, "एऊ भी ता यीशु आइलै साथा ई थौ।" ⁵⁷ पर पतरसै तिआं लै इणै बोलीयौ इनकार कियौ, "ओ बौइण हाऊं ता एस नाईं ज़ाणदौ।" ⁵⁸ थोड़ै बौग्ता बासीयै तौऐं एकी आदमीऐ पतरसा देखीयौ बोलौ, "तू भी ता तिऊं मांझ़ीया कु ई; पतरसै बोलौ, "ओ भाई, हाऊं नाईं ऊ।" ⁵⁹ करीब एकी घन्टै बासीयै तौऐं एक आदमी काठै कौरीयै बोलदै लागौ, "एऊ भी ज़रुर यीशु आइलै थौ, कैलैकि एऊ गलीली आ।" ⁶⁰ पतरसै बोलौ, "ओ भाई, हाऊं नाईं ज़ाणदौ कि तु का ई बोलदै लागौ औन्दौ।" और सेऊ बोलदै ई थौ लागौ औन्दौ कि तेबी कुखड़ौ बाशौ। ⁶¹ तैबै प्रभु यीशुऐ पतरसा भीलै मुड़ीयौ देखौ और पतरसा कै सै बुशै याद आशी गो ई, ज़ो यीशुऐ पतरसा लै बोली थी कि, "आज़ कुखड़े री बाच़ा देणै कु पैहलै चिया बारै तू मैरौ इनकार कौरा ई।" ⁶² सेऊ बाइरै डेइयौ डीकरी-डीकरीयौ लेरदै लागौ।

यीशु री बेइज्ज़ती

(मती26:67,68; मरकुस14:65)

⁶³ आबै ज़ुणी च़ोकीदारुऐ यीशु पाकड़ौ औन्दौ थौ, सै यीशु री मज़ाका उड़ाइयौ यीशु पिटदै लागै। ⁶⁴ और यीशु री आखी माथै हाथा लाइयौ पुछ़दै लागै कि, "भविष्यवाणी कौरीयौ बोल कि ताऊंदी कुणीऐ लाई आ।" ⁶⁵ और तिउंऐ यीशु री भौरी बेइज़्ज़ती की और यीशु रै विरोधा ई भौरी बुशै बोली।

बौड़ी खुम्बली रै सामनै यीशु

(मती26:59-66; मरकुस14:55-64; यूहन्ना18:19-24

⁶⁶ ज़ैबै दुजौ दीन हुऔ तैबै लोगु रै स्याणै, परधान याजक और यहुदी शास्त्री कौठै हुऐ और यीशु आपणी खुम्बल़ी दी आणीयौ तेसकु पुछ़दै लागै, ⁶⁷ "अगर तु मसीहा ई ता आमु आइलै बोल।" यीशुऐ तिउंलै बोलौ, "अगर हाऊं तुमु आइलै बोलुलै ता तुमै विश्वास नाईं कौरदै; ⁶⁸ और अगर पुछ़ुलै, ता तुमुऐ ज़वाब ना दैणौ। ⁶⁹ पर इबी कु आदमी रौ छ़ोहरु ज़ो सौभी कु शक्ती वाल़ौ आ, परमेश्वरा री सुल़टी भीलै बोशी थाका सा। ⁷⁰ एज़ी बुशा माथै सारेऊ ऐ बोलौ, "तैबै का तु परमेश्वरा रौ छ़ोहरु ई?" यीशुऐ तिउंलै बोलौ, "तुमै ठीक ई बोलाई कैलैकि हाऊं परमेश्वरा रौ छ़ोहरू ऊ।" ⁷¹ तैबै तिउंऐ बोलौ, "आमुकै आबै तौंऐं गवाही री ज़रुरत नाईं आसती कैलैकि आमुऐ आपु ई एसरै मुआ कु बोलदै शुणी गौ आ।"

पिलातुसा रै सामने यीशु

(मती27:1,2, 11-14; मरकुस15:1-5; यूहन्ना18:28-38)

¹ तैबै सारी खुम्बल़ीउए उठीयौ यीशु पिलातुसा काए नींऔ ज़ो रोमी सरकारा रौ हाकीम थौ। ² सै तेभी यीशु माथै इलज़ाम लाइंदै लागै, कि "एउ आदमी आमारै लोगु बहकाऊंदै लागौ औन्दौ। और रोमी कैसरा कै मामल़ै दैणा लै मना कौरा और आपुलै मसीहा, राज़ौ बोला। ³ पिलातुसै यीशु कु पुछ़ौ, "का तु यहूदी लोगु रौ राज़ौ ई?" यीशुऐ तेसलै ज़वाब दैऔ, "तू आपु ई बोलदै लागौ औन्दौ।" ⁴ तैबै पिलातुसै परधान याजकु और लोगु लै बोलौ, "मुकै एस आदमी दी केज़ी भी गौलती नाईं दिशदी।" ⁵ पर सै खुम्बल़ी रै लोग सौख्ती कौरी बोलदै लागै, "एऊ गलील परदेशा कु इदै झ़ाऊं और सारै यहुदिया देशा दी परच़ार कौरीयौ लोगु बहकाउंदै लागौ औन्दौ।" ⁶ इणै शुणियौ पिलातुसै पुछ़ौ, "का एऊ आदमी गलीली आ?" ⁷ इणै ज़ाणियौ कि एऊ हेरोदेसा रै परदेशा रौ आ तैबै सेऊ हेरोदेसा काऐ भेज़ी ऐरौ आ, कैलैकि हेरोदेस सेज़ै बौग्तै यरुश्लेमा दी थौ।

हेरोदेसा रै सामनै यीशु

⁸ हेरोदेस यीशु देखीयौ भौरी खुश हुऔ, कैलैकि तिणीऐ यीशु रै बारे दी शुणौ थौ सेऊ तेस और तेसरै च़मत्कार देखणै च़ाह थौ। ⁹ हैरोदेस यीशु कु भौरी सवाल पुछ़दै थौ लागौ औन्दौ, पर यीशुऐ तेसलै कुछ़ भी ज़वाब नाईं दैऔ ¹⁰ परधान याज़क और‍शास्त्री खौड़ै हुइयौ यीशु माथै तौना मौना कौरीऐ झुठै आरोप थै लाईंदै लागै औन्दै। ¹¹ तैबै हैरोदेसै आपणै सिपाईउ आइलै यीशु री बेइज़्ज़ती की और मज़ाक उड़ाऔ, और च़ोगै-बोगै भिड़ाइयौ पिलातुसा काऐ बापिस भेज़ौ ¹² हैरोदेस और पिलातुस ज़ो पैहलै एकी दुजै रै दुश्मन थै, सेज़ै दिनै सै गोश्टण बौणी गोऐ।

पिलातुसा रै ज़रीए यीशु लै मौरनै री सौज़ा

(मती27:15-26; मरकुस15:6-15; यूहन्ना18:39–19:16)

¹³ पिलातुसै परधान याजक, धौर्मा रै गुरु और सारै लोग आपु काऐ औटाऐ और तिउंलै बोलौ, ¹⁴ "तुमुऐ एऊ आदमी बहकाऊणै वाल़ौ चाणियौ मुकाऐ आणौ आ, और देखौ, मुइंऐ तुमुकाऐ एउ पुछ़ौ और पौरखौ, पर जैज़ी बुशा रौ तुमै एस माथै आरोप ला ई सेज़ी बुशै रै बारै दी मुइंऐ कुछ़ भी ना देखौ; ¹⁵ और ना हेरोदेसै कैलैकि तिणीऐ एऊ यीशु मुकाऐ वापिस भेज़ी गौ आ, और देखौ इणीऐ कुछ़ भी नाईं कियौ कि हाऊं एसलै मौरनै री सौज़ा देऊ। ¹⁶ एथीलै हाऊं एस पिटाइयौ पोरु छ़ाड़ाऊ। ¹⁷ (पिलातुस साज़ै रै बौग्तै तिऊंकालै एक कैदी छ़ाड़ना लै मज़बूर थौ और तादु बाटै साज़ौ नज़दीक थौ)h ¹⁸ तैबै सारै मीलियौ ज़ोरै-ज़ोरै बोलदै लागै, "एसरौ काम खात्म कौरौ आमु कालै बरअब्बा नांवा रौ कैदी छ़ाड़ौ।" ¹⁹ बरअब्बा यरुश्लेम शहरा दी लोगु पिटाऊणै और खुना रै केसा दी कैदा दी थौ पाऔ औन्दौ। ²⁰ पर पिलातुस यीशु छ़ाड़ना री ताइंऐ भीड़ा रै लोग तौऐं समझाऐ, ²¹ पर भीड़ा रै लोग चिल्लांदै थाकै लागी और बोलदै लागै कि, "यीशु क्रूसा माथै चौड़ाऔ क्रूसा माथै।" ²² पिलातुसै चीज़ी बारै तौऐं बोलौ। "कैलै इणीऐ का बुराई की आ? मुइंयैं झ़ांगणै री आज्ञा लायक केज़ी भी बुश एसदी नांई देखी। एथीलै हाऊं एस पिटाइयौ पोरु छ़ाडाऊ।" ²³ पर सै ज़ोरै-ज़ोरै च़िल्लाइयौ पिछ़ै पौड़ी गोऐ कि एऊ क्रूसा माथै च़ाईं च़ौड़ाउऔ। और तिऊं रौ चिल्लाणौ पिलातुसा माथै भारी पौड़ी गौ आ। ²⁴ और पिलातुसै आज्ञा देई, ज़िणौ भीड़ लागी एन्दी बोलदै तिणौ कौरौ। ²⁵ तिणीऐ सेऊ आदमी ज़ो खून और आदमी पिटाउणा रै केसा दी ज़ेलाइ थौ पाऔ औन्दौ और ज़ो भीड़ा रै लोगुऐ मांगौ, सेऊ छ़ाड़ी गौ, और यीशु भीड़ा रै लोगु कै देई ऐरौ ज़िणौ सै च़ाह थै।

यीशु रौ क्रूसा माथी च़ौड़ाऊणौ

(मती27:32-44; मरकुस15:21-32; यूहन्ना19:17-27)

²⁶ ज़ैबै सै यीशु निंदै थै लागै औन्दै, तैबै तिऊं भिड़ा रै लोगुऐ एक शमौन नांवा रौ आदमी पाकड़ौ ज़ुण कुरैन देशा रौ रौइणै वाल़ौ थौ, तेसकु क्रूस च़ुंगाऔ और बोलौ यीशु पिछ़ु आंड। ²⁷ लोगु री बौड़ी भीड़ यीशु पिछ़ु हुई गो ई और तिऊं मांझ़ीयै भौरी छ़ेउड़ी भी थी, ज़ुण यीशु लै हिकड़ै पिटी-पिटीयौ लेरा थी। ²⁸ यीशुऐ तिऊं छ़ेउड़ी भीलै मुड़ीयौ बोलौ, "ओ यरुश्लेमा री छ़ोटीयो, मुलै नाईं लेरौ, पर आपणेऊ लै और आपणै छ़ोहरु लै लेरौ। ²⁹ कैलैकि देखौ, सै दीन आशणै वाल़ै ई ज़ेज़ै दिना दी लोग बोला लै, भौली सै मां ज़ासरै लोल़डै ना हुऐ, और सेऊ गौरब ज़ासकु छ़ोहरु ना हुऐ, और सै च़ुपल़ी ज़ुणीयै दूध नाईं पयाऔ।" ³⁰ सेज़ै बौग्तै "सै धारा टिरा लै बोला लै आमु माथै ढौल़ौ, और टिबु लै बोलालै आमु च़ोराऔ।" ³¹ कैलैकि ज़ैबै सै हौरै पेड़ा आइलै इणौ कौराई ता शुकै पेड़ा आइलै का कुछ़ ना कौरालै?" ³² यीशु आइलै झ़ांगणा लै दुई आदमी ओर भी निऐं ज़ो भौरी गुनाही थै। ³³ ज़ैबै सै सेज़ी ज़ागहा दी पौउंच़ै ज़ेज़ी ज़ागहा लै खोपड़ी री ज़ागहा बोला थै, तिऐ यीशु और सै बुरै आदमी, एक यीशु री सुल़टी भिलै और दुजौ उल़टी भिलै क्रूसा माथै च़ौड़ाई गौऐ। यीशु क्रुसा माथै ³⁴ तैबै यीशुऐ बोलौ, "ओ बाब इऊं माफ कर, कैलैकि इयै नाईं ज़ाणदै कि इयै का ई लागै ओन्दै कौरदै।" और तिउंऐ पर्च़ी पाइयौ यीशु रै जुड़कै बांटी गौऐ। ³⁵ लोग खौड़ै-खौड़ै देखदै थै लागै औन्दै, और धर्मा रै गुरु भी मज़ाक कौरीयौ बोला थै; इणीऐ दुजै बौच़ाऐ ई, अगर एऊ परमेश्वरा रौ मसिहा, और च़ुनौ औन्दौ आ, ता आपु ता बौच़ीयौ देख। ³⁶ और सिपाईऊ ऐ भी नज़दीक डेइयौ यीशु रौ मज़ाक उड़ाऔ और पिणा लै कौड़ुऐ अंगुरा रौ रस दैऔ, और ज़ोरै औटाइयौ बोला थै, ³⁷ "अगर तू यहुदिया रौ राज़ो ई, ता आपु ता बौच़।" ³⁸ और यीशु रै मुंडा माथै क्रुसा दी एक तौकती भी थी लाई ऐन्दी, ज़ेथदी इणौ थौ लिखौ औन्दौ, "एऊ यहुदिऊ रौ राज़ौ आ।"

मन बदुल़नै वाल़ौ कुकर्मी

³⁹ ज़ुण दुई कैदी यीशु री उलटी और सुलटी भिलै थै क्रुसा माथै च़ौड़ाऐ औन्दै, तिऊं मांझ़ीऐ कु एकीऐ यीशु री बेइज़्ज़ती कौरीयौ बोलौ, ’का तू मसिह नाईं ई? आपु भी बौच़ और आमु भी बौच़ाऊ। ⁴⁰ एज़ी बुशा माथै दुजै कैदीयै तेसलै डांटीयौ बोलौ, का तू परमेश्वरा कु भी ना डौरदौ? तु भी ता सेज़ी सज़ा भुगतदै ता ई लागौ औन्दौ। ⁴¹ और आमै ता कानुना कौरीऐ सौज़ा पाइंदै लागै औन्दै, आमुलै ता आपणै बुरै कामा री सज़ा मिलदै लागी ऐन्दी, पर इणीऐ ता केज़ौ भी बुरौ काम नाईं कियौ। ⁴² तैबै तिणीऐ यीशु लै बोलौ, "ओ यीशु जी, ज़ेबी तू आपणै राज़ा दी आशा लौ ता मैरौ ध्यान भी छ़ाड़ै।" ⁴³ यीशुऐ तेसलै बोलौ, "हाऊं ताउंलै सौच़्च़ौ बोलाऊ, कि आज़ ई तू मुं आइलै सौरगाi दी औआई।"

यीशु रै प्राण छ़ाड़नै

(मती27:45-56; मरकुस15:33-41; यूहन्ना19:28-30)

⁴⁴ दुसकौ बौग्त हुई गौ आ। बारह बाज़ै कु चिआ बाज़ै झ़ाऊं सारै देशा दी निआरौ पौड़ी रौ। ⁴⁵ सुरजा रौ प्याशौ भी बन्द हुऔ, और परमेश्वरा रै घौरा रौ पौरदौ बीच़ा कु चिरुईयौ दुई भिलै हुऔ। ⁴⁶ तैबै यीशुऐ ज़ोरै बोलौ, "ओ बाब, हाऊं आपणी आत्मा तैरै हाथा दी सौम्भाल़ा ऊ।" एती बोलीयौ यीशुऐ आपणै प्राण छ़ाड़ै। ⁴⁷ ज़ैबै रोमी सिपाईउ रौ आफसर इणौ सारौ देखदै थौ लागौ औन्दौ तैबै तिणीऐ परमेश्वरा री बौड़ाई कौरीयौ बोलौ, "सौच़्च़ी एऊ आदमी धर्मी थौ। ⁴⁸ भीड़ा रै सारै लोग ज़ो यीशु री क्रुसा री सौज़ा देखदै थै आशै औन्दै सै भौरी दु:खी हुईयौ और आपणै हिकड़ै पिटियौ आपणै घौरै डेई गौ ऐ। ⁴⁹ पर यीशु रै ज़ाणनै वाल़ै ज़ास आईलै गलील इलाकै री छ़ेउड़ी भी थी आशी एन्दी, सै दूर खौड़ी हुईऔ इणौ सारौ कुछ़ थी देखदै लागी एन्दी।

यीशु ओडाच़ी दी छ़ाड़नौ

(मती27:57-61; मरकुस15:42-47; यूहन्ना19:38-42)

⁵⁰ तिऐ एक युसुफ नाव़ां रौ आदमी थौ, सेऊ यहुदी फैसलै कौरनै वाल़ी खुम्बल़ी रौ एक नेतौ थौ, सेउ आच्छ़ौ और धर्मी थौ। ⁵¹ सेऊ तिउंरी सलाह और इणै कामा से राज़ी नाईं थौ। सेऊ यहुदिया रै इलाकै अरिमतिया रौ रौइणै वाल़ौ थौ, और सेऊ परमेश्वरा रै राज़ा आशणे री आशी दी थौ। ⁵² सेऊ पिलातुसा काऐ डैऔ और क्रिया कर्म कौरना लै यीशु रौ मौड़ौ मांगौ; ⁵³ और युसुफै यीशु रौ मौड़ौ, क्रुसा कु उतारीयौ मखमला री च़ादरी दी मेटौ और एकी ओडाच़ी दी छ़ाड़ौ ज़ो डोकै दी थी खोदीयौ चाणी ऐन्दी तेथदी पैहलै कोई भी नाईं थौ छ़ाड़ौ औन्दौ। ⁵⁴ एज़ौ बौग्त तैयारी रै आधै दिना बासीयै रौ थौ और आरामा रौ दीन शुरू हुणै वाल़ौ थौ। ⁵⁵ तिऊं छ़ेउड़ीऊऐ ज़ो यीशु रै पिछ़ाड़ी-पिछ़ाड़ीयै आशी थी तिउंऐ सै ओडाच़ी देखी और इणौ भी देखौ कि एऊ मौड़ौ किणै तरिकै कौरीऐ छ़ाड़ौ औन्दौ। ⁵⁶ तैबै सै छ़ेउड़ी आपणै घौरै डेई और यीशु रै मौड़ै दी लाइणा लै खुश्बुदार च़िज़ै और मैंहगै वाल़ौ तेल कियौ। पर ज़ैबै तिउंकै यीशु रै मौड़ै दी लाइणा लै सारी च़िज़ै तैयार हुई, तेथ बासीयै आरामा रौ दीन शुरू हुई गौ आ। और तिउंऐ परमेश्वरा री आज्ञा कौरीऐ पुरै दिना दी आराम कियौ।

यीशु रौ दूजी बारै जिंऊँदौ हुणौ

(मती28:1-10; मरकुस16:1-8; यूहन्ना20:1-10)

¹ पर सप्ताह रै पैहलै दिनै दोउत राची सै छ़ेउड़ी ज़ुणीयै खुश्बुदार च़िज़ै और मैहंगौ तेल तैयार कियौ थौ, तिऊं च़िज़ु कौरीयै ओडाच़ी काऐ आशी। ² तिउंऐ सेऊ पात्थर, ज़ो ओडाच़ी रै दारा दी थौ लाऔ औन्दौ एकी भिलै घिसरौ औन्दौ देखौ। ओडाच़ी रौ पात्थर घिसरौ औन्दौ ³ तैबै सै बितरै डेई पर तिउंऐ यीशु रौ मौड़ौ तिऐ नाईं देखौ। ⁴ सै छ़ेउड़ी हैरान हुई गो ई, और सुंच़दै लागी कि यीशु आइलै का हुऔ औलौ? तैबै खरकच़ार दुई आदमी च़ौमकिलै जुड़कै भीड़ीयौ आशै और तिऊं काऐ खौड़ै हुऐ। ⁵ सै छ़ेउड़ी डौरी गोई और मुंडा झुकाई खौड़ी रौई। तिऊं दुई आदमीऊऐ तिउंलै बोलौ, "ज़ो ज़ीउंदौ आ, तेस तुमै मौरै औन्दै मांझ़ीऐ कैलै लोड़ाई?" ⁶ यीशु इदै नाईं आ पर ज़ीउंदौ हुई गौ आ। का तुमुकै याद नाईं आसती कि यीशुऐ तुमु आइलै गलील इलाकै दी का बोलौ आ? ⁷ कि आदमी रौ छ़ोहरू पापी रै हाथै सौंभाणनौ ज़रुरी आ और क्रूसा माथै च़ौड़ाइयौ झ़ांगणौ और चिजै दिनै ज़ीउंदौ हुणौ आ। ⁸ तैबै तिऊं छ़ेउड़ीऊ कै याद आशी कि यीशुऐ एज़ी बुशै ज़रुर बोली थी। ⁹ और सै ओडाच़ी काऐ कु वापिस आशी, सै बुशै तिउंऐ ग्यारह च़ेलेऊ और ओरी सभीउकै शुणाई। ¹⁰ ज़ुणीयै इयै बुशै च़ेलेउ आइलै लाई सै मरियम मगदलीनी, योअन्ना और याकुबा री आमा मरियम और तिंउरै साथा री ओर छ़ेउड़ी भी थी। ¹¹ पर च़ेलेऊ कै इयै बुशै काहणी ज़ीणी लागी कैलैकि तिउंकै तिऊं छ़ेउड़ीऊ री बुशु माथै विश्वास नाईं हुऔ। ¹² तैबै पतरस उठौ और फेटा मारीयौ ओडाच़ी काऐ पौउंच़ौ और झुकीयौ भितरै जाचदै लागौ। तिऐ तेसकै सिर्फ सेऊ कापड़ौ दिशौ ज़ेथदी यीशु रौ मौड़ौ थौ मेटाऔ औन्दौ, तैबै सेऊ हैरान हुइयौ वापिस आशौ। ¹³ सेज़ै दिनै यीशु मानणै वाल़ै दुई आदमी इम्माउस नावां रै एकी गावां दी थै लागै औन्दै डेउन्दै, ज़ो यरुश्लेमा कु सात मील दूर थौ। ¹⁴ बाटा दी सै आपु मांझ़ीऐ एज़ी बुशै थै लाइंदै लागै औन्दै ज़ो इबी झ़ाऊं यीशु आइलै हुऔ थौ।

इम्मऊसा री बाटा दी यीशु च़ेलेऊ आइलै

(मरकुस16:12, 13)

¹⁵ ज़ैबै सै आपु मांझ़ीऐ बुशै-धाशै और स्वाल-ज़वाब थै कौरदै लागै औन्दै तेभी खरकच़ार आपु यीशु तिऊं काऐ परगट हुऔ और तिऊं आइलै साथा ई आण्डदै लागौ। ¹⁶ तिऊं आदमीऊ कै यीशु नाईं प्राणुऔ कैलैकि परमेश्वरै सेऊ प्राणनै नां दैऔ। ¹⁷ यीशुऐ तिऊं कु पुछ़ौ तिणी का बूश आ इयै इणी पा ज़ो तुमै आण्डदै-आण्डदै आपु मांझिऐ ई लागै औन्दै लाइंदै। सै उदासी कौरी खौड़ै रौई गौऐ। ¹⁸ तैबै तिऊं मांझ़ीया कु एकी ऐ बोलौ, ज़ासरौ नाऊं क्लियोपास थौ, "का तु यरुश्लेमा शहरा दी एखुली आदमी ई ज़ो इबी झ़ाऊं इणौ नाईं ज़ाणदौ कि यरुश्लेमा शहरा दी का हुऔ?" ¹⁹ यीशुऐ तिऊंकु पुछ़ौ, "केज़ी बुशै?" तैबै तिउंऐ बोलौ, "सै बुशै ज़ो यीशु नासरी रै बारै दी हुई आ सेऊ एक भविष्यवक्ता थौ, ज़ुणीऐ नोखै च़मतकार कियै थै। सेऊ परमेश्वर और सारै लोगु रै सामनै परचार कौरा थौ। ²⁰ पर आमारै मुख्य याजकुऐ और धर्मा रै गुरुऐ यीशु लै मौरनै री सज़ा देइयौ क्रुसा माथै च़ड़ाऔ। ²¹ पर आमुऐ सुंच़ौ थौ एऊ सेऊ मसीहा आ ज़ुण इस्राएल देशा लै छ़ुटकारौ दिया आ। इऊं बुशै बितीऔ आज़ चिज़ौ दीन आ। ²² आज़ दोउती ज़ैबै आमु मांझ़ीया कु कुछ़ छ़ेउड़ी तिऐ डेई ज़ीयै यीशु रौ मौड़ौ थौ छ़ाड़ौ औन्दौ, तिउंऐ एक इणी नोखी बूश शुणाई ज़ेथ कौरीयै आमै हैरान ई। ²³ सै बोलाई यीशु रौ मौड़ौ तिऐ नाईं आसतौ, और तिउंऐ परमेश्वरा रै दूत देखै ज़ुणीयै तिऊं आइलै बोलौ कि यीशु ज़ीउंदौ हुई गौ आ। ²⁴ आमारै साथी भी कुछ़ ओडाच़ी काऐ डै ज़िणौ तिऊं छ़ेउड़ीउऐ बोलौ थौ तिउंऐ तिऐ तिणौ देखौ यीशु नाईं थौ तिऐ। ²⁵ यीशुऐ तिउंलै बोलौ, "तुमै केती मुर्ख लोग ई! पवित्र आत्मा कौरीयै गुरुऐ ज़ो कुछ़ लिखौ औन्दौ आ तेथ माथै तुमुलै विश्वास कौरनौ केती काठौ लागा? ²⁶ का तिऊं गुरुऐ एज़ी बुशा रै बारै दी नाईं बोलौ, कि एज़ी बुशै औणै कु पैहलै कि आपणै हक्का री राज़गादी माथै सौरगा दी डिआ, ऐ सारी बुशै सहन जा कौरनी ज़ेथरै बारै दी तुमै चौपड़ींदे ई लागै औन्दै। ²⁷ तैबै यीशुऐ, मुसा और सारै गुरुऐ ज़ो बुशै पवित्र शास्त्रा दी यीशु रै बारै दी लिखी ऐन्दी सै बुशै तिउंकै एक-एकी कौरीयै सारी सौमझ़ाई। ²⁸ तेतीयै सै इम्माउस गावां काऐ पौउंच़ै और तिऊंरौ सफर खत्म हुऔ। यीशुऐ इणौ देखाऔ कि सेऊ औगाड़ी-औगाड़ीयै लागौ औन्दौ डेउंदै। ²⁹ पर तिऊं दुई आदमीऊ ऐ यीशु काठै कौरी औरज़ की, "कि आमु आइलै रौऊ, कैलैकि ब्याल़ हुई गोई और दीन ओउड़ी गौ आ, तैबै यीशु तिऊं आइलै रौइणा लै भितरै डेई गौ आ।" ³⁰ तैबै यीशु तिऊं आइलै रोटी खान्दै बोशी गौ आ, तैबै यीशुऐ रोटी हाथा दी की और परमेश्वरा रौ धन्यवाद कियौ, और चोड़ीयौ तिउंकै देई। ³¹ खरकच़ार तिउंरी आखी खुली गो ई और तिउंऐ यीशु प्राणी गौ और यीशु तेबी छ़ुपी गौ। ³² सै दुई आदमी आपु मांझ़ीयै बोलदै लागै, "ज़ेबी एऊ आमु आइलै थौ बाटा दी बुशै लाइंदै लागौ औन्दौ और धर्मशास्त्रा रौ मतलब थौ समझ़ाऊंदै लागौ औन्दौ का आमारै ज़ीवा दी आग ज़ेई ना लागी?" ³³ और सै तेबी उठीयौ यरुश्लेमा लै आशीयौ तिउंऐ सै ग्यारह च़ेलै और बाकी आदमी कौठै देखै। ³⁴ ज़ैबै सै तिऐ पौउंच़ै, ता तिउंऐ सारेऊ लै बोलौ, कि प्रभु यीशु मसीह सौच़्च़ी ज़ीउंदौ हुई गौ आ और पतरसा कै दीशौ आ। ³⁵ तैबै तिउंऐ बाटा री सारी बुशै तिऊं आइलै लाई और इणौ भी बोलौ कि यीशु आमुऐ रोटी चोड़दी बारै प्राणौ आ।

यीशु रौ च़ेलेउ कै दिशणौ

(मती28:16-20; मरकुस16:14-18; यूहन्ना20:19-23; प्रेरितों1:6-8)

³⁶ और ज़ैबै सै बुशै लाइंदै थै लागै औन्दै कि यीशु तेभी खरकच़ार परगट हुऔ यीशुऐ बोलौ, "तुमुलै शान्ती च़ाईं मिली।" यीशु च़ेलेउ कै मिला आ ³⁷ पर सै सारै डौरी गौऐ, तिउंऐ ज़ाणौ भूत आशी गौ आ। ³⁸ यीशुऐ पुछ़ौ, "तुमै कैलै घौबरा ई? आपणे ज़ीवा दी शक कैलै कौरा ई?" ³⁹ मैरै हाथ बांगणै देखौ! तैबै तुमुकै पौतौ लागा कि हाऊं सेज़ौ यीशु ऊ। छ़ुईंयौ देखौ कि हाऊं भूत नाईं आसतौ कैलैकि भूता दी मांस और हाड़कै नाई औन्दै ज़िणौ तुमै मूं देखदे ई लागै औन्दै मुंदी ता शरीर आ। ⁴⁰ इणै बोलदै-बोलदै यीशुऐ आपणै हाथ तिऊं भिलै बौड़ाऐ और देखाल़ै। और बांगणे भी देखाल़ै। ⁴¹ सै ग्यारह च़ेलै और बाकी ज़ो यीशु माथै विश्वास कौरा थै सै हैरानी और खुशी कौरीयै मस्त हुई गौऐ एज़ै कारणै की तिउंकै विश्वास नाईं थौ औन्दै लागौ औन्दौ। ता यीशुऐ पुछ़ौ, "का तुमुकै कुछ़ खाणा लै आसती आ?" ⁴² तिउंऐ यीशु लै बुज़ी एन्दी माछ़ी रौ कापटु दैऔ, ⁴³ यीशुऐ सेऊ माछ़ी रौ कापटुj पाकड़ौ और च़ेलेऊ काऐ खाऔ। ⁴⁴ तैबै तौंऐ यीशुऐ बोलौ, "ज़ेबी हाऊं तुमु आइलै साथा दी थौ तेबी मुइंयै तुमु आइलै बोलौ थौ कि, मुसा और पुराणै गुरु री किताबीऊ और भजन सहिंता दी ज़ो कुछ़ मैरै बारै दी लिखो औन्दौ आ सै सारी बुशै पुरी हुणी आ। ⁴⁵ तैबै यीशुऐ तिउंरी समझ़ खोली एरी आ ताकी सै पवित्र शास्त्रा री सारी बुशै समझ़ा। ⁴⁶ यीशुऐ तौंऐ बोलौ, "इणौ भौरी पैहलै थौ लिखौ औन्दौ कि मसिह दु:ख उठावा और मौरा और चिजै दिनै ज़ीऊंदौ हुआ आ।" ⁴⁷ और यीशु रै नावां कौरी यरुश्लेमा रै शहरा कु शुरु हुइयौ सारै देशा दी मन बदुलनै और पापा कु माफी पाइणा रौ सन्देश शुणावा ई। ⁴⁸ तुमै इऊं सारी बुशा री गवाही आ। ⁴⁹ और देखौ, ज़ेथरौ वाइदौ मैरै बाबै कियौ आ, आबै हाऊं तुमु माथै पवित्र आत्मा उतारा ऊ और ज़ेबी झ़ाऊं तुमै सौरगा कु शक्ती नाईं पा लै तेबी झ़ाऊं तुमै एज़ै इलाकै दी रौएऊ।

यीशु रौ सौरगा लै डेऊणौ

(मरकुस16:19, 20; प्रेरितों1:9-11)

⁵⁰ यीशुऐ सै बेतनियाह लै नीं गौऐ, और आपणै हाथ उठाईयौ च़ेलेऊ लै आशिष देई। ⁵¹ तिउंलै आशीश दैंदी बारै यीशु आपणै च़ेलेऊ कु अलग हुऔ और देखण-देखदु सौरगा लै उठाई गौऐ। ⁵² च़ेलेऊ ऐ प्रभु यीशु री आराधना की और भौरी खुश हुइयौ यरुश्लेमा लै वापिस आशै। ⁵³ और सै परमेश्वरा रै घौरा दी डेइयौ लगातार आराधना कौरा थै।