3 JÃ

3 JÃ

¹ A maa na ɩ a nɩ-kpɛ̃ɛ ɩ̃ tɩɩrɛ a sɛbɛ na kʋrↄ a Gayisi ɩ̃ na nʋ a Naaŋmɩn yel-mɩ̃ɛ pʋↄ. ² Ɩ̃ baraa, ɩ̃ bʋↄrↄ na a yele a jaa a cere vɩlaa a fʋ jie, ɩ̃ a fʋ ɩ̃gan na kpɛmɛ a mɩnɛ a fʋ sɩɛ na kpɛmɛ. ³ A tɩɩ na nʋmↄ ma a mɩnɛ a yɛɛr na ma waara mana ma a fʋ yel-mɩ̃ɛ tufʋ, a mɩnɛ fʋ na cere a yel-mɩ̃ɛ pʋↄ. ⁴ Bom ma nʋmↄ ma ta a mɩnɛ ɩ̃ na wõ á ɩ̃ bibiir cere na a yel-mɩ̃ɛ pʋↄ wa. ⁵ Ɩ̃ baraa, fʋ ɩ na dẽdẽ a ala fʋ na maala a yɛɛr jie, nɩ a bala na saarɩ̃ ɩ a sáanba jie mɩ. ⁶ Ba ƴɛrʼã a fʋ nʋfʋ ƴɛrɩ̃ a popuorbo sↄ̃w. A na vɩlaa na a ala ɩ fʋ na sũo ba na a ba cenfʋ jie a mɩnɛ a na nʋmↄ a Naaŋmɩn. ⁷ A-na-ɩ a Kirisi yuor ɩnɛ ba cere, ɩ̃ ma de bom a bala na ma bↄ̃w a Naaŋmɩn jie wa. ⁸ Ala-ɩ̃-sↄ a sɛw na a sɩmɩ, sɩ sũo a nɩ-lɛ nʋmↄ, a mɩnɛ a sɩ na tʋↄ be tↄ a ana yel-mɩ̃ɛ tʋmↄ pʋↄ ba na tʋnↄ. ⁹ Ɩ̃ sɛbʼã sɛb-bile kʋ a duo-puorbo, ɩ̃-cɛ a Jotirefe na nʋ a ba nɩ-kpɛ̃ɛ ɩfʋ ma sↄw a sɩ ƴɛrɩ̃ wa. ¹⁰ Ala-ɩ̃-sↄ, a maa wa wɩ ɩ̃ na bↄ̃w nɩ na a ʋ tʋmↄ a jaa ʋ na maala, nɩ a ʋ ƴɛr-kpansɩ ʋ na ƴɛrɛ ƴↄnↄ sɩ a pↄrↄ. Ɩ̃-cɛ a fãa ala ma sɛw ʋ sɛr wa, a-na-ɩ ʋ ma lɛ jaara na a yɛɛr bala na wɩɛrɛ a be, ɩ̃ ina mɩ vara a bala na bʋↄrↄ ba de ba a sↄr, diwre nɩ ba a popuorbo pʋↄ bara. ¹¹ Ɩ̃ baraa, taa tↄↄnↄ a ala na ma vɩɛlɛ wa, ɩ̃-cɛ tↄↄnↄ a ala na vɩɛlɛ. A ʋlↄ na maala a vɩlaa ɩ na a Naaŋmɩn ben, ɩ̃-cɛ a ʋlↄ na maala a bier ma nyɛ a Naaŋmɩn wa. ¹² A ala ɩ a Demetiri ʋ, a nɩbɛ ba jaa kpiire ʋ na, ɩ̃ a ʋ yel-mɩ̃ɛ mɩ miile na a lɛ. A sɩmɩ mɩ, sɩ mɩ kpiire ʋ na, ɩ̃ fʋ bↄ̃w na a sɩ manfʋ ɩ na a sɩrɛ. ¹³ Ɩ̃ tɛrɛ na yele yayaw ɩ̃ na yele fʋ, ɩ̃-ẽɛ maa bʋↄrↄ ɩ̃ sɛb ƴↄ̃w sɛbɛ pʋↄ tɩɩr kʋ fʋ wa, ¹⁴ ɩ̃, ɩ̃ bʋↄrↄ na ɩ̃ nyɛ fʋ ka nɩ fɩ̃ɩ pʋↄ a sɩ na bʋ taa. ¹⁵ A pɩɛnfʋ ú be a fʋ jie. A fʋ badɛɛ puor fʋ na. Puor a sɩ badɛɛ bõ-ƴene-ƴene.