1 CRÓNICAS

1 CRÓNICAS

¹ Adán chachan wawanakapa: Set, Enós, ² Cainán, Mahalalel, Jéred, ³ Henoc, Matusalén, Lámec, ⁴ Noé jupanakänwa. Noé chachan wawanakapa: Sem, Cam, Jafet. ⁵ Jafet chachan wawanakapa: Gómer, Magog, Madai, Javán, Tubal, Mésec Tirás. ⁶ Gómer chachan wawanakapa: Asquenaz, Rifat Togarmá. ⁷ Javán chachan wawanakapa: Elisá, Tarsis, Quitim Rodanim. ⁸ Cam chachan wawanakapa: Cus, Misraim, Fut, Canaán. ⁹ Cus chachan wawanakapa: Sebá, Havilá, Sabtá, Raamá, Sabtecá. Raamá chachan wawanakapa: Sebá, Dedán. ¹⁰ Cus jaqix Nimrod chachan awkipänwa, jupasti aka uraqin nayrïr wali munañan jaqïnwa. ¹¹ Misraim chachan saraqirinakapax akanakänwa: ludeonaka, anameonaka, lehabitanaka, naftuhitanaka, ¹² patruseonaka, casluhitanaka, caftoritanaka, filisteo jaqinakasti jupanakat saraqirïpxiwa. ¹³ Canaán chachan wawanakapa: Sidón, tayna yuqall wawapa, Het sullka yuqall wawapa. ¹⁴ Canaán chachat saraqirinakax akanakänwa: jebuseo, amorreo, gergeseo, ¹⁵ heveo, araceo, sineo, ¹⁶ arvadeo, semareo, hamateo, taqi ukanaka. ¹⁷ Sem chachan wawanakapa: Elam, Asur, Arfaxad, Lud, Aram. Aram chachan wawanakapa: Us, Hu, Mas, Guéter. ¹⁸ Arfaxad jaqix Sélah chachan awkipänwa, Sélah jaqisti Éber chachan awkiparakïnwa. ¹⁹ Éber chachax pä yuqall wawanïnwa: tayna wawapax Péleg satänwa, jupan urunakapansti uka uraqin jakirinakax t’aqanuqtänwa. Péleg chachan sullka jilapax Joctán satänwa. ²⁰ Joctán chachan wawanakapa: Almodad, Sélef, Hazar-mávet, Jérah, ²¹ Hadoram, Uzal, Diclá, ²² Obal, Abimael, Sebá, ²³ Ofir, Havilá, Jobab. Taqi jupanakax Joctán chachan wawanakapawa. ²⁴ Sem, Arfaxad, Sélah, ²⁵ Éber, Péleg, Reú, ²⁶ Serug, Nahor, Térah, ²⁷ Abram, jupasti pachpa Abraham chachawa. ²⁸ Abraham chachan wawanakapa: Isaac, Ismael. ²⁹ Jupanakat saraqir wawanakax akanakänwa: Nebaiot, Ismael chachan jilïr wawapa, Quedar, Adbeel, Mibsam, ³⁰ Mismá, Dumá, Masá, Hadad, Temá, ³¹ Jetur, Nafís, Quedmá. Jupanakaw Ismael chachan wawanakapänxa. ³² Abraham chachana, Queturá uñt’atapan wawanakapa: Zimrán, Jocsán, Medán, Madián, Isbac, Súah. Jocsán chachan wawanakapa: Sebá, Dedán. ³³ Madián chachan wawanakapa: Efá, Éfer, Hanoc, Abidá, Eldaá. Taqi jupanakaw Queturá warmin wawanakapänxa. ³⁴ Abrahamax Isaac chachan awkipänwa. Isaac chachan wawanakapa: Esaú, Israel. ³⁵ Esaú chachan wawanakapa: Elifaz, Reuel, Jeús, Jaalam, Coré. ³⁶ Elifaz chachan wawanakapa: Temán, Omar, Sefó, Gatam, Quenaz; Timná warmin wawapax Amalec satänwa. ³⁷ Reuel chachan wawanakapa: Náhat, Zérah, Samá, Mizá. ³⁸ Seír chachan wawanakapa: Lotán, Sobal, Sibón, Aná, Disón, Éser, Disán. ³⁹ Lotán chachan wawanakapa: Horí, Hemam. Timná warmix Lotán chachan kullakapänwa. ⁴⁰ Sobal chachan wawanakapa: Alván, Manáhat, Ebal, Sefó, Onam. Sibón chachan wawanakapa: Aiá, Aná. ⁴¹ Aná chachax Disón chachan awkipänwa. Disón chachan wawanakapa: Hemdán, Esbán, Itrán, Querán. ⁴² Éser chachan wawanakapa: Bilhán, Zaaván, Jaacán. Disán chachan wawanakapa: Us, Arán. ⁴³ Israelitanakax janïr reyinïkän ukkhaxa, Edom markan reyinakapax akanakänwa: Bela, Beor chachan wawapa; markapax Dinhaba satänwa. ⁴⁴ Bela chachax jiwxän ukkhaxa, jupa lantix Zérah chachan Jobab yuqapaw reyïxäna, jupasti Bosrá markankirïnwa. ⁴⁵ Jobab chachax jiwxän ukkhaxa, jupa lantix Temán chiqankir Husam chachaw reyïxäna. ⁴⁶ Husam chachax jiwxän ukkhasti, jupa lantix Bedad chachan Hadad yuqapaw reyïxäna, jupasti Moab chiqankir madianitanakaruw atipjäna; markapax Avit satänwa. ⁴⁷ Hadad chachan jiwxatapatsti, jupa lantix Masrecá markankir Samlá chachaw reyïxäna. ⁴⁸ Samlá chachan jiwxatapatsti, jupa lantix Saúl chachaw reyïxäna, jupasti jawir jak’ankir Rehobot markankirïnwa. ⁴⁹ Saúl chachan jiwxatapatsti, jupa lantix Acbor chachan Baal-hanán yuqapaw reyïxäna. ⁵⁰ Baal-hanán chachan jiwxatapatsti, jupa lantix Hadad chachaw reyïxäna; markapasti Pau satänwa. Hadad chachan warmipax Mehetabel satänwa, jupasti Matred chachan phuchhapänwa, Mezaab chachan allchhiparaki. ⁵¹ Hadad chachan jiwxatapatsti, Edom markan jilïrinakapax akanakänwa: Timná, Alvá, Jetet, ⁵² Oholibamá, Elá, Pinón, ⁵³ Quenaz, Temán, Mibsar, ⁵⁴ Magdiel, Iram. Jupanakax Edom markan jilïrinakapänwa.

¹ Israel chachan wawanakapa: Rubén, Simeón, Leví, Judá, Isacar, Zabulón, ² Dan, José, Benjamín, Neftalí, Gad, Aser. ³ Judá chachan wawanakapa: Er, Onán, Selá, jupanakänwa. Uka kimsanin taykapasti Súa chachan cananea phuchhapänwa. Ukampis Judá chachan Er sat jilïr yuqapax wali qhuru jaqïnwa, ukat Tatitux jakañap apaqäna. ⁴ Tamar sat Judá chachan yuxch’apax pä wawanïnwa: Fares, Zérah. Judá chachan taqpach wawanakapasti phisqanïnwa. ⁵ Fares chachan wawanakapa: Hesrón, Hamul. ⁶ Zérah chachan wawanakapa: Zimrí, Etán, Hemán, Calcol, Dardá, taqpachanix phisqanïnwa. ⁷ Carmí chachan wawapax Acar satänwa, jupaw Israel markatak jan walt’añ apanïna, kuntix Tatitux q’al tukjapxam siskän uk katuntasitap layku. ⁸ Etán chachan wawapax Azarías satänwa. ⁹ Hesrón chachan wawanakapasti: Jerahmeel, Ram, Caleb ukanakänwa. ¹⁰ Ram jaqix Aminadab chachan awkipänwa, Aminadab jaqix Nahasón chachan awkipänwa, jupasti Judá chachan yuqanakapan jilïripänwa. ¹¹ Nahasón jaqix Salmá chachan awkipänwa, Salmá jaqix Booz chachan awkipänwa, ¹² Booz jaqix Obed chachan awkipänwa, Obed jaqix Jesé chachan awkipänwa, ¹³ Jesé jaqin wawanakapasti: Eliab, Abinadab, Simá, ¹⁴ Natanael, Radai; ¹⁵ Ósem, ukhamarak David. ¹⁶ Jupanakan kullakanakapasti: Seruiá, Abigail ukanakänwa. Seruian wawanakapasti kimsanïnwa: Abisai, Joab, Asael. ¹⁷ Abigail warmix mä wawanïnwa, Amasá, jupan awkipax ismaelita Jéter chachänwa. ¹⁸ Caleb, Hesrón chachan wawapa, Azubá warmimpix mä wawanikïnwa, Jeriot sata. Maynïr wawanakapasti: Jéser, Sobab, Ardón ukanaka. ¹⁹ Azubá warmix jiwxän ukkhasti, Caleb chachax Efrata warmimpiw jaqichasxäna, jupampix mä wawanikïnwa, Hur sata. ²⁰ Hur jaqix Urí chachan awkipänwa, Urí jaqisti Besalel chachan awkiparakïnwa. ²¹ Hesrón chachax suxta tunka maranïkän ukkhaxa, Maquir chachan phuchhapampiw jaqichasxäna, jupax Galaad chachan awkipänwa, uka warmimpix mä wawanikïnwa, Segub sata. ²² Segub jaqix Jaír chachan awkipänwa, jupasti Galaad uraqin pä tunka kimsan markanakanïnwa. ²³ Ukampis Guesur, Aram jaqinakax Jaír chachan campamentonakap katuntasipxäna, Quenat jaqinkir jisk’a markanakapamppacha; taqpachax suxta tunka markanakänwa. Jupanakaw Maquir chachat saraqir wawanakapaxa, jupax Galaad chachan awkipawa. ²⁴ Hesrón chachan jiwxatapatsti, Caleb chachax Efrata sat warmimpiw jaqichasxäna, uka warmix Hesrón awkipan warmipänwa, uka warmimpix mä wawanikïnwa Ashur sata, jupax Tecoa chachan awkipänwa. ²⁵ Hesrón chachan Jerahmeel jilïr yuqapan wawanakapa: Ram, Buná, Oren, Ósem, Ahías ukanaka. ²⁶ Jerahmeel chachax yaqha warminïnwa, Atará sutini, jupasti Onam chachan taykapänwa. ²⁷ Jerahmeel chachan Ram jilïr yuqapan wawanakapa: Maas, Jamín, Équer. ²⁸ Onam chachan wawanakapa: Samai, Jadá. Samai chachan wawanakapa: Nadab, Abisur. ²⁹ Abisur chachan warmipax Abihail satänwa, jupax Ahbán, Molid chachanakan taykapänwa. ³⁰ Nadab chachan wawanakapasti: Séled, Apaim ukanakänwa. Séled chachax jan wawaniw jiwxäna. ³¹ Apaim jaqix Isí chachan awkipänwa. Isí jaqisti Sesanan awkipänwa. Sesanasti Ahlai chachan awkipänwa. ³² Samai chachan Jadá jilapan wawanakapa: Jéter, Jonatán. Jéter chachax jan wawaniw jiwxäna. ³³ Jonatán chachan wawanakapasti: Pélet, Zazá ukanakänwa. Jupanakaw Jerahmeel chachan wawanakapänxa. ³⁴ Sesán chachax janiw yuqanakanïkänti, jan ukasti phuchhanakanikïnwa. Jupansti Egiptonkir mä uywatapakiw utjäna Jarhá sutini, ³⁵ uka uywataruw maynïr phuchhapa warmipatak churäna, jupampix mä wawanïnwa, Atai sata. ³⁶ Atai jaqix Natán chachan awkipänwa, Natán jaqisti Zabad chachan awkipänwa, ³⁷ Zabad jaqix Eflal chachan awkipänwa, Eflal jaqisti Obed chachan awkipänwa, ³⁸ Obed jaqix Jehú chachan awkipänwa, Jehú jaqisti Azarías chachan awkipänwa, ³⁹ Azarías jaqix Heles chachan awkipänwa, Heles jaqisti Elasá chachan awkipänwa, ⁴⁰ Elasá jaqix Sismai chachan awkipänwa, Sismai jaqisti Salum chachan awkipänwa, ⁴¹ Salum jaqix Jecamías chachan awkipänwa, Jecamías jaqisti Elisamá chachan awkiparakïnwa. ⁴² Jerahmeel chachan Caleb jilapan wawanakapa: Mesá, tayna yuqall wawapa, Mesasti Zifan awkipänwa; ukxankir yuqall wawapasti Maresá satänwa, jupasti Hebronan awkipänwa. ⁴³ Hebrón chachan wawanakapa: Coré, Tapúah, Réquem, Sema. ⁴⁴ Sema jaqix Ráham chachan awkipänwa, jupax Jorcoam chachan awkipänwa; Réquem jaqisti Samai chachan awkipänwa. ⁴⁵ Samai jaqix Maón chachan awkipänwa, Maón jaqisti Bet-sur chachan awkiparakïnwa. ⁴⁶ Caleb chachax pä warminïnwa: Efá, Maacá ukanaka. Efá warmimpisti kimsa wawanïnwa: Harán, Mosá, Gazez. Harán chachax mä wawanïnwa, jilapat amtasisax Gazez sasaw sutichäna. ⁴⁷ Jahdai chachan wawanakapasti: Réguem, Jotam, Guesán, Pélet, Efá, Sáaf ukanakänwa. ⁴⁸ Maacá sat Caleb chachan uñt’atapax Séber, Tirhaná, ⁴⁹ Sáaf chachanakan taykapänwa, Sevá chachan taykaparakïnwa, Sáaf jaqisti Madmaná chachan awkipänwa, jupax Macbená, Guibeá chachanakan awkipänwa. Caleb chachax mä phuchhanikïnwa Acsa sutini. ⁵⁰ Taqi jupanakaw Caleb chachan wawanakapaxa. Efrata warmin Hur sat jilïr yuqapan wawanakapa: Sobal, jupax Quiriat-jearim chachan awkipänwa; ⁵¹ Salmá, jupasti Belén chachan awkipänwa; Haref, jupax Bet-gader chachan awkipänwa. ⁵² Quiriat-jearim chachan Sobal yuqapan wawanakapa: Reaías, manahetitanakan chikatapa, ⁵³ Quiriat-jearim chachan wila masinakapasti: itritanaka, futitanaka, sumatitanaka, misraitanaka jupanakawa, misraitanakat jutirinakax soratitanaka, estaolitanaka, jupanakawa. ⁵⁴ Salmá chachan wawanakapa: Belén, netofatitanaka, Atrot-bet-joab, manahetitanakat chikat jaqinaka, soreitanaka, ⁵⁵ Jabés chiqan jakapkän uka soferitanakan wila masinakapa, jan ukax tirateonaka, simateonaka, sucateonaka. Jupanakaw Hamat chachat saraqir quenitanakaxa, jupasti Bet-recab chachan awkipänwa.

¹ Davidan wawanakapa, Hebrón chiqan yuripkän ukanaka: Amnón, tayna yuqall wawa, taykapasti Jezreelankir Ahinóam sutin warmïnwa; payïristi Daniel, Carmel chiqankir Abigail warmin wawapa; ² kimsïrix Absalón, Maacá warmin wawapa, Guesur chiqankir Talmai reyin phuchhapa; pusïrix Adonías, Haguit warmin wawapa; ³ phisqïrix Sefatías, Abital warmin wawapa; suxtïrix Itream, Egla warmin wawapa, Davidan maynïr warmiparaki. ⁴ Davidan uka suxta wawanakapax Hebrón chiqan yuripxäna, ukawjan paqallq mara suxta phaxsiniw marka apnaqäna. Uka qhipatsti kimsa tunka kimsan maraw Jerusalén markan apnaqäna, ⁵ ukansti pusi wawanakampiw yurïna: Simá, Sobab, Natán, Salomón. Taqi jupanakax Amiel chachan Betsabé phuchhapan wawanakapänwa. ⁶ Ukhamarus yaqha llätunka wawanakanïnwa: Ibhar, Elisúa, Elifélet, ⁷ Nógah, Néfeg, Jafía, ⁸ Elisamá, Eliadá, Elifélet. ⁹ Taqi jupanakaw Davidan wawanakapaxa, uñt’atanakapan wawanakapax janiw jakhutäkiti. Tamar warmix jupanakan kullakapänwa. ¹⁰ Salomón reyin wawanakapa: Roboam, Abías, Asá, Josafat, Joram, Ocozías, Joás, Amasías, Azarías, Jotam, Ahaz, Ezequías, Manasés, Amón, Josías. ¹⁵ Josías chachan wawanakapa: jilïrix Johanán; payïrix Joacín; kimsïrix Sedequías; pusïrix Salum. ¹⁶ Joacim chachan wawanakapa: Jeconías, Sedequías. ¹⁷ Markat apanukut Jeconías chachat saraqir wawanakapa: Salatiel, jupan jilïr yuqapa, ¹⁸ Malquiram, Pedaías, Senazar, Jecamías, Hosamá, Nedabías. ¹⁹ Pedaías chachan wawanakapa: Zorobabel, Simí. Zorobabel chachan wawanakapa: Mesulam, Hananías, Selomit jupanakan kullakapa, ²⁰ maynïr phisqa wawanakapa: Hasubá, Óhel, Berequías, Hasadías, Jusab-hésed. ²¹ Hananías chachan wawanakapa: Pelatías, Isaías. Isaías chachan wawanakapa: Refaías, Arnán, Abdías, Secanías. ²² Secanías chachan wawanakapa: Semaías, Hatús, Igal, Baríah, Nearías, Safat. Taqpachanix suxtanïnwa. ²³ Nearías chachan wawanakapax kimsanïnwa: Elioenai, Ezequías, Azricam. ²⁴ Elioenai chachan wawanakapax paqallqunïnwa: Hodavías, Eliasib, Pelaías, Acub, Johanán, Delaías, Ananí.

¹ Judá chachan wawanakapa: Fares, Hesrón, Carmí, Hur, Sobal. ² Reaías, Sobal chachan wawapa, jupax Jáhat chachan awkipänwa, Jáhat jaqix Ahumai, Láhad chachanakan awkipänwa. Jupanakax soratitanakan wila masinakapänwa. ³ Hur chachan wawanakapa: Etam, Jezreel, Ismá, Idbás, Penuel, jupax Guedor chachan awkipänwa, Éser, jupax Husá chachan awkipänwa. Jupanakax mä kullakanïnwa Haslelponi sutini. Jupanakax Hur chachan wawanakapänwa, Efratan jilïr wawapa, Belén chachan nayra awkiparakïnwa. ⁵ Ashur, Tecoa chachan awkipax pä warminïnwa: Helá, Naará. ⁶ Naará warmix Ahuzam, Héfer, Temení, Ahastarí jupanakan taykapänwa. Jupanakaw Naará warmin wawanakapänxa. ⁷ Helá warmin wawanakapa: Séret, Jesohar, Etnán. ⁸ Cos jaqix Anub, Sobebá chachanakan awkipänwa, Aharhel chachan nayra awkipan wila masiparakïnwa, jupax Harum chachan wawapänwa. ⁹ Jabés chachax jilanakapat sipan taqin uñt’at jaqïnwa, taykapax Jabés sutimpiw juparux sutiyäna, jupasti sänwa: “Wali t’aqhisiñampiw wawachasta” sasa. ¹⁰ Jabés chachax Israel markan Diosaparuw mayisïna akham sasa: “Khuyapt’ayasita, mä jach’a uraq churita, nayan jan t’aqhisiñaxatak yanapt’ita, qhispiyarakita” sasa. Diosasti mayitaparux ist’änwa. ¹¹ Quelub, Suhá chachan jilapa, jupax Mehír chachan awkipänwa; Mehír jaqisti Estón chachan awkipänwa, ¹² Estón jaqix Bet-rafá, Paséah, Tehiná chachanakan awkipänwa, jupasti Nahas marka utt’ayirïnwa. Jupanakaw Recá markan jakir jaqinakaxa. ¹³ Quenaz chachan wawanakapa: Otoniel, Seraías. Otoniel chachan wawanakapa: Hatat, ¹⁴ Meonotai, jupax Ofrá chachan awkipänwa. Seraías jaqix Joab chachan awkipänwa, Harisim qhirwan jakir jaqinakan nayra awkiparakïnwa, jupanakax amparampi lurat yänak lurirïpxänwa. ¹⁵ Jefuné chachan Caleb yuqapan wawanakapa: Ir, Elá, Náam. Elá jaqix Quenaz chachan awkipänwa. ¹⁶ Jahaleel chachan wawanakapa: Zif, Zifá, Tirías, Asarel. ¹⁷ Esdras chachan wawanakapa: Jéter, Méred, Éfer, Jalón. Méred chachax faraonan Bitiá phuchhapampiw jaqichasxäna, jupan wawanakapa: María, Samai, Isbah, Isbahasti Estemoa chachan awkipänwa. Méred chachax Judá ayllunkir yaqha warminïnwa, jupampix kimsa wawanïnwa: Jéred, Héber, Jacutiel. Jéred chachan wawapax Guedor sutini. Héber chachan wawapasti Socó sutini. Jacutiel chachan wawapax Zanóah sutiniraki. ¹⁹ Odías chachax Náham chachan kullakapampiw jaqichasxäna, jupampix pä wawanïnwa: Queilá, Estemoa jupanaka, Queilá jaqix garmita ayllunkirïnwa, Estemoa jaqisti maacateos ayllunkirirakïnwa. ²⁰ Simón chachan wawanakapa: Amnón, Riná, Ben-hanán, Tilón. Isí chachan wawanakapa: Zohet, Ben-zohet. ²¹ Judá chachan Selá yuqapan wawanakapa: Er, Lecá chachan awkipa, Ladá, Maresá chachan awkipa, wila masinakapax Bet-asbea chiqan lino irnaqapxäna, ²² Joacín, Cozebá chiqankir jaqinaka, Joás, Saraf jupanakax moabita warminakampiw jaqichasipxäna, ukatsti Belenaruw kutt’anipxäna, kunjämatix nayra qillqatanakan parlki ukhama. ²³ Jupanakax sañu lurirïpxänwa; Netaim, Guederá chiqanakan jakapxäna, ukatsti reyin luqtiripäpxänwa. ²⁴ Simeón chachan wawanakapa: Nemuel, Jamín, Jarib, Zérah, Saúl. ²⁵ Saulux Salum chachan awkipänwa, Salum jaqisti Mibsam chachan awkipänwa, Mibsam jaqix Mismá chachan awkipänwa. ²⁶ Mismá jaqix Hamuel chachan awkipänwa; Hamuel jaqisti Zacur chachan awkipänwa, Zacur jaqix Simí chachan awkipänwa. ²⁷ Simí chachax tunka suxtan yuqalla, suxta imill wawanakanïnwa; jilanakapasti janiw walja wawanïpkänti, ukat saraqir wila masinakapax jan yapxatkänti, Judá chachan saraqirinakapjamaxa. ²⁸ Jupanakax Beerseba, Moladá, Hasar-sual, ²⁹ Bilhá, Ésem, Tolad, ³⁰ Betuel, Hormá, Siclag, ³¹ Bet-marcabot, Hasar-susim, Bet-birai, Saaraim chiqanakan jakapxäna. Davidan reyïñapkamax uka markanakaw jupanakan markanakapänxa. ³² Ukhamarus phisqa markanakampiw jupanakan utjäna: Etam, Ain, Rimón, Toquen, Asán, ³³ uka markanak jak’an utjkän taqpach jisk’a markanakamppacha Baalat chiqakama. Aka chiqanakan jupanakax jakapxäna, wila masinakapatkam qillqatäpkäna ukanakasa. ³⁴ Mesobab, Jamlec, Josías jupax Amasías chachan yuqapänwa, ³⁵ Joel, Jehú jupax Josibías chachan yuqapänwa, jupasti Seraías chachan yuqapänwa, jupax Asiel chachan yuqapänwa; ³⁶ Elioenai, Jaacoba, Jesohaías, Asaías, Adiel, Jesimiel, Benaías, ³⁷ Ziza jupax Sifi chachan yuqapänwa, Alón chachan yuqapa, Jedaías chachan yuqapa, Simrí chachan yuqapa, Semaías chachan yuqaparaki. ³⁸ Aka aytat sutinakax wila masinakapan jilïrinakänwa. Jupanakan wila masinakapan yapxattas waljanir tukutapatxa, ³⁹ inti jalsu tuqinkir Guerar chiqan mantañapar purisax uywanakapatakiw manq’añanak thaqtapxäna, ⁴⁰ ukawjan walja suma chhuyu chhuxllanaka, suma jach’a uraqinak jikxatapxäna. Ukawjan nayra pachax Cam chachat saraqir wawanakapax jakapxatayna, ⁴¹ ukampis Judá chiqankir Ezequías reyin urunakapansti, niya satäki uka jaqinakax jutasin jan mayampitakiw campamentonakapa, utanakap tukjapxäna, ukatsti jupanakaw uka chiqan jakxapxäna, uywanakapatak chhuxllanak utjatap layku. ⁴² Ukhamarusa, Simeón chachat saraqir wawanakapax phisqa patak jaqinakaw Seír qullur sarapxäna aka chachanakan irpata: Pelatías, Nearías, Refaías, Uziel, jupanakasti Isí chachan yuqanakapänwa, ⁴³ ukatsti amalecitanakat jilt’apki uka jaqinakaruw tukjapxäna. Ukürut jichhürkamaw jupanakax ukawjan jakasipki.

¹ Israel chachan Rubén sat jilïr yuqapan wawanakapa: Hanoc, Falú, Hesrón, Carmí. Chiqpachansa Rubén chachaw jilïr yuqapänxa, ukampis awkipan warmipamp sarnaqasaw jilïr kankañap apt’asïna, jupan jilïr kankañapax Josean wawanakapar churatäxänwa, Joseasti Israel chachan maynïr wawaparakïnwa. Ukatsipana, Judá chachax jilanakapat sipan juk’amp munañaniw tukxäna, jupatarak mä jilïris mistüna; ukampis jilïr kankañapax Josear churatänwa. ⁴ Joel chachat saraqir wawanakapa: Semaías, Gog, Simí, Micaías, Reaías, Baal, Beerá, rubenitanakan jilïripa, jupax Tiglat-piléser sat Asiriankir reyin katuntat irpatänwa. ⁷ Beerá chachan jilanakapat wila masinakaparjam qillqatanaka: Jeiel, jilïr irpiripa, Zacarías, ⁸ Bela, Azaz chachan wawapa, Sema chachan allchhipa Joel chachan yuqapa. Bela chachax Aroer chiqan jakäna, uraqipax Nebo, Baal-megón chiqakamänwa. ⁹ Inti jalsu tuqirusti, Éufrates jawir chiqata wasarax qalltaski ukakama, uywanakapasti Galaad chiqan walipuniw mirantäna. ¹⁰ Saulux reyïkan ukkhaxa, rubenitanakax agarenonakampiw nuwasiñankäna, ukampis rubenitanakaw atipjäna, ukatsti Galaad chiqat inti jalsu tuqiruw utjantasipxäna. ¹¹ Gad chachan wawanakapax khitinakatix Basán chiqan Salcá markakama, rubenitanak uñkatasin jakapkän ukanakax akanakänwa: ¹² Joel, wali aytat jaqi, jupxarusti Safán, Jaanai, ukhamarak Safat. ¹³ Jupanakan wila masinakaparjam qillqatax Micael, Mesulam, Sebá, Jorai, Jacán, Zía, Éber, ukanakänwa, taqpachanix paqallqunïnwa. ¹⁴ Jupanakaw Abihail chachan wawanakapänxa, jupax Hurí chachan yuqapänwa, Jaróah chachan yuqapa, Galaad chachan yuqapa, Micael chachan yuqapa, Jesisai chachan yuqapa, Jahdó chachan yuqapa, Buz chachan yuqaparaki. ¹⁵ Ahí, Abdiel chachan yuqapa, Guní chachan allchhipa, jupaw jupanakan masinakapat p’iqt’irïna. ¹⁶ Taqi jupanakaw Galaad, Basán, jisk’a markanakapana, Sarón chiqan uywa awatiñ uraqin qurpanakapkamäki ukan jakapxäna. ¹⁷ Taqi jupanakaw Judá markankir Jotam reyina, Israelankir Jeroboam reyin urunakapan wila masitkam qillqantatäpxäna. ¹⁸ Rubén, Gad, uka ayllunakat saraqirinakapampi, Manasés ayllunkir chikat jaqinakapampix jan axsarir soldadonakänwa, jark’aqasiñampi, espadampi, mich’inak antutt’añampi wakicht’atäpxänwa, nuwasiñatakis suma yatichsutäpxarakïnwa. Jupanakasti pusi tunka pusin waranqa paqallqu patak suxta tunkan chachanakänwa. ¹⁹ Ukatsti agareno, Jetur, Nafís, Nodab uka jaqinakampiw nuwasipxäna; ²⁰ ukampis Diosaw jupanakarux yanapt’äna, agarenonakasa, jupanakar jaqkattatanakas atipjataw uñjasipxäna, jupanakax nuwasïwinkasin Diosaruw mayisipxäna jupanakar yanapt’añapataki. Diosasti jupanakarux yanapänwa, jupar jaysapxatap layku. ²¹ Ukatsti uñisirinakapan uywanakapxa, phisqa tunkan waranqa camellonaka, pä pataka phisqa tunkan waranqa ovejanaka, pä waranqa asnonak apasipxäna. Ukatsti patak waranqa jaqinak katurapxäna. ²² Uñisirinakapasti waljaniw jiwarapxäna, uka nuwasïwix Diosat jutatap layku. Jupanakasti uka uraqin jakañatakiw qhiparapxäna jaya markar apanukut uñjasipkäna uka urunakkama. ²³ Manasés ayllut chikat saraqir wawanakapax waljanïtap laykux Basán chiqata, Baal-hermón uraqin jakasipxäna, Senir, Hermón sat qullukama. ²⁴ Wila masinakapan jilïrinakapax akanakänwa: Éfer, Isí, Eliel, Azriel, Jeremías, Hodavías, Jahdiel. Taqi jupanakax jan axsarir soldadonakänwa, wali uñt’at jaqinaka, wila masinakan jilïrinakaparakïnwa. ²⁵ Ukampis jupanakax nayra awkinakapan Diosapatakiw sayt’asipxäna, ukatsti kawkïr markanakarutix Diosax t’unjkatayna uka markanakan diosanakaparuw yupaychapxäna. ²⁶ Ukat Israelan Diosapax Asiriankir Pul sat reyiru, jan ukax Tiglat-piléser sat reyir amtayäna, jupaw rubenitanakaru, gaditanakaru, Manasés ayllunkir chikat jaqiparux alisnuküna; ukatsti jupanakarux Halah, Habor, Hará, Gozán jawiraruw anakiyäna, ukat jichhürkam ukan jakasipki.

¹ Leví chachan wawanakapa: Guersón, Quehat, Merarí. ² Quehat chachan wawanakapa: Amram, Ishar, Hebrón, Uziel. ³ Amram chachan wawanakapa: Aarón, Moisés, María. Aarón chachan wawanakapa: Nadab, Abihú, Eleazar, Itamar. ⁴ Eleazar jaqix Finees chachan awkipänwa, Finees jaqisti Abisúa chachan awkipänwa, ⁵ Abisúa jaqix Buquí chachan awkipänwa, Buquí jaqisti Uzí chachan awkipänwa, ⁶ Uzí jaqix Zeraías chachan awkipänwa, Zeraías jaqisti Meraiot chachan awkipänwa, ⁷ Meraiot jaqix Amarías chachan awkipänwa, Amarías jaqisti Ahitob chachan awkipänwa, ⁸ Ahitob jaqix Sadoc chachan awkipänwa, Sadoc jaqisti Ahimaas chachan awkipänwa, ⁹ Ahimaas jaqix Azarías chachan awkipänwa, Azarías jaqisti Johanán chachan awkipänwa, ¹⁰ Johanán jaqix Azarías chachan awkipänwa, jupasti Salomonax Jerusalenan Tatitun utap luraykäna ukan sacerdotënwa. ¹¹ Azarías jaqix Amarías chachan awkipänwa, Amarías jaqisti Ahitob chachan awkipänwa, ¹² Ahitob jaqix Sadoc chachan awkipänwa, Sadoc jaqisti Salum chachan awkipänwa, ¹³ Salum jaqix Hilcías chachan awkipänwa, Hilcías jaqisti Azarías chachan awkipänwa, ¹⁴ Azarías jaqix Seraías chachan awkipänwa, Seraías jaqisti Josadac chachan awkiparakïnwa. ¹⁵ Josadac chachax jaya markar katuntat apayatänwa, Tatitux Judá markaru, Jerusalén markar Nabucodonosor reyimpi katuntat apaykän ukkha. ¹⁶ Leví chachan wawanakapaxa: Guersón, Quehat, Merarí jupanakänwa. ¹⁷ Guersón chachan wawanakapa: Libní, Simí. ¹⁸ Quehat chachan wawanakapa: Amram, Ishar, Hebrón, Uziel. ¹⁹ Merarí chachan wawanakapa: Mahli, Musí. Jupanakaw Leví chachan wawanakapänxa. ²⁰ Guersón chachan wawanakapaxa: Libní, Jáhat, Zimá, Joah, Idó, Zérah, Jeatrai jupanakänwa. ²² Quehat chachan wawanakapa: Aminadab, Coré, Asir, Elcaná, Ebiasaf, Asir, Táhat, Uriel, Uzías, Saúl. ²⁵ Elcaná chachan wawanakapa: Amasai, Ahimot. Ahimot chachan wawanakapa: Elcaná, Sofai, Náhat, Eliab, Jeroham, Elcaná. ²⁸ Samuel chachan wawanakapa: Vasní, jilïr wawapa, Abías, sullkïr wawapa. ²⁹ Merarí chachat saraqir wawanakapa: Mahli, Libní, Simí, Uzá, Simá, Haguías, Asaías. ³¹ Davidax q’uchunak sarayañatakix q’uchurinak utt’ayäna, kunapachattix arcax Tatitun utapan uchatäkän ukkhatpacha. ³² Jupanakax Tatitumpi Jikisiñ Carpa nayraqatan q’uchupxäna, Salomonan Tatitun utap Jerusalenan lurañapkama, ukatsti saräwirjamax ukawjan luqtasipkakïnwa. ³³ Wawanakapampi ukankapkän uka q’uchurinakax akanakänwa: Quehat chachat saraqirinaka, Hemán sat q’uchuri, jupax Joel chachan yuqapa, jupax Samuel chachan yuqapa, ³⁴ jupax Elcaná chachan yuqapa, jupax Jeroham chachan yuqapa, jupax Eliel chachan yuqapa, jupax Tóah chachan yuqapa, ³⁵ jupax Suf chachan yuqapa, jupax Elcaná chachan yuqapa, jupax Máhat chachan yuqapa, jupax Amasai chachan yuqapa, ³⁶ jupax Elcaná chachan yuqapa, jupax Joel chachan yuqapa, jupax Azarías chachan yuqapa, jupax Sofonías chachan yuqapa, ³⁷ jupax Táhat chachan yuqapa, jupax Asir chachan yuqapa, jupax Ebiasaf chachan yuqapa, jupax Coré chachan yuqapa, ³⁸ jupax Ishar chachan yuqapa, jupax Quehat chachan yuqapa, jupax Leví chachan yuqapa, jupasti Israel chachan yuqaparaki. ³⁹ Hemán chachan kupïxapansti Asaf sat wila masipaw sayt’asïna, jupax Berequías chachan yuqapa, jupax Simá chachan yuqapa, ⁴⁰ jupax Micael chachan yuqapa, jupax Baaseías chachan yuqapa, jupax Malquías chachan yuqapa, ⁴¹ jupax Etní chachan yuqapa, jupax Zérah chachan yuqapa, jupax Adaías chachan yuqapa, ⁴² jupax Etán chachan yuqapa, jupax Zimá chachan yuqapa, jupax Simí chachan yuqapa, ⁴³ jupax Jáhat chachan yuqapa, jupax Guersón chachan yuqapa, jupasti Leví chachan wawaparakïnwa. ⁴⁴ Hemán chachan ch’iqäxaparusti Merarí chachat saraqir wila masipaw sayt’asïna: Etán, jupax Quisí chachan wawapänwa, jupax Abdí chachan yuqapa, jupax Maluc chachan yuqapa, ⁴⁵ jupax Hasabías chachan yuqapa, jupax Amasías chachan yuqapa, jupax Hilquías chachan yuqapa, ⁴⁶ jupax Amsí chachan yuqapa, jupax Baní chachan yuqapa, jupax Sémer chachan yuqapa, ⁴⁷ jupax Mahli chachan yuqapa, jupax Musí chachan yuqapa, jupax Merarí chachan yuqapa, jupasti Leví chachan yuqaparakïnwa. ⁴⁸ Leví chachat saraqir maynïr wila masinakapax Diosan utapan taqi kun lurañatak uchatäpxänwa. ⁴⁹ Aarón chachampi, jupat saraqir wawanakampiw wilañcha luqtañ altarxarux waxt’äwinak nakt’ayapxirïna, ukhamaraki incienso luqtañ altärxaru. Jupanakarakiw Qullanan Qullanap chiqawjan uka luräwinak phuqhapxirïna, Israel markatak juchanakat pampachäwi mayisa, kunjämtix Diosan Moisés luqtiripax siskän ukhamarjama. ⁵⁰ Aarón chachan saraqir wawanakapa: Eleazar, Finees, Abisúa, Buquí, Uzí, Zeraías, Meraiot, Amarías, Ahitub, Sadoc, Ahimaas. ⁵⁴ Aarón chachat saraqir wawanakapan qamäwi chiqanakasa, uraqinakapan qurpanakapasa akhamänwa: Quehat sat wila masinakapatakix Judá chiqan Hebrón uraqiw suertet wakt’äna, ⁵⁵ uywa awatiñ uraqinakapamppach kuna. ⁵⁶ Jefuné chachan Caleb wawaparux markankir uraqinakapa, jisk’a markanakapamppach churapxäna. ⁵⁷ Aarón chachat saraqir wawanakaparux Hebrón imantasiñ marka, Libná, Jatir, Estemoa, ⁵⁸ Hilén, Debir, Asán, Bet-semes uka jisk’a markanakamppach katuyapxäna, taqi uka markanakax uywa awatiñ uraqinkamänwa. ⁶⁰ Ukhamarakiw Benjamín ayllunkirirux Gueba, Alémet, Anatot markanak churapxäna, taqi uka markanakax uywa awatiñ uraqinkamänwa. Ukhamasti Aarón chachan wila masinakaparux tunka kimsani markanakaw wakt’äna. ⁶¹ Quehat chachan maynïr wila masinakaparux Manasés ayllun chikat jaqinakapankir tunka markanakapaw suertetkam wakt’äna, ⁶² Guersón chachat saraqir wawanakaparux wila masinakan jakhüwiparjamax tunka kimsan markanak churapxäna Isacar, Aser, Neftalí ayllunakata, Basán chiqankkatayna uka Manasés ayllumpita. ⁶³ Merarí chachat saraqir wawanakarux qawqhatix wila masinakapax utjkän ukarjamax Rubén, Gad, Zabulón uka ayllunakat tunka payan markanakaw suertetkam wakt’äna. ⁶⁴ Israelitanakasti Leví chachat saraqir wawanakaparux aka markanak uywa awatiñ uraqinakapamppach churäna. ⁶⁵ Judá, Simeón, Benjamín ayllunakatsti niya satäki uka markanakaw suertetkam wakt’äna. ⁶⁶ Quehat chachan yaqhip wila masinakaparux Efraín ayllunkir markanakaw suertetkam wakt’äna. ⁶⁷ Ukhamarakiw Siquem sat imantasiñ marka churapxäna, ukax Efraín qullunakankänwa, ukhamarak Guézer, ⁶⁸ Jocmeam, Bet-horón, Aialón, Gat-rimón uka markanak churapxäna, taqi uka markanakax uywa awatiñ uraqinkamänwa. ⁷⁰ Quehat wila masinakapat jilt’apki ukanakarux Aner, Bileam uka markanak churapxäna, uka markanakasti Manasés ayllun chikatapankirïnwa, sapa markax uywa awatiñ uraqinkamänwa. ⁷¹ Guersón chachat saraqir wawanakaparux wila masinakapan jakhüwiparjamax Basán chiqankki uka Golán marka churapxäna, ukhamaraki Astarot marka, ukasti Manasés ayllun chikat jaqinakapankänwa, uywa awatiñ uraqinakamppacha. ⁷² Ukhamarakiw Isacar ayllutxa, Quedes, Daberat, Ramot, Anem uka markanak churapxäna, sapa markasa uywa awatiñ uraqinkamänwa. ⁷⁴ Aser ayllutsti Masal, Abdón, Hucoc, Rehob uka markanak churapxäna, sapa markasa uywa awatiñ uraqinkamänwa. ⁷⁶ Neftalí ayllutsti Galileankir Quedes, Hamón, Quiriataim uka markanak churapxäna, sapa markasa uywa awatiñ uraqinkamänwa. ⁷⁷ Merarí chachat jilt’ir wawanakaparux Zabulón ayllutxa: Rimón, Tabor uka markanak churapxäna, sapa markasa uywa awatiñ uraqinkamänwa; ⁷⁸ Rubén ayllutsti Jordán jawirata inti jalsu tuqiru, Jericó uñkatasi, wasarankki uka Béser, Jahas, Cademot, Mefáat uka markanaka, sapa markasa uywa awatiñ uraqinkamänwa; ⁸⁰ Gad ayllutsti, Galaad chiqankir Ramot, Mahanaim, Hesbón, Jazer ukanaka, sapa markasa uywa awatiñ uraqinkamänwa.

¹ Isacar chachan wawanakapax pusinïnwa: Tolá, Puvá, Jasub, Simrón. ² Tolá chachan wawanakapa: Uzí, Refaías, Jeriel, Jahmai, Ibsam, Samuel, jupanakasti Tolá awkipan wila masinakapan jilïrinakapänwa, ukatsti jan axsarir nuwasirinakänwa. Davidan urunakapansti jupanakat saraqir wawanakapax pä tunka payan waranqa suxta patakanïnwa. ³ Uzí chachan wawapax Israhías satänwa. Israhías chachan wawanakapa: Micael, Abdías, Joel, Isías. Taqpachanix phisqa jilïrinakänwa. ⁴ Jupanakan walja warminakani, walja wawanakanïtap laykuxa, jupanakan wila masinakapat saraqirinakax nuwasiñatak wali wakichrantatäpxänwa, taqpachanix kimsa tunka suxtan waranqa jaqinakänwa. ⁵ Isacar chachan wila masinakapar jakthapitax kimsaqallq tunka paqallqun waranqa jaqinakänwa, jupanakasti jan axsarir nuwasirinakänwa. ⁶ Benjamín chachan wawanakapax kimsanïnwa: Bela, Béquer, Jediael. ⁷ Bela chachan wawanakapax phisqanïnwa: Esbón, Uzí, Uziel, Jerimot, Irí. Taqi jupanakax wila masipan jilïrinakapa, jan axsarir jaqinakäpxänwa. Wila masinakapar qillqatarjamasti wawanakapax pä tunka payan waranqa kimsa tunka pusin jaqinakänwa. ⁸ Béquer chachan wawanakapa: Zemirá, Joás, Eliézer, Elioenai, Omrí, Jerimot, Abías, Anatot, Alémet. Taqi jupanakaw Béquer chachan wawanakapaxa, ⁹ jupanakan wawanakapar qillqatarjamax wila masin jilïrinakapax pä tunka waranqa pä patakani jan axsarir jaqinakänwa. ¹⁰ Jediael chachan wawapax Bilhán satänwa. Bilhán chachan wawanakapa: Jeús, Benjamín, Ehud, Quenaaná, Zetán, Tarsis, Ahisáhar. ¹¹ Taqi jupanakaw Jediael chachan wawanakapaxa, wila masin jilïrinaka, jan axsarir nuwasirinaka, nuwasiñatakis wakicht’atanaka. Jupanakax tunka paqallq waranqa pä patakan jaqinakänwa. ¹² Ir chachan wawanakapa: Sufam, Hufam. Aher chachan wawapax Husim satänwa. ¹³ Neftalí chachan wawanakapa: Jahseel, Guní, Jéser, Salum. Taqi jupanakaw Bilhá chachat saraqir wawanakapäna. ¹⁴ Manasés chachax siriankiri uñt’atapampix pani wawanïnwa: Asriel, Maquir, Galaad chachan awkipa. ¹⁵ Maquir chachax Maacá warmimpiw jaqichasïna, jupax Hufam, Sufam uka wila masitänwa. Maquir chachan payïr wawapax Selofhad satänwa, jupasti mä imill wawanikïnwa. ¹⁶ Maacá, jupax Maquir chachan warmipänwa, jupax mä yuqall wawanïnwa, juparux Peres sutimpiw uchäna. Peres chachan jilapasti Seres satänwa, wawanakapasti Ulam, Réquem satänwa. ¹⁷ Ulam chachan wawapax Bedán satänwa. Jupanakaw Galaad chachan wawanakapäna, jupax Maquir chachan wawapänwa, jupasti Manasés chachan wawaparakïnwa. ¹⁸ Maquir chachan kullakapax Hamoléquet satänwa, jupax Is-hod, Abiézer, Mahlá jupanakan taykapänwa. ¹⁹ Semidá chachan wawanakapa: Ahián, Siquem, Liquehí, Aniam. ²⁰ Efraín chachat saraqir wawanakapa: Sutélah, Béred, Táhat, Eladá, Táhat, Zabad, Sutélah, Éser, Elad. Éser, Elad, uka wawanakaparux Gat chiqankir jaqinakaw jiwarayäna, uywanakap lunthatir sarapxatap layku. ²² Efraín awkipax jupanakat amtasax jaya pachaw llakisïna, ukatsti wila masinakapaw chuymachir jutapxäna. ²³ Ukatsti jupax warmipampiw mayachasïna, warmix usur jaqiptasax mä yuqall wawa wawachasïna, juparux Beriá sutimpiw uchäna, utapan chiji utjatap layku. ²⁴ Seerá, Beriá chachan phuchhapax aynachankiri alayankir Bet-horón marka sayt’ayäna, ukatsti Uzén-seerá marka sayt’ayarakïna. ²⁵ Beriá chachat saraqir wawanakapa: Réfah, Résef, Télah, Tahán, Ladán, Amihud, Elisamá, Nun, Josué. ²⁸ Jupanakan uraqinakapa, qamañ utanakapax Betel markänwa; inti jalsu tuqinsti Naarán marka; inti jalanta tuqinsti Guézer marka; Siquem chiqat Ayah chiqakama; taqi uka markanakax jisk’a markanakapamppach kuna. ²⁹ Manasés chachat saraqir wawanakapax Taanac, Meguido, Dor uka markanak katuntasipxäna, jisk’a markanakapamppach kuna. Israel chachan José yuqapat saraqir wawanakapax uka markanakan jakapxäna. ³⁰ Aser chachan wawanakapa: Imná, Isvá, Isví, Beriá, Sérah ukasti jupanakan kullakapänwa. ³¹ Beriá chachan wawanakapa: Héber, Malquiel jupax Birzávit chachan awkipänwa. ³² Héber jupax Jaflet chachan awkipänwa, Sémer, Hotam, Suhá jupax jupanakan kullakapänwa. ³³ Jaflet chachan wawanakapa: Pasac, Bimhal, Asvat. ³⁴ Sémer jilapan wawanakapa: Rohgá, Jehubá, Aram. ³⁵ Hotam jilapan wawanakapa: Sofah, Imná, Seles, Amal. ³⁶ Sofah chachan wawanakapa: Súah, Harnéfer, Súal, Berí, Imrá, ³⁷ Béser, Hod, Samá, Silsá, Itrán, Beerá. ³⁸ Jéter chachan wawanakapa: Jefuné, Pispá, Ará. ³⁹ Ulá chachan wawanakapa: Ará, Haniel, Risiá. ⁴⁰ Taqi jupanakaw Aser chachat saraqir wawanakapäna. Jupanakax wila masin jilïrinaka, jan axsarir soldadonaka, wali wakiskir jaqinakänwa. Wila masitkam qillqatanakax pä tunka suxtan waranqa jaqinakänwa, nuwasiñatakis wali wakicht’atanakänwa.

¹ Benjaminax Bela chachan awkipänwa, jupasti jilïr wawapänwa; payïrix Asbel; kimsïristi Ahrah; ² pusïrix Nohá, phisqïristi Rafá. ³ Bela chachan wawanakapa: Adar, Guerá, Abihud, ⁴ Abisúa, Naamán, Ahóah, ⁵ Guerá, Sefufán, Hiram. ⁶ Ehud chachan wawanakapa, Gueba chiqan jakir wila masin jilïrinaka, jupanakax Manáhat chiqar alisnukutänwa: ⁷ Naamán, Ahías, Guerá jupax Uzá, Ahiud jupanakan awkipänwa, jupanakarux jupaw irpäna. ⁸ Saharaim chachax Moab chiqan Husim, Baará warminakapamp jaljtxasax yaqha wawanakanïnwa. ⁹ Hodes sat qhipa warmimpi wawanakapa: Jobab, Sibiá, Mesá, Malcam, ¹⁰ Jeús, Saquías, Mirmá satäpxänwa. Jupanakaw wila masinakat jilïr wawanakapaxa. ¹¹ Husim sat warmipampix Abitub, Elpáal uka wawanakanïnwa. ¹² Elpáal chachan wawanakapa: Éber, Misam, Sémed jupaw Onó, Lod markanak sayt’ayäna, jisk’a markanakapamppach kuna; ¹³ Beriá, Sema chachanakax wila masipan jilïripäpxänwa, Aialón chiqan jakapxarakïna, jupanakaw Gat chiqat nayra jakir jaqinakarux alisnukupxäna; ¹⁴ Sasac, Jeroham chachanakax jupanakan jilanakapänwa. ¹⁵ Zebadías, Arad, Ader, ¹⁶ Micael, Ispá, Johá jupanakax Beriá chachan wawanakapänwa. ¹⁷ Zebadías, Mesulam, Hizquí, Éber, ¹⁸ Ismerai, Izlías, Jobab jupanakax Elpáal chachan wawanakapänwa. ¹⁹ Jaquim, Zicrí, Zabdí, ²⁰ Elienai, Siletai, Eliel, ²¹ Adaías, Beraías, Simrat jupanakax Simí chachan wawanakapänwa. ²² Ispán, Éber, Eliel, ²³ Abdón, Zicrí, Hanán, ²⁴ Hananías, Elam, Anatotías, ²⁵ Ifdaías, Peniel jupanakax Sasac chachan wawanakapänwa. ²⁶ Samserai, Seharías, Atalías, ²⁷ Jaresías, Elías, Zicrí jupanakax Jeroham chachan wawanakapänwa. ²⁸ Jupanakaw wakiskir jilïri wila masit saraqirinakaxa, jupanakax Jerusalén markan jakapxäna. ²⁹ Gabaón markan Jehiel chachax jakäna, jupax Gabaón chachan awkipänwa. Warmipax Maacá satänwa. ³⁰ Wawanakapax akanakänwa: Abdón, tayna yuqall wawapa, ukxankirinaka: Sur, Quis, Baal, Ner, Nadab, ³¹ Guedor, Ahió, Zéquer, ³² Miclot, jupasti Simí chachan awkipänwa, jilanakapar uñtas sarnaqasax Jerusalenan jupanakampix jakapxäna. ³³ Ner jaqix Quis chachan awkipänwa, Quis jaqix Saúl chachan awkipänwa, Saulux Jonatán, Malquisúa, Abinadab, Es-baal chachanakan awkipänwa. ³⁴ Jonatanan wawapax Merib-baal chachänwa, jupax Micaías chachan awkipänwa. ³⁵ Micaías chachan wawanakapa: Pitón, Mélec, Tarea, Ahaz. ³⁶ Ahaz jaqix Joadá chachan awkipänwa, Joadá jaqix Alémet, Azmávet, Zimrí jupanakan awkipänwa; Zimrí jaqix Mosá chachan awkipänwa. ³⁷ Mosá jaqix Biná chachan awkipänwa, jupax Rafá chachan awkipänwa, jupax Elasá chachan awkipänwa, jupax Asel chachan awkipänwa. ³⁸ Asel chachan wawanakapax suxtanïnwa: Azricam, Bocrú, Ismael, Searías, Abdías, Hanán satäpxänwa. Taqi jupanakaw Asel chachan wawanakapaxa. ³⁹ Ésec jilapan wawanakapa: Ulam, tayna yuqall wawapa, payïrix Jehús, kimsïrix Elifélet. ⁴⁰ Ulam chachan wawanakapax jan axsarir soldadonaka, mich’inakap apnaqañatakis wali yatxatatanakänwa. Jupanakax walja wawanakani, walja allchhinakanïnwa, taqpachanix patak phisqa tunkanïpxänwa, taqi jupanakaw Benjamín chachat saraqir wawanakapaxa.

¹ Ukhamaw taqi Israelitanakax Israel markan reyinakan qillqatapar qillqantatäna. Judá chiqankir jaqinakax jucha lurapxatap laykuw Babilonia markar apatäpxäna. ² Israelitanaka, sacerdotenaka, levitanaka, Tatitun utapa luqtirinakaw wasitat kuttanisin uraqinakaparu, markanakapar nayraqat utjantasipxäna. ³ Jerusalén markansti Judá, Benjamín, Efraín, Manasés ayllut saraqir wawanakapaw utjantasipxäna. ⁴ Judá chachat saraqir wawanakapa: Utai, Amihud chachan wawapa, jupax Omrí chachan wawapänwa, jupax Imrí chachan wawapa, jupax Baní chachan wawapa, Fares chachat saraqir wawanakapatxa, Judá chachan wawapa. ⁵ Silonitanakatxa, Asaías jupax jilïrïnwa. ⁶ Zérah chachat saraqir wawanakapatxa: Jeuel chachampi wila masinakapampix suxta patak llätunka tunkanïnwa. ⁷ Benjamín chachat saraqir wawanakapatxa: Salú, Mesulam chachan wawapa, jupax Hodavías chachan wawapa, jupax Senúa chachan wawapa; ⁸ Ibneías, Jeroham chachan wawapa; Elá, Uzí chachan wawapa, jupax Micrí chachan wawapa; Mesulam, Sefatías chachan wawapa, jupax Reuel chachan wawapa, jupax Ibnías chachan wawapa. ⁹ Jupanakan wila masinakapax taqpachanix llätunk pataka phisqa tunka suxtanïnwa, Taqi jupanakasti wila masinakapan jilïripänwa. ¹⁰ Sacerdotenakatxa: Jedaías, Joiarib, Jaquín, ¹¹ Azarías, Hilquías chachan wawapa, jupax Mesulam chachan wawapa, jupax Sadoc chachan wawapa, jupax Meraiot chachan wawapa, jupax Ahitub chachan wawapa, Diosan utapan wakiskir jilïrirakïnwa; ¹² Adaías, Jeroboam chachan wawapa, jupax Pashur chachan wawapa, jupax Malquías chachan wawapa; Masai, Adiel chachan wawapa, jupax Jahzera chachan wawapa, jupax Mesulam chachan wawapa, jupax Mesilemit chachan wawapa, jupax Imer chachan wawapänwa; ¹³ jupanakan wila masinakapax waranqa paqallq pataka suxta tunkanïnwa, wila masinakapatxa jupanakaw jilïrïnxa, Tatitun utapan luqtañatak suma yatichat chachanakänwa. ¹⁴ Levitanakatxa: Semaías, Hasub chachan wawapa, jupax Azricam chachan wawapa, jupax Hasabías chachan wawapa, Merarí chachan wila masipata; ¹⁵ Bacbacar, Heres, Galal, Matanías, Micaías chachan wawapa, jupax Zicrí chachan wawapa, jupax Asaf chachan wawapa; ¹⁶ Abdías, Semaías chachan wawapa, jupax Galal chachan wawapa, jupax Jedutún chachan wawapa; Berequías, Asá chachan wawapa, jupax Elcaná chachan wawapa, Elcanax netofatitas sat jisk’a markanakapan jakäna. ¹⁷ Punku uñjirinaka: Salum, Acub, Talmón, Ahimán. Salum, jupanakan jilapa, jupaw jupan irpiripänxa, ¹⁸ jichhürkamas reyin punkup uñjiripawa, inti jalsu tuqinkki uka. Taqi jupanakax levitanakan campamentonakapan punkunakap uñjirïpxänwa. ¹⁹ Salum, Coré chachan wawapa, jupax Ebiasaf chachan wawapa, jupax Coré chachan wawapa, coreítas wila masinakapax Tatitun utapar mantañ punkup uñjirinakänwa, kunjämatix nayra awkinakapax Tatitun campamentopar mantañap uñjapkän ukhama. ²⁰ Ukat nayrasti, Finees, Eleazar chachan wawapa, jupaw jupanakan jilïripäna. ¡Tatitux jupampïpan! ²¹ Zacarías, Meselemías chachan wawapa, jupaw Diosampi Jikisiñ Carpa punku uñjirïna. ²² Punku uñjir ajllitanakax taqpachanix pä patak tunka payanïnwa, kawkha markanakantix wila masinakax qillqatäpkän ukhamaru. Davidampi, Samuel profetampiw uk lurañatakix utt’ayäna, wali sum lurirïpxatap layku. ²³ Jupanakampi, wawanakapampix maykipaw Tatitun utapar mantañ uñjapxirïna. ²⁴ Punku uñjirinakax pusi tuqinpach utjäna: inti jalanta tuqina, inti jalsu tuqina, amsta tuqina, aynach tuqina. ²⁵ Markanakapan jakapkän uka wila masinakapax sapa paqallq urut yanapt’irix jutapxirïna. ²⁶ Ukampis punku uñjir pusi levitanakax jan phist’ayasaw utanakapa, Diosan utapan imat yänak uñjapxirïna. ²⁷ Paqar arumaw Tatitun utapar muyukipat qhantatipxirïna, jupanakaw uñjañataki, sapa qhantatinak punku jist’arañatakix uchatänxa. ²⁸ Yaqhipanakax Tatitur yupaychañatak yänakax utjki uk uñjañatak uchatänwa, jupanakaw jakt’askam apsupxirïna, imapxirïna. ²⁹ Mayninakasti yaqha yänakata, qullan yänakata, jak’uta, vinota, aceiteta, inciensota, q’apkir qullanaka uñjañatak uchatänwa. ³⁰ Yaqhip sacerdotenakax q’apkir qullanak wakichapxäna, ³¹ ukatsti coreitanakat Salum chachan jilïri Matatías sat levita yuqapaw waxt’äwitak tortanak lurirïna. ³² Quehatitas wila masinakapat yaqhipax luqtañ t’ant’anak wakichañatak uchatänwa, sapa samarañ urun t’ant’anak siqik uchañataki. ³³ Q’uchurinakax utjarakïnwa, jupanakax levita wila masinakapan jilïripänwa, jupanakasti Tatitun utapan utjki uka utanakan jakapxäna, jupanakax uruy arumasa luräwip phuqhapxäna, janiw yaqha lurañanïpkänti. ³⁴ Qillqantatarjamasti, Tatitun utapan luqtirinakax Leví chachan wawanakapänwa, wila masinakapan jilïrinakapa, jupanakasti Jerusalén markan jakapxäna. ³⁵ Gabaón markan Jehiel chachax jakäna, jupax Gabaón chachan awkipänwa. Warmipax Maacá satänwa. ³⁶ Wawanakapasti akanakänwa: Abdón, tayna yuqall wawapa, Sur, Quis, Baal, Ner, Nadab, ³⁷ Gedor, Ahió, Zacarías, Miclot, ³⁸ jupax Simam chachan awkipänwa. Jilanakapar uñtas sarnaqasaw Jerusalenan jupanakampix jakapxäna. ³⁹ Ner jaqix Quis chachan awkipänwa, Quis jaqix Saúl chachan awkipänwa, Saúl chachax Jonatán, Malquisúa, Abinadab, Es-baal jupanakan awkipänwa. ⁴⁰ Jonatanax Merib-baal chachan awkipänwa, jupax Micaías chachan awkipänwa. ⁴¹ Micaías chachan wawanakapa: Pitón, Mélec, Tarea, Ahaz. ⁴² Ahaz jaqix Jará chachan awkipänwa, Jará chachax Alémet, Azmávet, Zimrí jupanakan awkipänwa; Zimrí jaqix Mosá chachan awkipänwa, ⁴³ Mosá jaqix Biná chachan awkipänwa, jupax Refaías chachan awkipa, jupax Elasá chachan awkipa, jupasti Asel ukan awkiparakïnwa. ⁴⁴ Asel chachan wawanakapax suxtanïnwa: Azricam, Bocrú, Ismael, Searías, Abdías, Hanán.

¹ Filisteonakax Israel markaruw nuwantäna, israelitanakasti jupanakat jaltxapxänwa, ukampis Guilboa qullun jupanakarux jiwarayäna. ² Filisteonakasti Saúl reyimpiru, yuqanakapampir arktañatakiw sarapxäna, ukatsti Jonatán, Abinadab, Malquisúa jupanakaruw jiwarayäna. ³ Ukatsti Saúl reyir katuntañatakiw tantachasipxäna, mich’inak antutt’irinakax mich’inakamp wakt’ayasaw usuchjäna. ⁴ Ukhamasti Saúl reyix yanapiriparuw säna: “Espadam apsusim, ukamp jiwayita, aka jucharar jaqinakan nayat jan larusiskañapataki” sasa. Ukampis yanapiripax janiw jiwayañ munkänti, wal axsaräna. Ukhamasti Saúl reyix espadap katusaw espadapxar liwxattäna. ⁵ Kunapachatix yanapiripax Saúl reyir jiwat uñjän ukkhaxa, jupax uka kipkarakiw espadapxar liwxattas jiwäna. ⁶ Ukhamaw khä urux Saúl reyimpi, kimsa yuqapampi, utapankir wila masinakapampix jiwarapxäna. ⁷ Qhirwan jakapkän uka israelitanakax jupanakan jaltxatapa, Saúl reyir kimsa yuqanakapamp jiwarat uñjasax markanakap jaytanukusin jaltxapxäna. Ukatsti filisteonakax uka apanukut markanakar mantasaw utjantasipxäna. ⁸ Qhipürusti, kunapachatix filisteonakax jiwatanakan yänakap apaqir sarapkän ukkhaxa, Saúl reyiru, yuqanakapampirux Guilboa qullun jiwarat jikxatapxäna. ⁹ Ukatsti Saulurux p’iqip apaqapxäna, nuwasiñ yänakap katuntasipxäna, ukatsti filisteo uraqpacharuw yatiyirinak khithapxäna, jaqinakaru, diosanakaparu yatiyanipxañapataki. ¹⁰ Saúl reyin nuwasiñ yänakap diosanakapan temploparuw uchapxäna, p’iqipsti Dagón sat diosan temploparuw warkkatapxäna. ¹¹ Kunapachatix Galaadankir Jabés chiqan jakirinakax filisteonakan Saúl reyir ukham lurapxatap yatipxän ukkhasti, ¹² taqi jan axsarir jaqinakax mayaki sum amtasisinxa, Saúl reyimpina, yuqanakapampin jiwat janchip katusax Jabés markaruw apasxapxäna. Ukansti encina sat quqa thiyaruw jiwat janchinakap imt’xapxäna. Ukatsti paqallq uruw ayuno lurapxäna. ¹³ Ukhamaw Saúl reyix jan wali luratap laykux jiwäna, Tatitur jiskt’askamayax mä yatir layqa warmiruw ¹⁴ jiskt’asïna. Ukat Tatitux jakañap apaqäna, reyi kankañapsti Jesé chachan David yuqaparuw churxäna.

¹ Taqi israelitanakaw tantacht’asipxäna, ukatsti Hebrón chiqan Davidampi parliriw sarapxäna. Ukawjansti juparux sapxänwa: “Nanakax juman wila masimat saraqirïpxtwa, ² chiqpachansa Saúl chachax reyikchïna ukasa, jumaw Israel markan irpiripäyäta. Ukhamarus Tatitu Diosamaw saraktam, jumaw Israel markapar irpäta, apnaqarakïta” sasa. ³ Ukhamaw Israel markan jilïr jaqinakax Hebrón chiqar David reyimpi parlir sarapxäna, Tatitun nayraqatapansti, Davidampix mä arust’äwi lurapxäna. Ukatsti Davidarux Israel marka apnaqiripat utt’ayapxäna, kunjämtix Diosax Samuel tuqi arskän ukhamaru. ⁴ Davidampi taqi israelitanakampix Jebús sat Jerusalén markaruw sarapxäna. Jebuseonakaw uka chiqan jakapxäna, ⁵ Davidarusti sapxänwa: “Jumax janiw aka markar mantkasmati” sasa. Ukampis Davidax jach’a uyun Sión marka katuntasïna, uka markax jichhax Davidan markapat uñt’atawa. ⁶ Davidasti sataynawa: “Khititix jebuseonakar nayraqat katuntkani juparuw jach’a jilïrit utt’ayä” sasa. Ukatsti Seruiá chachan Joab yuqapaw nayraqat katuntäna, ukat jupax jilïrit utt’ayatäxäna. ⁷ Ukatsti Davidax uka jach’a uyun Sión markan utt’asïna; ukat “Davidan markapa” sas sutichapxäna. ⁸ Davidasti muytpacharuw markanak sayt’ayi, laq’amp phuqhantatäki uka chiqat marka muyt’pacharu. Joab chachasti yaqhip markanak machaqat sayt’ayäna. ⁹ Davidan munañanïñ kankañapax yapxattaskakïnwa, taqi ch’aman Tatitusti jupampïskarakïnwa. ¹⁰ Akanakaw Davidan aytat jilïr soldadonakapaxa, jupanakaw marka apnaqañ yanapapxäna, israelitanakampi mayacht’asisax reyit uskt’apxäna, kunjämatix Tatitux Israelar markar siskän ukhamaru. ¹¹ Davidan nayrankir soldadonakapan sutinakapax akanakänwa: Hacmoní, Jasobeam chachan yuqapa, kimsa jan axsarir chachanakan irpiripa, mä kutix lanzapampiw kimsa patak jaqinak jiwarayäna. ¹² Jupxarusti Eleazar, ahohíta Dodó chachan yuqapa, jupax kimsa jan axsarir chachanakat maynïrïnwa. ¹³ Jupax Pas-damim chiqan Davidampïskänwa, filisteonakax ukawjaruw nuwasiñatak tantachasipxäna. Ukawjansti cebada yapuw utjäna, kunapachatix israelita tamax filisteonakat jaltxapxän ukkhaxa, ¹⁴ jupax yapu taypiruw sayt’asïna, ukatsti filisteonakar atipjasaw arxatäna. Ukhamaw Tatitux jupanakar atipt’ayäna. ¹⁵ Mä kutixa, kimsa tunka jan axsarir jaqinakat kimsaniw qarqa chiqar sarapxäna, Adulam sat putun Davidamp jikisiri. Filisteonakan campamentopax Refaim qhirwankänwa. ¹⁶ Davidax Adulam sat imantasiñ putunkaskänwa, ukañkamasti filisteo soldadonakax Belén markankarakïnwa. ¹⁷ Davidax akham sasaw arsüna: “¡Khitikis Belén mantañankki uka phuch’un umap umt’ayitaspa!” sasa. ¹⁸ Ukatsti kimspach jan axsarir chachanakaw filisteonakan campamentopar mantapxäna, ukatsti Belén markar mantañankki uka phuch’ut uma apsunisin Davidan ukaruw apanipxäna. Ukampis Davidax janiw umt’añ munkänti, jan ukasti, Tatitutakiw mä waxt’äwjam waranuküna, ¹⁹ akham sasa: “¡Diosax aka uma nayan umt’añax jan munkpati! ¡Aka jaqinakan wilapsa umt’kirista ukhamäspawa, jupanakax jan axsart’asaw uma aptirix sarapxi!” sasa. Ukatsti jupax janiw umt’añ munkänti. Uka kimsa jan axsarir chachanakaw ukham lurapxäna. ²⁰ Abisai, Joab chachan jilapa, jupax kimsa tunka jan axsarir jaqinakan irpiripänwa. Mä kutix kimsa patak jaqinakar katuntasaw lanzapamp jiwarayäna. Ukhamat uka kimsa tunka jaqinak taypin wali jach’at uñt’ayasïna, ²¹ jupanakat sipansa juk’amp jach’añchäwi katuqäna, ukatsti jupanakan jilïripaw tukxäna. Ukampis janiw nayrïr kimsa chachanakjamäkänti. ²² Benaía, Cabseel markankir Joiadá chachan yuqapax jan axsarir jaqïnwa, jupax wali jach’a luräwinak lurir jaqïnwa. Jupaw Moab chiqankir Ariel chachan pani yuqanakaparux jiwayäna. Mä urux khunuskän ukkhax mä puturuw mantäna, uka manqhansti mä leonaruw jiwayäna. ²³ Ukhamarakiw mä jach’a tansa egipcio jaqirus jiwayäna, uka jaqix niya pä metro chikatanjamänwa, lanzapas mä telaran lawapjam wali jach’arakïnwa. Benaías chachax mä lawampiw jawq’antäna, lanzap aparasax pachpa lanzapampiw jiwayäna. ²⁴ Benaías, Joiadá chachan yuqaparux uka luratapaw kimsa tunka jan axsarir jaqinak taypin wali jach’ar tukuyäna, ²⁵ ukatsti jupanakat sipan juk’amp jach’añchäwi katuqäna, ukampis janiw nayrïr kimsa chachanakampix kikipt’känti. Ukatsti Davidax jupar uñjir chachanakan jilïripat utt’ayäna. ²⁶ Jan axsarir chachanakax akanakänwa: Asael, Joab chachan jilapa; Elhanán, Belenankir Dodó chachan yuqapa; ²⁷ Harod chiqankir Samot; Heles, pelonita chacha; ²⁸ Irá, Tecoa chiqankir Iqués chachan yuqapa; Anatot chiqankir Abiézer; ²⁹ Husá chiqankir Sibecai; Ilai, ahohíta chacha; ³⁰ Netofá chiqankir Maharai; Héled, Baaná chachan yuqapa, Netofá chiqankiriraki; ³¹ Itai, Guibeá chiqankir Ribai chachan yuqapa, ukax Benjamín uraqinkiwa; Piratón chiqankir Benaías; ³² Gaas jawir chiqankir Hurai; Abiel, arbatita chacha; ³³ Bahurim chiqankir Asmávet; Eliahbá saalbonita chacha; ³⁴ Jasén, guizonita chachan yuqanakapa; Jonatán, ararita Sagué chachan yuqapa; ³⁵ Ahiam, Sacar chachan yuqapa, araritaraki; Elifal, Ur chachan yuqapa; ³⁶ Héfer, mequeratita chacha; Ahías, pelonita chacha; ³⁷ Carmel chiqankir Hesrai; Naarai, Esbai chachan yuqapa; ³⁸ Joel, Natán chachan jilapa; Mibhar, Hagrai chachan yuqapa; ³⁹ Sélec, amonita jaqi; Berot chiqankir Naharai, Joab chachan nuwasiñan yanapiripa, Seruiá chachan yuqapa; ⁴⁰ Irá, Gareb, Jatir chiqankirinaka; ⁴¹ Urías, hitita jaqi; Zabad, Ahlai chachan yuqapa; ⁴² Adiná, rubenita Sizá chachan yuqapa, jupax rubenitanakan irpiripawa, kimsa tunka chachanakaw jupampïna. ⁴³ Hanán, Maacá chachan yuqapa; mitnita chiqankir Josafat; ⁴⁴ Astarot chiqankir Ozías; Samá, Jehiel, Aroer chiqankir Hotam chachan yuqanakapa; ⁴⁵ Jediael, Simrí chachan yuqapa, jupan Johá jilapa, tizita jaqi; ⁴⁶ Mahanaim chiqankir Eliel; Jerebai, Josavía, Elnáam chachan yuqanakapa; moabita Itmá ukampi; ⁴⁷ Sobá chiqankir Eliel, Obed, Jaasiel jupanaka.

¹ Kunapachatix Davidax Quis chachan Saúl yuqapan nayraqatapat apanukutäkän ukkhaxa, mä tama jan axsarir nuwasirinakaw Siclag chiqan Davidar jaqkattäna, nuwasiñanakan yanapt’añataki. ² Aka nuwasirinakasti mich’inak antutt’añampi wakicht’atäpxänwa, jupanakax kupi jan ukax ch’iqa amparampi mich’inak antutt’añsa, qalanak q’urawt’añsa sum yatipxäna. Jupanakasti akanakänwa: Benjamín ayllutxa Saúl reyin wila masinakapa: ³ Ahiézer, jupasti irpirïnwa, Joás, Semaá chachan yuqanakapa, jupanakasti Guibeá markankirïnwa; Jeziel, Pélet, Azmávet chachan yuqanakapa; Beracá, Jehú jupanakax Anatot markankirïnwa; ⁴ Ismaías, gabaonita jaqix kimsa tunka jan axsarir chachanakat maynïrïnwa, jupanakan irpiriparakïnwa; Guederá chiqankir Jeremías, Jahaziel, Johanán, Jozabad jupanaka, ⁵ Eluzai, Jerimot, Bealías, Semarías; Sefatías harufita; ⁶ Elcaná, Isías, Azarel, Joézer, Jasobeam, coreíta jaqinaka; ⁷ Joelá, Zebadías, Guedor chiqankir Jeroham chachan yuqanakapa. ⁸ Gad ayllunkirit yaqhipanakax Davidaruw jaqkattapxäna, jupax wasaran utjki uka imantasiñ chiqankkän ukkha. Jupanakax jan axsarir nuwasirinakänwa, nuwasiñatakis suma yatichata, jark’aqasiña, lanza apnaqañatakis wakicht’atäpxänwa. Uñnaqanakapas leonanakar uñtatänwa, tarujanakjamaw qullunakan jalnaqapxäna. ⁹ Jupanakasti: Éser, jupax nayrirïnwa; payïrix Abdías; kimsïrix Eliab; ¹⁰ pusïrix Mismaná; phisqïrix Jeremías; ¹¹ suxtïrix Atai; paqallqürix Eliel; ¹² kimsaqallqürix Johanán; llatunkïrix Elzabad; ¹³ tunkïrix Jeremías; tunka mayanïrix Macbanai. ¹⁴ Gad chachat saraqir wawanakapax ejerciton jilïr irpirinakänwa. Jupanakat sullkïri sapakiw patak jaqinakaru, jilïristi waranqa jaqinakar katuntäna. ¹⁵ Jupanakarakiw qallta phaxsin Jordán jawir makhatapxäna, kunapachatix umax jawirat jilarkän ukapacha, ukatsti qhirwankirinakarux taqiniruw inti jalanta tuqiru, inti jalsu tuqiru jaltayapxäna. ¹⁶ Ukhamarus Benjamín, Judá ayllunakat yaqhip jaqinakax Davidamp mayacht’asiriw imantasiñ chiqar sarapxäna. ¹⁷ Davidasti jupanakar katuqir mistunisax sänwa: “Jumanakatix sumampik nayar yanapir jutapxsta ukaxa, nayax taqi chuymaxampiw nayampïpxañamatak katuqapxsma; ukampis jumanakatix nayar sallqjiri, uñisirinakaxar katuyir jutapxstaxa, nayan jan kuna ñanqha luratax utjkipansa, ¡nayra awkinakasan Diosapay uñjasin jumanakar mutuypan!” sasa. ¹⁸ Ukhamasti Amasai sat kimsa tunka jaqinakan irpiripax Tatitun ajayupan phuqhantatax akham sasaw art’asïna: “¡David, Jesé chachan yuqapa! ¡Sumankañax jumatakïpan! ¡Sumankañax jumampïpan! ¡Sumankañax jumataki, yanapirinakamampitakïpan, Diosamaw jumarux yanapasktam!” sasa. Davidasti jupanakarux katuqänwa, ukatsti jilïrinak taypin lurañanak churäna. ¹⁹ Kunapachatix Davidax filisteonakampi jakir sarkäna, Saúl reyimpi nuwasiñataki ukkhaxa, Manasés ayllut yaqhipanakax Davidaruw jaqkattapxäna. Davidax janiw filisteonakar yanapañ amtanïkänti, jupan jilïrinakapax tantacht’asisin khithanukuñ amtapxäna, sapxänwa: “Jiwasïpan Saulurux jaqkattani” sasa. ²⁰ Kunapachatix Siclag chiqar sarapkän ukkhaw Manasés ayllunkir jaqinakax Davidar jaqkattapxäna: Adná, Jozabad, Jediael, Micael, Jozabad, Elihú, Siletai. Jupanakasti Manasés soldadonakan jilïrinakapänwa. ²¹ Jupanakaw Davidarux nuwasiñan yanapapxäna, jupanakax taqiniw jan axsarir nuwasirïpxäna, ejerciton jilïrinakapat uskt’atarakïnwa. ²² Urut urutjamaw Davidar yanapt’irix juk’ampi purinipxäna, ukatsti mä jach’a ejército tamaw tuküna. ²³ Hebrón chiqan nuwasiñatak wakicht’atax akanakaw Davidampix mayacht’asipxäna, Saúl reyin marka apnaqañap katuyxañataki, kunjämtix Tatitux siskän ukhamaru: ²⁴ Judá ayllutsti, suxta waranqa kimsaqallqu patakan chachanakänwa, jark’aqasiñanakampi, lanzanakampi nuwasiñatak wakicht’ata. ²⁵ Simeón ayllutsti, paqallqu waranqa patakani jan axsarir nuwasirinaka, nuwasiñatak suma wakicht’atänwa. ²⁶ Leví ayllutsti, pusi waranqa suxta patakani, ²⁷ Aarón wila masipatsti kimsa waranqa paqallqu patakanimpi, Joiadá irpiripamp kuna, ²⁸ Sadoc jan axsarir nuwasir waynampi, wila masinakapan pä tunka payan irpirinakapamp kuna. ²⁹ Benjamín ayllutsti, Saúl reyin pachpa ayllupa, kimsa waranqa chachanaka, uka urunakkamax jilpachanix Saúl reyimpïpxänwa. ³⁰ Efraín ayllutsti, pä tunka waranqa kimsaqallqu patakan wila masipat jan axsarir wali aytat nuwasirinaka. ³¹ Manasés ayllutsti, tunka kimsaqallquni waranqa chachanaka, khitinakatix David reyir utt’ayir sarañatak chhijllatäkatayna jupanaka. ³² Isacar ayllutsti, pachanak amuyt’ir jaqinaka, kuntix Israel markax lurañapäki uk yatirinaka, ukanakasti pä patak jilïrinakänwa, ayllupat taqi jaqinakapamppacha jupanakan apnaqata. ³³ Zabulón ayllutsti, phisqa tunka waranqa soldadonaka, Davidar yanapt’añ amtampix kunayman nuwasiñ yänakanïpxänwa. ³⁴ Neftalí ayllutsti, waranqa jilïrinaka, kimsa tunka paqallquni waranqa chachanakampi, ukanakasti lanzanakampi, jark’aqasiñanakampi wakicht’ata. ³⁵ Dan ayllutsti, pä tunka kimsaqallquni waranqa suxta patakani soldadonaka. ³⁶ Aser ayllutsti, nuwasiñatak wakicht’at pusi tunka waranqa soldadonaka. ³⁷ Jordán jawira maykatatsti, Rubén, Gad, ayllunakata, ukhamaraki Manasés ayllunkir chikat jaqinakapat patak pä tunka waranqa chachanaka, jupanakasti kunayman nuwasiñ yänakampi wakicht’atäpxänwa. ³⁸ Taqpach aka nuwasirinakasti, nuwasiñatak wakicht’ataw Hebrón markar sarantapxäna, Davidar Israel markan reyit utt’ayañ amtampi; maynïr israelitanakas uka pachpa lurañ amtapxarakïna. ³⁹ Davidampix kimsa uruw manq’asa, umasa ukawjankapxäna, jupanakan marka masinakapaw ukham wakichapxäna. ⁴⁰ Ukhamarak jak’ankir masinakapasa, Isacar, Zabulón, Neftalí jupanakas asnonakata, camellonakata, mulanakata, urqu vacanakat manq’anak apapxäna. Kunayman manq’añanak apapxäna: jak’u, higot lurat t’ant’anaka, wañachat k’isanaka, vino, aceite, urqu vacanaka, ovejanaka; taqi kunas jilarkirïnwa, Israel markansti wali kusisiñaw utjäna.

¹ Davidax soldadonakan jilïrinakaparu, capitananakaru, taqi jilïrinakaruw jiskt’äna, ² uka qhipatsti taqi Israel markaruw säna: “Aka amuyutix jumanakatak walïchi, ukat Tatit Diosat wakisirakchi ukaxa, Israel uraqpachan qhiparapki uka marka masinakasar yatiyir khithapxañäni, ukatsti taqpach sacerdotenakaru, levitanakaru, khitinakatix markanakapan awatiñ uraqinakapan jikxatasipki ukanakar jawsayaniñäni, jiwasar jaqkattañapataki, ³ ukhamat Diosasan arcap aptasinxañasataki, uka arcasti Saúl chachax reyïkan ukkhatpach armatawa” sasa. ⁴ Ukatsti taqi markpachaw “Walikiwa” sapxäna, ukhamasti uka amuyt’ax taqinitak askïnwa. ⁵ Davidax Israel markpacharuw tantacht’äna, Sihor chiqata Egipto qurpäki ukkhata Hamat chiqan mantañapkama, Tatitun arcap Quiriat-jearim chiqat aptanxañataki. ⁶ Ukatsti Davidax taqi israelitanakamp chikt’atax Quiriat-jearim chiqaruw makhatäna, uka chiqax Judá markankir Baalá satarakïnwa, ukawjat Tatitun arcap aptanxañataki. Uka arca tuqiw Tatitun sutipax art’asi, qunuñapas querubines sat chhiqhaninak taypinkiwa. ⁷ Arcsti mä machaq carretxaruw uchapxäna, ukatsti Abinadab chachan utapat apasxapxäna. Uzá, Ahió chachanakaw uka carreta apasipkäna. ⁸ Ukañkamax Davidampi taqi Israel markampix Diosan nayraqatap sarapxäna, taqi ch’amanakapamp q’ucht’asisa, thuqt’asisa, arpanakampi, salterionakampi, platillonakampi, trompetanakamp toct’asisa. ⁹ Kunapachatix Era de Quidón sat uñt’at chiqar puripkän ukkhaxa, carreta qatatipkän uka urqu vacanakaw lanktasipxäna, ukatsti Uzá chachaw arcan jan tinkuñapatak katthapïna. ¹⁰ Ukampis Tatitutakix Uzá chachan arcar llamkt’atapax janiw askïkänti, ukat Tatitux ukawjanpach jakañap apaqäna. ¹¹ Davidasti Diosan Uzá chachar jakañap apaqatapat wal mayjt’asïna, ukat uka chiqarux Peres-uzá sas sutichäna, jichhakamas uka sutinïskiwa. ¹² Ukampis Davidax uka pachpa urux Dios nayraqatan wal axsaräna, ukatsti jach’at art’äna: “¡Diosan arcapax janiw utaxar apasiñjamäkiti!” sasa. ¹³ Uka arcasti janiw Davidan Markapar apatäkänti, jan ukasti Gat chiqankir Obed-edom sat chachan utapar apañatakiw arsüna. ¹⁴ Tatitun arcapax kimsa phaxsiw Obed-edom sat chachan utapankäna, Tatitusti Obed-edom chachan wila masiparu, taqi yänakapampiruw askinakampi phuqt’äna.

¹ Tiro markankir Hiram reyix khithanak Davidan ukar jupa lanti khithäna, ukhamarus uta luririnakampi, k’ullu khithurinakampi, jupanakasti cedro lawanak reyin utap lurañatak apapxäna. ² Ukapachaw Davidax amuyäna, Tatitun Israel markxar reyit utt’ayxatapa, jupax Israel markapar munasax marka apnaqañap jiltayäna. ³ Davidax Jerusalén markan juk’amp warminakanïnwa, ukatsti walja yuqall wawanakani, walja imill wawanakanïnwa. ⁴ Jerusalén markan yurir wawanakapax akanakänwa: Samúa, Sobab, Natán, Salomón, ⁵ Ibhar, Elisúa, Elpélet, ⁶ Nógah, Néfeg, Jafía, ⁷ Elisamá, Beeliadá, Elifélet ukanaka. ⁸ Kunapachatix filisteonakax Davidar Israel markxar reyit utt’ayatätap yatipxän ukkhaxa, Davidarux taqiniw thaqtapxäna; ukampis Davidax ukham yatisax jupanakar jikxatiriw mistüna. ⁹ Ukhamasti filisteonakax Refaim qhirwa chiqnäm jutantapxäna. ¹⁰ Ukat Davidax Tatitur jiskt’äna: —¿Filisteonakarux katuntiristti? ¿Jupanakarux atipt’ayitasmati? —sasa. Tatitusti juparux sänwa: —Katuntaskakim, nayaw jupanakarux atipt’ayäma —sasa. ¹¹ Ukatsti Davidax Baal-perasim chiqaruw makhatäna, ukawjan jupanakarux atipjäna. Ukat jupax säna: “Diosax mä jalir umjam uñisirinakax taypir mantañatakix thakhi jist’ararapitu” sasa. Ukatsti Baal-perasim sasaw uka chiqarux sutichapxäna. ¹² Ukhamarus filisteonakax diosanakap apanukuwayapxäna, Davidasti ukanak ninampiw phichhantayäna. ¹³ Ukampis filisteonakax wasitat Refaim qhirwa chiqa jutantasipkakïnwa. ¹⁴ Ukhamasti Davidax mä kutimpiw Diosar jiskt’äna, Diosasti jupar sänwa: —Katuntañatakix jan nayräxat makhatamti, jan ukasti muyuntam, bálsamo sat quqanakar puripkät ukkhax qhipäxat katuntam. ¹⁵ Kunapachatix quqanak patan jaqi sarnaqirjam ist’käta ukkhaxa, katuntam, ukasti juman nayraqatam nayan saraskatax yatiyani, filisteo ejercitor jiwarayañataki —sasa. ¹⁶ Ukatsti Davidax kunjämtix Diosax jupar siskatayna ukham luräna, ukatsti filisteo ejercitorux Gabaón chiqat Guézer chiqakamaw atipjapxäna, ¹⁷ ukham luratapasti taqi uraqpachan yatisïna, Tatiturakiw ukham luraskäna taqi markanakan jupar axsarañapataki.

¹ David reyix Davidan Markapan utanak lurayäna, ukatsti Tatitun arcapatakix mä chiqawja wakicht’arakïna, mä carpa sayt’aykän ukkhana. ² Ukhamasti sänwa: “Janiw khitis levitanakat yaqhax Diosan arcap apañapäkiti, Tatituw jupanakarux arcap apañatak ajllisi, ukhamarak jupar wiñayatak luqtapxañapataki” sasa. ³ Ukspachaw Davidax taqi israelitanakar Jerusalén markan tantacht’äna, kawkharutix jupax wakicht’kän ukkhar Tatitun arcap apañataki. ⁴ Ukhamarakiw Aarón chachat saraqir wawanakaparu, levitanakarux tantacht’äna. ⁵ Quehat chachat saraqir wawanakapax pä patak pä tunkaniw tantacht’asïna: Uriel, jilïr irpiri, jupanakan wila masinakapamp kuna. ⁶ Merarí chachat saraqir wawanakapax patak pä tunkaniw tantacht’asïna: Asaías, jilïr irpiri, jupanakan wila masinakapamp kuna. ⁷ Guersón chachat saraqir wawanakapax patak kimsa tunkaniw tantacht’asïna: Joel, jilïr irpiri, jupanakan wila masinakapamp kuna. ⁸ Elisafán chachat saraqir wawanakapax pä patakaniw tantacht’asïna: Semaías, jilïr irpiri, jupanakan wila masinakapamp kuna. ⁹ Hebrón chachat saraqir wawanakapax kimsaqallq tunkaniw tantacht’asïna: Eliel, jilïr irpiri, jupanakan wila masinakapamp kuna. ¹⁰ Uziel chachat saraqir wawanakapax patak tunka payaniw tantacht’asïna: Aminadab, jilïr irpiri, jupanakan wila masinakapamp kuna. ¹¹ Ukatsti Davidax Sadoc, Abiatar sacerdotenakaru, Uriel, Asaías, Joel, Eliel, Aminadab levitanakampiruw jawsäna, ¹² jupanakarusti sänwa: “Jumanakax levitanakan wila masinak jilïrinakjamax kunatix phuqhañäki ukhamar q’umachasipxam, wila masinakamas q’umachasipxarakpan, ukhamat Israelan Tatit Diosapan arcap kawkharutix nayax wakichkta ukkhar aptanxapxañamataki; ¹³ nayrïr kutin jan q’umachasipxatam laykusti, Tatitu Diosasax jiwasanakat yaqhiparux jakañ apaqi, kunjäm lurañäkitix ukhamar jan jiskt’asitas layku” sasa. ¹⁴ Ukhamasti sacerdotenakampi, levitanakampix Israelan Tatit Diosan arcap aptanxañatakix phuqhañäki ukarjamaw q’umachasipxäna. ¹⁵ Jupanakax lawanakat lurasaw kallachinakapxar apapxäna, kunjämtix Tatitux Moisesar siskatayna ukhamarjama. ¹⁶ Davidax levitanakan jilïrinakaparux jupanak ayllunkirit q’uchurinak utt’ayañapatakiw mayirakïna, salterionakampi, arpanakampi, platillonakampi jupanakan sarapxañapataki, ukat kusisiñat wali sum toct’apxañapataki. ¹⁷ Levitanakasti Joel chachan Hemán yuqaparuw utt’ayapxäna, ukhamarak Berequías chachan Asaf yuqaparu, jupasti Hemán chachan wila masipänwa; Merarí chachat saraqir wawanakapata, nayra wila masinakapatsti, Etán, Cusaías chachan yuqaparuw utt’ayapxäna; ¹⁸ ukhamarus maynïr nayra wila masinakaparuw utt’ayapxäna, jupanakasti lurañanxa payïr tamankapxänwa: Zacarías, Jaaziel, Semiramot, Jehiel, Uní, Eliab, Benaías, Maaseías, Matatías, Elifelehu, Mecneías ukanakaru, ukatsti punku uñjirinaka: Obed-edom, Jeiel jupanakaru. ¹⁹ Hemán, Asaf, Etán sat q’uchurinakax broncet lurat platillonak toct’añatak uchatäpxänwa. ²⁰ Zacarías, Aziel, Semiramot, Jehiel, Uní, Eliab, Maaseías, Benaías jupanakax salterionakap elamitanakjamaw toct’apxäna. ²¹ Ukañkamasti Matatías, Elifelehu, Mecneías, Obed-edom, Jeiel, Azazías jupanakax arpanakap siminitanakjamaw q’uchunakan qalltap toct’apxäna. ²² Quenanías sat levitanakan irpirinakapax apnaqañatak uchatänwa, jupanakaw sum yatipxatap laykux q’uchunak sarayañatakix uchatäpxäna. ²³ Arca uñjirinakasti, Berequías, Elcaná jupanakänwa. ²⁴ Sebanías, Josafat, Natanael, Amasai, Zacarías, Benaías, Eliézer sacerdotenakax Diosan arcap nayraqatan pututunak phust’irinakänwa. Obed-edom, Jehías jupanakax arca uñjirïpxarakïnwa. ²⁵ Ukhamasti Davidampi, Israelan chuyman awkinakampi, soldadonakan jilïrinakapampix kusisitaw Tatitun arust’äwi arcap Obed-edom chachan utapat aptir sarapxäna. ²⁶ Diosax levitanakaru arca apañ yanapatapatxa, jupanakax paqallq vaca qallunaka, paqallq urqu ovejanak wilañcha luqtapxäna. ²⁷ Davidasa, arca apapkän uka levitanakasa, q’uchurinakasa, arca apañ sarayir Quenanías sat chachas lino isimpi isthapitaw sarapxäna; ukhamarus Davidax linot lurat efod isimpi uskt’atänwa. ²⁸ Taqpach Israel markaw Tatitun arust’äwi arcap ukham apapxäna, kusisiñatsa wali jach’at arnaqasisa, ukhamarak pututunaka, trompetanaka, platillonaka, salterionaka, arpanak toct’asisa. ²⁹ Kunapachatix Tatitun arust’äwi arcap Jerusalén markar puriyapkän ukkhasti, Saúl chachan Mical sat phuchhapax reyi uta ventanaruw jak’achasïna; ukatsti David reyir wali k’uchik thuqhuskir uñjasax chuymapan wal jupar jisk’achäna.

¹ Tatitun arcapasti, Davidax uka amtampi lurkatayna uka chhujllar uchatänwa. Ukspachaw Dios nayraqatan nakt’at luqtäwinaka, sumankañ wilañchanak luqtäna, ² kunapachatix Davidax waxt’äwinak luqtañ tukt’ayxän ukkhasti, Tatitun sutipxaruw markatakix aski arunak arsüna, ³ ukatsti taqi israelitanakaru, chachanakaru, warminakarux mä t’ant’ampi, palmera alin achupat lurat muxsa t’ant’ampi, waña uvat lurat t’ant’amp churäna. ⁴ Davidasti levitanak taypit Tatitun arcap nayraqatan luqtapxañapatakiw utt’ayäna, jupanakarusti Israelan Diosapar luqtañataki, yuspagarañapataki, jach’anchañapatakiw uchäna. ⁵ Jilïri irpirix Asaf chachänwa, jupxarusti Zacarías chacharakïnwa; uka qhipatsti Jeiel, Semiramot, Jehiel, Matatías, Eliab, Benaías, Obed-edom, Jeiel jupanakänwa, jupanakansti toct’añ yänakapa, salterionakapa, arpanakapaw utjäna. Asaf chachax platillonak toct’irïnwa, ⁶ Benaías, Jahaziel sacerdotenakasti, Diosan arust’äwi arcap nayraqatan trompetanak phust’apxäna. ⁷ Davidax uka pachpa uruw Asaf chachampiru, masinakapampirux nayrïr kuti yatiyäna, jupanakax Tatitur akham yuspagarañapataki: ⁸ “¡Tatitur yuspagarapxam! ¡Jupan sutip arsupxam! Luratanakapat markanakar yatiyapxam. ⁹ Jupar jach’añchas q’uchupxam. ¡Jach’a luräwinakapat arsupxam! ¹⁰ “Qullan sutipat jach’achasipxam. ¡Tatitur thaqhir chuymanakax kusispan! ¹¹ Tatituru, ch’amapampir thaqtapxam, Tatiturux taqi pachan thaqtapxam. ¹² Muspharkañ jach’a luräwinakapat amtasipxam, kamachi arunak arsutapampita; ¹³ Israel luqtiripat saraqir wawanaka, jupan chhijllat Jacobun wawanakapa, ¹⁴ “Jupaw jiwasan Tatit Diosasaxa; ¡jupaw taqi uraqpach apnaqi! ¹⁵ Waranqa wawanakan wawanakapasay mäkipaskpan, arust’äwipan arsutanakapax janiw armatäkaniti, ¹⁶ Abrahamampi arust’äwi luratasa, Isaacampi juramento luratasa, ¹⁷ Jacobutaki kamachjam utt’ayäna, Israelatakis wiñay arust’äwïñapataki, ¹⁸ kunapachatix siskäna: ‘Nayax Canaán uraqi churäma jumar wakt’ir churäwimjam katuyxäma’ sasa. ¹⁹ “Jupanakax juk’anikïpkchïn ukasa, yaqha markankir jaqinakäpkchïn ukasa, ²⁰ markat marka muyupkchïn ukasa, reyin apnaqat markat marka sarnaqapkchïn ukasa, ²¹ Diosax janiw khitin t’aqhisiyañapsa munkänti; reyinakarus akham sasaw iwxt’äna: ²² ‘Ajllitanakaxarux jan llamkt’apxamti, profetanakaxarus janirak t’aqhisiyapxamti’ sasa. ²³ “Aka uraqin jakirinaka, Tatitur q’uchupxam; qhispiyasiñapatsti sapürurak yatiyapxam. ²⁴ Aytat kankañapat markanakar yatiyapxam, muspharkañ luräwinakapat taqi jaqinakar parlapxam, ²⁵ Tatitux taqi ch’amaniwa, yupaychatäñapax wakisipuniwa, ¡taqi diosanakat sipansa wali axsarkayawa! ²⁶ Yaqha markanakan diosanakapax janiw kunäkisa, ukampis Tatitux alaxpach luririwa. ²⁷ ¡Aytat kankañampi, lliphipkir qhanampiw nayraqatapanki! ¡Ch’amampi, muspharkay kankañampiw qullan utapanki! ²⁸ “Taqi markankir jaqinaka, Tatitur jach’añchapxam, ch’amsa, jach’a kankañsa Tatitur luqtapxam; ²⁹ Tatitun qhapaq sutip waqaychapxam; qullan uta anqäxaparux luqtanakampi mantapxam, muspharkañ qullan utapan Tatitur yupaychapxam. ³⁰ ¡Taqi jaqinakax jupa nayraqatan khathatpan! Tatituw aka uraqi jan unxtañapatak utt’ayi. ³¹ ¡Alaxpachasa, akapachasa kusisipxpan! ‘Markanakax arsupxpan: ¡Tatituw reyisaxa!’ sasa. ³² ¡Lamar qutas qhuthutpan, ukan utjirinakas kusisipxpan! ¡Pampanakasa, kunatix ukan utjki ukanakas kusisipxpan! ³³ ¡Ch’uminkir quqanakas Tatitun nayraqatapan kusisiñat art’asipxpan, jupax akapach apnaqiriw juti! ³⁴ “Tatitur yuspagarapxam, jupax aski sumawa, munasiñapax wiñayatakiwa. ³⁵ Sapxamaya: ¡Tatit Diosaxay, qhispiyapxakitaya! ¡Markanak taypit irpthapxapxita, qhispiyapxarakita, qullan sutim yupaychapxañaxataki, kusisit jumar yupaychapxañaxataki! ³⁶ ¡Israelan Tatit Diosapax qullanäpan wiñayan wiñayapataki!” Ukatsti taqi markpachaw säna: “Ukhamäpan” sasa, ukatsti Tatituruw yupaychäna. ³⁷ Ukhamaw David reyix Tatitun arust’äwi arcap nayraqatar Asaf chachampiru, masinakapampirux jaytäna, jupanakax sapüru wakisitarjam jan inakt’as luqtapxañapataki. ³⁸ Punku uñjirinakasti Obed-edom, Hosá jupanakänwa, jupamp chikasti Jedutún chachan yuqapa, jupasti Obed-edom satarakïnwa, ukatsti suxta tunka kimsaqallqun masinakapampi. ³⁹ Sadoc chachampiru masinakapampirusti Tatitun chhujllap nayraqataruw jaytäna, Gabaón chiqankir qullan chiqaru, ⁴⁰ jupanakan sapüru nakt’ayañ altarxan waxt’äwinak Tatitur luqtapxañapataki, willjtasa, jayp’usa kunjämatix Tatitun kamachipan qillqatäki ukhamaru, juparakiw uka kamachir phuqhañatakix Israel markar jaytäna. ⁴¹ Jupanakamp chikasti Hemán, Jedutún jupanakaruw jaytarakïna, maynïr ajllitanakarux sutitkam q’uchuñatak utt’ayatänwa: “Tatitur yuspagarapxam, munasiñapax wiñayatakiwa” sasa. ⁴² Jupanakax trompetanakampi, platillonakampi, yaqha toct’añ yänakampiw Diosar q’uchupxäna. Jedutún chachan yuqanakapasti punku uñjañatak uchatänwa. ⁴³ Uka qhipatsti taqiniw utanakapar kutt’xapxäna, ukhamarakiw David reyix utapar kutt’xäna, wila masipar askinak churañataki.

¹ Kunapachatix Davidax reyi utapankxän ukkhaxa, Natán profetaruw säna: —Uñjita, nayax cedro lawat lurat reyi utan utjasta, ukampis Tatitun arust’äwi arcapasti mä chhujllar uchatakiwa —sasa. ² Natán profetasti sänwa: —Ukhamax kuntix amtkta uk luraskakim, Diosaw jumarux yanapaskätam —sasa. ³ Ukampis uka arumpachaw Tatitux Natán profetarux säna: ⁴ “Saram, ukatsti David luqtirixamp parlanim, naya, Tatituw sista: ‘Janiw jumäktati nayan jakasiñaxatak uta luririxa. ⁵ Kunürutix nayax Israel markar Egiptot apsunkta ukkhat jichhakamax janiw nayax utanakan jakkti, jan ukasti ukkhan akkhan mä chhujllanak jakasta. ⁶ Jupanakamp sarnaqkäyät ukkhasti, janipuniw jilïrinakamar maykti, kawkïr irpirinakarutix markaxar apaqañapatak uchkäyät jupanakarux cedro lawat mä uta lurarapit sasaxa.’ ⁷ Ukhamasti, David luqtirixarux akham yatiyam, naya taqi ch’aman Tatituw sista: ‘Nayaw jumarux oveja uyut irpsunsma, oveja taman qhipap sarnaqkirit katsma, ukhamat Israel markaxan irpiripäñamataki; ⁸ kawkhantix jumax sarnaqkäyät ukkhanxa, nayaw jumampïskäyäta, uñisirinakamar tukjasa, jach’ar aptasa, kunjämatix aka uraqin aytat jaqinakax aptatäki ukhama. ⁹ Ukhamarus Israel markaxatakix mä chiq wakichta, ukawjaruw utt’ayta uraqipan jakasiñapataki, jupanakarux jan khitis kun kamsañapataki, janiraki jan wali jaqinakas nayrjam t’aqhisiyañapataki, ¹⁰ kunapachatix Israel markaxar irpirinak uchkäyät ukkhaxa. Nayaw uñisirinakamarux jisk’ar tukuyä. Ukatsti walja wawanakanïñam yatiyaraksma, ¹¹ kunapachatix jumax jiwxäta ukkhasti, nayax mayni jumat saraqir wawamaruw marka apnaqañapatak utt’ayä. ¹² Jupaw nayatakix mä uta lurayarapitani, marka apnaqañapsti wiñayatakiw sayt’ayä. ¹³ Nayaw jupan awkipäyä, jupasti nayan wawaxäniwa. Nayan khuyapayasiñaxax janiw jupat jithiqtkaniti, kunjämatix jumat nayra marka apnaqirimpi lurkta ukhamxa, ¹⁴ jan ukasti wiñayatakiw sayt’ayä utaxansa, markaxan apnaqäwipansa. Jupan qunuñapasti wiñayatak utt’ayatäniwa’ ” sasa. ¹⁵ Natán profetasti Davidarux kuntix uñjkatayna, ist’karakitayna uk yatiyäna. ¹⁶ Ukhamasti David reyix Tatitun nayraqataparuw parlañatak mantäna, ukatsti sänwa: “Dios Tatay, ¿khitirakït nayasti, kuna askirak wila masixasti nayar ukham uñjañamatakisti? ¹⁷ ¡Dios Tatay, jumatakix akax janiw kunäkisa, ukampis luqtiriman wawanakapan jutir urunakan marka apnaqañapatakiw arstaxa, nayarusti aytat jaqïkirista ukham uñjistaxa! ¹⁸ ¿Naya luqtirimar jach’ar aptatamatsti kamsarakirismasti? Jumax luqtirimarux sum uñt’taxa. ¹⁹ Tatay, luqtirimar munasaw aka jach’a muspharkañanak lurtaxa, ukhamarak jupar uñacht’ayañataki. ²⁰ Tatay, janiw khitis jumjamax utjkiti, janirakiw yaqha diosax jumat juk’ampix utjkiti, kunjämatix nanakax ist’apkta ukhama. ²¹ Israel markamjamasti, ¡janiw yaqha markax utjkiti, aka uraqinsti uka markakiwa! Jumax Tatay, markamäñapatakiw qhispiytaxa, ukatsti muspharkañanak lurasaw taqinimp uñt’ayastaxa. Egipto markat irpsunkta uka markaman nayraqatapat jumaw yaqha markanakar jaqunuktaxa, jumax markamarux Egipto markatsa kutsuyastawa, ukhamarak maynïr markanakatsa, ²² Israel markar wiñay markamäñapatak katxarta uka layku, Tatay, jumarakiw markaman Diosapäyätaxa. ²³ “Ukhamasti Tatay, kuntix luqtirimaru, wawanakaparus arskta ukax wiñayatak phuqhaspan. ²⁴ ¡Juman arsutamax phuqhasipunpan, sutimasti wiñayatak jach’añchatäpan, ukatsti Israel markan Tatitu Diosapax taqi ch’amaniw satarakïpan, chiqpachansa jupaw Israel markan Diosapaxa! ¡David luqtiriman wawanakapan marka apnaqañapax juman yanapamampix sum sayt’pan! ²⁵ Diosaxay, jumaw jutir wawanakaxan marka apnaqañap yatiyista; ukat nayax luqtirimäkasas jumar achikt’asïma. ²⁶ Jumaw Tatitu Diosätaxa, ukatsti luqtirimarux wali munasiñampiw arstaxa, ²⁷ jumaw naya luqtiriman wila masinakaxar jach’añchtaxa, juman yanapamampi wiñayatak sayt’añapataki. Juma Tatituw jach’ar tukuytaxa, ukatsti wiñayatak jach’añchatäniwa” sasa.

¹ Uka qhipatsti, Davidax filisteonakaruw atipt’äna, jupanakarux munañaparuw apnaqäna, ukatsti Gat marksa, jisk’a markanakapamppach aparäna. ² Moabitanakarus atipjänwa, jupanakax ukhamaw Davidan apnaqat uñjasipxäna, qullqsa juparuw churapxarakïna. ³ Davidax Hamat chiqana, Sobá markankir Hadad-ézer reyiruw atipjäna, kunapachatix jupax Éufrates jawir uraqinak katuntasir sarkatayna ukapacha. ⁴ Jupanakatsti, Davidax waranqa nuwasiñ carronak katuntasïna, paqallq waranqa caballería soldadonaka, pä tunka waranqa kayuk sarantir soldadonak katuräna; ukhamarus nuwasiñ carronakankir caballonakapan kayunakap p’akiräna, ukampis kawkïr caballonakatix patak carrotakjamäki ukanakak jan kamachkänsa. ⁵ Ukatsti Damasco markat Siriankir soldadonakaw purinipxäna, Sobá chiqankir Hadad-ézer reyir yanapt’iri, ukampis Davidax sirionakarux atipjänwa, pä tunka payan waranqa jaqinak jiwarayäna. ⁶ Ukspachaw Davidax Siriankir Damasco markarux uñjir soldadonak uchäna, sirio jaqinakasti ukham apnaqat uñjasisax Davidaruw qullqi irsuñäki uk churapxäna. Tatitux ukham Davidarux atipjayäna, kawkharutix jupax sarkän ukkhana. ⁷ Uka qhipatsti Davidax Hadad-ézer reyin soldadonakapan qurit lurat jark’aqasiñanakap katuntasïna, ukat Jerusalenaruw apxäna. ⁸ Ukhamarakiw Hadad-ézer reyin Tibhat, Cun markanakapan broncenakap katuntasïna. Salomonax uka broncempiw Tatitun utapatak uma uchaña, uta pirqa katxäsirinaka, yaqha yänakamp lurayäna. ⁹ Kunapachatix Hamat chiqankir Toi sat reyix Davidan Sobá chiqankir Hadad-ézer reyin ejercitopar atipjatap yatïna ukkhaxa, ¹⁰ Adoram sat yuqaparuw khithäna, qurita, qullqita lurat yänakampi David reyir aruntiri, jallallt’iri, Hadad reyimpi nuwasis atipjatapata, Toi reyisa jupampix nuwasiñankarakitaynawa. ¹¹ Davidasti taqi uka yänak Tatituruw luqtäna, Edom, Moab, amonita, filisteo, amalecita markanakat quri, qullqi aparkatayna ukanakamppacha. ¹² Ukhamarus Abisai, Seruiá chachan yuqapax tunka kimsaqallqun waranqa edomitanakaruw Jayu qhirwa sat chiqan atipjäna. ¹³ Ukspachaw Davidax Edom markan soldado tamanak uchäna, ukatsti taqi edomitanakaw jupan apnaqat uñjasïna, Tatitusti kawkharutix jupax sarkän ukkhan atipt’ayäna. ¹⁴ Davidasti taqpach Israel marka apnaqäna, chiqapar uñjasa, markaparux sumar uñjasa. ¹⁵ Ejerciton jilïripax Joab chachänwa, jupax Seruiá chachan yuqapänwa; Josafat, jupax Ahilud chachan yuqapänwa, jupasti reyin qillqiripänwa. ¹⁶ Sadoc, jupax Ahitub chachan yuqapänwa, Ahimélec, jupax Abiatar chachan yuqapänwa, jupanakax sacerdotëpxänwa; Savsá chachax qillqirïnwa, ¹⁷ ukatsti Benaías, jupax Joiadá chachan yuqapänwa, quereteo, peleteo uñjirinakan jilïripänwa. David reyin wawanakapasti jupan wakiskir yanapirinakapänwa.

¹ Uka qhipatsti amonitanakan Nahas reyipax jiwxänwa, jupa lantisti yuqapaw reyïxäna. ² Ukhamasti Davidax Hanún chacharuw khuyapt’ayañ amtäna, awkipax juparux munasiñampiw uñjatayna, ukatsti mä qawqha jaqinakap khithäna, awkipan jiwxatapat Hanún sat chachar chuymacht’iri. Kunapachatix Davidan jaqinakapax amonitanakan uraqipar puripxän ukkhaxa, ³ amonitanakan jilïrinakapax Hanún reyirux sapxänwa: “¿Davidax uka jaqinakapar juma Jach’a reyir chuymacht’iripunit khithanpacha? ¡Janiwa! ¡Chiqpachansa markar uñakipiri, yatxatiri, uñaqirikiw jutapxpachaxa!” sasa. ⁴ Ukatsti Hanún reyix Davidan jaqinakaparuw katurayäna, ukatsti sunkhanakap khithurayäna, isinakapsa jikhanit aynach tuqirux q’al ch’iyanuqayäna. Ukat khithanukxäna. ⁵ Kunapachatix Davidar kunatix khä chachanakampi luraskatayna uk yatiyapxäna ukkhaxa, katuqayiriw khithäna, jupanakan mä p’inqa uñjasipxatap layku, jupanakarux Jericó markaruw qhiparayäna, sunkhanakap jilantayasiñapkama, ukat kuttxapxañapataki. ⁶ Amonitanakax Davidan phiñasitap amuyapxäna, ukat Hanún reyimpi, amonitanakampix sirionakar kimsa tunka kimsani tonelada qullqi apayapxäna, Mesopotamia, Siria, Maacá, Sobá markanakat nuwasiñ carronak apayaniñataki, ⁷ ukatsti kimsa tunka payan waranq nuwasiñ carronak uka qullqimpix mink’apxäna, ukhamarak Maacá chiqankir reyiparusa ejercitoparusa. Jupanakasti Medebá uñkatasiruw utjnuqtapxäna. Ukhamarus amonitanakax markanakapat mistunisax nuwasiñatakiw tantacht’asipxäna. ⁸ Ukampis Davidax yatïnwa, ukat Joab chachampiru, soldadonakapampirux khithäna. ⁹ Amonitanakasti sarasax pachpa marka mantañawjan nuwasiñatakix wakichasipxäna. Kawkïr reyinakatix jutapkatayna ukanakax pamparuw qhiparapxäna. ¹⁰ Kunapachatix Joab chachax nayräx tuqita, qhipäx tuqit katuntatäñapäkän ukkhaxa, israelitanak taypit suma nuwasir soldadonak ajllïna, ukatsti sirio jaqinakar katuntañatakiw wakicht’asipxäna. ¹¹ Ukatsti, amonitanakar katuntañatakix Abisai jilaparuw maynïr tamanak katuyäna, ¹² juparusti sänwa: “Sirio jaqinakatix nayar atipjirjamäni ukkhaxa, jumaw nayar yanapirix jutäta, amonita jaqinakatix jumar atipjirjamäni ukkhasti, nayaw jumar yanapt’irix jutä. ¹³ Markas laykux ch’amañchasim, Diosasan markanakap laykux ch’amamp nuwasiñäni. ¡Tatitusax kunjämtix munki ukham lurpan!” sasa. ¹⁴ Joab chachasti soldado tamanakapampix sirio jaqinakar katuntiriw saräna, ukampis jupanakax jaltxapxänwa. ¹⁵ Ukatsti kunapachatix amonitanakax sirio jaqinakar jaltxapxir uñjapxän ukkhaxa, jupanakax Abisai chachat jaltxapxarakïnwa, jupax Joab chachan jilapa, ukatsti markaruw imantasxapxäna. Ukhamasti Joab chachax Jerusalenaruw kutt’anxäna. ¹⁶ Kunapachatix sirio jaqinakax israelitanakampi atipjat amuyasipxän ukkhaxa, khithanak khithapxäna, Éufrates jawira maykatankapkän uka sirio jaqinakan jutapxañapataki. Jupanak uñkatasinsti Sofac sat Hadad-ézer ejercitopan jilïripaw ukankaskäna. ¹⁷ Ukampis taqi ukanak Davidarux yatiyapxäna, jupasti israelitanakar anthapisax Jordán jawir makhatapxäna, sarantasinsti jupanakar katuntañatakiw wakintayasipxäna. Davidasti sirio jaqinakamp nuwasiñatakix tamanakap wakt’ayäna, ukat jupanakax nuwasipxäna, ¹⁸ ukampis sirio jaqinakax israelitanakat jaltxapxänwa, Davidasti pusi tunka waranqa kayuk sarantir soldadonak jiwarayäna, nuwasiñ carronakatsti paqallq waranqa soldadonak jiwarayarakïna; ukhamarus Davidax Sofac sat sirio ejerciton jilïrip jiwayäna. ¹⁹ Hadad-ézer chachan arxatirinakapax israelitanakampi atipjat uñjasisax Davidampiw sumar mantapxäna, ukatsti jupan munañapar apnaqatäpxarakïnwa. Uka urutsti, sirio jaqinakax janiw amonita jaqinakarux wasitat yanapañ munkxapxänti.

¹ Reyinakax phanchhir urunakan nuwasirix mistupxirïna, Joab chachax soldadonakap sarañatak wakicht’äna, ukatsti amonitanakarux q’alpun tukjäna. Ukatsti Rabá markar sarasaw muyuntäna, katuntasinsti q’alpun tukjäna. Ukañkamasti Davidax Jerusalén markaruw qhiparäna. ² Uka qhipatsti Davidax Rabá markankir reyin quri pillup p’iqipat asaqäna, uka pillux suma lliphipkir qalanakanïnwa, kimsa tunka kimsan kilorakiw tupt’asïna; ukatsti Davidaruw ukampix asxatapxäna. Davidax uka markat walja jila alani yänakampi apsunirakïna, ³ uka markan jilt’ir jaqinakarusti, marka anqäxar irpsusax serruchonakampi, rastrillonakampi, hachanakampiw irnaqayäna. Davidasti amonita jaqinakarux uka kipkarak lurayäna, uka qhipatsti tamanakapampix Jerusalén markaruw kutt’anxäna. ⁴ Uka qhipatsti, Guézer chiqan filisteonakampix mä nuwasïwiw utjäna. Uka urusti, Husá chiqankir Sibecai jaqiw Sipai chacharux jiwt’ayäna, ukhamat jisk’ar tukuyasa, jupax jach’a tansa jaqinakat saraqirin wawapänwa. ⁵ Filisteonakampi yaqha nuwasiñax utjkän ukkhaxa, Jaír chachan Elhanán yuqapax Lahmí chacharuw jiwt’ayäna, jupasti Gat chiqankir Goliat chachan jilapänwa, lanzapan lawapax mä telaran lawapjam wali jach’änwa. ⁶ Gat chiqansti yaqha nuwasïwiw utjäna. Ukansti mä jach’a tansa jaqiw utjäna, pä tunka pusin luk’anani: sapa amparan suxta luk’anani, sapa kayunsti suxta luk’anani. Uka jaqix jach’a tansa jaqinakat saraqir wawaparakïnwa, ⁷ ukampis Israel markatakiw sayt’asïna, ukatsti juparux Simá chachan Jonatán yuqapaw jiwayäna, Davidan jilaparu. ⁸ Uka jach’a tansa jaqinakax Gat chiqankir Refá chachat saraqir wawanakapänwa, ukampis Davidana, jilïrinakapan jiwarayataw uñjasipxäna.

¹ Supayax israelitanakatakiw sayt’asïna, ukaw Davidarux Israel markan jaqinakar jakthapiñ amtayäna. ² Ukhamasti Davidax Joab chacharu, markan jilïrinakaparux sänwa: —Sarapxam, ukatsti Israel markar jakthapinipxam, Beerseba chiqata qalltasina Dan chiqakama, jakthapisasti nayar yatiyapxita, qawqhanïkitix jaqix uk yatiñataki —sasa. ³ Ukampis Joab chachax sänwa: —Tatitusti markaparux pataka mä ukkhamp jilxataypan; ¿janit taqpach jupanakasti juma Jach’a Reyin luqtirinakapäkisti? ¿Kunatarak juma Jach’a Reyisti uk mayïtasti? ¿Kunatarak Israel markasti ukham juchañchasinisti? —sasa. ⁴ Ukampis reyin arsutapax Joab chachan arupat sipansa juk’amp yäqatänwa, ukhamasti Joab chachax Israel markpach muytäna, ukat Jerusalén markarux kutt’xäna. ⁵ Joab chachax Israel markar jakthapkän uk Davidarux yatiyäna, Israel markansti waranqan waranqapa patak waranqa nuwasir jaqinakaw utjatayna, Judá uraqinsti pusi pataka paqallq tunka waranqa jaqinakaraki. ⁶ Ukampis Leví, Benjamín ayllunakat janiw jakthapitäkänti, Joab chachatakix reyin ukham amtatapax janiw sumäkänti. ⁷ Tatitutakix taqi uka luratax janiw askïkänti, ukat Israel markarux mutuyäna. ⁸ Ukatsti Davidax Diosarux akham sänwa: —Nayax ukham lurasax wali jach’a juch lurta. Ukampis jichhax aka luqtiriman juchanakap pampacht’amaya, nayasti mä jan wali amuyt’an jaqjamaw lurta —sasa. ⁹ Ukhamasti Tatitux Davidan Gad amuyt’ayiriparux sänwa: ¹⁰ “Davidan ukar saram, ukatsti naya tuqit kimsa amtäwi jupampi lurañ munataxat yatiyanim, ukat kuntix jupax munki nayan lurañax uk ajllispan” sasa. ¹¹ Gad chachax Davidan ukaruw saräna, ukatsti sänwa: —Tatitux akham siwa: “Aka kimsa mutuyäwit may ajllisim: ¹² kimsa mara mach’äñapa, kimsa phaxsi uñisirinakaman espadampi arknaqatäñata, jan ukax Tatitun espadap tuqi kimsa uru aka uraqin jach’a usumpi tukjatäñapa, Tatitun angelapampi Israel uraqpachan jan walt’añanak utjayasa. Jichhax jumax ajllisim, khititix khithankitu ukar yatiyxañataki” —sasa. ¹³ Davidasti Gad chacharux sänwa: —Jichhax jan walt’añan jikxatasta. Ukhamasti wakisispaw Tatitun amparapar katuyasxañaxaxa, jupan khuyapayasiñapasti wali jach’awa, janiw jaqinakan amparaparux puriñ munkti —sasa. ¹⁴ Ukhamasti Tatitux Israel markarux mä jach’a usu apayanïna, ukatsti paqallq tunka waranq israelita jaqinakaw jiwaräna. ¹⁵ Tatitusti mä angelap Jerusalenar tukjañatak khithanïna. Ukampis kunapachatix angelax tukjaskän ukkhaxa, Tatitux uk uñjasax uka luratapat amtasïna, ukatsti tukjkän uka angelaruw säna: “¡Ukkhakamaki, jan juk’amp lurkxamti!” sasa. Ukapachasti, Tatitun angelapax jebuseo Ornán chachax trigo jawq’askän uka chiqan jikxatasïna. ¹⁶ Davidasti uñtasax Tatitun angelaparuw uñji, alaxpachampi aka uraqimpi taypin sayt’atäskänwa, amparapankkän uka espadampisti Jerusalén marka tuqiruw aytäna. Ukhamasti Davidampi jilïr awkinakampix chhankha isimpi isthapitax ajanunakapsa uraqir puriyañkamaw alt’apxäna, ¹⁷ ukatsti Davidax Diosaruw säna: —¡Nayaw aka markarux jakthapiyta! ¡Nayaw jan wali lurasax juchachasta! Ukampis ¿kuna juchanirak aka jaqinakasti? Tatay, Diosaxay mutuyäwimax nayxaru, wila masix taypir jutpan, ukampis markamarux janikiy mutuyxamti —sasa. ¹⁸ Ukhamasti Tatitun angelapax Gad chacharuw säna: Davidax Tatitutak mä altar sayt’aypan, kawkhantix jebuseo Ornán chachax trigo jawq’kän uka chiqaru, sasa. ¹⁹ Ukhamasti Davidax kuntix Gad chachax siskän uk Tatitun sutipxar luriri saräna. ²⁰ Ornán chachasti trigo jawq’askäna, qhipäxar uñtasinsti angelaruw uñji, ukampis jupampïkän uka pusi wawanakapax imantasiriw jaltxapxatayna. ²¹ Kunapachatix Davidax Ornán chachar jak’achasïna ukkhaxa, jupax Davidar uñjasin trigo jawq’añawjat mistunïna, ukatsti Davidan nayraqatapan alt’asïna; ²² Davidasti Ornán chacharux sänwa: —Trigo jawq’aña uraqim aljita, ukawjar Tatitutak mä altar lurañataki. Alapax qawqhäkitix ukhamar aljita, ukhamat aka mutuyäwix markat saraqxañapataki —sasa. ²³ Ornán chachax sänwa: —Jach’a munañan rey, katusxam, kunjämtix munkta ukham luraskakim. Nayaw urqu vacanak nakt’äwitak churäma, jawq’añ lawanakxa phäñataki, trigo achusti waxt’äwitaki, ¡Jach’a munañan rey, taqi ukanak churäma! —sasa. ²⁴ Ukampis David reyix sänwa: —Yuspagarsmawa, ukampis qawqhäkitix alapax ukkhampi alañaxawa, Tatitur nakt’äwi luqtañatakix janiw inak apaqkämati —sasa. ²⁵ Ukhamaw Davidax Ornán chachar uka uraqin alap qurit lurat suxta patak qullqinak churäna, ²⁶ ukatsti ukawjan Tatitutakix mä altar luräna, ukatsti nakt’äwinaka, sumankañ wilañchanak luqtäna. Ukat ukspachaw Tatitur art’äna, Tatitusti alaxpachatpach altärxarux nina apayanïna. ²⁷ Ukhamasti Tatitux angelar espadap imasxañapatakiw mayïna. ²⁸ Uka urunakansti, Davidax kawkhantix Ornán chachax trigo jawq’askän uka chiqan Tatitun ist’atap yatisax wilañchanak luqtäna. ²⁹ Moisesax Gabaón wasaran Tatitun chhujllapa, nakt’ayañ altar lurkchïna ukasa, ³⁰ Davidax janiw uka chiqar Diosar jiskt’asirix sarirjamäkänti, Tatitun angelapar espadan uñjasax wal axsaräna.

¹ Ukat Davidax säna: “Tatit Diosan utapasa, Israel markan nakt’ayañ altarapas akawjankaniwa” sasa. ² Uka qhipatsti, Davidax Israel markan jakapkäna uka yaqha markankirinakaruw tantachayäna, ukatsti Tatitun utap lurañatakix qalanak k’uthapxañapatakiw utt’ayäna. ³ Ukhamarus punkunakan clavonakapataki, punku muyurinakatakix walja hierronak wakicht’äna; ukhamarak walja broncenakampi, ⁴ jan jakt’kay cedro lawamp kuna, Sidón, Tiro chiqankir jaqinakaw uka cedro lawanak apanipxatayna. ⁵ Davidasti akham amuyäna: “Salomón wawaxax jisk’äskiwa, Tatitutak luraskani uka utasti wali jach’äñapawa, taqi markanakansa wali uñt’ata, jiwakiraki; ukhamasti taqi kunsa suma wakicht’at jaytañaxaw wakisi” sasa. Ukat Davidax janïr jiwkasax taqi kunsa wakicht’äna. ⁶ Ukspachaw Davidax Salomón yuqapar jawsayäna, juparux Israelankir Tatit Diosapatakix mä uta lurayañapatakiw iwxt’äna, ⁷ akham sasa: “Munat wawaxay, nayax Tatit Diosaxatakix mä uta lurañ amtäyäta. ⁸ Ukampis Tatitux situwa: ‘Juman walja wila wartatama, walja nuwasiñanakan nuwasitam uñjta; ukat jumax janiw Tatitutak uta lurkätati. ⁹ Ukampis jumax mä yuqall wawanïyätawa, jupasti sumankayir jaqïniwa; ukhamarus nayaw uñisirinakaparux taqi chiqansa sumankañan sarnaqayañapatakix tukt’ayä. Sutipax Salomón satäniwa. Israel markarux pachaparuw samaraña, sumankaña churäxa. ¹⁰ Jupaw nayatakix mä uta lurarapitani. Jupax nayan wawaxäniwa, nayasti jupan awkipäyäwa, Israelan marka apnaqañapsti wiñayatakiw utt’ayarakï’ sasa. ¹¹ Jichhasti wawaxay, Tatitux jumampïpan Tatit Diosamatak uta lurañamataki, kunjämtix jupax juman lurañamataki arski ukhamaru. ¹² Tatitux ch’ikhi kankaña, yatiñ kankañ jumarux churpan, kunapachatix jumarux Israel markar apnaqañ katuykätam ukkhax Tatit Diosaman kamachip phuqhañamataki. ¹³ Jumatakix taqi kunas askiruw mistuni, jumatix Tatitun kamachinakap Moisés tuqi Israel markar arsuwayki uk phuqhäta ukkhaxa. ¡Ch’amampi qamasampi sayt’asim; jan mayjt’asimti, janirak axsaramti! ¹⁴ Uñjam, nayax wali ch’ama tukusaw Tatitun utap lurañatakix wakichta, kimsa waranqa kimsa patakani tonelada qurinaka, kimsa tunka kimsani waranqa tonelada qullqinaka, jan jakt’kaya broncenaka, jan tupt’kay hierronak wakt’ayta. Ukhamarakiw lawanaka, qalanak wakicharakta, jumaw ukxarux juk’amp yapt’arakïta. ¹⁵ Ukhamarus jumatakix walja irnaqirinak ucharakta, qala k’uthirinaka, uta luririnaka, k’ullu khithurinaka, jan jakt’kay kunayman lurir jaqinaka, qurita, qullqita, bronceta, hierrot luririnaka. Ukhamasti, ¡luram, Tatituw jumarux yanapaskätam!” sasa. ¹⁷ Ukspachaw Davidax Israelan taqi irpirinakaparux Salomonan yuqapar yanapapxañapatak säna: ¹⁸ “Tatit Diosamaw jumanakampïskäna, jupaw taqi chiqan sumankañ churapxtam, juparakiw aka markankir jaqinakarux amparaxar katuyitu, jichhasti jupanakax Tatituru, markaparu katuyatawa. ¹⁹ Ukhamasti, jichhax taqi chuyma Tatit Diosamar thaqtapxam. Tatit Diosan Qullan utap lurañatakix wakicht’asipxam, Tatitun Arust’äwi arcapa, qullan yänakap Diosan utap luratäkani ukar uchañataki” sasa.

¹ Davidasti niya wali chuymanïxasax Salomón yuqaparuw Israel markan reyïñapatakix utt’ayäna, ² ukatsti Israelankir taqi irpirinakaru, sacerdotenakaru, levitanakaruw tantacht’äna. ³ Ukhamasti levitanakarux kimsa tunka maranit amstaruw jakthapïna, taqpachanix kimsa tunka kimsaqallqun waranqa levita chachanakaw utjäna. ⁴ Jupanakatsti, pä tunka pusin waranqa levitanakax Tatitun utap lurañ sarayapxañapatak utt’ayatänwa, suxta waranqa jilïrinaka, ukhamarak taripirinaka, ⁵ ukxarusti pusi waranqa levita chachanakasti punku uñjiritaki, ukatsti pusi waranqax kunjämatix Davidax amtkäna ukhamarux toct’añ yänakampi Tatitur yupaychañatak utt’ayatäpxänwa. ⁶ Davidasti jupanakarux tam tama jalanuqäna, Leví chachan qawqha wawanakapatix utjkäna ukhamaru: Guersón, Quehat, Merarí jupanakaru. ⁷ Guersón chachan wawanakapa: Ladán, Simí. ⁸ Ladán chachan wawanakapax kimsanïnwa: Jehiel, jupaw jilïrïna, Zetam, Joel. ⁹ Simí chachan wawanakapax kimsanïnwa: Selomit, Haziel, Harán. Jupanakaw Ladán chachat saraqir wawanakapan jilïripäna. ¹⁰ Simí chachan wawanakapax pusinïnwa: Jáhat, Ziza, Jeús, Beriá. ¹¹ Jáhat jupaw jilïrïna, payïrix Ziza; Jeús, Beriá, chachanakax janiw walja wawanïpkänti, ukat jupanakax jaqi jakthapïwin, mä awkit saraqirïpkaspa ukham jakhutapxänwa. ¹² Quehat chachan wawanakapax pusinïnwa: Amram, Ishar, Hebrón, Uziel. ¹³ Amram chachan wawanakapa: Aarón, Moisés. Aarón chachax Tatitun ajllitänwa, qullan waxt’äwinak luqtañapataki, Dios nayraqatan incienso nakt’ayañataki, luqtañataki, ukatsti aski arunak arsuñapataki, uka lurañanaksti Aaronampi, wawanakapampix wiñayatakiw lurapxañapäna. ¹⁴ Tatitunkir Moisés chachampi, jupat saraqir wawanakapampix Leví ayllur jakhutänwa. ¹⁵ Moisesan wawanakapax akanakänwa: Guersón, Eliézer. ¹⁶ Guersón chachan wawanakapatsti jilïrix Sebuel sutinïnwa. ¹⁷ Eliézer chachan nayrïr wawapax Rehabías satänwa, ukatsti janiw juk’amp wawanakanïkxänti; ukampis Rehabías chachax walja wawanakanïnwa. ¹⁸ Ishar chachan tayna wawapax Selomit sutinïnwa. ¹⁹ Hebrón chachan wawanakapax akanakänwa: Jerías tayna wawapa; payïrix Amarías; kimsïrix Jahaziel; pusïrix Jecamán. ²⁰ Uziel chachan wawanakapax akanakänwa: jilïrix Micaías, ukxarusti Isías. ²¹ Merarí chachan wawanakapa: Mahli, Musí. Mahli chachan wawanakapa: Eleazar, Quis. ²² Eleazar chachax jan yuqall wawanïsaw jiwxäna, imill wawanakapakiw utjäna, jupanakax jila masipampiw jaqichasipxäna, Quis chachan yuqanakapampi. ²³ Musí chachan wawanakapax kimsanïnwa: Mahli, Éder, Jeremot. ²⁴ Jupanakaw Leví chachat saraqir wawanakapaxa, wila masinakaparjama, wila masinakan jilïrinakapan sutitkam qillqantas jakthapitäkän ukhamarjama, pä tunka maranit amstaru, jupanakaw Tatitun utap lurañanakatakix utt’ayatäpxäna. ²⁵ Davidasti akham satayna: “Israelan Tatit Diosapax samarañ markaparux churi, ukatsti Jerusalén markaruw wiñay jakañatak ajllisi. ²⁶ Ukat levitanakax janiw juk’ampi Tatitun chhujllapsa, Tatitur yupaychañ qullan yänakapsa apnaqxapxaniti” sasa. ²⁷ Ukhamaw Davidan qhipa amtäwiparjama Leví chachat saraqir wawanakapax pä tunka maranit amstaru jakthapitäpxäna, ²⁸ ukatsti jupanakax Aarón chachat saraqir sacerdote wawanakapar jaysapxañapänwa, Tatitun utapan lurañanakana, qullan yänaka q’umachañanakana, ukhamarak yaqha lurañanak phuqhañanakana. ²⁹ Jupanakax siqiki uchatäki uka qullan t’ant’ata, waxt’äwi jak’uta, jan levaduran t’ant’ata, sartenar phayat waxt’äwita, chapuntat masata, taqi kun tupt’añanakat uñjañatak uchatäpxänwa. ³⁰ Ukhamarus Tatitun utapan sapüruw willjtat ukankapxañapäna, jayp’unakas Tatitur yuspagarañataki, yupaychañataki, ³¹ kunapachatix sábado urunakana, machaq phaxsi uruyäwinakana, wakiskir uruyäwinakan nakt’at waxt’äwinak Tatitur luqtapkän ukkhaxa, lurañanakaparjamaw Tatiturux luqtapxäna. ³² Jupanakarakiw Tatitump Jikisiñ Carpa, qullan chiqawja uñjapxäna, Tatitun utapan Aarón chachat saraqir wawanakapamp irnaqasa.

¹ Aarón chachat saraqir wawanakapax maykip lurañanakanïnwa. Aarón chachan wawanakapax Nadab, Abihú, Eleazar, Itamar jupanakänwa. ² Ukampis Nadab, Abihú jupanakax janïr awkipax jiwkän ukkhaw jiwxapxäna, janiw wawanakapax utjkänti, Eleazar, Itamar jupanakaw sacerdoten lurañanakap phuqhapxäna. ³ Davidasti Sadoc chachan yanapapampi, Eleazar, Ahimélec, Itamar chachanakat saraqir wawanakapampix lurañanakap maykip phuqhañatakiw jalanuqäna. ⁴ Ukampis Eleazar chachat saraqir yuqall wawanakapax Itamar chachat sipan waljanïtap amuyapxäna, ukhamasti Eleazar chachat saraqir wawanakapat suxta irpirinakakiw utjäna, Itamar chachat saraqir wawanakapat kimsaqallquniraki. ⁵ Maykip lurañanakap taqiniw suertetkam wakt’ayasipxäna, Eleazar chachat saraqir wawanakap tuqitsa, Itamar tuqitsa Diosan qullan yänakap apnaqirinakaw utjatayna. ⁶ Ukatsti Semaías qillqirixa, Natanael chachan yuqapa, levitanakat maynïrïnwa, jupaw reyin nayraqatapan sutinak qillqantäna: jilïrinakan sutinakapa, Sadoc sacerdoten sutipa, Abiatar chachan Ahimélec yuqapan sutipa, sacerdotenakan wila masi jilïrinakapan sutinakapa, levitanakan sutinakapa. Maykip lurañanakasti suertetkam apsutänwa, Eleazar chachat saraqir wawanakapatakix pä kuti lurañ wakt’ayapxäna, Itamar chachat saraqir wawanakapatakisti mä kutiraki. ⁷ Suertenak apsutarjamasti, maykip lurañanakax mayat pä tunka pusinkamax akhamaw wakt’äna: Joiarib Jedaías Harim Seorim Malquías Mijamín Cos Abías Jesús Secanías Eliasib Jaquim Hupá Jesebab Bilgá Imer Hezir Pisés Petahías Hezequiel Jaquín Gamul Delaías Maazías jupanaka. ¹⁹ Ukhamaw Tatitun utapan lurañatakix maykip jalanuqasipxäna, kunjämtix Israelan Tatit Diosapax Aarón chacha tuqi nayra awkinakapar siskatayna ukhamaru. ²⁰ Levitanakat qhiparapkän ukanakax akanakänwa: Subael, jupax Amram chachat saraqir wawapänwa; Jehedías, jupax Subael chachat saraqirïnwa; ²¹ Isías jupax, Rehabiasanakan jilïripänwa; ²² Selomot, jupax Ishar chachat saraqirïnwa; Jáhat, jupax Selomot chachat saraqirïnwa; ²³ Hebrón chachat saraqir wawanakapa: Jerías jupax nayrirïnwa; payïrix Amarías; kimsïrix Jahaziel; pusïrix Jecamán jupanakänwa. ²⁴ Ukankapxarakïnwa: Micaías, Uziel chachan yuqapa; Samir, Micaías chachan yuqapa; ²⁵ Isaías, Micaías chachan jilapa; Zacarías, Isaías chachan yuqapa; ²⁶ Merarí chachan Mahli, Musí, yuqanakapa; Jaazías chachan yuqanakapa, jupax Merarí chachan yuqaparakïnwa. ²⁷ Merarí chachat saraqir wawanakapasti, Jaazías tuqit jupan yuqapa: Sóham, Zacur, Ibrí; ²⁸ Mahli tuqitsti, Eleazar jupasti janiw wawanakanïkänti, ²⁹ ukatsti Quis; Jerahmeel, Quis chachan yuqapa; ³⁰ Musí chachan wawanakapa: Mahli, Éder, Jerimot. Jupanakaw levita wila masinakäpxäna. ³¹ Ukhamarakiw jupanakax suertetkam lurañanak jalanuqasipxäna, jilïrin wila masinakapasa, sullka jilan wila masinapasa, uka kipkarak Aarón chachat saraqir wawanakapan wila masinakapasa, uksti David reyina, Sadoc, Ahimélec, sacerdotenakan wila masipa jilïrinakana, levitanakan nayraqatapan lurapxäna.

¹ Uka qhipatsti Davidampi, Tatitun utap apnaqirinakan jilïrinakapampix Asaf chachan wawanakaparu, Hemán, Jedutún jupanakaruw aski luräwinak lurapxañapatak utt’ayapxäna, jupanakaw jutir urunakat arpampi, salteriompi, platillonakampi toct’asis yatiyapxäna. Ukanak luririnakan sutinakapasti akanakawa: ² Asaf chachan wawanakapata: Jacur, José, Netanías, Asarela. Asaf, jupan awkipaw reyin mayitaparjam jutir urunakat yatiyäna. ³ Jedutún chachan suxta wawanakapa: Guedalías, Serí, Isaías, Simí, Hasabías, Matatías. Jedutún awkipaw jupanakarux sarayäna, jutir urunakatsa yatiyäna, arpa toct’asis Diosar yuspagarasa, yupaychasaraki. ⁴ Hemán chachan wawanakapa: Buquías, Matanías, Uziel, Sebuel, Jeremot, Hananías, Hananí, Eliatá, Guidalti, Romamti-ézer, Josbecasa, Malotí, Hotir, Mahaziot. ⁵ Taqi jupanakaw Hemán chachan wawanakapänxa, reyin amuyt’ayir luqtiripänwa, kunjämtix Tatitux jupar wali ch’aman tukuyañat arskatayna ukhamaru; ukatsti Tatitux Hemán chachar tunka pusin yuqall wawampi, kimsa imill wawamp churäna. ⁶ Taqi jupanakarux awkipaw sarayäna, kunapachatix Tatitun utapan platillonakampi, salterionakampi, citaranakampi q’uchupkän ukkhaxa. Asaf, Jedutún, Hemán chachanakax reyin arsutaparjamaw sarnaqapxäna. ⁷ Suma yatxatat toct’irinakampi, Tatitur q’uchurinakampix pä patak kimsaqallq tunka kimsaqallqunïnwa. ⁸ Ukhamasti suertetkam maykip lurañatakix jalanuqasipxäna, jach’äpasa, jisk’äpasa, yatichirïpasa, yatiqirïpas taqiniruw wakt’äna. ⁹ Suertet apsusax mayat pä tunka pusinkamaxa, maykip lurañanakax akïrinakaruw wakt’äna: José Guedalías Zacur Isrí Netanías Buquías Jesarela Isaías Matanías Simí Azarel Hasabías Subael Matatías Jeremot Hananías Josbecasa Hananí Malotí Eliatá Hotir Guidalti Mahaziot Romamti-ézer jupanaka. Sapa mayni jupanakax jilanakapampi, wawanakapampix tunka payanïnwa.

¹ Punku uñjirinakat maykip uñjañatak jalanuqatax akhamänwa: Coreítas jaqinakata: Meselemías, Coré chachan yuqapa, jupax Ebiasaf chachan yuqapänwa. ² Meselemías chachan wawanakapa: Zacarías, jupax jilïrïnwa; payïrix Jediael; kimsïrix Zebadías; pusïrix Jatniel; ³ phisqïrix Elam; suxtïrix Johanán, paqallqürix Eliehoenai. ⁴ Obed-edom chachan wawanakapa: Semaías, jupax jilïrïnwa; payïrix Jozabad; kimsïrix Joah; pusïrix Sacar; phisqïrix Natanael; ⁵ suxtïrix Amiel; paqallqürix Isacar; kimsaqallqürix Peultai. Diosax Obed-edom chacharux walja wawanak churäna. ⁶ Obed-edom chachan Semaías yuqapax pä wawanïnwa, jupanakax aski chachanakätap laykux wila masinakaparuw apnaqapxäna. ⁷ Semaías chachan wawanakapa: Otní, Rafael, Obed, Elzabad, Elihú, Samaquías, jupanakasti aski chachanakänwa. ⁸ Taqi jupanakaw Obed-edom chachat saraqir wawanakapänxa, jupanakan wawanakapasa, jilanakapas aski amtañani ch’aman chachanakänwa. Obed-edom chachat saraqir wawanakapax taqpachanix suxta tunka payanïnwa. ⁹ Meselemías chachan wawanakapampi, jilanakapampix tunka kimsaqallqunïnwa, jupanakasti wali wakiskir jaqinakänwa. ¹⁰ Hosá chachan wawanakapa, Merarí chachat saraqirinaka: Simrí, jupax jilïr irpirïnwa, jupax janis jilïr wawäkchïn ukasa awkipax jilïrit uchäna; ¹¹ payïrix Hilquías; kimsïrix Tebalías; pusïrix Zacarías. Hosá chachan wawanakapampi, jilanakapampix taqpachanix tunka kimsanïnwa. ¹² Maykip punku uñjirinakan lurañanakapax akanakawa. Jupanakaru, uka kipkarak jilïrinakaparu, masinakaparus Tatitun utapan lurañanakaw wakt’äna. ¹³ Jupanakax punku uñjañatakix suertetkam wakt’ayasipxäna, ukaruw jilïrinakasa, sullkanakas mantapxäna. ¹⁴ Selemías chacharux suertetxa inti jalsu tuqinkir punku uñjañaw wakt’äna, amuyt’ayir Zacarías yuqaparusti amsta tuqinkir punku uñjañaw wakt’äna. ¹⁵ Obed-edom chacharux aynach tuqinkir punku uñjañaw wakt’äna, wawanakaparusti Tatitun utapan yänak imañ utanak uñjañaw wakt’arakïna. ¹⁶ Hosá chacharux inti jalanta tuqinkir Saléquet sat punku uñjañaw wakt’äna, uka punkux amsta tuqir makhatañ thakhinkänwa. Lurañanaksti akham lakinuqasipxäna: ¹⁷ Sapüruw suxta punku uñjirinakax inti jalsu tuqin utjäna, pusinix amsta tuqina, pusinix aynach tuqina, yänak imañ utanakatakisti paninkamaraki. ¹⁸ Inti jalsu tuqinkir uta anqäxanxa, thakhi tuqirux pusinïpxänwa, pachpa uta anqäxatakisti paninïpxänwa. ¹⁹ Ukhamaw punku uñjirinakan luräwinakapax Coré, Merarí chachanakat saraqir wawanakapar lakinuqatäna. ²⁰ Maynïr levitanakax Tatitun utapankir suma yänaka, qullan waxt’äwinak uñjañapatak uchatänwa. ²¹ Guersón, Jehiel chachanakat saraqir Ladán sat chachan wawanakapata, ²² Jehiel chachan wawanakapa, Zetam, Joel jilanakapan wawanakapax Tatitun utapankir suma yänak uñjañapatak utt’ayatänwa. ²³ Amram, Ishar, Hebrón, Uziel chachanakat saraqir wawanakapatsti, ²⁴ Sebuel chachaw qullqi katuñatak utt’ayatänxa, jupax Guersón, Moisés chachanakat saraqir wawapänwa. ²⁵ Eliézer tuqit wila masinakapax Eliézer chachan Rehabías yuqapänwa; Isaías ukasti Rehabías chachan yuqapänwa; Isaías, jupax Joram chachan yuqapa; Zicrí, jupax Joram chachan yuqapa; Selomit, jupax Zicrí chachan yuqaparakïnwa. ²⁶ Selomit chachampi jilanakapampix qullan yänakap imañ utanak uñjañatak utt’ayatänwa, uksti Davidampi, wila masinakan jilïrinakapampi, soldado tamanakan jilïrinakapampi, ejerciton jach’a jilïrinakapampix Tatituruw luqtapxatayna. ²⁷ Uka yänakax nuwasïwinakan jikxatatänwa, jupanakasti Tatitun utapatakiw katuyxapxäna. ²⁸ Ukhamarakiw ukankäna Samuel amuyt’ayirin luqtatapa, Saúl, Quis chachan yuqapa, Abner, Ner chachan yuqapa, Joab, Seruiá chachan yuqapan luqtatanakapasa. Taqi uka luqtatanakax Selomit chachampiru, jilanakapampir katuyatäxänwa. ²⁹ Ishar chachat saraqirinakaxa, Quenanías chachampi wawanakapampix Israel markat anqäxan jilïrinakjama, taripirinakjam utt’ayatänwa. ³⁰ Hasabías, jupax Hebrón chachat saraqirïnwa, jupan waranqa paqallq patakan wila masinakapaw utjäna. Taqiniw jan axsarir jaqinakapxäna, jupanakax Jordán jawirat inti jalanta tuqin jakir israelitanakaruw apnaqapxäna, Tatitutak taqi kun luräwinakana, ukhamarak reyir luqtañansa. ³¹ Kunapachatix David reyix pusi tunka mara marka apnaqkän ukkhaxa, Hebrón chachat saraqir wawanakapan sutinakap uñakipañatakiw mayïna. Reyix uka saraqir wawanak taypin Galaad chiqankir Jazer markan jan axsarir chachanakan utjatap yatïna. Hebrón chachat saraqir wawanakapan jilïr irpiripasti, Jerías chachänwa; ³² jupan wila masinakapamp chika, wakiskir chachanakampix pä waranqa paqallq patakanïnwa, wila masinakapan jilïripäpxarakïnwa. David reyisti jupanakarux Rubén, Gad, Manasés ayllunkir chikat jaqinakapar uñjañapatakiw utt’ayäna, ukhamaraki Diosataki, reyitaki lurañanakax utjki taqi ukanakana.

¹ Israelan ejercitopax tunka payan tamanakat utt’ayatänwa, jupanakarusti reyir luqtañax maran mä kutiw wakt’äna. Sapa tamasti pä tunka pusini waranqa chachanakat utt’ayatänwa, jupanak taypinsti wila masinakapan jilïrinakapa, ukhamarak ejerciton jilïrinakapaw utjäna. ² Nayrïr tamarux qallta phaxsin uñjañax wakt’äna: jilïripax Jasobeam chachänwa, jupax Zabdiel chachan yuqapänwa, ³ Fares chachat saraqir wawaparakïnwa, jupax taqi tamanakan jilïripan jilïripänwa, jupanakax qallta phaxsin uñjapxäna. ⁴ Payïr tamarux payïr phaxsin uñjañax wakt’äna: jilïripax ahohíta Dodai chachänwa. ⁵ Kimsïr tamarux kimsïr phaxsin uñjañax wakt’äna: jilïripax Benaías chachänwa, jupax Joiadá jilïr sacerdoten yuqapänwa, ⁶ jupasti kimsa tunka jan axsarir chachanakan jilïripänwa. Ukampis Amizabad yuqapaw uka tama sarayäna. ⁷ Pusïr tamarux pusïr phaxsin uñjañax wakt’äna: jilïripax Asael chachänwa, jupax Joab chachan jilapänwa. Jupa lantisti Zebadías yuqapäxänwa. ⁸ Phisqïr tamarux phisqïr phaxsin uñjañax wakt’äna: jilïripax izraíta Samhut chachänwa. ⁹ Suxtïr tamarux suxtïr phaxsin uñjañax wakt’äna: jilïripax Tecoa markankir Iqués chachan Irá yuqapänwa. ¹⁰ Paqallqür tamarux paqallqür phaxsin uñjañax wakt’äna: jilïripax pelonita Heles chachänwa, jupax Efraín chachat saraqir wawapänwa. ¹¹ Kimsaqallqüri tamarux kimsaqallqür phaxsin uñjañax wakt’äna: jilïripax Husá chiqankir Sibecai chachänwa, jupax Zérah chachat saraqir wawapänwa. ¹² Llätunkir tamarux llätunkir phaxsin uñjañax wakt’äna: jilïripax Anatot chiqankir Ebiézer chachänwa, jupax Benjamín chachat saraqir wawapänwa. ¹³ Tunkïr tamarux tunkïr phaxsin uñjañax wakt’äna: jilïripax Netofá chiqankir Maharai chachänwa, jupax Zérah chachat saraqir wawapänwa. ¹⁴ Tunka mayanïr tamarux tunka mayanïr phaxsin uñjañax wakt’äna: jilïripax Piratón chiqankir Benaías chachänwa, jupax Efraín chachat saraqir wawapänwa. ¹⁵ Tunka payanïr tamarux tunka payanïr phaxsin uñjañax wakt’äna: jilïripax Netofá chiqankir Heldai chachänwa, jupax Otoniel chachat saraqir wawapänwa. ¹⁶ Israel markan ayllunakapan jilïrinakapax akanakänwa: Rubén ayllutsti Eliézer, jupax Zicrí chachan wawapänwa; Simeón ayllutsti Sefatías, jupax Maacá chachan wawapänwa; ¹⁷ Leví ayllutsti Hasabías, jupax Quemuel chachan wawapänwa; Aarón chachat saraqir wawanakapatsti Sadoc chachänwa; ¹⁸ Judá ayllutsti Elihú, jupax Davidan jilapänwa; Isacar ayllutsti Omrí, jupax Micael chachan wawapänwa; ¹⁹ Zabulón ayllutsti Ismaías, jupax Abdías chachan wawapänwa; Neftalí ayllutsti Jarimot, jupax Azriel chachan wawapänwa; ²⁰ Efraín ayllutsti Oseas, jupax Azazías chachan wawapänwa; Manasés chikat ayllutsti Joel, jupax Pedaías chachan wawapänwa; ²¹ Galaad chiqankir maynïr chikat Manasés ayllutsti Idó, jupax Zacarías chachan wawapänwa; Benjamín ayllutsti Jaasiel, jupax Abner chachan wawapänwa; ²² Dan ayllutsti Azarel, jupax Jeroham chachan wawapänwa. Jupanakaw Israel markan ayllunakapan jilïrinakapänxa. ²³ Davidasti pä tunka maranit aynacharux janiw jakthapkänti, Tatituw juparux arsutayna israelitanakar alaxpachankir warawaranakjam waljaptayañataki. ²⁴ Joab chachasti jakthapiñ qalltäna, ukampis janiw tukuykänti, ukaw Israel markarux jan walt’añ apanïna. Ukat taqpach jakthapitax David reyin qillqatapan jan uñstkiti. ²⁵ Reyin qullqi katuripax Azmávet sat Adiel chachan yuqapänwa, Ozías chachan Jonatán yuqapasti pampanakana, markanakana, jisk’a markanakana, qurpanakan yänak imañ utanak uñjiritak uchatänwa. ²⁶ Yapuchirinakar uñjiritakix Ezrí sat Quelub chachan yuqapänwa. ²⁷ Uva yapunak uñjirix Ramat chiqankir Simí chachänwa, vino apthapis imirix Sefam chiqankir Zabdí chachänwa. ²⁸ Olivo alinaka, pampankir higos alinak uñjirix Guéder chiqankir Baal-hanán chachänwa, ukatsti aceite imañ utanak uñjirix Joás chachänwa. ²⁹ Sarón chiqankkän uka uywanak uñjirix Sitrai chachänwa, qhirwanakankkän uka uywanak uñjirix Adlai chachan Safat yuqapänwa. ³⁰ Camellonak uñjirix ismaelita Obil chachänwa, asnonak uñjirix Meronot chiqankir Jehedías chachänwa; ³¹ ovejanak uñjirix agareno Jaziz chachänwa. Taqi jupanakax David reyin yänakap apnaqirinakäpxänwa. ³² Jonatán, Davidan tiopax wali ch’ikhi, suma yatiñani, amuyt’ayir jaqïnwa, Jehiel sat Hacmoní chachasti reyin wawanakap uñjirïnwa. ³³ Ukhamarak Ahitófel chachax reyin amuyt’ayiripänwa, arquita Husai chachax reyitakix wali yanapänwa. ³⁴ Ahitófel chacha lantisti Joiadá, Benaías chachan yuqapampiru, Abiatar chachampiruw utt’ayapxäna. Reyin ejercitopan jilïripax Joab chachänwa.

¹ Davidax Jerusalén markan Israelankir jilïrinakaruw tantacht’äna: Ayllunakan irpirinakaparu, reyin luqtirinakapäpki uka soldadonakan jilïrinakaparu, soldado tamanakan jilïrinakaparu, reyin uraqinakapa, uywanakapa, wawanakap uñjirinakaru, wali aytat jaqinakaru, ukhamarak wali aytat soldadonakaru. ² Ukhamasti Davidax sayt’asisin säna: “Jilatanaka, nayan markaxa, ist’apxita: Nayax mä uta lurañ amtäyäta, uka chiqan Tatitun arust’äwi arcapan wiñayatak uchatäñapataki, ukhamaraki Diosasan qunuñap uchatäñapataki, uk lurañatakix niyaw wakicht’äyäta. ³ Ukampis Tatitux situwa: ‘Jumasti janiw nayatakix uta lurkasmati, jumax nuwasirïtawa, wilsa wartaraktawa’ sasa. ⁴ Ukampis Israelan Tatit Diosapax taqi wila masix taypit ajllisitu, Israel markan wiñayat apnaqañaxataki. Ukhamasti jupax Judá aylluruw apnaqañapatakix ajllisïna; Judá ayllutsti utankir wila masixaruw ajllisi; jilanakax taypitsti nayaruw Israel marka apnaqañaxatakix ajllisitu. ⁵ Jichhasti, Tatituw walja wawanak churitu, taqi wawanakax taypitsti, Tatitux Salomón wawaxaruw ajllisi, Israel markan sutipxar reyi qunuñan qunt’asiñapataki. ⁶ Tatitusti sarakituwa: ‘Salomón wawamaw nayan utaxa, uta anqäxsa lurarapitani, nayaw juparux wawaxat ajllista, nayasti jupatakix awkipäyäwa, ⁷ ukatsti jupan marka apnaqañap wiñayatakiw utt’ayä, jupatix kamachi arunakaxa, amtäwinakax phuqhañatak ch’amañchasini kunjämtix jichhürkam phuqhaski ukhama’ sasa. ⁸ “Jichhasti, taqpach Israel marka nayraqatana, Tatitun aka tantachäwipa, jiwasar ist’ir Tatitun nayraqatapana, Tatitu Diosaman kamachi arunakap imapxam, ukhamat aka suma uraqix jumanakankaskañapataki, ukatsti wawanakamarus wiñayatak tuti jaytawayxapxañamataki. ⁹ Jumasti, Salomón, munat wawaxa, awkiman Diosapar wasitat uñt’xam, ukatsti taqi chuymampi, suma amtampirak luqtam, Tatitusti taqi amuyunakas uñt’i, jiwasan amtäwinakasa, lup’ïwinakas uñt’araki. Ukhamasti jumatix jupar thaqtätaxa, jikxatätawa, ukampis jumatix jupar apanukütaxa, jupax wiñayatakiw apanukütam. ¹⁰ Jichhasti jumax amuyam, Tatituw jupan qullan utap lurañatak ajllistam. ¡Ch’amañchasim, ukatsti lurarakim!” sasa. ¹¹ Ukatsti Davidax Salomón yuqaparux plano churäna, Tatitun utapan punkupata, utanakapata, imaña utanakata, utanakapata, patäxa utanakapatsa, manqhïxa utanakapatsa, ukhamarak Qullanan Qullanap utatsa. ¹² Ukhamarus kunatix amuyupan utjkän uka amtäwi lurat churäna, Tatitun utap anqäxa lurayañataki, muytatäñapäki uka utanakataki, jila alani yänakataki, qullan waxt’äwi imañataki, ¹³ ukhamarak sacerdotenakana, levitanakan maykip lurañ utanakataki, Tatitun utapan taqi kunan lurañataki, uka kipkarak yupaychañatak utjki uka yänakataki. ¹⁴ Ukhamarak qurita, qullqit yänaka lurañatakix qursa, qullqsa waljpun churäna; ¹⁵ candeleronaka, lamparanak lurañataki, qurisa, qullqisa tupuparjam churatänwa; ¹⁶ uka pachparakiw qurita, qullqit lurat sapa maya mesanakatakix luräna, mesanak patxansti qullan t’ant’anakaw siqik uchatäñapäna. ¹⁷ Ukhamarus tenedoranakataki, jach’a qirunakataki, wayuchanakatakix quri churäna, ukhamarak kunayman jisk’a qirunak lurañatakix qursa, qullqsa tupuparjamaw churäna. ¹⁸ Ukhamarak incienso altaratakix suma quri churäna, uka kipkarak Tatitun arust’äwi arcap apañ carretataki, arcaru chhiqhanakapampi imt’ki uka querubines satanak lurañatakis quri churarakïna. ¹⁹ Taqi akanaksti Tatitun uñacht’ayataw Davidax mä qillqañar qillqantäna, ukanwa kunjäm lurañäkitix taqi ukanak wali sum qhanañchäna. ²⁰ Ukhamasti Davidax Salomonarux sänwa: “¡Ch’amañchasim, ukatsti lurañarurak uskusim! ¡Jan mayjt’asimti, janirak axsaramsa, Tatitu Diosaxaw jumampïskani! Tatitux jupan utap lurañ tukuyañkamax janiw jaytjkätamti, janirakiw armaskätamsa. ²¹ Akankiw Tatitun utapan sacerdotenakana, levitanakan maykip lurañanakapaxa, taqi kun lurañatakix yatxatatanaka, yanapirinakaw utjani; jilïrinakasa, markasa juman arsutanakamarjamaw sarnaqapxani” sasa.

¹ Uka qhipatsti David reyix tantacht’at jaqinakaruw säna: “Tatitux Salomón wawaxarukiw ajllisi, jupax wawa waynakïskiwa, ukampis lurañax wali jach’awa, lurañasti janiw jaqitaki uta lurañäki ukhamakïkiti, jan ukasti Tatit Diosatak uta lurañawa. ² Taqi ch’amaxampiw kunatix wakiski ukanak Tatituxan utapatakix wakt’ayta: quri, qullqi, bronce, hierro, lawa, sapa mayatakix yaqha yaqha. Ukhamarak cornalina qala, lip’suyañ qala, mosaico qalanaka, kunayman munkañ qalanaka, walja janq’u qalanaka. ³ Ukampis kunanaktix Tatitun utapatak wakt’aykta ukanakat sipansa, Diosaxan utapar munasitax laykux qurixsa, qullqixsa, uraqixsa uka utatakiw katuyta: ⁴ pataka waranqa kilo suma quri, pä patak kimsa tunkani waranqa kilo suma qullqi, ukanakax utanakan pirqap lip’ikipayañataki. ⁵ Taqpach qurisa, qullqisa kunatix munaski uk lurañataki, ukhamarak kunayman yänak amparampi luririnakax lurañapataki. Jichhasti, ¿khitis chuymapatjam Tatitun utap lurañatak churañ muni?” sasa. ⁶ Ukhamasti wila masinakan jilïrinakapa, Israel markan ayllunakapat irpirinakapa, soldado tamanakan jilïrinakapa, reyitaki irnaqapki ukanakan jilïrinakapas churäwinak churapxäna, ⁷ jupanakasti Tatitun utap lurañatakix patak suxta tunka phisqan waranqa kilo quri, tunka waranqa qurit lurat qullqinaka, kimsa patak kimsa tunkan waranqa kilo qullqi, niya suxta pataka waranqa kilo bronce, kimsa waranqan waranqapa kimsa patakan waranqa kilo hierro churapxäna. ⁸ Ukhamarak khitinakatix suma munkañ qalanakanïkän ukanakas Tatitun utap lurañatakiw churapxäna, taqi uka yänak uñjañapatakix Guersón chachat saraqir Jehiel wawapaw utt’ayatänxa. ⁹ Jaqinakasti taqi uka yanapanakat wal kusisipxäna, taqi ukanak Tatiturux taqi chuymampiw churapxäna. David reyis wal kusisirakïna. ¹⁰ Ukhamasti Davidax taqi jaqinak nayraqatan Tatiturux akham yuspagaräna: “¡Tatay, Israel awkixan Diosapa, wiñayatak qullanätawa! ¹¹ ¡Tatay, jach’a kankañasa, ch’amanïñasa, jach’ar aptatäñasa, apnaqañasa, munañanïñasa jumankiwa! Kunatix alaxpachana, akapachansa utjki ukax jumankiwa. Ukhamarak aka markas jumankiwa, ukampis Tatitu, jumaw taqi ukanakat jilïrïtaxa. ¹² Qamirïñasa, jach’ar aptatäñas jumat juti. Jumaw taqi ukanak apnaqta. Ukatsti ch’amasa, munañanïñ kankañas amparamankiwa, jach’ar aptatäñasa, munañan kankañ churañas amparamankarakiwa. ¹³ Nanakan Diosaxay, ukat yuspagarapxsma, jach’a sutimsa jach’aruw aptapxta; ¹⁴ ukampisa, ¿kunarakït nayasti, kunarak markaxasti walja yänak jumar churañatakisti? Chiqpachansa taqi kunaw jumat juti, ukatsti kuntix jumat katuqapksma ukak churapxaraksma. ¹⁵ Juman nayraqatamanxa jaya markankir sarir jaqikïpxtwa, kamisatix nayra awkinakaxax sarir jaqikïpxäna ukhama, nanakan jakäwinakaxas aka uraqin mä ch’iwir uñtatakiwa, jan kuna suyt’añani. ¹⁶ “¡Tatay, nanakan Diosaxay, taqi kunas jumankiwa, jumat taqi aka jilarkir yänakax juti, mä uta qullan sutimxar lurañatakiw wakichapxta! ¹⁷ Diosaxay, nayax yattwa, jumaw chuymanak uñt’taxa, jumatakix chiqa kankañaw askixa. Ukat chiqa chuymampix taqi akanak chursma. Jichhasti kusisitaw uñjarakta markamax akan tantacht’atäsina, munasiñ chuymampiw waxt’äwinak churapxtam. ¹⁸ Tatay, Abraham, Isaac, Israelan nayra awkinakaxan Diosapa, aka amtäwi markaman chuymapan utjayam, juma tuqir chuymap uñtayarakim. ¹⁹ Ukhamarak Salomón wawaxarux suma chuyma churarapita, kamachinakama, arsüwinakam jupan phuqhañapataki, ukatsti jumatak uta lurañapataki, nayax ukatakiw taqi kun wakichta” sasa. ²⁰ Ukxarusti Davidax tantacht’at jaqinakarux sänwa: “Jichhasti Tatit Diosamar yupaychapxam” sasa. Ukhamasti tantacht’at jaqinakax taqiniw nayra awkinakapan Tatit Diosaparux yupaychapxäna, ukatsti Tatitutakisa, reyitakisa killt’asisaw alt’apxäna. ²¹ Qhipürusti Tatiturux wilañchanaka, nakt’äwinak luqtapxäna: waranqa vaca qallunaka, waranqa mä maran urqu ovejanaka, waranqa urqu ovejanaka, sapa mayax vino waxt’äwinakamp kuna, Israel markataki walja wilañchanakampi. ²² Khä urusti Dios nayraqatan wali kusisitaw manq’apxäna, umapxarakïna. Uka qhipatsti payïr kutin David chachan Salomón yuqaparux reyit utt’ayapxäna, ukatsti juparux jach’a jilïrjam Tatiturux luqtapxäna, Sadoc chacharusti sacerdotjam luqtapxarakïna. ²³ Ukhamaw Salomonax David awkip lanti Tatitun markap apnaqañ qunuñapan qunt’asïna, taqi kunan nayrar sartäna, Israel markas taqiniw juparux ist’äna. ²⁴ Ukatsti taqi jilïrinaka, taqi nuwasirinaka, Davidan taqpach wawanakapampix Salomón reyiruw yanapapxäna. ²⁵ Tatitusti Israel marka nayraqatan Salomonarux jach’aruw aptäna, marka apnaqäwipsti muspharkañ tukuyäna, ukhamsti jupat nayra janipuniw Israel markan kawkïr reyis jupjamax utjkänti. ²⁶ David, Jesé chachan yuqapax taqpach Israel marka apnaqäna. ²⁷ Jupasti pusi tunka maraw Israel markan reyipäna, Hebrón markansti paqallqu mara, Jerusalén markansti kimsa tunka kimsan mararaki. ²⁸ Jupax wali chuyman tuqiruw jiwxäna, walja maranakani, walja yänakani, aytat kankañampi phuqt’ata. Jupa lantisti Salomón yuqapaw marka apnaqxäna. ²⁹ David reyin sarnaqäwipax qalltat tukuykamax Samuel profetana, Natán profetana, Gad amuyt’ayiri profetan sarnaqäwinakapan qillqatawa, ³⁰ ukhamarak marka apnaqäwipata, munañanïñapata, kunanakatix jupampi, Israel markampi, mayni markanakampix luraskäna ukanakampit qillqantatarakiwa.