12345678910111213141516171819202122232425262728
12345678910111213141516
123456789101112131415161718192021222324
123456789101112131415161718192021
12345678910111213141516171819202122232425262728
12345678910111213141516
12345678910111213141516
12345678910111213
123456
123456
1234
1234
12345
123
123456
1234
123
1
12345678910111213
12345
12345
123
12345
1
1
1
12345678910111213141516171819202122

Akaka a Tatsu a

Yahaya

Ukuna u katagarda ka nam pa

Yahaya u ɗanai akaka a wawaꞋa a tatsu a kubana u uma kakau. Akaka a nam pa, a tatsu, u danai wi ta̱ a kuɗanaka Gayu, ka̱ja̱Ꞌa̱ ka̱ ni ka singai. Gayu vuza vu Kutoni ɗa vuza na kpamu u ɓa̱nka̱i aza o Kutoni n a̱bunda̱i a ayin a nan lo.

Yahaya u ɗanakai Gayu n kucikpa yi adama tsu na u ɓa̱nka̱i nlum u na mi a kuyaꞋan kuyotsongusu ku mayun. U yaꞋin kadanshi kpamu n Dayofi, vuma vu na vi iwain kuɓa̱nka̱ aza a na i o kuyotsongusu ili i mayun.

Ana Yahaya u danai tsu ukuna u uma e re a nam pa, u nekei tsu agisana a̱ ma̱riki ma singai m ma gbani-gbani. U laꞋa ta̱ n kugaꞋan ci ɗika ma̱riki ma singai.

Ili i na yi punu udariki a katagarda ka nam pa

1. Ikya̱shi a kubana u Gayu (1-4)

2. UgaꞋin u kuyaꞋan ulinga koɓolo (5-12)

3. Ikya̱shi yu ukocishi (13-15)

1

Ikya̱shi

1Mpa Yahaya, mokoshi ma gba̱ra̱, n ɗanaka ta̱ ka̱ja̱Ꞌa̱ ka̱ va̱ Gayu akaka a nam pa. N ciga wu ta̱ adama a na ci ta̱ o kutono ili i mayun.

2Ka̱ja̱Ꞌa̱ ka̱ va̱, mi ta̱ a kavasa ili ra̱ka̱ yo okpo mayin n avu, ka̱ta̱ kpamu ikyamba i nu i yaꞋan m ma̱ta̱na̱ uteku u na n yevei ka̱ɗu ka̱ nu ki. 3N yaꞋan ta̱ ma̱za̱nga̱ ana aza o Kutoni o yoku a̱ ta̱wa̱i, ɗa a danai mu ukuna u mayun u wuma u nu n uteku u na vi o kutono uye u mayun. 4N ci yaꞋan ta̱ ma̱za̱nga̱ tutu m pana baci muku n va̱ mi ta̱ o kutono uye u mayun. Ili yi lo i na i laꞋi nannai n uyoꞋo ba.

UgaꞋin u kuyaꞋan ulinga koɓolo

5Ka̱ja̱Ꞌa̱ ka̱ va̱ ku ucigi, u gaꞋan ta̱ uteku u na vi a̱ kuɓa̱nka̱ nlum ma aza o Kutoni, ali n aza a na i yevei ba. 6A dana ta̱ aza o Kutoni ukuna wu ucigi u nu. N folono wu ta̱ vu ɓa̱nka̱ le a uye u na Ka̱shile ka kupana uyoꞋo, a lyaꞋa baci kelime n nwalu n le. 7A laza ta̱ a kubana nwalu n le adama a kuyaꞋanka Kishi tsugbashi. A ci isa ili wa aza a na a̱ kpa̱ɗa̱i kuneke a̱ɗu ba, ko kenu. 8Adama a nannai, a̱tsu a̱ ka̱ci ka̱ tsu tsu ɓa̱nka̱ le ci ciya̱ ci yaꞋan ulinga koɓolo n ele adama a ili i mayun.

9N ɗanaka ta̱ aza o Kutoni akaka kenu; amma Dayofi, vuza na u cigai wo okpo vuza vi kelime vi le, u panaka tsu ba. 10N ta̱wa̱ baci, mi ta̱ a̱ kutuka̱ nu nsata mi ili i yoku i na wi a kuyaꞋan, koɓolo n i gbani-gbani i na wi a kudansa adama a̱ tsu. Ili i na i laꞋi ra̱ka̱ i ɗaɗa, u ci iwan ta̱ kurabasa nlum ma aza o Kutoni n nan lo a̱ ta̱wa̱ baci. Ali u tsu sa̱nka̱ ta̱ aza a na a ci ciga kurabasa le, ka̱ta̱ u loko aza a na a ci ciga kurabasa le va wu uta̱ka̱ punu a̱Ꞌisa̱ a aza o Kutoni.

11Ka̱ja̱Ꞌa̱ ka̱ va̱, ka̱ta̱ vu tono ili i na yi i gbani-gbani ba; tono i na yi i singai. Vuza na u yaꞋin kasingai vuza vu Ka̱shile ɗa. Amma vuza na u yaꞋin kagbani-gbani, ka̱ta̱ u yeve Ka̱shile ba. 12Yaba dem u tsu dansa ta̱ ili i singai adama a Dimitiriya, kuyongo ku ma̱riki ku ni ta na ku yotsongu yi ta̱ ili i na uma a danai derere ɗa. Ci yaꞋan ta̱ kadanshi ku usuɓi feu adama a̱ ni, i yeve ta̱ ta na ili i na tsu danai mayun ɗa.

Kadanshi ku ukocishi

13Mi ta̱ n ili n a̱bunda̱i i na n cigai kudana wu, amma n ciga n ɗana i ɗa e kepepa ba. 14N keɗe ta̱ a̱pa̱Ꞌa̱ a na me kene wu babu megeshe, ka̱ta̱ ci yaꞋan kadanshi a̱shi n a̱shi.

15N vasa ta̱ Ka̱shile ka zuwaka wu una̱singai m ma̱ta̱na̱! A̱ja̱Ꞌa̱ a̱ nu a na i punu na i ta̱ ikya̱shi i nu. N folono wu ta̱ vi kya̱sa̱ a̱ja̱Ꞌa̱ a̱ tsu dem a na i lo n ula e le.1:15 A̱ ubuta̱ u yoku yi ta̱ e kene akaka a o kotsoi a kabaꞋin ka 14, a̱ ubuta̱ u yoku tamkpamu o kotsoi a kabaꞋin ke 15. Kadanshi ka na ki punu dem ke te kaꞋa, ilamba i ɗaɗa a̱ ubuta̱ u yoku i ci yaꞋan kakau.